ដោយៈសុខុម ពោធិ៍សាត់៖ សមត្ថកិច្ចខេត្តពោធិ៍សាត់នៅថ្ងៃទី២៤ ខែកញ្ញាឆ្នាំ២០២៤ បានឃាត់ខ្លួនបុរសម្នាក់ជាប់សង្ស័យរំលោភរួចសម្លាប់ក្មេងស្រីម្នាក់នៅស្រុកក្រគរ។ សមត្ថកិច្ចបានឱ្យដឹងថា ជនជាប់សង្ស័យឈ្មោះ សេប យ៉ា អាយុ៣៦ឆ្នាំ មុខរបរធ្វើស្រែ ស្នាក់នៅបណ្ដោះអាសន្នក្នុងរោងមើលក្របី ក្បែរកន្លែងកើតហេតុ ទីលំនៅបច្ចុប្បន្នភូមិទន្សាយគល់ ឃុំអន្លង់ត្នោត ស្រុកក្រគរ ខេត្តពោធិ៍សាត់។ជនរងគ្រោះមានអាយុ១៦ឆ្នាំ ជាសិស្សរៀនថ្នាក់ទី៩D នៃវិទ្យាល័យអន្លង់ត្នោត ស្រុកក្រគរ ខេត្តពោធិ៍សាត់។ សមត្ថកិច្ចបានឱ្យដឹងបន្ថែមទៀតថា កាលពីថ្ងៃទី២៣ ខែកញ្ញា ឆ្នាំ២០២៤ វេលាម៉ោង១២និង១០នាទី ស្ថិតក្នុងចំណុចត្រពាំងសម្រែ ស្ថិតភូមិខ្លាក្រពើ ឃុំអន្លង់ត្នោត ស្រុកក្រគរ ខេត្តពោធិ៍សាត់ មានករណីរំលោភសម្លាប់ក្មេងស្រីម្នាក់ ។ តាមការបំភ្លឺរបស់ឈ្មោះ ផេម ផាន អាយុ៦៦ឆ្នាំ ត្រូវជាឪពុកបានប្រាប់ឲ្យដឹងថា ៖ កូនស្រីរបស់គាត់តែងតែដេញគោទៅឃ្វាលនៅចំណុចកើតហេតុដូចរាល់ដង។នៅថ្ងៃដដែល វេលាម៉ោង៥ល្ងាចពុំឃើញកូនដេញគោត្រឡប់មកវិញទេ។ ដោយមានការសង្ស័យក៏នាំគ្នាទៅរកមើល។ ស្រាប់តែប្រទះឃើញសពកូនបានស្លាប់បាត់ទៅហើយ នៅចំណុចចម្ការស្វាយចន្ទី ។បន្ទាប់មកក៏ផ្ដល់ដំណឹងដល់អាជ្ញាធរ។ តាមការពិនិត្យសាកសពរបស់គ្រូពេទ្យកោសល្យវិច័យ និង នគរបាលបច្ចេកទេសខេត្ត ឃើញផ្នែកប្រដាប់ភេទរបស់នារីរងគ្រោះមានដាច់រលាត់និងមានទឹកកាមបុរស ហើយនៅផ្នែកកមានស្នាមរបួសជាំ។ តាមការសន្និដ្ឋានរបស់ជំនាញ សាកសពស្លាប់ដោយអំពើរំលោភសម្លាប់ ដែលប្រព្រឹត្តទៅកាលពីថ្ងៃទី២៣ ខែកញ្ញា ឆ្នាំ២០២៤។បន្ទាប់ពីធ្វើការស្រាវជ្រាវ […]

ដោយ : បន្ទាយ បន្ទាយមានជ័យ ៖ វេលាម៉ោង០០និង១០នាទី ថ្ងៃទី២២ ខែកញ្ញា ឆ្នាំ២០២៤ បន្ទាប់ពីទទួលព័ត៌មានពីសន្តិសុខយាមនៅក្បែរបេនឡាន(បេនចាន) ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ថាមានករណីលក់ និងប្រើប្រាស់ដោយខុសច្បាប់នូវសារធាតុញៀន កម្លាំងមូលដ្ឋានកងរាជអាវុធហ្ថក្រុងប៉ោយប៉ែត បានចុះដល់កន្លែងកេីតហេតុ និងឃាត់ខ្លួនជនសង្ស័យ២នាក់។ លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង ប៉ោយប៉ែតបានឲ្យដឹងនៅថ្ងៃទី២៣ខែកញ្ញាឆ្នាំ២០២៤ ថា: កម្លាំងអាវុធហត្ថបានឃាត់ខ្លួនជនសង្ស័យចំនួន០២នាក់ រួមមាន៖ ១-ឈ្មោះ ឈឿត សុគន្ធ ភេទប្រុស អាយុ៤១ឆ្នាំ ជនជាតិខ្មែរ, ២.-ឈ្មោះ អាណានតាផន សែងផា  ភេទប្រុស អាយុ២០ឆ្នាំ ជនជាតិថៃ ព្រមទាំងចាប់យកវត្ថុតាង គ្រឿងញៀនប្រភេទថ្នាំគ្រាប់រាងមូលពណ៌ក្រហមក្បឿង (WY) ចំនួន០៤ថង់កិប ស្មើនឹង៤០គ្រាប់ ទម្ងន់ ៤,៧៨ក្រាម, ម៉ូតូ ចំនួន ០១គ្រឿង, ទូរសព្ទ ចំនួន ០១គ្រឿង (ម៉ាកiphone11 ពណ៌ខ្មៅ), អត្តសញ្ញាណប័ណ្ណសញ្ជាតិថៃ (Arnantaporn […]

ដោយ : បន្ទាយ បន្ទាយមានជ័យ៖ មុនពេលបង្ក្រាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀនខាងលើនេះ នៅវេលាម៉ោង១៧និង៤០នាទី ថ្ងៃទី២១ ខែកញ្ញា ឆ្នាំ២០២៤ កម្លាំងមូលដ្ឋានកងរាជឣាវុធហត្ថក្រុងប៉ោយប៉ែតទទួលបានព័ត៌មានពីសន្តិសុខដែលយាមនៅក្បែរបេនឡានចាន ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យថាមានករណីប្រើប្រាស់គ្រឿងញៀនជាប្រចាំ។ លោកវរសេនីយ៍ត្រី នួន​ នីណារ៉ូ មេបញ្ជាការមូលដ្ឋានកងរាជឣាវុធហត្ថក្រុងបានឱ្យដឹងនៅថ្ងៃទី២២ខែកញ្ញាថា:  ក្រោយពីទទួលបានព័ត៌មាននេះ លោកបានដឹកនាំកម្លាំងចុះដល់កន្លែងកើតហេតុ ហើយបានឃាត់ខ្លួនជនសង្ស័យចំនួន០២នាក់ ព្រមទាំងដកហូតវត្ថុតាងរួមមាន៖  គ្រឿងញៀនប្រភេទម្សៅក្រាមសថ្លា (កេតាមីន) ​ចំនួន០៥ថង់កិប ទម្ងន់ ៧,៤០ក្រាម, ម៉ូតូចំនួន០១គ្រឿង ម៉ាកNEX ពណ៌ខៀវ គ្មានផ្លាកលេខ, និងសម្ភារមួយចំនួនទៀត ហើយបញ្ជូនមកមូលដ្ឋានកងរាជឣាវុធហត្ថក្រុងដើម្បីសួរនាំតាមនីតិវិធី។ ជនសង្ស័យទាំង០២នាក់ ១-ឈ្មោះ សិតធិផុន ហមឆាំចារឺន ភេទប្រុស ឣាយុ២៣ឆ្នាំ ជនជាតិថៃ មុខរបរលក់ដូរ បច្ចុប្បន្នស្នាក់នៅបណ្ដោះឣាសន្នភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ, ២-ឈ្មោះ វ៉ាតឆារ៉ាសាក់ ស៊ុមិន ភេទប្រុស ឣាយុ២៣ឆ្នាំ ជនជាតិថៃ មុខរបរឣ្នកដឹកជញ្ជូន បច្ចុប្បន្នស្នាក់នៅភូមិបាលិលេយ្យ១ សង្កាត់ប៉ោយប៉ែត […]

ដោយ÷សុខុម ក្រចេះ៖ មនុស្ស ៣នាក់ បានស្លា.ប់ និងពីរនាក់ទៀតជួយសង្គ្រោះទាន់ពេលវេលាក្នុងហេតុការណ៍ជិះទូករួមគ្នាដឹកកសិផលដំឡូងមីពីចម្ការមកផ្ទះ ហើយបានជួបឧបសគ្គខ្យល់បក់បោកខ្លាំងបណ្តាលឱ្យលិចទូកនៅកណ្តាលផ្ទៃទឹកបឹងកាលពីរសៀល ថ្ងៃទី២០ ខែកញ្ញា ឆ្នាំ២០២៤ នៅចំណុចបឹងរាំង ស្ថិតក្នុងភូមិខ្នងពស់ ឃុំដារ ស្រុកចិត្តបុរី ខេត្តក្រចេះ ។ នៅក្នុងឧបទ្ទវហេតុនោះ កម្លាំងស្នងការដ្ឋាននគរបាលខេត្តក្រចេះ និងអធិការដ្ឋាននគរបាលស្រុកចិត្របុរី រួមទាំងអាជ្ញាធរមូលដ្ឋាន បានសហការរួមគ្នា ប្រើប្រាស់ទូក ៧គ្រឿង ដើម្បីចុះរុករក និងជួយសង្គ្រោះអាយុជីវិតជនរងគ្រោះទាំង ៥នាក់ ដែលត្រូវបានលិចបាត់ទៅក្នុងផ្ទៃទឹកបឹង។ ខណៈនោះ កម្លាំងសមត្ថកិច្ចបានរកឃើញសាកសព ២នាក់ បាត់ខ្លួន០១ និង សមត្ថកិច្ចបានបន្តរុករក និងពីរនាក់ទៀតត្រូវបានជួយសង្គ្រោះជីវិតទាន់ពេលវេលា។ សាកសពជនរងគ្រោះត្រូវបានរកឃើញ និងស្រង់ចេញពីផ្ទៃទឹកបឹង នៅរសៀលថ្ងៃម្សិលមិញនោះ មានចំនួន ២នាក់ គឺ ១.ឈ្មោះ បឹង ឆោម ភេទប្រុស អាយុ ២៤ឆ្នាំ និង២.ឈ្មោះ បឹង ឆៃម៉ាំង ភេទប្រុស អាយុ ១៣ឆ្នាំ។ ជនរងគ្រោះទាំងពីរនាក់ មានទីលំនៅភូមិអញ្ចាញ ឃុំដារ […]

ដោយ៖​សហការី ក្រចេះ-ឧបទ្ទវហេតុលិចទូកដឹកដឡូងមីមួយគ្រឿងនៅក្នុងបឹងមួយកន្លែងក្នុងភូមិខ្នងពស់ ឃុំដារ ស្រុកចិត្តបុរី ខេត្តក្រចេះ កាលពីថ្ងៃទី២០ កញ្ញា ឆ្នាំ២០២៤នោះ គឺនៅមានជនរងគ្រោះម្នាក់កំពុងបាត់ខ្លួននៅឡើយ។ តាមរបាយការណ៍របស់សមត្ថកិច្ចបានឲ្យដឹងថា ទូកដែលលិចខាងលើនោះគឺមានមនុស្សជិះនៅលើចំនួន៥នាក់ ។ ក្រោយពីលិចទូកភ្លាមៗមនុស្ស២នាក់នៅរស់និងមនុស្ស៣នាក់បានបាត់ខ្លួន តែក្រោយមកគេបានរកឃើញសាកសពមនុស្ស២នាក់និងម្នាក់ទៀតគឺបាត់ខ្លួនហើយសមត្ថកិច្ច កំពុងតែបន្តស្វែងរក។ បើតាមអ្នកបើកទូកបានបញ្ជាក់ប្រាប់សមត្ថកិច្ចថា មូលហេតុនៃការលិចទូកគឺបណ្តាលមកពីខ្យល់ខ្លាំង នៅពេលទូកចេញដំណើរ។ សមត្ថកិច្ចកំពុងតែ អន្តាគមន៍ និងបានប្រើប្រាស់ទូកឈើចំនួន៧គ្រឿង ដើម្បីស្វែងរកអ្នកបាត់ខ្លួននោះ៕  

ដោយ៖ព្រះអង្គខ្មៅ បាត់ដំបង៖ រថយន្តបើកបរលឿនបុកម៉ូតូទាំងកំរោលគាបជាប់អូសជាង ២០០ម៉ែត្របណ្តាលឲ្យឆេះ និងស្លា.ប់បុរសម្នាក់ត្រង់ផ្លូវវាងក្រុង។ ប្រភពពលរដ្ឋនៅទីតាំងកើតហេតុបានបញ្ជាក់បឋមថា÷ ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោងជិត ១២:០០នាទីរំលងអធ្រាត្រ ថ្ងៃទី ១៩ ឈានចូលថ្ងៃទី ២០ កញ្ញា ឆ្នាំ ២០២៤ ត្រង់ចំណុចផ្លួវហាយវេវាងក្រុង ឋិតក្នុងភូមិខ្សាច់ពោយ សង្កាត់វត្តគរ ក្រុងបាត់ដំបង ខេត្តបាត់ដំបង។ ប្រភពខាងលើបានបន្តថា÷ ដំបូងឡើយគាត់បានឃើញម៉ូតូជនរងគ្រោះធ្វើដំណើរក្នុងទិសដៅពីលិចទៅកើត លុះមកដល់ចំណុចកើតហេតុក៏មានរថយន្តមួយគ្រឿងបើកបរក្នុងទិសដៅស្របទិសគ្នាហើយបានបុកម៉ូតូយ៉ាងពេញទំហឹងពីក្រោយបណ្តាលឲ្យខ្ទាតប៉ើងអ្នកបើកបរម៉ូតូម្នាក់ស្លាប់ភ្លាមៗ រីឯម៉ូតូត្រូវគាបជាប់នឹងក្រោមរថយន្តអូសប្រមាណជា ២០០ម៉ែត្រហើយបានឆេះខ្ទេចតែម្តង។ ម៉ូតូម៉ាកវ៉េវ ពាក់ផ្លាកលេខ បាត់ដំបង ១AO-៣៤៥៧ ចំណែកសពជនរងគ្រោះនៅមិនទាន់ស្គាល់អត្តសញ្ញាណនៅឡើយ។ ករណីដដែលនេះដែររថយន្តបង្កក្រោយជួបហេតុការណ៍បានបន្តបើកគេចខ្លួនបាត់ភ្លាមៗដែរ៕

ដោយ : បន្ទាយ កំពង់ធំ :វត្ថុតាងបទល្មើសព្រៃឈើរាប់សិបម៉ែត្រត្រីគុណ និងមធ្យោបាយដឹកជញ្ជូន ត្រូវបានធ្វើការឃាត់ចាប់ខ្លួន និងដកហូតដោយមន្ត្រីជំនាញថ្នាក់ជាតិ រួមសហការនឹងសម្របសម្រួលនីតិវិធីជាមួយអយ្យការ និងមន្ត្រីរដ្ឋបាលខេត្ត បន្ទាប់ពីឈ្មួញឈើដុះស្លែជាច្រើននាក់ បាននាំគ្នាដឹកជញ្ជូនដូចកណ្ដៀរតាមរថយន្តធំៗជារៀងរាល់ថ្ងៃចេញពីតំបន់ព្រៃឡង់ភូមិសាស្ត្រស្រុកសណ្ដាន់ ខេត្តកំពង់ធំនិងខេត្តព្រះវិហារ។នេះបើតាមប្រភពពីសមត្ថកិច្ចនៅថ្ងៃទី១៩ខែកញ្ញាឆ្នាំ២០២៤ ។ សមត្ថកិច្ចបានឃាត់ចាប់រថយន្តដឹកឈើធំតូចចំនួនបីគ្រឿង នៅតាមទីកន្លែងផ្សេងៗគ្នា ដែលក្រុមឈ្មួញដុះស្លែប្រចាំស្រុកបារាយណ៍ បានធ្វើការដឹកជញ្ជូនឈើរដឹកចេញពីតំបន់ព្រៃឡង់ ដែលជាព្រៃការពារចុងក្រោយកាលពីថ្ងៃថ្មីៗនេះ។ យោងតាមប្រភពមួយទៀតបានឲ្យដឹងថា កាលពីវេលាម៉ោងជាង១៥ រសៀលថ្ងៃទី១៥ខែកញ្ញាឆ្នាំ២០២៤ កម្លាំងប្រដាប់អាវុធនិងមានការចូលរួមពីលោក ជា វ៉ាន់ចាន់ អភិបាលរងខេត្តកំពង់ធំ លោក ពៅ សំបូរ ព្រះរាជអាជ្ញាររង លោកអ៊ិត ភូមិរ៉ា អនុប្រធាននាយករដ្ឋបាលព្រៃឈើថ្នាក់ជាតិ និងមានការចូលរួមពីលោក តាន់ គឹមសួរ បានចុះបង្គ្រាបបទល្មើសដឹកជញ្ជូនឈើចំនួនបីកន្លែងដោយឡែកគ្នា គឺ១-នៅចំណុចភូមិទួលដំណាក់ឃុំចុងដូង ស្រុបារាយណ៍ ដោយដកហូត ឈើប្រណិតប្រភេទតាប់ចំនួន៦១ដុំ ឈើសុក្រំប្រភេទតាប់ពេញមួយឡានរថយន្ដម៉ាកសាំងយ៉ុង និងឃាត់ខ្លួនម្ចាស់ឈ្មោះជី ណា ភេទស្រី អាយុ៣៨ឆ្នាំ  ។ ទី២- នៅចំណុចភូមិចុងដូងឃុំចុងដូងស្រុបារាយណ៍បានធ្វើការរថយន្តសាំយ៉ុង១គ្រឿង ពណ៌ស ផ្លាកលេខ ភ្នំពេញ 2R7835 ដកហូតឈើប្រណិតចំនួន៨៥ដុំ និងឈើសុក្រំប្រភេទតាប់ពេញមួយឡានសាំយ៉ុង […]

ដោយ : បន្ទាយ កំពង់ឆ្នាំង៖​បុរសម្នាក់ស្លាប់ភ្លាមៗនៅនឹងកន្លែងកើតហេតុ ក្នុងករណីគ្រោះថ្នាក់ចរាចរណ៍រវាងរថយន្តធុនធំនិងម៉ូតូ។ ហេតុការណ៍នេះបានកើតឡើងនៅម៉ោងប្រមាណ១៩និង៤៥នាទី កាលពីយប់ថ្ងៃទី១៨ ខែកញ្ញាឆ្នាំ២០២៤ ស្ថិតក្នុងភូមិស្រះកែវ ឃុំមេលំ ស្រុកបរិបូណ៌ ខេត្តកំពង់ឆ្នាំង។ អ្នកនៅកន្លែងកើតហេតុប្រាប់បានប្រាប់សមត្ថកិច្ចថា៖ មុនពេលកើតហេតុគេឃើញបុរសម្នាក់បានបើកម៉ូតូពីទិសខាងត្បូងទៅទិសខាងជើង  ។ លុះមកដល់កន្លែងកើតហេតុខាងលើ ស្រាប់តែមានរថយន្តធុនធំមួយគ្រឿងមិនស្គាល់ម៉ាកពណ៌ស បើករេចង្កូតមកកៀរម៉ូតូបណ្ដាលឲ្យម៉ូតូនិងមនុស្សដួលចូលកង់ក្រោយរថយន្តកិនស្លាប់ភ្លាមៗតែម្ដង។ចំណែកអ្នកបើកបររថយន្តបានបន្ថែមល្បឿនបើកគេចទៅបាត់។ ប្រភពសមត្ថកិច្ចឲ្យដឹងនៅព្រឹកថ្ងៃទី១៩ ខែកញ្ញា ឆ្នាំ២០២៤ថា៖ ជនរងគ្រោះសឈ្មោះ អុល ម៉េងលី ភេទប្រុស អាយុ៣១ឆ្នាំ រស់នៅភូមិថ្មី ឃុំផ្សារ ស្រុកបរិបូណ៌ ខេត្តកំពង់ឆ្នាំងបានស្លាប់ និងមានម៉ូតូ០១គ្រឿងម៉ាក HONDA C125 ពណ៌ខ្មៅ ពាក់ផ្លាកលេខ ភ្នំពេញ ១IV-៧៤៨៥ ខូចខាតធ្ងន់។ ចំពោះជនបង្កនិងរថយន្តដែលបានបើករត់គេចខ្លួនសមត្ថកិច្ចកំពុងស្រាវជ្រាវយកមកទទួលខុសត្រូវតាមនីតិវិធី៕

ដោយ៖បន្ទាយ បន្ទាយមានជ័យ៖ យុវជន២នាក់បានស្លា.ប់ពេលយប់ជិះម៉ូតូក្នុងល្បឿនលឿនទៅបុកគោយន្តបត់ទទឺងត្រឡប់ពីដឹកស្រូវដែលគ្មានភ្លើងបំភ្លឺនិងបិទចំណាំងផ្លាត ។គ្រោះថ្នាក់នេះបានកើតឡើងកាលពីម៉ោងជាង៩យប់ ថ្ងៃទី១៨ខែកញ្ញា ឆ្នាំ២០២៤ លើផ្លូវជនបទក្នុងភូមិខ្ទុំជ្រុំ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ ។ យោងពលរដ្ឋមូលដ្ឋាននិងមន្ត្រីនគរបាលប៉ុស្តិ៍បានឲ្យដឹងថ្ងៃទី១៩ខែកញ្ញាថា: ជនរងគ្រោះដែលស្លាប់ភ្លាមៗដ៏រន្ធត់នោះ មាន៖ ១-ឈ្មោះម៉ៅ ព្រឹម ភេទប្រុសអាយុ១៦ឆ្នាំ មានលំនៅភូមិចកលិច ឃុំរហាត់ទឹក និង២-ឈ្មោះផៅ រី ភេទប្រុស អាយុ១៦ឆ្នាំ លំនៅភូមិចកកើត ឃុំរហាត់ទឹក។ ប្រភពបានបន្តថា: មុនកើតហេតុ ជនរងគ្រោះទាំងពីរនាក់បានបើកបរនិងរួមដំណើរលើម៉ូតូម៉ាកងហុងដាអិនស៊ីអ៊ិច ពាក់ផ្លាកលេខបាត់ដំបង1P 3612 បានបើកបរពីលិចទៅកើតក្នុងល្បឿនលឿន ហើយទៅបុកខាងឆ្វេងរ៉ឺម៉កគោយន្តកន្ត្រៃទើបទម្លាក់ការុងស្រូវបានជាង១០ម៉ែត្រ ដែលបត់ទទឺងផ្លូវដោយគ្មានធ្វើសញ្ញា ហើយគ្មានភ្លើងបំភ្លឺនិងគ្មានបិទចំណាំងផ្លាត។ ជនរងគ្រោះបានស្លាប់ម្នាក់នៅកន្លែងកើតហេតុនិងម្នាក់ទៀតស្លាប់នៅតាមផ្លូវពេលបញ្ជូនទៅមន្ទីរពេទ្យ ។ ប្រភពបន្តថា: បន្ទាប់ពីគ្រោះថ្នាក់ អ្នកបើកបរគោយន្តបានហក់ចុះរត់គេចខ្លួនបាត់ ។ ក្រោយកើតហេតុ សមត្ថកិច្ចនគរបាលប៉ុស្តិ៍រដ្ឋបាលនិងនគរបាលចរាចរណ៍ស្រុកបានទៅដល់កន្លែងកើតហេតុ ដោយវាស់វែងធ្វើកំណត់ហេតុ កសាងសំណុំរឿង ហើយនាំយកនូវគោយន្តនិងម៉ូតូទៅរក្សាទុកនៅអធិការដ្ឋាននគរបាលស្រុក៕

ដោយ : បន្ទាយ កំពង់ធំ ៖ លោក ជិន ស៊ីថា នាយខណ្ឌរដ្ឋបាលជលផលកំពង់ធំ ដឹកនាំមន្រ្តីខណ្ឌផ្នែករដ្ឋបាលជលផលផាត់សណ្តាយ សង្កាត់រដ្ឋបាលជលផលកំពង់ស្វាយក្រោម សង្កាត់រដ្ឋបាលជលផលពាមបាង សង្កាត់រដ្ឋបាលជលផលស្ទោង សហការជាមួយអធិការដ្ឋានរដ្ឋបាលជលផលខាងជើងបឹងទន្លេសាប ដឹកនាំដោយលោក កើត គា នាយអធិការកម្លាំងទីបញ្ជាការស្រាលប្រចាំឃុំផាត់សណ្តាយ កម្លាំងទីបញ្ជាការស្រាលប្រចាំឃុំពាមបាងនិងទីបញ្ជាការស្រាលប្រចាំតំបន់៣ស្រុកស្ទោង ចេញប្រតិបត្តិការត្រួតពិនិត្យនិងបង្រ្កាបបទល្មើសជលផលនៅចំណុចចាប់ពីបាឡតដល់ប្រលិចច្រកែង ឃុំពាមបាង ស្រុកស្ទោង ខេត្តកំពង់ធំ ។នេះបើតាមមន្ត្រីជំនាញឲ្យដឹងនៅថ្ងៃទី១៨ខែកញ្ញា ឆ្នាំ២០២៤។ លោក ជិន ស៊ីថា បានដឹកនាំកម្លាំងចម្រុះចុះប្រតិបត្តិការទប់ស្កាត់និងបង្រ្កាបបទល្មើសនេសាទបឹងទន្លេសាប លទ្ធផលអនុវត្តបាន (០១ ករណី) បានរុះរើបំផ្លាញចោលរបាំងសាច់អួនក្រឡាញឹកនៅនឹងកន្លែងរួមមាន៖ របាំងសាច់អួនក្រឡាញឹក ចំនួន០៩ របាំងប្រវែង ២៧០០ ម៉ែត្រ ឡុកចំនួន១៨គ្រឿង លប/លូចំនួន៣៦មាត់ បង្គោលចំនួន១៥០០ដើម ចាក់លែងត្រីស្រស់ចម្រុះទម្ងន់៥៧០ គីឡូក្រាមចូលទន្លេវិញ។ ជាមួយគ្នានេះផងដែរ ខណ្ឌរដ្ឋបាលជលផលបានអំពាវនាវដល់បងប្អូនប្រជានេសាទទាំងអស់ សូមចូលរួមថែរក្សាប្រភេទត្រីនៅបឹងទន្លេសាប គឺធ្វើយ៉ាងណាការពារឱ្យបានល្អប្រសើរ ចៀសវាងការប្រើឧបករណ៍ជាលក្ខណៈទ្រង់ទ្រាយធំ ធ្វើឱ្យដាច់ពូជត្រីនៅក្នុងសហគមន៍របស់ខ្លួន។ ក្រុមការងារទាំងអស់នៅក្នុងសហគមន៍សូមរាយការណ៍ប្រសិនបើមានជនខិលខូចនៅតែប្រើឧបករណ៍ខុសច្បាប់ ត្រូវរាយការណ៍មកកម្លាំងជំនាញជាបន្ទាន់ដើម្បីចុះបង្ក្រាបឱ្យបានទាន់ពេលវេលា៕

ដោយ : បន្ទាយ សៀមរាប :កាលពីថ្ងៃទី១៦-១៧ ខែកញ្ញា ឆ្នាំ២០២៤ លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប ដឹកនាំកម្លាំងចូលរួមសហការជាមួយសមត្ថកិច្ចចម្រុះក្នុងការយកចិត្តទុកដាក់ រៀបចំសណ្តាប់ធ្នាប់ ការពារសន្តិសុខ សុវត្ថិភាព ជូនដល់ប្រតិភូជាតិ-អន្តរជាតិ ក្នុងព្រឹត្តិការណ៍ Gumball 3000  Rally in Cambodia នៅលើទឹកដីសៀមរាបអង្គរ ។ ក្នុងនោះមានការប្រមូលផ្តុំរថយន្តទំនើបដ៏ធំបំផុតនៅមុខប្រាសាទអង្គរវត្ត ,បើករបរក្នុងបរិវេណអង្គរធំ (ក្រុមប្រាសាទបាយ័ន ខ្លោងទ្វារទន្លេអុំ…) ដែលជាព្រឹត្តិការណ៍មិនធ្លាប់មានពីមុនមក ក្នុងការបង្ហាញពីបេតិកភណ្ឌវប្បធម៌ដ៏សម្បូរបែបរបស់កម្ពុជានៅលើឆាកអន្តរជាតិ និងផ្តល់នូវការជំរុញដ៏សំខាន់ដល់វិស័យទេសចរណ៍របស់ព្រះរាជាណាចក្រកម្ពុជា។ អ្នករៀបចំកម្មវិធីក៏បានថ្លែងអំណរគុណផងដែរចំពោះលោកឧត្តមសេនីយ៍ត្រី សៀ ទីន និងកម្លាំងកងរាជអាវុធហត្ថខេត្តសៀមរាបរបស់លោកដែលបានចូលរួមសហការការពារសន្តិសុខ សុវត្ថិភាព រក្សាសណ្ដាប់ធ្នាប់ក្នុងកម្មវិធី Gumball 3000 Rally In Cambodia ក្នុងភូមិសាស្ត្រខេត្តសៀមរាប នាពេលកន្លងមក ៕

ដោយ៖ ព្រះអង្គខ្មៅ បាត់ដំបង៖ ប្លែកមែន ជនសង្ស័យពីរនាក់ជិះម៉ូតូស្ពាយមាន់ជល់ឆក់ទូរសព្ទស្ត្រីម្នាក់បានសម្រេច តែចុងក្រោយត្រូវបានសមត្ថកិច្ចឃាត់ខ្លួនបានទាំងពីរ។ នគរបាលជំនាញបានបញ្ជាក់ឲ្យដឹងថា៖ នៅថ្ងៃទី១៧ ខែកញ្ញា ឆ្នាំ២០២៤ ត្រង់ចំណុចខ្នងទំនប់អាងទឹកកំពីងពួយ ក្នុងក្រុមទី ១៧ ក្នុងភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបង កម្លាំងផ្នែកនគរបាលយុត្តិធម៌ និងកម្លាំងប៉ុស្តិ៍នគរបាលរដ្ឋបាលតាគ្រាម ដោយសហការជាមួយកម្លាំងអធិការដ្ឋាននគរបាលស្រុកបវេល បានចុះស្រាវជ្រាវរហូតឃាត់ខ្លួនបានជនសង្ស័យចំនួនពីរនាក់ក្រោយពីធ្វើសកម្មភាពឆក់យកទូរសព្ទស្ត្រីម្នាក់បានសម្រេច។ ការស្ទាក់ឃាត់ខ្លួនជនសង្ស័យធ្វើឡើងនៅត្រង់ចំណុចភូមិទួលក្រសាំង ឃុំក្ដុលតាហែន ស្រុកបវេល ខេត្តបាត់ដំបង។ ចំពោះមុខកម្លាំងផ្នែកនគរបាលស្រុកកំពុងបានកសាងសំណុំរឿងបញ្ជូនជនសង្ស័យ ព្រមទាំងវត្ថុតាងទៅកាន់ការិយាល័យជំនាញស្នងការនគរបាលខេត្តដើម្បីអនុវត្តតាមនីតិវិធី។ ជនសង្ស័យឈ្មោះរស់ ភាស់ ភេទប្រុស អាយុ ៣៥ឆ្នាំ និងទី២ឈ្មោះធឿន សុធា ភេទប្រុស អាយុ ២៨ឆ្នាំ ទាំងពីរនាក់មានទីលំនៅក្នុងភូមិទួលតាឯក សង្កាត់ទួលតាឯក ក្រុងបាត់ដំបង នៅថ្ងៃកើតហេតុបានជិះម៉ូតូស្ពាយមាន់ជល់ធ្វើសកម្មភាពឆក់យកទូរសព្ទដៃមួយគ្រឿងរបស់ជនរងគ្រោះដែលមានឈ្មោះហ៊ុន ភីម ភេទស្រី អាយុ ២៨ឆ្នាំ មានទីលំនៅក្បែរភូមិ ឃុំ កើតហេតុខាងលើ៕

ដោយ : បន្ទាយ សៀមរាប៖  កងរាជអាវុធហត្ថខេត្ត និងមូលដ្ឋានកងរាជអាវុធហត្ថក្រុង-ស្រុកទាំង១៣ បានបង្ហាញសកម្មភាពការងារប្រជុំជួរត្រួតពិនិត្យកម្លាំង ត្រៀមអន្តរាគមន៍ ការពារសន្តិសុខ រក្សាសណ្តាប់ធ្នាប់ជូនប្រជាពលរដ្ឋ ដើម្បីទប់ស្កាត់ និងឧបទ្ទវហេតុផ្សេងៗដែលអាចកើតមានឡើងដោយយថាហេតុ ដើម្បីបង្ការ បង្ក្រាប សង្គ្រោះ ឲ្យបានទាន់ពេលវេលា។ នេះបើតាមលោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាបបានឲ្យដឹងកាលពីថ្ងៃទី១៥ខែកញ្ញាឆ្នាំ២០២៤ ។ លោកបានបន្តថា : ក្នុងនោះក៏មានសកម្មភាពការងារការពារជូនគណៈប្រតិភូអាស៊ាន ក្រុមការងារបណ្តុះបណ្តាល និងហ្វឹកហ្វឺនកងទ័ពជើងអាកាសលើកទី១១, ការងារសហការ, សម្រួលចរាចរណ៍សិស្ស ចេញ-ចូលសាលារៀន និងសម្អាតអនាម័យនៅជុំវិញបន្ទាយ និងកន្លែងស្នាក់នៅ។ បន្ថែមលើនោះ ត្រៀមលក្ខណៈជាស្រេចនូវការអន្តរាគមន៍ បង្ការ សង្គ្រោះបើសិនមានគ្រោះធម្មជាតិកើតឡើងផងដែរ ៕

ដោយ៖ គង់ហេង ត្បូងឃ្មុំ៖ សមត្ថកិច្ចបានចាប់ឃាត់ខ្លួនយុវជនអាយុ ១៩ ឆ្នាំម្នាក់អ្នកបើកបររថយន្តកែច្នៃ ដែលបានបើកថយក្រោយខ្វះការប្រុងប្រយ័ត្ន បានកិ.នស្រ្តីអាយុ ៤៣ ឆ្នាំម្នាក់កំពុងជិះម៉ូតូបណ្តាលឱ្យស្លា.ប់ភ្លាមៗនៅនឹងកន្លែងលើផ្លូវលំក្បែរការដ្ឋានសំណង់មួយ ស្ថិតក្នុងភូមិព្រះផ្តៅ ឃុំត្រពាំងផ្លុង ស្រុកពញាក្រែក កាលពីរសៀលថ្ងៃទី១៥ កញ្ញា កន្លងទៅនេះ។ ប្រភពព័ត៌មានពីសមត្ថកិច្ចបានឱ្យដឹងថា៖ ស្ត្រីជនរងគ្រោះជាអ្នកជិះម៉ូតូត្រូវរថយន្តថយក្រោយកិ.នស្លា.ប់ឈ្មោះ បាន អូន មានទីលំនៅក្នុងភូមិកើតហេតុ។ ចំណែកអ្នកបើកបររថយន្តកែច្នៃចាប់ខ្លួន ដើម្បីចាត់ការតាមនីតិវិធីឈ្មោះ ខន ដារ៉ា មានទីលំនៅភូមិទួលអង្រ្គង ឃុំក្រែកដែរ៕

ដោយ : បន្ទាយ កំពង់ឆ្នាំង៖ មានករណីមនុស្ស២នាក់ស្លាប់ក្នុងផ្ទះ បង្កភាពភ្ញាក់ផ្អើល បន្ទាប់ពីប្រជាពលរដ្ឋក្បែរខាងធុំក្លិនស្អុយ ក៏បានរាយការណ៍ជូនសមត្ថកិច្ចមកពិនិត្យ។ ហេតុការណ៍នេះនៅម៉ោងប្រមាណ៨និង៣០នាទីព្រឹកថ្ងៃទី១៥ ខែកញ្ញា ឆ្នាំ២០២៤ នៅក្នុងផ្ទះស្ថិតនៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង។ ប្រភពនៅកន្លែងកើតហេតុបានប្រាប់ថា ផ្ទះជនរងគ្រោះមានភាពតងូចចង្អៀត រស់នៅមិនចុះសម្រុងជាមួយញាតិមិត្តក្នុងភូមិទាំងអស់ គ្រាន់តែគេចតម៉ូតូ កង់ មុខផ្ទះក្រៅរបងក៏ពុំបានផង ចេញមកជេរគេជេរឯង គ្មានអ្នកភូមិណាចូលចិត្តនោះទេ ។ ម៉្យាងវិញទៀតសពទាំង២នោះមានម្នាក់មានសតិមិនគ្រប់ ពេលចេញក្រៅម្តងៗតែងតែធ្វើសកម្មភាពយកដុំថ្មដេញគប់គេឯង ទើបក្រុមគ្រួសារសម្រេចចិត្តធ្វើទ្រុងឃុំឃាំង និងឲ្យលោកយាយម្នាក់នៅមើលថែឲ្យបាយទឹក ទំនងស្ត្រីដែលមើលនោះបានជំងឺស្លាប់មុន ទើបបុរសដែលមានសតិមិនគ្រប់នោះស្លាប់តាមក្រោយព្រោះគ្មានអ្នកឲ្យចំណី។ ដោយឡែកសមត្ថកិច្ចឲ្យដឹងថា សពទាំងនោះមានឈ្មោះ ទី១/ម៉ូវ យ៉ឺន ភេទស្រី អាយុ៧២ឆ្នាំ និងទី២/ម៉ូវ សូលីនបញ្ញារិទ្ធ ភេទប្រុសអាយុ៤២ឆ្នាំ(សតិមិនគ្រប់) រស់នៅភូមិសង្កាត់ខាងលើ។ ក្រោយកើតហេតុ ក្រុមការងារត្រួតពិនិត្យនិងកោសល្យវិច័យចម្រុះ(កម្លាំងផ្នែកជំនាញអធិការដ្ឋាន,កម្លាំងការិយាល័យជំនាញខេត្ត,ក្រុមគ្រូពេទ្យ,និងមានការចូលរួមជាមួយពីសាច់ញាតិសព,អាជ្ញាធរមូលដ្ឋាន)ដឹកនាំដោយលោកស្រីធី ភីថង ព្រះរាជអាជ្ញាររង និងលោក ប៉ុល វុទ្ធី ស្នងការរងទទួលផែនពិនិត្យឃើញថា៖ ១-ក្នុងបរិវេណផ្ទះត្រូវបានចាក់សោ,បិទទ្វារបងនិងទ្វារផ្ទះពីខាងក្នុង ។ ២- សពឈ្មោះម៉ូវ យ៉ឺន មានសភាពស្អុយរលួយ,ស្វិតនិងទ្រោម តាមការសន្និដ្ឋានរយៈពេលស្លាប់ប្រហែលជិតមួយខែមុន និងស្លាប់ដោយជំងឺចាស់ជរា […]

ដោយ : បន្ទាយ កំពង់ឆ្នាំង៖កម្លាំងអាវុធហត្ថបានឃាត់ខ្លួនជនសង្ស័យម្នាក់បន្ទាប់ពីបានធ្វើសកម្មភាពយកមួកសុវត្ថិភាពគប់និងយកខ្សែក្រវាត់វាយទៅលើជនរងគ្រោះបណ្ដាលឲ្យបែកក្បាលពីខាងក្រោយ ដែលហេតុការណ៍នេះបានកើតឡើងនៅថ្ងៃទី១៥ ខែកញ្ញា ឆ្នាំ២០២៤ វេលាម៉ោង០៤និង៣០នាទីទៀបភ្លឺ ស្ថិតនៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ ប្រភពពីសមត្ថកិច្ចបានឲ្យដឹងថា ក្រោយទទួលបានពាក្យបណ្តឹងពីជនរងគ្រោះ កម្លាំងមូលដ្ឋានកងរាជអាវុធហត្ថក្រុងកំពង់ឆ្នាំងចំនួន០៤នាក់ មធ្យោបាយរថយន្តចំនួន០១គ្រឿង ដឹកនាំដោយលោកវរសេនីយ៍ត្រី អ៊ឹម លីអ៊ីម មេបញ្ជាការមូលដ្ឋានអាវុធហត្ថក្រុងកំពង់ឆ្នាំង បានឃាត់ខ្លួនជនសង្ស័យម្នាក់ ដោយយោងតាមបទល្មើសសជាក់ស្ដែង និងពាក្យបណ្ដឹងរបស់ជនរងគ្រោះឈ្មោះ ស៊ុន ពិសិដ្ឋ ហៅយ៉ែ ភេទប្រុស អាយុ៣៤ឆ្នាំ សញ្ជាតិខ្មែរ មុខរបរជាងទូរសព្ទ រស់នៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។កម្លាំងបានចុះបង្ក្រាបករណី«ហិង្សាដោយចេតនា» ស្ថិតនៅភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។ ជនសង្ស័យមានឈ្មោះរុំ សុវណ្ណរ៉ូត ភេទប្រុស អាយុ១៦ឆ្នាំ សញ្ជាតិខ្មែរ មុខរបរកសិករ រស់នៅភូមិទី០៨ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង និងដកហូតវត្ថុតាងរួមមាន៖ ១-ម៉ូតូ SUZUKI Smash ពណ៌ស.ខ្មៅ ពាក់ផ្លាកលេខ ភ.ព […]

ដោយ៖ ព្រះអង្គខ្មៅ បាត់ដំបង÷ សមត្ថកិច្ចបញ្ជូនជនសង្ស័យចំនួន ២នាក់ទៅតុលាការ ពាក់ព័ន្ធករណីលាក់កាំភ្លើង និងគ្រាប់បែកដៃ ក្នុងលំនៅដ្ឋាននៅស្រុកគាស់ក្រឡ។ នគរបាលជំនាញបានបង្ហើបឲ្យដឹងថា÷ បុរសទាំង ២នាក់ដែលរក្សាទុកនូវអាវុធខុសច្បាប់ខាងលើត្រូវកម្លាំងការិយាល័យជំនាញបញ្ចប់ការកសាងសំណុំរឿង និងបញ្ជូនទៅកាន់តុលាការនៅថ្ងៃទី ១៣ ខែកញ្ញា ឆ្នាំ ២០២៤នេះ។ ជនជាប់សង្ស័យមានឈ្មោះជន ជឿម ភេទប្រុស អាយុ ៥៩ឆ្នាំ និងឈ្មោះសោម សុវណ្ណ ភេទប្រុស អាយុ ៤៤ឆ្នាំ ទាំង ២នាក់ស្នាក់នៅចំណុចអូរអាឡោក ភូមិគោករកា ឃុំដូនបា ស្រុកគាស់ក្រឡ ខេត្តបាត់ដំបង​ រក្សាទុកអាវុធខុសច្បាប់មិនដឹងមានគោលបំណងអ្វីឲ្យពិតប្រាកដ ចុងក្រោយនៅថ្ងៃទី ១១ ខែកញ្ញាថ្មីៗនេះត្រូវកម្លាំងមូលដ្ឋានស្រាវជ្រាវចុះអនុវត្តតាមច្បាប់តែម្តង។ អាវុធដែលដកហូតបានរួមមាន៖ កាំងភ្លើងប្រភេទ AK47 អត់ស្វាយមួយដើម គ្រាប់ក្នុងបង់ចំនួន​ ១២គ្រាប់ គ្រាប់នៅក្រៅបង់ចំនួន​៣០គ្រាប់ កូនកាំបិតខ្លីមួយដើម និងគ្រាប់បែកដៃចំនួន២គ្រាប់ផងដែរ៕

ដោយ : បន្ទាយ បន្ទាយមានជ័យ: មុនពេលបង្ក្រាបករណី ដឹកជញ្ជូន ជួញដូរ រក្សាទុកគ្រឿងញៀនជាង៧៣គីឡូក្រាម និងកាន់កាប់ ឬដឹកជញ្ជូនឣាវុធដោយគ្មានការឣនុញ្ញាតនេះ កម្លាំងមូលដ្ឋានកងរាជឣាវុធហត្ថក្រុងប៉ោយប៉ែតបានទទួលព័ត៌មានពីភ្នាក់ងារថា មានជនសង្ស័យជាជនជាតិថៃកំពុងរកស៊ីជួញដូរដោយខុសច្បាប់នូវសារធាតុញៀនយ៉ាងសកម្មនៅក្នុងភូមិសាស្រ្តក្រុងប៉ោយប៉ែត ខេត្តបន្ទាយមានជ័យ។ លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជឣាវុធហត្ថក្រុងប៉ោយប៉ែតបានឱ្យដឹងថា : ក្រោយពីទទួលបានព័ត៌មាននេះលោកបានរាយការណ៍ជូនលោកឧត្តមសេនីយ៍ត្រី បោន ប៊ិន មេបញ្ជាការកងរាជឣាវុធហត្ថខេត្តបន្ទាយមានជ័យ ដើម្បីស្នើសុំទៅព្រះរាជឣាជ្ញា ឣមសាលាដំបូងខេត្ត ដើម្បីបើកប្រតិបត្តិការបង្ក្រាប។ រហូតដល់វេលាម៉ោង១១និង៣០នាទី ថ្ងៃទី១០ ខែកញ្ញា ឆ្នាំ២០២៤ នៅផ្ទះលេខC62 ក្នុងបុរីដួងច័ន្ទ ស្ថិតក្នុងភូមិសាមគ្គីមានជ័យ សង្កាត់ឣូរជ្រៅ ក្រុងប៉ោយប៉ែត កម្លាំងមូលដ្ឋានកងរាជឣាវុធហត្ថក្រុងសហការជាមួយកម្លាំងការិយាល័យប្រឆាំងគ្រឿងញៀនកងរាជឣាវុធហត្ថខេត្ត ដឹកនាំដោយលោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើស និងដឹកនាំសម្របសម្រួលដោយលោក លុយ ទីហួរ ព្រះរាជឣាជ្ញារង ឣមសាលាដំបូងខេត្តបន្ទាយមានជ័យ បានចុះធ្វើប្រតិបត្តិការបង្ក្រាប និងឃាត់ខ្លួនជនសង្ស័យ។ ជនសង្ស័យជនជាតិថៃទាំង០៥នាក់រួមមាន ១-ឈ្មោះ វីរ៉ាឆៃ មីស៊ីន ភេទប្រុស ឣាយុ២៩ឆ្នាំ ដកហូតវត្ថុតាងរួមមាន គ្រឿងញៀនប្រភេទម្សៅក្រាមពណ៌សថ្លា […]

ដោយ : បន្ទាយ បន្ទាយមានជ័យ : គ្រោះរាំងស្ងួតបង្កឡើងដោយធម្មជាតិនៃកូនរដូវប្រាំងបានអូសបន្លាយជាង១ខែមកហើយ។មកទល់ពេលនេះបានភ្លៀង១មេរាងសើមជោកដីត្រង់កន្លែងខ្លះដែរ។ប៉ុន្តែនៅវេលាម៉ោង៤និង៣៣នាទី ថ្ងៃទី១១ ខែកញ្ញាឆ្នាំ២០២៤ បែរជាមានគ្រោះរន្ទះបាញ់ក្របីរបស់កសិករជាអ្នកភូមិរពាក់ឃុំឈ្នួរមានជ័ យស្រុកព្រះនេត្រព្រះ ខេត្តបន្ទាយមានជ័យ ងាប់រដូករណែលក៦ក្បាល។ នេះបើតាមលោកវរសេនីយ៍ ទេព រដ្ឋា អធិការនគរបាលស្រុកព្រះនេត្រព្រះប្រាប់សារព័ត៌មាននៅថ្ងៃទី១២ខែកញ្ញា។ នៅពេលមានភ្លៀងធ្លាក់ជាបង្គួរ លាយឡំខ្យល់ ផ្គរ រន្ទះ ហើយបណ្តាលឲ្យមានរន្ទះបាញ់ងាប់សត្វក្របីចំនួន៦ក្បាល ក្នុងនោះមានឈ្មោល៤ក្បាល ញី២ក្បាល។ ម្ចាស់ក្របីមានឈ្មោះ សែម វែង និងប្រពន្ធឈ្មោះ ម៉ៅ ប៉ាក់ រស់នៅភូមិរពាក់ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។ករណីរន្ទះបាញ់នេះ ប៉ះពាល់តែក្របី៦ក្បាល មិនប៉ះពាល់ផ្ទះសំបែងនិងជីវិតមនុស្សទេ ៕

ដោយ : បន្ទាយ ឧត្តរមានជ័យ៖ ករណីគ្រោះថ្នាក់ចរាចរណ៍មួយបង្កឡើងដោយរថយន្តម៉ាកតូយ៉ូតាហាយឡិនឌ័រមួយគ្រឿងពាក់ផ្លាកលេខ ភ្នំពេញ ២Z ២៧៦២ កាលពីរសៀលថ្ងៃទី១១កញ្ញាឆ្នាំ២០២៤ នៅលើកំណាត់ផ្លូវជាតិលេខ៦៨ ភូមិផ្អុង សង្កាត់កូនក្រៀល ក្រុងសំរោង ខេត្តឧត្តរមានជ័យ។ ប្រភពព័ត៌មានពីកន្លែងគ្រោះថ្នាក់បានឲ្យសារព័ត៌មានដឹងថា:  មុនកើតហេតុ គេឃើញរថយន្តតូយ៉ូតាបើកបរមកពីទិសខាងត្បូងទៅទិសខាងជើងសំដៅទៅអូរស្មាច់។ លុះមកដល់កើតហេតុក៏បានរេចង្កូតមកទិសខាងឆ្វេងដៃបណ្តាលឲ្យបុករះតូបលក់សាច់ជ្រូក និងតូបជួសជុលគោយន្តនិងមនុស្ស ប្រុសស្រីចំនួន៤នាក់ បណ្ដាលឲ្យរងរបួសធ្ងន់១នាក់អាយុ១២ឆ្នាំ ស្រាលចំនួន៣នាក់។ ចំណែកម្ចាស់ក្រុមគ្រួសារថយន្តគឺរបួសស្រាលផ្នែកខាងលើចិញ្ចើម១នាក់  ។ ប្រភពបានឲ្យដឹងបន្តទៀតថា : រថយន្តដែលបង្កនេះជារបស់ប៉ូលិសធ្វើការនៅប៉ុស្តិ៍រដ្ឋបាលសង្កាត់អូរស្មាច់ ក្រុងសំរោង ខេត្តឧត្តរមានជ័យ។ ករណីគ្រោះថ្នាក់ខាងលើ ត្រូវកម្លាំងជំនាញយកវត្ថុតាងមករក្សាទុកនៅអធិការដ្ឋាននគរបាលក្រុងសំរោងដើម្បីរង់ចាំដោះស្រាយបន្តតាមនីតិវិធី៕