ប្រែសម្រួល៖ស-សម្បត្តិ ប្រធានាធិបតីរុស្ស៊ី វ្លាឌីមៀរ ពូទីន កាលពីថ្ងៃចន្ទបានប្រកាសឯកតោភាគីអំពីការផ្អាកបាញ់រយៈពេលបីថ្ងៃនៅអ៊ុយក្រែននៅខែក្រោយ ដែលជាជំហានមួយត្រូវបានមន្ត្រីអ៊ុយក្រែនចាត់ទុកថាមានភាពសង្ស័យ ហើយពួកគេបានទាមទារឱ្យមេដឹកនាំក្រឹមឡាំងភ្លាមៗទទួលយកសំណើផ្អាកបាញ់យូរជាងនេះ ដែលស្នើឡើងដោយសហរដ្ឋអាមេរិក ដែលគាត់បានបដិសេធរហូតមកដល់ពេលនេះ។ ក្រុងមូស្គូបានឱ្យដឹងថា “រាល់សកម្មភាពយោធាទាំងអស់” នៅអ៊ុយក្រែននឹងត្រូវពន្យារពេលចាប់ពីយប់អធ្រាត្រថ្ងៃទី៨ ខែឧសភា រហូតដល់យប់អធ្រាត្រថ្ងៃទី១១ ខែឧសភា ដែលជាសេចក្តីសម្រេចមួយដែលត្រូវបានធ្វើឡើងដោយផ្អែកលើ “ការពិចារណាផ្នែកមនុស្សធម៌។” ការផ្អាកបាញ់នេះនឹងចំពេលជាមួយពិធីរំលឹកខួបជ័យជម្នះសង្គ្រាមលោកលើកទី២ របស់រុស្ស៊ីនៅថ្ងៃទី៩ ខែឧសភា និងខួបទី៨០ នៃការបរាជ័យរបបណាស៊ីអាល្លឺម៉ង់។ សេចក្តីប្រកាសរបស់លោក ពូទីន ដែលត្រូវបានសេតវិមានបន្តជំរុញឱ្យមាន “ការផ្អាកបាញ់អចិន្ត្រៃយ៍” កើតឡើងនៅពេលដែលរដ្ឋបាលលោក ត្រាំ បង្កើនសម្ពាធលើទីក្រុងមូស្គូ និងទីក្រុងគៀវ ឱ្យឯកភាពលើកិច្ចព្រមព្រៀងមួយ ដើម្បីបញ្ចប់សង្គ្រាម។ កាលពីថ្ងៃអាទិត្យ រដ្ឋមន្ត្រីការបរទេសសហរដ្ឋអាមេរិក ម៉ាកូ រូប៊ីអូ បាននិយាយថា សប្តាហ៍នេះនឹងមាន “សារៈសំខាន់ខ្លាំង” ក្នុងការកំណត់ថាតើសហរដ្ឋអាមេរិកនឹងបន្តកិច្ចខិតខំប្រឹងប្រែងរបស់ខ្លួនក្នុងការសម្របសម្រួលសន្តិភាពដែរឬទេ។ “ខណៈពេលដែលប្រធានាធិបតី ត្រាំ ស្វាគមន៍ការស្ម័គ្រចិត្តរបស់លោក វ្លាឌីមៀរ ពូទីន ក្នុងការផ្អាកជម្លោះ ប្រធានាធិបតីបានបញ្ជាក់យ៉ាងច្បាស់ថា គាត់ចង់បានការផ្អាកបាញ់អចិន្ត្រៃយ៍ និងនាំយកជម្លោះនេះទៅរកដំណោះស្រាយដោយសន្តិវិធី” អ្នកនាំពាក្យក្រុមប្រឹក្សាសន្តិសុខជាតិសហរដ្ឋអាមេរិក ប្រាយអិន ហ៊្យូស បាននិយាយកាលពីថ្ងៃចន្ទ។ នៅពេលក្រោយមកនៅថ្ងៃចន្ទ ប្រធានាធិបតីអ៊ុយក្រែន […]

ប្រែសម្រួល ៖ លន ស្រស់ ក្រុងកូឡាឡាំពួរ៖ តុលាការកំពូលម៉ាឡេស៊ីកាលពីថ្ងៃចន្ទ (២៨ មេសា) បានយល់ព្រមលើពាក្យស្នើសុំរបស់អគ្គមេធាវីដើម្បីបណ្តឹងឧទ្ធរណ៍លើសេចក្តីសម្រេចមួយដែលផ្តល់ឱ្យអតីតនាយករដ្ឋមន្ត្រី ណាជីប រ៉ាហ្សាក់ ដែលកំពុងជាប់ពន្ធនាគារ នូវសិទ្ធិទទួលបានឯកសារមួយដែលគាត់អះអាងថាអនុញ្ញាតឱ្យគាត់អនុវត្តទោសពន្ធនាគារដែលនៅសល់ក្នុងលក្ខខណ្ឌឃុំខ្លួននៅតាមផ្ទះ។ លោក ណាជីប ដែលត្រូវជាប់ពន្ធនាគារពាក់ព័ន្ធនឹងតួនាទីរបស់គាត់ក្នុងរឿងអាស្រូវ 1MDB ដែលមានទឹកប្រាក់រាប់ពាន់លានដុល្លារ កំពុងប្តឹងតាមផ្លូវច្បាប់ដើម្បីបង្ខំអាជ្ញាធរឱ្យបញ្ជាក់ពីអត្ថិភាព និងអនុវត្តបទបញ្ជារាជការមួយដែលគាត់បាននិយាយថាត្រូវបានចេញកាលពីឆ្នាំមុន ជាផ្នែកមួយនៃការលើកលែងទោសដោយព្រះមហាក្សត្រក្នុងពេលនោះ ដែលអនុញ្ញាតឱ្យគាត់បំពេញទោសដែលនៅសល់នៅផ្ទះ។ ក្នុងសេចក្តីសម្រេចឯកច្ឆន្ទមួយ ចៅក្រមតុលាការសហព័ន្ធចំនួនបីរូបបានសម្រេចថា អគ្គមេធាវីអាចប្តឹងឧទ្ធរណ៍ទៅលើសេចក្តីសម្រេចកាលពីខែមករារបស់តុលាការថ្នាក់ក្រោម ក្នុងការគាំទ្រការប៉ុនប៉ងរបស់លោក ណាជីប ដើម្បីទទួលបានឯកសារដែលបានអះអាងនោះ ដោយសំណុំរឿងនេះនឹងត្រូវបានស្តាប់នៅថ្ងៃទី១ និងទី២ ខែកក្កដា។ អតីតនាយករដ្ឋមន្ត្រីរូបនេះបានទទួលការកាត់បន្ថយទោសពន្ធនាគារ១២ឆ្នាំពាក់កណ្តាលកាលពីឆ្នាំមុន តាមរយៈការលើកលែងទោសដោយព្រះមហាក្សត្រក្នុងពេលនោះគឺ អាល់-ស៊ូល់តង់ អាប់ឌុលឡា អាហ្មាដ សា។ ណាជីបបាននិយាយថា “បទបញ្ជាបន្ថែម” ទៅលើការលើកលែងទោសដែលផ្តល់ឱ្យគាត់នូវការឃុំខ្លួននៅតាមផ្ទះត្រូវបានមិនអើពើដោយអាជ្ញាធរ។ អតីតរាជវាំងរបស់ព្រះមហាក្សត្របានចេញលិខិតមួយដែលបញ្ជាក់ថាឯកសារនោះពិតជាមាន ប៉ុន្តែក្រសួងយុត្តិធម៌របស់ប្រទេសម៉ាឡេស៊ីបាននិយាយថាខ្លួនមិនមានកំណត់ត្រាអំពីឯកសារនោះទេ     រដ្ឋមន្ត្រីក្រសួងមហាផ្ទៃបានបដិសេធថាមិនបានដឹង ហើយនាយករដ្ឋមន្ត្រី អាន់វ៉ារ អ៊ីប្រាហ៊ីម បាននិយាយថា “យើងមិនបានលាក់បាំងអ្វីទេ”។ ណាជីបត្រូវបានរកឃើញថាមានទោសក្នុងឆ្នាំ២០២០ ពីបទរំលោភសេចក្តីទុកចិត្តព្រហ្មទណ្ឌ និងបំពានអំណាច ដោយបានទទួលប្រាក់ដោយខុសច្បាប់ដែលត្រូវបានក្លែងបន្លំចេញពីអង្គភាពមួយនៃវិនិយោគរដ្ឋមួយគឺ 1Malaysia Development Berhad។ […]

ប្រែសម្រួល៖ លន ស្រស់ តូក្យូ៖ អ្នកការទូតរូបិយប័ណ្ណកំពូលរបស់ជប៉ុនកាលពីថ្ងៃចន្ទ (២៨ មេសា) បានបដិសេធរបាយការណ៍ប្រព័ន្ធផ្សព្វផ្សាយមួយដែលបានអះអាងថា រដ្ឋមន្ត្រីរតនាគារអាមេរិក Scott Bessent បានប្រាប់សមភាគីជប៉ុនរបស់លោកនៅក្នុងកិច្ចប្រជុំទ្វេភាគីនៅវ៉ាស៊ីនតោនថា ដុល្លារខ្សោយ និងយេនខ្លាំងគឺជាអ្វីដែលគួរចង់បាន។ លោក Atsushi Mimura អនុរដ្ឋមន្ត្រីហិរញ្ញវត្ថុជប៉ុនទទួលបន្ទុកកិច្ចការអន្តរជាតិ បានប្រាប់អ្នកសារព័ត៌មានថា “ដូចដែលយើងបាននិយាយរួចហើយ ភាគីអាមេរិកមិនបានលើកឡើងអំពីគោលដៅអត្រាប្តូរប្រាក់នៅក្នុងកិច្ចពិភាក្សារវាងរដ្ឋមន្ត្រីហិរញ្ញវត្ថុទេ”។ រដ្ឋមន្ត្រីហិរញ្ញវត្ថុជប៉ុន លោក Katsunobu Kato និងលោក Bessent បានជួបពិភាក្សាដោយផ្ទាល់ជាលើកដំបូងកាលពីថ្ងៃព្រហស្បតិ៍ នៅក្រៅកិច្ចប្រជុំរបស់មូលនិធិរូបិយវត្ថុអន្តរជាតិ និងធនាគារពិភពលោកនៅវ៉ាស៊ីនតោន។ កាសែត Yomiuri បានរាយការណ៍នៅល្ងាចថ្ងៃសុក្រថា លោក Bessent បានប្រាប់លោក Kato អំពីចំណូលចិត្តរបស់លោកចំពោះដុល្លារទន់ខ្សោយ និងយេនរឹងមាំ ដោយមិនបានបញ្ជាក់ប្រភពឡើយ។ នៅថ្ងៃសៅរ៍ លោក Kato ក៏បានបដិសេធរបាយការណ៍របស់ Yomiuri នៅលើប្រព័ន្ធផ្សព្វផ្សាយសង្គម X ដោយនិយាយម្តងទៀតថា ពួកគេមិនបានពិភាក្សាអំពីគោលដៅអត្រាប្តូរប្រាក់ ឬក្របខណ្ឌគ្រប់គ្រងអត្រាប្រាក់យេនទេ។ នៅក្នុងសន្និសីទសារព័ត៌មាន លោក Kato មិនបានបង្ហើបព័ត៌មានលម្អិតអំពីកិច្ចប្រជុំរយៈពេល ៥០ […]

ប្រែសម្រួល៖ ស-សម្បត្តិ យ៉ាងហោចណាស់មនុស្ស១៨នាក់បានស្លាប់ និង៧៥០នាក់របួសក្នុងការផ្ទុះដ៏ធំមួយនៅកំពង់ផែបន់ដារ អាប់បាស ក្នុងភាគនិរតីនៃប្រទេសអ៊ីរ៉ង់ យោងតាមប្រព័ន្ធផ្សព្វផ្សាយផ្លូវការអ៊ីរ៉ង់ដែលដកស្រង់ពីក្រសួងមហាផ្ទៃរបស់ប្រទេសនេះកាលពីថ្ងៃសៅរ៍ទី២៦មេសា។ ការផ្ទុះបានបញ្ចេញផ្សែងដ៏ធំមួយពីផ្នែកស៊ាហ៊ីត រ៉ាហ្សាអ៊ី នៃកុងផ្លិចកំពង់ផែ យោងតាមវីដេអូដែលត្រូវបានកំណត់ទីតាំងដោយ CNN ដោយរដ្ឋាភិបាលនិយាយថា ការផ្ទុះនេះទំនងជាទាក់ទងនឹងសារធាតុគីមីដែលត្រូវបានស្តុកទុក។ រដ្ឋមន្ត្រីក្រសួងមហាផ្ទៃរបស់អ៊ីរ៉ង់ លោក អេសកាន់ដារ ម៉ូមេនី បាននិយាយថា មនុស្ស៦នាក់នៅតែបាត់ខ្លួន ខណៈដែលអ្នកពន្លត់អគ្គិភ័យបន្តធ្វើការដើម្បីពន្លត់អណ្តាតភ្លើង ទោះបីជាមានបញ្ហាប្រឈមដែលបណ្តាលមកពីខ្យល់ខ្លាំងក៏ដោយ តាមប្រព័ន្ធផ្សព្វផ្សាយអ៊ីរ៉ង់បានរាយការណ៍។ មិនទាន់មានការបញ្ជាក់ពីមូលហេតុនៃការផ្ទុះនៅឡើយទេ។ អ្នកនាំពាក្យរដ្ឋាភិបាល លោកស្រី ហ្វាទីម៉ា ម៉ូហាជេរ៉ានី បាននិយាយថា វានឹងត្រូវការពេលវេលាខ្លះដើម្បីកំណត់មូលហេតុ “ប៉ុន្តែរហូតមកដល់ពេលនេះ អ្វីដែលត្រូវបានកំណត់គឺថា កុងតឺន័រត្រូវបានស្តុកទុកនៅជ្រុងមួយនៃកំពង់ផែ ដែលទំនងជាមានផ្ទុកសារធាតុគីមីដែលបានផ្ទុះ។ លោកស្រីបានបន្ថែមថា៖ “ប៉ុន្តែរហូតដល់ភ្លើងត្រូវបានពន្លត់ វាពិបាកក្នុងការកំណត់ពីមូលហេតុណាស់។” ក្រុមហ៊ុនចម្រាញ់និងចែកចាយប្រេងរបស់អ៊ីរ៉ង់បាននិយាយថា ការផ្ទុះនៅកំពង់ផែមិនទាក់ទងនឹងរោងចក្រចម្រាញ់ ធុងប្រេង ឬបំពង់បង្ហូរប្រេង “ដែលពាក់ព័ន្ធនឹងក្រុមហ៊ុននៅតំបន់នោះ” ឡើយ។ នេះកើតឡើងបន្ទាប់ពីប្រព័ន្ធផ្សព្វផ្សាយផ្លូវការអ៊ីរ៉ង់បានរាយការណ៍ថា ការផ្ទុះបានកើតឡើងបន្ទាប់ពីរថយន្តដឹកប្រេងនៅកំពង់ផែ “ផ្ទុះដោយមូលហេតុមិនច្បាស់លាស់”។ ហេតុការណ៍នេះបានជំរុញឲ្យអាជ្ញាធរអ៊ីរ៉ង់ប្រកាសស្ថានភាពអាសន្ននៅក្នុងទីក្រុងបន់ដារ អាប់បាស ដើម្បីការពារប្រជាពលរដ្ឋក្នុងគ្រាដែលមាន “ការកើនឡើងគួរឱ្យកត់សម្គាល់នៃការបំពុលខ្យល់”។ ក្រសួងសុខាភិបាលបានប្រមូលផ្តុំក្រុមសុខាភិបាល និងអនុវត្តវិធានការបន្ទាន់ដើម្បីការពារសុខភាពសាធារណៈ។ ប្រជាពលរដ្ឋត្រូវបានណែនាំឱ្យស្នាក់នៅក្នុងផ្ទះ ជៀសវាងសកម្មភាពខាងក្រៅ និងបិទបង្អួច […]

ប្រែសម្រួល៖ រ៉ាម៉េត ប្រធានាធិបតីសហរដ្ឋអាមេរិក ដូណាល់ ត្រាំ បានជួបជាមួយប្រធានាធិបតីអ៊ុយក្រែន វ៉ូឡូឌីមៀរ ហ្សេឡេនស្គី អស់រយៈពេលប្រមាណ១៥នាទី អំឡុងពេលពិធីបុណ្យសពសម្ដេចប៉ាបហ្វ្រង់ស៊ីសនៅវ៉ាទីកង់កាលពីថ្ងៃសៅរ៍ ដែលជាការជួបគ្នាផ្ទាល់លើកដំបូងរបស់ពួកគេចាប់តាំងពីការប្រជុំដ៏តានតឹងនៅសេតវិមានកាលពីខែកុម្ភៈ។ កិច្ចប្រជុំនេះបានធ្វើឡើងនៅក្នុងវិហារសាន់ប៉េទេរ ដោយគ្មានជំនួយការចូលរួម ហើយក៏មិនបានប្រកាសជាមុនដែរ ប៉ុន្តែអាចធ្វើទៅបានដោយសារទម្រង់នៃពិធីបុណ្យសព។ បន្ទាប់ពីការជួបនេះ លោកត្រាំបានសម្ដែងការសង្ស័យអំពីការប្ដេជ្ញារបស់ប្រធានាធិបតីរុស្ស៊ី វ្លាឌីមៀរ ពូទីន ចំពោះសន្តិភាព ដោយបានសរសេរនៅលើបណ្ដាញ Truth Social ថា៖ “គ្មានហេតុផលអ្វីដែលធ្វើឲ្យពូទីនបាញ់មីស៊ីលទៅលើតំបន់ទីក្រុង និងទីប្រជុំជនស៊ីវិលក្នុងប៉ុន្មានថ្ងៃចុងក្រោយនេះទេ។ វាធ្វើឲ្យខ្ញុំគិតថាប្រហែលជាគាត់មិនចង់បញ្ឈប់សង្គ្រាមទេ គាត់គ្រាន់តែបោកបញ្ឆោតខ្ញុំ ហើយគាត់ត្រូវតែដោះស្រាយតាមវិធីផ្សេង តាមរយៈ ‘ប្រព័ន្ធធនាគារ’ ឬ ‘ការដាក់ទណ្ឌកម្មទីពីរ?’”។ លោកត្រាំបានស្នើឲ្យអនុវត្តទណ្ឌកម្មថ្មីៗលើរុស្ស៊ី បន្ទាប់ពីការវាយប្រហារថ្មីៗលើក្រុងគីវ ដែលបានសម្លាប់មនុស្សដប់ពីរនាក់ ក្នុងអ្វីដែលត្រូវបានពិពណ៌នាថាជារលកនៃការវាយប្រហារដោយមីស៊ីលរុស្ស៊ីដ៏ធំបំផុតតាំងពីខែកក្កដាឆ្នាំមុន។ លោកហ្សេឡេនស្គីបានពិពណ៌នាការពិភាក្សាថាជា “ការល្អ” និងអាចជា “ប្រវត្តិសាស្ត្រ” ដោយកត់សម្គាល់ថាពួកគេបានពិភាក្សាអំពី “ការការពារជីវិតប្រជាពលរដ្ឋរបស់យើង ការឈប់បាញ់ពេញលេញនិងគ្មានលក្ខខណ្ឌ សន្តិភាពគួរឲ្យទុកចិត្ត និងដែលស្ថិតស្ថេរ។” អ្នកដឹកនាំទាំងពីរបានយល់ព្រមបន្តការពិភាក្សា យោងតាមមន្ត្រីនៃភាគីទាំងពីរ។ កិច្ចប្រជុំនេះកើតឡើងកំឡុងពេលមានការខិតខំការទូតកាន់តែច្រើនដោយរដ្ឋបាលត្រាំដើម្បីសម្របសម្រួលសន្តិភាពនៅអ៊ុយក្រែន។ អ្នកតំណាងពិសេសរបស់លោកត្រាំ ស្ទីវ វីតខូហ្វ បានជួបជាមួយលោកពូទីនអស់រយៈពេលបីម៉ោងកាលពីថ្ងៃសុក្រ ក្នុងកិច្ចពិភាក្សាដែលមន្ត្រីរុស្ស៊ីហៅថា “ការសាងសង់និងមានប្រយោជន៍ខ្លាំង”។ […]

ប្រែសម្រួល៖ រតនា ប្រធានាធិបតីអ៊ុយក្រែន Volodymyr Zelensky បានមានប្រសាសន៍ថា ជំនួបរបស់លោកជាមួយប្រធានាធិបតីសហរដ្ឋអាមេរិក Donald Trump នៅវិហារសាសនា St. Peter’s Basilica គឺជា “និមិត្តរូប” ហើយសេតវិមានបាននិយាយថា មេដឹកនាំទាំងពីរមាន “ការពិភាក្សាប្រកបដោយផលិតភាពខ្លាំង”។ “ជំនួបល្អ។ យើងបានពិភាក្សាគ្នាច្រើនតែពីរនាក់” លោក Zelensky បានសរសេរកាលពីថ្ងៃសៅរ៍នៅលើបណ្តាញ X។ “កំពុងសង្ឃឹមពីលទ្ធផលលើគ្រប់បញ្ហាដែលយើងបានពិភាក្សា។ ការការពារជីវិតប្រជាជនរបស់យើង។ បញ្ឈប់ការបាញ់គ្នាទាំងស្រុងនិងគ្មានលក្ខខណ្ឌ។ សន្តិភាពដែលអាចទុកចិត្តបាននិងឋិតថេរ ដែលនឹងការពារមិនឱ្យសង្គ្រាមមួយទៀតផ្ទុះឡើង។ ជំនួបដ៏មានលក្ខណៈនិមិត្តរូបខ្លាំង ដែលមានសក្តានុពលក្លាយជាប្រវត្តិសាស្ត្រ ប្រសិនបើយើងសម្រេចបានលទ្ធផលរួមគ្នា” លោកបានមានប្រសាសន៍។ មន្ត្រីសេតវិមានបាននិយាយថា ជំនួបនេះមានរយៈពេលប្រហែល ១៥ នាទី និងមាន “ភាពផលិតភាពខ្លាំង”។ ជំនួបនៅក្នុងវិហារសាសនាបានកើតឡើងមុនពេលពិធីបុណ្យសពរបស់សម្តេចប៉ាប Francis ចាប់ផ្តើមនៅទីលាន St. Peter’s Square ហើយហាក់ដូចជាមិនបានប្រកាសជាមុនទេ។ មុនការទស្សនកិច្ចដ៏ខ្លីរបស់ប្រធានាធិបតីសហរដ្ឋអាមេរិកនៅទីក្រុងរ៉ូម មន្ត្រីបានបន្ថយសារៈសំខាន់អំពីលទ្ធភាពដែលលោកនឹងជួបជាមួយលោក Zelensky ឬមេដឹកនាំពិភពលោកផ្សេងទៀត ដោយចង្អុលបង្ហាញពីពេលវេលាដ៏ខ្លីសម្រាប់ដំណើរទស្សនកិច្ចនិងគោលបំណងដ៏សោកសៅក្នុងការលាសម្តេចប៉ាបដែលបានទទួលមរណភាព។ លោក Trump ដំបូងឡើយបានជ្រើសរើសប្រទេសអារ៉ាប់ប៊ីសាអូឌីតសម្រាប់ការទស្សនកិច្ចក្រៅប្រទេសលើកដំបូងនៃអាណត្តិថ្មីរបស់លោក ហើយនឹងទៅទស្សនាទីនោះនៅខែក្រោយ។ […]

ប្រែសម្រួល៖ស-សម្បត្តិ ពិធីបុណ្យសពរបស់សម្ដេចប៉ាប ​ហ្វ្រង់ស៊ីស កំពុងប្រារព្ធឡើងនៅទីលាន​សាន់ ភីធឺ នាព្រឹកនេះ ខណៈដែលមេដឹកនាំពិភពលោកជួបជុំគ្នានៅទីក្រុងវ៉ាទីកង់ ដើម្បីសម្ដែងការគោរពចុងក្រោយចំពោះព្រះប្រមុខនៃព្រះវិហារកាតូលិក។ ហ្វូងមនុស្សយ៉ាងច្រើនកុះករនឹងតម្រង់ជួរនៅទីលានខាងមុខមហាវិហារសាន់ ភីធឺ ជាកន្លែងដែលមនុស្ស ២៥០.០០០ នាក់បានឆ្លងកាត់ដើម្បីទស្សនាសម្ដេចប៉ាប ហ្វ្រង់ស៊ីស ដែលត្រូវបានតម្កល់សពរយៈពេលបីថ្ងៃ បន្ទាប់ពីព្រះអង្គបានចូលទិវង្គតនៅថ្ងៃចន្ទបុណ្យអ៊ីស្ទើរ ក្នុងព្រះជន្ម ៨៨ ព្រះវស្សា។ មេដឹកនាំប្រទេស និងព្រះរាជវង្សានុវង្សរាប់សិបអង្គនឹងចូលរួមក្នុងពិធីនេះ ដែលជាការជួបជុំដ៏ធំបំផុតរបស់មេដឹកនាំពិភពលោក ចាប់តាំងពីពិធីស្បថចូលកាន់តំណែងលើកទីពីររបស់ប្រធានាធិបតីសហរដ្ឋអាមេរិក ដូណាល់ ត្រាំ កាលពីខែមករា៕

ប្រែសម្រួល៖ ស-សម្បត្តិ ហុងកុង៖ រដ្ឋមន្ត្រីការបរទេសចិនលោក វ៉ាង យី បាននិយាយថា ប៉េកាំងឈរនៅខាងច្បាប់អន្តរជាតិលើពន្ធគយដែលដាក់ដោយសហរដ្ឋអាមេរិក និងប្រឆាំងនឹងការការពារនិយម នេះបើយោងតាមក្រសួងការបរទេសនៅថ្ងៃសៅរ៍ (ថ្ងៃទី២៦ ខែមេសា)។ ជាមួយនោះរដ្ឋមន្ត្រីការបរទេសចិនបាននិយាយថា ពន្ធគយដែលដាក់ដោយសហរដ្ឋអាមេរិកគឺបានបង្ហាញពី “ភាពអាត្មានិយមខ្លាំង”។ និយាយនៅក្នុងកិច្ចប្រជុំរដ្ឋមន្ត្រីការបរទេសចិន-អាស៊ីកណ្តាលនៅប្រទេសកាហ្សាក់ស្ថាន លោកវ៉ាងយីបាននិយាយថា ប៉េកាំងនឹងស្វែងរកសាមគ្គីភាពជាមួយប្រទេសផ្សេងទៀតអំពីស្ថានភាពពន្ធគយ និងបង្ហាញពី “ភាពអាត្មានិយមខ្លាំង” និងការគាបសង្កត់ពីប្រទេសមួយចំនួន នេះបើយោងតាមសេចក្តីថ្លែងការណ៍របស់ក្រសួង។ ប្រធានាធិបតីសហរដ្ឋអាមេរិកលោក ដូណាល់ ត្រាំ បានអះអាងក្នុងបទសម្ភាសន៍មួយដែលបានចេញផ្សាយកាលពីថ្ងៃសុក្រថា ការចរចាពន្ធគយកំពុងដំណើរការជាមួយប្រទេសចិន។ ប៉ុន្តែប៉េកាំងបានបដិសេធថាមិនមានការចរចាណាមួយកំពុងកើតឡើងទេ ដែលជាសញ្ញាផ្ទុយគ្នាចុងក្រោយបំផុតលើវឌ្ឍនភាពដែលកំពុងត្រូវបានធ្វើឡើងដើម្បីបន្ធូរបន្ថយសង្គ្រាមពាណិជ្ជកម្មដែលគំរាមកំហែងធ្វើឱ្យថយចុះកំណើនសេដ្ឋកិច្ចសកល។ ភាគីចិនជាពិសេសក្រសួងការបរទេសនិងក្រសួងពាណិជកម្មបានបញ្ជាក់ថា បញ្ហារឿងពន្ធគយនេះបើអាចដំណើរការទៅបានគឺទី១ទាល់តែអាមេរិកសុំចរចារជាមុន,ទី២ទាល់តែអាមេរិកមុនការចរចាត្រូវកាត់បន្ថយពន្ធដែលនាំពីចិនចូលអាមេរិក ពី១៤៥ភាគរយឲ្យមកនៅត្រឹមដូចមុននិងរាល់ការចរចារាំងអស់ត្រូវតែធ្វើឡើងដោយស្មើមុខស្មើមាត់ជាមួយគ្នា។ លោកវ៉ាង ដែលជួបជាមួយរដ្ឋមន្ត្រីការបរទេសអ៊ូបេគីស្ថានលោក បាក់ធីយ័រ សៃដូវ បាននិយាយថា ប្រទេសចិននឹងស្វែងរកសាមគ្គីភាពជាមួយប្រទេសផ្សេងទៀត និងនឹងរក្សាគោលការណ៍ពហុភាគីដើម្បី “បញ្ចូលស្ថិរភាពទៅក្នុងពិភពលោក”៕ ប្រភព៖ Reuters/ia

ប្រែសម្រួល៖ស-សម្បត្តិ កិច្ចខិតខំប្រឹងប្រែងផ្នែកការទូត ថ្មីៗនេះបានកើនឡើងជុំវិញកិច្ចព្រមព្រៀងសន្តិភាពដែលអាចកើតមាន រវាងរុស្ស៊ី និងអ៊ុយក្រែន ដោយប្រធានាធិបតីសហរដ្ឋអាមេរិក ដូណាល់ ត្រាំ បានអះអាងថា ភាគីដែលមានជម្លោះ “ជិតឈានដល់កិច្ចព្រមព្រៀងមួយ” បន្ទាប់ពីការចរចារវាងប្រធានាធិបតីរុស្ស៊ី វ្ល៉ាឌីមៀរ ពូទីន និងប្រតិភូពិសេសប្រធានាធិបតីអាមេរិក ស្ទីវ វីតខូហ្វ។ យោងតាមលោក ត្រាំ “ចំណុចសំខាន់ៗភាគច្រើនត្រូវបានព្រមព្រៀងរួចហើយ” ហើយលោកបានជំរុញឱ្យមានកិច្ចប្រជុំកម្រិតខ្ពស់រវាងភាគីទាំងសងខាងដើម្បី “បញ្ចប់វា”។ ជំនួយការគ្រឹមឡាំង យូរី អូសាកូវ បានពិពណ៌នាអំពីកិច្ចប្រជុំរវាងលោក ពូទីន និង វីតខូហ្វ ថាជា “ការសាងសង់” ដោយកត់សម្គាល់ថាពួកគេបានពិភាក្សាអំពី “លទ្ធភាពនៃការបន្តការចរចាដោយផ្ទាល់” រវាងទីក្រុងម៉ូស្គូ និងគីវ។ ការជំរុញការទូតនេះកើតឡើងក្នុងពេលមានអំពើប្រទូស្តរ៉ាយបន្ត រួមទាំងការវាយប្រហារដ៏សាហាវបំផុតរបស់រុស្ស៊ីទៅលើទីក្រុងគីវក្នុងរយៈពេលប៉ុន្មានខែមកនេះ ដែលបានសម្លាប់មនុស្សយ៉ាងតិច ១២ នាក់ និងការធ្វើឃាតលើឧត្តមសេនីយ៍រុស្ស៊ី យ៉ារ៉ូស្លាវ ម៉ុសកាលិក ក្នុងការបំផ្ទុះគ្រាប់បែកក្នុងរថយន្តនៅជិតទីក្រុងម៉ូស្គូ ដែលរុស្ស៊ីបានចោទប្រកាន់សេវាកម្មពិសេសរបស់អ៊ុយក្រែន។ ឧបទ្ទវហេតុអំពើហិង្សាទាំងនេះបង្ហាញពីបញ្ហាប្រឈមដែលកំពុងប្រឈមមុខនឹងកិច្ចខិតខំប្រឹងប្រែងសន្តិភាពណាមួយ។ បញ្ហាដែលមានការប្រឆាំងខ្លាំងមួយក្នុងចំណោមបញ្ហាទាំងឡាយគឺ ស្ថានភាពនៃឧបទ្វីបគ្រីម៉េ ដែលរុស្ស៊ីបានប្រកាសភ្ជាប់ក្នុងឆ្នាំ ២០១៤។ លោក ត្រាំ ត្រូវបានដកស្រង់សម្តីថា “គ្រីម៉េនឹងស្ថិតនៅជាមួយរុស្ស៊ី។ ហើយលោក […]

ប្រែសម្រួល៖ស-សម្បត្តិ ចៅក្រមតុលាការក្រុង Milwaukee County Hannah Dugan ត្រូវបានចាប់ខ្លួនដោយ FBI និងត្រូវបានចោទប្រកាន់នៅតុលាការសហព័ន្ធពីបទដែលត្រូវបានចោទប្រកាន់ថាបានជួយជនអន្តោប្រវេសន៍ខុសច្បាប់ម្នាក់ឱ្យគេចពីអាជ្ញាធរអន្តោប្រវេសន៍សហព័ន្ធ។ Dugan ប្រឈមមុខនឹងការចោទប្រកាន់ពីរបទពីបទរារាំង និងលាក់បាំងបុគ្គលពីការចាប់ខ្លួន ប៉ុន្តែនាងត្រូវបានដោះលែងបន្ទាប់ពីការបង្ហាញខ្លួនលើកដំបូងនៅតុលាការ។ យោងតាមឯកសារចោទប្រកាន់ ភ្នាក់ងារសហព័ន្ធស្លៀកពាក់ជាជនស៊ីវិលបានទៅកាន់បន្ទប់សវនាការរបស់ Dugan នៅថ្ងៃទី១៨ ខែមេសា ដោយមានបំណងចាប់ខ្លួន Eduardo Flores-Ruiz ជាជនអន្តោប្រវេសន៍ជនជាតិម៉ិកស៊ិក ដែលត្រូវបាននិរទេសពីមុននៅឆ្នាំ ២០១៣ ប៉ុន្តែបានវិលត្រឡប់ទៅសហរដ្ឋអាមេរិកដោយខុសច្បាប់។ បន្ទាប់ពីត្រូវបានជូនដំណឹងអំពីវត្តមានរបស់ភ្នាក់ងារដោយអនុចៅក្រមបន្ទប់សវនាការរបស់នាង សាក្សីបានអះអាងថា ចៅក្រម Dugan បានខឹងយ៉ាងខ្លាំង ប្រឈមមុខជាមួយភ្នាក់ងារនៅក្នុងផ្លូវរបៀង និងបានទាមទារឱ្យពួកគេចាកចេញពីតុលាការ។ សាក្សីជាច្រើននាក់ រួមទាំងអនុ្រធានបន្ទប់សវនាការរបស់ Dugan ព្រះរាជអាជ្ញាម្នាក់ និងអ្នកឯកទេសជនរងគ្រោះសាក្សីម្នាក់ បានរាយការណ៍ថា Dugan បានណែនាំឱ្យ Flores-Ruiz និងមេធាវីរបស់គាត់ចេញតាម “ទ្វារគណៈវិនិច្ឆ័យ” ដែលនាំទៅកាន់តំបន់មិនសាធារណៈនៃតុលាកា។ សាក្សីម្នាក់បានលើកឡើងថា Dugan បានបញ្ឈប់ពួកគេពីការប្រើប្រាស់ច្រកចេញធម្មតា ដោយនិយាយអ្វីមួយដូចជា “ចាំ មកជាមួយខ្ញុំ។” ភ្នាក់ងារសហព័ន្ធចុងក្រោយបានរកឃើញ Flores-Ruiz នៅខាងក្រៅតុលាការ ជាកន្លែងដែលគាត់បានព្យាយាមគេចខ្លួនមុនពេលត្រូវចាប់ខ្លួន។ នាយក […]

ប្រែសម្រួល៖ រតនា អាជ្ញាធររុស្ស៊ីគឺកំពុងតែបើកការស៊ើបអង្កេតយ៉ាងល្អិនល្អន់ទៅលើករណីលួចបំផ្ទុះគ្រាប់បែកកែច្នៃនៅក្នុងរថយន្តសម្លាប់ឧត្តមសេនីយ៍ជាន់ខ្ពស់យោធាម្នាក់ទៀតនៅជាយក្រុងម៉ូស្គូកាលពីថ្ងៃសុក្រទី២៥ មេសាឆ្នាំ២០២៥នេះ។ សូមបញ្ជាក់ថា ឧត្តមសេនីយ៍រុស្ស៊ីម្នាក់បានស្លាប់ក្នុងការបំផ្ទុះគ្រាប់បែកក្នុងឡាននៅក្រុងបាឡាស៊ីខាក្នុងប្រទេសរុស្ស៊ីកាលពីថ្ងៃសុក្រ ដោយអាជ្ញាធរបានឲ្យដឹងថា ព័ត៌មាននៃការផ្ទុះនេះបានចេញផ្សាយភ្លាមៗមុនពេលលោក ស្ទីវ វីតខូហ្វ តំណាងពិសេសរបស់ប្រធានាធិបតីសហរដ្ឋអាមេរិក ដូណាល់ ត្រាំ ទៅជួបជាមួយលោក វ្លាឌីមៀរ ពូទីន ប្រមុខដឹកនាំរុស្ស៊ីនៅក្នុងក្រុងម៉ូស្គូ។ វីតខូហ្វតំណាងពិសេសរបស់ត្រាំ ស្ថិតនៅក្នុងរដ្ឋធានីរុស្ស៊ីសម្រាប់ការចរចាសំខាន់ៗអំពីសក្តានុពលនៃការបញ្ឈប់បាញ់នៅអ៊ុយក្រែន ខណៈពេលដែលការកំណត់ពេលវេលាដោយលោកត្រាំខ្លួនឯងក្នុងការបញ្ចប់សង្រ្គាមក្នុងរយៈពេល១០០ថ្ងៃដំបូងនៃអាណត្តិប្រធានាធិបតីរបស់គាត់កំពុងខិតជិតមកដល់។ ឧត្តមសេនីយ៍ យ៉ារូស្លាវ ម៉ូស្កាលិក អនុប្រធាននាយកដ្ឋានប្រតិបត្តិការសំខាន់ៗនៃសេនាធិការទូទៅនៃកងកម្លាំងប្រដាប់អាវុធរុស្ស៊ី ត្រូវបានប្រកាសថា ត្រូវបានគេលួចសម្លាប់ក្នុងការផ្ទុះឡាន Volkswagen Golf មួយគ្រឿងក្នុងក្រុងបាឡាស៊ីខា ដែលស្ថិតនៅចម្ងាយតិចជាង ២០ ម៉ាយ ភាគខាងកើតក្រុងម៉ូស្គូ។ គណៈកម្មាធិការស៊ើបអង្កេតរុស្ស៊ីដែលបានបង្កើតឡើងបានអះអាងពីការស្លាប់របស់លោកម៉ូស្កាលិក ដោយបន្ថែមថា ការផ្ទុះនេះបណ្តាលមកពីគ្រាប់បែកកែច្នៃនៅក្នុងស្រុកដែលមានផ្ទុកជាមួយកំទេចសម្ភារៈ។ គិតមកត្រឹមថ្ងៃទី២៦មេសា គ្មាននរណាម្នាក់ចេញមុខទទួលខុសត្រូវចំពោះការលបលួចធ្វើឃាតទៅលើមន្រ្តីយោធាជាន់ខ្ពស់នេះនៅឡើយទេ។ ការវាយប្រហារលើកក្រោយនេះហាក់ដូចជាស្រដៀងគ្នាទៅនឹងឃាតកម្មលើមន្ត្រីរុស្ស៊ីកំពូលៗពីមុន រួមទាំងឃាតកម្មលើឧត្តមសេនីយ៍ទោ អ៊ីហ្គរ គីរីឡូវ ឧត្តមសេនីយ៍ជាន់ខ្ពស់រុស្ស៊ីម្នាក់ដែលត្រូវបានចោទប្រកាន់ពីការរៀបចំការប្រើប្រាស់អាវុធគីមីនៅសមរភូមិប្រយុទ្ធក្នុងប្រទេសអ៊ុយក្រែនដែរ។ គួរបញ្ជាក់ដែរថា លោកគីរីឡូវ ដែលជាមេដឹកនាំកងកម្លាំងការពារវិទ្យុសកម្ម ជីវសាស្ត្រ និងគីមីរបស់ប្រទេសរុស្ស៊ី ត្រូវបានសម្លាប់ក្នុងខែធ្នូឆ្នាំ២០២៤ បន្ទាប់ពីគ្រាប់បែកដែលត្រូវបានដាក់នៅក្នុងកង់អគ្គិសនីមួយដែលបញ្ជាពីចម្ងាយ បានផ្ទុះនៅខាងក្រៅអគារផ្ទះល្វែងមួយក្នុងក្រុងម៉ូស្គូតែម្តង។ ប្លក់យោធារុស្ស៊ីមានឥទ្ធិពលដែលមានឈ្មោះថា Rybar បាននិយាយថា ចំណែកលោកម៉ូស្កាលិកដែលស្លាប់ថ្មីៗនេះគឺមិនស្ថិតក្នុងឡាននៅពេលដែលវាផ្ទុះទេ […]

ប្រែសម្រួល៖ស-សម្បត្តិ ឧត្តមសេនីយ៍រុស្ស៊ីជាន់ខ្ពស់ម្នាក់បានស្លាប់ក្នុងការបំផ្ទុះគ្រាប់បែកក្នុងឡាននៅក្រុងបាឡាស៊ីខាក្នុងប្រទេសរុស្ស៊ីកាលពីថ្ងៃសុក្រ ដោយអាជ្ញាធរបានឲ្យដឹងថា ព័ត៌មាននៃការផ្ទុះនេះបានចេញផ្សាយភ្លាមៗមុនពេលលោក ស្ទីវ វីតខូហ្វ អ្នកតំណាងពិសេសរបស់ប្រធានាធិបតីសហរដ្ឋអាមេរិក ដូណាល់ ត្រាំ ទៅជួបជាមួយលោក វ្លាឌីមៀរ ពូទីន ប្រមុខដឹកនាំរុស្ស៊ីនៅក្នុងក្រុងម៉ូស្គូ។ វីតខូហ្វស្ថិតនៅក្នុងរដ្ឋធានីរុស្ស៊ីសម្រាប់ការចរចាសំខាន់ៗអំពីសក្តានុពលនៃការបញ្ឈប់បាញ់នៅអ៊ុយក្រែន ខណៈពេលដែលការកំណត់ពេលវេលាដោយលោកត្រាំខ្លួនឯងក្នុងការបញ្ចប់សង្រ្គាមក្នុងរយៈពេល១០០ថ្ងៃដំបូងនៃអាណត្តិប្រធានាធិបតីរបស់គាត់កំពុងខិតជិតមកដល់។ អ្នកតំណាងពិសេសនេះត្រូវបានទទួលដោយលោកពូទីននៅក្នុងវិមានក្រឹមឡាំងនាពេលរសៀលថ្ងៃសុក្រ ដោយទីភ្នាក់ងារព័ត៌មានរដ្ឋរុស្ស៊ី Tass បានរាយការណ៍ថា វីតខូហ្វក៏បានជួបជាមួយលោក គីរីល ឌីមីទ្រីយេវ អ្នកចរចាជាន់ខ្ពស់របស់រុស្ស៊ីផងដែរ។ លោកឌីមីទ្រីយេវ និងលោកយូរី អ៊ូសាខូវ ជំនួយការប្រធានាធិបតីរុស្ស៊ី និងជាអតីតឯកអគ្គរដ្ឋទូតរុស្ស៊ីប្រចាំវ៉ាស៊ីនតោន បានចូលរួមក្នុងកិច្ចប្រជុំជាមួយលោកពូទីន ដូចបានរាយការណ៍ដោយទីភ្នាក់ងារ Tass។ នេះគឺជាដំណើរទស្សនកិច្ចលើកទីបួនរបស់លោកវីតខូហ្វមកប្រទេសរុស្ស៊ីចាប់តាំងពីលោកត្រាំវិលត្រឡប់មកចូលកាន់ដំណែងក្នុងខែមករា និងជាដំណើរទស្សនកិច្ចលើកទីពីរក្នុងខែនេះ។ លោក សែរហ្ការ ឡាវរូវ រដ្ឋមន្ត្រីការបរទេសរុស្ស៊ីបាននិយាយថា ក្រុងម៉ូស្គូ “រួចរាល់ដើម្បីឈានដល់កិច្ចព្រមព្រៀង” ក្នុងការបញ្ចប់សង្រ្គាមនៅអ៊ុយក្រែន ក្នុងបទសម្ភាសន៍ជាមួយទូរទស្សន៍ CBS កាលពីថ្ងៃព្រហស្បតិ៍ ប៉ុន្តែបានបន្ថែមថា នៅមានចំណុចជាក់លាក់មួយចំនួនដែលត្រូវការ “កែតម្រូវបន្តិចបន្តួច”។ កិច្ចប្រជុំដែលត្រូវបានរំពឹងទុកយ៉ាងខ្ពស់នៅថ្ងៃសុក្រ បានកើតឡើងភ្លាមៗបន្ទាប់ពីការប្រកាសថា ឧត្តមសេនីយ៍ យ៉ារូស្លាវ ម៉ូស្កាលិក អនុប្រធាននាយកដ្ឋានប្រតិបត្តិការសំខាន់ៗនៃសេនាធិការទូទៅនៃកងកម្លាំងប្រដាប់អាវុធរុស្ស៊ី ត្រូវបានសម្លាប់ក្នុងការផ្ទុះឡាន Volkswagen Golf […]

ប្រែសម្រួល៖ស-សម្បត្តិ បាងកក៖ មន្រ្តីប៉ូលីសថៃប្រាំមួយនាក់បានស្លាប់នៅពេលយន្តហោះតូចមួយធ្លាក់ចូលទៅក្នុងសមុទ្រអំឡុងពេលហ្វឹកហាត់លោតឆត្រនៅជិតតំបន់រមណីយដ្ឋាននៅថ្ងៃសុក្រ (ថ្ងៃទី២៥ ខែមេសា) នេះ តាមការបញ្ជាក់របស់ប៉ូលីស។ គ្រោះថ្នាក់នេះបានកើតឡើងប្រហែលម៉ោង៨ព្រឹក  នៅឆ្នេរខេត្តប្រជួបគិរីខន្ធ ភាគខាងត្បូងរាជធានីបាងកក។ អ្នកនាំពាក្យប៉ូលីស លោក អាឆាយ៉ន ក្រៃថុង បានមានប្រសាសន៍ថា មន្រ្តីប៉ូលីសប្រាំនាក់ក្នុងចំណោមមន្រ្តីទាំងប្រាំមួយនាក់ដែលជិះយន្តហោះនោះបានស្លាប់នៅនឹងកន្លែងកើតហេតុតែម្តង។ មន្រ្តីទី៦បានស្លាប់នៅពេលក្រោយក្នុងមន្ទីរពេទ្យ ដូចបានបញ្ជាក់ក្នុងសេចក្តីថ្លែងការណ៍របស់អគ្គស្នងការដ្ឋាននគរបាលថៃនៅលើហ្វេសប៊ុក។ អាជ្ញាធរកំពុងពិនិត្យទិន្នន័យប្រអប់ខ្មៅរបស់យន្តហោះដើម្បីកំណត់មូលហេតុនៃគ្រោះថ្នាក់នេះ។ ប្រព័ន្ធផ្សព្វផ្សាយថៃបានរាយការណ៍ថា យន្តហោះបានធ្លាក់ប្រហែល១០០ម៉ែត្រពីឆ្នេរនៅស្រុកឆាអាម ដែលជាតំបន់កម្សាន្តដ៏ពេញនិយមសម្រាប់ចុងសប្តាហ៍ ប្រហែល១៣០គីឡូម៉ែត្រភាគនិរតីនៃរាជធានី។ វីដេអូដែលបានចែករំលែកលើបណ្តាញសង្គមបង្ហាញពីយន្តហោះវិលមុនពេលធ្លាក់ចូលទៅក្នុងសមុទ្រ ដោយអ្នកខ្លះដើរលុយទឹកជ្រៅដល់ទ្រូងដើម្បីទៅដល់កន្លែងកើតហេតុ។ ប្រធានប៉ូលីស លោក គីត្រាត ផានផេត បានសន្យាធ្វើការស៊ើបអង្កេតពេញលេញ។ “អគ្គស្នងការដ្ឋាននគរបាលថៃសូមសម្តែងការសោកស្តាយយ៉ាងជ្រាលជ្រៅចំពោះមន្រ្តីដ៏ក្លាហានដែលបានបាត់បង់ជីវិត” សេចក្តីថ្លែងការណ៍បានបញ្ជាក់៕ ប្រភព៖ AFP/dc

ប្រែសម្រួល៖ស-សម្បត្តិ រដ្ឋាភិបាលលោក ត្រាំ បានស្នើក្របខណ្ឌសម្រាប់បញ្ចប់សង្គ្រាមនៅអ៊ុយក្រែន ដែលបានធ្វើឱ្យសម្ព័ន្ធមិត្តអាមេរិកមានការព្រួយបារម្ភយ៉ាងខ្លាំង ដោយសារវាតម្រូវឱ្យអ៊ុយក្រែនបោះបង់ទឹកដីសំខាន់ៗឱ្យរុស្ស៊ី រួមទាំងការទទួលស្គាល់របស់អាមេរិកថាឧបទ្វីបគ្រីមៀជាដែនដីរុស្ស៊ី។ អនុប្រធានាធិបតី ជេឌី វេនស៍ បានស្នើឱ្យ “បង្កក​ខ្សែព្រំដែនទឹកដី” នៅជិតទីតាំងបច្ចុប្បន្ន ខណៈដែលលោក ត្រាំ បានចាត់ទុកការសម្របសម្រួលរបស់រុស្ស៊ីគ្រាន់តែជា “ការបញ្ឈប់សង្គ្រាម” ជាជាង “ការយកប្រទេសទាំងមូល”។ អ្នកការទូតសម្ព័ន្ធមិត្តជាច្រើនបានព្រមានថា វិធីសាស្ត្រនេះអាចផ្ញើសារគ្រោះថ្នាក់មួយដែលការឈ្លានពានខុសច្បាប់នឹងត្រូវបានផ្តល់រង្វាន់ ដែលជាការលើកទឹកចិត្តដល់មេដឹកនាំផ្ដាច់ការលោកពូទីន។ សម្ព័ន្ធមិត្តនៅអឺរ៉ុបនិងអាស៊ីបានបង្ហាញថា ការដោះស្រាយបែបនេះនឹងធ្វើឱ្យប៉ះពាល់ដល់គោលការណ៍មូលដ្ឋាននៃច្បាប់អន្តរជាតិ និងគំរាមកំហែងសន្តិសុខប្រទេសផ្សេងទៀត។ ទោះបីជាអ្នកចរចារាយការណ៍ពីការរីកចម្រើនខ្លះនៅក្នុងការពិភាក្សាថ្មីៗនេះ ដោយអ៊ុយក្រែនបង្ហាញភាពបត់បែន អ្នកនយោបាយអ៊ុយក្រែនបានបង្ហាញថា ការបោះបង់ដីធ្លីសំខាន់ៗណាមួយនឹងប្រឈមនឹងការបដិសេធក្នុងស្រុក។ អ្នករិះគន់បានពិពណ៌នាអំពីវិធីសាស្ត្រការទូតរបស់អាមេរិកថាជា “តាមតែនឹកឃើញ” “គ្មានទិសដៅ” និងផ្តោតសំខាន់លើការបញ្ចប់ជម្លោះយ៉ាងឆាប់រហ័ស ជាជាងការអនុវត្តដំណោះស្រាយយុទ្ធសាស្ត្រដែលមាននិរន្តរភាព៕

ប្រែសម្រួល៖ ស-សម្បត្តិ អគ្គលេខាធិការអង្គការណាតូ លោក Mark Rutte នឹងប្រើប្រាស់ដំណើរទស្សនកិច្ចរបស់លោកទៅកាន់សហរដ្ឋអាមេរិកនៅថ្ងៃព្រហស្បតិ៍ទី២៤ ខែមេសា ដើម្បីជំរុញរដ្ឋបាលប្រធានាធិបតី Donald Trump មិនឱ្យដាក់សម្ពាធលើប្រទេសអ៊ុយក្រែនឱ្យទទួលយកកិច្ចព្រមព្រៀងសន្តិភាពដែលផ្ទុយពីឆន្ទៈរបស់ខ្លួន។ ប្រភព៖ កាសែត Financial Times ដូចដែលបានរាយការណ៍ដោយ European Pravda ព័ត៌មានលម្អិត៖ ប្រភពព័ត៌មានចំនួនបីនាក់ដែលបាននិយាយជាមួយ FT បានឱ្យដឹងថាលោក Rutte រំពឹងថានឹងជួបជាមួយរដ្ឋមន្ត្រីការពារជាតិអាមេរិក Pete Hegseth រដ្ឋមន្ត្រីការបរទេស Marco Rubio និងទីប្រឹក្សាសន្តិសុខជាតិ Michael Waltz។ ប្រភពព័ត៌មានបានឱ្យដឹងថា ប្រមុខអង្គការណាតូនឹងលើកឡើងថា មិនគួរមានកិច្ចព្រមព្រៀងសន្តិភាពណាមួយដោយមិនគិតពីផលប្រយោជន៍របស់អ៊ុយក្រែនឡើយ ព្រោះវានឹងពង្រឹងរុស្ស៊ីតែប៉ុណ្ណោះ។ លោកក៏នឹងសង្កត់ធ្ងន់ផងដែរថា ការដាក់ចេញនូវដំណោះស្រាយមួយដែលអំណោយផលជាចម្បងដល់ទីក្រុងម៉ូស្គូ អាចបង្កគ្រោះថ្នាក់ដល់សន្តិសុខរបស់អឺរ៉ុបទាំងមូល ។ «សារសំខាន់គឺការធ្វើឱ្យជនជាតិអាមេរិកយល់ពីអ្វីដែលកំពុងស្ថិតក្នុងគ្រោះថ្នាក់» អ្នកការទូតណាតូម្នាក់បានប្រាប់កាសែតដោយមិនបញ្ចេញអត្តសញ្ញាណ។ លោក Rutte ក៏នឹងពិភាក្សាផងដែរអំពីរបៀបសម្របសម្រួលឱ្យបានល្អបំផុតនូវការផ្លាស់ប្តូរបន្ទុកការពារជាតិភាគច្រើនរបស់ណាតូពីសហរដ្ឋអាមេរិកទៅកងកម្លាំងប្រដាប់អាវុធអឺរ៉ុប។ រដ្ឋបាលរបស់លោក Trump ត្រូវបានរាយការណ៍ថាបានផ្តល់ឱ្យអ៊ុយក្រែននូវឯកសារមួយទំព័រ ដែលត្រូវបានពិពណ៌នាថាជា «សំណើចុងក្រោយ» សម្រាប់កិច្ចព្រមព្រៀងសន្តិភាព នៅទីក្រុងប៉ារីសកាលពីសប្តាហ៍មុន។ ក្នុងចំណោមបទប្បញ្ញត្តិផ្សេងទៀត សហរដ្ឋអាមេរិកត្រៀមខ្លួនរួចរាល់ក្នុងការទទួលស្គាល់ការគ្រប់គ្រងរបស់រុស្ស៊ីលើឧបទ្វីបគ្រីមៀនៅអ៊ុយក្រែន […]

ប្រែសម្រួល៖ស-សម្បត្តិ រុស្ស៊ីបានបើករលកវាយប្រហារដ៏សាហាវនៅលើទីក្រុងគីវ កាលពីព្រឹកថ្ងៃព្រហស្បតិ៍ ប៉ុន្មានម៉ោងបន្ទាប់ពីប្រធានាធិបតីសហរដ្ឋអាមេរិកលោក ដូណាល់ ត្រាំ បានចោទប្រកាន់សមភាគីអ៊ុយក្រែនរបស់លោកថាបានធ្វើឱ្យខូចដល់ការចរចាសន្តិភាព ក្នុងការវាយប្រហារថ្មីទៅលើលោក វ៉ូឡូឌីមៀរ ហ្សេឡេនស្គី។ ការវាយប្រហារដោយដ្រូននិងមីស៊ីលបានចំទីតាំង១៣កន្លែង រួមទាំងអគារលំនៅដ្ឋានផងដែរ នៅទូទាំងរដ្ឋធានីអ៊ុយក្រែន ដែលបានសម្លាប់មនុស្សយ៉ាងតិច៩នាក់ និងរបួសជាង៧០នាក់ផ្សេងទៀត យោងតាមសេវាសង្គ្រោះបន្ទាន់របស់អ៊ុយក្រែន។ បន្ទាប់ពីការវាយប្រហារនេះ លោកហ្សេឡេនស្គីបានប្រកាសថា លោកនឹងកាត់បន្ថយរយៈពេលនៃដំណើរទស្សនកិច្ចរបស់លោកទៅអាហ្វ្រិកខាងត្បូង ដែលលោកទើបតែបានចុះចតនៅទីនោះនាយប់ថ្ងៃពុធ ដើម្បីត្រឡប់ទៅអ៊ុយក្រែនវិញ។ អ្នកផលិតព័ត៌មានរបស់ CNN នៅក្នុងទីក្រុងគីវបានឮសីរែននៃការវាយប្រហារតាមអាកាសរន្ទឺពេញទាំងទីក្រុងអស់រយៈពេលប្រមាណ៦ម៉ោង នៅពេលព្រឹកដំបូងនៃថ្ងៃព្រហស្បតិ៍នេះ។ រូបភាពដែលផ្តល់ដោយសេវាសង្គ្រោះបន្ទាន់បានបង្ហាញអគារដែលត្រូវបានព័ទ្ធដោយអណ្តាតភ្លើងនៅតាមទីតាំងមួយចំនួនដែលត្រូវបានវាយប្រហារ។ អ្នកសង្គ្រោះ និងសត្វឆ្កែជួយស្រាវជ្រាវកំពុងស្វែងរកមនុស្សដែលគេជឿថាជាប់នៅក្រោមដុំបាក់បែកនៃផ្ទះដែលត្រូវបានបំផ្លាញដោយការវាយប្រហារក្នុងស្រុកស្វីអាតូស៊ីន នេះបើតាមរដ្ឋមន្ត្រីក្រសួងមហាផ្ទៃអ៊ុយក្រែន លោក អ៊ីហ័រ ក្លីមេនកូ។ “មានព័ត៌មានអំពីកុមារពីរនាក់ដែលនៅតែមិនអាចរកឃើញនៅឯហេតុការណ៍នោះ” លោក ក្លីមេនកូ បាននិយាយ ដោយបន្ថែមថាស្ថានភាពគឺ “ខ្លោចផ្សា”។ អភិបាលក្រុង លោក វីតាលី ក្លីតស្កូ បានអំពាវនាវឲ្យប្រជាជនស្វែងរកទីជម្រក។ រដ្ឋបាលយោធាទីក្រុងគីវបានផ្សាយសារបញ្ជាក់ថាមានសុវត្ថិភាពតាំងពីពេលនោះមក។ យ៉ាងហោចណាស់មានមនុស្ស៤២នាក់ត្រូវបានបញ្ជូនទៅមន្ទីរពេទ្យ រួមទាំងកុមារ៦នាក់ផងដែរ យោងតាមសេវាសង្គ្រោះបន្ទាន់របស់អ៊ុយក្រែន។ លោក ក្លីមេនកូ បាននិយាយថា មានតំបន់៨នៅក្នុងប្រទេសត្រូវបានគេកំណត់គោលដៅក្នុងអ្វីដែលលោកហៅថា “ការវាយប្រហាររួមគ្នាយ៉ាងខ្លាំងរបស់រុស្ស៊ី” ដែលបានបុកទីក្រុងគីវ ហ្ស៊ីតូមៀរ ដនីប្រូ […]

ប្រែសម្រួល៖ ស-សម្បត្តិ ប្រធានាធិបតីដូណាល់ ត្រាំ បានរិះគន់យ៉ាងខ្លាំងចំពោះប្រធានាធិបតីអ៊ុយក្រែន វ៉ូឡូឌីមៀរ ហ្សេឡេនស្គី កាលពីថ្ងៃពុធ ចំពោះមតិយោបល់របស់គាត់ដែលថាអ៊ុយក្រែននឹងមិនទទួលស្គាល់ការគ្រប់គ្រងរបស់រុស្ស៊ីលើឧបទ្វីបគ្រីម៉េ ដោយចាត់ទុកសេចក្តីថ្លែងការណ៍នេះថា “ធ្វើឱ្យខូចខាតយ៉ាងខ្លាំងដល់ការចរចាសន្តិភាពជាមួយរុស្ស៊ី”។ “វាជាសេចក្តីថ្លែងការណ៍ដែលបង្កឱ្យមានការឆាបឆេះដូចជាការថ្លែងរបស់ហ្សេឡេនស្គី ធ្វើឱ្យការបញ្ចប់សង្គ្រាមនេះកាន់តែពិបាក។ គាត់គ្មានអ្វីដែលត្រូវអួតឡើយ! ស្ថានភាពរបស់អ៊ុយក្រែនគឺធ្ងន់ធ្ងរណាស់ — គាត់អាចទទួលបានសន្តិភាព ឬក៏ប្រយុទ្ធបន្តទៀតរយៈពេលបីឆ្នាំ មុនពេលបាត់បង់ប្រទេសទាំងមូល” គាត់បានបង្ហោះនៅលើបណ្តាញ Truth Social ។ ការសម្រេចចិត្តណាមួយក្នុងការទទួលស្គាល់ការគ្រប់គ្រងរបស់រុស្ស៊ីលើឧបទ្វីបគ្រីម៉េ នឹងបញ្ច្រាសគោលនយោបាយរបស់សហរដ្ឋអាមេរិកអស់រយៈពេលមួយទសវត្សរ៍ និងអាចធ្វើឱ្យប៉ះពាល់ដល់ការឯកភាពគ្នាទូទៅបន្ទាប់ពីសង្គ្រាមលោកលើកទីពីរ ដែលថាព្រំដែនអន្តរជាតិមិនគួរត្រូវបានផ្លាស់ប្តូរដោយការប្រើកម្លាំងឡើយ។ មីស៊ីលរុស្ស៊ីបានវាយប្រហារលើទីក្រុងគៀវ របស់អ៊ុយក្រែន និងទីក្រុងធំបំផុតទីពីរ ខាឃីវ ប៉ុន្មានម៉ោងក្រោយការបង្ហោះរបស់លោកត្រាំ អាជ្ញាធរអ៊ុយក្រែនបានឱ្យដឹងថា មានមនុស្សយ៉ាងហោចណាស់ម្នាក់បានស្លាប់ និងប្រមាណ ៥០ នាក់រងរបួសក្នុងការវាយប្រហារចុងក្រោយបំផុត។ មតិយោបល់របស់លោកត្រាំបានកើតឡើងបន្ទាប់ពីការប្រជុំនៅទីក្រុងឡុងដ៍ដែលមានគោលបំណងនាំមកនូវការបញ្ចប់សង្គ្រាមរបស់រុស្ស៊ីនៅអ៊ុយក្រែន ត្រូវបានកាត់បន្ថយកម្រិតសារៈសំខាន់ បន្ទាប់ពីរដ្ឋមន្ត្រីការបរទេសអាមេរិក ម៉ាកូ រូប៊ីអូ បាននិយាយថា គាត់នឹងមិនចូលរួមទេ។ លោករូប៊ីអូត្រូវបានរំពឹងថានឹងចូលរួមក្នុងការពិភាក្សាជាមួយមន្ត្រីអ៊ុយក្រែន ចក្រភពអង់គ្លេស និងអឺរ៉ុប ប៉ុន្តែអ្នកនាំពាក្យក្រសួងការបរទេស តេមី ប្រូស បាននិយាយកាលពីថ្ងៃអង្គារថា គាត់នឹងលែងចូលរួមដោយសារ “បញ្ហាភស្តុភារ” ទោះបីជាមន្ត្រីអាមេរិកម្នាក់ និងអ្នកការទូតអឺរ៉ុបពីររូបដែលស្គាល់ព័ត៌មាននេះបាននិយាយថា […]

ប្រែសម្រួល៖ លន​ ស្រស់ មុំបៃ៖ ប្រទេសឥណ្ឌាបានចាប់ផ្តើមបង្កើនការទិញប្រេងដូងបន្ទាប់ពីការផ្អាករយៈពេលប្រាំខែ ដោយសារការធ្លាក់ចុះតម្លៃបានធ្វើឱ្យប្រេងដូងមានតម្លៃថោកជាងប្រេងសណ្តែកសៀងដែលជាគូប្រជែង ជំរុញឱ្យក្រុមហ៊ុនចម្រាញ់ប្រេងធ្វើការបញ្ជាទិញដើម្បីបំពេញស្តុកឡើងវិញ នេះបើតាមការប្រាប់របស់ឈ្មួញ កណ្តាលបួនរូបដល់សារព័ត៌មាន Reuters។ ការទិញកាន់តែច្រើនដោយប្រទេសឥណ្ឌា ដែលជាអ្នកទិញប្រេងដូងធំជាងគេបំផុតនៅលើពិភពលោក នឹងជួយទ្រទ្រង់ថ្លៃប្រេងដូងម៉ាឡេស៊ី ដែលបានធ្លាក់ចុះជាង ១០ ភាគរយមកហើយក្នុងឆ្នាំ ២០២៥។ លោក សាន់ឌីប បាចូរៀ នាយកប្រតិបត្តិនៃក្រុមហ៊ុន Sunvin Group ដែលជាឈ្មួញកណ្តាលប្រេងរុក្ខជាតិបានលើកឡើងថា “ជនជាតិឥណ្ឌាបានកាត់បន្ថយការទិញប្រេងដូង ព្រោះវាមានតម្លៃថ្លៃពេក។ ប៉ុន្តែឥឡូវនេះវាមានតម្លៃថោកជាងប្រេងសណ្តែកសៀង ក្រុមហ៊ុនចម្រាញ់ប្រេងកំពុងធ្វើការបញ្ជាទិញ”។ បច្ចុប្បន្ន ប្រេងដូងឆៅ (CPO) កំពុងត្រូវបានផ្តល់ជូនក្នុងតម្លៃប្រមាណ ១.០៥០ ដុល្លារក្នុងមួយតោន រួមទាំងថ្លៃដើម ការធានារ៉ាប់រង និងការដឹកជញ្ជូន (CIF) នៅប្រទេសឥណ្ឌាសម្រាប់ការដឹកជញ្ជូនខែឧសភា បើប្រៀបធៀបទៅនឹងប្រមាណ ១.១០០ ដុល្លារសម្រាប់ប្រេងសណ្តែកសៀងឆៅ នេះបើតាមការប្រាប់របស់ឈ្មួញកណ្តាល។ អ្នកទិញឥណ្ឌាបានចាប់ផ្តើមកាត់បន្ថយការទិញចាប់ពីខែធ្នូ នៅពេលដែលបុព្វលាភប្រេងដូងលើប្រេងសណ្តែកសៀងកើនឡើងលើស ១០០ ដុល្លារ។ ប្រទេសឥណ្ឌានាំចូលប្រេងដូងចំនួន ១,៥៧ លានតោនពីខែធ្នូដល់ខែមីនា។ ការដឹកជញ្ជូនសម្រាប់ខែមេសាត្រូវបានគេរំពឹងថានឹងមានប្រមាណ ៣៥០.០០០ តោន ដែលធ្វើឱ្យការនាំចូលជាមធ្យមប្រចាំខែសម្រាប់រយៈពេលប្រាំខែមានចំនួន ៣៨៤.៧១២ […]

ប្រែសម្រួល៖ស-សម្បត្តិ ហុងកុង/វ៉ាស៊ីនតោន CNN — ប្រធានាធិបតីសហរដ្ឋអាមេរិក ដូណាល់ ត្រាំ បានបង្ហាញសញ្ញានៃការប្រែប្រួលជំហរអំពីសង្រ្គាមពាណិជ្ជកម្មជាមួយប្រទេសចិន នៅក្នុងបរិបទនៃភាពមិនស្ថិតស្ថេរនៃទីផ្សារ ដោយនិយាយថា ពន្ធគយខ្ពស់លើទំនិញចិននឹង “ចុះទាបគួរឱ្យកត់សម្គាល់ ប៉ុន្តែវានឹងមិនសូន្យទេ”។ សម្តីរបស់លោកត្រាំ ដែលធ្វើឡើងនៅក្នុងព្រឹត្តិការណ៍ព័ត៌មាននៅសេតវិមានកាលពីថ្ងៃអង្គារ ហាក់ដូចជាបង្ហាញពីការប្រែប្រួលសម្តីបន្ទាប់ពីការប្រកាសជំហររឹងមាំរយៈពេលប៉ុន្មានសប្តាហ៍ និងការសងសឹកទៅវិញទៅមក ដែលបានធ្វើឱ្យពន្ធគយលើប្រទេសចិនកើនឡើងលើសពី ១៤៥%។”១៤៥% គឺខ្ពស់ណាស់ ហើយវានឹងមិនខ្ពស់ដល់កម្រិតនោះទេ” លោកត្រាំបានថ្លែងនៅក្នុងការសួរ-ឆ្លើយជាមួយអ្នកកាសែតនៅក្នុងការិយាល័យពងក្រពើ។ “វានឹងមិនខ្ពស់ដល់កម្រិតនោះទេ។ វានឹងចុះទាបគួរឱ្យកត់សម្គាល់។ ប៉ុន្តែវានឹងមិនសូន្យទេ។” លោកត្រាំបានធ្វើអធិប្បាយនេះនៅពេលដែលត្រូវបានសួរអំពីមតិរបស់រដ្ឋមន្ត្រីរតនាគារ ស្កត ប៊េសេន្ត កាលពីពេលមុននៅថ្ងៃដដែល ដែលបាននិយាយថា អត្រាពន្ធគយខ្ពស់រវាងសហរដ្ឋអាមេរិក និងប្រទេសចិន បានបង្កឱ្យមានការហាមឃាត់ដោយប្រយោលលើពាណិជ្ជកម្មរវាងសេដ្ឋកិច្ចទាំងពីរ។ លោកប៊េសេន្តបានថ្លែងនៅក្នុងសន្និសីទវិនិយោគឯកជនដែលរៀបចំដោយ JP Morgan Chase ថា សង្រ្គាមពាណិជ្ជកម្មជាមួយចិនមិនអាចទ្រទ្រង់បានទេ ហើយលោករំពឹងថា ជម្លោះនឹងបន្ធូរបន្ថយនៅពេលខាងមុខឆាប់ៗនេះ។ មនុស្សម្នាក់ដែលស្គាល់បញ្ហានេះបានបញ្ជាក់ជាមួយ CNN។ ជំនួសឱ្យការកាត់ផ្តាច់ទាំងស្រុងរវាងសហរដ្ឋអាមេរិក និងចិន លោកប៊េសេន្តបានប្រាប់វិនិយោគិនថា គោលដៅគឺការធ្វើឱ្យមានតុល្យភាពពាណិជ្ជកម្មឡើងវិញ តាមប្រភពព័ត៌មានបានប្រាប់ CNN។ ការវាយតម្លៃនោះបានផ្តល់ជំរុញដល់ការកើនឡើងទីផ្សារវ៉លស្ត្រីតដែលបានចាប់ផ្តើមកាលពីថ្ងៃអង្គារ ដោយសន្ទស្សន៍ភាគហ៊ុនអាមេរិកទាំងបីធំៗបានឈានដល់កម្រិតខ្ពស់បំផុតប្រចាំថ្ងៃ បន្ទាប់ពីមតិរបស់លោកប៊េសេន្តត្រូវបានផ្សព្វផ្សាយជាសាធារណៈ។ ភាគហ៊ុនអាស៊ីក៏បានកើនឡើងផងដែរនៅថ្ងៃពុធ ដោយសន្ទស្សន៍ហាងឆេងនៃហុងកុងឈានមុខគេនៅក្នុងតំបន់។ វាបានកើនឡើង […]

ប្រែសម្រួល៖ រ៉ាម៉េត ការអនុវត្តពន្ធគយ “ថ្ងៃរំដោះ” របស់សហរដ្ឋអាមេរិកនៅថ្ងៃទី២ ខែមេសា បានជះឥទ្ធិពលយ៉ាងខ្លាំងដល់អាស៊ីអាគ្នេយ៍ ដែលជាតំបន់មួយបានរួមបញ្ចូលយ៉ាងខ្លាំងក្នុងខ្សែចង្វាក់តម្លៃពិភពលោក។ ទោះបីជាមានបញ្ហាប្រឈមសេដ្ឋកិច្ចនេះក៏ដោយ ប្រទេសអាស៊ានបានបង្ហាញពីការទប់ស្កាត់ដ៏គួរឱ្យកត់សម្គាល់ និងការមើលឃើញជាយុទ្ធសាស្ត្រក្នុងការឆ្លើយតបរបស់ពួកគេ ដោយផ្តល់មេរៀនសំខាន់ៗសម្រាប់ការរក្សាសណ្តាប់ធ្នាប់សេដ្ឋកិច្ចអន្តរជាតិដែលផ្អែកលើច្បាប់ ក្នុងអំឡុងពេលដែលការការពារពាណិជ្ជកម្មកំពុងកើនឡើង។ ការឆ្លើយតបដំបូងរបស់អាស៊ាន៖ វិធីសាស្ត្រប្រកបដោយការថ្លឹងថ្លែង ថ្នាក់ដឹកនាំមកពីឥណ្ឌូនេស៊ី ម៉ាឡេស៊ី និងសិង្ហបុរី បានប្រកាសភ្លាមៗថា ពួកគេនឹងមិនសងសឹកដោយការដាក់ពន្ធគយរបស់ពួកគេនោះទេ ដោយទទួលស្គាល់ថាសកម្មភាពបែបនេះនឹងបង្កើនតែតម្លៃសម្រាប់ប្រជាពលរដ្ឋរបស់ពួកគេប៉ុណ្ណោះ។ ការឆ្លើយតបនេះឆ្លុះបញ្ចាំងពីការយល់ដឹងយ៉ាងជ្រាលជ្រៅថា មហិច្ឆតាអភិវឌ្ឍន៍ វិបុលភាព និងសន្តិសុខរបស់ពួកគេអាស្រ័យលើសេដ្ឋកិច្ចបើកចំហដែលរួមបញ្ចូលគ្នាក្នុងប្រព័ន្ធសកល។ រដ្ឋមន្ត្រីសេដ្ឋកិច្ចអាស៊ានបានឯកភាពគ្នាជាមុននៅខែកុម្ភៈ ដើម្បីសហការគ្នាដោះស្រាយពន្ធគយរបស់សហរដ្ឋអាមេរិកដែលកំពុងលេចឡើង។ បន្ទាប់ពីការប្រកាសនៅថ្ងៃទី២ ខែមេសា ពួកគេបានរៀបចំកិច្ចប្រជុំពិសេសនៅថ្ងៃទី១០ ខែមេសា ដោយបង្កើតក្រុមការងារមួយដើម្បីតាមដានការវិវឌ្ឍន៍និងសម្របសម្រួលការឆ្លើយតបរួម។ កិច្ចប្រជុំថ្នាក់ដឹកនាំអាស៊ានពិសេសមួយត្រូវបានគ្រោងនៅដើមខែឧសភា ដែលបង្ហាញពីការប្តេជ្ញាចិត្តរបស់ក្រុមចំពោះសកម្មភាពរួម។ ការឆ្លើយតបដែលបានសម្របសម្រួលនេះ ចេញមកពីគោលការណ៍មូលដ្ឋានរបស់អាស៊ាន នៃភាពបើកចំហ សមភាព កិច្ចសហប្រតិបត្តិការ និងពហុភាគីនិយម ដែលជាគុណតម្លៃដែលបានណែនាំវិធីសាស្ត្ររបស់តំបន់ចំពោះទំនាក់ទំនងអន្តរជាតិ ទោះបីជាពេលខ្លះមានការអនុវត្តមិនល្អឥតខ្ចោះក៏ដោយ។ ជម្លោះពាណិជ្ជកម្មរវាងសហរដ្ឋអាមេរិក និងចិនដែលកំពុងកើនឡើង ខណៈពេលដែលការផ្អាក ៩០ ថ្ងៃលើពន្ធគយរបស់សហរដ្ឋអាមេរិកផ្តល់នូវការធូរស្បើយជាបណ្តោះអាសន្ន ការគំរាមកំហែងនៅតែមានទំហំធំនិងទំនងជានឹងកាន់តែខ្លាំងឡើង។ សហរដ្ឋអាមេរិក និងចិនបានបង្កើនអត្រាពន្ធគយយ៉ាងខ្លាំង ដល់ ១៤៥ ភាគរយលើការនាំចូលរបស់ចិនទៅសហរដ្ឋអាមេរិក និង ១២៥ […]