ដោយ៖ គង់ហេង កំពង់ចាម៖ លោក អ៊ុន ចាន់ដា អភិបាលខេត្តកំពង់ចាម បានស្នើដល់មន្ទីរចំនួន បី ចូលរួមសហការជាមួយក្រុមការងារប្រមូលថ្មចេញ ពីក្នុងទន្លេមេគង្គរបស់ រដ្ឋបាលខេត្តពោល គឺធ្វើយ៉ាងណាឱ្យប្រាកដថា ថ្មដែលចាក់ចូលក្នុងផ្ទៃទន្លេជាង មួយម៉ឺន ម៉ែត្រគុបនេះត្រូវបានយកចេញអស់។ ខណៈភាគីអ្នកបង្កថា នឹងប្រើពេល មួយ សប្តាហ៍ទៀត យកថ្មចេញឱ្យអស់ពីក្នុងផ្ទៃទន្លេនេះ។ លោកអភិបាលខេត្តកំពង់ចាមបានស្នើឡើងយ៉ាងដូច្នេះ ខណៈដែលលោកបានដឹកនាំ សហការី នៃរដ្ឋបាលខេត្តនេះ ចុះពិនិត្យជាក់ស្តែងពីដំណើរការ នៃការអនុវត្ត ការកកាយថ្មចេញពីផ្ទៃទន្លេមេគង្គ នៅក្នុងភូមិសាស្រ្តភូមិព្រៃទទឹង ឃុំឬស្សីស្រុក ស្រុកស្រីសន្ធរ ដែលបានចាប់ ផ្តើមកាលពីថ្ងៃទី ២៤ កុម្ភៈ សប្តាហ៍កន្លងទៅនេះ។ លោកបានមានប្រសាសន៍ថា៖ តាមការពិនិត្យជាក់ស្តែង និងការបញ្ជាក់របស់ម្ចាស់ដីបានកកាយថ្មចេញមកដាក់លើគោកសម្រេចបានប្រមាណ ៧០ភាគរយហើយ។ ហើយពួកគាត់កំពុងបន្ត កាយយកថ្មដែលនៅសល់ប្រមាណ ៣០ ភាគរយទៀត គឺធ្វើយ៉ាងណាឲ្យអស់ពីក្នុងទន្លេ ដើម្បីចៀសវាងការប៉ះពាល់ នៃការធ្វើដំណើររបស់នាវាចរណ៍ ក៏ដូចជាបងប្អូនប្រជាពលរដ្ឋ ធ្វើដំណើរឆ្លងកាត់ទីនេះ ជាពិសេសគឺអនុវត្តទៅតាមគោលការណ៍នែនាំរបស់រដ្ឋបាលខេត្ត ដែលបានកំណត់ឲ្យយកថ្មចេញអស់ធ្វើយ៉ាងណារក្សាស្ថានភាពដើម នៃទន្លេឡើងវិញ។ លោកបានបន្តថា៖លោកបានស្នើដល់មន្ត្រីនៃមន្ទីរធនធានទឹក សហការការងារជាមួយនឹងក្រុមការងារប្រមូលថ្មចេញ ដោយប្រើប្រាស់ពោងជាសញ្ញាកំណត់ព្រំប្រទល់ […]

ដោយ : បន្ទាយ បន្ទាយមានជ័យ៖កម្លាំងការិយាល័យព្រហ្មទណ្ឌ កងរាជអាវុធហត្ថខេត្ត បញ្ជូនទៅសាលាដំបូងខេត្តកាលពីរសៀលថ្ងៃទី២៩ ខែកុម្ភៈ ឆ្នាំ២០២៤ នូវជនសង្ស័យម្នាក់។គឺជារឿងចូលហ៊ុនគ្នាបើកខារ៉ាអូខេឈ្មោះ JASSMINE នៅក្រុងប៉ោយប៉ែត ឥឡូវម្នាក់រងរបួស ម្នាក់ទៀតចូលគុកក្នុងករណីជម្លោះនិងមានហិង្សាដោយចេតនា។ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការនៅវេលាម៉ោង១៦និង៤៧នាទីថ្ងៃទី២៨ ខែកុម្ភៈ ឆ្នាំ២០២៤ ចុះឃាត់ខ្លួនជនសង្ស័យម្នាក់ឈ្មោះ គួយ ថាវី ភេទប្រុស អាយុ៣៩ឆ្នាំ ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ។ ជនសង្ស័យពាក់ព័ន្ធករណីហិង្សាដោយចេតនាដែលប្រព្រឹត្តកាលពីវេលាម៉ោង០១និង០០នាទី ថ្ងៃទី២៨ ខែកុម្ភៈ ឆ្នាំ២០២៤ នៅចំណុចខារ៉ាអូខេJASSMINE ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ករណីធ្វើឡើងតាមពាក្យបណ្តឹងរបស់ជនរងគ្រោះឈ្មោះ ស្រ៊ន ស៊ីវហេង ភេទប្រុស អាយុ២៨ឆ្នាំ រស់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ សូមបញ្ជាក់ថា ជនរងគ្រោះនិងជនសង្ស័យបានចូលហ៊ុនគ្នាបើកខារ៉ាអូខេដែលមានឈ្មោះ JASSMINE បានរយៈប្រហែល០១ឆ្នាំ ហើយម្ចាស់ក្រុមហ៊ុនតែងតែឈ្លោះប្រកែកគ្នារឿងភាគហ៊ុន ។ ដោយនៅថ្ងៃទី២៨ ខែកុម្ភៈ […]

ដោយ : បន្ទាយ ភ្នំពេញ ៖​នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ បានបើកកិច្ចប្រជុំផ្សព្វផ្សាយ ទម្រង់ផែនការប្រត្តិបត្តិការថ្មី សម្រាប់អនុវត្ត ក្នុងឆ្នាំ២០២៤តទៅ ។ ដែលទម្រង់ផែនការថ្មីនេះ គឺជាលទ្ធផលស្នាដៃ រៀបចំចងក្រងឡើង ដោយលោកវរសេនីយ៍ឯក សៀ ទីន នាយសេនាធិការកងរាជអាវុធហត្ថរាជធានីភ្នំពេញផ្ទាល់ តាមរយៈការច្របាច់បញ្ចូលគ្នា នូវចំណេះដឹង ដែលលោក បានរៀនសូត្រនៅសាលាបណ្ឌិតសភាយោធាអូស្ត្រាលី បូករួមនឹងបទពិសោធន៍ជាក់ស្តែងដែលធ្លាប់ជួបកន្លងមក។នេះបើតាម មន្ត្រីកងរាជអាវុធហត្ថរាជធានីភ្នំពេញអោយដឹងកាលពីនាថ្ងៃទី០១ខែមីនា ឆ្នាំ២០២៤ ។ ក្នុងកិច្ចប្រជុំនោះ លោកវរសេនីយ៍ឯក សៀ ទីន បានធ្វើបទបង្ហាញនូវផែនការប្រត្តិបត្តិការថ្មីឆ្នាំ២០២៤ ជូនដល់អង្គពិធីទាំងមូលបានយល់ដឹងជ្រួតជ្រាបគ្រប់ៗគ្នា ។ គឺតាមរយៈទ្រឹស្តីផ្សាភ្ជាប់ជាមួយលំហាត់អនុវត្តជាក់ស្តែង ដែលផែនការថ្មីនេះ នឹងជួយសម្រួលក្នុងកិច្ចការងារប្រតិបត្តិការ ចូលរួមការពារ សន្តិសុខ សុវត្ថិភាព រក្សាសណ្តាប់ធ្នាប់ក្នុងព្រឹត្តិការណ៍ជាតិ អន្តរជាតិ សំខាន់ៗ អង្គប្រជុំផ្សេងៗ ថ្នាក់ដឹកនាំជាតិ-អន្តរជាតិ និងប្រជាពលរដ្ឋ ក៏ដូចជាភ្ញៀវទេសចរណ៍ ឲ្យទទួលបានជោគជ័យ និងកាន់តែមានប្រសិទ្ធភាពខ្ពស់បន្ថែមទៀត ជាពិសេសយុទ្ធសាស្ត្រទប់ស្កាត់និងជួយសង្គ្រោះ ក្នុងហ្វូងមហាជន […]

ដោយ : បន្ទាយ បន្ទាយមានជ័យ :រដ្ឋបាលក្រុងសិរីសោភ័ណនិងសមត្ថកិច្ចថ្ងៃទី០១ ខែមីនា ឆ្នាំ២០២៤ បានបង្ក្រាបទីតាំងល្បែងផ្សងសំណាងតាមអនឡាញ១នៅសង្កាត់ព្រះពន្លា អូរអំបិល,កំពង់ស្វាយ និងសង្កាត់ទឹកថ្លា ហើយចាត់វិធានការរដ្ឋបាល ដោយឲ្យម្ចាស់ទីតាំងត្រូវធ្វើកិច្ចសន្យាបិទសកម្មភាពនិងទីតាំងទាំងស្រុង ។ ប្រតិបត្តិការនេះដឹកនាំដោយលោក ស្រេង សុផល អភិបាលនៃគណ:អភិបាលក្រុងសិរីសោភ័ណនិងជាប្រធានគណ:បញ្ជាការឯកភាពក្រុងនិងចូលរួមជាមួយលោក អ៊ុ វិណារ៉ា លោក អុឹម សុភារៈ អភិបាលរងក្រុង លោកនាយករដ្ឋបាលសាលាក្រុង បានដឹកនាំកងកម្លាំងចម្រុះមានកម្លាំងនគរបាលក្រុង កម្លាំងកងរាជអាវុធហត្ថក្រុង និងអាជ្ញាធរសង្កាត់ ភូមិ នគរបាលប៉ុស្តិ៍រដ្ឋបាលសង្កាត់។ សមត្ថកិច្ចបានចុះពិនិត្យទីតាំងល្បែងផ្សងសំណាងតាមអនឡាញ(Gambling Online) និងអប់រំណែនាំដល់សិស្សានុសិស្សដែលគេចម៉ោងរៀនទៅលេងល្បែង ក៏ដូចអំពើអបាយមុខផ្សេងៗ នៅក្នុងទីតាំងមួយចំនួនក្នុងសង្កាត់អូរអំបិល,ព្រះពន្លា,កំពង់ស្វាយ និងសង្កាត់ទឹកថ្លា ក្រុងសិរីសោភ័ណខេត្តបន្ទាយមានជ័យ ៕

ដោយ:សុខុម ស្ទឹងត្រែង:អណ្តាតភ្លើងបានឆាបឆេះចេញពីក្នុងបន្ទប់និងរាលដាលសន្ធោសន្ធៅកាលពីវេលាម៉ោងជាង៨យប់ថ្ងៃទី១មីនា២០២៤នៅច្រកចូលផ្លូវលំមួយក្រោយការ៉ាស់សាំងប៉ាវចិន្តាស្ថិតក្នុងភូមិរាជានុកូលសង្កាត់ក្រុងខេត្តស្ទឹងត្រែង។ នៅពេលភ្លើងឆេះភ្លាមប្រជាពលរដ្ឋរស់នៅក្បែរបានយកទឹកពន្លត់ដែរនៅតែមិនអាចទប់ស្កាត់បាន។ខណ:នោះអ្នកភូមិស្រែកហៅគ្នាជួយ។អ្នកខ្លះថាមានស្រ្តីវ័យចំណាស់ម្នាក់នៅក្នុងភ្នក់ភ្លើងពុំមាននរណាដឹង។ត្រឹមតែរយះពេលជាង១០នាទីប៉ុណ្ណោះផ្ទះឈើប្រក់ ដែកស័ង្កសី ធំល្មម ឆេះដួលទាំងស្រុង។ហើយរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តស្ទឹងត្រែងក៏បានមកដល់បាញ់ទឹកពន្លត់ ឱ្យ រលត់បណ្ដាតភ្លើងទាំងស្រុង។ ចំណែកស្ត្រីម្នាក់ដែលគេអះអាងថា បាត់ខ្លួននៅក្នុងផ្ទះនោះបានរកឃើញគាត់ នៅក្បែរផ្ទះអ្នកស្រុក។ ស្ត្រីដែលឃើញហេតុការណ៍ដំបូងបានប្រាប់ឲ្យដឹងថា គាត់បានអណ្តាតភ្លើងឆេះចេញពីក្នុងបន្ទប់ដែលរូបគាត់ពុំធ្លាប់ចូលទាល់តែសោះ។ មានតែគាត់ម្នាក់នៅក្នុងផ្ទះចៅៗ របស់គាត់ ក៏មិននៅក្នុងផ្ទះនោះដែរ ។ស្ត្រីនោះអះអាងទៀតថាប្រាក់មួយចំនួន របស់គាត់នៅក្នុងផ្ទះ រួមទាំងសម្ភារៈផ្សេងៗមិនមាននរណាម្នាក់អាចជួយបានឡើយបានក្លាយជាផេះ៕

ក្រចេះ÷សមត្ថកិច្ចពាក់ព័ន្ធ នៅថ្ងៃទី២៩ ខែកុម្ភៈ ឆ្នាំ២០២៤បានចុះបង្រ្កាបទីតាំងផលិត  លក់ និងរក្សាទុកឧបករណ៍ឆក់ដ៏ធំមួយកន្លែងស្ថិតនៅភូមិផ្សារស្នួល ឃុំស្នួល ស្រុកស្នួល ខេត្តក្រចេះ ។ ប្រតិបត្តិការ នេះធ្វើឡើង ដោយសមត្ថកិច្ចជំនាញអធិការដ្ឋានរដ្ឋបាលជលផលមេគង្គ អធិការខណ្ឌរដ្ឋបាលជលផលក្រចេះ សហការជាមួយស្នងការដ្ឋាននគរបាលខេត្ត ដឹកនាំសម្របសម្រួលដោយលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្ត និងមានការចូលរួមពីលោក សាម ណាល់ អភិបាលស្រុកស្នួល អធិការដ្ឋាននគរបាលស្រុក លោកមេឃុំ នគរបាលប៉ុស្តិ៍រដ្ឋបាលស្នួល និងលោកមេភូមិ បានចុះបង្ក្រាបទីតាំងផលិត ទិញ លក់ និងរក្សាទុកឧបករណ៍ឆក់មួយកន្លែងស្ថិតនៅភូមិផ្សារស្នួល ឃុំស្នួល ស្រុកស្នួល។ ម្ចាស់ទីតាំងខាងលើមានឈ្មោះ សៀង សៀកត្រាយ សញ្ជាតិខ្មែរ ភេទប្រុស អាយុ៣១ឆ្នាំ។ សមត្ថកិច្ចរឹបអូសបានវត្ថុតាងរួមមាន អាំងវែកទ័រឆក់ត្រីប្រភេទស្រូប និងក្តៅនាំចូលពីប្រទេសចិន ចំនួន ២២គ្រឿង អាំងវែកទ័រកែច្នៃ(ឆក់ក្តៅ)ចំនួន១៥គ្រឿង ប្រអប់ឈើសម្រាប់កែច្នៃអាំងវែកទ័រឆក់ត្រី ចំនួន២៨០ប្រអប់។ ក្រៅពីរឹបអូសវត្ថុតាងទាំងអស់ អាជ្ញាធរមានសមត្ថកិច្ចបានឃាត់ខ្លួនម្ចាស់ទីតាំងលក់ឧបករណ៍ឆក់ខុសច្បាប់ ដើម្បីកសាងសំណុំឯកសារបញ្ជូនទៅសាលាដំបូងខេត្ត ចាត់ការបន្តតាមនីតិវិធីច្បាប់ស្តីពីជលផល៕

ដោយ:សុខុម រតនគិរី៖ សមត្ថកិច្ចនគរបាលខេត្តរតនគិរីនៅរសៀលថ្ងៃទី២៩កុម្ភៈ២០២៤ ឃាត់ខ្លួនបានជនសង្ស័យម្នាក់ដែលជាឃាតក សម្លាប់បងស្រីបង្កើតនិងបងថ្លៃហើយរត់គេចខ្លួន។ សមត្ថកិច្ចបានឲ្យដឹងថា កាលពីយប់ថ្ងៃទី២៨ ខែកម្ភៈ ឆ្នាំ២០២៤ មានអំពើឃាតកម្មមួយកើតឡើង នៅចំណុចផ្ទះជនរងគ្រោះស្ថិតក្នុងភូមិតឺន ឃុំតឺន ស្រុកកូនមុំ ខេត្តរតនគិរី ។ នគរបាលព្រហ្មទណ្ឌស្រុកកូនមុំបាន បញ្ជាក់ ថា ជនរងគ្រោះមានចំនួន ២នាក់៖ទី១.ឈ្មោះ ហាន ហន ភេទប្រុស អាយុ ៦១ឆ្នាំ។ ២-ជនរងគ្រោះឈ្មោះ ណែម សុខជា ភេទស្រី អាយុ ៥៧ឆ្នាំ ។ ក្រោយកើតហេតុ កម្លាំងជំនាញខេត្ត ដឹកនាំដោយលោក ឧត្តមសេនីយ៍ត្រី ផែន ឌីណា ស្នងការរង បានចុះមកដល់កន្លែងកើតហេតុ សហការជាមួយកម្លាំងអធិការស្រុកកូនមុំ កម្លាំងប៉ុស្តិ៍ ពិនិត្យនិងសាកសួរបំភ្លឺជុំវិញកន្លែងកើតហេតុ កំណត់មុខសញ្ញាជនសង្ស័យរហូតចាប់ខ្លួនបាន។ ជនសង្ស័យ ឈ្មោះ យិន សុធារិទ្ធ (ហៅ ពៅ) ភេទប្រុស អាយុ៤២ឆ្នាំ ជនជាតិខ្មែរ មុខរបរ កសិករ […]