ដោយ : បន្ទាយ ភ្នំពេញ : មេបញ្ជាការ-មេបញ្ជាការរង នាយ-នាយសេនាធិការរង ប្រធាន-អនុប្រធានមន្ទីរ នាយ-នាយរងការិយាល័យ នាយទាហាន នាយទាហានរង និងពលទាហាន ចំណុះ បញ្ជាការដ្ឋានកងរាជអាវុធហត្ថរាជធានីភ្នំពេញ រហូតមកដល់ត្រឹមថ្ងៃទី០៩ខែកញ្ញាឆ្នាំ២០២៤ កន្លងមកមានចំនួន១.៥១៦នាក់ហើយ ដែលបានរួមគ្នាបរិច្ចាគថវិកាសរុបជិត១ម៉ឺន ៦ពាន់ ដុល្លារអាមេរិកគឺចេញពី (ប្រាក់រៀល ២៩,៣២១,១៨១ រៀល និងប្រាក់ដុល្លារ ៨,៣៤១.៩៥ ដុល្លារអាមេរិក) ដល់ “មូលនិធិកសាងហេដ្ឋារចនាសម្ព័ន្ធតាមព្រំដែន”​។ មន្ត្រីអាវុធហត្ថរាជធានីភ្នំពេញអោយដឹងកាលពីថ្ងៃទី១០ខែកញ្ញាថា: ការបរិច្ចាគថវិកាក្នុងគោលបំណងចូលរួមជាមួយរាជរដ្ឋាភិបាលនៅក្នុងបុព្វហេតុការពារនិង អភិវឌ្ឍជាតិក្នុងស្មារតីសាមគ្គី ថែរក្សា ការពារ សុខសន្តិភាព អធិបតេយ្យ និងបូរណភាពទឹកដី ដោយចូលរួមក្នុងការជំរុញការអភិវឌ្ឍន៍នៅតាមតំបន់ព្រំដែនឱ្យបានកាន់តែរឹងមាំ និងប្រកបដោយចីរភាព ៕

ដោយ : បន្ទាយ ភ្នំពេញ៖ កម្ពុជានិងចិនបានចាត់ទុកគ្រូបង្រៀនជនជាតិចិន នៅក្នុងប្រទេសកម្ពុជាដើរតួនាទីដ៏សំខាន់ ក្នុងទំនាក់ទំនង រវាងប្រទេសទាំងពីរ ជំរុញការកសាងសហគមន៍វាសនារួម។ ថ្លែងក្នុងពិធីអបអរសាទរទិវាគ្រូបង្រៀនចិន នៅស្ថានទូតចិនប្រចាំកម្ពុជា រាជធានីភ្នំពេញ កាលពីថ្ងៃទី១០ ខែកញ្ញា ឆ្នាំ២០២៤ លោកបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា មានប្រសាសន៍ថា : “កម្ពុជានិងចិនបានជំរុញការផ្លាស់ប្តូរប្រជាជននិងវប្បធម៌ មានប្រវត្ថិសាស្ត្រដ៏យូលង់មកហើយ។ ទំនាក់ទំនងទ្វេភាគីត្រូវបានពង្រឹងកាន់តែរីកចម្រើន នៅប៉ុន្មានចុងក្រោយនេះ “។ជាពិសេស ភាគីចិនបានចូលរួមចំណែកយ៉ាងសំខាន់ ក្នុងការអភិវឌ្ឍន៍សង្គមសេដ្ឋកិច្ចកម្ពុជា តាមរយៈការសាងសង់ហេដ្ឋារចនាសម្ព័ន្ធនានាជាដើម ។វត្តមានយ៉ាងសកម្មរបស់គ្រូបង្រៀនចិននៅកម្ពុជាគឺជានិម្មិតសញ្ញានៃការផ្លាស់ប្តូរទំនាក់ទំនងកាន់តែរឹងមាំ។ គ្រូជនជាតិចិនដើរតួនាទីយ៉ាងសំខាន់ក្នុងការជំរុញកិច្ចសហប្រតិបត្តិការរវាងប្រទេសទាំងពីរ ដោយពួកគេបាននាំមកនូវការអប់រំប្រកបដោយគុណភាព ចំណេះដឹងជ្រាលជ្រៅបង្ហាត់បង្រៀននៅកម្ពុជា ហើយបានជាស្ពានផ្សារភ្ជាប់វប្បធម៌ប្រទេសទាំងពីរ ជំរុញការស្គាល់ពីគ្នា កាន់តែច្បាស់រវាងប្រជាជាតិទាំងពីរ។ លោកវ៉ាង វ៉ិនពិន( Wang Wenbin )ឯកអគ្គរដ្ឋទូតចិនប្រចាំកម្ពុជាមានប្រសាសន៍ថា : “.វិស័យមូលធនមនុស្សគឺត្រូវបានរាជរដ្ឋាភិបាលកម្ពុជាយកចិត្តទុកដាក់យ៉ាងខ្លាំង។ វត្តមានរបស់គ្រូបង្រៀនចិននៅកម្ពុជាបានចូលរួមចំណែកអភិវឌ្ឍន៍មូលធនមនុស្ស ដោយមានសិស្សានុសិស្សខ្មែរកាន់តែច្រើន រៀនភាសាចិន ជាការអភិវឌ្ឍទំនាក់ទំនងមិត្តភាពរវាងប្រទេសទាំងពីរកាន់តែល្អប្រសើរ”។ បើតាមលោកទូត ចាប់តាំងពីឆ្នាំ២០០៩មក រដ្ឋាភិបាលចិនបានបញ្ជូនគ្រូបង្រៀនមកប្រទេសកម្ពុជា រាប់ពាន់នាក់ ។ហើយនៅឆ្នាំ២០២៤នេះ មានចំនួនជាង៣០០នាក់បន្ថែមទៀត។ […]

ដោយ : បន្ទាយ បន្ទាយមានជ័យ ៖ ផ្លូវខេត្តឬអតីតខ្នែងផ្លូវជាតិលេខ៥ ពីចំណុចរង្វង់មូលហនុមានឬផ្លូវបែកជា៥ស្ថិតនៅក្នុងភូមិ១ដល់ចំណុចរង្វង់មូលស្រីគ្រប់លក្ខណ៍ឬផ្លូវបំបែកជា៦ នៅក្នុងភូមិ៣និងភូមិ៤ សង្កាត់ព្រះពន្លា ក្រុងសិរីសោភ័ណ បានប្តូរពីផ្លូវដីហុយសំពោងមកជាផ្លូវក្រាលកៅស៊ូវិញហើយ។នេះបើតាមមន្ត្រីរដ្ឋបាលក្រុងសិរីសោភ័ណបានឲ្យដឹងកាលពីថ្ងៃទី១០ ខែកញ្ញាឆ្នាំ២០២៤ ។ ប្រភពបានបន្តថា : ក្រុមការងារស្ថាបនាបានស្តារឡើងវិញផ្លូវនេះ ដោយបានស្ថាបនាគ្រឹះ បង្ហាប់កៀរកិន ធ្វើតេស្តនិងដង់ស៊ីតេដី រួចរៀបចំក្រាលប្រភេទកៅស៊ូ២ជាន់(DBST) ឡើងវិញនូវផ្លូវខេត្តប្រវែងត្រឹមតែ៩០០ម៉ែត្រ ទទឹង១០ម៉ែត្រមួយខ្សែដែលមានចរាចរណ៍ដ៏មមាញឹកសម្រាប់យានយន្តឆ្លងកាត់ពីផ្លូវជាតិលេខ៥នៅភាគខាងត្បូងក្រុង មកផ្លូវជាតិលេខ៦ កណ្តាលក្រុងប៉ែកខាងកើត។ . សូមបញ្ជាក់ថា : ពីដើមមកទល់ទសវត្សរ៍ទី៩០  អ្នកស្រុកហៅផ្លូវ១ខ្សែនេះថា៖ ១-ហៅផ្លូវមាត់ស្ទឹង ដ្បិតកាលណោះទឹករាចពីមាត់ស្ទឹងសិរីសោភ័ណបានហៀរមកដល់ផ្លូវ ឬក្រោយមកទៀត ២-គេហៅផ្លូវនេះថាផ្លូវខាងកើតពេទ្យស្រុក ផ្លូវសាលាគំរូ ផ្លូវសាលាគរុកោសល្យ ឬ ក៏,៣-ផ្លូវខាងកើតបេឡាន(ធំ)ជាដើម ។ ប្រភពព័ត៌មានបានបន្តថា: ផ្លូវស្ថានីយប្រេងសូគីមិចឬរង្វង់មូលហនុមានភូមិ១ដល់រង្វង់មូលស្រីគ្រប់លក្ខណ៍ ភូមិ៣និងភូមិ៤សង្កាត់ព្រះពន្លាក្រុងសិរីសោភ័ណ មួយខ្សែនេះជាផ្លូវក្រាលកៅស៊ូ២ជាន់(DBST) ហើយបន្ទាប់មកបានក្រាលកៅស៊ូប្រភេទបេតុងមីណឺពីលើដោយអន្លើផងទៀត។ ប៉ុន្តែចុងក្រោយ ផ្លូវនេះបានរងការខូចខាតដោយសាររយ:ពេលប្រើប្រាស់ផង ដោយទឹកជំនន់ផង ទើបបង្កឲ្យខូចខាតស្ទើរទាំងស្រុង។ លោកស្រេង សូផល អភិបាលក្រុងសិរីសោភ័ណ ឲ្យដឹងថា: ផ្លូវនេះត្រូវបានជួសជុលកែលម្អឡើងវិញដោយគម្រោងរដ្ឋបាលថ្នាក់ក្រោមជាតិក្រុងសិរីសោភ័ណ ប្រើប្រាស់ថវិការដ្ឋ ។ សូមបញ្ជាក់ថា […]

 ដោយ៖ គង់ហេង កំពង់ចាម៖ រាជរដ្ឋាភិបាលបានសម្រេចតែងតាំងលោក ផេន សុផល ដែលជាអភិបាលស្រុកបាធាយ ឡើងជាអភិបាលរងខេត្តកំពង់ចាម ជំនួសតំណែងឯកឧត្តម ចាន់ ផល្លី ដែលត្រូវដល់អាយុចូលនិវត្តន៍។ ដោយពិធីប្រកាសចូលកាន់មុខតំណែងជាអភិបាលរងខេត្តកំពង់ចាមនេះបានប្រព្រឹត្តទៅនៅសាលាខេត្តនេះនារសៀលថ្ងៃទី ១០ កញ្ញា។ នាឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាមបានមានប្រសាសន៍ស្វាគមន៍ថា៖ សូមសម្តែងការចូលរួមអបអរសាទ ឯកឧត្តម ផេន សុផល ដែលត្រូវបានប្រកាសចូលកាន់តំណែងជាអភិបាលរងខេត្តកំពង់ចាមនាពេលនេះ។ ឯកឧត្តម ផេន សុផល ជាមន្ត្រីបន្តវេនវ័យក្មេង ដែលមានចំណេះដឹង និងបទពិសោធនៅមូលដ្ឋានរយៈពេល ១៨ឆ្នាំ ធ្លាប់ជាអភិបាលនៃគណៈអភិបាលស្រុកកោះសូទិន និងស្រុកបាធាយ។ ឯកឧត្តមអភិបាលខេត្តកំពង់ចាមមានប្រសាសន៍បន្តថា៖ ដោយមើលឃើញពីសមត្ថភាព និងសក្តានុពលរបស់មន្ត្រីបន្តវេន និងដោយមានការចង្អុលបង្ហាញពីឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម គណៈអភិបាលខេត្ត បានស្នើបេក្ខភាព ឯកឧត្តម ផេន សុផល ទៅក្រសួងមហាផ្ទៃ និងចុងក្រោយទទួលបានការតែងតាំងពីប្រមុខរាជរដ្ឋាភិបាល ជាអភិបាលរងនៃគណៈអភិបាលខេត្តកំពង់ចាមជំនួសឯកឧត្តម ចាន់ ផល្លី ដែលចូលនិវត្តន៍។ ជាមួយនោះឯកឧត្តម ប្រាក់ […]

ដោយ : បន្ទាយ ភ្នំពេញ : អតីតគ្រូបង្រៀនមុខវិជ្ជាសីលធម៌នយោបាយម្នាក់នៃវិទ្យាល័យបាក់ទូកនាទសវត្សរ៍ឆ្នាំ១៩៨០ នៃសាលាវិទ្យាល័យបាក់ទូកខណ្ឌ៧មករា រាជធានីភ្នំពេញ មានជំងឺ ហើយចូលសម្រាកព្យាបាលនៅមន្ទីរពេទ្យ ទទួលបាននូវសមានចិត្តរំលឹកគុណ ការរែអង្គាសគ្នាដើម្បីឧបត្ថម្ភពីអតីតកូនសិស្ស និងអតីតគ្រូៗជាមិត្តរួមអាជីពរួមសាលាជាមួយគ្នា ។ នេះបើតាមអតីតសិស្សសាលាបាក់ទូកបានឲ្យដឹងកាលពីថ្ងៃទី០៩ខែកញ្ញាឆ្នាំ២០២៤ ។ ដូចពាក្យពោលនិងពាក្យស្លោកខ្លះបានលើកឡើងថា : «គ្រូ១ថ្ងៃ ក៏ជាគ្រូ១ជីវិត»«​គ្រូជាឪពុកម្តាយទី២”,” ផឹកទឹកនឹកដល់ប្រភព ជ្រកម្លប់នឹកដល់អ្នកដាំ ” …. ហេតុនេះ គេតែងតែបានឃើញ អតីតសិស្សសាលាបាក់ទូកមួយក្រុម ឋិតក្នុងវ័យបច្ឆិមទៅហើយដែរដែលនាំមុខដោយលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និង ជាមេបញ្ជាការ កងរាជអាវុធហត្ថរាជធានីភ្នំពេញ បានអនុវត្តជាប់ជាប្រចាំ តាមរយៈការប្រកូកប្រកាស រួបរួមគ្នាហើយបំពេញនូវកត្តញ្ញូតាធម៌ គុណូបក្ការ: និងគុណធម៌ ចំពោះអតីតលោកគ្រូអ្នកគ្រូ។ ជាពិសេសលោកគ្រូអ្នកគ្រូដែលបានចូលនិវត្តន៍ ហើយបាត់បង់សមត្ថភាព លទ្ធភាពដ្បិតឋិតក្នុងស្ថានភាពវ័យចាស់ជរា រោគាពាធ។ អតីតសិស្សបានយកមកអនុវត្តនូវពាក្យស្លោករួមគ្នាថា “សាមគ្គីមិត្តភាព បង្កើតចិត្តរមនា ចែករំលែកជួយគ្នា គ្រប់គ្រាលំបាក” ៕

ដោយ : បន្ទាយ សៀមរាប៖ កាលពីរសៀលថ្ងៃទី០៩ ខែកញ្ញា ឆ្នាំ២០២៤ នៅសាលប្រជុំសេនាធិការ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប បានប្រជុំត្រួតពិនិត្យតួនាទីភារកិច្ច និងវឌ្ឍនភាពការងាររបស់មន្ទីរសម្ភារបច្ចេកទេស ។ កម្មវិធីមានការចូលរួមពីលោកមេបញ្ជាការរងទទួលការងារសម្ភារបច្ចេកទេស លោកប្រធាន-អនុប្រធានមន្ទីរ នាយ-នាយរងការិយាល័យ និងជំនួយការចំណុះឲ្យមន្ទីរ ។ លោកឧត្តមសេនីយ៍ត្រី សៀ ទីន បាននិយាយថា កិច្ចប្រជុំដើម្បីរៀបចំរបៀបរបបការងារថ្មី ព្រមទាំងចុះពិនិត្យតាមការិយាល័យជំនាញនីមួយៗផងដែរ។ ដោយឡែក លើការងារទ្រោលសន្តិសុខ សណ្តាប់ធ្នាប់ កងកម្លាំងកងរាជអាវុធហត្ថខេត្តសៀមរាប និងក្រុង ស្រុកនានាបានបន្តចេញប្រតិបត្តិការ ល្បាតប្រចាំការតាមបណ្តាគោលដៅដូចដែលមានផែនការនិងបទបញ្ជារួចមកហើយ ៕

ដោយ : បន្ទាយ កំពង់ធំ៖ នៅស្នងការដ្ឋាននគរបាលខេត្តកំពង់ធំ នាថ្ងៃទី ០៩ ខែកញ្ញា ឆ្នាំ២០២៤ មានពិធីសែនក្រុងពាលីបើកការដ្ឋានសាងសង់អគារមុខងារ១ខ្នងដើម្បីបម្រើឱ្យការងារនៅក្នុងអង្គភាពដែលជំរុញឲ្យមានការរីកចម្រើនប្រសើរឡើងទៀត ។ លោកឧត្តមសេនីយ៍ត្រី ហេង សុផល ស្នងការនគរបាលខេត្តកំពង់ធំបានដឹកនាំធ្វើពិធីនោះ។ លោកឱ្យដឹងថា ដោយសារឃើញអង្គភាពនៅកង្វះអគាររដ្ឋបាលក្នុងការធ្វើការងារឱ្យមានសុវត្ថិភាព និងរក្សាបាននូវសុខសន្តិភាព ទើបលោកដឹកនាំ លោក លោកស្រីស្នងការរង និងកងកម្លាំងសាងសង់អគារថ្មីបន្ថែមទៀតសម្រាប់បង្កលក្ខណៈងាយស្រួល ក្នុងការបំពេញភារកិច្ច ជាប្រចាំថ្ងៃជាពិសេសផ្ដល់ជាឧត្តមប្រយោជន៍សម្រាប់អង្គភាព និងសង្គមជាតិ។ អគារដែលកំពុងដំណើរការសាងសង់មានចំនួន១ខ្នង កម្ពស់០២ជាន់ ទំហំ៧.២០ ម៉ែត្រ×១២.២០ម៉ែត្រ ជញ្ជាំងអំពីឥដ្ឋ ដំបូលប្រក់ក្បឿងក្បាច់ បែងចែកជាបន្ទប់មានលក្ខណៈធំទូលំទូលាយ និងបំពាក់បរិក្ខារ គ្រឿងអេឡិចត្រូនិក ទំនើបទាន់សម័យផងដែរ ។ ខណៈនោះដែរ លោកស្នងការបានសែនព្រេនគ្រឿងសក្ការ:បូជាទៀនធូប ផ្កាភ្ញី ផ្លែឈើ និងគ្រឿងតង្វាយសុំបួងសួងដល់ម្ចាស់ទឹកម្ចាស់ដី អារុក្ខអារក្ខទេវតា អ្នកតាចាស់ស្រុក វត្ថុសក្តិសិទ្ធិក្នុងលោក ជាពិសេសទេព្តាឆ្នាំថ្មី  គុណព្រះពុទ្ធ ព្រះសង្ឃ គុណបុព្វការីជនដែលជាមគ្គុទេសក៍ដឹកនាំ វីរជន វីរនារី យុទ្ធជន យុទ្ធនារី..ដែលមានគុណបំណាច់ចំពោះជាតិ មាតុភូមិនិងប្រជាជនសូមមកជួយប្រោសព្រំបង្កក់ប្រសិទ្ធីសិរីសួស្តី បីបាច់ថែរក្សា ជូនពរជ័យចំពោះថ្នាក់ដឹកនាំ […]

សៀមរាប៖ អាជ្ញាធរជាតិអប្សរា តាមរយៈកិច្ចសហការជាមួយស្ថាប័នស្រាវជ្រាវបុរាណវិទ្យាឥណ្ឌា (ASI) បន្តជួសជុលកំពូលមុខព្រហ្មរបស់ខ្លោងទ្វារខាងកើតនៃប្រាសាទតាព្រហ្មជាបន្តទៀត បន្ទាប់ពីក្រុមអ្នកជំនាញការអាដហុកនៃគណៈកម្មាធិការអន្ដរជាតិសម្របសម្រួល កិច្ចគាំពារ និងអភិវឌ្ឍន៍តំបន់ប្រវត្តិសាស្រ្តអង្គរ និងសំបូរព្រៃគុក (ICC-Angkor/ Sambor Prei Kuk) បានអនុញ្ញាតឱ្យប្រើថ្មថ្មីមកជំនួសថ្មចាស់ដែលខូចខាត និងបាត់បង់ ដើម្បីអាចឱ្យខ្លោងទ្វារនេះមានរូបរាងពេញលេញឡើងវិញ។ ប្រធានគ្រប់គ្រងការដ្ឋានជួសជុលនៅប្រាសាទតាព្រហ្ម លោក Chitranjan Kumar ឱ្យដឹងថា ការងារជួសជុលខ្លោងទ្វារខាងកើតរបស់ប្រាសាទតាព្រហ្ម គឺសម្រេចបានតួខ្លោងទ្វារ រួមទាំងស្លាបសងខាង និងរចនាសម្ពន្ធដំបូល។ បច្ចុប្បន្នក្រុមការងារជួសជុលបន្តចាប់ពីរចនាសម្ពន្ធចង្កានៃផ្ទៃមុខព្រហ្មឡើងទៅលើបន្ថែមទៀត តាមថ្មចាស់ដែលនៅសេសសល់ ដើម្បីឱ្យខ្លោងទ្វារនេះមានរូបរាងដូចដើមឡើងវិញ។ ក្រុមការងារមានការត្រេកអរដែលអ្នកជំនាញអាយស៊ីស៊ី-អង្គរ និងសំបូរព្រៃគុក បានអនុញ្ញាត ហើយខ្លោងទ្វារទាំងមូលនឹងបង្ហាញរូបរាងពេញលេញតាមលំនាំដើមក្នុងពេលឆាប់ៗខាងមុខនេះ។ សូមបញ្ជាក់ថា គម្រោងជួសជុលខ្លោងទ្វារខាងកើតនៃប្រាសាទតាព្រហ្មនេះ បានចាប់ផ្ដើមជួសជុលកាលពីដើមឆ្នាំ២០២២ ហើយគ្រោងនឹងបញ្ចប់នៅចុងឆ្នាំ២០២៤ខាងមុខ។ នៅមុនពេលជួសជុល ខ្លោងទ្វារខាងកើតនៃប្រាសាទតាព្រហ្ម មានសភាពទ្រុឌទ្រោមខ្លាំង គឺប្រាង្គកណ្ដាលផ្នែកខាងលើ និងថ្មដំបូលរលុះទាំងស្រុង គឺនៅសល់ផ្នែកខ្លះនៃស្លាបសងខាងប៉ុណ្ណោះ តែគ្មានលំនឹង ហែក ក្រៀកចេញពីគ្នាក្នុងស្ថានភាពហានិភ័យខ្ពស់៕ អត្ថបទ: លោក យី សុថា  

ដោយ : បន្ទាយ សៀមរាប៖ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្ត បានទទួលនូវទឹកសុទ្ធចំនួន ៣០០កេស, ភេសជ្ជៈ ចំនួន ១៥០កេស, មីជាតិចំនួន ១០កេសធំ ដែលកម្មវិធីធ្វើនៅបញ្ជាការដ្ឋានកងរាជអាវុធហត្ថខេត្តសៀមរាប កាលពីថ្ងៃទី០៧ ខែកញ្ញា ឆ្នាំ២០២៤ ។ មន្ត្រីបានបន្តថា : សប្បុរសជន០៦រូប ដែលមាន លោក ឡុង ចាន់រិទ្ធ និងភរិយា, លោក កង សុទ្ធី និងភរិយា, លោក គឹម ប៊ុនទី និងភរិយា, លោក សើ វណ្ណដា និងភរិយា, លោក ហាំ មីកា, លោក គង់ ឡាយហេង ។ ពួកគាត់បាននាំនូវអំណោយឧបត្ថម្ភនាំយកមកប្រគល់ជូនដល់កងរាជអាវុធហត្ថខេត្តសៀមរាប សម្រាប់ប្រើប្រាស់ជាប្រយោជន៍ជាក់ស្តែងក្នុងអង្គភាព។ ក្នុងឱកាសនោះ លោកឧត្តមសេនីយ៍ត្រី សៀ ទីន បានសម្តែងនូវការថ្លែងអំណរគុណយ៉ាងជ្រាលជ្រៅចំពោះសប្បុរសជនទាំង០៦រូប ដែលមានចិត្តសប្បុរសឧបត្ថម្ភ […]

ដោយ : បន្ទាយ សៀមរាប៖ លោកវរសេនីយ៍ឯក ស៊ិន លី មេបញ្ជាការរង ទទួលការងារកសាងកម្លាំង បានដឹកនាំក្រុមការងារ នាំយកអំណោយរបស់លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថសៀមរាប ចុះសួរសុខទុក្ខលោកស្រី អនុសេនីយ៍ទោ ឆោម កូឡាប ជំនួយការស្រាវជ្រាវព័ត៌មានសន្តិសុខសណ្តាប់ធ្នាប់ មូលដ្ឋានកងរាជអាវុធហត្ថស្រុកពួក ដែលទើបសម្រាលកូន និងកំពុងសម្រាកថែទាំសុខភាពនៅគេហដ្ឋាន។ នេះបើតាមមន្ត្រីក្រុមការងារឲ្យដឹងកាលពីថ្ងៃទី០៧ខែកញ្ញា ឆ្នាំ២០២៤ ។ ក្នុងឱកាសនោះ លោកមេបញ្ជាការរងក៏បានពាំនាំនូវការផ្តាំផ្ញើសួរសុខទុក្ខពីលោកមេបញ្ជាការនិងបាននាំយកថវិកាចំនួន ២០០.០០០រៀល, ភេសជ្ជៈចម្រុះមួយចំនួនទៅផ្តល់ជូនផងដែរ៕

ដោយ : បន្ទាយ ឧត្តរមានជ័យ៖ អាជ្ញាធរខេត្តឧត្តរមានជ័យបានព្យាយាមបង្ហាញថា ភ្ញៀវទេសចរក្នុងស្រុកទៅទស្សនាប្រាសាទតាមាន់កាលពីថ្ងៃទី០៨ខែកញ្ញាឆ្នាំ២០២៤ ។ប្រាសាទនេះស្ថិតនៅលើខ្នងជួរភ្នំដងរែក ព្រំដែនកម្ពុជា ថៃ ក្នុងភូមិសាស្ត្រភូមិតាមន្តសែនជ័យ ឃុំគោកមន ស្រុកបន្ទាយអំពិល ខេត្តឧត្តរមានជ័យ ទល់មុខភូមិតាមឿ នឃុំ-ស្រុកបានគ្រួតខេត្តបូរីរ៉ាំប្រទេសថៃ ។ ការបង្ហាញនេះ  បន្ទាប់ពីវិទ្យុផ្សាយជាភាសាខ្មែរដែលមាននិន្នាការប្រឆាំងនិងឧបត្ថម្ភដោយបរទេសមួយបានផ្សាយថា ប្រាសាទនេះបានរអិលទៅស្ថិតក្រោមគ្រប់គ្រងដោយភាគីថៃ​ និងមួយទៀតបន្ទាប់ពីមន្ត្រីយោធាម្នាក់ដែលឈរជើងការពារនៅប្រាសាទនោះបាននិយាយថា កងទ័ពភាគីថៃដែលឈរជើងគ្រប់គ្រងរួមគ្នាជាមួយកម្ពុជានៅចំណុចប្រាសាទនោះ បានដាំបង្គោលបេតុង១ ដាក់កម្រិតឬបន្ទាត់ក្រហមមិនអោយភាគីកម្ពុជាឬភ្ញៀវពីកម្ពុជាដើរឆ្លងហួស ដោយសំអាងថាចូលក្នុងទឹកដីថៃ។ មន្ត្រីយោធានោះនិយាយថា : បើបងបងប្អូន(ភ្ញៀវទេសចរ) ដើរហួសពីបង្គោល(ដែលគេទើបដាំ)នោះ ថៃគេស្តីឲ្យលោកហើយ(ចូលបូរណភាពទឹកដីថៃ )។ លោកមាន ចាន់យ៉ាដា អភិបាលខេត្តឧត្តរមានជ័យ បានឲ្យដឹងក្នុងគណនីហ្វេសប៊ុកផ្លូវការរបស់លោកនាថ្ងៃទី០៨ខែកញ្ញាឆ្នាំ២០២៤ថា: “បងប្អូនប្រជាពលរដ្ឋស្រុកត្រពាំងប្រាសាទ ធ្វើដំណើរជាង២០០គីឡូម៉ែត្រដើម្បីទស្សនាប្រាសាទតាមាន់ ដោយសេចក្តីសប្បាយរីករាយនិងពោរពេញដោយមោទនភាពបំផុត បន្ទាប់ពីទស្សនាប្រាសាទដូនតាខ្មែរដ៏ពិសិដ្ឋ”។ លោកបានបន្ថែមនូវការអំពាវនាវថា :  សូមអញ្ជើញបងប្អូនប្រជាពលរដ្ឋគ្រប់ទិសទី មកទស្សនាប្រាង្គប្រាសាទកេរដំណែលដូនតាខ្មែរយើង។ លើសពីនេះលោកមាន ចាន់យ៉ាដា បានបង្ហាញរូបភាពវីដេអូសម្ភាសន៍ពលរដ្ឋចាប់អារម្មណ៍និងមានមោទនភាពដែលបានឡើងទៅទស្សនាប្រាសាទតាមាន់ដែលជាកេរតំណែលដូនតាខ្មែរ ហើយបច្ចុប្បន្នកម្ពុជាគ្រប់គ្រង ទោះបីជាវាស្ថិតនៅលើខ្នងភ្នំនិងខណ្ឌព្រំដែនក៏ដោយ។ ទោះយ៉ាងណា ពលរដ្ឋដែលជាភ្ញៀវ បាននិយាយថា : ពួកគេទើបតែបានទៅទស្សនាប្រាសាទតាមាន់ជាលើកទី១ប៉ុណ្ណោះ បីទោះបីជាពួកគេមានទីលំនៅនិងរស់នៅនៅខេត្តឧត្តរមានជ័យ ហើយប្រាសាទក៏ស្ថិតនៅក្នុងភូមិសាស្ត្រខេត្តឧត្តរមានជ័យដែរនោះ ។ […]

ដោយ : បន្ទាយ កំពង់ធំ÷ក្នុងនាមអាជ្ញាធរនៃរដ្ឋបាលខេត្តកំពង់ធំ លោកនួន ផារ័ត្ន  អភិបាលខេត្តស្នើអោយមន្ទីរបរិស្ថានខេត្តរួមគ្នាពង្រឹងការចុះល្បាតបង្ការ ទប់ស្កាត់និងបង្ក្រាបបទល្មើសក្នុងតំបន់ការពារធម្មជាតិភូមិសាស្ត្រខេត្ក ទាំងតំបន់វាលលើ ទាំងតំបន់វាលក្រោម ។ នេះបើតាមមន្ត្រីជំនាញខាងលើអោយដឹងកាលពីរសៀលថ្ងៃទី០៧ខែកញ្ញា ឆ្នាំ២០២៤ ពេលលោកអភិបាលខេត្តអញ្ជើញទៅសំណេះសំណាលជាមួយថ្នាក់ដឹកនាំ មន្ត្រីឧទ្យានុរក្សនៃមន្ទីរបរិស្ថានខេត្ត។ លោក តុប កក្កដា ប្រធានមន្ទីរបរិស្ថានខេត្តកំពង់ធំ បានធ្វើការបង្ហាញពីការផ្សព្វផ្សាយច្បាប់លិខិតបទដ្ឋានគតិយុត្ត ពាក់ព័ន្ធនឹងការអនុវត្តច្បាប់ស្តីពីកិច្ច ការពារបរិស្ថាន និងការគ្រប់គ្រងធនធានធម្មជាតិ និងច្បាប់ស្តីពីក្រមបរិស្ថាន និង ធនធានធម្មជាតិ ដោយគ្រប់រូបភាព។ ក្នុងនោះបង្ហាញពីការពង្រឹងការចុះល្បាតទប់ស្កាត់ បង្ការនិងបង្ក្រាបបទល្មើសក្នុងតំបន់ការពារធម្ម ជាតិភូមិសាស្ត្រខេត្ត និងចុះត្រួតពិនិត្យប្រភពបំពុលបរិស្ថានតាមបណ្តាក្រុង/ស្រុក ក្នុងភូមិសាស្ត្រខេត្ត។ បើតាម លោក តុប កក្កដា មន្ទីរក៏បានជំរុញដល់ម្ចាស់គម្រោង ឬម្ចាស់អាជីវកម្មឱ្យធ្វើកិច្ចសន្យាការពារបរិស្ថាននិងរបាយការណ៍វាយតម្លៃហេតុប៉ះពាល់បរិស្ថាន និងសង្គម រាល់គម្រោងអភិវឌ្ឍន៍ អាជីវកម្ម នានា។ ក្នុងពិធីនោះ លោក នួន ផារ័ត្ន បានវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ នៃមន្ទីបរិស្ថានខេត្តដែលបានខិតខំអស់ពីកម្លាំងកាយចិត្ត ក្នុងបុព្វហេតុការពារបរិស្ថាន ដែលជាឧត្តមប្រយោជន៍មួយរបស់ខេត្ត ក៏ដូចជាការរួមចំណែកយ៉ាងសំខាន់ក្នុងការធ្វើឱ្យខេត្តមានបរិស្ថានល្អ ប្រកបដោយភាពបៃតង ស្រស់បំព្រង ស្របប្រធានបទ:”កម្ពុជាស្អាត […]

ដោយ៖ គង់ហេង កំពង់ចាម៖ រយៈពេលមួយថ្ងៃ ថ្ងៃទី ៧ កញ្ញា ក្រុមគ្រូពេទ្យល្បីៗ នៃសម្ព័ន្ធគ្រូពេទ្យសហភាពសហព័ន្ធយុវជនកម្ពុជា ក្រោមកិច្ចសហការរបស់ក្រុមការងារពាក់ព័ន្ធ គ្រប់លំដាប់ថ្នាក់ បានចុះពិនិត្យសុខភាព និងព្យាបាលជំងឺជូនប្រជាពលរដ្ឋនៅ ឃុំ ស្រុកកោះសូទិន ដោយឥតគិតថ្លៃក្នុងវិទ្យាល័យកោះសូទិននោះ សរុបសម្រេចបានចំនួន ៤.៥៦៨ អង្គ/នាក់។ ក្នុងនោះបើតាមការបញ្ជាក់ នៅក្នុងសេចក្តីប្រកាសព័ត៌មាន របស់លោកវេជ្ជបណ្ឌិត កែវ វណ្ណា ជ.ប្រធានក្រុមប្រឹក្សាភិបាលសម្ព័ន្ធគ្រូពេទ្យ ស.ស.យ.ក អនុប្រធាន និងជាប្រធានស្តីទីក្រុមការងារប្រតិបត្តិការថា៖ ចំនួនអ្នកពិនិត្យ និងព្យាបាលមានៈ ១. ជំងឺទូទៅបានចំនួន ៤៦១នាក់,២.ជំងឺបេះដូង និងសរសៃឈាមបានចំនួន ២៨០ នាក់,​ ៣.ជំងឺមនុស្សចាស់បានចំនួន៣២៦ នាក់,៤. ជំងឺត្រចៀក ច្រមុះ បំពង់កបានចំនួន ២៨៥ នាក់ព្រមទាំង បំពាក់ឧបករណ៍សំឡេង (គ.ថ្លង់) បានចំនួន ៥ ករណី,៥. ជំងឺភ្នែកបានចំនួន ៤៤៥ នាក់,៦. ជំងឺសើស្បែក និងកាមរោគបានចំនួន ២៣០ នាក់,៧.ជំងឺកុមារបានចំនួន […]

ដោយ : បន្ទាយ បន្ទាយមានជ័យ៖នៅស្នងការដ្ឋាននគរបាលខេត្តបន្ទាយមានជ័យ បានបើកវគ្គបំប៉នជំនាញ ស្តីពីបច្ចេកទេសសង្គ្រោះជីវិតជនរងគ្រោះ ដោយគ្រោះថ្នាក់ចរាចរ និង បង្ការរបួសស្នាម ដល់មន្ត្រីនគរបាលចរាចរណ៍ មន្ត្រីនគរបាលពន្លត់អគ្គិភ័យទូទាំងខេត្ត។ នេះបើតាមមន្ត្រីការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលខេត្តបន្ទាយមានជ័យអោយដឹងកាលពីថ្ងៃទី០៧ ខែកញ្ញា ឆ្នាំ២០២៤។ ពិធីនេះមានប្រតិភូអមដំណើរ មន្ត្រីមកពីមន្ទីរ អង្គភាព ពាក់ព័ន្ធក្នុងខេត្ត តំណាងអង្គការនៃក្តីស្រលាញ់(LOVE IN ACTION) និងសិក្ខាកាមនគរបាលសរុប១៥៩នាក់ ក្នុងនោះសិក្ខាកាមចំនួន៤២នាក់។ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យបានឡើងធ្វើបទអន្តរាគមន៍ និងរាយការណ៍អំពីលទ្ធផលកិច្ចប្រតិបត្តិការកន្លងមក ហើយបានបញ្ជាក់ថា វគ្គបណ្តុះបណ្តាលនេះ មានរយ:ពេល០៤ថ្ងៃ(ថ្ងៃ៦-៩ខែកញ្ញាឆ្នាំ២០២៤ មានសិក្ខាកាមចូលរួម សរុបចំនួន៤២នាក់ មកពីតាមបណ្តាការិយាល័យនគរបាលជំនាញ កម្លាំងអធិការដ្ឋាននគរបាលក្រុងស្រុកទាំង៩។ លោក អ៊ុ រាត្រី អភិបាលខេត្តបន្ទាយមានជ័យ បានថ្លែងនូវការកោតសរសើដល់កងកម្លាំងនៃស្នងការដ្ឋាននគរបាលខេត្តបន្ទាយមានជ័យ ក្រោមការដឹកនាំរបស់លោកឧត្តមសេនីយ៍ទោ សិទ្ធិ ឡោះ គឺកម្លាំងនគរបាលយើងតែងតែយកចិត្តទុកដាក់ខ្ពស់ ចំពោះការអនុវត្តន៍តួនាទី ភារកិច្ច បានពង្រឹងការលើការងារភូមិឃុំសង្កាត់មានសុវត្ថិភាព ការងារសន្តិសុខព្រហ្មទណ្ឌ ក្មេងទំនើង និងពង្រឹងច្បាប់ចរាចរណ៍។ លោកសូមគាំទ្រចំពោះការបង្កើតវគ្គនេះ ។ លោកឧត្តមសេនីយ៍ឯក ចេវ ហាក់ […]

ដោយ៖ គង់ហេង កំពង់ចាម៖ លោកគ្រូ អ្នកគ្រូពេទ្យ នៃសមាជិក សមាជិកា សម្ព័ន្ធគ្រូពេទ្យសហភាពសហព័ន្ធយុវជនកម្ពុជាសរុបជាង ៣០០ នាក់ បានបានសហការជាមួយអាជ្ញាធរខេត្តកំពង់ចាមចុះពិនិត្យសុខភាព និងព្យាបាលជំងឺ ដោយឥតគិតថ្លៃ ជូនប្រជាពលរដ្ឋនៅក្នុងវិទ្យាល័យ កោះសូទិន ស្ថិតក្នុងឃុំ-ស្រុកកោះសូទិនរយៈពេលមួយថ្ងៃ នៅថ្ងៃទី ៧ កញ្ញានេះ។ នេះបើតាមការឱ្យដឹងពីឯកឧត្តមបណ្ឌិត ហេង សុខគង់ រដ្ឋលេខាធិការ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងជាប្រធានក្រុមប្រឹក្សាភិបាលសម្ព័ន្ធគ្រូពេទ្យ ស.ស.យ.ក ក្នុងពិធីបើកការពិនិត្យសុខភាព និងព្យាបាលជំងឺប្រមាណជាង ១០ មុខជូនប្រជាពលរដ្ឋមិនយកសេវា។ ឯកឧត្តមបណ្ឌិតជាប្រធានក្រុមប្រឹក្សាភិបាលសម្ព័ន្ធគ្រូពេទ្យ ស.ស.យ.ក មានប្រសាសន៍ថា៖ ក្នុងនោះមានដូចជាជំងឺ កុមារ,ជំងឺមនុស្សចាស់,ជំងឹទូទៅ,ជំងឺបេះដូង និងសរសៃឈាម,ជំងឺវះកាត់ និងជំងឺសន្លាក់,ជំងឺមាត់ធ្មេញ,រោគស្រ្តី និងពិនិត្យផ្ទៃពោះ,ជំងឺត្រចៀក ច្រមុះ បំពង់ក,ជំងឺសើរស្បែក និងកាមរោគ។ ជាមួយនោះក៏មានផងដែរនូវមន្ទីរពិសោធចល័ត និងផ្នែកអេកូសាស្រ្ត។ការពិនិត្យ និងព្យាបាលនេះ នៅបន្ទប់ថ្នាក់រៀន ទៅតាមប្រភេទជំងឺនីមួយៗ ដូចបានរៀបរាប់ខាងលើ៕

ដោយ : បន្ទាយ សៀមរាប៖ នៅទីបញ្ជាការកងរាជអាវុធហត្ថខេត្តសៀមរាបក្រោមការដឹកនាំរបស់លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថ បានដាក់ដំណើរការកម្មវិធីហ្វឹកហ្វឺនស៊ីមូលឡេសិន( Simulation)  ដែលជាប្រព័ន្ធហ្វឹកហ្វឺនតាមបែបបច្ចេកវិទ្យាកុំព្យូទ័រ ។ មន្ត្រីអាវុធហត្ថបានឲ្យដឹងកាលពីថ្ងៃទី០៦ ខែកញ្ញាឆ្នាំ២០២៤ ថា: ប្រព័ន្ធនេះអាចឲ្យសិក្ខាកាមអនុវត្តដូចនៅក្នុងពិភពពិត ជាលក្ខណៈឯកត្តជន ជាក្រុម និងអាចប្រកួតគ្នាបាន ដោយអាចបង្កើតសេណារីយោសិប្បនិម្មិតតាមតម្រូវការ ស្របតាមស្ថានភាពជាក់ស្តែង។ លោកឧត្តមសេនីយ៍ត្រី សៀ ទីន បានឲ្យដឹងថា: កម្មវិធីហ្វឹកហ្វឺន Simulation បានផ្តល់អត្ថប្រយោជន៍ដូចជា៖ – ចំណេញការប្រើប្រាស់គ្រាប់ពិត – ចំណេញការប្រើប្រាស់ទីលានហ្វឹកហ្វឺន – កម្មវិធីហ្វឹកហ្វឺនអាចបត់បែនបានគ្រប់ស្ថានភាពតាមតម្រូវការ – បង្កើននូវប្រសិទ្ធភាព និងសុវត្ថិភាព – បំណិនក្នុងការធ្វើសេចក្តីសម្រេចចិត្តបានត្រឹមត្រូវឆាប់រហ័សក្នុងពេលប្រតិបត្តិការជាក់ស្តែង។ សូមរំលឹកថា កម្មវិធីហ្វឹកហ្វឺនស៊ីមូលឡេសិន( Simulation)នេះត្រូវដាក់ឲ្យដំណើរការរួចហើយនៅកងរាជអាវុធហត្ថរាជធានីភ្នំពេញ ដោយលោកមេបញ្ជាការរូបនេះ កាលលោកនៅជានាយសេនាធិការកងរាជអាវុធហត្ថនិងសហការីដែលបានសិក្សានិងបណ្តុះបណ្តាលនៅក្រៅប្រទេស បានបង្កើតកម្មវិធីនេះឡើង៕

ដោយ : បន្ទាយ ភ្នំពេញ ៖កាលពីព្រឹក ថ្ងៃទី០៦ខែកញ្ញា ឆ្នាំ២០២៤ រដ្ឋបាលខណ្ឌដង្កោ បានរៀបចំវេទិកាសាធារណ:របស់ក្រុមការងាររាជរដ្ឋាភិបាលចុះជួយមូលដ្ឋានខណ្ឌដង្កោ រួមជាមួយវេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សាខណ្ឌដង្កោ អាណត្តិទី៤ ដែលប្រព្រឹត្តទៅនៅបរិវេណសាលាសង្កាត់ពងទឹក ក្រោមអធិបតីភាព លោករ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌដង្កោ។ នៅក្នុងពិធីនោះរួមដំណើរដោយលោក ហង្ស សុតសំភារ អនុរដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ ជាអនុប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌដង្កោ លោក ម៉ៃ ម៉ុន ប្រធានក្រុមប្រឹក្សាខណ្ឌដង្កោ លោកស្រី គឹម ញិប អភិបាល នៃគណ:អភិបាលខណ្ឌដង្កោ ជាអនុប្រធានក្រុមការងារ និងរួមទាំងលោក លោកស្រីជាអនុប្រធានក្រុមការងាររាជរដ្ឋាភិបាលចុះជួយមូលដ្ឋានខណ្ឌ សមាជិក សមាជិកាក្រុមប្រឹក្សាខណ្ឌ អភិបាលរងខណ្ឌ និងប្រធានក្រុមការងារចុះមូលដ្ឋានសង្កាត់ទាំង១២ ក្នុងខណ្ឌដង្កោ ព្រមទាំងសមាជិក សមាជិកាចំនួនជិត៧០០នាក់។ តាមរយៈវេទិកាគឺបានផ្សព្វផ្សាយ បង្ហាញនូវសមិទ្ធផលជាច្រើនដែលមូលដ្ឋានសម្រេចបានជាបន្តបន្ទាប់ ក្រោមគោលនយោបាយរបស់រាជរដ្ឋាភិបាល នីតិកាលទី៧ នៃរដ្ឋសភា ដែលមានសម្តេចមហាបវរធិបតី ហ៊ុន ម៉ាណែត ជាប្រមុខដឹកនាំដ៏ឈ្លាសវៀងវៃ។ […]

ដោយ៖ គង់ហេង កំពង់ចាម៖ ខេត្តកំពង់ចាមបានសម្រេចជ្រើសរើសយកមន្ទីរពេទ្យបង្អែកចំនួនបួន សម្រាប់ការប្រឡងប្រណាំងសេវាសាធារណៈគំរូ ឆ្នាំ២០២៤។ ប៉ុន្តែជាសំខាន់លើមន្ទីរពេទ្យខេត្តកំពង់ចាម ដោយសារមន្ទីរពេទ្យមួយនេះធ្លាប់ទទួលបានជ័យលាភីអង្គភាពផ្តល់សេវាសាធារណៈគំរូកម្រិតទី ៣ លេខ ១ ទូទាំងប្រទេសកាលពីប្រាំឆ្នាំមុន។ នេះបើតាមការបញ្ជាក់ឱ្យដឹងរបស់ឯកឧត្តម អ៊ុន ចាន់ដា អភិបាលខេត្តកំពង់ចាម ក្នុងការពិនិត្យមើលវឌ្ឍនភាព នៃការរៀបចំមន្ទីរពេទ្យ ដើម្បីចូលរួមប្រឡងប្រណាំងអង្គភាពផ្តល់សេវាសាធារណៈគំរូឆ្នាំ ២០២៤ នៅក្នុងមន្ទីរពេទ្យខេត្តកំពង់ចាមកាលពីថ្ងៃទី ៦ កញ្ញា។ ឯកឧត្តមអភិបាលខេត្តកំពង់ចាម បានមានប្រសាសន៍ថា៖ ក្នុងនោះមានមន្ទីរខេត្តកំពង់ចាមនេះ,មន្ទីរពេទ្យស្រុកចម្ការលើ,មន្ទីរពេទ្យស្រុកបាធាយ និងមន្ទីរពេទ្យស្រុកព្រៃឈរ។សម្រាប់ការប្រឡងប្រណាំងនេះរៀបចំឡើងដោយក្រសួងមុខងារសាធារណៈ សហការជាមួយក្រសួងពាក់ព័ន្ធនានា ដើម្បីសម្រេចបានលទ្ធផលល្អ ប្រយោជន៍បង្កើននូវគុណភាព និងប្រសិទ្ធភាពក្នុងការផ្តល់សេវា។ ឯកឧត្តមបានបន្ថែមថា៖  ដូច្នេះចាំបាច់ខិតខំប្រឹងប្រែងធ្វើយ៉ាងណាការពារតំណែងខ្សែក្រវាត់ជ័យលាភីលេខ ១ នេះឱ្យបានបន្តទៀត។ ជាពិសេសខិតខំរក្សាពិន្ទុ បន្តថែរក្សាកិត្តិយសរបស់អង្គភាព នៃវិស័យសុខាភិបាល របស់ខេត្តកំពង់ចាម។ សម្រាប់មន្ទីរពេទ្យខេត្តយើងមិនមែនជាការងារលំបាកទេ ដោយក្នុងនោះយើងមានលក្ខណៈវិនិច្ឆ័យគោលចំនួន ៨ ធំៗ ចែកចេញជាប្រមាណ៣០០ ចំណុចបន្ថែមទៀត។ ឯកឧត្តមបានបន្តថា៖ លក្ខណៈវិនិច្ឆ័យគោលធំៗទាំង៨មានៈ ទី១. ស្តង់ដារសេវាសាធារណៈ, ទី២.ស្តង់ដារនៃការផ្តល់សេវាសាធារណៈក្នុងវិស័យសុខាភិបាលសម្រាប់មន្ទីរពេទ្យបង្អែក (CPA3), ទី៣. ការគ្រប់គ្រងហិរញ្ញវត្ថុសាធារណៈនៅក្នុងអង្គភាព, ទី៤.ការគ្រប់គ្រង និងការអភិវឌ្ឍន៍ធនធានមនុស្សនៅក្នុងអង្គភាព, […]

ដោយ : បន្ទាយ បន្ទាយមានជ័យ៖ នៅខេត្តបន្ទាយមានជ័យ គិតត្រឹមចុងខែសីហា ចូលខែកញ្ញាឆ្នាំ២០២៤នេះ ការប្រមូលផលស្រូវវស្សាប្រភេទស្រាលមិនប្រកាន់រដូវមិនទាន់បាន១ម៉ឺនហិកតាទេហើយទិន្នផលបានប្រមាណ៤ទៅ៥តោន/ហត ។ លោករុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់និងនេសាទខេត្តបន្ទាយមានជ័យបានឲ្យដឹងកាលពីថ្ងៃទី០៣ខែកញ្ញាថា: គិតត្រឹមសប្តាហ៍ទី៥ ខែសីហាឬដំណាច់ខែ និងដើមខែកញ្ញានេះ ការប៉ាន់ស្មានល្បឿននៃការប្រមូលផលរដូវវស្សាប្រភេទស្រូវវស្រាលមិនប្រកាន់រដូវ បានសរុបជាង៨.៥០០ហិកតា  បរិមាណផល៤៥.៧៦៥តោន ដែលច្រើនជាងគេនៅស្រុកភ្នំស្រុក ព្រះនេត្រព្រះ ។ក្នុងនោះគឺពូជធម្មតា (OM 51-54)បានជាង៤.៤០០ហិកតានិងពូជស្រូវក្រអូបពិសេស ក្រអូបធម្មតានិងក្រអូបគុណភាពពិសេស(ពូជសែនក្រអូប ម្លិះ ស្រងែ) បានជាង១២០ហិកតា ឬសរុបស្មើម្តុំ៣%នៃផ្ទៃដីដាំដុះសរុប ។ លោករុន  សុផាន់ណារ៉ា បានបន្តថា : ចំពោះការបង្កបង្កើនផល(ការភ្ជួររាស់ ដាំដុះដំណាំស្រូវឆ្នាំ២០២៤ នេះ មកទល់ពេលនេះដែរ បានចំនួន២៧០.១៦៧ហិកតា និងស្រូវពង្រោះបានចំនួន២៧០.១៦២ហិកតាស្មើ១០២,០១% នៃផែនការ។ រីឯការដាំដុះដំណាំរដូវវស្សាឆ្នាំ២០២៤ រួមមាន ដំណាំសាកវប្បកម្មចំនួន៧០៥ហិកតា ក្នុងនោះដំណាំបន្លែចំនួន៦៤៣ហិកតា ដំណាំហូបផ្លែចំនួន១៣៥ហិកតា ដំណាំរុក្ខជាតិលម្អ៤ហិកតា។ ដំណាំឧស្សាហកម្មចំនួន៧១.៦៣៦ហិកតាដែលក្នុងនោះចែកជាដំឡូងមី៥៦.៧២០ហិកតានិងពោតក្រហម១៤.១៤៧ហិកតា។ ដំណាំឧស្សាហកម្មទាំងពីរប្រភេទនេះក៏មានប្រមូលផលដែរហើយ ប៉ុន្តែទិន្នន័យនឹងស្រង់នៅពេលក្រោយ ៕

ដោយ : បន្ទាយ កំពង់ធំ÷សមាគមអ្នកអភិវឌ្ឍពូជគោប្រាម៉ាន់កម្ពុជា-អាមេរិក (CABBA) សហការជាមួយក្រុមហ៊ុន អេសវី រេញ អ៊ិនវេសម៉ិន(SV Ranch Investment Cambodia) បានបើកវគ្គបណ្តុះបណ្តាលស្តីពីការបង្កាត់សិប្បនិម្មិតគោ ដល់ភ្នាក់ងារពេទ្យសត្វភូមិ និងយុវជននៅខេត្តកំពង់ធំ។នេះបើតាមអ្នកសម្របសម្រួលវគ្គបានឲ្យដឹងកាលពីថ្ងៃទី៣ខែកញ្ញា ឆ្នាំ២០២៤ ។ លោក ឯក ហៀង នាយកវិទ្យាស្ថានពហុបច្ចេកទេសខេត្តកំពង់ធំ បានលើកឡើងថា បំណងនៃវគ្គនេះគឺដើម្បីផ្តល់ជូនដល់ភ្នាក់ងារពេទ្យសត្វភូមិ និងយុវជននៅក្នុងខេត្ត ឱ្យមានការងារធ្វើប្រកបដោយភាពត្រឹមត្រូវ។ លោក នី ផាន់ណេង នាយកគ្រប់គ្រងទូទៅនៃក្រុមហ៊ុន អេសវីរេញ អ៊ិនវេសម៉ិន(SV Ranch Investment Cambodia) បានឲ្យដឹងថា: យោង បន្ទាប់ពីមានលិខិតអនុញ្ញាតបង្កើតកសិដ្ឋានចិញ្ចឹមគោ កសិដ្ឋានអេសវី (SV RANCH) និងអូអឹមអេស (OMS RANHC) ជាកសិដ្ឋានក្នុងស្រុក បង្កើតឡើងដោយកូនខ្មែរ ។ កសិដ្ឋានចិញ្ចឹមគោពូជប្រាម៉ាន់នេះ សព្វថ្ងៃមាននៅក្នុងខេត្តកែប ខេត្តក្រចេះប្រទេសកម្ពុជា និងមានកសិដ្ឋាននៅទីក្រុងប៉ាត់តាយ៉ា ខេត្តឈុនបូរីប្រទេសថៃមួយផងដែរ។ លោកបានបញ្ជាក់ពីគោលដៅសំខាន់ៗដូចជា៖ អភិវឌ្ឍ និងលើកកម្ពស់ការបង្កាត់ពូជគោប្រាម៉ាន់ទាំងបរិមាណនិងគុណភាព។ ពង្រឹងសមត្ថភាពកសិករខ្នាតតូចឲ្យមានជំនាញចិញ្ចឹមគោប្រាម៉ាន់តាមបែបវិទ្យាសាស្រ្តទំនើប។ លោកគ្រូ អាន […]