កំពង់ធំ ៖ ចាប់តាំងពីដើមឆ្នាំ២០២៤ រហូតមក បន្ទាប់ពីមានការបន្ថែមនូវចំនួនរង្វាន់យ៉ាងសន្ធឹកបន្ធាប់មិនធ្លាប់មាន ជាពិសេស ទឹកប្រាក់រង្វាន់ធំរហូតដល់១២៥លានរៀលរួចមក ជាការកត់សម្គាល់ គេឃើញមានអតិថិជនរបស់ភេសជ្ជៈប៉ូវកម្លាំង ខារ៉ាបាវ ជាច្រើននាក់ បានឈ្នះរង្វាន់ជាបន្តបន្ទាប់ច្រើនជាងឆ្នាំមុនទៅទៀត។ ជាក់ស្ដែង នៅក្នុងសប្ដាហ៍នេះ បុរសវ័យចំណាស់ម្នាក់ជាប្រជាពលរដ្ឋរស់នៅភូមិកូនក្អែក ឃុំសំបូរណ៍ ស្រុកប្រាសាទសំបូរ ខេត្តកំពង់ធំ មានសំណាងបានឈ្នះរង្វាន់ធំពីក្រុមហ៊ុនភេសជ្ជៈប៉ូវកម្លាំង ខារ៉ាបាវ នូវទឹកប្រាក់សុទ្ធចំនួន ១២៥លានរៀល។ បុរសវ័យចំណាស់ដែលមានសំណាងរូបនេះមានឈ្មោះ អួន អុល អាយុ ៥១ឆ្នាំ មានមុខរបរជាកសិករធ្វើស្រែ បច្ចុប្បន្នរស់នៅជាមួយប្រពន្ធដែលមានវ័យចំណាស់ដូចគ្នា និងមានកូនចំនួន៣នាក់រស់នៅក្នុងបន្ទុក ខណៈដែលកម្រិតជីវភាពគ្រួសារមានភាពខ្សត់ខ្សោយ ព្រោះគ្មានប្រភពចំណូលអ្វីក្រៅពីធ្វើស្រែចំការ និងលក់ដូរអីវ៉ាន់បន្តិចបន្តួចនៅផ្ទះ។ នៅចំពោះមុខក្រុមការងារតំណាងក្រុមហ៊ុនដែលយកប្រាក់រង្វាន់ទៅប្រគល់ជូនដល់លំនៅដ្ឋានដែលមានអាសយដ្ឋានដូចបានជម្រាបជូនខាងលើនេះ លោក អួន អុល បាននិយាយប្រាប់ឱ្យដឹងថា កាលពីថ្ងៃដើមសប្ដាហ៍កន្លងទៅនេះ បន្ទាប់ពីធ្វើការងារផ្ទះរួច ហើយអស់កម្លាំង លោកបានទៅយកភេសជ្ជៈប៉ូវកម្លាំង ខារ៉ាបាវ មួយកំប៉ុងដែលប្រពន្ធ និងកូនលក់នៅមុខផ្ទះទទួលទាន លុះពេលគាស់ទទួលទានក៏ស្រាប់តែឃើញមានរង្វាន់ធំ១២៥លានរៀលនៅនឹងក្រវិលកំប៉ុងតែម្ដង។ គ្រាន់តែឃើញត្រូវរង្វាន់ភ្លាម លោកពិតជាមានអារម្មណ៍រីករាយរំភើបជាខ្លាំងស្ទើរតែមិនជឿភ្នែកខ្លួនឯង និងបានហៅកូនឱ្យជួយមើល ហើយទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងក្រវិលកំប៉ុងតែម្ដង។ លោក អួន អុល បានបញ្ជាក់ទៀតថា ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ […]

ដោយ៖  ប្រសិទ្ធ ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចអនុម័តគម្រោងវិនិយោគធំៗចំនួន២២ ដែលមានទុនប្រមាណជាង ៣០៩លានដុល្លាអាម៉េរិកនៅក្នុងខែមេសា ឆ្នាំ២០២៤។ នេះបើតាមការឱ្យដឹងពីសេចក្តីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជានៅថ្ងៃទី៧ ខែ ឧសភា ឆ្នាំ២០២៤។ គម្រោងវិនិយោគដ៏មានសក្តានុពល ដែលក្រុមប្រឹក្សាអភិវឌ្ឍន៍កម្ពុជាបានអនុម័តនាពេលថ្មីៗនេះ នឹងធ្វើឱ្យសេដ្ឋកិច្ចកម្ពុជាកាន់តែមានភាពរីកចម្រើនជាលំដាប់។ គម្រោងវិនិយោគដែលប្រើប្រាស់ទុនប្រមាណជាង ៣០៩លានដុល្លាសហរដ្ឋអាម៉េរិក នឹងបង្កើតឱ្យប្រជាពលរដ្ឋមានការងារធ្វើ ប្រមាណជាង ២៣ ០០០នាក់។ រាជរដ្ឋាភិបាលកម្ពុជាបានបែងចែកគម្រោងនេះជាពីរតំបន់ធំៗរួមមាន៖ តំបន់ក្រៅតំបន់សេដ្ឋកិច្ចពិសេស និងតំបន់ក្នុងតំបន់សេដ្ឋកិច្ចពិសេស។ គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេស មានចំនួន ១៤ គម្រោង ដែលជាគម្រោងផលិតស្រោមជើង ស្រោមដៃ កន្សែងបង់ក មួក និងស្បែកជើងពាក់ក្នុងផ្ទះ។ មានទីតាំងស្ថិតនៅផ្លូវជាតិលេខ១ ភូមិសាមគ្គី សង្កាត់ស្វាយតឿ ក្រុងស្វាយរៀង ខេត្តស្វាយរៀង។ ក្នុងទុនវិនិយោគប្រមាណ ៩លានដុល្លាអាម៉េរិក និងអាចបង្កើតការងារដល់ប្រជាជនប្រមាណ ២ ០០០ នាក់។ ក្នុងតំបន់សេដ្ឋកិច្ចពិសេសរួមមាន៖ គម្រោងកែច្នៃអាលុយមីញ៉ូម ប្រើទុនវិនិយោគប្រមាណជាង ៦០លានដុល្លាអាម៉េរិក បង្កើតការងារបានចំនួន ២៣៧កន្លែង មានទីតាំងស្ថិតនៅក្នុងតំបន់សេដ្ឋកិច្ចពិសេស ព្រះសីហនុ។ គម្រោងវិនិយោគផលិតបន្ទះហ្វ្រាំងគ្រប់ប្រភេទ […]

ភ្នំពេញ៖ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតឱ្យលោក Paul Clement ប្រធានសភាពាណិជ្ជកម្មអន្តរជាតិនៃកម្ពុជា និងសហការី ចូលជួបសម្ដែងការគួរសម និងពិភាក្សាការងារ។ ក្នុងឱកាសកិច្ចប្រជុំនោះ លោកប្រធានសភាពាណិជ្ជកម្មបានជម្រាបជូន លោកឧបនាយករដ្ឋមន្ត្រីអំពីបេសកកម្មរបស់IBC ដែលបានចាប់ផ្តើមនៅកម្ពុជាតាំងពី៣១ឆ្នាំមុន និងការចូលរួមជាមួយរាជរដ្ឋាភិបាលកម្ពុជា ជាពិសេសការចូលរួមយ៉ាងសកម្មរបស់ពួកគេ នៅក្នុងក្រុមការងារ “ឃ” នៃវេទិការាជរដ្ឋាភិបាល និងឯកជនលើកទី១៩។ ឆ្លៀតក្នុងឱកាសនោះ លោកប្រធានក៏បានបង្ហាញអំពីទិសដៅការងារ និងផែនការសកម្មភាព របស់សភាពាណិជ្ជកម្មអន្តរជាតិ នៃកម្ពុជារួមមាន ការបង្កើតឱកាសឱ្យសមាជិក សភាពាណិជ្ជកម្មផ្សេងៗនៅក្នុងប្រទេសកម្ពុជារួមមាន សភាពាណិជ្ជកម្មកម្ពុជា សភាពាណិជ្ជកម្មអាមេរិកជាដើម មានឱកាសប្រាស័យទាក់ទងគ្នា ដើម្បីជំរុញចលនាទាក់ទាញវិនិយោគិនមកបណ្តាក់ទុននៅប្រទេសកម្ពុជា។ លោកឧបនាយករដ្ឋមន្ត្រីស៊ុន ចាន់ថុល បានមានប្រសាសន៍ជម្រាបជូនជាសង្ខេប អំពីគម្រោងព្រែកជីកហ្វូណនតេជោ ដែលជាគម្រោងប្រវត្តិសាស្រ្តរបស់កម្ពុជាតភ្ជាប់ទន្លេកម្ពុជា ទៅកាន់សមុទ្រដោយផ្ទាល់។ លោកបានបញ្ជាក់ផងដែរថា គម្រោងនេះត្រូវបានធ្វើការសិក្សាយ៉ាងលម្អិត ដោយក្រុមការងារបច្ចេកទេស និងទីប្រឹក្សាអន្តរជាតិចំនួន៤៨នាក់ ដោយប្រើប្រាស់ស្តង់ដារ និងបច្ចេកវិទ្យាអន្តរជាតិរួមមាន ដ្រូន និងផ្កាយរណបក្នុងការសិក្សានេះ។ ជាលទ្ធផល គម្រោងនេះគឺមិនមានផលប៉ះពាល់អវិជ្ជមាន ដល់បរិស្ថានកម្ពុជា និងប្រទេសជិតខាងនោះទេ ប៉ុន្តែបានផ្តល់អត្ថប្រយោជន៍ ដល់សកលលោកទាំងមូលផងដែរ ដោយបានចូលរួមកាត់បន្ថយការបំភាយឧស្ម័នផ្ទះកញ្ចក់ […]

ដោយ៖  ប្រសិទ្ធ ភ្នំពេញ៖គម្រោងដឹកជញ្ជូនផ្លូវទឹកថ្មីរបស់កម្ពុជាមានការគាំទ្រយ៉ាងខ្លាំងពីថ្នាក់ដឹកនាំនិងប្រជាជនកម្ពុជាទូទាំងប្រទេស។ វាជាគម្រោងដែលផ្តល់ផលប្រយោជន៍យ៉ាងខ្លាំងដល់ការដឹកជញ្ជូនទំនិញ ចេញ-ចូលប្រក្នុងប្រទេសកម្ពុជា ដែលធ្វើឱ្យថ្លៃដើមមានតម្លៃទាប ចំណេញពេលវេលា និងធ្វើឱ្យសេដ្ឋកិច្ចមានការរីកចម្រើនឆាប់រហ័ស។ គម្រោងព្រែកជីកហ្វូណន-តេជោ គឺជាគម្រោងតភ្ជាប់ផ្លូវទឹករវាងទន្លេទៅកាន់សមុទ្ររបស់កម្ពុជា ដោយឆ្លងកាត់ខេត្តចំនួនបួនរួមមាន ៖ ខេត្តកណ្តាល តាកែវ កំពត និងកែប។ ព្រែកជីកនេះមានប្រវែងប្រមាណ ១៨០គីឡូម៉ែត្រ មានជម្រៅទឹក ៥,៤ម៉ែត្រ។ គម្រោងព្រែកជីកនេះគ្រោងប្រើប្រាស់ទុនប្រមាណ ១៧០០ លានដុល្លារអាមេរិក ហើយត្រូវបានសិក្សាយ៉ាងល្អិតល្អន់រួចហើយ ដោយប្រើរយៈពេលប្រមាណ២៦ខែ។ ថ្មីៗនេះប្រមុខរាជរដ្ឋាភិបាលកម្ពុជាលើកឡើងថា ព្រែកជីកហ្វូណននឹងចាប់ផ្តើមស្ថាបនៅចុងឆ្នាំ២០២៤តទៅ។  គម្រោងព្រែកជីកដ៏មានសក្តានុពលនេះ មានសារសំខាន់ធំៗមួយចំនួនទៀត ដែលជាការមើលឃើញរបស់ថ្នាក់ដឹកនាំរបស់ប្រទេសកម្ពុជារួមមាន ១-បង្កើតប្រភពទឹកសម្រាប់ការស្រោចស្រពផលដំណាំគ្រប់ប្រភេទដល់ប្រជាជនរស់នៅទិសនិរតីនៃប្រទេសកម្ពុជា។ បង្កើនលទ្ធភាពបង្កបង្កើនផលច្រើនដង និងដោះស្រាយបញ្ហាគ្រោះរាំងស្ងួត។ ២-បង្កើតបណ្តាញដឹកជញ្ជូនតាមផ្លូវទឹកប្រទាក់ក្រឡាគ្នាពីទន្លេទៅសមុទ្របានច្រើន និងងាយស្រួលជាងមុន ដោយមិនចាំបាច់ឆ្លងកាត់វៀតណាម និងមិនបាច់បង់ថ្លៃបន្ថែម ឬមិនខកដំណើរពេលភាគីប្រទេសវៀតណាមមិនសហការ។ ៣-បង្កើតប្រភពត្រីក្នុងព្រែក និងបម្រើដល់វារីវប្បកម្ម (ការចិញ្ចឹមសត្វក្នុងទឹកដូចជាចិញ្ចឹមត្រីជាដើម)។ ៤-ជួយរំដោះទឹកជំនន់នៅតាមខេត្តទិសនិរតីនៃប្រទេសកម្ពុជា។ លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក៏បានលើកយកនូវគុណប្រយោជន៍នៃព្រែកជីកនេះ មកបង្ហាញជូនឯកអគ្គរដ្ឋទូត ឯកអគ្គរាជទូត ក៏ដូចជាមន្ត្រីតំណាងស្ថានទូតនានាប្រចាំនៅកម្ពុជា រួមមានវៀតណាមផងដែរ ពន្យល់ និងបង្ហាញព័ត៌មាននានា ពាក់ព័ន្ធនឹងគម្រោងព្រែកជីកហ្វូណន-តេជោ […]

ដោយ៖ ស្រីស្រស់ ភ្នំពេញ៖ កម្ពុជា-ចិន ឯកភាពគ្នាក្នុងការបង្កើនកិច្ចសហប្រតិបត្តិការទេសចរណ៍ទៅវិញទៅមក ពិសេសការជំរុញការផ្សព្វផ្សាយគោលដៅទេសចរណ៍វប្បធម៌អង្គរវត្តរបស់កម្ពុជា ឱ្យបានទូលំទូលាយទៅដល់ប្រជាពលរដ្ឋក្នុងខេត្តជាំងស៊ី ជំរុញលំហូរទេសចរចិន មកកាន់កម្ពុជាឱ្យកាន់តែច្រើន ព្រមជាមួយការជំរុញឱ្យមានជើងហោះហើរត្រង់ ពីខេត្តជាំងស៊ីមកកាន់កម្ពុជា នាពេលអនាគតខាងមុខ ក៏ដូចជាគាំទ្រដល់ការរៀបចំសកម្មភាពរួមគ្នាក្នុងការអនុវត្តយុទ្ធនាការ «ឆ្នាំនៃការផ្លាស់ប្តូរប្រជាជន និងប្រជាជនកម្ពុជា-ចិន ២០២៤» និង «ឆ្នាំទស្សនាសៀមរាប២០២៤»។ នេះជាលទ្ធផលមួយក្នុងជំនួប ឯកឧត្តម សុខ សូកេន រដ្ឋមន្ត្រីក្រសួងទេសចរណ៍ បានជួបពិភាក្សាការងារជាមួយ លោកជំទាវ MEI Yi អគ្គនាយកទេសចរណ៍ និងវប្បធម៌ខេត្តជាំងស៊ី (Jiangxi) និងជាលេខារងក្រុមការងារភាពជាអ្នកដឹកនាំនៃបក្សកុម្មុយនីស្តចិន ស្តីពីការជំរុញកិច្ចសហប្រតិបត្តិការទេសចរណ៍រវាងក្រសួងទេសចរណ៍កម្ពុជា និងខេត្តជាំងស៊ីនៃសាធារណរដ្ឋប្រជាមានិតចិន៕

ដោយ៖ស្រីស្រស់ ភ្នំពេញ៖ ទោះបីស្ថិតក្នុងស្ថានភាពនៃវិបត្តិជំងឺកូវីដ-១៩ក្តី ប៉ុន្តែការនាំចេញរបស់កម្ពុជាទៅកាន់ទីផ្សារសហរដ្ឋអាមេរិកបែរជាបង្ហាញនូវសន្ទុះកំណើនដ៏ខ្ពស់បំផុតពុំធ្លាប់មានទេក្នុងរយៈពេល៥ឆ្នាំចុងក្រោយនេះ។ តាមតួលេខការិយាល័យជំរឿនសហរដ្ឋអាមេរិកបានបង្ហាញថា រយៈពេល៥ឆ្នាំចុងក្រោយនេះ ការនាំចេញរបស់កម្ពុជាទៅកាន់ទីផ្សារសហរដ្ឋអាមេរិកបានកើនឡើងទ្វេដង ដោយសម្រេចបានក្នុងអត្រាកំណើនរហូតដល់ទៅ១១៧% ឯណោះ។ តួលេខបានបង្ហាញថា រយៈពេល៥ឆ្នាំចុងក្រោយនេះ ការនាំចេញបានកើនឡើងពីទឹកប្រាក់ចំនួនជាង៥ពាន់៣រយលានដុល្លារកាលពីឆ្នាំ២០១៩ ដល់ទឹកប្រាក់ចំនួនជិត១១ពាន់៦រយលានដុល្លារ ។ តាមរយៈអត្រាកំណើនដ៏ខ្ពស់ខាងលើនេះ បានធ្វើឱ្យសហរដ្ឋអាមេរិកក្លាយជាទីផ្សារធំបំផុតនៃទំនិញនាំចេញពីកម្ពុជាសាជាថ្មី ដោយនាំមុខទីផ្សារសហគមន៍អឺរ៉ុបដែលធ្លាប់តែជាទីផ្សារទំនិញធំបំផុតទី១របស់កម្ពុជាអស់រយៈពេលជាច្រើនឆ្នាំកន្លងទៅ។ យោងតាមតួលេខការិយាល័យជំរឿនសហរដ្ឋអាមេរិក សម្រាប់ដើមឆ្នាំ២០២៤នេះ ការនាំចេញរបស់កម្ពុជាទៅកាន់ទីផ្សារសហរដ្ឋអាមេរិកនៅតែបន្តកើនឡើងបន្ថែមទៀត ពោលគឺរយៈពេល២ខែដំបូងនៅឆ្នាំនេះការនាំចេញរបស់កម្ពុជាទៅកាន់ទីផ្សារអាមេរិកបានកើនឡើងក្នុងអត្រាជិត៥%បន្ថែមទៀតធៀបនឹងរយៈពេលដូចគ្នាកាលពីឆ្នាំ២០២៣កន្លងទៅ ដោយទឹកប្រាក់នៃការនាំចេញបានកើនឡើងពីជាង១៦៣៣លានដុល្លារដល់ទឹកប្រាក់១៧១៣លានដុល្លារ។ សូមបញ្ជាក់ថា ទំនិញដែលនាំចេញពីកម្ពុជាទៅទីផ្សារអាមេរិកភាគច្រើនលើសលុបជាផលិតផលនៅក្នុងវិស័យវាយនភណ្ឌកាត់ដេរ និងស្បែកជើង ខណៈដែលកម្ពុជានាំចូលពីសហរដ្ឋអាមេរិកវិញភាគច្រើនជាប្រភេទផលិតផលប្រណិតដូចជារថយន្ត គ្រឿងអេឡិចត្រូនិក និងគ្រឿងម៉ាស៊ីនផ្សេងៗ៕  

សៀមរាប ៖ ចាប់តាំងពីដើមឆ្នាំ២០២៤ រហូតមក បន្ទាប់ពីមានការបន្ថែមនូវចំនួនរង្វាន់យ៉ាងសន្ធឹកបន្ធាប់មិនធ្លាប់មាន ជាពិសេស ទឹកប្រាក់រង្វាន់ធំរហូតដល់១២៥លានរៀលរួចមក ជាការកត់សម្គាល់ គេឃើញមានអតិថិជនរបស់ភេសជ្ជៈប៉ូវកម្លាំង ខារ៉ាបាវ ជាច្រើននាក់ បានឈ្នះរង្វាន់ជាបន្តបន្ទាប់ច្រើនជាងឆ្នាំមុនទៅទៀត។ ជាក់ស្ដែង នៅក្នុងសប្ដាហ៍នេះ បុរសវ័យចំណាស់ម្នាក់ជាប្រជាពលរដ្ឋរស់នៅភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប ដែលជាតំបន់កំពុងអភិវឌ្ឍន៍ជាបុរីជនបទគំរូរបស់កម្ពុជា មានសំណាងបានឈ្នះរង្វាន់ធំពីក្រុមហ៊ុនភេសជ្ជៈប៉ូវកម្លាំង ខារ៉ាបាវ នូវទឹកប្រាក់សុទ្ធចំនួន ១២៥លានរៀល។ បុរសវ័យចំណាស់ដែលមានសំណាងរូបនេះមានឈ្មោះ ហុង ហ៊ន់ អាយុ ៦៥ឆ្នាំ មានមុខរបរជាកសិករធ្វើស្រែ បច្ចុប្បន្នរសនៅជាមួយប្រពន្ធដែលមានវ័យចំណាស់ដូចគ្នា និងមានចៅតូចៗ ប្រុសស្រីចំនួន២នាក់រស់នៅក្នុងបន្ទុក ខណៈដែលកម្រិតជីវភាពគ្រួសារមានភាពខ្សត់ខ្សោយខ្លាំង ក្រោមការជួយឧបត្ថម្ភពីសំណាក់រាជរដ្ឋាភិបាលតាមរយៈបណ្ណសមធម៌ ឬអត្តសញ្ញាណកម្មជនក្រីក្រ និងជនងាយរងគ្រោះ។ នៅចំពោះមុខក្រុមការងារតំណាងក្រុមហ៊ុនដែលយកប្រាក់រង្វាន់ទៅប្រគល់ជូនដល់លំនៅដ្ឋានដែលមានអាសយដ្ឋានដូចដែលបានជម្រាបជូនខាងលើនេះ លោកហុង ហ៊ន់ បាននិយាយប្រាប់ឱ្យដឹងថា ចំពោះកម្រិតជីវភាពសព្វថ្ងៃនេះ គឺមានភាពខ្សត់ខ្សោយខ្លាំង ព្រោះមិនមានមុខរបរអ្វីក្រៅពីធ្វើស្រែដែលជាប្រភពចំណូលសម្រាប់ផ្គត់ផ្គង់គ្រួសារ និងការទទួលបានជំនួយឧបត្ថម្ភរាជរដ្ឋាភិបាលតាមរយៈបណ្ណជនក្រីក្រតែប៉ុណ្ណោះ។ ដោយឡែក សម្រាប់ការឈ្នះរង្វាន់ប្រាក់លានខាងលើនេះ គឺជារឿងដែលនឹកស្មានមិនដល់នោះទេ។ លោកបានបន្តឱ្យដឹងទៀតថា ៖ កាលពីថ្ងៃដើមសប្ដាហ៍កន្លងទៅនេះ បន្ទាប់ពីធ្វើការងារផ្ទះរួច ហើយអស់កម្លាំង លោកបានទៅទិញភេសជ្ជៈប៉ូវកម្លាំង ខារ៉ាបាវ មួយកំប៉ុងពីអ្នកលក់ដែលស្ថិតនៅជិតផ្ទះទទួលទាន […]

ភ្នំពេញ៖ តាមព្រឹត្តិបត្រព័ត៌មានប្រចាំសប្តាហ៍របស់អគ្គនាយកដ្ឋានពន្ធដារបានឲ្យដឹងថា ដើម្បីមានសម្បទាគ្រប់គ្រាន់ជាភ្នាក់ងារសេវាកម្មពន្ធដារ បុគ្គលដែលជាអ្នកជាប់ពន្ធមធ្យម ឬធំ ត្រូវដាក់ពាក្យស្នើសុំអាជ្ញាបណ្ណភ្នាក់ងារសេវាកម្មពន្ធដារពីអគ្គនាយកដ្ឋានពន្ធដារ ដោយត្រូវបំពេញតាមលក្ខខណ្ឌណាមួយដូចខាងក្រោម៖ – មានវិញ្ញាបនបត្រជំនាញវិជ្ជាជីវៈពន្ធដារចេញដោយអគ្គនាយកដ្ឋានពន្ធដារ ដែលមានសុពលភាព – អាជ្ញាបណ្ណប្រកបវិជ្ជាជីវៈសវនកម្ម ឬអាជ្ញាបណ្ណប្រកបវិជ្ជាជីវៈគណនេយ្យកម្រិត១ ឬអាជ្ញាបណ្ណប្រកបវិជ្ជាជីវៈគណនេយ្យកម្រិត២ ដែលចេញដោយនិយ័តករគណនេយ្យ           និងសវនកម្ម នៃអាជ្ញាធរសេវាហិរញ្ញវត្ថុមិនមែនធនាគារ – គណនេយ្យករនិងសវនករដែលជាសមាជិកសកម្ម សមាជិកចូលរួម ឬសមាជិកសមាគម នៃវិទ្យាស្ថានគណនេយ្យករជំនាញនិងសវនករកម្ពុជា (KICPAA) – អតីតមន្រ្តីពន្ធដារ ហើយធ្លាប់បម្រើការងារនៅរដ្ឋបាលសារពើពន្ធកម្ពុជាចាប់ពី ១០ឆ្នាំឡើងទៅ និងមិនធ្លាប់ប្រព្រឹត្តបទល្មើសទាក់ទិននឹងពន្ធដារ ឬផ្សំគំនិតជាមួយ           អ្នកជាប់ពន្ធក្នុងការគេចវេះពន្ធ ឬបន្លំប្រាក់ពន្ធ និងមិនធ្លាប់ទទួលពិន័យផ្សេងៗពីអគ្គនាយកដ្ឋានពន្ធដារឬពីក្រសួងសេដ្ឋកិច្ចនិងហិរញ្ញវត្ថុ ឬពីតុលាការ។ បុគ្គលស្នើសុំអាចដាក់ពាក្យស្នើសុំ ”អាជ្ញាបណ្ណភ្នាក់ងារសេវាកម្មពន្ធដារ” តាមប្រព័ន្ធគ្រប់គ្រងការស្នើសុំវិញ្ញាបនបត្រពន្ធដារ តាមជំហានដូចតទៅ៖ ជំហានទី១៖  ចូលទៅកាន់គេហទំព័ររបស់អគ្គនាយកដ្ឋានពន្ធដារដែលមានអាសយដ្ឋាន https://www.tax.gov.kh រួចជ្រើសរើសសេវាកម្មអេឡិចត្រូនិកពន្ធដារ បន្ទាប់មកជ្រើសរើស “ប្រព័ន្ធគ្រប់គ្រងវិញ្ញាបនបត្រពន្ធដារ” ដោយប្រើប្រាស់គណនីដែលមានស្រាប់ដែលបានប្រើប្រាស់សម្រាប់ចូលប្រព័ន្ធផ្សេងៗទៀតរបស់អគ្គនាយកដ្ឋានពន្ធដារ ឬចុច”បង្កើតគណនីថ្មី” សម្រាប់អ្នកដែលមិនធ្លាប់ចូលប្រើប្រាស់ប្រព័ន្ធ។ ជំហានទី២៖  […]

ដោយ៖ សិរីមតី ភ្នំពេញ៖ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ នៅថ្ងៃទី១១ ខែមេសា ឆ្នាំ២០២៤ បានប្រារព្ធពិធីបើកការដ្ឋានសាងសង់ “គម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាតខេត្តស្វាយរៀង” ដើម្បីពង្រីកការទទួលបានសេវាទឹកស្អាតក្នុងខេត្ត។ គម្រោងនេះទទួលបានហិរញ្ញប្បទានឥតសំណងជាង៣០លានដុល្លារ ពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ដែលនេះជាដំណាក់កាលថ្មីដ៏សំខាន់មួយទៀត នៃការអភិវឌ្ឍហេដ្ឋារចនាសម្ព័ន្ធទឹកស្អាតរបស់ខេត្តស្វាយរៀង។ ពិធីបើកការដ្ឋានសាងសង់គម្រោងពង្រីកសមត្ថភាពប្រព័ន្ធផ្គត់ផ្គង់ទឹកស្អាតខេត្តស្វាយរៀងត្រូវបានធ្វើឡើងក្រោមអធិបតីភាព ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង ឯកឧត្តម អ៊ូអិណុ អាត់ស៊ូស៊ី (UENO Atsushi) ឯកអគ្គរាជទូតជប៉ុនប្រចាំនៅកម្ពុជា ព្រមទាំងមានការអញ្ជីញចូលរួមពីថ្នាក់ដឹកនាំក្រសួង ឧ.វ.ប.ន ក្រសួង/ស្ថាប័នពាក់ព័ន្ធ ស្ថានទូតជប៉ុនប្រចាំព្រះរាជាណាចក្រកម្ពុជា ទីភ្នាក់ងារ JICA រដ្ឋបាលក្រុងគីតាឃ្យូស៊ុ-ជប៉ុន រដ្ឋបាលខេត្តស្វាយរៀង អាជ្ញាធរមូលដ្ឋាន មន្ទីរ-អង្គភាពចំណុះខេត្ត ក្រុមហ៊ុនទីប្រឹក្សាបច្ចេកទេស ក្រុមហ៊ុនសាងសង់ និងយាយជី តាជី លោកគ្រូ អ្នកគ្រូ សិស្សានុសិស្ស ព្រមទាំងប្រជាពលរដ្ឋ សរុបប្រមាណ ៦០០ នាក់។ […]

ដោយ៖ សិរីមតី ភ្នំពេញ៖ ធនាគារអភិវឌ្ឍន៍អាស៊ី(ADB)បានព្យាករថា៖សេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ ២០២៤ និង ៦,០% ក្នុងឆ្នាំ ២០២៥ ដោយសារកំណើនក្នុងវិស័យ​កម្មន្តសាលនិងការស្ទុះឡើងវិញជាបន្តទៀតនៃវិស័យទេសចរណ៍។ នាយិកាប្រចាំប្រទេសកម្ពុជារបស់ ADB លោកស្រី Jyotsana Varma មានប្រសាសន៍ថា «ទោះបីជាមានបញ្ហាប្រឈមនៃសេដ្ឋកិច្ចពិភពលោកក៏ដោយ ក៏សេដ្ឋកិច្ចកម្ពុជាបានដំណើរការល្អក្នុងឆ្នាំ ២០២៣។ យើងរំពឹងថា កំណើនសេដ្ឋកិច្ចនឹងមានភាពកាន់តែប្រសើរក្នុងឆ្នាំ ២០២៤-២០២៥ ដោយសារវិស័យ កាត់ដេរ សម្លៀកបំពាក់ ស្បែកជើង និងទំនិញធ្វើដំណើរ (GFT) ទំនងជានឹងមានកំណើនខ្ពស់ ដោយផ្អែក លើសន្ទុះវិជ្ជមាន ដែលបានកើតឡើងក្នុងត្រីមាសចុងក្រោយនៃឆ្នាំ ២០២៣។» ទស្សនវិស័យអភិវឌ្ឍន៍អាស៊ី (Asian Development Outlook ឬ ហៅកាត់ថា ADO) សម្រាប់ខែមេសា ២០២៤  បានប៉ាន់ប្រមាណកំណើនសេដ្ឋកិច្ចក្នុងកម្រិត ៥,0% ក្នុងឆ្នាំ ២០២៣។ កំណើននេះ ត្រូវបានជំរុញដោយការស្ទុះឡើងវិញយ៉ាងខ្លាំងក្នុងវិស័យទេសចរណ៍ បើប្រៀបធៀបនឹងសមិទ្ធផល ដែល វិស័យនេះសម្រេចបានក្នុងឆ្នាំ២០២២ និងកំណើនដ៏រឹងមាំដែលវិស័យកម្មន្តសាលក្រៅពី GFT […]

ពន្ធលើអចលនទ្រព្យជាប្រភេទពន្ធប្រចាំឆ្នាំ ដែលត្រូវប្រកាសនិងបង់ពន្ធ ចាប់ពីថ្ងៃទី១ ខែមករា រហូតដល់ថ្ងៃទី៣០ ខែកញ្ញា នៃឆ្នាំជាប់ពន្ធនីមួយៗ មានន័យថា សម្រាប់ឆ្នាំ២០២៤ ម្ចាស់អចលនទ្រព្យដែលជាកម្មវត្ថុនៃពន្ធនេះ ត្រូវប្រកាសនិងបង់ពន្ធនេះ យ៉ាងយូរបំផុតត្រឹមថ្ងៃទី៣០ ខែកញ្ញា ឆ្នាំ២០២៤នេះ។ដើម្បីផ្ដល់ភាពងាយស្រួលជូនម្ចាស់អចលនទ្រព្យក្នុងការប្រកាសនិងបង់ពន្ធនេះ អគ្គនាយកដ្ឋានពន្ធដារបានអភិវឌ្ឍកម្មវិធីបង់ពន្ធលើអចលនទ្រព្យនេះ តាមរយៈទូរសព្ទដៃ ដែលមានឈ្មោះកម្មវិធីទូរសព្ទដៃអ្នកជាប់ពន្ធ (GDT Taxpayer App) ហើយកាលពីចុងឆ្នាំ២០២៣នេះ អគ្គនាយកដ្ឋានពន្ធដារក៏បានធ្វើការ​បង្កើតមុខងារថ្មីមួយទៀតក្នុងកម្មវិធីទូរសព្ទដៃនេះ ក្នុងការបង់ពន្ធលើអថលនទ្រព្យឲ្យកាន់តែងាយស្រួលជាងមុន ដោយអនុវត្តតែ ២ ជំហានប៉ុណ្ណោះ ម្ចាស់អចលនទ្រព្យ ឬអ្នកតំណាងអាចធ្វើការបង់ពន្ធលើអចលនទ្រព្យបានដោយជោគជ័យ ដែលមុខងារនោះមានឈ្មោះថា មុខងារបង់ពន្ធរហ័ស (Quick Payment) ដែលជាមុខងារថ្មីក្នុងកម្មវិធីទូរសព្ទដៃអ្នកជាប់ពន្ធ (GDT Taxpayer App)៕

អនុក្រឹត្យលេខ ៤៨ អនក្រ.បក ចុះថ្ងៃទី១១ ខែមីនា ឆ្នាំ២០២៤ របស់រាជរដ្ឋាភិបាលកម្ពុជា មិនមានគោលដៅឬុមានខ្លឹមសារណាមួយដែលដំឡើងអត្រាពន្ធលើប្រាក់បៀវត្សនោះទេ គឺការអនុវត្តតាមមាត្រា៤៧ នៃច្បាប់ស្តីពីសារពើពន្ធ ដែលតម្រូវឱ្យរាជរដ្ឋាភិបាលកំណត់កម្រិតប្រាក់បៀវត្សជាប់ពន្ធប្រចាំខែ ដោយអនុក្រឹត្យ។ នេះបើតាមការបញ្ជាក់ពីលោក សុង កុសល អនុប្រធាននាយកដ្ឋានគ្រប់គ្រងអ្នកជាប់ពន្ធធំ នៃអគ្គនាយ​កដ្ឋានពន្ធដារ នៅក្នុ្ងងកម្មវិធី “ពន្ធដារកម្ពុជា” ដែលធ្វើការផ្សាយផ្ទាល់នៅលើទំព័រហ្វេសប៊ុក (Facebook Page) ផ្លូវការរបស់អគ្គនាយកដ្ឋានពន្ធដារ។ កាលពីថ្ងៃទី៤ ខែមេសា ឆ្នាំ២០២៤ ក្រោមប្រធានបទ ពន្ធលើប្រាក់បៀវត្ស ដោយមានការចូលរួមពីលោក ទូច ជាកាដូ ប្រធានការិយាល័យនៃនាយកដ្ឋានគ្រប់គ្រងអ្នកជាប់ពន្ធតូច និងមធ្យមផងដែរ។ លោក សុង កុសល ក៏បានបញ្ជាក់បន្ថែមផងដែរថា មិនត្រឹមតែមិនដំឡើងអត្រាពន្ធនោះទេ រាជរដ្ឋាភិបាលកម្ពុជា ក៏បានបង្ហាញពីការយកចិត្តទុកដាក់ខ្ពស់ចំពោះមន្រ្តីរាជការ កងកម្លាំងប្រដាប់អាវុធ ព្រមទាំងកម្មករនិយោជិតដែលមានប្រាក់បៀវត្សទាប ដោយបានបង្ខិតពិតានប្រាក់បៀវត្សជាប់ពន្ធរហូតដល់ ១ ៥០០ ០០០ រៀល ឬស្មើនឹងប្រមាណ ៣៧៥ ដុល្លារ ពោលគឺជួយសម្រួលដល់អ្នកជាប់ពន្ធដែលមានប្រាក់បៀវត្សទាបជាង ឬស្មើពិតាននឹងមិនជាប់ពន្ធលើប្រាក់បៀវត្សនោះទេ។ លើសពីនេះទៀត អ្នកជាប់ពន្ធដែលមានសហព័ទ្ធដែលធ្វើតែជាមេផ្ទះ និង/ឬកូនក្នុងបន្ទុក […]

តាមព្រឹត្តិបត្រព័ត៌មានប្រចាំសប្ដាហ៍របស់អគ្គនាយកដ្ឋានពន្ធដារ បានបញ្ជាក់ថា ដើម្បីជួយសម្រូលដល់ការប្រកាសនិងបង់ប្រាក់ពន្ធរបស់អ្នកជាប់ពន្ធតូច អគ្គនាយកដ្ឋានពន្ធដារបានបង្កើតនិងដាក់ឲ្យប្រើប្រាស់កម្មវិធីទូរសព្ទដៃដែលមានឈ្មោះថា កម្មវិធីប្រកាសពន្ធអាជីវកម្មសម្រាប់អ្នកជាប់ពន្ធតូច(GDT Tax Prefiling  App) ដែលមានមុខងារកត់ត្រាទិន្នន័យទិញ-លក់ជួយគណនាប្រាក់ពន្ធដែលត្រូវបង់ក្នុងការប្រកាសពន្ធប្រចាំខែនិងប្រចាំឆ្នាំ ពិនិត្យមើលទិន្នន័យបំណុលពន្ធនិងបង់ពន្ធ៕

ដោយ ៖គង់ សូរិយា ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានលើកទឹកចិត្តដល់គូស្វាមីភរិយា ដែលមានលទ្ធភាពខាងសេដ្ឋកិច្ច គួរមានកូនច្រើន ដើម្បីចៀសវាងនូវហានិភ័យនាកង្វះកម្លាំង នាពេលអនាគត។ សម្តេចធិបតី ហ៊ុន ម៉ាណែត បានមានប្រសាសន៍បែបនេះ ក្នុងឱកាសដែលសម្តេចអញ្ជើញបិទ សន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងផែនការ នៅព្រឹកថ្ងៃទី៩ ខែមេសា ឆ្នាំ២០២៤។ ក្នុងឱកាសនោះសម្តេចធិបតី ហ៊ុន ម៉ាណែត បានថ្លែងថា គោលនយោបាយជាតិប្រជាជន២០១៦ -២០៣០ គឺឈរលើគោលការណ៍ ទទួលស្គាល់ និងគាំទ្រ ចំពោះសិទ្ធិរបស់គូស្វាមីភរិយា និងបុគ្គលទាំងអស់ ឱ្យមានសិទ្ធិជាមូលដ្ឋានក្នុងការសម្រេចចិត្តដោយសេរី និងដោយទទួលខុសត្រូវ លើចំនួនកូន និងការពន្យារកំណើត ហើយឱ្យមានលទ្ធភាពទទួលបាននូវព័ត៌មាន ការអប់រំ សេវា និង មធ្យោបាយ ដើម្បីធ្វើការសម្រេចចិត្តនេះ។ គ្រួសារប្រជាពលរដ្ឋកម្ពុជា មានកូនជាមធ្យម១,២ភាគរយ ដែលចំនួននេះ មានអត្រាស្មើគ្នានឹងប្រទេសឡាវ ប៉ុន្តែកម្ពុជាមានសក្តានុពល ក្នុងការបង្កើនកំណើនប្រជាសាស្រ្តជាង ដោយសារកម្ពុជាមានប្រជាជនច្រើនជាងប្រទេសឡាវ និងភាគច្រើនជាប្រជាជនវ័យក្មេង៕

ភ្នំពេញ៖សមាគម វាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) និង ជីប ម៉ុង អេកូសាយខល (Chip Mong Ecocycle)  ដែលជាគម្រោងនៃដំណោះស្រាយសម្រាប់ការគ្រប់គ្រងសំណល់ឧស្សាហកម្មប្រកប​ដោយនិរន្តរភាពដំបូងគេនៅប្រទេសកម្ពុជារបស់ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន បានរៀបចំសិក្ខាសាលាមួយស្តីពី «ការអនុវត្តន៍ HIGG FEM សម្រាប់វិស័យឧស្សាហកម្ម វាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា» នៅសណ្ឋាគារហ្វ៊ែរហ្វៀល បាយ ម៉ារៀត (Fairfield by Marriott Phnom Penh) កាលពីព្រឹកថ្ងៃទី២៨ ខែមីនា ឆ្នាំ២០២៤។ យោងតាម សមាគម TAFTACកម្មវិធីHIGG FEMនិង ជីប ម៉ុង អេកូសាយខល (Chip Mong Ecocycle) មានគោលដៅ​រួមគ្នាដើម្បីលើកកម្ពស់និងអភិវឌ្ឍពិភព​លោក​ជាមួយនឹងការវិវត្តន៍បៃតងដែលអាចជួយឱ្យមនុស្សជំនាន់ក្រោយរស់នៅក្នុងទីកន្លែ​ងល្អប្រសើរ តាមរយៈការអភិវឌ្ឍបរិស្ថាន និងនិរន្តរភាព។ ស្របតាមគោលដៅខាងលើ សមាគម TAFTAC […]

ដោយៈសិរីមតី ភ្នំពេញ ៖ក្រុមប្រឹក្សាអភិវឌ្ឍន៍កម្ពុជាបានឱ្យដឹងនា ថ្ងៃទី០៥ មេសា ២០២៤ថារយៈពេល៣ខែឆ្នាំ២០២៤ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងថ្មី និងគម្រោងពង្រីកផលិតកម្មចំនួន១០៦គម្រោងដែលមានទុនវិនិយោគសរុបចំនួន២,២ពាន់លានដុល្លារអាមេរិក និងអាចបង្កើតការងារបានជាង១០ម៉ឺន៧ពាន់កន្លែង ។ គម្រោងវិនិយោគដែលមានទីតាំងនៅក្រៅតំបន់សេដ្ឋកិច្ចពិសេសមានចំនួន៧៣គម្រោង ក្នុងនោះ មានគម្រោងពង្រីកផលិតកម្មចំនួន៣គម្រោង ដោយឡែកគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចមានចំនួន៣៣គម្រោង ក្នុងនោះគម្រោងពង្រីកផលិតកម្មមានចំនួន៣គម្រោង ។ ក្នុងរយៈពេល៣ខែដើមឆ្នាំ ២០២៤នេះ បើប្រៀបធៀបនឹងរយៈពេលដូចគ្នាកាលពីឆ្នាំ ២០២៣ឃើញថាមានការកើនឡើងគម្រោងវិនិយោគចំនួន៦៧គម្រោង ខណៈទុនវិនិយោគមានការកើនជិត២ពាន់លានដុល្លារអាមេរិក ឬស្មើនឹងប្រមាណ៦៤៩ភាគរយ ។ ការកើនឡើងយ៉ាងគំហុកនេះគឺដោយសារវត្តមាននៃគម្រោងថ្មី នៅក្នុងវិស័យហេដ្ឋារចនាសម្ព័ន្ធ វិស័យឧស្សាហកម្ម វិស័យទេសចរណ៍ និងគម្រោងពង្រីកផលិតកម្មនៃវិស័យឧស្សាហកម្មនៅក្នុងតំបន់សេដ្ឋកិច្ច ។ នៅក្នុងរបាយការណ៍របស់ក្រុមប្រឹក្សាអភិវឌ្ឍន៍កម្ពុជាក៏បានបង្ហាញពីគម្រោងធំៗមានទឹកប្រាក់វិនិយោគចាប់ពី១០០លានដុល្លារអាមេរិកឡើងទៅ ដែលត្រូវបានក្រុមប្រឹក្សាអភិវឌ្ឍន៍កម្ពុជាអនុម័តក្នុងត្រីមាសទី១ឆ្នាំ២០២៤នេះ រួមមាន ៖ ១ -គម្រោងវិនិយោគបង្កើត និងធ្វើអាជីវកម្មសណ្ឋាគារផ្កាយ៥ ចំនួន២.៨៧០បន្ទប់ និងមជ្ឈមណ្ឌលពាណិជ្ជកម្ម ដែលមានទីតាំងស្ថិតនៅភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ ក្នុងទុនវិនិយោគប្រមាណ៥៧៤លានដុល្លារអាមេរិក និងអាចបង្កើតការងារបានប្រមាណ ៣៨០០កន្លែង ។២-គម្រោងវិនិយោគសាងសង់វារីអគ្គិសនីស្ទឹងមេទឹក អានុភាព ១៥០មេហ្កាវ៉ាត់ ដែលមានទីតាំងនៅស្ទឹងមេទឹក ស្រុកមណ្ឌលសីហា ខេត្តកោះកុង ក្នុងទុនវិនិយោគប្រមាណជាង៤៤០លានដុល្លារអាមេរិក ។ ៣- គម្រោងវិនិយោគសាងសង់កំពង់ផែពហុបំណង និងមណ្ឌលភស្តុភារកម្មកំពង់ឆ្នាំង […]

ដោយ៖សិរីមតី/ភ្នំពេញ៖ មីជាតិ នៅព្រឹកថ្ងៃទី២ ខែមេសា ឆ្នាំ២០២៤ បានរៀបចំកម្មវិធី “ចែករំលែកក្ដីស្រឡាញ់ជាមួយកុមារ អូទីស្សឹម និងដោនស៊ីនដ្រូន” នៅវិទ្យាល័យអប់រំពិសេស ក្រុងតាខ្មៅ ខេត្តកណ្ដាល ស្របជាមួយឱកាសនៃការប្រារព្ធទិវាយល់ដឹងពីអូទីស្សឹមពិភពលោក ២មេសាក្រោមការឧបត្ថម្ភគាំទ្រទាំងស្រុងដោយ គម្រោងខ្មែរដើម្បីខ្មែរ របស់ក្រុមហ៊ុន វ័ន ហ្វ្រេតធើនីធី (មីជាតិ) ដែលបានរៀបចំយ៉ាងអធិកអធម និងមានចូលរួមពីដៃគូអាជីវកម្ម លោកគ្រូ អ្នកគ្រូ អាណាព្យាបាលសិស្សប្រមាណ ៣៥០នាក់ ។ ថ្ងៃទី២​មេសាត្រូវ​បាន​អង្គការសហប្រជាជាតិកំណត់​យក​ជា​ទិវាយល់ដឹងពីអូទីស្សឹមពិភពលោក។ទិវា​នេះ​ត្រូវ​បាន​រៀប​ចំ​ធ្វើ​ឡើង​ជា​រៀង​រាល់​ឆ្នាំ​តាំង​ពី​ឆ្នាំ​២០០៨​មកសម្រាប់​កំរិត​ពិភពលោកនិង​​ពី​ឆ្នាំ​២០១៤​មកសម្រាប់ព្រះរាជាណាចក្រ​កម្ពុជា។អូទីស្សឹ​ម គឺ​ជា​ជំងឺ​ ដែល​​មាន​កើត​ឡើង​យ៉ាង​ជាក់​ស្តែងនិង​ផ្តល់​ផលវិបាក​ធ្ងន់​ធ្ងរ​ខ្លាំង​សម្រាប់លោកអ្នក​ជា​ឪពុក​ម្តាយ​ផងនិង​បុគ្គល​អ្នក​ជំងឺ​ផ្ទាល់​ផងព្រោះ​វាជា​ទម្រង់​មួយ​នៃ​ពិការភាព។ជា​មធ្យមមាន​មនុស្ស​ម្នាក់​ក្នុង​ចំណោម​មនុស្ស​១៥០​កើត​ជំងឺ​​នេះនៅ​លើ​ភពផែនដី​ ​លោក ចាន់ សារិន នាយក​វិទ្យាល័យ​អប់រំ​ពិសេស​ក្រុង​តាខ្មៅ និង​ជា​ប្រធាន​អង្គការ​ ​HHC បានឱ្យដឹងថា សាលា​កុមារ​អូ​ទី​ស្សឹម​នៃ​អង្គការ​HHC បាន​បង្កើតឡើង​​រយៈពេល​៩​ឆ្នាំមកហើយដោយបាន​ប្រមូល​កុមារ​ពិការភាពខ្សោយ​សតិបញ្ញា និង​ អូ​ទី​ស្សឹម ឱ្យបាន​ចូលរៀន​ស្របតាម​កម្មវិធី​អប់រំពិសេស ដោយ​សហការ​ជាមួយ​មន្ទីរ​អប់រំ យុវជន និង​កីឡា​ខេត្ត និងមន្ទីរ​សង្គមកិច្ច ក្នុងការ​រៀបចំ​សាលា​កុមារ​អូ​ទី​ស្សឹម បាន​ចំនួន​៥​ទីតាំង ដោយ​ប្រើប្រាស់​ថវិកា​ឧបត្ថម្ភពីកាកបាទក្រហមកម្ពុជា សប្បុរសជន ជាតិ និងអន្តរជាតិ។​សព្វថ្ងៃនេះបានកែសម្រួលមកជាវិទ្យាល័យអប់រំពិសេសដែលមាន​កុមារ​ពិការ​ខ្សោយ​សតិបញ្ញានិង​អូ​ទី​ស្សឹម បាន​​ចុះឈ្មោះ​ចូលរៀន​បាន​ចំនួន​២០៥​នាក់ ស្រី​៦៨ ​។​ បន្ថែមពីនេះ […]

ភ្នំពេញ៖ក្រុមហ៊ុនស៊ីម៉ងត៍អូដ្ឋ ជីប ម៉ុង អ៊ិនស៊ី (CMIC) ដែលជាក្រុមហ៊ុនផលិតស៊ីម៉ងត៍ឈានមុខគេនៅកម្ពុជាបានបង្កើតប្រវត្តិសាស្ត្រដោយក្លាយជាក្រុមហ៊ុនដំបូងគេក្នុងប្រទេសកម្ពុជាដែលទទួលបានវិញ្ញាបនបត្រ ប្រកាសថាជាផលិតផលបរិស្ថាន (EPD) សម្រាប់ផលិតផលរបស់ខ្លួន និងជាសមិទ្ធផលដែលជាមោទនភាពយ៉ាងខ្លាំងរបស់ក្រុមហ៊ុន និងប្រទេសជាតិ។ EPDគឺជាវិញ្ញាបនបត្រស្តង់ដារដែលទទួលស្គាល់ជាអន្តរជាតិនិងជាសក្ខីបត្រផ្ទៀងផ្ទាត់នូវផលប៉ះពាល់នៃមួយវដ្តជីវិតនៃផលិតផលមួយទៅក្នុងបរិស្ថាន។ផលិត​ –  ផ​ល​របស់ក្រុមហ៊ុនស៊ីម៉ងត៍អូដ្ឋ ជីប ម៉ុង អ៊ិនស៊ី បានឆ្លងកាត់ការវាយតម្លៃ និងការផ្ទៀងផ្ទាត់យ៉ាងតឹងរ៉ឹង ដោយធានាបាននូវការអនុលោមតាមស្តង់ដារផលិតផលប្រកបដោយនិរន្តរភាពខ្ពស់បំផុត។ លោក Kasem Makrailert នាយកប្រតិបត្តិស្តីទី របស់ក្រុមហ៊ុនជីប ម៉ុង អ៊ិនស៊ី  បានមានប្រសាសន៍ថា“នៅក្រុមហ៊ុន ជីប ម៉ុង អ៊ិនស៊ី យើងមានចក្ខុវិស័យវែងឆ្ងាយសម្រាប់អនាគត ដោយការសាងសង់សំណង់ឱ្យសមស្របជាមួយនឹងបរិស្ថានសម្រាប់មនុស្សជំនាន់ក្រោយ។  វិញ្ញាបនបត្រ EPD របស់ពួកយើងតំណាងឱ្យជំហានដ៏សំខាន់មួយឆ្ពោះទៅរកចក្ខុវិស័យនោះ”។ លោកនាយកប្រតិបត្តិស្តីទី របស់ក្រុមហ៊ុនជីប ម៉ុង អ៊ិនស៊ី  បានបន្ថែមថា”គោលដៅរបស់យើងគឺ ផ្តល់ជូនអតិថិជនរបស់យើងនូវផលិតផលដែលមានគុណភាពខ្ពស់ និងមិនប៉ះពាល់ដល់បរិស្ថាន ហើយយើងនិងឈានទៅមុខជាមួយនឹងការច្នៃប្រឌិតថ្មី ក្នុងការអនុវត្តប្រកបដោយនិរន្តរភាព។” EPD គឺជាគឺជាវិញ្ញាបនបត្រស្តង់ដារដែលសិក្សាវាយតម្លៃនិងផ្ដល់ពត៌មានស្ដីអំពីផលប៉ះពាល់របស់ផលិតផលទៅលើបរិស្ថាន និងសុខភាពរបស់មនុស្សជាតិដោយផ្អែកលើស្តង់ដារ ISO 14025 និងវិធីសាស្ត្រនៃការវាយតម្លៃតាមបែបវិទ្យាសាស្ត្រចំពោះវដ្តជីវិតនៃផលិតផលស៊ីម៉ងត៍(LCA) ស្តង់ដារស៊ីម៉ងត៍សកលនៃសមាគមស៊ីម៉ងត៍ និងបេតុងសកល (GCCA)។  គោលដៅនៃ […]

ភ្នំពេញ៖ឱកាសល្អសម្រាប់លោកអ្នកដែលចង់ក្លាយជាម្ចាស់អាជីវកម្មដោយខ្លួនឯង ប៉ុន្តែមិនដឹងថាគួរបណ្តាក់ទុនទៅលើអាជីវកម្មហ្វ្រេនឆាយអ្វី? សូមកុំព្រួយបារម្ភ! ក្រុមហ៊ុន ស៊ី.ភី.ខេមបូឌា អាចជួយអ្នកបាន តោះមកតាមដាននិងសិក្សាឲ្យយល់ទាំងអស់គ្នាថា៖ តើក្រុមហ៊ុនស៊ី.ភី.មានអាជីវកម្មហ្វេ្រនឆាយអ្វីខ្លះ សម្រាប់ឱ្យលោកអ្នកជ្រើសរើសបណ្តាក់ទុន សម្រាប់ឆ្នាំ២០២៤នេះ?។ ក្រុមហ៊ុន ស៊ី.ភី. ខេមបូឌា មានអាជីវកម្ម និងហ្វេ្រនឆាយ ជាច្រើនក្នុងការជ្រើសរើស និងអាចចាប់ដៃគូសហការបន្ថែមជាបន្តបន្ទាប់ ទៅលើអាជីវកម្មហ្វ្រេនឆាយនោះ ។ ថ្ងៃនេះក្រុមហ៊ុន ស៊ី.ភី.ខេមបូឌា នឹងនាំលោកអ្នកឲ្យស្គាល់ពីហ្វ្រេនឆាយ ដែលងាយស្រួលនឹង     បណ្តាក់ទុន និងរកប្រាក់ចំណូលបានខ្ពស់ ដោយអាជីវកម្មហ្វ្រេនឆាយទាំងនោះរួមមាន អាជីវកម្មហ្វ្រេនឆាយ ហ្វាយស្តារ៍ ,ស្តារ៍ខហ្វហ្វី ,អាជីវកម្មហៃផក់ និងអាជីវកម្ម ស៊ី.ភី. ហ្វ្រេសហ្សប ជាដើម ៖ ១.អាជីវកម្មហ្វាយស្តារ៍ (Five Star) អាជីវកម្មហ្វ្រេនឆាយ Five Star ជាហ្វ្រេនឆាយដែលកំពុងពេញនិយមជាងគេនៅក្នុងប្រទេសកម្ពុជា ដែលជាហ្វ្រេនឆាយជួយបង្កើតប្រាក់ចំណូលខ្ពស់ ងាយស្រូល​បើក ហើយហ្វ្រេនឆាយនេះដែរ បានដក់ជាប់ក្នុងក្រអៅបេះដូងអតិថិជនអស់រយៈពេលយូរមកហើយ។ហ្វ្រេនឆាយហ្វាយស្តារ៍ Five Star បានចាប់ផ្តើមបើកដំណើរ​ការនៅកម្ពុជា តាំងពីឆ្នាំ ២០១៥ មកម្លេះ សម្រាប់បច្ចុប្បន្នអាជីវកម្មហ្វ្រេនឆាយមួយនេះ មានរយៈពេលប្រហែល៩ឆ្នាំហើយ ព្រមទាំងបានពង្រីកខ្លួនរហូតដល់ជិត […]

ដោយ៖ ស-ស​ម្បត្តិ ភ្នំពេញ៖ យោងតាមតម្រូវការចាំបាច់ ក្រសួងសេដ្ឋកិច្ចនិងហិរញ្ញវត្ថុទើបបានចេញនូវប្រកាសលេខៈ១៦៨ សហវ-ប្រក.អពដ ស្តីពីអាករសម្រាប់បំភ្លឺសាធារណៈ។ ប្រកាសដែលចុះហត្ថលេខាដោយ ឯកឧត្តម អគ្គបណ្ឌិតសភាចារ្យអូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋ មន្ត្រីក្រសួងសេដ្ឋកិច្ចនិងហិរញ្ញវត្ថុកាលពីថ្ងៃទី២០ ខែមីនា ឆ្នាំ២០២៤ បានកំណត់នូវវិធាននិងនីតិវិធីនៃការគ្រប់គ្រងប្រមូលអាករសម្រាប់បំភ្លឺសាធារណៈ។ប្រកាសនេះគឺមានខ្លឹមសារទាំងស្រុងដូចខាងក្រោម៖