ដោយ : បន្ទាយ សៀមរាប ៖កម្មវិធីវេចនំអន្សម ក្រោមប្រធានបទ  “អន្សមបុណ្យភ្ជុំ យុវជនសៀមរាប” ក្រោមអធិបតីភាព លោកប្រាក់ សោភ័ណ្ឌ អភិបាលនៃគណៈអភិបាលខេត្តសៀមរាប ។ ពិធីខាងលើនេះធ្វើនៅសួនច្បារព្រះអង្គចេកព្រះអង្គចម ក្រុងសៀមរាបខេត្តសៀមរាប ប្រព្រឹត្តទៅកាលពីល្ងាចថ្ងៃទី២៧ខែកញ្ញា ។ លោកឧត្ដមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប ដឹកនាំកម្លាំងក្រោមឧ៌វាទចូលរួមកម្មវិធី និងការពារសន្តិសុខ។ក្នុងនោះដែរ មានការចូលរួមពីប្រធាន អនុប្រធានមន្ទីរ ស្ថាប័ន បញ្ជាការដ្ឋាន ស្នងការដ្ឋានពាក់ព័ន្ធ ចំណុះខេត្តសៀមរាប សសយក ខេត្តសៀមរាប មគ្គុទ្ទេសក៍ ទេសចរណ៍ កងកម្លាំងទាំងបីប្រភេទ។ នេះបើតាមក្រុមការងារអោយដឹងកាលពីថ្ងៃទី២៧ខែកញ្ញានិងមានភ្ញៀវទេសចរជាតិ អន្តរជាតិ ចូលរួមច្រើនកុះករ ៕

ដោយ : បន្ទាយ សៀមរាប : លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប បានអញ្ជើញដឹកនាំលោក លោកមេបញ្ជាការរង និងជានាយសេនាធិការ, មេបញ្ជាការរង,នាយសេនាធិការរង ,ប្រធាន-អនុប្រធានមន្ទីរ, នាយ-នាយរងការិយាល័យ  និងលោកមេបញ្ជាការមូលដ្ឋានកងរាជអាវុធហត្ថក្រុង ស្រុកសំណេះសំណាល និងបំពាក់ឋានន្តរសក្ដិ ជូនគ្រឿងឥស្សរិយយស ដល់យោធិន នៃកងរាជអាវុធហត្ថចូលនិវត្តន៍ ឆ្នាំ២០២៤ ។ គឺតាមរយៈប្រព័ន្ធ ( Video Conference ) កាលពីថ្ងៃទី២៦ ខែកញ្ញា ឆ្នាំ២០២៤ក្រោមអធិបតីភាព ដ៏ខ្ពង់ខ្ពស់ ឯកឧត្ដម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ។ ក្រោយពីលោកនាយឧត្តមសេនីយ៍ សៅ សុខា ធ្វើការសំណេះសំណាលតាម Video Conference ចប់ មេបញ្ជាការ តាមបណ្តារាជធានីខេត្ត បានធ្វើពិធី បំពាក់ឋានន្តរសក្តិ ឥស្សរិយយស ជូនដល់ យោធិននៃកងរាជអាវុធហត្ថ ចូលនិវត្តន៍ […]

ដោយ៖ កំចាយ កំពត÷ រដ្ឋបាលស្រុកទឹកឈូ កាលពីថ្ងៃទី២៧ ខែកញ្ញា ឆ្នាំ២០២៤ បានរៀបចំកម្មវិធីជួបជុំរវាងពលរដ្ឋ មន្ត្រីរាជការ យុវជន កងកម្លាំងប្រដាប់អាវុធបង្កើតព្រឹត្តិការណ៍វេចនំអន្សមខ្មែរដើម្បីថែរក្សាសម្បត្តិវប្បធម៌ជាតិនៅបរិវេណសាលាស្រុកផ្ទាល់។ ស្ត្រីឈ្មោះ យិន ភូ អាយុ ៧០ឆ្នាំ រស់នៅក្នុងឃុំត្រពាំងព្រីង ស្រុកទឹកឈូបានរៀបរាប់ថា អ៊ំស្រីពិតជាមានអារម្មណ៍រីករាយក្នុងការមកចូលរួមជួយវេចនំអន្សម និងបង្រៀនក្មេងៗឲ្យបានចេះដូចចាស់ៗនៅតាមភូមិដែរ។ ជាទូទៅ ក្មេងៗឥឡូវភាគច្រើនមិនចេះវេចនំអន្សមទេ។ ស្ត្រីដដែលបានបញ្ជាក់ថា រៀងរាល់រដូវបុណ្យភ្ជុំបិណ្ឌ ឪពុកម្តាយតែងវេចនំអន្សមសម្រាប់ឲ្យកូនដែលមកលេងស្រុកកំណើតយកតាមខ្លួនពេលត្រឡប់ទៅធ្វើការនៅឆ្ងាយៗវិញ។ ក្រុមយុវជនស្រុកទឹកឈូបានរៀបរាប់ថា ពិធីវេចនំអន្សមខ្មែរថែវប្បធម៌ជាតិជាឱកាសល្អសម្រាប់ពួកខ្លួនបានមកជួប និងរៀនវេចនំកេរដំណែលខ្មែរជាមួយគ្នា ពិសេសបានបង្កើនភាពស្និទ្ធស្នាលនឹងអ៊ំពូមីងជាមន្ត្រីរាជការសាលាស្រុកផ្ទាល់។ លោកស្រី តាន់ គឹមហុង ប្រធានកិត្តិយស អនុសាខាសមាគមនារីដើម្បីសន្តិភាព និងអភិវឌ្ឍន៍ស្រុកទឹកឈូ ជាតំណាងលោកអភិបាលស្រុកបានបញ្ជាក់ថា ការរៀបចំពិធីវេចនំអន្សមខ្មែរថែវប្បធម្មជាតិនេះគឺដើម្បីឲ្យក្មេងៗមានឱកាសរៀនវេចនំជាមួយបងប្អូន ពូមីង ចាស់ៗក្នុងស្រុកទឹកឈូ។ សកម្មភាពទាំងនេះក៏បានបង្កើនសាមគ្គីភាព និងចូលរួមថែរក្សាប្រពៃណីតាមរយ:ការវេចនំអន្សមខ្មែរសម្រាប់ពិធីបុណ្យភ្ជុំមិនឲ្យបាត់បង់ទៀតផង៕

ដោយ : បន្ទាយ បន្ទាយមានជ័យ៖ ថ្នាក់ដឹកនាំនិងមន្ត្រីនៃរដ្ឋបាលស្រុកព្រះនេត្រព្រះបាននាំយកនូវចម្លាក់រូបសំណាកជាងនិងតោដែលជានិមិត្តរូប( LOGO)ស្រុកព្រះនេត្រព្រះ មកតម្កល់នៅសួនស្រះជប់មុខសាលាស្រុកផ្លូវជាតិលេខ៦ នាភូមិចក្រី ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ កាលពីថ្ងៃទី២៦ខែកញ្ញាឆ្នាំ២០២៤ ។ អញ្ជើញដឹកនាំពិធីដោយលោកឃូ ពៅ អភិបាលនៃគណ:អភិបាលស្រុក, លោកកែវ ប៊ុនយឿន ប្រធានក្រុមប្រឹក្សា លោកអភិបាលរងនិងមន្ត្រី យុវជនស្រុកព្រះនេត្រព្រះ។ បើតាមលោកឃូ ពៅ   រូបនិមិត្តរូបស្រុកព្រះនេត្រព្រះនេះត្រូវណែនាំឲ្យឆ្លាក់ពីថ្មខ្សាច់ពណ៌ក្រហមដោយជាងចម្លាក់ឈ្មោះញ៉ែម កេន នៅភូមិភ្នំជញ្ជាំងឃុំជប់វារី ដែលមានទំហំរូបជាងនិងតោ ៖ រូបកម្ពស់១,៧ម៉ែត្រ   បល្ល័ង្គកម្ពស់០,៤ ម៉ែត្រ បណ្តោយ១,៤ម៉ែត្រ ទទឹង០,៨ម៉ែត្រ ។ ការលើកមកតម្កល់លើខឿននាថ្ងៃនក្ខត្តឫក្សនេះ គ្រាន់ជាបណ្តោះអាសន្នសិន ។ ឯពិធីសម្ពោធដាក់ឲ្យប្រើប្រាស់ផ្លូវការនឹងធ្វើនៅថ្ងៃល្អណាមួយក្រោយបុណ្យភ្ជុំបិណ្ឌ។ ទោះជាយ៉ាងណានាពេលនេះ  ថ្នាក់ដឹកនាំស្រុក បានអុជទៀន ធូបសុំម្ចាស់ទឹកម្ចាស់ដី វត្ថុសក្តិសិទ្ធិ អ្នកតាចាស់ស្រុក អ្នកមានបារមីក្នុងលោកធាតុ គុណព្រះរតនត្រ័យនិងអ្នករក្សារូបសំណាកនិមិត្តរូបស្រុកព្រះនេត្រព្រះនេះ ជួយប្រោសប្រទានពរជ័យឲ្យព្រះសង្ឃ មន្ត្រីរាជការ កងកម្លាំង ប្រជាពលរដ្ឋក្នុងស្រុកព្រះនេត្រព្រះ ក៏ដូចក្នុងខេត្តនិងប្រទេសបានសេចក្តីសុខចម្រើនជោគជ័យ សម្បូរសប្បាយក្រោមម្លប់សន្តិភាពនិងការអភិវឌ្ឍន៍។ នេះជានិមិត្តផ្លូវការរបស់ស្រុកនេះត្រូវបានទទួលស្គាល់ដោយក្រសួងមហាផ្ទៃ ហើយមានប្រវត្តិនិងអត្ថន័យដ៏ជ្រាលជ្រៅដោយជាក់ស្តែងព្រះនេត្រព្រះ មានសហគមន៍ជីករ៉ែថ្មនិងចម្លាក់ថ្មដ៏ធំបំផុតនិងតែមួយគត់ក្នុងខេត្តបន្ទាយមានជ័យនៅភូមិភ្នំជញ្ជាំងឃុំជប់វារី […]

ដោយ : បន្ទាយ បន្ទាយមានជ័យ ÷ នៅថ្ងៃព្រហស្បតិ៍-សុក្រ ទី២៦-២៧ ខែកញ្ញា ឆ្នាំ២០២៤ ឧបាសក អន ប៊ុន ឧបាសិកា ឆៀង គឹមលៀង លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងលោកស្រី ព្រមទាំងអ្នកមានគុណ និងលោកឧត្តមសេនីយ៍ត្រី ស៊ុន សម្បត្តិ និងលោកស្រី ព្រមទាំងនាយទាហាន នាយទាហានរង និងពលទាហាន នៃកងរាជអាវុធហត្ថខេត្ត អញ្ជើញកាន់វេនបិណ្ឌទី១០ នៅវត្តកុឌ្ឌបព្វតា (វត្តភ្នំជញ្ជាំង) ស្ថិតនៅភូមិគាប សង្កាត់ទឹកថ្លា ក្រុងសិរីសោភ័ណ ព្រមទាំងបាននាំយកទេយ្យទាន ប្រគេនដល់ព្រះសង្ឃដែលគង់ចាំព្រះវស្សានៅទីអារាមខាងលើផងដែរ។ នាឱកាសដ៏ប្រពៃថ្លៃថ្លានោះលោកឧត្តមសេនីយ៍ត្រី បោន ប៊ិន ព្រមទាំងនាយទាហាន នាយទាហានរង និងពលទាហាន នៃកងរាជអាវុធហត្ថទាំងអស់ក៏បានថ្វាយធូប ទៀន ចំពោះព្រះសម្មាសម្ពុទ្ធ និងបានស្តាប់ព្រះសង្ឃនមស្សការព្រះរតនៈត្រ័យ សមាទានសីលចម្រើនព្រះបរិត្ត និងសម្តែងព្រះធម៌ទេសនាពាក់ព័ន្ធបុណ្យកាន់បិណ្ឌនិងភ្ជុំបិណ្ឌព្រមទាំងបានប្រគេនយាគូ រាប់បាត្រ វេរភត្តាហារឆ្លងជាកិច្ចបញ្ចប់បុណ្យកាន់វេនបិណ្ឌទី១០ ឆ្លងចូលវេនទី១១។ សូមបញ្ជាក់ថា ក្នុងឱកាសកាន់វេនបិណ្ឌទី១០នេះ បញ្ជាការដ្ឋានកងរាជអាវុធហត្ថខេត្តបន្ទាយមានជ័យ […]

ដោយ៖ គង់ហេង កំពង់ចាម៖ លោក បាន ស្រេង ជាអភិបាលរងស្រុកម្នាក់ បានឡើងតំណែងជាអភិបាលស្រុកស្ទឹងត្រង់ ជំនួសលោក ទុន ណេត ដែលត្រូវផ្ទេរតំណែងជាអភិបាលស្រុកកំពង់សៀម។ ដោយពិធីប្រកាសចូលកាន់តំណែងនេះ បានប្រព្រឹត្តនៅក្នុងសាលាស្រុកស្ទឹងត្រង់ នៅរសៀលថ្ងៃទី ២៦ កញ្ញានេះ។ នាឱកាសនោះបន្ទាប់ពីការប្តេជ្ញាចិត្តរបស់លោក បាន ស្រេង ជាអភិបាលស្រុកស្ទឹងត្រង់ថ្មី ឯកឧត្តម អ៊ុន ចាន់ដា អភិបាលខេត្តកំពង់ចាមបានមានប្រសាសន៍ថា៖ អភិបាលស្រុកទើបចូលកាន់តំណែងថ្មី ត្រូវមានសិល្បៈក្នុងការគ្រប់គ្រង ដោយភាពទទួលខុសត្រូវ និងចេះចែករំលែកការងារដល់អភិបាលរងស្រុក ដើម្បីធ្វើការជាសេនាធិការ។ ឯកឧត្តមអភិបាលខេត្តកំពង់ចាមបានមានប្រសាសន៍ទៀតថា៖ ត្រូវខិតខំបន្តថែរក្សាសន្តិសុខ សណ្តាប់ធ្នាប់សាធារណៈពោលគឺការអនុវត្តគោលនយោបាយភូមិ ឃុំ មានសុវត្ថិភាព ទាំង ៧ចំណុច ត្រូវធានាឲ្យបានល្អនៅក្នុងភូមិសាស្រ្តរបស់ខ្លួន បន្ថែមពីលើសនេះ ត្រូវមើលផងដែរពាក់ព័ន្ធបញ្ហាក្មេងទំនើង បញ្ហាគ្រោះថ្នាក់ចរាចរណ៍ និងបញ្ហាបទល្មើសគ្រឿងញៀន ត្រូវទប់ស្កាត់ឲ្យបាន កុំឱ្យមានបញ្ហានៅក្នុងមូលដ្ឋានរបស់ខ្លួន ។ ឯកឧត្តមបានបន្ថែមថា៖ ត្រូវជំរុញនូវការផ្តល់សេវាសាធារណៈតាមរយៈយន្តការច្រកចេញចូលតែមួយ ទាំងថ្នាក់ឃុំ និងថ្នាក់ស្រុក ត្រូវឱ្យមានមន្ត្រីនៅ ប្រចាំការ ប្រសិនបើមានការខ្វះចន្លោះ លោកអភិបាលស្រុក ទើបតែឡើងកាន់តំណែងថ្មីត្រូវបំពេញបន្ថែមមន្ត្រី ដើម្បីរង់ចាំផ្តល់សេវាជូនប្រជាពលរដ្ឋឲ្យបានល្អប្រសើរ។ […]

ដោយ៖ គង់ហេង កំពង់ចាម៖ ឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ និងឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម អមដំណើរដោយឯកឧត្តម អ៊ុន ចាន់ដា អភិបាលខេត្តកំពង់ចាម បានចុះពិនិត្យការបាក់ស្រុតច្រាំងទន្លេមេគង្គ នៅចំណុចផ្សារជីហែ ភូមិផ្សារថ្មី ឃុំពាមប្រធ្នោះ ស្រុកកោះសូទិន នៅព្រឹកថ្ងៃទី ២៦ កញ្ញា។ ខណៈទឹកទន្លេមួយនេះបន្តហក់ឡើងដល់កម្ពស់ ១៤,៣០ ម៉ែត្រ និងកម្រិតត្រូវប្រកាសអាសន្នកម្ពស់ ១៥,២០ ម៉ែត្រ។ តាមការឱ្យដឹងពីលោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាមដែលបានអមដំណើរប្រតិភូគណៈកម្មាធិការជាតិគ្រោះមហន្តរាយដែរនោះ បានបញ្ជាក់ថា៖ ទីតាំងច្រាំងទន្លេដែលរងការបាក់ស្រុតខាងលើមានប្រវែងបណ្តោយ៦៣ ម៉ែត្រ និងទទឹង ២ ម៉ែត្រ។ ប៉ុន្តែបច្ចុប្បន្នច្រាំងទន្លេដែលរងការបាក់ស្រុត ខាងគណៈកម្មាធិការខេត្តគ្រប់គ្រងគ្រោះមហន្តរាយ បានសហការជាមួយកងកម្លាំងប្រដាប់អាវុធ និងរដ្ឋបាលមូលដ្ឋាន យកបាវច្រកខ្សាច់ទប់ការពារការបាក់ស្រុតច្រាំងបន្តទៀត។ សូមបញ្ជាក់ថា កម្ពស់ទឹកទន្លេមេគង្គ នៅខេត្តកំពង់ចាម ១៤,៣០ម៉ែត្រនៅព្រឹកថ្ងៃទី២៦ កញ្ញា ធៀបនឹងថ្ងៃទី […]

ដោយ : បន្ទាយ សៀមរាប :ដោយមានការអនុញ្ញាតពី លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស នៅបញ្ជាការដ្ឋានកងរាជអាវុធហត្ថខេត្តសៀមរាប លោកឧត្តមសេនីយ៍ត្រីសៀ ទីន មេបញ្ជាការកងរាជអាវុធហត្ថខេត្តសៀមរាប បានអញ្ជើញជាអធិបតីភាព ក្នុងពិធីបើកវគ្គហ្វឹកហ្វឺនសណ្តាប់ធ្នាប់ជួរទ័ពដល់យោធិននៃកងរាជអាវុធហត្ថជ្រើសរើសថ្មីកាលពីថ្ងៃទី២៦ខែកញ្ញាឆ្នាំ២០២៤ ។ សមាសភាពចូលរួមមាន លោកនាយសេនាធិការរង ប្រធានមន្ទីរ នាយការិយាល័យពាក់ព័ន្ធ មេបញ្ជាការកងអនុសេនាធំ កងរាជអាវុធហត្ថចល័ត និងសិក្ខាកាមផងដែរ ៕

ដោយ : បន្ទាយ សៀមរាប៖ លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប រួមជាមួយ នាយទាហាន នាយទាហានរង និងពលទាហាន នៃកងរាជអាវុធហត្ថខេត្ត ព្រមទាំងក្រុមគ្រួសារ សាច់ញាតិ បានអញ្ជើញកាន់បិណ្ឌវេនទី៧ នៅវត្តកេសរារាម ក្រុង​សៀមរាប​ ខេត្តសៀមរាប។ នេះបើតាមក្រុមការងារបានឲ្យដឹងកាលពីថ្ងៃទី២៥ខែកញ្ញា ឆ្នាំ២០២៤ ។ ក្នុងឱកាសនោះ លោកឧត្តមសេនីយ៍ត្រី សៀ ទីន រួមជាមួយមន្ត្រីក្រោមឱវាទ បាននាំយកនូវទេយ្យទាននិងបច្ច័យវេរប្រគេនព្រះសង្ឃនិងបានធ្វើពិធីរាប់បាត្រទៅតាមគន្លងប្រពៃណីព្រះពុទ្ធសាសនាដើម្បីទុកជាកុសលរៀងៗខ្លួនផង និងឧទ្ទិសកុសលផលបុណ្យដែលបានកើតឡើង ពីកម្លាំងសទ្ធាជ្រះថ្លា ជូនដល់ បុព្វការីជន មានមាតា បិតាជីដូនជីតា ញាតិទាំង៧សន្ដាន និងឧទ្ទិសដល់វិញ្ញាណក្ខន្ធ វីរយុទ្ធជន វីរយុទ្ធនារី នាយទាហាន នាយទាហានរង និងពលទាហាន នៃកងរាជអាវុធហត្ថខេត្តសៀមរាប ដែលបានពលីមរណៈ ដើម្បីបុព្វហេតុជាតិមាតុភូមិ ក្នុងរយៈកាលកន្លងមកផងដែរ៕

ដោយ៖ព្រះអង្គខ្មៅ បាត់ដំបង÷ ទឹកភ្លៀងបន្តធ្លាក់ជាប់ៗគ្នាចុងក្រោយនេះបានធ្វើឲ្យផលស្រូវប្រែពណ៌ស្រអាប់ និងសើម បង្កការលំបាកដល់កសិករ តម្លៃធ្លាក់ទាបក្នុងការលក់ចេញ ។ កសិករឈ្មោះ វុទ្ធី ទូចបុប្ផា រស់នៅក្នុងភូមិកាច់រទេះ ឃុំកំពង់ព្រៀង ស្រុកសង្កែ ខេត្តបាត់ដំបង បានលើកឡើងឲ្យដឹងនៅថ្ងៃទី ២៥ ខែកញ្ញា ឆ្នាំ ២០២៤ នេះថា÷ បច្ចុប្បន្ននាងធ្វើស្រែប្រភេទពូជស្រងែ ចំនួន ៦ហិកតា ជាដីកម្មសិទ្ធិខ្លួនឯងមួយហិកតា និងដីស្រែជួលគេចំនួន ៥ហិកតា។ ឆ្នាំនេះផលស្រូវកើនជាងឆ្នាំមុនដោយមួយហិកតាបានផលចំនួន ៥តោន ប៉ុន្តែប្រឈមនឹងទឹកលិចខ្លាំង មមៀចស៊ី ស្រូវកើតមេរោគឡើងក្រហម អុចខ្មៅ និងសើមគ្រាប់ស្រូវ ការប្រឈមចុងក្រោយគឺស្រូវប្រភេទលេខ ២ ( ស្រូវឡើងពណ៌ក្រហម អុចខ្មៅ និងសើមតិចៗ )តម្លៃធ្លាក់ទាបឈ្មួញមិនចង់ទិញមើលហើយដើរចេញ។ ចំណែកកសិករឈ្មោះ អៀង វិចា មានទីលំនៅក្នុងភូមិអូសទូកបានប្រាប់ស្រដៀងគ្នាដែរថា÷ ស្រែប្រាំងឆ្នាំនេះអ្នកស្រីធ្វើចំនួន ៩ហិកតា ចំពោះភោគផលកើនជាងឆ្នាំកន្លងមកបន្តិច ប៉ុន្តែតម្លៃផលស្រូវលក់ចេញឈ្មួញឲ្យថ្លៃទាបបន្តិចពិបាកទទួលយកបានដោយសារមិនរួចថ្លៃឈ្នួលភ្ជួររ៉ាស់ ថ្លៃជី ច្រូតកាត់ជាដើមចំណាយថ្លៃដើមច្រើន។ កសិករខាងលើបន្តថា÷ ហាងឆេងស្រូវប្រភេទល្អកាលពីដើមខែកញ្ញា លក់បានក្នុងតម្លៃ ១លាន ១០ម៉ឺន […]

ដោយ : បន្ទាយ ភ្នំពេញ : លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ និងលោកស្រី រួមជាមួយ ក្រុមគ្រួសារ ញាតិមិត្តជិតឆ្ងាយ អតីតលោកគ្រូអ្នកគ្រូមិត្តរួមជំនាន់សាលាបាក់ទូក និង មន្ត្រីកងរាជអាវុធហត្ថរាជធានីភ្នំពេញ បានអញ្ជើញចូលរួមកាន់បិណ្ឌវេនទី៧ នៅវត្តព្រះបារមីវង្កតបុរី ហៅវត្តទួលក្រសាំង ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី២៥ខែកញ្ញាឆ្នាំ២០២៤ ។ ម្ចាស់វេនទាំងអស់មានចិត្តជ្រះថ្លារួមគ្នានាំយកនូវ បច្ច័យ និងទេយ្យទាន វេរប្រគេនព្រះសង្ឃ ព្រមទាំងធ្វើពិធីរាប់បាត្រ ទៅតាមគន្លងប្រពៃណីព្រះពុទ្ធសាសនា ដើម្បីទុកជាកុសលរៀងៗខ្លួនផង និងឧទ្ទិសកុសលផលបុណ្យ ដែលបានកើតឡើង ពីកម្លាំងសទ្ធាជ្រះថ្លា ជូនដល់វិញ្ញាណក្ខន្ធបុព្វការីជន ចាស់ព្រឹទ្ធាចារ្យ រៀមច្បង…ដែលបានតម្កល់អដ្ឋិធាតុនៅក្នុងទីវត្តអារាមមួយនេះផង ព្រមទាំង បុព្វការីជន មានមាតា បិតាជីដូនជីតា ញាតិការទាំង៧សន្តាននិងឧទ្ទិសដល់វិញ្ញាណក្ខន្ធ វីរយុទ្ធជន វីរយុទ្ធនារី នាយទាហាន នាយទាហានរង និងពលទាហាន នៃកងរាជអាវុធហត្ថ រាជធានីភ្នំពេញ ដែលបានពលីមរណៈ ដើម្បីបុព្វហេតុជាតិមាតុភូមិ ក្នុងរយៈកាលកន្លងមកផងដែរ៕

ដោយ : បន្ទាយ បន្ទាយមានជ័យ÷ យោងតាមផែនការលេខ៤៨/២០២៤ ចុះថ្ងៃទី២០ ខែកញ្ញា ឆ្នាំ២០២៤ របស់មេបញ្ជាការកងរាជអាវុធហត្ថលើផ្ទៃប្រទេស នៅព្រឹកថ្ងៃពុធ ទី២៥ ខែកញ្ញា ឆ្នាំ ២០២៤ លោកឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ បានអញ្ជើញជាអធិបតី ក្នុងពិធីបើកវគ្គហ្វឹកហ្វឺនសណ្ដាប់ធ្នាប់ជួរទ័ពដល់សិក្ខាកាមយោធិននៃកងរាជអាវុធហត្ថជ្រើសរើសថ្មី ។ ដោយមានការអញ្ជើញចូលរួមពីលោកមេបញ្ជាការរង កងរាជអាវុធហត្ថខេត្ត លោកនាយសេនាធិការរង លោកប្រធាន អនុប្រធានមន្ទីរ លោកនាយការិយាល័យ លោកមេបញ្ជាការមូលដ្ឋានក្រុង-ស្រុក និងសិក្ខាកាមកងរាជអាវុធហត្ថជ្រើសរើសថ្មី ចំនួន៤១ នាក់ ប្រារព្ធធ្វើឡើងនៅសាលប្រជុំធំ អគារសេនាធិការដ្ឋានកងរាជអាវុធហត្ថខេត្តបន្ទាយមានជ័យ។ ជាមួយគ្នានោះដែរ  លោកឧត្តមសេនីយ៍ត្រី ក៏បានធ្វើការណែនាំដល់សិក្ខាកាមកងរាជអាវុធហត្ថទើបជ្រើសរើសថ្មី ត្រូវដាក់ចិត្ត ដាក់កាយ ដោយស្មារតីទទួលខុសត្រូវនិងគោរពតាមបទបញ្ជា បទវិន័យទូទៅរបស់កងយោធពលខេមរភូមិន្ទ ដើម្បីក្លាយជាអាវុធហត្ថគំរូ ដែលមានវិន័យនិងក្រមសីលធម៌ និងយកចិត្តទុកដាក់ក្នុងការហ្វឹកហាត់ដើម្បីធ្វើឱ្យកាយសម្បទាមាំមួន រហ័សរហួន ឆន្ទៈមោះមុត មានស្មាតីសាមគ្គីភាព វិន័យម៉ឺងម៉ាត់ ស្មោះត្រង់ជានិច្ចចំពោះជាតិ មាតុភូមិនិងរាជរដ្ឋាភិបាល ។បន្ថែមលើនោះ ធ្វើឱ្យផ្លាស់ប្ដូរពីជីវភាពស៊ីវិល ទៅជាជីវភាពកងឯកភាព ក្រោមការគ្រប់គ្រងតាមបទប្បញ្ញត្តិនិងវិន័យយោធា ព្រមទាំងក្រេបយកចំណេះដឹងពីយោធាចារ្យដែលបានបង្ហាត់បង្រៀន […]

ព្រះអង្គខ្មៅ បាត់ដំបង÷ ពលករខ្មែរដែលចំណាកស្រុកធ្វើការងារនៅប្រទេសថៃបានវិលមកស្រុកកំណើតក្នុងឱកាសបុណ្យភ្ជុំបិណ្ឌឆ្នាំនេះត្រឹម ៣០០នាក់ក្នុងមួយថ្ងៃៗកើនឡើងពាក់កណ្តាលនៃថ្ងៃធម្មតា។ ពាក់ព័ន្ធពលករខ្មែរដែលបានវិលត្រឡប់ពីប្រទេសថៃ ក្នុងគោលបំណងមកលេង និងជួបជុំសាច់ញាតិនៅឯស្រុកកំណើតក្នុងឱកាសបុណ្យភ្ជុំបិណ្ឌប្រពៃណីជាតិឆ្នាំ ២០២៤នេះមានចំនួនកើនឡើងជាងថ្ងៃធម្មតាប្រមាណ ៥០% ប៉ុន្តែវាគឺជាតួលេខមួយដែលតិចតួចបើធៀបនឹងទៅនឹងឆ្នាំទៅមានចំនួនរហូតដល់ពី ១.០០០នាក់ ទៅជាង ១.០០០នាក់ក្នុងមួយថ្ងៃៗ។ លោក ខុង យ៉ាត់លួង ប្រធានច្រកទ្វារព្រំដែនអន្តរជាតិដូងបានលើកឡើងឲ្យដឹងនៅថ្ងៃទី ២៥ ខែកញ្ញា ឆ្នាំ ២០២៤នេះដែរថា÷ នៅថ្ងៃធម្មតាពលករខ្មែរបានចេញពីប្រទេសថៃជាមធ្យមមានចំនួន ១៥០នាក់ ដោយឡែកនៅអំឡុងថ្ងៃជិតបុណ្យភ្ជុំបិណ្ឌប្រពៃណីជាតិខ្មែរពលករបានចេញ និងវិលមកស្រុកកំណើតវិញមានចំនួនប្រមាណជា ៣០០នាក់ប៉ុណ្ណោះជាចំនួនមួយតិចតួចមិនដូចឆ្នាំមុនៗឡើយ។ ចំណែកលោក ផាត់ វីរ: នាយប៉ុស្តិ៍អន្តោប្រវេសន៍ប្រចាំច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង បានបញ្ជាក់ផងដែរថា÷ ពលករខ្មែរបានចាកចេញពីប្រទេសថៃវិលមកកាន់ស្រុកកំណើតប្រទេសកម្ពុជាអំឡុងពេលបុណ្យភ្ជុំបិណ្ឌចាប់ផ្តើមមានចាប់តាំងពីថ្ងៃទី ២១ ខែកញ្ញាមក។ ពាក់ព័ន្ធការរឹតត្បិតពលករចាកចេញខុសពីកន្លងមកដោយសារមន្ត្រីជំនាញអនុវត្តន៍តាមប្រព័ន្ធគ្របគ្រងតំបន់ និងទ្វេភាគីក្នុងគោលបំណងស្គែនបញ្ចូលទិន្នន័យចេញចូលច្បាស់លាស់មានភាពងាយស្រួល និងលឿនជាងមុនមិនឲ្យមានបញ្ហាកកស្ទះដល់អ្នកដំណើរចេញចូលឡើយ៕  

ដោយ៖ គង់ហេង កំពង់ចាម៖ មន្ទីរសាធារណការ និងដឹកជញ្ជួនខេត្តកំពង់ចាម បានសម្រេចបិទចរាចរណ៍ធ្វើដំណើរជាបណ្តោះអាសន្ន និងបើកចរាចរណ៍មួយម៉ោងម្តងៗ ចំពោះការឆ្លងកាត់ស្ពានអង្គរបាន នៅលើផ្លូវខេត្ត ២៧០ គីឡូម៉ែត្រ ២៨+៤០០ ស្ថិតក្នុងភូមិអង្គរបាន ឃុំអង្គរបាន ស្រុកកងមាសរយៈពេលមួយខែ។ សូមអានខ្លឹមសារសេចក្តីជូនដំណឹងដូចតទៅ៖

ដោយ : បន្ទាយ បន្ទាយមានជ័យ ៖ លោកអ៊ុ រាត្រី អភិបាលនៃគណៈអភិបាលខេត្ត និងលោកស្រីជ័យ ណារី បានអញ្ជើញរាប់បាត្របញ្ចប់ការកាន់វេនទី៦របស់រដ្ឋបាលខេត្ត ចូលវេនទី៧ នៅវត្តគោកព្រិច ស្ថិតនៅឃុំសូភី ស្រុកអូរជ្រៅ ខេត្តបន្ទាយមានជ័យ កាលពីថ្ងៃទី២៣ខែកញ្ញាឆ្នាំ២០២៤ ដោយនៅក្នុងនោះមានចូលរួមកិច្ចមួយចំនួននៃពិធីកាន់បិណ្ឌ ,បានប្រគេនទេយ្យទាន សម្ភារ ចង្ហាន់ និងបច្ច័យចំនួន១លានរៀល/១វត្តៗ ។ មុននេះ លោក លី សិវណ្ណារិទ្ធិ អភិបាលរងខេត្ត តំណាងដលោកអ៊ុ រាត្រី អភិបាល នៃគណៈអភិបាលខេត្ត រួមទាំងមន្ត្រីរាជការ មន្ទីរ អង្គភាពពាក់ព័ន្ធជុំវិញខេត្ត បានអញ្ជើញចូលរួមកាន់វេនទី៣របស់រដ្ឋបាលខេត្តនៅវត្តគិរីជុំចំការខ្នុរ សង្កាត់អូរអំបិល ក្រុងសិរីសោភ័ណខេត្តបន្ទាយមានជ័យ កាលពីថ្ងៃទី១៩ ខែកញ្ញា ឆ្នាំ២០២៤។ ឯលោក ប្លែក វ៉ារី ប្រធានក្រុមប្រឹក្សាខេត្ត និងលោក ហ៊ឹល រ៉ាយ៉ា អភិបាលរងខេត្ត តំណាងអភិបាលខេត្ត រួមទាំងសមាជិកក្រុមប្រឹក្សាខេត្ត មន្ត្រីរាជការ មន្ទីរ អង្គភាពពាក់ព័ន្ធជុំវិញខេត្ត បានអញ្ជើញចូលរួមកាន់វេនទី២ […]

ដោយ : បន្ទាយ បន្ទាយមានជ័យ : លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ព្រមទាំងមន្ត្រីក្រោមឱវាទនិងក្រុមគ្រួសារពុទ្ធបរិស័ទជិត ឆ្ងាយជាច្រើនរយនាក់កាន់វេននៅវត្តសុភមង្គល ស្ថិតក្នុងភូមិ/សង្កាត់អូរអំបិល ក្រុងសិរីសោភ័ណ រៃអង្គាសបច្ច័យបានចំនួន៣៣.០០០.០០០រៀល ។ មន្ត្រីនគរបាលនិងគណ:កម្មការវត្តបានអោយដឹងថ្ងៃទី២៤ខែកញ្ញាឆ្នាំ២០២៤ថា: ក្នុងនោះបច្ច័យសម្រាប់កសាងវត្តចំនួន២០.០០០.០០០រៀល  និងបច្ច័យប្រគេនព្រះសង្ឃ៦៨អង្គ ក្នុងមួយអង្គ១០០.០០០រៀល ។ថវិកាសម្រាប់លោកអាពាធចំនូន ១.០០០.០០០រៀល ,ថ្លៃទឹកភ្លើងចំនួន ៥០០.០០០រៀល បច្ច័យសម្រាប់ធ្វើចង្ហាន់ចំនួន ១.០០០.០០០រៀល លោកតាជីយាយជីចំនួន៧០នាក់ទទួលបានសារុង១ ថវិកា១មុឺនរៀល/ម្នាក់ៗ និងរួមសម្ភារមាន អង្ករចំនួន៩ ការុង ទឹកក្រូចចំនួន៩កេស ទឹកសុទ្ធវីតាល់ចំនួន៩កេស និងពុទ្ធបរិស័ទទីជិត ឆ្ងាយរាប់រយនាក់បានចូលរួមបច្ច័យ ។ ព្រះតេជគុណវ៉ាត់ ចំរើន ព្រះគ្រូសូត្រស្តាំនិងជាចៅអធិការវត្តស្តីទីបានថ្លែងអំណរគុណដល់លោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យព្រមទាំងមន្ត្រីក្រោមឱវាទនិងក្រុមគ្រួសារពុទ្ធបរិស័ទជិត ឆ្ងាយនិងក្រុមគ្រួសារដែលបានកាន់វេនបិណ្ឌ ប្រគេនទេយ្យទាន ចង្ហាន់ សម្ភារនិងបច្ច័យសម្រាប់កសាងវត្តនិងដោះស្រាយបន្ទុកនានា ៕

ដោយ : បន្ទាយ សៀមរាប ៖កងរាជអាវុធហត្ថខេត្តសៀមរាបបានចូលរួមការពារសន្តិសុខ សុវត្ថិភាព រក្សាសណ្តាប់ធ្នាប់ជូនបងប្អូនប្រជាពលរដ្ឋនៅតាមបណ្ដាទីវត្តអារាម ក្នុងភូមិសាស្ត្រខេត្តសៀមរាប នៅថ្ងៃកាន់បិណ្ឌវេននៃពិធីបុណ្យភ្ជុំបិណ្ឌពីពាក់កណ្តាលខែកញ្ញា ឆ្នាំ២០២៤មក ។ នេះបើតាមលោកឧត្តមសេនីយ៍ត្រីសៀ ទីន មេបញ្ជាការកងរាជអាវុធហត្ថខេត្តសៀមរាបអោយដឹងកាលពីថ្ងៃទី២៣ ខែកញ្ញាឆ្នាំ២០២៤ ។ ចំណែកឯលោកវរសេនីយ៍ត្រី ចាន់ សូផា អនុប្រធានមន្ទីរផែនការប្រតិបត្តិការនិងហ្វឹកហ្វឺនកងរាជអាវុធហត្ថខេត្តសៀមរាបបានដឹកនាំកម្លាំងក្នុងមន្ទីរ ចុះសួរសុខទុក្ខលោកអនុសេនីយ៍ឯក ហ៊ិន រ៉ូ នាយរងការិយាល័យសណ្តាប់ធ្នាប់ និងអន្តរាគមន៍ ដែលកំពុងសម្រាកព្យាបាលជំងឺដុះសាច់ឆ្អឹងត្រគាក នៅមន្ទីរពេទ្យបង្អែកខេត្តសៀមរាប។ នៅក្នុងឱកាសនោះ ក៏បានឧបត្ថម្ភថវិកាចំនួន ៤៣០.០០០រៀល ដើម្បីសម្រាលបន្ទុកក្នុងការព្យាបាលផងដែរ ៕

ដោយ : បន្ទាយ បន្ទាយមានជ័យ ៖ដោយមានកាចង្អុលបង្ហាញពីលោក ចៅ ជីអាន ប្រធានចលនាយុវជនកម្ពុជាក្រុម157សាខាខេត្តបន្ទាយមានជ័យ លោក ផូ ស៊ីតាល់ អនុប្រធានចលនាយុវជនកម្ពុជាក្រុម157សាខាខេត្ត ,លោក ឃិន គន្ធា អនុប្រធានចលនាយុវជនកម្ពុជាក្រុម១៥៧ ស្រុកម៉ាឡៃ រួមជាមួយសមាជិកនិងមន្ត្រីសាលាក្រុងប៉ោយប៉ែត ,លោកនាយកនិងបុគ្គលិកក្រុមហ៊ុនស៊ិនទ្រីសាខាក្រុងប៉ោយប៉ែត បាននាំយកទេយ្យទាននិងបច្ច័យទៅប្រគេនព្រះសង្ឃក្នុងវេនកាន់បិណ្ឌទី៥ នាវត្តពោធិ៍ដុះ ក្នុងភូមិបឹង៧៥ តេជោឈ្នះ ឈ្នះ  ឃុំទួលពង្រ ស្រុកម៉ាឡៃខេត្តបន្ទាយមានជ័យ។ ក្រុមការងារចលនាយុវជនកម្ពុជាក្រុម157 អោយដឹងថា: ទេយ្យទាននិងបច្ច័យដែលស្រុះស្រួល មូលមតិគ្នាយកទៅធ្វើបុណ្យ ធ្វើទានរួមមាន៖ អង្ករ៣ការុងស្មើ២០០ គីឡូក្រាម, មី៥កេស,ទឹកភេសជ្ជ:អូអ៊ីឈិ២ យួរ,ទឹកត្រី១០ យួរ,ទឹកស៊ីអ៊ីវ១០យួរ,ទឹកសុទ្ធពិសា ១០យួ,ទឹកក្រូចដបធំ ២យួរ,ត្រីងៀត២គីឡូ, ប៊ីចេង ២គីឡូកន្លះ,ស្ករស ២ គីឡូ,ខ្ទឹមស៤ គីឡូ, ប្រហុក ២គីឡូ, អំបិល២គីឡូ,ឆៃប៉ូវ២ គីឡូ,ប្រេងឆា១លីត្រ និងបច្ច័យសរុបចំនួន ១លាន៩ម៉ឺនរៀល និង១២០០បាតប្រាក់ថៃ ។ ក្នុងនាមក្រុមការងារចលនាយុវជនកម្ពុជាក្រុម១៥៧ ស្រុកម៉ាឡៃ  លោកឃិន គន្ធា […]

ដោយ : បន្ទាយ ភ្នំពេញ : ឆ្លើយតបនឹងចម្ងល់និងមតិយោបល់របស់ពលរដ្ឋនិងមហាជនមួយចំនួនដែលព្រួយបារម្ភថារាជរដ្ឋាភិបាលឈប់អភិវឌ្ឍបណ្តាខេត្តភូមិភាគឦសានសម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអះអាឱ្យដឹងក្នុងសារសំឡេងផ្លូវការមួយនាថ្ងៃទី២៣ខែកញ្ញាឆ្នាំ២០២០២៤ថា ទោះបីជាកម្ពុជាប្រកាសដកខ្លួនពីកិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម (CLV-DTA) ទៅហើយក្តី ក៏គោលនយោបាយរាជរដ្ឋាភិបាល ក្នុងការជំរុញអភិវឌ្ឍបណ្តាខេត្តភូមិភាគឦសានរបស់កម្ពុជា គឺនៅតែរក្សាដដែលទេ។ តាមរយៈសារសំឡេងពិសេសនោះ  សម្តេចធិបតី ហ៊ុន ម៉ាណែត បានបញ្ជាក់ថា៖ «ទោះមានឬមិនមានកិច្ចសហប្រតិបត្តិការ CLV-DTA រាជរដ្ឋាភិបាលកម្ពុជា នៅតែបន្តអភិវឌ្ឍតំបន់ភូមិភាគឦសាននៃប្រទេសរបស់ខ្លួន ក៏ដូចជាការធានានូវការការពារទឹកដី អធិបតេយ្យភាពរបស់ប្រទេសកម្ពុជា ព្រោះនេះជាការចង់បានរបស់ប្រជាពលរដ្ឋខ្មែរច្រើនលើសលប់ ជាពិសេសប្រជាពលរដ្ឋដែលរស់នៅផ្ទាល់នៅខេត្តភូមិភាគឦសានផ្ទាល់តែម្តង ។ (ស្ថានភាពផ្លូវដ៏លំបាកកាលពីឆ្នាំ២០០២) ដូច្នេះការបន្តគោលនយោបាយជំរុញអភិវឌ្ឍភូមិភាគឦសានរបស់កម្ពុជា គឺនៅរក្សាដដែលមិនមានការប្រែប្រួល ដោយរួមមានការបោះបង្គោលព្រំដែនជាមួយប្រទេសជិតខាង ការកសាងហេដ្ឋារចនាសម្ព័ន្ធតភ្ជាប់ជាពិសេសផ្លូវក្រវាត់ព្រំដែន និងការដាក់ចេញនូវកញ្ចប់លើកទឹកចិត្ត និងជំរុញការវិនិយោគខេត្តភូមិភាគឦសានឆ្នាំ២០២៥»។ រាជរដ្ឋាភិបាលកម្ពុជា បានប្រកាសដកខ្លួនចេញពីកិច្ចសហប្រតិបត្តិការតំបន់ត្រីកោណអភិវឌ្ឍកម្ពុជា ឡាវ វៀតណាម (CLV-DTA) កាលពីថ្ងៃទី២០ ខែកញ្ញា ឆ្នាំ២០២៤ បន្ទាប់ពីកិច្ចសហប្រតិបត្តិការដែលផ្តួចផ្តើមដោយកម្ពុជានេះ ត្រូវបានអនុវត្តរយៈពេល២៥ឆ្នាំ កន្លងមក។ ការដកខ្លួនេះ សម្តេចតេជោហ៊ុន សែន អតីតនាយករដ្ឋមន្ត្រី ឥឡូវនេះជាប្រមុខរដ្ឋស្តីទីថ្លែងក្នុងនាមប្រធានគណបក្សប្រជាជនកម្ពុជាផងដែរ សម្តេចអះអាងពីបំណងថាដើម្បី«ដកអាវុធចេញពីដៃពួកជ្រុលនិយម» កុំឲ្យមានលេសឬលទ្ធភាពប្រើប្រាស់ […]

ដោយ : បន្ទាយ ភ្នំពេញ :លោកវរសេនីយ៍ត្រី​ ប៉ឹង​ កំរិត​ មេបញ្ជាការ វរសេនាតូចអន្តរាគមន៍ កងរាជអាវុធហត្ថរាជធានីភ្នំពេញ បានដឹកនាំក្រុមការងារ នាំយកអំណោយរបស់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ ចុះសួរសុខទុក្ខ លោកព្រឹន្ទបាលឯក សេង សុវណ្ណ សមាជិកវរសេនាតូច ដែលមានជំងឺខ្សោយក្រលៀន កំពុងសម្រាកថែទាំសុខភាពនៅគេហដ្ឋាន។នេះបើតាមមន្ត្រីក្រុមការងារឲ្យដឹងកាលពីថ្ងៃទី២២ ខែកញ្ញា ឆ្នាំ២០២៤ ។ ក្នុងឱកាសនោះ លោកវរសេនីយ៍ត្រី ប៉ឹង កំរិត ក៏បានពាំនាំនូវការផ្តាំផ្ញើសួរសុខទុក្ខពី លោកឧត្តមសេនីយ៍ឯក រ័ត្ន ស្រ៊ាង និងបាននាំយកអំណោយរបស់លោកមេបញ្ជាការ រួមមានថវិកាចំនួន ១.០០០.០០០រៀល, ទឹកសុទ្ធ ០៥កេស, ទឹកដោះគោឆៅ ០២យួរ, ផ្លែឈើ ចំនួន១ត្រក ជាអំណោយសួរសុខទុក្ខផងដែរ៕