ដោយ : បន្ទាយ បន្ទាយមានជ័យ ៖ លោកស្រីពុំ ចន្ទីនី អគ្គលេខាធិការកាកបាទក្រហមកម្ពុជា បានថ្លែងកោតសរសើរថា សាខាខេត្តបន្ទាយមានជ័យក្នុងអាណត្តិទី៥ កន្លងមក មិនត្រឹមតែនៅរកមូលនិធិបានច្រើនប៉ុណ្ណោះទេ  ប៉ុន្តែលើសពីនោះ បានក្លាយជាសាខាដែលលែងជំពាក់បំណុលគេ។ លោកស្រីថ្លែងដូច្នេះក្នុងអង្គសន្និបាតគណ:កម្មាធិការសាខាកាកបាទក្រហមកម្ពុជាអាណត្តិទី៦ ដើម្បីបូកសរុបលទ្ធផលការងារនិងថវិកាសាខា អាណត្តិទី៥ រយៈពេល៦ឆ្នាំ២០១៩-២០២៥ និងលើកទិសដៅបន្តអាណត្តិទី៦ ២០២៥-២០៣០ ។កម្មវិធីនេះប្រព្រឹត្តទៅនាសាលប្រជុំធំសាលាខេត្ត។ សូមបញ្ជាក់ថា ក្នុងដំណើរការសន្និបាតពេញអង្គនោះ មានការប្រកាសហេតុនិងឧទ្ទេសនាមគណ:អធិបតី សមាជិកនិងភ្ញៀវគិត្តិយស ការគោរពទង់ជាតិ សុន្ទរកថាស្វាគមន៍ដោយលោកអ៊ុំ រាត្រី ប្រធានគណ:កម្មាធិការសាខាអាណត្តិទី៥ ដែលលើកឡើងពីវិស័យស្នូលទាំង៤មាន ១-វិស័យគ្រប់គ្រងគ្រោះមហន្តរាយ ។២-វិស័យសុខាភិបាលនិងថែទាំងសុខភាពក្នុងសហគមន៍ ។៣-វិស័យលើកកម្ពស់គោលការណ៍គ្រោះមហន្តរាយ និងតម្លៃមនុស្សធម៌និង៤- វិស័យអភិវឌ្ឍស្ថាប័ននិងអភិវឌ្ឍធនធានមនុស្សបានផ្តល់មនុស្សធម៌ជូនដល់ប្រជាពលរដ្ឋរងគ្រោះ ។ លើដំណើរការសន្និបាត មានឧទ្ទេសនាមគណ:លេខាកត់ត្រានិងអនុម័តដោយលើកប័ណ្ណពីសមាជិកពេញសិទ្ធិ  ឆ្លងនិងអនុម័តរបៀបវារ:។ អានសេចក្តីព្រាងរបាយការណ៍សកម្មភាពសាខាអាណត្តិទី៥ និងទិសដៅអាណត្តិទី៦ ដោយលោកស្រីម៉េង គឹមហួយ សមាជិកគណ:កម្មាធិការ។អានរបាយការណ៍ការងារហិរញ្ញវត្ថុសាខាអាណត្តិទី៥ និងទិសដៅអាណត្តិទី៦ អានដោយលោកយុត ស្វីនី ហេរញ្ញិកគណ:កម្មាធិការ ។ អង្គសន្និបាត ពិភាក្សានិងអនុម័តលើសេចក្តីព្រាងរបាយការណ៍លំអិតទាំង២ និងទិសដៅការងារនិងទិសដៅអាណត្តិទី៦(២០២៥-២០៣០)។អានសេចក្តីប្រកាសរំសាយគណ:កម្មាធិការសាខាអាណត្តិទី៥ ដោយលោកបឹង គឹមសឹង អនុប្រធានគណ:កម្មាធិការ។ប្រកាសសមាសភាពបេក្ខជនគណ:កម្មាធិការសាខាអាណត្តិទី៦ […]

ដោយ៖ គង់ហេង កំពង់ចាម៖ លោក ហាតមុត គីសេកេ ប្រធានមូលនិធិគីនចាន់ បានថ្លែងថា គ្រោងនឹងពង្រីកសាលារៀនគោលដៅឱ្យបានដល់ ១០០ ទីតាំង ខណៈបច្ចុប្បន្នបាន និងកំពុងអនុវត្តសកម្មភាពលើសាលារៀនគោលដៅចំនួន ៧០ ទីតាំង នៅក្នុងខេត្តចំនួន ៨ គឺដើម្បីចង់ឃើញកុមារកម្ពុជាចេះអាន សរសេរ និងគណនាលេខបានគ្រប់គ្នានៅកម្រិតបឋមសិក្សា។ លោកប្រធានមូលនិធិគីនចាន់បានថ្លែងបែបនេះ នៅក្នុងឱកាសដែលលោក និងលោកស្រី អាកូតូ គីសេកេ ម្ចាស់ជំនួយគម្រោងកុមារកម្ពុជារីករាយ(HCC)ដែលប្រតិបត្តិដោយអង្គការ ខេប និងសមាគមគ្រួសារយើង បានដឹកនាំសហការីអញ្ជើញជួបសវនាការ និងពិភាក្សាការងារ ជាមួយឯកឧត្តម អ៊ុន ចាន់ដា អភិបាលខេត្តកំពង់ចាមនៅសាលាខេត្តនេះ នារសៀលថ្ងៃទី ២៥ កុម្ភៈ កន្លងទៅ។ នាឱកាសនោះឯកឧត្តម អ៊ុន ចាន់ដា អភិបាលខេត្តកំពង់ចាម បានមានប្រសាសន៍ថា៖ឯកឧត្តមគាំទ្រ និងសហការយ៉ាងរីករាយជាមួយអង្គការដៃគូ ដែលបានជួយដល់សាលារៀនឱ្យមានការអភិវឌ្ឍរីកចម្រើន និងសូមគម្រោងពង្រីកសាលារៀនគោលដៅបន្ថែមទៀតក្នុងខេត្តកំពង់ចាម ជាពិសេសនៅតំបន់ដាច់ស្រយោល៕

ដោយ : បន្ទាយ  បន្ទាយមានជ័យ៖ រដ្ឋបាលខេត្តបន្ទាយមានជ័យបានបញ្ជូនមន្ត្រីចម្រុះ១ក្រុមចុះពិនិត្យទីតាំងនិងការដ្ឋានសំណរបស់ជនជាតិចិនដីគោក១កន្លែងមានឈ្មោះក្រុមហ៊ុនអភិវឌ្ឍន៍អចលនទ្រព្យទីក្រុងឆ្លាតវៃកម្ពុជាឯក (Smart New Town(Cambodia) Real Estates Development  Co.,Ltd ) មានទីតាំងនៅស្ថិតនៅផ្លូវខេត្តលេខ៥៨D ភូមិប្រាសាទឃុំអូរបីជាន់ស្រុកអូរជ្រៅខេត្តបន្ទាយមានជ័យ។នេះបើតាមប្រភពព័ត៌មានបានឲ្យដឹងកាលពីថ្ងៃទី២៥ខែកុម្ភ:ឆ្នាំ២០២៥ ។ មន្ត្រីចម្រុះដឹកនាំដោយលោកលៀម សុដា អភិបាលរងខេត្តបន្ទាយមានជ័យ អមដំណើរដោយអ៊ុំ វិណារ៉ា អនុប្រធានមន្ទីររៀបចំដែនដី នគរូបនីយកម្ម សំណង់និងសុរិយោដីខេត្ត ស្នងការរង មេបញ្ជាការរង មន្ត្រីទីចាត់ការអន្តរវិស័យ អភិបាលរងស្រុក អធិការ មេឃុំ មេភូមិនិងមន្ត្រីអាជ្ញាធរ សមត្ថកិច្ចជំនាញ កងកម្លាំងពាក់ព័ន្ធ ។ អញ្ជើញទៅដល់មន្ត្រីចម្រុះខេត្តត្រូវបានមេការជនជាតិចិនដែលជំនួសមុខឲ្យលោកឆាយ មីងយួន (Mr Chai MingJun ) នៃក្រុមហ៊ុនបានទទួលស្វាគមន៍និងសហការជួបប្រជុំខ្លី ដើម្បីឲ្យអាចសម្រេចបានលទ្ធផលនៃបេសកកម្មនេះ ។ហើយក៏បានបង្ហាញប្លង់ស្ថាបត្យកម្មនិងម៉ាកែតសំណង់រួមដែលក្រុមហ៊ុនបានដំឡើង ។ ក្រុមហ៊ុនឲ្យដឹងថា ខ្លួនមានច្បាប់អនុញ្ញាតនិងបានបំពេញបែបបទតាមបទដ្ឋានបច្ចេកទេសរួចហើយ គ្រាន់តែពេលនេះមិនទាន់អាចបង្ហាញលិខិតឬច្បាប់អនុញ្ញាតដែលក្រុមហ៊ុនវិនិយោគថា បាននិងទទួលការអនុញ្ញាតជាលាយលក្ខណ៍អក្សរស្នើសុំពីថ្នាក់លើនោះ តែប៉ុណ្ណោះ ពោលគឺច្បាប់អនុញ្ញាតនិងបទដ្ឋានបច្ចេកទេសបានស្នើសុំនិងទទួលបានពីថ្នាក់លើរួចរាល់ហើយ នៅឡើយតែនៅមូលដ្ឋានមិនទាន់ជ្រាប ព្រោះថា ការវិនិយោគបែបនេះ  ក្រុមហ៊ុនអាចស្មើសុំច្បាប់អនុញ្ញាតពីថ្នាក់លើតែម្តង មិនចាំបាច់រត់ការសុំតាមលំដាប់ពីថ្នាក់ក្រោមទៅក៏បានដែរ […]

ដោយ : បន្ទាយ បន្ទាយមានជ័យ ៖ ទីស្នាក់ការត្រួតពិនិត្យ,ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតនិងអ្នករត់ម៉ូតូកង់បី និងម៉ូតូឌុប បានធ្វើការឆ្លើយតបបំភ្លឺចំពោះការបង្ហោះក្នុងបណ្ដាញសង្គមហ្វេសប៊ុកដែលចោទប្រកាន់ថា ប៉ុស្ដិ៍នគរបាលអន្ដោប្រវេសន៍ច្រកទ្វារព្រំដែនអន្ដរជាតិប៉ោយប៉ែតបានដាក់ខែម៉ូតូកង់បី និងម៉ូតូឌុបក្នុង១ខែចំនួន៣០០០បាតឬ៣០ប្លាយម៉ឺនរៀល គឺយកដូច្នេះ ជាថ្នូរនឹងការផ្ដល់សិទ្ធិឲ្យចូលចាប់ម៉ូយ និងដឹកភ្ញៀវនៅក្នុងបរិវេណច្រកទ្វារព្រំដែនអន្ដរជាំតិប៉ោយប៉ែត របស់ប៉ុស្ដិ៍នគរបាលអន្ដោប្រវេសន៍ច្រកទ្វារព្រំដែនអន្ដរជាតិប៉ោយប៉ែត។ បងប្អូនអ្នករត់ម៉ូតូកង់បី, ផាស់អាប់និងម៉ូតូឌុបនៅប្លុកច្រកទ្វារព្រំដែនអន្តរជាតិប៉ោយប៉ែត ក្នុងនោះមានទាំងអ្នកដែលរងការច្នៃថត ផលិតសម្លេងយកទៅប្រើប្រាស់ដើម្បីវាយប្រហាររិះគន់ដូចន័យខាងលើកន្លងមកផង  បានចេញមកធ្វើការបកស្រាយបំភ្លឺថា: ពួកខ្លួនរត់ម៉ូតូ ម៉ូតូកង់បី ដូចខាងលើដប់-ម្ភៃឆ្នាំមកហើយនៅប្លុកច្រកទ្វារព្រំដែននេះ មិនត្រូវបានបង់ខែជូននគរបាលប៉ុស្តិ៍ទ្វារព្រំដែននេះចំនួន៣០០០បាតប្រាក់ថៃឬក្នុងចំនួនណាផ្សេងពីនេះទេក្នុង១ខែៗជាថ្នូរនឹងទទួលបានសិទ្ធិឲ្យចូលចាប់ម៉ូយ និងដឹកភ្ញៀវពីក្នុងតំបន់ច្រកទ្វារព្រំដែនឡើយ។ ផ្ទុយទៅវិញ មានតែនគរបាលប៉ុស្តិ៍នេះទៅវិញទេ ជួយសម្រួលសណ្តាប់ធ្នាប់ឲ្យពួកខ្លួនដើម្បីអាចប្រកបរបររកចំណូលចិញ្ចឹមជីវភាពគ្រួសារថែមទៀត។ ពួកគេស្នើឲ្យអ្នកផុសក្នុងបណ្តាញសង្គមមួយចំនួនតូចទាំងនោះលុបចោលនូវរូបភាពនិងខ្លឹមសារផុសទាំងនោះជាបន្ទាន់ ពុំនោះទេ ពួកគេនឹងប្រើសិទ្ធិតវ៉ាតាមផ្លូវច្បាប់មិនខាន ។ ចំណែកទីស្នាក់ការត្រួតពិនិត្យច្រកទ្វារព្រំដែនអន្តរជាតិប៉ោយប៉ែតនៃរដ្ឋបាលខេត្តបន្ទាយមានជ័យក្នុងលិខិតផ្លូវការលេខ០១៩/២៥ សក.ប៉ប៉ ចុះហត្ថលេខាដោយលោកវ៉ាន់ ដារ៉ាន់ ប្រធាន ចុះថ្ងៃទី២៣ខែកុម្ភ:ឆ្នាំ២០២៥ គោរពជូនលោកអភិបាលខេត្តស្តីពីរបាយការណ៍ឆ្លើយបំភ្លឺតបចំពោះការបង្ហោះចោទប្រកាន់ក្នុងបណ្តាញសង្គមនិងសេចក្តីបំភ្លឺរបស់ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតចុះថ្ងៃទី២៣ខែកុម្ភ:ឆ្នាំ២០២៥ ដែលមានខ្លឹមសារក្នុងន័យថា : ការផុសចោទប្រកាន់នោះមិនមែនជាការពិតឡើយ។ កន្លងមកប៉ុស្តិ៍តែងតែយកចិត្តទុកដាក់រៀបចំសណ្តាប់ធ្នាប់ របៀបរៀបរយការពារសន្តិសុខ សុវត្ថិភាព សម្របសម្រួលចរាចរណ៍ជូនអ្នកដំណើរជាតិ អន្តរជាតិនិងមធ្យោបាយចេញចូលគ្រប់ប្រភេទ ជាពិសេសចំពោះគណ:ប្រតិភូជាតិ អន្តរជាតិពុំដែលមានការកកស្ទះឡើយ ហើយប៉ុស្តិ៍ដាច់ខាតមិនដែលមានគោលការណ៍ឬចេញនូវបទបញ្ជាណាមួយដល់មន្ត្រីក្រោមឱវាទឲ្យជំរឹតទារប្រាក់ឬដាក់ខែពីអ្នករត់ម៉ូតូឌុប ម៉ូតូកង់បីឡើយ ។ ចំពោះការចោទប្រកាន់នេះ ប៉ុស្តិ៍នឹងធ្វើការស្រាវជ្រាវរកមុខមន្ត្រីណាដែលបានប្រព្រឹត្តដើម្បីដាក់ទោសពិន័យតាមវិន័យលេខ៨៧៣ប្រក.របស់ក្រសួងមហាផ្ទៃឲ្យខាងតែបាន ៕  

ដោយ៖ គង់ហេង កំពង់ចាម៖ ដើម្បីបង្រីកបណ្តាញចែកចាយបម្រើសេវាទឹកស្អាត ជូនប្រជាពលរដ្ឋឱ្យបាននៅក្នុងខេត្តកំពង់ចាម និងស្រុកមួយចំនួនរបស់ខេត្តកណ្តាល និងខេត្តកំពង់ធំ អាជ្ញាធរគ្រោងនឹងស្ថាបនាអនុស្ថានីយចំនួន បី កន្លែងបន្ថែមទៀត ស្របពេលដែលស្ថានីយផលិតទឹកស្អាតបាននិងកំពុងដំណើរការសាងសង់ ក្នុងក្រុងកំពង់ចាម សម្រេចបានជាង ៨០ ភាគរយ។ នេះបើតាមការបញ្ជាក់ឱ្យដឹងរបស់លោក ពួន រុន ប្រធានមន្ទីរឧស្សាហកម្ម វិទ្យាសាស្រ្ត និងនវានិវត្តន៍ ខេត្តកំពង់ចាមដែលបានអមដំណើរ ឯកឧត្តម អ៊ុន ចាន់ដា អភិបាលខេត្តនេះបានដឹកនាំមន្រ្តីបច្ចេកទេស និងមន្រ្តីពាក់ព័ន្ធ ចុះពិនិត្យវឌ្ឍនភាពការងារសាងសង់ស្ថានីយផលិតផលិតទឹកស្អាត និងពិនិត្យទីតាំងអនុស្ថានីយទី១ បន្ថែមកំពុងស្ថិតក្នុងដំណាក់កាលសិក្សាបឋម នៅក្រុងកំពង់ចាមនាព្រឹកថ្ងៃទី ២៤ កុម្ភៈ។ លោកប្រធានមន្ទីររូបនេះបាន បញ្ជាក់ឱ្យដឹងទៀតថា៖ អនុស្ថានីយទឹកស្អាតទាំងបីកន្លែងដែលកំពុងស្ថិតក្នុងការសិក្សាបឋម និងយកប្រភពទឹកពីទន្លេមេគង្គ ដូចស្ថានីយនៅក្រុងកំពង់ចាមដែរនោះ នឹងមានទីតាំងផលិតទឹកក្នុងសង្កាត់បឹងកុក ក្រុងកំពង់ចាម ពង្រីកបណ្តាញបញ្ជូននិងចែកចាយ ទៅកាន់ក្រុងកំពង់ចាម ,ស្រុកកំពង់សៀម និងស្រុកព្រៃឈរ ដោយមានតម្រូវការទឹក ៥០.០០០ ម៉ែត្រត្រីគុណក្នុងមួយថ្ងៃ។ លោកបានបន្ថែមថា៖ អនុស្ថានីយទី២ បង្កើនការផលិតទឹកនៅស្រុកកងមាស ពង្រីកបណ្តាញបញ្ជូន និងចែកចាយ ទៅកាន់ស្រុកកងមាស,ជើងព្រៃ និងបន្ថែមស្រុករកាកោង ខេត្តកណ្តាល […]

ដោយ : បន្ទាយ បន្ទាយមានជ័យ ៖ ស្មារតីកិច្ចប្រជុំគណ:បញ្ជាការកងឯកភាពរដ្ឋបាលខេត្តបន្ទាយមានជ័យកាលពីថ្ងៃទី២១ខែកុម្ភ:ឆ្នាំ២០២៥ បានលើកឡើងពីការត្រូវប្រុងប្រយ័ត្ន បង្ការការពារនិងត្រៀមដោះស្រាយឲ្យបាននោះ គឺណែនាំឲ្យសន្សំសំចៃទឹកនារដូវក្តៅហួតហែងជាច្រើនខែតទៅនេះ ។ លោកអ៊ុំ រាត្រី អភិបាលនៃគណៈអភិបាលខេត្តនិងជាប្រធានគណ:បញ្ជាការកងឯកភាពរដ្ឋបាលខេត្តបន្ទាយមានជ័យបានអញ្ជើញដឹកនាំកិច្ចប្រជុំគណ:បញ្ជាការកងឯកភាពរដ្ឋបាលនោះ កាលពីថ្ងៃទី២១ខែកុម្ភ:ឆ្នាំ២០២៥ ហើយដាក់បញ្ជានិងណែនាំថា មន្ត្រីអាជ្ញាធរដែនដី សមត្ថកិច្ចជំនាញ កងកម្លាំងគ្រប់ប្រភេទត្រូវតែក្តាប់និងតាមដានបញ្ហាទឹកប្រើប្រាស់ គឺត្រូវបន្តយកចិត្តទុកដាក់ពិនិត្យតាមដានស្ថានភាពទឹកនៅតាមភូមិសាស្ត្ររបស់ខ្លួន ដេីម្បីវិធានការបន្ត រិះរកគ្រប់មធ្យោបាយ រកប្រភពទឹកសម្រាប់ត្រៀមជួយអន្តរាគមន៍ដល់ប្រជាពលរដ្ឋក្នុងករណីខ្វះខាតទឹកប្រើប្រាស់នាពេលនេះនិងពេលខាងមុខ ។ លោករ័ត្ន ដាស៊ីណង់ អភិបាលស្រុកមង្គលបូរីស្រុកមង្គលបូរីបានឲ្យដឹងថា: ជាស្រុកជង្រុកស្រូវធំជាងគេបង្អស់ ហើយកសិករធ្វើស្រូវលើសផែនការនោះ នាំឲ្យមានការប្រើប្រាសទឹកដ៏ច្រើននិងលើសកម្រិត ដែលផល១ទៀតនោះ គឺនាំឲ្យវាកំពុងប្រឈមនឹងការកង្វះខាតទឹកសម្រាប់បរិភោគនិងប្រើប្រាស់។ ដងស្ទឹងមង្គលបូរីដែលជាស្ទឹងធំបង្អស់ឆ្លងកាត់ស្រុកនេះ អូរនិងប្រភពទឹកផ្សេងទៀតបាននឹងកំពុងរីងខះ  និងចំណែកក្រុងសិរីសោភ័ណ អភិបាលរងក្រុងម្នាក់ លោកវី វ៉ា ឲ្យដឹងថា: ទឹកស្ទឹងសិរីសោភ័ណក៏បានស្រកសណ្តកជាខ្លាំង គួរឲ្យបារម្ភ ដែលទាមទារឱ្យមានការយកចិត្តទុកដាក់ពីអាជ្ញាធរ មានសមត្ថកិច្ចគ្រប់ជាន់ថ្នាក់ ពលរដ្ឋនៅតាមមូលដ្ឋានរបស់ខ្លួន។ក្នុងនោះ ត្រូវណែនាំដល់ប្រជាពលរដ្ឋប្រើប្រាស់ទឹកដោយលក្ខណៈសន្សំសំចៃបំផុត ។ បញ្ហានេះ អ៊ុំ រាត្រី អភិបាលខេត្តបានដាក់បញ្ជានិងណែនាំថា : សម្រាប់ស្រុកក្រុងនេះ មន្ត្រីអាជ្ញាធរគ្រប់ឃុំ-សង្កាត់ ដែលមានបងប្អូនប្រជាពលរដ្ឋប្រកបរបរធ្វេីស្រែ ត្រូវណែនាំពលរដ្ឋគឺមិនអនុញ្ញាតឱ្យមានការបូមទឹកពីស្ទឹង ឬប្រភពទឹកផ្សេងទៀតដើម្បីស្រោចស្រពស្រែប្រាំងតទៅទៀតឡើយ […]

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា រាជរដ្ឋាភិបាលនឹងបញ្ចេញកញ្ចប់ថវិកាជាក់លាក់ ចាប់ផ្តើមពីចំនួន ១០០លានដុល្លារអាមេរិក និងអាចបន្ថែមក្នុងករណីចាំបាច់ ដើម្បីប្រមូលទិញកសិផលពីកសិករ នៅរាល់រដូវប្រមូលផល និងដាក់ពង្រាយមន្រ្តីបច្ចេកទេសកសិកម្ម នៅគ្រប់ឃុំ-សង្កាត់ ទូទាំងប្រទេស។ ឯកឧត្តមអភិបាលខេត្តកំពង់ចាមបានថ្លែងបែបនេះ នៅក្នុងឱកាសដែលឯកឧត្តមបានអញ្ជើញចូលរួមបើកកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់មន្ទីរកសិកម្ម រុក្ខាប្រមាញ់ និងនេសាទ ដែលបានរៀបចំឡើងនៅក្នុងមន្ទីរនេះ នាព្រឹកថ្ងៃទី ២១ កុម្ភៈ។ ឯកឧត្តម អ៊ុន ចាន់ដា បានថ្លែងក្នុងសុន្ទរកថាកម្រាស់ជាង ៥ ទំព័របញ្ជាក់ថា៖រាជរដ្ឋាភិបាលកម្ពុជា បានប្រកាសដាក់ឱ្យអនុវត្ត កម្មវិធីនយោបាយ អាទិភាពទី៥ និងទី៦ ត្រីវិស័យក្នុងជំរុញគោលនយោបាយកសិកម្ម ឈានទៅរកភាពជោគជ័យ ធានាបាននូវស្ថិរភាព ការផ្គត់ផ្គង់និងតម្លៃ តាមរយៈជំរុញសហគមន៍ កសិកម្មទំនើបដែលបម្រើឱ្យ វិស័យកសិកម្មទាំងមូល ព្រមទាំងការដាក់ពង្រាយមន្ត្រីកសិកម្មឃុំឱ្យចំទិសដៅ និងដល់មូលដ្ឋាន ក្នុងការជួយដល់កសិករ ទាំងបច្ចេកទេស ទីផ្សារ និងបញ្ហាប្រឈមផ្សេងៗឱ្យបានទាន់ពេលវេលា និងមានប្រសិទ្ធភាព។ ឯកឧត្តមបានបញ្ជាក់ទៀតថា៖ អាទិភាពទី៥-ការដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម, […]

ដោយ : បន្ទាយ ឧត្តរមានជ័យ : លោក មាន ចាន់យ៉ាដា អភិបាលខេត្តឧត្តរមានជ័យកាលពីថ្ងៃទី២០ខែកុម្ភ:ឆ្នាំ២០២៥ បានដឹកនាំប្រតិភូទៅសួរសុខទុក្ខបងប្អូនកងកម្លាំងជួរមុខនៅតំបន់ព្រំដែនកម្ពុជា-ថៃ ចំណុចបង្គោលព្រំដែនលេខ៣ ស្ថិតនៅភូមិសាមគ្គី ឃុំត្រពាំងប្រិយ៍ ស្រុកអន្លង់វែង ខេត្តឧត្ដរមានជ័យ។ ក្នុងឱកាសនោះ លោកក៏បានពាំនាំនូវការផ្តាំផ្ញើសាកសួរសុខទុក្ខដោយក្តីនឹករលឹករបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកស្រីបណ្ឌិត ជូនចំពោះបងប្អូនកងកម្លាំងទាំងអស់ ដែលជានិច្ចកាលសម្តេចតែងតែគិតគូរយកចិត្តទុកដាក់ជាប់ជានិច្ចពីសុខទុក្ខ និងជីវភាពរស់នៅរបស់កម្លាំងឈរជើងការពារបន្ទាត់ព្រំដែន។ ទន្ទឹមនឹងនេះ លោកថា លោកពិតជាមានមោទនភាពដែលបានទៅដល់បង្គោលព្រំដែនលេខ៣ លើជួរភ្នំដងរែកក្នុងភូមិសាស្ត្រអន្លង់វែង ដែលកងកម្លាំងរបស់យើងក្លាហាន លះបង់គ្រប់បែបយ៉ាងដើម្បីថែរក្សាការពាបូរណភាពទឹកដីឲ្យបន្តបានគង់វង្ស៕

ដោយ៖ ព្រះអង្គខ្មៅ បាត់ដំបង÷ ឆ្នាំ ២០២៦ខាងមុខរោងចក្រផលិតទឹកស្អាតកំពង់សីមា ផលិត ៥ម៉ឺនម៉ែត្រត្រីគុណក្នុងមួយថ្ងៃគ្រោងផ្គត់ផ្គង់ទឹកដល់ពលរដ្ឋ ១២ភូមិក្នុងក្រុងបាត់ដំបង។ ឯកឧត្តម សុខ លូ អភិបាលខេត្តបាត់ដំបង ក្នុងឱកាសចុះពិនិត្យវឌ្ឍនភាពគម្រោងសាងសង់ថ្មីរបស់អង្គភាពរដ្ឋាករទឹកបាត់ដំបង នៅថ្ងៃទី ១៨ ខែកុម្ភ: ឆ្នាំ ២០២៥នេះ បានលើកឡើងថា÷ មកទល់ម៉ោងនេះអង្គភាពរដ្ឋាករទឹកបានពង្រីកបណ្ដាញកាន់តែច្រើនពីមួយដំណាក់កាលទៅមួយដំណាក់ និងឈានទៅកាន់ការពង្រីកគម្រោងលើតំបន់មួយចំនួនទៀតនៅតាមបណ្ដាស្រុកនានាជាប់ក្រុងបាត់ដំបង។ ជាក់ស្តែងចំពោះមុខនេះរោងចក្រផលិតទឹកស្អាតថ្មីមួយកន្លែងទៀតដែលមានលទ្ធភាពផលិតទឹកស្អាតបានចំនួន ៥០.០០០ម៉ែត្រត្រីគុណក្នុងមួយថ្ងៃគ្រោងនឹងដាក់ដំណើរការនៅអំឡុងឆ្នាំ ២០២៦ ខាងមុខនេះ។ ឯកឧត្តម សុខ លូ បញ្ជាក់បន្តថា÷ ទាក់ទងទៅនឹងវិស័យទឹកស្អាតបច្ចុប្បន្ននេះនៅតំបន់ទីប្រជុំជនតាមបណ្ដាស្រុកខ្លះបានទទួលបាននូវទឹកស្អាតប្រើប្រាស់ហើយ ហើយក៏នៅតំបន់ទីប្រជុំជនស្រុកមួយចំនួនទៀតប្រជាពលរដ្ឋនៅមិនទាន់មានទឹកស្អាតប្រើប្រាស់នៅឡើយដែរ ដែលបញ្ហានេះទាំងបច្ចុប្បន្ន និងចំពោះមុខប្រមុខរដ្ឋាភិបាលបាននឹងកំពុងជំរុញបង្កើតឲ្យមានរោងចក្រផលិតទឹកស្អាតឲ្យបានច្រើនថែមទៀត ដែលវិស័យនេះគឺជាកង្វល់របស់អាជ្ញាធរ ក៏ដូចរាជរដ្ឋាភិបាល ហើយវិស័យខាងលើរាជរដ្ឋាភិបាលក៏បានកំណត់ជាវិស័យអាទិភាពផងដែរ។ លោក អ៊ុត ក្លឹង អគ្គនាយករដ្ឋាករបាត់ដំបង បានអះអាងឲ្យដឹងដែរថា÷ អនុវត្តតាមគោលនយោបាយរបស់រាជរដ្ឋាភិបាល អង្គភាពរដ្ឋាករទឹកបាត់ដំបង បច្ចុប្បន្នកំពុងពន្លឿនគម្រោងសាងសង់រោងចក្រប្រព្រឹត្តកម្មកំពង់សីមាមួយស្ថានីយទៀតជាជំនួយរបស់ធនាគារអាស៊ី ADB និងទីភ្នាក់ងារបារាំងសម្រាប់ការអភិវឌ្ឃន៍ ( AFD ) ខណ:បច្ចុប្បន្នដំណើរសាងសង់បានប្រមាណជា ៥៧% មានលទ្ធភាព និងផ្គត់ផ្គង់ទឹកស្អាតបានចំនួន ៥០០០០ម៉ែត្រត្រីគុណ ក្នុងមួយថ្ងៃ។ […]

សៀមរាប៖ នៅព្រឹកថ្ងៃទី១៩ ខែកុម្ភៈ ឆ្នាំ២០២៥នេះ អាជ្ញាធរជាតិអប្សរា រៀបចំពិធីសាសនា រួមទាំងពិធីរាប់បាត្រព្រះសង្ឈ១៣០អង្គ ក្នុងឱកាសប្រារព្ធខួប៣០ឆ្នាំ នៃការបង្កើតអាជ្ញាធរជាតិអប្សរា (១៩ ខែកុម្ភៈ ឆ្នាំ១៩៩៥-១៩ ខែកុម្ភៈ ឆ្នាំ២០២៥) នៅបរិវេណស្ពានហាលប្រាសាទបាយ័ន ច្រកចូលខាងកើត ក្រោមអធិបតីភាពលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា តំណាងអង្គការយូណេស្កូប្រចាំកម្ពុជា ឯកឧត្តម ហង់ ពៅ អគ្គនាយកអាជ្ញាធរជាតិអប្សរា អគ្គនាយករង ឯកឧត្តម ប្រាក់ សោភ័ណ អភិបាលខេត្តសៀមរាប មន្ត្រីបុគ្គលិកអាជ្ញាធរជាតិអប្សរាជាតិ និងអ្នកពាក់ព័ន្ធជាច្រើនរូបចូលរួមផងដែរ។ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា មានប្រសាសន៍ថា ស្ថាប័នអាជ្ញាធរជាតិអប្សរាបានដើរតួនាទីអភិរក្ស ដោយមានការជ្រោមជ្រែងជាឆ្អឹងខ្នង ការអនុវត្តបច្ចេកទេសពីគណៈកម្មាធិការអន្តរជាតិដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្រ្តអង្គរ(អាយស៊ីស៊ី-អង្គរ) ការជួយជ្រោមជ្រែងពីបណ្តាប្រទេសអន្តរជាតិជាមិត្ត ជាពិសេសជំហរដ៏រឹងមាំរបស់រាជរដ្ឋាភិបាលកម្ពុជា ធ្វើឱ្យអាជ្ញាធរជាតិអប្សរាទទួលបានជោគជ័យ។ ក្នុងឆ្នាំ២០០៤ អង្គរត្រូវបានដកចេញពីបញ្ជីបេតិកភណ្ឌប្រឈមនឹងគ្រោះថ្នាក់ ហើយបន្ទាប់មកទៀត អាជ្ញាធរជាតិអប្សរាបានកំណត់គោលដៅបន្ថែមទៀតគឺការអភិវឌ្ឍដោយចីរភាពបន្ថែមលើការអភិរក្ស។ ក្រៅពីធានាឱ្យបាននូវកិច្ចការអភិរក្ស និងការអភិវឌ្ឍដោយចីរភាព ការងារដែលសំខាន់មួយទៀត គឺការយកចិត្តទុកដាក់ចំពោះប្រជាពលរដ្ឋរស់នៅក្នុងតំបន់អង្គរទាំង១១២ភូមិ ដែលជាផ្នែកមួយដ៏សំខាន់ក្នុងបេតិកភណ្ឌអរូបី ការថែរក្សាទំនៀមទម្លាប់ប្រពៃណី […]

ដោយ : បន្ទាយ ព្រំដែនកម្ពុជា-ថៃ : លោកលី សុវណ្ណារឹទ្ធិអភិបាលរងខេត្តនិងជាអ្នកនាំពាក្យរដ្ឋបាលខេត្តបន្ទាយមានជ័យបានប្រាប់សារព័ត៌មាន Cambodia Flash News (CFN) ថ្ងៃទី១៩ខែកុម្ភ: ថា៖ ករណីដែលថាអភិបាលខេត្តស្រះកែវ លើកឡើងពីការសាងសង់របងតាមបណ្តោយព្រំដែនថៃកម្ពុជាប្រវែង៥៥គីឡូម៉ែត្រក្នុងភូមិសាស្ត្រខេត្តស្រះកែវ ទល់មុខនឹងខេត្តបន្ទាយមានជ័យនោះ រដ្ឋបាលខេត្តបន្ទាយមានជ័យសូមបញ្ជាក់ជូន៣ចំណុច៖ ទី១- រដ្ឋបាលខេត្តស្រះកែវ(និងជាខេត្តសម្ព័ន្ធមេត្រីភាពផងនោះ) មិនបានជូនដំណឹងឬផ្ញើលិខិតផ្លូវការណាមួយមករដ្ឋបាលខេត្តបន្ទាយមានជ័យទេ ។ ទី២- បើសិនជាធ្វើមែន ហើយស្ថិតលើខ្សែបន្ទាត់ព្រំដែន គឺត្រូវមានការអនុញ្ញាតឬឯកភាពពីគណ:កម្មាធិការព្រំដែនទូទៅនិងពីរាជរដ្ឋាភិបាលប្រទេសទាំងពីរ មិនមែនត្រឹមកងកម្លាំងនិងអាជ្ញាធរដែនដីឈរជើងនៅទល់មុខសងខាងព្រំដែននោះទេ។ ទី៣- ខេត្តបន្ទាយមានជ័យ  មិនមានប្រតិកម្ម ហើយក៏មិនមានជំហរយល់ព្រម ឬបដិសេដនោះទេ ។ សូមរំលឹកថា ភុំថាន វិច្ឆាយ៉ាឆៃ (Mrs Phumtham Wechayachai)  រដ្ឋមន្ត្រីទទួលបន្ទុកកិច្ចការសន្តិសុខ(ក្រសួងការពារជាតិ) នៃប្រទេសថៃ បានយល់ព្រមទទួលសំណើរបស់លោកបរិនញ៉ា ពោធីសាធ (Mr Parinya Phothisat ) អភិបាលខេត្តស្រះកែវ នៅក្នុងការសាងសង់របងតាមបណ្តោយព្រំដែនកម្ពុជានិងថៃ ប្រវែង៥៥ គីឡូម៉ែត្រក្នុងភូមិសាស្ត្រខេត្តស្រះកែវ ទល់មុខនឹងខេត្តបន្ទាយមានជ័យនិងខេត្តបាត់ដំបងប្រទេសកម្ពុជានេះ ដើម្បីទប់ស្កាត់ការរត់ពន្ធឆ្លងដែនខុសច្បាប់។ នេះបើតាមការផ្សាយរបស់សារព័ត៌មានថៃ Thai PBS […]

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាមបានមានប្រសាសន៍ថា បើគ្មានធនធានមនុស្សទេកុំនិយាយរឿងដល់ការអភិវឌ្ឍន៍ គឺជាក់ស្តែងរបបប្រល័យពូជសាសន៍ ប៉ុលពត គ្រប់គ្រងអំណាចមិនបានមួយអាណត្តិ(៥ឆ្នាំ)ផង បានដួលរលំកាលពីជាង ៤៦ ឆ្នាំមុន។ ឯកឧត្តមអភិបាលខេត្តកំពង់ចាមបានមានប្រសាសន៍យ៉ាងដូច្នេះ នៅក្នុងការដែលឯកឧត្តមបានអញ្ជើញចូលរួមបើកជំរំយុវជន ក្រោមប្រធានបទ«ការអភិវឌ្ឍន៍សមត្ថភាពយុវជន នៅក្នុងបរិបទសង្គមសេដ្ឋកិច្ចកម្ពុជា» នៅចំពោះមុខសិស្សានុសិស្សជាសមាជិកជំរំប្រមាណ ៦០០ នាក់នៅក្នុងបរិវេណវិទ្យាល័យ ហ៊ុន សែន ខ្ចៅ ស្រុកកងមាស នារសៀលថ្ងៃទី ១៨ កុម្ភៈ។ ឯកឧត្តមអភិបាលខេត្តកំពង់ចាមបានមានប្រសាសន៍ទៀតថា៖ ចក្ខុវិស័យរបស់រាជរដ្ឋាភិបាល គឺសម្រួចជាងគេការបណ្តុះបណ្តាលធនធានមនុស្ស និងការបោះជំហានទៅមុខឈានដល់ការបណ្តុះបណ្តាល និងការកសាងមូលធនមនុស្ស។ អ៊ីចឹងត្រូវចាប់ផ្តើមពីកម្រិតបឋមទៅ រហូតដល់កម្រិតវិទ្យាល័យ ដែលជាការបណ្តុះបណ្តាលនៅក្នុងកម្រិតសិក្សា ចំណេះទូទៅ ដែលជាមូលដ្ឋានគ្រឹះឈានឆ្ពោះទៅថ្នាក់ឧត្តមសិក្សា ដើម្បីចាប់យកជំនាញមកបម្រើ ការងារដើម្បីចិញ្ចឹមជីវិត និងការកសាងជីវិតរបស់ខ្លួន គឺជារឿងសំខាន់។ ឯកឧត្តមបានបន្ថែមថា៖ដូច្នេះក្មួយៗ(សិស្សានុសិស្ស)ចាំបាច់ត្រូវចេះទាំងអស់ ដើម្បីឱ្យសក្តិសមជាកូនល្អ សិស្សល្អ មិត្តល្អ គឺប្រែក្លាយខ្លួនជាពលរដ្ឋល្អ ក្នុងការចូលរួមសហការជាមួយអាជ្ញាធរ សមត្ថកិច្ច ក្នុងសហគមន៍ឱ្យកាន់តែរីកចម្រើនបានល្អ។ មានន័យថា បើគ្មានធនធានមនុស្សទេកុំនិយាយរឿងការអភិវឌ្ឍន៍គឺទៅមិនរួចទេ។ ឯកឧត្តមបានបន្តថា៖ ជាក់ស្តែងរបបបនប្រល័យពូជសាសន៍ ប៉ុលពត […]

ដោយ៖​សុខុម ស្ទឹងត្រែង៖  ដោយមានការឯកភាពពីឯកឧត្តមអភិបាលនៃគណៈអភិបាលខេត្តស្ទឹងត្រែង មន្ទីរទេសចរណ៍ខេត្ត គ្រោងនឹងរៀបចំព្រឹត្តិការណ៍ជិះកង់ជាក្រុម នៅថ្ងៃទី២៥ ខែកុម្ភៈ ដើម្បីអបអរសាទរទិវាជាតិទីក្រុងស្អាតលើកទី១៣ ឆ្នាំ២០២៥។ ការរៀបចំនេះ គឺចាប់ផ្តើមចេញដំណើរពីទីប្រជុំជនក្រុងឆ្ពោះទៅកាន់ផ្លូវសំខាន់ៗ ដែលមានចម្ងាយជាង ៥គីឡូម៉ែត្រទើបមកដល់ចំណុចចាប់ផ្តើមវិញ។ លោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែងយល់ឃើញថា៖ សកម្មភាពជិះកង់ជាក្រុមនេះ គឺពុំធ្លាប់បានធ្វើធំដុំឡើយកាលពីមុនមកសម្រាប់ព្រឹត្តិការណ៍អបអរសាទរទិវាជាតិទីក្រុងស្ទឹងត្រែងនៅខេត្តស្ទឹងត្រែង។ លោកប្រធានមន្ទីរទេសចរណ៍ខេត្ត បាននិយាយទៀតថា៖ នៅពេលយើងទាំងអស់គ្នា ចូលរួមជិះកង់ គឺដើម្បីទាក់ទាញចំណាប់អារម្មណ៍ពីមហាជននិងភ្ញៀវទេសចរ។ ម្យ៉ាងទៀតក៏ដើម្បីសុខភាពយើងទាំងអស់គ្នាផងដែរ។ ជាមួយនោះក៏សូមអំពាវនាវ ដល់មហាជន ចូលរួមឱ្យបានច្រើនក្នុងថ្ងៃជិះកង់ខាងមុខនេះ។ លោកប្រធានមន្ទីរទេសចរណ៍សង្ឃឹមយ៉ាងមុតមាំថា អង្គភាព អាជ្ញាធរពាក់ព័ន្ធនឹងចូលរួមសហការក្នុងព្រឹត្តិការណ៍ជិះកង់ថ្ងៃអបអរសាទរ ទិវាជាតិទីក្រុងស្អាត សម្រាប់ឆ្នាំ២០២៥នេះ៕  

ដោយ៖ ព្រះអង្គខ្មៅ បាត់ដំបង: សួនច្បារបែបស៊ីវិល័យចំនួន ៣កន្លែងទៀតនឹងមានវត្តមាននៅលើទឹកដីខេត្តបាត់ដំបង ក្នុងគោលបំណងប្រែក្លាយតំបន់ជាទីក្រុងឆ្លាតវៃ លើកកម្ពស់សោភ័ណភាពសាធារណ: ទាក់ទាញភ្ញៀវទេសចរ។ រយ:ពេលជិតមួយសប្តាហ៍ចុងក្រោយនេះរដ្ឋបាលខេត្តបាត់ដំបង បានបញ្ចេញគម្រោងរៀបចំកែលម្អ និងបង្កើតសួនច្បារសាធារណ:ច្រើនទីតាំង ទាំងនៅក្នុងទីប្រជុំជនក្រុង ក៏ដូចជានៅតាមតំបន់ទេសចរណ៍ក្នុងបណ្តាស្រុកមួយចំនួនផងដែរ។ ចំពោះមុខនេះគម្រោងកែលម្អសួនច្បារ និងទីកន្លែងសម្រាប់ភ្ញៀវទេសចរអង្គុយលេងគយគន់ហ្វូងសត្វប្រចៀវហើរចេញពីល្អាងភ្នំសំពៅ ឋិតនៅក្នុងភូមិសាស្ត្រស្រុកបាណន់ បាននិងកំពុងដំណើការសាងសង់ជាបណ្តើរៗ តែបន្តិចទៀតប្រជាពលរដ្ឋដែលទៅលេងកម្សាន្តរមណីយដ្ឋានភ្នំសំពៅនោះនឹងទទួលបានភាពស្រស់ស្រាយ និងភាពស្រស់ស្អាតចេញពីការរចនាឡើងជាសួនច្បារមួយដែលស៊ីវិល័យរស់រវើក ។ លើសពីនេះកាលពីអំឡុងថ្មីៗកន្លងមកនេះដោយផ្តោតលើការលើកកម្ពស់វិស័យទេសចរណ៍ជាវិស័យអាទិភាព រដ្ឋបាលខេត្តបាត់ដំបង បានបញ្ចេញនូវគម្រោងធំៗចំនួន ២បន្ថែមផ្សេងទៀតដែរ ក្នុងនោះមានគម្រោងសាងសង់សួនតេជោសន្តិភាព ឋិតនៅក្នុងសង្កាត់រតន: ត្រើយខាងកើតស្ទឹងសង្កែ កណ្តាលបេះដូងទីក្រុងបាត់ដំបង ចាប់ពីគល់ស្ពានសម្តេចក្រឡាហោម ដល់ស្ពានសោហឺ ( ស្ពានថ្មថ្មី )មានប្រវែង ៩៩៤ម៉ែត្រ ហើយនិងគម្រោងចុងក្រោយថ្មីមួយទៀតមានសួនច្បារដែលមានទីតាំងឋិតនៅតាមបណ្តោយដងស្ទឹងសង្កែ ត្រើយខាងលិច ក្បែរវេទិកាអុំទូកខេត្តមួយបន្ថែមទៀត។ ប្រភពផ្លូវការពីរដ្ឋបាលខេត្តបានបញ្ជាក់បន្តថា÷ ការរៀបចំសួនច្បារឡើងវិញនេះមានគោលបំណងលើកកម្ពស់សោភ័ណភាពសាធារណ:ឲ្យមានភាពស្រស់បំព្រង អមដោយផ្លូវដើរ ផ្លូវជិះកង់ មានកន្លែងអង្គុយលំហែអារម្មណ៍ស្រូបយកខ្យល់អាកាស ហាត់ប្រាណ និងប្រែក្លាយជាទីក្រុងឆ្លាតវៃស៊ីវិល័យ បរិស្ថានរស់នៅល្អ ជាពិសេសសួនតេជោសន្តិភាព ជាបំំណងដ៏ពិសិដ្ឋបានសំដៅលើការរំលេចពីគុណតម្លៃនូវនយោបាយឈ្នះឈ្នះរបស់សម្តេចអគ្គមហាសេនាធិបតីតេជោ ហ៊ុន សែន ដែលបាននាំមកនូវសេចក្តីសុខសន្តិភាព ស្ថិរភាព ឯកភាពជាតិពេញលេញ និងនាំមកនូវការអភិវឌ្ឍលើគ្រប់វិស័យ។ សួនតេជោសន្តិភាព នឹងក្លាយជាសំណង់ស្ថាបត្យកម្មថ្មីមួយដែលជាមែកធាង […]

ដោយ : បន្ទាយ  បន្ទាយមានជ័យ : គម្រោងផ្លូវខេត្ត២៥៦១ហៅផ្លូវតែហាំង ដែលបំបែកពីផ្លូវជាតិលេខ៥៦ ត្រង់មុខអនុវិទ្យាល័យតាបែនភ្ជាប់ទៅផ្លូវជាតិលេខ៥៨ ត្រង់តំបន់១ ស្ថិតនៅភូមិសាស្ត្រឃុំតាបែននិងស្លក្រាមស្រុកស្វាយចេក ដែលពលរដ្ឋនិងអាជ្ញាធរទន្ទឹងរង់ចាំជាយូរមកហើយនោះ ឥឡូវនេះមន្ទីរសាធារណការនិងដឹកជញ្ជូនខេត្តបន្ទាយមានជ័យបានផ្តល់សិទ្ធិឲ្យក្រុមហ៊ុនម៉ៅការស្ថាបនាជំហានដំបូងជាក្រួសល្បាយថ្ម៨គីឡូម៉ែត្រលើប្រវែងសរុប២៥ គីឡូម៉ែត្រ ។ បានដឹងដូច្នេះ កាលពីថ្ងៃទី១៤ខែកុម្ភ:ឆ្នាំ២០២៥ ខណ:លោក ឃ្លោក នួយ អភិបាលរងខេត្ត តំណាងលោក អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ លោកសុក ចាន់ថា ប្រធានមន្ទីរសាធារណការនិងដឹកជញ្ជូនខេត្តបានដឹកនាំក្រុមការងារចុះពិនិត្យផ្ទៀងផ្ទាត់ទីតាំងដីស្នើសុំដោះស្រាយផលប៉ះពាល់របងលើការស្ថាបនាផ្លូវក្រាលល្បាយថ្ម ប្រវែង៨ គីឡូម៉ែត្រស្ថិតនៅឃុំស្លក្រាមនិងឃុំតាបែន ស្រុកស្វាយចេកខេត្តបន្ទាយមានជ័យ ។ យោងអភិបាលរងស្រុកស្វាយចេកបានឲ្យដឹងថា: កាលពីថ្ងៃទី១៤ ខែកុម្ភៈ ឆ្នាំ២០២៥ ក្រុមហ៊ុនអឹង សឹមស៊ា មកពីរាជធានីភ្នំពេញ ដែលដេញថ្លៃបានពីការស្ថាបនាផ្លូវនេះបានដាក់គ្រឿងចក្រចុះអនុវត្តគម្រោងផ្លូវ២៥៦១ ហៅផ្លូវតែ ហាំងបំបែកពីផ្លូវជាតិលេខ៥៦ ឆ្ពោះទៅផ្លូវលេខ៥៨ តាមរយ:ក្រសួងសាធារណការនិងដឹកជញ្ជូន ដែលប្រើប្រាស់ថវិកាហិរញ្ញប្បទានពីទីភ្នាក់ងារអភិវឌ្ឍន៍អន្តរជាតិជប៉ុនJICA (ចៃកា) ។ មន្ត្រីបន្តថា : គឺគេអនុវត្តជំហាន១ ដោយលេីកគ្រឹះក្រាលក្រួស ល្បាយថ្មប្រវែង ៨គីឡូម៉ែត្រលើ២៥គីឡូម៉ែត្រ សិន និងបន្តជាជំហាន ៗ […]

ដោយ : បន្ទាយ  បន្ទាយមានជ័យ៖ អនុវត្តតាមបទបញ្ជារបស់លោកឧត្តមសេនិយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នគរបាលគ្រប់អង្គភាពចំណុះ ត្រូវពង្រឹងការ ការពារសន្តិសុខ សណ្តាប់ធ្នាប់សាធារណៈឲ្យបានល្អជូនប្រជាពលរដ្ឋនិងសង្គមជាតិ បង្ក្រាបបទល្មើសគ្រប់ប្រភេទ ពិសេសបទល្មើសព្រហ្មទណ្ឌ និងក្មេងទំនើង។ មកទល់ ថ្ងៃទី១៣ខែកុម្ភៈ ឆ្នាំ២០២៥ កម្លាំងនគរបាលប៉ុស្តិ៍ទាំង៦៧ ឃុំ-សង្កាត់ ចំណុះអធិការដ្ឋាននគរបាលក្រុង-ស្រុកទាំង៩ បានបន្តចុះផ្សព្វផ្សាយអំពីគោលនយោបាយឃុំ-សង្កាត់ មានសុវត្ថិភាព, ច្បាប់ចរាចរណ៍ផ្លូវគោក, ផលប៉ះពាល់នៃគ្រឿងញៀន, ផលប៉ះពាល់នៃការធ្វើចំណាកស្រុកឬឆ្លងដែនខុសច្បាប់។ បើតាមមន្ត្រីនគរបាលបានឲ្យដឹងថា : គោលបំណងនៃការចុះផ្សព្វផ្សាយនេះ នគរបាលយើងធ្វើឡើងដើម្បីផ្សារភ្ជាប់ទំនាក់ទំនងរវាងនគរបាល និងប្រជាពលរដ្ឋ បញ្ច្រៀបចំណេះដឹងទាំងទ្រឹស្តី, ច្បាប់ និងវិធីការពារខ្លួន ដើម្បីពួកគាត់យកទៅផ្សព្វផ្សាយបន្តដល់សមាជិកគ្រួសារឬពលរដ្ឋផ្សេងទៀត ក្នុងករណីមានហេតុការណ៍អាសន្នឬ ជួបករណីបទល្មើសផ្សេងៗ ពលរដ្ឋទាំងនោះអាចរាយការណ៍មក២៤ម៉ោង ដើម្បីនគរបាលងាយចុះអន្តរាគមន៍ឲ្យបានទាន់ពេលវេលា។ ក្រៅពីការងារស្នូល នគរបាលគ្រប់ក្រុងស្រុក ក៏បានចុះរៀបចំសណ្តាប់ធ្នាប់តាមទីសាធារណៈ និងធ្វើចរាចរណ៍ជូនសិស្សឆ្លងផ្លូវតាមសាលារៀន បញ្ជៀសការកកស្ទះ និងរួមចំណែក្នុងការកាត់បន្ថយគ្រោះថ្នាក់ជាយថាហេតុផងដែរ៕

ដោយ : បន្ទាយ  បន្ទាយមានជ័យ : រាជរដ្ឋាភិបាល តាមរយ:លិខិតលេខ២០៧៨ សជណ.កឆ ចុះថ្ងៃទី២០ខែធ្នូឆ្នាំ២០២៤ របស់ទីស្តីការគណ:រដ្ឋមន្ត្រី ចុះហត្ថលេខាដោយលោកប៊ិន ប៊ុនឆាយ រដ្ឋលេខាធិការ ជារដ្ឋមន្ត្រី ទទួលបន្ទុកទីស្តីការគណ:រដ្ឋមន្ត្រី យល់ព្រមឲ្យកាត់ឆ្វៀលផ្ទៃដីទំហំ១.៣៧៥ហិកតា៥ ពីគម្របព្រៃឈើឆ្នាំ២០០២  នៅមណ្ឌលអភិវឌ្ឍន៍យោធិនពិការ៣១៧ តេជោភ្នំឆត្រនិងដីពលរដ្ឋអាស្រ័យផលយូរឆ្នាំស្ថិតនៅភូមិតេជោភ្នំឆត្រឃុំស្វាយចេកស្រុកស្វាយចេកខេត្តបន្ទាយមានជ័យ ។ នេះបើយោងតាម : លិខិតលេខ១៣៥៩១ កសក ចុះថ្ងៃទី២៩ខែវិច្ឆិកាឆ្នាំ២០២៤ របស់ក្រសួងកសិកម្ម រុក្ខាប្រមាញ់និងនេសាទ និងចំណារដ៏ខ្ពង់ខ្ពស់បំផុតរបស់សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាចុះថ្ងៃទី១៩ខែធ្នូឆ្នាំ២០២៤ ។ លិខិតសជណ ដែលសារព័ត៌មានទទួលបានច្បាប់ថតចម្លង កាលពីថ្ងៃទី១២ខែកុម្ភ:ឆ្នាំ២០២៥ បានបញ្ជាក់ថា : ទីស្តីការគណ:រដ្ឋមន្ត្រី សូមជម្រាបជូនលោករដ្ឋមន្ត្រីក្រសួងកសិកម្មនិងលោកអភិបាលខេត្តបន្ទាយមានជ័យ មេត្តាជ្រាបថា :រាជរដ្ឋាភិបាលឯកភាពដូចខាងក្រោម : ១-អនុញ្ញាតឲ្យកាត់ឆ្វៀលដីដែលប្រើប្រាស់ជាក់ស្តែងរបស់មណ្ឌលអភិវឌ្ឍន៍យោធិនពិការ៣១៧ តេជោភ្នំឆត្រ ដែលស្ថិតក្រោមបញ្ជាការដ្ឋានកងទ័ពជើងគោក ចេញពីគម្របព្រៃឈើឆ្នាំ២០០២ ។២-ចំពោះដីដែលកាន់កាប់ដោយពលរដ្ឋនៅក្រៅមណ្ឌលនេះត្រូវអនុវត្តតាមយន្តការគណៈកម្មាធិការជាតិដឹកនាំអនុវត្តកម្មវិធីផ្តល់ដី ការពារព្រៃដើម្បីរួមគ្នាអភិវឌ្ឍន៍ដោយចីរភាពដោយមានសម្តេចធិបតីហ៊ុន ម៉ាណែត នាយករដ្ឋមន្ត្រី ជាប្រធានដើម្បីដោះស្រាយនិងផ្ទៀងផ្ទាត់ផ្តល់ដីដល់អ្នកដែលត្រូវការដីពិតប្រាកដ ។ គួររំលឹកដែរថា រដ្ឋបាលខេត្តបន្ទាយមានជ័យបានផ្ញើលិខិតលេខ២២៥៥/២៣ សស […]

ដោយៈសុខុម ស្ទឹងត្រែង៖ ឯកឧត្តម សរ សុពុត្រា អភិបាលខេត្តស្ទឹងត្រែងកាលពីរសៀលថ្ងៃទី១១ខែកុម្ភៈឆ្នាំ២០២៥ បានចុះពិនិត្យមើលសំណង់ចំណត ផ្លូវទឹកនៅកំពង់ស្រឡាងក្រុងស្ទឹងត្រែង ដើម្បីត្រៀមជួសជុលកែលម្អ ឱ្យមានសោភ័ណភាពឡើងវិញនៅពេលខាងមុខ។ លោកអភិបាលខេត្តស្ទឹងត្រែងបាននិយាយថា៖ លោកចង់រក្សាសមិទ្ធផលចាស់ឱ្យស្របទៅតាមគោលការណ៍ រក្សាចាស់ អភិវឌ្ឍថ្មី។នៅពេលកែសោភ័ណភាពនៅទីនេះឲ្យទៅជាកន្លែងស្រស់ស្អាត ពេលនោះប្រជាពលរដ្ឋក៏ងាយស្រួលប្រារព្ធនូវពិធីប្រពៃណីផ្សេងៗផងដែរ។ ម្យ៉ាងទៀត ចំណតស្រឡាងវាបានបង្កលក្ខណៈងាយស្រួលដល់ប្រជាពលរដ្ឋ នៅពេលពួកគាត់បើកទូកមកចតដោះដូរទំនិញ។ នៅពេលរៀបចំរួចរាល់ហើយនោះ ទីកន្លែងនេះក៏នឹងក្លាយទៅជាកន្លែងសម្រាប់អ្នកទេសចរទស្សនាថតរូបភាព។ លោកសរ គឹមណាត ប្រធានមន្ទីរសាធារណការនិងដឹកជញ្ជូន បានឲ្យដឹងថា៖ ផ្លូវទឹកនៅកំពង់ស្រឡាងចាស់នេះ គឺជាកន្លែងប្រមូលផ្តុំទូករបស់បងប្អូនប្រជាពលរដ្ឋមកពីតាមជនបទ។ក្រោមការដឹកនាំរបស់ឯកឧត្តមអភិបាលខេត្តនឹងចាប់ផ្តើមជួសជុលនៅពេលដ៏ឆាប់ខាងមុខនេះ។ លោកសរ គឹមណាតបានបញ្ជាក់ថា សំណង់កំពង់ស្រឡាងផ្លូវទឹកនេះមានប្រវែង១៣១ម៉ែត្រ ទទឹង៦ម៉ែត្រ៕

ដោយ :  បន្ទាយ បន្ទាយមានជ័យ៖ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ កាលពីថ្ងៃទី១១ ខែកុម្ភៈ ឆ្នាំ២០២៥  បានដឹកនាំកម្លាំងនគរបាលជាច្រើននាក់ ចុះការពារសន្តិសុខ សុវត្ថិភាព សណ្តាប់ធ្នាប់ជូនថ្នាក់ដឹកនាំ ក្នុងពិធីកាត់ខ្សែបូសម្ពោធឆ្លងការជួសជុលថែវប្រាសាទបន្ទាយឆ្មារ នៅឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។ ពិធីនេះត្រូវបានប្រារព្ធធ្វើឡើងក្រោមអធិបតីភាពលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ  លោកស្រីឧកញ៉ាអគ្គមហាឧបាសិកាសិរីករុណាបុទុមរតន៍បណ្ឌិត ម៉ៅ ម៉ាល័យ កែ គឹមយ៉ាន, លោកស្រី ញ៉ែម សាខន ស ខេង, លោកស្រី កែ សួនសុភី, លោកអ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ក្នុងនោះក៏មានការអញ្ជើញចូលរួមពីឯកឧត្តម លោកជំទាវ លោក លោកស្រី មកពីក្រសួង មន្ទីរ ស្ថាប័នពាក់ព័ន្ធ កងកម្លាំងប្រដាប់អាវុធទាំង៣ប្រភេទ ប្រជាពលរដ្ឋ ជាច្រើនរូប។ លោកឧត្តមសេនីយ៍ទោ សិទ្ធិ ឡោះ បានដាក់ពង្រាយកងកម្លាំងនគរបាលជាច្រើននាក់ […]

 ដោយ : បន្ទាយ បន្ទាយមានជ័យ : ឆ្លងកាត់កម្មវិធីអប់រំផ្លូវចិត្ត និងសមាធិ អស់រយៈពេល ៦យប់ ៧ ថ្ងៃ ស្ថិតនៅវត្តព្រហ្មមានជ័យសុវណ្ណារាម ហៅវត្តវាំងមួង ក្នុងសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ត្រូវបានរៀបចំពិធីបិទ ក្រោមអធិបតីភាពព្រះឧត្ដម សីលញ្ញណ ធុល សុធា ព្រះមេគណខេត្ត លោក បៀវ ថាន ប្រធានមន្ទីរធម្មការនិងសាសនាខេត្តបន្ទាយមានជ័យ កាលពីថ្ងៃទី០៩ខែ កុម្ភៈ ឆ្នាំ ២០២៥។ ព្រះឧត្តម សីលញ្ញណ ធុល សុធា ព្រះមេគណខេត្ត បានមានសង្ឃដីកាថា ការរៀបចំពិធីអប់រំ និងសមាធិ ចំពោះព្រះសង្ឃ លោកតា លោកយាយ សិស្សានុសិស្សរយៈពេល ៦យប់៧ថ្ងៃមកនេះ ពិតជាបានធ្វើឲ្យមានចិត្តស្ងប់ទាំងផ្លូវកាយផ្លូវចិត្ត ប្រព្រឹត្តទៅបានល្អប្រសើរ ព្រមទាំងបានតាំងចិត្តមុតមាំក្នុងអារម្មណ៍តែមួយ ដោយសច្ចភាព ស្ងប់អារម្មណ៍ជម្រះចោលនូវអំពើឧបាយមុខផ្សេងៗ។ ម្យ៉ាងវិញទៀត ការអប់រំផ្លូវចិត្តនិងសមាធិនេះ អាចធ្វើឲ្យទាំងចាស់ទាំងក្មេង បានយល់ពីអ្វីដែលល្អ អ្វីដែលអាក្រក់ និងវៀរចាកនូវអំពើរអាក្រក់ផ្សេងៗ ក៏ថាបាន […]