ដោយ : បន្ទាយ ពោធិ៍សាត់៖ បេសកកម្មរុករកឧទ្ធម្ភាគចក្រនិងកងទ័ព២នាក់ដែលកំពុងបើកបរហ្វឹកហ្វឺន ហើយបាត់ពីការទាក់ទង នៅតែរកមិនឃើញនៅឡើយមកទល់ថ្ងៃទី១៨ ខែកក្កដាឆ្នាំ២០២៤ ឬចូលជាថ្ងៃទី៦ទៅហើយនេះ។បញ្ហាអាកាសធាតុត្រូវក្រុមការងារចាត់ទុកថាជាមូលហេតុធំជាងគេដែលបង្កើនសម្ពាធឧបសគ្គដល់បេសកកម្មនេះ ។ ជាការផ្តល់កម្លាំងចិត្តដល់ក្រុមការងារ កាលពីថ្ងៃទី១៧ ខែកក្កដា លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានចុះទៅពិនិត្យប្រតិបត្តិការរបស់កម្លាំងចម្រុះនៅទីបញ្ជាការស្រាលនាថ្មដា ឃុំថ្មដា ស្រុកវាលវែង ខេត្តពោធិ៍សាត់ ។ ប្រភពព័ត៌មានពីស្រុកវាលវែងបានឲ្យដឹងនាថ្ងៃទី១៨ខែកក្កដាថា: ប៉ុន្មានថ្ងៃមកនេះ ជាពិសេសពេលនេះ នៅភូមិសាស្ត្រក្រុមការងារបេសកកម្មដាក់គោលដៅថាជាកន្លែងសង្ស័យ៥០គីឡូម៉ែត្រក្រឡាម្តុំខាងលិចភ្នំខ្មោចនៃជួរភ្នំក្រវាញ ដែលឧទ្ធម្ភាគចក្រអាចធ្លាក់និងតំបន់ជុំវិញបាននិងកំពុងមានភ្លៀងធ្លាក់ខ្លាំង ពោលគឺបន្ថែមភ្លៀងរលឹមស្ទើររាល់ថ្ងៃនោះ ។ ហេតុនេះនៅក្នុងព្រៃជ្រលងដងភ្នំ ជ្រៅអូរស្ទឹងត្រូវគ្របដណ្តប់ដោយទឹកភ្លៀងនិងទឹកជន់ឡើង ហើយហូរគំហុកខ្មួលខ្មាញ់ ដែលបង្កការលំបាកបន្ថែមទៀតដល់បេសកកម្មដែលមិនជោគជ័យស្រាប់មួយនេះ។ តម្រុយណាមួយពាក់ព័ន្ធ ឬក៏បំណែកឧទ្ធម្ភាគចក្រនិងកងទ័ព២នាក់នៅតែមិនមាន ។ទន្ទឹមនឹងនេះមានព្រឹត្តិការណ៍ជាច្រើនបានកើតនិងបង្កើតឡើងទាក់ទិនការបាត់និងបេសកកម្មរុករកឧទ្ធម្ភាគចក្រនិងកងទ័ព២នាក់នេះ។ សារព័ត៌មានក្នុងស្រុកនៅប្រទេសថៃបានរាយការណ៍ថា៖ កងកម្លាំងថៃនៅក្នុងខេត្តត្រាតនិងច័ន្ទបូរី(ដែលជាប់ព្រំប្រទល់ដែនកម្ពុជានៃខេត្តកោះកុង ពោធិ៍សាត់ បាត់ដំបងនិងប៉ៃលិន ក៏បានព្យាយាមស្វែងរកឧទ្ធម្ភាគចក្រនិងមនុស្ស២នាក់របស់កម្ពុជាដែលបានបាត់ពីការទាក់ទងឬសង្ស័យធ្លាក់នោះដែរ  ក្រែងលោបានឆ្លងចូលក្នុងទឹកដីថៃ ។ ប៉ុន្តែសញ្ញានៃកងការពារអាកាសថៃ ថាមិនមានការហោះចូលទេ ។ ខណ:នេះដែរ ហ្វេសប៊ុករបស់ឈ្មោះកល្យាណ ណាតារ៉ា(Kanlyan Natara) ដែលថា ជារូបប្រពន្ធរបស់ពីឡុតឈ្មោះលោកខេង ឆៃយុទ្ធ ចេញរូបនិងខ្លឹមសារជាបន្តបន្ទាប់ ដែលមានខ្លឹមសារជាអាថ៌ថា: […]

ដោយ៖ព្រះអង្គខ្មៅ បាត់ដំបង÷ ភ្លៀងធ្លាក់ខ្លាំងជាប់ៗគ្នាបានធ្វើឲ្យដីប្របមាត់ស្ទឹងសង្កែជាច្រើនម៉ែត្របាក់ស្រុត ប៉ះពាល់ផ្ទះ និងទ្រព្យសម្បត្តិរបស់ប្រជាពលរដ្ឋជាច្រើនគ្រួសារ។ អាជ្ញាធរស្រុកឯកភ្នំបានបញ្ជាក់ឲ្យដឹងនៅថ្ងៃនេះថា÷ ហេតុការណ៍ដីមាត់ច្រាំងស្ទឹងបាក់ស្រុតអំឡុងពេលក្រោយធ្លាក់ភ្លៀងនេះ បានកើតឡើងនៅវេលាម៉ោង ២រំលងអធ្រាត្រ ថ្ងៃទី១៧ ឈានចូលថ្ងៃទី១៨ ខែកក្កដា ឆ្នាំ២០២៤ នៅក្នុងភូមិសាស្ត្រ ភូមិស្នាពីមុខ ឃុំព្រែកខ្ពប ស្រុកឯកភ្នំ ខេត្តបាត់ដំបង។ ឧបទ្ទវហេតុនេះបានបណ្តាលឲ្យបាក់ស្រុតដីច្រាំងមាត់ស្ទឹងប្រវែងប្រមាណ ៥០ម៉ែត្រ និងបណ្តាលឲ្យផ្ទះបាយរានខាងក្រោយផ្ទះរបស់ប្រជាពលរដ្ឋបាក់ស្រុតខូចខាតអស់ចំនួន ២ខ្នងផ្ទះ និងរោងកាហ្វេមួយខ្នងផងដែរ។ មន្ត្រីរដ្ឋបាលស្រុកឯកភ្នំបានបន្ថែមថា÷ ចំពោះមុខនេះ ក្រៅពីការប្រើប្រាស់កម្លាំងគណ:បញ្ជាការស្រុកចុះជួយរៀបចំសម្រាលការលំបាករបស់ប្រជាពលរដ្ឋ រដ្ឋបាលស្រុកសូមអំពាវនាវដល់បងប្អូនដែលរស់នៅតាមប្របដងស្ទឹងសង្កែ ពិសេសប្រជាពលរដ្ឋដែលរស់នៅលើសំណង់មិនរៀបរយ ត្រូវបង្កើនការប្រុងប្រយ័ត្នខ្ពស់ចំពោះទ្រព្យសម្បត្តិ កូនចៅជាដើម ដោយហេតុថារដូវនេះជារដូវវស្សា ដូច្នេះទឹកស្ទឹងសង្កែអាចជន់ហក់ឡើងមិនទៀងទាត់៕  

ដោយ៖សុខុម ស្ទឹងត្រែង៖ចៅក្រមនៃសាលាដំបូងខេត្តស្ទឹងត្រែងនៅថ្ងៃទី១៧កក្កដា២០២៤ បានសម្រេចចេញដីកាឃុំខ្លួនបុរសជនជាតិឡាវម្នាក់និងខ្មែរម្នាក់ក្រោយតំណាងអយ្យការចោទប្រកាន់ពីបទជួញដូវនូវសាធាតុញៀនខុសច្បាប់។ សមត្ថកិច្ចកងរាជអាវុធហត្ថខេត្តស្ទឹងត្រែងបានឱ្យ Cambodia Flash News (CFN) ដឹងថា កម្លាំងយោធាផ្នែកសឹករងស្រុកបុរីអូរស្វាយសែនជ័យគឺជាអ្នកបង្រ្កាបករណីជួញដូរគ្រឿងញៀនឃាត់ខ្លួនជនសង្ស័ចំនួន០២នាក់ កាលពីថ្ងៃទី១៥កក្កដា២០២៤។ ទី១.ឈ្មោះលឺ ទ្បួងម៉ានី អាយុ ៣៣ ឆ្នាំ ជនជាតិទ្បាវ មានទីលំនៅឃីខួយ ស្រុកមឿងខូង ខេត្តចំប៉ាសាក់ ប្រទេសទ្បាវ និងទី២.ឈ្មោះលីន គីក អាយុ៥០ឆ្នាំ ជនជាតិខ្មែរ មានទីលំនៅ ភូមិកោះឈើទាលធំ ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង ។ ករណីនេះបង្ក្រាបបាននៅភូមិសាស្ត្រកោះឈើទាលធំ ឃុំព្រះរំកិល ដោយកម្លាំងយោធា និងបានប្រគល់ឱ្យកងរាជអាវុធហត្ថខេត្តស្ទឹងត្រែង។ វត្ថុតាង រឹបអូសពីជនសង្ស័យរួមមាន៖ គ្រឿងញៀនមេតំហ្វេតាមីន(WY)ចំនួន៤៨ កញ្ចប់តូច ស្មើនឹង ៩៦០០គ្រាប់ទម្ងន់សុទ្ធ៩៦៦,៤ក្រាម,ទូរសព្ទដៃចំនួន១គ្រឿង.លុយទ្បាវ ចំនួន៧,៨០៥០០០គីប។ ក្រោយបញ្ចប់នីតិវិធី កម្លាំងកងរាជអាវុធហត្ថខេត្តក៏បានបញ្ជូនសំណុំរឿងទៅតុលាការនិងបន្តឃុំខ្លួនដាក់ពន្ធនាគារជាបណ្ដោះអាសន្នដើម្បីរង់ចាំការស៊ើបអង្កេតជាបន្តទៀត៕

ដោយ : បន្ទាយ ព្រះវិហារ : ភ្លៀងធា្លក់នៅប៉ុន្មានថ្ងៃជាប់ៗគ្នាមកនេះ បង្កឱ្យភូមិសាស្ត្រភូមិខ្លះនៃឃុំ សង្កាត់ខ្លះនៅស្រុកឆែប ក្រុងព្រះវិហារ ស្រុកជ័យសែន ខេត្តព្រះវិហារ ទទួលនូវការលិចលង់ដោយជំនន់ទឹកភ្លៀង គឺជំនន់ពីថ្ងៃទី១៥ខែកក្កដាមក ដោយក្នុងនោះ ភូមិជោគជ័យ ឃុំសង្កែ២ ស្រុកឆែប ក៏រងគ្រោះយ៉ាងដំណំដែរ ។ អភិបាលរងម្នាក់នៃខេត្តព្រះវិហារ លោក ណុប វុទ្ធី អោយសារព័ត៌មានCambodia Flash News (CFN) ដឹងកាលពីម្សិលមិញថា : ជំនន់ទឹកភ្លៀងបង្កពីភ្លៀងធ្លាក់រណ្តំក្នុងភូមិសាស្ត្រនោះបានធ្វើឲ្យលិចផ្លូវ លិចទីធ្លា ទឹកហូរខ្លាំងនិងលិចទីធ្លានៃផ្ទះប្រជាពលរដ្ឋចំនួន៤២៣ខ្នងផ្ទះ ខូចផ្លូវ ព្រមទាំងដំណាំស្រូវនិងបន្លែខ្លះមួយចំនួនទៀត ។ ទោះយ៉ាងណា ពុំមានរបាយការណ៍ពីជនរងគ្រោះដល់អាយុជីវិត ឬរងរបួសឬក៏ចាំបាច់ត្រូវជន្លៀសពលរដ្ឋនោះដែរ។ លោកគីម រិទ្ធី អភិបាលខេត្តព្រះវិហារបានដឹកនាំមន្ត្រីនៃមន្ទីរជំនាញនិងអាជ្ញាធរស្រុកចុះពិនិត្យស្ថានភាពជំនន់ទឹកភ្លៀងនៅចំណុចស្ពានអូរស្មៀត ក្នុងឃុំតស៊ូ ស្រុកជ័យសែននិងឃុំឆែប១ ស្រុកឆែប ខេត្ដព្រះវិហារ។ លោកថា :តមកស្ថានភាពជំនន់ទឹកភ្លៀងបានស្រកចុះបណ្តើរៗក្នុងលក្ខណៈស្រកខាងលើ ស្រុងខាងក្រោម ។ ម្យ៉ាងដោយសារអត់មានភ្លៀងធ្លាក់ជាថ្មី ត្រឹមថ្ងៃទី១៧ខែកក្កដា ឯភូមិសាស្ត្ររងផលប៉ះពាល់ ហើយមន្ត្រីអាជ្ញាធរនិងជំនាញបន្តតាមដានពីការប្រែប្រួលធាតុអាកាសនិងជំនន់ទឹកភ្លៀងនេះ ៕

ដោយ : បន្ទាយ បន្ទាយមានជ័យ ៖ ទីតាំងថ្មីមួយដែលទើបរកឃើញថាម្ចាស់វាបានលួចចម្រាញ់ផលិតផលពីស្លឹកក្រាធំដែលអាជ្ញាធរនិងសមត្ថកិច្ចកម្ពុជាហាមឃាត់នោះ ត្រូវបាននគរបាលក្រុងប៉ោយប៉ែតនិងសង្កាត់អូរជ្រៅឆ្មក់បង្ក្រាប រឹបអូសវត្ថុតាងនិងបិទដំណើរការកាលពីថ្ងៃទី១៦ខែកក្កដាឆ្នាំ២០២៤ ។ ទីតាំងស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែតខេត្តបន្ទាយមានជ័យ ។ លោកវរសេនីយ៍ព្រហ្ម ពិសិដ្ឋ អធិការនគរបាលក្រុងប៉ោយប៉ែតអោយដឹងថា: ពិតជាមានការបង្ក្រាបទីតាំងចម្រាញ់ កែច្នៃស្លឹកក្រាធំនោះមែន។ នេះជាការអនុវត្តបទបញ្ជាររបស់គណ:បញ្ជាការឯកភាពរដ្ឋបាលក្រុងនិងបទបញ្ជាលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត ដោយសហការជាមួយកម្លាំង ប៉ុស្តិ៍នគរបាលរដ្ឋបាលសង្កាត់អូរជ្រៅចុះចាប់និងដកហូត ទីតាំងផលិតនិងចែកចាយទឹកក្រាធំមួយកន្លែង។ ប្រភពបន្តថា : បន្ទាប់ពីសួរនាំរួចរាល់ កម្លាំងនគរបាលបានបន្តដកហូតសម្ភារសម្រាប់ផលិតយកទៅរក្សាទុកនិងបំផ្លាញចោល ហើយបិទទីតាំងនោះ។ចំណែកអ្នកផលិតឬម្ចាស់ទីតាំងនិងសារធាតុនោះ ត្រូវណែនាំនិងធ្វើកិច្ចសន្យាបញ្ឈប់សកម្មភាពផលិតបន្តទៀត ។ ប៉ុន្តែនីតិវិធីមិនមានការឃាត់ខ្លួនឬកសាងសំណុំរឿងបញ្ជូននោះទេ ពោលគឺដូចស្មារតីដែលគណ:បញ្ជការរដ្ឋបាលខេត្តបន្ទាយមានជ័យបានប្រជុំកាលពីថ្ងៃទី៣០ខែមិថុនា ឆ្នាំ២០២៤ ៕

ដោយ : បន្ទាយ បន្ទាយមានជ័យ៖ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានអញ្ជើញដឹកនាំកម្លាំងចូលរួមប្រកាសសមាសភាពក្រុមការងារប្រឆាំងការសម្អាតប្រាក់ និងហិរញ្ញប្បទានភេរវកម្ម របស់អគ្គស្នងការដ្ឋាននគរបាលជាតិ ព្រមទាំងពិធីផ្សព្វផ្សាយសេចក្តីណែនាំផ្សេងៗតាមប្រព័ន្ធវីឌីអូ Zoom នៅស្នងការដ្ឋាននគរបាលខេត្តបន្ទាយមានជ័យ ។ កិច្ចប្រជុំនេះធ្វើឡើងក្រោមអធិបតីភាពលោកឧត្តមសេនីយ៍ឯក ស៊ាង ធារិទ្ធ អគ្គស្នងការរងនគរបាលជាតិ និងមានការអញ្ជើញចូលរួមពីលោកឧត្តមសេនីយ៍ស្នងការរាជធានីខេត្តទាំង២៥ ។ កិច្ចប្រជុំនេះមានរបៀបវារៈមួយចំនួនដូចជា៖ ១-ប្រកាសសមាសភាពក្រុមការងារប្រឆាំការសម្អាតប្រាក់ និងហិរញ្ញប្បទានភេរវកម្ម ២-ផ្សព្វផ្សាយសេចក្តីណែនាំវិធានការអនុវត្តសម្រាប់ជនបរទេសដែលបានប្តឹងស្នើសុំកិច្ចអន្តរាមគមន៍សង្គ្រោះ និង ៣-បញ្ហាផ្សេងៗ៕

ដោយ៖ បន្ទាយ ភ្នំពេញ៖កម្លាំងកងរាជអាវុធហត្ថរាជធានីភ្នំពេញ បានឃាត់ម្ចាស់រថយន្តចំនួន០២គ្រឿង ដែលបានកែច្នៃបំពង់ស៊ីម៉ាំងបង្កឲ្យមានសំឡេងរំខានដល់ប្រជាពលរដ្ឋ និងបង្កឲ្យបាត់បង់សណ្ដាប់ធ្នាប់សាធារណ: យកមកអប់រំ និងណែនាំឲ្យដោះស៊ីម៉ាំងចេញជាបន្តបន្ទាប់។ ការបង្រ្កាបរថយន្តទាំង០២គ្រឿង រួមមាន ៖ ១- រថយន្តទី១ ម៉ាក  MASDA ពណ៌ស ពាក់ផ្លាកលេខ ភ្នំពេញ 2AF-1979 ត្រូវបានកម្លាំងមូលដ្ឋានអាវុធហត្ថខណ្ឌទួលគោក ធ្វើការឃាត់នៅផ្លូវ៥៩២ សង្កាត់បឹងកក់២ ខណ្ឌទួលគោក រាជធានីភ្នំពេញ និងរថយន្តទី២ ម៉ាក MASDA ពណ៌ស ពាក់ផ្លាកលេខ ភ្នំពេញ 2BH-3559 ត្រូវបានកម្លាំងមូលដ្ឋានអាវុធហត្ថខណ្ឌដូនពេញឃាត់នៅផ្លូវព្រះមុន្នីវង្សកែងនឹងផ្លូវ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញ។ បន្ទាប់ពីបានអប់រំរួច កម្លាំងជំនាញអាវុធហត្ថរាជធានីភ្នំពេញ បានណែនាំម្ចាស់រថយន្តទាំង០២គ្រឿងឲ្យដោះបំពង់ស៊ីម៉ាំងកែច្នៃចេញ ហើយបំពាក់បំពង់ស៊ីម៉ាំងធម្មតាវិញ និងធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងរថយន្តខុសលក្ខណៈបច្ចេកទេស បង្កការរំខានដល់សាធារណជនតទៅទៀត ៕

ដោយ ៖ បន្ទាយ បន្ទាយមានជ័យ ៖ ក្មេងទំនើង៧នាក់ដែលបែកគំនិតបែបភ្លីភ្លើនិងប្រព្រឹត្តល្មើសនាំគ្នាអង្គុយ ឈរនៅតាមផ្លូវជាតិ ហើយចាំយកដុំថ្មគប់កញ្ចក់រថយន្តរបស់អ្នកដំណើរតាមផ្លូវជាតិនិងគប់ប្រជាពលរដ្ឋធ្វើដំណើរតាមមធ្យោបាយផ្សេងទៀតពេលយប់ ត្រូវបានកម្លាំងនគរបាលស្រុកមង្គលបូរីកំណត់មុខសញ្ញានិងស្រាវជ្រាវឃាត់ខ្លួនបានជាបន្តបន្ទាប់កាលពីថ្ងៃទី១១ដល់ថ្ងៃ១៣ខែកក្កដា ។ ការឃាត់ខ្លួនជនពាលទាំង៧នាក់ ក្រោយពីមានពាក្យបណ្តឹងពីជនរងគ្រោះអ្នកធ្វើដំណើរតាមផ្លូវជាតិនិងប្រជាពលរដ្ឋ។ លោកវរសេនីយ៍ឯក ឌី ទាវ អធិការនគរបាលស្រុកមង្គលបូរីបានឲ្យដឹងថា : អនុវត្តតាមបទបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ លោកបានដឹកនាំកម្លាំងឲ្យចុះចាប់ខ្លួនក្មេងទំនើងដែលប៉ុនប៉ងនិងបានយកថ្មគប់លើរថយន្តអ្នកធ្វើដំណើរនិងប្រជាជាពលរដ្ឋបន្ទាប់ពីពួកគេប្រព្រឹត្តនៅលើដងផ្លូវខេត្ត១៥៩សេ ចន្លោះឃុំសឿនិងឃុំរហាត់ទឹក ស្រុកមង្គលបូរី ខេត្តបន្ទាយមានជ័យ កាលពីយប់ថ្ងៃទី១១ខែកក្កដា ឆ្នាំ២០២៤កន្លងមក ។ កម្លាំងនគរបាលស្រុក១ក្រុម សហការជាមួយកម្លាំងផែនព្រហ្មទណ្ឌ បានចុះធ្វើការស្រាវជ្រាវឈានដល់ឃាត់ខ្លួនបានក្មេងទំនើងបាន៧នាក់យកមកអធិការស្រុកមង្គលបុរីដើម្បីធ្វើការសាកសួរ។ លោកបានបន្តថា: ក្មេងទំនើងទាំង៧នាក់ ភេទប្រុស រួមមាន : ១-ឈ្មោះ ឈាក ច័ន្ទរត្ថា អាយុ ២០ឆ្នាំ ។ ២-ឈ្មោះ ហូរ គឹមណាក់ អាយុ ១៦ឆ្នាំ ៣- ឈ្មោះ ឆាត សៀវទិញ អាយុ ១៧ឆ្នាំ ៤-ឈ្មោះ ឈាក […]

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា នឹងអនុញ្ញាតឱ្យលេងល្បែងអនឡាញ ក្នុងករណីមានច្បាប់ពីខាងគណៈកម្មការគ្រង់គ្រងល្បែងពាណិជ្ជកម្ម អនឡាញ( គ.ល.ក) និងមានការកំណត់ចម្ងាយឱ្យបានច្បាស់លាស់ គឺឃ្លាតពីទីតាំងរដ្ឋបាល,សាលារៀន និងវត្តអារាម។ ឯកឧត្តមអភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្តបានថ្លែងបែបនេះ នៅក្នុងការដែលឯកឧត្តមបានអញ្ជើញចូលរួម ប្រជុំបូកសរុបលទ្ធផលការងារ នៃការអនុវត្តគោលនយោបាយភូមិ ឃុំ-សង្កាត់មានសុវត្ថិភាពប្រចាំឆមាសទី១ និងលើកទិសដៅបន្ត នៅក្នុងសាលាខេត្តកំពង់ចាមនាព្រឹកថ្ងៃទី ១៥ កក្កដានេះ។ ឯកឧត្តមប្រធានគណៈបញ្ជាការឯកភាពខេត្តកំពង់ចាមបានថ្លែងថា៖ បើចង់បើកលេងល្បែងអនឡាញ ចាំបាច់ត្រូវមានលិខិតអនុញ្ញាតជាថ្មី ពី គ.ល.ក ជាមុនសិន។ ក្នុងនោះការបើកនេះទៀតសោត ហាមនៅក្បែរទីតាំងរដ្ឋបាល ក្បែរសាលារៀន ឬក្បែរវត្តរាម គឺត្រូវឃ្លាតពីទីតាំងសាធារណៈទាំងនេះ ដែលកំណត់ដោយអាជ្ញាធរ។ ឯកឧត្តមបានរំលឹកថា៖ កន្លងមកនៅខេត្តកំពង់ចាមល្បែងមួយនេះមានចំនួន ៤៩៥ ទីតាំង អាជ្ញាធរបានចុះធ្វើកិច្ចសន្យាបញ្ឈប់ និងបិទដោយស្ម័គ្រចិត្តរយៈបីថ្ងៃ។ ខណៈដែលកាលនោះខេត្តកំពង់ចាម មានច្បាប់អនុញ្ញាតចំនួន បី ប៉ុណ្ណោះ។ ប៉ុន្តែមួយរយៈថ្មីៗ នេះមានការលួចបើក ចំនួន ១៨ កន្លែង យើងចុះទៅបិទ ឈានដល់ការអនុវត្តច្បាប់៕

ដោយ៖ បន្ទាយ បន្ទាយមានជ័យ៖ជននជាតិថៃចំនួន៥នាក់ជាមិត្តនិងគ្នាដែលផ្តើមពីជម្លោះពាក្យសម្តី បានវាយគ្នាបែកក្បាល ត្រូវកម្លាំងអាវុធហត្ថក្រុងប៉ោយប៉ែតចុះឃាត់ខ្លួនបាន៣នាក់ លុះទៅឆែកឆេរក្នុងបន្ទប់ សមត្ថកិច្ចរកឃើញមានអាវុធខ្លី៤ដើម កាំបិតសាំម៉ូរ៉ៃ១ និងគ្រឿងញៀនមួយចំនួនធំ។ លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានឲ្យដឹងកាលពីថ្ងៃទី១៤ខែកក្កដាថា : កាលពីថ្ងៃទី ១១ ខែកក្កដា ឆ្នាំ២០២៤ មានបុរសជនជាតិថៃ២នាក់ : ១-ឈ្មោះ ផុងភីផាក់ ឆៃឆាត ភេទប្រុស អាយុ២២ឆ្នាំ និង២-ឈ្មោះ បូរមី អាក់សនផុមរាថ អាយុ២៧ឆ្នាំ ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត បានប្តឹងជនជាតិថៃដូចគ្នាចំនួន៣នាក់ជាមិត្តនិងគ្នា ផ្តើមពីពាក្យសម្តីតិចតួចបានធ្វើសកម្មភាពវ៉ៃទៅលើជនជាតិថៃម្នាក់បណ្តាលឲ្យបែកក្បាល យកលុយចំនួន៨.០០០បាត និងសៀវភៅឆ្លងដែន(Passport) ១ច្បាប់ ទូរសព្ទអាយហ្វូន១៣-ប្រូមេក១គ្រឿង អគារ១២ជាន់ដី ភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ លោកបានបន្តថា:  ក្រោយពីទទួលបានព័ត៌មានហើយ លោកបានដឹកនាំកម្លាំងកងរាជអាវុធហត្ថខេត្ត សហការជាមួយកងរាជអាវុធក្រុង ចុះធ្វើការស្រាវជ្រាវនិងបង្ក្រាបបានជនសង្ស័យទាំង៣នាក់ : ទី១.ឈ្មោះ សាយឈុនវង់អានុ ភេទប្រុសអាយុ៣៤ឆ្នាំ, ទី២.ឈ្មោះ ស៊ុរ៉ាស៊ីត តាំងបូវ៉ូកិត ភេទប្រុសអាយុ២៩ឆ្នាំ និងទី៣.ឈ្មោះ វ៉ងសាក់ថន អាក់ដុនផាន់ឆាក់ឡាផុន ភេទប្រុស អាយុ៣០ឆ្នាំ […]

ដោយ៖ ព្រះអង្គខ្មៅ បាត់ដំបង៖ ឃាតកបែកថ្នាំញៀនដែលសម្លា.ប់ស្ត្រីចំណាស់ម្នាក់ក្នុងក្រុងបាត់ដំបង ងាកទិសដៅចូលភូមិត្រូវសមត្ថកិច្ចចាប់ខ្លួនបាន។ នគរបាលប្រតិកម្មរហ័សនៃស្នងការខេត្តបានបញ្ជាក់ឲ្យដឹថា៖ កម្លាំងជំនាញខេត្ត ក្រុង និងកម្លាំងមូលដ្ឋានរាប់សិបនាក់ ក្រោយតាមប្រមាញ់ស្វែងរកយុវជនបែកថ្នាំជាឃាតកទាំងថ្ងៃទាំងយប់ចំនួន ៩ថ្ងៃកាត់ចម្ការ ព្រៃ និងភ្នំ ទីបំផុតបានម្រេចផែនការតាមការគ្រោងទុក ដោយនៅល្ងាចថ្ងៃទី ១៤ ខែកក្កដា ឆ្នាំ ២០២៤ នេះចាប់ខ្លួនយុវជនចិត្តឃោរឃៅញៀនថ្នាំបានរួចនាំមកកាន់ស្នងការខេត្ត។ ជនសង្ស័យឈ្មោះសឿន ទន់ ភេទប្រុស អាយុ ២៥ឆ្នាំ មានទីលំនៅក្នុងភូមិអូរពងមាន់ ឃុំតាគ្រាម ស្រុកបាណន់ ខេត្តបាត់ដំបង ជនសង្ស័យរូបនេះមានបទពិសោធដើរព្រៃយ៉ាងស្ទាត់ជំនាញ និងស្គាល់ភូមិសាស្ត្រច្បាស់លាស់ ព្រោះធ្លាប់ដើរព្រៃចាក់អង្រង រកឃ្មុំតាំងពីតូចៗ។ ចំណែកស្ត្រីអភ័ព្វជាជនរងគ្រោះដែលជនដៃដល់កា.ប់ស្ទើរដាច់.កស្លា,ប់នោះមានឈ្មោះហោ ប៉ុក អាយុ ៨៤ឆ្នាំ មានទីលំនៅកន្លែងកើតហេតុ ក្នុងភូមិច្រាបក្រសាំង សង្កាត់វត្តគរ ក្រុងបាត់ដំបង។ ប្រភពដដែលនេះបន្តថា÷ ជនសង្ស័យខាងលើខណ:កំពុងបន្តរត់គេចខ្លួនយ៉ាងប្រកៀកប្រកិតរបស់សមត្ថកិច្ច កាត់វាលព្រៃភ្នំរយ:ពេលជិត ១០ថ្ងៃ ចុងក្រោយទំនងដាច់អាហារខ្លាំងបានងាកប្តូរទិសដៅចេញពីព្រៃហើយឆ្លងផ្លូវបម្រុងចូលក្នុងភូមិ ឬទីលំនៅវិញ ភ្លាមនោះក៏ត្រូវកម្លាំងបង្កប់នគរបាលជំនាញស្ទាក់ស្រោចចាប់ខ្លួនបានតែម្តង។ ចំពោះមុខ ជនសង្ស័យត្រូវបានសមត្ថកិច្ចបង្ក្រាបបន្តនាំខ្លួនមកកាន់ការិយាល័យព្រហ្មទណ្ឌកម្រិតធ្ងន់ ដើម្បីធ្វើការសាកសួរស្រាវជ្រាវ និងត្រៀមបញ្ជូនទៅកាន់សាលាដំបូងខេត្ត អនុវត្តទោសក្រោយបញ្ចប់ការកសាងសំណុំរឿងរួចរាល់៕  

ដោយ : បន្ទាយ ពោធិ៍សាត់ ៖ អ្នកព័ត៌មាន៤នាក់ត្រូវបានអាជ្ញាធរ មានសមត្ថកិច្ចឃាត់ខ្លួន រួចបញ្ជូនទៅស្នងការដ្ឋាននគរបាលខេត្តពោធិ៍សាត់និងបញ្ជូនទៅបង្ហាញមុខ សួរចម្លើយនៅអយ្យការអមសាលាដំបូងខេត្ត ពាក់ព័ន្ធនឹងការចុះទៅថតរូបនិងផ្សាយផ្ទាល់(Live) នៅទីតាំងឃ្លាំងគ្រាប់ដែលកងឯកភាពកម្ចាត់មីនកម្ពុជា(CMAC) កំពុងប្រតិបត្តិការបច្ចេកទេស ។ ការឃាត់ខ្លួនធ្វើឡើងកាលពីព្រឹកថ្ងៃទី១៣ខែកក្កដាឆ្នាំ២០២៤ នៅចំណុចឃ្លាំងគ្រាប់(កប់ដី)នៅចំណុចមួយ(ទ្រូងខ្លា?) ជួរកូនភ្នំបាក់ ជិតមណ្ឌលអប់រំ កែប្រែម-៤ ភូមិសាស្ត្រភូមិជ្រៃក្រឹមឃុំផ្ទះរុង ស្រុកតាលោសែនជ័យ ខេត្តពោធិ៍សាត់។ ប្រភពព័ត៌មានពីខេត្តពោធិ៍សាត់អោយដឹងថ្ងៃទី១៤ខែកក្កដាឆ្នាំ២០២៤ថា: អ្នកសារព័ត៌មាន៤នាក់នោះ រួមមាន: ១-ឈ្មោះ ប៊ន សំណាង ភេទប្រុស អាយុ៣២ឆ្នាំ អ្នកយកព័ត៌មាន អង្គភាពសារព័ត៌មានពេញចិត្តមេឌា ។២-ឈ្មោះ ប៊ន ប៊ុណ្ណា ភេទប្រុស អាយុ៤២ឆ្នាំ អ្នកយកព័ត៌មាន អង្គភាពសារព័ត៌មានPhally News ។៣-ឈ្មោះ.ជ្រឹង ពៅ ភេទប្រុស អាយុ៤៥ឆ្នាំអ្នកយកព័ត៌មាន អង្គភាពសារព័ត៌មានVOKនិង៤-ឈ្មោះរី ហ៊ាន ភេទប្រុស អាយុ៤២ឆ្នាំ អ្នកយកព័ត៌មានអង្គភាពសារព័ត៌មាននាគមាស ។ មន្ត្រីអាជ្ញាធរមានសមត្ថកិច្ចឃាត់ខ្លួនអ្នកទាំង៤ ខណ:ពួកគេ ប្រើមធ្យោបាយរថយន្តនិងសម្ភារយកព័ត៌មានទៅយកព័ត៌មាន ថតរូបនិងផ្សាយផ្ទាល់(Live) សកម្មភាពរបស់មន្ត្រីអាជ្ញាធរមានសមត្ថកិច្ចនិងមន្ត្រីបោសសម្អាតមីននិងយុទ្ធភណ្ឌស៊ីម៉ាក់។ ក្នុងនោះ […]

ដោយ : បន្ទាយ ភ្នំពេញ_ពោធិ៍សាត់ ៖ ក្រសួងការពារជាតិ ក្នុងសេចក្តីជូនដំណឹងរបស់ខ្លួនជាបន្តបន្ទាប់ ហើយនៅថ្ងៃទី១៤ខែកក្កដាឆ្នាំ២០២៤ សូមជូនដំណឹងដល់សាធារណជនឱ្យបានជ្រាបថា ៖ ឧទ្ធម្ភាគចក្រមួយគ្រឿង ដែលបានបាត់ការទាក់ទងពីទីបញ្ជាការទ័ពអាកាស ក្នុងភូមិសាស្រ្តជួរភ្នំក្រវ៉ាញ ខេត្តពោធិ៍សាត់ និងខេត្តកោះកុង កាលពីថ្ងៃទី១២ ខែកក្កដា ឆ្នាំ២០២៤ ស្ថិតនៅក្នុងការរុករកជួយសង្រ្គោះនៅឡេីយទេ ។ ក្រសួងការពារជាតិបានបន្តថា: ឧបទ្ទវហេតុបានកើតឡើងក្នុងអំឡុងពេលហោះហើរហ្វឹកហ្វឺន ដែលស្ថិតនៅក្នុងផែនការហោះហើរហ្វឹកហ្វឺនជាប្រចាំរបស់កងទ័ពជើងអាកាសនៅតំបន់នោះ។ហើយសមាសភាពនៅក្នុងឧទ្ធម្ភាគចក្រមានចំនួន២នាក់គឺប្រធានក្រុមម្នាក់និង អាកាសយានិកម្នាក់ ។ ចំណែកឯលិខិតមួយស្តីពីផែនការហោះហើររបស់កងទ័ពអាកាសកម្ពុជាលេខ៤១៧/២៤ ចុះថ្ងៃទី១៣ខែកក្កដា ឆ្នាំ២០២៤ បានអោយដឹងថា: ឧទ្ធម្ភាគចក្រដែលបាត់ពីការទាក់ទងពេលហោះហើរនេះម៉ាកZ-9 លេខMH912 ត្រូវហ្វឹកហ្វឺនផ្លូវឆ្ងាយ : ភ្នំពេញ-ថ្មដា-ពោធិ៍សាត់-ភ្នំពេញ ដោយចេញដំណើរពីថ្ងៃទី១២ខែកក្កដា ម៉ោង១១:០០នាទីព្រឹកនិងមកដល់វិញនៅម៉ោង១៤និ០០ នាទិថ្ងៃដដែល ។លើឧទ្ធម្ភាគចក្រ មានលោកស៊ុន ផ្លា ជាប្រធានក្រុមនិងលោកខេង ឆៃយុទ្ធ ជាអាកាសយានិក(Pilot) ។ សេចក្តីជូនដំណឹងបានបន្តថា: ក្រសួងការពារជាតិ សូមថ្លែងអំណរគុណ : ១-ដល់កិច្ចខិតខំប្រឹងប្រែងរបស់កងកម្លាំងនិងគណៈបញ្ជាការឯកភាពខេត្ត ដែលបានចូលរួមរុករកជាមួយ កងឯកភាពនិងក្រុមជំនាញ ។ ២- ចំពោះវិស័យឯកជនដែលមានបំណងចង់មកជួយចូលរួមរុករកជាមួយក្រុមការងាររុករក និង […]

ដោយ:សុខុម សៀមរាប៖ មកដល់ថ្ងៃទី១៤កក្កដានេះសមត្ថកិច្ចនៅមិនទាន់ចាប់បានអ្នកបើកបររថយន្តបុកអ្នកជិះម៉ូតូបាត់បង់ជីវិតចំនួន២នាក់នៅឡើយ។ហេតុការណ៍នេះបានកើតឡើងនៅយប់ ថ្ងៃទី១៣ ខែកក្កដា ឆ្នាំ២០២៤ នៅលេីផ្លូវជាតិលេខ៦ ស្ថិតក្នុងភូមិថ្នល់កែង ឃុំស្ពានត្នោត ស្រុកជីក្រែង។ សមត្ថកិច្ចបានឱ្យដឹងថា រថយន្តម៉ាកហ្វតពណ៌ស ពាក់ផ្លាកលេខភ្នំពេញ 2BT- 8024 ទិសដៅពីកេីតទៅលិច។ម៉ូតូម៉ាកC125 ពណ៌ខ្មៅ ពាក់ផ្លាកលេខភ្នំពេញ1KH -8098 ទិសដៅពីលិចទៅកេីត (បញ្រ្ចាសទិសគ្នា)។ សមត្ថកិច្ចបានបន្តថា ជនរងគ្រោះ៖១. ឈ្មោះ អ៊ុយ ឆេីត ភេទប្រុសអាយុ ២៤ឆ្នាំ ទីលំនៅភូមិអូរខ្លុង ឃុំពង្រក្រោម ស្រុកជីក្រែង អ្នកបេីកបរម៉ូតូ។២.ឈ្មោះ ធំ ផល្លី ភេទប្រុសអាយុ ៣២ឆ្នាំ ទីលំនៅភូមិរកា ឃុំកំពង់ក្តី ស្រុកជីក្រែង អ្នករួមដំណេីរ៕

ដោយ÷សុខុម សៀមរាប÷មកដល់ថ្ងៃទី១៤កក្កដានេះសមត្ថកិច្ចខេត្តសៀមរាបនៅមិនទាន់ចាប់ខ្លួនអ្នកបើកបររថយន្តបង្កបណ្ដាលឲ្យបុកអ្នកជិះម៉ូតូម្នាក់បាត់.បង់ជីវិតកាលពីថ្ងៃ១៣កក្កដា២០២៤នៅឡើយ។ សមត្ថកិច្ចបាននិយាយថាគ្រោះថ្នាក់ចរាចរណ៍រវាងរថយន្តនិងម៉ូតូបានកើតឡើងនៅ វេលាម៉ោង២រសៀលថ្ងៃ១៣ ខែកក្កដា ឆ្នាំ២០២៤ ចំណុចចន្លោះ បង្គោលគីឡូម៉ែត្រ លេខ(២៨-២៩)លើកំណាត់ដងផ្លូវជាតិលេខ៦៨ ស្ថិតនៅភូមិខ្វែក ឃុំមោងស្រុកស្រីស្នំ។ រថយន្តនិងម៉ូតូ ក្នុងទិសដៅស្របគ្នា (ពីត្បូងទៅជើង)។ អ្នកបើកបររថយន្តម៉ាក Nissan ចង្កូតស្តាំស៊េរីឆ្នាំ១៩៩៤ ពណ៌ទឹកប្រាក់ ពាក់ស្លាកលេខសៀមរាម ២A- ០៣២៩ បើកបរដោយឈ្មោះ ស្រស់ រស់នៅភូមិជ្រោយនាងងួន ឃុំជ្រោយនាងងួន ស្រុកស្រីស្នំ (គ្មានរបួស)រត់គេច ខ្លួន។អ្នកបើកបរម៉ូតូម៉ាក Dream C១០០ ស៊េរីឆ្នាំ២០២២ពណ៌ ខ្មៅពាក់ស្លាកលេខសៀមរាម១AN- ៨៧.៣០ ឈ្មោះ ហឿន ម៉ុន ភេទប្រុស អាយុ៦៤ឆ្នាំ រស់នៅភូមិយាយម៉ី ឃុំជ្រោយនាងងួន ស្រុកស្រីស្នំស្លា.ប់តាមផ្លូវ៕  

ដោយ : បន្ទាយ ភ្នំពេញ-ពោធិ៍សាត់​៖ តាមសេចក្តីប្រកាសព័ត៌មានរបស់ក្រសួងការពារជាតិនៅរសៀលថ្ងៃទី១៣ ខែកក្កដាឆ្នាំ២០២៤ បានឲ្យដឹងថា : នៅថ្ងៃទី១២ ខែកក្កដា ឆ្នាំ២០២៤ ឧទ្ធម្ភាគចក្រមួយគ្រឿងក្នុងពេលកំពុងហាត់ហ្វឹកហ្វឺន បានបាត់បង់ការទាក់ទងជាមួយទីបញ្ជាការទ័ពអាកាស នៅក្នុងភូមិសាស្ត្រជួរភ្នំក្រវាញ ស្ថិតក្នុងខេត្តពោធិ៍សាត់និងខេត្តកោះកុង ។ ក្រសួងការពារជាតិបានបន្តថា: ឧបទ្ទវហេតុនេះ បណ្តាលមកពីដោយសារអាកាសធាតុមិនអំណោយផល ។ មកទល់ពេលនេះ បណ្តាកងឯកភាពពាក់ព័ន្ធកំពុងធ្វើការរុករក ចាប់តាំងពីព្រឹកថ្ងៃទី១៣ ខែកក្កដា ឆ្នាំ២០២៤ ។ ចំពោះលទ្ធផលគឺមិនទាន់ប្រទះ ឬរកឃើញឧទ្ធម្ភាគចក្រនោះឡើយ ក្រុមការងារ នឹងបន្តរុករកយ៉ាងយកចិត្តទុកដាក់។ មុននេះក្រសួការពារជាតិបានប្រកាសថា នៅថ្ងៃទី១៣ខែកក្កដា លោកនាយឧត្តមសេនីយ៍ម៉ឹង សំផន រដ្ឋលេខាធិការក្រសួងការពារជាតិនិងជាប្រធានគណ:កម្មការជួយសង្គ្រោះមហន្តរាយ ក្រសួងការពារជាតិនៅម៉ោង៥ទៀបភ្លឺថ្ងៃទី១៣ខែកក្កដា បានចុះត្រួតពិនិត្យនិងចាត់បញ្ជូនកម្លាំងកងពលតូចដឹកជញ្ជូនលេខ៩៩និងកងពលតូចលេខ៧០ ដើម្បីចេញទៅរុករកឧទ្ធម្ភាគចក្រ១គ្រឿងដែលបានបាត់កាលពីថ្ងៃទី១២ខែកក្កដា នៅក្នុងភូមិសាស្ត្រស្រុកវាលវែងខេត្តពោធិ៍សាត់ ។ ចំណែកលិខិតមួយស្តីពីផែនការហោះហើររបស់កងទ័ពអាកាសកម្ពុជាលេខ៤១៧/២៤ ចុះថ្ងៃទី១៣ខែកក្កដា បានអោយដឹងថា: ឧទ្ធម្ភាគចក្រដែលបាត់ពីការទាក់ទងពេលហោះហើរនេះម៉ាកZ-9 លេខMH912 ត្រូវហ្វឹកហ្វឺនផ្លូវឆ្ងាយ : ភ្នំពេញ-ថ្មដា-ពោធិ៍សាត់-ភ្នំពេញ ។ដោយចេញដំណើរពីថ្ងៃទី១២ខែកក្កដា ម៉ោង១១:០០នាទីព្រឹកនិងមកដល់វិញនៅម៉ោង១៤និ០០ នាទីថ្ងៃដដែល ។ លើឧទ្ធម្ភាគចក្រ មានលោកស៊ុន ផ្លា […]

ដោយ៖ គង់ហេង ត្បូងឃ្មុំ៖ បុរសជាកម្មករម្នាក់ បានស្លា,ប់ភ្លាមៗបន្ទាប់ពីជនរងគ្រោះអាយុ ៣៩ ឆ្នាំរូបនេះបានអង្គុយលើកង់សាគួខាងមុខ រថយន្តកែច្នៃដោយខ្វះការប្រុងប្រយ័ត្ន បានធ្លាក់ចុះមកខាងក្រោមរថយន្តកិនស្លា,ប់ នៅលើផ្លូវជាតិលេខ៧ ចន្លោះបង្គោលគីឡូម៉ែត្រ ១៩០/១៩១ ស្ថិតនៅភូមិ៧មករា ឃុំដារ ស្រុកមេមត់ នៅម៉ោងជាង៥ ល្ងាចថ្ងៃទី ១២ កក្កដា កន្លងទៅនេះ។ ប្រភពព័ត៌មានពីសមត្ថកិច្ចស្រុកមេមត់បានឱ្យ ដឹងថា៖ បុរសជាជនរងគ្រោះ ដែលជាកម្មករ ស៊ីឈ្នួលលើកអុសកៅស៊ូឈ្មោះ មាឃ ផល្លា មានទីលំនៅភូមិចម្ការគ ឃុំដារដែរ។ ចំណែកអ្នកបើកបររថយន្តកែច្នៃម៉ាកកាម៉ាស់ពាក់ផ្លាកលេខ ក-៥១២១ ភព៣ បន្សល់ទុកតាំងពីសម័យសហភាពសូវៀត បានគេចខ្លួនបាត់ក្រោយកើតហេតុ៕

ដោយ : បន្ទាយ ពោធិ៍សាត់ ៖ កងកម្លាំង អាជ្ញាធរមានសមត្ថកិច្ចកំពុងបន្តបេសកកម្មរុករកឧទ្ធម្ភាគចក្រដែលសង្ស័យធ្លាក់ឬបាត់នៅចំណុចភ្នំខ្មោច ឃុំអូរសោម ស្រុកវាលវែង ខេត្តពោធិ៍សាត់ កាលពីថ្ងៃទី១២ ខែកក្កដា ឆ្នាំ២០២៤ ។ លោកខូយ រីដា អភិបាលខេត្តពោធិ៍សាត់បានឲ្យដឹងក្នុងហ្វេសប៊ុកផ្លូវការរបស់លោកនាថ្ងៃទី១៣ខែកក្កដា ឆ្នាំ២០២៤ថា: «អាកាសធាតុពិតជាមិនអំណោយផលដល់បេសកកម្មជួយសង្រ្គោះមួយនេះទេ តែពួកគេទាំងអស់គ្នាប្តេជ្ញាចិត្តរួមគ្នាធ្វើឲ្យបាន ។សង្ឃឹមថាអ្នកដែលរងគ្រោះទាំងអស់នឹងមានសំណាងល្អ»។ ទន្ទឹមនឹងនោះ លោកអភិបាលខេត្តក៏បានបង្ហាញរូបភាពនៃមន្ត្រីអាជ្ញាធរ កងកម្លាំង សមត្ថកិច្ច អ្នកពាក់ព័ន្ធក្នុងដំណើរបេសកកម្មរុករកកន្ទុំរុយ(ឧទ្ធម្ភាគចក្រ)ដែលធ្លាក់នោះ និងចំណុចគោលដៅនិយាមការលើផែនទី ដែលជាទីតាំងសង្ស័យធ្លាក់យន្តហោះនៅចន្លោះPlacemark និងលោកយាយម៉ៅ វាលវែងនិងផ្សារប្រម៉ោយ វាលវែង ។ ចំណែកលោកឧត្តមសេនីយ៍ទោ សេង ធារិន មេបញ្ជាការរងនិងជានាយសេនាធិការយោធភូមិភាគទី៥ បានឲ្យដឹងនាថ្ងៃទី១៣ខែកក្កដាថា ពេលនេះយើងកំពុងបន្តរុករក ។ ចំណែកក្រសួងការពារជាតិ នៅថ្ងៃទី១៣ខែកក្កដាបានឲ្យដឹងថា :លោកនាយឧត្តមសេនីយ៍ម៉ឹង សំផន រដ្ឋលេខាធិការក្រសួងការពារជាតិនិងជាប្រធានគណ:កម្មការជួយសង្គ្រោះមហន្តរាយ ក្រសួងការពារជាតិនៅម៉ោង៥ទៀបភ្លឺថ្ងៃទី១៣ខែកក្កដា បានចុះត្រួតពិនិត្យនិងចាត់ចែងបញ្ជូនកម្លាំងកងពលតូចដឹកជញ្ជូនលេខ៩៩និងកងពលតូចលេខ៧០ ដើម្បីចេញទៅរុករកឧទ្ធម្ភាគចក្រ១គ្រឿងដែលបានបាត់កាលពីថ្ងៃទី១២ខែកក្កដា នៅក្នុងភូមិសាស្ត្រស្រុកវាលវែងខេត្តពោធិ៍សាត់ ។ ប្រភពផ្សេងទៀតឲ្យដឹងថា: កម្លាំងបេសកកម្មមានចេញពីចំណុចខ្នងព្រះ នៃភ្នំ១៥០០ទៅភ្នំខ្មោចជាដើម ។ ឯមនុស្សនៅលើឧទ្ធម្ភាគចក្រនោះមានពី៦ទៅ៧នាក់ ក្នុងនោះមានគ្រូបង្វឹកនៃសកម្មភាពហ្វឺកហ្វឺនប្រតិបត្តិហោះហើរនោះផង៕

ដោយ៖ ព្រះអង្គខ្មៅ បាត់ដំបង÷ សង្ស័យឃា.តកបែកថ្នាំដែលស.ម្លាប់ស្ត្រីចំណាស់ម្នាក់ក្នុងស្រុកបាណន់បង្ហាញខ្លួននៅ២គោលដៅ សមត្ថកិច្ចដែលមិនបោះបង់ការរុករកជិតមួយសប្តាហ៍កំពុងរឹតបន្តឹងការឡោមព័ទ្ធ។ នគរបាលការិយាល័យប្រតិកម្មរហ័សនៃស្នងការខេត្តបាត់ដំបងបានបញ្ជាក់ឲ្យ Cambodia Flash New (CFN)  ដឹងថា៖ គិតមកត្រឹមថ្ងៃ ១២ខែកក្កដា ឆ្នាំ ២០២៤នេះជិតមួយសប្តាហ៍ហើយដែលកម្លាំងជំនាញជាច្រើននាក់ ពិសេសលោកឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង បានចុះដឹកនាំផ្ទាល់ក្នុងការស្រាវជ្រាវស្វែងរកចាប់ខ្លួនជនសង្ស័យជាឃាតកមកផ្តន្ទាទោស ក្រោយជនសង្ស័យបានធ្វើសកម្មភាពកាប់សម្លាប់ស្ត្រីចំណាស់ម្នាក់ដាច់ក ក្នុងភូមិច្រាបក្រសាំង សង្កាត់វត្តគរ ក្រុងបាត់ដំបង រួចរត់គេចខ្លួនចូលក្នុងតំបន់ព្រៃ និងភូមិសាស្ត្រជួរភ្នំ ក៏ដូចជាចម្ការដំណាំរបស់ប្រជាពលរដ្ឋ។ ជនសង្ស័យមានឈ្មោះសឿន ទន់ ភេទប្រុស អាយុ ២៥ឆ្នាំ បច្ចុប្បន្នរស់នៅអូរពងមាន់ ឃុំតាគ្រាម ស្រុកបាណន់ ខេត្តបាត់ដំបង ជាជនមានចរិតកោងកាច ប្រើប្រាស់គ្រឿងញៀន និងធ្លាប់នាំខ្លួនទៅអប់រំបន្សាបគ្រឿងញៀននៅមជ្ឈមណ្ឌលកែប្រែម្តងរួចមកហើយកាលពីកន្លងមក។ ឃាតកខាងលើក្រោយបានកាប់សម្លាប់ស្ត្រីជនរងគ្រោះកាលពីរសៀលថ្ងៃទី ៦ ខែកក្កដា ទាំងមិនមានហេតុផលនៅតាមដងផ្លូវ រួចបានរត់ចូលទៅក្នុងព្រៃភ្នំ ចំណុចឃុំតាគ្រាម ស្រុកបាណន់ ក្រោយមកពលរដ្ឋប្រទះឃើញបន្តគេចខ្លួនដោយថ្មើរជើងរហូតដល់ចំណុចភ្នំទទឹង ក្នុងស្រុកបាណន់ដដែល ប៉ុន្តែខាងសមត្ថកិច្ចបានត្រឹមស្រាវជ្រាវសាកសួរអ្នកស្រុក ដានត្រឹមប្រកៀកប្រកិតប៉ុណ្ណោះ។ ប្រភពសមត្ថកិច្ចតាមរុករកបានបង្ហើបឲ្យដឹងថា÷ ក្រោមកិច្ចសហការរវាងកម្លាំងមូលដ្ឋានក្នុងតំបន់ពាក់ព័ន្ធនីមួយៗ ជាមួយការស្រាវជ្រាវរហូតដល់ថ្ងៃទី ១២ […]

ដោយ : បន្ទាយ បន្ទាយមានជ័យ ៖ស្ដ្រីម្នាក់ខណៈប្រើឧបករណ៍ឆក់មូសអគ្គិសនីពេលបូមសាំងលក់ បានបង្កជាអគ្គិភ័យឆេះបំផ្លាញផ្ទះ១ខ្នង និងរថយន្តតូច៣គ្រឿង ម៉ូតូ៣គ្រឿង។ គ្រោះអគ្គិភ័យនេះបានកើតឡើងនៅវេលាម៉ោង៣និង៥៥នាទីរសៀលថ្ងៃទី១១ ខែកក្កដា ឆ្នាំ២០២៤ នៅភូមិជើងវត្ត ឃុំ ព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ ។ ក្នុងពេលសង្គ្រោះនិងពន្លត់គ្រោះអគ្គិភ័យនេះ គេឃើញមានលោកឃូ ពៅ អភិបាលស្រុក លោកវរសេនីយ៍ទោ ទេព រដ្ឋា អធិការនគរបាលស្រុកព្រះនេត្រព្រះ បានដឹកនាំកម្លាំងនគរបាលនិងរថយន្តពន្លត់អគ្គិភ័យចំនួន២គ្រឿង របស់អធិការដ្ឋាននគរបាលស្រុកមង្គលបូរី១គ្រឿង និងកម្លាំងអាជ្ញាធរមូលដ្ឋាន ប្រជាពលរដ្ឋ ចុះជួយអន្តរាគមន៍ពន្លត់ផងដែរ ។ លោកវរសេនីយ៍ទោ ទេព រដ្ឋា បានឲ្យដឹងថា៖ ម្ចាស់ផ្ទះរងគ្រោះគឺលោកយាយ ប៊ុន អូន ភេទ ស្រី អាយុ ៦៣ ឆ្នាំនៅភូមិជើងវត្ត ឃុំ ព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ ។ យោងប្រភពមុនពេលកើតហេតុ ម្ចាស់ផ្ទះឈ្មោះ ប៊ុន អូន បានយកឧបករណ៍ឆក់មូសអគ្គិសនីវាយឆក់មូស ខណ:ពេលកំពុងបូមសាំងដាក់ក្នុងដបដើម្បីលក់ ហើយចៃដន្យវាបង្កឲ្យមានផ្កាភ្លើងឆាបឆេះសាំងកំពុងបូមដាក់ដបនិងប៊ីដុងសាំងក្បែរនោះសន្ធោសន្ធៅឡើង […]