ភ្នំពេញ៖នាពេលបច្ចុប្បន្ននេះ ឃើញថាប្រជាជនកម្ពុជាភាគច្រើនមានចំណាប់អារម្មណ៏ទៅលើការធ្វើកសិកម្មនិងចិញ្ចឹមសត្វដើម្បីជួយសម្រួលដល់ជីវភាពរស់នៅប្រចាំថ្ងៃរបស់ពួកគេ ។ ដូចគ្នាផងដែរ ការស្វែងយល់បន្ថែមពាក់ព័ន្ធនឹងជំងឺផ្តាសាយបក្សី (AI) គឺពិតជាមានសារៈសំខាន់ណាស់ដែលប្រជាកសិករគ្រប់រូបគួរយកចិត្តទុកដាក់អំពីផលប៉ះពាល់នៃជំងឺមួយនេះ។ អាស្រ័យហេតុនេះ ក្នុងនាម ស៊ី.ភី. ជាក្រុមហ៊ុនឈានមុខគេលើកសិ-ឧស្សាហកម្មនិងចិញ្ចឹមសត្វបានចូលរួមយកចិត្ដទុកដាក់និងចែករំលែកអំពីបទពិសោធន៍មួយចំនួនទាក់ទងទៅនឹងការចិញ្ចឹម ការមើលថែទាំនិងរក្សាអនាម័យដល់ប្រជាកសិករក៏ដូចជាដៃគូសហការផងដែរ ។ លោកវេជ្ជបណ្ឌិត kriangsak Laosakul ជំនួយការនាយករងការិយាល័យសេវាកម្មនិងបច្ចេកទេសសុខភាពសត្វ បានមានប្រសាសន៍ថា៖ ប្រព័ន្ធជីវសុវត្ថិភាពដ៏រឹងមាំគឺមានសារៈសំខាន់នៅពេលចិញ្ចឹមសត្វមាន់ គឺជាអ្វីដែល ស៊ី.ភី. ប្រកាន់ខ្ជាប់លើកសិដ្ឋានចិញ្ចឹមសត្វទាំងអស់។ ការយល់ដឹងអំពីប្រភេទ និងរោគសញ្ញានៃជំងឺគ្រុនផ្តាសាយបក្សី (AI) ការគ្រប់គ្រងការសង្ស័យណាមួយ និងការអនុវត្តជីវសុវត្ថិភាព ដោយគូសបញ្ជាក់ពីចំណុចសំខាន់ៗចំនួនបី។ ជាទូទៅ Avian Influenza (AI) ដែលត្រូវបានគេស្គាល់ថា “ជំងឺគ្រុនផ្តាសាយបក្សី” គឺជាប្រភេទជំងឺដែលមានមេរោគឆ្លងខ្លាំង ហើយប៉ះពាល់លើសត្វបក្សីដូចជា មាន់ ទា និងបក្សីព្រៃជាដើម។ ជំងឺនេះកើតឡើងនៅលើទូទាំងពិភពលោក នៅពេលដែលមានជំងឺនេះកើតឡើងទៅលើបក្សីប្រភេទណាក៏ដោយ ជាគោលការណ៍ត្រូវសម្លាប់ដោយដុតឬកប់បក្សីទាំងអស់ដែលពាក់ព័ន្ធ ទោះបីជាមានសុខភាពល្អក៏ដោយ ដើម្បីទប់ស្កាត់ការរីករាលត្បាតនៃជម្ងឺប្រភេទនេះ។ ១.ប្រភេទនៃជម្ងឺគ្រុនផ្តាសាយបក្សី (AI) ជំងឺគ្រុនផ្តាសាយបក្សី (AI) ត្រូវបានបែងចែកជា ពីរក្រុម ដោយផ្អែកលើសមត្ថភាពនៃការបង្កមេរោគនៅក្នុងសត្វបក្សី៖ ១.១ ជំងឺគ្រុនផ្តាសាយបក្សីកម្រិតទាប (LPAI) កើតឡើងដោយធម្មជាតិនៅក្នុងសត្វស្លាបព្រៃ […]

ប្រែសម្រួល៖ ស-សម្បត្តិ ទីភ្នាក់ងារឧទ្យានជាតិបានប្រកាសកាលពីថ្ងៃព្រហស្បតិ៍ថា ប្រភេទត្រីឆ្លាមថ្មីពីរប្រភេទដែលរស់នៅជាង ៣២៥ លានឆ្នាំត្រូវបានរកឃើញនាពេលថ្មីៗកន្លងមកនេះ។ ការរកឃើញនេះត្រូវបានធ្វើឡើងតាមរយៈការត្រួតពិនិត្យសារពើភ័ណ្ឌធនធានបុរាណវត្ថុនៅឧទ្យានជាតិ Mammoth Cave នៅភាគខាងត្បូងរដ្ឋ Kentucky ។ ហ្វូស៊ីលដែលប្រមូលបាននៅគុហា Mammoth និងនៅភាគខាងជើងរដ្ឋអាឡាបាម៉ានាំឲ្យអ្នកស្រាវជ្រាវ PRI អាចកំណត់បាននូវប្រភេទត្រីឆ្លាម Troglocladodus trimblei និង Glikmanius careforum ។ បើយោងតាម NPS បានឲ្យដឹងថា Troglocladodus trimblei មានប្រវែងប្រហែល ១០-១២ ហ្វីត ឬប្រហែលទំហំប៉ុនត្រីបាឡែនសមុទ្រ។ វាត្រូវបានគេកំណត់អត្តសញ្ញាណតាមរយ:ធ្មេញត្រីឆ្លាមពេញវ័យ និងត្រីឆ្លាមជំទង់។ NPS បាននិយាយថា វេទិកាថែទាំ Glikmanius ត្រូវបានគេជឿថាប្រភេទត្រីឆ្លាមនេះ​មានទំហំដូចគ្នាក្នុងប្រវែង ១០-១២ ហ្វីត។ វាត្រូវបានគេកំណត់អត្តសញ្ញាណ​ដោយតាមរយ:ធ្មេញដែលបានរកឃើញនៅគុហា Mammoth និង Alabama រួមជាមួយនឹងផ្នែកខ្លះនៃថ្គាម និងអញ្ចាញដែលបានរកឃើញនៅគុហារ Mammoth ផងដែរ។ ការស្វែងរកហ្វូស៊ីលត្រីឆ្លាមតាមតំបន់ដីគោកប្រាកដជាធ្វើឲ្យមានកាងឿងឆ្ងល់បើទោះជាយ៉ាងណាក៏ដោយ NPS បាននិយាយថារដ្ឋ Kentucky និង Alabama […]

ដោយ៖ឧត្តម ពិធីសែនដកជើងធូប ឬបុណ្យសែនអរគុណទេវតានាឆ្នាំនេះនឹងត្រូវធ្វើឡើងចំថ្ងៃទី ០៣ ខែ កុម្ភៈ ឆ្នាំ ២០២៤។ទំនៀមទម្លាប់មួយនេះត្រូវបានប្រជាជនចិនឬកូនខ្មែរសែស្រឡាយចិន តែងតែប្រាព្ធឡើងជារៀងរាល់ចុងឆ្នាំចាស់ ពោលគឺមុនសែនចូលឆ្នាំចិន ចន្លោះពី៥-៧ថ្ងៃ មុនថ្ងៃចូលឆ្នាំថ្មីប្រពៃណីចិនឈានចូលមកដល់។ បើតាមជំនឿហើយនៅថ្ងៃនេះគេនឹងធ្វើការ ដក ជើងធូប គ្រប់កន្លែងដើម្បីដូរកំប៉ុង ជើងពាន ឬផើង ហើយផ្លាស់ខ្សាច់ឬអង្ករ ក្នុងកំប៉ុងជើងធូបឬជើងពានចេញ រួចប្តូរថ្មី ដើម្បីទទួលសិរីសួរស្តីឆ្នាំថ្មីនឹងឈានមកដល់។ក្នុងក្បួនដកជើងធូបនេះទៀតសោតគេមានត្រណមមួយគឺនៅពេលដែលដកហើយបើជាជំនាងផ្ទះ ឬ ហៅ ទី ជុយអៀ ត្រូវតែ ទុកធូបចាស់ចំនួន៥សរសៃ ប៉ុន្តែបើជាកុងម៉ាវិញទុកបន្សល់ជើងធូបចាស់អោយបាន៣សរសៃ។ តាមជំនឿនេះដែរបានឱ្យដឹងថាក្នុងថ្ងៃសែនដកជើងធូបនេះគេចាំបាច់ត្រូវធ្វើការសម្អាតទីកន្លែងជំនាងផ្ទះ កុងម៉ាអោយស្អាតបាតព្រោះថាថ្ងៃនេះមិនមានការប្រកែប្រកាន់ពីសំណាក់អ្នកថែរក្សាផ្ទះសម្បែងឬជីដូនជីតាដែលបានចែកឋានទៅនោះឡើយ។ប្រពៃណីសែនដកជើងធូបនេះដែរនឹងធ្វើឡើងក្នុងមួយឆ្នាំម្តង ហើយគេមិនហ៊ានរុះរើតាមនឹកឃើញនោះឡើយ។ ក្នុងក្បួនជំនឿរបស់ជនជាតិចិនដែរបានឱ្យដឹងថា ថ្ងៃសែនដកជើងធូបជាថ្ងៃសំខាន់មួយដែរមុនថ្ងៃចូលឆ្នាំចិនឈានមកដល់។ ការសែនគេធ្វើឡើងតែពេលព្រឹកមិនឱ្យហួសម៉ោង១២ថ្ងៃត្រង់ឡើយ។ក្រៅពីនេះចំពោះក្រោយពីថ្ងៃសែនដកជើងធូបទៅ រហូតដល់ថ្ងៃសែនចូលឆ្នាំចិន គេមិនចាំបាច់អុជធូបនោះទេ ពីព្រោះថាមិនមានទេវតាស្នាក់នៅនោះឡើយពោលគឺទេវតាបានឡើងឋានសួគ៌អស់ហើយ។សម្រាប់គ្រឿងសំណែនផ្សេងៗក៏អាចលើកចេញដូចគ្នាពីព្រោះថាពុំមានទេវតាចាំសេពសោយនោះដែរ។ គួរបញ្ជាក់ថាតាមជំនឿជាប្រពៃណីចិន ការសែនដកជើងធូប គឺជាពិធីអរគុណ និងជូនដំណើរកុងម៉ា (ដូនតា) និងទេវតាឆ្នាំចាស់ដែលបានថែរក្សា ការពារឱ្យចម្រុងចម្រើនពួកគេអស់រយៈកាលមួយឆ្នាំកន្លងមកឱ្យត្រឡប់ទៅឋានសួគ៌វិញ ។ បន្ទាប់ពីកុងម៉ា និងទេវតាដែលជាម្ចាស់កំប៉ុងជើងធូបទាំងនោះត្រឡប់ទៅវិញ បានសេចក្តីថា កំប៉ុងជើងធូបនេះនៅទំនេរពុំមានម្ចាស់ឡើយ រហូតកុងម៉ា និងទេវតាឆ្នាំថ្មីចូលមកជំនួស ។ ក្នុងពេលពុំមានម្ចាស់នេះឯង ជាពេលដែលម្ចាស់ផ្ទះដកជើងធូបចេញពីកំប៉ុង […]

ដោយ : បន្ទាយ បន្ទាយមានជ័យ៖ កាលពីរសៀលថ្ងៃទី២១ ខែមករា ឆ្នាំ២០២៤ ក្រុមការងារគ្រប់គ្រងសិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ខេត្តបាត់ដំបង-បន្ទាយមានជ័យ បានរៀបចំពិធីចាប់ឆ្នោតជ្រើសរើសគ្រឹះស្ថានឧត្ដមសិក្សា របស់បេក្ខជនដែលទទួលបានអាហារូបករណ៍ដូចខាងលើ តាមរយ:សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និង លោកជំទាវបណ្ឌិតពេជ ចន្ទមុន្នី  ហ៊ុន ម៉ាណែត ឆ្នាំ២០២៤ ថ្នាក់បរិញ្ញាបត្រសិក្សាក្នុងខេត្តបន្ទាយមានជ័យជំនាន់ទី១២ ចំនួន ៥០អង្គ-នាក់សិក្សាក្នុងខេត្តបន្ទាយមានជ័យ ។ កម្មវិធីធ្វើនៅសាលមន្ទីរ អប់រំ យុវជននិងកីឡាខេត្តបន្ទាយមានជ័យ ។ លោកលឹម គុណវុឌ្ឍប្រធានក្រុមការងារគ្រប់គ្រងសិស្ស-និស្សិត អាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ខេត្ត បាត់ដំបង-បន្ទាយមានជ័យ អអញ្ជើញជាអធិបតីក្នុងពិធីនោះ ។ ពិធីនេះមានការ អញ្ជើញចូលរួម ពីសំណាក់ តំណាងសាកលវិទ្យាល័យទាំង៣ ក្រុមការ ងារសមាគមសិស្ស- និស្សិតអ.ម.ត ខេត្តបាតដំបង- បន្ទាយមានជ័យ និងបេក្ខជន ជាសិស្សានុសិស្ស […]

ដោយ៖ គង់ហេង កំពង់ចាម៖ លោក កើត រិទ្ធ ឧបនាយរដ្ឋមន្រ្តី រដ្ឋមន្រ្តីក្រសួងយុត្តិធម៌ បានថ្លែងថា បន្ទាប់ពីមានការសាងសង់ កែប្រែ ហេដ្ឋារចនាសម្ព័ន្ធ ក្នុងសាលាបឋមសិក្សាព្រៃទទឹងចំណាយថវិកាប្រមាណជិតកន្លះលាន ដុល្លារ គឺនឹងប្រែក្លាយសាលាមួយនេះជាសាលាគំរូ និងមានឈ្មោះថា«សាលាបឋមសិក្សាសម្តេច ហ៊ុន ម៉ាណែត ព្រៃទទឹង»។ លោកឧបនាយករដ្ឋមន្រ្តី រដ្ឋមន្រ្តីក្រសួងយុត្តិធម៌បានថ្លែងយ៉ាងដូច្នេះ នៅក្នុងឱកាសដែលលោក និងលោក អ៊ុន ចាន់ដា អភិបាលខេត្តកំពង់ចាមបានអញ្ជើញចូលរួមក្នុងពិធីក្រុងពាលី បញ្ចុះបឋមសិលាសាងសង់អគារសិក្សាចំនួនពីរខ្នង ពីរជាន់ ២០បន្ទប់ និងអគារបណ្ណាល័យថ្មី នៅក្នុងសាលាបឋមសិក្សា ព្រៃទទឹង ឃុំជ្រៃវៀន ស្រុកព្រៃឈរ នៅថ្ងៃទី ២០ មករា ម្សិលមិញនេះ។ លោករដ្ឋមន្រ្តីក្រសួងយុតិ្តធម៌បានថ្លែងថា៖ អាណាព្យាបាលកុំភ្លេចឱ្យសោះមិនមែនត្រឹមបញ្ជូនកូនឱ្យទៅរៀនប៉ុណ្ណោះទេ ប៉ុន្តែត្រូវដាក់ចិត្តមួយថាកូនខំប្រឹងប្រែងរៀនសូត្រឱ្យបានពូកែ។ ដោយឡែកអ្វីដែលរាជរដ្ឋាភិបាលអាចជួយបាន គឺការកសាងសាលាសម្រាប់រៀនសូត្រ និងលើកកម្ពស់គុណភាព។មួយវិញទៀតការរៀនពូកែ ឬមិនពូកែមិនចំណុះលើការសាងសង់សាលាល្អទេ គឺចំណុះទៅលើសិស្សានុសិស្សទាំងអស់ និងវាចំណុះទៅលើអាណាព្យាបាលទាំងអស់ដែលជាអ្នកបង្កលក្ខណៈឱ្យដោយផ្ទាល់។ លោកបានបន្តថា៖ ជុំវិញបញ្ហាសាលាបឋមសិក្សាព្រៃទទឹងនេះ លោកនឹងស្នើសុំទៅសម្តេចបវរធិបតី ហ៊ុន ម៉ាណែត ជានាយករដ្ឋមន្រ្តីដាក់ឈ្មោះសាលា និងប្រែក្លាយសាលានេះជាសាលាគំរូ ដោយដាក់ឈ្មោះថា« […]

ប្រែសម្រួល៖សហការី យោង​តាម​ការ​ស្រាវ​ជ្រាវ​ថ្មី​ដែល​បាន​ចេញ​ផ្សាយ​ក្នុង​ខែ​មករា​នៅ​ក្នុង​ Proceedings of the National Academy of Sciences ទឹក​ដប​បិទគម្របជិតមានសារធាតុ​មួយ​ភាគ​បួន​នៃ​មួយ​លាន​បំណែក​នៃ​ប្លា​ស្ទិ​កល្អិតជា​មធ្យមដែលហៅថា ណាណូប្លាស្ទិក។ បើយោងតាមការវាស់មីក្រូននៃសារធាតុណាណូប្លាស្ទិកទាំងនោះឃើញថាច្រើនតែជាប្រភាគល្អិតតូច។ បើតាមការសិក្សាថ្មីអ្នកវិទ្យាសាស្ត្របានបង្កើតបច្ចេកទេសនូវរូបភាពដែលបង្ហាញថាចំនួនភាគល្អិតនៃណាណូប្លាស្ទិកនៅក្នុងទឹកដបគឺខ្ពស់ជាងការប៉ាន់ប្រមាណពីមុនចាប់ពី ១០ ទៅ ១០០ ដង។ លោក Wei Min ជីវវិទូនៅសកលវិទ្យាល័យ Columbia និងជាសហអ្នកនិពន្ធនៃការសិក្សាបាននិយាយដូច្នេះ។ អ្នកគីមីវិទ្យាវិភាគនៅសាកលវិទ្យាល័យ Emory លោក Douglas Walker ដែលមិនបានចូលរួមក្នុងការស្រាវជ្រាវបាននិយាយថា “ប្លាស្ទិករាប់លានតោនត្រូវបានផលិតនៅជុំវិញពិភពលោកជារៀងរាល់ឆ្នាំ” ។ ភាគល្អិតមីក្រូទស្សន៍ពីប្លាស្ទិកទាំងនោះអាចតាមរយ:ការវេចខ្ចប់អាហារ និងដាក់ភេសជ្ជៈចូលនៅក្នុងដំណើរការផលិតដែលអាចប្រើប្រាស់តាមការបញ្ជូលក្នុងបំពង់ដបប្លាស្ទិកដែលបញ្ជាដោយម៉ាស៊ីន ឧទាហរណ៍ ឬអាចធ្លាយចេញពីការវេចខ្ចប់ដូចជាដបប្លាស្ទិកជាដើម។ លោក​បាន​បន្ត​ថា​៖ “ ​ប្រសិន​បើ​គិត​ពី​សក្ដានុពល​​នៃ​សារធាតុ​បំពុល​បរិស្ថាន វា​មាន​ទំហំ​ធំក្រៃលែង”។ ប៉ុន្តែខណៈដែលណាណូប្លាស្ទិកដែលមានប្រភាគល្អិតរាងធំជាងនេះបន្តិចគេស្គាល់វាថាជាមីក្រូប្លាស្ទិកត្រូវបានរកឃើញកាន់តែច្រើនឡើងនៅក្នុងអាហារឬភេសជ្ជៈសូម្បីតែនៅក្នុងរាងកាយរបស់យើងវាមានឥទ្ធិពលចំពោះសុខភាពតែអ្នកគីមីវិទ្យានៅតែមិនទាន់អាចព្យាករឲ្យបានច្បាស់លាស់នៅឡើយទេ។ នេះជាអ្វីដែលយើងដឹងរហូតមកដល់ពេលនេះ និងអ្វីដែលអ្នកអាចធ្វើបានដើម្បីកាត់បន្ថយសារធាតុណាណូប្លាស្ទិកមានចលនាឆ្លងកាត់ក្នុងរាងកាយរបស់យើង។ តើសារធាតុណាណូប្លាស្ទិកនៅក្នុងទឹកអាចប៉ះពាល់ដល់សុខភាពរបស់អ្នកដែរឬទេ? អ្នកស្រាវជ្រាវមិនទាន់រកឃើញភ័ស្តុតាងរឹងមាំនៅឡើយទេសម្រាប់បង្ហាញថា តើប្រភាគល្អិតទាំងនេះអាចប៉ះពាល់ដល់សុខភាពរបស់យើងយ៉ាងដូចម្តេចនៅឡើយទេ។ តាមការសិក្សាកម្រឹតតូចៗមួយចំនួនបានរកឃើញថា វាអាចឆ្លងកាត់របាំងឈាមចូលទៅក្នុងខួរក្បាល ចូលទៅក្នុងសុក និងមាននៅក្នុងទឹកនោមរបស់មនុស្ស។ វេជ្ជបណ្ឌិត Konstantinos Lazaridis ដែលសិក្សាពីតួនាទីបរិស្ថានដែលជាកត្តាមួយបង្កើតឲ្យមានជំងឺថ្លើមនៅគ្លីនិក Mayo បានបកស្រាយថា […]

ដោយ : បន្ទាយ បន្ទាយមានជ័យ៖បេក្ខជន បេក្ខនារីជាសមណសិស្ស សិស្សចំនួន៣៦០អង្គ/នាក់នៅទូទាំងខេត្តបន្ទាយមានជ័យបានចូលរួមប្រឡងយកវិញ្ញាបនបត្រពុទ្ធិកបឋមសិក្សា ឬបាលីរងឆ្នាំសិក្សា២០២៣-២៤ មានរយ:ពេល២ថ្ងៃ(ថ្ងៃទី២០-២១ខែមករាឆ្នាំ២០២៤) នៅមណ្ឌលប្រឡងសាលាពុទ្ធិកវិទ្យាល័យ សម្តេចជាស៊ីម ក្នុងវត្តចមសុទ្ធាវាសហៅវត្តស្វាយ នាភូមិ១ សង្កាត់ព្រះពន្លា ក្រុងសិរីសោភ័ណខេត្តបន្ទាយមានជ័យ។ ពេលបើកវិញ្ញាសានៃដំណើរការមណ្ឌលសំណេរប្រឡងយកវិញ្ញាបនបត្រពុទ្ធិកបឋមសិក្សានេះមានការចូលរួម ពីលោក អ៊ុំ រាត្រី អភិបាលខេត្តបន្ទាយមានជ័យ លោកយឹម សំណាង អភិបាលរងខេត្ត ព្រះឧត្តមសីលញ្ញាណ ធុលសុធា រាជាគណៈថ្នាក់កិត្តិយស និងជាព្រះមេគណខេត្តបន្ទាយមានជ័យគណ:មហានិកាយ ព្រះគ្រូណាប់ ម៉ឺន ព្រះបាល័ដ្ឋគណខេត្ត លោក បៀវ ថានប្រធានមន្ទីរធម្មការនិងកិច្ចការសាសនាខេត្តបន្ទាយមានជ័យ និងគណ:មេប្រយោគទូទាំងខេត្តជាច្រើនអង្គ/នាក់ ។ លោកបៀវ ថាន ប្រធានមន្ទីរធម្មការនិងកិច្ចការសាសនាខេត្តបន្ទាយមានជ័យអោយដឹងថា : ការប្រឡងយកវិញ្ញាបនបត្រពុទ្ធិកបឋមសិក្សាឬហៅថាបាលីរងឆ្នាំសិក្សា២០២៣-២៤ នេះមានសមណសិស្សចូលរួមប្រឡងចំនួន៣៦០អង្គ /នាក់មកពី ក្រុង ស្រុក ទាំង៩ក្នុងខេត្តបន្ទាយមានជ័យ  ។ក្នុងនោះមានបន្ទប់ចំនួន ១៥បន្ទប់ ក្នុង១បន្ទប់មានបេក្ខជន នារី២៤អង្គ/នាក់ ។ លោកបៀវ ថាន ឲ្យដឹងបន្តទៀតថា : វិញ្ញាសាប្រឡងមានចំនួន៦ មុខវិទ្យា […]

ប្រែសម្រួល៖ ស.សម្បត្តិ អ្នកវិទ្យាសាស្ត្រចិនបានប្រាប់ AFP ថាក្រុមរបស់គាត់បានខិតខំធ្វើការស្រាវជ្រាវយ៉ាងស៊ីជម្រៅទៅលើការបរាជ័យពីមុនមកក្នុងការក្លូនសត្វស្វាប្រភេទ rhesus (Macaca mulatta)។ នៅក្នុងការព្យាយាមសាកល្បងនៅមុននេះ អ្នកវិទ្យាសាស្ត្រចិនបានយកស្វាមួយក្បាល ក្នុងចំណោមកូនស្វា ៣៥ ក្បាលដែលបានផ្សាំឲ្យកើតមកទាំងរស់ តែក្រោយមកវាក៏បានស្លាប់នៅក្នុងរយៈពេលតិចជាងមួយថ្ងៃបន្ទាប់ពីវាបានកើតមក។ លោក Qiang អ្នកវិទ្យាសាស្ត្រចិន បាននិយាយថា “បញ្ហាចម្បង” មួយគឺថាសុកនៃអំប្រ៊ីយ៉ុងដែលបានផ្សាំឡើងមានសភាពមិនប្រក្រតីបើធៀបទៅនឹងការបង្កកំណើតនៅក្នុង vitro តាមបែបធម្មជាតិ។ ដូច្នេះ អ្នកស្រាវជ្រាវបានដាក់ជំនួសកោសិកាដែលក្រោយមកបំប្លែងឲ្យទៅជាសុក ដែលត្រូវគេហៅថា trophoblast (កន្សោមកូន) ជាមួយនឹងអំប្រ៊ីយ៉ុងដែលមានសុខភាពល្អ និងមិនមានផ្សាំនោះទេ។ កោសិកាបញ្ជូលក្នុងកន្សោមកូន trophoblast ផ្តល់សារធាតុចិញ្ចឹមដល់អំប្រ៊ីយ៉ុងដែលកំពុងលូតលាស់ ហើយប្រែទៅជាសុកដែលផ្គត់ផ្គង់អុកស៊ីសែន និងជំនួយដល់ការបង្កឲ្យមានទារក។ អ្នកវិទ្យាសាស្ត្រនៅក្នុងប្រទេសចិន បានប្រកាសកាលពីថ្ងៃអង្គារ ទី១៦ មករា ថាពួកគេបានក្លូនពូជសត្វស្វា rhesus ដែលមានសុខភាពល្អដំបូងមានអាយុ ២ ឆ្នាំដែលគេដាក់ឈ្មោះវាថា Retro ដោយមានការកែសម្រួលវិធីសាស្ត្របច្ចេកទេសក្នុងការបង្កកំណើតជំនួសដោយសត្វចៀមប្រភេទ Dolly ។ Primates បានបង្ហាញពីភាពលំបាកជាពិសេសក្នុងការក្លូន ហើយអ្នកវិទ្យាសាស្ត្របានជំនះលើការបរាជ័យជាច្រើនឆ្នាំកន្លងមកដោយដាក់ជំនួសកោសិកាក្លូនដែលនឹងបំប្លែងឲ្យទៅជាសុកជាមួយនឹងអំប្រ៊ីយ៉ុងធម្មតា។ អ្នកវិទ្យាសាស្ត្រសង្ឃឹមថា តាមរយ:បច្ចេកទេសថ្មីនេះនឹងនាំទៅដល់ការបង្កកំណើតពូជស្វា rhesus ដូចគ្នានឹងការពិសោធក្នុងការស្រាវជ្រាវផ្នែកវេជ្ជសាស្ត្រ។ បើទោះបីជាអ្នកស្រាវជ្រាវបានព្រមានថា […]

ប្រែសម្រួល៖ សហការី បុណ្យណូអែលគឺជារដូវកាលជូនកាដូដ៏ពេញនិយមសម្រាប់មនុស្សទូទៅតែសម្រាប់អ្នកខ្លះយល់ថាមានអារម្មណ៏ហត់នឿយនិងការជូនកាដូទៅវិញទៅមកជាមួយសាច់ញាតិឬមិត្តសម្លាញ់របស់ពួកគេ។ ការស្វែងរកអំណោយដ៏មានតម្លៃឬក៏ល្អឥតខ្ចោះសម្រាប់ជាកាដូដល់សាច់ញាតិឬមិត្តសម្លាញ់ហើយក៏សង្ឃឹមថានឹងទទួលបានវិញនូវកាដូដ៏មានតម្លៃជាការតបស្នងដើម្បីជាការអបអរក្នុងរដូវកាលដ៏រីករាយក៏ប្រែក្លាយទៅជាល្បែងទោះជាក្នុងចិត្តដោយសង្ឃឹមថាខ្លួននិងទទួលបាន “នូវកាដូអ្វីមួយដែលសាច់ញាតិឬមិត្តសម្លាញ់ប្រទានឲ្យ” ដោយនឹកក្នុងចិត្តថាចង់បង្អួតគ្នាទៅវិញទៅមកពីកាដូដែលទទួលបានមានតម្លៃខ្ពស់ជាងគេ។ ភាពរីករាយនេះគ្រាន់តែជាល្បែងលេងសើចបន្លប់ចិត្តខ្លួនឯងព្រោះខ្លាចមិនមានអ្នកណាជូនកាដូហើយនិងមិនមានអ្វីតាំងនៅលើតុណូអែលនៅក្នុងថ្ងៃបុណ្យណូអែលដែលជាថ្ងៃឈប់សម្រាកជាសកល។ បើយោងតាមគេហទំព័រព័ត៌មាន WebMDដែលបានចេញផ្សាយបានសរសេរថាអ្នកជំនាញផ្នែកវេជ្ជសាស្រ្តបានធ្វើការថ្លឹងថ្លែងថានៅក្នុងឆ្នាំនេះមនុស្សភាគច្រើនមានអារម្មណ៏ច្របូកច្របល់ហើយតានតឹងក្នុងចិត្តក្រោយពីការ “រស់រានមានជីវិតចាកផុតពីគ្រោះភ័យកន្លងមកនិងធ្វើឲ្យមនុស្សមួយចំនួនមានអារម្មណ៏រំភើពក្នុងការទទួលបាននូវកាដូសម្រាប់ការលើកទឹកចិត្តនិងជាថាមពលជំនួយស្មារតីខ្លះៗ” រឿងរាវទាំងនេះមានសរសេរនៅក្នុងអត្ថបទមួយស្តីពីកាដូធ្វើឲ្យអង្រួនចិត្តសម្រាប់ថ្ងៃឈប់សម្រាកដែលអាចរំសាយនូវក្តីបារម្ភចំពោះសុខភាព។ លើសពីនេះទៀតនោះបើតាមការស្ទង់មតិនៅក្នុងឆ្នាំ ២០១៦ ដោយក្រុមហ៊ុនសេវាកម្មហិរញ្ញវត្ថុ ING ក្នុងការស្វែងរកការពិតលើកាជូនកាដូនៅក្នុងថ្ងៃបុណ្យណូអែលដល់អ្នកមិនចង់បានមានការបង្ហាញថាមិនមែនគ្រប់គ្នាតែងតែតបស្នងចំពោះកាដូដែលពួកគេទទួលបាននោះទេ។ នៅអឺរ៉ុប មានមនុស្សប្រហែលម្នាក់ក្នុងចំណោមប្រាំពីរនាក់បាននិយាយថា ពួកគេមិនសប្បាយចិត្តនឹងអំណោយបុណ្យណូអែលដែលពួកគេបានទទួលកាលពីឆ្នាំមុន ហើយ ១០ ភាគរយមិនអាចនៅចាំថាអំណោយអ្វីដែលពួកគេបានទទួលនោះទេ។ ​ការ​ស្ទង់​មតិ​នេះមិនសូវទទួលបានការយកចិត្តទុកដាក់ពីមនុស្សនៅក្នុង​​តំបន់​អាស៊ីប៉ុន្មានទេ ដៃគូ​នៅ​សហរដ្ឋ​អាមេរិក និង​អូស្ត្រាលី​បាន​រាយការណ៍​អំពី​តួលេខ​ដែល​អាចយកមក​ប្រៀបធៀប​បាន។ វាមិនមែនជារឿងអយុត្តិធម៌នោះទេ ក្នុងការទទួលស្គាល់ថាបុណ្យណូអែលតំណាងឲ្យរឿងដ៏អស្ចារ្យជាច្រើនដែលយើងគិតថាជាកាដូផងដែរដូចជាការជួបជុំដ៏រីករាយជាមួយមនុស្សជាទីស្រលាញ់ និងរួមអាហារថ្ងៃត្រង់ដ៏ឆ្ងាញ់ នៅក្នុងថ្ងៃឈប់សម្រាកគឺជាពេលវេលាដែលយើងគិតថាបរិយាកាសបែបនេះក៏ជាកាដូសម្រាប់យើងរួចទៅហើយគឺប្រៀដូចជាអំណោយមួយដែលយើងមានហើយមិនដែលយកមកប្រើប្រាស់ដូចជាពែងតែរបស់យើងជាដើម។ បិរយាកាសបែបនេះផ្តល់ឲ្យយើងនូវជម្រើសជាច្រើន៖ ដូចជាទុកកាដូដែលគ្មានតម្លៃនទៅខាងក្រោយទូដាក់ឥវ៉ាន់ បោះវាចោលទៅក្នុងធុងសំរាម ដាក់វាក្នុងធុងអំណោយ ឬ រុំវាឡើងវិញទាំងអារម្មណ៏តានតឺងរួចហើយក៏ដកដង្ហើមធំ ហើយក៏យកវាឲ្យទៅអ្នកផ្សេងបន្តទៀត។ ការវេចខ្ចប់កាដូ ដូច្នេះយើងស្ថិតនៅលើជ្រុងមួយ កាជូនការដូគឺជាទង្វើចេញពីចិត្តសម្រាប់នរណាម្នាក់ដោយមិនរំពឹងថានិងបានអ្វីមកវិញនោះទេ។ ការ​ទទួលអំណោយ​ត្រូវតែ​ធ្វើ​តាម​គោលការណ៍​ដូច​គ្នា ក៏ប៉ុន្តែ​មាន​ការ​បង្វែរទិសដៅខ្លះៗដូចជាវត្ថុ​ដែល​ត្រូវ​បាន​ផ្តល់​ជូន​ដែលអ្នក​ទទួល​តាំងពី​ដើមទី​មកបែរជា​ឥឡូវនេះអ្នក​ប្រទាន​វា​ទៅ​ឲ្យ​អ្នក​ផ្សេងជាបន្តទៀត។ នៅក្នុងសង្គមដែលផ្តល់តម្លៃតិចតួចដូចខាងលើនេះ ការទទួលអំណោយបន្តពីគ្នាគឺជាប្រធានបទដែលត្រូវបានខ្សឹបខ្សៀវតគ្នាស្ងាត់ៗ សួថាតើវាជាវិធីសាស្ត្រដ៏ពេញនិយមដែលមិនប៉ះពាល់ដល់បរិស្ថានផ្លូវចិត្តក្នុងការប្រទានអំណោយដែលយើងមិនចង់បានហើយយើងមិនរក្សាទុកនោះ? ឬ​វា​ជា​ការ​បំពានលើ​សីលធម៌​សង្គម​ដែលក្លាយទៅជាការ​បន្ទាបបន្ថោក​តម្លៃមនុស្សដោយសារតែ​ការ​ជូន​អំណោយមិនមានសារសំខាន់? ខណៈពេលដែលអ្នកទទួលទីមួយជូនកាដូនេះបន្តដែលហៅថា regifting ដែលអ្នកចិត្តវិទ្យាចាត់ទុកថាជាទង្វើស្មើភាពនៅពីក្រោយរឿងនេះទៅវិញ។ បើយោងតាមការសិក្សានៅក្នុងឆ្នាំ ២០១៤ នៅក្នុង Journal of Consumer Behavior […]

ដោយ៖ ស.សម្បត្តិ នៅថ្ងៃឈប់សម្រាកជាពិសេសថ្ងៃបុណ្យផ្សេងៗគឺជាពេលវេលាសម្រាប់គ្រួសារ គឺជាឱកាសដ៏ល្អបំផុតសម្រាប់ទំនាក់ទំនង និងស្នេហា។ឪពុកម្តាយឬអាណាព្យាបាលត្រូវឆ្លៀតផ្តល់នូវអំណោយទោះតិចឬច្រើនក្តីទៅតាមលទ្ធភាពដែលខ្លួនមាន។ ទំនៀមទម្លាប់ដ៏ផូរផង់នេះគឺវាជាធាតុផ្សំដ៏សំខាន់ដែលមានតាំងពីយូរលង់មក។ ផ្តើមចេញពីនោះវាបានចូលរួមបង្ហាញនូវទម្លាប់ល្អថែមទាំងបានបណ្តុះគំនិតនៃសេចក្តីស្រឡាញ់ដ៏ជ្រាលជ្រៅនិងបង្ហាញពីការដឹងគុណទៅដលល់កូនៗដោយគ្មានទីបញ្ចប់នៅក្នុងគ្រួសារតជំនាន់។ ថ្ងៃឈប់សម្រាកគឺជាពេលវេលាដ៏រីករាយ ដែលមនុស្សជំនាន់ក្រោយ និងក្រុមគ្រួសារមកជួបជុំគ្នា ដើម្បីចែករំលែកពេលវេលាជាមួយ និងបង្ហាញចិត្តសប្បុរសចំពោះគ្នាទៅវិញទៅមក។ ទាំងនេះគឺជាបទពិសោធដ៏សំខាន់ជាពិសេសក្នុងនៅក្នុងគ្រួសារដែលពិភពលោកយើងបានដំណើរការរៀងរហូតមក៕

ដោយ ៖  បន្ទាយ / បន្ទាយមានជ័យ ព្រះពុទ្ធបដិមាអង្គធំចំនួន៣ព្រះអង្គនិងព្រះស៊ីវលីចំនួន៦ព្រះអង្គដែលត្រូវបានចំណាយថវិកាអស់ចំនួន ៧ម៉ឺនដុល្លារសហរដ្ឋអាមេរិក ដែលជាសទ្ធាជ្រះថ្លាពីព្រះសង្ឃសប្បុរសជនពុទ្ធបរិស័ទក្នុងនិងក្រៅប្រទេសរួបរួមសាមគ្គីគ្នាកសាង ជាទីគោរពសក្ការបូជាស្ថិតនៅក្នុងវត្តច័ន្ទស៊ីសាមគ្គីរតនារាមស្ថិតនៅក្នុងភូមិវាំងមួងឃុំកូបស្រុកអូរជ្រៅ ខេត្តបន្ទាយមានជ័យត្រូវបានធ្វើពិធីបុណ្យឆ្លងពុទ្ធាភិសេកព្រះអង្គធំនាថ្ងៃទី១៨ខែធ្នូ ឆ្នាំ២០២៣ ។ លោកស្រីឧកញ៉ាអគ្គមហាឧបាសិកាពុទ្ធសាសនូប្បត្ថម្ភម៉ៅ ម៉ាល័យកែគឹមយ៉ាន និងលោកលី សុវណ្ណារិទ្ធ អភិបាលរងខេត្តបន្ទាយមានជ័យអញ្ជើញជាអធិបតី ។ លោកលីសុវណ្ណារិទ្ធអភិបាលរងខេត្តបានសម្តែងនូវការកោតសរសើរចំពោះទឹកព្រះទ័យយកទឹកចិត្តជ្រះថ្លារបស់ព្រះតេជគុណសប្បុរសជនជិតឆ្ងាយដែលបានរួបរួមសាមគ្គីផ្ដើមកសាងនូវសមិទ្ធផលនានាក្នុងវត្តនេះឲ្យមានការរីកចម្រើនគួរឲ្យកត់សម្គាល់និងសម្រាប់ប្រជាពុទ្ធបរិស័ទធ្វើបុណ្យផ្សេងៗ ។ លោកអភិបាលរងខេត្តក៏បានបន្តថាជាមួយនឹងការថ្លែងនូវអំណរគុណនិងការកោតសរសើរនិងមោទនភាពដែលបានឃើញកម្លាំងសាមគ្គីធម៌ដ៏ប្រសើររវាងព្រះសង្ឃនិងពុទ្ធសាសនិកតែមានការគាំទ្រយ៉ាងពេញទំហឹងពីរាជរដ្ឋាភិបាលដែលមានសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាប្រមុខដឹកនាំ។ ពោលគឺរាជរដ្ឋាភិបាលបានផ្តល់នូវសិទ្ធិសេរីភាពយ៉ាងទូលំទូលាយដល់បងប្អូន ប្រជាពលរដ្ឋគ្រប់រូបក្នុងការគោរពប្រតិបត្តិខាងជំនឿសាសនានានានៅក្នុងប្រទេសកម្ពុជាយើង។ និងមានសាសនាផ្សេងៗទៀតតាំងនៅជាទីគោរពបូជាដែលសាសនា នីមួយៗសុទ្ធសឹងតែមានការប្រៀនប្រដៅអោយមនុស្សធ្វើជាអំពើកុសល ការគោរពធម៌វិន័យក៏មិនខុសពីការគោរ ច្បាប់របស់រដ្ឋនិងសំដៅឲ្យមនុស្សស្គាល់អំពើបុណ្យបាបខ្លាចនិងស្អប់ខ្ពើមនូវអំពើទុច្ចរិតអបាយមុខផ្សេងៗដែលប្រាសចាកពីសីលធម៌និងវិន័យសាសនាដូចជាផ្ទុយនឹងច្បាប់របស់រដ្ឋដូចគ្នាដែរ។ ម្យ៉ាងវិញទៀតសាសនាទាំងឡាយដែលមាននៅក្នុងប្រទេសកម្ពុជា បច្ចុប្បន្នគឺមានសុខដុមរមនានឹងគ្នាយ៉ាងត្រជាក់ត្រជំប្រកបដោយសន្តិភាពទាំងផ្លូវកាយនិងផ្លូវចិត្តរូបរួមគ្នាក្នុងគោលដៅតែមួយតែសេចក្ដីសុខក្សេមក្សាន្តនិងចូលរួមអភិវឌ្ឍនៃសង្គមជាតិ ៕

ប្រែសម្រួល៖សហការី នៅពេលដែល Rihanna មានផ្ទៃពោះជាមួយកូនដំបូងនៅឆ្នាំ 2022 នាងបានបង្វែរព្រំដែនសង្គម បែបអភិរក្សនិយមជាច្រើននៃរចនាប័ទ្មមាតុភាព។នាងបានថតរូបជាទៀងទាត់ចូលរួមក្នុងព្រឹត្តិការណ៍ និងកម្រាលព្រំក្រហមក្នុងឈុតតូច ស្បែកជើងកែងនិងសម្លៀកបំពាក់ទ្រនាប់សម្រាប់ទារក។ ឥឡូវនេះខណៈដែលតារាចម្រៀង និងអ្នកជំនួញ និងដៃគូររបស់នាង ជាអ្នករ៉េប A$AP Rocky រំពឹងថានឹងមានកូនទីពីររបស់ពួកគេ នាងកំពុងពង្រីកខ្លួននៅពេលមានផ្ទៃពោះ និងភាពជាឪពុកម្តាយ ប្រកបដោយសោភ័ណភាព ដោយការរចនា និងបញ្ចេញបណ្តុំកន្សោមសម្ភពតាមរយៈខោទ្រនាប់ម៉ាក Savage X Fenty។ Rihanna បាននិយាយនៅក្នុងសេចក្តីប្រកាសព័ត៌មានមួយថា “កន្សោមសម្ភពថ្មីគឺអំពីការនាំយកនូវទំនុកចិត្ត និងការលួងលោមដល់ម្តាយនៅគ្រប់ដំណាក់កាលនៃការធ្វើដំណើររបស់ពួកគេ” ។ “ខ្ញុំចង់រំលឹកមនុស្សថា អ្នកនៅតែអាចបញ្ចេញភាពសិចស៊ី និងមានអារម្មណ៍ល្អពេលធ្វើជាឪពុកម្តាយ”។ ខ្សែថ្មីនេះមានឈុតក្រាហ្វិចដែលមានទំហំធំជាមួយនឹងសារថា “Make More Babies” និងអាវទ្រនាប់ចំនួនបី ដែលទាំងនេះត្រូវបានបំផុសគំនិតដោយ (និងដាក់ឈ្មោះតាម) រូបស្រមោលដ៏ពេញនិយមបំផុតរបស់ Savage X Fenty — Savage X Cotton, Floral Lace និង Savage Not Sorry ។ ការប្រមូលកន្សោមត្រូវបានរចនាឡើងដើម្បីឱ្យមានផាសុកភាព […]

ប្រែសម្រួល៖សហការី តាមការកឃើញហ្វូស៊ីលត្រីបាឡែនអ្នកស្រាវជ្រាវនៅក្នុងប្រទេសអេហ្ស៊ីបបានប្រកាសពីការរកឃើញត្រីបាឡែនដំបូងបង្អស់ដ៏តូចបំផុត។ ការរកឃើញនេះគឺជាប្រភេទត្រីបាឡែនក្នុងទឹកដែលមានវ័យចំណាស់ជាងគេបំផុតដែលត្រូវបានគេរកឃើញនៅក្នុងទ្វីបអាហ្រ្វិក នេះបើយោងតាមការសិក្សាថ្មីមួយ។ វាមានទំងន់ត្រឹមតែ ៤១២.៣ ផោន ស្មើនឹង ១៨៧ គីឡូក្រាម និងប្រវែងតួខ្លួន ៨.២ ហ្វីត ស្មើនឹង ២.៥ ម៉ែត្រ វាជាប្រភេទសត្វត្រីបាឡែនដែលមានទំហំខ្លួនប៉ុនសត្វផ្សោត។ ពូជត្រីបាឡែនប្រភេទ Tutcetus rayanensis គឺ​ជា​សមាជិក​នៃ​គ្រួសារ​ត្រី​បាឡែន​ដែលបាន​ផុត​ពូជ​ដំបូងហើយ​គេ​ស្គាល់​ថាវា​ជាពូជត្រីបាឡែនអំបូ basilosauridae គឺជាពូជត្រីបាឡែន​ដំបូងបង្អស់មួយ​ហើយក្រោយមកវាបាន​​ប្រែប្រួលទៅជា​ត្រី​បាឡែនដែលមានដងខ្ឡនដ៏ធំ​។ ការសិក្សាដែលបានចេញផ្សាយកាលពីថ្ងៃព្រហស្បតិ៍នៅក្នុងទស្សនាវដ្តីទំនាក់ទំនងជីវវិទ្យាបានបង្ហាញឱ្យឃើញថាគំរូចាស់ៗគឺមានដងខ្លួនតូចគឺជាអំបូ basilosaurids នៅក្នុងយុគសម័យ Eocene ។ នៅក្នុងយុគសម័យ Eocene គឺមានរយៈពេលពីប្រហែល ៣៣.៩លាន ទៅ ៥៥.៨  លានឆ្នាំមុន ហើយហ្វូស៊ីលនេះមានអាយុកាលប្រហែល ៤១ លានឆ្នាំហើយ។ សំណល់ហ្វូស៊ីលរួមមានលលាដ៍ក្បាលមិនពេញលេញជាមួយនឹងថ្គាម,ឧបករណ៍ hyoid ឬឆ្អឹងដែលអង្គុយនៅមូលដ្ឋានអណ្តាតនិងឆ្អឹងកងកំពូលនៃ subadult តូចមួយបានបង្កប់នៅក្នុងថ្មកំបោរ។ ការ​រក​ឃើញ​ហ្វូស៊ីល​ត្រី​បាឡែន​បាន​នាំ​ឱ្យគេរកឃើញ​ថាវាមាន​ការ​បង្កើត​ហ្សែន​ថ្មី​មួយនៅ​ក្នុង​អំបូរ basilosauridae ។ Tutcetus គឺជា​ឈ្មោះ​គេដាក់តាមឈ្មោះរបស់​ព្រះចៅ​ផារ៉ោន Tutankhamen ដែល​បាន​សោយ​ទិវង្គត​នៅ​ពេល​ដែលគាត់​មាន​អាយុ ១៨ ឆ្នាំ ជាភាសា​ក្រិក​សម្រាប់​ត្រី​បាឡែន​ cetus។ លោក […]

By Katie Hunt, CNN ប្រែសម្រួល៖ សហការី ក្នុងអំឡុងពេល១២៥ លានឆ្នាំមុន Cretaceous Period មានសត្វដ៏កាចសាហាវទំហំធំជាងសត្វឆ្មាក្នុងស្រុកបន្តិចបានប្រទះសត្វដាយណូស័រធំជាងវាហើយវាគិតថាវាមើលទៅជាអាហារដ៏ឆ្ងាញ់របស់វា។ ហ្វូស៊ីលដែលគេបានរកឃើញនៅភាគឦសាននៃប្រទេសចិនជាហ្វូស៊ីលរបស់សត្វពីរប្រភេទដែលស្រដៀងនឹងសត្វដែលមានឈ្មោះថា Repenomamus robustus និងប្រភេទដាយណូស័រស៊ីរុក្ខជាតិដែលគេស្គាល់ថា Psittacosaurus ត្រូវបានជាប់ក្នុងការប្រយុទ្ធគ្នារហូតដល់ស្លាប់រៀងៗខ្លួន។ លោក Jordan Mallon អ្នកវិទ្យាសាស្ត្រស្រាវជ្រាវនៅសារមន្ទីរធម្មជាតិកាណាដា បាននិយាយថា វាជាពេលវេលាដ៏អស្ចារ្យមួយ ដែលយើងគិតថាថនិកសត្វដំបូងបំផុតរស់នៅក្នុងស្រមោលនៃអតីតដាយណូស័រ។ “ហ្វូស៊ីលរបស់ថនិកសត្វដែលត្រូវបានថែរក្សានៅទីនេះគឺស្ថិតក្នុងចំណោមថនិកសត្វដ៏ធំបំផុតនាពេលនោះ។ ពួកវាមិនធំជាងនេះទៀតទេហើយមានទំហំលើសគ្នាតិចតួចបើធៀបគ្នារវាងថនិកសត្វ ដែលមានទំហំតាមលំដាប់លំដោយធំតូចជាងគ្នានិងដាយណូស័រ” លោក Mallon ដែលជាអ្នកនិពន្ធស្តីពីការសិក្សាថ្មីមួយបានធ្វើការចេញផ្សាយកាលពីថ្ងៃអង្គារនៅក្នុងទិនានុប្បវត្តិមួយបាននិយាយថា មានរបាយការណ៍វិទ្យាសាស្ត្រអំពីហ្វូស៊ីលដ៏គួរឲ្យចាប់អារម្មណ៍មួយចំនួន។ “អន្តរកម្មអេកូឡូស៊ីមានលក្ខណៈឯកតោភាគី៖ ដូចជាដាយណូស័រដែលមានមាឌធំជាងគេបានស៊ីពពួកថនិកសត្វតូចៗ។ ព្រឹត្តិការណ៍​ភ្នំភ្លើង​បង្កឲ្យមានហ្វូស៊ីលជាច្រើន​ ការរកឃើញនេះមិនមែនជាភស្តុតាងលើកដំបូងដែលថាថនិកសត្វដំបូងបានចាប់ស៊ីដាយណូស័រស៊ីគឺនៅសល់របស់ម្យ៉ាងហៅថា Psittacosaurus ដែលត្រូវបានគេរកឃើញនៅក្នុងក្រពះរបស់ R. robustus ជាការរកឃើញដែលគេបានចងក្រងទុកនៅក្នុងខែមករា ឆ្នាំ ២០០៥ ។ អ្វី​ដែល​ធ្វើ​ឲ្យ​ហ្វូស៊ីល​នេះ​ពិសេសនោះ​គឺ​ថនិកសត្វ​ត្រូវ​បាន​ចាប់​បាន​ក្នុង​ពេលដែលវារងការវាយ​ប្រហារដោយ​ដាយណូស័រ​ក្នុងខណៈដែលរាងកាយរបស់វាកំពុង​លូតលាស់​ជិតពេញរូបរាង។ វាជារឿងកម្រណាស់ក្នុងការស្វែងរកហ្វូស៊ីលរបស់សត្វដែលមានអន្តរកម្មជាមួយសត្វផ្សេងទៀតជាប្រភេទសត្វមំសាសីដែលបានផុតពូជទៅហើយ នេះបើយោងតាមលោក Mallon ។ គំរូទាំងនោះស្ថិតក្នុងចំណោមសំណាកហ្វូស៊ីលល្បីៗក្នុងពិភពលោក ដូចជាដាយណូស័រដែលមានហ្វូស៊ីលដែលបង្ហាញពី Triceratops horridus និង Tyrannosaurus rex សម្រាប់យុគសម័យកាលនោះ។ […]

ស. សម្បត្តិ នៅក្នុងផ្លែម្ទេសជាពិសេសផ្លែម្ទេសស្រស់ដែលមាននៅលើភពផែនដីយើងសព្វថ្ងៃនេះវាគឺមានផ្ទុកនូវកម្រិតវីតាមីន Cច្រើនណាស់ ដល់ទៅ 7 ដងនៃផ្លែក្រូច។ វីតាមីនCដ៏ច្រើនសន្ធឹកដែលមាននៅក្នុងផ្លែម្ទេសទាំងអស់នោះគឺវាបានផ្តល់អត្ថប្រយោជន៍ជាសំខាន់ៗជាច្រើនទៅដល់សុខភាពរបស់មនុស្ស។ អត្ថប្រយោជន៍ទាំងអស់នោះគឺរួមមានវាដើរតួនាទីប្រយុទ្ធប្រឆាំងនឹងការកកស្ទះនៃប្រហោងឆ្អឹង ជួយកាត់បន្ថយការឈឺក្បាលឬខ្មែរយើងហៅថាប្រកាំង និងជួយដល់ការរំលាយអាហារផងដែរ៕

ប្រែសម្រូល៖ រ៉ាម៉េត តាមការសិក្សាស្រាវជ្រាវថ្មីៗនេះបន្ថែមទៀត បានបង្ហាញឲ្យឃើញថាផ្លែប័រឬជាភាសាបរទេសហៅថា Avocado មានផ្ទុកវីតាមីន និងសារធាតុរ៉ែជាច្រើនប្រភេទដែលជាអត្ថប្រយោជន៍ដ៏ម្បូរបែបសម្រាប់សុខភាពមនុស្ស។ អត្ថប្រយោជន៍សំខាន់ៗទាំងអស់នោះគឺវារួមមានដូចជា៖ ទី១ លក្ខណសម្បត្តិប្រឆាំងនឹងការរលាកៈ ផ្លែប័រសម្បូរទៅដោយសារធាតុប្រឆាំងការរលាក ដែលជួយកាត់បន្ថយការរលាកខាងក្នុងរបស់រាងកាយ។ វាគឺជាប្រភពដ៏ល្អបំផុតនៃអាស៊ីតខ្លាញ់អូមេហ្គា 3 phytosterols និងអរម៉ូនរុក្ខជាតិដូចជា beta-sitosterol និង stigmasterol ។ ពួកវាជួយរក្សាការរលាកឱ្យស្ថិតក្រោមការគ្រប់គ្រង។ ខ្លាញ់​ដែល​មាន​នៅ​ក្នុង​ផ្លែ​ឈើ​នេះ​មាន​លក្ខណ​ពិសេស ដែល​ជួយ​សម្រួល​ដល់​សន្លាក់ និង​បំបាត់​ការ​ឈឺ​សន្លាក់​ថែម​ទៀតផង។ ទី២ ជួយសម្រកទម្ងន់ៈ អត្ថប្រយោជន៍ដ៏ពេញនិយមបំផុតនៃផ្លែប័រ គឺវាជួយសម្រកទម្ងន់។ វាត្រូវបានគេប្រើយ៉ាងទូលំទូលាយនៅក្នុងរបបអាហារសម្រកទម្ងន់ដោយសារតែវត្តមាននៃជាតិសរសៃអាហារ។ វាគ្រប់គ្រងទម្ងន់របស់អ្នកដោយធ្វើឱ្យអ្នកឆ្អែតបានយូរ និងធ្វើឱ្យអ្នកទទួលកាឡូរីតិច។ ផ្លែប័រក៏មានជាតិកាបូអ៊ីដ្រាតទាបផងដែរ ដែលជួយដល់ការសម្រកទម្ងន់។ ទី៣ រក្សាបេះដូងរបស់អ្នកឱ្យមានសុខភាពល្អៈ ផ្លែប័រមានផ្ទុកសារធាតុស្តេរ៉ូលពីរុក្ខជាតិធម្មជាតិហៅថា បេតាស៊ីតូស្តេរ៉ូល។ ការប្រើប្រាស់ជាទៀងទាត់នៃ beta-sitosterol និង sterols រុក្ខជាតិផ្សេងទៀតជួយរក្សាកម្រិតកូឡេស្តេរ៉ុលដែលមានសុខភាពល្អ។ ពួកវាក៏រក្សាសរសៃឈាមបេះដូង និងសរសៃឈាមវ៉ែនរបស់អ្នកឱ្យមានសុខភាពល្អដែរ។ ផ្លែប័រ គឺជាប្រភពដ៏ប្រសើរនៃប៉ូតាស្យូម ដោយមួយផ្លែនៃផ្លែបឺរមធ្យម (ពាក់កណ្តាលផ្លែប័រ) មានផ្ទុកប៉ូតាស្យូមច្រើនជាងចេកមធ្យម។ ទី៤ គ្រប់គ្រងសម្ពាធឈាមៈ ផ្លែប័រ គឺជាប្រភពដ៏ល្អនៃសារធាតុរ៉ែ ជាពិសេសប៉ូតាស្យូម និងសូដ្យូម […]

ដោយ៖ សហការី ក្រុមអ្នកបុរាណវត្ថុវិទូបានប្រទះឃើញផ្ទាំងគំនូរបុរាណ ស្រដៀងគ្នាទៅនឹងភីហ្សានាសម័យថ្មី ដែលរូបនោះមានអាយុកាលជាង ២,០០០ពាន់ឆ្នាំមុន កំពុងផ្ទុះការចាប់អារម្មណ៍យ៉ាងខ្លាំង។ អ្នកបុរាណវិទូជនជាតិអ៊ីតាលីបានជីកកាយដីនៅ Pompeii ប្រទះឃើញផ្ទាំងគំនូរបុរាណដែលមិនធ្លាប់មានពីមុនមក។ រូបភាពនេះបានធ្វើឲ្យជនជាតិអ៊ីតាលីជឿជាក់ថា វាពិតជាបុព្វបុរសរបស់ជនជាតិខ្លួន ចូលចិត្តញ៉ាំអាហារប្រភេទនេះ។ ផ្ទាំងគំនូរបុរាណបានផុសឡើងពីដីនៅក្នុងពេលជីកកកាយ រកវត្ថុបុរាណនាពេលថ្មីៗនេះនៅតំវន់ Regio IX បណ្តុំឧទ្យានបុរាណវិទ្យារបស់ Pompeii ដែលស្ថិតនៅតាមផ្លូវរបស់ទីក្រុង Naples។ ផ្ទាំងគំនូរនេះគ្របដណ្តប់ទៅដោយធូលី ផេះ ដែលធ្លាក់មកលើ Pompeii ដោយសាការផ្ទុះភ្នំភ្លើង Vesuvius ក្នុងឆ្នាំ ១៩ នៃគ.ស។ ផ្ទាំងគំនូរនេះបង្ហាញពីរូបភាពនៃចានប្រាក់ដែលដាក់ផ្លែឈើ គ្រឿងទេស កែវស្រាមួយ និងនំមូរសម្រាប់​ជ្រលក់នឹងទឹកជ្រលក់​ពណ៌​ក្រហម ម៉ឺក្រៀម​ជាដើម។ នាយកឧទ្យានបុរាណវត្ថុ Pompeii លោក Gabriel Zuchtriegel បាននិយាយថា “វាជារូបភាពដាក់តាំងសម្រាប់អ្នកមើល ក្នុងសម័យដ៏ទំនើបធ្វើឲ្យនឹកឃើញដល់នំដែលស្រដៀងនឹងភីហ្សាមួយប្រភេទនេះ”។ “ជាក់ស្តែង វាមិនមែនជាភីហ្សាទេ ប៉ុន្តែ​ប្រហែល​ជាអាហារ​​របស់ដូនតាក្នុងជំនាន់មុន”។ លោក Zuchtriegel បាននិយាយថា “យើងមិនចាំបាច់គិតថាវាជាភីហ្សានោះទេ គឺវាគ្រាន់តែជាម្ហូបសម្រាប់អ្នកក្រីក្រ នៅភាគខាងត្បូងរបស់ប្រទេសអ៊ីតាលី ដែលឥឡូវនេះវាបានប្រែក្លាយទៅជាការទាក់ទាញពិភពលោក ឲ្យមកអង្គុយញ៉ាំអាហារនៅក្នុងភោជនីយដ្ឋានលំដាប់ផ្កាយប្រាំ។ ដោយផ្ទាំងគំនូរនេះវាមានភាពស្រដៀងគ្នាទៅនឹងភីហ្សា […]

ដោយ៖ សហការី ការ​សិក្សា​ថ្មី​មួយ​បាន​បង្ហាញ​ថា ស្ត្រីដែលមានអាយុចាប់ពី ២៣ ទៅ ៣២ ឆ្នាំ ​ជាអាយុ​ដ៏​ល្អ​បំផុត​​ដែលត្រូវចាប់ផ្តើមមាន​កូន​​ ព្រោះវានឹងទទួលបាននូវលទ្ធផលល្អទាំងសុខភាព និងសម្រស់។ ការសន្និដ្ឋានស្តីពីការសម្រាលកូនក្នុងទិន្នន័យជាង ៣១,០០០នាក់ បានរកឃើញថាស្ត្រីដែលមានអាយុចាប់ពី ២៣ ទៅ ៣២ ឆ្នាំ មានហានិភ័យទាបបំផុតចំពោះការធ្វើឲ្យទារក មានពិការភាពពីកំណើត។ ម្តាយដែលជាស្ត្រីវ័យជំទង់ដែលមានអាយុត្រឹម ២០ ឆ្នាំ ទំនងជាធ្វើឲ្យទារកមានពិការភាព ផ្នែកប្រព័ន្ធសរសៃប្រសាទកណ្តាលនៅពេលសម្រាលកូន ដែលធ្វើឲ្យប៉ះពាល់ដល់ការវិវត្តខួរក្បាល និងឆ្អឹងខ្នង ខណៈពេលដែលកំពុងមានផ្ទៃពោះគ្រប់ខែ វាបានធ្វើឲ្យខូចទម្រង់ក្បាល ក ភ្នែក និង ត្រចៀករបស់ទារក។ អ្នកស្រាវជ្រាវបាននិយាយថា ម្តាយដែលមានវ័យក្មេងពេកតែងតែមិនបានត្រៀមខ្លួន សម្រាប់ការមានគភ៌ ហើយត្រូវប្រឈមនឹងរបៀបរបបរស់នៅដែលមិនសមរម្យបន្ថែមទៀត ដូចជាការប្រើប្រាស់គ្រឿងញៀន និងគ្រឿងស្រវឹងជាដើម។ ស្ត្រីដែលមានវ័យចំណាស់ជាងនេះ បានប្រឈមនឹងភាពតានតឹងផ្នែកបរិស្ថាន ដូចជាការបំពុលបរិយាកាសយូរជាងនេះ ដែលក្រុមអ្នកជំនាញជឿថា អាចរួមចំណែកក្នុងការបង្កឲ្យមានហានិភ័យ ការធ្វើឲ្យមានពិការភាពពីកំណើតផ្សេងៗគ្នា។ ស្ត្រីជនជាតិអាមេរិកឥឡូវនេះ កំពុងសម្រាលកូនជាលើកដំបូងនៅអាយុ ៣០ ឆ្នាំជាមធ្យមឃើញថាមានការកើនឡើងពី ២៧ឆ្នាំ នៅក្នុងឆ្នាំ ២០០០ និង ២៤ ឆ្នាំ […]

ដោយ៖ សហការី អតីតវិស្វករ Google បានបង្កើតកម្មវិធីថ្មីដាក់នៅក្នុងស្មាតហ្វូន សម្រាប់គណនាកាឡូរីក្នុងអាហារគ្រប់ប្រភេទបានយ៉ាងងាយបំផុត។ អតីតវិស្វករនៅ Google និងអ្នកជំនាញបច្ចេកវិទ្យានៅក្រសួងការពារជាតិ Raytheon បានបង្កើតកម្មវិធីទូរសព្ទដៃ ដែលអាចគណនាកាឡូរីក្នុងអាហារបានយ៉ាងស្រួល ដោយគ្រាន់តែថតរូបម្ហូបទាំងនោះតាមទូរសព្ទដៃ។ អ្នកបង្កើតកម្មវិធីបាននិយាយថា កម្មវិធី SnapCalorie អ្នកប្រើប្រាស់អាចទាញយកបាននៅលើ App Store សម្រាប់ទូរស័ព្ទប្រភេទ Android និងនៅលើ Google Play សម្រាប់ទូរស័ព្ទប្រភេទ IOS (Apple) ដោយមិនគិតថ្លៃ ជាមួយនឹងជម្រើសបុព្វលាភ ២៩.០០ ដុល្លារអាម៉េរិកក្នុងមួយខែ។ នៅក្នុងការធ្វើតេស្តរហ័សរបស់ការិយាល័យ គេហទំព័រ DailyMail.com បានកត់សម្គាល់ថា SnapCalorie អាចប៉ាន់ស្មានដឹងពីកាឡូរីនៃផ្កាខាត់ណានៅលើចានអាហារ ដោយយករូបថតបន្លែនោះមកគណនា។ យោងតាមសហស្ថាបនិករបស់ SnapCalorie សង្ឃឹមថា កម្មវិធីនេះនឹងមានការប្រើប្រាស់យ៉ាងទូលំទូលាយ នៅក្នុងចំណោមអ្នកតមអាហារក្នុងការចេញទៅញ៉ាំអាហារនៅខាងក្រៅ ដោយខ្លាចកាឡូរីឡើងហួសកម្រិត។ គិតត្រឹមខែមិថុនានេះ Index Ventures, Y Combinator និងសូម្បីតែ CEO របស់ CrossFit គឺលោក Eric […]

គ្រឿងស្មូន Ipswich ផលិតកាលពី១,៣០០ ឆ្នាំមុននៅ Suffolk ត្រូវបានបង្កើតឡើងវិញដោយប្រើឡដុតបុរាណដែលគេបង្កើតឡើងជាពិសេស។ គ្រឿងស្មូនដែលគេស្គាល់ថាជា “Ipswich ware” រួមមានផើង និងចានឆ្នាំងដទៃទៀតដែលបានផលិតយ៉ាងច្រើននៅក្នុងទីក្រុង AD៦៨០-៨៧០ ហើយត្រូវបានប្រទះឃើញនៅទូទាំង East Anglia ។ ឡដុត Anglo-Saxon ត្រូវបានបង្កើតឡើងជាពិសេសបន្ទាប់ពីសំណល់គ្រឿងស្មូនត្រូវបានប្រទះឃើញនៅ Ipswich ។ នាង Faye Minter មកពីអង្គភាពបុរាណវិទ្យានៃក្រុមប្រឹក្សាខោនធី Suffolk បានថ្លែងថា ការធ្វើពិសោធន៍លើគ្រឿងស្មូនទាំងនេះបានផ្តល់ “ការយល់ដឹងដ៏មានតម្លៃសម្រាប់ប្រវត្តិសាស្រ្តរបស់យើង” ។ នាងបានប្រាប់ថា “គម្រោងទាំងនេះមានសារសំខាន់ណាស់ដែលអាចឲ្យយើងសាកល្បងសម្មតិកម្មបុរាណវត្ថុតាមវិធីសាស្រ្តចម្លងនិងបច្ចេកទេសប្រវត្តិសាស្ត្រដោយផ្អែកលើភស្តុតាងដែលបានមកពីការជីកកកាយក្នុងពេលកន្លងមក” ។ ” រហូតមកដល់ពេលយើងទទួលបានលទ្ធផលដែលបង្ហាញអំពីជំនាញ ចំណេះដឹង និងធនធានសំខាន់ៗជាច្រើនក្នុងការផលិត Ipswich ware បានដោយជោគជ័យដែលទទួលបានលើសពីការរំពឹងទុករបស់យើង”។ ក្រុមប្រឹក្សាខោនធីដែលជាអ្នកផ្តល់សេវាកម្មបុរាណវិទ្យាបានសហការជាមួយអ្នកស្ម័គ្រចិត្ត និងអង្គការក្នុងស្រុកដើម្បីបង្កើតជាពុម្ព Ipswich ចម្លងដោយប្រើវិធីសាស្ត្របុរាណជាប្រវត្តិសាស្ត្រ។ សមាជិកនៃក្រុម Anglian Potters បានធ្វើការពិសោធជាមួយការកែច្នៃដីឥដ្ឋឆៅពួកគេក៏បានបង្កើតពុម្ពចម្លងជាមួយកុមារមកពីសាលាបឋមសិក្សា Rushmere Hall ។ ក្រុមប្រឹក្សាបាននិយាយថាការបង្កើតជាពុម្ពចម្លងត្រូវចំណាយអស់ពេល ៣ ថ្ងៃដើម្បីផលិតវា ហើយត្រូវបានបញ្ចប់នៅក្នុងខែមេសា […]