ប្រែសម្រួល៖តារា joeyកូនសត្វកង់ហ្គូរូដ៏កម្រមួយក្បាលដែលបានកើតនៅក្នុងខែធ្នូ២០២៣ កន្លងទៅហើយត្រូវបានសហភាពអន្តរជាតិសម្រាប់ការអភិរក្សធម្មជាតិចាត់ទុកថាជាសត្វកម្រជិតផុតពូជសម្រាប់ការអភិរក្សធម្មជាតិតាំងពីឆ្នាំ ១៩៩៦នោះ ឥឡូវនេះត្រូវបានគេសង្កេតឃើញថាវាបានចេញពីថង់ពោះរបស់ម្តាយវា។ នៅក្នុងពេលចាប់កំណើតកូនសត្វកង់ហ្គូរូឈ្មោះថា joey មានទំហំប៉ុនដុំចាហួយ ហើយការអភិវឌ្ឍរាងកាយរបស់វាគឺនៅក្នុងថង់ពោះរបស់ម្តាយវា។ បុគ្គលិកសួនសត្វបានឲ្យដឹងថា Joeys មិនងើបក្បាលចេញពីថង់ពោះរបស់មេវាអស់រយៈពេលប្រហែល ៧ ខែ។ វាគឺជាប្រភេទសត្វទីពីរដែលកើតនៅក្នុងសួនសត្វ Bronx របស់អាមេរិក ចាប់តាំងពីឆ្នាំ ២០២១ មក។អ្នកទស្សនាអាចមើលឃើញ joey និងម្តាយរបស់វានៅក្នុងកន្លែងតាំងពិពណ៌  របស់សួនសត្វ  ។ វាត្រូវបានគេជឿថា ជាពូជសត្វកង់ហ្គូរូដែលមានមែកធាងក្នុងអំបូ Matschie ដែលមានចំនួនប្រហែល ២,៥០០ ក្បាលតែប៉ុណ្ណោះដែលនៅសេសសល់ក្នុងព្រៃ នៅលើទឹកដីកំណើតរបស់ពួកវាគឺ នៅតំបន់អាហ្វ្រិកខាងលិច។ នៅក្នុងខែសីហា ឆ្នាំ ២០២២ សត្វកង់ហ្គូរូអំបូ Matschie បានកើតនៅក្នុងសួនសត្វ San Diego Zoo Safari សហរដ្ឋអាមេរិកវាជាលើកទីពីរហើយដែលប្រភេទសត្វកង់ហ្គូរូដ៏កម្រនេះបានចាប់កំណើតនៅក្នុងសួនសត្វ៕

កែប÷ រយ:ពេល៦ខែដើមឆ្នាំ២០២៤ ខេត្តកែបដែលមានសក្តានុពលចម្បងផ្នែកវិស័យទេសរណ៍បានទទួលភ្ញៀវចូលមកលេងកម្សាន្ត និងស្នាក់នៅប្រមាណជាង៨១ម៉ឺននាក់។ លោក សោម ចិន្តា ប្រធានមន្ទីរទេសចរណ៍ខេត្តកែបបានប្រាប់ឲ្យដឹងថា អំឡុងឆមាសទី១ឆ្នាំ២០២៤ ខេត្តកែបបានទទួលភ្ញៀវទេសចរមកលេងកម្សាន្ត និងស្នាក់នៅប្រមាណជាង៨១ម៉ឺននាក់។ ក្នុងនោះទេសចរបរទេសមានជាង១ម៉ឺននាក់។ ចំនួននេះបានកើនឡើងប្រមាណ១៧,២០ភាគរយបើប្រៀបធៀបនឹងឆមាសទី១ឆ្នាំ២០២៣។ លោកប្រធានមន្ទីរបានបញ្ជាក់ថា បច្ចុប្បន្ន ខេត្តកែបមានគោលដៅទាក់ទាញទេសចរ និងរមណីយដ្ឋានគ្រប់ប្រភេទ៤២កន្លែង។ មណ្ឌលកម្សាន្តទាំងនោះបានបែងចែកជា៤តំបន់ធំៗ រួមមាន តំបន់ក្រុងកែបចាស់ តំបន់អង្កោល តំបន់ភ្នំវល្លិ និងតំបន់ប្រជុំកោះដែលជាជម្រើសដ៏សម្បូរបែបសម្រាប់ភ្ញៀវ។ ក្នុងបំណងរក្សា ក៏ដូចជាជំរុញឲ្យមានកំណើនទេសចរ រដ្ឋបាលខេត្តកែបបានយកចិត្តទុកដាក់អំពីសន្តិសុខ សណ្តាប់ធ្នាប់សាធារណៈ ពង្រឹង និងពង្រីកហេដ្ឋារចនាសម្ព័ន្ធ ព្រមទាំងបញ្ហាអនាម័យបរិស្ថាន សោភ័ណភាពទីក្រុង សួនច្បារ ឆ្នេរខ្សាច់កម្សាន្ត និងតំបន់កោះជាដើម៕

ដោយ៖តារា តារាសិចស៊ីពិតរបស់អាមេរិកអាយុ ២៦ ឆ្នាំ នាង KYLIE Jenner ទំនងជាបានដោះខោជើងវែងចេញហើយទៅថតរូបនៅលើវាលខ្សាច់។ រូបភាពដ៏ស្រើបស្រាលទាំងនេះបានធ្វើឲ្យអ្នកដែលបានឃើញពីរូបសម្រស់ចាប់ពីល្វែងលើមកដល់ល្វែងក្រោមរបស់នាងជាពិសេសគឺប្រុសៗបានលួចសរសើរពីនាងមិនដាច់ពីមាត់ទេ៕

ប្រែសម្រួល៖ស្រីស្រស់ ហ្វូង​មនុស្ស​​បាន​សម្រុក​ទៅ​ច្រាំង​សមុទ្រ​កាល​ពី​ថ្ងៃ​សុក្រ ដើម្បី​ទស្សនាការហាត់សម​មុន​​ការ​សម្តែងប្រចាំ​ឆ្នាំ Blue Angels នៅ Jones Beach។កងអនុសេនាធំទ័ពជើងទឹកសហរដ្ឋអាមេរិកបាន ហាត់សមនៅមុនការតាំងពិពណ៌យន្តហោះ Bethpage នៅថ្ងៃសៅរ៍ និងថ្ងៃអាទិត្យ នៅឧទ្យានរដ្ឋញូវយ៉កនៃមាត់សមុទ្រ។ ទីភ្នាក់ងារNewsday បានរាយការណ៍ថា ហ្វូងមនុស្សចំនួន១០៦,០០០ បានប្រមូលផ្តុំគ្នាកាលពីថ្ងៃសុក្រ បានផ្អើលទៅមើលយន្តហោះចម្បាំងដែលបានបំបែកកំណត់ត្រាកាលពីឆ្នាំមុនដែលមានមនុស្ស ៦៧,០០០ នាក់ដែលបានចេញមកទស្សនាការហាត់សមសាកល្បង។ អ្នក​គាំទ្រ​បាន​និយាយ​ថា បើទោះ​ជា​មាន​ការចូលរួមយ៉ាងណា​ក៏ដោយ ក៏​ហ្វូង​មនុស្ស​នៅ​តែ​តិច​ជាង​ថ្ងៃដែល​​ផ្សាយចេញ​ពិតៗ។ កងយន្តហោះ F-35C របស់កងទ័ពជើងទឹក និង F/A-18 Hornet របស់ Blue Angels បានហោះសមលើឆ្នេរ ហើយក្រុមអ្នកលោតឆត្រយោងត្រូវបានគេមើលឃើញថាបានលោតពីរយ:កម្ពស់ ១៣,០០០ ហ្វីត។ ការហាត់សមនេះមានរយៈពេលពីរថ្ងៃបូករួមទាំងការហាត់សមដែលទាក់ទាញមនុស្សចំនួន ៤១៩,០០០ នាក់ នេះបើយោងតាមមន្ត្រីឧទ្យាន។ ពួកមន្ត្រីបាននិយាយថា រៀងរាល់ថ្ងៃនៃកម្មវិធីផ្សាយតាមអាកាសផ្លូវការ ដែលជាថ្ងៃសៅរ៍ និងថ្ងៃអាទិត្យ ចាប់ពីម៉ោង ១០ ព្រឹក ដល់ម៉ោង ៣ រសៀល បានទាក់ទាញហ្វូងមនុស្សយ៉ាងច្រើនដែលមានកេរ្តិ៍ឈ្មោះល្បីប្រហែល ២០០,០០០ នាក់នេះគ្រាន់តែជាសញ្ញានៃការចាប់ផ្តើមនៅរដូវក្តៅក្រៅផ្លូវការសម្រាប់អ្នកស្រុកកោះឡុង។ The Blue […]

ប្រែសម្រួល៖ ស្រីស្រស់ ចាប់តាំងពីដំណើរទេសចរណ៍ដែលធ្វើឲ្យនាង Taylor Swift មានកេរ្តិ៍ឈ្មោះល្បីនៅក្នុងឆ្នាំ ២០១៨ ដោយសារតែមានអ្នកច្នៃម៉ូដ Christian Louboutin ជនជាតិបារាំងវ័យ ៦០ ឆ្នាំរូបនេះជួយឲ្យនាងបង្ហាញពីភាពអស្ចារ្យនៃការរៀបចំស្ទីលផ្ទាល់ខ្លួនជាច្រើនបែប។ Louboutin បានប្រាប់ទស្សនាវដ្តី Vogue ថា “នៅពេលច្នៃម៉ូដឲ្យតារាសំដែងវាជាការប្រសើរក្នុងការចាប់ផ្តើមជាមួយនឹងរចនាបទមួយចំនួនដែលជាជម្រើសនៃការរចនាម៉ូដដែលធ្វើឲ្យមើលទៅល្អឆើតបំផុតសម្រាប់ការសម្តែងនៅលើឆាកតន្រ្តី” ។ ក្នុង​ការ​រចនា​ស្បែកជើង​សម្រាប់​អ្នក​សម្តែង លោក​បាន​និយាយ​ថា​៖ “​ការ​សម្តែង​ទាមទារឲ្យអ្នក​ជំនាញ​និង​ការ​ផ្តោត​អារម្មណ៍​ច្រើន ដូច្នេះ​សំលៀកបំពាក់ ឬ​ស្បែកជើង​ណា​ដែល​អ្នក​ពាក់​មិន​ត្រូវ​ក្លាយជា​ការ​រំខាននោះទេ បែបនេះលែងជាកង្វល់របស់អ្នកហើយអនុញ្ញាតឲ្យអ្នកបញ្ចេញសំឡេងដ៏ពិរោះរបស់អ្នកទៅកាន់ទស្សនិកជនដែលកំពុងសម្លឹងមករកអ្នក”។ លោក Louboutin ក៏បានសារភាពថាគាត់ប្រហែលជាកំពុងរចនាម៉ូដថ្មីមួយចំនួនថែមទៀត។ លោក​បាន​បន្ត​ថា​៖ “ នាង​ក៏​ចូល​ចិត្ត​ធ្វើ​ឲ្យ​ទស្សនិកជន​​មាន​ការ​ភ្ញាក់​ផ្អើលចំពោះម៉ូដែលដែលរចនាឡើងងមួយហើយមួយទៀត។ “អ៊ីងចឹងនៅមានរឿងជាច្រើនទៀតដែលត្រូវធ្វើ”។ ទន្ទឹមនឹងនេះដែរ S Taylor Swift នាពេលថ្មីៗនេះត្រូវបានគេសរសើរថាជា “ទឹកដៃតែមួយ” ។ “វាគ្រាន់តែជាការរចនាដ៏គួរឲ្យទាក់ទាញតែប៉ុណ្ណោះ” ៕ ប្រភព៖ Others/Bang Showbiz/iz  

ដោយ ៖ បន្ទាយ បន្ទាយមានជ័យ ៖ លោកឈើយ ចាន់ណា សមាជិកព្រឹទ្ធសភានិងលោកប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យកាលពីល្ងាចថ្ងៃទី១៨ខែមេសាឆ្នាំ២០២៤ បានអញ្ជើញចូលរួមសប្បាយរីករាយនិងជូនពរជ័យដល់បងប្អូនមន្ត្រីរាជការ កងកម្លាំង ប្រជាពលរដ្ឋក្នុងពិធីរាំបេះ “ផ្កាកកោះ” ដែលជាប្រពៃណីមួយរបស់អ្នកស្រុកភូមិមួយចំនួននៅស្រុកស្វាយចេកខេត្តបន្ទាយមានជ័យ។ ពិធីនោះបានធ្វើឡើងនៅកណ្តាលវាលស្រែជាប់អាងអន្លង់រូតនិងនៅវត្តវែងឡូវទន្តស្វាយចែក ឃុំស្វាយចេកស្រុកស្វាយចេកខេត្តបន្ទាយមានជ័យ ។ ពិធីរាំបោះផ្កាកកោះរៀបចំឡើងដោយលោកលឿង សុភក្តិ អភិបាលស្រុកស្វាយចេកនិងសហការី លោកងិន សុទ្ធី មេឃុំស្វាយចេកនិងសហគមន៍អ្នកស្រុក ។ រីឯនៅវត្ត បានរៀបចំឡើងដោយព្រះព្រះឧត្តមសីលញាណ ធុល សុធា ព្រះរាជាគណៈថ្នាក់កិត្តិយស- មេគណខេត្តគណៈមហានិកាយនិងជាព្រះគ្រូចៅអធិការវត្តវេឡុវ័ន្តស្វាយចេក ព្រះមន្ត្រីសង្ឃ ព្រះសង្ឃនិងអ្នកពាក់ព័ន្ធ ។ លោកលឿង សុភក្តិ អភិបាលស្រុកនិងលោកងិន សុទ្ធី មេឃុំបានអោយដឹងថា : ពិធីរាំបេះ “ផ្កាកកោះ” នេះត្រូវបានសហគមន៍នៅតាមភូមិមួយចំនួនក្នុងស្រុកស្វាយចេកតែងប្រាព្ធធ្វើឡើងរាល់ឆ្នាំនៅបន្ទាប់ពីបញ្ចប់ពីបុណ្យឆ្នាំខ្មែរនិងចំពេលដែលវត្តឬភូមិខ្លះត្រូវធ្វើពិធីត្រាសឬឆ្លងវត្ត ឬភូមិក្នុងឱកាសបុណ្យឆ្នាំខ្មែរ។ លោកឈើយ ចាន់ណា សមាជិកព្រឹទ្ធសភានិងលោកប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យបានចាប់អារម្មណ័ថា : ពិធីរាំបេះផ្កាកកោះនេះ ថ្វីត្បិតប្រារព្ធធ្វើឡើងនៅតាមភូមិឃុំខ្លះនៅស្រុកស្វាយចេកនេះ ក៏ប៉ុន្តែវាមានទិដ្ឋភាព(អត្ថរូប) ខ្លឹមសារ(អត្ថន័យ)និងតម្លៃ(អត្ថរស)សំខាន់ទាក់ទងជំនឿសាសនា ប្រពៃណីទំនៀមទម្លាប់និងជីវភាពរបស់អ្នកស្រុកដែលប្រកបរបរកសិកម្ម។ […]

ដោយ៖ កំចាយ កំពត÷ ក្រោយបញ្ចប់ពិធីចូលឆ្នាំប្រកបដោយភាពជោគជ័យ ថ្នាក់ដឹកនាំនៃរដ្ឋបាលស្រុកទឹកឈូបានសម្តែងនូវក្តីមោទក:ចំពោះការរៀបចំសង្ក្រាន្តនៅឆ្នេរកោះស្មៅដែលទទួលភ្ញៀវជិតឆ្ងាយបានយ៉ាងច្រើនកុះករ។ កិច្ចសហការល្អលើការងាររក្សាអនាម័យបរិស្ថាន សណ្តាប់ធ្នាប់ របៀបរៀបរយពីគ្រប់ផ្នែកពាក់ព័ន្ធជាចលករដ៏សំខាន់ដែលនឹងជំរុញដល់អាជ្ញាធរបង្កើតព្រឹត្តិការណ៍សប្បាយៗនៅឆ្នេរកោះស្មៅបន្តទៀត។ លោក អុឹម ច័ន្ទសោធន អភិបាលស្រុកទឹកឈូបានមានប្រសាសន៍ថា រដ្ឋបាលស្រុកពិតជាមានមោទកភាពចំពោះការរៀបចំសង្ក្រាន្តទឹកឈូនៅឆ្នេរខ្សាច់កោះស្មៅដែលភ្ញៀវជិតឆ្ងាយបានមកចូលរួមសប្បាយជាមួយគ្នាអំឡុងពេល៤ថ្ងៃកន្លងទៅនេះ។ សង្ក្រាន្តលើឆ្នេរកោះស្មៅកើតឡើងជាការបង្ហាញនូវក្តីដឹងគុណពីរបស់អាជ្ញាធរស្រុកទឹកឈូចំពោះស្ថាបនិកឆ្នេរខ្សាច់កម្សាន្តគឺលោក ម៉ៅ ធនិន ដែលពោរពេញដោយគំនិតឈ្លាសវៃក្នុងការកែប្រែទីតាំងមិនធ្លាប់មានចំណាប់អារម្មណ៍ឲ្យក្លាយជាតំបន់ដ៏ទាក់ទាញសម្រាប់ទេសចរមកលម្ហែកម្សាន្តរៀងរាល់ថ្ងៃ។ លោកអភិបាលស្រុកបានបញ្ជាក់ថា ក្នុងនាមអាជ្ញាធរស្រុក លោកសូមអំពាវនាវដល់គ្រប់ផ្នែកពាក់ព័ន្ធចូលរួមរក្សាអនាម័យបរិស្ថាន សណ្តាប់ធ្នាប់ របៀបរៀបរយដើម្បីមានលទ្ធភាពបង្កើតព្រឹត្តិការណ៍សំខាន់ៗនៅឆ្នេរកោះស្មៅនាពេលខាងមុខបន្តបន្ទាប់ទៀត។ បច្ចុប្បន្ន រដ្ឋបាលស្រុកទឹកឈូមានកិច្ចសហការល្អជាមួយក្រុមហ៊ុនកំពតហ្គ្រីនក្នុងការសម្អាតអនាម័យជាប្រចាំ។ លោក សួន សុភ័ក្ត នាយកក្រុមហ៊ុនកំពតហ្គ្រីនបានប្រាប់ឱ្យដឹងថា បញ្ហាអនាម័យបរិស្ថានជាការយកចិត្តទុកដាក់ដ៏ចម្បងរបស់ក្រុមហ៊ុនកំពតហ្គ្រីនស្របតាមការណែនាំពីលោកអភិបាលខេត្តកំពត។ អំឡុងពេលនៃពិធីបុណ្យចូលឆ្នាំថ្មីដែលមានភ្ញៀវមកលេងយ៉ាងច្រើននោះ លោកបានបង្កើនទាំងរថយន្ត ឧបករណ៍សម្ភារ ព្រមទាំងកម្លាំងកម្មកររហូតដល់ជាង៨០នាក់ដើម្បីសម្អាត ប្រមូល ក៏ដូចជាដឹកសំរាមក្នុងក្រុងកំពត និងស្រុកទឹកឈូកុំឲ្យកកស្ទះ។ លោកនាយកក្រុមហ៊ុនបានបញ្ជាក់ថា រាល់ពេលបុណ្យទានម្តងៗ កម្លាំងកម្មកររបស់លោកបានចាប់ផ្តើមសម្អាតតាំងពីម៉ោង៣រំលងអធ្រាត្រដោយមិនបណ្តែតឲ្យមានសំរាមបន្សល់ទុកដល់ភ្លឺឡើយ៕

ដោយ ៖ កំចាយ កែប÷ នាអំឡុងពេលនៃពិធីបុណ្យចូលឆ្នាំថ្មីប្រពៃណីជាតិ ស្ថានភាពទូទៅ ក៏ដូចជាគ្រប់សេវាកម្មបម្រើវិស័យទេសចរណ៍ក្នុងខេត្តកែបមានលក្ខណ:ល្អប្រសើរ។ តម្លៃម្ហូបអាហារមានការកើនឡើងបន្តិចបន្តួច​តែស្ថិតក្នុងកម្រិតដែលភ្ញៀវអាចទទួលយកបាន។ លោក ប៊ុន យោង អភិបាលរងខេត្ត និងជាអ្នកនាំពាក្យនៃរដ្ឋបាលខេត្តកែបបានបញ្ជាក់ថា រយ:ពេល៤ថ្ងៃនៃពិធីបុណ្យចូលឆ្នាំថ្មីប្រពៃណីជាតិ ខេត្តកែបបានទទួលភ្ញៀវទេសចរចូលមកលម្ហែកម្សាន្ត និងស្នាក់អាស្រ័យជិត១៦ម៉ឺននាក់។ ស្ថានភាពទូទៅមានលក្ខណ:ល្អប្រសើរ ពិសេសឯកឧត្តមអភិបាលខេត្តបានដឹកនាំមន្ត្រីរាជការ និងប្រជាពលរដ្ឋលេងល្បែងកម្សាន្តតាមបែបប្រពៃណីនៅឆ្នេរខ្សាច់អង្កោល ស្រុកដំណាក់ចង្អើរ និងឆ្នេរខ្សាច់រូបសំណាកស្រី-ស ក្រុងកែបយ៉ាងប្បាយរីករាយ។ លោកអភិបាលរងខេត្តបានបញ្ជាក់ថា ដោយសារសន្ទុះភ្ញៀវមានកំណើន បានធ្វើឱ្យម្ហូបអាហារឡើងថ្លៃបន្តិចបន្តួចផ្អែកតាមការទិញចូល ប៉ុន្តែក៏ស្ថិតក្នុងកម្រិតមួយដែលភ្ញៀវអាចទទួលយកបានផងដែរ។ ភ្ញៀវដែលនាំក្រុមគ្រួសារចូលពិសាអាហារនៅផ្សារក្តាមក្រុងកែបបានរៀបរាប់ថា លោកបាននាំប្រពន្ធកូនចូលទិញក្តាម មឹក បង្គា ត្រីបបែលនិងចម្អិនហូបផ្ទាល់នៅផ្សារក្តាមក្រុងកែបគឺមានរសជាតិឆ្ងាញ់ពិសាពិតៗ។ ចំណែកអ្នកលក់មានភាពរាក់ទាក់ លក់ដូរដោយសុចរិត ពោលគឺមិនមានការគៃបន្លំដូចពេលកន្លងទៅនោះទេ៕

ដោយ ៖ កំចាយ កំពត÷ ទីលានរូបសំណាកត្រីសេះសមុទ្របាញ់ទឹកជាគោលដៅចម្បងរបស់ភ្ញៀវដែលធ្វើដំណើរឆ្ពោះមកកម្សាន្តក្នុងក្រុងកំពត។ អំឡុងពេលនៃពិធីបុណ្យចូលឆ្នាំថ្មីប្រពៃណីជាតិ បរិវេណរូបសំណាកត្រីសេះសមុទ្របាញ់ទឹកស្ថិតនៅលំដាប់ទី១ ខណ:ដែលរង្វង់មូលរូបសំណាកផ្លែទុរេននៅលំដាប់បន្ទាប់ដែលភ្ញៀវនិយមចូលលេងលម្ហែ។ លោក គឹម ប៊ុនថន អនុប្រធានមន្ទីរទេសចរណ៍ខេត្តកំពតបានប្រាប់ឱ្យដឹងថា ក្នុងចំណោមទេសចរជិត១លាន៤សែននាក់ដែលបានចូលមកកម្សាន្តនៅខេត្តកំពតនាពិធីបុណ្យចូលឆ្នាំខ្មែរ ក្រុងកំពតទទួលភ្ញៀវបានជាង១លាន២សែននាក់។ សម្រាប់ក្រុងកំពតរយ:ពេល៤ថ្ងៃនោះគឺភ្ញៀវជិតឆ្ងាយនិយមចូលចិត្តទីលានរូបសំណាកត្រីសេះសមុទ្របាញ់ទឹកខ្លាំងជាងគេ បន្ទាប់មកបរិវេណរង្វង់មូលរូបសំណាកផ្លែទុរេនស្ថិតនៅលំដាប់ទី២។ លោកអនុប្រធានមន្ទីរបានបញ្ជាក់ថា វត្តមានភ្ញៀវកើនឡើងនៅទីតាំងរង្វង់មូលរូបសំណាកផ្លែទុរេនមានតែវេលារសៀលស្របពេលដែលពិធីបាញ់ទឹករាំលេងកម្សាន្តដំណើរការប៉ុណ្ណោះ។ ប៉ុន្តែនៅបរិវេណរូបសំណាកត្រីសេះសមុទ្របាញ់ទឹកគឺកុះករទាំងព្រឹក រសៀល និងយប់ គឺមានតាំងពីមុនថ្ងៃចូលឆ្នាំម្ល៉េះ។ សូម្បីមកដល់យប់ថ្ងៃទី១៧ ខែមេសានេះ នៅបរិវេណ និងតំបន់ជុំវិញនៅតែបន្តកកស្ទះដោយសារភ្ញៀវពពាក់ពពូនមកកម្សាន្តដដែល។ សូមបញ្ជាក់ថា តាមរបាយការណ៍ដែលទទួលបានពីមន្ទីរទេសចរណ៍គឺរយៈពេល៤ថ្ងៃនៃពិធីបុណ្យចូលឆ្នាំថ្មីប្រពៃណីជាតិ ខេត្តកំពតទទួលភ្ញៀវទេសចរបាន១.៣៩៩.៨៩៧​នាក់។ ក្នុងនោះភ្ញៀវមកលេងក្រុងកំពតមាន១.២៤៥.៤២២នាក់។ ចំណែកនៅតាមរមណីយដ្ឋាននានាមាន១៥៤.៩៥៣នាក់៕

ដោយ ៖ បន្ទាយ បន្ទាយមានជ័យ ៖ របាំត្រុដិត្រូវបានគេឃើញបង្ហាញខ្លួនច្រើនជាងឆ្នាំណាទាំងអស់នៅខេត្តបន្ទាយមានជ័យកាលពីក្នុងពេលមុន និងពេលកំពុងប្រារព្ធពិធីបុណ្យឆ្នាំខ្មែរ ឆ្នាំរោង ឆស័ក ពស២៥៦៨ គស២០២៤ (១៣-១៦ខែមេសាឆ្នាំ២០២៤)កន្លងមក។ អ្នកតាមដាននិងវិភាគកិច្ចការទំនៀមទម្លាប់ប្រពៃណីនិងជំនឿសាសនានៅខេត្តបន្ទាយមានជ័យប្រាប់ Cambodia Flash News  នៅថ្ងៃទី១៧ ខែមេសាឆ្នាំ២០២៤ថា: វត្តមានរបាំត្រុដិដែលលេចមុខនៅអំឡុងមុននិងពេលកំពុងប្រារព្ធពិធីបុណ្យចូលឆ្នាំខ្មែរ និងដោយឡែកនៅខេត្តបន្ទាយមានជ័យនាឆ្នាំនេះ ជាការបញ្ជាក់ឲ្យឃើញពីការលើកកម្ពស់តម្លៃនៃរបាំនេះ។ ប្រភពបានបន្តថា: របាំតាមរដូវ មិនមានជាប្រចាំ ដែលបង្ហាញមុខនេះ ជួយអោយកូនខ្មែរជំនាន់នេះនិងជំនាន់ក្រោយបានស្គាល់ មានមោទនភាពនិងជួយលើកតម្កើង ថែរក្សាការពារនិងអភិវឌ្ឍន៍(ជួលមកសម្ដែង)។ សូមរំលឹកថា លោកយង់ តាំងគួយចប្រធានមន្ទីរវប្បធម៌និងវិចិត្រសិល្ប: ខេត្តបន្ទាយមានជ័យជម្រាបទៅលោកអភិបាលខេត្តបន្ទាយមានជ័យ ក៏ដូចសមាជិកនៃអង្គប្រជុំគណ:បញ្ជាការកងឯកភាពរដ្ឋបាលខេត្តបន្ទាយមានជ័យនាពេលមុនពិធីបុណ្យចូលឆ្នាំរោងកន្លងមកថា: ក្នុងខេត្តនេះ ឆ្នាំនេះមិនមានក្រុមរបាំត្រុដិនោះទេ ។ហេតុនេះ បើអង្គភាព ស្ថាប័នឬរូបវ័ន្ត ឬនីតិបុគ្គលណាត្រូវការឬចង់បានអោយបានរបាំនេះសម្តែងត្រូវជួលពីក្រៅខេត្ត ។ សូមបញ្ជាក់ថា :របាំនេះសម្តែងនាឱកាសពិធីបុណ្យចូលឆ្នាំប្រពៃណីជាតិខ្មែរ ឬពិធីមង្គលផ្សេងៗ ជារបាំប្រពៃណីមួយបែប  ដែលគេធ្វើឡើងដើម្បីប្រសិទ្ធនូវសព្ទសាធុការពរជូនដល់អ្នកស្រុកក្នុងឱកាសឆ្នាំថ្មី។ ពាក្យ «ត្រុដិ» ជាពាក្យដើមមកពីភាសាសំស្រ្កឹត ប្រែថា ផ្តាច់ ឬកាត់ផ្ដាច់ គឺសំដៅដល់ការផ្តាច់ឆ្នាំ ឬការកាត់ផ្ដាច់ឆ្នាំចាស់ចូលទៅក្នុងឆ្នាំថ្មី និងមានជាប់នាមព្រះរាជពិធីមួយ ហៅថា […]

ដោយ ៖ បន្ទាយ បន្ទាយមានជ័យ : សរុប៤ថ្ងៃគឺពីថ្ងៃទី១៣-១៦ខែមេសាឆ្នាំ២០២៤ ខេត្តបន្ទាយមានជ័យទទួលភ្ញៀវទេសចរទៅកម្សានសរុបមានចំនួន ៨៦២.១៦២នាក់  ដែលភ្ញៀវជាតិមានចំនួន៨៥៨.៧៨៨នាក់ ភ្ញៀវអន្តរជាតិចំនួន ៣.៣៧៤នាក់។ លោកឈឿន  សេរីវុធ ប្រធានមន្ទីរទេសចរណ៍ខេត្តបន្ទាយមានជ័យអោយដឹងកាលពីព្រលប់ថ្ងៃទី១៦ខែមេសាឆ្នាំ២០២៤ថា គួរកត់សម្គាល់គឺស្ថិតិភ្ញៀវទេសចរធ្វើដំណើរកម្សាន្តនាឱកាសចូលឆ្នាំថ្មីប្រពៃណីជាតិឆ្នាំ២០២៤ ក្នុងបង្ហើយឬថ្ងៃទី៤នៃពិធីគឺថ្ងៃទី១៦ខែមេសាឆ្នាំ២០២៤  សរុបមានចំនួនដល់ទៅ៣០៣.៦៨៧នាក់ ភ្ញៀវជាតិមានចំនួន  ៣០២.៥៣៣នាក់ ភ្ញៀវបរទេសចំនួន១.១៥៤នាក់ ។ភ្ញៀវអន្តរជាតិភាគច្រើនជាជនជាតិចិន ជនជាតិថៃ ឥណ្ឌូណេស៊ី និងជនជាតិអឺរ៉ុបនៅតំបន់ប៉ោយប៉ែត ។ ក្នុងថ្ងៃបង្ហើយ របាយភ្ញៀវកម្សាន្តតាមគោលដៅនានា ៖ ១-សួនតេជោឈ្នះឈ្នះឬសួនមានជ័យហៅវេទិកាខេត្តទីតាំងរៀបចំសង្ក្រាន្តរបស់រដ្ឋបាលខេត្តក្រុងសិរីសោភ័ណឬទីប្រជុំជនខេត្ត) ចំនួន៧៩.៧៣២នាក់ ក្នុងនោះភ្ញៀវអន្តរជាតិ ចំនួន០៤នាក់ ២-ប្រាសាទបន្ទាយឆ្មារ ស្រុកថ្មពួកចំនួន៧.៦៩៥នាក់ ៣-អាងជើងគ្រុស  ស្រុកថ្មពួកចំនួន២.៤៣២នាក់ ៤-ស្ពានភ្ជាប់និស្ស័យបារាយណ៍មេបុណ្យ ស្រុកថ្មពួកចំនួន ២.១០៨នាក់ ៥-ក្រុងប៉ោយប៉ែត(តំបន់ដើមពុទ្ទ្រា) ចំនួន ២៨.៨០០នាក់ ក្នុងនោះបរទេសចំនួន១.១៥០ នាក់ ។ ៦-អាងត្រពាំងថ្ម ស្រុកភ្នំស្រុកចំនួន៧.៦០០នាក់ ៧-វត្តភ្នំតូច ស្រុកមង្គលបូរីចំនួន១៨.២៧០នាក់ ៨-អូរខៃដន ក្រុងប៉ោយប៉ែតចំនួន៤២០នាក់ ៩-ដុងអរញ្ញ  ក្រុងប៉ោយប៉ែតចំនួន៤៦៧នាក់ ១០-សួនស្នេហ៍ជនបទ ក្រុងសិរីសោភ័ណចំនួន៣៨០នាក់និង១១-តំបន់ផ្សេងៗ(វត្តអារាមនានាក្នុងខេត្ត) […]

ដោយ៖កំចាយ កំពត-កែប÷ រយ:ពេល៤ថ្ងៃដោយគិតចាប់ពីថ្ងៃទី១៣ដល់ថ្ងៃទី១៦ ខែមេសា ឆ្នាំ២០២៤ ដែលជាឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ខេត្តកំពតទទួលភ្ញៀវទេសចរចូលមកលេងកម្សាន្តបានប្រមាណជិត១លាន៤សែននាក់។ លោក សយ ស៊ីណុល ប្រធានមន្ទីរទេសចរណ៍ខេត្តកំពតបានប្រាប់ឱ្យដឹងថា រយ:ពេល៤ថ្ងៃនៃពិធីបុណ្យចូលឆ្នាំខ្មែរ ខេត្តកំពតទទួលភ្ញៀវបាន១.៣៩៩.៨៩៧នាក់។ ក្នុងនោះភ្ញៀវជាតិមាន១.៣៩៦.៧៧៥នាក់ ឯទេសចរបរទេសចំនួន៣.១២២នាក់។ តាមរបាយការណ៍ពីមន្ទីរទេសចរណ៍ខេត្តកែបបានបញ្ជាក់ថា រយ:ពេល៤នៃពិធីបុណ្យចូលឆ្នាំថ្មីប្រពៃណីជាតិនេះ ខេត្តកែបទទួលភ្ញៀវទេសចរបានចំនួន១៥៩.៧៨៨នាក់ ដោយភ្ញៀវជាតិមាន១៥៨.៨៩៦នាក់ និងទេសចរបរទេសចំនួន៨៩២នាក់។ ភ្ញៀវទាំងនោះបានធ្វើដំណើរតាមរថយន្តគ្រប់ប្រភេទចំនួន១៨.៤៩៨គ្រឿង ពោលគឺថយន្តតូច១២.៣៩៦គ្រឿង រថយន្តធុនមធ្យម៦.០១៤គ្រឿង និងរថយន្តធំចំនួន៨៨គ្រឿង៕    

ដោយ៖ គង់ហេង កំពង់ចាម៖ នៅថ្ងៃបិទបញ្ចប់ថ្ងៃទី៤ ឬថ្ងៃស្រង់ព្រះ នៃពិធីបុណ្យចូលឆ្នាំថ្មីប្រពៃណីជាតិខ្មែរ នៅខេត្តកំពង់ចាមមានភ្ញៀវទេសចរជាតិ និងអន្តរជាតិចំនួនជិត ពីរលាន នាក់បានចូលរួមលេងកម្សាន្តយ៉ាងច្រើនកុះករ នៅតាមបណ្តារមណីយដ្ឋាននានា ទីកន្លែងកម្សាន្តផ្សេងៗ ជាពិសេសនៅក្រុងកំពង់ចាម ធ្វើឱ្យភ្ញៀវកើនឡើងសរុបដល់ជាង ប្រាំលាន នាក់។ លោក ស៊ាន សុគន់ ប្រធានមន្ទីរទេសចរណ៍ ខេត្តកំពង់ចាមបានឱ្យដឹងថា៖ នៅថ្ងៃទី១៦ ខែមេសា ឆ្នាំ២០២៤នេះ ចំនួនភ្ញៀវទេសចរ ក៏ដូចជាបងប្អូនប្រជាពលរដ្ឋ ដែលមកទស្សនានៅតាមកន្លែងកម្សាន្ត និងរមណីយដ្ឋាននានា និងស្នាក់នៅក្នុងខេត្តកំពង់ចាម សរុបមានចំនួន ១.៩១៨.០៧៣នាក់ ក្នុងនោះភ្ញៀវជាតិមានចំនួន ១.៩១២.៧២២នាក់ និងភ្ញៀវបរទេសមានចំនួន ១៥៨នាក់ ។ លោកប្រធានប្រធានមន្ទីរទេសចរណ៍ខេត្តកំពង់ចាមបានបន្តថា៖ នាំឱ្យភ្ញៀវទេសចរក៏ដូចជាបងប្អូនប្រជាពលរដ្ឋដែលមកលេងកម្សាន្តរយៈពេល បួន ថ្ងៃ ចាប់ពីថ្ងៃទី ១៣ ដល់ ១៦ មេសា ក្នុងឱ្យបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆ្នាំ២០២៤នេះ មានចំនួនសរុបជាង ប្រាំលាន នាក់៕

ដោយ៖ សុខុម ស្ទឹងត្រែង: ក្នុងឱកាសបុណ្យចូលឆ្នាំថ្មីចាប់ពីថ្ងៃទី១៣ដល់១៦ខែមេសាឆ្នាំ២០២៤  ខេត្តស្ទឹងត្រែងមានភ្ញៀវ ទេសចរជាតិ និងអន្តរជាតិប្រជាពលរដ្ឋសរុបចំនួន១០៩.៥៩២នាក់កើនឡើង៧៨,៨០ភាគរយ។ លោកអ៊ន់ប៉ោសឿន ប្រធានមន្ទីរទេសចរណ៍ខេត្តស្ទឹងត្រែងបានបញ្ជាក់ថា ក្នុងនោះភ្ញៀវទេសចរជាតិតាមរមណីយដ្ឋាន ទេសចរអន្តរជាតិ ទេសចរជាតិស្នាក់នៅចំនួន២៧.៥៩២នាក់ កើនឡើង៥ភាគរយ។ទេសចរអន្តរជាតិ ចំនួន៤២នាក់ កើនឡើង៥ភាគរយ។ប្រជាជនដើរលេងកម្សាន្ត ៨២.០០០នាក់ កើនឡើង១៣៤,២៨​ភាគរយ។ ភ្ញៀវទេសចរ និងប្រជាជនដើរលេងកម្សាន្តក្នុងខេត្តស្ទឹងត្រែងសរុបចំនួន១០៩.៥៩២ នាក់ កើនឡើង៧៨,៨០ភាគរយ ប្រៀបធៀបរយៈពេលដូចគ្នាកាលពីឆ្នាំ២០២៣៕

ដោយ៖ព្រះអង្គខ្មៅ បាត់ដំបង៖ខេត្តបាត់ដំបងទទួលភ្ញៀវទេសចរជាតិ អន្តរជាតិជាងមួយលាននាក់មកកម្សាន្តសប្បាយក្មុងឱកាសបុណ្យចូលឆ្នាំប្រពៃណីជាតិខ្មែរឆ្នាំ ២០២៤នេះ។ លោក អ៊ុច អ៊ុភីនីហ្សារ៉ា ប្រធានមន្ទីរទេសចរណ៍ខេត្តបាត់ដំបងបានប្រាប់ឲ្យដឹងត្រឹមម៉ោង ៩:០០នាទីយប់ថ្ងៃទី ១៦ ខែមេសានេះថា ឱកាសពិធីបុណ្យចូលឆ្នាំថ្មីប្រពៃណីជាតិខ្មែរ រយ:ពេល៣ថ្ងៃ ចាប់ពីថ្ងៃទី១៣ ដល់ថ្ងៃទី១៥ ខែមេសា ឆ្នាំ ២០២៤នេះខេត្តបាត់ដំបង ទទួលភ្ញៀវទេសចរទាំងភ្ញៀវជាតិ និងអន្តរជាតិសរុបចំនួន ១,០៧៣,៧៣៤នាក់ ប្រហាក់ប្រហែលនឹងឆ្នាំចាស់ឆ្នាំ២០២៣។ មន្ត្រីមន្ទីរជំនាញខាងលើបញ្ជាក់បន្តថា ក្នុងចំណោមភ្ញៀវទេសចរដែលមានចំនួនជាង ១លាននាក់ មានភ្ញៀវទេសចរជាតិចំនួន ១,០៧១,៥៥៥នាក់ និងភ្ញៀវទេសចរអន្តរជាតិមានចំនួន ២,០៩១នាក់។ រមណីយដ្ឋាន និងគោលដៅទេសចរណ៍សំខាន់ៗជាតំបន់លម្ហែក្នុងភូមិសាស្ត្រខេត្តបាត់ដំបងរួមមាន រមណីយដ្ឋានប្រាសាទបាណន់, រមណីយដ្ឋានភ្នំសំពៅ, ទស្សនាហ្វូងសត្វប្រចៀវល្អាងភ្នំំភ្នំពៅ, រមណីយដ្ឋានប្រាសាទឯកភ្នំ, អាងទឹកកំពីងពួយ, រមណីយដ្ឋានស្ទឹងថ្មដាចំការទុរេន, រមណីយដ្ឋានទឹកធ្លាក់ ៥៣ ក្នុងស្រុកភ្នំព្រឹក, រមណីយដ្ឋាននគរជុំភ្នំព្រឹក, ភ្នំកំពូល, រមណីយដ្ឋានចំការទុរេនអូរតង, ស្ទឹងថ្វាក, វត្តនាងរំសាយសក់, វត្តភ្នំជីហង្ស, រមណីយដ្ឋានវត្តភ្នំចំបាំង, និងសហគមន៍អេកូទេសចរណ៍ទឹកធ្លាក់អូរជាំល្អាងភ្នំប្រាំពីរជាដើម៕

ដោយ ៖ បន្ទាយ បន្ទាយមានជ័យ ៖ តាមសាលារៀនសាធារណ:និងជាឯកជន មួយចំនួននៅឃុំ សង្កាត់នានានៃ៩ស្រុកក្រុងក្នុងខេត្តបន្ទាយមានជ័យ ក៏ដូចនៅទូទាំងប្រទេស បានរៀបចំកម្មវិធីសង្ក្រាន្តឆ្នាំថ្មី ឆ្នាំរោងប្រពៃណីជាតិខ្មែរ រួចឈប់សម្រាកវិស្សមកាលតូចនារដូវក្តៅ ។ កម្មវិធីនេះត្រូវបានគណ:គ្រប់គ្រង បុគ្គលិកសិក្សា សិស្សានុសិស្ស និស្សិត សមាគមទ្រទ្រង់សាលារៀបចំធ្វើជាបន្តបន្ទាប់ពីម្តុំថ្ងៃទី០៥ដល់ថ្ងៃទី០៩ខែមេសាឆ្នាំ២០២៤ ។ សម្រាប់សាលារៀនចំណេះទូទៅសាធារណ:ត្រូវបានក្រសួងអប់រំ យុវជននិងកីឡាអោយសម្រាកវិស្សមកាលហៅវ៉ាកងតូចរយ:ពេល១៥ថ្ងៃពីថ្ងៃទី០៦ដល់២២ខែមេសាឆ្នាំ២០២៤ និងចូលរួមបុណ្យឆ្នាំថ្មីប្រពៃណីជាតិ។ ឯគ្រឹះស្ថានសិក្សាចំណេះទូទៅពីមត្តេយ្យសិក្សា បឋមសិក្សា មធ្យមសិក្សាបឋមភូមិ និងទុតិយភូមិ ឧត្តមសិក្សាឯកជននានាក៏ត្រូវវិស្សមកាលតូចនារដូវក្តៅ តែមានរយ:ពេលតាមការកំណត់ជាក់ស្តែងចូលរួមបុណ្យឆ្នាំថ្មីប្រពៃណីជាតិផងដែរ ។ ហេតុនេះ នៅតាមគ្រឹះស្ថានសិក្សានានា ត្រូវរៀបចំតុបតែងលម្អដោយទង់ជាតិ ទង់ជ្វាលា ទង់សាសនា ក្រណាត់ វត្ថុលម្អ រៀបផ្កាភ្ញី ភ្លើង រោង ឆាក ខ្ចូស សរសេរ ឆ្លាក់អក្សរស្លាកដ៏គួរទាក់ទាញ សមសួន សមរម្យផងដែរដើម្បីអបអរសាទរពិធីបុណ្យចូលឆ្នាំរោង ឆស័ក ពស ២៥៦៧ ជាឆ្នាំគម្រប់នេះមានរយ:ពេល៤ថ្ងៃ ពីថ្ងៃ៥កើតដល់៨កើតខែចេត្រ ត្រូវនឹងថ្ងៃទី១៣ដល់១៦ខែមេសា គស២០២៤ ។ ក្នុងនោះក៏មានចាត់ចែងអោយមានការលេងល្បែងប្រជាប្រិយ ប្រឡងចម្រៀង […]

ប្រទេសហូឡង់ត្រូវបានគេស្គាល់ថា ជាដែនដីដែលសំបូរទៅដោយ ទំនប់ទឹក និងកោះតូចធំដ៏ស្រស់ស្អាតអស្ចារ្យជាច្រើនស្ថិតនៅតាមបណ្តោយឆ្នេរសមុទ្រខាងជើងរបស់ប្រទេសមួយនេះ។  

ដោយ៖សុខុម ស្ទឹងត្រែង៖ ក្រោយពីជួបជាមួយថ្នាក់ដឹកនាំខេត្តស្ទឹងត្រែងនៅថ្ងៃទី៣ខែមេសាឆ្នាំ២០២៤ ប្រតិភូនិងតំណាងក្រុមហ៊ុនមួយចំនួនរបស់ប្រទេសថៃបានចុះទៅឈ្វេងយល់ពីសហគមន៍អេកូទេសចរណ៍សម្រស់កោះហាន។ ជំនួសមុខឱ្យប្រធានមន្ទីរទេសចរណ៍ខេត្តស្ទឹងត្រែង លោកឱ សារី អនុប្រធានមន្ទីរទេសចរណ៍​ខេត្ត និងមន្ត្រី១រូប បានសហការជាមួយរដ្ឋបាលខេត្តស្ទឹងត្រែង ស្នងការនគរបាលខេត្ត និងប៉ុស្តិ៍រដ្ឋបាលឃុំកោះស្នែង ជូនក្រុមប្រតិភូថៃ និងក្រុមហ៊ុនថៃជាច្រើនជាង៦០រូប បានទៅទស្សនាកម្សាន្តនៅសហគមន៍អេកូទេសចរណ៍សម្រស់កោះហាន។ ក្នុងនោះក្រុមការងារបានជិះទូកមើលទេសភាពតាមដងទន្លេមេគង្គ មើលព្រៃលិចទឹក សត្វស្លាប និងថតរូបអនុស្សាវរីយ៍នៅកោះហានក្នុងតំបន់រ៉ាមសារតាមដងទន្លេមេគង្គខាងជើងខេត្តស្ទឹងត្រែង៕    

ប្រែសម្រួល៖ ស-សម្បត្តិ តារាស្រីនាងJennifer Aniston កំពុងណែនាំអ្នកគាំទ្រឲ្យក្រឡេកមើល​ទូសម្លៀកបំពាក់ដ៏ធំរបស់នាងតាំងនៅក្នុងវិមានតម្លៃ ២១ លានដុល្លារនៅ Bel Air រដ្ឋ California សហរដ្ខអាមេរិក។ កាលពីថ្ងៃពុធ តារា Morning Show នាង Jennifer Aniston បានធ្វើឲ្យ​អ្នកគាំទ្រក្រឡេកមើលទស្សនីយភាពដ៏កម្រនិងដ៏គួរឲ្យភ្ញាក់ផ្អើលជាមួយ​និងរូបថតជាច្រើនសន្លឹកដែលនាងបានចែករំលែកនៅលើ Instagram របស់នាង ដែលក្នុងនោះនាងត្រូវបានអ្នកគាំទ្រមើលឃើញថាមាន​ភាពទាក់ទាញដ៏អស្ចារ្យក្នុងនាមជាម្ចាស់ពានរង្វាន់ People’s Choice Awards ឆ្នាំ ២០២៤ ។ នាង Jennifer Aniston និយាយលើ (@peopleschoice) និង (@adamsandler) ថា “សូមទទួលយកសេចក្តីស្រឡាញ់ក្នុងយប់នេះ” នាងបានសរសេរចំណងជើងលើសារដែលបានបង្ហោះដោយបានផ្តល់​កិត្តិយសដល់មិត្តល្អរបស់នាង Adam Sandler ជាមួយនឹងពាន People’s Icon Award នៅកម្មវិធីកាលពីថ្ងៃអាទិត្យ។ ជាមួយរូបភាពនេះនាង Aniston អាយុ ៥៥ ឆ្នាំបានបង្ហាញរូបភាពរបស់នាង​ចូលទៅស្លៀកពាក់នៅក្នុងទូដ៏ធំដែលមានទំហំប៉ុនផ្ទះល្វែងទាំងមូល។ ទូដ៏ធំបានរចនាឡើងប្រណិតបំផុតដូចជាធ្នើរដាក់សម្លៀកបំពាក់ដ៏ស្អាតជាច្រើនដែលមានសំលៀកបំពាក់ឆ្នៃម៉ូដទាន់សម័យ ថែមទាំងមានផ្លូវដើរ​លាតសន្ធឹងលើបន្ទះក្តារដ៏វែងចុះមកកណ្តាលដែលនាំនាងទៅកាន់បន្ទប់ស្លៀកពាក់ដ៏ធំមួយ។ គេសង្កេតឃើញថាទូមានបំពាក់ទៅដោយពិតានខ្ពស់ៗ និងភ្លើងបិទបើក​និងមានកន្លែងទំនេរមួយនិងកៅអីពណ៌ខៀវសម្រាប់នាងអាចធ្វើសម្អាង​សក់ […]

ប្រែសម្រួល៖ ស-សម្បត្តិ ព័ត៌មាន Reutersបាន រាយការណ៏ពីប្រទេសថៃក្នុងខេត្ត CHONBURI នៅថ្ងៃទី ១៤ ខែកុម្ភៈ ភាពពេញនិយមដ៏យូរអង្វែងមកហើយនៅក្នុងប្រទេសថៃសម្រាប់សត្វដំរីធ្វើឲ្យគូស្វាមីភរិយាដែលជាជនជាតិថៃបានសម្រេចចិត្តស្លៀកសំលៀកបំពាក់ប្រពៃណីរៀបចំមង្គលការដ៏ធំមួយនៅថ្ងៃបុណ្យនៃក្តីស្រឡាញ់នេះនៅលើខ្នងដំរីហើយស្បថសច្ចាថាស្រឡាញ់គ្នាអស់មួយជីវិតដែលជាការបង្ហាញនូវទំនៀមទំលាប់ប្រពៃណីពីបុរាណ។ កូនក្រមុំឈ្មោះ Narumon Komgpanoy អាយុ ៣៦ ឆ្នាំបានប្រាប់ថា “ពិធីនេះគឺពិសិដ្ឋអស្ចារ្យក្រៃលែងដែលធ្វើឲ្យមនុស្សគ្រប់គ្នាចង់រៀបការនៅលើខ្នងដំរី” ។ នាងបន្តថា៖ “យើងចាត់ទុកដំរីដូចជាសាច់ញាតិនៅក្នុងគ្រួសាររបស់យើងហើយក៏ជានិមិត្តរូបមួយនៃភាពស៊ីវិល័យរបស់ជាតិថៃយើង”។ ក្បួនដង្ហែគូស្វាមីភរិយារួមទាំងអ្នកកំដផងមានចំនួនប្រាំបួននាក់ជិះនៅលើខ្នងដំរីដើរយឺតៗឆ្លងកាត់សួនត្រូពិច Nong Nooch ក្នុងខេត្តឈុនបុរីនៅភាគខាងត្បូងនៃរាជធានីបាងកកអស់ពេលពីរម៉ោង។ ថែមទាំងមានអ្នករាំស្លៀកឈុតប្រពៃណីនាំមុខក្បួនដង្ហែគូស្វាមីភរិយាទាំងពីរជិះលើខ្នងដំរីទៅកាន់ សាលាស្រុក ហើយមន្ត្រីសាលាស្រុកក៏ឡើងទៅអង្គុយលើខ្នងដំរីដើម្បីឲ្យគូស្វាមីភរិយាទាំងពីរចុះហត្ថលេខាលើច្បាប់អាពាហ៍ពិពាហ៍។ ដំរីជាសត្វតំណាងឲ្យជាតិរបស់ប្រទេសថៃ ហើយជានិមិត្តរូបនៃលាភសំណាងដែលត្រូវបានគេកំណត់យកធ្វើជានិមិត្តរូបតំណាងឲ្យជាតិរបស់ប្រទេសថៃ៕ ប្រភព៖ Reuters