ប្រែសម្រួល៖ តារា តូក្យូ៖ អ្នកសង្គ្រោះជប៉ុនបានបញ្ចប់ការសាងសង់ជម្រាលនៅថ្ងៃសៅរ៍ (ថ្ងៃទី១ ខែកុម្ភៈ) ដើម្បីទៅជួយអ្នកបើកបររថយន្តដឹកទំនិញម្នាក់ដែលជាប់ក្នុងរន្ធដីស្រុត។ នេះបើយោងតាមមន្ត្រីបានឱ្យដឹង គឺ៤ថ្ងៃក្រោយពីរថយន្តរបស់គាត់ត្រូវបានលេបចូលក្នុងរន្ធដែលមានទទឹង៤០ម៉ែត្រ។ អ្នកសង្គ្រោះកំពុងជួបការលំបាកក្នុងប្រតិបត្តិការនេះ ដោយសាររន្ធដែលមានប្រវែងស្មើនឹងអាងហែលទឹកអូឡាំពិក កំពុងរីកកាន់តែធំឡើងចាប់តាំងពីបើកចំហនៅថ្ងៃអង្គារនៅក្រុងយ៉ាស៊ីអូ នៅជាយក្រុងតូក្យូ។ លោក ម៉ូតូហ៊ីរ៉ូ អូណូ អភិបាលតំបន់សៃតាម៉ា បានប្រាប់អ្នកសារព័ត៌មានថា “យើងទើបតែបញ្ចប់ការងារសាងសង់ជម្រាល”។ អ្នកសង្គ្រោះនឹងប្រើប្រាស់ជម្រាលប្រវែង៣០ម៉ែត្រនេះ ដើម្បីបញ្ជូនគ្រឿងចក្រធុនធ្ងន់ចូលទៅក្នុងរន្ធ។ លោក អូណូ បានមានប្រសាសន៍ថា “យើងនឹងសម្អាតកម្ទេចកម្ទី និងជួយសង្គ្រោះអ្នកបើកបរឱ្យបានឆាប់តាមដែលអាចធ្វើទៅបាន”។ ដី និងកម្ទេចកម្ទីដែលគ្របលើកាប៊ីនរបស់អ្នកបើកបរដែលមានអាយុ៧៤ឆ្នាំ បានរារាំងការទំនាក់ទំនងជាមួយគាត់ចាប់តាំងពីថ្ងៃត្រង់នៃថ្ងៃអង្គារ។ ទឹកក្រោមដីដែលលិចចូលក្នុងរន្ធដីស្រុតភាគច្រើនត្រូវបានបញ្ឈប់នៅថ្ងៃសៅរ៍ នេះបើយោងតាមស្ថានីយផ្សាយសាធារណៈ NHK បានរាយការណ៍។ ដោយសារជញ្ជាំងរន្ធដែលមានជម្រៅប្រមាណ១៥ម៉ែត្រ តាមការរាយការណ៍របស់ NHK កំពុងរេចរឹល អ្នកសង្គ្រោះមិនអាចស្ថិតនៅក្នុងរន្ធនោះបានយូរឡើយ។ រន្ធនេះដំបូងឡើយមានអង្កត់ផ្ចិតប្រហែល៥ម៉ែត្រ ប៉ុន្តែបានរួមបញ្ចូលគ្នាជាមួយរន្ធធំមួយទៀតដែលបើកឡើងក្នុងអំឡុងប្រតិបត្តិការសង្គ្រោះនៅយប់ថ្ងៃអង្គារ។ ដុំស្ពាន់ធ្ងន់ៗបានធ្លាក់ចូលក្នុងរន្ធ ធ្វើឱ្យពិបាកសម្រាប់អ្នកសង្គ្រោះ និងគ្រឿងចក្រធុនធ្ងន់ក្នុងការចូលទៅជិតរន្ធដ៏ជ្រៅនេះ។ ប្រជាជនប្រមាណ១,២លាននាក់ដែលរស់នៅក្នុងតំបន់នោះ ត្រូវបានស្នើសុំឱ្យកាត់បន្ថយការងូតទឹក និងការបោកគក់ ដើម្បីការពារកុំឱ្យទឹកលូដែលលិចចេញមករាំងស្ទះដល់ប្រតិបត្តិការនេះ។ យោងតាមប្រព័ន្ធផ្សព្វផ្សាយក្នុងស្រុក មានករណីរន្ធដីស្រុតនៅតាមដងផ្លូវប្រមាណ២,៦០០ករណីក្នុងឆ្នាំ២០២២ ដែលបណ្តាលមកពីបំពង់លូ។ ភាគច្រើននៃរន្ធទាំងនោះមានទំហំតូច គឺជ្រៅតែ៥០សង់ទីម៉ែត្រ ឬតិចជាងនេះ។ នៅឆ្នាំ២០១៦ រន្ធដីស្រុតដ៏ធំមួយដែលមានទទឹងប្រមាណ៣០ម៉ែត្រ […]

ប្រែសម្រួល៖ ស-សម្បត្តិ ហ្គាហ្សា៖ ក្រុមយោធាប៉ាឡេស្ទីនហាម៉ាស់បានប្រគល់ចំណាប់ខ្មាំងអ៊ីស្រាអែល យ៉ាដិន ប៊ីបាស និងអូហ្វ៊ែរ កាល់ដឺរ៉ុន នៅថ្ងៃសៅរ៍ (ថ្ងៃទី១ ខែកុម្ភៈ) ខណៈដែលគីត ស៊ីហ្គែល ជនជាតិអាមេរិក-អ៊ីស្រាអែល ត្រូវបានរំពឹងថានឹងត្រូវផ្ទេរនៅពេលក្រោយ ក្នុងដំណាក់កាលចុងក្រោយនៃការផ្អាកប្រយុទ្ធដែលមានគោលបំណងបញ្ចប់សង្គ្រាមរយៈពេល១៥ខែនៅហ្គាហ្សា។ កងទ័ពអ៊ីស្រាអែលបានបញ្ជាក់ថាខ្លួនបានទទួលលោក កាល់ដឺរ៉ុន ដែលមានសញ្ជាតិពីរបារាំង-អ៊ីស្រាអែល និងលោក ប៊ីបាស បន្ទាប់ពីអ្នកទាំងពីរត្រូវបានប្រគល់ទៅឱ្យមន្ត្រីកាកបាទក្រហមនៅក្នុងទីក្រុងខានយូនីស ភាគខាងត្បូងហ្គាហ្សា។ លោក ស៊ីហ្គែល ត្រូវបានរំពឹងថានឹងត្រូវប្រគល់នៅកំពង់ផែទីក្រុងហ្គាហ្សានៅពេលក្រោយ នេះ។ លោក ប៊ីបាស គឺជាឪពុករបស់ចំណាប់ខ្មាំងវ័យក្មេងបំផុតពីរនាក់ គឺទារក ខហ្វ៊ីរ ដែលមានអាយុត្រឹមតែ៩ខែប៉ុណ្ណោះនៅពេលត្រូវបានចាប់ជំរិតដោយក្រុមកាំភ្លើងដឹកនាំដោយហាម៉ាស់ នៅថ្ងៃទី៧ ខែតុលា ឆ្នាំ២០២៣ និង អារីអែល ដែលមានអាយុ៤ឆ្នាំនៅពេលមានការវាយប្រហារឆ្លងដែន។ ហាម៉ាស់បាននិយាយនៅខែវិច្ឆិកា ឆ្នាំ២០២៣ ថាក្មេងប្រុសទាំងពីរនិងម្ដាយរបស់ពួកគេ ស៊ីរី ដែលត្រូវបានចាប់ខ្លួននៅពេលជាមួយគ្នា បានស្លាប់ក្នុងការវាយប្រហារតាមអាកាសរបស់អ៊ីស្រាអែល។ មិនមានព័ត៌មានអំពីពួកគេចាប់តាំងពីពេលនោះមក។ តាមហាម៉ាស់បាននិយាយថា អ៊ីស្រាអែលត្រូវបានរំពឹងថានឹងផ្ទេរអ្នកទោសនិងអ្នកជាប់ឃុំប៉ាឡេស្ទីនចំនួន១៨២នាក់។ ថ្ងៃសៅរ៍នេះក៏ត្រូវបានរំពឹងថានឹងឃើញជនជាតិប៉ាឡេស្ទីនដំបូងធ្វើដំណើរពីហ្គាហ្សាទៅអេហ្ស៊ីបតាមច្រកព្រំដែនរ៉ាហ្វាដែលទើបបើកឡើងវិញ។ វានឹងត្រូវបើកដំបូងសម្រាប់យោធារងរបួស៥០នាក់ និងជនស៊ីវិលរងរបួស៥០នាក់ ព្រមទាំងអ្នកអមដំណើរពួកគេ ដោយមានមនុស្ស១០០នាក់បន្ថែមទៀត ភាគច្រើនជានិស្សិត ប្រហែលជាត្រូវបានអនុញ្ញាតឱ្យឆ្លងកាត់ដោយសារហេតុផលមនុស្សធម៌។ […]

ប្រែសម្រួល៖ ស-សម្បត្តិ អ្វីដែលយើងរាយការណ៍នៅទីនេះ៖ ការរកឃើញប្រអប់ខ្មៅ៖ អាជ្ញាធរបានរកឃើញឧបករណ៍កត់ត្រាសំឡេងនិងទិន្នន័យហោះហើររួមគ្នាមួយពីឧទ្ធម្ភាគចក្រ Black Hawk របស់កងទ័ពអាមេរិកដែលពាក់ព័ន្ធទៅនឹងគ្រោះថ្នាក់បុកគ្នាកាលពីថ្ងៃពុធជាមួយយន្តហោះរបស់ក្រុមហ៊ុន American Airlines។ ការណ៍ នេះវាបានផ្តល់ឱ្យអ្នកស៊ើបអង្កេតនូវឧបករណ៍កត់ត្រាទាំងអស់៖ NTSB បានឱ្យដឹងមុននេះថាខ្លួនក៏បានរកឃើញប្រអប់ខ្មៅទាំងពីររបស់យន្តហោះផងដែរ។ សកម្មភាពរដ្ឋបាលអាកាសចរស៊ីវិលសហព័ន្ធ (FAA )នៅក្បែរព្រលានយន្តហោះ៖ រដ្ឋបាលអាកាសចរស៊ីវិលសហព័ន្ធនៅអាមេរិកបានបិទផ្លូវឧទ្ធម្ភាគចក្រកម្ពស់ទាបដែលកំពុងប្រើប្រាស់នៅពេលមានគ្រោះថ្នាក់បុកគ្នាលើអាកាសនៅក្បែរព្រលានយន្តហោះ Reagan National ដោយមិនកំណត់ពេល នេះបើតាមមន្ត្រី FAA មួយរូបបានប្រាប់ CNN។ រយៈពេលត្រឹមតែមួយថ្ងៃមុននេះ យន្តហោះមួយគ្រឿងទៀតត្រូវបានបង្ខំឱ្យបោះបង់ការចុះចតលើកដំបូងបន្ទាប់ពីឧទ្ធម្ភាគចក្រមួយគ្រឿងហោះនៅក្បែរគន្លងហោះហើររបស់ខ្លួន។ ប្រតិបត្តិការសង្គ្រោះ៖ ក្រុមការងារបានរកឃើញសាកសពចំនួន ៤១ នាក់ពីកន្លែងគ្រោះថ្នាក់ ហើយក្នុងនោះ ២៨ នាក់ត្រូវបានកំណត់អត្តសញ្ញាណ នេះបើតាមមន្ត្រីពន្លត់អគ្គិភ័យ។ យន្តហោះដែលហោះមកពីទីក្រុង Wichita រដ្ឋ Kansas មានអ្នកដំណើរជិះនៅលើវាចំនួន ៦៤ នាក់ ខណៈដែលទាហាន ៣ នាក់នៅលើឧទ្ធម្ភាគចក្រ។ ពួកគេទាំងអស់ត្រូវបានសន្មតថាបានស្លាប់អស់ហើយ។ អ្នកបើកយន្តហោះដែលត្រៀមរៀបការ កូនស្រីជនអន្តោប្រវេសន៍ឥណ្ឌា និងអ្នកជើងឯកជិះស្គីលើទឹកកកគឺស្ថិតក្នុងចំណោមជនរងគ្រោះដែលបានស្លាប់ទាំងអស់នោះ។  ចំណែកករណីគ្រោះថ្នាក់នៅទីក្រុងហ្វីឡាដេលហ្វៀ៖ ក្នុងពេលជាមួយគ្នានេះ យន្តហោះសង្គ្រោះបន្ទាន់មួយគ្រឿងដែលមានមនុស្ស ៦ នាក់នៅលើយន្តហោះ រួមទាំងអ្នកជំងឺក្មេងម្នាក់ […]

ប្រែសម្រួល៖ ស-សម្បត្តិ មានពាក្យពេចន៍មួយនិយាយថា នៅក្នុងទីក្រុងធំមួយ អ្នកមិនដែលនៅឆ្ងាយជាងប្រាំមួយហ្វីតពីកណ្តុរឡើយ។ វាគ្រាន់តែជាជំនឿទីក្រុងប៉ុណ្ណោះ ប៉ុន្តែអ្នកវិទ្យាសាស្ត្រកំពុងព្រមានថា ទីក្រុងនានាទូទាំងពិភពលោកកំពុងមានកណ្តុរកាន់តែច្រើនឡើង ហើយការកើនឡើងនេះបណ្តាលមកពីកត្តាមួយជាចម្បង៖ ការប្រែប្រួលអាកាសធាតុ។ លោក Jonathan Richardson សាស្ត្រាចារ្យជីវវិទ្យានៅសាកលវិទ្យាល័យ Richmond បានសម្រេចចិត្តស្រាវជ្រាវអំពីនិន្នាការកណ្តុរទីក្រុង បន្ទាប់ពីបានឃើញរបាយការណ៍ព័ត៌មានអំពីកណ្តុរដែលកំពុងគ្រប់គ្រងទីក្រុងនានា។ របាយការណ៍ទាំងនេះតែងផ្តោតលើទីតាំងតែមួយ ហើយ “ជាធម្មតាគ្មានទិន្នន័យច្បាស់លាស់ច្រើនទេ” នេះបើតាមការប្រាប់របស់លោកទៅកាន់ CNN។ លោកនិងក្រុមការងាររបស់លោកបានសម្រេចចិត្តផ្លាស់ប្តូរការណ៍នេះ។ ពួកគេបានស្នើសុំស្ថិតិកណ្តុរពីទីក្រុងធំៗចំនួន ២០០ នៅសហរដ្ឋអាមេរិកដោយផ្អែកលើចំនួនប្រជាជន ប៉ុន្តែរកឃើញថាមានតែ ១៣ ទីក្រុងប៉ុណ្ណោះដែលមានទិន្នន័យរយៈពេលវែងដែលពួកគេត្រូវការ។ ដើម្បីផ្តល់វិសាលភាពភូមិសាស្ត្រកាន់តែច្រើន អ្នកស្រាវជ្រាវក៏បានបញ្ចូលទីក្រុងអន្តរជាតិចំនួនបីផងដែរ៖ តូរ៉ុនតូ តូក្យូ និងអាំស្ទែរដាម។ ទិន្នន័យដែលប្រមូលបានគ្របដណ្តប់រយៈពេលជាមធ្យម ១២ ឆ្នាំ និងរួមមានការសង្កេតឃើញកណ្តុរ ការចាប់កណ្តុរ និងរបាយការណ៍អធិការកិច្ច។ ស្របតាមការសិក្សារបស់ពួកគេដែលត្រូវបានចេញផ្សាយនៅថ្ងៃសុក្រក្នុងទស្សនាវដ្តី Science Advances បានបង្ហាញពី “និន្នាការកើនឡើងគួរឱ្យកត់សម្គាល់” នៃចំនួនកណ្តុរនៅក្នុងទីក្រុងចំនួន ១១ ក្នុងចំណោម ១៦។ ទីក្រុងវ៉ាស៊ីនតោន ឌីស៊ី សានហ្វ្រានស៊ីស្កូ តូរ៉ុនតូ ញូវយ៉ក និងអាំស្ទែរដាមមានការកើនឡើងច្រើនបំផុត។ […]

ប្រែសម្រួល៖ តារា យន្តហោះអាជីវកម្មម៉ាស៊ីនពីរមួយគ្រឿងបានធ្លាក់នៅភាគឦសាននៃទីក្រុងហ្វីឡាដែលហ្វៀ ក្បែរផ្សារទំនើបរូសវែល ដោយយោងតាមអាជ្ញាធរបានឱ្យដឹង។ រដ្ឋបាលអាកាសចរស៊ីវិល (FAA) បានប្រាប់ CNN ក្នុងសេចក្តីថ្លែងការណ៍មួយថា “យន្តហោះ Learjet 55 បានធ្លាក់ប្រហែលម៉ោង ៦:៣០ នាទីល្ងាចម៉ោងក្នុងស្រុក នៅថ្ងៃសុក្រ ទី៣១ ខែមករា បន្ទាប់ពីចាកចេញពីព្រលានយន្តហោះភាគឦសាននៃទីក្រុងហ្វីឡាដែលហ្វៀ”។ FAA បានឱ្យដឹងថា យន្តហោះនោះមានមនុស្សពីរនាក់នៅលើយន្តហោះ ហើយកំពុងធ្វើដំណើរទៅកាន់ព្រលានយន្តហោះជាតិស្ព្រីងហ្វៀល-ប្រែនសុន នៅរដ្ឋមិសស៊ូរី។ លោកអភិបាលរដ្ឋផេនស៊ីលវេនៀ Josh Shapiro បាននិយាយថា លោកបាននិយាយជាមួយអភិបាលក្រុងហ្វីឡាដែលហ្វៀ ហើយកំពុងផ្តល់ធនធានរដ្ឋទាំងអស់ ខណៈពេលដែលការឆ្លើយតបបន្ទាន់កំពុងបន្ត។ ការិយាល័យគ្រប់គ្រងគ្រាអាសន្នរបស់ទីក្រុងបានថ្លែងក្នុងប្រកាសមួយនៅលើបណ្តាញ X ថា កំពុងដោះស្រាយ “ហេតុការណ៍ធំមួយ” នៅក្បែរមហាវិថី Cottman និង Bustleton ហើយផ្លូវនៅក្នុងតំបន់នោះត្រូវបានបិទ។ FAA និងក្រុមប្រឹក្សាសុវត្ថិភាពដឹកជញ្ជូនជាតិនឹងស៊ើបអង្កេតករណីធ្លាក់យន្តហោះនេះ។ ករណីធ្លាក់យន្តហោះនេះកើតឡើងខណៈពេលដែលអាជ្ញាធរបន្តការស៊ើបអង្កេតលើករណីប៉ះទង្គិចដ៏សាហាវកាលពីថ្ងៃពុធ ប្រហែល ១៥០ ម៉ាយល៍ទៅភាគឦសាន នៅក្នុងតំបន់វ៉ាស៊ីនតោន ឌីស៊ី ដែលយន្តហោះតំបន់របស់ក្រុមហ៊ុន American Airlines និងឧទ្ធម្ភាគចក្រ Black […]

ប្រែសម្រួល៖ ស-សម្បត្តិ ឌូបៃ៖ មនុស្សពីរនាក់ត្រូវបានសម្លាប់ក្នុងការវាយប្រហាររបស់អ៊ីស្រាអែលនៅតំបន់បិកាវ៉ាឡេរបស់លីបង់ នេះបើតាមការប្រកាសរបស់ក្រសួងសុខាភិបាលលីបង់កាលពីថ្ងៃសុក្រ (ថ្ងៃទី៣១ មករា) បន្ទាប់ពីកងទ័ពអ៊ីស្រាអែលបានប្រកាសថាខ្លួនបានវាយប្រហារគោលដៅហេសបុលឡាហ៍មួយចំនួននៅតំបន់បិកាវ៉ាឡេ និងតាមព្រំដែនស៊ីរី-លីបង់ កាលពីយប់មិញ។ កងទ័ពអ៊ីស្រាអែលបានថ្លែងក្នុងសេចក្តីប្រកាសមួយថា គោលដៅទាំងនោះរួមមានមូលដ្ឋានមួយដែលប្រើប្រាស់សម្រាប់ការអភិវឌ្ឍអាវុធក្រោមដី និងមួយផ្សេងទៀតដែលទាក់ទងនឹងការរត់ពន្ធអាវុធចូលទៅក្នុងប្រទេសលីបង់ពីប្រទេសស៊ីរីជិតខាង។ សេចក្តីប្រកាសរបស់កងទ័ពអ៊ីស្រាអែលមិនបានលើកឡើងអំពីការស្លាប់និងរបួសទេ។ ក្រសួងសុខាភិបាលលីបង់បានឱ្យដឹងថា មានមនុស្ស១០នាក់ផ្សេងទៀតត្រូវបានរងរបួស។ តួលេខរបស់ក្រសួងមិនបានបែងចែករវាងជនស៊ីវិលនិងយោធាទេ។ មន្ត្រីហិសបុលឡាហ៍ អ៊ីប្រាហ៊ីម មូស្សាវី បានថ្កោលទោសការវាយប្រហារតាមអាកាសនេះ ដោយហៅវាថាជា “ការរំលោភបំពានដ៏គ្រោះថ្នាក់ និងជាការឈ្លានពានយ៉ាងច្បាស់ក្រឡែត” ហើយបានអំពាវនាវឱ្យរដ្ឋលីបង់បញ្ឈប់ការវាយប្រហាររបស់អ៊ីស្រាអែល។ ការវាយប្រហារនេះគឺជាការវាយប្រហារចុងក្រោយបំផុតដែលអ៊ីស្រាអែលធ្វើនៅលីបង់ ទោះបីជាមានកិច្ចព្រមព្រៀងបញ្ឈប់បាញ់ដែលសម្រេចបាននៅចុងខែវិច្ឆិកា រវាងអ៊ីស្រាអែលនិងហិសបុលឡាហ៍ដែលគាំទ្រដោយអ៊ីរ៉ង់ ដែលបានបញ្ចប់ការប្រយុទ្ធគ្នាអស់រយៈពេលជាងមួយឆ្នាំរវាងភាគីទាំងពីរដែលមានអាវុធធ្ងន់។ កិច្ចព្រមព្រៀងនេះតម្រូវឱ្យមានការដកអាវុធចេញពីក្រុមប្រដាប់អាវុធទាំងអស់នៅលីបង់ និងថា “អាវុធគ្មានការអនុញ្ញាត” និងហេដ្ឋារចនាសម្ព័ន្ធយោធាទាំងអស់គួរត្រូវបានរុះរើចេញ ដោយចាប់ផ្តើមពីភាគខាងត្បូងនៃលីបង់។ ទោះយ៉ាងណា ហិសបុលឡាហ៍បានអះអាងថា កិច្ចព្រមព្រៀងនេះអនុវត្តតែនៅភាគខាងត្បូងនៃលីបង់ប៉ុណ្ណោះ។ កិច្ចព្រមព្រៀងក៏បានតម្រូវឱ្យកងទ័ពអ៊ីស្រាអែលចាកចេញពីភាគខាងត្បូងនៃលីបង់ក្នុងរយៈពេល៦០ថ្ងៃ ប៉ុន្តែរយៈពេលនេះត្រូវបានពន្យារនៅសប្តាហ៍នេះដល់ថ្ងៃទី១៨ ខែកុម្ភៈ ដើម្បីផ្តល់ពេលវេលាបន្ថែមសម្រាប់កងទ័ពអ៊ីស្រាអែលដកថយ និងសម្រាប់កងទ័ពលីបង់ពង្រាយនៅក្នុងតំបន់នោះ។ អ៊ីស្រាអែលនិយាយថា លីបង់មិនទាន់បានអនុវត្តលក្ខខណ្ឌនៃកិច្ចព្រមព្រៀងឱ្យបានពេញលេញនៅឡើយទេ ហើយក៏ចោទប្រកាន់ជាក់លាក់លើហិសបុលឡាហ៍ថាបានរំលោភកិច្ចព្រមព្រៀងបញ្ឈប់បាញ់ផងដែរ។ កាលពីថ្ងៃព្រហស្បតិ៍ អ៊ីស្រាអែលបាននិយាយថា ខ្លួនបានទប់ស្កាត់ដ្រូនឃ្លាំមើលមួយដែលបានបញ្ជូនដោយហិសបុលឡាហ៍ ដោយហៅវាថាជា “ការរំលោភបំពានកិច្ចព្រមព្រៀងបញ្ឈប់បាញ់”។ ហិសបុលឡាហ៍បានបដិសេធមិនធ្វើការអត្ថាធិប្បាយ។ មេដឹកនាំហិសបុលឡាហ៍ ណៃម កាស៊ីម បាននិយាយកាលពីថ្ងៃចន្ទថា […]

ប្រែសម្រួល៖ ស-សម្បត្តិ តុលាការថៃមួយបានអនុញ្ញាតឱ្យអតីតនាយករដ្ឋមន្ត្រីថាក់ ស៊ីន ចាកចេញពីប្រទេសនៅថ្ងៃសុក្រ (ថ្ងៃទី៣១ ខែមករា) តាមសេចក្តីថ្លែងការណ៍របស់តុលាការ ដែលជាករណីលើកលែងដ៏កម្រមួយសម្រាប់ជនជាប់ចោទក្នុងបទប្រមាថព្រះមហាក្សត្រ។ មហាសេដ្ឋីវ័យ ៧៥ឆ្នាំរូបនេះ ត្រូវបានជាប់ពន្ធនាគាររយៈពេល៨ឆ្នាំពីបទពុករលួយ និងរំលោភអំណាច បន្ទាប់ពីគាត់បានវិលត្រឡប់មកប្រទេសថៃកាលពីពីរឆ្នាំមុន ក្រោយពីនិរទេសខ្លួនអស់រយៈពេល១៥ឆ្នាំ ប៉ុន្តែត្រូវបានព្រះមហាក្សត្រលើកលែងទោសក្រោយពេល៦ខែ។ កាលពីឆ្នាំមុន គាត់ត្រូវបានចោទប្រកាន់ពីបទប្រមាថព្រះមហាក្សត្រ ចំពោះមតិយោបល់ដែលគាត់បានថ្លែងទៅកាន់ប្រព័ន្ធផ្សព្វផ្សាយកូរ៉េខាងត្បូងកាលពី៩ឆ្នាំមុន ហើយត្រូវចូលបង្ហាញខ្លួននៅតុលាការក្នុងខែកក្កដា។ យោងតាមច្បាប់ថៃ ជនជាប់ចោទដែលត្រូវចូលបង្ហាញខ្លួននៅតុលាការ មិនអាចចាកចេញពីប្រទេសបានទេ លុះត្រាតែមានការអនុញ្ញាតពិសេសពីតុលាការ។ នៅថ្ងៃសុក្រ តុលាការបានសម្រេចអនុញ្ញាតឱ្យគាត់ចាកចេញ ដោយលើកឡើងពី “ផលប្រយោជន៍នៃទំនាក់ទំនងអន្តរជាតិ” ជាមូលហេតុសម្រាប់ការចាកចេញបណ្តោះអាសន្នរបស់គាត់ ប៉ុន្តែមិនបានបញ្ជាក់លម្អិតពីគោលបំណងនៃដំណើរនេះទេ។ កាលពីខែធ្នូ នាយករដ្ឋមន្ត្រីម៉ាឡេស៊ី អាន់វ៉ារ អ៊ីប្រាហីម បានតែងតាំងថាក់ស៊ីនជាទីប្រឹក្សាអាស៊ានរបស់គាត់ នៅពេលដែលប្រទេសម៉ាឡេស៊ីកាន់តំណែងជាប្រធានតំបន់អាស៊ីអាគ្នេយ៍នៅឆ្នាំនេះ។ ទោះបីជាថាក់ស៊ីនបាននិយាយពីមុនថា គាត់នឹងមិនចូលរួមក្នុងនយោបាយក៏ដោយ ក៏គាត់នៅតែសកម្ម រួមទាំងការឃោសនាឱ្យគណបក្សចាស់របស់គាត់គឺ ភឺថៃ។ “តុលាការបានពិចារណា និងអនុញ្ញាតឱ្យជនជាប់ចោទចាកចេញពីព្រះរាជាណាចក្រចន្លោះថ្ងៃទី២ ដល់ថ្ងៃទី៣ ខែកក្កដា ដែលមិនប៉ះពាល់ដល់ការជំនុំជម្រះ” នេះបើតាមសេចក្តីថ្លែងការណ៍របស់តុលាការ។ អតីតនាយករដ្ឋមន្ត្រីដែលជាមហាសេដ្ឋីរូបនេះ ត្រូវរាយការណ៍ទៅអាជ្ញាធរក្នុងរយៈពេលបីថ្ងៃក្រោយពេលត្រឡប់មកវិញ។ ប្រទេសថៃមានច្បាប់ប្រមាថព្រះមហាក្សត្រតឹងរឹងបំផុតមួយក្នុងពិភពលោក ដោយការរិះគន់ព្រះមហាក្សត្រមហា វជិរាឡុងកន ឬព្រះរាជវង្សានុវង្សផ្ទាល់របស់ព្រះអង្គ អាចត្រូវជាប់ពន្ធនាគាររហូតដល់១៥ឆ្នាំ។ អ្នករិះគន់ […]

ប្រែសម្រួល៖ រតនា តូក្យូ៖ ជប៉ុនបានបញ្ជូនយន្តហោះចម្បាំងចេញទៅ បន្ទាប់ពីយន្តហោះទម្លាក់គ្រាប់បែករុស្ស៊ីបានហោះហើរលើផ្ទៃទឹកអន្តរជាតិជុំវិញប្រទេស នេះបើយោងតាមការថ្លែងរបស់អ្នកនាំពាក្យរដ្ឋាភិបាលជប៉ុនកាលពីថ្ងៃសុក្រ (ថ្ងៃទី៣១ ខែមករា)។ លោក យ៉ូស៊ីម៉ាសា ហាយ៉ាស៊ី បានថ្លែងប្រាប់អ្នកសារព័ត៌មានថា “យើងបានបញ្ជាក់ថា យន្តហោះទម្លាក់គ្រាប់បែក និងយន្តហោះចម្បាំងយោធារុស្ស៊ី បានហោះហើរលើផ្ទៃសមុទ្រអូខុតស្ក និងសមុទ្រជប៉ុនកាលពីម្សិលមិញ ហើយយើងបានបញ្ជូនយន្តហោះចម្បាំងនៃកងកម្លាំងការពារខ្លួនតាមអាកាស” ជាការឆ្លើយតប។ លោកបានបន្តថា “វាពិបាកនឹងបញ្ជាក់ឲ្យច្បាស់អំពីគោលបំណងនៃការហោះហើរនេះ… ប៉ុន្តែកងទ័ពរុស្ស៊ីបានបន្តសកម្មភាពជាប្រចាំនៅតំបន់ជុំវិញប្រទេសជប៉ុន”។ តូក្យូបានលើកបញ្ហានេះជាមួយទីក្រុងម៉ូស្គូតាមបណ្តាញការទូតកន្លងមក រួមទាំងករណីយន្តហោះចម្បាំងរុស្ស៊ីបានចូលល្មើសដែនអាកាសក្នុងខែកញ្ញា ដែលរុស្ស៊ីបានបដិសេធ តាមរបាយការណ៍ប្រព័ន្ធផ្សព្វផ្សាយ។ លោក ហាយ៉ាស៊ី បានមានប្រសាសន៍ថា “យើងនឹងបន្តតាមដាន (ស្ថានការណ៍) យ៉ាងជិតស្និទ្ធ និងខិតខំអស់ពីសមត្ថភាពក្នុងការចាត់វិធានការល្បាត និងឆ្លើយតបទៅនឹងការល្មើសដែនអាកាស”។ ក្រសួងការពារជាតិរុស្ស៊ីបានថ្លែងនៅលើកម្មវិធី Telegram កាលពីថ្ងៃព្រហស្បតិ៍ថា យន្តហោះទម្លាក់គ្រាប់បែកចម្ងាយឆ្ងាយចំនួនពីរគ្រឿងបានហោះហើរលើផ្ទៃទឹកអន្តរជាតិក្នុងសមុទ្រជប៉ុន និងសមុទ្រអូខុតស្ក។ ក្រសួងរុស្ស៊ីក៏បានផ្សព្វផ្សាយវីដេអូយន្តហោះ Tupolev-95 ចំនួនពីរគ្រឿង ដែលមានការអមដំណើរដោយយន្តហោះចម្បាំងរុស្ស៊ី កំពុងអនុវត្តអ្វីដែលខ្លួនហៅថាជាការហោះហើរជាធម្មតាអស់រយៈពេលជាងប្រាំបីម៉ោង។ សេចក្តីថ្លែងការណ៍របស់ក្រសួងបានបញ្ជាក់ថា “រាល់ការហោះហើររបស់យន្តហោះកងកម្លាំងអាកាសរុស្ស៊ី ត្រូវបានអនុវត្តដោយអនុលោមយ៉ាងម៉ឺងម៉ាត់តាមច្បាប់អន្តរជាតិស្តីពីការប្រើប្រាស់លំហអាកាស”៕ ប្រភព៖ AFP/lh

ប្រែសម្រួល ៖ លនស្រស់ ទីក្រុងឡុងដ៍៖ ភាគហ៊ុនក្រុមហ៊ុន Apple បានកើនឡើង ២,៥ ភាគរយនៅក្រុងហ្រ្វង់ហ្វើត កាលពីថ្ងៃសុក្រ បន្ទាប់ពីលទ្ធផលនៃថ្ងៃមុន ដោយក្រុមហ៊ុនបានព្យាករណ៍ថានឹងមានកំណើនការលក់ខ្លាំងគួរសមនៅត្រីមាសបច្ចុប្បន្ន ដែលជាសញ្ញាបង្ហាញថាក្រុមហ៊ុននឹងងើបឡើងវិញពីការធ្លាក់ចុះនៃការលក់ iPhone។ ក្រុមហ៊ុនបានឱ្យដឹងថា ការលក់ iPhone មានទឹកប្រាក់ ៦៩,១៤ ប៊ីលានដុល្លារសម្រាប់ត្រីមាសសារពើពន្ធដែលបញ្ចប់នៅថ្ងៃទី២៨ ខែធ្នូ ទាបបន្តិចជាងការរំពឹងទុក ប៉ុន្តែបាននិយាយថាខ្លួនមើលឃើញការលក់សម្រាប់ត្រីមាសបច្ចុប្បន្ននឹងកើនឡើងពីកម្រិតទាបទៅមធ្យមនៃលេខមួយខ្ទង់។ ភាគហ៊ុន Apple បានកើនឡើង ៣,២ ភាគរយក្នុងការជួញដូរក្រោយម៉ោងនៅថ្ងៃព្រហស្បតិ៍ បន្ទាប់ពីបានបញ្ចប់វគ្គធម្មតាប្រចាំថ្ងៃដោយធ្លាក់ចុះ ០,៧ ភាគរយ៕. ប្រភព៖ Reuters

ប្រែសម្រួល៖ ស-សម្បត្តិ កំណត់សម្គាល់របស់អ្នកនិពន្ធ៖ របាយការណ៍នេះមានព័ត៌មានលម្អិតអំពីការស្លាប់និងរបួសដែលអាចធ្វើឱ្យអ្នកខ្លះមានការរន្ធត់។ ជនជាតិអាមេរិកជាង២០នាក់បានបាត់ខ្លួននៅតាមបណ្តាយខ្សែប្រយុទ្ធជួរមុខនៅអ៊ុយក្រែន ដោយមានការកើនឡើងនៃអ្នករងគ្រោះក្នុងរយៈពេល៦ខែចុងក្រោយនេះ ខណៈដែលជនបរទេសបំពេញចន្លោះខ្វះខាតបន្ទាន់ក្នុងការការពារប្រទេស នេះបើយោងតាមការស៊ើបអង្កេតរបស់ CNN។ សាកសពអ្នកស្ម័គ្រចិត្តជនជាតិអាមេរិកយ៉ាងតិច៥នាក់ ដែលបានចុះឈ្មោះចូលក្នុងកងទ័ពអ៊ុយក្រែន មិនអាចយកចេញពីសមរភូមិបានទេ បន្ទាប់ពីពួកគេត្រូវបានសម្លាប់ក្នុងប្រតិបត្តិការក្នុងរយៈពេល៦ខែកន្លងមកនេះ តាមការរកឃើញរបស់ CNN។ សាកសពពីរត្រូវបានដឹកជញ្ជូនត្រឡប់ពីដែនដីដែលរុស្ស៊ីកាន់កាប់ កាលពីថ្ងៃសុក្រ មកកាន់ទឹកដីអ៊ុយក្រែនវិញ បន្ទាប់ពីការចរចាដ៏យូរ។ សក្ខីកម្មដ៏រន្ធត់របស់មិត្តរួមការងារដែលនៅរស់ និងការកើនឡើងនៃចំនួនអ្នកស្លាប់ បានបង្ហាញពីតួនាទីដ៏សំខាន់ប៉ុន្តែមិនសូវជាគេស្គាល់របស់អ្នកប្រយុទ្ធជួរមុខជនជាតិអាមេរិក នៅក្នុងសង្រ្គាមមួយដែលប្រធានាធិបតី ដូណាល់ ត្រាំ បានហៅថា “គួរឱ្យអស់សំណើច” ហើយបានជំរុញឱ្យប្រធានាធិបតីរុស្ស៊ី វ្លាឌីមៀរ ពូទីន បញ្ចប់តាមផ្លូវការទូត។ សាច់ញាតិរបស់ជនជាតិអាមេរិកដែលបាត់ខ្លួនបានប្រាប់ CNN អំពីការខ្វះខាតដ៏គួរឱ្យរន្ធត់ក្នុងការមិនអាចបញ្ចុះសពកូនប្រុសរបស់ពួកគេ អំពីស្ថានភាពផ្លូវច្បាប់ដែលមិនអាចប្រកាសជាផ្លូវការថាអ្នកជាទីស្រឡាញ់របស់ពួកគេបានស្លាប់ និងការធ្វើទុក្ខបុកម្នេញដោយអ្នកប្រើប្រាស់អ៊ីនធឺណិតរុស្ស៊ីដែលបំភិតបំភ័យពួកគេតាមអនឡាញ។ ភាពស្រួចស្រាល់នៃការប្រយុទ្ធនៅតាមបណ្តោយខ្សែមុខភាគខាងកើតរបស់អ៊ុយក្រែន មានន័យថាសាកសពទាហានពីភាគីទាំងសងខាងជារឿយៗមិនអាចប្រមូលបាន ហើយនៅរាយប៉ាយពេញសមរភូមិ។ អ្នកស្ម័គ្រចិត្តជនជាតិអាមេរិកពីរនាក់ត្រូវបានសម្លាប់ក្នុងហេតុការណ៍តែមួយ នៅខាងក្រៅ Pokrovsk នៅភាគខាងកើតប្រទេសអ៊ុយក្រែន កាលពីចុងខែកញ្ញា បើតាមអ្នករស់រានមានជីវិត និងសាច់ញាតិ។ សាកសពទាំងពីរមិនទាន់ត្រូវបានប្រមូលនៅឡើយទេ។ អតីតទាហានអាមេរិក Zachary Ford អាយុ២៥ឆ្នាំ មកពីរដ្ឋ Missouri និងជនជាតិអាមេរិកម្នាក់ទៀតដែលគ្មានបទពិសោធន៍យោធា ដែលគ្រួសាររបស់គាត់ស្នើសុំឱ្យស្គាល់តែតាមឈ្មោះហៅក្រៅថា […]

ប្រែសម្រួល៖ ស-សម្បត្តិ ប៉ងកាល់ពីណាង, បាងកា៖ គាត់ធ្លាប់ជាកសិករដាំម្រេច ប៉ុន្តែបានងាកទៅរកការរុករករ៉ែស្ពាន់ខុសច្បាប់អស់រយៈពេលជាង១៥ឆ្នាំមកហើយ នៅពេលដែលគាត់មិនអាចចិញ្ចឹមជីវិតពីដំណាំនោះបាន។ នៅថ្ងៃមួយក្នុងឆ្នាំ២០១៣ លហ្មូឌីន បានបញ្ចប់ការងារប្រចាំថ្ងៃនៅក្បែរមាត់ទន្លេ។ គាត់ឡើងទូកឈើតូចមួយដើម្បីត្រឡប់ទៅផ្ទះ ប៉ុន្តែដល់ពាក់កណ្តាលផ្លូវ ក្រពើមួយក្បាលបានលោតឡើងទូក ហើយវាយប្រហារគាត់។ «វាវាយប្រហារខ្ញុំនៅទីនេះមុន» លហ្មូឌីនបានបង្ហាញភ្លៅស្តាំរបស់គាត់ទៅកាន់ CNA។ «ប៉ុន្តែខ្ញុំបានតតាំង ហើយវាផ្លាស់ទៅវាយភ្លៅខាងឆ្វេងខ្ញុំវិញ» បុរសអាយុ៤០ឆ្នាំរូបនេះបានបន្ថែម។ «ឈឺខ្លាំងណាស់។ ឈាមហូរចេញពីភ្លៅទាំងសងខាង។» ការវាយប្រហារនេះបានធ្វើឱ្យលហ្មូឌីនខ្វិនអស់រយៈពេលមួយខែ ហើយគាត់មានស្នាមរបួសពីហេតុការណ៍នោះ ប៉ុន្តែគាត់សំណាងល្អដែលនៅរស់។ ប្រទេសឥណ្ឌូនេស៊ីមានករណីក្រពើវាយប្រហារមនុស្សច្រើនជាងគេប្រចាំឆ្នាំនៅលើពិភពលោក យោងតាមមូលនិធិក្រពើ ដែលជាអង្គការមិនរកប្រាក់ចំណេញមានមូលដ្ឋាននៅសហរដ្ឋអាមេរិក ដែលធ្វើការការពារនិងអភិរក្សក្រពើ ដែលជាលំដាប់លម្អិតនៃសត្វល្មូនដែលរួមបញ្ចូលទាំងអាល់លីហ្គេទ័រ កៃម៉ាន និងហ្គារៀល។ ការវាយប្រហារជាង១.០០០ករណីបានកើតឡើងនៅឥណ្ឌូនេស៊ីក្នុងរយៈពេល១០ឆ្នាំមកដល់ឆ្នាំ២០២៣ ដែលបណ្តាលឱ្យមានការស្លាប់៤៨៦នាក់ យោងតាម Croc Attack ដែលជាមូលដ្ឋានទិន្នន័យពិភពលោក។ ខេត្តបាងកា-បេលីទុងរបស់លហ្មូឌីន នៅភាគអាគ្នេយ៍នៃកោះស៊ូម៉ាត្រា គឺជាកន្លែងមួយក្នុងចំណោមខេត្តបីដែលមានចំនួនការវាយប្រហារច្រើនជាងគេ រួមជាមួយខេត្តណូសាទែនហ្គារ៉ាខាងកើត និងខេត្តកាលីម៉ង់តាន់ខាងកើត យោងតាមការសិក្សាដែលបានចុះផ្សាយកាលពីខែមេសា ឆ្នាំ២០២៣ ក្នុងទស្សនាវដ្តី Biological Conservation។ នៅលើកោះបាងកា ការវាយប្រហារបានកើនឡើងក្នុងរយៈពេល៦ឆ្នាំចុងក្រោយនេះ នេះបើយោងតាមអ្នកការពារបរិស្ថាន លង់កា សានី ដែលជាស្ថាបនិកមូលនិធិអាឡូប៊ី ដែលជាអង្គការសង្គ្រោះសត្វមានមូលដ្ឋាននៅប៉ងកាល់ពីណាង។ […]

ប្រែសម្រួល ៖ លន ស្រស់ វ៉ាស៊ីនតោន៖ ក្រុមហ៊ុន Honda Motor បានប្រកាសកាលពីថ្ងៃពុធថា ខ្លួននឹងបង្កើនការវិនិយោគរបស់ខ្លួនចំនួន ៣០០ លានដុល្លារនៅរោងចក្រផលិតរថយន្តបីកន្លែងក្នុងរដ្ឋ Ohio ដើម្បីបង្កើនភាពបត់បែនក្នុងការផលិតរថយន្តអគ្គិសនី រថយន្តហាយប្រ៊ីដ និងរថយន្តប្រើប្រេង នៅលើខ្សែចង្វាក់ផលិតកម្មតែមួយ។ ក្រុមហ៊ុនរថយន្តជប៉ុនដ៏ធំមួយនេះបានប្រកាសផែនការវិនិយោគចំនួន ៧០០ លានដុល្លារនៅរោងចក្រទាំងបីក្នុងឆ្នាំ ២០២២ ប៉ុន្តែពេលនេះបានបង្កើនដល់ ១ ពាន់លានដុល្លារ នេះបើយោងតាមលោកស្រី Jennifer Thomas អនុប្រធានជាន់ខ្ពស់នៃផ្នែកក្រុមហ៊ុន Hondaនៅអាមេរិក។ លោកស្រីក៏បានសម្តែងក្តីបារម្ភអំពីផែនការរបស់រដ្ឋបាលប្រធានាធិបតី Donald Trump ក្នុងការកាត់បន្ថយការលើកទឹកចិត្តសម្រាប់រថយន្តអគ្គិសនីផងដែរ។ Honda ក៏កំពុងសាងសង់រោងចក្រផលិតថ្មរថយន្តរួមទុនជាមួយ LG Energy Solution នៅរដ្ឋ Ohio ដែលការវិនិយោគសរុបត្រូវបានរំពឹងថានឹងមានទឹកប្រាក់ ៤,៤ ពាន់លានដុល្លារ ដែលជាផ្នែកមួយនៃមជ្ឈមណ្ឌល Honda EV Hub នៅរដ្ឋ Ohio។ Honda កំពុងកែច្នៃឡើងវិញនូវរោងចក្រផលិតរថយន្ត Marysville រោងចក្រផលិតរថយន្ត East Liberty […]

ប្រែសម្រួល៖ ស-សម្បត្តិ ប្រាយ៉ាហ្គរ៉ាច ប្រទេសឥណ្ឌា៖ នៅថ្ងៃព្រហស្បតិ៍ ទី៣០ មករា ២០២៥ ជនជាតិហិណ្ឌូគោរពប្រណិប័តន៍រាប់លាននាក់បានប្រមូលផ្តុំគ្នានៅក្រុងប្រាយ៉ាហ្គរ៉ាច ភាគខាងជើងប្រទេសឥណ្ឌា ដើម្បីចូលរួមពិធីបុណ្យមហាគុមភៈមេឡា បន្ទាប់ពីមានមនុស្សរាប់សិបនាក់ស្លាប់ដោយសារការជាន់គ្នា នៅថ្ងៃដែលចាត់ទុកថាសក្តិសិទ្ធិបំផុតនៃពិធីបុណ្យដែលប្រារព្ធអស់រយៈពេល៦សប្តាហ៍នេះ។ ក៏ប៉ុន្តែ អ្នកគោរពប្រណិប័តន៍មួយចំនួននៅតែមានការភ័យខ្លាចបន្ទាប់ពីឧប្បត្តិហេតុនេះ។ គ្រីស្ណា សូនី និស្សិតមកពីទីក្រុងប៊ីកានេ រដ្ឋរ៉ាចស្ថាន ភាគខាងលិច និងក្រុមគ្រួសាររបស់គាត់ប្រាំបីនាក់ បានចងខ្សែភ្ជាប់គ្នាដើម្បីកុំឱ្យបាត់គ្នាក្នុងហ្វូងមនុស្សដ៏ច្រើនកុះករ។ «យើងដើរដោយប្រុងប្រយ័ត្នខ្លាំងណាស់ និងព្យាយាមជៀសវាងតំបន់ដែលមានមនុស្សច្រើន» គាត់បានប្រាប់កាសែត Reuters។ នគរបាលបាននិយាយថា មានមនុស្ស៣០នាក់ស្លាប់កាលពីថ្ងៃពុធដោយសារការជាន់គ្នា នៅក្នុងការជួបជុំមនុស្សដ៏ធំបំផុតលើពិភពលោក និងមានអ្នករងរបួស៩០នាក់។ ប៉ុន្តែប្រភពបានប្រាប់ Reuters ថាចំនួនអ្នកស្លាប់ជិតដល់៤០នាក់។ អាជ្ញាធរឥណ្ឌាបានបញ្ជាឱ្យស៊ើបអង្កេតឧប្បត្តិហេតុនេះ ដែលកើតឡើងនៅពេលមនុស្សរុញគ្នាឆ្ពោះទៅកាន់ទន្លេដើម្បីងូតទឹកជាផ្នែកមួយនៃពិធីបុណ្យ។ កាលពីថ្ងៃពុធ មានមនុស្សជាង៧៦លាននាក់បានធ្វើពិធី «ងូតទឹកដ៏ថ្លៃថ្នូរ» នៅក្នុងទន្លេ រហូតដល់ម៉ោង៨យប់ (១៤៣០ GMT) ហើយនឹងមានពិធី «ងូតទឹកដ៏ថ្លៃថ្នូរ» បីដងទៀតមុនពេលពិធីបុណ្យបញ្ចប់។ នៅថ្ងៃព្រហស្បតិ៍ មានមនុស្សជាង៩លាននាក់បានធ្វើ «ពិធីងូតទឹកពិសិដ្ឋ» នៅជ្រលងទន្លេពិសិដ្ឋទាំងបីត្រឹមម៉ោង១០ព្រឹក (០៤៣០ GMT) បើតាមមន្ត្រី។ អ្នកគោរពប្រណិប័តន៍ធ្វើ «ពិធីងូតទឹកពិសិដ្ឋ» រាល់ថ្ងៃ […]

ប្រែសម្រួល ៖ លន ស្រស់ ស៊ីដនី៖ អ្នកទិញដុល្លារកំពុងត្រៀមខ្លួនវាយប្រហារលើប្រាក់អឺរ៉ូនៅថ្ងៃព្រហស្បតិ៍នេះ ប្រសិនបើធនាគារកណ្តាលអឺរ៉ុប (ECB) បង្ហាញជំហរទន់ភ្លន់លើអត្រាការប្រាក់នៅពេលក្រោយថ្ងៃនេះ ដោយសារធនាគារកណ្តាលសហរដ្ឋអាមេរិក (Fed) បានផ្អាកការកាត់បន្ថយអត្រាការប្រាក់កាលពីយប់មិញ។ ទីផ្សារបានរំពឹងយ៉ាងពេញទំហឹងថា ECB នឹងកាត់បន្ថយអត្រាការប្រាក់ ២៥ ចំណុចមូលដ្ឋាន មកនៅត្រឹម ២,៧៥ ភាគរយនៅថ្ងៃព្រហស្បតិ៍នេះ ហើយមានឱកាសតិចតួចក្នុងការកាត់បន្ថយ ៥០ ចំណុចមូលដ្ឋាន ដោយសារតែសេដ្ឋកិច្ចសហភាពអឺរ៉ុបកំពុងខ្សោយ។ អ្នកវិភាគនៅធនាគារ ANZ បានព្រមានថា “សម្ពាធអតិផរណានៅតំបន់អឺរ៉ុប(EU)កំពុងរលាយបាត់ ហើយហានិភ័យនៃការធ្លាក់ចុះអតិផរណាយ៉ាងខ្លាំងគឺជារឿងសំខាន់”។ “បញ្ហាប្រឈមស្មុគស្មាញផ្នែកសេដ្ឋកិច្ច និងនយោបាយដែលប្រឈមមុខដោយសេដ្ឋកិច្ចធំៗនៃតំបន់អឺរ៉ុប( EU) បង្កើនការទទួលខុសត្រូវរបស់ ECB ក្នុងការគាំទ្រកំណើន។” នេះជាហេតុផលមួយដែលទីផ្សាររំពឹងថានឹងមានការកាត់បន្ថយបន្ថែមទៀតនៅខែមីនា មេសា និងមិថុនា ដោយមានការកាត់បន្ថយប្រមាណ ៩០ ចំណុចមូលដ្ឋានត្រូវបានព្យាករណ៍សម្រាប់ឆ្នាំ ២០២៥។ ប្រសិនបើប្រធាន ECB លោកស្រី Christine Lagarde បញ្ជាក់អំពីទស្សនវិស័យទន់ភ្លន់បែបនេះ វាអាចបង្កើនសម្ពាធថ្មីលើប្រាក់អឺរ៉ូ។ រូបិយប័ណ្ណតែមួយនេះកំពុងជួញដូរនៅថេរត្រឹម $១,០៤២៥ ដោយរកឃើញការគាំទ្រនៅជុំវិញ $១,០៣៨០ កាលពីយប់មិញ។ ដុល្លារបានធ្លាក់ចុះបន្តិចបន្តួចទាំងធៀបនឹងប្រាក់យេន […]

ប្រែសម្រួល៖ តារា យន្តហោះតូចមួយបានធ្លាក់ចូលទន្លេ Potomac ក្បែរអាកាសយានដ្ឋានReagan National នៅរដ្ឋ Virginia,សហរដ្ឋអាមេរិក កាលពីយប់ថ្ងៃពុធ យោងតាមមន្ត្រីពន្លត់អគ្គិភ័យ។ នាវាក្រុមអ្នកពន្លត់អគ្គិភ័យកំពុងស្ថិតនៅកន្លែងកើតហេតុ បន្ទាប់ពីយន្តហោះបានធ្លាក់នៅក្នុងតំបន់ Arlington ដែលក្រសួងពន្លត់អគ្គិភ័យនិងសង្គ្រោះបន្ទាន់នៃរដ្ឋធានីវ៉ាស៊ីនតោនបានប្រកាសនៅលើបណ្តាញ X បន្ទាប់ពីម៉ោង ៩ យប់។ យន្តហោះទាំងអស់ត្រូវបានផ្អាក ហើយរដ្ឋបាលអាកាសចរណ៍ស៊ីវិលបានបិទអាកាសយានដ្ឋាន យោងតាមប្រភព WIJA។ អាកាសយានដ្ឋាន Reagan National នឹងនៅតែបិទរហូតដល់ម៉ោង ១១ យប់ ហើយការផ្អាកការចរាចរណ៍ផ្ទៃដីត្រូវបានរំពឹងថានឹងនៅបន្តរហូតដល់ម៉ោង ១០:៣០ យប់៕/

ប្រែសម្រួល៖ស-សម្បត្តិ បន្ទាប់ពីក្រុមហ៊ុនចិនដែលទើបតែចាប់ផ្តើមថ្មី DeepSeek បានបង្ហាញការរីកចម្រើនក្នុងការគណនា AI ដែលមានតម្លៃទាប ដែលបានធ្វើឱ្យរំជួលឧស្សាហកម្មបច្ចេកវិទ្យាអាមេរិក នាយកប្រតិបត្តិនៃក្រុមហ៊ុន Microsoft និង Meta បានការពារការចំណាយដ៏ច្រើន ដែលពួកគេថាមានសារៈសំខាន់ក្នុងការរក្សាភាពប្រកួតប្រជែងក្នុងវិស័យថ្មីនេះ។ ការរីកចម្រើនយ៉ាងឆាប់រហ័សរបស់ DeepSeek បានបង្កើតការសង្ស័យអំពីភាពនាំមុខរបស់អាមេរិកក្នុងវិស័យ AI ជាមួយនឹងម៉ូដែលដែលក្រុមហ៊ុនអះអាងថាអាចប្រកួតប្រជែង ឬលើសពីគូប្រជែងលោកខាងលិចក្នុងតម្លៃទាបជាងច្រើន ប៉ុន្តែថ្នាក់ដឹកនាំអាមេរិកបាននិយាយកាលពីថ្ងៃពុធថា ការកសាងបណ្តាញកុំព្យូទ័រធំៗគឺជាការចាំបាច់ដើម្បីបំពេញតម្រូវការក្រុមហ៊ុនដែលកំពុងកើនឡើង។ “ការវិនិយោគ ‘យ៉ាងច្រើន’ លើចំណាយមូលធន និងហេដ្ឋារចនាសម្ព័ន្ធនឹងក្លាយជាអត្ថប្រយោជន៍យុទ្ធសាស្ត្រនៅពេលវេលា” នេះជាសម្តីរបស់លោក Mark Zuckerberg នាយកប្រតិបត្តិ Meta នៅក្នុងការហៅទូរសព្ទក្រោយការប្រកាសលទ្ធផលហិរញ្ញវត្ថុ។ លោក Satya Nadella នាយកប្រតិបត្តិនៃក្រុមហ៊ុន Microsoft បាននិយាយថា ការចំណាយគឺចាំបាច់ដើម្បីយកឈ្នះលើការរឹតត្បិតសមត្ថភាពដែលបានរាំងស្ទះសមត្ថភាពរបស់ក្រុមហ៊ុនយក្សបច្ចេកវិទ្យាក្នុងការទាញប្រយោជន៍ពី AI។ “នៅពេលដែល AI កាន់តែមានប្រសិទ្ធភាព និងងាយស្រួលប្រើប្រាស់ យើងនឹងឃើញតម្រូវការកើនឡើងជាដរាប” លោកបាននិយាយក្នុងការសន្ទនាជាមួយអ្នកវិភាគ។ Microsoft បានបម្រុងទុកប្រាក់ ៨០ ពាន់លានដុល្លារសម្រាប់ AI ក្នុងឆ្នាំសារពើពន្ធបច្ចុប្បន្ន ខណៈដែល Meta បានសន្យាចំណាយរហូតដល់ ៦៥ […]

ប្រែសម្រួល៖ស-សម្បត្តិ តម្លៃប្រេងបានធ្លាក់ចុះនៅថ្ងៃពុធ បន្ទាប់ពីការកើនឡើងនៃស្តុកប្រេងឆៅក្នុងសហរដ្ឋអាមេរិក និងការថយចុះនៃការព្រួយបារម្ភអំពីការផ្គត់ផ្គង់ពីប្រទេសលីប៊ី ខណៈដែលការយកចិត្តទុកដាក់ផ្តោតទៅលើលទ្ធភាពនៃការដាក់ពន្ធគយរបស់សហរដ្ឋអាមេរិកទៅលើការនាំចូលពីប្រទេសកាណាដា និងម៉ិកស៊ិក។ តម្លៃប្រេងឆៅ Brent Futures បានធ្លាក់ចុះ ៥៩ សេន ឬ ០,៧៦ ភាគរយ មកនៅត្រឹម ៧៧,៩០ ដុល្លារក្នុងមួយបារ៉ែល គិតត្រឹមម៉ោង ០៩:១៦ GMT ខណៈដែលតម្លៃប្រេងឆៅអាមេរិក Futures បានធ្លាក់ចុះ ៥៥ សេន ឬ ០,៧៥ ភាគរយ មកនៅត្រឹម ៧៣,២២ ដុល្លារ។ សេតវិមានបានថ្លែងកាលពីថ្ងៃអង្គារថា ប្រធានាធិបតីអាមេរិក ដូណាល់ ត្រាំ នៅតែមានគម្រោងដាក់ពន្ធ ២៥ ភាគរយទៅលើប្រទេសកាណាដា និងម៉ិកស៊ិក នៅថ្ងៃសៅរ៍។ លោក Ole Hansen ប្រធានផ្នែកយុទ្ធសាស្ត្រទំនិញនៅធនាគារ Saxo បានមានប្រសាសន៍ថា “តម្លៃប្រេងឆៅនៅតែបត់បែនតាមចង្វាក់របស់វង់ភ្លេងពន្ធគយរបស់លោកត្រាំ ដោយពន្ធគយលើប្រទេសកាណាដាដែលនឹងចូលជាធរមាននៅថ្ងៃសៅរ៍ អាចនឹងធ្វើឱ្យតម្លៃក្នុងសហរដ្ឋអាមេរិកកើនឡើង”។ កាណាដាបានផ្គត់ផ្គង់ប្រេង ៣,៩ លានបារ៉ែលក្នុងមួយថ្ងៃទៅកាន់សហរដ្ឋអាមេរិកក្នុងឆ្នាំ ២០២៣ ស្មើនឹងពាក់កណ្តាលនៃការនាំចូលសរុបប្រចាំឆ្នាំ […]

ប្រែសម្រួល៖ ស-សម្បត្តិ មនុស្សជាច្រើននាក់បានស្លាប់ក្នុងគ្រោះថ្នាក់រត់ជាន់គ្នានៅក្នុងពិធីជួបជុំសាសនាដ៏ធំបំផុតក្នុងពិភពលោកនៅប្រទេសឥណ្ឌា នាព្រឹកថ្ងៃពុធទី២៩ មករា ២០២៥ ខណៈដែលអ្នកដើរតាមជំនឿរាប់សិបលាននាក់បាននាំគ្នាទៅងូតទឹកក្នុងទន្លេ នៅថ្ងៃដ៏ពិសិដ្ឋបំផុតមួយនៃពិធីបុណ្យហិណ្ឌូ។ មន្ត្រីប្រតិបត្តិពិសេសនៃពិធីបុណ្យនេះបានឱ្យដឹងថា របាំងមួយនៅជិតទន្លេបានបាក់ ខណៈដែលហ្វូងមនុស្សកំពុងដើរឆ្ពោះទៅកាន់មាត់ទន្លេ ដើម្បីងូតទឹកដ៏ពិសិដ្ឋជាផ្នែកមួយនៃពិធីបុណ្យមហាគុមភមេឡា នៅក្នុងទីក្រុងប្រយ៉ាក្រាជនៃប្រទេសឥណ្ឌា។ ប្រភពផ្លូវការនៅមន្ទីរពេទ្យមូលដ្ឋានមួយបានប្រាប់ CNN ថា ពួកគេបានទទួលសាកសពចំនួន ១៤ នាក់ប្រហែលម៉ោង ៤ ព្រឹកម៉ោងក្នុងស្រុក នៅថ្ងៃពុធ។ មនុស្សប្រមាណ ២០ នាក់ក៏កំពុងទទួលការព្យាបាលរបួសស្រាលផងដែរ។ អាជ្ញាធរឥណ្ឌាមិនទាន់បានបញ្ជាក់ចំនួនអ្នករងគ្រោះនៅឡើយទេ៕

ប្រែសម្រួល ៖ លន ស្រស់ ទីក្រុងមីឡាន៖ ភាគហ៊ុនរបស់ក្រុមហ៊ុន ASML បានកើនឡើងយ៉ាងខ្លាំងនៅក្នុងការជួញដូរនៅទីផ្សារហ្វ្រែងហ្វើត នាព្រឹកថ្ងៃពុធ បន្ទាប់ពីមានការកម្មង់ទិញខ្ពស់ក្នុងត្រីមាសទី៤។ ក្រុមហ៊ុនផ្គត់ផ្គង់ឧបករណ៍ផលិតឈីបកុំព្យូទ័រធំជាងគេនេះ បានរាយការណ៍ពីការកម្មង់ទិញក្នុងត្រីមាសទី៤ ដែលល្អជាងការរំពឹងទុកយ៉ាងច្រើន ដោយមានតម្លៃ ៧,០៨ ប៊ីលានអឺរ៉ូ ដោយសារតម្រូវការខ្ពស់សម្រាប់ឧបករណ៍ទំនើបបំផុតរបស់ខ្លួន។ ភាគហ៊ុនដែលរងផលប៉ះពាល់ដោយការធ្លាក់ចុះនៃ DeepSeek នាសប្តាហ៍នេះ បានកើនឡើង ៨,៧ ភាគរយនៅទីផ្សារហ្វ្រែងហ្វើត។ ក្រុមហ៊ុន Jefferies បានលើកឡើងក្នុងកំណត់ចំណាំមួយថា “ការកម្មង់ទិញខ្ពស់ក្នុងត្រីមាសទី៤ និងការកម្មង់ទិញដែលមិនទាន់បានបញ្ជូន នឹងជួយបំបាត់ការព្រួយបារម្ភមួយចំនួនអំពីឆ្នាំ ២០២៥ ប៉ុន្តែការព្រួយបារម្ភអំពីកំណើនឆ្នាំ ២០២៦ ទំនងនៅតែមាន”៕/ ប្រភព៖ Reuters

ប្រែសម្រួល៖ ស-សម្បត្តិ ទីក្រុងសេអ៊ូល៖ អាជ្ញាធរបានឱ្យដឹងកាលពីថ្ងៃពុធ(២៩ មករា) ថា មនុស្សប្រាំពីរនាក់បានរងរបួសស្រាលភាគច្រើននៅក្នុងឧប្បត្តិហេតុភ្លើងឆេះយន្តហោះនៅថ្ងៃអង្គារ នៅប្រទេសកូរ៉េខាងត្បូង។ ប្រព័ន្ធផ្សព្វផ្សាយក្នុងស្រុកបានលើកឡើងថា អគ្គិភ័យនេះអាចបណ្តាលមកពីថ្មពិលចល័តដែលត្រូវបានទុកដាក់នៅក្នុងត្រកដាក់អីវ៉ាន់ពីលើក្បាល។ យន្តហោះរបស់ក្រុមហ៊ុន Air Busan ដែលជាប្រភេទ Airbus A321 ត្រូវហោះហើរទៅកាន់ហុងកុងពីអាកាសយានដ្ឋានអន្តរជាតិ Gimhae នៅភាគអាគ្នេយ៍ក្រុងបូសាន ប៉ុន្តែបានឆាបឆេះនៅផ្នែកខាងក្រោយកាលពីយប់ថ្ងៃអង្គារ បើតាមក្រសួងដឹកជញ្ជូន។ អ្នកដំណើរចំនួន ១៦៩នាក់ និងអ្នកបម្រើលើយន្តហោះព្រមទាំងបុគ្គលិកចំនួន ៧នាក់ត្រូវបានជម្លៀសចេញតាមជណ្តើរប៉ោងដែលអាចបញ្ចុះឡើង។ ដំបូងឡើយ អាជ្ញាធរបានរាយការណ៍ថាមានអ្នករងរបួសបីនាក់ ប៉ុន្តែបានកែប្រែចំនួននេះទៅជាប្រាំពីរនាក់នៅថ្ងៃពុធ។ ក្រសួងបានបន្ថែមថា ក្នុងចំណោមអ្នករងរបួសទាំងនោះ មានម្នាក់កំពុងសម្រាកព្យាបាលនៅមន្ទីរពេទ្យ។ ឧប្បត្តិហេតុនេះបានបណ្តាលឱ្យឆេះស្ទើរតែពាក់កណ្តាលនៃតួយន្តហោះ ប៉ុន្តែស្លាប និងម៉ាស៊ីនទាំងសងខាងមិនខូចខាតទេ។ ក្រសួងបានបន្ថែមថា មូលហេតុនៃអគ្គិភ័យកំពុងស្ថិតក្រោមការស៊ើបអង្កេត។ អ្នកនាំពាក្យក្រសួងបានប្រាប់ AFP ថា “យើងមិនច្បាស់ថាតើពេលណាយើងនឹងអាចបង្ហាញលទ្ធផលនៃការស៊ើបអង្កេតអំពីមូលហេតុនៃអគ្គិភ័យកាលពីយប់មិញនោះទេ”។ រូបភាព និងវីដេអូដ៏គួរឱ្យតក់ស្លុតពីប្រព័ន្ធផ្សព្វផ្សាយក្នុងស្រុកកាលពីយប់ថ្ងៃអង្គារបានបង្ហាញពីយន្តហោះត្រូវបានភ្លើងឆេះសន្ធោសន្ធៅ ដោយមានផ្សែងក្រាស់ហាក់ដូចជាហុយចេញពីខាងក្នុងយន្តហោះ។ រូបភាពពីព្រឹកថ្ងៃពុធបានបង្ហាញថា ពាក់កណ្តាលខាងលើនៃតួយន្តហោះត្រូវបានឆេះខូច ដោយបន្សល់ទុកប្រហោងធំមួយ។ ខណៈដែលក្រសួងមិនបានផ្តល់យោបល់អំពីមូលហេតុដែលអាចបណ្តាលឱ្យមានអគ្គិភ័យ ទីភ្នាក់ងារព័ត៌មាន Yonhap បានរាយការណ៍ថា អណ្តាតភ្លើងបានចាប់ផ្តើមរាលដាលបន្ទាប់ពីផ្សែងខ្មៅចេញពីត្រកដាក់អីវ៉ាន់ពីលើក្បាលនៅជួរកៅអីខាងក្រោយ។ កាសែតក្នុងស្រុក JoongAng Ilbo បានរាយការណ៍ដោយដកស្រង់សម្តីមនុស្សម្នាក់ដែលមានទំនាក់ទំនងជាមួយក្រុមហ៊ុន […]