ប្រែសម្រួល៖សហការី ហាណូយ៖ កាលពីថ្ងៃសុក្រ ទី២៦ កក្កដា មនុស្សរាប់ពាន់នាក់មកពីទូទាំងប្រទេសវៀតណា ដើម្បីគោរពវិញ្ញាណក្ខន្ធអគ្គលេខាធិការបក្សកុម្មុយនិស្តវៀតណាមលោក Nguyen Phu Trong ដែលជាមេដឹកនាំដ៏មានឥទ្ធិពលបំផុតដែលបានកាន់កាប់អំណាចអស់រយៈពេលជាច្រើនទសវត្សរ៍កន្លងមក។ លោក Nguyen Phu Trong បុរសអាយុ ៨០ ឆ្នាំដែលបានស្លាប់នៅក្នុងមន្ទីរពេទ្យក្នុងរដ្ឋធានីហាណូយកាលពីសប្តាហ៍មុនបានដឹកនាំគណបក្សតាំងពីឆ្នាំ ២០១១ ហើយបានមើលការខុសត្រូវខ្ពស់ក្នុងការប្រឆាំងអំពើពុករលួយដែលបានវាយលុកពាសពេញបក្សកងកម្លាំងប៉ូលិស កងកម្លាំងប្រដាប់អាវុធ និងក្រុមអាជីវករ។ គេសង្កេតឃើញមានមនុស្សពាក់អាវខ្មៅរាប់ពាន់នាក់បានឈរតម្រង់ជួរនៅក្នុងទីក្រុងហាណូយដើម្បីមើលមុខមេដឹកនាំរបស់ខ្លួននៅមុនពេលបញ្ចុះសពរបស់គាត់នៅទីបញ្ចុះសព Mai Dich ដែលជាកន្លែងសម្រាកចុងក្រោយសម្រាប់មេដឹកនាំជាន់ខ្ពស់ជាច្រើននៅក្នុងប្រទេសវៀតណាមនៅវេលាម៉ោង ៣ រសៀល កាលពីថ្ងៃសុក្រ។ Tran Hoang Nguyet Mai បានប្រាប់អ្នកយកព័ត៌មាន AFP កាលពីថ្ងៃសុក្រថា “ខ្ញុំបានចំណាយពេលជាងបួនម៉ោងដើម្បីមកតម្រង់ជួរកាលពីយប់មិញ” ។គាត់បាននិយាយថា៖ “សំណាងល្អដែលខ្ញុំបានចូលទៅក្នុងមុនដើម្បីនិយាយលាមេដឹកនាំដែលខ្ញុំពិតជាគោរពគាត់ខ្លាំងណាស់។ “គាត់ជាមេដឹកនាំបក្សកុម្មុយនិស្តពិតៗដែលគេគិតថាគ្មានគិតផលប្រយោជន៍សម្រាប់ខ្លួនឯង និងគ្រួសាររបស់គាត់”។ អាជ្ញាធរបាននិយាយនៅព្រឹកថ្ងៃសុក្រនេះថា ចាប់តាំងពីថ្ងៃព្រហស្បតិ៍ មនុស្សចំនួន ២១០០០០ នាក់បានទៅគោរពវិញ្ញាណក្ខន្ធលោក Trong នៅទីក្រុងហាណូយ ភាគខាងត្បូងទីក្រុងហូជីមិញ និងភូមិរបស់គាត់នៅជាយរដ្ឋធានី។ ទង់ជាតិទាំងអស់នៅទូទាំងប្រទេសបានបង្ហូតពាក់កណ្ដាលខណៈដែលព្រឹត្តិការណ៍កម្សាន្ត និងកីឡាត្រូវបានផ្អាកក្នុងអំឡុងពេលកាន់ទុក្ខនេះ។ សុខភាពមិនល្អរបស់លោក Trong បានជំរុញឲ្យគាត់មានការរំពឹងទុកថាលោកនឹងមិនអាចបន្តកាន់អំណាចរហូតដល់សមាជបក្សឆ្នាំ […]

ប្រែសម្រួល៖រតនា លោកប្រធានាធិបតី Biden នឹងវិលត្រឡប់មកសេតវិមានវិញនៅថ្ងៃអង្គារជាលើកដំបូងបន្ទាប់ពីលោកបានប្រកាសដ៏គួឲ្យភ្ញាក់ផ្អើលពីការបោះបង់យុទ្ធនាការបោះឆ្នោតឡើងវិញ និងផ្តល់ការគាំទ្រអនុប្រធានាធិបតី Kamala Harris កន្លងមក។ លោក Biden គ្រោងនឹងចាកចេញពីផ្ទះរបស់គាត់នៅឆ្នេរ Rehoboth រដ្ឋ Delaware ជាកន្លែងដែលគាត់បានព្យាបាលជាសះស្បើយពីជំងឺ COVID-19 នៅពេលរសៀល ហើយនឹងមកដល់សេតវិមាននៅម៉ោង ២:៣០ រសៀល ស្របតាមកាលវិភាគរបស់គាត់។ ប្រធានាធិបតីអាយុ ៨១ ឆ្នាំរូបនេះត្រូវបានគេរំពឹងថាដំបូងគាត់នឹងចាកចេញពីទីក្រុងឆ្នេរជាកន្លែងដែលគាត់ត្រូវបានគេដាក់ឲ្យនៅដាច់ដោយឡែកពីគេកាលពីថ្ងៃចន្ទដើម្បីវិលទៅបើកផ្លូវធ្វើយុទ្ធនាការឡើងវិញក៏ប៉ុន្តែគាត់បានបន្តការស្នាក់នៅបន្ទាប់ពីគាត់បានប្រកាសដ៏ចម្លែកដែលមិនគួឲ្យជឿថាគាត់នឹងចាកចេញពីការប្រកួតប្រធានាធិបតីឆ្នាំ ២០២៤ នៅថ្ងៃនោះ។ ប្រភពពីសេតវិមានបានប្រាប់ភ្នាក់ងារ The Post ថា លោក Biden បានលុបចោលការធ្វើដំណើរចំនួនប្រាំបួនដែលជាកាលវិភាគរបស់គាត់សម្រាប់រយៈពេលពីរសប្តាហ៍បន្ទាប់ពីការប្រកាសដ៏គួរឲ្យភ្ញាក់ផ្អើលរបស់គាត់កាលពីថ្ងៃអាទិត្យ។ ប្រភពបានអះអាងថា “ពួកគេបានចាប់ផ្តើមលុបចោលនូវកម្មវិធីនាៗនៅពេលដែលគាត់ប្រកាសថាគាត់មិនស្វែងរកការបោះឆ្នោតឡើងវិញ” ។ លោក John Whitmire អភិបាលក្រុងហ៊ូស្តុន រំពឹងថានឹងបានជួបជាមួយប្រធានាធិបតីអំពីកិច្ចខិតខំប្រឹងប្រែងជួយសង្គ្រោះជនរងគ្រោះពីគ្រោះមហន្តរាយដោយសាព្យុះ Hurricane Beryl នៅក្នុងទីក្រុងរបស់គាត់នៅថ្ងៃព្រហស្បតិ៍ ក៏ប៉ុន្តែលោកបានថ្លែងថា ដំណើរមកកាន់ក្រុងហ៊ូស្តុនបស់លោក Biden ត្រូវបានលុបចោលនៅនាទីចុងក្រោយ។ លោក Whitmire បាននិយាយកាលពីថ្ងៃអាទិត្យថា “ខ្ញុំមិនដឹងថាតើសារព័ត៌មានបានដឹងដែរឬទេ ថាប្រធានាធិបតី Biden នឹងមកទីនេះនៅថ្ងៃព្រហស្បតិ៍ដើម្បីទទួលស្គាល់ការរៀបចំរបស់យើង” […]

ប្រែសម្រួល៖  ស-សម្បត្តិ យោងតាមរដ្ឋបាលអាកាសចរណ៍សហព័ន្ធ និងអ្នកនាំពាក្យអាកាសយានដ្ឋានបានឲ្យដឹងថា មានមនុស្សពីរនាក់បានស្លាប់នៅក្នុងគ្រោះថ្នាក់ធ្លាក់យន្តហោះធុនតូចនៅអាកាសយានដ្ឋាន MacArthur ក្នុងតំបន់កោះ Long កាលពីល្ងាចថ្ងៃចន្ទ។ យន្តហោះប្រភេទ Beechcraft Bonanza A36 ដែលមានម៉ាស៊ីនតែមួយ កំពុងហោះចេញពីអាកាសយានដ្ឋានក្នុងទីក្រុង Ronkonkoma នៅមុនពេលដែលវាធ្លាក់នៅចុងផ្លូវរត់ Runway ទី ៦ ក្នុងវេលាម៉ោងប្រហែល ៦:១៥ ល្ងាច នេះបើយោងតាមរដ្ឋបាលអាកាសចរណ៍សហព័ន្ធ និងអ្នកនាំពាក្យអាកាសយានដ្ឋាន។ អ្នកនាំពាក្យបាននិយាយថា យន្តហោះបានរងការខូចខាត ហើយក្រុមសង្គ្រោះបន្ទាន់នៅអាកាសយានដ្ឋានបានឆ្លើយតបភ្លាមៗ ដើម្បីជួយសង្គ្រោះមនុស្សពីរនាក់នៅលើយន្តហោះ។ យោងតាមរូបថតបានបង្ហាញឲ្យឃើញនូវបំណែកយន្តហោះមានពណ៌សតូចហើយទំនងជាត្រូវបានដាច់ចេញពីគ្នានៅជិតច្រមុះខាងមុខនៃតួយន្តហោះក្រោយពីបានធ្លាក់នៅក្នុងតំបន់វាលស្មៅ។ តំណាងអាកាសយានដ្ឋាន MacArthur បានថ្លែងថា FAA និងក្រុមប្រឹក្សាសុវត្ថិភាពដឹកជញ្ជូនជាតិនឹងស៊ើបអង្កេតអំពីមូលហេតុដែលបណ្តាលឲ្យស្លាប់មនុស្សពីរនាក់រួមទាំងឧប្បត្តិហេតុធ្លាក់យន្តហោះធុនតូចនៅអាកាសយានដ្ឋាន MacArthur ។ ទីភ្នាក់ងារប៉ូលីសប្រចាំខោនធី Suffolk នៅមិនទាន់មានព័ត៌មានលម្អិតភ្លាមៗអំពីគ្រោះថ្នាក់ធ្លាក់យន្តហោះធុនតូចនេះនៅឡើយទេ៕

ដោយ៖​ស-សម្បត្តិ នៅក្រោយលដែលលោក Biden រងសម្ពាធកាន់តែខ្លាំងឡើងក្នុងការជំរុញឲ្យលោកបោះបង់ការប្រកួតប្រចជែងក្នុងការបោះឆ្នោតឡើងវិញសម្រាប់អាណត្តិប្រធានាធិបតីសហរដ្ឋអាមេរិក លោក  Biden កាលពីថ្ងៃអាទិត្យ ទី២១ កក្កដា បានអនុម័តតែងតាំងប្រធានាធិបតីរបស់គាត់គឺលោកស្រីKamala Harris ជាបេ្ខភាពប្រធានាធិបតីសហរដ្ឋអាមេរិករបស់គណបក្សប្រជាធិបតេយ្យ។ យ៉ាងណាក៏ដោយករណីនេះនៅមិនទាន់បានបញ្ចប់នៅឡើយទេសម្រាប់បេក្ខភាពរបស់លោកស្រី Harris នោះពីព្រោះថាគាត់តម្រូវឲ្យមានការគាំទ្រពីប្រតិភូគណបក្សនីមួយៗបន្ថែមទៀត។ រឿងដ៏គួឲ្យខកចិត្តនោះគឺការសម្រេចចិត្តរបស់ Biden ដែលបានបោះគណបក្សប្រជាធិបតេយ្យចោលក្នុងទឹកដែលមិនមែនជាធម្មនុញ្ញរបស់អាមេរិក ដោយសារតែការបោះឆ្នោតបឋមបានបញ្ចប់ជាយូរណាស់មកហើយ។ “នេះជាការព្យាករណ៍លើអ្វីដែលអាចកើតឡើងបន្ទាប់” តើមានពាក់ព័ន្ធនិងនិតិវិធីអ្វីខ្លះ? ដើម្បីចាត់តាំងបុគ្គលដែលជាបេ្ខភាពប្រធានាធិបតីសហរដ្ឋអាមេរិករបស់គណបក្សជាផ្លូវការ ប្រតិភូដែលជាតំណាងឲ្យរដ្ឋទាំង ៥០របស់សហរដ្ឋអាមេរិកនឹងមកចូលរួមមហាសន្និបាតជ្រើសរើសតាំងបេក្ខជននៅក្នុងរដូវក្តៅសម្រាប់គណបក្សរបស់ខ្លួនដើម្បីជ្រើរតាំងបេក្ខជនជាផ្លូវការសម្រាប់បេក្ខភាពប្រធានាធិបតីសហរដ្ឋអាមេរិក។ ប្រតិភូទាំងនេះជាធម្មតាជាមេដឹកនាំនយោបាយក្នុងស្រុក ឬជាអ្នកគាំទ្រដំបូងបង្អស់របស់បេក្ខជនប្រធានាធិបតីដ៏ជាក់លាក់ណាមួយ។ ពួកគេបានប្តេជ្ញាជាមុនថានិងបោះឆ្នោតឲ្យបេក្ខជនដែលរដ្ឋបោះឆ្នោតជ្រើសរើសនៅក្នុងការបោះឆ្នោតបឋម បើទោះបីជាច្បាប់មិនបានតម្រូវឲ្យពួកគេធ្វើដូច្នេះក៏ដោយ។ ប្រតិភូជាន់ខ្ពស់អាចបោះឆ្នោតឲ្យបេក្ខជនណាមួយដែលពួកគេចង់បាន ដោយមិនគិតពីលទ្ធផលនៃការបោះឆ្នោតបឋមនោះទេ។ ប្រតិភូជាន់ខ្ពស់ជាធម្មតាជាមន្ត្រីជាប់ឆ្នោតបច្ចុប្បន្ន ឬក៏ជាអតីតភាព។ ប្រសិនបើគ្មានបេក្ខជនណាទទួលបានសំឡេងភាគច្រើនក្នុងការបោះឆ្នោតជុំទីមួយទេ ដំណើរការនឹងផ្លាស់ទីទៅជុំទីពីរ ដែលតំណាងជាន់ខ្ពស់នឹងបោះឆ្នោតរហូតដល់បេក្ខជននោះត្រូវបានជ្រើសតាំងឡើង។ ការបោះឆ្នោតជាច្រើនជុំគឺដើម្បីជួយដល់បុគលគលណាម្នាក់ឲ្យទទួលបានសំឡេងភាគច្រើនដើម្បីនិងក្លាយជាបេក្ខភាពប្រធានាធិបតីសហរដ្ឋអាមេរិករបស់គណបក្សជាផ្លូវការ។ មានប្រតិភូជាលក្ខណ:បុគ្គលជិត ៤,០០០ នាក់ និងតំណាងជាន់ខ្ពស់ប្រហែល ៧៥០ នាក់ចូលរួមក្នុងការបោះឆ្នោតនៅក្នុងជុំនិមួយៗ។ ក្នុងករណីនេះតើមានអ្វីកើតឡើងឥឡូវនេះ? លោក Biden បានចំណាយពេលជាច្រើនខែចុងក្រោយនេះ ដើម្បីប្រមូលគណៈប្រតិភូគណបក្សប្រជាធិបតេយ្យប្រហែល ៣,៩០០ នាក់ដោយបានឈ្នះការបោះឆ្នោតបឋមនៅក្នុងរដ្ឋ និងដែនដីសហរដ្ឋអាមេរិក។ ៩៩ ភាគរយនៃប្រតិភូដែលគាត់បានសន្យាជាមួយហើយពួកគេត្រូវបានកំណត់ឲ្យគាំទ្រគាត់នៅក្នុងសន្និបាតដែលគ្រោងនឹងចាប់ផ្តើមនៅថ្ងៃទី ១៩ខែសីហានៅទីក្រុងឈីកាហ្គោ។ មេដឹកនាំគណបក្សមានគម្រោងតែងតាំងលោក Biden […]

ប្រែសម្រួល៖ស-សម្បត្តិ មន្ត្រីឧទ្យានជាតិបានឲ្យដឹងថា បុរសម្នាក់ដែលគេមិនបញ្ចេញអត្តសញ្ញាណ បានពើបប្រយុទ្ធជាមួយខ្លាឃ្មុំ Grizzlyដ៏សាហាវមួយក្បាល ហើយក្រោយមកគាត់បានយកកាំភ្លើងខ្លីបាញ់សម្លាប់វា ចំណែកឯបុរសរូបនោះបានរងរបួសយ៉ាងធ្ងន់ធ្ងរដោយសារខ្លាឃ្មុំកាលពីថ្ងៃព្រហស្បតិ៍។ ក្នុងពេលប្រយុទ្ធគ្នាជាមួយនឹងសត្វខ្លាឃ្មុំនោះគាត់បានប្រើកាំភ្លើងខ្លីបាញ់សម្លាប់សត្វខ្លាឃ្មុំ ហើយបន្ទាប់មកគាត់ក៏ត្រូវបានគេបញ្ជូនទៅកាន់មន្ទីរពេទ្យនៅក្នុងតំបន់ ។ អ្នកនាំពាក្យទីភ្នាក់ងារ អភិរក្សសត្វព្រៃរបស់រដ្ឋបានឲ្យដឹងថា សត្វ ខ្លាឃ្មុំនេះទំនងជាមេខ្លាឃ្មុំធំដែលព្យាយាមការពារកូនរបស់វា ។ បុគ្គលិកសត្វព្រៃបានចាប់ផ្តើមស្វែងរកកូនរបស់វានៅជុំវិញតំបន់នោះ ប៉ុន្តែគេនៅមិនទាន់ដឹងច្បាស់ទេថាតើកូនរបស់វានឹងត្រូវបានគេចាប់យកទៅឬមួយយ៉ាងណានោះទេ។ ការវាយប្រហារដោយសត្វខ្លាឃ្មុំនេះ បានកើតឡើងនៅក្នុងព្រៃធម្មជាតិ Flathead ចម្ងាយប្រហែល ២ ម៉ាយភាគខាងជើងនៃតំបន់ Columbia Falls ដែលជាទីក្រុង Montana ភាគពាយ័ព្យដែលមានមនុស្សប្រហែល ៥,៥០០ នាក់រស់នៅ។ នៅថ្ងៃដដែលនោះ ក៏មានបុរសម្នាក់ផ្សេងទៀតត្រូវបានវាយប្រហារដោយសត្វខ្លាឃ្មុំ Grizzly ពេញវ័យមួយក្បាល ដែលបានចូលទៅក្នុងផ្ទះ និងលួចអាហារនៅជុំវិញទីក្រុង Gardner ភាគខាងជើងនៃឧទ្យានជាតិ Yellowstone ។ វាក៏ត្រូវបានគេបាញ់សម្លាប់នៅក្បែរទន្លេ Yellowstone ចម្ងាយប្រហែល ៣០០ ម៉ាយពីភាគខាងត្បូងពីតំបន់ដែលមានការវាយប្រហារដោយសត្វខ្លាឃ្មុំដំបូងនៅតំបន់ Columbia Falls។នាយកដ្ឋានអភិរក្សសត្វព្រៃបានថ្លែងថា ខ្លាឃ្មុំបានក្លាយទៅជាទម្លាប់ក្នុងការស្វែងរកអាហារនៅក្នុងកន្លែងចាក់សំរាម និងសាច់អាំងដែលទុកចោលនៅខាងក្រៅផ្ទះ។ សត្វខ្លាឃ្មុំអំបូ Grizzly អាចធំលូតលាស់ដល់ទៅ ៧០០ ផោន ត្រូវបានចុះបញ្ជីជាប្រភេទសត្វដែលកំពុងរងការគំរាមកំហែងនៅសហរដ្ឋអាមេរិកក្រោមច្បាប់ […]

ប្រែសម្រួល៖ តារា អ្នកជំនាញផ្នែកចិត្តសាស្រ្តនិយាយថា ទោះបីមិនមានហេតុផលណាមួយច្បាស់លាស់ក៏ដោយតែបើយោងតាមប្រវត្តិលើអ៊ីនធឺណិតរបស់ ខ្មាន់.កាំ.ភ្លើងThomas Crooks បានបង្ហាញថាខ្មាន់កាំភ្លើងបានស្វែងរកព័ត៌មានទាក់ទងអំពី “ជំងឺបាក់ទឹកចិត្ត”។ អ្នកជំនាញផ្នែកចិត្តសាស្រ្តបានគូសបញ្ជាក់ថា ស្ថានភាពរបស់ខ្មាន់.កាំភ្លើងThomas Crooks នេះ បានបង្ហាញអំពីជំងឺបាក់ទឹកចិត្តដែលមានរយៈពេលយូរមកហើយដែលធ្វើឲ្យប៉ះពាល់ដល់ជីវិតប្រចាំថ្ងៃ របស់ខ្លួនជាធម្មតាគេតែងតែកត់សម្គាល់ឃើញថាអ្នកមានជំងឺបាក់ទឹកចិត្តដូចជាខ្មាន់កាំ.ភ្លើងThomas Crooks បានបង្កឲ្យមនុស្សស្អប់ខ្លួនឯងយ៉ាងខ្លាំងហើយលែងចង់រស់តទៅទៀត។ យោងតាមការស្រាវជ្រាវមួយចំនួនបានរកឃើញថា មនុស្សដែលមានជំងឺបាក់ទឹកចិត្តបានប្រព្រឹត្តអំពើឧ.ក្រិដ្ឋ.កម្មដ៏ឃោរឃៅប្រហែលជា ៣ លើកលើសពីការរំពឹងទុក។ យ៉ាងហោចណាស់មួយភាគបួននៃអ្នកបា.ញ់ប្រ.ហារទ្រង់ទ្រាយធំនៅក្នុងកំណត់ត្រារបស់អាមេរិកបង្កឡើងដោយសារតែមានជំងឺបាក់ទឹកចិត្តឬជំងឺផ្លូវចិត្តផ្សេងទៀត។ សេចក្តីសន្និដ្ឋានដែលថា ខ្មាន់.កាំភ្លើងCrooks អាចនឹងមានជំងឺបាក់ទឹកចិត្តហើយបានប្រើថ្នាំប្រឆាំងនឹងជំងឺនេះត្រូវបានក្លាយជាប្រធានបទជជែកវែកញែកនៅក្នុងពិភពវេជ្ជសាស្ត្រ៖ តើថ្នាំទាំងនោះមានតួនាទីបង្កើតទំនោរជំរុញឲ្យមនុស្សធ្វើអត្តឃាតបានដែរឬទេ? ក្រុមមន្រ្តីអនុវត្តច្បាប់មានការភ្ញាក់ផ្អើលដោយមិនដឹងថាមកពីមូលហេតុអ្វីបានជាជម្រុញឲ្យ Crooks កំណត់គោលដៅលើលោក Trump ចំណែកនិន្នាការនយោបាយរបស់ខ្មាន់.កាំភ្លើងThomas Crooks ហាក់មានភាពច្របូកច្របល់ខ្លាំង។ បើយោងតាមបញ្ជីចុះឈ្មោះខ្មាន់កាំភ្លើងមកពីបក្សសាធារណរដ្ឋហើយត្រូវជាសម្ព័ន្ធមិត្តរបស់ក្រុមអភិរក្សនិយមគាត់ថែមទាំងបានបរិច្ចាគប្រាក់ដល់ចលនារីកចម្រើននៅឆ្នាំ ២០២១។ បើទោះបីជាមិនមានហេតុផលណាមួយក៏ដោយ ក៏លោកវេជ្ជបណ្ឌិតបានអះអាងថាខ្មាន់.កាំភ្លើងThomas Crooks ទំនងជារងនូវឥទ្ធិពលនៃជំងឺបាក់ទឹកចិត្តដែលអាចជំរុញឲ្យគាត់ធ្វើការបា.ញ់ប្រ.ហារដ៏សា.ហាវមកលើហ្វូងមនុស្សដែលមានវត្តមានលោក Trumpនៅក្នុងនោះផងដែរ ។ យោងតាមការពិនិត្យឡើងវិញលើទូរសព្ទ និងកុំព្យូទ័ររបស់ខ្មាន់កាំភ្លើង Crooks ដោយ FBI បានរកឃើញថាគាត់មានជំងឺបាក់ទឹកចិត្តហៅថា Googled ។ គេនៅមិនទាន់ដឹងច្បាស់ទេថាតើខ្មាន់កាំភ្លើងThomas Crooks ត្រូវបានគេធ្វើរោគវិនិច្ឆ័យថាមានជំងឺនេះដែរឬទេ ដែលធ្វើឲ្យប៉ះពាល់ដល់មនុស្សពេញវ័យប្រហែល ១៧ លាននាក់ទូទាំងសហរដ្ឋអាមេរិក។ ជំងឺបាក់ទឹកចិត្តហាក់ដូចជាដុំភ្លើងដែលកំពុងតែឆេះខ្លាំងនៅក្នុងអារម្មណ៏ដែលអាចបង្កឲ្យទៅជាកំហឹងក្នុងចិត្តប្រឆាំងនឹងខ្លួនឯងហើយនិងមនុស្សដទៃទៀតផងដែរ។ […]

ប្រែសម្រួល៖រតនា ហាណូយ៖ លោក Nguyen Phu Trong ដែលបានដឹកនាំប្រទេសវៀតណាមអស់រយៈពេលជាងមួយទស្សវត្សរ៍ហើយថ្មីៗនេះបានដើរលើខ្សែបន្ទាត់គោលនយោបាយដ៏ល្អមួយក្នុងការលើកកម្ពស់ទំនាក់ទំនងរវាងចិន និងអាមេរិកក្រោមនយោបាយការទូតដើមឫស្សី’ របស់គាត់ឥឡូវនេះបានទទួលមរណភាពហើយក្នុងអាយុ ៨០ ឆ្នាំ។ អស់ជាច្រើនខែមកហើយ ដែលលោក Nguyen Phu Trong  អវត្តមាននៅក្នុងព្រឹត្តិការណ៍សាធារណៈ ឬខកខានទាំងស្រុង ហើយកាលពីថ្ងៃព្រហស្បតិ៍តួនាទីជាប្រធានគណបក្សត្រូវបានជំនួសដោយលោកប្រធានាធិបតី To Lam ។ បក្សកុម្មុយនិស្តវៀតណាមបានថ្លែងកាលពីថ្ងៃសុក្រ ទី១៩ ខែកក្កដា ថាគាត់បានស្លាប់ដោយសារជំងឺចាស់ជរាដ៏ធ្ងន់ធ្ងរ។ លោក Trong បានក្លាយជាអគ្គលេខាធិការបក្សកុម្មុយនិស្តក្នុងឆ្នាំ ២០១១ ដែលជាមុខតំណែងផ្តាច់ការគ្រប់គ្រងដោយបក្សកុម្មុយនិស្តបានផ្តល់ឲ្យគាត់នូវគន្លឹះនៃអំណាច។ លោកក៏បានធ្វើជាប្រធានាធិបតីវៀតណាមចាប់ពីឆ្នាំ ២០១៨ ដល់ឆ្នាំ ២០២០ផងដែរ។ ចាប់ពីឆ្នាំ ២០១៧មកលោក Nguyen Phu Trong  បានបញ្ចេញកណ្តាប់ដៃដែកបង្រ្កាបអំពើពុករលួយតាមបែបចិនកុម្មុយនិស្ត ដែលគេហៅថាជាដុំភ្លើងដែលបានជះឥទ្ធិពលដ៏អាក្រក់ដល់សេដ្ឋកិច្ច និងធ្វើឲ្យរដ្ឋបាលសាធារណៈជាប់គាំងថែមទៀតផងនៅក្នុងឆ្នាំមុន។ នៅក្នុងគោលនយោបាយការបរទេស លោក Trong បានខិតខំព្យាយាមបង្កើនមិត្តឲ្យបានកាន់តែច្រើន និងកាត់បន្ថយសត្រូវក្នុងសភាពបត់បែនដូចដើមឬស្សី។ គោលជំហរ​នេះ​បានលើកទឹកចិត្តឲ្យមាន​ដំណើរ​ទស្សនកិច្ច​របស់​ប្រធានាធិបតី Joe Biden ទៅកាន់​ទីក្រុង​ហាណូយ​កាលពី​ខែ​កញ្ញា​ដែលធ្វើឲ្យអាមេរិក​មើល​ឃើញ​វៀតណាមកំពុង​លើកកម្ពស់ផ្នែកការទូត​​ជាមួយអាមេរិក និង​ចិន រួមទាំងរុស្ស៊ី និងឥណ្ឌា […]

ប្រែសម្រួល៖រតនា ប្រភពពីមន្ត្រីអនុវត្តច្បាប់បានប្រាប់អ្នកយកព័ត៌មាន The Post ថា ភ្នាក់ងារសេវាសន្តិសុខសម្ងាត់បានទទួលការព្រមានអំពីការគំរាមកំ.ហែងលើអាយុ.ជិ.វិតរបស់អតីតប្រធានាធិបតី Donald Trump មុនពេលដែលខ្មាន់កាំភ្លើង Thomas Michael Crooks ធ្វើការបាញ់.ប្រ.ហារមកលើអតីតប្រធានាធិបតី Donald Trump ខណ:ដែលគាត់កំពុងឡើងលើវេទិកា ក៏ប៉ុន្តែរឿងដ៏ចម្លែកនោះគឺថាបើទោះបីជាត្រូវបានព្រមាន១០នាទីមុនក៏ដោយក៏ភ្នាក់ងារសេវាសន្តិសុខសម្ងាត់នៅតែអនុញ្ញាតឲ្យលោក Donald Trump នៅលើវេទិកា និងធ្វើសកម្មភាពរបស់គាត់ជាបន្តទៀត។ ប្រភពបានបន្តថាភ្នាក់ងារសេវាសន្តិសុខសម្ងាត់ក៏ត្រូវបានព្រមានថាមាន “សញ្ញាដ៏គួឲ្យសង្ស័យ” នៅមុនពេលមានការបា.ញ់ប្រ.ហារមក.លើអតីតប្រធានាធិបតី Donald Trumpកាលពីថ្ងៃសៅរ៍ក្នុងខណ:ពេលកំពុងមានការប្រមូលផ្តុំបើកយុទ្ធនាការរបស់លោក Trump នៅទីក្រុង Butler រដ្ឋ Pennsylvania ។ ទីភ្នាក់ងារសារព័ត៌មាន Fox News បានរាយការណ៍ជាលើកដំបូងនូវព័ត៌មានលម្អិតថ្មី ដែលបានបែកធ្លាយពាក់ព័ន្ធជាមួយក្រុមសេវាសន្តិសុខសម្ងាត់នៅក្នុងអំឡុងពេលធ្វើសន្និសីទព្រឹទ្ធសភាដ៏គួរឲ្យភ្ញាក់ផ្អើលកាលពីថ្ងៃពុធ។ “ខ្មាន់កាំភ្លើងត្រូវបានកំណត់អត្តសញ្ញាណដោយឧបករណ៍ចាប់សញ្ញារបស់ភ្នាក់ងារសេវាសន្តិសុខសម្ងាត់តាំងពីមួយម៉ោងមុនពេលមានការបាញ់ប្រហារបានកើតឡើងថាជននេះជាគោលដៅដ៏គួសង្ស័យ ដោយសារតែមានកាបូបស្ពាយជាប់នឹងខ្លួន។ “ហេតុនេះហើយនៅក្នុងអំឡុងមួយម៉ោងមុននោះភ្នាក់ងារសេវាសន្តិសុខសម្ងាត់មិនគួរមិនអាចបន្តមើលឃើញខ្មាន់កាំភ្លើងនោះទេ។ ចំណុចមួយទៀតគឺថាតើប៉ូលិសនៅក្នុងតំបន់មានបានប្រទះឃើញ Crooks នៅខាងក្រៅបរិវេណនៃការជួបជុំនោះដែឬទេ?ហើយប្រសិនបើបានឃើញតើប៉ូលិសបានបញ្ជូនសញ្ញាព្រមានដល់ភ្នាក់ងារសេវាសន្តិសុខសម្ងាត់ទាន់ពេលដែរឬទេ?។ បើយោងតាមព័ត៌មានលម្អិតថ្មីបានបញ្ជាក់ថា ភ្នាក់ងារសេវាសន្តិសុខសម្ងាត់ទទួលបានសារនេះក៏ប៉ុន្តែខកខានក្នុងការធ្វើសកម្មភាពឆ្លើយតបនៅមុនពេលមានការបា.ញ់ប្រ.ហារ.មកលើអតីតប្រធានាធិបតី Donald Trump ។ លោក Barrasso បានកត់សម្គាល់ថា ប្រមុខភ្នាក់ងារសេវាសន្តិសុខសម្ងាត់កំពូលដែលទទួលបន្ទុកធានាការជួបជុំនេះ កំពុងនិយាយទៅកាន់ប៉ូលិសក្នុងតំបន់តាមទូរសព្ទ នៅពេលដែលមានការបា-ញ់ប្រ.ហារបានកើតឡើង។ គាត់បានអំពាវនាវឲ្យប្រធានសេវាសន្តិសុខសម្ងាត់ […]

ប្រែសម្រួល៖ ស-សម្បត្តិ ប្រភពពីមន្រ្តីសេវាសន្តិសុខបានប្រាប់អ្នកយកព័ត៌មាន The Post ថាខ្មាន់កាំភ្លើងដែលប៉ុន.ប៉ង.ធ្វើឃាតអតីតប្រធានាធិបតី Donald Trump កាលពីថ្ងៃសៅរ៍ត្រូវបានកំណត់អត្តសញ្ញាណថាជា Thomas Matthew Crooks មានអាយុ ២០ ឆ្នាំ។ មន្រ្តីសេវាសន្តិសុខបានឲ្យដឹងថាខ្មាន់កាំភ្លើងឈ្មោះថា Crooks មកពី Bethel Park, Pa., បានបា.ញ់មកលើលោក Donald Trump យ៉ាងហោចណាស់ចាប់ពីចន្លោះប្រាំទៅប្រាំពីរគ្រាប់ហើយមួយ.គ្រាប់បានត្រូវចំស្លឹកត្រចៀកខាងស្តាំរបស់ Trump ក្នុងអំឡុងពេលដែលលោកមានការជួបជុំនៅខាងក្រៅទីក្រុង Butler ក្រៅតំបន់ Pittsburgh។ ប្រភពពីមន្រ្តីដដែលបាននិយាយថា ខ្មាន់កាំភ្លើង Crooks បានលូននៅលើដំបូលរោងចក្រដែលមានចម្ងាយជាង ១៣០ យ៉ាតពីវេទិការឃោសនារបស់លោក Trump នៅឯ Butler Farm Show ។អាជ្ញាធរបានរឹបអូសកាំភ្លើងអាកាពាក់កណ្តាលស្វ័យប្រវត្តិមួយដើមពីកន្លែងកើតហេតុ។ Bethel Park គឺជាភូមិមួយដែលមានចម្ងាយ ៤០ ម៉ាយពីភាគខាងត្បូងនៃកន្លែងដែលមានការជួបជុំនៅក្នុងទីក្រុង Butler ដែលត្រូវបានធ្វើឡើងដោយលោក Trump ។ យោងតាមកំណត់ត្រាអ្នកបោះឆ្នោតរបស់រដ្ឋខ្មាន់កាំភ្លើង Crooks មកពីបក្សសាធារណរដ្ឋដែលបានចុះឈ្មោះនៅក្នុងបញ្ជីអ្នកបោះឆ្នោត។ ទីភ្នាក់ងារសារព័ត៌មាន […]

ប្រែសម្រួល៖ រតនា កូនប្រុសលោក Donald Trump លោក Eric Trump បានផ្ញើសារដ៏ក្រៀមក្រំមួយ បន្ទាប់ពីឪពុករបស់គាត់ គឺលោក Donald Trump ត្រូវបានបា.ញ់.ចំត្រចៀក អំឡុងពេលជួបប្រជុំនៅរដ្ឋ Pennsylvania កាលពីថ្ងៃសៅរ៍។ លោក Eric បានប្រាប់ Page Six ពីអតីតប្រធានាធិបតី ដែលសេវាសម្ងាត់បានបញ្ជាក់ថាមានសុវត្ថិភាព និងកំពុងត្រូវបានវាយតម្លៃនៅឯមន្ទីរពេទ្យក្នុងស្រុកបន្ទាប់ពីឧប្បត្តិហេតុថា “បុរសដែលពិបាកបំផុតដែលខ្ញុំធ្លាប់ជួប” ។ មេធាវីប្រចាំតំបន់ Butler លោក Richard Goldinger បានបញ្ជាក់ប្រាប់ ABC News ថា អ្នក-បា.ញ់ប្រ.ហារដែល “នៅលើដំបូលអគារដែលនៅជាប់គ្នា” បានស្លាប់ហើយ៕

ប្រែសម្រួល៖ តារា ប្រធានាធិបតីអាមេរិក Joe Biden ក្រោយពេលមានករណីលបលួចបាញ់ប្រហារលោក Donald Trumpភ្លាមៗនោះលោកបានថ្លែងអរគុណដល់ក្រុមមន្ត្រីសេវាសន្តិសុខសម្ងាត់ ហើយលោកបានព្យាយាមនិយាយទៅកាន់គណបក្សសាធារណរដ្ឋថា នៅអាមេរិកគឺមិនគួឲ្យមានអំពើហិង្សានយោបាយកើតឡើងនោះទេ ហើយលោកបានអរគុណព្រះជាម្ចាស់ដែលមិនមានអ្វីកើតឡើងធ្ងន់ធ្ងរដល់សុវត្ថិភាពរបស់លោកអតីតប្រធានាធិបតី Donald Trump  ។ ប្រធានាធិបតី Joe Biden បានថ្លែងទៅកាន់ប្រព័ន្ធផ្សព្វផ្សាយប្រហែលពីរម៉ោងបន្ទាប់ពីការលបបាញ់ប្រហារដោយខ្មាន់កាំភ្លើងមិនស្គាល់អត្តសញ្ញាណទៅលើលោក Trump នៅក្នុងអំឡុងពេលនៃការប្រមូលផ្តុំយុទ្ធនាការនៅរដ្ឋ Pennsylvania ។ លោកលើកឡើងថាវាគួឲ្យឈីចាប់“ព្រោះថាវាមិនគួឲ្យមានអំពើហិង្សាបែបនេះកើតឡើងនៅអាមេរិកនោះទេគោលការណ៏របស់យើងគឺយើងត្រូវធ្វើការបង្រួបបង្រួមប្រទេសជាតិឲ្យមានការរួបរួមគ្នាជាធ្លុងមួយ។ លោកប្រធានាធិបតីបាននិយាយថាគាត់កំពុងព្យាយាមទៅសួរសុខទុក្ខលោក Trump នៅក្នុងមន្ទីរពេទ្យក្បែរកន្លែងប្រមូលផ្តុំ។ លោកបាននិយាយនៅមុននេះបន្តិចនៅក្នុងសេចក្តីថ្លែងការណ៍មួយថា “ខ្ញុំត្រូវបានគេរាយការណ៍ខ្លីៗអំពីការបាញ់ប្រហារនៅឯការប្រមូលផ្តុំរបស់លោក Donald Trump ក្នុងរដ្ឋ Pennsylvaniaតែប៉ុណ្ណោះ” ។ អរគុណព្រះជាម្ចាស់ដែលបានឮថាគាត់មានសុវត្ថិភាពល្អប្រសើរ ខ្ញុំសូមបួងសួងដល់ព្រះជាម្ចាស់ជួយថែរក្សាគាត់ និងក្រុមគ្រួសាររបស់គាត់ និងសម្រាប់អ្នកដែលបានចូលរួមក្នុងការជួបជុំនេះ។ ខ្ញុំសូមថ្លែងអំណរគុណចំពោះក្រុមសេវាសន្តិសុខសម្ងាត់ដែលបានការពារគាត់ប្រកបដោយសុវត្ថិភាព។ មិនគួឲ្យមានអំពើហិង្សាប្រភេទនេះនៅអាមេរិកនោះទេយើងត្រូវតែរួបរួមគ្នាជាប្រជាជាតិតែមួយ ដើម្បីថ្កោលទោសអំពើហិង្សាប្រភេទនេះ៕  

ប្រែសម្រួល៖ រតនា ប្រភពពីមន្ត្រីសន្តិសុខបានប្រាប់អ្នកយកព័ត៌មាន The Post ថា លោក Donald Trump ត្រូវបានខ្មាន់កាំភ្លើងលបបាញ់ប្រហារកាលពីយប់ថ្ងៃសៅរ៍ទី ១៣ ខែកក្កដាក្នុងចេតនាធ្វើឃាតលោកតែម្តងនៅក្នុងពេលកំពុងបើកឆាកយុទ្ធនាការនៅក្នុងរដ្ឋ Pennsylvania បណ្តាលឲ្យគាត់រងរងរបួស។ ក្រុមមន្ត្រីសេវាសន្តិសុខសម្ងាត់បានថ្លែងថាលោក Trump មានសុវត្ថិភាពធម្មតាទេចំណែកអ្នកនាំពាក្យយុទ្ធនាការរបស់លោកបានឲ្យដឹងថាមិនមានអ្វីគួរឲ្យបារម្ភនោះទេចំពោះរបួសរបស់គាត់ហើយលោកត្រូវបានពិនិត្យនិងព្យាបាលរបួសនៅឯកន្លែងមួយក្នុងតំបន់នោះ។ខ្មាន់កាំភ្លើងត្រូវបានបាញ់សម្លាប់ដោយក្រុមអន្តរាគមន៏សេវាសន្តិសុខសម្ងាត់អាមេរិក។ មន្ត្រីសេវាសន្តិសុខសម្ងាត់អន្តរាគមន៏ឆ្លើយតបដំបូងរបស់អាមេរិកបានឲ្យដឹងថា ការលបបាញ់ប្រហារនេះត្រូវបានគេជឿថាខ្មាន់កាំភ្លើងបានលាក់ខ្លួននៅលើអគារចម្ងាយរាប់យ៉ាតពីទីតាំងរបស់អតីតប្រធានាធិបតីនៅខាងក្រៅរបងសន្តិសុខ។ នៅមុនការលបបាញ់ប្រហារលើលោក Trump នៅក្នុងការប្រមូលផ្តុំគ្នានៅទីក្រុង Butlerចម្ងាយប្រហែល ៣៥ ម៉ាយភាគខាងជើងនៃទីក្រុង Pittsburgh លោក Trump ត្រូវបានគេរៀបចំខែលការពារដែលហ៊ុមព័ទ្ធទៅដោយភ្នាក់ងារសេវាសន្តិសុខសម្ងាត់តាំងតែពីមុនពេលដែលខ្មាន់កាំភ្លើងបើកការវាយប្រហារមកលើរូបគាត់នេះបើយោងតាមខ្សែវីដេអូបង្ហាញអំពីព្រឹត្តិការណ៍នេះ។ យោងតាមរបាយការណ៍បឋមបានឲ្យដឹងថា ខ្មាន់កាំភ្លើងបានលាក់ខ្លួនស្ថិតនៅលើដំបូលអគារមួយកន្លែងខាងក្រៅបរិវេណនៃការជួបជុំនោះ  នេះបើយោងតាមប្រភពចេញពី សាក្សី និងខ្សែវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម។ ក្រុមអ្នកគាំទ្ររបស់លោក Trump ម្នាក់បានប្រាប់អ្នកយកព័ត៌មាន BBC ថាគាត់បានប្រទះឃើញអ្នកលបបាញ់ជាក់ស្តែងនឹងភ្នែកតែម្តងប្រដាប់ដោយកាំភ្លើងវែងនៅលើដំបូលអគារមួយនៅខាងក្រៅបរិវេណប្រមូលផ្តុំនេះ។ សាក្សីដែលជាអ្នករាយការណ៍នោះបានបន្តថា គាត់និងមិត្តភក្តិដែលរៀបចំពិធីជប់លៀងនៅខាងក្រៅការជួបជុំនោះបានមើលឃើញបុរសនោះតម្រង់ភ្លើងមកកាន់ទីតាំងដែលមានការជួបជុំ។ បើយោងតាមខ្សែវីដេអូដែលត្រូវបានគេរាយការណ៍ពីកន្លែងកើតហេតុបានបង្ហាញពីខ្មាន់កាំភ្លើងត្រូវបានស្លាប់នៅលើដំបូលឃ្លាំងមួយ ដោយមានហ្វូងអ្នកគាំទ្រលោក Trump ប្រមូលផ្តុំគ្នាជុំវិញទីនោះ។បន្ទាប់ពីការបាញ់ប្រហារត្រឹមតែប៉ុន្មាននាទីនៅក្នុងការប្រមូលផ្តុំគ្នា គេសង្កេតឃើញលោក Trump ប្រឡាក់ឈាមពេញផ្ទៃមុខរបស់គាត់។ ប្រភពសេវាសន្តិសុខសម្ងាត់បានឲ្យដឹងថាការបាញ់ប្រហារដំបូងដែលបានផ្ទុះឡើង នោះគឺជាគ្រាប់កាំភ្លើងដំបូងបង្អស់ដែលខ្មាន់កំាភ្លើងបានបាញ់សំដៅមកលើរូបលោក Trump ចំណែកការបាញ់ប្រហារនៅក្រោយពេលនោះគឺគេអាចឮថាជាការបាញ់តបគ្នារវាងកម្លាំងសេវាសន្តិសុខសម្ងាត់និងខ្មាន់កាំភ្លើងដែលមានចំនួនប្រាំបួនគ្រាប់។គេសង្កេតឃើញមានឈាមហូរនៅផ្នែកខាងស្តាំនៃផ្ទៃមុខរបស់លោក Trump ។ កងអន្តរាគមគ្រងឈុតទាហានបានប្រញាប់ប្រញាល់ចូលទៅជួយអន្តរាគមន៏នៅក្នុងហេតុការណ៏នេះ។ ប្រភពព័ត៌មានពីសមត្ថកិច្ច […]

ប្រែសម្រួល៖រតនា ក្មេងស្រីអាយុ១ឆ្នាំម្នាក់នៅប្រទេសចិនដែលមានក្បាលហើមយ៉ាងឆាប់រហ័ស បានស្លាប់នៅក្នុងរយ:ពេលត្រឹមតែ១២ថ្ងៃបន្ទាប់ពីការវះកាត់ក្នុងខណ:ពេលដែលក្រុមគ្រូពេទ្យបានរកឃើញថានាងមានដុះជាលិកាសរីរាង្គកំពុងលូតលាស់មិនគ្រប់លក្ខណៈដ៏ចម្លែកនៅក្នុងលលាដ៍ក្បាល។ ក្មេងទើបតែចេះដើរតេះតះម្នាក់ ត្រូវបានគេបញ្ជូនទៅកាន់មន្ទីរពេទ្យភ្លាមៗ ដោយសារតែលលាដ៍ក្បាលរបស់នាងហើមខ្លាំងធ្វើឲ្យមិនអាចអង្គុយ ឬឈរបានទេ។រាងកាយរបស់នាងមានចលនាយឺតការនិយាយស្តីអាចនិយាយបានតែពាក្យថា “ម៉ាក់” តែមួយឃ្លាប៉ុណ្ណោះ។ បន្ទាប់ពីស្គេនរួចរាល់គេបានរកឃើញថា រោគសញ្ញារបស់ទារកគឺមានជាលិកាទន់ដុះក្នុងទម្រង់ដូចជាម្រាមដៃនិងឆ្អឹងខ្នងនៅក្នុងខួរក្បាលរបស់នាង គ្រូពេទ្យសរសៃប្រសាទបានវះកាត់យកអំប្រ៊ីយ៉ុងនេះចេញពីលលាដ៍ក្បាលរបស់នាង។ ជាអកុសលក្មេងអាយុ១ឆ្នាំរូបនេះបានស្លាប់ក្នុងរយ:ពេលត្រឹមតែ១២ថ្ងៃក្រោយការវះកាត់ ដោយសារតែខួរក្បាលរបស់នាងខូចខាតធ្ងន់ធ្ងរខ្លាំងពេក។ ស្ថានភាពដ៏កម្ររបស់នាងត្រូវបានគេស្គាល់ថាជាប៉ារ៉ាស៊ីតដែលតែងកើតឡើងចំពោះទារកម្នាក់ក្នុងចំណោមទារក ៥០០,០០០នាក់។ វាជាភាពមិនប្រក្រតីនៃការវិវត្តរាងកាយដ៏កម្រមួយ ដែលធ្វើឲ្យទារកខូចទ្រង់ទ្រាយនៅក្នុងខ្លួនរបស់ទារកដូចជាធ្វើឲ្យមានគភ៌នៅក្នុងរាងកាយទារកនោះដែលជាធម្មតាគឺវាមានតែនៅក្នុងពោះតែប៉ុណ្ណោះ។ ប៉ុន្តែគភ៌ប្រភេទនេះត្រូវបានគេរកឃើញផងដែរនៅក្នុងរាងកាយមិនធម្មតាផ្សេងទៀតដូចជាលលាដ៍ក្បាល ឆ្អឹងអាងត្រគាក និងមាត់ជាដើម។ គភ៌ប្រភេទនេះត្រូវបានគេរកឃើញមិនតិចជាង ២០០ ករណីដែលត្រូវបានរាយការណ៍នៅក្នុងអក្សរសិល្ប៍វេជ្ជសាស្ត្រ។ស្ថានភាពនេះគឺស្ទើរតែ មួយរយភាគរយបង្កឲ្យបាត់បង់ជីវិតនៅពេលដែលវាមានជាលិកាទន់លូតលាស់នៅក្នុងលលាដ៍ក្បាល។ Xuewei Qin និង Xuanling Chen ដែលជាអ្នកនិពន្ធការសិក្សានិងគ្រូពេទ្យឯកទេសខាងថ្នាំស្ពឹកមកពីសាកលវិទ្យាល័យ Peking University International Hospital ក្នុងទីក្រុងប៉េកាំងប្រទេសចិនបានធ្វើកំណត់ត្រានៅក្នុងរបាយការណ៏ American Journal of Case Reports ។ នៅក្នុងរបាយការណ៍នោះគឺបានលើកឡើងអំពីករណីរបស់ក្មេងស្រីនេះថាការលូតលាស់ជាលិកាទន់ “FIFs នៅតែជាអាថ៌កំបាំងវេជ្ជសាស្ត្រ មូលហេតុដែលបង្កឲ្យមានរោគសញ្ញានេះទំនងជាមានការទាក់ទងនឹងការបំពុលបរិស្ថាន ហ្សែន សីតុណ្ហភាពទាប និងការប៉ះពាល់ថ្នាំសម្លាប់សត្វល្អិតនៅក្នុងអំឡុងពេលម្តាយមានផ្ទៃពោះដំបូង និងកត្តារួមផ្សំផ្សេងៗទៀតផងដែរ”។ ស្ថានភាពនេះត្រូវបានគេប្រទះឃើញតែក្នុងដំណាក់កាលក្រោយមានផ្ទៃពោះតែប៉ុណ្ណោះ ដែលធ្វើឲ្យការធ្វើរោគវិនិច្ឆ័យដំបូងមានការលំបាក។ ក្នុងករណីក្មេងអាយុមួយឆ្នាំម្នាក់នេះ គ្រូពេទ្យបានរកឃើញភាពខុសប្រក្រតីនៅក្នុងលលាដ៍ក្បាលរបស់នាង នៅពេលម្តាយនាងមានគភ៌ […]

ដោយ៖ សហការី ក្រុមមន្ត្រីយោធារបស់អ៊ុយក្រែនបានឲ្យដឹងថា មន្ទីរពេទ្យកុមារនៅក្នុងទីក្រុង Kyiv មួយត្រូវបានរងការខូចខាតយ៉ាងធ្ងន់ធ្ងរ ដោយសាការវាយប្រហារដោយកាំជ្រួចផ្លោងរបស់រុស្ស៊ីមកលើប្រទេសអ៊ុយក្រែនបង្កឲ្យមានមនុស្សស្លាប់នៅទូទាំងប្រទេសដល់ទៅ ២៩ នាក់ ។ រូបភាពសោកនាដកម្មនៃគ្រោះមហន្តរាយដោយសារកាវាយប្រហាររបស់រុស្ស៊ីបានបង្ហាញឲ្យឃើញមនុស្សរាប់រយនាក់នាំគ្នារត់សំដៅទៅមន្ទីរពេទ្យកុមារ Okhmatdyt ដើម្បីជួយសង្គ្រោះអ្នករងគ្រោះដែលជាប់នៅខាងក្នុងមន្ទីរពេទ្យ។ ក្រុមមន្ត្រីយោធារបស់អ៊ុយក្រែនបាននិយាយថា មានជនរងគ្រោះចំនួន ១០ នាក់ត្រូវបានសម្លាប់នៅក្នុងអំឡុងពេលវាយប្រហាររបស់រុស្សីមកលើទីក្រុង Kyiv ដែលយ៉ាងហោចណាស់មានជនរងគ្រោះចំនួនពីរនាក់ត្រូវបានស្លាប់នៅក្នុងមន្ទីរពេទ្យកុមារ និងប្រហែល ៣៥ នាក់ផ្សេងទៀតបានរងរបួស។ កុមាររងគ្រោះដែលជាអ្នកជំងឺកំពុងជាប់ព្យាបាលដោយការចាក់ IV ក៏ត្រូវបានគេជម្លៀសចេញពីអគារដែលរងនូវការវាយប្រហារដោយកាំជ្រួចផ្លោងរុស្សី។ រូបភាពបង្ហាញពីសកម្មភាពនៅពេលថ្ងៃដ៏កម្រមួយឲ្យឃើញយ៉ាងហោចណាស់ដំបូលមួយនៃមន្ទីរពេទ្យបានបាក់ស្រុត ខណៈដែលអ្នកឆ្លើយតបដំបូងព្យាយាមយកកម្ទេចកម្ទីវាចេញ។ ប្រធានាធិបតីអ៊ុយក្រែន លោក Volodymyr Zelenskiy បានថ្លែងថា ការវាយប្រហារនេះគឺជាការវាយប្រហារតាមផ្លូវអាកាសដ៏សាហាវបំផុតដោយកងកម្លាំងរុស្ស៊ីនៅក្នុងរយៈពេលជាច្រើនខែ ដោយកាំជ្រួចផ្លោងជាង ៤០ គ្រាប់បានវាយប្រហារទីក្រុង Kyiv, Kryvyi Rih, Dnipro និងទីក្រុងចំនួនពីរផ្សេងទៀតនៅភាគខាងកើតប្រទេស។ ការវាយប្រហារនេះបានកើតឡើងនៅចំពេលដែលនាយករដ្ឋមន្រ្តីឥណ្ឌា លោក Narendra Modi បានទៅដល់ទីក្រុងមូស្គូសម្រាប់ដំណើរទស្សនកិច្ចរយៈពេលពីរថ្ងៃ នេះគឺជាដំណើរទស្សនកិច្ចលើកទីមួយរបស់លោក Narendra Modi ចាប់តាំងពីរុស្ស៊ីបានបញ្ជូនកងទ័ពចូលទៅក្នុងអ៊ុយក្រែន។ លោក Modi គ្រោងនឹងទទួលទានអាហារពេលល្ងាចជាមួយលោកប្រធានាធិបតីរុស្ស៊ី Vladimir Putin […]

ដោយ៖តារា យោងតាមរបាយការណ៍របស់ទីភ្នាក់ងារ Task & Purpose បានឲ្យដឹងថា ទាហានអាមេរិកនៅរដ្ឋញូវយ៉កកំពុងសាកល្បងធ្វើតេស្តយន្តហោះគ្មានមនុស្សបើកដែលមានទំហំតូចបំផុតមួយហើយអាចដាក់ក្នុងហោប៉ៅបាន។ ទាហានអាមេរិកគ្រប់រូបសង្ឃឹមថាថ្ងៃណាមួយយន្តហោះគ្មានមនុស្សបើកដ៏តូចបំផុតមួយនេះនឹងក្លាយជាទម្លាប់ធម្មតាសម្រាប់ការប្រើប្រាស់នៅក្នុងជួរកងទ័ពរបស់ខ្លួន។ ទាហានអាមេរិកនៅរដ្ឋញូវយ៉កបានក្លាយជាអង្គភាពដំបូងគេដែលបានហ្វឹកហាត់សាកល្បងប្រើយន្តហោះគ្មានមនុស្សបើកស៊េរី Black Hornet 3 ដែលជាយន្តហោះគ្មានមនុស្សបើកខ្នាតតូចអាចហោះហើរបានប្រហែល ២៤ នាទី និងត្រូវការឧបករណ៍តិចតួចដើម្បីប្រតិបត្តិការ។ យន្តហោះគ្មានមនុស្សបើកតូចៗ ដែលបានដាក់ពង្រាយជាមួយអង្គភាពយោធាអាមេរិកដូចជាកងពលធំទ័ពអាកាសទី ៨២ វាមានទំហំតូច និងមានទម្ងន់ស្រាលគ្រប់គ្រាន់ដែលទាហានតែម្នាក់អាចផ្ទុកយន្តហោះគ្មានមនុស្សបើក និងឧបករណ៍បញ្ជារួមទាំងថ្មសាកដែលត្រូវការសម្រាប់ដំណើរការប្រព័ន្ធនេះ ជាផ្នែកមួយសម្រាប់ស្តង់ដាប្រយុទ្ធប្រកបដោយភាពវៃឆ្លាត។ នៅពេលដែលវាហោះហើរលើអាកាស ឧបករណ៍នេះអាចបញ្ជូនរូបភាពជាវីដេអូដោយផ្ទាល់ និងរូបភាព HD នៃតំបន់ជុំវិញបរិវេណទីនោះថែមទៀតផង។ អង្គភាពយោធាដែលជាប់កាតព្វកិច្ចសកម្មមួយចំនួនបានចាប់ផ្តើមប្រើយន្តហោះគ្មានមនុស្សបើកនៅឆ្នាំ ២០១៩ ទ័ពពិសេសអាមេរិកនៅក្នុងប្រទេសអាហ្វហ្គានីស្ថានមានតាំងពីបីឆ្នាំមុន។ របាយការណ៍បានកត់សម្គាល់ថា កងទ័ពសង្ឃឹមថាឧបករណ៍តូចៗនឹងផ្តល់ឲ្យទាហានសរុបទាំងអស់ ៧០០០នាក់ក្នុងពេលឆាប់ៗនេះ។ “យន្តហោះគ្មានមនុស្សបើកខ្នាតតូចគឺជាប្រព័ន្ធមួយសម្រាប់ជួយដល់ទាហានអាចត្រួតពិនិត្យមើលលើតំបន់ដែលជាគោលដៅដ៏គួឲ្យចាប់អារម្មណ៍ ឬតំបន់ដែលពួកគេមិនអាចទៅដល់បាន ដោយសារតែដី ពេលវេលា ឬទីតាំងរបស់សត្រូវ។ យន្តហោះគ្មានមនុស្សបើកក៏នឹងជួយផ្តល់លទ្ធភាពដល់កងទ័ពអាមេរិកដឹងពីការតាមដានរបស់សត្រូវ” លោក វរសេនីយ៍ទោ Gary Barney មេបញ្ជាការកងវរសេនាតូចទី ២៧ របស់ IBCT កងវរសេនាធំទ័ពសេះទី ១០១ បានប្រាប់អ្នកយកព័ត៌មាន Task យ៉ាងដូច្នេះ។ លោក Sgt. […]

ដោយ៖រតនា KYIV: រដ្ឋមន្ត្រីការបរទេស Caspar Veldkamp បាននិយាយនៅក្នុងអំឡុងពេលធ្វើដំណើរទស្សនកិច្ចទៅកាន់ទីក្រុង Kyiv នៅចុងសប្តាហ៍នេះថា “ហូឡង់នឹងបញ្ជូនយន្តហោះចម្បាំង F-16 ទៅឲ្យអ៊ុយក្រែនដោយគ្មានការពន្យារពេល” ។ អ៊ុយក្រែនសង្ឃឹមថា យន្តហោះចម្បាំងដ៏ទំនើបដែលផលិតដោយសហរដ្ឋអាមេរិក នឹងជួយឲ្យខ្លួនទទួលបានឧត្តមភាពលើអាកាសលើសរុស្ស៊ី និងអាចការពារកងទ័ពរបស់ខ្លួន និងទីក្រុងនានាឲ្យកាន់តែប្រសើរឡើងដើម្បីការពារនិងប្រឆាំងដល់ការទម្លាក់គ្រាប់បែកជាប្រចាំថ្ងៃរបស់កងទ័ពរុស្ស៊ី។ ដំណើរទស្សនកិច្ចជាលើកដំបូងរបស់លោករដ្ឋមន្ត្រីការបរទេស Caspar Veldkamp ចាប់តាំងពីលោកបានក្លាយជារដ្ឋមន្ត្រីការបរទេសកាលពីសប្តាហ៍មុននោះ លោក Veldkamp បានប្តេជ្ញាថាប្រទេសហូឡង់បានត្រៀមខ្លួនរួចជាស្រេចក្នុងការបញ្ជូនយន្តហោះទាំងនោះ បន្ទាប់ពីសភាបានផ្តល់សច្ចាប័នកាលពីសប្តាហ៍មុន។ លោក Veldkamp បាននិយាយកាលពីថ្ងៃសៅរ៍នៅក្នុងសន្និសីទសារព័ត៌មានមួយនៅរដ្ឋធានីអ៊ុយក្រែនថា “ឥឡូវនេះយើងបានទទួលបានសេចក្តីសម្រេចក្នុងការបញ្ជូនយន្តហោះ F-16។ ហូឡង់នឹងបញ្ជូនដោយមិនបង្អង់យូរ” ។ ព័ត៌មានលម្អិតស្តីពីដំណើរទស្សនកិច្ចត្រូវបានរក្សាទុកជាសម្ងាត់រហូតដល់ថ្ងៃអាទិត្យសម្រាប់ហេតុផលសុវត្ថិភាព។ លោកមិនបានផ្តល់ព័ត៌មានលម្អិតបន្ថែម ឬបញ្ជាក់ពីកាលបរិច្ឆេទដ៏ជាក់លាក់ណាមួយនៅឡើយទេអំពីពេលវេលាដ៏ជាក់លាក់សម្រាប់ការបញ្ជូនយន្តហោះ F-16 ដំបូងគេនៅក្នុងចំនួន ២៤ គ្រឿងដែលបានសន្យាថានឹងមកដល់អ៊ុយក្រែននៅក្នុងពេលឆាប់ៗនេះ។ ក្រុងកៀវបានអំពាវនាវសុំយន្តហោះ F-16 បន្ទាប់ពីរុស្ស៊ីបានចូលឈ្លានពានក្នុងខែកុម្ភៈ ឆ្នាំ ២០២២។ អ្នកបើកយន្តហោះ និងនាវិកអ៊ុយក្រែន បាននិងកំពុងធ្វើការហ្វឹកហាត់ជាច្រើនខែនៅលើយន្តហោះដ៏ទំនើបៗក្នុងប្រទេសសមាជិកណាតូ ដើម្បីត្រៀមខ្លួនសម្រាប់ការមកដល់របស់ពួកគេ។ ប្រទេសជាច្រើនរបស់អង្គការណាតូបានសន្យាថានឹងបញ្ជូនយន្តហោះដែលផលិតដោយសហរដ្ឋអាមេរិកឲ្យទៅអ៊ុយក្រែន។ ប្រធានាធិបតី Volodymyr Zelensky បាននិយាយនៅក្នុងបទសម្ភាសជាមួយ AFP កាលពីខែឧសភាថា […]

ប្រែសម្រួល៖រតនា រដ្ឋអាជ្ញាបានឲ្យដឹងកាលពីថ្ងៃពុធថា បុរសដែលជាអ្នកស្រុករស់នៅក្នុងទីរួមស្រុក Bronx ចំនួន៨នាក់ត្រូវបានចាប់ខ្លួនកាលពីថ្ងៃអង្គារនិងត្រូវបានចោទប្រកាន់ពីបទជួញដូរគ្រឿងញៀន និងអាវុធនៅប្លុកកីឡដ្ឋាន Yankee ក្រុងញូវយ៉ក សហរដ្ឋអាមេរិក។ ការិយាល័យរដ្ឋអាជ្ញាស្រុក Bronx បានថ្លែងថា ជនសង្ស័យចំនួន ៨ នាក់មកពីបីគ្រួសារ ត្រូវបានចោទប្រកាន់លើបទល្មើសចំនួន ១០៨ករណីក្នុងបទល្មើសដែលពួកគេបានប្រព្រឹត្តអស់រយៈពេលជាងមួយឆ្នាំនៅជិតហាងមួយក្បែរទីលានបាល់បោះ។ រដ្ឋអាជ្ញាបានឲ្យដឹងថាការស៊ើបការសម្ងាត់ត្រូវបានចាប់ផ្តើមនៅក្នុងខែមីនា ឆ្នាំ ២០២៣នៅឯអតីតហាង Lush ផ្លូវ ៩០ ខាងកើត ផ្លូវ១៦១ ជាកន្លែងដែលអ្នកស៊ើបការសម្ងាត់ម្នាក់ក្លែងភេទបន្លំខ្លួនចូលទិញកូកាអ៊ីន និងថ្នាំមេតំហ្វេតាមីនពីឈ្មួញទុច្ចរិតដែលត្រូវបានចាប់ខ្លួននិងចោទប្រកាន់ឈ្មោះ Jose Tejada Jrពីបទជួញដូរថ្នាំញៀន។ ជនសង្ស័យTejada Jr.អាយុ ២៦ឆ្នាំ ឃុបឃិតជាមួយសាច់ញាតិឈ្មោះ Ronny Fortuna អាយុ៣២និង Marvin Fortunaអាយុ ២៩ ជនសង្ស័យទាំងនេះត្រូវបានចោទប្រកាន់ពីបទកាន់កាប់កូកាអ៊ីនហើយប្រើប្រាស់ទីតាំងនីជិតហាង Lushដើម្បីធ្វើការជួញដូរថ្នាំញៀន។ រដ្ឋអាជ្ញាបាននិយាយថា នៅដើមឆ្នាំនេះ Tejada Jr.ត្រូវបានចោទប្រកាន់ថាបានលក់អាវុធចំនួន ៨ដើមទៅឲ្យមន្ត្រីស៊ើបការសម្ងាត់ម្នាក់ដែលបន្ឡំខ្លួនធ្វើជាអតិថិជននៅក្នុងពេលថ្មីៗនេះកាលពីថ្ងៃទី ១០ ខែមេសា។ ប៉ូលិសបានឆ្មក់ចូលផ្ទះក្រុមជួញដូរគ្រឿងញៀននៅថ្ងៃទី១៧ ខែឧសភា ដោយរកឃើញសារធាតុញៀន និងកាំភ្លើងចំនួន៣ដើម រួមទាំង AK-47 […]

ប្រែសម្រួល៖រតនា កាលពីថ្ងៃចន្ទលោក Donald Trump ដោយយោងតាមសេចក្តីសម្រេចរបស់តុលាករកំពូលបានស្នើសុំចៅក្រម Manhattan លុបចោលសាលក្រមកាត់ទោសក្នុងសំណុំរឿងក្លែងបន្លំកំណត់ត្រាអាជីវកម្មរបស់គាត់។ សំណើនេះបានធ្វើឡើងដោយមេធាវីរបស់អតីតប្រធានាធិបតីអាយុ ៧៨ ឆ្នាំនៅក្នុងទម្រង់ជាលិខិតមួយច្បាប់ផ្ញើទៅលោកចៅក្រម Juan Merchan ដែលសុំអនុញ្ញាតឲ្យពន្យារពេលកាត់ទោសលោក Trump ដែលត្រូវកំណត់ធ្វើឡើងនៅថ្ងៃទី ១១ ខែកក្កដា និងស្នើឲ្យតុលាការទម្លាក់សំណុំរឿងនេះចោលដោយយោងតាមសេចក្តីសម្រេចរបស់តុលាការកំពូលដែលបានធ្វើឡើងកាលពីថ្ងៃចន្ទ។ ក្រុមអ្នកច្បាប់របស់លោក Trump តម្រូវឲ្យជូនដំណឹងលោកចៅក្រម Juan Merchan ជាលាយលក្ខណ៍អក្សរ នៅមុនពេលដាក់ញត្តិទាក់ទងនឹងសំណុំរឿងក្លែងបន្លំកំណត់ត្រាអាជីវកម្មរបស់គាត់។ លិខិតនេះត្រូវបានគេរំពឹងថានឹងត្រូវបានផ្សព្វផ្សាយជាសាធារណៈនៅក្នុងថ្ងៃអង្គារ បន្ទាប់ពីការិយាល័យរដ្ឋអាជ្ញាស្រុក Manhattan លោក Alvin Bragg នឹងផ្តល់ឱកាសឆ្លើយតបចំពោះសំណើរបស់អតីតប្រធានាធិបតី Donald Trump ។ សំណើដែលត្រូវបានរាយការណ៍ដំបូងដោយសារព័ត៌មាន New York Times នៅ១០ ថ្ងៃមុនពេល លោក Trump ត្រូវបានគេរំពឹងថានឹងត្រូវបានកាត់ទោសដោយគណៈវិនិច្ឆ័យពីបទល្មើសព្រហ្មទណ្ឌចំនួន ៣៤ ករណីពាក់ព័ន្ធនឹងបទក្លែងបន្លំកំណត់ត្រាអាជីវកម្មនៅក្នុងអំឡុងពេលយុទ្ធនាការប្រធានាធិបតីក្នុងឆ្នាំ ២០១៦ របស់គាត់ក្នុងកិច្ចខិតខំប្រឹងប្រែងបិទបាំងមិនឲ្យមានការចោទប្រកាន់ថាមានទំនាក់ទំនងផ្លូវភេទជាមួយតារាសិច Stormy Daniels ។ ក្រុមមេធាវីការពារក្តីរបស់អតីតប្រធានាធិបតី Donald Trump ស្នើឲ្យលោកចៅក្រម […]

ប្រែសម្រួល៖រតនា យោងតាមខ្សែវីដេអូដែលមើលមិនសូវឃើញច្បាស់ដ៏គួរឲ្យភ្ញាក់ផ្អើលមួយបានបង្ហាញពីពេលវេលាដែលកម្លាំងពិសេសរបស់ទាហានអ៊ុយក្រែនបានបើកការវាយលុកដ៏ខ្លាំងក្លាដើម្បីរំដោះកោះយុទ្ធសាស្ត្រមួយកន្លែងពីការកាន់កាប់របស់ទាហានរុស្ស៊ី។ វីដេអូដែលបង្ហាញអំពីល្បិចកលយុទ្ធសាស្ត្រប្រយុទ្ធហៅថា (Call of Duty) ត្រូវបានផ្សព្វផ្សាយដោយភ្នាក់ងារសម្ងាត់របស់អ៊ុយក្រែន ដើម្បីជាការរំលឹកខួបលើកទី ២ នៃការរំដោះកោះពស់លើដែនទឹកសមុទ្រខ្មៅ។ យោងតាមខ្សែវីដេអូ គេឃើញកោះនេះរងនូវការវាយប្រហារដោយការទម្លាក់គ្រាប់បែកពីលើអាកាស នៅមុនពេលបើកការវាយប្រហារដោយឧទ្ធម្ភាគចក្រ។ ខ្សែវីដេបង្ហាញពីកម្លាំងពិសេស SBU របស់អ៊ុយក្រែន លោតចេញពីឧទ្ធម្ភាគចក្របើកការវាយប្រហារមកលើទាហានរុស្ស៊ី។ ប្រតិបត្តិការសិករបស់កងទ័ពអ៊ុយក្រែនបានជំរុញឲ្យទាហានរុស្ស៊ីដកថយ។ យោធារុស្ស៊ីបានអះអាងថាខ្លួនបានដកថយ “តាមក្បួនយុទ្ធសាស្ត្រ” ប៉ុន្តែតាមការពិតទាហានរុស្សីត្រូវបានទ័ពពិសេសអ៊ុយក្រែនវាយរុញច្រានបង្ខំឲ្យដកថយ។ ការវាយរំដោះយកកោះពស់ចុងក្រោយគឺធ្វើឡើងនៅថ្ងៃទី ៣០ ខែមិថុនា ឆ្នាំ ២០២២ ប៉ុន្តែតាមការអះអាងរបស់យោធារុស្សីឲ្យដឹងថាបានធ្វើឡើងនៅ ថ្ងៃទី ៧ ឧសភា ដែលជាថ្ងៃវាយរំដោះយកកោះពស់របស់ទាហានអ៊ុយក្រែននៅក្នុងគ្រាចុងក្រោយ។ សារព័ត៌មាន Kyiv Independent បានរាយការណ៏ថា “ការកាន់កាប់កោះពស់អនុញ្ញាតឲ្យយោធារុស្ស៊ីបិទច្រកសមុទ្រខ្មៅនៅតំបន់ Odesa និងបើកការវាយប្រហារដោយកាំជ្រួចដោយផ្ទាល់ប្រឆាំងនឹងអ៊ុយក្រែនរហូតដល់ថ្ងៃទី ១៤ ខែមេសាឆ្នាំ ២០២២។ អ៊ុយក្រែនបានបាញ់ពន្លិចនាវាចម្បាំងរុស្សីប្រភេទ Mosvka ដែលជានាវាចម្បាំងនៃកងនាវាចរសមុទ្រខ្មៅរបស់រុស្ស៊ី”។ នាវាផ្ទុកកាំជ្រួចប្រភេទ Slava-class Moskva បានបម្រើការអស់រយៈពេលជិត ៤០ ឆ្នាំមកហើយ។ នេះជាការខាតបង់ដ៏ធំបំផុតមួយរបស់រុស្សីចាប់តាំងពី Belgrano របស់ទ័ពជើងទឹករុស្សីដ៏ធំបំផុតដែលត្រូវបានបាញ់ពន្លិចចាប់តាំងពីសង្គ្រាមលោកលើកទី ២ ។ […]

ប្រែសម្រួល៖តារា កាលពីថ្ងៃសុក្រមានក្រពើយក្សមួយក្បាលប្រវែង ១២ហ្វីត បានបង្ហាញខ្លួននៅកណ្តាលផ្លូវងងឹតក្បែររថយន្តអ្នកដំណើរតាមដងផ្លូវហាយវេក្នុងរដ្ឋ North Carolina ។ ក្រុមអ្នកពន្លត់អគ្គោភ័យបានដាក់ពង្រាយកម្លាំងតាមដានដំណើរក្រពើយក្សមួយក្បាលនេះដោយមិនរារាំងវានោះទេ។ កម្លាំងពន្លត់អគ្គិភ័យបានព្យាយាមប្រើទុយោបាញ់ទឹកបណ្តេញសត្វក្រពើយក្សមួយនេះឲ្យថយទៅកាន់ទីជម្រករបស់វាវិញ ។ ចរាចរណ៍តាមដងផ្លូវត្រូវបានបិទប្រហែល ១ម៉ោងនៅពេលព្រឹកនៅលើផ្លូវក្បែរបឹង Boiling Spring Lakes នៃទីក្រុងមួយនៅ Brunswick County ភាគខាងត្បូងនៃក្រុង Wilmingtonសហរដ្ឋអាមេរិក ។ កម្លាំងពន្លត់អគ្គិភ័យមកពីអង្គភាព Boiling Spring Lakes Fire Rescue បានថ្លែងថា៖ “សត្វក្រពើកំពុងនៅកណ្តាលផ្លូវ” ។ យោងតាមនាយកដ្ឋានពន្លត់អគ្គិភ័យបានឲ្យដឹងថា ការិយាល័យតម្រួតខោនធី Brunswick បានស្នើសុំជំនួយពីកម្លាំងពន្លត់អគ្គិភ័យ។ក្រុមពន្លត់អគ្គិភ័យបានព្យាយាមរិះរកវិធីសាស្រ្តដើម្បីធ្វើឲ្យសត្វក្រពើយក្សមួយក្បាលនេះថយទៅកាន់ទីជម្រករបស់វាវិញដោយសុវត្ថិភាព ព្រោះក្រពើនេះធំខ្លាំងណាស់ ពួកគេមិនព្យាយាមទាំងប្រថុយប្រថាននោះទេ។ ដំបូងក្រុមពន្លត់អគ្គិភ័យបានព្យាយាមកម្លាវាឲ្យថយចេញពីផ្លូវតែត្រូវបានបរាជ័យ។ ពួកគេបានងាកទៅរកវិធីផ្សេងដើម្បីជំរុញឲ្យសត្វក្រពើយក្សថយចេញពីផ្លូវហើយវិលត្រឡប់ទៅកាន់ទីជម្រកធម្មជាតិរបស់វាវិញ។នាយកដ្ឋានពន្លត់អគ្គិភ័យបានបង្ហោះសកម្មភាពក្រុមពន្លត់អគ្គិភ័យកំពុងបាញ់ទឹកបណ្តេញសត្វក្រពើចេញពីផ្លូវ។នាយកដ្ឋានបាននិយាយថា “ជាមួយនឹងវិធីសាស្ត្រនេះបានធ្វើឲ្យសត្វក្រពើត្រជាក់ចិត្តហើយថយចេញពីផ្លូវត្រឡប់ទៅកាន់បឹង Boiling Spring Lakes ដែលជាទីជម្រកធម្មជាតិរបស់វាវិញ” ។ការិយាល័យតម្រួតបានថ្លែងអំណរគុណដល់ក្រុមពន្លត់អគ្គិភ័យសម្រាប់ជំនួយរបស់ពួកគេ៕