ប្រែសម្រួល៖ ស-សម្បត្តិ លោក Ding Xueliang ជាសាស្ត្រាចារ្យឆ្នើមផ្នែកនយោបាយចិន ដែលបានចូលរួមក្នុងក្រុមឆ្មាំក្រហមរបស់លោក Mao នៅអាយុ១៣ឆ្នាំ បានចាប់ផ្តើមកត់សម្គាល់ឃើញភាពស្រដៀងគ្នាគួរឱ្យកត់សម្គាល់រវាងអាមេរិកក្រោមការដឹកនាំរបស់លោក Donald Trump និងបដិវត្តន៍វប្បធម៌ចិន។ ទោះបីទទួលស្គាល់ភាពខុសគ្នាដ៏ធំរវាងភាពចលាចលដ៏ក្ដៅគគុករបស់អ្នកផ្តាច់ការក្នុងរដ្ឋគណបក្សតែមួយ និងសកម្មភាពរបស់ប្រធានាធិបតីដែលត្រូវបានជ្រើសតាំងក្នុងប្រជាធិបតេយ្យចាស់ទុំ លោក Ding កត់សម្គាល់ថាមានភាពស្រដៀងគ្នាក្នុងរចនាបថនៃការដឹកនាំ និងវិធីសាស្ត្ររបស់ពួកគេ។ ខណៈពេលដែលលោក Trump បង្កការរំខានដល់ស្ថាប័នអាមេរិក សម្ព័ន្ធមិត្ត និងរបៀបរៀបរយពាណិជ្ជកម្មសេរីក្រោយសង្គ្រាមលោកលើកទីពីរ អ្នកសិក្សា និងអ្នកវិភាគចិនបានប្រៀបធៀបលោកកាន់តែច្រើនឡើងទៅនឹងលោក Mao Zedong។ ចាប់តាំងពីត្រឡប់មកកាន់សេតវិមានវិញ លោក Trump បានរៀបចំរចនាសម្ព័ន្ធរដ្ឋាភិបាលសហព័ន្ធយ៉ាងក្រាស់ដោយរំលាយទីភ្នាក់ងារ ដកចេញមន្ត្រី និងកាត់បន្ថយការងាររដ្ឋសេវាស៊ីវិល។ លោកក៏បានប្រយុទ្ធប្រឆាំងនឹងអ្វីដែលជនអភិរក្សនិយមចាត់ទុកថាជា «មនោគមន៍ដឹងខុសត្រូវ» និងវាយប្រហារលើសាកលវិទ្យាល័យឆ្នើមៗពី «ការបំពាក់បំប៉នមនោគមន៍សេរីនិយម» ដោយគំរាមកាត់ផ្តាច់មូលនិធិសហព័ន្ធរបស់ពួកគេ។ លោក Ding បានកំណត់ភាពស្រដៀងគ្នាមួយចំនួនរវាងមេដឹកនាំទាំងពីររូបទោះបីមានភាពខុសគ្នាយ៉ាងខ្លាំង៖ ទាំងពីរមានការមើលងាយចំពោះអ្នកបញ្ញវន្ត ការមិនទុកចិត្តលើរដ្ឋបាល និងការទាក់ទាញប្រជាភិថុតិចំពោះកសិករ និងកម្មករក្រណាត់ខៀវ។ ក្នុងអំឡុងបដិវត្តន៍វប្បធម៌របស់លោក Mao ក្រុមឆ្មាំក្រហមបានប្រកាសសង្គ្រាមលើ «ចាស់ទាំងបួន» ដើម្បីលុបបំបាត់ប្រពៃណីមុនពេលកុម្មុយនិស្ត ដែលឆ្លុះបញ្ចាំងពីជំនឿរបស់លោក Mao ក្នុង «ដំបូងបំផ្លាញ […]

ប្រែសម្រួល៖ស-សម្បត្តិ អាល្លឺម៉ង់បានផ្តល់ពេលឱ្យរុស្ស៊ីរហូតដល់ចុងថ្ងៃទី១២ ខែឧសភា ដើម្បីយល់ព្រមលើការបញ្ឈប់បាញ់នៅអ៊ុយក្រែន ដោយព្រមានថាការបរាជ័យក្នុងការធ្វើបែបនេះនឹងធ្វើឱ្យមានការត្រៀមរៀបចំទណ្ឌកម្មថ្មី តាមការលើកឡើងរបស់អ្នកនាំពាក្យរដ្ឋាភិបាល ស្តេហ្វាន ខូនេលៀស ក្នុងអំឡុងពេលនៃការធ្វើសេចក្តីប្រកាសព័ត៌មាន ដែលកាសែត Tagesschau បានរាយការណ៍នៅថ្ងៃទី១២ ខែឧសភា។ «នាឡិកាកំពុងរាប់ថយក្រោយ — យើងនៅសល់ពេល១២ម៉ោងទៀតរហូតដល់ចុងថ្ងៃនេះ» តាមការអះអាងរបស់លោក ខូនេលៀស ដោយបន្ថែមថា ក្រុងប៊ែរឡាំងកំពុងសម្របសម្រួលជាមួយដៃគូអឺរ៉ុបលើទណ្ឌកម្មបន្ថែម។ សម្តីបញ្ជាក់ជាចុងក្រោយនេះ គឺបន្ទាប់ពីរុស្ស៊ីបដិសេធការបញ្ឈប់បាញ់ដោយគ្មានលក្ខខណ្ឌរយៈពេល៣០ថ្ងៃចាប់ពីថ្ងៃទី១២ ខែឧសភា ដែលត្រូវបានស្នើឡើងដោយអ៊ុយក្រែននិងសម្ព័ន្ធមិត្តរបស់ខ្លួនកាលពីសប្តាហ៍មុន នៅពេលដែលមេដឹកនាំអឺរ៉ុបបានទៅទស្សនាក្រុងគីវ។ តម្រូវការសម្រាប់ការបញ្ឈប់បាញ់ដោយគ្មានលក្ខខណ្ឌរយៈពេល៣០ថ្ងៃ គឺជាលទ្ធផលចម្បងនៃការចរចារវាងអ៊ុយក្រែន បារាំង ចក្រភពអង់គ្លេស អាល្លឺម៉ង់ និងប៉ូឡូញ យោងតាមប្រធានាធិបតី វ៉ូឡូឌីមៀរ ហ្សេឡិនស្គី។ ក្នុងរយៈពេល២៤ម៉ោងកន្លងមកនេះ ការវាយប្រហាររបស់រុស្ស៊ីបានបង្ករបួសយ៉ាងហោចណាស់មនុស្ស២២នាក់នៅអ៊ុយក្រែន។ នេះរួមបញ្ចូលយ៉ាងហោចណាស់មនុស្ស៧នាក់ដែលរងរបួសក្នុងការវាយប្រហារដោយដ្រូននៅពេលយប់នៃថ្ងៃទី១២ ខែឧសភា ជាកាលបរិច្ឆេទដែលការបញ្ឈប់បាញ់ដោយគ្មានលក្ខខណ្ឌរយៈពេល៣០ថ្ងៃគួរតែបានចាប់ផ្តើម។ ក្រឹមឡាំងនៅតែបន្តទាមទារការចរចាដោយគ្មានការបញ្ឈប់បាញ់ដោយគ្មានលក្ខខណ្ឌ។ នៅក្នុងសន្និសីទសារព័ត៌មាននាពេលព្រឹកថ្ងៃទី១១ ខែឧសភា ប្រធានាធិបតីរុស្ស៊ី វ្ល៉ាឌីមៀរ ពូទីន បានអញ្ជើញអ៊ុយក្រែនឱ្យចាប់ផ្តើមកិច្ចពិភាក្សាឡើងវិញ ដែលយោងតាមជំនួយការរបស់ក្រឹមឡាំង យូរី អូសាកូវ រុស្ស៊ីប្រាថ្នាចង់ឱ្យផ្អែកលើលក្ខខណ្ឌនៃការពិភាក្សានៅទីក្រុងអ៊ីស្តង់ប៊ុលឆ្នាំ២០២២ និង «ស្ថានភាពបច្ចុប្បន្ននៅលើសមរភូមិ»។ លោក ហ្សេឡិនស្គី បានប្រកាសពីការត្រៀមខ្លួនជាស្រេចក្នុងការជួបជាមួយលោក […]

ប្រែសម្រួល៖ ស–សម្បត្តិ ប្រព័ន្ធផ្សព្វផ្សាយឯករាជ្យរបស់រុស្ស៊ី Mediazona ក្នុងកិច្ចសហការជាមួយសេវាកម្មរុស្ស៊ីរបស់ BBC បានបញ្ជាក់អត្តសញ្ញាណបុគ្គលិកយោធារុស្ស៊ីចំនួន១០៧.៦២០នាក់ដែលបានស្លាប់នៅក្នុងប្រទេសអ៊ុយក្រែន។ របាយការណ៍ចុងក្រោយរបស់អ្នកបោះពុម្ពផ្សាយគ្របដណ្តប់លើរយៈពេលចាប់ពីថ្ងៃទី២៤ ខែកុម្ភៈ ឆ្នាំ២០២២ ដល់ថ្ងៃទី៨ ខែឧសភា ឆ្នាំ២០២៥។ ចាប់តាំងពីការធ្វើបច្ចុប្បន្នភាពចុងក្រោយនៅចុងខែមេសា បុគ្គលិកយោធារុស្ស៊ីចំនួន២.៨៥៧នាក់បន្ថែមទៀតត្រូវបានបញ្ជាក់ថាបានស្លាប់។ អ្នកកាសែតកត់សម្គាល់ថា តួលេខពិតប្រាកដទំនងជាខ្ពស់ជាងនេះច្រើន ព្រោះព័ត៌មានដែលពួកគេបានផ្ទៀងផ្ទាត់មកពីប្រភពសាធារណៈដូចជា កម្រងអត្ថបទរំលឹកវិញ្ញាណក្ខន្ធ បទចុះផ្សាយដោយសាច់ញាតិ ការដាំដើមឈើរំលឹកវិញ្ញាណក្ខន្ធដោយសហគមន៍ របាយការណ៍ប្រព័ន្ធផ្សព្វផ្សាយក្នុងតំបន់ សេចក្តីថ្លែងការណ៍របស់អាជ្ញាធរមូលដ្ឋាន និងប្រភពផ្សេងទៀត។ ប្រព័ន្ធផ្សព្វផ្សាយបានចេញផ្សាយបញ្ជីឈ្មោះអ្នកស្លាប់ពេញលេញជាសាធារណៈជាលើកដំបូងនៅខែកុម្ភៈ ដោយរំលឹកខួបបីឆ្នាំនៃការឈ្លានពានអ៊ុយក្រែនពេញលេញរបស់រុស្ស៊ី។ យោងតាមអ្នកបោះពុម្ពផ្សាយ អ្នកស្ម័គ្រចិត្តបានបញ្ចូលទិន្នន័យនិងផ្ទៀងផ្ទាត់ដោយដៃដើម្បីធានាថាមិនមានការស្ទួនគ្នានៅក្នុងមូលដ្ឋានទិន្នន័យទេ។ ចំនួនអ្នកស្លាប់ដែលបានបញ្ជាក់ឥឡូវនេះរួមមានអ្នកស្ម័គ្រចិត្តចំនួន២៦,៦០០នាក់ អ្នកទោសដែលត្រូវបានជ្រើសរើសចំនួន១៧,១០០នាក់ និងទាហានដែលត្រូវបានគ្រប់គ្រងជិត១២,០០០នាក់ យោងតាមប្រព័ន្ធផ្សព្វផ្សាយ។ មន្ត្រីជាង៥,០០០នាក់ក៏ត្រូវបានបញ្ជាក់ថាបានស្លាប់ផងដែរ។ រុស្ស៊ីបានទទួលដីនៅភាគខាងកើតនៃប្រទេសអ៊ុយក្រែននិងតំបន់ Kursk Oblast នៅក្នុងខែថ្មីៗនេះ ប៉ុន្តែក្នុងតម្លៃនៃការបាត់បង់ជីវិតយ៉ាងធ្ងន់ធ្ងរព្រមទាំងការបាត់បង់គ្រឿងសព្វាវុធផងដែរ។ នៅថ្ងៃទី២៤ ខែកុម្ភៈ ប្រព័ន្ធផ្សព្វផ្សាយឯករាជ្យរុស្ស៊ី Meduza និង Mediazona បានប៉ាន់ប្រមាណក្នុងរបាយការណ៍មួយថា មានកងទ័ពរុស្ស៊ីប្រមាណ១៦៥.០០០នាក់ត្រូវបានសម្លាប់ចាប់តាំងពីការចាប់ផ្តើមឈ្លានពានអ៊ុយក្រែនពេញលេញ រួមទាំងជិត១០០.០០០នាក់នៅឆ្នាំ២០២៤។ ប្រធានាធិបតី វ៉ូឡូឌីមីរ ហ្សេឡេនស្គី បានអះអាងនៅថ្ងៃទី១៥ ខែកុម្ភៈថា ទីក្រុងម៉ូស្គូបានបាត់បង់ទាហានប្រមាណ២៥០.០០០នាក់ ដោយមាន២០.០០០នាក់ត្រូវបានសម្លាប់នៅក្នុងការប្រយុទ្ធសម្រាប់តំបន់ Kursk […]

ប្រែសម្រួល៖ លន ស្រស់ សេអ៊ូល៖ បេក្ខជនប្រធានាធិបតីកូរ៉េខាងត្បូងបានចាប់ផ្តើមយុទ្ធនាការរបស់ពួកគេកាលពីថ្ងៃចន្ទ (ថ្ងៃទី១២ ឧសភា) ដោយសន្យាថានឹងបង្រួបបង្រួមសង្គមដែលមានការបែងចែកយ៉ាងជ្រាលជ្រៅ និងជំរុញកំណើនសេដ្ឋកិច្ច ខណៈពេលដែលកំពុងចរចាពាណិជ្ជកម្មជាមួយសហរដ្ឋអាមេរិក។ សេដ្ឋកិច្ចធំបំផុតទី៤នៅអាស៊ីនឹងរៀបចំការបោះឆ្នោតប្រធានាធិបតីបន្ទាន់នៅថ្ងៃទី៣ ខែមិថុនា ដើម្បីជ្រើសរើសអ្នកបន្តវេនរបស់យ៉ុន ស៊ុកយ៉ុល បន្ទាប់ពីមេដឹកនាំអភិរក្សនិយមរូបនេះត្រូវបានដកចេញដោយសារការបញ្ជាដាក់ច្បាប់អាជ្ញាសឹកដ៏គួរឱ្យភ្ញាក់ផ្អើលរបស់គាត់ដែលបានធ្វើឱ្យប្រទេសធ្លាក់ចូលក្នុងវិបត្តិនយោបាយ។ ព័ទ្ធជុំវិញដោយហ្វូងមនុស្សយ៉ាងច្រើនស្លៀកពាក់ពណ៌ខៀវ បេក្ខជននាំមុខគេ លី ជេម៉្យុង មកពីគណបក្សប្រជាធិបតេយ្យដែលមាននិន្នាការសេរីនិយម បានធ្វើការប្រមូលផ្តុំនៅកណ្តាលក្រុងសេអ៊ូល។ អ្នកគាំទ្រខ្លះបានរាំទៅតាមបទចម្រៀងយុទ្ធនាការ ខណៈដែលអ្នកផ្សេងទៀតបានស្រែកថា “លី ជេម៉្យុង ប្រធានាធិបតី”។ “តើអ្នកនឹងចូលរួមដំណើរឆ្ពោះទៅការចាប់ផ្តើមថ្មី ផ្លូវថ្មីឆ្ពោះទៅក្តីសង្ឃឹមដែរឬទេ?” លីបាននិយាយទៅកាន់ហ្វូងមនុស្ស ដោយផ្លាស់ប្តូរទៅពាក់ស្បែកជើងកីឡានៅលើឆាកដើម្បីបង្ហាញពីការខិតខំប្រឹងប្រែងរបស់គាត់ក្នុងអំឡុងពេលប្រកួតប្រជែង។ លីដែលបានចាញ់ការបោះឆ្នោតប្រធានាធិបតីលើកមុនទៅយ៉ុន កំពុងជិះលើរលកនៃការគាំទ្រពីប្រជាជនបន្ទាប់ពីបានជម្នះការវាយប្រហារដោយកាំបិត ការប្រឆាំងនឹងការបញ្ជាដាក់ច្បាប់អាជ្ញាសឹក និងការប្រកួតប្រជែងការចោទប្រកាន់ពីបទឧក្រិដ្ឋដែលបានគំរាមកំហែងការដកសិទ្ធិគាត់ចេញពីការប្រកួត។ ការកាត់ក្តីជាបន្តបន្ទាប់របស់គាត់លើបញ្ហាចាប់ពីការសូកប៉ាន់រហូតដល់ការចោទប្រកាន់ភាគច្រើនដែលជាប់ទាក់ទងនឹងអាស្រូវអភិវឌ្ឍន៍អចលនទ្រព្យមួយដុល្លារអាមេរិក ត្រូវបានពន្យារពេលរហូតដល់ក្រោយការបោះឆ្នោត។ លីដែលពាក់អាវការពារគ្រាប់កាំភ្លើងដោយសារការគំរាមកំហែងដល់សុវត្ថិភាពរបស់គាត់ បានសន្យាថានឹងក្លាយជាមេដឹកនាំនៃការរួបរួម និងឆ្លងកាត់វិបត្តិពាណិជ្ជកម្មដែលបណ្តាលមកពីពន្ធនាំចូលដែលដាក់ដោយរដ្ឋបាលរបស់ប្រធានាធិបតីសហរដ្ឋអាមេរិក ដូណាល់ ត្រាំ។ សំណើគោលនយោបាយសំខាន់របស់គណបក្សរបស់គាត់ពាក់ព័ន្ធនឹងការពង្រីកសេដ្ឋកិច្ចដោយផ្តោតលើឧស្សាហកម្មបញ្ញាសិប្បនិម្មិត និងវប្បធម៌ K-pop ។ ប្រសិនបើជាប់ឆ្នោត លីនឹងព្យាយាមស្តារទំនាក់ទំនងដែលមានបញ្ហាជាមួយកូរ៉េខាងជើង ដែលស្ថិតក្នុងសភាពសង្គ្រាមផ្លូវការជាមួយខាងត្បូង ខណៈពេលដែលពង្រីកវិសាលភាពការទូតរបស់ប្រទេសចូលទៅក្នុងអឺរ៉ុប យោងតាមការសន្យាគោលនយោបាយរបស់គណបក្ស។ គីម មូនស៊ូ គូប្រជែងអភិរក្សនិយមរបស់លី បានចាប់ផ្តើមយុទ្ធនាការរបស់ខ្លួននៅផ្សារលក់ដុំសាធារណៈមួយក្នុងក្រុងសេអ៊ូល ដោយញ៉ាំស៊ុបសាច់ក្រកកូរ៉េជាមួយអ្នកជំនួញ […]

ប្រែសម្រួល៖ ស-សម្បត្តិ ទីក្រុងម៉ូស្គូ និងទីក្រុងហាណូយបានព្រមព្រៀងគ្នាចរចា និងចុះហត្ថលេខាលើកិច្ចព្រមព្រៀងសាងសង់រោងចក្រថាមពលនុយក្លេអ៊ែរនៅវៀតណាម ដែលប្រទេសទាំងពីរបានលើកឡើងក្នុងសេចក្តីថ្លែងការណ៍រួមមួយកាលពីថ្ងៃទី១១ ខែឧសភា។ “ការអភិវឌ្ឍរោងចក្រទាំងនេះដោយប្រើបច្ចេកវិទ្យាទំនើប នឹងអនុលោមយ៉ាងតឹងរឹងទៅតាមបទបញ្ញត្តិស្តីពីសុវត្ថិភាពនុយក្លេអ៊ែរ និងរស្មី និងសម្រាប់ការអភិវឌ្ឍសេដ្ឋកិច្ច-សង្គម” សេចក្តីថ្លែងការណ៍បានបញ្ជាក់ យោងតាមសេចក្តីរាយការណ៍របស់ Reuters។ វៀតណាម និងរុស្ស៊ីមានទំនាក់ទំនងជិតស្និទ្ធយូរមកហើយ ដែលចាប់ផ្តើមតាំងពីសម័យសហភាពសូវៀតគាំទ្រវៀតណាមខាងជើង និងកងកម្លាំងអាយ៉ងរបស់ខ្លួនក្នុងសង្គ្រាមវៀតណាម។ ក្រុងហាណូយបានរក្សាជំហរអព្យាក្រឹតរហូតមកទល់ពេលនេះចំពោះសង្គ្រាមប្រឆាំងអ៊ុយក្រែនរបស់រុស្ស៊ី។ កិច្ចព្រមព្រៀងនេះកើតឡើងនៅពេលដែលអគ្គលេខាបក្សកុម្មុយនិស្តវៀតណាម លោក តូ ឡាម បានទៅទស្សនាទីក្រុងម៉ូស្គូសម្រាប់ការប្រារព្ធពិធីទិវាជ័យជម្នះរបស់ប្រធានាធិបតីរុស្ស៊ី វ្លាឌីមៀរ ពូទីន។ ដោយវៀតណាមប្តេជ្ញាគាំទ្រសេដ្ឋកិច្ចរបស់ខ្លួនដែលកំពុងរីកចម្រើនយ៉ាងឆាប់រហ័ស ប្រទេសនេះប្តេជ្ញាបង្កើនសមត្ថភាពផលិតថាមពលរបស់ខ្លួនតាមរយៈការប្រើប្រាស់ថាមពលនុយក្លេអ៊ែរ។ ក្នុងការស្វែងរកពិពិធកម្មភាពជាដៃគូសេដ្ឋកិច្ចរបស់ខ្លួន ក្រុងហាណូយបាននិយាយពីមុនថា វានឹងស្វែងរកដៃគូបរទេសផ្សេងៗដើម្បីសាងសង់រោងចក្រថាមពល រួមមានសហរដ្ឋអាមេរិក បារាំង កូរ៉េខាងត្បូង និងជប៉ុន យោងតាមសេចក្តីរាយការណ៍របស់ Reuters។ ប្រទេសនេះបាននិយាយពីមុនថា វាមានគោលដៅផ្តល់ការផលិតថាមពលនុយក្លេអ៊ែរជាមួយនឹងរោងចក្រដំបូងរបស់ខ្លួនដែលនឹងបើកដំណើរការរវាងឆ្នាំ ២០៣០ និង ២០៣៥។ សេចក្តីថ្លែងការណ៍រួមរវាងក្រឹមឡាំង និងក្រុងហាណូយក៏បានកត់សម្គាល់ផងដែរថា រុស្ស៊ីនឹងពង្រីកការនាំចេញប្រេងឆៅ និងឧស្ម័នធម្មជាតិរាវ (LNG) ទៅវៀតណាម ខណៈដែលក្រុមហ៊ុនប្រេងវៀតណាមនឹងមានវត្តមានធំជាងមុននៅក្នុងប្រទេសរុស្ស៊ីក្នុងពេលខាងមុខ។ ក្នុងអំឡុងការឈ្លានពានគ្រប់ទ្រង់ទ្រាយមកលើអ៊ុយក្រែន រុស្ស៊ីបានស្វែងរកដៃគូពាណិជ្ជកម្មថ្មីៗដែលមានឆន្ទៈទទួលយកការនាំចេញប្រេង និង LNG របស់រុស្ស៊ី ខណៈដែលសម្ព័ន្ធមិត្តលោកខាងលិចបន្តធ្វើឱ្យសេដ្ឋកិច្ចរុស្ស៊ីធ្លាក់ចុះតាមរយៈការដាក់ទណ្ឌកម្មសេដ្ឋកិច្ច។ […]

ប្រែសម្រួល៖ស-សម្បត្តិ សម្ព័ន្ធមិត្តដែលចាក់ទឹកមិនលិចរបស់អ៊ុយក្រែនបានបដិសេធសំណើរបស់លោកវ្លាឌីមៀរ ពូទីន ក្នុងការចង់ធ្វើការចរចាដោយផ្ទាល់ជាមួយមន្ត្រីអ៊ុយក្រែន ដោយនិយាយថាប្រធានាធិបតីរុស្ស៊ីត្រូវតែទទួលយកសំណើឈប់បាញ់ដែលគាំទ្រដោយសហរដ្ឋអាមេរិកជាមុនសិន។ លោកពូទីនបានស្នើកាលពីថ្ងៃសៅរ៍ឱ្យធ្វើ «ការចរចាដោយផ្ទាល់» ជាមួយអ៊ុយក្រែននៅថ្ងៃទី១៥ ខែឧសភា នៅប្រទេសតួកគី។ ប្រធានាធិបតីអ៊ុយក្រែន វ៉ូឡូឌីមៀរ ហ្សេឡេនស្គីបានឆ្លើយតបដោយការប្រុងប្រយ័ត្នកាលពីថ្ងៃអាទិត្យ ដោយហៅវាថាជា «សញ្ញាវិជ្ជមាន» ហើយនិយាយថាប្រទេសរបស់លោក «ត្រៀមខ្លួនរួចជាស្រេចក្នុងការជួប» ជាមួយមន្ត្រីរុស្ស៊ី។ ប៉ុន្តែក្នុងរយៈពេលប៉ុន្មានម៉ោងក្រោយមក សម្លេងនៃសម្ព័ន្ធមិត្តអ៊ុយក្រែនបានអំពាវនាវឱ្យលោកពូទីនយល់ព្រមជាមុនដល់សំណើឈប់បាញ់រយៈពេល៣០ថ្ងៃ មុនពេលចរចាបន្ថែមទៀត។ លោក Keith Kellogg ប្រតិភូពិសេសរបស់រដ្ឋបាលត្រាំបាននិយាយថា៖«ការឈប់បាញ់ដោយគ្មានលក្ខខណ្ឌត្រួវធ្វើជាមុនសិន ហើយ ទើបចាប់ផ្តើមការពិភាក្សាសន្តិភាពដ៏ទូលំទូលាយ។ នាយករដ្ឋមន្ត្រីប៉ូឡូញ លោក Donald Tusk ដែលបានជួបជាមួយលោកហ្សេឡេនស្គីនៅគៀវកាលពីថ្ងៃសៅរ៍ រួមជាមួយថ្នាក់ដឹកនាំបារាំង អង់គ្លេស និងអាល្លឺម៉ង់ បាននិយាយថាពិភពលោកនៅតែរង់ចាំ «ការសម្រេចចិត្តច្បាស់លាស់» របស់លោកពូទីនស្តីពី «ការឈប់បាញ់ភ្លាមៗនិងគ្មានលក្ខខណ្ឌ»។ ក្នុងអំឡុងកិច្ចប្រជុំកាលពីថ្ងៃសៅរ៍នៅទីក្រុងគៀវ សម្ព័ន្ធមិត្តសំខាន់ៗរបស់អ៊ុយក្រែនបានប្រកាសអំពីកាលកំណត់ថ្ងៃចន្ទសម្រាប់រុស្ស៊ីដើម្បីទទួលយកសំណើឈប់បាញ់ថ្មី ឬប្រឈមនឹងទណ្ឌកម្ម «ធំធេង» ថ្មី។ កាលពីថ្ងៃអាទិត្យ លោកពូទីនមិនបាននិយាយអំពីសំណើនោះទេ ហើយផ្ទុយទៅវិញបាននិយាយថាលោកចង់ធ្វើ «ការចរចាដោយផ្ទាល់» ជាមួយអ៊ុយក្រែននៅទីក្រុងអ៊ីស្តង់ប៊ុលនៅថ្ងៃព្រហស្បតិ៍ ជារឿងដែលមិនធ្លាប់កើតមានតាំងពីសប្តាហ៍ដំបូងនៃការឈ្លានពានពេញលេញរបស់ទីក្រុងម៉ូស្គូចូលអ៊ុយក្រែនក្នុងឆ្នាំ២០២២។ លោកពូទីនបាននិយាយថា៖ «យើងប្តេជ្ញាក្នុងការចរចាដ៏សំខាន់ជាមួយអ៊ុយក្រែន» ដោយយើង មានបំណង «លុបបំបាត់ឫសគល់នៃជម្លោះ» […]

ប្រែសម្រួល៖ស-សម្បត្តិ រុស្ស៊ីបានបើកការវាយប្រហារដោយដ្រូននៅទូទាំងប្រទេសអ៊ុយក្រែននាព្រឹកថ្ងៃទី១១ ខែឧសភា ដែលបណ្តាលឱ្យមនុស្សម្នាក់របួសនៅក្នុងតំបន់គីវ និងខូចខាតហេដ្ឋារចនាសម្ព័ន្ធស៊ីវិលនៅក្នុងតំបន់ជាច្រើន ប្រភពមកពីមន្ត្រីអ៊ុយក្រែន។ ការវាយប្រហារនេះបានចាប់ផ្តើមប្រមាណម៉ោង ២ ព្រឹកថ្ងៃទី១១ ខែឧសភា ដោយកងកម្លាំងរុស្ស៊ីបានប្រើប្រាស់ដ្រូនវាយប្រហារប្រភេទ Shahed ចំនួន ១០៨ គ្រឿង និងដ្រូនបំភាន់ពីទិសដៅជាច្រើន នេះបើតាមការបញ្ជាក់របស់កងទ័ពអាកាសអ៊ុយក្រែន។ ប្រព័ន្ធការពារតាមអាកាសរបស់អ៊ុយក្រែន រួមទាំងអង្គភាពអាកាសចរណ៍ កងកម្លាំងមីស៊ីល អង្គភាពសង្គ្រាមអេឡិចត្រូនិក និងក្រុមកាំភ្លើងចល័ត បានទប់ស្កាត់ដ្រូន Shahed ចំនួន ៦០ គ្រឿងនៅទូទាំងតំបន់ខាងកើត ខាងជើង ខាងត្បូង និងកណ្តាលនៃប្រទេស។ ដ្រូនបំភាន់ចំនួន ៤១ គ្រឿងទៀតបានបាត់ពីរ៉ាដា ប៉ុន្តែមិនបានបង្កការខូចខាតទេ។ នៅក្នុងតំបន់គីវ បុរសអាយុ ៧០ ឆ្នាំម្នាក់នៅស្រុកប្រូវ៉ារី បានរងប្រតិកម្មស្ត្រេសធ្ងន់ធ្ងរអំឡុងពេលវាយប្រហារ និងកំពុងទទួលការថែទាំផ្នែកវេជ្ជសាស្ត្រ នេះបើតាមអាជ្ញាធរក្នុងតំបន់។ ផ្ទះរដូវក្តៅមួយត្រូវបានខូចខាតក្នុងការវាយប្រហារ និងផ្ទះឯកជនចំនួន៥ខ្នងត្រូវបានប៉ះពាល់នៅស្រុកអូប៊ូខីវ ដែលស្ថិតនៅភាគខាងត្បូងនៃរាជធានីគីវ។ ហេដ្ឋារចនាសម្ព័ន្ធសំខាន់ៗមិនត្រូវបានប៉ះពាល់ទេ។ នៅក្នុងតំបន់ស៊ូមី កងកម្លាំងរុស្ស៊ីបានអនុវត្តការវាយប្រហារជាង១០០ លើកលើការតាំងទីលំនៅ៣១កន្លែងក្នុងសហគមន៍១៤ក្នុងរយៈពេលមួយថ្ងៃកន្លងមក។ ការវាយប្រហារទាំងនោះរួមមានគ្រាប់បែកផ្លោងអាកាសជិត១០គ្រឿង ការវាយប្រហារដោយដ្រូន FPV ចំនួន៣០ ការទម្លាក់គ្រាប់បែកដៃពីដ្រូនប្រមាណ៣០ និងការផ្ទុះប្រព័ន្ធកាំជ្រួចបាញ់គ្រាប់ច្រើនកំពូលជាង៧០លើក នេះបើតាមមន្ត្រីក្នុងតំបន់រាយការណ៍។ […]

ប្រែសម្រួល៖រតនា កិច្ចព្រមព្រៀងបញ្ឈប់បាញ់ដ៏ផុយស្រួយកំពុងបន្តរវាងឥណ្ឌា និងប៉ាគីស្ថាននៅថ្ងៃអាទិត្យ បន្ទាប់ពីការប្រយុទ្ធគ្នាពេញមួយយប់រវាងប្រទេសទាំងពីរដែលមានកម្លាំងនុយក្លេអ៊ែរ ខណៈប្រធានាធិបតីសហរដ្ឋអាមេរិក ដូណាល់ ធ្រាំ បានមានប្រសាសន៍ថា លោកនឹងខិតខំជួយផ្តល់ដំណោះស្រាយទាក់ទងនឹងកាស្មៀរ។ ប្រទេសដែលជាសត្រូវចាស់បានធ្វើការបាញ់គ្នាយ៉ាងខ្លាំងរយៈពេលបួនថ្ងៃ ដែលជាការប្រយុទ្ធគ្នាដ៏អាក្រក់បំផុតក្នុងរយៈពេលជិតបីទសវត្សរ៍ ដោយមានការបាញ់មីស៊ីល និងដ្រូនទៅលើមូលដ្ឋានយោធារបស់គ្នាទៅវិញទៅមក និងមានមនុស្សស្លាប់រាប់សិបនាក់។ កិច្ចព្រមព្រៀងបញ្ឈប់បាញ់ត្រូវបានសម្រេចបន្ទាប់ពីការធ្វើការទូតនិងសម្ពាធពីសហរដ្ឋអាមេរិក ប៉ុន្តែក្នុងរយៈពេលប៉ុន្មានម៉ោងក្រោយមក ការបាញ់អាវុធធុនធ្ងន់ត្រូវបានឃើញនៅក្នុងកាស្មៀរឥណ្ឌា ដែលជាមជ្ឈមណ្ឌលនៃការប្រយុទ្ធភាគច្រើន។ ការផ្ទុះពីប្រព័ន្ធការពារផ្លូវអាកាសបានលាន់ឮនៅតាមទីក្រុងជិតព្រំដែនក្នុងពេលផ្អាកភ្លើង ដូចពីរយប់មុន ដោយយោងតាមអាជ្ញាធរ អ្នករស់នៅ និងសាក្សីរបស់រ៉យទ័រ។ នៅយប់ថ្ងៃសៅរ៍ ឥណ្ឌាបាននិយាយថា ប៉ាគីស្ថានបានរំលោភលើការយល់ព្រមឈប់បាញ់ ហើយកងកម្លាំងប្រដាប់អាវុធឥណ្ឌាត្រូវបានណែនាំឱ្យ “ដោះស្រាយយ៉ាងម៉ឺងម៉ាត់” ប្រសិនបើមានការបាញ់បន្តទៀត។ ឆ្លើយតបវិញ ប៉ាគីស្ថានបាននិយាយថា ខ្លួនប្តេជ្ញាចំពោះកិច្ចព្រមព្រៀងបញ្ឈប់បាញ់ និងស្តីបន្ទោសឥណ្ឌាចំពោះការរំលោភនានា។ ត្រឹមពេលថ្ងៃរះ ការប្រយុទ្ធគ្នា និងការផ្ទុះដែលបានរាយការណ៍ក្នុងពេលយប់បានស្ងប់នៅទាំងសងខាងព្រំដែន តាមការរាយការណ៍របស់សាក្សីរ៉យទ័រ។ ភ្លើងត្រូវបានផ្គត់ផ្គង់ឡើងវិញនៅតំបន់ជាច្រើនតាមទីក្រុងតាមព្រំដែនឥណ្ឌា បន្ទាប់ពីការផ្អាកភ្លើងកាលពីយប់មុន។ លោកត្រាំបានសរសើរមេដឹកនាំទាំងពីរប្រទេសចំពោះការយល់ព្រមឈប់ប្រើអំពើហិង្សា។ “ទោះបីជាមិនទាន់បានពិភាក្សាក៏ដោយ ខ្ញុំនឹងបង្កើនពាណិជ្ជកម្មឱ្យបានច្រើន ជាមួយប្រទេសដ៏អស្ចារ្យទាំងពីរនេះ។ លើសពីនេះ ខ្ញុំនឹងធ្វើការជាមួយអ្នកទាំងពីរដើម្បីមើលថាតើ… ដំណោះស្រាយអាចត្រូវបានរកឃើញទាក់ទងនឹងកាស្មៀរឬអត់” លោកត្រាំបានសរសេរនៅលើបណ្តាញ Truth Social។ នៅក្នុងទីក្រុងតាមព្រំដែនអាំម្រីតសា ដែលជាទីតាំងព្រះវិហារមាសជាទីគោរពរបស់ជនជាតិស៊ិក សញ្ញាអាសន្នដែលបានលាន់ឮនៅពេលព្រឹកដើម្បីបន្តសកម្មភាពធម្មតានាំមកនូវអារម្មណ៍ធូរស្បើយ ហើយមានមនុស្សត្រូវបានឃើញនៅតាមដងផ្លូវ។ ការប្រយុទ្ធគ្នាបានចាប់ផ្តើមកាលពីថ្ងៃពុធ ពីរសប្តាហ៍បន្ទាប់ពីមនុស្ស […]

ប្រែសម្រួល៖ស-សម្បត្តិ លោកប្រធានាធិបតីសហរដ្ឋអាមេរិក ដូណាល់ ត្រាំ “នឹងបន្តធ្វើការជាមួយភាគីទាំងពីរ” ដើម្បីបញ្ចប់សង្រ្គាមពេញលេញរបស់រុស្ស៊ីប្រឆាំងអ៊ុយក្រែន ដូចដែលលោកត្រាំបានថ្លែងក្នុងសារបណ្តាញសង្គមនៅថ្ងៃទី១១ ខែឧសភា។ សេចក្តីថ្លែងរបស់លោកត្រាំកើតមានឡើងបន្តិចបន្ទាប់ពីប្រទេសអ៊ុយក្រែននិងអឺរ៉ុបបានដាក់សំណើសម្រាប់ការឈប់បាញ់គ្នាដោយគ្មានលក្ខខណ្ឌរយៈពេល៣០ថ្ងៃចាប់ផ្តើមនៅថ្ងៃទី១២ ខែឧសភា។ លោកប្រធានាធិបតីរុស្ស៊ី វ្លាឌីមៀរ ពូទីន មិនបានយល់ព្រមជាមួយផែនការនេះទេ ប៉ុន្តែបានអញ្ជើញក្រុងគីវឱ្យបន្តការចរចាផ្ទាល់នៅក្រុងអ៊ីស្តង់ប៊ុលនាថ្ងៃទី១៥ ខែឧសភា។ “ថ្ងៃដ៏អស្ចារ្យសម្រាប់រុស្ស៊ីនិងអ៊ុយក្រែន!” លោកត្រាំបានសរសេរនៅលើគណនី Truth Social របស់លោក។ “សូមគិតអំពីមនុស្សរាប់សែននាក់ដែលនឹងបានជីវិតរស់ នៅពេលដែល ‘ការបង្ហូរឈាម’ ដែលមិនចេះចប់នេះ ត្រូវបានបញ្ចប់ដោយក្តីសង្ឃឹម… ខ្ញុំនឹងបន្តធ្វើការជាមួយភាគីទាំងពីរដើម្បីធានាថាវានឹងកើតឡើង។” លោកត្រាំមិនបានលើកឡើងដោយផ្ទាល់អំពីសំណើឈប់បាញ់គ្នាឬការសន្ទនាដែលលោកពូទីនបានស្នើនៅក្រុងអ៊ីស្តង់ប៊ុលនោះទេ។ វាមិនច្បាស់ថាលោកកំពុងសំដៅលើអ្វីនោះទេនៅពេលលោកនិយាយអំពី “ថ្ងៃដ៏អស្ចារ្យសម្រាប់រុស្ស៊ីនិងអ៊ុយក្រែន។” លោកត្រាំបាននិយាយជាមួយលោកប្រធានាធិបតី វ៉ូឡូឌីមៀរ ហ្សេឡិនស្គី និងថ្នាក់ដឹកនាំអឺរ៉ុបដែលបានមកទស្សនកិច្ចតាមទូរសព្ទនៅថ្ងៃទី១០ ខែឧសភា ក្នុងការសន្ទនាមួយដែលត្រូវបានពិពណ៌នាថា “មានផលិតភាព”។ រដ្ឋបាលត្រាំបានគាំទ្រសំណើឈប់បាញ់គ្នារបស់អឺរ៉ុប-អ៊ុយក្រែន និងបានគំរាមដាក់ទណ្ឌកម្មប្រឆាំងនឹងទីក្រុងម៉ូស្គូ ប្រសិនបើមិនអនុវត្តតាម។ លោកប្រធានាធិបតីបារាំង អេម៉ានុយអែល ម៉ាក្រុង បានថ្លែងនៅថ្ងៃទី១១ ខែឧសភា ថាការសន្ទនាដែលបានស្នើឡើងដោយលោកពូទីនគឺជា “ជំហានដំបូង ប៉ុន្តែមិនទាន់គ្រប់គ្រាន់” ដោយបន្ថែមថាការឈប់បាញ់គ្នាដោយគ្មានលក្ខខណ្ឌមិនតម្រូវឱ្យមានការចរចាជាមុនទេ៕ ប្រភព៖ Kyiv independent

ប្រែសម្រួល៖រតនា ប្រធានាធិបតីរុស្ស៊ី វ្លាឌីមៀរ ពូទីន បានស្នើសុំធ្វើការចរចាសន្តិភាពដោយផ្ទាល់ជាមួយអ៊ុយក្រែន ដែលជា “ជំហានដំបូង ប៉ុន្តែមិនគ្រប់គ្រាន់” នេះបើតាមការថ្លែងរបស់ប្រធានាធិបតីបារាំង អេម៉ាញូអែល ម៉ាក្រុង នៅថ្ងៃទី១១ ខែឧសភា។ ពូទីន បានស្នើឱ្យមានកិច្ចចរចាផ្ទាល់ជាមួយអ៊ុយក្រែន នៅអ៊ីស្តង់ប៊ុលនៅថ្ងៃទី១៥ ខែឧសភា ដោយមានប្រសាសន៍ថា “រុស្ស៊ីរួចរាល់ហើយសម្រាប់ការចរចាដោយគ្មានលក្ខខណ្ឌណាមួយ”។ “ការឈប់បាញ់គ្នាដោយគ្មានលក្ខខណ្ឌ មិនមែនត្រូវមានចរចាជាមុននោះទេ” ម៉ាក្រុងបានប្រាប់អ្នកសារព័ត៌មាននៅព្រំដែនប៉ូឡូញ-អ៊ុយក្រែន យោងតាមសារព័ត៌មាន Agence France Presse (AFP)។ ពូទីន “កំពុងស្វែងរកផ្លូវចេញ ប៉ុន្តែគាត់នៅតែចង់ទិញពេលវេលា” គាត់បានថ្លែង។ សេចក្ដីថ្លែងការណ៍របស់ម៉ាក្រុង បន្ទាប់ពីដំណើរទស្សនកិច្ចរបស់គាត់ទៅកាន់ទីក្រុងគីវនៅថ្ងៃទី១០ ខែឧសភា ជាមួយនាយករដ្ឋមន្ត្រីចក្រភពអង់គ្លេស គៀរ ស្តាមើរ អធិការបតីអាល្លឺម៉ង់ ហ្វ្រីដ្រិច មែរក និងនាយករដ្ឋមន្ត្រីប៉ូឡូញ ដូណាល់ ថាស់។ ដំណើរទស្សនកិច្ចរួមប្រវត្តិសាស្រ្តរបស់ថ្នាក់ដឹកនាំអឺរ៉ុប តំណាងឱ្យការបង្ហាញនូវសាមគ្គីភាពយ៉ាងរឹងមាំជាមួយអ៊ុយក្រែន កណ្តាលការវាយប្រហារកាន់តែខ្លាំងឡើងរបស់រុស្ស៊ី និងការប្រារព្ធពិធីថ្ងៃជ័យជម្នះជាតិនិយមហួសហេតុរបស់រុស្ស៊ី។ អ៊ុយក្រែន និងសម្ព័ន្ធមិត្តអឺរ៉ុបសំខាន់ៗរបស់ខ្លួន បានចេញសេចក្តីថ្លែងការណ៍រួមទាមទារឱ្យរុស្ស៊ីទទួលយកការបញ្ឈប់បាញ់គ្នាពេញលេញដោយគ្មានលក្ខខណ្ឌរយៈពេល៣០ថ្ងៃ ចាប់ពីថ្ងៃទី១២ ខែឧសភា។ សំណើនេះត្រូវបានគាំទ្រដោយប្រធានាធិបតីសហរដ្ឋអាមេរិក ដូណាល់ ត្រាំ […]

ប្រែសម្រួល៖ រតនា រុស្ស៊ីនិងអ៊ុយក្រែនត្រូវតែសម្រេចបានកិច្ចព្រមព្រៀងបញ្ឈប់បាញ់ដើម្បីឱ្យសហរដ្ឋអាមេរិកអាច “បន្តទៅមុខ” ក្នុងការចរចាបញ្ចប់សង្គ្រាមពេញលេញ នេះបើតាមអ្នកនាំពាក្យក្រសួងការបរទេសសហរដ្ឋអាមេរិកលោកស្រី ធេមមី ប្រ៊ូស បាននិយាយនៅថ្ងៃទី១០ ខែឧសភា។ សេចក្តីថ្លែងការណ៍របស់លោកស្រី ប្រ៊ូស កើតឡើងខណៈពេលដែលអ៊ុយក្រែននិងសម្ព័ន្ធមិត្តអឺរ៉ុបទាមទារឱ្យមូស្គូទទួលយកសំណើរបស់ពួកគេសម្រាប់ការបញ្ឈប់បាញ់រយៈពេល៣០ថ្ងៃដោយគ្មានលក្ខខណ្ឌចាប់ផ្តើមនៅថ្ងៃទី១២ ខែឧសភា។ “យើងនឹងវិនិច្ឆ័យរុស្ស៊ីតាមសកម្មភាព មិនមែនពាក្យសម្ដីទេ” លោកស្រី ប្រ៊ូស បានសរសេរនៅលើបណ្តាញ X។ “យើងបានសម្រេចកិច្ចព្រមព្រៀងជាមួយអ៊ុយក្រែនសម្រាប់រ៉ែធាតុសំខាន់ៗនិងថាមពលដើម្បីផ្តល់មូលនិធិដល់ការកសាងឡើងវិញរបស់ពួកគេ។ ឥឡូវនេះយើងត្រូវការសំណើជាក់ស្តែងពីភាគីទាំងសងខាងដើម្បីបញ្ចប់ជម្លោះ។” នៅក្នុងសេចក្តីថ្លែងការណ៍ដែលត្រូវបានផ្សាយនៅលើ NewsNation លោកស្រី ប្រ៊ូស បានបង្ហាញថាការចូលរួមបន្ថែមរបស់សហរដ្ឋអាមេរិកក្នុងការចរចាសន្តិភាពគឺអាស្រ័យលើកិច្ចព្រមព្រៀងបញ្ឈប់បាញ់។ “យើងបាននិយាយដដែលៗថា ដើម្បីឱ្យយើងអាចបន្តទៅមុខទាក់ទងនឹងជម្លោះនេះ ត្រូវតែមានការបញ្ឈប់បាញ់” លោកស្រីបាននិយាយ។ ប្រធានាធិបតីរុស្ស៊ី វ្លាឌីមៀរ ពូទីន មិនបានយល់ព្រមចំពោះការបញ្ឈប់បាញ់រយៈពេល៣០ថ្ងៃដែលស្នើឡើងដោយអ៊ុយក្រែននិងអឺរ៉ុបទេ — ដែលជាសំណើក៏ត្រូវបានគាំទ្រដោយសហរដ្ឋអាមេរិកដែរ។ ជំនួសឱ្យការពន្យារការបញ្ឈប់បាញ់រយៈពេលបីថ្ងៃដែលគាត់បានប្រកាសដើម្បីគោរពពិធីអបអរទិវាជ័យជម្នះរបស់រុស្ស៊ី ពូទីន បាននិយាយនៅថ្ងៃទី១១ ខែឧសភាថា រុស្ស៊ីចង់ធ្វើការចរចាដោយផ្ទាល់ជាមួយអ៊ុយក្រែននៅទីក្រុងអ៊ីស្តង់ប៊ុលនៅសប្តាហ៍ក្រោយ។ ការបញ្ឈប់បាញ់ទូលំទូលាយអាចត្រូវបានចរចានៅអំឡុងពេលការពិភាក្សាទាំងនោះ ដែលនឹងចាប់ផ្តើមនៅថ្ងៃទី១៥ ខែឧសភា គាត់បាននិយាយ។ រុស្ស៊ីបានប្រកាសជាបន្តបន្ទាប់អំពីការរួចរាល់របស់ខ្លួនសម្រាប់ការចរចាសន្តិភាព ខណៈពេលជាមួយគ្នានោះក៏ជំរុញការទាមទារជាអតិបរមាដែររួមទាំងការប្រមូលយកទាំងស្រុងនូវតំបន់ដូនេសក៍ លូហ្គេនស៍ សាប៉ូរីសហ្ស៊ា និងខេសុនរបស់អ៊ុយក្រែន និងការទទួលស្គាល់ជាអន្តរជាតិនៃការកាន់កាប់ដោយខុសច្បាប់របស់ខ្លួននៅឧបទ្វីបគ្រីមៀ។ កាសែត The Wall […]

ប្រែសម្រួល៖ រតនា រុស្ស៊ីកំពុងអញ្ជើញអ៊ុយក្រែនឱ្យចូលរួមក្នុងការចរចាដោយផ្ទាល់នៅទីក្រុងអ៊ីស្តង់ប៊ុល ចាប់ផ្តើមនៅថ្ងៃទី១៥ ខែឧសភា ប្រធានាធិបតីរុស្ស៊ី វ្ល៉ាឌីមៀរ ពូទីន បាននិយាយនៅថ្ងៃទី១១ ខែឧសភា ក្នុងសន្និសីទសារព័ត៌មានដែលសម្គាល់ការបញ្ចប់នៃពិធីអបអរថ្ងៃជ័យជម្នះរបស់ទីក្រុងម៉ូស្គូ។ “រុស្ស៊ីត្រៀមខ្លួនរួចរាល់សម្រាប់ការចរចាដោយគ្មានលក្ខខណ្ឌជាមុន” ពូទីនបាននិយាយ។ មិនមានការចរចាដោយផ្ទាល់រវាងរុស្ស៊ីនិងអ៊ុយក្រែនទេ ចាប់តាំងពីពេលក្រោយពីទីក្រុងម៉ូស្គូបានចាប់ផ្តើមលើកទ័ពការឈ្លានពានពេញលេញលើអ៊ុយក្រែនកាលពីខែកុម្ភៈ ឆ្នាំ២០២២។ ជាពិសេស ពូទីនមិនបានប្រកាសអំពីការពន្យារពេលនៃការសម្រាកការប្រយុទ្ធរយៈពេលបីថ្ងៃ ឬយល់ព្រមតាមសំណើរបស់អ៊ុយក្រែននិងអឺរ៉ុបសម្រាប់ការឈប់បាញ់គ្នាដោយគ្មានលក្ខខណ្ឌរយៈពេល៣០ថ្ងៃឡើយ។ កិច្ចព្រមព្រៀងបែបនេះអាចត្រូវបានចរចានៅក្នុងកិច្ចប្រជុំនៅអ៊ីស្តង់ប៊ុល លោកបាននិយាយ។ ពូទីនបានប្រកាសបទឈប់បាញ់បណ្តោះអាសន្នតែឯកតោភាគី ក្នុងគោលបំណងគោរពទិវាជ័យជម្នះ ដែលរុស្ស៊ីប្រារព្ធនៅថ្ងៃទី៩ ខែឧសភា ចាប់ពីពាក់កណ្តាលអធ្រាត្រថ្ងៃទី៨ ខែឧសភា រហូតដល់ពាក់កណ្តាលអធ្រាត្រនៅថ្ងៃទី១១ ខែឧសភា។ ទោះបីជាមានការសម្រាកការប្រយុទ្ធរយៈពេលបីថ្ងៃក៏ដោយ ការវាយប្រហាររបស់រុស្ស៊ីប្រឆាំងនឹងជនស៊ីវិលអ៊ុយក្រែន និងប្រតិបត្តិការប្រយុទ្ធនៅលើខ្សែប្រយុទ្ធផ្ទាល់នៅតែបន្តកើតមាន។ ក្នុងអំឡុងពេលនៃការថ្លែងរបស់លោក ពូទីនបានចោទប្រកាន់អ៊ុយក្រែនថាបានបង្កើនការវាយប្រហារប្រឆាំងនឹងរុស្ស៊ីនៅក្នុងថ្ងៃមុនពេល “ការសម្រាកការប្រយុទ្ធ” នៃថ្ងៃជ័យជម្នះ និងរំលោភបំពានលើការឈប់បាញ់គ្នារយៈពេលបីថ្ងៃច្រើនដង រួមទាំងការចាប់ផ្តើមការវាយលុកឆ្លងព្រំដែនចំនួនប្រាំដងចូលទៅក្នុងខេត្តឃឺសគ៍និងបែលហ្គូរ៉ត។ ការវាយលុកទាំងនេះ “គ្មានសារៈសំខាន់ផ្នែកយោធាទេ” លោកបានអះអាង។ ពូទីនក៏បាននិយាយផងដែរថា លោករំពឹងថានឹង​ “ស្តារទំនាក់ទំនងជាមួយរដ្ឋអឺរ៉ុប” ទោះបីជាមាន “ការនិយាយប្រឆាំងរុស្ស៊ី” របស់ពួកគេ និងការផ្តល់ “សារផ្តាច់មុខ” ទៅកាន់ទីក្រុងម៉ូស្គូ។ ប្រធានាធិបតី វ៉ូឡូឌីមៀរ សេឡេនស្គី និងមេដឹកនាំអឺរ៉ុបនៅថ្ងៃទី១០ ខែឧសភា […]

ប្រែសម្រួល៖ស-សម្បត្តិ សារព័ត៌មាន New York Times (NYT) បានរាយការណ៍នៅថ្ងៃទី១០ ខែឧសភាសហរដ្ឋអាមេរិកបានអនុម័តការផ្ទេរគ្រាប់រ៉ុកែ្កតអាទីលើរីចម្ងាយឆ្ងាយចំនួន១២៥គ្រាប់ និងគ្រាប់មីស៊ីលការពារតាមអាកាសប៉ាទ្រីយ៉ុតចំនួន១០០គ្រាប់ពីអាល្លឺម៉ង់ទៅកាន់អ៊ុយក្រែន។ អាវុធផលិតនៅអាមេរិកមិនអាចនាំចេញបានទេ សូម្បីតែប្រទេសដែលជាម្ចាស់កម្មសិទ្ធិក៏ដោយ ដោយគ្មានការអនុម័តពីរដ្ឋាភិបាលសហរដ្ឋអាមេរិក។ មន្ត្រីសភាអាមេរិកម្នាក់បានប្រកាសនៅថ្ងៃទី៩ ខែឧសភាថា វ៉ាស៊ីនតោនបានផ្តល់ការអនុញ្ញាតឱ្យអាល្លឺម៉ង់ផ្ទេរអាវុធទៅកាន់ទីក្រុងគីវ ដូចដែល( NYT) បានរាយការណ៍។ ការដឹកជញ្ជូននេះរួមមានគ្រាប់រ៉ុកែ្កតអាទីលើរីចម្ងាយឆ្ងាយចំនួន១២៥គ្រាប់ និងគ្រាប់មីស៊ីលការពារតាមអាកាសប៉ាទ្រីយ៉ុតចំនួន១០០គ្រាប់។ ប្រព័ន្ធការពារតាមអាកាសប៉ាទ្រីយ៉ុតត្រូវបានទទួលស្គាល់យ៉ាងទូលំទូលាយចំពោះសមត្ថភាពរកឃើញ តាមដាន និងទប់ស្កាត់យន្តហោះ គ្រាប់មីស៊ីលគ្រុយ និងគ្រាប់មីស៊ីលបាលីស្ទិកដែលមានភាពជាក់លាក់ខ្ពស់។ អ៊ុយក្រែនត្រូវបានរាយការណ៍ថាមានប្រព័ន្ធប៉ាទ្រីយ៉ុតតែប្រាំបីគ្រឿងប៉ុណ្ណោះ ដែលពីរគ្រឿងក្នុងចំណោមនោះមិនកំពុងដំណើរការនាពេលបច្ចុប្បន្ន។ ប្រព័ន្ធប៉ាទ្រីយ៉ុតបន្ថែមមួយទៀតកំពុងទៅកាន់អ៊ុយក្រែនពីអ៊ីស្រាអែល ដែលជាផ្នែកនៃការប្តេជ្ញាចិត្តដែលបានរៀបចំពីមុន ដូចដែល( NYT) បានរាយការណ៍នៅថ្ងៃទី៤ ខែឧសភា។ ទីក្រុងគីវកំពុងប្រឈមនឹងការខ្វះខាតគ្រាប់ប៉ាទ្រីយ៉ុត ប៉ុន្តែព័ត៌មានលម្អិតអំពីស្តុកគ្រាប់មីស៊ីលមិនត្រូវបានបង្ហាញដោយសារហេតុផលសន្តិសុខ។ ប្រធានាធិបតី វ៉ូឡូឌីមៀរ សេឡេនស្គី បានអំពាវនាវដដែលៗទៅកាន់សហរដ្ឋអាមេរិកនិងដៃគូអន្តរជាតិឱ្យផ្តល់ប្រព័ន្ធប៉ាទ្រីយ៉ុតនិងគ្រាប់មីស៊ីលបន្ថែម ខណៈការវាយប្រហាររបស់រុស្ស៊ីទៅលើទីក្រុងអ៊ុយក្រែនកាន់តែខ្លាំងឡើង។ ការផលិតគ្រាប់មីស៊ីលប៉ាទ្រីយ៉ុតមានតម្លៃថ្លៃនិងស្មុគស្មាញ ដែលមានន័យថាការខ្វះខាតគឺជាបញ្ហាទូទាំងពិភពលោក។ យ៉ាងហោចណាស់ត្រូវការគ្រាប់មីស៊ីលប៉ាទ្រីយ៉ុតពីរគ្រាប់ដើម្បីទប់ស្កាត់គ្រាប់មីស៊ីលបាលីស្ទិកមួយគ្រាប់ នេះបើតាមអ្នកជំនាញផ្នែកអាកាសចរណ៍អ៊ុយក្រែន កុនស្តង់ទីន ក្រីវ៉ូឡាប បានប្រាប់កាសែត Kyiv Independent នៅថ្ងៃទី៦ ខែឧសភា។ រុស្ស៊ីបានពង្រីកការវាយប្រហារដោយគ្រាប់មីស៊ីលបាលីស្ទិកប្រឆាំងនឹងអ៊ុយក្រែន ដែលធ្វើឱ្យខែមេសាក្លាយជាខែដែលមានការស្លាប់ជនស៊ីវិលអ៊ុយក្រែនច្រើនជាងគេតាំងពីខែកញ្ញា ឆ្នាំ២០២៤។ អាល្លឺម៉ង់បានផ្តល់ការគាំទ្រការការពារតាមអាកាសដល់ទីក្រុងគីវ […]

ប្រែសម្រួល៖សហការី ប្រធានាធិបតីបារាំង អេម៉ាញូអែល ម៉ាក្រុង អធិការបតីអាល្លឺម៉ង់ ហ្វ្រេដរិច មឺស និងនាយករដ្ឋមន្ត្រីចក្រភពអង់គ្លេស គៀ ស្តាមឺ បានមកដល់ក្រុងគីវ នៅថ្ងៃទី១០ ខែឧសភា ដើម្បីជួបជាមួយប្រធានាធិបតី វ៉ូឡូឌីមៀរ ហ្សេឡិនស្គី។ នាយករដ្ឋមន្ត្រីប៉ូឡូញ ដូណាល់ ធុស្ក បានមកដល់រាជធានីដោយឡែកដើម្បីចូលរួមជាមួយក្រុម។ ដំណើរទស្សនកិច្ចនេះគឺជាដំណើរទស្សនកិច្ចលើកដំបូងរបស់មឺសទៅកាន់អ៊ុយក្រែន និងជាលើកដំបូងដែលមេដឹកនាំទាំងបួនបានធ្វើដំណើរទៅទីនោះរួមគ្នា។ “យើង ជាមេដឹកនាំនៃប្រទេសបារាំង អាល្លឺម៉ង់ ប៉ូឡូញ និងចក្រភពអង់គ្លេស នឹងឈរនៅក្រុងគីវក្នុងសាមគ្គីភាពជាមួយអ៊ុយក្រែន ប្រឆាំងនឹងការឈ្លានពានពេញលេញដែលសាហាវយង់ឃ្នង និងខុសច្បាប់របស់រុស្ស៊ី” នេះជាសេចក្តីថ្លែងការណ៍រួមមួយដែលចេញផ្សាយដោយចក្រភពអង់គ្លេសមុនដំណើរទស្សនកិច្ច។ ម៉ាក្រុងបានបញ្ជាក់ថា កិច្ចប្រជុំនៃ “សម្ព័ន្ធមិត្តដែលស្ម័គ្រចិត្ត” – ក្រុមប្រទេសដែលបានសន្យាផ្តល់កងកម្លាំងរក្សាសន្តិភាព និងការធានាសន្តិសុខផ្សេងទៀតសម្រាប់អ៊ុយក្រែនក្នុងសន្តិភាពដែលអាចកើតមាន – នឹងប្រព្រឹត្តទៅក្នុងអំឡុងពេលទស្សនកិច្ចនៅក្រុងគីវ ដោយមានប្រទេសមួយចំនួនចូលរួមតាមប្រព័ន្ធអនឡាញ ដូចដែលកាសែត ហ្គាឌាន បានរាយការណ៍នៅថ្ងៃទី៩ ខែឧសភា។ ដំណើរទស្សនកិច្ចនេះធ្វើឡើងមួយថ្ងៃបន្ទាប់ពីលោក ត្រាំបានទាមទារឲ្យមាន “ការបញ្ឈប់បាញ់គ្នាដោយគ្មានលក្ខខណ្ឌរយៈពេល៣០ថ្ងៃ” រវាងរុស្ស៊ី និងអ៊ុយក្រែន។ សារព័ត៌មាន រ៉យទ័រ បានរាយការណ៍នៅថ្ងៃទី៩ ខែឧសភាថា សហរដ្ឋអាមេរិក និងសម្ព័ន្ធមិត្តអឺរ៉ុបកំពុងសម្រេចចុងក្រោយលើសំណើរបស់ពួកគេសម្រាប់ការបញ្ឈប់បាញ់គ្នាពេញលេញរយៈពេល៣០ថ្ងៃ។ […]

ប្រែសម្រួល៖សហការី អ្នកនាំពាក្យគ្រឹមឡាំង លោក Dmitry Peskov បានបដិសេធគំនិតនៃការឈប់បាញ់រយៈពេល៣០ថ្ងៃរវាងរុស្ស៊ីនិងអ៊ុយក្រែន ដោយអះអាងក្នុងបទសម្ភាសន៍ជាមួយ ABC News នៅថ្ងៃទី១០ ខែឧសភា ថាវានឹងជា «ប្រយោជន៍» សម្រាប់អ៊ុយក្រែន។ «អ៊ុយក្រែននឹងបន្តការគ្រប់គ្រងទាំងស្រុងរបស់ពួកគេ ដោយនាំយកកងទ័ពថ្មីទៅកាន់សមរភូមិ។ អ៊ុយក្រែននឹងប្រើប្រាស់រយៈពេលនេះដើម្បីបណ្តុះបណ្តាលបុគ្គលិកយោធាថ្មី និងផ្តល់ការសម្រាកដល់អ្នកដែលមានស្រាប់។ ដូច្នេះ ហេតុអ្វីយើងគួរផ្តល់ប្រយោជន៍បែបនេះដល់អ៊ុយក្រែន?» លោក Peskov បានប្រាប់ ABC News។ លោក Peskov បានបន្ថែមថា រុស្ស៊ីចង់ឱ្យការដឹកជញ្ជូនអាវុធលោកខាងលិចទៅកាន់អ៊ុយក្រែនត្រូវបញ្ឈប់ ដោយនិយាយឡើងវិញថា បើមិនដូច្នោះទេ ការឈប់បាញ់នឹងជា «ប្រយោជន៍» សម្រាប់អ៊ុយក្រែន។ លោក Peskov បានអះអាងបន្តថា ប្រធានាធិបតីរុស្ស៊ី លោក Vladimir Putin «កំពុងធ្វើអ្វីគ្រប់យ៉ាងដែលអាចធ្វើបានដើម្បីដោះស្រាយបញ្ហា ដើម្បីសម្រេចបានការដោះស្រាយតាមរយៈវិធានការសន្តិភាពនិងការទូត» ប៉ុន្តែដោយគ្មានដំណោះស្រាយច្បាស់លាស់ចំពោះសង្គ្រាមនេះ រុស្ស៊ី «ត្រូវតែ» បន្តសង្គ្រាម។ ប្រធានាធិបតី Volodymyr Zelensky បានអំពាវនាវជាច្រើនលើកសម្រាប់ការឈប់បាញ់រយៈពេល៣០ថ្ងៃ ដោយពន្យល់ថាការឈប់បាញ់រយៈពេលបីថ្ងៃដែលស្នើឡើងដោយរុស្ស៊ីជុំវិញបុណ្យអ៊ីស្ទ័រនិងទិវាជ័យជម្នះគឺ «សម្តែងលោ្ខន»។ ក្នុងអំឡុងពេលនៃការឈប់បាញ់ដែលត្រូវបានស្នើឡើងដោយរុស្ស៊ី ទាហានអ៊ុយក្រែននៅទូទាំងខ្សែសមរភូមិបានប្រាប់ […]

ប្រែសម្រួល៖ សហការី ការប្តូរការវាយប្រហារចុងក្រោយ៖ ការប្រឈមមុខគ្នារយៈពេលប៉ុន្មានសប្តាហ៍រវាងឥណ្ឌានិងប៉ាគីស្ថានបានកើនឡើងបន្ថែមទៀតនៅថ្ងៃសៅរ៍ ដោយក្រុងអ៊ីស្លាម៉ាបាតបានចាប់ផ្តើមប្រតិបត្តិការយោធាមួយ ជាការសងសឹកចំពោះអ្វីដែលខ្លួនបាននិយាយថាជាការវាយប្រហាររបស់ឥណ្ឌាទៅលើមូលដ្ឋានយោធារបស់ខ្លួនកាលពីយប់មិញ។ កងទ័ពឥណ្ឌាបានឱ្យដឹងថា “បានប្រឆាំងយ៉ាងប្រសិទ្ធភាពនិងឆ្លើយតបទៅនឹង” ប្រតិបត្តិការរបស់ប៉ាគីស្ថាន។ ការសម្លាប់រង្គាលនៅកាស្មៀរ៖ ភាពតានតឹងកើនឡើងរវាងប្រទេសជិតខាងទាំងពីរ ត្រូវបានបណ្តាលមកពីការសម្លាប់រង្គាលទេសចរកាលពីខែមុននៅតំបន់កាស្មៀរក្រោមការគ្រប់គ្រងរបស់ឥណ្ឌា។ ជាការឆ្លើយតប ឥណ្ឌាបានចាប់ផ្តើម “ប្រតិបត្តិការស៊ីនដូរ” កាលពីថ្ងៃពុធ នៅក្នុងប្រទេសប៉ាគីស្ថាននិងតំបន់កាស្មៀរក្រោមការគ្រប់គ្រងរបស់ប៉ាគីស្ថាន និងបាននិយាយថាកំពុងដាក់គោលដៅលើ “ហេដ្ឋារចនាសម្ព័ន្ធភេរវកម្ម”។ សហរដ្ឋអាមេរិកស្នើសុំជួយសម្របសម្រួល៖ អ្នកការទូតជាន់ខ្ពស់របស់វ៉ាស៊ីនតោន លោក ម៉ាកូ រូប៊ីអូ បានស្នើសុំឱ្យសហរដ្ឋអាមេរិកជួយសម្របសម្រួលក្នុងជម្លោះដែលកំពុងកើនឡើងនេះ ខណៈពេលនិយាយដាច់ដោយឡែកជាមួយសមភាគីរបស់លោកនៅក្នុងប្រទេសទាំងពីរ យោងតាមក្រសួងការបរទេស។ ប្រវត្តិនៃភាពតានតឹង៖ ឥណ្ឌាដែលមានភាគច្រើនជាសាសនាហិណ្ឌូ និងប៉ាគីស្ថានដែលមានភាគច្រើនជាសាសនាឥស្លាម គ្រប់គ្រងតំបន់កាស្មៀរមួយផ្នែកៗ ប៉ុន្តែទាមទារកាន់កាប់ទាំងស្រុង ហើយបានធ្វើសង្គ្រាមចំនួនបីលើកមកហើយនៅលើទឹកដីតំបន់នេះ៕ ប្រភព៖ CNN

ប្រែសម្រួល៖ ស-សម្បត្តិ ចក្រភពអង់គ្លេសកាលពីថ្ងៃទី៩ ខែឧសភា បានប្រកាសកញ្ចប់ទណ្ឌកម្ម “ធំបំផុត” របស់ខ្លួនប្រឆាំងនឹងកងនាវាចម្លងប្រេងសម្ងាត់របស់រុស្ស៊ី ដោយដាក់កម្រិតលើនាវាដឹកប្រេង១០០គ្រឿង និងនាវាមួយគ្រឿងបន្ថែមទៀតដែលត្រូវបានចោទថាជួយគាំទ្រដល់រដ្ឋាភិបាលរុស្ស៊ី។ កងនាវាចម្លងប្រេងសម្ងាត់របស់ម៉ូស្គូ រួមមាននាវាដឹកប្រេងចាស់ៗដែលត្រូវបានប្រើប្រាស់ដើម្បីគេចពីទណ្ឌកម្ម រួមទាំងទណ្ឌកម្មដែលដាក់ដោយចក្រភពអង់គ្លេស សហភាពអឺរ៉ុប និងសហរដ្ឋអាមេរិក។ នាវាទាំងនេះជាញឹកញាប់ដំណើរការក្រោមរចនាសម្ព័ន្ធកម្មសិទ្ធិដែលស្រពេចស្រពិល ប្រើទង់ជាតិនៃប្រទេសដែលមានភាពងាយស្រួល និងគេចវេសពីការត្រួតពិនិត្យរបស់លោកខាងលិច។ កញ្ចប់ទណ្ឌកម្មចុងក្រោយបំផុតរបស់ទីក្រុងឡុងដ៍បានដាក់ឈ្មោះនាវាដឹកប្រេងក្នុងកងនាវាចម្លងសម្ងាត់ចំនួន១០០គ្រឿង ដែលបានដឹកជញ្ជូនទំនិញមានតម្លៃជាង២៤ពាន់លានដុល្លារ ចាប់តាំងពីឆ្នាំ២០២៤ ដោយយោងតាមសេចក្តីប្រកាសព័ត៌មាន។ ទណ្ឌកម្មក៏បានកំណត់គោលដៅទៅលើនាវាមួយគ្រឿងផ្សេងទៀតដែល “ពាក់ព័ន្ធក្នុងការទទួលបានផលប្រយោជន៍ឬជួយគាំទ្រ” ក្រឹមឡាំង ព្រមទាំងបុគ្គលនិងអង្គភាពមួយចំនួនក្នុងវិស័យថាមពលនិងសេវាហិរញ្ញវត្ថុរបស់រុស្ស៊ី។ ទណ្ឌកម្មទាំងនេះមានគោលបំណងរារាំងសមត្ថភាពរបស់រុស្ស៊ីក្នុងការផ្តល់ហិរញ្ញប្បទានដល់សង្គ្រាមពេញទំហឹងប្រឆាំងនឹងអ៊ុយក្រែន និងការពារហេដ្ឋារចនាសម្ព័ន្ធក្រោមសមុទ្រពីហានិភ័យដែលបង្កឡើងដោយនាវាដែលអាចមិនមានសុវត្ថិភាព។ “ការគំរាមកំហែងពីរុស្ស៊ីចំពោះសន្តិសុខជាតិរបស់យើងមិនអាចមើលស្រាលបានឡើយ នោះហើយជាមូលហេតុដែលយើងនឹងធ្វើអ្វីគ្រប់យ៉ាងដែលអាចធ្វើទៅបានដើម្បីបំផ្លាញប្រតិបត្តិការកងនាវាចម្លងសម្ងាត់របស់គាត់ ធ្វើឱ្យកងពលម៉ាស៊ីនសង្គ្រាមរបស់គាត់ខ្វះប្រាក់ចំណូលពីប្រេង និងការពារហេដ្ឋារចនាសម្ព័ន្ធក្រោមសមុទ្រដែលយើងពឹងផ្អែកលើសម្រាប់ជីវិតប្រចាំថ្ងៃរបស់យើង” នាយករដ្ឋមន្ត្រីចក្រភពអង់គ្លេស លោក Keir Starmer បានថ្លែង។ កញ្ចប់ទណ្ឌកម្មចុងក្រោយនេះមានន័យថា ចក្រភពអង់គ្លេសបានដាក់ទណ្ឌកម្មលើនាវាក្នុងកងនាវាចម្លងសម្ងាត់ច្រើនជាងប្រទេសផ្សេងទៀតណាមួយ។ លោក Starmer បានប្រកាសទណ្ឌកម្មទាំងនេះនៅក្នុងកិច្ចប្រជុំរបស់កម្លាំងប្រតិបត្តិការរួម (JEF) ដែលជាសម្ព័ន្ធមិត្តដឹកនាំដោយចក្រភពអង់គ្លេស រួមមានប្រទេសណាតូនៅអឺរ៉ុបខាងជើងចំនួន១០ ដែលបានជួបប្រជុំគ្នានៅថ្ងៃនេះនៅទីក្រុងអូស្លូ។ JEF កាលពីខែមករាបានបង្កើតប្រព័ន្ធតាមដានមួយដើម្បីជូនដំណឹងដល់សម្ព័ន្ធមិត្តប្រសិនបើនាវាបង្កការគំរាមកំហែងដល់ហេដ្ឋារចនាសម្ព័ន្ធខ្សែកាបក្រោមសមុទ្រ និងដើម្បីតាមដានកងនាវាចម្លងសម្ងាត់របស់រុស្ស៊ី។ ប្រព័ន្ធនេះត្រូវបានបង្កើតឡើងបន្ទាប់ពីខ្សែកាបទូរគមនាគមន៍និងថាមពលមួយចំនួននៅក្រោមសមុទ្របាល់ទិកត្រូវបានខូចខាតក្នុងរយៈពេលប៉ុន្មានខែកន្លងទៅ។ សម្ព័ន្ធមិត្ត JEF ចង់បង្កើត “ភាពជាដៃគូលើកកម្រិតជាមួយអ៊ុយក្រែន” ដោយផ្តល់ការបណ្តុះបណ្តាលនិងការគាំទ្រការប្រឆាំងព័ត៌មានមិនពិតដល់ទីក្រុងគីវ ខណៈពេលរៀនសូត្រពីបទពិសោធន៍នៅសមរភូមិរបស់កងទ័ពអ៊ុយក្រែន […]

ប្រែសម្រួល៖ស-សម្បត្តិ វ៉ាស៊ីនតោន៖ ប្រធានាធិបតីសហរដ្ឋអាមេរិក ដូណាល់ ត្រាំ បាននិយាយកាលពីថ្ងៃសុក្រ (ថ្ងៃទី៩ ខែឧសភា) ថា លោកចង់ឲ្យប្រធានាធិបតីរុស្ស៊ី វ្លាឌីមៀរ ពុទីន និងប្រធានាធិបតីអ៊ុយក្រែន វ៉ូឡូឌីមៀរ ហ្សេឡេនស្គី “បញ្ចប់សង្គ្រាមនេះ” នៅអ៊ុយក្រែន ខណៈលោកកំពុងជំរុញឲ្យមានការឈប់បាញ់រយៈពេល៣០ថ្ងៃ។ លោកត្រាំ ដែលនឹងចាកចេញនៅថ្ងៃចន្ទដើម្បីធ្វើដំណើរទៅកាន់ប្រទេសអារ៉ាប៊ីសាអូឌីត អេមីរ៉ាតអារ៉ាប់រួម និងកាតា ត្រូវបានសួរអំពីសារលោកផ្ញើទៅកាន់លោកពូទីន ក្រោយមានការព្រមានពីស្ថានទូតសហរដ្ឋអាមេរិកនៅក្រុងគីវ អំពីការវាយប្រហារតាមអាកាស “ដែលអាចមានសក្តានុពលយ៉ាងខ្លាំង” នៅប៉ុន្មានថ្ងៃខាងមុខ។ “ខ្ញុំមានសារមួយសម្រាប់ភាគីទាំងពីរ៖ ចូរបញ្ចប់សង្គ្រាមនេះ” លោកត្រាំបាននិយាយអំពីអ៊ុយក្រែននិងរុស្ស៊ី។ “បញ្ចប់សង្គ្រាមឆ្កួតនេះ។ នោះជាសាររបស់ខ្ញុំសម្រាប់ពួកគេទាំងពីរ” លោកត្រាំបានប្រាប់អ្នកសារព័ត៌មាននៅការិយាល័យរាងពងក្រពើ។ ស្ថានទូតបាននិយាយនៅលើគេហទំព័ររបស់ខ្លួនថា ខ្លួនបានទទួលព័ត៌មានអំពីការវាយប្រហារតាមអាកាសដែលអាចកើតឡើងគ្រប់ពេលក្នុងរយៈពេលប៉ុន្មានថ្ងៃខាងមុខនេះ។ “ស្ថានទូត ដូចជានិច្ចកាល ណែនាំឲ្យពលរដ្ឋអាមេរិកត្រូវត្រៀមខ្លួនជាស្រេចដើម្បីស្វែងរកជម្រកភ្លាមៗ ប្រសិនបើមានការប្រកាសអាសន្នតាមអាកាស” ស្ថានទូតបានថ្លែង។ សេតវិមានបាននិយាយថា លោកត្រាំមានការសន្ទនាតាមទូរសព្ទដែល “ល្អនិងមានផលិតភាព” ជាមួយលោកហ្សេឡេនស្គីកាលពីថ្ងៃព្រហស្បត៍ ហើយលោកត្រាំសង្ឃឹមថា ទាំងអ៊ុយក្រែននិងរុស្ស៊ីនឹងយល់ព្រមនៅសប្តាហ៍ក្រោយចំពោះសំណើឈប់បាញ់រយៈពេល៣០ថ្ងៃ។ អ្នកនាំពាក្យសេតវិមាន ការ៉ូលីន ឡេវីត បាននិយាយប្រាប់អ្នកសារព័ត៌មាននៅក្នុងសន្និសីទកាសែតកាលពីថ្ងៃសុក្រថា ការជួបរវាងលោកត្រាំនិងលោកពូទីននៅសប្តាហ៍ក្រោយនៅមជ្ឈិមបូព៌ា នឹងមិនកើតឡើងទេ។ នៅក្រុងគីវ លោកអាន់ដ្រី យ៉េរម៉ាក់ […]

ប្រែសម្រួល៖​​លន ស្រស់ បាងកក៖ ការប៉ះទង្គិចដោយក្រុមមានអាវុធដ៏កម្រនៅប្រទេសឡាវ ដែលគេជឿថាពាក់ព័ន្ធនឹងការជួញដូរគ្រឿងញៀន បានបង្ខំឱ្យប្រទេសថៃបិទកន្លែងទស្សនាទេសភាពភ្នំដ៏ពេញនិយមមួយនៅតាមព្រំដែន និងបានជំរុញឱ្យមានការព្រមានផ្នែកសន្តិសុខពីសហរដ្ឋអាមេរិក។ មន្ត្រីឧទ្យានជាតិថៃបាននិយាយនៅថ្ងៃចន្ទ (ថ្ងៃទី៥ ខែឧសភា) ថា កន្លែងទស្សនាទេសភាពភូជីហ្វា (Phu Chi Fa) នៅតាមព្រំដែនជាមួយឡាវ ក្នុងខេត្តឈៀងរ៉ៃភាគខាងជើង ត្រូវបានបិទរហូតដល់មានការជូនដំណឹងបន្ថែម។ ស្ថានទូតសហរដ្ឋអាមេរិកនៅវៀងចន្ទន៍ បានអំពាវនាវដល់ជនជាតិអាមេរិកដែលកំពុងគិតធ្វើដំណើរទៅខេត្តបូកេអូ ឱ្យពិចារណាឡើងវិញ បន្ទាប់ពីមានរបាយការណ៍អំពី “ការប៉ះទង្គិចរវាងកងទ័ពឡាវ និងក្រុមមានអាវុធដែលមិនបានកំណត់អត្តសញ្ញាណ”។ “មន្ត្រីមូលដ្ឋានបានស្នើសុំឱ្យបង្កើនកម្រិតសន្តិសុខ ដែលនឹងរួមបញ្ចូលទាំងការបង្កើនចំនួនប៉ុស្តិ៍ត្រួតពិនិត្យយោធា និងវត្តមានកងទ័ព” ស្ថានទូតបាននិយាយនៅលើគេហទំព័ររបស់ខ្លួន។ ភាពច្របូកច្របល់គឺជាករណីកម្រនៅប្រទេសឡាវកុម្មុយនិស្ត ប៉ុន្តែប្រទេសនេះមានផ្នែកមួយនៃតំបន់ត្រីកោណមាស ដែលគ្របដណ្តប់លើតំបន់ព្រំដែនជាមួយមីយ៉ាន់ម៉ា និងថៃ ដែលបានជាមជ្ឈមណ្ឌលពាណិជ្ជកម្មគ្រឿងញៀនដ៏ប្រាក់ចំណេញរបស់អាស៊ីអាគ្នេយ៍អស់រយៈពេលច្រើនទសវត្សរ៍មកហើយ។ វិទ្យុជាតិឡាវបានរាយការណ៍នៅថ្ងៃអង្គារថា ការល្បាតតាមព្រំដែនបានប៉ះទង្គិចជាមួយអ្នកជួញដូរគ្រឿងញៀននៅខេត្តបូកេអូកាលពីថ្ងៃសៅរ៍ និងបានចាប់ខ្លួនជនសង្ស័យចំនួនបួននាក់។ របាយការណ៍បានបញ្ជាក់ថា មន្ត្រីល្បាតតាមព្រំដែនមួយចំនួនត្រូវបានសម្លាប់ និងរបួសក្នុងការប៉ះទង្គិចទាំងនោះ ដោយមិនបានផ្តល់ព័ត៌មានលម្អិត។ ប៉ូលិសនៅឡាវមិនបានឆ្លើយតបនឹងសំណើសុំការអធិប្បាយពី AFP ទេ។ អាជ្ញាធរថៃបានប៉ាន់ប្រមាណថា យ៉ាងហោចណាស់មានទាហានម្នាក់អាចត្រូវបានសម្លាប់ និងជាង១២នាក់រងរបួស៕ ប្រភព៖ AFP/lh

ប្រែសម្រួល៖ រតនា ក្រុមឆ្មក់ Atesh អះអាងថាពួកគេបានរំខានការទំនាក់ទំនងនៅមូលដ្ឋានយោធារុស្ស៊ីជាច្រើន ពេលដែលពួកគេបានបំផ្លាញឧបករណ៍នៅស្ថានីយអគ្គិសនីក្នុងតំបន់ម៉ូស្គូរបស់រុស្ស៊ីនៅថ្ងៃទី៨ ខែឧសភា។ ក្រឹមឡាំងបានអញ្ជើញមេដឹកនាំបរទេសជាច្រើនចូលរួមក្នុងពិធីដង្ហែរអបអរសាទរជ័យជម្នះនៅថ្ងៃទី៩ ខែឧសភា ខណៈពេលដែលរុស្ស៊ីកំពុងប្រឈមនឹងការដាក់ឲ្យនៅដាច់ឆ្ងាយពីប្រទេសលោកខាងលិច ដោយសារសង្គ្រាមដែលកំពុងបន្តប្រឆាំងនឹងអ៊ុយក្រែន។ ប្រធានាធិបតីចិន ស៊ី ជីនភីង ត្រូវបានរំពឹងថានឹងមានវត្តមាននៅទីក្រុងម៉ូស្គូពីថ្ងៃទី៧ ដល់ទី១០ ខែឧសភា។ “ភ្នាក់ងារនៃចលនា Atesh បានអនុវត្តការបំផ្លិចបំផ្លាញដោយជោគជ័យនៅភូមិម៉ូហ្គីលស៊ី (តំបន់ម៉ូស្គូ) ដោយបានបំផ្លាញឧបករណ៍នៅស្ថានីយអគ្គិសនីដែលផ្គត់ផ្គង់ហេដ្ឋារចនាសម្ព័ន្ធអគ្គិសនីនិងទូរគមនាគមន៍របស់តំបន់” ក្រុមនេះបាននិយាយក្នុងសារនៅលើ Telegram។ ភូមិម៉ូហ្គីលស៊ីស្ថិតនៅចម្ងាយប្រមាណ ៤៥ គីឡូម៉ែត្រ (២៨ ម៉ាយ) ភាគឦសាននៃទីក្រុងម៉ូស្គូ ដែលជាកន្លែងដែលមន្ត្រីបរទេសត្រូវបានអញ្ជើញឱ្យចូលរួមពិធីអបអរសាទរជ័យជម្នះរបស់រុស្ស៊ីនៅថ្ងៃទី៩ ខែឧសភា។ “ការរំខានក្នុងការទំនាក់ទំនងបានកើតឡើងនៅតាមមូលដ្ឋានយោធាសំខាន់ៗមួយចំនួន រួមទាំង៖ កងពលធំមីស៊ីលប្រឆាំងនឹងយន្តហោះលើអាកាសលេខ ៦២៩ (អង្គភាពយោធាលេខ ៥១៨៥៧), កងពលតូចប្រតិបត្តិការដោយឡែកទី ២១ (អង្គភាពយោធាលេខ ៣៦៤១), ក៏ដូចជាទីរួមទាហានដែលមានអង្គភាពយោធាលេខ ២០០០៧, ០៣៥២៣, និង ៥១០៨៤” ក្រុម Atesh បានអះអាង។ The Kyiv Independent មិនអាចផ្ទៀងផ្ទាត់ការអះអាងរបស់ក្រុមនេះបានទេ។ ក្រុមឆ្មក់ […]