ដោយ៖ កំចាយ កំពត÷ យុវជនម្នាក់បានស្លាប់នៅនឹងកន្លែងដោយសាររថយន្តបុកពេលកំពុងជិះម៉ូតូលើដងផ្លូវជាតិលេខ៣។ ហេតុការណ៍នេះបានកើតឡើងកាលពីអធ្រាត្រថ្ងៃទី២១ ខែកុម្ភ: ឆ្នាំ២០២៥ ក្នុងទឹកដីភូមិល្អាង ឃុំល្អាង ស្រុកដងទង់។ សមត្ថកិច្ចបាននាំខ្លូនអ្នកបើកបររថយន្តទៅសាកសួរដើម្បីចាត់ការតាមនីតិវិធី។ លោកវរសេនីយ៍ត្រី ខៀវ​ សីហា​ អធិការរងស្រុកដងទង់បានប្រាប់ឲ្យដឹងថា យុវជនរងគ្រោះក្នុងករណីខាងលើឈ្មោះ វឿន​ សិលា អាយុ ២០ឆ្នាំ មានទីលំនៅភូមិបរក្នុង​ ឃុំ​អង្គរមាស​ ស្រុក​ដងទង់ ខេត្ត​កំពត។ ចំណែកអ្នកបើកបររថយន្តឈ្មោះ ពឹង​ វង់លី ភេទប្រុស អាយុ ៣១ឆ្នាំ រស់នៅភូមិទួលសង្កែ សង្កាត់ទួលសង្កែ​ ខណ្ឌឫស្សីកែវ​ រាជធានីភ្នំពេញ​។ លោកអធិការរងបានរៀបរាប់ថា កាលពីវេលាម៉ោង១១ និង៥០នាទីយប់ថ្ងៃទី២១​ ខែកុម្ភ: មានករណីគ្រោះថ្នាក់ចរាចរមួយបានកើតឡើងរវាងរថយន្ត និងម៉ូតូពេលធ្វើដំណើរច្រាសទិសគ្នា។ មុនហេតុការណ៍កើតឡើង គេឃើញយុវជនម្នាក់ជិះម៉ូតូលើដងផ្លូវជាតិលេខ៣ក្នុងទិសដៅពីលិចទៅកើត។ លុះមកដល់ចន្លោះបង្គោលគីឡូម៉ែត្រលេខ១២៧-១២៨ ស្រាប់តែមានរថយន្តLexus LM 350 មកពីមកបុកពេញទំហឹងបណ្តាលឲ្យអ្នកបើកម៉ូតូស្លាប់ភ្លាមៗតែម្តង។ លោកវរសេនីយ៍បានបញ្ជាក់ថា ក្នុងស្ថានភាពបែបនោះ ពលរដ្ឋនៅក្បែរកន្លែងកើតហេតុក៏បានឃាត់ខ្លួនអ្នកបើកបររថយន្ដ រួចប្រគល់ជូនសមត្ថកិច្ចដើម្បីដំណើរការតាមនីតិវិធី៕  

ដោយ : បន្ទាយ ព្រំដែនកម្ពុជា ថៃ : ស្ថានភាពនៅប្រាសាទតាមាន់មានសភាពធម្មតាដូចដើមឡើងវិញហើយចាប់ពីថ្ងៃទី១៨ ខែកុម្ភៈ ឆ្នាំ២០២៥ មក។ មន្ត្រីអាជ្ញាធរ កងកម្លាំងភាគីកម្ពុជា ថៃបានជួបគ្នានៅប្រាសាទតាមាន់ធំដើម្បីបង្ហាញថា អ្វីៗប្រក្រតីដូចដើមឡើងវិញ ហើយប្រាប់គ្នាថា យើងស្រឡាញ់រាប់អានគ្នា អត់មានបញ្ហាអីនឹងគ្នា។ លោក មាន ចាន់យ៉ាដា អភិបាលខេត្តឧត្តរមានជ័យនិងប្រតិភូរដ្ឋបាលខេត្តឧត្តរមានជ័យកាលពីរសៀលថ្ងៃទី១៨ខែកុម្ភ:ឆ្នាំ២០២៥ បានធ្វើដំណើរឡើងទៅដល់ប្រាសាទតាមាន់ ហើយបានជួបផ្ទាល់ជាមួយមេទ័ព មេនគរបាលនិងនាយ នាយរងកងទ័ពកម្ពុជានិងមេទ័ពថៃ ដែលឈរជើងនៅទីនោះ។ លោកនិយាយថា នៅតំបន់ប្រាសាទតាមាន់មានសភាពការណ៍ប្រក្រតីដូចដើមវិញ។ លោកក៏បានណែនាំដល់ដល់មេទ័ព នាយទាហាន នគរបាលខ្មែរ និងថៃ រក្សាទំនាក់ទំនងឲ្យល្អជាមួយគ្នា។លោកបន្តថា ប្រាសាទតាមាន់របស់ខ្មែរនេះ ត្រូវបានកំណត់យកជានិមិត្តរូប(LOGO Symbol) នៃរដ្ឋបាលស្រុកបន្ទាយអំពិល  ។ សូមរំលឹកថា កាលពីព្រឹកថ្ងៃទី១៣ ខែកុម្ភ:ឆ្នាំ២០២៥ ទាហានថៃហាមពលរដ្ឋ តាជីដូនជីនិងព្រះសង្ឃខ្មែរ១ក្រុមបានទៅទស្សនាប្រាសាទតាមាន់ធំដូចដែលមានភ្ញៀវទៅទស្សនាហូរហែរាល់ថ្ងៃ គឺប្រាសាទបុរាណខ្មែរស្ថិតលើទឹកដីកម្ពុជា ។ ភាគីថៃចោទថា កងកម្លាំងកម្ពុជាបានគាំទ្រឲ្យពលរដ្ឋនិងព្រះសង្ឃច្រៀងភ្លេងជាតិខ្មែរបទ”ដែនដីខ្មែរ” លើទឹកដីថៃ(ទឹកដីដែលភាគីទាំងពីរមិនទាន់បានឯកភាពនិងបោះបង្គោលព្រំដែន)។ទាហានថៃដែលឈរជើងនៅប្រាសាទនោះ ចេញមកហាមឃាត់និងបំបែកហ្វូង ។ ពេលនោះ កងកម្លាំងទាហានកម្ពុជាពីកងពលតូចថ្មើរជើងលេខ៤២ នគរបាលការពារព្រំដែននៃស្នងការដ្ឋាននគរបាលខេត្តឧត្តរមានជ័យនិងភាគីថៃ មាននគរបាលការពារព្រំដែន កងកម្លាំងទាហានសូរ៉:ណារី […]

ដោយ :  បន្ទាយ បន្ទាយមានជ័យ ៖ នៅព្រឹកថ្ងៃទី១៩ខែកុម្ភៈ ឆ្នាំ២០២៥ វេលាម៉ោង៦និង៤៥នាទី មានករណីអគ្គិភ័យមួយយ៉ាងសន្ធោសន្ធៅបានឆាបឆេះក្លឹប ស៊ីន ជានហ៊ួយ ខេធីវី (នៅEDM ចាស់) នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ ភ្លាមៗនោះ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានចាត់បញ្ជូនកម្លាំងនគរបាលជាច្រើននាក់ រួមមានកម្លាំងអធិការដ្ឋាននគរបាលក្រុងប៉ោយប៉ែត កម្លាំងបញ្ជាការវរសេនាតូចការពារព្រំដែនគោកលេខ៨៩១, វរៈ៩១១ នាំយករថយន្តទឹក សហការជាមួយកម្លាំងកងរាជអាវុធហត្ថក្រុង កម្លាំងយោធាសឹករងក្រុង ប្រជាការពារ អាជ្ញាធរមូលដ្ឋាន ក្រុមពន្លត់អគ្គិភ័យក្រុមហ៊ុនកាស៊ីណូ ជួយអន្តរាគមន៍ពន្លត់ទីតាំងកើតហេតុ។ លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែតបានឲ្យដឹងថា : ករណីអគ្គិភ័យនេះបង្កឡើងដោយសារទុស្សេចរន្តអគ្គិសនីម៉ាស៊ីនត្រជាក់ ទើបបណ្តាលឲ្យឆាបឆេះក្លឹបអស់មួយភាគធំ។ ប៉ុន្តែមិនបានបណ្តាលឲ្យជនណាម្នាក់រងរបួស ឬបាត់បង់ជីវិតឡើយ។ ប្រតិបត្តិការនេះ ប្រើប្រាស់ទឹកអស់ចំនួន០៥រថយន្ត ត្រូវបានសមត្ថកិច្ចយើងពន្លត់ទាន់ពេលរហូតដល់ម៉ោង៧:៣០នាទី ទើបរលត់ទាំងស្រុង៕  

ដោយ៖សុវណ្ណ រតនគិរី៖ ឡានមន្ត្រីប៉េអឹមមួយគ្រឿងព្រលះឡានបែនដឹកដីបណ្ដាលឲ្យមនុស្សចំនួន៥នាក់បានស្លាប់ភ្លាមៗនៅនឹងកន្លែង ដែលហេតុការណ៍នេះបានកើតឡើងកាលពីសៀលថ្ងៃ១៨ ខែកុម្ភ:ឆ្នាំ២០២៥ នៅក្នុងបរិវេណដីចម្ការចេកវៀតណាមមួយកន្លែង ក្នុងស្រុកលំផាត់។ មន្ត្រីប៉ូលិសចរាចរណ៍ស្រុកលំផាត់បានបញ្ជាក់អត្តសញ្ញាណជនរងគ្រោះដែលបាត់បង់ជីវិតទាំង៥នាក់នោះគឺ៖ ទី១.ឈ្មោះ ប្រាក់សក្ខី ភេទប្រុស អាយុ ២២ឆ្នាំ ជនជាតិខ្មែរ មុខរបរមន្ត្រីកងរាជអាវុធហត្ថ  អ្នកបើកបរ។ទី២.ឈ្មោះម៉ុន ម៉េងលាង ភេទប្រុស អាយុ ២៤ឆ្នាំ ជនជាតិខ្មែរ មុខរបរមន្ត្រីកងរាជអាវុធហត្ថ អ្នករួមដំណើរ។ ទី៣.ឈ្មោះ អេង ពិសី ភេទប្រុស អាយុ២២ឆ្នាំ ជនជាតិខ្មែរ មុខរបរមន្ត្រីកងរាជអាវុធហត្ថ  អ្នករួមដំណើរ។ ទី៤.ឈ្មោះ អ៊ុក ផានី្ន ភេទប្រុស អាយុ ៤៣ឆ្នាំ ជនជាតិខ្មែរ មុខរបរមន្ត្រីកងរាជអាវុធហត្ថ អ្នករួមដំណើរ  និងទី៥.ឈ្មោះ  TRUONG VAN THANH ភេទប្រុស  អាយុ៤៩ឆ្នាំ ជនជាតិវៀតណាម មុខរបរបុគ្គលិកក្រុមហ៊ុនចម្ការចេក អ្នករួមដំណើរ ។ ជនរងគ្រោះទាំង៥នាក់ខាងលើនោះមានទីលំនៅបច្ចុប្បន្ន ភូមិថ្មី  ឃុំជ័យឧត្តម ស្រុកលំផាត់ ខេត្តរតនគិរី។ ប្រភពពីកន្លែងកើតហេតុបានឲ្យដឹងថា៖ កាលពីវេលាម៉ោង១រសៀលថ្ងៃទី១៨ខែកុម្ភ:ឆ្នាំ២០២៥នេះ […]

ដោយ : បន្ទាយ  ព្រំដែនកម្ពុជា ថៃ : បន្ទាប់ពីប៉ះទង្គិចនិងប្រឈមមុខគ្នាខាងកាយវិការ ពាក្យសម្ដីនៅប្រាសាទតាមាន់ធំ ស្ថិតនៅភូមិតាមន្តតេជោសែនជ័យ ឃុំគោកមនស្រុកបន្ទាយអំពិល ខេត្តឧត្តរមានជ័យ ទល់មុខឃុំ/ស្រុកភ្នំដុងរ៉ាក់ខេត្តសុរិន្ទប្រទេសថៃកាលពីថ្ងៃទី១៣ខែកុម្ភ:ឆ្នាំ២០២៥ កន្លងមកនោះ មកទល់ថ្ងៃទី១៨ខែកុម្ភ:ឆ្នាំ២០២៥ នេះ ស្ថានភាពទូទៅត្រូវគេនិយាយថា បានវិលមកប្រក្រតីឡើងវិញ។ ប៉ុន្តែជាក់ស្តែង អ្វីនៅមិនទាន់ល្អូកល្អិននឹងគ្នាវិញទេ ឬអាចថានៅល្អក់កករនៅឡើយ។ ឯអ្នកនាំពាក្យក្រសួងការពារជាតិកម្ពុជាមិនបានប្រាប់ថា តើកម្ពុជា.ថៃបានសម្របសម្រួលគ្នាយ៉ាងណាជាមួយថៃ ជុំវិញការប្រឈមមុខដាក់គ្នាកន្លងមកនោះ។ សូមរំលឹកថា កាលពីព្រឹកថ្ងៃទី១៣ខែកុម្ភ:ឆ្នាំ២០២៥ ទាហានថៃហាមពលរដ្ឋ តាជី ដូនជីនិងព្រះសង្ឃខ្មែរ១ក្រុមបានទៅទស្សនាប្រាសាទតាមាន់ធំដូចដែលមានភ្ញៀវទៅទស្សនាហូរហែរាល់ថ្ងៃ។ប៉ុន្តែពេលពួកគេច្រៀងភ្លេងជាតិខ្មែរ”ដែនដីខ្មែរប្រែថា សុវណ្ណភូមិ” ក៏ត្រូវទាហានថៃដែលឈរជើងនៅប្រាសាទនោះ ចេញមកហាមឃាត់និងបំបែកហ្វូង។ ពេលនោះ កងកម្លាំងទាហានកម្ពុជាពីកងពលតូចថ្មើរជើងលេខ៤២ នគរបាលការពារព្រំដែននៃស្នងការដ្ឋាននគរបាលខេត្តឧត្តរមានជ័យនិងភាគីថៃ មានគរបាលការពារព្រំដែន កងកម្លាំងទាហានសូរ៉ាក់ណារី ដែលឈរជើងរួមគ្នានៅប្រាសាទតាមាន់ធំបានប៉ះទង្គិចកាយវិការនិងសម្ដីគ្នា។ ភាគីថៃថា ពលរដ្ឋ មន្ត្រីថៃនិងកម្ពុជាអាចឡើងមកគោរពសក្ការ:និងទស្សនាប្រាសាទនេះបានដោយសេរីភាព ពេញមុខ ។ ប៉ុន្តែករណីនេះ ពលរដ្ឋកម្ពុជាបានមកច្រៀងចម្រៀងជាតិខ្មែរលើទឹកដីថៃ។ ករណីនេះ កងកម្លាំងកម្ពុជា ក្នុងនោះលោកឧត្តមសេនីយ៍ទោនាក់ វង្ស មេបញ្ជាការរងកងពលតូចថ្មើរជើងលេខ៥១ បានព្រមានថា : ចាប់ពីថ្ងៃនេះទៅ ពួកកងកម្លាំងឯងមើល ហើយហាមទាំងកងកម្លាំងថៃកុំឲ្យឡើងមកនិងឈរជើងនៅប្រាសាទទៀត បាញ់គ្នាក៏បាញ់ទៅ […]

ដោយ៖សហការី ភ្នំពេញៈស្នងការដ្ឋាននគរបាលរាជធានីភ្នំពេញនៅព្រឹកថ្ងៃទី១៨ខែកុម្ភៈឆ្នាំ២០២៥ បានធ្វើសន្និសីទកាសែតបង្ហាញមុខជនសង្ស័យជនជាតិចិន៥នាក់ដែលបង្កហិង្សាដោយចេតនាមានស្ថានទម្ងន់ទោសដោយប្រើកាំបិតខ្លីចាក់គូទំនាស់បណ្តាលឲ្យរងរបួសកំបះគូទនិងត្រគាកចំនួន ០៨កាំបិត និងប្រើប្រាស់អាវុធដោយគ្មានការអនុញ្ញាត ប្រើអាវុធខ្លីក្លែងក្លាយ ភ្ជង់គំរាម និងអាវុធ AK 47 ចំនួន០២ ដើម បាញ់ដីចំនួន០១គ្រាប់ ។ លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញបានឲ្យដឹងថា ដោយអនុវត្តតាមបទបញ្ជា ឯកឧត្តម ស ថេត អគ្គស្នងការនគរបាលជាតិនិងមានការណែនាំពីឯកឧត្តមឃួង ស្រេង អភិបាលនៃគណៈអភិបាលរាជធានីភ្នំពេញនិងបទបញ្ជាពីឯកឧត្តម ឧត្តមសេនីយ៍ឯក ជួនណារិន្ទ អគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញនិងមានការដឹកនាំបញ្ជាផ្ទាល់ពីឧត្តមសេនីយ៍ត្រីប៊ុន សត្យា ស្នងការរងនគរបាលរាជធានីភ្នំពេញទទួលផែននគរបាលព្រហ្មទណ្ឌ, កម្លាំងជំនាញការិយាល័យព្រហ្មទណ្ឌកម្រិតស្រាលនិងការិយាល័យព្រហ្មទណ្ឌកម្រិតធ្ងន់និងនគរបាលខណ្ឌពោធិ៍សែនជ័យបានសហការជាមួយកម្លាំងនគរបាលនាយកដ្ឋានក្រសួងមហាផ្ទៃនិងកម្លាំងស្នងការដ្ឋាននគរបាលខេត្តបន្ទាយមានជ័យ កម្លាំងស្នងការនគរបាលខេត្តបាត់ដំបង បានធ្វើការស្រាវជ្រាវហើយឈានឃាត់ខ្លួនជនសង្ស័យជាជនជាតិចិនចំនួន៥នាក់។ ជនជាតិចិនទាំងនោះបានប្រព្រឹត្តបទល្មើសនៅចំណុចបរិវេណអគាររតនសម្បត្តិ ផ្លូវសហព័ន្ធរុស្សី ភូមិតាងួន២ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១៤ ខែកុម្ភៈ ឆ្នាំ២០២៥ វេលាម៉ោង១២ និង០០ នាទី ថ្ងៃត្រង់។ លោកវរសេនីយ៍ឯក សំ វិច្ឆិកា បានឲ្យដឹងទៀតថា៖ ប្រតិបត្តិការបង្ក្រាបជនជាតិចិនដែលបង្កហិង្សានេះបានធ្វើឡើងក្នុងរយៈពេលមិនដល់២៤ម៉ោងផង បន្ទាប់ពីកើតហេតុ។ការផ្ទុះអាវុធនេះគឺផ្ដើមចេញពីអំពើហិង្សារវាងជនជាតិចិននិងជនជាតិចិនមានទំនាស់គ្នានៅខារ៉ាអូខេ។ដោយជនសង្ស័យជាជនជាតិចិនខឹងនឹងជនជាតិចិនម្នាក់ដែលចាក់មកលើខ្លួនប្រមាណ៧កាំបិតហើយក្រោយមកជនសង្ស័យបានទៅទិញកាំភ្លើងដើម្បីសងសឹក។នៅមុនពេលកើតហេតុ សង្ស័យក៏មានការប្រទូសរ៉ាយគ្នាហើយក៏បានយកកាំភ្លើងចេញពីក្នុងរថយន្តមកបាញ់គូទំនាស់តែមិនបង្កឲ្យមានរបួសស្នាមឡើយដោយបាញ់បុកដី។ លោកវរសេនីយ៍ឯក សំ […]

ដោយ៖សហការី ភ្នំពេញ៖ លោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ កាលពីយប់ថ្ងៃទី១៧ កុម្ភៈ ២០២៥ បានដឹកនាំកម្លាំងគណៈបញ្ជាការឯកភាពខណ្ឌចុះត្រួតពិនិត្យ និងណែនាំទីតាំងអាជីវកម្មក្លិបឌីស្កូតែក ចំនួន ០៥ទីតាំងដែល រួមមាន៖ក្លិបឌីស្កូតែក ស្ពាយឌឺ, ក្លិបឌីស្កូតែក ឌី.អូ.ធី.២, ក្លិបឌីស្កូតែក ជី ២១, ក្លិបឌីស្កូតែក មីតណាយ ស្ថិតនៅសង្កាត់ចោមចៅទី១ និងក្លិបឌីស្កូតែក អ៊ិច ហ្សូម ស្ថិតនៅសង្កាត់ចោមចៅទី២។ នៅក្នុងការចុះត្រួតពិនិត្យនោះលោកអភិបាលនៃគណៈអភិបាលខណ្ឌសក់ ច័ន្ទកញ្ញារិទ្ធ ក៏បានណែនាំដល់ម្ចាស់ទីតាំងដោយទី១-ហាមជួញដូរ ចែកចាយ និងប្រើប្រាស់គ្រឿងញៀនគ្រប់ប្រភេទ, ទី២-ហាមជួញដូរផ្លូវភេទ,ទី៣-ហាមមិនឲ្យក្មេងក្រោមអាយុ ១៨ឆ្នាំ ចូលក្លិបកម្សាន្ដ (អនីតិជន),ទី៤-ត្រូវរៀបចំបំពាក់អំពូលសូឡានៅតាមច្រកផ្លូវសុវត្ថិភាព, ទី៥-ត្រូវរៀបចំស្លាកសញ្ញាសុវត្ថិភាពច្រកចេញ-ចូលឲ្យបានត្រឹមត្រូវ,ទី៦-ត្រូវកែតម្រូវច្រកទ្វារសុវត្ថិភាពឲ្យមានពន្លឺចេញចូលគ្រប់គ្រាន់ និងមានទុកចេញចូលបានរលូននិងទី៧-ត្រូវចូលរួមសហការជាមួយអាជ្ញាធរមូលដ្ឋានឲ្យបានល្អប្រសើរ៕

ដោយ : បន្ទាយ បន្ទាយមានជ័យ ៖ នៅមុននេះបន្តិច សមត្ថកិច្ចនគរបាលស្នងការដ្ឋានខេត្តបន្ទាយមានជ័យ សហការជាមួយស្នងការដ្ឋាននគរបាលរាជធានីភ្នំពេញ នៅយប់ថ្ងៃទី១៤ខែកុម្ភ:  ឃាត់ខ្លួន ជនសង្ស័យដៃដល់ជនជាតិចិន៣នាក់ ខ្មែរ១នាក់នៅចំណុចភូមិកូនដំរី សង្កាត់និម្មិត ក្រុងប៉ោយប៉ែត ខេត្តបន្ទាយមានជ័យ ។ ជនដៃដល់ទាំងនេះ ពាក់ព័ន្ធធ្វើសកម្មភាពយកកាំភ្លើង AK47 ទៅបាញ់គំរាមគូទំនាស់នៅមជ្ឈមណ្ឌលរតនៈសម្បត្តិ កាលពីរសៀលថ្ងៃទី១៤ កុម្ភៈ ២០២៥ ។ ថ្ងៃទី១៥ខែកុម្ភ: សមត្ថកិច្ចនគរបាលខេត្តបន្ទាយមានជ័យបាននិងកំពុងរៀបចំ ឯកសារ ប្រគល់ជនសង្ស័យទាំងនេះមកស្នងការដ្ឋាននគរបាល រាជធានីភ្នំពេញដែលជាម្ចាស់ភូមិសាស្ត្រនៃករណី ៕

ដោយ៖សហការី ភ្នំពេញ៖ មុននេះបន្តិច មានករណីផ្ទុះអាវុធ នៅមជ្ឈមណ្ឌលរតនៈសម្បត្តិ ស្ថិតក្នុងសង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ បង្កដោយជនល្មើសមួយក្រុម រួចគេចខ្លួនបាត់ដោយបានបន្សល់ទុករថយន្តដែលធ្វើសកម្មភាពនៅទីនោះ។ នៅពេលនេះកម្លាំងសមត្ថកិច្ចកំពុងសួរនាំនៅកន្លែងកើតហេតុ ដើម្បីស្វែងរកក្រុមបង្កឲ្យមានការផ្ទុះអាវុធទាំងនោះ៕

ដោយ៖ កំចាយ កំពត÷ សមត្ថកិច្ចមកពីនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងស្នងការដ្ឋានខេត្តកំពត និងខេត្តតាកែវ កាលពីរសៀលថ្ងៃទី១៣ ខែកុម្ភ: ឆ្នាំ២០២៥ បានឃាត់ខ្លួនជនសង្ស័យម្នាក់ពាក់ព័ន្ធករណីឃាតកម្មដែលបានកើតឡើងក្នុងទឹកដីស្រុកឈូក។ តាមការរម្លឹកឲ្យដឹងពីមន្ត្រីសមត្ថកិច្ចថា៖ កាលពីម៉ោង១២ និង១០នាទីរសៀលថ្ងៃទី១១ ខែកុម្ភៈ ឆ្នាំ២០២៥ មានករណីភ្ញាក់ផ្អើលមួយបានកើតឡើងក្រោយអ្នកភូមិប្រទះឃើញស្ត្រីឈ្មោះ អ.ទ អាយុ ៤៩ឆ្នាំ បានស្លាប់នៅផ្ទះស្ថិតក្នុងភូមិតាព្រហ្ម ឃុំមានជ័យ ស្រុកឈូក ខេត្តកំពត។ អ្នកភូមិបានដាក់ការសង្ស័យជាករណីប្លន់សម្លាប់ ព្រោះជនរងគ្រោះបានបាត់បង់ទូរសព្ទដៃ២គ្រឿង ក្រវិលមាស១ជី ចិញ្ចៀនមាស២ជី ខ្សែដៃប្លាទីន១តម្លឹង និងខ្សែកប្លាទីនទម្ងន់៣ជី។ សមត្ថកិច្ចបានបន្តថា៖ ផ្តើមចេញពីហេតុការណ៍នេះ ឯកឧត្តមឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌបានបញ្ជាដល់សមត្ថកិច្ចជំនាញដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន ចុះសហការជាមួយកម្លាំងស្នងការដ្ឋាននគរបាលខេត្តកំពត និងខេត្តតាកែវ ដើម្បីស្រាវជ្រាវរកការពិតរហូតកំណត់បាននូវមុខសញ្ញាជនសង្ស័យ។ តាមរយ:កិច្ចខិតខំតាមដានយ៉ាងល្អិតល្អន់ នៅវេលាម៉ោង២ និង៣០នាទីថ្ងៃទី១៣ ខែកុម្ភៈ កម្លាំងជំនាញដែលបន្តដឹកនាំសហការក៏បានឈានទៅឃាត់ខ្លួនបុរសសង្ស័យឈ្មោះ ភុំ បុត្រ អាយុ ៤៥ឆ្នាំ កំពុងសម្ងំក្នុងផ្ទះ ស្ថិតនៅភូមិត្រពាំងខ្លូត ឃុំត្រាំកក់ ស្រុកត្រាំកក់ ខេត្តតាកែវ។ ប្រភពដដែលបានបញ្ជាក់ថា […]

ដោយ៖ សុខុម រតនគិរី៖ គ្រោះថ្នាក់នៅលើដងផ្លូវជាតិលេខ៧៨ រវាងរថយន្តលោកមេបញ្ជាការប្រតិបត្តិការសឹករងខេត្តរតនគិរី បានបុកជាមួយម៉ូតូបណ្តាលឱ្យសិស្សស្រីម្នាក់ស្លាប់និងម្នាក់ទៀតរងរបួសធ្ងន់ កាលពីរសៀលថ្ងៃទី១២ ខែកុម្ភៈ ឆ្នាំ២០២៥ មកដល់ថ្ងៃទី១៣កុម្ភៈនេះសំណុំរឿងមិនទាន់បិទបញ្ចប់នៅឡើយ។ ប្រភពព័ត៌មានពីខេត្តរតនគិរីបានឱ្យដឹងនៅរសៀលថ្ងៃទី១៣កុម្ភៈថា៖ ភាគីរថយន្ត កំពុងរកដំណោះស្រាយសំណងជាមួយក្រុមគ្រួសារជនរងគ្រោះ។ បើទោះបីជាបែបនេះក្តី សមត្ថកិច្ចនគរបាលស្រុកកូនមុំនៅមិនទាន់ឃាត់ខ្លួនអ្នកបើកបររថយន្តបុកម៉ូតូបណ្តាលឱ្យមនុស្សស្លាប់បញ្ជូនទៅសាលាដំបូងខេត្តរតនគិរីនៅឡើយទេ។ ប្រភពពីមន្រ្តីយោធាសឹករងខេត្តរតនគិរីបានបញ្ជាក់ថា៖ រថយន្តនោះពិតជារបស់លោកមេបញ្ជាការសឹករងពិតមែន គ្រាន់តែមិនមានសាក្សីបញ្ជាក់ពីអត្តសញ្ញាណអ្នកបើកបរតែប៉ុណ្ណោះ។ លោក ហុយ សុផាត មេបញ្ជាការសឹករងខេត្តរតនគិរីនៅថ្ងៃទី១៣កុម្ភៈមិនឆ្លើយតបជាមួយសំណួរអ្នកយកព័ត៌មាន Cambodia flash news (CFN)  នៅពេលសួរទាក់ទិនរឿងគ្រោះថ្នាក់នេះ។ នគរបាលស្រុកកូនមុំបានធ្វើរបាយការណ៍ថា គ្រោះថ្នាក់ចរាចរណ៍កើតឡើងគឺរថយន្ត និងម៉ូតូ(ទិសដៅបញ្ច្រាសទិសគ្នា)នៅចំណុចមុខផ្លូវចូលផ្ទះតាមុនី លើផ្លូវលេខ៧៨ ចន្លោះបង្គោលគីឡូម៉ែត្រលេខ( ៨៥-៨៦) ស្ថិតនៅភូមិ០១ ឃុំត្រពាំងច្រេស ស្រុកកូនមុំ ខេត្តរតនគិរី។ រថយន្តម៉ាកToyota Langcruiser ឆ្នាំផលិត ២០០៨ ពណ៌ខ្មៅ ពាក់ផ្លាកលេខភ្នំពេញ2CE-9868 ធ្វើដំណើរពីលិចទៅកើត(អ្នកបើកបរពុំស្គាល់អត្តសញ្ញាណរត់ចេញពីកន្លែងកើតហេតុ) ម៉ូតូម៉ាក C125ឆ្នាំផលិត២០១៨ ពណ៌ខ្មៅពាក់ផ្លាកលេខរតនគិរី11E-3437ធ្វើដំណើរពីត្បូងបត់ទៅលិច បើកបរដោយឈ្មោះ ឆែម គង្គារ ភេទស្រី អាយុ១៦ ឆ្នាំ ជនជាតិខ្មែរ មុខរបរសិស្ស […]

ដោយ : បន្ទាយ  បាត់ដំបង : នាថ្ងៃទី១៣ ខែកុម្ភៈ ឆ្នាំ២០២៥ នៅស្រុកឯកភ្នំ ខេត្តបាត់ដំបង មេបញ្ជាការ រង នាយ នាយរងនិងពលទាហាននៃកងកម្លាំងកងពលតូចថ្មើរជើងលេខ៥២ យោធភូមិភាគទី៥ បានធ្វើយុទ្ធដំណើរតាមមាត់បឹងទន្លេសាប ដើម្បីបោសសម្អាតឧបករណ៍នេសាទខុសច្បាប់ដែលនៅសេសសល់ ក៏ដូចជាបង្កើនសមត្ថភាពដល់យោធិន។ ពិសេសបានស្គាល់ភូមិសាស្ត្រតាមមាត់បឹងទន្លេសាបដ៏ស្រស់។ នេះបើតាមលោកឧត្តមសេនីយ៍ទោសេង ធារិន មេបញ្ជាការរងនិងជានាយសេនាធិការយោធភូមិភាគទី៥ បានឲ្យដឹងថ្ងៃទី១៣ខែកុម្ភ: ឆ្នាំ២០២៥ ។ លោកបានបន្តថា:” កន្លងមក យុទ្ធដំណើរទ័ពតាមជ្រោះជ្រងជ្រលងដងអូរ ខ្ពង់រាប ព្រៃភ្នំ វាលស្រែចម្ការ កម្លាំងយើងបានធ្វើច្រើនដងហើយ  គឺនៅឡើយតែមាត់បឹងទន្លេសាបនេះ ” ។ សូមរំលឹកថា កាលពីថ្ងៃទី៧ ខែកុម្ភៈ ឆ្នាំ២០២៥ លោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ និងជាប្រធានក្រុមការងារបង្ក្រាបបទល្មើសនេសាទ ទិសយោធភូមិភាគទី៥ បានដឹកនាំក្រុមការងារដុតកម្ទេចឧបករណ៍ឆក់ត្រីខុសច្បាប់ សរុបចំនួន១៤២គ្រឿង ដែលប្រជាពលរដ្ឋមានការភ្អាក់រលឹក យកមកប្រគល់ជូនកម្លាំងបង្រ្កាបបទល្មើសនេសាទ ទិសយោធភូមិភាគទី៥ ដែលស្ថិតនៅស្ថិតនៅឃុំកោះជីវាំង ស្រុកឯកភ្នំខេត្តបាត់ដំបង។ សូមបញ្ជាក់ថា […]

ដោយ៖ សហការី ភ្នំពេញៈអគ្គិភ័យបានឆាបឆេះរោងចក្រកាត់ដេរសម្លៀកបំពាក់មួយកន្លែងយ៉ាងសន្ធោសន្ធៅធ្វើឲ្យមានរថយន្ដពន្លត់អគ្គិភ័យជាច្រើនគ្រឿងអន្តរាគមន៍បាញ់ទឹកពន្លត់  ។ ហេតុការណ៍នេះបានកើតឡើងនៅវេលាម៉ោង៦និង៣០នាទីល្ងាច ថ្ងៃទី១១ ខែកុម្ភៈឆ្នាំ២០២៥ យីហោ ហ្វ័រម៉ាត ខេមបូឌាខូអិលធីឌី ស្ថិតតាមបណ្ដោយផ្លូវបេតុង ភូមិអន្លង់គងថ្មី សង្កាត់ព្រៃស ខណ្ឌដង្កោ រាជធានីភ្នំពេញ  ។ ម្ចាស់សហគ្រាសឈ្មោះ YOO MIWOL ជនជាតិកូរ៉េខាងត្បូង ភេទប្រុស  ។ រោងចក្រដែលឆេះមានទំហំផ្ទៃដីចំនួន១ម៉ឺនម៉ែត្រក្រឡា ហើយមានចំនួន២អគារជាប់គ្នាដែលមានទំហំ៥៣០០ម៉ែត្រក្រឡា  និងមានមានកម្មករ-កម្មការិនី ចំនួនប្រហែលជាង៤០០នាក់ ។ តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុរោងចក្រខាងលើកម្មករគឺបានចេញទៅធ្វើការត្រឡប់ទៅផ្ទះអស់ហើយ។លុះដល់ម៉ោងកើតហេតុមិនដឹងថាមានបញ្ហាអ្វីនោះទេ ក៏ស្រាប់តែមានឃើញភ្លើងឆេះពីអគារប៉ែកខាងក្រោយ ផ្នែកខាងកង្ហារបឺតកម្ដៅឡើងសន្ធោសន្ធៅតែម្តង។ដូច្នេះសន្តិសុខយាមនៅទីតាំងកើតហេតុបានទាញទុយោនិងបំពង់ពន្លត់អគ្គិភ័យបាញ់ទប់ស្កាត់មិនទាន់ភ្លើងឆេះខ្លាំងឡើងៗ ទើបរាយការណ៍ជូនទៅអាជ្ញាធរមានសមត្ថកិច្ចដើម្បីអន្តរាគមន៍រថយន្តមកតាមបណ្ដាអង្គភាពជាច្រើនគ្រឿងដើម្បីធ្វើការអន្តរាគមន៍បាញ់ពន្លត់ផងដែរ ។ ក្នុងករណីនេះផងដែរ ដោយសារតែដំបូលរោងចក្រត្រូវបានបាក់ស្រុត អ៊ីចឹងហើយពិបាកក្នុងការបាញ់ពន្លត់ អាជ្ញាធរសម្រេចយកគ្រឿងចក្រមួយគ្រឿង មកវាយបំបែករបងអគាររោងចក្រនិងហែកកាយជាបំណែកដើម្បីឲ្យរថយន្តពន្លត់អគ្គិភ័យស្រួលអន្តរាគមន៍បាញ់ពន្លត់នៅក្នុងករណីអគ្គិភ័យនេះ។  ហេតុការណ៍នេះកម្លាំងជំនាញពាក់ព័ន្ធបានសហការគ្នាបាញ់ពន្លត់រហូតដល់ម៉ោងប្រហែល១២យប់ថ្ងៃដដែល ទើបភ្លើងអន់ថយទៅវិញ។ ក្នុងករណីគ្រោះអគ្គិភ័យនេះ សមត្ថកិច្ចបានឲ្យដឹងថា មិនមានគ្រោះថ្នាក់ដល់មនុស្សណាម្នាក់នោះទេ គ្រាន់តែខូចខាតសម្ភារក៏ដូចជាអគាររោងចក្រអស់ទាំងស្រុងចំពោះមូលហេតុវិញ សមត្ថកិច្ចកំពុងតែស្រាវជ្រាវតាមក្រោយដើម្បីរកប្រភពដែលបង្កឲ្យមានការឆាបឆេះនេះ៕

ដោយ៖ កំចាយ កំពត÷ ព្រោះតែធ្វេសប្រហែសដោយបើកបរម៉ូតូក្នុងល្បឿនលឿន រហូតជ្រុលបុករថយន្តមកពីមុខបានបណ្តាលឲ្យបុរសម្នាក់បាត់បង់ជីវតភ្លាមៗ។ ហេតុការណ៍នេះបានកើតឡើងនៅលើផ្លូវជាតិលេខ៣ ក្នុងភូមិព្រែកត្នោត សង្កាត់ព្រែកត្នោត ក្រុងបូកគោ នាយប់ថ្ងៃទី៩ ខែកុម្ភ: ឆ្នាំ២០២៥។ មន្ត្រីនគរបាលចរាចរណ៍ក្រុងបូកគោបានប្រាប់ឲ្យដឹងថា៖ បុរសដែលបានស្លាប់ក្នុងហេតុការណ៍ខាងលើឈ្មោះ ចាន់ មន អាយុ ៣៦ឆ្នាំ រស់នៅភូមិកណ្ដាល សង្កាត់កោះតូច ក្រុងបូកគោ ខេត្តកំពត។ ប្រភពដដែលបានរៀបរាប់ថា កាលពីម៉ោង៨ និង១០នាទីយប់ថ្ងៃទី៩ ខែកុម្ភ: មានករណីគ្រោះថ្នាក់ចរាចរបានកើតឡើងនៅលើដងផ្លូវជាតិលេខ៣ ចន្លោះបង្គោលគីឡូម៉ែត្រលេខ១៧៥-១៧៦ ដោយបុរសម្នាក់បើកម៉ូតូមួយគ្រឿងបុកជាមួយរថយន្តមកពីមុខពេញទំហឹងបណ្តាលឲ្យស្លាប់ខ្លួនឯងនៅនឹងកន្លែង។ សមត្ថកិច្ចបានបញ្ជាក់ថា៖ មុនហេតុការណ៍កើតឡើង គេឃើញបុរសម្នាក់បើកម៉ូតូយ៉ាងល្បឿនក្នុងទិសដៅពីលិចទៅកើត។ ស្របពេលមានរថយន្តម៉ាកហ៊ីយ៉ាន់ដាយបើកមកពីមុខ ម៉ូតូក៏ជ្រុលបុកពេញទំហឹងបណ្តាលឲ្យដួល ហើយអ្នកបើកបរបានស្លាប់ភ្លាមៗតែម្តង។ ក្នុងស្ថានភាពបែបនេះ អ្នកបើកបរបានរត់គេចបាត់ដោយបន្សល់ទុករថយន្តនៅក្បែរកន្លែងកើតហេតុ៕

ដោយ : បន្ទាយ ឧត្តរមានជ័យ :កាលពីនៅថ្ងៃទី៨ ខែកុម្ភៈ ឆ្នាំ២០២៥ កម្លាំងជំនាញអង្គភាពស៊ីម៉ាក់បានទៅទទួលគ្រាប់មីនតោនយករក្សាទុកនៅកន្លែងមានសុវត្ថិភាព បន្ទាប់ពីទទួលព័ត៌មានថាមានអ្នកសារព័ត៌មាន២នាក់បានដឹកគ្រាប់មីនតោនមួយគ្រាប់ ចេញពីតំបន់បន្ទាត់ព្រំដែនកម្ពុជា-ថៃ (តំបន់ស) មកទុកនៅប៉ុស្តិ៍នគរបាលអូរស្មាច់រួចមក ។ ករណីនេះ អយ្យការអមសាលាដំបូងខេត្តឧត្តរមានជ័យ សម្រេចចោទប្រកាន់ជនសង្ស័យ២នាក់ ឈ្មោះ ទឹ ពិទូ ជាអ្នកសារព័ត៌មាន និងឈ្មោះ ពែង ពុធ ជាអ្នកបកប្រែភាសាថៃ ពីបទ«បោះបង់វត្ថុគ្រឿងផ្ទុះដែលអាចនាំឲ្យគ្រោះថ្នាក់ដល់បុគ្គល»។ បើយោងការបញ្ជាក់ពីស្នងការដ្ឋាននគរបាលខេត្តឧត្តរមានជ័យ កាលពីថ្ងៃទី៦ ខែកុម្ភៈ ឆ្នាំ២០២៥ មានអ្នកសារព័ត៌មាន២នាក់ ម្នាក់ឈ្មោះ ទឺ ពិទូ ម្នាក់ទៀតឈ្មោះ ពែក ពុយ បាននាំយកគ្រាប់មីនតោនពីតំបន់ស ដែលអាជ្ញាធរទំនាក់ទំនងព្រំដែនប្រទេសទាំងពីរកម្ពុជា-ថៃ ចាត់ទុកជាតំបន់ហាមឃាត់ មកទុកនៅលើតុរបស់នគរបាលនៃប៉ុស្តិ៍នគរបាលអូរស្មាច់ ខេត្តឧត្តរមានជ័យ ដែលបង្កការភ្ញាក់ផ្អើលពីសំណាក់សមត្ថកិច្ច និងប្រជាពលរដ្ឋ។ ក្រោយទទួលបានព័ត៌មាននេះហើយ លោក ហេង រតនា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកស៊ីម៉ាក់ បានចាត់បញ្ជូនកម្លាំងជំនាញអង្គភាពស៊ីម៉ាក់ឱ្យទៅទទួលយកគ្រាប់មីនតោននោះ ដើម្បីរក្សាទុកនៅកន្លែងមានសុវត្ថិភាព។ លោកថា គ្រាប់មីនតោននេះជាប្រភេទ M6 ផលិតនៅសហរដ្ឋអាម៉េរិក ។ […]

ដោយ :.បន្ទាយ  ភ្នំពេញៈ លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានបញ្ជាឱ្យលោកឧត្តមសេនីយ៍ទោ រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ ធ្វើការស្រាវជ្រាវ ស៊ើបអង្កេតតាមនីតិវិធី ទាំងអង្គហេតុ និងអង្គច្បាប់ ចំពោះករណីយោធិននៃកងរាជអាវុធហត្ថ ដែលបានប្រើអំពើហិង្សាលើព្រះសង្ឃនៅវត្តសំបួរមាស។ លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានឲ្យដឹងកាលពីព្រលប់ថ្ងៃទី៧ ខែកុម្ភៈ ឆ្នាំ២០២៥។ បើតាមអ្នកនាំពាក្យកងរាជអាវុធហត្ថលើផ្ទៃប្រទេសបានបញ្ជាក់បន្ថែម អំពីយោធិននៃកងរាជអាវុធហត្ថ ដែលបានប្រើអំពើហិង្សាលើព្រះសង្ឃ នៅវត្តសំបួរមាស យោធិនសង្ស័យរូបនោះ ឈ្មោះ សយ ច័ន្ទសាក់ដារ៉ា ឋានន្តរស័ក្តិ ពលបាលឯក ចូលបម្រើទ័ព ឆ្នាំ២០២៣ វគ្គបណ្ដុះបណ្តាលជំនាន់ទី៤៦ ជានាយទាហានរងនៃកងរាជអាវុធហត្ថរាជធានីភ្នំពេញ៕

ដោយ ៖ គង់ហេង ត្បូងឃ្មុំ៖ ករណីឃាតកម្មដែលបង្កឱ្យមានការភ្ញាក់ផ្អើល ដោយមន្រ្តីអាវុធហត្ថម្នាក់បានធ្វើសកម្មភាពបាញ់សម្លាប់ឪពុកក្មេក,ម្តាយក្មេក និងប្រពន្ធរបស់ខ្លួន, បងថ្លៃ និងបញ្ជាការពារម្នាក់ឱ្យរបួសធ្ងន់រួចបាញ់សម្លាប់ខ្លួនឯង នៅភូមិអំពុក ឃុំក្រែក ស្រុកពញាក្រែក គឺផ្តើមចេញពីខាងប្រុសបានបដិសេធន៍ការសុំលែងលះ ជាមួយខាងស្រី្តជាជនរងគ្រោះ ។ នេះបើតាមការឱ្យដឹងរបស់លោកឧត្តមសេនីយ៍ ឡាយ ឧត្តម ជាស្នងការរងនគរបាលខេត្តត្បូងឃ្មុំ និងជានាំពាក្យ បានប្រាប់សារព័ត៌មាន  Cambodia Flash News (CFN) នៅថ្ងៃទី ៨ កុម្ភៈនេះថា៖ ជាករណីទំនាស់ក្នុងគ្រួសារ ដោយខាងស្រីជាភរិយាឈ្មោះ ប៊ុន លក្ខិណា (ជនរងគ្រោះ)បានដាក់ពាក្យបណ្តឹងសុំលែងលះជាមួយខាងប្រុសជាស្វាមីឈ្មោះ ហ៊ីង សុវណ្ណារិទ្ធិ នៅថ្នាក់ឃុំ(ឃុំក្រែក)ច្រើនលើកដោយសាររស់នៅមិនចុះសម្រុងគ្នា តែខាងប្រុសមិនព្រមលែង។ លោកឧត្តមសេនីយ៍ជាអ្នកនាំពាក្យបានបន្តថា៖ មកដល់ថ្ងៃកើតហេតុ ល្ងាចថ្ងៃទី ៧ កុម្ភៈម្សិលមិញនេះឈ្មោះ ហ៊ីង សុវណ្ណារិទ្ធិ ជាមន្រ្តីកងរាជអាវុធហត្ថខេត្តក្រចេះបានធ្វើដំណើរមកផ្ទះខាងស្រីជាភរិយាឈ្មោះ ប៊ុន លក្ខិណា នៅភូមិអំពុក ឃុំក្រែក ស្រុកពញាក្រែក ដើម្បីសុំជានាគ្នាជាប្តីប្រពន្ធឡើងវិញទៀត ប៉ុន្តែខាងស្រីមិនព្រមដដែល រហូតមានទំនាស់ជាពាក្យសម្តី បណ្តាលឱ្យខាងប្រុសមិនអាចទប់កំហឹងបាន ឈានដល់ការប្រើកាំភ្លើងម៉ាកអាកា […]

ដោយ : បន្ទាយ បន្ទាយមានជ័យ: កម្លាំងការិយាល័យប្រឆាំងគ្រឿងញៀនកងរាជអាវុធហត្ថខេត្តបានបញ្ជូនជនសង្ស័យ៥នាក់ទៅសាលាដំបូង ករណីជួញដូរនិងប្រើប្រាស់ដោយខុសច្បាប់នូវគ្រឿងញៀន នៅរសៀលថ្ងៃទី០៦ ខែកុម្ភៈ ឆ្នាំ២០២៥។ សមត្ថកិច្ចបានឲ្យដឹងថា កាលពីវេលាម៉ោង១៣និង៥០នាទី  ថ្ងៃទី០៤ ខែកុម្ភៈ ឆ្នាំ២០២៥ ក្រោយពីទទួលបានព័ត៌មានពីប្រជាពលរដ្ឋ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី សុខ ឡេង មេបញ្ជាការមូលដ្ឋានកងរាជអាវុធហត្ថក្រុង បានធ្វើប្រតិបត្តិការបង្រ្កាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ដោយបានឃាត់ខ្លួនជនសង្ស័យជាបន្តបន្ទាប់ចំនួន៥នាក់ រួមមាន៖ ១-ឈ្មោះ ដួង សុខា ភេទប្រុស អាយុ២៩ឆ្នាំ មុខរបរគ្មាន ទីកន្លែងបច្ចុប្បន្នស្នាក់នៅភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ(ជួញដូរ និងប្រើប្រាស់), ២-ឈ្មោះ ហាង សារ៉ូន ហៅមុំ ភេទស្រី អាយុ៣៨ឆ្នាំ មុខរបរកម្មករ បច្ចុប្បន្នស្នាក់នៅភូមិសែសិន សង្កាត់អូរអំបិល ក្រុងសិរីសោភ័ណ(ជួញដូរ និងប្រើប្រាស់), ៣-ឈ្មោះ ផន បូណាន ភេទប្រុស អាយុ១៦ឆ្នាំ បច្ចុប្បន្នស្នាក់នៅវត្តបរមសាលព្រឹក្ស ស្ថិតក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ(ប្រើប្រាស់), ៤-ឈ្មោះ […]

ដោយ : បន្ទាយ កំពង់ឆ្នាំង៖ កាលពីថ្ងៃទី ៦ ខែកុម្ភៈ ឆ្នាំ ២០២៥ វេលាម៉ោង ១៣និង៥នាទី ក្រុមអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង បានចុះត្រួតពិនិត្យ និងឃាត់រថយន្តម៉ាក HYUNDAI ពាក់ផ្លាកលេខភ្នំពេញ ៣F-៥៤.៩១ នៅលើផ្លូវជាតិលេខ ៥ ជិតរង្វង់មូលរូបសំណាកឆ្នាំងដី ក្នុងឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង។ ការត្រួតពិនិត្យបានរកឃើញថា រថយន្តខាងលើបានដឹកជញ្ជូនស៊ុតមាន់ចំនួន ៣២០ ដុំ ស្មើនឹង ៩៦០.០០០ គ្រាប់ ដែលបាននាំចូលពីប្រទេសវៀតណាមតាមច្រកភ្នំដិន ស្រុកគិរីវង់ ខេត្តតាកែវ ហើយមានគម្រោងដឹកទៅចែកចាយនៅក្នុងស្រុកបរិបូណ៍ ខេត្តកំពង់ឆ្នាំង ដោយមិនមានលិខិតអនុញ្ញាតស្របច្បាប់។ បច្ចុប្បន្ន ក្រុមការងារបាននាំបទល្មើសនិងវត្ថុតាងទាំងអស់ទៅរក្សាទុកនៅការិយាល័យជំនាញមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង ដើម្បីសម្រាប់ការស្រាវជ្រាវនិងចាត់ការបន្តតាមនីតិវិធី៕

ដោយ៖ ព្រះអង្គខ្មៅ បាត់ដំបង÷ រដូវប្រាំងហួតហែង ធ្លាក់ខ្យល់ ងាយឆាបឆេះបង្កជាអគ្គិភ័យ ស្នងការនគរបាលខេត្តបាត់ដំបង អំពាវនាវឲ្យពលរដ្ឋត្រៀមបង្ការបំពង់ពន្លត់អគ្គិភ័យ ប្រភពទាញយកទឹក និងសម្ភារសង្គ្រោះបឋមផ្សេងៗ។ នៅអំឡុងវេលាជិតថ្ងៃត្រង់ ថ្ងៃទី៦ ខែកុម្ភ: ឆ្នាំ ២០២៥នេះ តាមរយ:ផេកផ្លូវការរបស់ខ្លួន លោកឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង បានអំពាវនាវដល់បងប្អូនប្រជាពលរដ្ឋទូទាំងខេត្តទាំងអស់ឲ្យបង្កើនការប្រុងប្រយ័ត្នខ្ពស់ និងការការពារនូវប្រភពដែលអាចបង្កជាអគ្គិភ័យអាចកើតឡើងបានទាំងនៅតាមលំនៅដ្ឋាន តូបធ្វើអាជីវកម្ម ស្ថានីយប្រេងឥន្ធនៈ ឃ្លាំងផ្ទុកទំនិញ ឬរោងចក្រសហគ្រាសផ្សេងៗឲ្យបានល្អ ចៀសវាងកើតឡើងនូវគ្រោះមហន្តរាយជាយថាហេតុ។ លោកស្នងការបន្តថា÷ ចាប់តាំងដើមខែមករា ឆ្នាំ ២០២៥មក ក្រុងបាត់ដំបង និងសំឡូត បានកើតឡើងនូវករណីអគ្គិភ័យចំនួន ១៨លើក ក្នុងនោះក៏បណ្តាលឱ្យមានមនុស្សស្លាប់ចំនួន ៣នាក់ និងខូចខាត​ទ្រព្យសម្បត្តិអស់ លំនៅដ្ឋាន ទ្រព្យសម្បត្តិ ផលដំណាំ ក៏ដូចជាសត្វចិញ្ចឹមមួយចំនួនផងដែរ ហេតុដូចនេះដើម្បីកាត់បន្ថយ​ទប់ស្កាត់ករណីអគ្គិភ័យបាន សូមបងប្អូនប្រជាពលរដ្ឋទាំងអស់ត្រូវបង្កើនការប្រុងប្រយ័ត្នឲ្យបានខ្ជាប់ខ្ជួនដូច​ជា ៖ ពិនិត្យឲ្យបានល្អនូវភ្លើងចង្ក្រាន ភ្លើងចង្កៀង ភ្លើងធូប ទៀន ការដុតសំរាម ដុតព្រៃ ដុតចម្ការ ស្រែ ការបោះ​ចោលកន្ទុយបារីផ្ដេសផ្ដាស […]