ដោយ : បន្ទាយ ពោធិសាត់៖ ក្រោយទទួលដំណឹងពីការរកឃើញនេះភ្លាម ភរិយារបស់អ្នកបើកឧទ្ធម្ភាគចក្រ ដែលមានគណនីឈ្មោះ Kalyan Natara បានបង្ហោះសារនៅថ្ងៃទី២៩ ខែកក្កដា ឆ្នាំ ២០២៤ នេះដែរថា ៖ «សូមឱ្យប្តីខ្ញុំមានសុខសុវត្ថិភាព បានមកជុំគ្រួសារវិញផង»។ ប៉ុន្តែរហូតដល់ម៉ោងជាង៥ល្ងាចថ្ងៃទី២៩ ខែកក្កដា ឆ្នាំ២០២៤នេះ ក្រុមប្រតិបត្តិការរុករកបានប្រទះឃើញសាកសពអាកាសយានិកម្នាក់ឈ្មោះ ខេង ឆៃយុទ្ធ ហើយ រីឯប្រធានក្រុមឈ្មោះស៊ុន ផ្លា ដែលបានបាត់ខ្លួនជាមួយឧទ្ធម្ភាគចក្រនោះដែរ កំពុងស្វែងរក។ អ្នកស្រី ណាតារា កល្យាណ ត្រូវគេស្គាល់ថាជាភរិយារបស់លោកខេង ឆៃយុទ្ធ ជាអាកាសយានិក(Pilot)។ អ្នកស្រីនិងលោកមានកូនជាមួយគ្នា២នាក់។អ្នកស្រីតែងបង្ហោះហ្វេសប៊ុកជាបន្តបន្ទាប់ក្នុងន័យនឹករលឹកប្តី សូមឲ្យប្តីនៅមានជីវិតនិងអរគុណដល់ប្រតិបត្តិករទាំងអស់ដែលតស៊ូរុករក ។ សូមរំលឹកថា ឧទ្ធម្ភាគចក្រដែលបាត់ពីការទាក់ទងពេលហោះហើរនេះម៉ាកZ-9 លេខMH912 ផលិតនៅប្រទេសចិន ត្រូវហ្វឹកហ្វឺនផ្លូវឆ្ងាយ : ភ្នំពេញ-ថ្មដា-ពោធិ៍សាត់-ភ្នំពេញ ។ ដោយចេញដំណើរពីថ្ងៃទី១២ខែកក្កដា ម៉ោង១១:០០នាទីព្រឹកនិងមកដល់វិញនៅម៉ោង១៤និ០០ នាទិថ្ងៃដដែល ។ នៅលើឧទ្ធម្ភាគចក្រ មានលោកស៊ុន ផ្លា ជាប្រធានក្រុមនិងលោកខេង ឆៃយុទ្ធ ជាអាកាសយានិក […]

ដោយ៖ តារា ភ្នំពេញ៖ អាជ្ញាធរមានសមត្ថកិច្ចបានរកឃើញឧទ្ធម្ភាចក្រយោធាដែលធ្លាក់នៅជួរភ្នំក្រវាញកាលពី១៧ថ្ងៃមុន។នេះបើតាម អ្នកនាំពាក្យក្រសួងការពារជាតិ បានថ្លែងប្រាប់បណ្តាញព័ត៌មាន Fresh News នៅថ្ងៃទី២៩ ខែកក្កដា ឆ្នាំ២០២៤។ ឧទ្ធម្ភាចក្រនេះ ត្រូវបានប្រទះឃើញនៅចំណុចលើខ្នងភ្នំយ៉ាវយ៉ៃ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់។ បើតាម Fresh News ឧទ្ធម្ភាគចក្រយោធា Z9 បានបាត់ដំណឹងកាលពីថ្ងៃទី១២ ខែកក្កដា ឆ្នាំ២០២៤ ខណៈពេលកំពុងហ្វឹកហ្វឺន នៅតំបន់ជួរភ្នំក្រវាញ ខេត្តពោធិ៍សាត់។ប្រតិបត្តិការរុករកត្រូវបានធ្វើឡើងភ្លាមៗ ក្រោមការដឹកនាំបញ្ជាផ្ទាល់ពីសំណាក់ថ្នាក់ដឹកនាំសំខាន់ៗ។ គិតមកដល់ថ្ងៃរកឃើញនេះ គឺមានរយៈពេល១៧ថ្ងៃហើយ គិតចាប់តាំងពីថ្ងៃទី១៣ ដល់ថ្ងៃទី២៩ ខែកក្កដា ឆ្នាំ២០២៤។ បេសកកម្មប្រតិបត្តិការរុករកនេះ បានប្រើប្រាស់គ្រប់មធ្យោបាយរួមមាន៖ កងកម្លាំងរុករកពីខាងលើ តំបន់ព្រៃដោយប្រើប្រាស់ឧទ្ធម្ភាគចក្រ យន្តហោះដ្រូន និងកម្លាំងថ្មើរជើងចូលទៅកាន់តំបន់ព្រៃក្រាស់ តាមជ្រោះជ្រលងភ្នំជាដើម៕

ដោយ : បន្ទាយ ភ្នំពេញ :ក្នុងរយៈកាលចុងក្រោយនេះ គេបានឃើញសកម្មភាពអាវុធហត្ថនិងនគរបាលបានធ្វើការបង្ក្រាបក្មេងទំនើងខ្ទង់រយពាន់នាក់ ធ្វើការអប់រំនិងមានបញ្ជូនទៅតុលាការផ្តន្ទាទោសផងដែរ រហូតធ្វើឲ្យសកម្មភាពភាពក្មេងទំនើងត្រូវបានស្ងប់ស្ងាត់ ទទួលបានការគាំទ្រនិងសាទរពីមហាជនគ្រប់មូលដ្ឋាន។ ករណីនេះសមត្ថកិច្ចបានកសាងសំណុំរឿងបញ្ជូនទៅតុលាការកាលពីថ្ងៃទី២៨ខែកក្កដាឆ្នាំ២០២៤ ។ ទោះជាបែបនេះក្តី ស្រាប់តែកាលពីថ្ងៃទី២៦ខែកក្កដា ឆ្នាំ២០២៤ មានសិស្សសាលា០៦នាក់ បាននាំគ្នាបំពានបម្រាម ត្រូវបានកម្លាំងមូលដ្ឋានអាវុធហត្ថខណ្ឌដង្កោ ធ្វើការបង្ក្រាបបញ្ជូនទៅទីបញ្ជាការកងរាជអាវុធហត្ថរាជធានីភ្នំពេញ ដើម្បីអប់រំនៅចំពោះមុខអាណាព្យាបាលនិងឲ្យធ្វើកិច្ចសន្យា បញ្ឈប់រាល់សកម្មភាពទំនើងដែលនាំឲ្យប៉ះពាល់ដល់ការសិក្សា បំផ្លាញទ្រព្យសម្បត្តិនិងកិត្តិយសគ្រួសារ បង្កការភ័យខ្លាចដល់អ្នកជុំវិញ ក៏ដូចជាបង្កភាពអនាធិបតេយ្យក្នុងសង្គមផងដែរ។ តាមសមត្ថកិច្ចអាវុធហត្ថរាជធានីភ្នំពេញបានអោយដឹងថា : ក្មេងទំនើងទាំង០៦នាក់នេះ មាន០២នាក់បានធ្វើសកម្មភាពបង្ហោះម៉ូតូនិង០៤នាក់ទៀត ប្រមូលផ្តុំគ្នាជក់បារីអេឡិចត្រូនិចនិងមើលរឿងអាសអាភាស ហើយគេចសាលា(មិនចូលរៀននៅម៉ោងក្នុងកាលវិភាគសិក្សា)៕

ដោយ÷សុខុម ភ្នំពេញ ៖ សមត្ថកិច្ចកងរាជអាវុធហត្ថរាជធានីភ្នំពេញ នៅថ្ងៃទី២៨ ខែកក្កដា ឆ្នាំ២០២៤ បានកសាងសំណុំរឿងលោកមេធាវីនិងអង្គរក្សម្នាក់បញ្ជូនទៅតុលាការ ក្រោយរងការពាក់ព័ន្ធផ្ទុះអាវុធក្នុងក្លឹបកម្សាន្តមួយកន្លែងកាលពីយប់រំលងអធ្រាត្រ។ សមត្ថកិច្ចបានឲ្យដឹងថា នៅយប់កើតហេតុ មានមនុស្សប្រុសស្រីមួយក្រុមនាំគ្នាចូលក្លឹបកម្សាន្ត Central.X ។នៅពេលនោះក៏មានការហៅស្រា Hennessy ០២ដប ផឹកស៊ីយ៉ាងសប្បាយហ៊ឺហាបែបអភិជនស្រវឹងឈានទៅដល់ដកកាំភ្លើងខ្លីមួយដើមចេញពីចង្កេះបញ្ចូលគ្រាប់ កាន់រេចុះឡើងក្នុងក្លឹប។ភ្លាមនោះមេការក្លឹបបានតាមអង្វរ សុំឲ្យយកកាំភ្លើងទៅទុកក្នុងឡាន ក៏ប៉ុន្តែអ្នកកាន់កាំភ្លើងមិនស្តាប់ទេ ថែមទាំងបាញ់ឡើងលើមួយគ្រាប់ភ្ញៀវផ្អើលរត់ចេញមកក្រៅ។ ក្រោយកើតហេតុបន្តិច អាវុធហត្ថខណ្ឌចំការមន ចុះអន្តរាគមន៍និងឃាត់ខ្លួនជនសង្ស័យព្រមទាំងដកហូតអាវុធខ្លីបាន ០២ដើម ដោយមួយដើមម៉ាក GLOCK19 ជាអាវុធដែលជនសង្ស័យ កាន់ធ្វើសកម្មភាព។មួយដើមទៀត ម៉ាក EKOL VOLGA សមត្ថកិច្ចឆែកឃើញក្នុងរថយន្តរបស់ជនសង្ស័យ។ សមត្ថកិច្ចបាននិយាយឱ្យដឹងបន្តថា ចម្លើយជនសង្ស័យឈ្មោះ ខុន បញ្ចសិទ្ធិ ខ្លួនមិនបានបាញ់ទេ។ឈ្មោះខុន បញ្ចសិទ្ធិគេដឹងថាជាអ្នកមានជាន់ថ្មីរកស៊ីមានបានខាងដីធ្លី ជាមេធាវីផង និងមានងារជាឧកញ៉ាផងក្រោយទទួលបានគោរម្យងារឧកញ៉ានៅថ្ងៃទី២៦ ខែមេសា ឆ្នាំ២០២២។ ស្តាប់ចម្លើយជនសង្ស័យបន្តទៀតថា អាវុធខ្លីពិតជារបស់ខ្លួនមែន តែអ្នកបាញ់គឺជាតៃកុងឡានខ្លួននោះទេ។ រីឯតៃកុងឡានបានសារភាពទទួលស្គាល់ថាខ្លួនពិតជាអ្នកបាញ់ដូចសម្តីមេខ្លួនបានលើកឡើងពិតប្រាកដមែន។បើទោះបីជាការឆ្លើយដាក់គ្នារឿងបាញ់បោះបែបនេះក្តី សមត្ថកិច្ចអាវុធហត្ថរាជធានីភ្នំពេញ រកតម្រុយឃើញថាអ្នកបាញ់ពិតប្រាកដគឺជាបុគ្គលឈ្មោះ ខុន បញ្ចសិទ្ធិ មិនមែនជាតៃកុងឡាននោះទេ។ទីបំផុតសមត្ថកិច្ចអាវុធហត្ថរាជធានីភ្នំពេញនៅតែកសាងសំណុំរឿងបញ្ជូនទៅតុលាការដដែល។ មហាជនរង់ចាំមើលថាតើវាសនាអ្នកមានលុយប្រព្រឹត្តខុសច្បាប់នឹងទៅជាយ៉ាងណានៅពេលបញ្ជូនទៅដល់ដៃតុលាការហើយនោះ៕

ដោយ : បន្ទាយ បន្ទាយមានជ័យ ÷ទទួលព័ត៌មានពីអាជ្ញាធរមូលដ្ឋានថា មានករណីលួចផលិតទឹកក្រាធំ នៅផ្ទះមួយកន្លែងទៀត នៅម្ដុំចម្ការស្វាយ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែតខេត្តបន្ទាយមានជ័យ  កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី គង់ រិទ្ធា មន្ត្រីនគរបាលយុត្តិធម៌មូលដ្ឋានកងរាជអាវុធហត្ថក្រុង ដឹកនាំកម្លាំងចំនួន២០នាក់ ចុះប្រតិបត្តិការបង្ក្រាបទីតាំងខាងលើ  តែក្រុមជនសង្ស័យបានដឹងខ្លួនមុនចាក់សោផ្ទះទុកចោលហើយរត់គេចខ្លួនបាត់អស់។ លោកវរសេនីយ៍ត្រី គង់ រិទ្ធា មន្ត្រីនគរបាលយុត្តិធម៌មូលដ្ឋានកងរាជអាវុធហត្ថក្រុង បានឱ្យដឹងថា ដោយបានការអនុញ្ញតពីលោក ឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រូលនីតិវិធីពី លោកកើត វណ្ណារ៉េត ព្រះរាជអាជ្ញា អមសាលាដំបូងខេត្តបន្ទាយមានជ័យ នៅវេលាម៉ោង១ ថ្ងៃទី២៧ ខែកក្កដា ឆ្នាំ២០២៤ កម្លាំងមូលដ្ឋានកងរាជអាវុធហត្ថក្រុង រួមនឹងអាជ្ញាធរគ្រប់លំដាប់ថ្នាក់ និងរដ្ឋបាលក្រុងប៉ោយប៉ែតបានសម្រេចកាត់សោផ្ទះ និងបានរកឃេីញមានវត្ថុតាង៖  ១.ទឹកក្រាធុំចំនួន០៦ឆ្នាំង និង៣០០ដប, ២.ស្លឹកក្រាធំចំនួន១០ថង់ធំ ស្មើនឹង១៦៧គីឡូក្រាម, ៣.ថ្នាំក្អកចំនួន០២កេសធំ(សារធាតុផ្សំ), ៤.កញ្ឆាស្ងួតចំនួន០៧ថង់, ៥.កាធុនដែកចំនួន០៦, ៦.ធុងទឹកកកចំនួន០៣, ៧.ឧបករណ៍ជក់កញ្ឆាចំនួន៣១បំពង់, ៨.ជញ្ជីងថ្លឹងគ្រឿងញៀនចំនួន០៤គ្រឿង, ៩.ថង់វេចខ្ចប់ និងដបច្រកមួយចំនួនធំ, ១០.ទូដែកចំនួន០១។ […]

ដោយ៖ ព្រះអង្គខ្មៅ បាត់ដំបង÷ កម្លាំងកងរាជអាវុធហត្ថស្រុកកំរៀង បង្ក្រាបឃាត់ខ្លួនជនសង្ស័យម្នាក់ ជាមួយវត្ថុតាងគ្រឿងញៀនជាង ១គីឡូក្រាមក្នុងខេត្តបាត់ដំបង។ កម្លាំងអាវុធហត្ថជំនាញបានបញ្ជាក់ឲ្យដឹងថា÷ ក្រោយការអង្កេតស្រាវជ្រាវយ៉ាងយកចិត្តទុកដាក់ នៅវេលាម៉ោងជិត ១២រំលងអធ្រាត្រ ថ្ងៃទី ២៥ ខែកក្កដា ឆ្នាំ ២០២៤ ឋិតត្រង់ចំណុចភូមិដូង ឃុំបឹងរាំង ស្រុកកំរៀង ខេត្តបាត់ដំបង កម្លាំងសម្ងាត់មូលដ្ឋានបានបង្ក្រាបករណីជួញដូរសារធាតុញៀនមួយករណី ដោយឃាត់ខ្លួនជនសង្ស័យបានម្នាក់មានឈ្មោះចាន់ កុសល ភេទប្រុស អាយុ ៥០ឆ្នាំ មុខរបរកម្មករ មានទីលំនៅភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។ វត្ថុតាងល្មើសដែលដកហូតបានរួមមាន÷ ម្សៅក្រាមពណ៌សថ្លា ហៅម៉ាទឹកកកចំនួន ០១កញ្ចប់ធំ ទម្ងន់ ១០១១.១៧ ក្រាម, ម៉ូតូ ០១គ្រឿង, ទូរសព្ទ ០១គ្រឿងផងដែរ។ ចំពោះ មុខជនសង្ស័យ ក៏ដូចជាវត្ថុតាងត្រូវបានអាវុធហត្ថមូលដ្ឋានស្រុកកំរៀងកសាងសំណុំបែបបទរួចបញ្ជូនទៅការិយាល័យប្រឆាំងគ្រឿងញៀនខេត្តដើម្បីចាត់ការបន្តតាមនីតិវិធី៕  

ដោយ៖ គង់ហេង ត្បូងឃ្មុំ៖ ករណីរថយន្តទំនើបម៉ាកហ្វតមួយគ្រឿងធ្លាក់ចូលក្រោមស្ពានបណ្តាលឱ្យឈ្លក់ទឹកស្លា.ប់ បុរសម្នាក់ជាអ្នកបើកបរ ស្ថិតក្នុងភូមិថ្លុកត្រាច ឃុំកក់ ស្រុកពញាក្រែកនោះ គឺជាករណីគ្រោះថ្នាក់ចរាចរ។ នេះបើតាមការបញ្ជាក់របស់សមត្ថកិច្ចដែលបានស្ទូចស្រង់រថយន្តចេញពីក្នុងទឹកនៅរសៀលថ្ងៃទី ២៥ កក្កដា កន្លងទៅ។ ប្រភពព័ត៌មានបានឱ្យដឹងថា៖ ជនរងគ្រោះដែលបានឈ្លក់ទឹកស្លាប់នៅក្នុងរថយន្តម៉ាកហ្វត ពណ៌លឿងចាស់ ពាក់ផ្លាកលេខ កម្ពុជា KSP-5969 របស់ជនរងគ្រោះនិងជាអ្នកបើកបរមានឈ្មោះ កុយ សុភ័ណ្ឌ អាយុ ៦១ ឆ្នាំ មានទីលំនៅភូមិអភិវឌ្ឍន៍ ឃុំសង្ឃ័រ ស្រុកស្វាយទាប ខេត្តស្វាយរៀង។ ប្រភពព័ត៌មានបានបន្ថែមថា៖ តាមសម្តីក្រុមគ្រួសារដែលមកទទួលយកសាកសព ជនរងគ្រោះខាងលើបានបាត់ការទាក់ទងតាំងពីថ្ងៃទី២០ កក្កដាមកម៉្លេះ ហើយទើបបានទទួលដំណឹងពីអ្នកស្ទូចត្រីបានប្រទះឃើញដំបូលរថយន្តអណ្តែតតិចៗនៅខាងក្រោមស្ពានត្រពាំងប្រីយ៍ ក៏រាយការណ៍ប្រាប់ប៉ុស្តិ៍រដ្ឋបាលឃុំកក់។ ប្រភពព័ត៌មានបានបន្តថា៖ តាមការពិនិត្យកន្លែងកើតហេតុ រថយន្តបើកបរក្នុងទិសដៅពីលិចទៅកើត លុះមកដល់ចំណុចកើតហេតុដោយស្ថានភាពផ្លូវកោងមានស្ពាន ក៏ជ្រុលចង្កូតឆ្លាក់ផ្លូវចូលក្នុងទឹកក្រោមស្ពាន បណ្តាលឲ្យអ្នកបើកបររថយន្តឈ្លក់ទឹកស្លាប់នៅក្នុងរថយន្តតែម្តង។ ដោយករណីនេះបង្កឡើងពីការប្រើប្រាស់ល្បឿន៕  

ដោយ៖ សុខុម រតនគិរី÷របាយការណ៍បឋមរបស់ក្រុមការងារនៃមន្ទីរសុខាភិបាលខេត្តរតនគិរី ឱ្យដឹងនៅថ្ងៃទី២៤ ខែកក្កដា ឆ្នាំ២០២៤ថា កាលពីយប់ថ្ងៃទី២៣កក្កដាមានគ្រួសារមួយមកពីភូមិរ៉ក ឃុំកុកឡាក់ ស្រុកវ៉ើនសៃ សង្ស័យពុលផ្សិតម្យ៉ាងដែលពុំទាន់ស្គាល់ឈ្មោះ។ គ្រួសារអ្នកជំងឺបាននិយាយថា ពួកគេបានធ្វើសម្លផ្សិតដោយដាក់លាយជាមួយសត្វគីងគក់។បន្ទាប់ពីទទួលទានរួចមានអាការឈឺពោះ វិលមុខ ឈឺក្បាល ក្អួត ចុកពោះ នាំគ្នាមកសម្រាកព្យាបាលនៅមណ្ឌលសុខភាពវីរៈជ័យ ស្រុកវ៉ើនសៃ។ នៅពេលនោះស្ថានភាពកាន់តែធ្ងន់ធ្ងរក៏មកមន្ទីរពេទ្យបង្អែកខេត្ត។ជាអកុសល្យឈ្មោះ ប្រង កេះ អាយុ៣០ឆ្នាំបាត់បង់ជីវិត។រីឯប្រពន្ធគាត់គ្រូពេទ្យជួយទាន់។ បន្ទាប់ពីមានករណីខាងលើ ក្រុមការងារដឹកនាំដោយលោក ជា និត ប្រធានមន្ទីរសុខាភិបាលខេត្តរតនគិរី,ការិយាល័យសុខាភិបាលស្រុកប្រតិបត្តិបរកែវ មណ្ឌលសុខភាពវ៉ើនសៃ បានចុះធ្វើការអង្កេតសា្រវជ្រាវដល់ភូមិកើតហេតុដើម្បីអប់រំណែនាំដល់អ្នកភូមិឱ្យមានការប្រុងប្រយ័ត្នចំពោះការទទួលទានអាហារ ជាពិសេសត្រូវអនុវត្តទៅតាមវិធានការរបស់ក្រសួងសុខាភិបាលគឺបរិភោគស្អាត ផឹកស្អាត ទទួលទានមានអនាម័យ។ សូមបញ្ជាក់ផងដែរថាកាលពីថ្ងៃទី២១ ខែកក្កដា ឆ្នាំ២០២៤កន្លងមកនេះក៏មានការសង្ស័យពុលផ្សិតស្រដៀងគ្នាក្រោយពីអ្នកភូមិប៉ក់ប៉ូ ឃុំប៉ក់ញ៉ៃ ស្រុកអូរយ៉ាដាវដកផ្សិតមកពីក្បែរគុម្ពឫស្សីយកមកធ្វើម្ហូបទទួលទាន។ អ្នកភូមិពុលមានរហូតដល់ទៅចំនួន១៧នាក់។ អ្នកភូមិដែលពុលផ្សិតម្យ៉ាងមិនបណ្តាល ឱ្យស្លាប់នោះទេបន្ទាប់ពីដឹកមកសង្រ្គោះនៅមន្ទីរពេទ្យបង្អែកស្រុកបរកែវ និងមន្ទីរពេទ្យបង្អែកខេត្តទាន់ពេលវេលា៕

ដោយ៖ សុខុម ភ្នំពេញ៖មន្ទីរប្រឆាំងបទល្មើសគ្រឿងញៀន នៅថ្ងៃទី២៤ ខែកក្កដា២០២៤នេះ បានបង្ហាញអំពីប្រតិបត្តិការបង្រ្កាបបានករណីជួញដូរគ្រឿងញៀនឆ្លងដែនឃាត់ខ្លួនជនជាតិចិនចំនួនពីរនាក់និងរឹបអូសគ្រឿងញៀនទម្ងន់ជាង២០០គីឡូក្រាម។ សមត្ថកិច្ចបានឲ្យ Cambodia Flash News (CFN) ដឹងថា៖ កាលពីថ្ងៃទី២១ ខែកក្កដា ឆ្នាំ២០២៤ កម្លាំងជំនាញនៃមន្ទីរប្រឆាំងបទល្មើសគ្រឿងញៀន (ក១១) សហការជាមួយស្នងការដ្ឋាននគរបាលខេត្តកណ្ដាល និងស្នងការដ្ឋាននគរបាលរាជធានីភ្នំពេញ ដឹកនាំនិងសម្របសម្រួលដោយលោក ខា ដែនណា ព្រះរាជអាជ្ញារងសាលាដំបូងខេត្តកណ្ដាល បានចុះស្រាវជ្រាវស៊ើបអង្កេត តាមដានមុខសញ្ញាស្ថិតនៅចំណុចផ្សារគគីរ ផ្លូវជាតិលេខ១ ស្រុកកៀនស្វាយ ខេត្តកណ្ដាល ។សមត្ថកិច្ចពន្លាតដែនដីមករាជធានីភ្នំពេញ រហូតចាប់ខ្លួនជនល្មើសម្នាក់ នៅចំណុចស្ពានកោះនរាណ៍ សង្កាត់ទន្លេបាសាក់ ខណ្ឌដូនពេញ រាជធានីភ្នំពេញ។ បន្ទាប់មកកម្លាំងជំនាញបន្តឃាត់ខ្លួនបានជនល្មើសម្នាក់ទៀតនៅផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ កម្លាំងជំនាញចាប់ខ្លួនជនល្មើសចំនួន ០២នាក់រួមមាន៖ ១-ឈ្មោះ ថាវ វួយ (TAO WEI) ភេទប្រុស ជនជាតិចិន អាយុ៤១ឆ្នាំ, ២-ឈ្មោះ ហ៊ើ សុងហ្វឹង (HE XIONGFENG) ភេទប្រុស ជនជាតិចិន […]

ដោយ៖ គង់ហេង ត្បូងឃ្មុំ៖ ឯកឧត្តម ប៉ែន កុសល្យ ជាអភិបាលខេត្តត្បូងឃ្មុំថ្មី បានដឹកនាំសហការី កងកម្លាំងប្រដាប់អាវុធ ចុះពិនិត្យស្ថានភាពជាក់ស្តែង ពីការបាក់ស្រុតច្រាំងទន្លេមេគង្គ គឺបានសម្រេចឱ្យផ្ទះប្រជាពលរដ្ឋចំនួនបីខ្នងនៅភូមិទួលគរ ឃុំទន្លេបិទ ស្រុកត្បូងឃ្មុំ រុះរើ និងរំកិល គេចចេញពីការបាក់ស្រុតច្រាំងនេះ នៅព្រឹកថ្ងៃទី ២៤ កក្កដា។ ប្រភពព័ត៌មានពីមន្រ្តីសាលាខេត្តត្បូងឃ្មុំបានឱ្យដឹងថា៖ ផ្ទះប្រជាពលរដ្ឋទាំងបីខ្នង ដែលត្រូវរុះរើ និងរំកិលចេញពីច្រាំងបាក់ស្រុតនោះ ទី.១. ឈ្មោះ អេង វណ្ណដា ភេទ ប្រុស អាយុ ៤១ ឆ្នាំ ផ្ទះសង់អំពីឈើ ដំបូលប្រក់ស័ង្កសី ទំហំ ៥ ម៉ែត្រ គុណនឹង ៧ម៉ែត្រ មានសមាជិកសរុប ៦ នាក់,ទី.២.ឈ្មោះ ចែម សុខឃឿន ភេទប្រុស អាយុ ៥៤ ឆ្នាំ ផ្ទះសង់អំពីឈើ ដំបូលប្រក់ស័ង្កសី ទំហំ ៤ ម៉ែត្រ គុណនឹង […]

ដោយ : បន្ទាយ ភ្នំពេញ: អស់រយៈពេល ១២ ថ្ងៃ មកហើយ ដែលឧទ្ធម្ភាគចក្រមួយគ្រឿង របស់កងទ័ពជើងអាកាស នៃកងយោធពលខេមរភូមិន្ទ  ហោះហើរដោយអាកាសយានិកចំនួន ២ រូប បានបាត់ការទាក់ទងជាមួយទីបញ្ជាការទ័ពអាកាស។នេះបើតាមហ្វេសប៊ុក របស់សម្តេចធិបតីហ៊ុន ម៉ាណែត ដែលបង្ហោះនៅថ្ងៃទី២៣ខែកក្កដាឆ្នាំ២០២៤ ។ ហ្វេសប៊ុកផ្ទាល់ខ្លួនរបស់សម្តេចធិបតីហ៊ុន ម៉ាណែត នាយករដ្ឋមន្ត្រីបានអោយដឹងទៀតថា: ចាប់ពីពេលនោះមកទល់ពេលនេះ គឺមិនមានមួយវិនាទីណាដែលអាកាសយានិកទាំងពីររូបត្រូវបានបំភ្លេចនោះទ្បើយ។ ការស្វែងរកឧទ្ធម្ភាគចក្រនោះ បានចាប់ផ្តើមភ្លាមៗបន្ទាប់ពីបាត់ការទាក់ទង ដោយមានការចូលរួមពីសំណាក់កងយោធពលខេមរភូមិន្ទ និងអាជ្ញាធរដែនដីនៅនឹងកន្លែង ហើយមកដល់ម៉ោងនេះ កងកម្លាំងរុករករបស់យើងបានបន្តបេសកកម្មរបស់ខ្លួនទាំងយប់ទាំងថ្ងៃ មិនថាមេឃរាំង ឬភ្លៀង និងមិនថាក្នុងព្រៃជ្រៅ ឬឆ្លងកាត់ជ្រោះជ្រលងទឹកហូរនោះទេ ក៏ការស្វែងរកអាកាសយានិកទាំងពីររូបនៅតែបន្តជានិច្ច ។ ខ្ញុំសូមយកឱកាសនេះ ធ្វើការកោតសរសើរចំពោះការយកចិត្តទុកដាក់ខ្ពស់របស់ឯកឧត្តម ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ, ឯកឧត្តម នាយឧត្តមសេនីយ៍ ទេសរដ្ឋមន្ត្រីអនុប្រធានទី១ នៃគណ:កម្មាធិការជាតិគ្រប់គ្រងគ្រោះមហន្តរាយ, ឯកឧត្តម អគ្គមេបញ្ជាការ នៃកងយោធពលខេមរភូមិន្ទ, ឯកឧត្តម អគ្គមេបញ្ជាការរង នាយសេនាធិការចម្រុះ, ឯកឧត្តម អភិបាល នៃគណ:អភិបាលខេត្តពោធិ៍សាត់, ថ្នាក់ដឹកនាំគ្រប់បណ្តាអង្គភាពពាក់ព័ន្ធ ក៏ដូចជាការខិតខំប្រឹងប្រែងរបស់បងប្អូនក្រុមរុករកទាំងអស់ […]

ដោយ : បន្ទាយ បន្ទាយមានជ័យ ÷ កម្លាំងមូលដ្ឋានកងរាជអាវុធហត្ថក្រុងប៉ោយប៉ែតបានឃាត់ខ្លួនជនសង្ស័យចំនួន០៣នាក់ ពាក់ព័ន្ធករណីលួចម៉ូតូ និងប្រើប្រាស់នូវសារធាតុញៀន កាលពីថ្ងៃទី២១ខែកក្កដា ឆ្នាំ២០២៤ នៅភូមិនិមិត្ត១ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។ សមត្ថកិច្ចបានឲ្យដឹងកាលពីថ្ងៃទី២២ខែកក្កដា ឆ្នាំ២០២៤ ថា ក្រោយទទួលពាក្យបណ្ដឹងរបស់ជនរងគ្រោះឈ្មោះ ស្រី ថានី ភេទស្រី អាយុ៣៧ឆ្នាំ រស់នៅភូមិនិមិត្ត១ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ស្ដីពីករណីបាត់ម៉ូតូ កាលពីវេលាម៉ោង០៦ ថ្ងៃទី២០ ខែកក្កដា ឆ្នាំ២០២៤ នៅភូមិនិមិត្ត១ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រីនួន នីណារ៉ូ មេបញ្ជាការបានចុះទៅដល់កន្លែងកើតហេតុ ធ្វើការស្រាវជ្រាវនិងកំណត់មុខសញ្ញា រហូតដល់វេលាម៉ោង១២ ថ្ងៃទី២១ខែកក្កដា ឆ្នាំ២០២៤ បានធ្វើការឃាត់ខ្លួនជនសង្ស័យជាបន្តបន្ទាប់បានចំនួន០៣នាក់។ ទី១-ឈ្មោះ ខាំ សុង ភេទប្រុស អាយុ៤៤ឆ្នាំ, ២-ឈ្មោះ ឆន ឆៃលី ភេទប្រុស អាយុ៣៩ឆ្នាំ (ជនសង្ស័យទាំង២នាក់ស្នាក់នៅមិនពិតប្រាកដ […]

ដោយ : បន្ទាយ ភ្នំពេញ៖ មនុស្ស១៧នាក់ពាក់ព័ន្ធករណីបទល្មើសលើគ្រឿងញៀន ត្រូវបានអាវុធហត្ថរាជធានីភ្នំពេញក្នុងខណ្ឌពោធិ៍សែនជ័យ ខណ្ឌទួលគោក និងការិយាល័យប្រឆាំងគ្រឿងញៀន ឃាត់ខ្លួនជាបន្តបន្ទាប់ ។ សមត្ថកិច្ចខាងលើបានឲ្យដឹងកាលពីថ្ងៃទី២២ខែកក្កដាឆ្នាំ២០២៤ថា: ការឃាត់ខ្លួនធ្វើនៅគោលដៅផ្សេងៗគ្នា។ ទី១-ចំណុចបន្ទប់ជួលគ្មានលេខ ភូមិជ្រៃកោង សង្កាត់ចោមចៅ​២ ខណ្ឌពោធិ៍សែនជ័យ, ទី២-ចំណុចសំណង់អនាធិបតេយ្យ ស្ថិតក្នុងភូមិ១៧ សង្កាត់បឹងសាឡាង ខណ្ឌទួលគោក, ទី៣-ចំណុចលើផ្លូវបេតុង ទល់មុខសាលាបឋមសិក្សាបាក់ទូក សង្កាត់៧មករា ខណ្ឌ៧មករា និងទី៤-ចំណុចបន្ទប់ជួលគ្មានលេខ ផ្លូវរទេះភ្លើង សង្កាត់បឹងកក់១ ខណ្ឌទួលគោក។សមត្ថកិច្ចបានដកហូតគ្រឿងញៀនក្រាមសថ្លាសរុបចំនួន៤៤កញ្ចប់ (ធំ-តូច), ជញ្ជីងសម្រាប់ថ្លឹងគ្រឿងញឿនចំនួន០៣, សម្ភារប្រើប្រាស់គ្រឿងញៀន និងថង់សម្រាប់ច្រកគ្រឿងញៀនមួយចំនួន។ ជាលទ្ធផលនៅថ្ងៃទី២០-២២ ខែកក្កដា ឆ្នាំ២០២៤ កម្លាំងជំនាញការិយាល័យប្រឆាំងបទល្មើសគ្រឿងញៀនកងរាជអាវុធហត្ថរាជធានីភ្នំពេញ បានបញ្ជូនជនសង្ស័យប្រុសស្រីទាំង១៧នាក់នោះ ទៅមណ្ឌលផ្សេងៗគ្នារួមមាន៖ ១៣នាក់បញ្ជូនទៅតុលាការដោយសម្រេចឃុំខ្លួនបណ្តោះអាសន្ននៅមណ្ឌលអប់រំកែប្រែទី១ មណ្ឌលអប់រំកែប្រែទី២ និង០៤នាក់បញ្ជូនទៅមជ្ឈមណ្ឌលព្យាបាលអ្នកញៀនគ្រឿងញៀននៅស្រុកកណ្តាលស្ទឹង។ សូមបញ្ជាក់ថាជនប្រុសស្រីទាំង១៧នាក់មានអាយុពី១៥ឆ្នាំដល់៤៤ឆ្នាំ ៕

ដោយ : បន្ទាយ ភ្នំពេញ : កាលពីថ្មីៗនេះមានករណីប៉ុនប៉ងឃាត.កម្មគិតទុកជាមុនបង្កឡើងដោយជនសង្ស័យម្នាក់បានធ្វើយកកាំបិតចុង.ស្រួចចា.ក់ទៅលើជនរងគ្រោះបណ្ដាលឲ្យរងរបួសធ្ងន់ នៅស្ថានីយប្រេងឥន្ធនៈ ភី ធី ធី ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។ អាវុធហត្ថរាជធានីភ្នំពេញបានឲ្យដឹងកាលពីថ្ងៃទី២២ ខែកក្កដា ឆ្នាំ២០២៤ ថា: បន្ទាប់ពីទទួលបានបណ្តឹងរបស់ប្រពន្ធជនរងគ្រោះ ដើម្បីសុំកិច្ចអន្តរាគមន៍លើករណីខាងលើ  បន្ទាប់មកកម្លាំងមូលដ្ឋានអាវុធហត្ថខណ្ឌដង្កោនិងអ្នកពាក់ព័ន្ធ បានឃាត់ខ្លួនជនសង្ស័យម្នាក់ឈ្មោះ អ៊ុង វណ្ណា ភេទប្រុស អាយុ ៤៧ឆ្នាំ ។ នៅចំពោះមុខសមត្ថកិច្ច ជនសង្ស័យ អ៊ុង វណ្ណា បានសារភាពថា ខ្លួនពិតជាបានធ្វើសកម្មភាពយកកាំបិតចុងស្រួចចាក់ទៅលើជនរងគ្រោះពិតប្រាកដមែន។ ដោយមូលហេតុកាលពីអំឡុងឆ្នាំ២០២១ ខ្លួនបានចូលធ្វើការជាសន្តិសុខនៅស្ថានីយប្រេងឥន្ធនៈខាងលើ អស់រយៈពេលជិត០៣ឆ្នាំ មកហើយ។ ក្រោយមកជនរងគ្រោះក៏បានចូលធ្វើការជាមួយខ្លួនដែរ និងបានប្រចាំការជាមួយគ្នា ដោយជនរងគ្រោះយាមខាងមុខ ចំណែកខ្លួនយាមខាងក្រោយ។ លុះពេលធ្វើការជាមួយគ្នាយូរៗទៅ ក៏មានបញ្ហាជាមួយគ្នា បង្កើតបានជាជម្លោះជារឿយៗ និងធ្លាប់ឈ្លោះប្រកែកទាស់ទែងរហូតប្រើអំពើហិង្សាទៅលើគ្នាទៅវិញទៅមក បង្កឲ្យមានរបួសស្នាមផងដែរ។ ក្រោយមកជនរងគ្រោះក៏បានប្តឹងទៅថៅកែការ៉ាស់សាំង ហើយថៅកែបានហៅពួកខ្លួនទាំងពីរនាក់មកសួរនាំហេតុផល បន្ទាប់ពីសួរនាំរួច គាត់បានណែនាំខ្លួនចំនួន០២ទៅ០៣លើក ។ប៉ុន្តែខ្លួនមិនបានធ្វើនិងស្តាប់តាមការណែនាំរបស់ថៅកែទេ។ ហេតុផលទាំងអស់នេះហើយទើបថៅកែសម្រេចចិត្តបញ្ឈប់ខ្លួនពីការងារសន្តិសុខក្នុងអំឡុងខែឧសភា ឆ្នាំ២០២៤ ធ្វើឲ្យខ្លួនមានគំនិតគុំកួនស្អប់ទៅលើជនរងគ្រោះចាប់ពីពេលនោះមក […]

ដោយ៖ កំចាយ កំពត÷ សមត្ថកិច្ចនៃស្នងការដ្ឋាននគរបាលខេត្តកំពត កាលពីរសៀលថ្ងៃទី២២ ខែកក្កដា ឆ្នាំ២០២៤ បានបញ្ជូនជនសង្ស័យម្នាក់ទៅសាលាដំបូងពីបទឆបោកលុយប្រជាពលរដ្ឋក្រោមហេតុផលថានាំកូនចៅទៅធ្វើការនៅប្រទេសកូរ៉េ។ លោកឧត្តមសេនីយ៍ត្រី លក ញ៉ាវ ស្នងការរងទទួលផែនការងារនគរបាលព្រហ្មទណ្ឌនៃស្នងការដ្ឋានខេត្តកំពតបានប្រាប់ឲ្យដឹងថា ជនសង្ស័យក្នុងករណីខាងលើឈ្មោះ សាន់ សុកវី ភេទប្រុស អាយុ ៥០ឆ្នាំ រស់នៅភូមិអូររលួស ឃុំដំណាក់កន្ទួតខាងត្បូង ស្រុកកំពង់ត្រាច ខេត្តកំពត។ លោកស្នងការរងបានបញ្ជាក់ថា ថ្មីៗនេះ ស្នងការដ្ឋានបានទទួលបណ្តឹងពីប្រជាពលរដ្ឋ២២គ្រួសារស្តីពីការខាតបង់ប្រាក់អស់៤៦.៣០៥ដុល្លារ ចាប់ពីថ្ងៃទី៥ ខែមិថុនា ឆ្នាំ២០២៣ ដល់បច្ចុប្បន្ន ព្រោះតែឈ្មោះ សាន់ សុកវី ឆបោកថានាំកូនចៅរបស់ពួកគាត់ទៅធ្វើការនៅប្រទេសកូរ៉េ។ ជាមួយបណ្តឹងនេះ លោកឧត្តមសេនីយ៍ទោ ម៉ៅ ច័ន្ធមធុរិទ្ធ ស្នងការនគរបាលខេត្តបានបញ្ជាដល់មន្ត្រីជំនាញខេត្តសហការជាមួយកម្លាំងអធិការដ្ឋានស្រុកកំពង់ត្រាចចុះស្រាវជ្រាវក្រោមទម្រង់ជាបទល្មើសជាក់ស្តែង។ ជាលទ្ធផលនៃការស៊ើបអង្កេតតាមរយ:នាំជនសង្ស័យមកសាកសួរ និងមានការណែនាំពីតំណាងអយ្យការអមសាលាដំបូងខេត្ត សមត្ថកិច្ចបានឃាត់ខ្លួនជនសង្ស័យនៅថ្ងៃទី១៩ ខែកក្កដា ឆ្នាំ២០២៤ ដើម្បីបន្តនីតិវិធី។ លោកឧត្តមសេនីយ៍ត្រីបានបញ្ជាក់ទៀតថា ក្រោយឃាត់ខ្លួន ជនសង្ស័យបានសារភាពថា ក្រោមគំនិតផ្តួចផ្តើមរបស់ប្អូនថ្លៃស្រីកំពុងធ្វើការនៅប្រទេសកូរ៉េ ពួកគេបានបើកទីតាំងនៅភូមិទួលពង្រ សង្កាត់ព្រៃស ខណ្ឌដង្កោ រាជធានីភ្នំពេញ សម្រាប់ភ្ញៀវទំនាក់ទំនងទៅធ្វើការនៅប្រទេសកូរ៉េ។ ក្នុងនាមជាសមាជិកក្រុមការងារដែលទទួលប្រាក់ខែ៥០០ដុល្លារ ឈ្មោះសាន់ […]

ដោយ : បន្ទាយ បន្ទាយមានជ័យ : ការរកមិនឃើញឧទ្ធម្ភាគចក្រនិងមនុស្សដែលបាត់ការទាក់ទង ហើយសង្ស័យថាធ្លាក់នៅតំបន់ជួរភ្នំក្រវាញភូមិសាស្រ្តស្រុកវាលវែងខេត្តពោធិ៍សាត់ មកពីបញ្ហាអាកាសធាតុដែលបង្កការលំបាកខ្លាំងដល់កងកម្លាំងបំពេញបេសកកម្ម ។ នេះបើតាមលោកទេសរដ្ឋមន្ត្រីគន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយប្រាប់សារព័ត៌មានកាលពីថ្ងៃទី២០ ខែកក្កដា ឆ្នាំ២០២៤ ចំខួប៧ថ្ងៃនៃបេសកកម្ម។ លោកទេសរដ្ឋមន្ត្រីឱ្យដឹងបន្តថា៖ ប្រតិបត្តិការរុករកមានការលំបាកប្រចាំថ្ងៃ ដោយសារតែបញ្ហាធាតុអាកាស ភ្លៀងធ្លាក់ជាប់ ចុះអ័ព្ទ តាមផ្លូវអាកាសមិនអាចធ្វើសកម្មភាពបាន ធ្វើដំណើរក៏មិនបាន ។បងប្អូនកងទ័ពខិតខំណាស់ តែនៅតែរកមិនឃើញ ។ គណៈកម្មាធិការជាតិគ្រប់គ្រងគ្រោះមហន្តរាយ បានចាត់តាំងអគ្គលេខាធិការ ដឹកនាំកម្លាំងដើម្បីសហការសម្របសម្រួលជាមួយកម្លាំងរុករកទាំងអស់។ ក្រុមការងារបានខិតខំដឹកស្បៀង ថ្នាំសង្កូវបញ្ជូនតាមឧទ្ធម្ភាគចក្រដល់កងទ័ពដែលកំពុងបំពេញប្រតិបត្តិការ៕

ដោយ : បន្ទាយ បន្ទាយមានជ័យ៖ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ ដោយមានការសម្របសម្រួលនីតិវិធីពីលោក សំរឹទ្ធ សុខុន ព្រះរាជអាជ្ញារង អមសាលាដំបូងខេត្ត កម្លាំងនគរបាលផែនប្រឆាំងគ្រឿងញៀនកាលពីថ្មីៗនេះបានធ្វើការបង្ហាញមុខជនសង្ស័យជនជាតិថៃ៣នាក់ ករណីជួញដូរថ្នាំញៀន ប្រភេទWY ចំនួន៣៨០០គ្រប់ នៅក្នុងភូមិសាស្ត្រក្រុងប៉ោយប៉ែត។ លោកឧត្តមសេនីយ៍ត្រី ធិន ស៊ិនដេត ស្នងការរងទទួលផែនការងារប្រឆាំងគ្រឿងញៀនបានឲ្យដឹងកាលពីថ្ងៃទី២០ខែកក្កដាថា: នៅវេលាម៉ោង៧យប់ថ្ងៃទី១៨ខែកក្កដាឆ្នាំ២០២៤ លោកបានដឹកនាំកម្លាំងនគរបាលការិយាល័យជំនាញប្រឆាំងគ្រឿងញៀន សហការជាមួយកម្លាំងនគរបាលនៃអធិការដ្ឋាននគរបាលក្រុងប៉ោយប៉ែត បានចុះបង្រ្កាបករណីជួញដូរគ្រឿងញៀននៅបន្ទប់ជួលមួយកន្លែង ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត បានឃាត់ខ្លួនជនសង្ស័យជនជាតិថៃចំនួន០៣នាក់  ។ ជនសង្ស័យទាំង៣នាក់មានឈ្មោះ៖១.ឈ្មោះតាណាណាត់ ឃើតណូយ( Tananat Kerdnoy )ភេទប្រុស អាយុ៤៤ឆ្នាំ , ២.ឈ្មោះ តាណាខន អីកៀវ (Tanakorn Eikeiv )ភេទប្រុស អាយុ២២ឆ្នាំ ,៣.ឈ្មោះវៀរ៉ាផាត ត្រេត នុត ( Veerapat Trainut) អាយុ២៨ឆ្នាំ ។ ក្នុងកិច្ចប្រតិបត្តិការ កម្លាំងនរបាលស្រាវជ្រាវរកឃើញ […]

ដោយ:សុខុម ភ្នំពេញ: ឧត្តមសេនីយ៍ឯកជួនណារិន្ទ អគ្គស្នងការរងស្នងការនគរបាលរាជធានីភ្នំពេញនៅថ្ងៃទី២០កក្កដា២០២៤នេះបានបង្ហាញបុរស អ្នកយកជើងបើកបររថយន្តតាមផ្លូវ មកសាកសួរនៅកន្លែងសមត្ថកិច្ច។ យោងតាម ការបង្ហោះនៅក្នុងបណ្ដាញសង្គមរបស់ស្នងការនគរបាលរាជធានីភ្នំពេញ បានសរសេរថាអ្នកបើករថយន្តដ៏ល្បីបានមកដល់កន្លែងជំនាញហើយ កំពុងឆុងតែក្ដៅជូន។ នៅក្នុងវីដេអូរឃ្លីបមួយដែលបុរស ម្នាក់យកជើងបើកបររថយន្តនិងម្នាក់ទៀត អ្នករួមដំណើរ បានថតជាខ្លីបវីដេអូរួចយកទៅបង្ហោះនៅក្នុងបណ្ដាញសង្គមក៏មានការចែករំលែកតៗគ្នា យ៉ាងច្រើន។ អ្នកខ្លះ បានរិះគន់ ទៅអ្នកបើកបរ ថាខ្វះសីលធម៌។ ក្រោយពីមានរឿងនេះកើតឡើង សមត្ថកិច្ចជំនាញ បើកការស្រាវជ្រាវ និង ហៅអ្នកពាក់ព័ន្ធពីរនាក់ក្នុងវីដេអូនោះមកកាន់កន្លែងសមត្ថកិច្ច។ ក្រោយពីចូលផឹកតែនៅកន្លែងសមត្ថកិច្ចអ្នកបើកបររថយន្ត និងអ្នករួមដំណើរ បាននិយាយប្រាប់ថា ករណីនេះគាត់បើកនៅលើផ្លូវ លំភូមិព្រែកផ្ដៅឃុំរលាំងចក ស្រុកសំរោងទងខេត្តកំពង់ស្ពឺកាលពីរសៀលថ្ងៃទី១៩កក្កដា២០២៤៕

ដោយ : បន្ទាយ ពោធិ៍សាត់ ៖កងកម្លាំងចម្រុះប្រតិបត្តិការរុករកឧទ្ធម្ភាគចក្រនិងកងទ័ព២នាក់ដែលបាត់ការទាក់ទងនៅតំបន់ព្រៃភ្នំក្នុងស្រុកវាលវែងខេត្តពោធិ៍សាត់បានស៊ីពេល៧ថ្ងៃមកហើយ ដោយគេប្រើប្រាស់កម្លាំង១.០០០នាក់។ មន្ត្រីយោធភូមិភាគទី៥ បានអោយដឹងថ្ងៃទី២០ខែកក្កដាថា: យោងបទបញ្ជារបស់សម្តេចនាយករដ្ឋមន្ត្រី ការចង្អុលបង្ហាញរបស់ក្រសួងការពារជាតិ អគ្គបញ្ជាការ បញ្ជាការដ្ឋានកងទ័ពជើងគោកចាប់ពីថ្ងៃទី១៣ រហូតដល់ថ្ងៃទី២០ ខែកក្កដា ឆ្នាំ២០២៤ ប្រតិបត្តិការរុករកឧទ្ធម្ភាគចក្រនិងកងទ័ពលើនោះដែលបានបាត់ការទាក់ទងនៅតំបន់ព្រៃក្នុងស្រុកវាលវែងខេត្តពោធិ៍សាត់ នៅតែបន្ត ហើយក៏រកមិនទាន់ឃើញនៅឡើយដដែល ។ តើនរណាខ្លះដែលដឹកនាំប្រតិបត្តិការនេះ ? ខាងក្រោមនេះ ជាមេយោធាជាន់ខ្ពស់កម្ពុជាសំខាន់ៗដែលដឹកនាំបញ្ជាផ្ទាល់ ៖ ១-នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ ។ ២-នាយឧត្តមសេនីយ៍ ខឹមជា សាខឿន រដ្ឋលេខាធិការក្រសួងការពារជាតិ ៣-នាយឧត្តមសេនីយ៍សឹង សំណាង អគ្គមេបញ្ជាការរង មេបញ្ជាការកងទ័ពអាកាស ៤-លោកឧត្តមសេនីយ៍ឯក ហួត ឈាង មេបញ្ជាការរង នាយសេនាធិការ កងទ័ពជើងគោក ៥-លោកឧត្តមសេនីយ៍ទោ សេង ធារិន មេបញ្ជការរង នាយសេនាធិការ យោធភូមិភាគទី៥ ៦-ឧត្តមសេនីយ៍ទោ ស៊ុ សំណាង មេបញ្ជាការ […]

ដោយ : បន្ទាយ ពោធិ៍សាត់៖ បេសកកម្មរុករកឧទ្ធម្ភាគចក្រនិងកងទ័ព២នាក់ដែលកំពុងបើកបរហ្វឹកហ្វឺន ហើយបាត់ពីការទាក់ទង នៅតែរកមិនឃើញនៅឡើយមកទល់ថ្ងៃទី១៨ ខែកក្កដាឆ្នាំ២០២៤ ឬចូលជាថ្ងៃទី៦ទៅហើយនេះ។បញ្ហាអាកាសធាតុត្រូវក្រុមការងារចាត់ទុកថាជាមូលហេតុធំជាងគេដែលបង្កើនសម្ពាធឧបសគ្គដល់បេសកកម្មនេះ ។ ជាការផ្តល់កម្លាំងចិត្តដល់ក្រុមការងារ កាលពីថ្ងៃទី១៧ ខែកក្កដា លោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានចុះទៅពិនិត្យប្រតិបត្តិការរបស់កម្លាំងចម្រុះនៅទីបញ្ជាការស្រាលនាថ្មដា ឃុំថ្មដា ស្រុកវាលវែង ខេត្តពោធិ៍សាត់ ។ ប្រភពព័ត៌មានពីស្រុកវាលវែងបានឲ្យដឹងនាថ្ងៃទី១៨ខែកក្កដាថា: ប៉ុន្មានថ្ងៃមកនេះ ជាពិសេសពេលនេះ នៅភូមិសាស្ត្រក្រុមការងារបេសកកម្មដាក់គោលដៅថាជាកន្លែងសង្ស័យ៥០គីឡូម៉ែត្រក្រឡាម្តុំខាងលិចភ្នំខ្មោចនៃជួរភ្នំក្រវាញ ដែលឧទ្ធម្ភាគចក្រអាចធ្លាក់និងតំបន់ជុំវិញបាននិងកំពុងមានភ្លៀងធ្លាក់ខ្លាំង ពោលគឺបន្ថែមភ្លៀងរលឹមស្ទើររាល់ថ្ងៃនោះ ។ ហេតុនេះនៅក្នុងព្រៃជ្រលងដងភ្នំ ជ្រៅអូរស្ទឹងត្រូវគ្របដណ្តប់ដោយទឹកភ្លៀងនិងទឹកជន់ឡើង ហើយហូរគំហុកខ្មួលខ្មាញ់ ដែលបង្កការលំបាកបន្ថែមទៀតដល់បេសកកម្មដែលមិនជោគជ័យស្រាប់មួយនេះ។ តម្រុយណាមួយពាក់ព័ន្ធ ឬក៏បំណែកឧទ្ធម្ភាគចក្រនិងកងទ័ព២នាក់នៅតែមិនមាន ។ទន្ទឹមនឹងនេះមានព្រឹត្តិការណ៍ជាច្រើនបានកើតនិងបង្កើតឡើងទាក់ទិនការបាត់និងបេសកកម្មរុករកឧទ្ធម្ភាគចក្រនិងកងទ័ព២នាក់នេះ។ សារព័ត៌មានក្នុងស្រុកនៅប្រទេសថៃបានរាយការណ៍ថា៖ កងកម្លាំងថៃនៅក្នុងខេត្តត្រាតនិងច័ន្ទបូរី(ដែលជាប់ព្រំប្រទល់ដែនកម្ពុជានៃខេត្តកោះកុង ពោធិ៍សាត់ បាត់ដំបងនិងប៉ៃលិន ក៏បានព្យាយាមស្វែងរកឧទ្ធម្ភាគចក្រនិងមនុស្ស២នាក់របស់កម្ពុជាដែលបានបាត់ពីការទាក់ទងឬសង្ស័យធ្លាក់នោះដែរ  ក្រែងលោបានឆ្លងចូលក្នុងទឹកដីថៃ ។ ប៉ុន្តែសញ្ញានៃកងការពារអាកាសថៃ ថាមិនមានការហោះចូលទេ ។ ខណ:នេះដែរ ហ្វេសប៊ុករបស់ឈ្មោះកល្យាណ ណាតារ៉ា(Kanlyan Natara) ដែលថា ជារូបប្រពន្ធរបស់ពីឡុតឈ្មោះលោកខេង ឆៃយុទ្ធ ចេញរូបនិងខ្លឹមសារជាបន្តបន្ទាប់ ដែលមានខ្លឹមសារជាអាថ៌ថា: […]