ប្រែសម្រួល៖ស្រីនិច សិង្ហបុរី៖ ការធ្វើទារុណកម្ម។ សូម្បីតែធ្វើអត្តឃាត។ នេះ​ជា​ជោគវាសនា​មួយ​ចំនួន​ដែល​ត្រូវ​បាន​គេ​ចោទ​ថា​បាន​ធ្លាក់​ទៅ​លើ​អតីត​រដ្ឋមន្ត្រី​ការ​បរទេស​ចិន Qin Gang នេះ​បើ​តាម​ការ​រាយការណ៍​របស់​ប្រព័ន្ធ​ផ្សព្វផ្សាយ​លោក​ខាង​លិច ចាប់​តាំង​ពី​ការ​បណ្តេញ​លោក​ចេញ​ពី​តំណែង​ភ្លាមៗ​កាល​ពី​ខែ​កក្កដា​កន្លង​ទៅ។ ការអះអាងចុងក្រោយបំផុតដោយកាសែត Washington Post ដែលដកស្រង់ប្រភពគឺមានភាពធូរស្រាល – ថាលោក Qin នៅមានជីវិត ប៉ុន្តែត្រូវបានទម្លាក់ពីការងារបោះពុម្ពកម្រិតទាប។ នេះ​ត្រូវ​បាន​ប្រព័ន្ធ​ផ្សព្វផ្សាយ​ហុងកុង​បដិសេធ​យ៉ាង​ឆាប់​រហ័ស ដោយ​លើក​ឡើង​ពី​ប្រភព​ផ្ទាល់​ខ្លួន។ ក្រុមអ្នកវិភាគនិយាយថា ការរំពឹងទុករបស់លោកខាងលិចដែលកើនឡើងលើឋានៈរបស់លោក Qin ត្រូវបានផ្សារភ្ជាប់យ៉ាងជិតស្និទ្ធទៅនឹងភូមិសាស្ត្រនយោបាយ ជាពិសេសការកើនឡើងនៃភាពតានតឹងរវាងសហរដ្ឋអាមេរិក និងចិន ដែលបានមើលឃើញភាគីទាំងពីរមានជម្លោះលើបញ្ហាដូចជាពាណិជ្ជកម្ម តៃវ៉ាន់ ក៏ដូចជាសង្គ្រាមក្តៅរវាងរុស្ស៊ី និងអ៊ុយក្រែន និងអ៊ីស្រាអែល និងក្រុមហាម៉ាស។ លោក Einar Tangen មន្ត្រីជាន់ខ្ពស់នៅ Taihe ដែលមានមូលដ្ឋាននៅទីក្រុងប៉េកាំង បាននិយាយថា “វេទិកាលោកខាងលិចទាំងនេះអាចកំពុងព្យាយាមបង្វែរការយកចិត្តទុកដាក់ពីបញ្ហាសំខាន់ៗផ្សេងទៀត ដូចជាជម្លោះដែលកំពុងបន្តនៅអ៊ុយក្រែន និងតំបន់ហ្គាហ្សា ដែលអាចបង្ហាញពន្លឺអវិជ្ជមានដល់សហរដ្ឋអាមេរិកខ្លួនឯង។ គាត់បានប្រាប់ CNA ថា “ដោយផ្តោតលើប្រទេសចិន ពួកគេផ្លាស់ប្តូរការត្រួតពិនិត្យចេញពីបញ្ហាទាំងនេះ” ។ ខណៈពេលដែលអ្នកសង្កេតការណ៍កត់សម្គាល់ថា ភាពស្ងៀមស្ងាត់របស់ទីក្រុងប៉េកាំងលើលោក Qin បានរួមចំណែកដល់ការផ្ទុះពាក្យចចាមអារ៉ាម ពួកគេចង្អុលបង្ហាញថា វាគឺជាភាពស្រអាប់យ៉ាងខ្លាំងដោយភាគី […]

ប្រែសម្រួល៖រតនា លោក វ្ល៉ាឌីមៀ ពូទីន ប្រធានាធិបតីរុស្ស៊ីចូលចិត្តតាំងខ្លួនឯងជាបុរសខ្លាំងប៉ុន្តែនៅក្នុងការដោះស្រាយវិបត្តិថ្មីៗរបស់គាត់នៅក្នុងប្រទេសបានបង្ហាញពីបុគ្គលិកលក្ខណៈរបស់គាត់ជាមនុស្សខ្សោយមិនច្បាស់លាស់ក្នុងការឆ្លើយតបភ្លាមៗទៅនឹងការវាយលុកឆ្លងកាត់ព្រំដែនរបស់យោធាអ៊ុយក្រែន។ នៅក្នុងរយ:ពេលត្រឹមតែមួយថ្ងៃកន្លះបន្ទាប់ពីទាហានអ៊ុយក្រែនបានវាយលុកឆ្លងកាត់វាលស្មៅបៃតងដ៏ធំទូលាយស្ទើរតែគ្មានការរារាំងហើយក្បួនយោធាអ៊ុយក្រែនបានរុលទៅមុខយ៉ាងលឿនទៅកាន់តំបន់ Kursk ភាគខាងត្បូងប្រទេសរុស្សី។ លោក វ្ល៉ាឌីមៀ ពូទីន ប្រធានាធិបតីរុស្ស៊ីបានហៅការលុកលុយនេះថាជា “ការបង្កហេតុដ៏ធំ” ហើយបានចោប្រកាន់យោធាអ៊ុយក្រែនថាបានបាញ់ប្រហារទៅលើជនស៊ីវិល។ ប្រាំថ្ងៃបន្ទាប់ពីការលុកលុយទើបមានការឆ្លើយតបខាងយោធាបណ្តាលឲ្យរុស្សីបាត់បង់មណ្ឌលតាំងទីលំនៅជិត ៣០។ ពូទីន មិនបានចុះទៅតំបន់ទាំងនោះដើម្បីជួបជនភៀសខ្លួនរាប់ម៉ឺននាក់របស់គាត់និងប្រកាសច្បាប់អាជ្ញាសឹកនៅតាមតំបន់ទាំងនោះទេ។លោកពូទីនបានធ្វើឲ្យមានការកត់សម្គាល់ជាសាធារណៈលើកដំបូងអំពីការគ្រប់គ្រងវិបត្តិដ៏ច្របូកច្របល់ថាពិតជាមានបញ្ហា។ យោងតាមបទពិសោធកន្លងមកបានបង្ហាញថាបន្ទាប់ពីការវាយប្រហារភេរវកម្មនៅសាលប្រគុំតន្ត្រី Crocus City ក្នុងទីក្រុងមូស្គូកាលពីខែមីនា លោកពូទីនបានចំណាយពេលច្រើនជាង ២៤ ម៉ោងដើម្បីនិយាយទៅកាន់ប្រជាជាតិរុស្សីតែលោក ពូទីន មិនដែលទៅមើលកន្លែងវាយប្រហារភេរវកម្ម ឬទៅជួបអ្នករស់រានមានជីវិតនៅក្នុងមន្ទីរពេទ្យនោះទេ។ ក្រោយមកនៅពេលដែល Evgeny Prigozhin ដែលជាអ្នកដឹកនាំក្រុមទាហានស៊ីឈ្នួល Wagner បានចាប់ផ្តើមការបះបោរហើយត្រូវបានរំសាយកាលពីខែមិថុនាឆ្នាំមុន ការឆ្លើយតបរបស់លោក វ្ល៉ាឌីមៀ ពូទីនមានសភាពមិនស៊ីចង្វាក់គ្នានោះទេ។ បន្ទាប់ពីគាត់ធ្វើការរិះគន់ឧបទ្ទវហេតុនេះថាជា “អំពើក្បត់ជាតិ” លោកពូទីនបានពន្យារពេលអស់ពីរថ្ងៃទើបចេញមកថ្លែងការណ៏ជាសាធារណៈ។ បន្ទាប់មកគាត់បានអញ្ជើញ Prigozhin ឲ្យផឹកតែនៅវិមានក្រឹមឡាំង។ ពីរខែក្រោយមក Prigozhin បានស្លាប់នៅក្នុងការធ្លាក់យន្តហោះប្រកបដោយអាថ៌កំបាំងបំផុតនៅលើទឹកដីរុស្ស៊ី។ នៅក្នុងឆ្នាំ ២០១៧ តុលាការសិទ្ធិមនុស្សអ៊ឺរ៉ុបបានរកឃើញថាអាជ្ញាធររុស្ស៊ីបរាជ័យក្នុងការធ្វើសកម្មភាពតាមដានដើម្បីប្រមូលផ្តុំព័ត៌មានជាមុនអំពីការវាយប្រហារភេវរកម្មដែលជិតមកដល់ដោយសារតែកិច្ចប្រតិបត្តិការសេវាសន្តិសុខ “មិនមានបទដ្ឋាននិងខ្វះការដឹកនាំច្បាស់លាស់”។ Boris Bondarev អតីតអ្នកការទូតរុស្ស៊ីដែលបានលាលែងពីតំណែងកាលពីពីរឆ្នាំមុនបានធ្វើការតវ៉ាជុំវិញសង្គ្រាមនៅអ៊ុយក្រែនហើយបានរស់នៅក្រៅប្រទេសបានប្រាប់ CNN ថា […]

ប្រែសម្រួល៖រតនា នៅទីបំផុតកាលពីថ្ងៃសុក្រអ្នកស្រី Paetongtarn Shinawatra ត្រួវបានសភារបស់ប្រទេសថៃបានបោះឆ្នោតផ្តល់សច្ចាប័នតែងតាំងជានាយករដ្ឋមន្ត្រីវ័យដ៏ក្មេងបំផុតរបស់ប្រទេសថៃ។ ការផ្តល់សច្ចាប័នដោយសភារបស់ប្រទេសថៃដល់អ្នកស្រី Paetongtarn Shinawatra អាយុ ៣៧ ឆ្នាំជាកូនរបស់អតីតមេដឹកនាំ លោក Thaksin Shinawatra បានធ្វើឡើងពីរថ្ងៃបន្ទាប់ពីតុលាការធម្មនុញ្ញរបស់ប្រទេសនេះបានបណ្តេញអតីតនាយករដ្ឋមន្ត្រីលោកSrettha Thavisinចេញពីតំណែងដ៏គួរឲ្យភ្ញាក់ផ្អើល។ អ្នកស្រីPaetongtarn ទទួលបានសំឡេងគាំទ្រ ៣១៩ នៅក្នុងសភាតំណាងរាស្រ្ត បន្ទាប់ពីត្រូវបានតែងតាំងជាបេក្ខភាពតែមួយគត់ដោយក្រុមចម្រុះចំនួន១១គណបក្សដែលកំពុងកាន់អំណាចរួមគ្នាជាមួយបក្សភឿថៃ ដើម្បីជំនួស លោក Srettha Thavisinនាយករដ្ឋមន្ត្រីផុតអាណត្តិ។ អ្នកស្រី Paetongtarn Shinawatra ត្រូវរង់ចាំការយល់ព្រមនិងតែងតាំងជាផ្លូវការពីព្រះមហាក្សត្រ Maha Vajiralongkorn នៅមុនពេលដែលនាងចូលកាន់តំណែងជាផ្លូវការ និងតែងតាំងគណៈរដ្ឋមន្ត្រីថ្មីមួយ។ តាមរយ:គោលនយោបាយប្រជានិយមរបស់លោក Thaksin Shinawatra ដែលជាឥស្សរជនដ៏មានឥទ្ធិពលបំផុតរបស់ប្រទេសថៃផ្តោតទៅលើ សេដ្ឋកិច្ចបានអនុញ្ញាតឲ្យគាត់បង្កើតក្បាលម៉ាស៊ីននយោបាយដ៏មានសក្តានុពលដែលគាត់បានដឹកនាំប្រទេសថៃអស់រយៈពេលពីរទសវត្សរ៍កន្លងមក បើទោះបីជាគាត់ត្រូវបានបណ្តេញចេញពីអំណាចដោយរដ្ឋប្រហារកសលពីឆ្នាំ ២០០៦ ក៏ដោយ។ Paetongtarn Shinawatra ដែលជាកូន​ស្រី​ពៅ​របស់​លោកលោក Thaksin Shinawatra ​នឹង​ក្លាយ​ជា​នាយក​រដ្ឋមន្ត្រីដែលជា​ស្ត្រី​ទី​ពីរ​បន្ទាប់​ពី​ម្តាយ​មីង​របស់​នាង​លោកស្រី Yingluck Shinawatra ដែល​ជា​ប្អូន​ស្រី​របស់​លោក Thaksin Shinawatra។ កាលពីថ្ងៃសុក្រPaetongtarn Shinawatraបានថ្លែងទៅកាន់អ្នកយកព័ត៌មាននៅឯទីស្នាក់ការគណបក្សក្នុងទីក្រុងបាងកកដោយអ្នកស្រីបានថ្លែងអំណរគុណដល់អ្នកគាំទ្រហើយបាននិយាយថាគាត់ “មានកិត្តិយសណាស់” […]

ប្រែសម្រួល៖ រតនា ការវាយបកទម្លុះព្រំដែនរុស្ស៊ី របស់អ៊ុយក្រែនគឺជាការរំលឹកដល់លោក Vladimir Putin នៅក្នុងឆ្នាំនេះដែលបានធ្វើឲ្យគាត់បានដឹងខ្លួនថា អ៊ុយក្រែនបានមើលឃើញនូវចំណុចខ្សោយដ៏ពិតប្រាកដរបស់គាត់។ គួរំលឹកថានៅពេលដែលទាហានរុស្ស៊ីបានវាយចូលក្នុងតំបន់ Kharkiv កាលពីពីរខែមុន កម្លាំងក្រុង Kyiv កំពុងសម្លឹងមើលភាពចន្លោះប្រហោងនៅតាមព្រំដែនរបស់រុស្សី ដោយសិក្សារកមើលថាតើរុស្សីអាចដឹងអំពីទីតាំងដែលងាយរងគ្រោះរបស់ខ្លួននៅត្រង់ណាខ្លះហើយរៀបចំយុទ្ធសាស្ត្រការពារខ្លួនដូចម្តេចខ្លះ។ តែផ្ទុយទៅវិញ យោធាអ៊ុយក្រែនទំនងជាបានរកឃើញទីតាំងដែលងាយរងគ្រោះរបស់រុស្សីនៅលើផែនទីបន្ទាប់មកក៏បើកការវាយឆ្មក់ទម្លុះព្រំដែនចូលជ្រៅទៅក្នុងទឹកដីរបស់រុស្សីដែលជាយុទ្ធសាស្រ្តមួយបង្វែរស្ថានការសឹកឲ្យធ្លាក់ចំពីលើក្បាលក្រុងមូស្គូតែម្តង។ កិច្ចប្រតិបត្តិការរបស់យោធាអ៊ុយក្រែនបានឈានចូលដល់មួយសប្តាហ៍ហើយមិនថាលទ្ធផលចុងក្រោយក្លាយទៅជាយ៉ាងណានោះទេ។ ការវាយលុយរបស់អ៊ុយក្រែននៅលើទឹកដីរុស្ស៊ីបានបង្កឲ្យមានការងឿងឆ្ងល់ថាប្រហែលជារុស្សីមានការរង្គោះរង្គើផ្ទៃក្នុង នៅក្នុងការសម្រេចចិត្តបញ្ជូនទ័ពរាប់ពាន់នាក់ទៅកាន់តំបន់ Kursk និងលើសពីនេះ គឺកំពុងជម្រុញឲ្យអ៊ុយក្រែនទាញយកផលប្រយោជន៏កាន់តែច្រើនឡើងថែមទៀតនៅក្នុងកាល:ទេស:បែបនេះ។ កាលពីខែមិថុនាកន្លងទៅទាហានស៊ីឈ្នួលរបស់ក្រុម Wagner បានវាយលុកចូលទៅក្នុងតំបន់ Rostovរបស់អ៊ុយក្រែន។ តែឥឡូវនេះគឺជាកងយោធាផ្ទាល់របស់អ៊ុយក្រែន ដែលកំពុងតែវាយរុលទៅមុខនៅក្នុងទឹកដីរុស្សីដែលពួកគេទំនងជាចង់កាន់កាប់ទឹកដីនៅតាមបណ្តោយព្រំដែនទំហំ ១,០០០ គីឡូម៉ែត្រក្រឡា។ ក្រុមអ្នកវិភាគស្ថានការណ៏សឹកនៅចុងសប្តាហ៍នេះបានដាក់តួលេខថាប្រហែលជាមួយភាគបីនៃទឹកដីនៅតាមបណ្តោយព្រំដែនត្រូវបានវាយកាន់កាប់ដោយយោធាអ៊ុយក្រែន។ មេបញ្ជាការអ៊ុយក្រែន Oleksandr Syrskyi បានអះអាងថាមានសេចក្តីរាយការណ៏ជាច្រើននិយាយអំពីប្រតិបត្តិការសឹករបស់យោធាអ៊ុយក្រែននៅលើទឹដីរុស្សីបើទោះបីជាទីក្រុងម៉ូស្គូព្យាយាមបិទបាំងពីប្រជាជនក្នុងស្រុករបស់ខ្លួនក៏ដោយ។ ក្នុងអំឡុងពេលទស្សនកិច្ចទៅកាន់ទីក្រុង Kyiv កាលពីថ្ងៃចន្ទសមាជិកព្រឹទ្ធសភាជើងចាស់មកពីគណបក្សសាធារណរដ្ឋ Lindsey Graham និងសមាជិកព្រឹទ្ធសភាគណបក្សប្រជាធិបតេយ្យអាមេរិក លោក Richard Blumenthal បានហៅប្រតិបត្តិការឆ្លងព្រំដែនរបស់យោធាអ៊ុយក្រែនថាជាការវាយចូល “ជាប្រវត្តិសាស្ត្រ”។ ការវាយលុកឆ្លងព្រំដែនលឿនដូចផ្លេកបន្ទោររបស់យោធាអ៊ុយក្រែនគឺជាឧទាហរណ៍សម្រាប់ជាបទពិសោធមួយថ្មីទៀតក្នុងការចល័តទ័ពនៅក្នុងសង្គ្រាមបើធៀបនឹងយោធារុស្សីមានចលនាយឺតយ៉ាវនៅរយៈពេលជាច្រើនខែដោយជាប់គាំងនៅលើទីតាំងតែមួយដដែល។ គេនៅមិនទាន់ដឹងច្បាស់ទេថាតើកងកម្លាំងអ៊ុយក្រែនកំពុងឈរជើងនៅលើទីតាំងណាខ្លះនៅឡើយទេ។ បើយោងតាមវីដេអូដែលលេចធ្លាយបានបង្ហាញថាវាស្ថិតនៅឆ្ងាយៗជាប់តាមបណ្តោយព្រំដែនរបស់រុស្ស៊ីប្រហែល ២៨ ម៉ាយពីព្រំដែន។ ចំណែកខាងប្រព័ន្ធផ្សព្វផ្សាយរបស់រុស្ស៊ីបានបង្ហាញពីកង្វះតម្លាភាពហើយព្យាយាមបិទបាំងព័ត៌មានពិតប្រាកដពីជួរមុខរួមទាំងអភិបាលក្រុង Kursk ក៏បានលាក់បាំងព័ត៌មានស្តីពីស្ថានការណ៏ដ៏ច្របូកច្របល់នៅក្នុងតំបន់នេះផងដែរ។ […]

ដោយ៖ Sebastian Shukla, CNN ការសម្រេចចិត្តរបស់លោក វ្ល៉ាឌីមៀ ពូទីនក្នុងការដកលោកSergei Shoigu រដ្ឋមន្ត្រីការពារជាតិយូរឆ្នាំចេញពីមុខតំណែង រួមទាំងការចាប់ខ្លួនបុគ្គលិកជាន់ខ្ពស់របស់គាត់ចំនួន ៥ នាក់គឺមិនមែនជារឿងធម្មតា នោះទេ។បន្ទាប់ពីការដកចេញពីតំណែងកាលពីពីរសប្តាហ៍មុន លោក Sergei Shoigu អតីតរដ្ឋមន្ត្រីការពារជាតិគេសង្កេតឃើញថារលកនៃការចាប់ខ្លួនបានធ្វើឲ្យឡើងកម្តៅនៅក្នុងក្រសួងការពារជាតិ ដែលលោកពូទិនបានយកលេសថាកំចាត់អំពើពុករលួយ។ ព្រឹត្តិការណ៏នេះបានធ្វើឲ្យមានការចាប់អារម្មណ៍យ៉ាងខ្លាំងចំពោះការចាប់ខ្លួននិងការរុះរើសមាសភាពកំពូលៗនៅក្នុងក្រសួងការពារជាតិ បន្ទាប់ពីរងបរាជ័យជិតបីឆ្នាំនៅក្នុងសមរភូមិអ៊ុយក្រែន។ រុស្ស៊ីទើបតែមានឧត្តភាពយោធាលើអ៊ុយក្រែននៅក្នុងប៉ុន្មានសប្តាហ៍ថ្មីៗនេះ ដោយបានបើកការវាយលុកដ៏ជោគជ័យមួយនៅភាគខាងជើងឆ្ពោះទៅកាន់ Kharkov រួមជាមួយនឹងជ័យជម្នះនៅក្នុងតំបន់ Donbas នៅភាគខាងកើតផងដែរ។ ការថយចុះនៃការផ្គត់ផ្គង់គ្រាប់រំសេវនិងកង្វះខាតកម្លាំងយោធារបស់អ៊ុយក្រែនដោយសារតែបញ្ហាជាប់គាំងជាច្រើនខែនៅក្នុងសភាអាមេរិកលើកញ្ចប់ជំនួយយោធាជាគឺជាឱកាសល្អសម្រាប់កងទ័ពរុស្ស៊ីក្នុងការផ្លាស់ផ្តូរស្ថានការណ៏នៅលើសមរភូមីជួរមុខ។ ឥឡូវនេះហេតុអ្វីបានជាឈ្នះសង្គ្រាមនៅក្នុងពេលកំពុងតែមានភាពរង្គោះរង្គើក្នុងក្រសួងការពារជាតិ? អ្នកវិភាគបានប្រាប់អ្នកយកព័ត៌មាន CNN ថាការបោសសម្អាតក្រសួងការពារជាតិដែលជាស្ថាប័នបង្កប់អំពើពុករលួយគឺជាអាទិភាពរបស់ពូទិនបើទោះបីធ្វើឲ្យមានភាពរង្គោះរង្កើយ៉ាងណាក៏ដោយ។ រុស្ស៊ីមានកិច្ចសន្យាយោធាដែលមានតម្លៃជាទឹកប្រាក់ដ៏ច្រើនសន្ធឹកសន្ធាប់ដែលមេយោធារុស្សីកំពូលៗ កឹបកេងប្រាក់ពីកិច្ចសន្យាទាំងនោះហើយរដ្ឋរុស្សីបានបង្ហាញអំពីការប្រព្រឹត្តអំពើពុករលួយរបស់ពួកមន្ត្រីកំពូលៗទាំងនោះជាសាធារណៈតាមបណ្តាញផ្សព្វផ្សាយ។ ដូចដែលអ្នកវិភាគម្នាក់បានប្រាប់ CNN ថា អ្វីដែលយើងកំពុងតែមើលឃើញគឺជា”ការផ្លាស់ផ្តូរនយោបាយដឹកនាំដ៏ស្មុគស្មាញមួយរបស់ពូទិន” ដែលជាអាទិភាពរបស់គាត់ដើម្បីយកជ័យជំនះលើលោកខាងលិច។ សារ Prigozhinហោះចេញពីផ្នូរ ការដកតំណែងឬការរង្គោះរង្គើច្របូកច្របល់ទាំងនេះហាក់ដូចជាសាររបស់ខ្មោច Yevgeny Prigozhin មេទាហានស៊ីឈ្នួល Wagner តាមលងដែលពីមុនត្រូវបានគេដឹងថាជា “ចុងភៅរបស់ពូទីន” ។ពីព្រោះនៅមុនពេលគាត់ស្លាប់ គាត់បានបង្ហាញអំពីភាពស្អប់ខ្ពើមចំពោះលោក Shoigu និងឧត្តមសេនីយកំពូលរបស់រុស្ស៊ី Valery Gerasimov ដែល Prigozhin […]

គេសង្កេតឃើញថា ប្រធានាធិបតីតៃវ៉ាន់ថ្មីលោកLai Ching-teបានចេញសារនយោបាយបញ្ឆេះកំហឹងក្រុងប៉េកាំងដោយលោកបានរំលឹកពីអាជីពនយោបាយរបស់គាត់ថាខ្លួនគាត់ជា “កម្លាំងចលករប្រកបដោយសក្តានុពលដើម្បីពង្រឹងឯករាជ្យភាពតៃវ៉ាន់” ។ ចាប់តាំងពីដើមយុទ្ធនាការបោះឆ្នោតប្រធានាធិបតីកាលពីឆ្នាំមុន ក្រុងប៉េកាំងបានចាត់ទុកលោកLai Ching-te ថាជា “ជនបង្កបញ្ហា” ដែលគាំទ្រឯករាជ្យភាពតៃវ៉ាន់ហើយបានព្រមានថាវានឹងនាំមកនូវសង្រ្គាមដល់តៃវ៉ាន់។ សុន្ទរកថានៅក្នុងពិធីសម្ពោធឡើងកាន់តំណែងរបស់គាត់កាលពីថ្ងៃចន្ទ ទី ២០ ឧសភា លោក Lai បានព្យាករពីចក្ខុវិសសម្រាប់កោះតៃវ៉ាន់ដោយមានទំនុកចិត្ត លើនយោបាយអន្តរជាតិ និងប្តេជ្ញាពង្រឹងកម្លាំងទ័ពដើម្បីរកសាសន្តិភាព និងវិបុលភាពរបស់តៃវ៉ាន់ មិនត្រឹមតែនៅក្នុងតំបន់ប៉ុណ្ណោះទេក៏ប៉ុន្តែសម្រាប់ពិភពលោកផងដែរ។ ជ័យជម្នះរបស់លោក Lai ក្នុងការបោះឆ្នោតកាលពីខែមករា បានផ្តល់អាណត្តិប្រធានាធិបតីលើកទីបីដល់គណបក្សវឌ្ឍនភាពប្រជាធិបតេយ្យ (DPP)នេះគឺជាជោគជ័យដ៏គួរឲ្យកត់សម្គាល់ដែលបក្សវឌ្ឍនភាពប្រជាធិបតេយ្យ (DPP)តៃវ៉ាន់បានបន្តកាន់អំណាចជាបន្តបន្ទាប់ពីTsai Ing-wen រហូតមកដល់លោក Lai។ ក្រោមការដឹកនាំរបស់លោកស្រី Tsai តៃវ៉ាន់មានការរីកចម្រើនជាមួយនឹងអន្តរកម្មសកលប្រកបដោយវិជ្ជមានដែលទទួលបាននូវកំណើនសេដ្ឋកិច្ចដ៏គួរឱ្យកត់សម្គាល់បើយោងតាមទិន្នន័យចុងក្រោយបង្អស់បានបង្ហាញថាមានចំនួន ៦.៥១ ភាគរយពីមួយឆ្នាំទៅមួយឆ្នាំនៅក្នុងត្រីមាសទីមួយ។ លោកស្រី Tsai បានចាកចេញពីតំណែងដោយមានការវាយតម្លៃខ្ពស់ជាងប្រធានាធិបតីពីររូបមុនៗ។ ក្នុងនាមជាអនុប្រធានរបស់លោកស្រី Tsai អស់រយៈពេលបួនឆ្នាំមកនេះ លោក Lai កំពុងសម្លឹងទាញយកប្រយោជន៍ពីសន្ទុះដែលមានស្រាប់ដើម្បីឈានទៅសម្រេចឲ្យបានជោគជ័យសម្រាប់តំណែងប្រធានាធិបអាណត្តិទីបីបន្ទាប់ពីពីរអាណត្តិរបស់Tsai Ing-wen។ជាពិសេសនៅក្នុងទំនាក់ទំនងជាមួយប្រទេសចិន គឺជាធាតុផ្សំដ៏ធំនៃកេរដំណែលដែលលោក Lai បានទទួលការគាំទ្រពីអ្នកបោះឆ្នោត ហើយសុន្ទរកថារបស់គាត់បានបង្ហាញពីចេតនាច្បាស់លាស់មួយនៅក្នុងការរក្សាស្ថានភាពនយោបាយអន្តរជាតិឲ្យនៅដដែល។ • យន្តការផ្សះផ្សារអាចគ្រប់គ្រាន់ដែឬទេ? នៅក្នុងសុន្ទរកថារបស់លោក Lai គាត់បានបញ្ជាក់យ៉ាងច្បាស់ហើយថា […]

ប្រែសម្រួល៖រតនា ក្រុងហាណូយៈ ​នៅ​ថ្ងៃ​ពុធ ទី២២ ឧសភានេះ លោក To Lam មេប៉ូលិសជាតិត្រូវបានសភា​វៀតណាមផ្តល់សច្ចប័នដល់ការតែងតាំង​ជា​ប្រធានាធិបតី​ដែល​អ្នក​វិភាគ​សិន្នដ្ឋាន​ថា​ជា ​ជំហាន​មួយ​ សម្រាប់​លោក Lam ប្រកួតប្រជែងយក​តំណែង​ប្រធាន​បក្ស​កុម្មុយនិស្តដែលជារតំណែងដ៏​កំពូល​របស់​ប្រទេស​នៅពេល​ខាងមុខ។ ការបោះឆ្នោតរបស់សភា​វៀតណាមដើម្បីផ្តល់សច្ចប័នដល់ការតែងតាំងលោក Lam ធ្វើឡើងបន្ទាប់ពីការស្នើសុំតែងតាំងគាត់កាលពីថ្ងៃចន្ទដោយប្រធានរដ្ឋសភាវៀតណាមគឺលោក Tran Thanh Man ដែលជាអតីតឧបនាយករដ្ឋមន្ត្រី។ អ្នកវិភាគយល់ឃើញថាការចាកចេញរបស់មេដឹកនាំកំពូលទាំងប្រាំរបស់វៀតណាមកាលពីពីរខែមុននោះមានមេដឹកនាំចំនួនបីរូបមិនត្រូវបានគេបញ្ជាក់ជុំវិញការប្រព្រឹត្តខុសរបស់ពួកគេនោះទេ។ បើយោងតាមច្បាប់របស់រដ្ឋឯកបក្សមួយនេះដែលមានការគ្រប់គ្រងដោយបក្សកុម្មុយនិស្តយ៉ាងតឹងរ៉ឹងបំផុតនោះលោក Lam ​បានឆ្លងកាត់ការបោះឆ្នោតជ្រើសរើសបេក្ខភាពជាមុនដោយបក្សកុម្មុយនិស្តកាលពីសប្តាហ៍មុនដោយសម្ងាត់ហើយគាត់បានក្លាយជាបេក្ខជនតែមួយគត់សម្រាប់សភា​វៀតណាមផ្តល់សច្ចប័នដល់ការតែងតាំងគាត់​ជា​ប្រធានាធិបតី។ ​នៅក្នុងថ្ងៃពុធ ទី២២ ឧសភា សមាជិកសភាវៀតណាមបានបោះឆ្នោតជាឯកច្ឆ័ន្ទជ្រើសតាំងលោក Lam ​ជា​ប្រធានាធិបតី​វៀតណាម ។ ក្នុងនាមជាប្រមុខនៃក្រសួងសន្តិសុខសាធារណៈ លោក Lam អាយុ ៦៦ ឆ្នាំគឺជាតួអង្គស្នូលនៅក្នុងយុទ្ធនាការបង្រ្កាបអំពើពុករលួយដែលត្រូវបានគេគិតថាជា “រងើកភ្លើងឆេះងំ” ដើម្បីលុបបំបាត់អំពើពុករលួយនៅទូទាំងប្រទេស ក៏ប៉ុន្តែក៏ត្រូវបានអ្នករិះគន់មើលឃើញថាការបង្រ្កាបនេះគឺជាឧបករណ៍ខាងផ្លូវនយោផងដែរមានន័យថាបំបិទសម្លេង​​ប្រឆាំង​នៅក្នុង​ពេល​មាន​ជម្លោះ​នយោបាយផ្ទៃក្នុងបក្សកុម្មុយនិស្តវៀតណាម។ ការបង្រ្កាបអំពើពុករលួយគឺជាលេសដើម្បីធានាឲ្យមានទំនុកចិត្តវិនិយោគិនបរទេស ដែលភាគច្រើនបានកាត់បន្ថយការកាន់កាប់មូលបត្ររបស់ពួកគេក្នុងរយៈពេលប៉ុន្មានខែថ្មីៗនេះ ដោយសារតែទទួលបានព័ត៌មានមិនសូវល្អលើផ្នែកនយោបាយដឹកនាំដែលជះឥទ្ធិពលដល់រដ្ឋបាលសាធារណៈរួមទាំងជំនួយបរទេសរាប់ពាន់លានដុល្លារ និងមូលនិធិសាធារណៈដែលមិនត្រូវបានចំណាយស្របតាមល័ក្ខណ្ឌនិងគោលការណ៏។ បន្ទាប់ពីជាប់ឆ្នោតជា​ប្រធានាធិបតី លោក Lam បានប្តេជ្ញានៅចំពោះមុខសមាជិកសភាថា លោកនឹង “បន្តធ្វើការតស៊ូប្រឆាំងនឹងអំពើពុករលួយ” ប្រកាន់ជហររឹងមាំដោយឥតងាករេ។ ប្រធានាធិបតី​មាន​តួនាទី​​ធំ​ក្នុង​ពិធីការទូតហើយជា​តំណែង​នយោបាយ​កំពូល​មួយ​ក្នុង​ចំណោម​មុខ​តំណែង​នយោបាយ​កំពូល​ទាំង​បួន​របស់​ប្រទេស ដែល​គេ​ហៅ​ថា “សសរស្តម្ភ​ទាំង​បួន”ដូចជា​ប្រធាន​បក្ស នាយក​រដ្ឋមន្ត្រី […]

ប្រែសម្រួល៖ស-សម្បត្តិ អ្នកជំនាញបាននិយាយថា ការស្លាប់របស់ប្រធានាធិបតីអ៊ីរ៉ង់ Ebrahim Raisi នៅក្នុងការធ្លាក់ឧទ្ធម្ភាគចក្រកាលពីថ្ងៃអាទិត្យ ១៩ ឧសភា ទំនងជាមិនជះឥទ្ធិពលខ្លាំងដល់ស្ថិរភាពនយោបាយរបស់ប្រទេសនេះនោះទេ ក៏ប៉ុន្តែអាចនឹងបង្កឲ្យធ្លាក់ទៅក្នុងវិបត្តិនយោបាយជាបន្តបន្ទាប់។ យោងតាមការវិភាគរបស់ លោក Nader Hashemi សាស្រ្តាចារ្យរងនៃសាកលវិទ្យាល័យ Georgetown នៃមជ្ឈិមបូព៌ា និងនយោបាយអ៊ីស្លាដែលបានលើកឡើងថា “ លោក Ayatollah Ali Khamenei មេដឹកនាំសាសនាដ៏កំពូល ដែលគេសន្មត់ថា Ayatollah Ali Khamenei គឺជាឥស្សរជននយោបាយដ៏មានឥទ្ធិពលបំផុតនៅក្នុងប្រទេសអ៊ីរ៉ង់គឺមិនមែនប្រធានាធិបតីនោះទេ” ។ លោក Hashemi បានប្រាប់ CNA របស់ Asia First កាលពីថ្ងៃអង្គារថា “ ប្រធានាធិបតីRaisi ត្រូវបានគេចាត់ទុកថាជាអាយ៉ងរបស់មេដឹកនាំកំពូល Ayatollah Ali Khamenei ហើយការបោះឆ្នោតរបស់គាត់នៅឆ្នាំ ២០២១ គឺជាការរៀបចំដោយរបបនេះ” ។ លោក Hashemi បាននិយាយថា ” Ayatollah Ali Khamenei […]

ប្រែសម្រួល៖ ស-សម្បត្តិ ការធ្វើអន្តរាគមន៍របស់ Levin បានធ្វើឲ្យគាត់ប្រឈមមុខនឹងភាពឯកោនៅក្នុងគណបក្សសាធារណរដ្ឋដូចជា Rep. Marjorie Taylor Greene ដែលបានគម្រាមបណ្តេញលោកប្រធានសភា Mike Johnson ប្រសិនបើគាត់បន្តធ្វើវិក្កយបត្រដើម្បីស្ដារជំនួយដល់ អ៊ុយក្រែន។ លោក Johnson បានប្រកាសថា យើងនឹងការពារសេរីភាពហើយនឹងធ្វើឲ្យលោក Vladimir Putin មិនដើរកាត់អឺរ៉ុបឡើយយើងត្រូវតែប្រាប់ទៅកាន់ពូទីន ស៊ីជិនពីង និងអ៊ីរ៉ង់ និងកូរ៉េខាងជើង និងអ្នកណាផ្សេងទៀតក៏ដោយថាយើងត្រូវតែការពារសេរីភាព”។ អតីតសហសេវិក Fox News លោក Tucker Carlson បាននិយាយថាក្រុមស្តាំនិយមជ្រុលរបស់លោកស្រី Greene និង Levin បាននិយាយថា សង្រ្គាមនៅអ៊ុយក្រែនគឺជា “ជម្លោះមួយនៅក្នុងប្រទេសដ៏សែនឆ្ងាយដែលយើងមិនដឹងអំពីរនយោបាយស៊ីជម្រៅរបស់ពួកគេ” ដូចដែលនាយករដ្ឋមន្រ្តីចក្រភពអង់គ្លេស Neville Chamberlain បាននិយាយអំពីប្រទេសឆេកូស្លូវ៉ាគីក្នុងឆ្នាំ ១៩៣៨យ៉ាងដូច្នោះដែរ ។ពួកគេនាំគ្នាបម្រើ”មនុស្សល្ងង់” ដូចជាប្រធានាធិបតីរុស្ស៊ី វ្ល៉ាឌីមៀ ពូទីនដែលជាអ្នកបន្តវេណរបស់ស្តាលីន។អ្នកនាំពាក្យក្រសួងការបរទេសលោក Matthew Miller បានចង្អុលបង្ហាញថាឆុតឆាកសង្រ្គាមរុស្ស៊ីគឺពឹងផ្អែកទាំងស្រុងលើធនធានសេដ្ឋកិច្ចដ៏ធំរបស់សាធារណរដ្ឋប្រជាមានិតចិន។ យើងមើលឃើញក្នុងរយៈពេលប៉ុន្មានខែកន្លងមកនេះមានសម្ភារផ្លាស់ប្តូរពីប្រទេសចិនទៅរុស្ស៊ី។ ដែល បង្ហាញខ្លួននៅលើសមរភូមិក្នុងប្រទេសអ៊ុយក្រែនលោក Miller បានប្រាប់អ្នកយកព័ត៌មាន […]

ប្រែសម្រួល៖ស-សម្បត្តិ កាលពីថ្ងៃពុធ ទី២០ មីនាកន្លងមកនេះ គណៈកម្មាធិការមជ្ឈិមបក្សកុម្មុយនិស្តវៀតណាមបានប្រកាសជាផ្លូវការថា ខ្លួនបានសម្រេចលើការលាលែងចេញពីតំណែងរបស់ប្រធានាធិបតី Vo Van Thuong ទាំងក្នុងរដ្ឋាភិបាល និងក្នុងមជ្ឈិមបក្សកុម្មុយនិស្តវៀតណាមជាផ្លូវការរួចរាល់ហើយ។ រដ្ឋសភា​វៀតណាមបាន​បើក​សម័យ​ប្រជុំ​វិសាមញ្ញ​បិទទ្វារមួយកាល​ពី​ថ្ងៃ​ព្រហស្បតិ៍ ​ដើម្បី​បោះឆ្នោត​កំបាំងមុខជា​ផ្លូវ​ការ​លើ​ការ​លាលែង​ពី​តំណែង​របស់​លោក​ Vo Van Thuong ដែល​បានកាន់អំណាចក្នុង​រយៈពេលត្រឹម​តែ​មួយ​ឆ្នាំ​ជា​ប្រធានាធិបតី​។ លោកThuong ត្រូវ​បាន​ជាប់សង្ស័យថា​មាន​ពាក់​ព័ន្ធ​នឹង​រឿង​អាស្រូវ​ពុករលួយ​ជាមួយ​នឹង​ក្រុមហ៊ុន​អភិវឌ្ឍ​អចលន​ទ្រព្យ​ក្នុង​ស្រុកហៅថា Phuc Son ដែល​បច្ចុប្បន្ន​កំពុង​ត្រូវ​បានតុលាការ​កាត់​ទោសក្រោមការចោទ​ប្រកាន់លើបទ​​ពុក​រលួយ​ផ្សេង​ៗ​គ្នា។ យោងតាមប្រភពក្រៅផ្លូវការដែលទុកចិត្តបានឲ្យដឹងថាក្នុងអំឡុងពេលដែលគាត់នៅជាលេខាបក្សខេត្ត Quang Ngai ចាប់ពីឆ្នាំ២០១១ ដល់ ២០១៤ សាច់ញាតិម្នាក់ក្នុងចំណោមសាច់ញាតិរបស់លោក Thuong បានទទួលប្រាក់សំណូកចំនួន ៦០ ពាន់លានដុងស្មើនឹង ២.៤ លានដុល្លារអាមេរិក ពីក្រុមហ៊ុន Phuc Son ដែលគេសង្ស័យថាសម្រាប់សូកប៉ាន់លោក Thuong ដើម្បីជាសាគុណ។ ការចាកចេញពីតំណែងរបស់លោក Thuong ក្នុងលក្ខណ្ឌមួយមិនច្បាស់លាស់ផ្នែកនយោបាយនៅក្នុងប្រទេសវៀតណាម។ គិតចាប់តាំងពីសមាជជាតិលើកទី ១៣ របស់បក្សកុម្មុយនិស្តវៀតណាមនៅដើមឆ្នាំ ២០២១ មានការបណ្តេញចេញ និងការកាត់ទោសមន្ត្រីថ្នាក់ខ្ពស់ជាច្រើន រួមទាំងសមាជិកការិយាល័យនយោបាយមជ្ឈិមបក្សកុម្មុយនិស្តវៀតណាមចំនួនបួនរូបដែលរួមមទាំងលោក Thuong ដែលជាអ្នកស្នងតំណែងបន្តពីលោក Nguyen Xuan […]