ប្រែសម្រួល៖ រ៉ាម៉េត ប្រជាពលរដ្ឋនៅទីក្រុងភាគខាងត្បូងមួយ ដែលល្បីល្បាញដោយសារកម្មវិធីរ៉ុកកែតរបស់ខ្លួន កំពុងត្រៀមខ្លួនទទួលផលប៉ះពាល់នៃបទបញ្ជាប្រតិបត្តិរបស់លោក ដូណាល់ ត្រាំ ក្នុងការកាត់បន្ថយកម្លាំងពលកម្មសហព័ន្ធ។ យោងតាមសារព័ត៌មាន WAFF មន្ត្រីសហព័ន្ធប្រមាណ ២១.០០០នាក់ ធ្វើការនៅទីក្រុងហាន់ស្វីល រដ្ឋអាឡាបាម៉ា ដែលភាគច្រើនមានការងារនៅមូលដ្ឋានយោធា Redstone Arsenal ដែលជាទីតាំងការិយាល័យ FBI និងមជ្ឈមណ្ឌលហោះហើរ Marshall ផងដែរ។ ប្រជាពលរដ្ឋមួយចំនួនបាននិយាយថា ពួកគេបានទទួលអ៊ីមែលស្ដីពីការលាលែងដែលគេហៅថា “Fork in the Road” ដែលផ្ដល់ជម្រើសឱ្យមន្ត្រីរដ្ឋាភិបាលទទួលប្រាក់សំណងរហូតដល់ថ្ងៃទី៣០ ខែកញ្ញា ប្រសិនបើពួកគេយល់ព្រមលាលែង។ អ្នកផ្សេងទៀតបាននិយាយថា ពួកគេត្រូវបានបង្ខំឱ្យត្រឡប់មកការិយាល័យវិញ បន្ទាប់ពីលោក ត្រាំ បានលុបចោលឱកាសធ្វើការពីផ្ទះ។ ទោះយ៉ាងណា យោងតាមកាសែត Huntsville Times កាលពីថ្ងៃព្រហស្បតិ៍ មន្ត្រីស្ថិតក្នុងអំឡុងពេលសាកល្បងការងាររាប់ពាន់នាក់នៅទូទាំងសហរដ្ឋអាមេរិកត្រូវបានបញ្ឈប់ពីការងារ ហើយឥឡូវនេះ មនុស្សជាច្រើននៅក្នុងទីក្រុងកំពុងព្រួយបារម្ភអំពីផលប៉ះពាល់នៃបទបញ្ជាប្រតិបត្តិដែលលោក ត្រាំ បានចុះហត្ថលេខាកាលពីថ្ងៃអង្គារ។ បទបញ្ជាជាលាយលក្ខណ៍អក្សររបស់ប្រធានាធិបតីស្នើឱ្យទីភ្នាក់ងារសហព័ន្ធត្រៀមខ្លួនសម្រាប់ “ការកាត់បន្ថយកម្លាំងពលកម្មក្នុងទ្រង់ទ្រាយធំ” ដោយបញ្ជាក់ថា មុខងារណាដែលមិនតម្រូវដោយច្បាប់នឹងត្រូវដាក់អាទិភាពសម្រាប់ការកាត់បន្ថយ ហើយការជ្រើសរើសបុគ្គលិកថ្មីនឹងត្រូវបានដាក់កម្រិត។ ដោយមានករណីលើកលែងសម្រាប់មុខងារដូចជាសន្តិសុខសាធារណៈ បុគ្គលិកថ្មីម្នាក់អាចត្រូវបានបន្ថែមសម្រាប់និយោជិតបួននាក់ដែលលាលែង។ លើសពីនេះ ការជ្រើសរើសបុគ្គលិកថ្មីជាទូទៅនឹងត្រូវការការអនុម័តពីតំណាងរបស់ […]

ប្រែសម្រួល៖ រ៉ាម៉េត ម្យូនិក/វ៉ាស៊ីនតោន ថ្ងៃទី១៥ កុម្ភៈ (រយទ័រ) – មន្ត្រីអាមេរិក និងរុស្ស៊ីនឹងជួបគ្នានៅប្រទេសអារ៉ាប៊ីសាអូឌីតក្នុងពេលឆាប់ៗខាងមុខនេះ ដើម្បីចាប់ផ្តើមការចរចាដែលមានគោលបំណងបញ្ចប់សង្គ្រាមរបស់មូស្គូក្នុងប្រទេសអ៊ុយក្រែនដែលបានចាប់ផ្តើមអស់រយៈពេលជិតបីឆ្នាំមកហើយ។ នេះបើយោងតាមសមាជិកសភាអាមេរិកម្នាក់ និងប្រភពដែលជិតស្និទ្ធនឹងការរៀបចំផែនការនេះបាននិយាយកាលពីថ្ងៃសៅរ៍។ ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡិនស្គី ដែលបានជួបជាមួយអនុប្រធានាធិបតីអាមេរិក លោក ជេឌី វ៉ាន់ស៍ នៅប្រទេសអាល្លឺម៉ង់កាលពីថ្ងៃសុក្រ បាននិយាយថា អ៊ុយក្រែនមិនត្រូវបានអញ្ជើញឱ្យចូលរួមក្នុងការចរចានៅអារ៉ាប៊ីសាអូឌីតទេ ហើយក្រុងគីវនឹងមិនចូលរួមចរចាជាមួយរុស្ស៊ីមុនពេលពិគ្រោះយោបល់ជាមួយដៃគូយុទ្ធសាស្ត្រឡើយ។ រដ្ឋមន្ត្រីការបរទេសអាមេរិក លោក ម៉ាកូ រូប៊ីយ៉ូ ទីប្រឹក្សាសន្តិសុខជាតិ លោក ម៉ៃក៍ វ៉ូលស៍ និងប្រតិភូពិសេសសម្រាប់មជ្ឈិមបូព៌ារបស់សេតវិមាន លោក ស្ទីវ វីតខូហ្វ នឹងធ្វើដំណើរទៅកាន់អារ៉ាប៊ីសាអូឌីត នេះបើយោងតាមតំណាងរាស្ត្រអាមេរិក លោក ម៉ៃឃើល ម៉ាខល បានប្រាប់កាសែត រយទ័រ។ មិនទាន់មានការបញ្ជាក់ច្បាស់នៅឡើយទេថា តើពួកគេនឹងជួបជាមួយនរណាខ្លះពីភាគីរុស្ស៊ី។ នៅក្រៅកិច្ចប្រជុំសន្និសីទសន្តិសុខម្យូនិក លោក ម៉ាខល បាននិយាយថា គោលបំណងនៃការចរចានេះគឺដើម្បីរៀបចំការជួបគ្នារវាងប្រធានាធិបតីអាមេរិក លោក ដូណាល់ ត្រាំ ប្រធានាធិបតីរុស្ស៊ី លោក […]

ប្រែសម្រួល៖ រតនា ក្រុងសេអ៊ូល៖ កូរ៉េខាងជើងបានថ្លែងកាលពីថ្ងៃសៅរ៍ (ថ្ងៃទី១៥ ខែកុម្ភៈ) ថា សហរដ្ឋអាមេរិកគួរតែបោះបង់ការគំរាមកំហែងយោធា ប្រសិនបើខ្លួនមានការព្រួយបារម្ភអំពីសុវត្ថិភាពដែនដីរបស់ខ្លួន នេះបើយោងតាមការរាយការណ៍របស់ទីភ្នាក់ងារព័ត៌មានរដ្ឋ KCNA ដោយដកស្រង់សម្ដីមន្ត្រីក្រសួងការពារជាតិកូរ៉េខាងជើង។ របាយការណ៍របស់ KCNA បានដកស្រង់សម្ដីប្រធានបញ្ជាការកងទ័ពភាគខាងជើងរបស់សហរដ្ឋអាមេរិក ដែលបានធ្វើអត្ថាធិប្បាយថ្មីៗនេះអំពីសមត្ថភាពមីស៊ីលបាលីស្ទិកឆ្លងទ្វីប (ICBMs) របស់កូរ៉េខាងជើង ក្នុងការវាយប្រហារទៅដល់ដែនដីសហរដ្ឋអាមេរិក។ របាយការណ៍បានបញ្ជាក់ថា សហរដ្ឋអាមេរិកទេដែលកំពុងប្រព្រឹត្តឥរិយាបថប្រឈមមុខដាក់គ្នា ដូចជាការរៀបចំផែនការសមយុទ្ធយោធាជាមួយកូរ៉េខាងត្បូង និងការបញ្ជូននាវាមុជទឹកនុយក្លេអ៊ែរទៅកាន់ឧបទ្វីបកូរ៉េ។ របាយការណ៍បានបន្ថែមថា វាជាសិទ្ធិអធិបតេយ្យរបស់កូរ៉េខាងជើងក្នុងការពង្រឹងសមត្ថភាពការពារខ្លួនរបស់ខ្លួន៕ ប្រភព៖ Reuters/ao

ប្រែសម្រួល៖ ស-សម្បត្តិ បាងកក៖ ប៉ូលិសថៃបានប្រាប់ AFP នៅថ្ងៃសៅរ៍ (ថ្ងៃទី១៥ កុម្ភៈ) ថា ប្រទេសថៃបាននិរទេសជនជាតិចិន១០នាក់ដែលពាក់ព័ន្ធនឹងករណីចាប់ជំរិតតារាសម្តែងម្នាក់ដែលត្រូវបានជួយសង្គ្រោះពីមជ្ឈមណ្ឌលបន្លំតាមអ៊ីនធឺណិតនៅប្រទេសមីយ៉ាន់ម៉ា។ វ៉ាង ស៊ីង ដែលត្រូវបានគេស្គាល់ថាជា ស៊ីង ស៊ីង បានហោះមកប្រទេសថៃក្រោយពីជឿថាខ្លួនទទួលបានតួសម្តែងក្នុងការផលិតភាពយន្តថៃមួយ។ គាត់ត្រូវបានគេរាយការណ៍ថាបាត់ខ្លួននៅក្បែរទីក្រុងព្រំដែនថៃមួយ មុនពេលត្រូវបានរកឃើញដោយសុវត្ថិភាពនៅក្នុងប្រទេសមីយ៉ាន់ម៉ា។ មជ្ឈមណ្ឌលបន្លំបានរីកដុះដាលនៅតាមតំបន់ព្រំដែននៃប្រទេសមីយ៉ាន់ម៉ា និងមានបុគ្គលិកជាជនបរទេសដែលជាញឹកញាប់ត្រូវបានជួញដូរ និងបង្ខំឱ្យធ្វើការ ដោយបោកប្រាស់ប្រជាជនរួមជាតិរបស់ពួកគេក្នុងឧស្សាហកម្មមួយដែលអ្នកវិភាគនិយាយថាមានតម្លៃរាប់ពាន់លានដុល្លារ។ យោងតាមសេចក្តីថ្លែងការណ៍របស់ប៉ូលិសកាលពីថ្ងៃសុក្រ ជនសង្ស័យទាំងនេះជាផ្នែកនៃក្រុមឧក្រិដ្ឋកម្មដែលប្រតិបត្តិការនៅម្យ៉ាវ៉ាឌី ប្រទេសមីយ៉ាន់ម៉ា និងត្រូវបានចោទប្រកាន់ថាបានពាក់ព័ន្ធក្នុងការបោកប្រាស់ប្រជាជនចិន រួមទាំងលោក វ៉ាង ផងដែរ។ មន្ត្រីប៉ូលិសម្នាក់បានប្រាប់ AFP នៅថ្ងៃសៅរ៍ថា “ក្រុមនេះត្រូវបាននិរទេសត្រឡប់ទៅ (ប្រទេសចិន) វិញកាលពីល្ងាចម្សិលមិញ”។ ពួកគេត្រូវបានដឹកជញ្ជូនចេញពីព្រលានយន្តហោះសុវណ្ណភូមិនៅទីក្រុងបាងកក ដោយមានការអមដំណើរពីប៉ូលិសអន្តោប្រវេសន៍ថៃ។ ប៉ូលិសថៃបាននិយាយកាលពីថ្ងៃសុក្រថា ជនទាំង១០នាក់ត្រូវបាននិរទេស “ដើម្បីឱ្យប៉ូលិសចិនកាត់ទោស”។ ការព្រួយបារម្ភអំពីប្រតិបត្តិការបន្លំតាមអ៊ីនធឺណិតបានកើនឡើង បន្ទាប់ពីលោក វ៉ាង ត្រូវបានជួយសង្គ្រោះពីមជ្ឈមណ្ឌលបន្លំនៅប្រទេសមីយ៉ាន់ម៉ាកាលពីខែមករា។ លោក វ៉ាង បាននិយាយថា គាត់ត្រូវបានល្បួងឱ្យមកប្រទេសថៃដោយសន្យាថានឹងមានការសាកសមនាទការសម្តែង ប៉ុន្តែត្រូវបានគេរត់ពន្ធឆ្លងកាត់ព្រំដែន។ យោងតាមសេចក្តីថ្លែងការណ៍របស់លោក ថាចៃ ពិតានីឡាប៊ូត មន្ត្រីប៉ូលិសជាន់ខ្ពស់ដែលដឹកនាំកិច្ចខិតខំប្រឹងប្រែងប្រឆាំងការជួញដូរមនុស្សកាលពីថ្ងៃសុក្រ បន្ទាប់ពីការជួយសង្គ្រោះរបស់គាត់ ក្រុមឧក្រិដ្ឋជនបានរត់គេចខ្លួនពីមីយ៉ាន់ម៉ាទៅកម្ពុជា […]

ប្រែសម្រួល៖ រតនា ខានយូនីស ដែនដីប៉ាឡេស្ទីន៖ ក្រុមឧទ្ទាមនៅហ្គាហ្សាបានប្រគល់ចំណាប់ខ្មាំងអ៊ីស្រាអែលបីនាក់ទៅឱ្យកាកបាទក្រហមកាលពីថ្ងៃសៅរ៍ (ថ្ងៃទី១៥ ខែកុម្ភៈ) ក្នុងការដោះដូរដែលនឹងឃើញការដោះលែងជនជាប់ឃុំប៉ាឡេស្ទីនចំនួន៣៦៩នាក់ពីការឃុំឃាំងរបស់អ៊ីស្រាអែល ដែលជាការដោះដូរចុងក្រោយបំផុតក្រោមកិច្ចព្រមព្រៀងបទឈប់បាញ់ដែលកំពុងបន្ត។ អ្នកកាសែត AFP បានឃើញក្រុមឧទ្ទាមហាម៉ាស់ពាក់របាំងមុខដឹកនាំចំណាប់ខ្មាំងឡើងទៅលើឆាកនៅក្នុងទីក្រុងខានយូនីសភាគខាងត្បូងហ្គាហ្សា ដែលពួកគេត្រូវបានស្នើឱ្យថ្លែងទៅកាន់ហ្វូងមនុស្សមុនពេលប្រគល់ខ្លួនទៅឱ្យកាកបាតក្រហម។ ដោយកាន់ថង់អំណោយដែលផ្តល់ដោយអ្នកចាប់ជំរិត និងវិញ្ញាបនបត្រសម្រាប់បញ្ចប់ការឃុំឃាំងរបស់ពួកគេ បុរសទាំងបីនាក់ដែលមានអ្នកប្រយុទ្ធនៅជុំវិញ បានអំពាវនាវឱ្យបញ្ចប់ការដោះដូរចំណាប់ខ្មាំងបន្ថែមទៀតក្រោមកិច្ចព្រមព្រៀងឈប់បាញ់។ ការដោះលែងនេះ ដែលជាលើកទី៦ចាប់តាំងពីការឈប់បាញ់ចូលជាធរមានកាលពីថ្ងៃទី១៩ ខែមករា បានកើតឡើងបន្ទាប់ពីមានការព្រួយបារម្ភកាលពីសប្តាហ៍មុនថា កិច្ចព្រមព្រៀងរវាងអ៊ីស្រាអែល និងហាម៉ាស់ជិតដួលរលំ។ ប៉ុន្តែកាលពីថ្ងៃសុក្រ ភាគីទាំងសងខាងបានបញ្ជាក់ថា ការដោះដូរនៅថ្ងៃសៅរ៍នឹងដំណើរការទៅមុខ។ អ្នកប្រយុទ្ធហាម៉ាស់រាប់សិបនាក់បានតម្រៀបជុំវិញឆាកដែលមានស្លាកសញ្ញារបស់ស្នាដៃយោធារបស់ក្រុមនេះ គឺកងពលអេហ្សេឌីន អាល់-កាស្សាម ខណៈដែលចម្រៀងជាតិនិយមប៉ាឡេស្ទីនកំពុងបន្លឺឡើង។ ប្រភពពីក្រុមហាម៉ាស់ និងជីហាដអ៊ីស្លាមបាននិយាយថា ក្រុមទាំងនេះបានដាក់ពង្រាយអ្នកប្រយុទ្ធប្រមាណ២០០នាក់សម្រាប់ពិធីប្រគល់។ ហ្វូងមនុស្សក៏បានប្រមូលផ្តុំគ្នានៅ “ទីលានចំណាប់ខ្មាំង” នៅទីក្រុងតែល អាវីវ ដើម្បីមើលការដោះដូរ ដោយមានមនុស្សជាច្រើនកាន់ទង់ជាតិអ៊ីស្រាអែល និងផ្ទាំងរូបភាពគាំទ្រចំណាប់ខ្មាំង។ ការិយាល័យនាយករដ្ឋមន្ត្រីអ៊ីស្រាអែល លោក បេញ្ជាមីន ណេតាន់យ៉ាហ៊ូ បានប្រកាសឈ្មោះចំណាប់ខ្មាំងថាជា សាហ្គី ដេកែល-ចេន ជនជាតិអាមេរិក-អ៊ីស្រាអែល សាសា ទ្រូប៉ាណូវ ជនជាតិរុស្ស៊ី-អ៊ីស្រាអែល និង យ៉ែរ ហន ជនជាតិអាហ្សង់ទីន-អ៊ីស្រាអែល។ […]

ប្រែសម្រួល៖ស-សម្បត្តិ ទីក្រុងមុយនិច៖ អនុប្រធានាធិបតីសហរដ្ឋអាមេរិក លោក ជេឌី វ៉ាន់ បានប្តេជ្ញាកាលពីថ្ងៃសុក្រ (ថ្ងៃទី១៤ កុម្ភៈ) ថា វ៉ាស៊ីនតោនមានបំណងធានាឲ្យបាននូវសន្តិភាព «យូរអង្វែង» នៅពេលដែលលោកបានជួបប្រជុំលើកដំបូងជាមួយមេដឹកនាំអ៊ុយក្រែន លោក វ៉ូឡូឌីមៀរ ហ្សេឡិនស្គី ដើម្បីពិភាក្សាអំពីការជំរុញរបស់លោក ដូណាល់ ត្រាំ ក្នុងការចរចាជាមួយទីក្រុងមូស្គូ។ ការចរចានៅទីក្រុងមុយនិចត្រូវបានគេមើលឃើញថាជាពេលវេលាសំខាន់សម្រាប់ទីក្រុងគីវ ខណៈដែលខ្លួនព្យាយាមរក្សាវ៉ាស៊ីនតោននៅខាងខ្លួន បន្ទាប់ពីលោក ត្រាំ បានធ្វើឲ្យសម្ព័ន្ធមិត្តភ្ញាក់ផ្អើល ដោយប្រកាសអំពីកិច្ចខិតខំប្រឹងប្រែងសម្រាប់កិច្ចព្រមព្រៀងឈប់បាញ់ជាមួយមេដឹកនាំរុស្ស៊ី លោក វ្លាឌីមៀរ ពូទីន។ លោក វ៉ាន់ បានមានប្រសាសន៍នៅពេលបញ្ចប់កិច្ចប្រជុំថា «យើងចង់សម្រេចបាននូវសន្តិភាពដែលស្ថិតស្ថេរនិងយូរអង្វែង មិនមែនជាសន្តិភាពដែលនឹងធ្វើឲ្យអឺរ៉ុបខាងកើតស្ថិតក្នុងជម្លោះម្តងទៀតក្នុងរយៈពេលប៉ុន្មានឆ្នាំខាងមុខនោះទេ»។ លោកបានថ្លែងថា បានមាន «ការសន្ទនាល្អ» ជាមួយលោក ហ្សេឡិនស្គី អំពីរបៀបដែលពួកគេអាចសម្រេចបាននូវគោលដៅនោះ ហើយពួកគេនឹងមានការពិភាក្សាបន្ថែមទៀត «នៅក្នុងថ្ងៃ សប្តាហ៍ និងខែខាងមុខ»។ លោក ហ្សេឡិនស្គី ក៏បានសាទរចំពោះ «ការសន្ទនាដ៏ល្អ» ដោយមានប្រសាសន៍ថា ជំនួបជាមួយលោក វ៉ាន់ គឺជា «ការជួបគ្នាលើកដំបូងរបស់យើង មិនមែនជាលើកចុងក្រោយទេ ខ្ញុំជឿជាក់»។ […]

ប្រែសម្រួល៖ស-សម្បត្តិ ទីក្រុងតៃប៉ិ៖ យន្តហោះបង្វឹកទំនើបដែលផលិតក្នុងស្រុករបស់កងទ័ពអាកាសតៃវ៉ាន់មួយគ្រឿង បានធ្លាក់កាលពីថ្ងៃសៅរ៍ (ថ្ងៃទី១៥ ខែកុម្ភៈ) បន្ទាប់ពីរាយការណ៍ថាម៉ាស៊ីនមានបញ្ហា ប៉ុន្តែអ្នកបើកបរបានលោតចេញដោយសុវត្ថិភាព នេះបើតាមសេចក្តីថ្លែងការណ៍របស់យោធា ដែលជាការរាំងស្ទះមួយដល់កម្មវិធីនេះ។ យន្តហោះ AT-5 Brave Eagle ដែលផលិតដោយក្រុមហ៊ុនរដ្ឋ Aerospace Industrial Development Corp ជាមួយនឹងថវិកា ៦៨,៦ ពាន់លានដុល្លារតៃវ៉ាន់ (២,១ ពាន់លានដុល្លារអាមេរិក) បានធ្វើការហោះហើរសាកល្បងលើកដំបូងក្នុងឆ្នាំ២០២០។ កងទ័ពអាកាសតៃវ៉ាន់បានឱ្យដឹងថា យន្តហោះនេះបានចាប់ផ្តើមហោះហើរពីមូលដ្ឋានទ័ពអាកាសឈីហាង នៅក្នុងតំបន់តៃទុង នៅឆ្នេរខាងកើតនៃកោះ ហើយបន្ទាប់មកបានរាយការណ៍ថាម៉ាស៊ីនទាំងពីរគ្រឿងមានបញ្ហា។ អ្នកបើកបរបានប្រើឧបករណ៍លោតចុះដោយសុវត្ថិភាព ហើយត្រូវបានជួយសង្គ្រោះ។ ក្រុមអ្នកស៊ើបអង្កេតមួយត្រូវបានបង្កើតឡើង នេះបើតាមសេចក្តីថ្លែងការណ៍របស់កងទ័ពអាកាស។ នេះគឺជាគ្រោះថ្នាក់លើកដំបូងចាប់តាំងពីយន្តហោះ AT-5 ចាប់ផ្តើមប្រគល់ជូនកងទ័ពអាកាសក្នុងឆ្នាំ២០២១។ កងទ័ពអាកាសតៃវ៉ាន់មានគម្រោងទទួលយកយន្តហោះចំនួន៦៦គ្រឿងត្រឹមឆ្នាំ២០២៦ ដើម្បីជំនួសយន្តហោះបង្វឹក AT-3 ដែលចាស់ និងយន្តហោះ F-5 ផលិតនៅសហរដ្ឋអាមេរិក ដែលបានជួបគ្រោះថ្នាក់ជាបន្តបន្ទាប់ក្នុងប៉ុន្មានឆ្នាំថ្មីៗនេះ។ កងកម្លាំងប្រដាប់អាវុធតៃវ៉ាន់ភាគច្រើនទទួលបានគ្រឿងបរិក្ខារពីសហរដ្ឋអាមេរិក ប៉ុន្តែរដ្ឋាភិបាលបានកំណត់ការអភិវឌ្ឍឧស្សាហកម្មការពារជាតិទំនើបក្នុងស្រុកជាអាទិភាព ជាពិសេសនៅពេលដែលចិន ដែលអះអាងថាកោះនេះជាផ្នែកមួយរបស់ខ្លួន បានពង្រឹងកិច្ចខិតខំទំនើបកម្មយោធា និងការហ្វឹកហាត់នៅជិតតៃវ៉ាន់។ AT-5 គឺជាយន្តហោះចម្បាំងដំបូងគេដែលផលិតក្នុងស្រុករបស់តៃវ៉ាន់ បន្ទាប់ពីយន្តហោះ F-CK-1 […]

ប្រែសម្រួល៖រតនា ការប៉ុនប៉ងចុងក្រោយរបស់ក្រសួងប្រសិទ្ធភាពរដ្ឋាភិបាលអាមេរិក (Department of Government Efficiency)ហៅកាត់ថា DOGE របស់លោក Elon Musk ក្នុងការបង្កើតការផ្លាស់ប្តូរនៅក្នុងរដ្ឋធានីវ៉ាស៊ីនតោន បានធ្វើឱ្យមានការបង្ហោះព័ត៌មានសម្ងាត់នៅលើគេហទំព័ររបស់ខ្លួន។ DOGE ដែលត្រូវបានបង្កើតឡើងដោយលោក Donald Trump និងដឹកនាំដោយលោក Musk ដើម្បីកាត់បន្ថយការខ្ជះខ្ជាយថវិការដ្ឋ បានចាប់ផ្តើមគេហទំព័រមួយកាលពីថ្ងៃពុធ ដែលអះអាងថាអនុញ្ញាតឱ្យប្រជាពលរដ្ឋ «តាមដានប្រាក់ពន្ធរបស់អ្នកតាមរយៈប្រព័ន្ធរដ្ឋបាល»។ ខណៈពេលដែលគេហទំព័រនេះអះអាងថាមិនបង្ហោះព័ត៌មានពីទីភ្នាក់ងារស៊ើបការណ៍អាមេរិកផ្សេងៗ ប៉ុន្តែការអះអាងនោះហាក់ដូចជាត្រូវបានបំពាន។ ការស្រាវជ្រាវដោយកាសែត Huffington Post បានបង្ហាញថា ព័ត៌មានអំពីការិយាល័យស៊ើបការណ៍ជាតិ (National Reconnaissance Office) អាចរកបានយ៉ាងងាយស្រួល។ ទីភ្នាក់ងារសហព័ន្ធនេះទទួលបន្ទុកគ្រប់គ្រងផ្កាយរណបស៊ើបការណ៍របស់អាមេរិក ចាប់ពីការរចនារហូតដល់ការថែទាំ។ មន្ត្រីទីភ្នាក់ងារស៊ើបការណ៍ការ ការពារជាតិម្នាក់បានប្រាប់ Huffington Post កាលពីថ្ងៃសុក្រថា ភ្នាក់ងារចារកម្មកំពុងស្ថិតក្នុងភាពច្របូកច្របល់ទាំងស្រុង។ «DOGE ទើបតែបានបង្ហោះព័ត៌មានសម្ងាត់ NOFORN នៅលើគេហទំព័ររបស់ពួកគេអំពីចំនួនបុគ្គលិក[សហគមន៍ស៊ើបការណ៍] ដូច្នេះបច្ចុប្បន្នមនុស្សកំពុងរត់វឹកវរដើម្បីពិនិត្យមើលថាតើព័ត៌មានរបស់ពួកគេត្រូវបានចូលមើលដែរឬទេ» នេះបើតាមការនិយាយរបស់បុគ្គលិកអនាមិកម្នាក់។ DailyMail.com បានស្នើសុំការអត្ថាធិប្បាយពីសេតវិមាន។ អ្នកនាំពាក្យរបស់ NRO គ្រាន់តែមានប្រសាសន៍ថា៖ «យើងសូមបញ្ជូនសំណួរទៅក្រសួងប្រសិទ្ធភាពរដ្ឋាភិបាល សម្រាប់ការអត្ថាធិប្បាយលើការបង្ហោះព័ត៌មាននៅលើ DOGE.gov»។ […]

ប្រែសម្រួល៖ ស-សម្បត្តិ សាន់ហ្វ្រាន់ស៊ីស្កូ៖ នៅពេលដែលមហាសេដ្ឋីបច្ចេកវិទ្យា អេឡុន ម៉ាស់ ពង្រីកឥទ្ធិពលរបស់ខ្លួនទៅលើស្ថាប័នសហព័ន្ធអាមេរិកជាង១២ ការមិនពេញចិត្តកំពុងកើនឡើងក្នុងចំណោមមន្ត្រីជាន់ខ្ពស់របស់ប្រធានាធិបតី ដូណាល់ ត្រាំ ដែលចង់ឃើញមានការសម្របសម្រួលច្រើនជាងនេះពីក្រុមការងាររបស់លោក ម៉ាស់ ខណៈដែលគាត់កាត់បន្ថយរដ្ឋាភិបាលសហរដ្ឋអាមេរិក នេះបើយោងតាមបុគ្គលបួនរូបដែលបានដឹងអំពីភាពតានតឹងនេះ។ ប្រធានបុគ្គលិកសេតវិមាន លោកស្រី ស៊ូស៊ី វ៉ាល់ស៍ និងក្រុមការងាររបស់លោកស្រី មានអារម្មណ៍ថាខ្លួនមិនត្រូវបានដាក់បញ្ចូលក្នុងដំណើរការ ខណៈដែលក្រសួងប្រសិទ្ធភាពរដ្ឋាភិបាលរបស់លោក ម៉ាស់ ព្យាយាមបណ្តេញមន្ត្រីសហព័ន្ធរាប់ពាន់នាក់ ខណៈកំពុងចូលប្រើប្រាស់ទិន្នន័យរសើប និងរំខានដល់ប្រតិបត្តិការ នេះបើយោងតាមបុគ្គលទាំងបួនរូប។ លោកស្រី វ៉ាល់ស៍ និងមន្ត្រីជាន់ខ្ពស់មួយចំនួនរបស់លោកស្រី បាននិយាយជាមួយលោក ម៉ាស់ ថ្មីៗនេះអំពីបញ្ហាទាំងនេះ បើយោងតាមប្រភពមួយរូប។ ក្នុងការនិយាយជាមួយអ្នកសារព័ត៌មាននៅសេតវិមានកាលពីថ្ងៃអង្គារ លោក ម៉ាស់ បានបង្ហាញពីការស្របគ្នារវាងរូបគាត់ ក្រុមបុគ្គលិក DOGE ដែលជិតស្និទ្ធរបស់គាត់ និងលោក ត្រាំ។ ប៉ុន្តែភាពតានតឹងជាមូលដ្ឋានជាមួយមន្ត្រីសេតវិមានមួយចំនួន បង្ហាញពីការលំបាកដែលអាចកើតមានសម្រាប់លោក ត្រាំ ក្នុងការរក្សាតុល្យភាពរវាងក្រុមស្នូលរបស់គាត់ជាមួយនឹងបុគ្គលិក DOGE របស់លោក ម៉ាស់ ខណៈពួកគេកំពុងផ្លាស់ប្តូរស្ថាប័ននានាក្នុងការរៀបចំរចនាសម្ព័ន្ធឡើងវិញយ៉ាងទូលំទូលាយ ដែលបានប្រឈមនឹងអំណាចសភា និងជួបប្រទះនឹងបណ្តឹងជាបន្តបន្ទាប់។   ក្នុងការសន្ទនាថ្មីៗនេះ លោកស្រី […]

ប្រែសម្រួល៖ ស-សម្បត្តិ បាងកក៖ ក្នុងគោលបំណងជំរុញចំនួនភ្ញៀវទេសចរ លោកស្រីនាយករដ្ឋមន្ត្រីថៃ ប៉ែតុងថាន ស៊ីណាវ៉ាត្រា បានបញ្ជាឱ្យពិនិត្យឡើងវិញនូវច្បាប់ដែលហាមឃាត់ការលក់គ្រឿងស្រវឹងនៅពេលរសៀល ដែលជាការសម្រេចចិត្តមួយត្រូវបានស្វាគមន៍ដោយម្ចាស់ភោជនីយដ្ឋាន និងសមាគមអាជីវកម្មផ្សេងៗ។ “នេះជាឆ្នាំទេសចរណ៍របស់យើង ដូច្នេះយើងចាំបាច់ត្រូវពិនិត្យឡើងវិញនូវបទប្បញ្ញត្តិទាំងនេះ” លោកស្រី ប៉ែតុងថាន បានមានប្រសាសន៍នៅក្នុងកិច្ចប្រជុំគណៈរដ្ឋមន្ត្រី កាលពីថ្ងៃអង្គារ (ថ្ងៃទី១១ ខែកុម្ភៈ) យោងតាមប្រភពព័ត៌មានក្នុងស្រុក Khaosod។ យុទ្ធនាការដែលនាយករដ្ឋមន្ត្រីបានលើកឡើង – “ឆ្នាំទេសចរណ៍និងកីឡាថៃដ៏អស្ចារ្យ ២០២៥” – មានគោលដៅទាក់ទាញភ្ញៀវទេសចរបរទេសចំនួន ៤០លាននាក់ និងរកប្រាក់ចំណូលពីវិស័យទេសចរណ៍ចំនួន ២,៨ ទ្រីលានបាត (៨៣,២ ប៊ីលានដុល្លារអាមេរិក) នៅឆ្នាំនេះ យោងតាមប្រព័ន្ធផ្សព្វផ្សាយក្នុងស្រុក។ វិស័យសេដ្ឋកិច្ចជាច្រើនបានលើកឡើងនូវការត្អូញត្អែរជាច្រើនប្រឆាំងនឹងការរឹតបន្តឹងផ្លូវច្បាប់លើការលក់គ្រឿងស្រវឹងនៅពេលរសៀល ដែលត្រូវបានចាត់ទុកថាបានរារាំងកំណើនសេដ្ឋកិច្ច លោកស្រី ប៉ែតុងថាន បានមានប្រសាសន៍។ នៅប្រទេសថៃ ការលក់គ្រឿងស្រវឹងត្រូវបានហាមឃាត់រវាងម៉ោង ២ រសៀល និងម៉ោង ៥ ល្ងាច និងនៅថ្ងៃបុណ្យព្រះពុទ្ធសាសនាសំខាន់ៗ។ ច្បាប់នេះត្រូវបានដាក់ចេញដោយរបបរដ្ឋប្រហារកាលពី ៥៣ឆ្នាំមុន នៅឆ្នាំ១៩៧២។ គោលបំណងរបស់ច្បាប់នេះគឺដើម្បីកំណត់លើទម្លាប់ផឹកស្រាពេលសម្រាកថ្ងៃត្រង់របស់មន្ត្រីរាជការ។ បទប្បញ្ញត្តិទាំងនេះត្រូវបានដាក់បញ្ចូលទៅក្នុងច្បាប់គ្រប់គ្រងគ្រឿងស្រវឹងឆ្នាំ២០០៨ តាមការរាយការណ៍របស់ Khaosod។ លោកស្រី […]

ប្រែសម្រួល៖ស-សម្បត្តិ គីវ៖ លោកប្រធានាធិបតី ដូណាល់ ត្រាំ បានមានប្រសាសន៍កាលពីថ្ងៃព្រហស្បតិ៍ (ថ្ងៃទី១៣ កុម្ភៈ) ថា អ៊ុយក្រែននឹងត្រូវចូលរួមក្នុងការចរចាសន្តិភាពជាមួយរុស្ស៊ី ទោះបីជាគីវបានលើកឡើងថា វានឹងមុនពេលក្នុងការនិយាយជាមួយមូស្គូនៅក្នុងសន្និសីទសន្តិសុខនៅថ្ងៃសុក្រក៏ដោយ។ លោកត្រាំ ដែលថ្លែងទៅកាន់អ្នកសារព័ត៌មាននៅសេតវិមាន បានមានប្រសាសន៍ថា អ៊ុយក្រែននឹងមានកៅអីនៅតុចរចាក្នុងអំឡុងពេលចរចាសន្តិភាពជាមួយរុស្ស៊ីដើម្បីបញ្ចប់សង្គ្រាម។ “ពួកគេជាផ្នែកមួយនៃវា។ យើងនឹងមានអ៊ុយក្រែន និងយើងមានរុស្ស៊ី ហើយយើងនឹងមានមនុស្សផ្សេងទៀតចូលរួម មនុស្សជាច្រើន” លោកត្រាំបានមានប្រសាសន៍។ នៅពេលត្រូវបានសួរថាតើលោកជឿទុកចិត្តលោកពូទីនឬទេ លោកបាននិយាយថា៖ “ខ្ញុំជឿថាគាត់ចង់ឃើញមានអ្វីមួយកើតឡើង។ ខ្ញុំជឿទុកចិត្តគាត់លើបញ្ហានេះ។” លោកត្រាំបានមានប្រសាសន៍ថា មន្ត្រីអាមេរិក និងរុស្ស៊ីនឹងជួបគ្នានៅទីក្រុងម្យូនិចនៅថ្ងៃសុក្រ ហើយអ៊ុយក្រែនក៏ត្រូវបានអញ្ជើញផងដែរ។ ទោះយ៉ាងណា ទីប្រឹក្សារបស់ប្រធានាធិបតីអ៊ុយក្រែន វ៉ូឡូឌីមៀរ ហ្សេឡិនស្គី បាននិយាយថា គីវមិនរំពឹងថានឹងមានការចរចាជាមួយភាគីរុស្ស៊ីនៅក្នុងសន្និសីទសន្តិសុខម្យូនិចប្រចាំឆ្នាំនៅថ្ងៃសុក្រនោះទេ ហើយជឿថាសហរដ្ឋអាមេរិក អឺរ៉ុប និងអ៊ុយក្រែនត្រូវការជំហររួមមួយមុនពេលចរចាជាមួយមូស្គូ។ លោកត្រាំក៏បានលើកឡើងប្រាប់អ្នកសារព័ត៌មានថា នឹងមានកិច្ចប្រជុំមន្ត្រីជាន់ខ្ពស់ ទោះបីជាមិនមែនជាថ្នាក់ដឹកនាំក៏ដោយ មកពីប្រទេសទាំងបីនៅអារ៉ាប៊ីសាអូឌីតនៅសប្តាហ៍ក្រោយ ដែលមានគោលបំណងបញ្ចប់សង្គ្រាម។ កាលពីថ្ងៃព្រហស្បតិ៍ រដ្ឋមន្ត្រីការបរទេសសហរដ្ឋអាមេរិក ម៉ាកូ រូប៊ីអូ បានពិភាក្សាអំពី “តម្រូវការការទូតដ៏ក្លាហាន” ដើម្បីបញ្ចប់សង្គ្រាមក្នុងការសន្ទនាជាមួយរដ្ឋមន្ត្រីការបរទេសអ៊ុយក្រែន អាន់ដ្រី ស៊ីប៊ីហា នេះបើយោងតាមក្រសួងការបរទេស។ ទីផ្សារហិរញ្ញវត្ថុរុស្ស៊ីបានកើនឡើងយ៉ាងខ្លាំង […]

ប្រែសម្រួល៖ ស-សម្បត្តិ ការសន្ទនាតាមទូរសព្ទដ៏វែង និងមានផលិតភាពខ្ពស់ រវាងប្រធានាធិបតីអាមេរិក ដូណាល់ ត្រាំ និងសមភាគីរុស្ស៊ីរបស់លោក វ្លាឌីមៀរ ពូទីន បានបង្កើតការភ័យខ្លាចនៅអឺរ៉ុបអំពីការចុះកិច្ចព្រមព្រៀង «មិនស្មោះត្រង់» ដើម្បីបញ្ចប់សង្គ្រាមនៅអ៊ុយក្រែន ដែលអាចផ្តល់ផលប្រយោជន៍ដល់ទីក្រុងមូស្គូ ដោយគ្មានការចូលរួមពីទីក្រុងគីវ។ ប្រធានាធិបតី វ៉ូឡូឌីមៀរ ហ្សេឡេនស្គី បាននិយាយកាលពីថ្ងៃព្រហស្បតិ៍ថា អ៊ុយក្រែននឹងមិនទទួលយកកិច្ចព្រមព្រៀងសន្តិភាពដែលចរចាដោយសហរដ្ឋអាមេរិក និងរុស្ស៊ីតែពីរប្រទេសនោះទេ។ លោកបានទទួលស្គាល់ថា វាមិនមែនជារឿងគួរឱ្យរីករាយទេដែលលោកត្រាំបាននិយាយជាមួយលោកពូទីនមុនពេលទូរសព្ទទៅកាន់ទីក្រុងគីវ ដែលធ្វើឱ្យមានការសង្ស័យលើគោលនយោបាយរបស់លោកខាងលិចដែលថា ‘គ្មានអ្វីអំពីអ៊ុយក្រែនដោយគ្មានអ៊ុយក្រែន’ ដែលបានអនុវត្តអស់រយៈពេលបីឆ្នាំនៃការឈ្លានពានពេញលេញរបស់រុស្ស៊ី។ ទាំងលោកត្រាំ និងរដ្ឋមន្ត្រីការពារជាតិរបស់លោក ពីត ហេកសេត បាននិយាយក្រោយមកថា ពួកគេជឿថាការចរចានឹងមានការចូលរួមពីអ៊ុយក្រែន ទោះបីជាលោកត្រាំ នៅពេលត្រូវបានសួរដោយអ្នកយកព័ត៌មានកាលពីថ្ងៃពុធថា តើលោកមើលឃើញអ៊ុយក្រែនជាដៃគូស្មើភាពក្នុងការចរចាសន្តិភាពឬទេ បានឆ្លើយតែថា «នោះជាសំណួរគួរឱ្យចាប់អារម្មណ៍»។ កាយ៉ា កាឡាស់ ប្រធានគោលនយោបាយការបរទេសនៃសហភាពអឺរ៉ុប បានព្រមានប្រឆាំងនឹងការដោះស្រាយរហ័ស និងកិច្ចព្រមព្រៀងមិនស្មោះត្រង់ដើម្បីបញ្ចប់សង្គ្រាម ដោយនិយាយថា អឺរ៉ុប និងអ៊ុយក្រែនត្រូវតែនៅលើតុចរចា ព្រោះគ្មានកិច្ចព្រមព្រៀងសន្តិភាពណាអាចអនុវត្តបានដោយគ្មានការចូលរួមពីពួកគេឡើយ។ សម្រាប់សមាជិកអឺរ៉ុបនៃអង្គការណាតូ អនាគតភ្លាមៗមើលទៅមិនច្បាស់លាស់ទេ។ ចាប់តាំងពីការបង្កើតសម្ព័ន្ធមិត្តនេះមក អឺរ៉ុបបានពឹងផ្អែកលើការការពារនុយក្លេអ៊ែររបស់អាមេរិក ការដាក់ពង្រាយកងកម្លាំងយោធាអាមេរិកដ៏ច្រើននៅអឺរ៉ុប និងថវិកាការពារជាតិដ៏ធំធេង និងការផ្គត់ផ្គង់អាវុធរបស់សហរដ្ឋអាមេរិក។” “ការសន្ទនារបស់លោកត្រាំជាមួយលោកពូទីន និងការប្រកាសជាបន្ទាប់របស់លោកថា […]

ប្រែសម្រួល៖ លន ស្រស់ យោងតាមការដាក់ឯកសារតុលាការកាលពីថ្ងៃពុធ មេធាវីរបស់លោក Elon Musk បានឲ្យដឹងថា លោកនឹងដកការស្នើសុំទិញផ្នែកអង្គការមិនរកប្រាក់ចំណេញរបស់ OpenAI ប្រសិនបើក្រុមប្រឹក្សាភិបាលយល់ព្រមរក្សាបេសកកម្មសប្បុរសធម៌របស់អង្គការនេះ។ យោងតាមឯកសារដដែល បានឱ្យដឹងថា ប្រសិនបើក្រុមប្រឹក្សាភិបាល OpenAI ត្រៀមខ្លួនរក្សាបេសកកម្មសប្បុរសធម៌ និងយល់ព្រមដកស្លាក “លក់” ចេញពីទ្រព្យសម្បត្តិរបស់ខ្លួន ដោយបញ្ឈប់ការផ្លាស់ប្តូរទម្រង់អាជីវកម្ម លោក Musk នឹងដកការស្នើសុំទិញនេះ។ កាលពីថ្ងៃចន្ទ ក្រុមវិនិយោគិនដឹកនាំដោយលោក Elon Musk ដែលជាមហាសេដ្ឋីលេខមួយលើពិភពលោក បានស្នើទិញទ្រព្យសម្បត្តិនៃផ្នែកអង្គការមិនរកប្រាក់ចំណេញរបស់ OpenAI ក្នុងតម្លៃ ៩៧,៤ ប៊ីលានដុល្លារ ដែលជាការវាយប្រហារមួយទៀតប្រឆាំងនឹងក្រុមហ៊ុនបច្ចេកវិទ្យាបញ្ញាសិប្បនិម្មិតនេះ៕ ប្រភព៖ Reuters  

ប្រែសម្រួល៖ រតនា ព្រឹត្តិការណ៍ប្រវត្តិសាស្ត្រនេះបានបង្ហាញពីគោលនយោបាយ «អាមេរិកជាមុន»របស់លោកត្រាំ និងទស្សនៈរបស់គាត់ដែលមើលឃើញរាល់បញ្ហា ឬសម្ព័ន្ធមិត្តទាំងអស់ជាតម្លៃប្រាក់កាស។ វាក៏បានបង្ហាញពីសេរីភាពរបស់គាត់ពីទីប្រឹក្សាដែលជ្រួតជ្រាបទៅដោយទេវកថានៃគោលនយោបាយការបរទេសរបស់លោកខាងលិច ដែលគាត់គិតថាបានរារាំងអាណត្តិទីមួយរបស់គាត់។ ទោះបីជាលោក Hegseth បានប្តេជ្ញាចិត្តឡើងវិញចំពោះអង្គការណាតូក៏ដោយ ក៏មានអ្វីមួយជាមូលដ្ឋានបានផ្លាស់ប្តូរ។ ការអន្តរាគមន៍របស់អាមេរិកបានឈ្នះសង្គ្រាមពិភពលោកពីរលើក ដែលបានចាប់ផ្តើមនៅអឺរ៉ុប ហើយក្រោយមកបានធានាសេរីភាពរបស់ទ្វីបនេះក្នុងការប្រឈមមុខនឹងការគំរាមកំហែងសូវៀត។ ប៉ុន្តែលោកត្រាំបាននិយាយនៅក្នុងយុទ្ធនាការថា គាត់អាចនឹងមិនការពារសមាជិកសម្ព័ន្ធមិត្តដែលមិនបានវិនិយោគគ្រប់គ្រាន់លើការការពារទេ។ គាត់បានរំឭកឡើងវិញនូវចំណុចអមតៈដែលត្រូវបានលើកឡើងយ៉ាងមានន័យបំផុតដោយលោក វីនស្តុន ឆឺឈីល នៅឆ្នាំ១៩៤០ អំពីពេលដែល «ពិភពលោកថ្មី ជាមួយនឹងអំណាចនិងកម្លាំងទាំងអស់របស់ខ្លួន» នឹងឈានទៅមុខ «ដើម្បីជួយសង្គ្រោះនិងរំដោះពិភពលោកចាស់។» លោកត្រាំកំពុងវិលត្រឡប់ទៅរកហេតុផលដែលត្រូវបានប្រើដោយប្រធានាធិបតីជាច្រើនដែលព្រួយបារម្ភអំពីទំនាក់ទំនងបរទេសតាំងពីដើមសាធារណរដ្ឋមក ដោយនិយាយកាលពីថ្ងៃពុធថា «យើងមានរបស់តូចមួយហៅថាមហាសមុទ្រនៅចន្លោះ។» • ភាពត្រង់ៗគួរឱ្យភ្ញាក់ផ្អើលរបស់លោក Hegseth វាបានច្បាស់យូរមកហើយថា រដ្ឋបាលត្រាំលើកទីពីរនឹងដាក់តម្រូវការថ្មីៗលើដៃគូអឺរ៉ុបរបស់អាមេរិក ដែលឥឡូវនេះនឹងនាំឱ្យមានជម្រើសដ៏លំបាកសម្រាប់រដ្ឋាភិបាលដែលបានជ្រើសរើសការចំណាយលើសង្គមជាជាងការការពារ។ អគ្គលេខាធិការអង្គការណាតូ លោក Mark Rutte បានប្រាប់សភាអឺរ៉ុបកាលពីខែមុនថា ជនជាតិអឺរ៉ុបត្រូវតែរកប្រាក់បន្ថែមសម្រាប់កងទ័ពរបស់ពួកគេ។ «ប្រសិនបើអ្នកមិនធ្វើវាទេ ចូរទៅរៀនភាសារុស្ស៊ី ឬទៅប្រទេសនូវែលសេឡង់» គាត់បាននិយាយ។ ប៉ុន្តែលោក Hegseth នៅតែមានការភ្ញាក់ផ្អើល។ គាត់បានធ្វើឱ្យតម្រូវការរបស់លោកត្រាំក្លាយជាផ្លូវការសម្រាប់សមាជិកសម្ព័ន្ធមិត្តឱ្យចំណាយ ៥% នៃផលិតផលក្នុងស្រុកសរុបលើការការពារ ហើយបាននិយាយថា សហរដ្ឋអាមេរិកនឹងផ្តល់អាទិភាពដល់ការប៉ះទង្គិចដែលកំពុងកើនឡើងជាមួយចិន និងសន្តិសុខព្រំដែនរបស់ខ្លួនលើសពីអឺរ៉ុប។ ‘សហរដ្ឋអាមេរិកនឹងលែងអត់ឱនចំពោះទំនាក់ទំនងដែលមិនស្មើភាពគ្នា […]

ប្រែសម្រួល៖ ស-សម្បត្តិ វាគួរតែជាពេលវេលាដែលចក្ខុវិស័យរបស់ប្រធានាធិបតីសហរដ្ឋអាមេរិក ដូណាល់ ត្រាំ ក្នុងការនាំមកនូវសន្តិភាពនៅមជ្ឈិមបូព៌ា តាមរយៈការអភិវឌ្ឍឡើងវិញនូវតំបន់ហ្គាហ្សាដែលរងគ្រោះដោយសង្គ្រាម ទៅជាលំនៅដ្ឋានប្រណីតបែប “រីវីយេរ៉ា” និងការផ្លាស់ប្តូរទីលំនៅប្រជាជនជាង២លាននាក់ជាអចិន្ត្រៃយ៍ ទីបំផុតទទួលបានការពិនិត្យពីភាពជាក់ស្តែង។ ផ្ទុយទៅវិញ វាជាពេលវេលាដែលវិសាលភាពពិតប្រាកដនៃបញ្ហាប្រឈមដែលសម្ព័ន្ធមិត្តអារ៉ាប់របស់អាមេរិកកំពុងជួបប្រទះ បានក្លាយជាការច្បាស់លាស់។ នៅពេលព្រះមហាក្សត្រ អាប់ឌុលឡា ទី២ នៃប្រទេសហ្សកដានី ជួបជាមួយលោកត្រាំនៅការិយាល័យអូវ៉ាល់កាលពីថ្ងៃអង្គារ មានការរំពឹងទុកយ៉ាងទូលំទូលាយថា ទស្សនកិច្ចរបស់ព្រះអង្គ – ក្នុងនាមជាមេដឹកនាំអារ៉ាប់ដំបូងគេដែលជួបប្រធានាធិបតីអាមេរិកចាប់តាំងពីការជាប់ឆ្នោតឡើងវិញរបស់គាត់ – អាចជួយទប់ស្កាត់ធាតុផ្សំមួយចំនួនដែលមិនអាចទៅរួចនៃចក្ខុវិស័យរបស់លោកត្រាំ។ (ដើម្បីរំឭកឡើងវិញ លោកត្រាំហាក់ដូចជាស្រមៃថាសហរដ្ឋអាមេរិកនឹងគ្រប់គ្រងទឹកដីនេះ ផ្តល់ទីលំនៅថ្មីដល់ជនភៀសខ្លួនប៉ាឡេស្ទីនរាប់លាននាក់នៅក្នុងប្រទេសហ្សកដានី និងអេហ្ស៊ីប ជំនួសកំទេចបាក់បែកនៅហ្គាហ្សាដោយអគារខ្ពស់ៗដែលមានទិដ្ឋភាពមើលទៅសមុទ្រមេឌីទែរ៉ានេ និងអញ្ជើញ “ប្រជាជនពិភពលោក” ឱ្យមករស់នៅ។) ប៉ុន្តែវាបានក្លាយជាការច្បាស់ស្ទើរតែភ្លាមៗនៅពេលដែលលោកត្រាំចាប់ផ្តើមនិយាយនៅក្នុងសន្និសីទសារព័ត៌មានរួមរបស់ពួកគេថា គាត់គ្មានបំណងទាល់តែសោះក្នុងការបន្ធូរបន្ថយសំណើរបស់គាត់។ “ខ្ញុំជឿថាយើងនឹងមានដីមួយកន្លែងនៅហ្សកដានី ដីមួយកន្លែងនៅអេហ្ស៊ីប យើងអាចនឹងមានកន្លែងផ្សេងទៀត ប៉ុន្តែខ្ញុំគិតថានៅពេលយើងបញ្ចប់ការពិភាក្សារបស់យើង យើងនឹងមានកន្លែងដែលពួកគេនឹងរស់នៅដោយរីករាយខ្លាំងណាស់” លោកត្រាំបាននិយាយ មុនពេលច្រានចោលសំណួរអំពីសិទ្ធិអំណាចដែលសហរដ្ឋអាមេរិកអាចប្រើប្រាស់ដើម្បីគ្រប់គ្រងតំបន់ប៉ាឡេស្ទីន។ ភាពអាម៉ាស់ចំពោះព្រះមហាក្សត្រ អាប់ឌុលឡា ដែលព្រះនេត្រព្រះអង្គញ័រយ៉ាងខ្លាំងខណៈដែលព្រះអង្គស្តាប់ដោយស្ងៀមស្ងាត់នៅក្បែរប្រធានាធិបតីសហរដ្ឋអាមេរិក គឺច្បាស់លាស់។ ទោះបីជាយ៉ាងណា នេះគឺជាបុគ្គលម្នាក់ដែលត្រូវបានរំពឹងថានឹង – តាមផ្លូវការទូត – ថ្លែងឱ្យបានច្បាស់នូវការប្រឆាំងស្ទើរតែជាសកលរបស់ពិភពអារ៉ាប់ចំពោះផែនការនេះ។ ផ្ទុយទៅវិញ និងទោះបីជាមានភាពមិនស្រួលច្បាស់លាស់ក៏ដោយ ព្រះអង្គហាក់ដូចជាងក់ព្រះសិរ […]

ប្រែសម្រួល៖ ស-សម្បត្តិ មហាសេដ្ឋី Elon Musk បានដាក់សំណើទិញក្រុមហ៊ុន OpenAI ដែលចង់ក្លាយជាក្រុមហ៊ុនរកប្រាក់ចំណេញ ប៉ុន្តែសំណើនេះផ្ទុយពីបណ្តឹងរបស់គាត់ដែលអះអាងថា ទ្រព្យសម្បត្តិរបស់ក្រុមហ៊ុនផលិតកម្មវិធី ChatGPT មិនគួរប្រើប្រាស់សម្រាប់ផលចំណេញឯកជនឡើយ នេះបើយោងតាមលិខិតដែល OpenAI បានដាក់ជូនតុលាការសហព័ន្ធកាលពីថ្ងៃពុធ។ កាលពីថ្ងៃចន្ទ ក្រុមវិនិយោគិនដឹកនាំដោយលោក Elon Musk បានដាក់សំណើទិញទ្រព្យសម្បត្តិរបស់អង្គការមិនរកប្រាក់ចំណេញ OpenAI ក្នុងតម្លៃ ៩៧,៤ ប៊ីលានដុល្លារ ដែលជាការវាយប្រហារមួយទៀតពីមហាសេដ្ឋីអន្តរជាតិប្រឆាំងនឹងក្រុមហ៊ុនបញ្ញាសិប្បនិម្មិតដែលទើបចាប់ផ្តើមនេះ។ លោក Musk បានប្តឹងប្រធានក្រុមហ៊ុន OpenAI លោក Sam Altman និងអ្នកពាក់ព័ន្ធផ្សេងទៀតកាលពីខែសីហា ហើយបានស្នើឱ្យចៅក្រមសហព័ន្ធរារាំង OpenAI មិនឱ្យផ្លាស់ប្តូរទៅជាក្រុមហ៊ុនរកប្រាក់ចំណេញ។ OpenAI បានលើកឡើងក្នុងលិខិតរបស់ខ្លួនថា លោក Musk បាននិយាយផ្ទុយគ្នា នៅពេលដែលគាត់ “ដាក់សំណើមិនត្រឹមត្រូវក្នុងគោលបំណងបំផ្លាញដៃគូប្រកួតប្រជែង”។ ឯកសារតុលាការរបស់លោក Musk បញ្ជាក់ថា ទ្រព្យសម្បត្តិរបស់ OpenAI ត្រូវតែស្ថិតនៅក្នុងមូលនិធិសប្បុរសធម៌ ហើយមិនគួរផ្ទេរទៅរកប្រាក់ចំណេញឯកជនឡើយ។ ផ្ទុយទៅវិញ សំណើទិញយករបស់គាត់ចង់ផ្ទេរទ្រព្យសម្បត្តិទាំងអស់របស់ OpenAI ទៅឱ្យគាត់និងវិនិយោគិនឯកជនរបស់គាត់ នេះបើតាមការអះអាងរបស់ […]

ប្រែសម្រួល៖ រតនា ប្រធានាធិបតី ដូណាល់ ត្រាំ បានមានប្រសាសន៍ថា ការចរចាដើម្បីបញ្ចប់សង្គ្រាមនៅអ៊ុយក្រែននឹងចាប់ផ្តើម “ភ្លាមៗ” បន្ទាប់ពីបានធ្វើការសន្ទនាតាមទូរសព្ទដ៏ “វែងនិងមានផលិតភាពខ្ពស់” ជាមួយប្រធានាធិបតីរុស្ស៊ី វ្លាឌីមៀរ ពូទីន កាលពីព្រឹកថ្ងៃពុធ។ ការសន្ទនានេះ ដែលជាការសន្ទនាដំបូងដែលគេបានដឹងរវាងប្រធានាធិបតីទាំងពីររូប ចាប់តាំងពីលោក ត្រាំ ឡើងកាន់តំណែងកាលពីខែមុន បានកើតឡើងខណៈដែលលោក ត្រាំ បង្ហាញយ៉ាងច្បាស់ដល់ទីប្រឹក្សារបស់លោកថា លោកចង់បញ្ចប់ជម្លោះអ៊ុយក្រែនឱ្យបានឆាប់រហ័ស។ មន្ត្រីរដ្ឋបាលត្រាំបាននិយាយថា ពួកគេសង្ឃឹមថា ការ “ដោះដូរ” អ្នកទោសកាលពីថ្ងៃអង្គារ អាចជាសញ្ញាបង្ហាញពីកិច្ចខិតខំប្រឹងប្រែងថ្មីៗដើម្បីបញ្ចប់សង្គ្រាម ដែលជិតចូលដល់ឆ្នាំទីបួនហើយ។ ឥឡូវនេះ ពេលដែលមេដឹកនាំទាំងពីររូបចាប់ផ្តើមទំនាក់ទំនងឡើងវិញ បន្ទាប់ពីភាពស្ងៀមស្ងាត់ដ៏យូររវាងសេតវិមាននិងក្រឹមឡាំង គម្រោងដោះស្រាយរបស់លោក ត្រាំ កំពុងចាប់ផ្តើមបង្ហាញរូបរាងកាន់តែច្បាស់។ នៅក្នុងសេចក្តីសង្ខេបនៃការសន្ទនាដែលបានចុះផ្សាយនៅលើ Truth Social លោក ត្រាំ បានមានប្រសាសន៍ថា “យើងបានពិភាក្សាអំពីអ៊ុយក្រែន មជ្ឈិមបូព៌ា ថាមពល បញ្ញាសិប្បនិម្មិត អំណាចនៃប្រាក់ដុល្លារ និងប្រធានបទផ្សេងៗទៀត។” “យើងបានព្រមព្រៀងគ្នាធ្វើការជាមួយគ្នាយ៉ាងជិតស្និទ្ធ រួមទាំងការទៅទស្សនកិច្ចប្រទេសរបស់គ្នាទៅវិញទៅមក។ យើងក៏បានព្រមព្រៀងគ្នាឱ្យក្រុមការងាររៀងៗខ្លួនចាប់ផ្តើមការចរចាភ្លាមៗ ហើយយើងនឹងចាប់ផ្តើមដោយទូរសព្ទទៅប្រធានាធិបតី សេឡេនស្គី នៃអ៊ុយក្រែន ដើម្បីជម្រាបជូនគាត់អំពីការសន្ទនានេះ […]

ប្រែសម្រួល៖ រតនា វ៉ាស៊ីនតោន៖ ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេឡេនស្គី បានថ្លែងថា លោកត្រៀមខ្លួនដោះដូរដីធ្លីក្នុងការចរចាជាមួយរុស្ស៊ី ដែលបានដោះលែងអ្នកទោសជនជាតិអាមេរិកយ៉ាងហោចណាស់ម្នាក់ ដែលប្រធានាធិបតីសហរដ្ឋអាមេរិក លោក ដូណាល់ ត្រាំ បានពិពណ៌នាកាលពីថ្ងៃអង្គារ (ថ្ងៃទី១១ ខែកុម្ភៈ) ថាជាសញ្ញានៃសុច្ឆន្ទៈក្នុងការបញ្ចប់សង្គ្រាម។ លោក ហ្សេឡេនស្គី ពីមុនបានបដិសេធមិនព្រមបោះបង់ទឹកដីណាមួយក្រោយការឈ្លានពានរបស់រុស្ស៊ីលើអ៊ុយក្រែនក្នុងខែកុម្ភៈ ឆ្នាំ២០២២។ ប៉ុន្តែក្នុងបទសម្ភាសន៍ជាមួយកាសែត The Guardian ដែលបានចេញផ្សាយកាលពីថ្ងៃអង្គារ លោកបានថ្លែងថា ក្រុងគីវត្រៀមខ្លួនសម្រាប់ការចរចាយ៉ាងមុតមាំ មុនកិច្ចប្រជុំនៅថ្ងៃសុក្រនៅសន្និសីទសន្តិសុខទីក្រុងម្យូនិច ជាមួយអនុប្រធានាធិបតីសហរដ្ឋអាមេរិក លោក ជេឌី វ៉ាន់ស៍ ដែលជាអ្នករិះគន់យ៉ាងខ្លាំងចំពោះជំនួយយោធាអាមេរិកដល់អ៊ុយក្រែន។ «យើងនឹងដោះដូរទឹកដីមួយជាមួយទឹកដីមួយផ្សេងទៀត» លោក ហ្សេឡេនស្គី បានថ្លែង ដោយបន្ថែមថា លោកត្រៀមខ្លួនដោះដូរដីធ្លីក្នុងតំបន់ឃឺស្ក របស់រុស្ស៊ី ដែលអ៊ុយក្រែនបានកាន់កាប់ក្នុងការវាយប្រហារភ្ញាក់ផ្អើលកាលពីឆ្នាំមុន។ លោកបានទទួលស្គាល់ថា អ៊ុយក្រែននឹងមិនអាចទទួលបានការធានាសន្តិសុខគ្រប់គ្រាន់ជាមួយដៃគូអឺរ៉ុបតែប៉ុណ្ណោះទេ។ «ការធានាសន្តិសុខដោយគ្មានអាមេរិក មិនមែនជាការធានាសន្តិសុខពិតប្រាកដទេ» លោកបានថ្លែង។ លោក ត្រាំ បានចូលកាន់តំណែងដោយប្តេជ្ញាបញ្ចប់សង្គ្រាមនៅអ៊ុយក្រែន ប្រហែលជាដោយប្រើប្រាស់ជំនួយរាប់ពាន់លានដុល្លារពីសហរដ្ឋអាមេរិក ដែលបានផ្តល់ក្រោមការដឹកនាំរបស់អតីតប្រធានាធិបតី ជូ បៃដិន ដើម្បីបង្ខំឱ្យក្រុងគីវធ្វើការលះបង់ទឹកដី។ […]

ប្រែសម្រួល ៖ លន ស្រស់ ក្រុមហ៊ុន Foxconn របស់តៃវ៉ាន់ ដែលជាក្រុមហ៊ុនផលិតគ្រឿងអេឡិចត្រូនិកតាមកិច្ចសន្យាធំជាងគេបំផុតនៅលើពិភពលោក និងជាក្រុមហ៊ុនផលិតទូរសព្ទ iPhone ចម្បងរបស់ក្រុមហ៊ុន Apple បានថ្លែងកាលពីថ្ងៃពុធថា ខ្លួនអាចរៀបចំផែនការផលិតកម្មរបស់ខ្លួនដោយផ្អែកទៅលើពន្ធនាំចូលថ្មីរបស់សហរដ្ឋអាមេរិក។ ប្រធានាធិបតីសហរដ្ឋអាមេរិក លោក Donald Trump បានប្រកាស ហើយបន្ទាប់មកបានផ្អាករហូតដល់ថ្ងៃទី៤ ខែមីនា នូវពន្ធនាំចូល ២៥ ភាគរយ លើការនាំចូលទាំងអស់ពីប្រទេសម៉ិកស៊ិក និងកាណាដា មកកាន់សហរដ្ឋអាមេរិក។ លោក Young Liu ប្រធានក្រុមហ៊ុន Foxconn បានមានប្រសាសន៍ទៅកាន់អ្នកសារព័ត៌មាននៅទីស្នាក់ការកណ្តាលក្រុមហ៊ុនក្នុងក្រុងញូវតៃប៉ិ ដែលស្ថិតនៅក្រៅតៃប៉ិថា ក្រុមហ៊ុនមានរោងចក្រផលិតកម្មនៅទាំងសហរដ្ឋអាមេរិក និងម៉ិកស៊ិក។ លោកបានថ្លែងថា “យើងនឹងរៀបចំផែនការសមត្ថភាពផលិតកម្មផ្សេងៗគ្នា អាស្រ័យទៅតាមពន្ធនាំចូល”។ លោក Trump ចង់ឱ្យក្រុមហ៊ុននានាធ្វើការផលិតនៅសហរដ្ឋអាមេរិក ហើយក្រុមហ៊ុន Foxconn នឹងធ្វើការ “រៀបចំ” ដែលពាក់ព័ន្ធជាមួយដៃគូរបស់ខ្លួននៅក្នុងប្រទេសនេះ។ នេះបើតាមការបន្ថែមរបស់លោក Liu។ លោកបានបន្តថា “សម្រាប់ក្រុមហ៊ុន ប្រសិនបើយើងមិនផលិតនៅទីនេះ យើងអាចផលិតនៅទីនោះបាន ដូច្នេះផលប៉ះពាល់មិនធ្ងន់ធ្ងរពេកទេ”។ ទោះយ៉ាងណាក៏ដោយ […]

ប្រែសម្រួល៖ ស-សម្បត្តិ វ៉ាស៊ីនតោន៖ ប្រធានាធិបតី Donald Trump បានប្រកាន់យកការកែទម្រង់ជាមូលដ្ឋានលើរដ្ឋាភិបាលសហរដ្ឋអាមេរិក ចាប់តាំងពីចូលកាន់តំណែងនៅថ្ងៃទី២០ ខែមករា ដោយមានគោលដៅកាត់បន្ថយការចំណាយ និងបន្ថយទំហំមន្ត្រីរាជការស៊ីវិលដែលមានចំនួន ២,៣ លាននាក់។ លោកបានចាត់តាំងមហាសេដ្ឋី Elon Musk ឱ្យដឹកនាំ “ក្រសួងប្រសិទ្ធភាពរដ្ឋាភិបាល” ដែលកំពុងត្រួតពិនិត្យកំណត់ត្រាការទូទាត់ និងបុគ្គលិក។ លោក Trump បានប្រាប់អ្នកសារព័ត៌មានកាលពីថ្ងៃអង្គារថា កិច្ចខិតខំប្រឹងប្រែងនេះអាចកាត់បន្ថយថវិកាសហព័ន្ធចំនួន ១ ទ្រីលានដុល្លារ ក្នុងចំណោមថវិកាសរុបចំនួន ៦,៧៥ ទ្រីលានដុល្លារ នៅក្នុងឆ្នាំសារពើពន្ធចុងក្រោយ។ ទន្ទឹមនឹងនេះ អ្នកជំនាញថវិកាឯករាជ្យព្រមានថា ផែនការកាត់បន្ថយពន្ធរបស់លោក Trump អាចធ្វើឱ្យស្ថានភាពហិរញ្ញវត្ថុរយៈពេលវែងរបស់ប្រទេសកាន់តែអាក្រក់។ តើបញ្ហាគឺអ្វី? រដ្ឋាភិបាលសហរដ្ឋអាមេរិកបានចំណាយប្រាក់ច្រើនជាងការប្រមូលបានរាល់ឆ្នាំចាប់តាំងពីឆ្នាំ២០០១ ដែលនាំឱ្យមានការខ្វះខាតថវិកាប្រចាំឆ្នាំ និងបន្ទុកបំណុលដែលកើនឡើងជាលំដាប់។ ប្រទេសនេះបានខ្ចីប្រាក់យ៉ាងច្រើនដើម្បីប្រយុទ្ធនឹងសង្គ្រាមនៅអ៊ីរ៉ាក់ និងអាហ្វហ្គានីស្ថាន ផ្តល់ហិរញ្ញប្បទានការកាត់បន្ថយពន្ធ ឆ្លើយតបនឹងគ្រោះមហន្តរាយធម្មជាតិ និងជួយជនជាតិអាមេរិកាំងក្នុងការដោះស្រាយវិបត្តិសេដ្ឋកិច្ចឆ្នាំ២០០៧-២០០៩ និងការរាតត្បាតនៃជំងឺកូវីដ-១៩។ ប៉ុន្តែវ៉ាស៊ីនតោនបានប្រឈមនឹងការខ្វះខាតថវិកាទោះបីជាប្រទេសមិនស្ថិតក្នុងវិបត្តិក៏ដោយ។ បំណុលដែលកាន់កាប់ដោយសាធារណជនឥឡូវមានចំនួន ២៨,៩ ទ្រីលានដុល្លារ ស្មើនឹង ១០០ ភាគរយនៃផលិតផលក្នុងស្រុកសរុប ហើយការិយាល័យគណនេយ្យភាពរដ្ឋាភិបាលដែលមិនមែនជាគណបក្សព្យាករណ៍ថា វានឹងកើនដល់ ១០៧ […]