ដោយ៖ប្រសិទ្ធ ភ្នំពេញ៖សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាបានសម្រេចបង្កើតអង្គភាពសវនកម្មពន្ធដារពិសេស ដែលមានថ្នាក់ស្មើនាយកដ្ឋាន ចំណុះអគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ ដែលជាយន្តការជំរុញ និងពន្លឿនការដោះស្រាយបញ្ហានានារបស់អ្នកជាប់ពន្ធ ពាក់ព័ន្ធនឹងការងារសវនកម្មពន្ធដារឱ្យបានឆាប់រហ័ស ស្របតាមច្បាប់ និងលិខិតបទដ្ឋានគតិយុត្ត ស្តីពីពន្ធដារសំដៅកែលម្អបរិយាកាសធុរកិច្ចនិងការវិនិយោគនៅកម្ពុជា។ យោងតាមអនុក្រឹត្យ ចុះថ្ងៃទី១៦ ខែកក្កដា ឆ្នាំ២០២៤ បានឱ្យដឹងថា រាជរដ្ឋាភិបាលបានកំណត់តួនាទីនិងភារកិច្ច អង្គភាពសវនកម្មពន្ធដារពិសេសនេះ ដូចជា គ្រប់គ្រងនិងធ្វើការងារសវនកម្មពន្ធដារ ស្របតាមច្បាប់និងលិខិតបទដ្ឋានគតិយុត្តជាធរមាន និងសៀវភៅណែនាំស្តីពីបែបបទនិងនីតិវិធីនៃការធ្វើសវនកម្មពន្ធដារសម្រាប់មន្ត្រីពន្ធដារ និងអ្នកជាប់ពន្ធ លើសហគ្រាសដែលស្ថិតក្រោមសមត្ថកិច្ចរបស់អង្គភាព និងទទួលបន្ទុកក្នុងការធ្វើការពិនិត្យផ្ទៀងផ្ទាត់ឯកសារ និងវិភាគហានិភ័យនៅនឹងអង្គភាពសវនកម្មពន្ធដារពិសេស ដើម្បីធ្វើសវនកម្មពេញលេញតែមួយលើក ដោយពុំចាំបាច់ធ្វើសវនកម្មលើលិខិតស្នាម និងសវនកម្មមានកម្រិតលើសហគ្រាសដែលស្ថិតក្រោមសមត្ថកិច្ចរបស់ខ្លួន៕  

ភ្នំពេញ៖ ឯកឧត្តមបណ្ឌិត កែន សម្បត្តិ អគ្គនាយករងនៃអគ្គនាយកដ្ឋានពន្ធដារ បានបញ្ជាក់ឱ្យដឹងថា ការបញ្ជាទិញទំនិញរូបីពីក្រៅប្រទេស តាមមធ្យោបាយអេឡិចត្រូនិក (Online) ហើយទំនិញរូបីទាំងនោះត្រូវបានបញ្ជូនមកអ្នកបញ្ជាទិញដោយផ្ទាល់ តាមមធ្យោបាយដឹកជញ្ជូនផ្សេងៗនោះ មិនស្ថិតក្រោមវិសាលភាពនៃការអនុវត្តអាករលើតម្លៃបន្ថែម ចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូនិកនោះទេ។ ឯកឧត្តមបណ្ឌិតអគ្គនាយករង លើកឡើងបែបនេះ ក្នុងកម្មវិធី “ពន្ធដារកម្ពុជា” ដែលធ្វើការផ្សាយផ្ទាល់នៅលើទំព័រហ្វេសប៊ុក (Facebook Page) ផ្លូវការរបស់អគ្គនាយកដ្ឋានពន្ធដារ កាលពីថ្ងៃព្រហស្បតិ៍ ទី៦ ខែមិថុនា ឆ្នាំ២០២៤ ក្រោមប្រធានបទ អាករលើតម្លៃបន្ថែមចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ដោយមានការចូលរួមពីលោកបណ្ឌិត អេង រតនា ប្រធាននាយកដ្ឋានគ្រប់គ្រងអ្នកជាប់ពន្ធធំ។ អាករលើតម្លៃបន្ថែមចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក មានវិសាលភាពអនុវត្តចំពោះការផ្គត់ផ្គង់ទំនិញឌីជីថល ឬសេវាឌីជីថល ឬរាល់សកម្មភាពពាណិជ្ជកម្មតាមប្រព័ន្ធអេឡិចត្រូនិក ដែលធ្វើឡើងដោយអ្នកផ្គត់ផ្គង់អនិវាសនជន នៅក្រៅព្រះរាជាណាចក្រកម្ពុជា មកព្រះរាជាណាចក្រកម្ពុជា និងចំពោះអ្នកជាប់ពន្ធនិវាសនជន ដែលទទួលការផ្គត់ផ្គង់ទំនិញឌីជីថល ឬសេវាឌីជីថល ឬរាល់សកម្មភាពពាណិជ្ជកម្មតាមប្រព័ន្ធអេឡិចត្រូនិក ដែលជាអាទិ៍មាន៖ -ការបញ្ជាទិញនិងការទាញយកទំនិញឌីជីថលតាមប្រព័ន្ធអេឡិចត្រូនិក -ការផ្សព្វផ្សាយពាណិជ្ជកម្មតាមប្រព័ន្ធអេឡិចត្រូនិក -ការទិញសូហ្វវែរ ហ្គេមអេឡិចត្រូនិក ជាដើម។ យន្តការក្នុងការអនុវត្តអាករលើតម្លៃបន្ថែម ចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូវនិកនេះ ចែកចេញជាពីរផ្នែកគឺ៖ ១.អ្នកជាប់ពន្ធអនិវាសនជន ដែលធ្វើការផ្គត់ផ្គង់ទំនិញឌីជីថល ឬសេវាឌីជីថលតាមប្រព័ន្ធអេឡិចត្រូវនិក ឬរាល់សកម្មភាពពាណិជ្ជកម្មតាមប្រព័ន្ធអេឡិចត្រូវនិក […]

ភ្នំពេញ៖ ព្រឹត្តិបត្រព័ត៌មានប្រចាំសប្ដាហ៍របស់អគ្គនាយកដ្ឋានពន្ធដារបានឲ្យដឹងថា យោងតាមមាត្រា២៥ នៃច្បាប់ស្តីពីសារពើពន្ធ បានចែងថា អ្នកជាប់ពន្ធនិវាសនជនដែលប្រកបអាជីវកម្ម ដែលបានធ្វើការទូទាត់ជាសាច់ប្រាក់ ឬជាវត្ថុឱ្យជាប់ពន្ធនិវាសនជន ត្រូវកាត់ទុកនិងបង់ប្រាក់ពន្ធលើចំនួនទូទាត់មុនការកាត់ទុកប្រាក់ពន្ធ ទៅតាមអត្រាកំណត់ដូចខាងក្រោម៖ -១៥% ចំពោះប្រាក់ចំណូលដែលបុគ្គលិកមិនស្ថិតក្រោមរបបស្វ័យប្រកាសលើការបំពេញសេវានានា រួមទាំងការគ្រប់គ្រង ឬការពិគ្រោះយោបល់ ឬសេវាប្រហាក់ប្រហែល។ សួយសារចំពោះទ្រព្យអរូបីនិងភាគកម្មក្នុងធនធានរ៉ែ និងការប្រាក់ដែលអ្នកជាប់ពន្ធនិវាសនជនដែលប្រកបអាជីវកម្មក្រៅពីធនាគារក្នុងស្រុក បង់ឱ្យទៅអ្នកជាប់ពន្ធនិវាសនជន -១០% ចំពោះប្រាក់ចំណូលពីការឱ្យជួលចលនទ្រព្យ ឬអចលនទ្រព្យ -៦% ចំពោះការប្រាក់ដែលធនាគារក្នុងស្រុងបង់ឱ្យទៅអ្នកជាប់ពន្ធនិវាសនជន ដែលមានគណនីបញ្ញើមានកាលកំណត់ -៤% ចំពោះការប្រាក់ដែលធនាគារក្នុងស្រុកបង់ឱ្យទៅអ្នកជាប់ពន្ធនិវាសនជន ដែលមានគណនីបញ្ញើគ្មានកាលកំណត់។ ការកាត់ទុកនេះមិនអនុវត្តទេ ចំពោះការប្រាក់ដែលបង់ទៅឱ្យធនាគារក្នុងស្រុក និងការទូទាត់ចំពោះប្រាក់ចំណូល លើកលែងពន្ធដូចមានចែងក្នុងមាត្រា៩ នៃច្បាប់ស្តីពីសារពើពន្ធ។ ដោយឡែកការទូទាត់ប្រាក់ចំណូលប្រភពកម្ពុជា ឱ្យទៅអ្នកជាប់ពន្ធអនិវាសនជន ត្រូវកាត់ទុកនិងបង់ប្រាក់ពន្ធតាមអត្រា ១៤% នៃទឹកប្រាក់ដែលត្រូវបើក។ ពន្ធកាត់ទុកនេះ មិនត្រូវអនុវត្តចំពោះបុព្វលាភធានារ៉ាប់រងបន្តលើទ្រព្យសម្បត្តិ ឬហានិភ័យផ្សេងៗនៅព្រះរាជាណាចក្រកម្ពុជានោះទេ៕

អគ្គនាយកដ្ឋានពន្ធដារបានបង្ហាញពីពន្ធអាករចំនួន ១៣ ប្រភេទក្រោមច្បាប់ស្ដីពីសារពើពន្ធ ដែលពន្ធអាករទាំងនោះមានដូចខាងក្រោម៖ ១. ពន្ធលើប្រាក់ចំណូល ២. ពន្ធលើប្រាក់បៀវត្ស ៣. អាករលើតម្លៃបន្ថែម ៤. អាករពិសេស ៥. អាករសម្រាប់បំភ្លឺសាធារណៈ ៦. អាករលើការស្នាក់នៅ ៧. ពន្ធប៉ាតង់ ៨. ពន្ធលើផ្ទាំងផ្សព្វផ្សាយ ៩. ពន្ធលើថ្លៃឈ្នួលអចលនទ្រព្យ ១០. ពន្ធលើអចលនទ្រព្យ ១១. ពន្ធប្រថាប់ត្រា ១២. ពន្ធលើដីធ្លីមិនបានប្រើប្រាស់ ១៣. ពន្ធលើមធ្យោបាយដឹកជញ្ជូន។​ ១. ពន្ធលើប្រាក់ចំណូល សម្រាប់នីតិបុគ្គល -២០% សម្រាប់សហគ្រាសនីតិបុគ្គល រួមបញ្ចូលទាំងពន្ធលើចំណេញមូលធន -៣០% សម្រាប់ប្រតិបត្តិការប្រេងកាត និងធនធានធម្មជាតិ សម្រាប់រូបវន្តបុគ្គល -០% – ២០% សម្រាប់សហគ្រាសឯកបុគ្គល និងក្រុមហ៊ុនសហកម្មសិទ្ធិ កំណើនតាមថ្នាក់ -២០% ពន្ធលើចំណេញមូលធន កាតព្វកិច្ចជាភា្នក់ងារកាត់ទុករបស់អ្នកជាប់ពន្ធក្នុងរបបស្វ័យប្រកាស -៤% – ១៥% សម្រាប់ការទូទាត់ឱ្យទៅអ្នកជាប់ពន្ធនិវាសនជន -១៤% សម្រាប់ការទូទាត់ឱ្យទៅអ្នកជាប់ពន្ធអនិវាសនជន […]

ភ្នំពេញ៖ កាលពីថ្ងៃទី១០ ខែមិថុនា ឆ្នាំ២០២៤ នៅអគ្គនាយកដ្ឋានពន្ធដារ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្រ្តីនិងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ បានអនុញ្ញាតឱ្យលោក រ័ត្ន សោភ័ណ ប្រធានសមាគមធនាគារនៅកម្ពុជាព្រមទាំងសមាជិកក្រុមប្រឹក្សាភិបាលថ្មីនៃសមាគមធនាគារនៅកម្ពុជាចូលជួបសម្តែងការគួរសមនិងណែនាំពីសមាសភាពសមាជិកក្រុមប្រឹក្សាភិបាលថ្មីនៃសមាគមធនាគារនៅកម្ពុជា អាណត្តិទី១០ ដែលតំណាងមកពីគ្រឹះស្ថានធនាគារនិងហិរញ្ញវត្ថុ។ ឆ្លៀតក្នុងឳកាសនេះសមាគមធនាគារនៅកម្ពុជាបានស្នើសុំអនុសាសន៍ណែនាំពីអគ្គនាយកដ្ឋានពន្ធដារក្នុងគោលដៅពង្រឹងអនុលោមភាពសារពើពន្ធតាមរយៈការឈ្វេងយល់បន្ថែមពីច្បាប់និងលិខិតបទដ្ឋានគតិយុត្តពាក់ព័ន្ធនឹងការអនុវត្តកាតព្វកិច្ចសារពើពន្ធរបស់គ្រឹះស្ថានធនាគារនិងហិរញ្ញវត្ថុ។ សូមបញ្ជាក់ផងដែរថា កន្លងមកអគ្គនាយកដ្ឋានពន្ធដារនិងសមាគមធនាគារនៅកម្ពុជាតែងតែមានកិច្ចសហប្រតិបត្តិការល្អតាមរយៈការរៀបចំកិច្ចពិភាក្សាជាបន្តបន្ទាប់ដើម្បីដោះស្រាយបញ្ហាប្រឈមនានាក្នុងការបំពេញកាតព្វកិច្ចសារពើពន្ធ។ជាមួយគ្នានេះធនាគារពាណិជ្ជជាសមាជិកសមាគមចំនួន១០បានចុះអនុស្សរណៈនៃការយោគយល់គ្នាជាមួយក្រសួងសេដ្ឋកិច្ចនិងហិរញ្ញវត្ថុលើប្រតិបត្តិការផ្តល់សេវាទទួលប្រាក់ពន្ធអាករដែលប្រមូលដោយអគ្គនាយកដ្ឋានពន្ធដារ។ សមាគមធនាគារនៅកម្ពុជាគឺជាសមាគមវិជ្ជាជីវៈក្នុងស្រុកនិងធ្វើប្រតិបត្តិការមិនស្វែងរកប្រាក់ចំណេញដែលត្រូវបានបង្កើតឡើងដើម្បីជំរុញការអភិវឌ្ឍប្រព័ន្ធហិរញ្ញវត្ថុនៅកម្ពុជានិងការការពារផលប្រយោជន៍ស្របច្បាប់របស់សមាជិក។សមាគមធនាគារនៅកម្ពុជាត្រូវបានបង្កើតឡើងនៅក្នុងឆ្នាំ១៩៩៤និងត្រូវបានទទួលស្គាល់ដោយរាជរដ្ឋាភិបាលដែលតំណាងឱ្យវិស័យធនាគារឯកជននៅកម្ពុជា ដោយបច្ចុប្បន្នសមាគមនេះ មានសមាជិកជាធនាគារពាណិជ្ជចំនួន ៦០ ធនាគារឯកទេសចំនួន៩ ការិយាល័យតំណាងចំនួន៦និងសមាគមនិងស្ថាប័នទទួលប្រាក់បញ្ញើចំនួន៤៕

ភ្នំពេញ៖ លោក ស៊ុន វុទ្ធី នាយកសាលាជាតិពន្ធដារ បានបញ្ជាក់យ៉ាងច្បាស់ថា បុគ្គលដែលបានប្រឡងជាប់និងទទួលបានវិញ្ញាបនបត្រពីវគ្គបណ្តុះបណ្តាលភា្នក់ងារសេវាកម្មពន្ធដារ (តាមកម្មវិធីធម្មតា) ឬវគ្គបណ្តុះបណ្តាលជំនាញវិជ្ជាជីវៈពន្ធដារ (តាមប្រព័ន្ធក្រេឌីត) ពុំទាន់មានសម្បទាគ្រប់គ្រាន់ ក្នុងការប្រកបអាជីវកម្មជាភ្នាក់ងារពន្ធដារនោះទេ ពោលគឺត្រូវស្នើសុំអាជ្ញាបណ្ណភ្នាក់ងារសេវាកម្មពន្ធដារ ពីអគ្គនាយកដ្ឋានពន្ធដារជាមុនសិន។ លោកនាយកសាលាជាតិពន្ធដារ បានលើកឡើងបែបនេះ ក្នុងកម្មវិធី “ពន្ធដារកម្ពុជា” ដែលធ្វើការផ្សាយផ្ទាល់នៅលើទំព័រហ្វេសប៊ុក (Facebook Page) ផ្លូវការរបស់អគ្គនាយកដ្ឋានពន្ធដារ កាលពីថ្ងៃព្រហស្បត្តិ៍ ទី៣០ ខែឧសភា ឆ្នាំ២០២៤ ក្រោមប្រធានបទ “វគ្គបណ្តុះបណ្តាលជំនាញវិជ្ជាជីវៈពន្ធដារ” ដោយមានការចូលរួមពី លោក ស៊ីវ ស៊ុនហួច អនុប្រធានការិយាល័យនៃនាយកដ្ឋានបច្ចេកវិទ្យាព័ត៌មាន។ ស្របតាមសេចក្តីណែនាំលេខ ១៧១១២ អពដ ចុះថ្ងៃទី១៩ ខែតុលា ឆ្នាំ២០២១ របស់អគ្គនាយកដ្ឋានពន្ធដារ វគ្គបណ្តុះបណ្តាលជំនាញវិជ្ជាជីវៈពន្ធដារ បានផ្លាស់ប្តូរកម្មវិធីសិក្សាទៅជាប្រព័ន្ធក្រេឌីត ដែលមានចំនួន ៩ ក្រេឌីត ក្នុងនោះមានមុខវិជ្ជាតម្រូវចំនួន ៦ ក្រេឌីត មុខវិជ្ជាឯកទេសចំនួន ២ ក្រេឌីត និងមុខវិជ្ជាជ្រើសរើសចំនួន ១ ក្រេឌីត។ ចំពោះមុខវិជ្ជាឯកទេស […]

ភ្នំពេញ៖ លោកជំទាវ ប៊ុន នារី អគ្គនាយករងនៃអគ្គនាយកដ្ឋានពន្ធដារបានមានប្រសាសន៍ឱ្យដឹងថា បន្ទាប់ពីច្បាប់ស្តីពីសារពើពន្ធបានចូលជាធរមាន នៅថ្ងៃទី១៦ ខែឧសភា ឆ្នាំ២០២៣ កន្លងទៅ អគ្គនាយកដ្ឋានពន្ធដារបាននិងកំពុងកែសម្រួល លិខិតបទដ្ឋានគតិយុត្តពាក់ព័ន្ធ ដែលជាអាទិ៍មាន អនុក្រឹត្យ ប្រកាស សេចក្តីណែនាំ ដើម្បីធ្វើឱ្យមានសង្គតិភាព ច្បាស់លាស់ និងងាយស្រួលក្នុងការអនុវត្ត។ លោកជំទាវអគ្គនាយករង បានបន្ថែមទៀតថា លិខិតបទដ្ឋានគតិយុត្តចំនួន ៣១ ត្រូវបានរៀបចំដោយអគ្គនាយកដ្ឋានពន្ធដារ ក្នុងនោះមានលិខិតបទដ្ឋានគតិយុត្តចំនួន ១១ ត្រូវបានដាក់ឱ្យអនុវត្ត ខណៈលិខិតបទដ្ឋានគតិយុត្តដែលនៅសេសសល់ ស្ថិតក្នុងដំណាក់កាលនៃការពិភាក្សាចុងក្រោយកម្រិតបច្ចេកទេស និងដំណើរការស្នើសុំអនុម័តពីថ្នាក់ដឹកនាំ។ លោកជំទាវ ប៊ុន នារី បានលើកឡើងបែបនេះ នាឱកាសដែលលោកជំទាវបានចូលរួមជាអធិបតី ក្នុងវេទិកាស្តីពី “ការឈ្វេងយល់អំពីដំណើរវិវត្តន៍នៃទិដ្ឋភាពពន្ធដារក្នុងព្រះរាជាណាចក្រកម្ពុជា Navigating The evolving Tax Landscape in Cambodia” ដែលរៀបចំឡើងដោយក្រុមហ៊ុន ឌីអេហ្វឌីអិល មេគង្គ (DFDL MEKONG CAMBODIA CO.,LTD.) នាថ្ងៃព្រហស្បតិ៍ទី៣០ ខែមិថុនា ឆ្នាំ២០២៤ នៅសណ្ឋគារ […]

ភ្នំពេញ៖ ដើម្បីជំរុញឱ្យអ្នកជាប់ពន្ធយល់ច្បាស់ពីកាតព្វកិច្ចប្រកាសពន្ធរបស់ខ្លួន ព្រមទាំងពន្យល់ និងបកស្រាយនូវចម្ងល់នានាអគ្គនាយកដ្ឋានពន្ធដារនឹងរៀបចំសិក្ខាសាលាផ្សព្វផ្សាយស្តីពី “អាករលើតម្លៃបន្ថែម និងអាករលើតម្លៃបន្ថែមចំពោះប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក”។ វាគ្មិនសំខាន់ៗដែលនឹងអញ្ជើញចូលរួមចែករំលែកនៅក្នុងសិក្ខាសាលានេះគឺរួមមាន៖លោកបណ្ឌិត អេង រតនា ប្រធាននាយកដ្ឋានគ្រប់គ្រងអ្នកជាប់ពន្ធធំ នៃអគ្គនាយកដ្ឋានពន្ធដារ លោក ឆាយ ជាហេង អនុប្រធាននាយកដ្ឋានគ្រប់គ្រងអ្នកជាប់ពន្ធធំនៃអគ្គនាយកដ្ឋានពន្ធដារ និងលោក សុង កុសល អនុប្រធាននាយកដ្ឋានគ្រប់គ្រងអ្នកជាប់ពន្ធធំនៃអគ្គនាយកដ្ឋានពន្ធដារ។ សិក្ខាសាលាដ៏មានសារសំខាន់នេះនឹងប្រព្រឹត្តទៅនៅម៉ោង៨ព្រឹកដល់ម៉ោង១២ ថ្ងៃទី ១២ ខែមិថុនា ឆ្នាំ២០២៤ នៅមជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) ក្នុងរាជធានីភ្នំពេញ។ ការចូលរួមសិក្ខាសាលានេះគឺបានបង្ហាញពីកិច្ចសហការរវាងសហគ្រាស ជាមួយអគ្គនាយកដ្ឋានពន្ធដារ និងជាកត្តានៃការវាយតម្លៃកម្រិតអនុលោមភាព នៃការគោរពបទប្បញ្ញត្តិស្តីពីពន្ធដាររបស់សហគ្រាស៕          

ភ្នំពេញ៖ អគ្គនាយកដ្ឋានពន្ធដារ  ត្រូវការជ្រើសរើសមន្រ្តីជាប់កិច្ចសន្យាចំនួន ៦៣ នាក់  ឱ្យចូលបម្រើការងារនៅនាយកដ្ឋានបច្ចេកវិទ្យាព័ត៌មាន លើផ្នែកចំនួន ៦។ មន្រ្តីអគ្គនាយកដ្ឋានពន្ធដារបានបញ្ជាក់ឲ្យដឹងតាមរយៈព្រឹត្តិបត្រព័ត៌មានប្រចាំសប្តាហ៍របស់អគ្គនាយកដ្ឋានពន្ធដារកាលពីពេលថ្មីៗនេះថា ផ្នែកដ៏សំខាន់ទាំង៦ដែលត្រូវការជ្រើសរើសនោះ គឺរួមមាន៖ ១. ផ្នែករដ្ឋបាល (Administration) ២. ផ្នែកបំប្លែងទិន្នន័យ (Data Processing) ៣. ផ្នែកគាំទ្រការដឹកជញ្ជូន (Delivery) ៤. ផ្នែកគាំទ្របច្ចេកទេស (Technical Support) ៥. ផ្នែកគាំទ្រសេវាអេឡិចត្រូនិកពន្ធដារ (e-Tax Service Support) និង ៦. ផ្នែកពហុព័ត៌មាន (Multimedia)។ ដូច្នេះចំពោះសាធារណជនដែលមានចំណាប់អារម្មណ៍ សូមទាញយក (Download) ទម្រង់ពាក្យស្នើសុំចុះឈ្មោះប្រឡង និងទម្រង់ប្រវត្តិរូបសង្ខេប ពីគេហទំព័រអគ្គនាយកដ្ឋានពន្ធដារ ដែលមានអាសយដ្ឋាន www.tax.gov.kh ដោយត្រូវបំពេញព័ត៌មានទាំងអស់ និងចុះហត្ថលេខាសាមីខ្លួន រួមទាំងស្គែន (Scan) ឯកសារភ្ជាប់តម្រូវតាមការកំណត់ ជា PDF File។ នៅពេលបានបំពេញតាមទម្រង់បែបបទរួចរាល់ហើយ សូមផ្ញើទៅកាន់សារអេឡិចត្រូនិក ដែលមានអាសយដ្ឋាន recruit@tax.gov.kh យ៉ាងយឺតបំផុតត្រឹមថ្ងៃទី១៤ […]

ភ្នំពេញ៖យោងតាមកម្មវិធីពន្ធដារកម្ពុជា ដែលបានផ្សាយផ្ទាល់លើហ្វេសប៊ុកផ្លូវការ របស់អគ្គនាយកដ្ឋានពន្ធដារ កាលពីថ្ងៃ ទី២៣ ខែឧសភា ឆ្នាំ២០២៤ បានលើកយកប្រធានបទដ៏សំខាន់មួយ មកធ្វើបទបង្ហាញនិងពិភាក្សា គឺ អាករលើតម្លៃបន្ថែម កម្មវិធីនោះមានការចូលរួមពីវាគ្មិនជាមន្ត្រីជំនាញនៃអគ្គនាយកដ្ឋានពន្ធដារចំនួនពីររូប គឺ លោក ឆាយ ជាហេង អនុប្រធាននាយកដ្ឋានគ្រប់គ្រងអ្នកជាប់ពន្ធធំ និងលោក ឯក ពិសិដ្ឋ ប្រធានការិយាល័យនៃនាយកដ្ឋានគ្រប់គ្រងជាប់ពន្ធធំ។ ឆ្លើយតបទៅនឹងប្រធានបទ ស្តីពី អាករលើតម្លៃបន្ថែម វាគ្មិនក្នុងកម្មវិធីបានលើកឡើងឱ្យដឹងថា អាករលើតម្លៃបន្ថែម គឺសម្រាប់ប្រមូលប្រាក់ពន្ធមួយដ៏មានប្រសិទ្ធភាព និងលើកទឹកចិត្តឱ្យមានការអភិវឌ្ឍខាងធុរកិច្ច ដោយបានបំបាត់ឥទ្ធិពលពន្ធត្រួតស៊ីគ្នា តាមរយៈ ការអនុញ្ញាតឱ្យកាត់កងឥណទាន ព្រមទាំងជួយជំរុញការនាំចេញតាមរយៈអត្រាពន្ធសូន្យ។ ជាមួយគ្នានេះ ទំនិញឬសេវា និងសកម្មភាពសំខាន់ៗមួយចំនួន ដែលរួមចំណែកជាប្រយោជន៍សាធារណៈ ជាពិសេសមានភាពចាំបាច់ក្នុងជីវភាពរស់នៅរបស់ប្រជាពលរដ្ឋ ក៏ត្រូវបានចាត់ទុកជាការផ្គត់ផ្គង់មិនជាប់អាករ ផងដែរ ក្នុងនោះរួមមាន៖ ១. សេវាសិក្សាអប់រំ ២. សេវាប្រៃសណីយ៍សាធារណៈ ៣. សេវារបស់មន្ទីរពេទ្យនិងគ្លីនិក សេវាខាងវេជ្ជសាស្រ្ត និងការលក់ទំនិញបន្ទាប់បន្សំខាងវេជ្ជសាស្រ្ត និងទន្តសាស្រ្តដែលទាក់ទិននិងការបំពេញសេវាទាំងនេះ។ ៤. សេវាដឹកជញ្ជូនអ្នកដំណើរដោយប្រព័ន្ធដឹកជញ្ជូនសាធារណៈ ដែលជាកម្មសិទ្ធិទាំងស្រុងរបស់រដ្ឋ ៥. សេវាធានារ៉ាប់រង ៦. […]

ភ្នំពេញ៖ យោងលើសេចក្តីជូនដំណឹងលេខ១៧៥៦០ អពដ ចុះថ្ងៃទី១៣ ខែឧសភា ឆ្នាំ២០២៤ របស់អគ្គនាយកដ្ឋានពន្ធដារបានបញ្ជាក់ថា គ្រឹះស្ថានហិរញ្ញវត្ថុទាំងអស់ (ដូចមានចែងក្នុងប្រការ៤ នៃប្រកាសស្តីពីការអនុវត្តកិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលសហរដ្ឋអាមេរិក-FATCA) ត្រូវបញ្ជូនរបាយការណ៍គណនីជនជាតិអាមេរិកដែលត្រូវរាយការណ៍សម្រាប់ឆ្នាំប្រតិទិន២០២៣ទៅអាជ្ញាធរចំណូលផ្ទៃក្នុងសហរដ្ឋអាមេរិក (U.S Internal Revenue Service-IRS) តាមរយៈអគ្គនាយកដ្ឋានពន្ធដារ ឱ្យបានត្រឹមថ្ងៃទី២៨ ខែមិថុនា ឆ្នាំ២០២៤ ជាកំហិត។ ក្នុងសេចក្តីជូនដំណឹងនេះក៏បានបញ្ជាក់បន្ថែមផងដែរថាគ្រឹះស្ថានហិរញ្ញវត្ថុទាំងអស់ត្រូវពិនិត្យនិងផ្ទៀងផ្ទាត់របាយការណ៍ព័ត៌មានគណនីជនជាតិអាមេរិកដែលត្រូវរាយការណ៍តាមទម្រង់ និងបទដ្ឋានរបស់ IRS ឱ្យបានត្រឹមត្រូវ មុននឹងបញ្ជូនរបាយការណ៍នេះទៅក្នុងប្រព័ន្ធបញ្ជូនរបាយការណ៍ IDES Gateway ដោយអគ្គនាយកដ្ឋានពន្ធដារនឹងសម្របសម្រួលបញ្ជូនបន្តទៅ IRS។ ក្នុងករណីមានកំហុសនិងហួសកាលកំណត់គ្រឹះស្ថានហិរញ្ញវត្ថុទាំងអស់ដែលស្ថិតនៅក្រោមកាតព្វកិច្ចរាយការណ៍អនុលោមភាពតាមកិច្ចព្រមព្រៀង FATCA ត្រូវទទួលខុសត្រូវដោយខ្លួនឯងចំពោះការពិន័យនានា អនុលោមតាមកិច្ចព្រមព្រៀងនិងប្រកាសជាធរមាន។ ទន្ទឹមនឹងនេះ ធនាគារ សហគ្រាសធានារ៉ាប់រង គ្រឹះស្ថានមីក្រូហិរញ្ញវត្ថុ ក្រុមហ៊ុនមូលបត្រ និងស្ថាប័នប្រហាក់ប្រហែលអាចចូលទៅកាន់គេហទំព័រ fatca.gov.kh ដើម្បីទាញយក HCTA Public key, IRS Public Key នឹងទទួលបានព័ត៌មានទាក់ទិននឹងតម្រូវការ FATCA របស់ IRS៕

ភ្នំពេញ៖ ពន្ធលើមធ្យោបាយដឹកជញ្ជូន គឺជាពន្ធប្រចាំឆ្នាំដែលអនុវត្តលើមធ្យោបាយដឹកជញ្ជូនគ្រប់ប្រភេទ នៅក្នុងព្រះរាជាណាចក្រកម្ពុជា ដែលជាអាទិ៍មាន កប៉ាល់ សាឡង់ ទូក កាណូត អូប័រ រថយន្ត ក្បាលរថយន្តសណ្តោង រ៉ឺម៉កសណ្ដោង សឺមីរ៉ឺម៉ក ទោចក្រយានយន្ត ត្រីចក្រយានយន្ត ត្រាក់ទ័រ និងគ្រឿងយន្តប្រហាក់ប្រហែល។ ដើម្បីឱ្យអ្នកជាប់ពន្ធឈ្វេងយល់ កាន់តែច្បាស់ និងអនុវត្តបានត្រឹមត្រូវតាមច្បាប់និងលិខិតបទដ្ឋានគតិយុត្តពាក់ព័ន្ធ ពិសេសដើម្បីត្រៀមប្រកាសនិងបង់ប្រាក់ពន្ធលើមធ្យោបាយដឹកជញ្ជូនសម្រាប់ឆ្នាំ២០២៤ ដែលនឹងចាប់ផ្តើមនៅថ្ងៃទី១ ខែមិថុនា ឆ្នាំ២០២៤ ខាងមុខនេះ អគ្គនាយកដ្ឋានពន្ធដារបានរៀបចំ និងចេញផ្សាយនូវខិត្តប័ណ្ណស្តីពី ពន្ធលើមធ្យោបាយដឹកជញ្ជូនដោយបានលើកយកចំណុចសំខាន់ៗរួមមាន៖ -កម្មវត្ថុពន្ធ និងនិយមន័យពាក្យគន្លឹះសំខាន់ៗ -ការលើកលែងពន្ធ -អត្រាពន្ធ និងការគណនាប្រាក់ពន្ធ -កាតព្វកិច្ច និងបែបបទនៃការប្រកាសនិងបង់ប្រាក់ពន្ធ -ឯកសារភ្ជាប់សម្រាប់ការចុះបញ្ជីឬធ្វើបច្ចុប្បន្នភាពយានយន្ត និង -របៀបប្រើប្រាស់កម្មវិធីគណនាពន្ធលើមធ្យោបាយដឹកជញ្ជូន (GDT Means of Transportation Tax Calculation) ៕

ដោយ៖ ស-សម្បត្តិ ភ្នំពេញ៖ មន្រ្តីអគ្គនាយកដ្ឋានពន្ធដារបានបញ្ជាក់នៅក្នុងព្រឹត្តិបត្រព័ត៌មានប្រចាំសប្តាហ៍ចេញផ្សាយនៅថ្ងៃទី១៦ ខសភាឆ្នាំ២០២៤ថា ការលើកលែងទណ្ឌកម្មរដ្ឋបាលចំពោះការស្នើសុំកែតម្រូវលិខិតប្រកាសពន្ធដោយស្ម័គ្រចិត្តនឹងផុតកំណត់នៅដំណាច់ខែមិថុនាឆ្នាំ២០២៤នេះហើយ។ អ្នកជាប់ពន្ធតាមរបបស្វ័យប្រកាសដែលស្ម័គ្រចិត្ត ចូលខ្លូនស្នើសុំកែតម្រូវបញ្ជីគណនេយ្យ និងលិខិតប្រកាសពន្ធឡើងវិញ ដោយផ្អែកលើមូលដ្ឋាននៃការភាន់ច្រឡំ ឬការភ្លាំងភ្លាត់ នៅមានពេលវេលារហូតដល់ដំណាច់ខែមិថុនា ឆ្នាំ២០២៤ ដើម្បីទទួលបានការលើកលែងទណ្ឌកម្មរដ្ឋបាល រួមមាន ពន្ធបន្ថែម ការប្រាក់ និងការផាកពិន័យជាប្រាក់ទាំងស្រុងលើការស្នើសុំកែតម្រូវនេះ។ ការលើកលែងទណ្ឌកម្មរដ្ឋបាលនេះគឺអនុវត្តចំពោះតែ៖ ១.ការស្នើសុំកែតម្រូវបញ្ជីគណនេយ្យ និងលិខិតប្រកាសពន្ធឡើងវិញ លើប្រតិបត្តិការដែលកើតឡើងមុនការិយបរិច្ឆេទ ខែមករា ឆ្នាំ២០២៤ តែប៉ុណ្ណោះ។ ដោយឡែកការស្នើសុំកែតម្រូវលិខិតប្រកាសពន្ធលើប្រតិបត្តិការដែលកើតឡើង ចាប់ពីខែមករា ឆ្នាំ២០២៤ តទៅ មិនត្រូវទទួលបានការលើកលែង ទណ្ឌកម្មរដ្ឋបាលនេះឡើយ។ ២.ការស្នើសុំកែតម្រូវបញ្ជីគណនេយ្យ និងលិខិតប្រកាសពន្ធឡើងវិញក្នុងអំឡុងពេលរងសវនកម្មពន្ធដារ ដែលការកែតម្រូវនោះបានធ្វើឡើងមុនពេលសវនករពន្ធដារ រកឃើញកំហុសរបស់អ្នកជាប់ពន្ធឬភ្នាក់ងារកាត់ទុកតែប៉ុណ្ណោះ។ មានន័យថា អ្នកជាប់ពន្ធឬភ្នាក់ងារកាត់ទុកអាចស្នើសុំកែតម្រូវ ករណីដែលសវនករមិនទាន់បានបង្ហាញ និងគ្មានកំណត់ហេតុបញ្ជាក់ពីលទ្ធផលសវនកម្ម។ គួរបញ្ជាក់ផងដែរថា ប្រសិនបើការកែតម្រូវលិខិតប្រកាសពន្ធលើលទ្ធផលសវនកម្ម ដែលសវនករបានរកឃើញ ក្នុងអំឡុងពេលរងសវនកម្មពន្ធដារ អ្នកជាប់ពន្ធឬភ្នាក់ងារកាត់ទុក ត្រូវទទួលរងពន្ធបន្ថែម ១០% និងការប្រាក់យឺតយ៉ាវ ១,៥% ស្របតាមច្បាប់និងលិខិតបទដ្ឋានគតិយុត្តជាធរមាន។ ករណីនេះអ្នកជាប់ពន្ធឬភ្នាក់ងារកាត់ទុក នឹងត្រូវទទួលរងពន្ធបន្ថែម និងការប្រាក់យឺតយ៉ាវ តាមនីតិវិធីនិងលទ្ធផលនៃការធ្វើសវនកម្មពន្ធដារ ដោយពន្ធបន្ថែម និងការប្រាក់យឺតយ៉ាវដែលបានបង់រួច […]

ដោយ៖ស-សម្បត្តិ ភ្នំពេញ៖យោងព្រឹត្តិបត្រព័ត៌មានប្រចាំសប្តាហ៍របស់អគ្គនាយកដ្ឋានចេញផ្សាយនៅថ្ងៃទី១៦ ខសភាឆ្នាំ២០២៤បានបញ្ជាក់ថា ពន្ធលើអចលនទ្រព្យជាប្រភេទពន្ធប្រចាំឆ្នាំ ដែលត្រូវប្រកាសនិងបង់ពន្ធ ចាប់ពីថ្ងៃទី០១ ខែមករា រហូតដល់ថ្ងៃទី៣០ ខែកញ្ញា នៃឆ្នាំជាប់ពន្ធនីមួយៗ មានន័យថា សម្រាប់ឆ្នាំ២០២៤ ម្ចាស់អចលនទ្រព្យដែលជាកម្មវត្ថុនៃពន្ធនេះ ត្រូវប្រកាសនិងបង់ពន្ធនេះ យ៉ាងយូរបំផុតត្រឹមថ្ងៃទី៣០ ខែកញ្ញា ឆ្នាំ២០២៤នេះ។ ដើម្បីផ្តល់ភាពងារស្រួលជូនម្ចាស់អចលនទ្រព្យ ក្នុងការប្រកាសនិងបង់ពន្ធនេះ អគ្គនាយកដ្ឋានពន្ធដារបានអភិវឌ្ឍកម្មវិធីបង់ពន្ធលើអចលនទ្រព្យនេះ តាមរយៈទូរសព្ទដៃ ដែលមានឈ្មោះកម្មវិធីទូរសព្ទដៃអ្នកជាប់ពន្ធ (GDT Taxpayer App) ហើយកាលពីចុងឆ្នាំ២០២៣នេះ អគ្គនាយកដ្ឋានពន្ធដារក៏បានធ្វើការបង្កើតមុខងារថ្មីមួយទៀតក្នុងកម្មវិធីទូរសព្ទដៃនេះ ក្នុងការបង់ពន្ធលើអចលនទ្រព្យឱ្យកាន់តែងាយស្រួលជាងមុន ដោយអនុវត្តតែ ២ជំហានប៉ុណ្ណោះ ម្ចាស់អចលនទ្រព្យ ឬអ្នកតំណាងអាចធ្វើការបង់ពន្ធលើអចលនទ្រព្យបានដោយជោគជ័យ ដែលមុខងារនោះមានឈ្មោះថា មុខងារបង់ពន្ធរហ័ស (Quick Payment) ដែលជាមុខងារថ្មីក្នុងកម្មវិធីទូរសព្ទដៃអ្នកជាប់ពន្ធ (GDT Taxpayer App)៕

ដោយ៖ ស-សម្បត្តិ ភ្នំពេញ៖ មន្រ្តីពន្ធដារបានឲ្យដឹងតាមរយៈព្រឹត្តិបត្រព័ត៌មានប្រចាំសប្តាហ៍របស់អគ្គនាយកដ្ឋានពន្ធដារថា ចាប់ពីថ្ងៃទី១ ខែមិថុនា ដល់ថ្ងៃទី៣០ ខែវិច្ឆិកា ឆ្នាំ២០២៤ ខាងមុខនេះ ពោលគឺនៅសល់ប្រមាណតែ ៣សប្តាហ៍ទៀតប៉ុណ្ណោះ  រដ្ឋបាលសារពើពន្ធនឹងចាប់ផ្តើមប្រមូលពន្ធ លើមធ្យោបាយដឹកជញ្ជូនសម្រាប់ឆ្នាំ២០២៤។ សូមបញ្ជាក់ថា ពន្ធលើមធ្យោបាយដឹកជញ្ជូនគឺជាប្រភេទពន្ធប្រចាំឆ្នាំដែលត្រូវអនុវត្តចំពោះមធ្យោបាយដឹកជញ្ជូន នៅក្នុងព្រះរាជាណាចក្រកម្ពុជា ទាំងផ្លូវគោក និងផ្លូវទឹក។ នៅក្នុងនោះមានដូចជាកប៉ាល់ សាឡង់ ទូក កាណូត អូប័រ រថយន្ត ក្បាលរថយន្តសណ្តោង រ៉ឺម៉កសណ្តោង ស៊ឺមីរ៉ឺម៉កសណ្តោង ទោចក្រយានយន្ត ត្រីចក្រយានយន្ត ត្រាក់ទ័រ និងគ្រឿងយន្តប្រហាក់ប្រហែលជាដើម។ ដើម្បីអាចយល់ដឹងពីប្រាក់ពន្ធត្រូវបង់តាមប្រភេទមធ្យោបាយដឹកជញ្ជូននីមួយៗ លោកអ្នកអាចទាញយកកម្មវិធីទូរសព្ទសម្រាប់គណនាពន្ធលើមធ្យោបាយដឹកជញ្ជូន (GDT Means of Transportation Tax Calculation) ដោយឥតគិតថ្លៃពី App Store សម្រាប់ប្រព័ន្ធ ios និង Play Store សម្រាប់ប្រព័ន្ធ Android ដោយលោកអ្នកត្រូវជ្រើសរើសឱ្យបានត្រឹមត្រូវនូវប្រភេទយានយន្តរបស់ខ្លួន រួចបញ្ចូលនូវព័ត៌មានមួយចំនួន ដែលអាចពិនិត្យលើប័ណ្ណសម្គាល់យានយន្ត ឬវិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត រួមមាន៖ […]

ភ្នំពេញ៖ តាមរយៈអនុសាសន៍គន្លឹះលើចក្ខុវិស័យផ្នែកពន្ធដារ សម្រាប់ឆ្នាំ២០២៤ នៃកម្មវិធីសិក្ខាសាលារបស់ វិទ្យាស្ថានខេមអេដ (CamEd Business School) នាថ្ងៃទី៨ ខែឧសភាឆ្នាំ២០២៤ ឯកឧត្តម គង់ វិបុល រដ្ឋមន្រ្តី ប្រតិភូអមនាយករដ្ឋមន្រ្តី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ បានលើកឡើងពីសារប្រយោជន៍នៃកម្មវិធីរដ្ឋបាលអេឡិចត្រូនិកពន្ធដារ (GDT e-Administration) ព្រមទាំងអំពាវនាវឱ្យសាធារណជននិងអ្នកជាប់ពន្ធ ចូលរួមប្រើប្រាស់កម្មវិធីនេះឱ្យបានផុសផុល ដើម្បីសម្រួលដល់ការធ្វើធុរកិច្ចរបស់ខ្លួនឱ្យកាន់តែមានភាពងាយស្រួល មានប្រសិទ្ធភាពខ្ពស់ និងឆាប់រហ័សក្នុងការទំនាក់ទំនងជាមួយរដ្ឋបាលសារពើពន្ធ។ បន្ទាប់ពីបានឈ្វេងយល់ដោយផ្ទាល់ពី ឯកឧត្តមរដ្ឋមន្រ្តីប្រតិភូ គណៈគ្រប់គ្រងនិងសិស្សនិស្សិតនៃវិទ្យាស្ថានខេមអេដ មានការសាទរ និងគាំទ្រយ៉ាងខ្លាំងលើការធ្វើបច្ចុប្បន្នភាពបច្ចេកវិទ្យាព័ត៌មាន ពិសេសចំពោះសមិទ្ធផលថ្មី ប្រកបដោយសារប្រយោជន៍នៃកម្មវិធីរដ្ឋបាលអេឡិចត្រូនិកពន្ធដារ (GDT e-Administration) ដែលអនុញ្ញាតឱ្យ សាធារណជននិងអ្នកជាប់ពន្ធប្រើប្រាស់ សម្រាប់ដាក់លិខិតរដ្ឋបាលនានា មករដ្ឋបាលសារពើពន្ធដោយមិនចាំបាច់ខាតពេលវេលាធ្វើដំណើរទៅផ្ទាល់ និងមានសាមញ្ញភាពលើការប្រើប្រាស់ ព្រមទាំងមានសុវត្ថិភាពក្នុងការ រក្សាទុកឯកសារ ឬលិខិតរដ្ឋបាលនានាដែលបានដាក់បញ្ជូនមករដ្ឋបាលសារពើពន្ធ។ អគ្គនាយកដ្ឋានពន្ធដារ បានកំណត់យកការបន្តធ្វើបរិវត្តកម្មឌីជីថលរដ្ឋបាលសារពើពន្ធ ជាគោលបំណងចម្បងមួយ នៃផែនការយុទ្ធសាស្រ្តរបស់អគ្គនាយកដ្ឋានពន្ធដារ ក្នុងនោះការអភិវឌ្ឍបច្ចេកវិទ្យាព័ត៌មានគឺជាផ្នែកមួយដ៏សំខាន់ក្នុងការពង្រឹងអភិបាលកិច្ច តាមរយៈការបង្កើតនិងដាក់ឱ្យប្រើប្រាស់នូវប្រព័ន្ធ កម្មវិធីបច្ចេកវិទ្យាព័ត៌មាននានា សំដៅធានាបានការគ្រប់គ្រងប្រមូលចំណូលពន្ធ និងការផ្តល់សេវា អ្នកជាប់ពន្ធប្រព្រឹត្តទៅប្រកបដោយប្រសិទ្ធភាពខ្ពស់៕

ដោយ៖ សសម្បត្តិ ភ្នំពេញ៖យោងតាមព្រឹត្តិបត្រព័ត៌មានប្រចាំសប្តាហ៍របស់អគ្គនាយកដ្ឋានពន្ធដារបានបញ្ជាក់ថា សាលាជាតិពន្ធដារនៃអគ្គនាយកដ្ឋានពន្ធដារនឹងបើកវគ្គបណ្តុះបណ្តាលស្តីពី“ការប្រកាសអាករលើតម្លៃបន្ថែមតាមវិធីគិតអាករជំនួស (Revers Charge) និងការប្រើប្រាស់សេវាកម្មអេឡិចត្រូនិកពន្ធដារ” ដែលនឹងចាប់ផ្តើមចូលរៀននៅ ថ្ងៃទី២៧ ខែឧសភា ឆ្នាំ២០២៤ ខាងមុខ។ សិក្ខាកាមដែលចូលរួមនឹងទទួលបានការបណ្តុះបណ្តាលលើមុខវិជ្ជាសំខាន់ៗចំនួន ៦ រួមមាន៖ -អាករលើតម្លៃបន្ថែមចំពោះពាណិជ្ជកម្មតាមប្រព័ន្ធអេឡិចត្រូនិក (VAT on e-Commerce) លើការប្រកាសអាករ លើតម្លៃបន្ថែម (វិធីគិតអាករជំនួស) និងការបែងចែកកម្រិតអ្នកប្រើប្រាស់ -ប្រព័ន្ធគ្រប់គ្រងការប្រកាសពន្ធអាជីវកម្មតាមអនឡាញ មុខងារប្រកាសអាករលើតម្លៃបន្ថែម តាមវិធីគិតអាករជំនួស (Reverse Charge) -ប្រព័ន្ធគ្រប់គ្រងការបង់ប្រាក់ពន្ធតាមអនឡាញ (e-Payment) -ប្រព័ន្ធគ្រប់គ្រងការដាក់លិខិតប្រកាសពន្ធលើប្រាក់ចំណូល (Tol e-Filing) និង (e-Filing for Windows Desktop Application) -ប្រព័ន្ធគ្រប់គ្រងការស្នើសុំចៀសវាងការយកពន្ធត្រួតគ្នា (DTA) និង -កម្មវិធីប្រកាសពន្ធអាជីវកម្មសម្រាប់អ្នកជាប់ពន្ធតូច (GDT Tax Prefilling App) ។ លោកអ្នកដែលមានបំណងចូលរួមវគ្គបណ្តុះបណ្តាលនេះ សូមរួសរាន់ចុះឈ្មោះ និងបង់ថ្លៃសិក្សាតាមប្រព័ន្ធ “គ្រប់គ្រងការសិក្សាពន្ធដារ”នៅលើគេហទំព័ររបស់អគ្គនាយកដ្ឋានពន្ធដារដែលមានអាសយដ្ឋាន www.tax.gov.kh/km/e-service ៕  

ដើម្បីធានាបាននូវប្រសិទ្ធភាពនិងតម្លាភាព ក្នុងការប្រមូលពន្ធអាករនានា អ្នកជាប់ពន្ធដែលបានចុះបញ្ជី នៅរដ្ឋបាលសារពើពន្ធ ត្រូវចេញវិក្កយបត្រឱ្យបានត្រឹមត្រូវ តាមវិធាននៃការប្រើប្រាស់វិក្កយបត្រ ដូចមានចែងក្នុងប្រកាសលេខ ៧២៣ សហវ.ប្រក ចុះថ្ងៃទី១៤ ខែសីហា ឆ្នាំ២០១៩ របស់ក្រសួងសេដ្ឋកិច្ចនិងហិរញ្ញវត្ថុ នៅពេលធ្វើការផ្គត់ផ្គង់ទំនិញឬសេវាកម្មរបស់ខ្លួនទៅឱ្យអតិថិជន។ សម្រាប់អ្នកជាប់ពន្ធមធ្យម និងអ្នកជាប់ពន្ធធំ ត្រូវចេញវិក្កយបត្រអាករ (Tax Invoice) ទៅឱ្យអតិថិជន ជាអ្នកជាប់ពន្ធរបបស្វ័យប្រកាស និងចេញវិក្កយបត្រធម្មតា (Commercial Invoice) ទៅឱ្យអតិថិជនជាអ្នកប្រើប្រាស់ចុងក្រោយ ដោយឡែកអ្នកជាប់ពន្ធតូចត្រូវចេញវិក្កយបត្រធម្មតា (Commercial Invoice) ទៅឱ្យអតិថិជនរបស់ខ្លួន។ វិក្កយបត្រអាករ (Tax Invoice) និងវិក្កយបត្រធម្មតា (Commercial Invoice) ត្រូវរំលេចនូវនិទ្ទេសសំខាន់ៗដូចខាងក្រោម៖ -វិក្កយបត្រអាករ (Tax Invoice) ៖ ឈ្មោះសហគ្រាស អាសយដ្ឋាន និងលេខអត្តសញ្ញាណកម្មសារពើពន្ធរបស់អ្នកលក់ឬអ្នកផ្គត់ផ្គង់ លេខរៀងវិក្កយបត្រតាមលំដាប់លំដោយនិងកាលបរិច្ឆេទចេញវិក្កយបត្រ ឈ្មោះនិងអាសយដ្ឋានអ្នកទិញ ព្រមទាំងលេខអត្តសញ្ញាណកម្មសារពើពន្ធ សេចក្តីបរិយាយមុខទំនិញឬសេវា បរិមាណ និងថ្លៃ តម្លៃសរុបនៃប្រភេទទំនិញនីមួយៗដែលមិនទាន់គិតអាករនានា ប្រាក់អាករនីមួយៗ (ករណីទំនិញឬសេវាត្រូវជាប់អាករពិសេស អាករបំភ្លឺសាធារណៈ និង/ឬ អាករលើការស្នាក់នៅ) […]

យោងតាមព្រឹត្តិបត្រព័ត៌មានប្រចាំសប្តាហ៍របស់អគ្គនាយកដា្ឋនពន្ធដារ បានបញ្ជាក់ថា ១៣ចំណុច ដែលអ្នកជាប់ពន្ធមិនត្រូវធ្វើ ដើម្បីចៀសផុតពីការពិន័យទោសទណ្ឌពីរដ្ឋបាលសារពើពន្ធ។ តាមមាត្រា ២៣៥ នៃច្បាប់ស្ដីសារពើពន្ធ បុគ្គលដែលបានប្រព្រឹត្តអំពើរាំងស្ទះដល់ការអនុវត្តបទប្បញ្ញត្តិស្ដីពីពន្ធដារ នឹងត្រូវទទួលការផាកពិន័យជាប្រាក់ ៥លានរៀល ដល់ ១០លានរៀលដោយមិនទាន់គិតពីទោសព្រហ្មទណ្ឌផ្សេងទៀត។ ១៣ ចំណុច ដែលត្រូវបានចាត់ជាអំពើរាំងស្ទះទាំងនោះគឺរួមមាន៖ ការមិនបានចុះបញ្ជីនៅរដ្ឋបាលសារពើពន្ធ ស្របតាមការកំណត់របស់ច្បាប់ស្ដីពីសារពើពន្ធ និងលិខិតបទដ្ឋានគតិយុត្តពាក់ព័ន្ធផ្សេងៗទៀត ការមិនបានជូនដំណឹងទៅរដ្ឋបាលសារពើពន្ធអំពីការផ្លាស់ប្ដូរព័ត៌មាននៃការចុះបញ្ជី ការមិនបានដាក់លិខិតប្រកាសសារពើពន្ធ ការមិនបានប្រើប្រាស់ប្រព័ន្ធកត់ត្រាដែលកំណត់ដោយរដ្ឋបាលសារពើពន្ធ ការមិនបានចេញវិក្កយបត្រ ការមិនផ្ដល់ព័ត៌មាន ឬមិនបានបញ្ជូនរបាយការណ៍តាមការស្នើសុំ ការមិនអនុញ្ញាតឱ្យរដ្ឋបាលសារពើពន្ធ ធ្វើការពិនិត្យបញ្ជិកាគណនេយ្យ ឬឯកសារផ្សេងៗ ការមិនបានរក្សាបញ្ជិកាគណនេយ្យ និងឯកសារផ្សេងៗទៀត ការព្យាយាមរារាំងការកំណត់ និងការប្រមូលពន្ធ ការកសាង ឬផ្ដល់នូវកំណត់ត្រា ឯកសារ របាយការណ៍ ឬព័ត៌មានក្លែងបន្លំ ការលាក់ទុកឬបំផ្លាញចោលដោយចេតនានូវបញ្ជិកាគណនេយ្យ កំណត់ត្រា ឯកសារ របាយការណ៍ ឬព័ត៌មានផ្សេងៗ ការចេញវិក្កយបត្រក្លែងបន្លំ ការមិនអនុញ្ញាតឱ្យរដ្ឋបាលសារពើពន្ធចូលគ្រឹះស្ថានអាជីវកម្មដើម្បីកំណត់និងប្រមូលពន្ធ ។ ចំពោះបុគ្គលដែលបានប្រព្រឹត្តអំពើរាំងស្ទះដល់ការអនុវត្តបទប្បញ្ញតិ្ត ស្ដីពីពន្ធដារនឹងត្រូវទទួលការផាកពិន័យជាប្រាក់ ៥ ០០០ ០០០ (ប្រាំលាន) រៀល ដល់ ១០ ០០០ […]

ដោយ៖ស-សម្បត្តិ ការប្រមូលពន្ធអាករគ្រប់ប្រភេទ តែងតែមានការអនុគ្រោះ និង/ឬលើកលែងពន្ធ ដើម្បីជាការលើកទឹកចិត្ត និងបញ្ចៀសផលប៉ះពាល់ដល់ជីវភាពរស់នៅរបស់ប្រជាពលរដ្ឋ។ នេះជាការបញ្ជាក់របស់លោក ង៉ែត លាភ អនុប្រធាននាយកដ្ឋានពន្ធចលនទ្រព្យ និងអចលនទ្រព្យ នៃអគ្គនាយកដ្ឋានពន្ធដារ នៅក្នុងកម្មវីធី “ពន្ធដារកម្ពុជា” ដែលធ្វើការផ្សាយផ្ទាល់នៅលើទំព័រហេ្វសប៊ុកផេកផ្លូវការរបស់អគ្គនាយកដ្ឋានពន្ធដារ កាលពីថ្ងៃព្រហស្បតិ៍ ទី២៥ ខែមេសា ឆ្នាំ២០២៤ ក្រោមប្រធានបទ ពន្ធប្រថាប់ត្រាលើការផ្ទេរកម្មសិទ្ធិ និងសិទ្ធិកាន់កាប់ចលនទ្រព្យ និងអចលនទ្រព្យ ដោយមានការចូលរួមពីលោក ជួប ចាន់ដារ៉ា អនុប្រធានការិយាល័យនៃនាយកដ្ឋានចលនទ្រព្យ និងអចលនទ្រព្យ ផងដែរ។ លោកអនុប្រធាននាយកដ្ឋានបានបន្ថែមទៀតថា ជាក់ស្ដែងចំពោះពន្ធប្រថាប់ត្រាលើការផ្ទេរកម្មសិទ្ធិ និងសិទ្ធិកាន់កាប់ចលនទ្រព្យ និងអចលនទ្រព្យ មានការលើកលែងនិងការអនុគ្រោះជាច្រើនដូចខាងក្រោម៖ ករណីលើកលែងពន្ធ ក. ដីសម្បទានសេដ្ឋកិច្ច ឬសង្គមកិច្ចដល់ជនក្រីក្រសង់លំនៅឋាន ឬ/និងធ្វើកសិ-ឧស្សាហកម្ម ឬកសិកម្មសលក្ខណៈគ្រួសារ។ ខ. ការទទួលកម្មសិទ្ធិ ឬសិទ្ធិកាន់កាប់អចលនទ្រព្យ ក្នុងវង្វង់ញាតិ៖ ១. ការធ្វើសន្តតិកម្ម –          រវាងឪពុក-ម្ដាយបង្កើត និងកូនបង្កើត –           រវាងប្ដី-ប្រពន្ធ –           រវាងយាយ-បង្កើត និងចៅបង្កើត –           […]