ដោយ៖ កំចាយ កំពត÷ សិស្សវ័យជំទង់២នាក់ជាសាច់ញាតិនឹងគ្នាបានស្លាប់យ៉ាងអាណោចអាធ័មដោយសាររថយន្តប្រភេទបែនដីបុកម៉ូតូពេញទំហឹងពេលកំពុងធ្វើដំណើរបញ្ច្រាសទិសគ្នា។ ហេតុការណ៍នេះបានកើតឡើងកាលពីព្រឹកថ្ងៃទី៣ ខែមីនា ឆ្នាំ២០២៥ នៅលើដងផ្លូវជាតិលេខ៣១ ស្ថិតក្នុងភូមិបឹងធំខាងលិច ឃុំអង្គសុរភី ស្រុកកំពង់ត្រាច ខេត្តកំពត​។ លោកវរសេនីយ៍ត្រី ចែម ពិសី អធិការរងស្រុកកំពង់ត្រាចបានប្រាប់ឲ្យដឹងថា៖ ជនរងគ្រោះទាំង២នាក់ រួមមាន ១. ឈ្មោះគឹម សុខគីម ភេទប្រុស អាយុ ១៥ឆ្នាំ, ២. ឈ្មោះ គឹម វណ្ណា ភេទប្រុស អាយុ ១៦ឆ្នាំ។ ទាំង២នាក់ជាបងប្អូនជីដូនមួយនឹងគ្នា មានទីលំនៅភូមិច្រនៀងទេរ ឃុំភ្នំប្រាសាទ ស្រុកកំពង់ត្រាច ខេត្តកំពត។ លោកអធិការរងបានបញ្ជាក់បន្តទៀតថា៖ កាលពីវេលាម៉ោង៦ និង៣០នាទីព្រឹកថ្ងៃទី៣ ខែមីនា មានករណីគ្រោះថ្នាក់ចរាចរមួយបានកេីតនៅលើកំណាត់ផ្លូវជាតិលេខ៣១ ក្នុងទឹកដីភូមិបឹងធំខាងលិច ឃុំអង្គសុរភី រវាងម៉ូតូនិងរថយន្តបណ្តាលឲ្យសិស្ស២នាក់បានស្លាប់នៅនឹងកន្លែង។ មុនហេតុការណ៍កើតឡើង គេឃើញជនរងគ្រោះជិះម៉ូតូឌុបគ្នាក្នុងទិសដៅពីកើតទៅលិច។ លុះមកដល់ចំណុចបង្គោលគីឡូម៉ែត្រលេខ៥៣ ស្រាប់តែមានរថយន្តប្រភេទបែនដឹកបើកមកពីមុខ រួចបុកពេញទំហឹងបណ្តាលឲ្យម៉ូតូនិងអ្នកជិះខ្ទាតដេកដួលរដូករណែល ហើយក៏ស្លាប់ភ្លាមៗទាំង២នាក់តែម្តង។ ក្នុងស្ថានភាពបែបនោះ អ្នកបើកបរបានរត់គេចបាត់ដោយបន្សល់ទុករថយន្តដឹកដីម៉ាកនីសាន់ ពណ៌ខៀវ ពាក់ផ្លាកលេខចង្កូតស្តាំ PP-0028 […]

ដោយ : បន្ទាយ សៀមរាប : កម្លាំងកងរាជអាវុធហត្ថខេត្តសៀមរាបបានចុះអន្តរាគមន៍ឃាត់ខ្លួនបុរសបែកថ្នាំម្នាក់ដែលកាន់កាំបិតគំរាមកំហែងដល់អ្នកជិតខាងនៅភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប ។ មន្ត្រីសមត្ថកិច្ចនេះបានឲ្យដឹងថ្ងៃទី៣ខែមីនាឆ្នាំ២០២៥ថា បន្ទាប់ពីបានទទួលបណ្តឹងរបស់ប្រជាពលរដ្ឋតាមរយៈប្រព័ន្ធទូរសព្ទ ១២៩៦ កងរាជអាវុធហត្ថខេត្តសៀមរាបបានចុះចាប់ជនសង្ស័យមានឈ្មោះ យ៉ិន លិវ ហៅ កែប ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅភូមិបឹងដូនប៉ា សង្កាត់ស្លក្រាម  ក្រុងសៀមរាប ខេត្តសៀមរាប បញ្ជូនទៅការិយាល័យប្រឆាំងបទល្មើសគ្រឿងញៀននៃមន្ទីរស្រាវជ្រាវ និងបង្រ្កាបបទល្មើសកងរាជអាវុធហត្ថខេត្តសៀមរាប ដើម្បីធ្វើការសាកសួរបន្ត៕

ដោយ : បន្ទាយ / កំពង់ធំ :នៅក្នុងតំបន់ព្រៃឡង់ ជាប់ព្រំប្រទល់ខេត្តកំពង់ធំ និងខេត្តក្រចេះ នៅតែត្រូវជនល្មើសទ្រង់ទ្រាយធំនៅបន្តលួចកាប់នឹងអាជាឈើចម្រៀក។ ដោយអនុវត្តតាមបទបញ្ជារបស់លោកនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងផែនការការពារទប់ស្កាត់ និងបង្ក្រាបបទល្មើសធនធានធម្មជាតិរបស់លោកឧត្ដមសេនីយ៍ឯក ពៅ ហេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៤  ព្រមទាំងការ ដឹកនាំបញ្ជាដោយផ្ទាល់ពីលោកនួន ផារ័ត្ន អភិបាលខេត្ត ប្រធានគណៈបញ្ជាការឯកភាពរដ្ឋបាលកំពង់ធំ ។ កាលពីថ្ងៃទី២៥ ខែកុម្ភៈ ឆ្នាំ២០២៥ កងកម្លាំងអន្តរាគមន៍នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានរួមសហការជាមួយកម្លាំងនៃមន្ទីរបរិស្ថានខេត្តកំពង់ធំ ចេញប្រតិបត្តិការបង្ក្រាបនិងរឹបអូសយកឈើចម្រៀកប្រមាណជាង១៣ ម៉ែត្រគូប ដែលក្រុមជនល្មើសលួចកាប់នឹងអាជាឈើចម្រៀកនៅក្នុងតំបន់ព្រៃឡង់ ជាប់ព្រំប្រទល់ខេត្តកំពង់ធំ និងខេត្តក្រចេះ ។ លុះដល់ ព្រឹកថ្ងៃទី២៨ ខែកុម្ភៈ ឆ្នាំ២០២៥ ឧត្តមសេនីយ៍ទោ សោម ស៊ុន បានទៅត្រួតពិនិត្យលទ្ធផលនៃការបង្ក្រាបបទល្មើសព្រៃឈើនេះ នឹងបានគូសបញ្ជាក់ថា ដោយទទួលបានព័ត៌មានពីបណ្តាញសម្ងាត់ បានរាយការណ៍ថាមានសកម្មភាពលួចកាប់នឹងអាឈើនៅក្នុងភូមិសាស្ត្រព្រៃឡង់ តំបន់ក្បាលអូរទឹកថ្លា ជាប់គ្រប់ប្រទល់ខេត្តកំពង់ធំ និងខេត្តក្រចេះ ដែលពួកក្រុមជនល្មើសតែងតែលួចកាប់នឹងអាឈើនៅតំបន់នេះព្រោះមានភាពងាយស្រួលដោយសារ មានចម្ងាយឆ្ងាយពីសកម្មភាពរបស់សមត្ថកិច្ចខេត្តទាំងពីរ ខេត្តកំពង់ធំ និងខេត្តក្រចេះ។ […]

ដោយ : បន្ទាយ / ព្រំដែនកម្ពុជា ថៃ : កាលពីថ្ងៃត្រង់នៅថ្ងៃទី០១ ខែមីនា ឆ្នាំ២០២៥ ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានសហការជាមួយកម្លាំងស្នាក់ការត្រៀមបណ្ដេញចេញខេត្តសៀមរាបនៃនាយកដ្ឋានស៊ើបអង្កេត និងអនុវត្តនីតិវិធី និងកម្លាំងនគរបាល នៃស្នងការដ្ឋាននគរបាលខេត្តបន្ទាយមានជ័យ ដឹកនាំដោយលោកឧត្តមសេនីយ៍ទោ យឿម ម៉ាន់ ឋានៈ អនុប្រធាននាយកដ្ឋានស៊ើបអង្កេត និងអនុវត្តនីតិវិធី និងលោក អេង លីហួរ ស្នងការរងទទួលផែនអន្តោប្រវេសន៍- តំណាងលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យដោយមានការចូលរួមពីលោកវរសេនីយ៍ទោ ព្រហ្ម ពិសិដ្ឋ អធិការ នៃអធិការដ្ឋាននគរបាលក្រុងប៉ោយប៉ែត រួមជាមួយសមត្ថកិច្ចពាក់ព័ន្ធជាច្រើនរូបទៀត ធ្វើការប្រគល់-ទទួល និងបញ្ជូនចេញពីប្រទេសនូវជនជាតិថៃចំនួន១១៩នាក់/ ស្រី៥៨នាក់ ក្នុងបទល្មើសលួចស្នាក់នៅធ្វើការងារខុសច្បាប់ និងគ្មានលិខិតឆ្លងដែនក្នុងព្រះរាជាណាចក្រកម្ពុជា ។ មន្ត្រីនគរបាលប៉ុស្តិ៍នគរបាលច្រកទ្វារព្រំដែននេះអោយដឹងថា: យោងតាមបញ្ជាលោកឧត្តមសេនីយ៍ទោ ប្រធាននាយកដ្ឋានច្រកទ្វារទី១ ជនជាតិថៃខាងលើ ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានប្រថាប់ត្រាហាមចូលប្រទេសរយៈពេល ០៥ឆ្នាំ បន្ទាប់មកប្រគល់ជូនលោកស្រីអនុសេនីយ៍ឯក ចារូដា តុងប្រាង (Mrs JARUDA TONPRANG ) ឋានៈនាយរងផ្នែក […]

ដោយ : បន្ទាយ ភ្នំពេញ៖ លោកនេត្រ ភក្ត្រា រដ្ឋមន្ត្រីក្រសួងព័ត៌មាន នាព្រឹកថ្ងៃទី២៨ ខែកុម្ភៈ ឆ្នាំ២០២៥នេះ បានណែនាំដល់អ្នកផលិតមាតិកាផ្សព្វផ្សាយតាមបណ្តាញសង្គម និងអ្នកប្រើប្រាស់បណ្តាញទំនាក់ទំនងសង្គម ឱ្យបញ្ឈប់ជាបន្ទាន់ការយកវិធីសាស្ត្រលេងសើច (Prank) មកផលិតមាតិការបស់ខ្លួនដើម្បីលក់ផលិតផលដាច់ ឬទាក់ទាញការចាប់អារម្មណ៍ ដែលបង្កផលប៉ះពាល់ដល់កិត្តិយស សេចក្តីថ្លៃថ្នូរ និងសិទ្ធិរបស់អ្នកដទៃ។ ក្រសួងព័ត៌មានកាលពីចុងខែកុម្ភ:ឆ្នាំ២០២៥ បានណែនាំដល់អ្នកផលិតមាតិកា(Content) ផ្សព្វផ្សាយតាមបណ្តាញសង្គម និងអ្នកប្រើប្រាស់បណ្ដាញទំនាក់ទំនងសង្គម ត្រូវបញ្ឈប់ជាបន្ទាន់ នូវការប្រើវិធីសាស្ត្រលេងសើច (Prank) មកផលិតមាតិកា(Content) បស់ខ្លួន ។ សូមបងប្អូនអ្នក ផលិតមាតិកាផ្សព្វផ្សាយ តាមបណ្តាញសង្គម​ និងអ្នកប្រើប្រាស់បណ្តាញទំនាក់ទំនងសង្គម បញ្ឈប់ជាបន្ទាន់ការយកវិធីសាស្ត្រលេងសើច (Prank) មកផលិតមាតិការបស់ខ្លួនដើម្បីលក់ផលិតផលដាច់ ឬទាក់ទាញការចាប់អារម្មណ៍ដែលបង្កផលប៉ះពាល់ដល់កិត្តិយស សេចក្តីថ្លៃថ្នូរ និងសិទ្ធិរបស់អ្នកដទៃ។ នេះមិនមែនជាភាពស្មោះត្រង់ក្នុងការផលិតមាតិតាទេ ប៉ុន្តែជាការបង្កើតមាតិកាដោយខ្វះក្រមសីលធម៌ និងការទទួលខុសត្រូវ ព្រមទាំងបានបង្កើតឱ្យមានការយល់ច្រឡំ និងប៉ះពាល់ធ្ងន់ធ្ងរដល់កិត្តិយស និងសេចក្តីថ្លៃថ្នូររបស់បុគ្គល ៕

ដោយ : បន្ទាយ បន្ទាយមានជ័យ : ថ្ងៃទី២៨ ខែកុម្ភៈ ឆ្នាំ២០២៥​ នៅវេលាម៉ោង១៣លោកវរសេនីយ៍ត្រី សុខ ឡេង មេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណ បានដឹកនាំកម្លាំងកងរាជអាវុធហត្ថក្រុងសិរីសោភ័ណ សហការជាមួយ និងកម្លាំងកងរាជអាវុធហត្ថខេត្ត កម្លាំងអធិការក្រុង អាជ្ញាធរពាក់ព័ន្ធ ចុះពន្លត់ភ្លើងឆេះព្រៃលើភ្នំកងវ៉ាស្ថិតនៅភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។ ប្រតិបត្តិការនោះ បានគ្រប់គ្រងស្ថានការបានទាំងស្រុង ៕

ដោយ : បន្ទាយ បន្ទាយមានជ័យ :ក្រសួងវប្បធម៌និងវិចិត្រសិល្ប: តាមរយ:អគ្គនាយកដ្ឋានបេតិកភណ្ឌនិងអាជ្ញាធរខេត្តបន្ទាយមានជ័យតាមរយ:អាជ្ញាធរស្រុកថ្មពួកបានដោះស្រាយបញ្ចប់បញ្ហាការងារដំណើរការសាងសង់របងនៅវិទ្យាល័យចំណេះទូទៅនិងបច្ចេកទេសបន្ទាយឆ្មារដែលជាព្រះរាជអំណោយព្រះករុណាមហាក្សត្រ ។ នេះបើយោងខ្លឹមសារស្មារតីកិច្ចប្រជុំពិភាក្សា១រវាងស្ថាប័នខាងលើកាលពីថ្ងៃទី២៥ខែកុម្ភ:ឆ្នាំ២០២៥ នៅសាលាស្រុកថ្មពួកក្រោមអធិបតីភាពលោកអ៊ុក សុខា អគ្គនាយកនៃអគ្គនាយកដ្ឋានបេតិកភណ្ឌ ក្រសួងវប្បធម័និងវិចិត្រសិល្ប: និងលោកអែម សុខា អភិបាលស្រុកថ្មពួក ហើយចូលរួមដោយមន្ត្រីជំនាញពាក់ព័ន្ធចំនួន៣១នាក់ ហើយសារព័ត៌មានទទួលបានច្បាប់ចម្លងផងដែរ កាលពីថ្ងៃទី២៧ខែកុម្ភ: ឆ្នាំ២០២៥ ។ កិច្ចប្រជុំនោះមាន៤របៀបវារ: ១-ការសំណេះសំណាលប្រាប់ពីគោលបំណងប្រជុំនិងបើកកិច្ចប្រជុំ។២-ការងារដំណើរការសាងសង់របងវិទ្យាល័យវិទ្យាល័យចំណេះទូទៅនិងបច្ចេកទេសបន្ទាយឆ្មារ។៣-មតិចូលរួមរបស់សមាជិកនិងសរុបលទ្ធផលនិងបិទអង្គប្រជុំ.។ ប្រភពព័ត៌មានអោយដឹងថា: ក្នុងឱកាសនោះ លោកអ៊ុក សុខា អគ្គនាយកនៃអគ្គនាយកដ្ឋានបេតិកភណ្ឌបានលើកឡើងថា : បំណងនៃកិច្ចប្រជុំគឺពិភាក្សារកដំណោះស្រាយបញ្ចប់លើបញ្ហាដែលកើតមានក្នុងដំណើរការសង់របងសាលារៀននេះ អោយចប់សព្វគ្រប់ធ្វើយ៉ាងណាកុំអោយបញ្ហាបន្តិចកាន់តែធំឡើងៗនិងត្រូវយល់គ្នាទៅវិញទៅមក ហើយត្រូវដកថយពីការចោទបញ្ហាដាក់គ្នាទៅវិញទៅមក ។ការប្រជុំនេះមិនមែនមករារាំងដំណើរការសាងសង់របងនិងអគារនោះទេ។ លោកអែម សុខា អភិបាលស្រុកថ្មពួកបានលើកឡើងថា: ដំណើរការសាងសង់អគារនិងរបងវិទ្យាល័យចំណេះទូទៅនិងបច្ចេកទេសបន្ទាយឆ្មារ ការអនុវត្តដោយផ្អែកលើ : ១-លិខិតលេខ៥៥២/២៣ រវ .សជណចុះថ្ងៃទី១៣ខែធ្នូឆ្នាំ២០២៣ របស់ក្រសួងព្រះបរមរាជវាំង , ២-លិខិតលេខ៤៧១ ឆត ចុះថ្ងៃទី១២ខែតុលាឆ្នាំ២០២៣ របស់រដ្ឋមន្ត្រីក្រសួងវប្បធម៌។ ៣-អនុវត្តបទបញ្ជារនិងការចង្អុលបង្ហាញរបស់លោកអភិបាលខេត្តបន្ទាយមានជ័យ ។ ( សូមបញ្ជាក់ថា គឺបន្ទាប់ពីលិខិតសំណើរបស់គណ:គ្រប់គ្រងសាលាចុះថ្ងៃទី១៦ខែតុលាឆ្នាំ២០២៣ ដែលបានចារឯកភាពលើសំណើពីមេឃុំបន្ទាយឆ្មារ ,អភិបាលស្រុកថ្មពួកនិងអភិបាលខេត្តផងដែរ ។ […]

ដោយ៖សហការី ភ្នំពេញ: អគ្គិភ័យបានឆាបឆេះរោងចក្រផលិតពូកសុខភាពក្រុមហ៊ុនឈ្មោះJASMINEមួយកន្លែងយ៉ាងសន្ធោសន្ធៅផ្អើលពលរដ្ឋជិតខាងទាក់ទងទៅសមត្ថកិច្ចសុំជំនួយរថយន្តពន្លត់អគ្គិភ័យមកបាញ់ទប់ស្កាត់ការពារជុំវិញទីតាំងខាងលើភ្លាមៗ។ ហេតុការណ៍ឆាបឆេះនេះបានបង្កឲ្យមានការភ្ញាក់ផ្អើលនៅវេលាម៉ោង៥:៣៥នាទីល្ងាចថ្ងៃទី២៧ខែកុម្ភៈឆ្នាំ២០២៥ ស្ថិតនៅតាមបណ្ដោយផ្លូវរថភ្លើង ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ ម្ចាស់ដីឈ្មោះ ហុង ប៉ោម៉េង ភេទប្រុសអាយុ៥៨ ឆ្នាំ ទើបតែជួលឃ្លាំងអោយទៅឈ្មោះ សុខ ហេង ភេទស្រី បើកដំណើការបាន២ខែប៉ុណ្ណោះឥឡូវត្រូវបានរងគ្រោះដោយសារអគ្គិភ័យឆាបឆេះ ។ ហើយមានកម្មករបម្រើការងារក្នុងនោះចំនួនជាង១០០នាក់ ប៉ុន្តែនៅពេលភ្លើងឆាបឆេះ កម្មករទាំងនោះបាននាំគ្នារត់ចេញក្រៅរួចទាំងអស់ ពុំមាននរណាម្នាក់ជាប់គាំងនៅក្នុងនោះ បណ្ដាលឲ្យរងរបួសឬក៏ស្លាប់នោះឡើយ ។ ឃ្លាំងខាងលើមានទំហំ ៤៥ម៉ែត្រ X ៥៥ម៉ែត្រ ចំនួន០១ឃ្លាំង, ម៉ូតូឆេះខូចខាត ចំនួន០៥គ្រឿង រួមទាំងសម្ភារស្តុកក្នុងឃ្លាំងអស់ទាំងស្រុង ហើយឆេះរាលដល់ផ្ទះថ្ម ចំនួន០១ខ្នង (ខូចខាត ១០%) ។ បើយោងប្រភពព័ត៌មានពីកម្មករបាននិយាយថា ពួកគាត់ត្រូវធ្វើការរហូតដល់វេលាម៉ោង៦និង៣០នាទីល្ងាចទើបឈប់សម្រាក ហើយនៅក្នុងពេលកំពុងធ្វើការសុខៗ មិនទាន់ដល់ពេលចេញផង ស្រាប់តែផ្ទុះបំពង់ពន្លត់អគ្គិភ័យនៅក្នុងរោងចក្រ លាន់ស្នូរយ៉ាងខ្លាំង បង្កជាអណ្ដាតភ្លើងខ្ទាតធ្លាក់លើអេប៉ុងពូក ហើយក៏ឆាបឆេះរាលដាលសន្ធោសន្ធៅពេញក្នុងរោងចក្រយ៉ាងលឿនតែម្ដង ។ នៅពេលនោះពួកគាត់ទាំងអស់គ្មានឱកាសពន្លត់ភ្លើងបានទាន់នោះទេ ព្រោះតែមួយភ្លែតសោះភ្លើងបានឆេះរាលពេញក្នុងអគាររោងចក្រទាំងមូលយ៉ាងពេញបន្ទុកបាត់ទៅហើយ ទើបនាំគ្នារត់ចេញក្រៅប្រសេចប្រសាចយករួចខ្លួន ព្រោះខ្លាចជាប់គាំងនៅក្នុងនោះចេញមិនរួចហើយបានទាក់ទងទៅសមត្ថកិច្ចសុំជំនួយរថយន្តបង្ការពន្លត់អគ្គិភ័យអោយមកជួយអន្តរាគមន៍បាញ់ពន្លត់ការពារកុំឲ្យឆេះរាលដាលដល់ផ្ទះប្រជាពលរដ្ឋជិតខាងបន្ត ។ ប្រភពពីសមត្ថកិច្ចបានឲ្យដឹងថានៅពេលមានហេតុការណ៍នោះកើតឡើងភ្លាមកម្លាំងសមត្ថកិច្ចខណ្ឌពោធិ៍សែនជ័យ បានចេញទៅអន្តរាគមន៍ដុតដៃដុតជើង […]

បន្ទាយមានជ័យ ៖ក្រោយពីលោកអភិបាលខេត្តបន្ទាយមានជ័យបានបន្ទោសធ្ងន់ៗទៅលោកប្រធានមន្ទីរវប្បធម៌ខេត្តករណីបណ្តោយឲ្យមន្ត្រីកិច្ចសន្យាម្នាក់បង្កព្យុះភ្លៀង អុកឡុក រារាំងការសង់របងនិងសមិទ្ធផលនៅវិទ្យាល័យចំណេះទូទៅនិងបច្ចេកទេសបន្ទាយឆ្មារដែលជាព្រះរាជអំណោយអង្គព្រះមហាក្សត្រកន្លងមកនោះ តាមការស៊ើបអង្កេតព័ត៌មានមកទល់ពេលនេះ ទើបបែកធ្លាយនូវរឿងដែលសង្ស័យថា មន្ត្រីនោះចង់ស៊ីដាច់ដីសាលារៀននេះទំហំ៥ហិកតា។ សូមរំលឹកថា ក្នុងកិច្ចប្រជុំគណ:បញ្ជាការកងឯកភាពរដ្ឋបាលខេត្តបន្ទាយមានជ័យកាលពីថ្ងៃទី២១ខែកុម្ភ:ឆ្នាំ២០២៥ នាសាលប្រជុំ ខ សាលាខេត្តបន្ទាយមានជ័យកន្លងមក លោកអ៊ុំ រាត្រី អភិបាលនៃគណ:អភិបាលខេត្តនិងជាប្រធានគណ:បញ្ជាការកងឯកភាពរដ្ឋបាលខេត្តបន្ទាយមានជ័យ បានបន្ទោសធ្ងន់ៗទៅកាន់លោកយង់ តាំងគួយ ប្រធានមន្ទីរវប្បធម៌និងវិចិត្យសិល្ប:ខេត្ត ដែលសម្បូរតែរឿង មិនចេះធ្វើការ។ ករណីដោយឡែកមួយ ក្នុងនោះបានបណ្តោយឲ្យមន្ត្រីកិច្ចសន្យាម្នាក់(ឈ្មោះ ម៉ៅ ស៊ី នៅបន្ទាយឆ្មារ) បង្កព្យុះភ្លៀង អុកឡុក រារាំងការសង់របងបេតុងព័ទ្ធលួសបន្លានៅវិទ្យាល័យចំណេះទូទៅនិងបច្ចេកទេសបន្ទាយឆ្មារស្ថិតនៅផ្លូវជាតិលេខ៥៦បេ ភូមិស្រះជ្រៃឃុំបន្ទាយឆ្មារស្រុកថ្មពួកខេត្តបន្ទាយមានជ័យ ។ លោកអភិបាលខេត្តបានបន្តថា:  ហេតុអីក៏លោកប្រធានមន្ទីរទុកឲ្យមន្ត្រីជាប់កិច្ចសន្យាសោះ( យោងកាតមួយថា មន្ត្រីកិច្ចសន្យារបស់លោកម៉ៅ ស៊ី បានផុតសុពលភាពតាំងពីថ្ងៃទី៣១ខែធ្នូឆ្នាំ២០២៣?) អាងយ៉ាងទៅបង្ករាំងស្ទះដល់សំណង់ជាព្រះរាជអំណោយព្រះករុណាព្រះមហាក្សត្រផង ។ លោកអភិបាលឲ្យពិនិត្យនិងចាត់ការរឿងនេះប្រកបដោយការទទួលខុសត្រូវ  ហើយមិនឲ្យមានបាតុភាពដូច្នេះទៀតទេ។ លោកបញ្ជាក់ថា : លិខិតបទដ្ឋានពីក្រសួងព្រះបរមរាជវាំង  ពីសាលានិងអប់រំ ក៏ដូចរដ្ឋបាលខេត្តបន្ទាយមានជ័យ ពីក្រសួងវប្បធម៌និងវិចិត្រសិល្ប: មានអស់ហើយ  អីក៏បុគ្គលមន្ត្រីកិច្ចសន្យាម្នាក់សោះ បង្ករឿងឲ្យរាំងស្ទះដូច្នេះ ? ករណីនេះ លោកយង់ តាំងគួយ  ប្រធានមន្ទីរវប្បធម៌និងវិចិត្យសិល្ប:ខេត្តបន្ទាយមានជ័យបានទទួលស្គាល់កំហុស  ដោយលោកមិនប្រកែក […]

ដោយ : បន្ទាយ បន្ទាយមានជ័យ៖ កងរាជអាវុធហត្ថក្រុងបានចុះល្បាតរក្សាសន្តិសុខក្នុងភូមិសាស្ត្រក្រុងប៉ោយប៉ែត លុះដល់ចំណុចអគារថ្មី ស្ថិតក្នុងភូមិអូរជ្រៅ សង្កាត់អូរជ្រៅ ក្រុងប៉ោយប៉ែត បានប្រទះឃើញក្មេងទំនើងមួយក្រុមប្រមូលផ្តុំគ្នាប្រើប្រាស់គ្រឿងញៀននៅក្នុងខ្ទមទីតាំងខាងលើ នៅវេលាម៉ោង៣និង៣០នាទី និងបានឃាត់ខ្លួនកាលពីថ្ងៃទី២៣ ខែកុម្ភៈ ឆ្នាំ២០២៥ ។ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការបានឲ្យដឹងកាលពីថ្ងៃទី២៥ខែកុម្ភ:ឆ្នាំ២០២៥ ថា:  កម្លាំងបានធ្វើការត្រួតពិនិត្យ ឆែកឆេរទីតាំងរកឃើញមានគ្រឿងញៀន ប្រភេទម៉ាទឹកកក ចំនួន១៧កូនថង់តូច និងបានធ្វើការឃាត់ខ្លួនជនសង្ស័យភេទប្រុសចំនួន៩នាក់ មានអាយុពី១៧-២៩ឆ្នាំដែលរួមមាន១.ឈ្មោះ សាន់ សួរ  , ២.ឈ្មោះទន់ ឆាត, ៣.ឈ្មោះ សឿង ឃុនណារ៉ាត់  , ៤.ឈ្មោះ ស៊ុយ គីម, ៥.ឈ្មោះ ឈិន ម៉េងហួរ, ៦.ឈ្មោះ សុខរី , ៧.ឈ្មោះមុត ដេវីត, ៨.ឈ្មោះសុខ គានិង ៩.ឈ្មោះវុត ថាវរៈ ព្រមទាំងដកហូតវត្ថុតាងកាំបិតជាច្រើនដើម ហើយនាំមកកាន់មូលដ្ឋានកងរាជអាវុធហត្ថក្រុងប៉ោយប៉ែត ដើម្បីសួរនាំ និងបានធ្វើតេស្តទឹកនោមរកសារធាតុញៀនជនសង្ស័យខាងលើ […]

ដោយ : បន្ទាយ ព្រំដែនកម្ពុជា ថៃ : ទិន្នន័យចុងក្រោយដែលគេធ្វើបច្ចុប្បន្នភាពបានបញ្ជាក់ថា មានតូបទំនិញរបស់អាជីវករខ្មែរ ថៃចំនួន៥៦តូបនៅផ្សាររោងក្លឿដែលត្រូវអគ្គិភ័យឆាបឆេះកាលពីម៉ោង១២ប្លាយរំលងអធ្រាត្រឈានចូលថ្ងៃទី២៦ ខែកុម្ភៈ ឆ្នាំ២០២៥ ។ផ្សាររោងក្លឿស្ថិតនៅឃុំខ្លងលឹកស្រុកអញ្ញប្រាថេត ខេត្តស្រះកែវ ប្រទេសថៃ ជាប់ច្រកទ្វារព្រំដែនអន្តរជាតិប៉ោយប៉ែត ក្រុងប៉ោយប៉ែតខេត្តបន្ទាយមានជ័យ ។ លោក ពេស យ៉ាស័ក្តិ អភិបាលរងក្រុងប៉ោយប៉ែតបានប្រាប់អ្នកសារព័ត៌មានក្នុងស្រុកថា: យោងតាមរបាយការណ៍ពីអាជ្ញាធរភាគីថៃ អគ្គិភ័យដែលត្រូវបានឆាបឆេះតូបលក់ដូរផ្សាររោងក្លឿប្រទេសថៃ រងការខូចខាតអស់តូបចំនួន៥៦តូប ដែលភាគច្រើនជាតូបអាជីវករខ្មែរដែលលក់កាបូបនិងស្បែកជើងជជុះ គឺវារងការឆាបឆេះខូចខាតអស់ទាំងស្រុង ព្រោះយប់ឡើងម្ចាស់តូបភាគច្រើនបានត្រឡប់ទៅដេកនៅក្រុងប៉ោយប៉ែតវិញ។ ភាគីថៃប៉ាន់ប្រមាណថា ទំហំការខូចខាតខ្ទង់៥០លានបាតប្រាក់ថៃឬជាង១០ម៉ឺនដុល្លារអាមេរិក៕

ដោយ៖ ព្រះអង្គខ្មៅ បាត់ដំបង÷ នគរបាលត្រៀមបញ្ជូនក្រុមអ្នកញៀនប្រព្រឹត្តល្បែងស៊ីសងប្រជល់មាន់ចំនួន ២៥នាក់ ទៅកាន់តុលាការនៅរសៀលថ្ងៃនេះក្រោយបញ្ចប់នីតិវិធីកសាងសំណុំរឿង។ លោកវរសេនីយ៍ឯក ឈឿង គឹមសុង ស្នងការរងផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តបាត់ដំបងបានបញ្ជាក់ប្រាប់ឲ្យដឹងថា÷ ដោយផ្អែកលើការអនុវត្តតាមវិធានការច្បាប់ជនដែលជាប់ពាក់ព័ន្ធទាំង ២៥នាក់ ត្រូវកម្លាំងការិយាល័យជំនាញត្រៀមបញ្ជូនទៅសាលាដំបូងខេត្តបាត់ដំបងនៅរសៀលថ្ងៃទី ២៦ ខែកុម្ភ: ឆ្នាំ ២០២៥ នេះ។ ជនជាប់សង្ស័យខាងលើត្រូវបានកម្លាំងអន្តរាគមន៍ បង្ការបង្ក្រាប សហការជាមួយកម្លាំងការិយាល័យនគរបាលព្រហ្មទណ្ឌកម្រិតធ្ងន់ ចុះបង្រ្កាបបានក្នុងករណីលេងល្បែងស៊ីសងដោយខុសច្បាប់ ( ភ្នាល់មាន់ជល់ ) កាលពីថ្ងៃទី ២៤ ខែកុម្ភ: កន្លងមកថ្មីៗនេះនៅត្រង់ចំណុចវាលស្រែ ក្នុងភូមិព្រៃសង្ហា ឃុំខ្នាចរមាស និងចំណុចវាលស្រែ ក្នុងភូមិសំរោងជ័យ ឃុំបវេល ស្រុកបវេល ខេត្តបាត់ដំបង ។ វត្ថុតាងដែលដកហូតបានក្នុងពេលបង្ក្រាបរួមមាន÷ មាន់ជល់ចំនួន ៨ក្បាល, សង្វៀនសម្រាប់ជល់មាន់ ចំនួន ៣, គោយន្តកន្ត្រៃចំនួន ១គ្រឿង, ម៉ូតូចំនួន ៣៧គ្រឿង, រថយន្តចំនួន៨គ្រឿង និងសម្ភារពាក់ព័ន្ធមួយចំនួនទៀត៕

ដោយ : បន្ទាយ កំពង់ធំ៖ កាលពីថ្ងៃទី២៥ ខែកុម្ភៈ ឆ្នាំ ២០២៥  វេលាម៉ោង១៤រសៀល មានករណីអគ្គិភ័យឆេះផ្ទះប្រជាពលរដ្ឋចំនួន២គ្រួសារ នៅភូមិត្បូងទឹក ឃុំមានរិទ្ធី ស្រុកសណ្ដាន់ ខេត្តកំពង់ធំ បណ្តាលឲ្យខូចខាតទ្រព្យសម្បត្តិជាច្រើន។ សមត្ថកិច្ចបានឲ្យដឹងថា៖ ពលរដ្ឋរងគ្រោះ មាន:១- ម្ចាស់ផ្ទះទីមួយឈ្មោះព្រំ នី អាយុ៥០ឆ្នាំ និងប្រពន្ធឈ្មោះ លិត ហន អាយុ៤៨ឆ្នាំ ទ្រព្យសម្បត្តិដែលខូចខាត៖ រថយន្ដ៣គ្រឿង, លុយ ១.៥០០.០០០រៀល, មាស ១.៧ ជី និងផ្លាកទីន ១.៥ ជី, ត្រាក់ទ័រ ១ គ្រឿង, ដំឡូងមីក្រៀម ១,២០០ បេ, កុំព្យូទ័រ ១ គ្រឿង និងម៉ាស៊ីនព្រីន ១ គ្រឿង, គ្រឿងសង្ហារិម ២ ឈុតនិងផ្ទះ៣ ខ្នង (សង់អំពីឈើ ប្រក់ក្បឿងជញ្ជាំងក្ដារ ទំហំ 7.5×12 […]

ដោយ :  បន្ទាយ ព្រំដែនកម្ពុជា ថៃ៖ មានអគ្គិភ័យឆេះតូបអាជីវករថៃ ខ្មែរនៅចំណុចដើមពោធិ៍ផ្សារថ្មីខាងលិចអគារ A នៃក្រុមផ្សាររោងក្លឿ ស្រុកអារញ្ញខេត្តស្រះកែវ ប្រទេសថៃជាប់ព្រំដែនក្រុងប៉ោយប៉ែតខេត្តបន្ទាយមានជ័យទៀតហើយ។ករណីនេះបានកើតឡើងនៅវេលាម៉ោង ១២និង២៥ នាទីយប់ឈានចូលថ្ងៃទី ២៦ខែកុម្ភ: ឆ្នាំ ២០២៥ ។ មន្ត្រីអាជ្ញាធរនិងសមត្ថកិច្ចកម្ពុជានៅក្រុងប៉ោយប៉ែតបាននិងកំពុងទាក់ទងនឹងមន្ត្រីសមភាគីថៃនិងស្វែងរកព័ត៌មានពីពលរដ្ឋកម្ពុជាដែលជាអាជីវកររកស៊ីនៅផ្សាររ៉ុងក្លឿដើម្បីអាចដឹងពីមូលហេតុនៃអគ្គិភ័យ, ជនរងគ្រោះ, បរិមាណនៃការខូចខាតនិងការឆ្លើយតបផ្នែកគាំពារឬធារារ៉ាប់រងរបស់ម្ចាស់ផ្សារនិងអាជ្ញាធរមានសមត្ថកិច្ចចំពោះជនរងគ្រោះ ។ ប៉ុន្តែទិន្នន័យបឋមឲ្យដឹងថា៖ ហេតុការណ៍នេះបណ្ដាលឲ្យឆេះតូបលក់ដូរខោអាវជជុះ ស្បែកជើងជើង តុកៅអីជាដើម អស់ជាង៤០តូប៕  

ដោយ : បន្ទាយ  បន្ទាយមានជ័យ : ខួបលើកទី២៦នៃទិវាជាតិយល់ដឹងអំពីមីន ២៤ កុម្ភៈ ២០២៥ ក្រោមប្រធានបទ “រួមគ្នាលុបបំបាត់គ្រោះថ្នាក់ដោយសារមីននិងគ្រាប់មិនទាន់ផ្ទុះ ដើម្បីសហគមន៍មានសុវត្ថិភាព» ដែលឆ្នាំ២០២៥ នេះខេត្តបន្ទាយមានជ័យជាម្ចាស់ផ្ទះ ដែលរៀបចំធ្វើពិធីនៅសួនតេជោឈ្នះ ឈ្នះឬសួនវេទិកាខេត្ត នាភូមិ៣សង្កាត់ព្រះពន្លាក្រុងសិរីសោភ័ណដែលមានភ្ញៀវជាតិ អន្តរជាតិជាង១ ៥០០នាក់ចូលួម ។ នាឱកាសនោះ តំណាងទីភ្នាក់ងារអភិវឌ្ឍន៍អង្គការសហប្រជាជាតិប្រចាំកម្ពុជា(UNDP) និងភាគីដៃគូផ្តល់ជំនួយនានាបានអះអាងពីការបន្តការគាំទ្រដ៏ស្វាហាប់ការងារកម្ចាត់គ្រប់មីននិងយុទ្ធភណ្ឌជួយជនរងគ្រោះនៅកម្ពុជា។ ការថ្លែងដូច្នេះ ខណ:ម្ចាស់ជំនួយដ៏ធំមួយលើសកម្មភាពកម្ចាត់មីននៅកម្ពុជា គឺសហរដ្ឋអាមេរិកក្នុងរដ្ឋបាលលោកដូណាល់ ត្រាំ បានផ្អាកជំនួយតាមរយ:ទីភ្នាក់ងារអភិវឌ្ឍន៍អន្តរជាតិសហរដ្ឋអាមេរិក(USAIDS) មកកាន់កម្ពុជា ពិសេសលើវិស័យបោសសម្អាតមីននិងយុទ្ធភណ្ឌសង្គ្រាម ។ ក្នុងនាមជាម្ចាស់ផ្ទះរៀបចំពិធីលោកអ៊ុ រាត្រី អភិបាលខេត្តបន្ទាយមានជ័យបានថ្លែងថា: ភូមិសាស្រ្តខេត្តបន្ទាយមានជ័យ ជាសមរភូមិប្រយុទ្ធជួរមុខ ក្នុងសម័យសង្គ្រាម ។ដូចនេះ ផ្ទៃដីមួយភាគធំរបស់ខេត្តគ្របដណ្តប់ទៅដោយគ្រាប់មីន និងសំណល់ជាតិផ្ទុះពីសង្គ្រាម ដែលបានបន្សល់ទុកនូវផលលំបាកដល់សង្គមជាតិ និងប្រជាពលរដ្ឋនិងរារាំងដល់ដំណើរការកសាង និងអភិវឌ្ឍន៍ផងដែរ។ គ្រាប់មីន និងសំណល់ជាតិផ្ទុះពីសង្រ្គាមយ៉ាងច្រើននៅកប់រាយប៉ាយក្នុងតំបន់រស់នៅនិងដីបង្កបង្កើនផល។ ជាក់ស្តែង ចំនួនជនរងគ្រោះដោយសារគ្រាប់មីន និងសំណល់ជាតិផ្ទុះពីសង្រ្គាមចាប់ពីឆ្នាំ១៩៧៩ ដល់បច្ចុប្បន្ន ក្នុងខេត្តបន្ទាយមានជ័យ សរុបមានចំនួន ៨.៨៩៦នាក់។.បណ្តាលឱ្យស្លាប់មនុស្សចំនួន២.២៥៦នាក់ របួសចំនួន៥.១៩៣នាក់ និងពិការចំនួន១.៤៤៧នាក់។ ដើម្បីដោះស្រាយបញ្ហាប្រឈមទាំងនេះកន្លងមក […]

ដោយ៖ គង់ហេង កំពង់ចាម៖ បុរសជនសង្ស័យម្នាក់ដែលបានបាញ់តដៃជាមួយសមត្ថកិច្ចក្នុងការឡោមព័ទ្ធករណីចោរប្លន់ម៉ូតូដែលបណ្តាលឱ្យរងរបួសភ្លៅម្ខាងលើកម្លាំងនគរបាលម្នាក់ នៅភូមិឡឥដ្ឋទី២ សង្កាត់បឹងកុក ក្រុងកំពង់ចាម នៅព្រឹកថ្ងៃទី ២៥ កុម្ភៈនេះ គឺធ្លាប់ជាប់ពន្ធនាគារត្រពាំងផ្លុងរយៈពេល ១៨ ឆ្នាំពីបទឃាតកម្ម។ នេះបើតាមការបញ្ជាក់ឱ្យដឹងរបស់លោកឧត្តមសេនីយ៍ត្រី អេង ហ៊ី ជាអ្នកនាំពាក្យកងរាជអាវុធហត្ថលើផ្ទៃប្រទេសនៅប្រហែលជាងមួយម៉ោងមុនការផ្សាយនេះ នៅក្នុងបណ្តាញសង្គមហ្វេបុក ដោយបានឱ្យដឹងថា៖ តាមសេចក្តីរាយការណ៍របស់លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្តកំពង់ចាម បានឱ្យដឹងថា ថ្ងៃនេះវេលាម៉ោង៦ជាង ពេលព្រឺក មានករណីផ្ទះអាវុធបណ្តាលឱ្យរបួសនគរបាលមួយរូបចំភ្លៅ នៅភូមិឡឥដ្ឋទី២ សង្កាត់បឹងកុក ក្រុងកំពង់ចាម។ មូលហេតុកម្លាំងនគរបាលបានប្រតិបត្តិការបង្ក្រាបជនសង្ស័យប្លន់ម៉ូតូ។ លោកអ្នកនាំពាក្យបានបន្ថែមថា៖ ដោយសារជនសង្ស័យបានអះអាងថាខ្លួនជាអតីតកងរាជអាវុធហត្ថ ទើបកម្លាំងកងរាជអាវុធហត្ថខេត្តកំពង់ចាម បានសហការជាមួយកម្លាំងនគរបាលខេត្តកំពង់ចាម ដឹកនាំដោយឯកឧត្តមប្រធានគណៈបញ្ជាការឯកភាពរដ្ឋបាលខេត្ត និងឯកឧត្តម ព្រះរាជអាជ្ញា បានឃាត់ខ្លួនជនសង្ស័យ១នាក់។ លោកឧត្តមសេនីយ៍ត្រីបានបន្តថា៖ ជនសង្ស័យឈ្មោះ អែម នាង ហៅប្រេស៊ីល មុខរបរអ្នករត់តាក់ស៊ី និងជាបុគ្គលិកវីង រស់នៅភូមិកំពង់ឫស្សី ឃុំជីរោទិ៍ទី១ ស្រុកត្បូងឃ្មុំ ខេត្តត្បូងឃ្មុំ និងបច្ចុប្បន្នស្នាក់នៅផ្ទះកើតហេតុ។ ជនសង្ស័យម្នាក់នេះធ្លាប់ជាប់ពន្ធនាគាររយៈពេល១៨ឆ្នាំ ពីបទឃាតកម្ម នៅពន្ធនាគារត្រពាំងផ្លុង។ ជនសង្ស័យបានអះអាងថា បានចូលបម្រើអាវុធហត្ថនៅឆ្នាំ១៩៩៣ វគ្គទី១ […]

ដោយ : បន្ទាយ ព្រំដែនកម្ពុជា -ថៃ ៖ មកទល់ល្ងាចថ្ងៃទី២៣ខែកុម្ភ:ឆ្នាំ២០២៥ កងកម្លាំងថៃនិងកម្ពុជាបានបង្កើនការល្បាត ប្រុងប្រយ័ត្នតាមខ្សែបន្ទាត់ព្រំដែនថៃ កម្ពុជា នៅភូមិសាស្ត្រខេត្តស្រះកែវ-បន្ទាយមានជ័យ ក្រោយពីថៃឲ្យធ្វើរបងព្រំដែន… ។ ប្រភពព័ត៌មានបានឲ្យដឹងថា: ក្នុងនោះរវាងព្រំដែនប្រទេសថៃនិងកម្ពុជា ក្នុងភូមិសាស្ត្រស្រុកអារញ្ញប្រាថេត ខេត្តស្រះកែវ ទល់មុខភូមិសាស្ត្រក្រុងប៉ោយប៉ែតខេត្តបន្ទាយមានជ័យ ដោយបង្កើនការល្បាតតាមទឹកអូរព្រំដែន ឲ្យបានញឹកញាប់និងជាប្រចាំនិង​ដាក់​របាំង​ការពារ​នៅ​តំបន់​ហានិភ័យ​ដែល​សកម្មភាព​ខុសច្បាប់​ដែលទំនងជា​កើតឡើង​នៅតាម​បណ្តោយ​ព្រំដែន ស្របតាម​វិធានការដើម្បី​ទប់ស្កាត់ និង​បង្ក្រាប​សកម្មភាព​ខុសច្បាប់​នៅតាម​ព្រំដែន​។ ប្រភពបន្តថា៖​ ជារួមទាំងការទប់ស្កាត់ចលនាឆ្លងដែនខុសច្បាប់ដោយក្រុមជនខិលខូចដែលប្រើប្រាស់បណ្តាញតាមព្រំដែនក្នុងការធ្វើដំណើរទៅប្រព្រឹត្តបទឧក្រិដ្ឋកម្មតាមប្រព័ន្ធទូរគមនាគមន៍(តាមអនឡាញ) ខុសច្បាប់ ដូចដែលភាគីថៃបានកាត់ផ្តាច់ប្រព័ន្ធអ៊ិនធឺណែតឆ្លងដែនលួចលាក់និងខុសច្បាប់កាលពីពាក់កណ្តាលខែនេះ និងការដែលក្រុមប្រតិបត្តិការ គណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ នៃក្រសួងមហាផ្ទៃ នៅថ្ងៃទី២២ និង ២៣ ខែកុម្ភៈ ឆ្នាំ២០២៥ ធ្វើការចុះត្រួតពិនិត្យជាក់ស្តែងលើទីតាំងចំនួន ០២ទីតាំង ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ក្នុងនោះឃាត់ខ្លួនមេខ្លោងជនជាតិចិននិងរកឃើញជនរងគ្រោះជនបរទេសចំនួន២៣០នាក់ជាដើម ៕

ដោយ : បន្ទាយ បន្ទាយមានជ័យ៖គណៈបញ្ជាការកងឯកភាពរដ្ឋបាលខេត្តបន្ទាយមានជ័យកាលពីថ្មីៗនេះ បានណែនាំនិងដាក់បញ្ជាដល់កម្លាំងឈរជើងតាមបន្ទាត់ព្រំដែន ត្រូវបន្តយកចិត្តទុកដាក់លើកិច្ចការចំពោះមុខចាំបាច់មួយចំនួន។ នៅបណ្តោយព្រំដែនថៃ កម្ពុជា ភូមិសាស្ត្រស្រុកអារញ្ញាប្រាថេតខេត្តស្រះកែវនិងក្រុងប៉ោយប៉ែត កងកម្លាំងថៃបានដាំបង្គោលរបងនិងរាយលួសបន្លានៅចំណុចខ្លះ ។ មន្ត្រីបានឲ្យដឹងកាលពីថ្ងៃទី២២ខែកុម្ភៈ ឆ្នាំ២០២៥ ថា : ក្នុងកិច្ចប្រជុំគណៈបញ្ជាការកងឯកភាពរដ្ឋបាលខេត្តបន្ទាយមានជ័យ លោក អ៊ុំ រាត្រី អភិបាលខេត្តបន្ទាយមានជ័យ និងជាប្រធានគណៈបញ្ជាការឯកភាពខេត្តបានរំលឹកនិងជំរុញដល់កងកម្លាំងឈរជើងតាមបន្ទាត់ព្រំដែនក្នុងភូមិសាស្រ្ត ត្រូវបន្តរួមគ្នាការពារសន្តិសុខ សណ្តាប់ធ្នាប់ ទប់ស្កាត់ការរត់ពន្ធទំនិញគេចពន្ធ ពលករលួច ឆ្លងដែនខុសច្បាប់ ជាពិសេសការចរាចរគ្រឿងញៀនជាដើម ។ ទាក់ទិនស្ថានភាពទូទៅតាមបណ្តោយព្រំដែនកម្ពុជា ថៃក្នុងភូមិសាស្ត្រខេត្តបន្ទាយមានជ័យ នាថ្ងៃទី២២ខែកុម្ភ: ឆ្នាំ២០២៥ នៅព្រំដែនថៃ កម្ពុជា នៅភូមិសាស្ត្រស្រុកអារញ្ញាប្រាថេតខេត្តស្រះកែវ ទល់មុខនឹងភូមិសាស្ត្រក្រុងប៉ោយប៉ែតបន្ទាយមានជ័យ កងកម្លាំងការពារព្រំដែនថៃបានដាំបង្គោលនិងរាយលួសបន្លា, ជិះទូកល្បាតនៅចំណុចខ្លះ ដើម្បីបង្ការការពារពារ បទល្មើសទំនិញនិងមនុស្សឆ្លងដែន ៕

ដោយ : បន្ទាយ បន្ទាយមានជ័យ ៖ គណៈបញ្ជាការដឹកនាំស្រាវជ្រាវ ស៊ើបអង្កេត និងបង្ក្រាបបទល្មើសគ្រប់ប្រភេទ នៃក្រសួងមហាផ្ទៃក្នុងសេចក្តីប្រកាសព័ត៌មានពិសេស(អត់លេខ) ១ បានជម្រាបជូនដល់សាធារណជនជ្រាបថា នៅថ្ងៃទី២២ និង ២៣ ខែកុម្ភៈ ឆ្នាំ២០២៥ ក្រុមប្រតិបត្តិការ របស់គណៈបញ្ជាការ ធ្វើការចុះត្រួតពិនិត្យជាក់ស្តែងលើទីតាំងចំនួន ០២ទីតាំង ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ សេចក្តីប្រកាសព័ត៌មានបានឲ្យដឹងបន្តថា: បន្ទាប់ពីបានធ្វើការស្រាវជ្រាវស៊ើបអង្កេតលើទីតាំងខាងលើរយៈពេលជាង៣ខែកន្លងមក មកទល់ពេលនេះ ក៏ឈានទៅបង្ក្រាបទីតាំងទាំងពីរខាងលើនេះ ។ ករណីនេះ ធ្វើឡើងក្រោមបទបញ្ជាដ៏ម៉ឺងម៉ាត់បំផុតរបស់ លោកអភិសន្តិបណ្ឌិតស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក៏ដូចជាការចង្អុលដឹកនាំដោយផ្ទាល់របស់ លោកនាយឧត្តមសេនីយ៍ស ថេត អគ្គស្នងការនគរបាលជាតិ។ ប្រភពខាងលើបន្តថា: ក្នុងការឆ្មក់ចូលក្នុងទីតាំងខាងលើ សមត្ថកិច្ចបានរកឃើញជនបរទេសសរុបចំនួន ២៣០នាក់ (ស្រី ៦៨នាក់) ក្នុងនោះមានជនជាតិថៃចំនួន ១២៣នាក់ (ស្រី ៥៩នាក់)។ ជនបរទេសទាំងនោះកំពុងសម្ងំ លាក់ខ្លួនលួចលាក់ធ្វើប្រតិបត្តិការអនឡាញខុសច្បាប់ ដោយមានមេខ្លោងជាជនជាតិចិន និងស្ថិតក្នុងស្ថានភាពរស់នៅធម្មតា ព្រមទាំងទទួលយកការងារខុសច្បាប់ទាំងនោះដោយស្ម័គ្រចិត្ត។ […]

ប្រែសម្រួល៖ស-សម្បត្តិ ភ្នំពេញ៖ គ្រាប់បែក RPG ដែលគេជឿថាមានអាយុកាលច្រើនជាង២៥ឆ្នាំ បានសម្លាប់កុមារជាបងប្អូនជីដូនមួយពីរនាក់ ជាក្មេងស្រីនិងក្មេងប្រុសអាយុ២ឆ្នាំដូចគ្នា នៅពេលវាផ្ទុះកាលពីថ្ងៃសៅរ៍ (ថ្ងៃទី២២ ខែកុម្ភៈ) នៅជិតផ្ទះរបស់ពួកគេក្នុងតំបន់ជនបទភាគពាយព្យនៃប្រទេសកម្ពុជា។ គ្រោះថ្នាក់នេះបានកើតឡើងនៅស្រុកស្វាយលើ ខេត្តសៀមរាប ដែលជាតំបន់ធ្លាប់មានការប៉ះទង្គិចយ៉ាងខ្លាំងក្នុងទសវត្សរ៍ឆ្នាំ១៩៨០ និង១៩៩០ រវាងកងទ័ពរដ្ឋាភិបាលកម្ពុជា និងកងកម្លាំងឧទ្ទាមខ្មែរក្រហមកុម្មុយនិស្ត។ ក្រុមនេះត្រូវបានផ្តួលរំលំពីអំណាចក្នុងឆ្នាំ១៩៧៩។ ម៉ូ លីសា និងបងប្អូនជីដូនមួយប្រុសរបស់នាងឈ្មោះ ធំ យ៉េន រស់នៅផ្ទះជិតគ្នាក្នុងភូមិក្រាំហូង។ ឪពុកម្តាយរបស់ពួកគេកំពុងធ្វើស្រៃចម្ការ នៅពេលដែលកុមារតូចទាំងពីរនាក់ប្រហែលជាបានរកឃើញគ្រាប់មិនទាន់ផ្ទុះនោះ ហើយវាក៏ផ្ទុះឡើង។ អ្នកជំនាញមកពីមជ្ឈមណ្ឌលសកម្មភាពកម្ចាត់មីនកម្ពុជា បានកំណត់ពីបំណែកគ្រាប់ក្រោយមកថា វាជាគ្រាប់បែក RPG។ គ្រាប់មិនទាន់ផ្ទុះចាស់ៗមានគ្រោះថ្នាក់ជាពិសេស ព្រោះសារធាតុផ្ទុះរបស់វាកាន់តែងាយផ្ទុះនៅពេលវាខូច។ លោក ហេង រតនា អគ្គនាយក CMAC មានប្រសាសន៍ថា “ឪពុកម្តាយរបស់ពួកគេបានទៅតាំងទីលំនៅលើដីដែលជាសមរភូមិចាស់ ហើយពួកគាត់មិនបានដឹងថាមានមីន ឬគ្រាប់មិនទាន់ផ្ទុះកប់នៅជិតផ្ទះរបស់ពួកគាត់ទេ។” “វាជារឿងគួរឲ្យសោកស្តាយណាស់ ព្រោះពួកគេនៅក្មេងពេក ហើយមិនគួរស្លាប់បែបនេះទេ។” គេប៉ាន់ស្មានថាមានមីននិងគ្រាប់មិនទាន់ផ្ទុះប្រមាណពី៤ទៅ៦លានគ្រាប់ បានរាយប៉ាយពាសពេញជនបទកម្ពុជាក្នុងអំឡុងជម្លោះដែលចាប់ផ្តើមពីឆ្នាំ១៩៧០ និងបញ្ចប់នៅឆ្នាំ១៩៩៨។ ចាប់តាំងពីការបញ្ចប់ការប្រយុទ្ធគ្នានៅកម្ពុជា មានមនុស្សជិត២០,០០០នាក់បានស្លាប់ និងប្រមាណ៤៥,០០០នាក់រងរបួសដោយសារគ្រាប់បែកសល់ពីសង្គ្រាម។ ចំនួនជនរងគ្រោះបានថយចុះជាលំដាប់ ដោយកាលពីឆ្នាំមុនមានអ្នកស្លាប់៤៩នាក់។ លោក ហេង […]