ប្រែសម្រួល៖ រតនា វ៉ាស៊ីនតោន៖ ប្រធានាធិបតីអាមេរិក ដូណាល់ ត្រាំ កាលពីថ្ងៃព្រហស្បតិ៍ បានច្រានចោលការរិះគន់ពីសម្ព័ន្ធមិត្តជិតស្និទ្ធ អេឡុន ម៉ាស់ ទាក់ទងនឹងគម្រោងបញ្ញាសិប្បនិម្មិតទឹកប្រាក់ ៥០០ ពាន់លានដុល្លារ ដែលលោកត្រាំបានប្រកាសនៅសេតវិមានកាលពីដើមសប្តាហ៍នេះ។ លោកត្រាំបានប្រកាសកាលពីថ្ងៃអង្គារថា ក្រុមហ៊ុន OpenAI ដែលជាអ្នកបង្កើត ChatGPT, SoftBank និង Oracle កំពុងគ្រោងបង្កើតសហគ្រាសរួមមួយឈ្មោះ Stargate ដែលនឹងសាងសង់មជ្ឈមណ្ឌលទិន្នន័យ និងបង្កើតការងារជាង ១០០.០០០ កន្លែងនៅសហរដ្ឋអាមេរិក។ លោក មាសាយូស៊ី សុន អគ្គនាយកក្រុមហ៊ុន SoftBank, លោក សែម អល់ត្មែន អគ្គនាយកក្រុមហ៊ុន OpenAI និងលោក ឡារី អេលីសុន ប្រធានក្រុមហ៊ុន Oracle បានចូលរួមជាមួយលោកត្រាំនៅសេតវិមានសម្រាប់ពិធីប្រកាស។ លោកម៉ាស់ អគ្គនាយកក្រុមហ៊ុន Tesla និងជាមហាសេដ្ឋីលេខមួយលើពិភពលោក ដែលក្លាយជាទីប្រឹក្សាជិតស្និទ្ធរបស់លោកត្រាំ គឺជាគូប្រជែងរបស់លោកអល់ត្មែន ហើយកំពុងមានវិវាទផ្លូវច្បាប់ជាមួយ OpenAI។ ក្នុងការប្រកាសនៅលើបណ្តាញ X កាលពីថ្ងៃពុធ […]

ប្រែសម្រួល៖ ស-សម្បត្តិ គណៈកម្មការមូលបត្រ និងបូរារដ្ឋអាមេរិក (SEC) បានលុបចោលកាលពីថ្ងៃព្រហស្បតិ៍នូវការណែនាំគណនេយ្យដែលឧស្សាហកម្មគ្រីបតូបានជំទាស់ជាយូរមកហើយ។ នេះជាជំហានដំបូងក្នុងការផ្លាស់ប្តូរគោលនយោបាយពីរដ្ឋបាលមុនរបស់ប្រធានាធិបតី Donald Trump និងជាជោគជ័យមួយសម្រាប់វិស័យគ្រីបតូ។ នៅក្នុងសេចក្តីជូនដំណឹងដែលបានបង្ហោះនៅលើគេហទំព័ររបស់ខ្លួន SEC បានឱ្យដឹងថា ការណែនាំឆ្នាំ ២០២២ ដែលស្គាល់ថាជា Staff Accounting Bulletin 121 ដែលប្រធានាធិបតី Joe Biden បានរារាំងសមាជិកសភាមិនឱ្យលុបចោលកាលពីខែឧសភាឆ្នាំមុន ត្រូវបានលុបចោល។ ឧស្សាហកម្មគ្រីបតូ និងសមាជិកសភាដែលគាំទ្រគ្រីបតូបានជំទាស់ជាយូរមកហើយចំពោះវិធានការនេះ ដែលតម្រូវឱ្យក្រុមហ៊ុនដែលថែរក្សាទ្រព្យសកម្មឌីជីថលជំនួសអ្នកដទៃ ត្រូវចាត់ទុកវាជាបំណុល ដែលធ្វើឱ្យថ្លៃដើមនៃការធ្វើបែបនេះកើនឡើង។ អតីតប្រធាន SEC លោក Gary Gensler ដែលបានលាលែងពីតំណែងកាលពីថ្ងៃចន្ទ បានអះអាងថា នេះជាការចាំបាច់ដើម្បីការពារវិនិយោគិនក្នុងករណីក្ស័យធន ដែលលោកថាកើតឡើងញឹកញាប់ក្នុងវិស័យនេះ។• ឧស្សាហកម្មធនាគារបានស្វាគមន៍ការដកចេញនូវការណែនាំនេះ លោកស្រី Paige Pidano Paridon សហប្រធានផ្នែកកិច្ចការនិយ័តកម្មនៃវិទ្យាស្ថានគោលនយោបាយធនាគារបានថ្លែងក្នុងសេចក្តីថ្លែងការណ៍ថា “សេចក្តីសម្រេចថ្ងៃនេះស្តារលទ្ធភាពរបស់ធនាគារក្នុងការបម្រើជាជម្រើសដែលគួរឱ្យទុកចិត្ត និងមានសុវត្ថិភាពសម្រាប់អតិថិជនដែលជ្រើសរើសថែរក្សាទ្រព្យសកម្មឌីជីថល”។ SEC បានប្រកាសនៅសប្តាហ៍នេះអំពីការបង្កើតក្រុមការងារគ្រីបតូដែលដឹកនាំដោយសមាជិកគណៈកម្មការជាសាធារណរដ្ឋ លោកស្រី Hester Peirce។ នៅក្នុងការបង្ហោះនៅលើវេទិកាប្រព័ន្ធផ្សព្វផ្សាយសង្គម X កាលពីថ្ងៃព្រហស្បតិ៍ […]

ប្រែសម្រួល៖ ស-សម្បត្តិ វ៉ាស៊ីនតោន៖ អ្នកគាំទ្រលោក Donald Trump រាប់រយនាក់ដែលកំពុងជាប់ពន្ធនាគារ ដោយសារការចូលរួមវាយប្រហារវិមានសភាអាមេរិកកាលពីថ្ងៃទី៦ ខែមករា ឆ្នាំ២០២១ ត្រូវបានដោះលែងកាលពីថ្ងៃអង្គារ (ថ្ងៃទី២១ ខែមករា) បន្ទាប់ពីប្រធានាធិបតីថ្មីបានលើកលែងទោសមនុស្សជាង១,៥០០នាក់ រួមទាំងអ្នកដែលបានវាយប្រហារមន្ត្រីប៉ូលិសផងដែរ។ មន្ទីរពន្ធនាគារសហព័ន្ធបានឱ្យដឹងថា មនុស្ស២១១នាក់ត្រូវបានដោះលែងពីមន្ទីរឃុំឃាំងសហព័ន្ធ បន្ទាប់ពីបទបញ្ជារបស់លោក Trump។ ការលើកលែងទោសទូលំទូលាយរបស់លោក Trump ដែលមានវិសាលភាពធំជាងការរំពឹងទុករបស់សម្ព័ន្ធមិត្តរបស់គាត់ ទទួលបានការថ្កោលទោសពីសំណាក់មន្ត្រីប៉ូលិសដែលបានប្រយុទ្ធប្រឆាំងនឹងហ្វូងមនុស្សចលាចល ក្រុមគ្រួសាររបស់ពួកគេ និងសមាជិកសភា រួមទាំងសមាជិកគណបក្សសាធារណរដ្ឋមួយចំនួនដែលជាគណបក្សរបស់ប្រធានាធិបតីផងដែរ។ យោងតាមការស្ទង់មតិរបស់ Reuters/Ipsos ដែលបានបញ្ចប់នៅថ្ងៃអង្គារ ប្រជាជនអាមេរិកភាគច្រើនមិនគាំទ្រការសម្រេចចិត្តរបស់លោក Trump ទេ។ សេចក្តីសម្រេចនេះក៏ត្រូវបានរិះគន់ដោយសមាគមប៉ូលិសភាតរភាព (FOP) ដែលជាសហជីពប៉ូលិសធំជាងគេនៅសហរដ្ឋអាមេរិក និងធ្លាប់គាំទ្រលោក Trump នៅក្នុងការបោះឆ្នោតឆ្នាំ២០២៤។ FOP និងសមាគមប្រធានប៉ូលិសអន្តរជាតិបានថ្លែងក្នុងសេចក្តីប្រកាសរួមថា ពួកគេ “មានការខកចិត្តយ៉ាងខ្លាំង” ចំពោះការលើកលែងទោសនេះ។ ក្នុងចំណោមអ្នកដែលត្រូវបានដោះលែង មានលោក Stewart Rhodes ដែលជាអតីតមេដឹកនាំក្រុមស្តាំនិយមជ្រុល Oath Keepers ដែលកំពុងជាប់ទោស១៨ឆ្នាំ បន្ទាប់ពីត្រូវបានរកឃើញថាមានទោសក្នុងការរៀបចំផែនការប្រើកម្លាំងដើម្បីរារាំងសភាមិនឱ្យបញ្ជាក់ការបរាជ័យរបស់លោក Trump ក្នុងឆ្នាំ២០២០ ចំពោះលោក […]

ប្រែសម្រួល៖តារា បើតាមបញ្ជាការដ្ឋានកងទ័ពអាកាសតៃវ៉ាន់ មន្ត្រីកងទ័ពអាកាសម្នាក់បានស្លាប់បន្ទាប់ពីត្រូវបានស្រូបចូលទៅក្នុងម៉ាស៊ីនយន្តហោះចម្បាំងមួយគ្រឿង កាលពីថ្ងៃអង្គារ ទី២១ ខែមករា ឆ្នាំ២០២៥។ ហេតុការណ៍នេះបានកើតឡើងនៅព្រឹកថ្ងៃអង្គារ នៅមូលដ្ឋានទ័ពអាកាសឈីង ឈួន កាង ក្នុងក្រុងតៃជុង។ បើតាមរបាយការណ៍ប្រព័ន្ធផ្សព្វផ្សាយក្នុងស្រុក យន្តហោះនោះគឺជាយន្តហោះការពារជាតិផលិតក្នុងស្រុក។ អាជ្ញាធរបានឱ្យដឹងថា មន្ត្រីជាស្ត្រីរូបនេះកំពុងធ្វើការត្រួតពិនិត្យចុងក្រោយជាប្រចាំលើយន្តហោះចម្បាំងដែលទើបចុះចត មុនពេលបិទម៉ាស៊ីន។ អាជ្ញាធរបានបន្ថែមថា ដោយ “មូលហេតុមិនច្បាស់លាស់” នាងត្រូវបានស្រូបចូលទៅក្នុងម៉ាស៊ីនខាងស្តាំនៃយន្តហោះនោះ។ នាងត្រូវបានបញ្ជូនទៅមន្ទីរពេទ្យជាបន្ទាន់ ប៉ុន្តែក្រោយមកត្រូវបានប្រកាសថាបានស្លាប់។ កងទ័ពអាកាសបានឱ្យដឹងថា ខ្លួនកំពុងស៊ើបអង្កេតរកមូលហេតុនៃគ្រោះថ្នាក់នេះ ដោយបន្ថែមថា ខ្លួននឹងធ្វើការពិនិត្យឡើងវិញយ៉ាងម៉ត់ចត់ដើម្បីទប់ស្កាត់ឧបទ្ទវហេតុបែបនេះកុំឱ្យកើតឡើងម្តងទៀត៕ ប្រភព៖CNA/rj(gs)

ប្រែសម្រួល៖ តារា អ្នកចូលរួមក្នុងពិធីផ្តល់តំណែងប្រធានាធិបតីសហរដ្ឋអាមេរិកជាធម្មតាមិនដូចគ្នានឹងការជួបជុំប្រចាំឆ្នាំនៃក្រុមមហាសេដ្ឋីពិភពលោកនៅទីក្រុងដាវ៉ូស ប្រទេសស្វីស ដែលបានចាប់ផ្តើមនៅថ្ងៃចន្ទនោះទេ ប៉ុន្តែភាពស្រដៀងគ្នាពិបាកនឹងមើលរំលងនៅពេលដែលលោក Donald Trump បានស្បថចូលកាន់តំណែងជាប្រធានាធិបតីសហរដ្ឋអាមេរិក។ មហាសេដ្ឋីល្បីៗបំផុតនៃពិភពលោកបានចូលរួមពិធីផ្តល់តំណែងរបស់លោក Trump នៅវ៉ាស៊ីនតោននាថ្ងៃចន្ទ និងពិធីជប់លៀងដ៏ប្រណីតដើម្បីអបអរជាមួយប្រធានាធិបតីថ្មី។ ក្នុងចំណោមអ្នកដែលអង្គុយនៅកន្លែងសំខាន់ៗ មានបុរសអ្នកមានបំផុតបីនាក់នៅលើពិភពលោក។ក្នុងនោះមានលោក Elon Musk លោក Jeff Bezos នាយកប្រតិបត្តិក្រុមហ៊ុន Amazon និងលោក Mark Zuckerberg នាយកប្រតិបត្តិក្រុមហ៊ុន Meta ដែលមានទ្រព្យសម្បត្តិសរុបជិត ៩០០ ពាន់លានដុល្លារ យោងតាម Forbes។ សម្រាប់អ្នកខ្លះ វត្តមាននៃមហាសេដ្ឋីពិភពលោកតំណាងឱ្យកំពូលនៃការវិលត្រឡប់មកកាន់អំណាចវិញរបស់លោក Trump នៅវ៉ាស៊ីនតោន បន្ទាប់ពីការប៉ុនប៉ងបដិសេធលទ្ធផលនៃការបោះឆ្នោតឆ្នាំ២០២០ ដែលលោកបានចាញ់លោក Jos Biden។ សម្រាប់អ្នកផ្សេងទៀត ឈរជាការព្រមានថាអាទិភាពរបស់រដ្ឋបាលថ្មីក្នុងឆ្នាំខាងមុខនឹងផ្តល់អត្ថប្រយោជន៍ដល់អ្នកដែលមានទំនាក់ទំនងល្អបំផុតតាមរយៈគោលនយោបាយពន្ធដារ ពលកម្ម ពាណិជ្ជកម្ម និងគោលនយោបាយផ្សេងទៀត។ អតីតប្រធានាធិបតី Jos Biden នៅក្នុងសុន្ទរកថាលាឈប់របស់លោកបានព្រមានអំពីការកើនឡើងនៃអំណាចក្រុមអភិជននៅសហរដ្ឋអាមេរិក ដែលគំរាមកំហែងដល់លទ្ធិប្រជាធិបតេយ្យ។ សមាជិកព្រឹទ្ធសភាអាមេរិក Elizabeth Warren ជាសមាជិកគណបក្សប្រជាធិបតេយ្យ បានកត់សម្គាល់ពីកន្លែងអង្គុយដ៏ល្អសម្រាប់នាយកប្រតិបត្តិក្រុមហ៊ុនបច្ចេកវិទ្យានៅក្នុងពិធីសផ្តល់តំណែង […]

ប្រែសម្រួល៖ស្រីស្រស់ ត្រីក៏មានអារម្មណ៍ដែរ – យ៉ាងហោចណាស់ក៏ត្រូវបានបង្ហាញតាមរយៈត្រីព្រះអាទិត្យដែលនៅឯកាមួយក្នុងកន្លែងចិញ្ចឹមត្រីនៅប្រទេសជប៉ុន។ អ្នកថែទាំសត្វនៅឯ Kaikyokan ក្នុងក្រុង Shimonoseki ភាគខាងត្បូងមានការព្រួយបារម្ភនៅពេលដែលត្រី Mambo ហាក់ដូចជាឈឺ បន្ទាប់ពីមជ្ឈមណ្ឌលនេះបានបិទទ្វារដើម្បីជួសជុលនៅដើមខែធ្នូ។ បុគ្គលិកបានចាត់វិធានការផ្សេងៗដើម្បីជួយសត្វនេះ ប៉ុន្តេទទួលបានលទ្ធផលតិចតួច។ ពួកគេដំបូងសង្ស័យថាមានប៉ារ៉ាស៊ីត និងបញ្ហារំលាយអាហារ ពេលដែល Mambo ឈប់ស៊ីខ្យងជ្រូក និងចាប់ផ្តើមត្រដុសខ្លួនទៅនឹងអាងអាគ្រីលិក ដូចដែលកាសែត Mainichi Shimbun បានរាយការណ៍។ ប៉ុន្តែការរីកចម្រើនបានកើតឡើងនៅពេលដែលបុគ្គលិកម្នាក់បានស្នើថា ត្រីព្រះអាទិត្យនេះប្រហែលជាឯកោដោយសារខ្វះអ្នកទស្សនា ដូចដែលជលវប្បដ្ឋានបានបង្ហោះនៅលើបណ្តាញសង្គមកាលពីដើមខែនេះ។ ទោះបីជាជឿជាក់ថាមាន “៩៩ ភាគរយ” ថានឹងមិនអាចដំណើរការបាន បុគ្គលិកបានតុបតែងអាងត្រីជាមួយរូបថតមុខមនុស្ស និងឯកសណ្ឋានជលវប្បដ្ឋាន។ រូបភាពដែលចែករំលែកដោយជលវប្បដ្ឋានបង្ហាញពីការកាត់រូបក្បាលដែលបិទនៅលើទ្រុង ជាមួយនឹងឯកសណ្ឋានដែលព្យួរលើដងព្យួរខោអាវ និងរបារ។ វាបានដំណើរការ – សុខភាពរបស់ Mambo បានប្រសើរឡើងនៅថ្ងៃបន្ទាប់តែម្តង។ “ខ្ញុំពិតជាមិនអាចជឿបានទេ ប៉ុន្តេត្រីដែលកំពុងតាំងបង្ហាញនាពេលបច្ចុប្បន្នមានការចង់ដឹងចង់ឃើញ និងតែងតែហែលមកជិតផ្នែកខាងមុខនៃអាងនៅពេលមានអ្នកទស្សនា” នេះបើតាមសម្តីជលវប្បដ្ឋាន ដោយបន្ថែមថាវាអាចទៅរួចដែលការបាត់អ្នកទស្សនាភ្លាមៗពិតជាប៉ះពាល់ដល់សុខភាព។ ដោយសារការសង្កេតបន្ថែម និងការគ្រវីដៃកាន់តែច្រើនពីបុគ្គលិក សុខភាពរបស់ Mambo បានត្រលប់មកធម្មតាវិញ។ នៅមានពេលវេលាខ្លះទៀតមុនពេលត្រីនេះនឹងទទួលបានចរន្តអ្នកទស្សនាជាក់ស្តែងជាទៀងទាត់ ដោយសារមជ្ឈមណ្ឌលនេះគ្រោងនឹងបើកឡើងវិញនៅរដូវក្តៅឆ្នាំនេះ។ ត្រី MOLA […]

ប្រែសម្រួល៖ ស-សម្បត្តិ សេអ៊ូល៖ ប្រធានាធិបតីដែលត្រូវបានទម្លាក់ពីតំណែង លោក យូន សុកយុល បានមកដល់តុលាការជាលើកដំបូងនៅរសៀលថ្ងៃសៅរ៍ ទី១៨ ខែមករាឆ្នាំ២០២៥ ដើម្បីចូលរួមសវនាការដែលនឹងសម្រេចថាតើត្រូវពន្យារការឃុំខ្លួនរបស់លោកឬយ៉ាងណា ខណៈដែលអ្នកស៊ើបអង្កេតកំពុងស៊ើបអង្កេតករណីប៉ុនប៉ងដាក់ច្បាប់អាជ្ញាសឹកដែលបរាជ័យរបស់លោក។ លោក យូន ដែលបានអះអាងថាការចាប់ខ្លួនលោកគឺខុសច្បាប់ បានធ្វើឱ្យប្រទេសធ្លាក់ក្នុងភាពចលាចលកាលពីថ្ងៃទី៣ ខែធ្នូ នៅពេលលោកបានព្យាយាមផ្អាកការគ្រប់គ្រងរបស់ស៊ីវិល ដោយអ្នកដឹកនាំរូបនេះបានលើកហេតុផលថាចាំបាច់ត្រូវប្រយុទ្ធប្រឆាំងនឹងការគំរាមកំហែងពី “ធាតុប្រឆាំងរដ្ឋ”។ អ្នកគាំទ្រដ៏ស្វិតស្វាញរបស់លោក យូន បានប្រមូលផ្តុំគ្នានៅខាងក្រៅអគារតុលាការនៅថ្ងៃសៅរ៍ ហើយថែមទាំងបានព្យាយាមព័ទ្ធរថយន្តពណ៌ខៀវដែលដឹកជញ្ជូនមេដឹកនាំដែលត្រូវបានផ្អាកតំណែងនេះ តាមការឃើញរបស់អ្នកយកព័ត៌មាន AFP។ ការប៉ុនប៉ងដាក់ច្បាប់អាជ្ញាសឹករបស់លោក យូន បានកើតឡើងត្រឹមតែប្រាំមួយម៉ោងប៉ុណ្ណោះ ដោយសមាជិកសភាបានបោះឆ្នោតច្រានចោល ទោះបីជាប្រធានាធិបតីបានបញ្ជាឱ្យទាហានវាយលុកចូលរដ្ឋសភាដើម្បីបញ្ឈប់ពួកគេក៏ដោយ។ ក្រោយមក លោកត្រូវបានទម្លាក់ពីតំណែងដោយរដ្ឋសភា និងបានប្រឆាំងនឹងការចាប់ខ្លួនអស់រយៈពេលជាច្រើនសប្តាហ៍ ដោយបានលាក់ខ្លួននៅក្នុងលំនៅដ្ឋានដែលមានការការពាររបស់លោក រហូតដល់ចុងក្រោយត្រូវបានឃាត់ខ្លួននៅថ្ងៃពុធក្នុងប្រតិបត្តិការចាប់ខ្លួននាពេលព្រលឹម។ លោក យូន ជាប្រធានាធិបតីដំបូងគេដែលកំពុងបម្រើការងារដែលត្រូវបានឃាត់ខ្លួន បានបដិសេធមិនសហការក្នុងអំឡុងពេល ៤៨ ម៉ោងដំបូងដែលអ្នកស៊ើបអង្កេតត្រូវបានអនុញ្ញាតឱ្យឃុំខ្លួនលោក។ ប៉ុន្តែប្រធានាធិបតីដែលត្រូវបានដកតំណែងនេះនៅតែស្ថិតក្នុងការឃុំឃាំង បន្ទាប់ពីអ្នកស៊ើបអង្កេតបានស្នើសុំដីកាថ្មីកាលពីថ្ងៃសុក្រ ដើម្បីពន្យារការឃុំខ្លួនរបស់លោក។ ចៅក្រមមួយរូបនៅតុលាការស្រុកភាគខាងលិចក្រុងសេអ៊ូល ត្រូវពិនិត្យសំណើនេះនៅក្នុងសវនាការនាម៉ោង ២ រសៀល ដោយការសម្រេចត្រូវបានរំពឹងថានឹងចេញនៅយប់ថ្ងៃសៅរ៍ ឬព្រឹកថ្ងៃអាទិត្យ។ មុនសវនាការ មេធាវីរបស់លោក យូន គឺលោក […]

ប្រែសម្រួល៖ ស-សម្បត្តិ វ៉ាស៊ីនតោន៖ ប្រធានាធិបតីជាប់ឆ្នោតអាមេរិកលោក Donald Trump និងប្រធានាធិបតីចិនលោក Xi Jinping បានពិភាក្សាគ្នាអំពីបញ្ហានានារួមមាន TikTok ពាណិជ្ជកម្ម និងតៃវ៉ាន់ ក្នុងការសន្ទនាតាមទូរសព្ទកាលពីថ្ងៃសុក្រ (ថ្ងៃទី១៧ ខែមករា) ប៉ុន្មានថ្ងៃមុនពេលលោក Trump ចូលកាន់តំណែងម្តងទៀត ដោយមានការសន្យាដាក់ពន្ធគយដែលអាចបង្កើនភាពតានតឹងរវាងសេដ្ឋកិច្ចធំពីរនៅលើពិភពលោក។ មេដឹកនាំទាំងពីររូបមានការសប្បាយចិត្តចំពោះការសន្ទនានេះ ដោយលោក Trump ហៅវាថាជា “ការសន្ទនាដ៏ល្អមួយ” ហើយលោក Xi បាននិយាយថា គាត់និងលោក Trump សង្ឃឹមថានឹងមានការចាប់ផ្តើមជាវិជ្ជមានសម្រាប់ទំនាក់ទំនងចិន-អាមេរិក តាមការរាយការណ៍របស់ស្ថានីយទូរទស្សន៍រដ្ឋចិន CCTV។ នេះគឺជាការសន្ទនាតាមទូរសព្ទលើកដំបូងរវាងអ្នកទាំងពីរ ចាប់តាំងពីការជាប់ឆ្នោតរបស់លោក Trump កាលពីខែវិច្ឆិកា។ មានបញ្ហាការទូតនិងសេដ្ឋកិច្ចជាច្រើនកំពុងរង់ចាំដោះស្រាយក្នុងទំនាក់ទំនងចិន-អាមេរិក។ តុលាការកំពូលអាមេរិកកាលពីថ្ងៃសុក្របានគាំទ្រច្បាប់ដែលតម្រូវឱ្យក្រុមហ៊ុន ByteDance ម្ចាស់កម្មសិទ្ធិ TikTok លក់ទ្រព្យសម្បត្តិ TikTok នៅអាមេរិកទៅឱ្យអ្នកទិញមិនមែនជនជាតិចិនត្រឹមថ្ងៃអាទិត្យ ឬត្រូវហាមឃាត់ដោយសារហេតុផលសន្តិសុខជាតិ។ “ការសន្ទនានេះគឺជាការសន្ទនាដ៏ល្អមួយសម្រាប់ទាំងចិននិងសហរដ្ឋអាមេរិក។ ខ្ញុំរំពឹងថាយើងនឹងដោះស្រាយបញ្ហាជាច្រើនជាមួយគ្នា ហើយចាប់ផ្តើមភ្លាមៗ។ យើងបានពិភាក្សាអំពីការធ្វើឱ្យមានតុល្យភាពពាណិជ្ជកម្ម គ្រឿងញៀន Fentanyl, TikTok និងប្រធានបទជាច្រើនទៀត” លោក […]

ប្រែសម្រួល៖ តារា សាន់ហ្វ្រាន់ស៊ីស្កូ៖ ក្រុមហ៊ុន Apple បានចេញផ្សាយការធ្វើបច្ចុប្បន្នភាពកម្មវិធីកាលពីថ្ងៃព្រហស្បតិ៍ (ថ្ងៃទី១៦ ខែមករា) ដែលបានបិទមុខងារចំណងជើងព័ត៌មាន និងការសង្ខេបដែលបង្កើតដោយប្រើបញ្ញាសិប្បនិម្មិត (AI) ដែលត្រូវបានរិះគន់ថាមានកំហុសឆ្គងលើការពិត។ ការសម្រេចចិត្តនេះធ្វើឡើងខណៈពេលដែលក្រុមហ៊ុនបច្ចេកវិទ្យាយក្សនេះកំពុងពង្រឹងឧបករណ៍ថ្មីៗរបស់ខ្លួនជាមួយ “Apple Intelligence” ក្នុងទីផ្សារ។ ការសម្រេចចិត្តរបស់ Apple ក្នុងការផ្អាកមុខងារ AI ដែលទើបតែដាក់ឱ្យប្រើប្រាស់ថ្មីៗនេះ កើតឡើងបន្ទាប់ពីស្ថានីយ BBC និងស្ថាប័នព័ត៌មានផ្សេងទៀតបានត្អូញត្អែរថា អ្នកប្រើប្រាស់ទទួលបានការជូនដំណឹងអំពីចំណងជើង ឬសេចក្តីសង្ខេបព័ត៌មានដែលមានកំហុសច្រើន ឬខុសទាំងស្រុង។ Apple បានដាក់ឱ្យប្រើប្រាស់ការធ្វើបច្ចុប្បន្នភាពដល់អ្នកអភិវឌ្ឍន៍ដែលកំពុងធ្វើការជាមួយកំណែសាកល្បងនៃកម្មវិធីរបស់ខ្លួន ដោយដកមុខងារ AI សម្រាប់ចំណងជើងព័ត៌មានចេញជាបណ្ដោះអាសន្ន។ ក្រុមហ៊ុនបច្ចេកវិទ្យាយក្សនេះមានគម្រោងស្ដារមុខងារនេះឡើងវិញនៅពេលដែលវាដំណើរការបានត្រឹមត្រូវ និងបន្តដាក់ឱ្យប្រើប្រាស់សម្រាប់អ្នកប្រើប្រាស់ទាំងអស់។ Apple កាលពីខែមិថុនាឆ្នាំមុន បានបង្ហាញ iPhones ថ្មីដែលបំពាក់ដោយបញ្ញាសិប្បនិម្មិតប្រភេទ generative AI ដើម្បីជំរុញការលក់និងបង្ហាញថាខ្លួនកំពុងតាមទាន់ក្នុងការប្រកួតប្រជែងផ្នែកបច្ចេកវិទ្យា។ ក្រុមហ៊ុននេះមានការរំពឹងទុកខ្ពស់លើ iPhone 16 ថ្មី និងសង្ឃឹមថាអតិថិជននឹងចាប់អារម្មណ៍ទិញម៉ូដែលថ្មីៗដោយសារសមត្ថភាព AI ថ្មីរបស់វា។ លោក Tim Cook នាយកប្រតិបត្តិរបស់ Apple បាននិយាយនៅក្នុងព្រឹត្តិការណ៍នៅទីស្នាក់ការកណ្ដាលរបស់ក្រុមហ៊ុនក្នុង […]

ប្រែសម្រួល៖ ស-សម្បត្តិ ទីក្រុងសេអ៊ូល៖ លោក យូន សុកយុល បានក្លាយជាប្រធានាធិបតីកូរ៉េខាងត្បូងដំបូងគេដែលកំពុងកាន់តំណែងត្រូវបានចាប់ខ្លួន នៅពេលដែលលោកបានចុះចាញ់នៅថ្ងៃពុធ ទី១៥ ខែមករា ក្នុងការប្រឈមមុខដ៏យូរជាមួយអាជ្ញាធរដែលកំពុងស៊ើបអង្កេតលោកពីបទបះបោរប្រឆាំងរដ្ឋ។ ជាអ្នកនយោបាយរឹងមាំដែលបានក្លាយជាអ្នកឯកោកាន់តែខ្លាំងឡើងនៅពាក់កណ្តាលអាណត្តិប្រាំឆ្នាំរបស់លោក យូនសុកយុល អាយុ ៦៤ ឆ្នាំ បានប្រឈមនឹងរឿងអាស្រូវផ្ទាល់ខ្លួន ការប្រឆាំងដ៏មុតស្រួច និងការបែកបាក់ក្នុងគណបក្សរបស់លោកផ្ទាល់។ គ្រោះថ្នាក់ផ្លូវច្បាប់របស់លោកមានភាពផ្ទុយគ្នាពីអាជីពដ៏ល្បីល្បាញរបស់លោកមុនពេលចូលនយោបាយក្នុងនាមជាព្រះរាជអាជ្ញាជាន់ខ្ពស់ ដែលបានធ្វើឱ្យលោកល្បីឈ្មោះក្នុងសង្គម និងជំរុញការគាំទ្រដ៏ច្រើនដែលនាំឱ្យលោកឈ្នះការបោះឆ្នោតប្រធានាធិបតីឆ្នាំ២០២២ ជាមុខតំណែងជាប់ឆ្នោតដំបូងរបស់លោក។ ចាប់តាំងពីឈ្នះការបោះឆ្នោតដោយលម្អៀងតិចតួចនោះមក លោកយូនបានក្លាយជាអ្នកជូរចត់ដោយសារការប្រយុទ្ធជាបន្តបន្ទាប់ដែលបានបង្ហាញពីភាពឆេវឆាវដែលអតីតគូប្រជែងម្នាក់បាននិយាយថាជាលក្ខណៈសម្គាល់របស់លោក។ នៅពេលដែលលោកយូនបានដាក់ច្បាប់អាជ្ញាសឹកជាបណ្តោះអាសន្ននៅថ្ងៃទី៣ ខែធ្នូ ក្នុងសកម្មភាពមួយដែលធ្វើឱ្យប្រជាជនកូរ៉េខាងត្បូងភ្ញាក់ផ្អើល លោកត្រូវបានរងរបួសយ៉ាងធ្ងន់ធ្ងរផ្នែកនយោបាយ។ លោកត្រូវបានព្យួរតំណែងបន្ទាប់ពីត្រូវបានសភាដកតំណែងនៅថ្ងៃទី១៤ ខែធ្នូ ដោយសារការប៉ុនប៉ងដាក់ច្បាប់អាជ្ញាសឹករបស់លោក។ វាសនានយោបាយរបស់លោកយូនស្ថិតក្នុងដៃតុលាការរដ្ឋធម្មនុញ្ញ ខណៈដែលគ្រោះថ្នាក់ផ្លូវច្បាប់របស់លោកកើនឡើង។ លោកប្រឈមនឹងការស៊ើបអង្កេតព្រហ្មទណ្ឌជាច្រើនពីបទបះបោរប្រឆាំងរដ្ឋ – ដែលជាបទចោទតែមួយគត់ដែលប្រធានាធិបតីកូរ៉េខាងត្បូងមិនមានអភ័យឯកសិទ្ធិ – រួមទាំងការស៊ើបអង្កេតដឹកនាំដោយការិយាល័យស៊ើបអង្កេតអំពើពុករលួយសម្រាប់មន្រ្តីជាន់ខ្ពស់ (CIO)។ លោកហ៊ុនបានប្រើប្រាស់ការបដិសេធមិនអនុវត្តតាមដីកាចាប់ខ្លួនខុសច្បាប់របស់ CIO ដើម្បីប្រមូលអ្នកគាំទ្រក្នុងការប្រឈមមុខនឹងបញ្ហាផ្លូវច្បាប់និងនយោបាយដែលកើនឡើង។ នៅដាច់ឆ្ងាយក្នុងលំនៅដ្ឋានដែលមានការការពារយ៉ាងរឹងមាំក្នុងទីក្រុងសេអ៊ូល លោកយូននិងសេវាសន្តិសុខប្រធានាធិបតីរបស់លោកបានលេងល្បែងគ្រោះថ្នាក់ខ្ពស់ជាមួយអាជ្ញាធរដែលព្យាយាមចាប់ខ្លួនលោកអស់រយៈពេលពីរសប្តាហ៍មុនពេលលោកចុងក្រោយយល់ព្រមបង្ហាញខ្លួនដើម្បីឆ្លើយសំណួរ។ ក្នុងសារមួយដែលត្រូវបានចេញផ្សាយនៅពេលដែលលោកត្រូវបានចាប់ខ្លួន លោកយូនបាននិយាយថា លោកមិនទទួលស្គាល់ដំណើរការខុសច្បាប់ទេ ប៉ុន្តែលោកចុះចាញ់ដើម្បីជៀសវាងការបង្ហូរឈាម។ លោកយូនបានប្តេជ្ញាពីមុនថា នឹង “ប្រយុទ្ធរហូតដល់ទីបញ្ចប់” និងអំពាវនាវឱ្យអ្នកគាំទ្រជួយលោកសង្គ្រោះប្រទេសពី “កម្លាំងប្រឆាំងរដ្ឋ”។ រឿងអាស្រូវ […]

ប្រែសម្រួល៖ រតនា នៅទីបំផុតលោកប្រធានាធិបតី យូន សុកយុល នៃប្រទេសកូរ៉េខាងត្បូង ត្រូវបានចាប់ខ្លួនហើយ យោងតាមទីភ្នាក់ងារប្រឆាំងអំពើពុករលួយរបស់ប្រទេសនេះ ដោយសារតែប្រកាសដាក់ច្បាប់អាជ្ញាសឹកដ៏គួរឱ្យភ្ញាក់ផ្អើលកន្លងមក។ អាជ្ញាធរកូរ៉េខាងត្បូងដែលកំពុងស៊ើបអង្កេតលើករណីរបស់លោក យូន បានទៅដល់លំនៅដ្ឋានផ្លូវការរបស់លោកនៅព្រឹកនេះ ក្នុងការប៉ុនប៉ងលើកទីពីរដើម្បីឃាត់ខ្លួនមេដឹកនាំដែលកំពុងជួបវិបត្តិនេះ សម្រាប់ការសាកសួរអំពីការប្រកាសរបស់លោកដែលមានរយៈពេលខ្លី។ អស់រយៈពេលជាច្រើនសប្តាហ៍មកហើយ ប្រធានាធិបតីដែលកំពុងជួបវិបត្តិនេះបានលាក់ខ្លួននៅក្នុងលំនៅដ្ឋានដែលមានការការពារយ៉ាងរឹងមាំរបស់លោក ដោយមានក្រុមសន្តិសុខប្រធានាធិបតីព័ទ្ធជុំវិញ គេចវេះពីការចាប់ខ្លួន ខណៈដែលលោកកំពុងប្រឈមនឹងការស៊ើបអង្កេតជាច្រើន និងការជំនុំជម្រះដោះស្រាយបណ្តឹងទម្លាក់ពីតំណែង បន្ទាប់ពីការប្រកាសរបស់លោកដែលមានរយៈពេលខ្លី។ លោក យូន ត្រូវបានស្វែងរកខ្លួនសម្រាប់ការសាកសួរក្នុងការស៊ើបអង្កេតជាច្រើន រួមទាំងការចោទប្រកាន់ពីបទដឹកនាំការបះបោរ ដែលជាបទល្មើសដែលអាចផ្តន្ទាទោសដាក់ពន្ធនាគារមួយជីវិត ឬទោសប្រហារជីវិត។ ការប៉ុនប៉ងនាំខ្លួនលោកទៅឃុំខ្លួនកាលពីដើមខែនេះ ត្រូវបានរារាំងបន្ទាប់ពីការប្រឈមមុខដាក់គ្នាអស់រយៈពេលជាច្រើនម៉ោង ដែលទាហាន និងសមាជិកនៃក្រុមសន្តិសុខប្រធានាធិបតីបានរារាំងនគរបាល និងអ្នកស៊ើបអង្កេតប្រមាណ ៨០នាក់ មិនឱ្យចូលទៅជិតបរិវេណប្រធានាធិបតី។ ក្រុមបាតុករប្រឆាំងបានមកដល់កន្លែងកើតហេតុយ៉ាងឆាប់រហ័សនៅថ្ងៃពុធ។ វីដេអូពីReuters និងដៃគូរបស់ CNN គឺ YTN បង្ហាញពីក្រុមបាតុករដែលជិះរថយន្តក្រុងមកដល់ និងប្រមូលផ្តុំគ្នានៅតាមដងផ្លូវជុំវិញបរិវេណប្រធានាធិបតី។ ទោះបីជាស្ថិតក្នុងស្ថានភាពអាកាសធាតុត្រជាក់ក្រោមសូន្យក៏ដោយ ក្រុមបាតុករមួយចំនួនអាចឮស្រែកថា “លាលែង” “ដល់ពេលរបស់អ្នកហើយ” និង “ទទួលខុសត្រូវ”។ ចំណែកឯអ្នកគាំទ្រប្រធានាធិបតីដែលកំពុងជួបវិបត្តិវិញ អាចឮស្រែកនៅកន្លែងកើតហេតុថា “ការទម្លាក់ពីតំណែងគ្មានសុពលភាព” “សាធារណរដ្ឋកូរ៉េសេរី ជយោ!” និង “យើងឈ្នះហើយ!”។ […]

ប្រែសម្រួល៖ តារា ប្រជាជនជប៉ុនមានវ័យចំណាស់ច្រើនជាងគេនៅលើពិភពលោក ដោយមានមនុស្សមួយភាគបីមានអាយុលើស៦៥ឆ្នាំ និងមួយក្នុងចំណោមដប់នាក់មានអាយុលើស៨០ឆ្នាំ ដោយសារការរួមផ្សំនៃអត្រាកំណើតទាប និងអាយុកាលរស់នៅវែង។ នេះមានឥទ្ធិពលដោយផ្ទាល់លើប្រជាជនក្នុងវ័យធ្វើការ – ដែលមានអាយុចន្លោះពី១៥ទៅ៦៤ឆ្នាំ – ដែលត្រូវបានព្យាករណ៍ថានឹងថយចុះចំនួន៣០លាននាក់ចន្លោះឆ្នាំ២០២០និង២០៧០។ វិស័យកសិកម្មទទួលរងផលប៉ះពាល់ខ្លាំងដោយបញ្ហានេះ៖ យោងតាមក្រសួងកសិកម្ម រុក្ខាប្រមាញ់ និងនេសាទជប៉ុន ចំនួនអ្នកដែលប្រកបរបរកសិកម្មជាមុខរបរចម្បងបានថយចុះពាក់កណ្តាលរវាងឆ្នាំ២០០០និង២០២៣ ហើយអ្នកដែលមានអាយុក្រោម៦០ឆ្នាំមានត្រឹមតែប្រមាណ២០%នៃចំនួនសរុបប៉ុណ្ណោះ។ ដើម្បីដោះស្រាយកង្វះខាតនេះ រួមជាមួយនឹងគោលនយោបាយបើកទូលាយជាងមុនលើការអន្តោប្រវេសន៍និងភាពមានកូន ប្រទេសនេះកំពុងងាកទៅរកបច្ចេកវិទ្យាមនុស្សយន្តកាន់តែច្រើនឡើង ដើម្បីបំពេញបន្ថែមកម្លាំងពលកម្ម។ តាមីរ ប្លូម បានបង្កើតក្រុមហ៊ុន Kisui Tech នៅពេលគាត់នៅជានិស្សិតនៅឡើយក្នុងឆ្នាំ២០២១ – ដែលជាក្រុមហ៊ុនកំពុងប្រើប្រាស់បច្ចេកវិទ្យាពីការស្វែងយល់អវកាស ដើម្បីបង្កើតមនុស្សយន្តកសិកម្មដែលដំណើរការដោយបញ្ញាសិប្បនិម្មិត។ “ក្នុងរយៈពេល២០ឆ្នាំកន្លងមកនេះ កសិករ៥០%បានចូលនិវត្តន៍ មានន័យថាមានបន្ទុកកាន់តែច្រើនឡើងទៅលើកសិករកាន់តែតិច ដើម្បីរក្សាការផ្គត់ផ្គង់ស្បៀងឱ្យមានស្ថិរភាព” គាត់និយាយ។ មនុស្សយន្តពាក់កណ្តាលស្វ័យប្រវត្តិនេះមានឈ្មោះថា Adam ហើយអាចដឹកជញ្ជូនផលិតផលដែលបានប្រមូលឆ្លងកាត់ភូមិសាស្ត្រលំបាកៗ ក៏ដូចជាកាត់ស្មៅ និងបាញ់ថ្នាំសម្លាប់សត្វល្អិតនៅវាលស្រែ។ លោក ប្លូម ដែលជាជនជាតិអ៊ីស្រាអែល-អាមេរិកាំង បានទៅទស្សនាប្រទេសជប៉ុនលើកដំបូងក្នុងឆ្នាំ២០១៥ ហើយត្រឡប់ទៅប្រទេសនេះវិញក្នុងឆ្នាំ២០១៨ សម្រាប់ការសិក្សាថ្នាក់បណ្ឌិត ដែលគាត់បានស្រាវជ្រាវអំពីយានសិប្បនិម្មិតលើព្រះចន្ទ និងសមត្ថភាពរបស់វាក្នុងការបើកបរឆ្លងកាត់ដីរលក និងមិនស្មើ។ “ក្នុងអំឡុងពេលសិក្សាថ្នាក់បណ្ឌិត ខ្ញុំបានធ្វើដំណើរច្រើននៅតាមជនបទជប៉ុន” គាត់និយាយ “អ្នកអាចដឹងពីការលំបាកយ៉ាងខ្លាំងដែលពួកគេជួបប្រទះជាមួយកង្វះខាតកម្លាំងពលកម្ម។ អ្នកឃើញផ្ទះបោះបង់ចោលជាច្រើន… […]

ប្រែសម្រួល៖ រតនា ទីក្រុងតៃប៉ិ៖ ការិយាល័យស៊ើបការណ៍តៃវ៉ាន់បាននិយាយថា ទីភ្នាក់ងារស៊ើបការណ៍សំខាន់របស់ចិនកំពុងធ្វើការជាមួយក្រុមឧក្រិដ្ឋជន ក្រុមហ៊ុនស្រមោល និងដៃគូគួរឲ្យសង្ស័យផ្សេងទៀត ដើម្បីប្រមូលព័ត៌មានស៊ើបការណ៍អំពីការការពាររបស់តៃវ៉ាន់ ដែលបណ្តាលឲ្យមានការកើនឡើងយ៉ាងខ្លាំងនៃចំនួនអ្នកដែលត្រូវបានចាប់ខ្លួនពីបទចោទប្រកាន់ការស៊ើបការណ៍នៅលើកោះនេះ។ បុគ្គលិកយោធាតៃវ៉ាន់បច្ចុប្បន្ន និងអតីតកាល គឺជាការព្រួយបារម្ភពិសេស ដោយរួមចំណែកប្រហែលពាក់កណ្តាលនៃចារកម្មជាប់សង្ស័យចំនួន ៦៤នាក់ ដែលត្រូវបានកាត់ទោសកាលពីឆ្នាំមុន។ ចំនួននេះបានកើនឡើងពី ១៦នាក់ក្នុងឆ្នាំ២០២១ និង ១០នាក់ក្នុងឆ្នាំ២០២២។ ការចាប់ខ្លួនទាំងនេះស្របទៅនឹងយុទ្ធនាការដែលបានបង្កើនឡើងរបស់ចិនក្នុងការបំភិតបំភ័យផ្នែកយោធា ការបង្ខិតបង្ខំសេដ្ឋកិច្ច និងយុទ្ធសាស្ត្រ “តំបន់ប្រផេះ” ដូចជាការប្រើប្រាស់អ៊ីនធឺណិតដើម្បីលើកកម្ពស់ការរួបរួម និងការផ្តល់ដំណើរកម្សាន្តទៅចិនដោយឥតគិតថ្លៃដល់មន្ត្រីរដ្ឋាភិបាលកម្រិតទាប។ យោងតាមរបាយការណ៍ដែលត្រូវបានចេញផ្សាយនាចុងសប្តាហ៍នេះដោយការិយាល័យសន្តិសុខជាតិតៃវ៉ាន់ ភ្នាក់ងារចិនបានព្យាយាមប្រើប្រាស់ក្រុមឧក្រិដ្ឋជនតៃវ៉ាន់ដើម្បីផ្ទេរថវិកាទៅអ្នកដែលមានព័ត៌មានដើម្បីលក់។ ក្រុមឧក្រិដ្ឋជន ដែលភាគច្រើនមានប្រភពដើមតាំងពីមុនការបែកបាក់រវាងភាគីទាំងពីរក្នុងឆ្នាំ១៩៤៩ ត្រូវបានស្វែងរក រួមជាមួយក្រុមអ្នកចងការប្រាក់ ក្រុមហ៊ុនស្រមោលដែលអាចប្រើប្រាស់សម្រាប់សម្អាតប្រាក់ ក្រុមសាសនាដែលពេលខ្លះចូលរួមក្នុងសកម្មភាពខុសច្បាប់ និងក្រុមអង្គការមិនរកប្រាក់ចំណេញ។ ការទូទាត់មួយចំនួនត្រូវបានធ្វើឡើងជារូបិយប័ណ្ណគ្រីបតូ ខណៈដែលវិធីសាស្ត្របែបបុរាណក៏ត្រូវបានប្រើប្រាស់ផងដែរ ដូចជាការល្បួងផ្លូវភេទដើម្បីចាប់គោលដៅដែលមិនបានសង្ស័យ និងបង្ខំពួកគេឲ្យបង្ហាញការសម្ងាត់។ នេះគឺជាករណីរបស់នាយឧត្តមសេនីយ៍ឡូ សៀនឆេ ដែលត្រូវបានចាប់បានក្នុងផែនការបែបនេះ ខណៈពេលប្រចាំការនៅប្រទេសថៃ។ ក្នុងចំណោមអ្នកដែលត្រូវបានចាប់ខ្លួនកាលពីឆ្នាំមុន មានមនុស្ស ២៣នាក់ដែលធ្វើការរួមគ្នាក្នុងបណ្តាញចារកម្ម ហើយម្នាក់ក្នុងចំណោមពួកគេត្រូវបានផ្តន្ទាទោសឲ្យជាប់ពន្ធនាគាររយៈពេល ២០ឆ្នាំ។ ទីភ្នាក់ងារស៊ើបការណ៍សំខាន់របស់ចិន គឺក្រសួងសន្តិសុខរដ្ឋ ដំណើរការកម្មវិធីដែលពឹងផ្អែកលើសិល្បៈចារកម្មបែបប្រពៃណី និងការវាយប្រហារតាមអ៊ីនធឺណិត រួមជាមួយស៊ើបការណ៍យោធា ខណៈដែលផ្នែកសាមគ្គីភាពរួមរបស់គណបក្សដំណើរការយុទ្ធនាការឃោសនា។ គណបក្សកុម្មុយនិស្តចិនដែលកាន់អំណាច ដែលបដិសេធការទាក់ទងភាគច្រើនជាមួយគណបក្សប្រជាធិបតេយ្យក្រុងប្រជាជនដែលកំពុងគ្រប់គ្រងតៃវ៉ាន់ […]

ប្រែសម្រួល៖ ស-សម្បត្តិ ក្រុងម៉ានីល៖ នៅថ្ងៃចន្ទ (ថ្ងៃទី១៣ ខែមករា) ហ្វីលីពីនបានអំពាវនាវឲ្យប៉េកាំងបញ្ឈប់ «សកម្មភាពបង្កើនភាពតានតឹង» នៅល្បាក់មួយក្នុងសមុទ្រចិនខាងត្បូង ហើយបានថ្លែងថា ការតវ៉ាមួយត្រូវបានដាក់ជូនទាក់ទងនឹងវត្តមាននៃកងរក្សាឆ្នេរ កងកម្លាំងការពារ និងកងទ័ពជើងទឹកចិននៅក្នុងតំបន់សេដ្ឋកិច្ចផ្តាច់មុខរបស់ខ្លួន។ ការតវ៉ានេះកើតចេញពីវត្តមាននៃនាវាកងរក្សាឆ្នេរចំនួនពីរគ្រឿងនៅថ្ងៃទី៥ និងថ្ងៃទី១០ ខែមករា នៅក្នុងនិងជុំវិញល្បាក់ស្ការបូរ៉ូដែលជាតំបន់ជម្លោះ ក្នុងនោះមាននាវាមួយគ្រឿងមានប្រវែង១៦៥ម៉ែត្រ ដែលហ្វីលីពីនហៅថា «បិសាច»។ ហ្វីលីពីនបានឲ្យដឹងថា ឧទ្ធម្ភាគចក្រកងទ័ពជើងទឹកចិនក៏ត្រូវបានប្រើប្រាស់នៅក្នុងតំបន់នោះផងដែរ។ «សកម្មភាពបង្កើនភាពតានតឹងរបស់នាវា និងយន្តហោះទាំងនេះមិនគោរពច្បាប់ហ្វីលីពីន និងច្បាប់អន្តរជាតិ» នេះបើយោងតាមក្រុមប្រឹក្សាសមុទ្រជាតិហ្វីលីពីន ដែលជាក្រុមអន្តរទីភ្នាក់ងារមានភារកិច្ចការពារផលប្រយោជន៍របស់ប្រទេសនៅសមុទ្រ។ «ចិនគួរតែណែនាំនាវារបស់ខ្លួនឲ្យបញ្ឈប់ការធ្វើសកម្មភាពខុសច្បាប់ដែលរំលោភសិទ្ធិអធិបតេយ្យរបស់ហ្វីលីពីននៅក្នុងតំបន់សេដ្ឋកិច្ចផ្តាច់មុខរបស់ខ្លួន» នេះបើយោងតាមសេចក្តីថ្លែងការណ៍របស់ក្រុមប្រឹក្សានេះ។ ស្ថានទូតចិនប្រចាំក្រុងម៉ានីលមិនទាន់បានឆ្លើយតបភ្លាមៗទៅនឹងសំណើរសុំការអត្ថាធិប្បាយនៅឡើយទេ។ ចិនអះអាងថា ល្បាក់ស្ការបូរ៉ូគឺជាទឹកដីរបស់ខ្លួន ហើយបានចោទប្រកាន់ហ្វីលីពីនថាបានរំលោភចូលទឹកដី។ ភាពតានតឹងរវាងចិននិងហ្វីលីពីន ដែលជាសម្ព័ន្ធមិត្តរបស់សហរដ្ឋអាមេរិក បានកើនឡើងក្នុងរយៈពេលពីរឆ្នាំចុងក្រោយនេះ ដោយមានការប៉ះទង្គិចគ្នាជាញឹកញាប់រវាងកងរក្សាឆ្នេររបស់ពួកគេនៅក្នុងសមុទ្រចិនខាងត្បូង ដែលចិនអះអាងអធិបតេយ្យភាពស្ទើរតែទាំងស្រុង។ សេចក្តីថ្លែងការណ៍នេះត្រូវបានចេញផ្សាយប៉ុន្មានម៉ោងបន្ទាប់ពីប្រធានាធិបតីហ្វីលីពីនលោក ហ្វឺឌីណង់ ម៉ាកូស ជ្រ. បានធ្វើការសន្ទនាតាមវីដេអូជាមួយប្រធានាធិបតីអាមេរិកលោក ចូ បៃដិន និងនាយករដ្ឋមន្ត្រីជប៉ុនលោក ស៊ីហ្គេរុ អ៊ីស៊ីបា ដែលមេដឹកនាំទាំងបីបានពិភាក្សាអំពីឥរិយាបថរបស់ចិននៅសមុទ្រចិនខាងត្បូង។ ការទាមទាររបស់ចិនដែលមានវិសាលភាពធំធេងជាន់គ្នាជាមួយតំបន់សេដ្ឋកិច្ចផ្តាច់មុខរបស់ប្រ៊ុយណេ ឥណ្ឌូនេស៊ី ម៉ាឡេស៊ី ហ្វីលីពីន និងវៀតណាម។ ផ្លូវទឹកដែលមានជម្លោះនេះគឺជាផ្លូវដឹកជញ្ជូនយុទ្ធសាស្ត្រដែលមានពាណិជ្ជកម្មប្រចាំឆ្នាំប្រមាណ៣ទ្រីលានដុល្លារអាមេរិក។ […]

ប្រែសម្រួល៖ ស-សម្បត្តិ យោងតាមសមាជិកសភាកូរ៉េខាងត្បូងម្នាក់ដែលដកស្រង់ព័ត៌មានពីទីភ្នាក់ងារស៊ើបការណ៍សម្ងាត់ក្រុងសេអ៊ូល បាននិយាយកាលពីថ្ងៃចន្ទទី១៣ ខែមករាថា ទាហានកូរ៉េខាងជើងប្រមាណ៣០០នាក់បានស្លាប់ និង២,៧០០នាក់បានរងរបួសក្នុងការប្រយុទ្ធក្នុងសង្គ្រាមរបស់រុស្ស៊ីប្រឆាំងនឹងអ៊ុយក្រែន។ ក្រុងសេអ៊ូលបានអះអាងពីមុនថា មេដឹកនាំកូរ៉េខាងជើងលោក គីម ជុងអ៊ុន បានបញ្ជូនទាហានជាង១០,០០០នាក់ជា “សាច់ចំណីគ្រាប់” ដើម្បីជួយទីក្រុងម៉ូស្គូប្រយុទ្ធប្រឆាំងនឹងទីក្រុងគីវ ដើម្បីជាថ្នូរនឹងជំនួយបច្ចេកទេសរបស់រុស្ស៊ីសម្រាប់កម្មវិធីអាវុធ និងផ្កាយរណបដែលត្រូវទទួលរងទណ្ឌកម្មយ៉ាងធ្ងន់ធ្ងររបស់ព្យុងយ៉ាង។ កាលពីចុងសប្តាហ៍ ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡិនស្គី បាននិយាយថា ទីក្រុងគីវបានចាប់ខ្លួនទាហានកូរ៉េខាងជើងពីរនាក់ ដោយបានផ្សព្វផ្សាយវីដេអូនៃការសួរចម្លើយយុទ្ធជនដែលរងរបួស និងបានលើកឡើងពីលទ្ធភាពនៃការដោះដូរឈ្លើយសឹកជាមួយទាហានអ៊ុយក្រែនដែលត្រូវបានចាប់ខ្លួន។ សមាជិកសភា លោក លី សុងក្វឺន បាននិយាយទៅកាន់អ្នកសារព័ត៌មានក្រោយពីទទួលបានការណែនាំពីទីភ្នាក់ងារស៊ើបការណ៍ថា “ការដាក់ពង្រាយទាហានកូរ៉េខាងជើងទៅកាន់រុស្ស៊ីត្រូវបានរាយការណ៍ថាបានពង្រីកទៅដល់តំបន់ឃឺស្ក ដោយការប៉ាន់ប្រមាណបង្ហាញថា ការរងគ្រោះក្នុងចំណោមកងកម្លាំងកូរ៉េខាងជើងបានលើសពី៣,០០០នាក់”។ លោកបានថ្លែងបន្ទាប់ពីទទួលបានការណែនាំពីសេវាស៊ើបការណ៍ជាតិក្រុងសេអ៊ូលថា នេះរួមមាន “ការស្លាប់ប្រហែល៣០០នាក់ និងរបួស២,៧០០នាក់”។ លោកបានថ្លែងថា ទាហានទាំងនោះដែលត្រូវបានរាយការណ៍ថាមកពីកងទ័ពជ្រើសរើសពិសេស Storm Corps របស់កូរ៉េខាងជើង ត្រូវបានបញ្ជាឱ្យធ្វើអត្តឃាតជាជាងត្រូវចាប់ខ្លួន។ លោកបានថ្លែងថា “ជាពិសេស កំណត់ត្រាដែលរកឃើញនៅលើទាហានដែលស្លាប់បង្ហាញថា អាជ្ញាធរកូរ៉េខាងជើងបានសង្កត់សង្កិនឱ្យពួកគេធ្វើអត្តឃាត ឬបំផ្ទុះខ្លួនឯងមុនពេលត្រូវចាប់ខ្លួន”។ លោកបានបន្ថែមថា ទាហានមួយចំនួនត្រូវបានផ្តល់ “ការលើកលែងទោស” ឬចង់ចូលរួមជាមួយគណបក្សកម្មករកូរ៉េខាងជើង ដោយសង្ឃឹមថានឹងកែលម្អជីវភាពរបស់ពួកគេតាមរយៈការប្រយុទ្ធ។ លោក លី […]

ប្រែសម្រួល៖ រតនា យោងតាមប៉ូលិសបានឱ្យដឹងកាលពីថ្ងៃអាទិត្យទី១២ ខែមករា ឆ្នាំ២០២៥ថា មានចោរប្លន់បានក្លែងខ្លួនធ្វើជាអ្នកពន្លត់អគ្គិភ័យដើម្បីប្លន់ទ្រព្យសម្បត្តិនៅតំបន់ម៉ាលីប៊ូ ដែលរងការខូចខាតដោយអគ្គិភ័យ។ ជនសង្ស័យគឺជាមនុស្សក្នុងចំណោមជនល្មើសជាង២០នាក់ដែលត្រូវបានចាប់ខ្លួន ខណៈដែលអគ្គិភ័យដ៏ធំកំពុងឆាបឆេះតំបន់ឡូសអេនជេឡេស ដោយជនជម្លៀសព្រួយបារម្ភអំពីសុវត្ថិភាពផ្ទះសំបែងដែលពួកគេត្រូវបានបង្ខំឱ្យចាកចេញនោះ។ មន្រ្តីនគរបាលឡូសអេនជេឡេស រ៉ូបឺត លូណា បានមានប្រសាសន៍ថា កងកម្លាំងរបស់លោកបានឃាត់ខ្លួនបុរសរូបនោះនៅក្នុងតំបន់ជម្លៀសដោយសារភ្លើងឆេះ Palisades ដែលលាតសន្ធឹងដល់តំបន់ម៉ាលីប៊ូ។ “ខ្ញុំបានឃើញជនសង្ស័យដែលមើលទៅដូចជាអ្នកពន្លត់អគ្គិភ័យ ហើយខ្ញុំបានសួរថាតើមានបញ្ហាអ្វីទេ ព្រោះគាត់កំពុងអង្គុយ” លោក លូណា បានថ្លែងនៅក្នុងសន្និសីទសារព័ត៌មានមួយ។ “ខ្ញុំមិនបានដឹងថាយើងបានដាក់ខ្នោះដៃគាត់ទេ។ យើងកំពុងប្រគល់គាត់ទៅឱ្យ (នាយកដ្ឋានប៉ូលិសឡូសអេនជេឡេស) ព្រោះគាត់ស្លៀកពាក់ដូចជាអ្នកពន្លត់អគ្គិភ័យ ប៉ុន្តែគាត់មិនមែនជាអ្នកពន្លត់អគ្គិភ័យទេ។” “គាត់ទើបតែត្រូវចាប់បានពេលកំពុង(លួចប្លន់)ផ្ទះមួយ។” លោក ជីម ម៉ាក់ដូណែល អគ្គស្នងការនៃនាយកដ្ឋានប៉ូលិសឡូសអេនជេឡេស បានឱ្យដឹងថា មន្ត្រីស៊ើបអង្កេតបានរកឃើញថា គាត់គឺជាម្នាក់ក្នុងចំណោមមនុស្សបីនាក់ដែលបានបើកបររថយន្តជុំវិញសង្កាត់ដែលត្រូវបំផ្លាញដោយអគ្គិភ័យនោះ។ បម្រាមធ្វើដំណើរពេលយប់ត្រូវបានដាក់ឱ្យអនុវត្តនៅទូទាំងតំបន់គ្រោះមហន្តរាយជុំវិញ Pacific Palisades និង Altadena ដែលអគ្គិភ័យពីរកន្លែងបានបំផ្លាញសហគមន៍ទាំងមូល។ មន្ត្រីក្រុងបានព្រមានជាច្រើនលើកថា ជនណាដែលស្ថិតនៅក្នុងតំបន់ជម្លៀសចាប់ពីម៉ោង៦ល្ងាចដល់ម៉ោង៦ព្រឹកនឹងត្រូវចាប់ខ្លួន។ សម្រាប់បុរសដែលត្រូវបានចោទប្រកាន់ថាបានប្លន់ជនរងគ្រោះដោយក្លែងខ្លួនជាអ្នកឆ្លើយតបដំបូង ទោសនឹងកាន់តែធ្ងន់ធ្ងរ។ លោក ម៉ាក់ដូណែល បានមានប្រសាសន៍ថា៖ មន្ត្រីបានចាប់ខ្លួនគាត់បន្ថែមទៀតពីបទក្លែងខ្លួនជាអ្នកពន្លត់អគ្គិភ័យ ដែលជាបទល្មើសអាចនាំឱ្យជាប់ពន្ធនាគាររយៈពេលមួយឆ្នាំ។ “យើងមានមនុស្សដែលព្យាយាមគ្រប់មធ្យោបាយ…ដើម្បីកេងប្រវ័ញ្ចជនរងគ្រោះនៃមហន្តរាយនេះ” លោក ម៉ាក់ដូណែល បានថ្លែង។ […]

ប្រែសម្រួល៖ ស-សម្បត្តិ សេអ៊ូល៖ នៅក្រោមម្លប់ទ្វារហ្គ្វាងហាមុនដ៏ចាស់បុរាណក្នុងក្រុងសេអ៊ូល អ្នកជំនួញវ័យក្មេងឈ្មោះ ស៊ីន ជី-យ៉ុង ពាក់កន្សែងក្បាលពណ៌ឥន្ទធនូ និងគ្រវីទង់ដែលរិះគន់ប្រធានាធិបតីដែលត្រូវបានទម្លាក់ពីតំណែង ក្នុងចំណោមអ្នកតវ៉ារាប់ពាន់នាក់។ ការបែងចែកមួយបានកើតឡើងក្នុងចំណោមយុវជនកូរ៉េខាងត្បូង ចាប់តាំងពីលោក យូន ស៊ុក យល បានប្រកាសច្បាប់អាជ្ញាសឹកដែលបរាជ័យកាលពីខែមុន និងបានស្នាក់នៅក្នុងលំនៅដ្ឋានរបស់គាត់ដោយប្រឆាំងនឹងការចាប់ខ្លួន។ នៅផ្នែកម្ខាង បុរសវ័យក្មេងអភិរក្សនិយម រួមទាំងក្រុមគ្រិស្តបរិស័ទអេវ៉ាំងហ្គែលិក និងអ្នកដែលបង្ហាញការគាំទ្រប្រធានាធិបតីជាប់ឆ្នោតសហរដ្ឋអាមេរិក ដូណាល់ ត្រាំ កំពុងប្រឆាំងនឹងការទម្លាក់តំណែងនេះ។ នៅម្ខាងទៀត ស្ត្រីវ័យក្មេង និងអ្នកគាំទ្របុព្វហេតុសេរីនិយម ដូចជាសហគមន៍ LGBTQ+ យុត្តិធម៌អាកាសធាតុ និងសិទ្ធិការងារ កំពុងទាមទារឱ្យមានការឃុំខ្លួនគាត់ភ្លាមៗ។ “ខ្ញុំគិតថាជម្លោះ(យេនឌ័រ)មានរួចទៅហើយ ប៉ុន្តែវាកាន់តែចេញមុខច្បាស់នៅពេលបញ្ហាទម្លាក់តំណែងលោក យូន ស៊ុក យល កើតឡើង” នេះជាសម្តីរបស់ ស៊ីន។ “ខ្ញុំគិតថាស្ត្រីមានភាពរសើបច្រើនជាងទៅនឹងគ្រោះមហន្តរាយសង្គម និងការរើសអើង។ បុរសដែលមានអាយុពី២០ទៅ៣០ឆ្នាំ ទោះបីជាស្ថិតក្នុងជំនាន់តែមួយក៏ដោយ តែងតែមិនយល់ស្របថាការរើសអើងយេនឌ័រមាន” នេះបើតាមការបន្ថែមរបស់នារីវ័យ២៩ឆ្នាំរូបនេះ។ ចំណាត់ការរបស់លោក យូន បានពង្រីកភាពប៉ូលនយោបាយរបស់ប្រទេស និងបានធ្វើឱ្យជនជំនាន់ក្រោយកូរ៉េនៅទាំងសងខាងនៃការបែងចែកនេះ ប្រមូលផ្តុំគ្នាតាមដងផ្លូវនៃទីក្រុងសេអ៊ូលក្នុងសីតុណ្ហភាពក្រោមសូន្យ។ ខាងប្រឆាំងលោក យូន ភាគច្រើនត្រូវបានតំណាងនៅក្នុងការតវ៉ាដោយក្រុមយុវជនដែលទ្រេតទៅរកសេរីនិយមចម្រុះមួយ។ ក្នុងនោះមានអ្នកគាំទ្រ […]

ប្រែសម្រួល៖តារា កូឡាឡាំពួរ៖ យោងតាមទីភ្នាក់ងារព័ត៌មាន Bernama នាយករដ្ឋមន្ត្រីម៉ាឡេស៊ី អាន់វ៉ារ អ៊ីប្រាហ៊ីម បានថ្លែងថា រដ្ឋាភិបាលមិនបានលាក់បាំងឯកសារណាមួយទាក់ទងនឹងការឃុំខ្លួននៅផ្ទះរបស់អតីតនាយករដ្ឋមន្ត្រី ណាជីប រ៉ាហ្សាក់ ដែលកំពុងជាប់ពន្ធនាគារនោះទេ។ ណាជីប ដែលត្រូវបានជាប់ពន្ធនាគារពាក់ព័ន្ធនឹងអំពើពុករលួយដ៏ធំបំផុតរបស់ប្រទេស កំពុងប្តឹងផ្លូវច្បាប់ដើម្បីបង្ខំឱ្យរដ្ឋាភិបាលបញ្ជាក់ពីអត្ថិភាព និងអនុវត្តលើ “បទបញ្ជាបន្ថែម” ដែលគាត់អះអាងថាត្រូវបានចេញដោយព្រះមហាក្សត្រអតីតកាល ជាមួយនឹងការលើកលែងទោសដែលគាត់ទទួលបានកាលពីឆ្នាំមុន ដែលអនុញ្ញាតឱ្យគាត់អាចអនុវត្តទោសនៅសល់នៅឯផ្ទះ។ អតីតនាយករដ្ឋមន្ត្រីរូបនេះត្រូវបានកាត់បន្ថយទោសពាក់កណ្តាលនៃទោស១២ឆ្នាំ តាមរយៈការលើកលែងទោសដោយព្រះមហាក្សត្រ អាល់-ស៊ុលតង់ អាប់ឌុលឡា អាហ្មាដ ស្សា ដែលជាប្រធានក្រុមប្រឹក្សាលើកលែងទោសពិសេស។ រជ្ជកាល៥ឆ្នាំរបស់ព្រះអង្គ ក្រោមប្រព័ន្ធរាជានិយមបង្វិលដ៏ពិសេសរបស់ម៉ាឡេស៊ី បានបញ្ចប់នៅខែមករា ឆ្នាំ២០២៤។ ណាជីប និងវិមានព្រះមហាក្សត្រអតីតកាល បានថ្លែងថាឯកសារនោះមានអត្ថិភាព ដោយក្រុមច្បាប់របស់ណាជីបបានថ្លែងថា អាជ្ញាធរមិនបានអើពើនឹងវា។ យោងតាម Bernama បានរាយការណ៍នៅថ្ងៃសៅរ៍ (ថ្ងៃទី១១ ខែមករា) ថា អាន់វ៉ារបានថ្លែងថា ឯកសារនោះត្រូវបានផ្ញើទៅអគ្គមេធាវី មិនមែនផ្ញើមកគាត់ ឬសមាជិកណាម្នាក់នៃក្រុមប្រឹក្សាលើកលែងទោសនោះទេ។ “អគ្គមេធាវីបន្ទាប់មកបានបញ្ជូនឯកសារនោះទៅវិមានព្រះមហាក្សត្រ នៅពេលមានការផ្លាស់ប្តូរព្រះមហាក្សត្រ ដោយសារព្រះមហាក្សត្រជាអធិបតីនៃក្រុមប្រឹក្សាលើកលែងទោស។ យើងមិនបានលាក់បាំងអ្វីទាំងអស់” អាន់វ៉ារបានថ្លែង។ កាលពីថ្ងៃសុក្រ ក្រសួងយុត្តិធម៌ម៉ាឡេស៊ីបានថ្លែងថា ខ្លួនមិនមានកត់ត្រាឯកសារណាមួយអនុញ្ញាតឱ្យមានការឃុំខ្លួននៅផ្ទះសម្រាប់ណាជីបទេ ហើយក៏មិនបានទទួលការជូនដំណឹង […]

ប្រែសម្រួល៖រតនា ឡូសអានជឺលេស៖ លោកប្រធានាធិបតីជាប់ឆ្នោតសហរដ្ឋអាមេរិក ដូណាល់ ត្រាំ បានចោទប្រកាន់មន្ត្រីរដ្ឋកាលីហ្វ័រញ៉ាកាលពីថ្ងៃអាទិត្យ (១២ មករា) ថាអសមត្ថភាពក្នុងការដោះស្រាយអគ្គិភ័យដ៏កាចសាហាវដែលកំពុងឆាបឆេះជុំវិញទីក្រុងឡូសអានជឺលេស។ “ភ្លើងនៅតែកំពុងឆេះនៅឡូសអានជឺលេស។ អ្នកនយោបាយអសមត្ថភាពទាំងនេះមិនដឹងថាត្រូវពន្លត់វាយ៉ាងណាទេ” នេះជាការថ្លែងរបស់លោកត្រាំនៅលើវេទិកា Truth Social របស់លោក។ “នេះគឺជាគ្រោះមហន្តរាយដ៏អាក្រក់បំផុតមួយក្នុងប្រវត្តិសាស្ត្រប្រទេសរបស់យើង។ ពួកគេមិនអាចពន្លត់ភ្លើងបានទេ។ តើមានបញ្ហាអ្វីជាមួយពួកគេ?” លោកបានសរសេរ។ ល្បឿននិងភាពរុនដៃនៃអគ្គិភ័យដែលកំពុងបំផ្លាញទីក្រុងឡូសអានជឺលេសបានសាកល្បងហេដ្ឋារចនាសម្ព័ន្ធពន្លត់អគ្គិភ័យរបស់ខ្លួន និងបានបង្កើតឱ្យមានសំណួរនិងការរិះគន់អំពីការត្រៀមខ្លួនរបស់រដ្ឋ។ បំពង់ទឹកពន្លត់អគ្គិភ័យបានរីងស្ងួតនៅក្នុងតំបន់ Pacific Palisades ខណៈដែលវាត្រូវបានបំផ្លាញដោយភ្លើងឆេះមួយក្នុងចំណោមភ្លើងឆេះទាំងប្រាំនៅក្នុងតំបន់ ខណៈដែលការខ្វះខាតទឹកក៏បានរារាំងកិច្ចខិតខំប្រឹងប្រែងនៅកន្លែងផ្សេងទៀតផងដែរ។ នៅសល់ពេលជិតមួយសប្តាហ៍ទៀតមុនពេលលោកត្រឡប់ទៅសេតវិមានវិញ លោកត្រាំបានចាប់ផ្តើមធ្វើការចោទប្រកាន់ដោយគ្មានភស្តុតាងជាបន្តបន្ទាប់ដោយចោទថា អភិបាលរដ្ឋកាលីហ្វ័រញ៉ាមកពីគណបក្សប្រជាធិបតេយ្យ លោក ហ្គាវិន ញូសុម មានភាពបរាជ័យក្នុងការឆ្លើយតបនឹងអគ្គិភ័យនេះ។ ជាមួយគ្នានេះ លោក ញូសុម បានអញ្ជើញលោកត្រាំឱ្យទៅទស្សនាទីក្រុងឡូសអានជឺលេស និងពិនិត្យមើលការខូចខាតជាមួយគាត់។ អគ្គិភ័យនេះបានសម្លាប់មនុស្សយ៉ាងតិច១៦នាក់ ជម្លៀសប្រជាជន១៥០.០០០នាក់ និងបំផ្លាញអគារជាង១២.០០០ខ្នង យោងតាមមន្ត្រីរដ្ឋ។ “ផ្ទះដ៏អស្ចារ្យរាប់ពាន់ខ្នងត្រូវបានបាត់បង់ ហើយផ្ទះជាច្រើនទៀតនឹងត្រូវបាត់បង់ឆាប់ៗនេះ។ មានការស្លាប់នៅគ្រប់ទីកន្លែង” លោកត្រាំបាននិយាយនៅក្នុងការប្រកាសរបស់លោក។ ទោះបីជាមានកិច្ចខិតខំប្រឹងប្រែងដ៏អង់អាចរបស់មន្ត្រីពន្លត់អគ្គិភ័យ រួមទាំងការប្រតិបត្តិការយ៉ាងប្រុងប្រយ័ត្នពីក្រុមហោះហើរក៏ដោយ អគ្គិភ័យ Palisades នៅតែបន្តរាលដាលទៅទិសខាងកើតឆ្ពោះទៅរកសម្បត្តិដ៏មានតម្លៃរបស់សារមន្ទីរសិល្បៈ Getty Center និងទៅទិសខាងជើងឆ្ពោះទៅតំបន់ San […]

ប្រែសម្រួល៖ ស-សម្បត្តិ លោក Mark Zuckerberg បានជួបជាមួយលោក Donald Trump ជាលើកទីពីរ បន្ទាប់ពីការបោះឆ្នោត ខណៈពេលដែលម្ចាស់ហ្វេសប៊ុកកំពុងប្រឈមនឹងការរិះគន់អំពីការផ្លាស់ប្តូរគោលនយោបាយរបស់ក្រុមហ៊ុន។ គេបានឃើញមហាសេដ្ឋីបច្ចេកវិទ្យារូបនេះ ឡើងយន្តហោះឯកជនរបស់គាត់នៅក្នុងរដ្ឋ Florida ដែលចតនៅក្បែរយន្តហោះរបស់លោក Trump បន្ទាប់ពីពួកគេជួបគ្នានៅ Mar-a-Lago។ សហប្រធានក្រុមប្រឹក្សាត្រួតពិនិត្យរបស់ Meta បានលើកឡើងថា លោក Zuckerberg កំពុង “ចុះញ៉មនឹងលោក Trump” ដោយការលុបចោលកម្មវិធីត្រួតពិនិត្យភាពត្រឹមត្រូវនៃព័ត៌មាននៅលើហ្វេសប៊ុក ហើយបានទទួលស្គាល់ថា គាត់មិនបានដឹងមុនអំពីការផ្លាស់ប្តូរដ៏គួរឱ្យភ្ញាក់ផ្អើលនេះទេ។ លោក Zuckerberg ដែលជាម្ចាស់ក្រុមហ៊ុន Meta ដែលគ្រប់គ្រងបណ្តាញសង្គម Facebook, Instagram និង Threads កំពុងស្ថិតក្នុងដំណាក់កាលនៃការផ្លាស់ប្តូរគោលនយោបាយភ្លាមៗ ដែលធ្វើឱ្យអ្នកប្រើប្រាស់និងបុគ្គលិកមានការភ្ញាក់ផ្អើល។ គាត់បានប្រកាសបញ្ចប់កម្មវិធីត្រួតពិនិត្យភាពត្រឹមត្រូវនៃព័ត៌មាន ដែលការសិក្សាជាច្រើនបានរកឃើញថា បានកាត់បន្ថយព័ត៌មានមិនពិតនៅលើបណ្តាញសង្គមរបស់ Meta។ មហាសេដ្ឋីរូបនេះក៏បានផ្លាស់ប្តូរគោលនយោបាយដើម្បីអនុញ្ញាតឱ្យមានការហៅក្រុម LGBT ថាជាអ្នកមានជំងឺផ្លូវចិត្ត ដំឡើងតំណែងអ្នកគាំទ្រលោក Trump ម្នាក់ និងតែងតាំងលោក Dana White ប្រធាន UFC […]