ដោយ៖ កំចាយ កំពត÷ បុរសម្នាក់បានស្លាប់យ៉ាងអាណោចអាធ័មបន្ទាប់ពីបើកម៉ូតូក្នុងល្បឿនលឿនរួចជ្រុលបុកពីក្រោយរថយន្តកំពុងបើកបរខាងមុខ។ ហេតុការណ៍នេះបានកើតឡើងកាលពីរសៀលថ្ងៃទី៣១ ខែឧសភា ឆ្នាំ២០២៤ នៅលើដងផ្លូវជាតិលេខ៣៣ ស្ថិតក្នុងភូមិភូមិដំណាក់ត្របែក ឃុំប្ញស្សីស្រុកខាងលិច ស្រុកកំពង់ត្រាច។ មន្ត្រីនគរបាលចរាចរណ៍ស្រុកកំពង់ត្រាចបានប្រាប់ឲ្យដឹងថា បុរសរងគ្រោះក្នុងករណីខាងលើឈ្មោះ ជីវ សាយ អាយុ ៣៨ឆ្នាំ មានទីលំនៅក្នុងភូមិក្ងាប ឃុំស្វាយទងខាងជើង ស្រុកកំពង់ត្រាច ខេត្តកំពត។ ប្រភពដដែលបានរៀបរាប់ថា កាលពីវេលាម៉ោង៣រសៀលថ្ងៃទី៣១ ខែឧសភា មានករណីគ្រោះថ្នាក់ចរាចរដ៏ន្ធត់មួយនៅលើកំណាត់ផ្លូវជាតិលេខ៣៣ ចន្លោះបង្គោលគីឡូម៉ែត្រលេខ៤៥-៤៦ ដោយបុរសម្នាក់បានជិះម៉ូតូក្នុងល្បឿនលឿនរួចជ្រុលបុកពីក្រោយរថយន្តលុចស៊ីស៣៣០ បណ្តាលឲ្យស្លាប់ខ្លួនឯងនៅនឹងកន្លែងភ្លាមៗតែម្តង៕

ដោយ÷សុខុម ស្ទឹងត្រែង÷មន្រ្តីយោធាការពារ ព្រំដែនវរៈ១០១ម្នាក់ចំណុះឲ្យតំបន់ប្រតិបត្តិការសឹករងខេត្តស្ទឹងត្រែងបានបាត់ខ្លួនកាលពីថ្ងៃទី២៩ ឧសភា ២០២៤ ពេលជិះទូកជាមួយមិត្តភក្ដិ មកដល់ព្រឹកថ្ងៃទី៣១ ឧសភា នេះបានរកឃើញសពហើយ។ តាមប្រភពមន្ត្រីបានឲ្យដឹងថា កាលពីថ្ងៃទី២៩ឧសភា មន្ត្រីយោធាមានគ្នា៣នាក់ជិះទូកទៅបង់សំណាញ់ដើម្បីចាប់ត្រីយកមកធ្វើម្ហូបនៅចំណុចក្បែរស្ពានកោះទន្សាយ ស្ថិតក្នុងឃុំសន្តិភាព ស្រុកសៀមប៉ាង ខេត្តស្ទឹងត្រែង ។ តំបន់ដែលអ្នកទាំងបីទៅនេសាទត្រីនោះ គឺជាទឹកហូរខ្លាំង បានបោកទូកតូចមួយលិច អណ្ដែតតាមទឹកមានចម្ងាយប្រហែល២០ម៉ែត្រពីសសរស្ពានមកមាត់ច្រាំង។ នៅក្នុងឧបទ្ទវហេតុនោះ មនុស្សពីរនាក់ហែលទឹកឡើងគោក។ចំណែកឈ្មោះនួន ម៉ានី មានឋានៈពលបាលឯក ជាមន្ត្រីយោធានៅវរការពារព្រំដែន១០១ មានភារកិច្ចឈរជើងការពារក្រវាត់ព្រំដែនក្បែស្ពានកោះទន្សាយហែលមកគោកមិនទាន់ ហើយក៏បានបាត់ខ្លួនសូន្យឈឹង។ លុះមកដល់បីថ្ងៃក្រោយនៅព្រឹកថ្ងៃទី៣១ ឧសភា គេបានរកឃើញសពមន្ត្រីយោធាដែលបាត់ខ្លួននោះ នៅចំណុចក្រោមស្ពានកោះទន្សាយ ចម្ងាយប្រមាណ៩០ម៉ែត្រពីកន្លែងលិចទូក ។ សមត្ថកិច្ចបានធ្វើកោសល្យវិច័យមុនប្រគល់សពជូនគ្រួសារយកទៅធ្វើបុណ្យ៕

ដោយ ៖ បន្ទាយ សៀមរាប ៖ ក្រុមអន្តរាគមន៍ថ្នាក់ជាតិបង្រ្កាបបទល្មើសជលផលបឹងទន្លេសាបប្រចាំស្នាក់ការកំពង់ភ្លុក បានសហការជាមួយកម្លាំងផ្នែករដ្ឋបាលជលផលដំដែក កម្លាំងសរុបចំនួន១២នាក់ មធ្យោបាយកាណូតចំនួន២ គ្រឿង បានចេញប្រតិ្តការបង្រ្កាបបទល្មើសចាប់ពីចំណុចមាត់ពាមកំពង់ភ្លុក រហូតដល់ចំណុចកន្លែងអភិរក្សជលផលកំពង់ភ្លុក អតីតឡូត៍នេសាទលេខ៦ ។ មន្ត្រីជលផលនៃរដ្ឋបាលជលផលសៀមរាបអោយដឹងកាលពីថ្ងៃទី៣០ ខែឧសភាថា: ប្រតិបត្តិការបង្ក្រាបនៅវេលាម៉ោង២១យប់ថ្ងៃទី២៩ ខែឧសភា ឆ្នាំ២០២៤ កន្លងមកនោះ ទទួលបានលទ្ធផលដូចខាងក្រោម÷ អួនអូសដោយម៉ាស៊ីន រួមផ្សំជាមួយខ្សែភ្លើងឆក់ត្រីចំនួន១ វង់, សាច់អួនប្រវែង ៧០ ម៉ែត្រ, ក្រឡាចាប់ពី ១២-១៥ សង់ទីម៉ែត្រ, សម្រុង ៥ ម៉ែត្រ, ខ្សែពួរ ១២០ម៉ែត្រ ភ្ជាប់ខ្សែភ្លើងឆក់ប្រវែង ១២០ ម៉ែត្រ។ ប៉ុន្តែមន្ត្រីអោយដឹងថា : “ជនល្មើសបានបើកកាណូតគេចខ្លួនបាត់” ។ ករណីនេះអាចមកពីមានរនុកក្នុងផ្តល់ព័ត៌មានមុនដល់ជនល្មើស៕

ដោយ : បន្ទាយ បន្ទាយមានជ័យ៖អធិការ អធិការរងនៃអធិការដ្ឋាននគរបាលក្រុងប៉ោយប៉ែតដែលទទួលបានការផ្ទេរភារកិច្ចនិងតែងតាំងត្រូវបានធ្វើពិធីប្រកាសចូលកាន់តំណែងកាលពីព្រឹកថ្ងៃទី៣០ ខែឧសភា ឆ្នាំ២០២៤ ។ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានអញ្ជើញជាអធិបតីភាព ក្នុងពិធីនោះ ។ នាយការិយាល័យបុគ្គលិកនៃស្នងការដ្ឋាននគរបាលខេត្តបន្ទាយមានជ័យបានអានប្រកាសស្តីពីការផ្ទេរនិងតែងតាំងមុខតំណែងមន្ត្រីនគរបាលជាតិលេខ២៣៨២ប្រកចុះថ្ងៃទី២០ខែឧសភាឆ្នាំ២០២៤ ចុះហត្ថលេខាដោយលោកអភិសន្តិបណ្ឌិតស សុខា ឧបនាយរដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចផ្ទេរភារកិច្ចនិងតែងតាំងមុខតំណែងមន្ត្រីនគរបាលជាតិចំនួន២រូបនៃស្នងការដ្ឋាននគរបាលខេត្តបន្ទាយមានជ័យ គឺលោកវរសេនីយ៍ទោព្រហ្ម ពិសិដ្ឋ អត្តលេខ២២៦១៣ អធិការរង ជាអធិការនៃអធិការដ្ឋាននគរបាលក្រុងប៉ោយប៉ែត ។ ដោយឡែកលិខិតអគ្គស្នងការដ្ឋាននគរបាលជាតិក៏បានតែងតៃងលោកវរសេនីយ៍ទោ រ៉ែន សុភ័ក្រ្ត ជា អធិការរងទទួលការងារនគរបាលយុត្តិធម៌ ដែលជាកៅអីចាស់របសលោកព្រហ្មពិសិដ្ឋ ផងដែរ ។ ពិធីនេះត្រូវបានប្រារព្ធធ្វើឡើងនៅអធិការដ្ឋាននគរបាលក្រុងប៉ោយប៉ែត មានការអញ្ជើញចូលរួមពី លោក លោកស្រី ឧត្តមសេនីយ៍ត្រី វរសេនីយ៍ ស្នងការរង នាយការិយាល័យ លោកអធិការក្រុងស្រុក លោកមេបញ្ជាវរ នាយ នាយរងផ្នែក នាយប៉ុស្តិ៍ និងមន្ត្រីនគរបាលជាច្រើនរូប។ ក្រៅពីនេះក៏មានការអញ្ជើញចូលរួមពីស្ថាប័ន ពាក់ព័ន្ធ អាជ្ញាធរមូលដ្ឋាន ភ្ញៀវជាតិ អន្តរជាតិជាច្រើននាក់ផងដែរ។ លោកវរសេនីយ៍ទោព្រហ្ម […]

ដោយ៖សុខុម ភ្នំពេញ៖ នៅរសៀល ថ្ងៃទី៣០ ខែឧសភា ឆ្នាំ២០២៤ ស្ថិតនៅតាមបណ្តោយមហាវិថីកម្ពុជាក្រោម កែងផ្លូវលេខ២៥៩ ស្ថិតក្នុងសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ មានដើមឈើបាក់បណ្តាលឱ្យអ្នកធ្វើដំណើរតាមម៉ូតូរងរបួស។ ប្រភពព័ត៌មានបានឲ្យដឹងថានៅមុនពេលកើតហេតុ មេឃកំពុងធ្លាក់ភ្លៀងលាយឡំខ្យល់កន្ត្រាក់។ នៅពេលនោះមានមនុស្សប្រុសស្រី២នាក់ បានជិះម៉ូតូមួយគ្រឿងម៉ាក់ ហុងដា ឃ្លីក ពាក់ស្លាកលេខភ្នំពេញ 1CA-9175 កំពុងធ្វើដំណើរតាមបណ្តោយមហាវិថី កម្ពុជាក្រោមក្នុងទិសដៅពីលិចទៅកើត ។ខណៈមកដល់ចំណុចកើតហេតុស្រាប់តែដើមឈើនៅជិតផ្លូវធំមួយបានបាក់សង្កត់ត្រូវអ្នកជិះម៉ូតូដួល ទៅនឹងថ្នល់ ហើយម៉ូតូក៏ទទួលរងការខូចខាតយ៉ាងដំណាំផងដែរ។ នៅក្រោយហេតុការណ៍កើតឡើងសមត្ថកិច្ចមូលដ្ឋានបានយកម៉ាសុីនអារឈើមកកាត់មែកឈើនោះចេញ ពីផ្លូវដើម្បី កុំឱ្យមានការស្ទះចរាចរណ៍ ។ចំណែកម៉ូតូជនរងគ្រោះកម្លាំងសមត្ថកិច្ចយកទៅរក្សាទុកនៅប៉ុស្តី៍នគរបាលរដ្ឋបាលទឹកល្អក់១ ជាបណ្តោះអាសន្ន៕

ដោយ ៖ បន្ទាយ បន្ទាយមានជ័យ៖ ដើម្បីធានាបាននូវសន្តិសុខសណ្តាប់ធ្នាប់សាធារណះនិងសុវត្ថិភាពសង្គម លោកឧត្តមសេនីយ៍ទោ សិទ្ធិ ឡោះ បានដាក់ចេញនូវបទបញ្ជាយ៉ាងម៉ឺងម៉ាត់ដល់កម្លាំងនគរបាលទូទាំងខេត្តត្រូវពង្រឹងការទប់ស្កាត់ និងបង្ក្រាបរាល់ទបទល្មើស ពិសេសបទល្មើសព្រហ្មទណ្ឌ បទល្មើសជួញដូរគ្រឿងញៀន បទល្មើសជួញដូរមនុស្ស និងក្មេងទំនើង ធ្វើយ៉ាងណាឲ្យថយចុះជាលំដាប់។ ក្នុងនោះកាលពីថ្ងៃទី២៨ ខែឧសភាឆ្នាំ២០២៤ វេលាម៉ោង២២:៣០នាទី យប់.កម្លាំងនគរបាលអធិការដ្ឋាននគរបាលក្រុងប៉ោយប៉ែត កម្លាំងនគរបាលប៉ុស្តិ៍រដ្ឋបាល និងកម្លាំងប្រជាការពារ បានល្បាតក្នុងភូមិសាស្ត្រ ចំណុចបុរី ទៀ ឆាយហាក់ ភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ពេលនោះបានប្រទះឃើញក្មេងទំនើងចំនួន៣នាក់ ជិះម៉ូតូ០១គ្រឿង គួរអោយសង្ស័យ នគរបាលបានឃាត់ត្រួតពិនិត្យ រកឃើញកាំបិតចំនួន០២ដើម កែវសម្រាប់ប្រើប្រាស់គ្រឿងញៀន១ ដែកកេះ១ បំពង់ទុយោ១ ភ្លាមនោះក្មេងទំនើងទាំង៣នាក់ត្រូវបាននាំយកទៅសួរនាំនៅប៉ុស្តិ៍រដ្ឋបាលប៉ោយប៉ែត។ មន្ត្រីនគរបាលចម្រុះក្រុងប៉ោយប៉ែតបានឲ្យដឹងថា :ក្មេងទំនើងទាំង៣នាក់ដែលត្រូវឃាត់ខ្លួននាំ រួមាន៖ ១-ឈ្មោះ  វង្ស រស្មី ភេទ ប្រុស អាយុ១៦ឆ្នាំ ស្នាក់នៅភូមិព្រៃព្រិច សង្កាត់អូរជ្រៅ ក្រុងប៉ោយប៉ែត មានមុខរបរមិនពិតប្រាកដ។ ២-ឈ្មោះ ដូច សុភក្រ័ […]

ដោយ÷សុខុម កណ្តាល÷កម្លាំងជំនាញនាយកដ្ឋាននគរបាលព្រហ្មទណ្ឌ កាលពីថ្ងៃទី២៩ ឧសភា២០២៤ បានឃាត់ខ្លួនជនសង្ស័យចំនួន៥នាក់ ពាក់ព័ន្ធរំលោភក្មេងស្រីម្នាក់ទើបនឹងមានអាយុ១២ឆ្នាំ។ សូមជម្រាបជូនថា កាលពីថ្ងៃទី២៥ ខែឧសភា ឆ្នាំ២០២៤ ក្មេងស្រីអាយុ១២ឆ្នាំម្នាក់ ទទួលរងចាប់រំលោភសេពសន្ថវៈ បង្កឡើងដោយក្មេងទំនើងមួយក្រុមចំនួន៥នាក់នៅក្នុងបន្ទប់ផ្ទះជួលមួយមានលេខ៣១ ផ្លូវលេខ១៣ ភូមិ៣ សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ។ ក្រោយពីមានរឿងបែបនេះ ក្រុមគ្រួសារ ជនរងគ្រោះក៏បានទៅដាក់ពាក្យបណ្ដឹងនៅកន្លែងសមត្ថកិច្ច។ បន្ទាប់ពីទទួលបានពាក្យបណ្ដឹងភ្លាម សមត្ថកិច្ចក៏បានបើកការស្រាវជ្រាវ ឈានទៅដល់ឃាត់ខ្លួនជនសង្ស័យ៥នាក់។មានឈ្មោះ ឈួន គីមឡេង អាយុ២១ឆ្នាំ,ឈ្មោះ ខន បុរី អាយុ១៤ឆ្នាំ,ឈ្មោះ ហ៊ន វីរៈយុទ្ធ អាយុ១៦ឆ្នាំ,ឈ្មោះ ខន វីរៈ អាយុ១៣ឆ្នាំ។ សមត្ថកិច្ចបាននិយាយថា កម្លាំងនាយកដ្ឋានព្រហ្មទណ្ឌក្រសួងមហាផ្ទៃធ្វើការឃាត់ខ្លួនជនសង្ស័យចំនួន៤នាក់នៅភូមិសាស្ត្រ ឃុំព្រែកក្មេង សង្កាត់ព្រែកក្មេង ក្រុងអរិយក្សត្រ ខេត្តកណ្តាល។ ដោយឡែកជនសង្ស័យម្នាក់ទៀតឈ្មោះ លី គឹមលី អាយុ១៦ឆ្នាំ ឃាត់ខ្លួនបាននៅសង្កាត់និរោធ ខណ្ឌច្បារអំពៅ រាជធានីភ្នំពេញ។ ក្រោយពីឃាត់ខ្លួនសាកសួរ មកដល់ល្ងាចថ្ងៃទី២៩ឧសភា នាយកដ្ឋាននគរបាលព្រហ្មទណ្ឌ បានប្រគល់សំណុំរឿងជនសង្ស័យទាំង៥នាក់ជូនអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងតាមនីតិវិធី៕

ដោយ : បន្ទាយ បន្ទាយមានជ័យ ៖ករណីដែលថាមានព័ត៌មានថាមានសត្វខ្លានៅភ្នំខ្លាកូន ភ្នំកងវ៉ា ឥឡូវនេះ លោកស្រេងសុផល អភិបាលក្រុងសិរីសោភ័ណក្នុងហ្វេសប៊ុកផ្លូវការរបស់លោកឲ្យអាជ្ញាធរក្រុងសិរីសោភ័ណចេញព្រមានឲ្យប្រយ័ត្នហើយ។ លោកបានឲ្យដឹងកាលពីថ្ងៃទី២៨ខែឧសភាឆ្នាំ២០២៤ ថា:”សូមជម្រាបជូនពុកម៉ែរស់នៅក្បែរជើងភ្នំពង្រ កងវ៉ា សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ “។”សូមពុកម៉ែប្រុងប្រយត្ន័គ្រោះថ្នាក់ដែលបង្កដោយសត្វខ្លា ដែលប្រជាពលរដ្ឋបានជួបប្រទះថ្មីៗ “.។ ចំណែកលោកមួក ឡាយ ជាមន្ត្រីសាលាក្រុងសិរីសោភ័ណបាននិយាយក្នុងបណ្តាញសង្គមរបស់លោកដោយភ្ជាប់រូបដានជើញខ្លាធំដែលលោកបានទទួលរូបនេះពីពលរដ្ឋ និងបង្ហាញរូបក្បាលខ្លាធំ(រូបឯកសារ) ហើយជម្រាបបន្ទាន់ថា :”សូមជម្រាបជូន បងប្អូនដែលចូលចិត្តឡើងភ្នំឬរស់នៅក្បែរជើងភ្នំពង្រកងវ៉ានិងខ្លាកូនទាំងអស់ ។តាមសេចក្តីរាយការណ័ពីប្រជាពលរដ្ឋថាបានប្រទះឃើញដានជើងសត្វខ្លា ដែលសន្និដ្ឋានថា អាចនឹងរស់នៅក្នុងតំបន់ភ្នំដូចជម្រាបខាងលើ ។ សូមបងប្អូន ប្រុងប្រយ័ត្នទាំអស់គ្នា “។ ចំណែកលោកស៊ឺ ហៀក ចៅសង្កាត់កំពង់ស្វាយដែលជាអាជ្ញាធរគ្រប់គ្រងលើភូមិសាស្ត្រនៃចំណុចភ្នំខ្លាកូននាភូមិខ្លាកូនចាស់និងភូមិខ្លាកូនថ្មីនិងភ្នំកងវ៉ាភូមិកងវ៉ា នៅប៉ែកខាងជើងសង្កាត់ និងក៏ខាងជើងក្រុងសិរីសោភ័ណបានប្រាប់សារព័ត៌មានថា : លោកទទួលព័ត៌មានពីពលរដ្ឋថាបានឃើញដានជើងនោះ តែលោកនៅមិនទាន់បានឃើញឬសង្ស័យថាសត្វខ្លាដែលគេនិយាយតៗគ្នានោះកំពុងស្ថិតនៅចំណុចណាទេ។ ចំណែកពលរដ្ឋខ្លះអោយដឹងថ្ងៃទី២៩ខែឧសភាថា : បានឃើញចុងៗភ្នែក ដែលប្រហែលជាសត្វខ្លា។ ប៉ុន្តែ មិនហ៊ានអះអាងថាជាសត្វខ្លាមែនទែនឬជាសត្វផ្សេងៗឬជាមនុស្សយកស្រោមពាក់ដូចសត្វខ្លា ហើយធ្វើបន្លំដើម្បីបង្កើតព័ត៌មានអោយផ្អូកផ្អើលឬបង្វែរការចា់ប់អារម្មណ៍ពីព្រឹត្តិការណ៍ក្នុងឬក្រៅខេត្តនោះទេ ៕

ដោយ÷សុខុម ភ្នំពេញ ៖ រដ្ឋបាលខណ្ឌដូនពេញ កាលពីថ្ងៃទី២៩ ឧសភា ២០២៤ បានសម្រេចលុបចោលអាជ្ញាប័ណ្ណ និងពិន័យជាប្រាក់ ទៅលើម្ចាស់ទូកទេសចរណ៍មួយក្រោយពីបែកធ្លាយរូបភាពចាក់សំរាមចោលទៅក្នុងទឹកទន្លេមេគង្គ។ ការសម្រេចលុបចោលអាជ្ញាប័ណ្ណទេសចរណ៍ខាងលើនេះ បន្ទាប់ពីមានបណ្តាញសង្គមថតបង្ហោះពីសកម្មភាព អ្នកនៅលើទូកចាក់សំរាមចូលទៅក្នុងទឹក ។ ក្រោយពីមានរូបភាពបែបនេះ មហាជនជាច្រើនបានរិះគន់ ពីទង្វើដែលមិនសមរម្យធ្វើឲ្យប៉ះពាល់ទៅដល់បរិស្ថានស្អាត។ អាជ្ញាធរបានឲ្យដឹងថា កាណូតទេសចរណ៍ដែលលុបអាជ្ញាចោល មានឈ្មោះ បុប្ផាអង្គរ ។ ក្រោយពីអាជ្ញាធរហៅម្ចាស់ទូកមកសាកសួរហើយបានទទួលស្គាល់ថាពិតជាបានបោះចោលសំរាមចូលក្នុងទន្លេពិតប្រាកដមែន ។ រដ្ឋបាលខណ្ឌក៏បានអប់រំណែនាំដល់ម្ចាស់ទូកកាណូតទេសចរណ៍ខាងលើ ឱ្យយល់ច្បាស់ពីច្បាប់ស្តីពីបរិស្ថាន។ផាកពិន័យម្ចាស់ទូកកាណូតទេសចរណ៍ជាទឹកប្រាក់ចំនួន ២០០.០០០រៀល តាមជំពូកទី៧ នៃអនុក្រឹត្យលេខ ១១៣ អនក្រ.បក របស់ក្រសួងបរិស្ថាន។បញ្ឈប់ការប្រកបអាជីវកម្មទូកកាណូតទេសចរណ៍ឈ្មោះ បុប្ផាអង្គរតែម្តង៕

ដោយ : បន្ទាយ បន្ទាយមានជ័យ ៖ អគ្គិភ័យឆេះផ្ទះពលរដ្ឋកាលពីម៉ោង១១និង២៥នាទីព្រឹកថ្ងៃទី២៩ខែឧសភា ឆ្នាំ២០២៤ នៅជាប់សាសាមូយ៉ាង ម្តុំក្រោយសណ្ឋាគារលី ហេងឆាយ ភូមិបាលីលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ តែកម្លាំងនិងមធ្យោបាយចម្រុះបានអន្តរាគមន៍ពន្លត់ ។ អ្នកឃើញហេតុការណ៍ មន្ត្រីអាជ្ញាធរនិងមន្ត្រីសមត្ថកិច្ចនគរបាលបានអោយដឹងថា: អណ្តាតភ្លើង ផ្សែងខ្មួលខ្មៅបានចេញពីផ្ទះថ្ម ។ បន្ទាប់មកការការទាក់ទងការជួយអន្តរាគមន៍ពន្លត់ក៏មានរថយន្តទឹករបស់អាជ្ញាធរ របស់នគរបាល របស់ក្រុមហ៊ុនកាស៊ីណូនិងមន្ត្រីអាជ្ញាធរ កងកម្លាំងនគរបាល កងទ័ព កងអាវុធហត្ថ ព្រមទាំងពលរដ្ឋបានសស្រាក់សស្រាំពន្លត់ ហើយគ្រប់គ្រងបាននៅមុនម៉ោង១២ថ្ងៃត្រង់ថ្ងៃដដែល។ ប្រភពបន្តថា ការឆេះនោះ មកពីទុស្សខ្សែភ្លើង ។ឯការបង្កខូចខាត មានមួយចំនួនធំដែរ ប៉ុន្តែមិនមានមនុស្សរងរបួសរលាកឬប៉ះពាល់អាយុជីវិតឡើយ៕

ដោយ : បន្ទាយ បន្ទាយមានជ័យ ៖ អ្នកនាំពាក្យអយ្យការអមសាលាដំបូងខេត្តបន្ទាយមានជ័យកាលថ្ងៃទី២៧ ខែឧសភា ឆ្នាំ២០២៤ បានចេញសេចក្តីប្រកាសព័ត៌មានស្តីពីការចោទប្រកាន់ក្រុមក្មេងទំនើងដែលជាជនសង្ស័យចំនួន៤នាក់ ចោទពីបទហិង្សាដោយចេតនាមានស្ថានទម្ងន់ទោស។ បើយោងលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានអោយដឹងថា: កម្លាំងបានចុះប្រតិបត្តិការស្រាវជ្រាវឃាត់ខ្លួនក្មេងទំនើងចំនួន៤នាក់ មាន៖ ១.ឈ្មោះ នូវ កក្កដា ភេទប្រុស អាយុ១៧ឆ្នាំ ជនជាតិខ្មែរ ទីលំនៅបច្ចុប្បន្នភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត។ ២.ឈ្មោះ ជាន សុវណ្ណត ភេទប្រុស អាយុ១៧ឆ្នាំ ទីលំនៅភូមិប្រជាធម្មកើត សង្កាត់អូរឬស្សី ក្រុងប៉ោយប៉ែត ។ ៣.ឈ្មោះ ពៅ សារ៉ាន់ ភេទប្រុស អាយុ១៧ ឆ្នាំទីលំនៅភូមិ/ សង្កាត់ផ្សារកណ្តាល ក្រុងប៉ោយប៉ែតនិង ៤.ឈ្មោះ ឡុង ប៊ុនលាភ ភេទប្រុស អាយុ១៧ឆ្នាំ ជនជាតិខ្មែរ ទីលំនៅភូមិ/ សង្កាត់ផ្សារកណ្តាល ក្រុងប៉ោយប៉ែត ។ ជនសង្ស័យពាក់ព័ន្ធករណីហិង្សាដោយចេតនាមានស្ថានទម្ងន់ទោស ដែលប្រព្រឹត្តកាលពីវេលាម៉ោង១១ ថ្ងៃទី២០ […]

ដោយ÷សុខុម ស្ទឹងត្រែង៖មន្រ្តីជំនាញមន្ទីរប្រឆាំងគ្រឿងបានប្រគល់សំណុំរឿងជនសង្ស័យចំនួន ៤នាក់ជាប់ពាក់ព័ន្ធនឹងការដឹកជញ្ជូនគ្រឿងញៀនឆ្លងដែនទម្ងន់ជាង២៥៤ គីឡូក្រាមដែលចាប់បានកន្លងមកថ្មីនេះមកឲ្យនគរបាលស្នងការដ្ឋានខេត្តស្ទឹងត្រែងហើយនាយប់ថ្ងៃទី២៨ឧសភា ដើម្បីបន្តនីតិវិធីច្បាប់។ សូមជម្រាបជូនថា កាលពីថ្ងៃទី២៥ ខែឧសភា ឆ្នាំ២០២៤ វេលាម៉ោង០៦ និង៣០នាទីព្រឹក កម្លាំងជំនាញនៃមន្ទីរប្រឆាំងបទល្មើសគ្រឿងញៀន (ក៩) សហការជាមួយស្នងការដ្ឋាននគរបាលខេត្តស្ទឹងត្រែង ដោយមានការដឹកនាំ និងសម្របសម្រួលពីលោក ស៊ិន សុហឹង ព្រះរាជអាជ្ញារង នៃអយ្យការអមសាលាដំបូងខេត្តស្ទឹងត្រែង បានចុះស្រាវជ្រាវស៊ើបអង្កេតរហូតឈានទៅបង្ក្រាបករណីដឹកជញ្ជូន និងជួញដូរគ្រឿងញៀនឆ្លងដែនខុសច្បាប់ ស្ថិតនៅក្នុងភូមិវាលព្រីង ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។ របាយការណ៍ស្តីពីការបង្រ្កាបករណី ដឹកជញ្ជូន និងជួញដូរគ្រឿងញៀនឆ្លងដែនខុសច្បាប់ ស្ថិតនៅភូមិសាស្ត្រខេត្តស្ទឹងត្រែងបានបង្ហាញថាជាលទ្ធផល៖ ចាប់ខ្លួនជនល្មើស០៤នាក់ (ថៃ ០៣នាក់ ខ្មែរ ០១នាក់) មាន៖ ១.ឈ្មោះ អ៊ាប សុខឃឹម ភេទប្រុស អាយុ២៦ឆ្នាំ ជនជាតិខ្មែរ, ២.ឈ្មោះ គ្រីបប្រាឆាយា ភរ៉ាសក្តិ ភេទប្រុស អាយុ៤២ឆ្នាំ ជនជាតិថៃ, ៣.ឈ្មោះ សែចាំង ប្រាវីត ភេទប្រុស អាយុ៣៥ឆ្នាំ ជនជាតិថៃ, ៤.ឈ្មោះ […]

ដោយ ៖បន្ទាយ បន្ទាយមានជ័យ៖ អគ្គិភ័យឆេះផ្ទះប្រជាពលរដ្ឋ៦ខ្នងនៅភូមិគីឡូម៉ែត្រ៤ សង្កាត់ផ្សារកណ្ដាល ក្រុងប៉ោយប៉ែត នៅវេលាម៉ោង៣ រសៀលថ្ងៃទី ២៧ ខែឧសភា ឆ្នាំ ២០២៤ ។ លោកគាត ហ៊ុល អភិបាលក្រុងប៉ោយប៉ែតបានដឹកនាំកងកម្លាំងសមត្ថកិច្ចម្រុះរួមជាមួយអាជ្ញាធរ ប្រជាការពារភូមិ ក្រុមសង្គ្រោះបន្ទាន់រួមទាំងប្រជាពលរដ្ឋ ចុះជួយពន្លត់អគ្គិភ័យនោះ ។ ការជួយសង្គ្រោះ គឺអាជ្ញាធរនិងសមត្ថកិច្ចចម្រុះរួមទាំងប្រជាការពារភូមិបាននាំគ្នាជួយពន្លត់ ជាពិសេសបានការជួយអន្តរាគមន៍ពីរថយន្តពន្លត់អគ្គិភ័យចំនួន៤គ្រឿង ។ រថយន្តពន្លត់អគ្គិភ័យ :១-របស់អធិការដ្ឋាននគរបាលក្រុងប៉ោយប៉ែត១ គ្រឿង ,២-របស់រដ្ឋបាលក្រុងប៉ោយប៉ែត១គ្រឿង, ៣-របស់ក្រុមហ៊ុនត្រូពីការណា១គ្រឿង , ៤-របស់ក្រុមហ៊ុនហ្គ្រែនដាយម៉ិន ១គ្រឿង ។ ការជួយនោះនៅតែមិនអាចការពារផ្ទះទាំង៦ខ្នងមែន ប៉ុន្តែបានបង្ការការពារការឆេះរាលដាលទៅផ្ទះនិងសំណង់នានារាប់សិបខ្នងនៅជុំវិញនោះ ។ ពលរដ្ឋរងគ្រោះនិងមន្ត្រីអាជ្ញាធរមានសមត្ថកិច្ចអោយដឹងថា: មូលហេតុនៃអគ្គិភ័យនោះបណ្តាលមកពីឆ្លងចរន្តអគ្គិសនី(ទុស្សេខ្សែភ្លើង )។ការខូចខាតគឺខ្ទេចទាំងស្រុងផ្ទះបងប្អូនប្រជាពលរដ្ឋ ប៉ុន្តែមិនបង្កអោយមនុស្សណាម្នាក់រងរបួសឬស្លាប់ឡើយ ៕

ដោយ ៖ បន្ទាយ បន្ទាយមានជ័យ:ក្រោយសម្របសម្រួលកន្លងមក នាថ្ងៃបន្តបន្ទាប់មកទល់ថ្ងៃទី២៨ខែឧសភាឆ្នាំ២០២៤ នេះ ពួកកម្មករអូសរទេះហាក់ស្ថិតក្នុងភាពស្ងប់ចិត្ត មិនទាន់ធ្វើការតវ៉ាជាថ្មីលើមន្ត្រីគយនិងរដ្ឋាករច្រកទ្វារព្រំដែនអន្តរជាតិប៉ោយប៉ែត ករណីរឹតបន្តឹងការត្រួតពិនិត្យបង់ពន្ធទំនិញនាំចូលដែលពួកខ្លួនស៊ីឈ្នួលដឹកឬជ្រែអោយគេ(ម្ចាស់ទំនិញ) នោះ ។ សូមរំលឹកថា កាលពីថ្ងៃទី២៥ខែឧសភា កន្លងមក លោក គាត ហ៊ុល អភិបាលក្រុងប៉ោយប៉ែត បាននិយាយថា: ដើម្បីបញ្ចៀសនិងបញ្ចប់ការបិទផ្លូវច្រកព្រំដែននិងតវ៉ាបង្កប៉ះពាល់សណ្តាប់ធ្នាប់ច្រកទ្វារព្រំដែនអន្តរជាតិប៉ោយប៉ែត គឺមានតែស្នើដល់មន្ត្រីគយ សុំលើកលែងពន្ធមួយជើង សម្រាប់ទំនិញជាប់ពន្ធ ។ មន្ត្រីគយក៏យល់និងធ្វើតាម ។ ក្រុមកម្មករតវ៉ាដែលលើកគ្នានិងយករទេះមកបិទផ្លូវច្រកមួយចំហៀងអស់រយ:ពេលជាង១ម៉ោង ក៏យល់ព្រមបើកផ្លូវដឹកជញ្ជូនចេញពីច្រកទ្វារ សមត្ថកិច្ចជំនាញសម្រួលចរាចរណ៍រៀបចំសណ្តាប់ធ្នាប់ជាធម្មតាឡើងវិញ។ សូមបញ្ជាក់ថា កាលពីរសៀលថ្ងៃទី២៥ ខែឧសភា ឆ្នាំ២០២៤នៅច្រកទ្វារព្រំដែនអន្តរជាតិប៉ោយប៉ែត កម្មករអូសរទេះពី៥០ទៅ៦០នាក់ បានធ្វើការតវ៉ាជាមួយនឹងមន្ត្រីគយនិងរដ្ឋាករ មន្ត្រីនគរបាលអន្តោប្រវេសន៍(ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត) នៅពេលដែលសមត្ថកិច្ចគយរឹតបន្តឹងការត្រួតពិនិត្យទំនិញជាប់ពន្ធនាំចូល ។ កាលណោះកម្មករអូសរទេះបានតវ៉ាថា៖ មូលហេតុដែលពួកគាត់ធ្វើការតវ៉ានៅមុខច្រកទ្វារអន្តរជាតិប៉ោយប៉ែត ព្រោះតែមន្ត្រីគយ និងរដ្ឋាករ ត្រូវឃាត់ទំនិញតាមរទេះអូសតូច បន្តិចបន្តួចគ្រាន់បានចិញ្ចឹមជីវិត របស់ពួកគាត់ដែលស៊ីឈ្នួលដឹកឲ្យឈ្មួញឬម្ចាស់ទំនិញពីផ្សាររោងក្លឿប្រទេសថៃចូលមកកម្ពុជាតាមច្រកទ្វារព្រំដែនអន្តរជាតិប៉ោយប៉ែត និងដឹកសម្ភារ វ៉ាលិសរបស់ភ្ញៀវទេសចរត្រូវបានឃាត់ត្រួតពិនិត្យយ៉ាងតឹងតែងរកទំនិញ ។ កម្មករបន្តថា: បើទំនិញរទេះខ្លះរបស់ពួកខ្លួនមិនអាចត្រូវដឹកបានស្រួល យ៉ាងរលូននិងអនុគ្រោះដូចមុន នោះជីវភាពឬអង្ករច្រកឆ្នាំងរបស់ពួកគាត់នឹងជួបការលំបាក់និងទុក្ខធំហើយ។ ពួកកម្មករអូររទេះទាំងនោះស្នើអន្តរាគមន៍សម្របសម្រួលដោះស្រាយពីលោកអភិបាលខេត្តនិងអភិបាលក្រុងប៉ោយប៉ែតមេត្តាជើម្បីឲ្យពួកខ្លួនបានដឹកធម្មតា រលូននូវទំនិញនិងអីវ៉ាន់តូចតាចចេញ.ចូលបានដូចមុន ។ […]

ដោយ បន្ទាយ ភ្នំពេញ :នារសៀល ថ្ងៃទី២៦ ខែឧសភា ឆ្នាំ២០២៤ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ បានដឹកនាំកិច្ចប្រជុំចង្អៀតជំនាញស្រាវជ្រាវនិងបង្រ្កាបបទល្មើស ។ សមាសភាពចូលរួមមានលោកមេបញ្ជាការរងទទួលជំនាញ លោកនាយសេនាធិការ ប្រធានមន្ទីរស្រាវជ្រាវនិងបង្ក្រាបបទល្មើស ប្រធានមន្ទីរផែនការប្រតិបត្តិការនិងហ្វឹកហ្វឺន នាយការិយាល័យប្រឆាំងគ្រឿងញៀន នាយការិយាល័យព្រហ្មទណ្ឌ និងនាយការិយាល័យប្រឆាំងការជួញដូរមនុស្ស។ កិច្ចប្រជុំក្នុងគោលបំណងដកបទពិសោធន៍កិច្ចការជំនាញដើម្បីបង្កើនប្រសិទ្ធិភាពស្រាវជ្រាវនិងបង្ក្រាបបទល្មើស ជាពិសេសជម្រុញឲ្យជំនាញពាក់ព័ន្ធទាំងអស់ ត្រូវប្រឹងប្រែងបន្តការយកចិត្តដាក់អនុវត្តនូវអនុសាសន៍ដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការបង្រ្កាបបទល្មើសគ្រឿងញៀនជាអាទិភាព ព្រមទាំងទប់ស្កាត់និងបង្ក្រាបក្រុមក្មេងទំនើងដែលតែងតែបង្កអសន្តិសុខក្នុងសង្គមឲ្យបានម៉ឹងម៉ាត់បំផុត សំដៅបង្កើនការរក្សាសន្តិសុខជូនប្រជាពលរដ្ឋតាមមូលដ្ឋានឲ្យមានសុវត្តិភាពខ្ពស់។ លោកឧត្តមសេនីយ៍ឯក រ័ត្ន ស្រ៊ាង ក៏បានថ្លែងអំណរគុណផងដែរ ចំពោះកម្លាំងជំនាញពាក់ព័ន្ធទាំងអស់ ដែលកន្លងមកបានចូលរួមដោះស្រាយនូវកង្វល់ប្រចាំថ្ងៃរបស់ប្រជាពលរដ្ឋ បានទាន់ពេលវេលានិងមានប្រសិទ្ធិភាពខ្ពស់បំផុតកន្លងមក។គឺបានតបទៅនឹងបណ្តឹងតាមរយៈប្រព័ន្ធទូរស័ព្ទអត់គិតប្រាក់២៤ម៉ោង លេខ១២៩១ លើករណីហិង្សាក្នុងគ្រួសារ ការផឹកស៊ីឡូឡារំខានអ្នកជិតខាងក្នុងពេលរាត្រី ការប្រើប្រាស់គ្រឿងញៀនក្នុងសហគមន៍ ចោរកម្ម ក្មេងទំនើង…។ល។ ពោលគឺឲ្យម្ចាស់បណ្តឹង បានស្ងប់ចិត្ត ព្រមទាំងទទួលបានភាពកក់ក្តៅ និងមានទំនុកចិត្ត៕

ដោយ÷សុខុម ស្វាយរៀង ៖អាជ្ញាធរបានប្រកាសថា គម្រោងអាជីវកម្មដីឡូត៍មួយកន្លែងនៅក្រុងបាវិតខេត្តស្វាយរៀងពុំមានច្បាប់អនុញ្ញាតត្រឹមត្រូវនិងកំពុងមានបញ្ហាជាច្រើនជាប់បំណុលធនាគារ។ កាលពីពេលថ្មីៗកន្លងនេះ រដ្ឋបាលក្រុងបាវិតបានចុះផ្អាកអាជីវកម្មដីឡូតិ៍ ១កន្លែងដែលមានស្លាកគម្រោង «លីទីអភិវឌ្ឍន៍ក្រុងបាវិត» គ្មានច្បាប់អនុញ្ញាត និងកំពុងពាក់ព័ន្ធបញ្ហាជាច្រើនមិនទាន់ដោះស្រាយចប់។ រដ្ឋបាលក្រុងបាវិតបានបញ្ជាក់ថា៖ «គម្រោងលីទីអភិវឌ្ឍន៍ ក្រុងបាវិត ប្រកបអាជីវកម្មលក់ដីឡូតិ៍មានទីតាំងស្ថិតនៅភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង គ្មានច្បាប់អនុញ្ញាតធ្វើអាជីវកម្មនោះទេ ។ គម្រោងដីឡូត៍អភិវឌ្ឍន៍ក្រុងបាវិតនេះមាន វិញ្ញាបនបត្រសម្គាល់ម្ចាស់អចលនវត្ថុលេខ ២០០៨០២០៣-៣១៦៧ មានទីតាំងដីគម្រោង ស្ថិតនៅភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង (ខាងត្បូងផ្សារអន្តរជាតិបាវិត) បានចុះបញ្ជីហ៊ីប៉ូតែក (ជាប់បន្ទុកធនាគារ)។ បច្ចុប្បន្ន ក្រុមហ៊ុនខាងលើកំពុងប្រកាសដាក់លក់ដីឡូតិ៍ តាមរយៈក្រុមហ៊ុនស៊ី អិល ភី អ ខនស្ត្រាក់សិន ឯ.ក (CLPR CONSTRUCTION CO.,LTD) និងមាន Facebook Page ឈ្មោះ ស៊ី អិលភីអខនស្ត្រាក់សិន។ ហេតុដូច្នេះហើយទើបអាជ្ញាធរប្រកាសឲ្យមានការប្រុងប្រយ័ត្ន៕

ដោយ ៖ សុខុម ព្រះវិហារ ៖សមាជិកក្រុមប្រឹក្សាឃុំម្នាក់បាត់បង់ជីវិតពេលកំពុងបើកបរត្រាក់ទ័រភ្ជួរដីដើម្បីដាំដំឡូងមីហើយជាន់ចំមីនតោនផ្ទុះកាលពីថ្ងៃទី២៦ ឧសភា២០២៤ នៅភូមិសែនតេជះ ឃុំមរកត ស្រុកជាំក្សាន្ត ខេត្តព្រះវិហារ។ សមត្ថកិច្ចបានឲ្យដឹងថា៖ ជនរងគ្រោះឈ្មោះ ថោង ចន ភេទប្រុស អាយុ ៣៨ឆ្នាំ ជាសមាជិកក្រុមប្រឹក្សាឃុំរំដោះស្រែ រស់នៅក្នុងភូមិស្វាយ ឃុំរំដោះស្រែ ស្រុកជាំក្សាន្ត។ សមត្ថកិច្ចបានឲ្យដឹងទៀតថា នៅមុនពេលកើតហេតុ សមាជិកក្រុមប្រឹក្សាឃុំខាងលើទំនេរពីការងាររដ្ឋឆ្លៀតពេលបើកបរត្រាក់ទ័រតែម្នាក់ឯងដើម្បីភ្ជួរដីដាំដំឡូងមី។គាប់ជួនពេលនោះត្រាក់ទ័រក៏បានជាន់ចំមីនតោនដែលកប់នៅក្នុងដីបន្សល់តាំងពីសម័យសង្គ្រាមផ្ទុះឮយ៉ាងខ្លាំងបណ្ដាលឱ្យអ្នកបើកត្រាក់ទ័រស្លាប់ក្រោយពេលក្រុមគ្រួសារបញ្ជូនទៅដល់មណ្ឌលសុខភាពសែនតេជះឃុំមរកត ។ ក្រោយពីមានករណីកើតឡើងជាច្រើនដងពីករណីភ្ជួរដីផ្ទុះមីនតោន អាជ្ញាធរមានសមត្ថកិច្ចដាស់តឿនប្រជាពលរដ្ឋបង្កើនការប្រុងប្រយ័ត្នមុននឹងភ្ជួរដីធ្វើកសិកម្ម ប្រជាពលរដ្ឋត្រូវសួរនាំអាជ្ញាធរមានសមត្ថកិច្ចជាមុនសិនដើម្បីជៀសវាងគ្រោះអកុសលកើតឡើង ៕

ដោយ÷សុខុម ភ្នំពេញ÷ក្រោយពីបង្ក្រាបបានឧក្រិដ្ឋជនជួញដូរគ្រឿងញៀនជនជាតិថៃបីនាក់និងខ្មែរម្នាក់នៅខេត្តស្ទឹងត្រែង ដកហូតបានគ្រឿងញៀនជាង២៥៧គីឡូក្រាម រថយន្តបួនគ្រឿង និងគ្រាប់បែកដៃពីរគ្រាប់នោះមក សមត្ថកិច្ចបញ្ជូនជនសង្ស័យនិងភស្តុតាងទៅរាជធានីភ្នំពេញដើម្បីបន្តនីតិវិធី។ សមត្ថកិច្ចបង្ហើបឲ្យដឹងថា ការបង្ក្រាបគ្រឿងញៀនទ្រង់ទ្រាយធំនៅខេត្តស្ទឹងត្រែងជាប់ព្រំដែនកម្ពុជាឡាវមួយនេះបានធ្វើឡើងកាលពីថ្ងៃទី២៥ឧសភា២០២៤។ ជាមួយនោះកម្លាំងសមត្ថកិច្ចBLOសហការ,នគរបាលប្រឆាំងបទល្មើសគ្រឿងញៀនក៩ក្រសួងមហាផ្ទៃបង្ក្រាបនៅតាមដងផ្លូវជាតិលេខ៧ ភូមិវាលព្រីង ឃុំអូរស្វាយ ស្រុកបុរីអូរស្វាយសែនជ័យ ចន្លោះភូមិគីឡូប្រាំបី សង្កាត់សាមគ្គី ក្រុងស្ទឹងត្រែង។ ក្រោយឃាត់ខ្លួនជនជាតិថៃបីនាក់និងខ្មែរម្នាក់ រថយន្តស៊េរីទំនើប៤គ្រឿង,គ្រឿងញៀនដ៏ច្រើនសន្ធឹកសន្ធាប់ភ្លាមនោះសមត្ថកិច្ចបញ្ជូនទៅភ្នំពេញដើម្បីសួរចម្លើយរកអ្នកពាក់ព័ន្ធផ្សេងទៀត៕

ដោយ÷សុខុម ភ្នំពេញ÷កម្លាំងនាយកដ្ឋាននគរបាលព្រហ្មទណ្ឌ ដឹកនាំស្រាវជ្រាវបង្ក្រាបករណីក្មេងទំនើងកាប់ប្រហារគ្នាបណ្ដាលឲ្យស្លាប់ម្នាក់នៅស្រុកស្នួល ខេត្តក្រចេះ មកដល់ថ្ងៃទី២៧ឧសភា២០២៤នេះមន្ត្រីជំនាញឃាត់ខ្លួនជនសង្ស័យបានចំនួន២នាក់ហើយ។ ដោយឡែកបក្ខពួកម្នាក់ផ្សេងទៀតសមត្ថកិច្ចកំពុងបន្តស្វែងរកចាប់ខ្លួន។ សូមជម្រាបជូនថា កាលពីថ្ងៃទី១២ ខែឧសភា ឆ្នាំ២០២៤ មានករណីឃាតកម្មគិតទុកជាមុន (ក្មេងទំនើងកាប់ប្រហារគ្នា) នៅចំណុចផ្លូវលំ ស្ថិតក្នុងភូមិផ្សារស្នួល ឃុំស្នួល ស្រុកស្នួល ខេត្តក្រចេះ ។បង្កដោយជនមិនស្គាល់អត្តសញ្ញាណបានធ្វើសកម្មភាពពួនស្ទាក់យកដាវកាប់ទៅលើជនរងគ្រោះឈ្មោះ ខុន ទិត្យថារ៉ាក់ ភេទប្រុស អាយុ១៤ឆ្នាំ រស់នៅភូមិផ្សារស្នួល ឃុំស្នួល ស្រុកស្នួល ខេត្តក្រចេះ ត្រូវចំក្បាលខាងស្ដាំ បណ្ដាលឲ្យមានស្នាមដាច់ចេញឈាម (រងរបួសធ្ងន់) និងបានស្លាប់ក្រោយពេលសាច់ញាតិជនរងគ្រោះបញ្ជូនទៅសង្រ្គោះបន្ទាន់នៅមន្ទីរពេទ្យបង្អែកខេត្តក្រចេះ។ ក្រោយពីធ្វើសកម្មភាពរួចជនល្មើសបានរត់គេចខ្លួនបាត់។ ក្រោយពីទទួលបានព័ត៌មានខាងលើ ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន, ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ កម្លាំងជំនាញរបស់នាយកដ្ឋាននគរបាលព្រហ្មទណ្ឌ បានដឹកនាំសហការជាមួយកម្លាំងជំនាញរបស់ស្នងការដ្ឋាននគរបាលខេត្តក្រចេះ, ខេត្តស្ទឹងត្រែង, ខេត្តមណ្ឌលគិរី, ខេត្តរតនគិរី និងខេត្តឧត្តរមានជ័យ បានប្រើវិធានការជំនាញ ធ្វើការស្រាវជ្រាវតាមនីតិវិធីរហូតកំណត់បានអត្តសញ្ញាណ និងទីតាំងលាក់ខ្លួនរបស់ជនសង្ស័យ។ កម្លាំងនាយកដ្ឋានដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន […]

ដោយ  ៖ បន្ទាយ បន្ទាយមានជ័យ ៖ ជនសង្ស័យដែលគេចខ្លួនពីបទល្មើសនេសាទចាស់នៅអាងត្រពាំងថ្ម ឥឡូវត្រូវបានចាប់ខ្លួនក្នុងបទល្មើសដដែល តែប្រព្រឹត្តថ្មី។ សមត្ថកិច្ចជំនាញបរិស្ថានដែលជាម្ចាស់ករណីនេះ ហើយក្នុងនាមមន្ត្រីនគរបាលយុត្តិធម៌បានកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការ ហើយចៅក្រមស៊ើបសួរបានចេញឃុំបណ្តោះអាសន្ននាពេលកន្លងមកនេះ។ប៉ុន្តែរឿងនេះសមត្ថកិច្ចបានព្យាយាមមិនផ្តល់ព័ត៌មានឡើយ  ហេតុនេះទើបមានប្រភពផ្សេងបានទម្លាយអោយដឹងកាលពីថ្ងៃទី២៤ ខែឧសភាឆ្នាំ២០២៤ ។ ប្រភពគួរអោយទុកចិត្តបានអោយដឹងថា:  សមត្ថកិច្ចចម្រុះ មានមន្ត្រីអភិរក្សតំបន់ការពារធម្មជាតិអាងត្រពាំងថ្មនៃមន្ទីរបរិស្ថានខេត្ត  មន្ត្រីអាជ្ញាធរដែនដី នគរបាលប៉ុស្ដិ៍ឃុំប៉ោយចារ ឃុំស្រះជីក និងនគរបាលស្រុកភ្នំស្រុក កាលពីថ្ងៃទី៥ ខែឧសភា ឆ្នាំ២០២៤ វេលាម៉ោង ១៣និង៣០នាទីរសៀលដែលដឹកនាំដោយលោកវរសេនីយ៍ឯក ប៉ិក គឹមហ៊ាក់  អធិការនគរបាលស្រុកប្រដាប់ដោយអាវុធនិងមធ្យោបាយបានចុះបង្ក្រាបបទល្មើសនេសាទ (ឆក់ត្រី) នៅចំណុចចកតូច ស្ថិតក្នុងអាងត្រពាំងថ្ម ភូមិសាស្ត្រឃុំប៉ោយចារ ។ ជាលទ្ធផលនៃការបង្ក្រាបនោះ  បានឃាត់ខ្លួនជនសង្ស័យបានចំនួន២នាក់ ១.ឈ្មោះ វើយ ចាន់រុំ ភេទប្រុស  អាយុ៣១ឆ្នាំ ទីលំនៅបច្ចុប្បន្នភូមិឈូកអាង ឃុំប៉ោយចារ ស្រុកភ្នំស្រុក ខេត្តបន្ទាយមានជ័យនិង២.ឈ្មោះ ងួន  យ៉ាន់ ភេទប្រុស  អាយុ៣៩ឆ្នាំ ទីលំនៅបច្ចុប្បន្នភូមិតាដួល ឃុំផ្គាំ ស្រុកស្វាយចេក ខេត្តបន្ទាយមានជ័យ ។ ប្រភពបន្តថា […]