ភ្នំពេញ៖យោងតាមរបាយការរបស់ក្រសួងសេដ្ឋកិច្ច និងហិរញ្ញវត្ថុ ដែលចេញផ្សាយកាលពីថ្ងៃទី២៩សីហាបានបង្ហាញថានៅ ឆមាសទី១ឆ្នាំ២០២២នេះគណៈកម្មការគ្រប់គ្រងល្បែងពាណិជ្ជកម្មកម្ពុជានៃក្រសួងសេដ្ឋកិច្ចនិងហិរញ្ញវត្ថុប្រមូលចំណូលពីវិស័យល្បែងពាណិជ្ជកម្មនៅកម្ពុជា បាន ប្រមាណជិត៤០លានដុល្លារអាមេរិក។ របាយការណ៍ដដែលនេះ បានបញ្ជាក់ថា គិតត្រឹមខែមិថុនា ឆ្នាំ២០២២នេះ គណៈកម្មការគ្រប់គ្រងល្បែងពាណិជ្ជកម្មកម្ពុជា ទទួលបានចំណូលពីកម្រៃផ្សេងៗ បានចំនួន ១៤២,២០២.១១លានរៀល ឬប្រមាណជាង៣៤លានដុល្លារអាមេរិក។ ចំណូលប្រមូលបានពីកាតព្វកិច្ចពីល្បែងសរុបមានចំនួន១៤,៥៧៤.៤៥ លានរៀល ឬប្រមាណជាង៣លានដុល្លារអាមេរិកស្មើនឹង៩.៦៥%នៃផែនការ ក្នុងនោះមាន ចំណូលកាតព្វកិច្ចពីល្បែងកាស៊ីណូ មានចំនួនជាង ១២,៦៤១. ៣៨លានរៀល ឬប្រមាណ ៣.១ ដុល្លារ ស្មើនឹង ៨.៥% ធៀបនឹងផែនការ និងចំណូលកាតព្វកិច្ចពីល្បែងផ្សងសំណាង ឆ្នោត-ឡូតូ មានចំនួន ១,៩៣៣.០៧លានរៀល ប្រមាណជាង៤៦ម៉ឺនដុល្លារ ស្មើនឹង ៨២.១៨%ធៀបនឹងផែនការ ។ ក្នុងរយៈពេល៦ខែនេះ គណៈកម្មការគ្រប់គ្រងល្បែងពាណិជ្ជកម្មកម្ពុជា បានចុះត្រួតពិនិត្យនិងវាយតម្លៃដល់ទីកន្លែងលើពាក្យស្នើសុំអាជ្ញាបណ្ណ របស់ក្រុមហ៊ុនកាស៊ីណូ ចំនួន១២៥ និងក្រុមហ៊ុនល្បែងផ្សងសំណាង ចំនួន ២២ ព្រមទាំងបានពិនិត្យបែបបទ និងវាយតម្លៃលើការស្នើសុំបន្តសុពលភាពអាជ្ញាបណ្ណសម្រាប់ឆ្នាំ២០២២ របស់ប្រតិបត្តិករ និង/ ឬកម្មសិទ្ធិករកាស៊ីណូ និងល្បែងផ្សងសំណាង ដោយដំណាក់ កាលទី១ បានសម្រេចផ្តល់អាជ្ញាបណ្ណជូនក្រុមហ៊ុនកាស៊ីណូ ១៣ […]
ភ្នំពេញ៖ ប្រទេសចិន នៅតែរក្សាតំណែងលំដាប់ទី១នារយៈពេល៤ឆ្នាំចុងក្រោយនេះ ក្នុងនាមជាអ្នកបញ្ជាទិញអង្ករពីកម្ពុជាច្រើនជាងគេ ដោយវ៉ាដាច់សហគមន៍អឺរ៉ុបដែលធ្លាប់តែឈរនៅលេខ១ នាពេលកន្លងមក។ចិនបានក្លាយជាទីផ្សារដ៏សំខាន់ សម្រាប់ការនាំចេញអង្កររបស់កម្ពុជា ។ បើយោងតាមការព្យាករណ៍របស់ លោក ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា រយៈពេល៥ឆ្នាំទៅមុខទៀត ចិននៅតែជា ទីផ្សារនាំមុខគេដដែល ហើយការនាំចេញអង្ករនឹងឈានទៅដល់១លានតោនក្នុងមួយឆ្នាំ តាមផែនការរបស់រាជរដ្ឋាភិបាល។ យោងតាមក្រសួងកសិកម្ម រុក្ខាប្រមាញ់និងនេសាទ បានឱ្យដឹងថា ចាប់តាំងពីឆ្នាំ២០១៩មក ប្រទេសចិនបានឈរនៅលំដាប់ទី១ដែលនាំចូលអង្ករកម្ពុជាច្រើនជាងបន្ទាប់ពីសហគមន៍អឺរ៉ុបបានកំណត់យកពន្ធលើការនាំចូលអង្ករពីកម្ពុជារយៈពេល៣ឆ្នាំពោលគឺពីឆ្នាំ២០១៩ ដល់ឆ្នាំ២០២១។ក្នុងឆ្នាំ២០១៩ប្រទេសចិនបាននាំចូលអង្ករកម្ពុជាប្រមាណជាង២៤ម៉ឺនតោនស្មើនឹង៤០%នៃបរិមាណនាំចេញសរុបជាង ៦២ម៉ឺនតោន។នៅឆ្នាំ២០២០មានបរិមាណជាង២៨ម៉ឺនតោនស្មើ៥០.២%នៃបរិមាណនាំចេញសរុបជាង៦៩ម៉ឺនតោន ។ចំណែកឆ្នាំ២០២១ អង្ករកម្ពុជានាំចេញទៅទីផ្សារប្រទេសនេះ បានចំនួនជាង៣០ម៉ឺនតោនស្មើនឹង៥០.២%នៃបរិមាណនាំចេញសរុបរបស់កម្ពុជា ដែល មានជាង៦១ម៉ឺនតោន។រីឯក្នុងឆ្នាំ២០២២នេះគិតតែត្រឹមឆមាសទី១នេះកម្ពុជាបានចេញអង្ករទៅប្រទេសចិនមានចំនួនជាង១៦ម៉ឺនតោន ដែល ស្មើនឹង៥១.៤% នៃបរិមាណនាំចេញសរុប។ លោកឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានឱ្យដឹងថា ៖ ការនាំចេញអង្ករទៅប្រទេសចិនបានកើនឡើងបន្តបន្ទាប់ ក្រោយពីកម្ពុជា និង ចិនបានប្តេជ្ញាជាមួយគ្នាក្នុងការបង្កើនការធ្វើពាណិជ្ជកម្ម និងការឈានទៅដល់ការចុះអនុស្សារណៈយោគយល់គ្នា លើ ការផ្តល់កិច្ចសហប្រតិបត្តិការជួយទិញអង្ករពីកម្ពុជា ទៅចិន ដែលមាន៦លើកមកហើយ។ លោកបានអះអាងថា សម្រាប់ពេលបច្ចុប្បន្ន និងអនាគត មិនអាចមានទីផ្សារណាដែល ស្រូបយកនាំចេញអង្កររបស់កម្ពុជាក្នុងបរិមាណច្រើន ក្រៅពីចិននោះទេ។ […]
ភ្នំពេញ៖ស្ពានអាកាសចំនួនពីរគឺស្ពានអាកាសចំណុចប្រសព្វមហាវិថីសម្តេចតេជោ ហ៊ុន សែន មហាវិថីព្រះមុនីវង្ស ជាមួយវិថីកងយោធពលខេមរភូមិន្ទ(ផ្លូវ២៧១)និងស្ពានអាកាសចំណុចប្រសព្វមហាវិថីសហព័ន្ធរុស្ស៉ីជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុលបានត្រូវបើកការដ្ឋានសាងសង់នាព្រឹកថ្ងៃទី៣១ខែសីហាឆ្នាំ២០២២។ស្ពានទាំងពីរនេះជាគម្រោងរបស់រាជរដ្ឋាភិបាលកម្ពុជា តាមរយៈរដ្ឋបាលរាជធានីភ្នំពេញនិងសាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC ដោយគ្រោងចំណាយថវិកាចំនួន ជាង៤៦ដុល្លាអាមេរិក។ស្ពានអាកាសទាំងពីរនេះនឹងចំណាយរយៈពេលសាងសង់ចំនួន៣៦ខែដែលនឹងបញ្ចប់ឆ្នាំ២០២៥។សម្តេចតេជោនាយករដ្ឋមន្ត្រីនៃកម្ពុជា បានអញ្ជើញជាអធិបតីក្នុងពិធីបើកការដ្ឋានសាងសង់ ស្ពានអាកាសចំនួនពីរ នេះ។ សូមបញ្ជាក់ថាដើម្បីសម្រួលការធ្វើចរាចរណ៍ក្នុងរាជធានីភ្នំពេញ ដែលមានកំណើនយានយន្ត និងការធ្វើចរាចរណ៍កាន់តែច្រើនឡើងពីមួយឆ្នាំទៅមួយឆ្នាំនោះរដ្ឋបាលរាជធានីភ្នំពេញ បានសម្រេចសាងសង់ស្ពានអាកាសចំនួនពីរបន្ថែមទៀត។ស្ពានអាកាសដែលសាងសង់បន្ថែមនេះទី១ស្ថិតនៅចំណុចប្រសព្វមហាវិថីសម្តេចតេជោ ហ៊ុន សែន មហាវិថីព្រះមុនីវង្ស ជាមួយវិថីកងយោធពលខេមរភូមិន្ទ (ផ្លូវលេខ២៧១) ក្នុងទឹកដីខណ្ឌចំការមន និងខណ្ឌមានជ័យ។ ទី២ស្ថិតនៅចំណុចប្រសព្វមហាវិថីសហព័ន្ធរុស្ស៉ី ជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល (ផ្លូវលេខ២០០៤) ក្នុងខណ្ឌពោធិ៍សែនជ័យ។ លោក ឃួង ស្រេង អភិបាលរាជធានីភ្នំពេញ បានឱ្យដឹងថាស្ពានអាកាសទាំងពីរនេះ នឹងសាងសង់ដោយក្រុមហ៊ុនវិនិយោគទុនអាណិកជនកម្ពុជា (OCIC) ដោយចំណាយថវិកាសរុប ៤៦,៧៧៥.០០០ដុល្លាអាមេរិក។ ក្នុងនោះស្ពានអាកាសចំណុចប្រសព្វមហាវិថីសម្តេចតេជោហ៊ុន សែន មហាវិថីព្រះមុនីវង្សជាមួយវិថីកងយោធពលខេមរភូមិន្ទ(ផ្លូវលេខ២៧១)ចំណាយថវិកា៣៦,៧៧៥,០០០ដុល្លារនិងចំណាយពេលសាងសង់ ៣៦ខែ។ ដោយឡែកស្ពានអាកាសចំណុចប្រសព្វមហាវិថីសហព័ន្ធរុស្ស៉ី ជាមួយមហាវិថីសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ចំណាយថវិកា ១០លានដុល្លារអាមេរិក ចំណាយពេលសាងសង់ ១៦ខែ។ លោក សាំ ពិសិដ្ឋ […]
ភ្នំពេញ៖អគ្គនាយកពន្ធដារ បានបន្តប្រកាសហៅម្ចាស់ក្រុមហ៊ុនចំនួន៧ទៀត ឱ្យមកទូទាត់បំណុលរដ្ឋ។ ម្ចាស់ក្រុមហ៊ុនដែលពន្ធដារហៅឱ្យមកទូទាត់បំណុលនេះមានភាគច្រើនគឺជាក្រុមហ៊ុនចិន។ម្ចាស់ក្រុមហ៊ុនចំនួន៧នេះ ត្រូវបានអគ្គនាយកដ្ឋានពន្ធដារប្រកាសហៅឱ្យមក ទូទាត់បំណុលរដ្ឋឱ្យបានមុនថ្ងៃទី១៧សីហា ឆ្នាំ២០២២។ នេះបើយោងតាមលិខិតរបស់អគ្គនាយកពន្ធដារ(GDT)។ ម្ចាស់ក្រុមហ៊ុនទាំង៧ ដែលត្រូវមកទូទាត់បំណុលនោះមានលោក LE VANDONG នាយកក្រុមហ៊ុន ខាញ វី ខនស្រា្តក់សិន ឯ.ក,លោក កែវ វណ្ណដេត នាយកក្រុមហ៊ុន មេន អ៊ែតវើថាយស៊ីង ឯ.ក, លោក WANG CANLONG នាយកក្រុមហ៊ុន ស៊ីន អ៊ីសៀង, លោក PENG JIAHUAN នាយកក្រុមហ៊ុន ជុន ហ៊ី ត្រេឌីង, លោក CHIU YUNG YU នាយកក្រុមហ៊ុន លានហី ហ្គ្រោ អ៊ិនវេសមេន និងលោក សាន ភន នាយកក្រុមហ៊ុន ជីនបៀន ហុងដា ប៊ិលឌីងមេធៀរៀល ឯ.ក។ អគ្គនាយកដ្ឋានពន្ធដារ ព្រមានថា ក្នុងករណីបើម្ចាស់ក្រុមហ៊ុនណាមួយ […]
ភ្នំពេញ៖ កម្ពុជាកំពុងសិក្សាលទ្ធភាពបង្កើតក្រុមហ៊ុនជាតិមួយ ដើម្បីគ្រប់គ្រងលើការបូមប្រេងនៅប្លុក A ខណៈរដ្ឋាភិបាលគ្រោងបន្ត ដំណើរការបូមប្រេងពីប្លុក A ឡើងវិញ ក្នុងពេលឆាប់ៗនេះ។ ថ្លែងក្នុងសន្និសីទសារព័ត៌មានស្តីពី «សមិទ្ធផលសម្រេចបានរយៈពេល៥ឆ្នាំ របស់ក្រសួងរ៉ែ និងថាមពល» នាពេលថ្មីៗនេះលោក ម៉េង ស័ក្តធារ៉ា រដ្ឋលេខាធិការ ក្រសួងរ៉ែ និងថាមពល បានឱ្យដឹងថា ការបង្កើតក្រុមហ៊ុនជាតិលើការគ្រប់គ្រងការបូមប្រេងនេះគឺរដ្ឋាភិបាលមិនចង់ពឹងផ្អែកលើការវិនិយោគរបស់ក្រុមហ៊ុនអន្តរជាតិទាំងស្រុងទៀតឡើយដោយបច្ចុប្បន្ននេះក្រសួងរ៉ែនិងថាមពលកំពុងពិភាក្សាជាមួយក្រសួងសេដ្ឋកិច្ច និងហិរញ្ញវត្ថុ ដើម្បីរៀបចំសមាសភាពទទួលខុសត្រូវកិច្ចការនេះ។ គម្រោងបង្កើតក្រុមហ៊ុនជាតិគ្រប់គ្រង លើការបូមប្រេងនេះ ធ្វើឡើងបន្ទាប់ពីវិស័យបូមប្រេងនៅកម្ពុជាជួបបញ្ហាស្មុគស្មាញ ក្រោយការវិនិ យោគរបស់ក្រុមហ៊ុន KrisEnergy បានក្ស័យធន និងបានបញ្ចប់កិច្ចព្រមព្រៀងជាមួយក្រុមហ៊ុននេះ។ លោកបញ្ជាក់ថា បច្ចុប្បន្ននេះ ក្រសួងរ៉ែ និងថាមពល កំពុងសិក្សាជាមួយក្រុមហ៊ុន EnerCam Resources Corp (Cambodia) របស់ប្រទេសកាណាដាដើម្បីចាប់ផ្តើមដំណើរការមូបឡើងវិញ ដោយប្រើឧបករណ៍ដែលមានស្រាប់ ដែលបានបង្កកពីក្រុមហ៊ុន KrisEnergy។ លោកម៉េង ស័ក្តធារ៉ា បានគូសបញ្ជាក់បន្ថែមថាប្លុក A មានសក្តានុពលធំណាស់ដោយសារតែធនធានប្រេងនៅតំបន់នេះត្រូវបានបញ្ជាក់រួចហើយថា មានលក្ខណៈពាណិជ្ជកម្ម និងបានចំណាយទុនវិនិយោគអស់ប្រមាណ២០០លានដុល្លារ និងពេលវេលាសិក្សាអស់ជាច្រើនឆ្នាំ។ ប្រសិនបើក្រុមហ៊ុនថ្មី មកវិនិយោគលើការបូមប្រេងបន្ត នឹងមិនចំណាយ២០០លានដុល្លារ […]
ស្ទឹងត្រែង ៖ ប្រទេសកម្ពុជារហូតមកដល់ពេលនេះគឺនៅមិនទាន់អាចមានលទ្ធភាពផលិតនាត្រីចេញទៅក្រៅប្រទេសបាននៅឡើយ។បញ្ហាផលិតត្រីនៅកម្ពុជាសម្រាប់ការនាំចេញគឺមានកម្រិត។ លោក វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទបានលើកឡើងដូច្នេះនៅក្នុងកម្មវិធីសម្ពោធដាក់ឱ្យដំណើរការជាផ្លូវការនូវមជ្ឈមណ្ឌលស្រាវជ្រាវនិងផលិតពូជវារីសត្វមេគង្គលើក្នុងខេត្តស្ទឹងត្រែងកាលពីថ្ងៃទី១០ ខែសីហា ឆ្នាំ២០២២។ លោករដ្ឋមន្ត្រីកសិកម្មបានលើកឡើងទៀតថា«យើងមិនអាចដឹកត្រីស្រស់ទៅកាន់ប្រទេសណាមួយនៃអន្តរជាតិបានទេ។ប្រទេសដែលជាអន្តរជាតិគេមិនអាចទទួលយកបាន លើកលែងតែករណីពិសេសបំផុតប៉ុណ្ណោះ។បច្ចុប្បន្នការធ្វើចរាចរត្រីសាច់នៅលើពិភពលោកគឺត្រូវការសាច់សុទ្ធពន្លះបង្កកវេចខ្ចប់ឱ្យបានល្អត្រឹមត្រូវប្រកបដោយគុណភាពខ្ពស់ហើយធ្វើការដឹកជញ្ជូនតាមទូត្រជាក់ដូចជាទូកុងតឺណឺបំពាក់ដោយស្វ័យប្រវត្តិនូវម៉ាស៊ីនត្រជាក់ដើម្បីរក្សាសាច់ត្រីឱ្យវាកកតាមស្តង់ដារនាំចេញ»។ លោករដ្ឋមន្ត្រីក្រសួងកសិកម្មបានបញ្ជាក់ថានេះគឺជាបញ្ហាប្រឈមដែលយើងមិនទាន់អាចធ្វើបាន។លោកបាននិយាយទៀតថាកាលពីប៉ុន្មានថ្ងៃមុនជំនួបរវាងសម្ដេចតេជោបានធ្វើជាគណៈអធិបតីនៅក្នុងពិធីចុះហត្ថលេខាជាមួយរដ្ឋមន្ត្រីក្រសួងការបរទេសជប៉ុនបាននិយាយពីចំណុចដឹកជញ្ជូននេះផងដែរ។ លោករដ្ឋមន្ត្រីក្រសួងកសិកម្មបាននិយាយថាយើងត្រូវមានការទទួលយកឲ្យបានដើម្បីធ្វើកំពង់ផែទឹកជ្រៅនៅក្នុងខេត្តព្រះសីហនុ។ដោយសារសព្វថ្ងៃយើងអនុញ្ញាតឱ្យតែកប៉ាល់តូចៗមកទទួលយកទំនិញពីកម្ពុជាតែប៉ុណ្ណោះ។មិនអាចមានកប៉ាល់ណាដែលមានចំណុះ១.២០០០តោនចូលចតនៅកំពង់ផែខេត្តព្រះសីហនុដើម្បីដឹកទំនិញបានទេ។យើងមិនអាចដឹកជញ្ជូនឆ្លងកាត់មហាសាគរធំធេងបានទេ។សព្វថ្ងៃយើងត្រូវដឹកជញ្ជូនតាមកប៉ាល់តូចៗទៅប្រទេសសាំងហ្គាពួឬវៀតណាមនិងប្រទេសថៃដើម្បីផ្ទេរដាក់កប៉ាល់ធំ។ចំណុចមួយទៀតគឺខ្វះថវិកាក្នុងការប្រកួតប្រជែង។ លោករដ្ឋមន្ត្រីបានបន្ថែមទៀតថាបញ្ហាប្រឈមសំខាន់បំផុតផងនោះគឺតម្លៃភ្លើងក្នុងការបង្កកសាច់ត្រីការដឹកជញ្ជូន។ហេតុដូច្នេះហើយបានជាយើងពង្រីកឲ្យវាលើសពី១០០% គឺមិនអាចទៅរួចទេ៕ដោយ៖សុខុម
ភ្នំពេញ៖ការប្រែប្រួលអាកាសធាតុនៅតែជាបញ្ហាប្រឈមដ៏ធំបំផុតមួយនាពេលបច្ចុប្បន្ននេះ។ ផលប៉ះពាល់របស់វាកំពុងត្រូវបានទទួលដោយមនុស្សនិងធម្មជាតិនៅទូទាំងពិភពលោក ដោយប្រទេសកំពុងអភិវឌ្ឍន៍ត្រូវបានរងផលប៉ះពាល់ខ្លាំងជាងគេ។ មូលនិធិហូឡង់សម្រាប់អាកាសធាតុ និងការអភិវឌ្ឍន៍ (DFCD) អនុញ្ញាតឱ្យមានការវិនិយោគពីវិស័យ ឯកជននៅក្នុងគម្រោងនានាក្នុងគោលបំណង បន្ធូរបន្ថយ និងបន្សំទៅនឹងការប្រែប្រួលអាកាសធាតុ នៅក្នុងប្រទេសកំពុងអភិវឌ្ឍន៍។ ក្រសួងការបរទេសហូឡង់ បានផ្តល់ប្រាក់ ចំនួន១៦០លានអឺរ៉ូ ដើម្បីបង្កើនភាពធន់នៃសហគមន៍ និងប្រព័ន្ធអេកូឡូស៊ីដែលងាយរងគ្រោះបំផុតពីការប្រែប្រួលអាកាសធាតុ។ មូលនិធិ DFCO ត្រូវបានគ្រប់គ្រងដោយ សម្ព័ន្ធអ្នកត្រួសត្រាយនៃអ្នកគ្រប់គ្រងមូលនិធិអាកាសធាតុ (CEM) មូលនិធិពិភពលោកសម្រាប់ធម្មជាតិប្រចាំប្រទេសហូឡង់ (WWF-NL) និងអង្គការអភិវឌ្ឍន៍ហូឡង់ (SNV) ដែលមូលនិធិដឹកនាំដោយធនាគារអភិវឌ្ឍន៍សហគ្រិនហូឡង់ (FMO) ។ សម្ព័ន្ធមូលនិធិ DFCD មានគោលបំណងធ្វើជាគំរូឈានមុខគេសម្រាប់ភាពជាដៃគូក្នុងស្ថាប័ន ដើម្បីទាក់ទាញ និងដាក់ពង្រាយមូលធនសាធារណៈនិងឯកជននៅក្នុង គម្រោងដែលត្រូវបានរចនាឡើងយ៉ាងល្អ និងមានឥទ្ធិពលវិជ្ជមានសម្រាប់អាកាសធាតុ។ សម្ព័ន្ធនេះភ្ជាប់អ្នក ជំនាញអភិវឌ្ឍន៍គម្រោងរយៈពេលយូរអង្វែងរបស់អង្កការ SNV និង WWF-NL ទៅនឹងការបង្កើនដើមទុន និងសមត្ថភាពវិនិយោគរបស់ FMO និង CFM ។ ការវិនិយោគនេះនឹងអនុញ្ញាតឱ្យគម្រោងបញ្ចប់ការសិក្សាពីគំនិតទៅការអនុវត្ត ពេញលេញដោយប្រើប្រាស់ការផ្តល់ហិរញ្ញប្បទានពេញលេញក្នុងវត្តអាជីវកម្ម។ មូលនិធិ DFCD ផ្តល់ហិរញ្ញប្បទាននិងជំនួយបច្ចេកទេសដល់គម្រោងដោយផ្តោតលើការបន្សំាំនឹងការប្រែប្រួលអាកាសធាតុ ដើម្បីប្រមូលមូលនិធិពីវិស័យឯកជនខាងក្រៅតាមទំហំនៃការវិនិយោគអាជីវកម្ម។ ទាក់ទងនឹងគម្រោងនេះ រដ្ឋ និងវិស័យឯកជន […]
ភ្នំពេញ៖ អគ្គនាយកដ្ឋានពន្ធដារនៅថ្ងៃទី៨ខែសីហាឆ្នាំ២០២២បានទទួលការបន្តសុពលភាពវិញ្ញាបនបត្របញ្ជាក់អំពី«ការទទួល ស្គាល់ បន្តកម្រិត ISO លើប្រព័ន្ធគ្រប់គ្រងសុវត្ថិភាពបច្ចេកវិទ្យាព័ត៌មាន» ពីស្ថាប័នវាយតម្លៃស្តង់ដារសហគ្រាស (BSI) ប្រចាំចក្រភពអង់គ្លេស។ នេះបើតាមសេចក្តីប្រកាសព័ត៌មានរបស់អគ្គនាយកដ្ឋានពន្ធដារកាលពីថ្ងៃទី៩ខែសីហា។ ស្ថាប័នអន្តរជាតិមួយនេះ បានពិនិត្យ និងវាយតម្លៃលើប្រព័ន្ធគ្រប់គ្រងសុវត្ថិភាពបច្ចេកវិទ្យាព័ត៌មាន របស់អគ្គនាយកដ្ឋានពន្ធដារជាប់ជាប្រចាំ ដោយមានវិសាលភាពគ្របដណ្ដប់ទាំង លើមជ្ឈមណ្ឌលគ្រប់គ្រងទិន្នន័យ Data Center និងហេដ្ឋារចនាសម្ព័ន្ធរួមផ្សំនានា ដែលអគ្គនាយកដ្ឋានពន្ធដារបាននិងកំពុងអភិវឌ្ឍ ព្រមទាំងប្រើប្រាស់ក្នុងការបំពេញការងារគ្រប់គ្រង និងប្រមូលចំណូលពន្ធនាពេលបច្ចុប្បន្ន។ អគ្គនាយកដ្ឋានពន្ធដារ ទទួលបានវិញ្ញាបនបត្រជាផ្លូវការលើស្តង់ដារ ISO/IEC 27001:2013 ស្តីពីប្រព័ន្ធគ្រប់គ្រងសន្តិសុខព័ត៌មានវិទ្យា លើកដំបូង នាឆ្នាំ២០១៦ ដែលមានសុពលភាពរយៈពេល៣ឆ្នាំ ដោយតម្រូវឱ្យមានការធ្វើសវនកម្ម តាមដានលើការអនុវត្តការងារស្តង់ដារជាប្រចាំឆ្នាំ។ជាលទ្ធផលបន្តបន្ទាប់ អគ្គនាយកដ្ឋានពន្ធដារ បន្តអនុលោមភាពដោយទទួលបានវិញ្ញាបនបត្រលើស្តង់ដារជា លើកទី២ នាឆ្នាំ២០១៩។ តាមរយៈកិច្ចខិតខំប្រឹងប្រែងឥតឈប់ឈរ អគ្គនាយកដ្ឋានពន្ធដារ ក៏បន្តទទួលបានវិញ្ញាបនបត្រ ស្តីពីប្រព័ន្ធគ្រប់គ្រងសន្តិសុខព័ត៌មានវិទ្យាជា លើកទី៣ សម្រាប់សុពលភាពឆ្នាំ ២០២២ ដល់ឆ្នាំ ២០២៥ ពីស្ថាប័នវាយតម្លៃស្តង់ដារសហគ្រាស (BSI) ប្រចាំចក្រភពអង់គ្លេស៕ដោយៈសិរីមតី
ភ្នំពេញ៖ ស្ថានភាពភ្ញៀវទេសចរផ្ទៃក្នុងប្រចាំសប្តាហ៍ ថ្ងៃទី៦-៧ ខែសីហា ឆ្នាំ២០២២ មានចំនួនសរុប២៤៦,១៩៥នាក់ ក្នុងនោះភ្ញៀវជាតិ២២៤,៩៩៣នាក់ និងភ្ញៀវបរទេសផ្ទៃក្នុង២១,២០២នាក់។តួលេខនេះ មានការកើនឡើងប្រមាណ១១.៤៣% ធៀបនឹងសប្តាហ៍កន្លងមក។ ប្រភពក្រសួងទេសចរណ៍បានឱ្យដឹងថា៖សប្តាហ៍កន្លងមកគឺជាសប្តាហ៍ដ៏មមាញឹកមួយដែលកម្ពុជាបានធ្វើជាម្ចាស់ផ្ទះដោយជោគជ័យកិច្ចប្រជុំរដ្ឋមន្ត្រីការបរទេសអាស៊ាន អាស៊ានបូក និងដៃគូអាស៊ាន។ នាឱកាសនោះ រដ្ឋមន្ត្រីការបរទេសអាស៊ានមួយចំនួន និងភរិយារដ្ឋមន្ត្រីការបរទេសអាសាន អាស៊ានបូក និងដៃគូបានឆ្លៀតឱកាសធ្វើទស្សនកិច្ចនៅតំបន់មួយចំនួន ពិសេសតំបន់សៀមរាប-អង្គរ។ ទន្ទឹមនឹងនេះ នាសប្តាហ៍កន្លងមក នៅខេត្តសៀមរាបមានការរៀបចំព្រឹត្តិការណ៍ទេសចរណ៍សំខាន់ៗមួយចំនួន ដែលរៀបចំដោយក្រសួងទេសចរណ៍ គណៈកម្មាធិការជាតិអូឡាំពិកកម្ពុជា សហការជាមួយរដ្ឋបាលខេត្ត និងសមត្ថកិច្ចពាក់ព័ន្ធ រួមមាន ទី១. ទិវារត់ប្រណាំងម៉ារ៉ាតុងអន្ដរជាតិចក្រភពខ្មែរលើកទី៧ នៅមុខប្រាសាទអង្គរវត្ត កាលពីថ្ងៃទី៧ ខែសីហា ឆ្នាំ២០២២ ដែលមានអ្នកចូលរួមប្រមាណ២,១០០នាក់ ក្នុងនោះមានបរទេសមកពីក្រៅស្រុកជិត១០០នាក់ និងបរទេសក្នុងស្រុកប្រមាណ៣០០នាក់។ ទី២. ព្រឹត្តិការណ៍កីឡាទេសចរណ៍បាល់ទាត់វ័យចំណាស់មេគង្គ (កម្ពុជា ថៃ ឡាវ និងវៀតណាម) រយៈពេល៤ថ្ងៃ និងទី៣. ការប្រកួតវាយកូនហ្គោល Angkor Four Ball Championship រៀបចំឡើងដោយ Angkor Resort Golf Club។ សម្រាប់ចុងសប្តាហ៍នេះ […]
សៀមរាប៖កសិដ្ឋានបង្កាត់ពូជជ្រូកមួយត្រូវបានគេបង្កើតឡើងដើម្បីធ្វើការបន្តពូជជ្រូកក្នុងស្រុកចំនួនពីរប្រភេទកំពុងមានឈ្មោះបោះសម្លេងគឺពូជជ្រូករបស់ជនជាតិដើមភាគតិចរស់នៅ ខេត្តមណ្ឌលគិរី និងប្រភេទពូជជ្រូកលើខ្នងភ្នំគូលែន ក្នុងភូមិសាស្តខេត្តសៀមរាប។ ជ្រូកទាំងពីរប្រភេទដែលកំពុងមានឈ្មោះបោះសម្លេងនិងមានតម្លៃលើទីផ្សារខ្ពស់នេះត្រូវបានគេបង្កាត់នៅកសិដ្ឋានមួយ ដែលមានឈ្មោះថាកសិដ្ឋា« ចិញ្ចឹសត្វ និង កសិកម្មអភិរក្ស» ស្ថិត នៅ ឃុំ ឃុនរាម ស្រុកបន្ទាយស្រី ខេត្តសៀមរាប។ជ្រូកពូជដ៏ពិសេសទាំងពីរប្រភេទនេះ ត្រូវបានបង្កើតឡើងដោយក្រសួងបរិស្ថាន។ជ្រូកទាំងពីរ ប្រភេទនេះគឺជាជ្រូកកូនកាត់ស្រុកនិងជ្រូកព្រៃ មាឌតូច តែមានឱជារសឆ្ងាញ់ពិសារ និងមានទីផ្សារខ្ពស់។ ឯកឧត្តម នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថានដែលបានដឹកនាំគណៈប្រតិភូចុះទស្សនកិច្ចទីកន្លែងកសិដ្ឋានចិញ្ចឹមជ្រូកមួយនេះកាលពីថ្ងៃទី ០៧ ខែ សីហា ឆ្នាំ ២០២២បានឱ្យដឹងថាពូជជ្រូកទាំងនេះ មានរសជាតិឆ្ងាញ់ពិសារ ។វាជាប្រភេទជ្រូកកាត់ជ្រូកព្រៃនិងជ្រូកស្រុក និងមានសារធាតុជាជ្រូកព្រៃប្រមាណ៦០ទៅ៧០ភាគរយដែលពលរដ្ឋនៅតាមតំបន់ធម្មជាតិនានាបានចិញ្ចឹម និងព្រលែងឱ្យរកស៊ីតាមធម្មជាតិក្នុងព្រៃ។ ទោះវារស់នៅក្នុងព្រៃក៏ពិតមែន តែជាមួយការបន្ស៊ាំ ជ្រូកខ្លះស៊ាំងនឹងមនុស្ស។ ដោយឡែក លោក លាង សេង ទីប្រឹក្សាអមក្រសួងបរិស្ថាន និងជាអ្នកគ្រប់គ្រងកសិដ្ឋានចិញ្ចឹមជ្រូកកន្លែងនេះបានឱ្យដឹងថា ការបង្កើតកសិដ្ឋានក្នុងការបង្កាត់ពូជជ្រូកនេះឡើងទើបតែបានជិត៤ខែមកនេះដោយបានធ្វើការជ្រើសរើសពូជជ្រូកមកពីតំបន់ ពូជជ្រូកភ្នំគូលែនឬហៅថាជ្រូកកណ្តុរនិង ពូជជ្រូកឦសាន ដែលជាពូជជ្រូកជនជាតិដើមភាគតិចរស់នៅខេត្តមណ្ឌលគិរី ដើម្បីធ្វើការបន្តពូជ មុនធ្វើការចែកចាយដល់សហគមន៍ដទៃទៀតទុកចិញ្ចឹមសម្រាប់លើកស្ទួយជីវភាពគ្រួសារ។ លោកបានលើកឡើងថា”បច្ចុប្បន្នពូជជ្រូកក្នុងកសិដ្ខាននេះមានដូចជាពូជជ្រូកព្រៃសុទ្ធ ពូជជ្រូកគូលែនដែលយើងយកពីលើខ្នងភ្នំគូលែន និងពូជជ្រូកឦសានដោយយើងយកមកបង្កាត់ នៅពេលបានកូនមកយើងនឹងបញ្ចេញចែកចាយទៅតាមសហគមន៍។សម្រាប់ការដាក់បង្កាត់ដំបូងនេះមានចំនួន១០០ក្បាល ដោយក្នុងនេះមានញីចំនួន ៩០ក្បាល […]
ភ្នំពេញ៖ ផ្លែស្វាយកែវរមៀត មកដល់ពេលនេះគឺមានតម្លៃហក់ឡើងខ្ពស់ ជាក់ស្តែងគឺគ្រាន់តែស្វាយសម្រាប់ទិញយកកែច្នៃនៅតាមរោងចក្រ ក្នុងមួយគីឡូក្រាមតម្លៃ១៥០០រៀល និងស្វាយសម្រាប់វេចខ្ចប់តម្លៃ៣៧០០រៀល។ ការឡើងថ្លៃខ្ពស់នេះគឺនៅចំពេលដែល កសិករមួយចំនួនបាននាំគ្នាកាប់ដើមស្វាយកែវរមៀតចោលនិងមួយចំនួនទៀតបានបោះបង់ការថែទាំដោយសារតែរយ:ពេល៣ឆ្នាំកន្លងមកនេះ បានជួបវិបត្តិជាសកលគឺកូវីដ-១៩, បញ្ហាអាកាសធាតុ និងវិបត្តិអ៊ុយក្រែន មិនអាចនាំចេញបានធ្វើឲ្យកសិករខាតបង់យ៉ាងធ្ងន់ធ្ងរមិនអាចនឹងអត់ធ្មត់បានតទៅទៀត។ ជាមួយនោះកន្លងមកគេក៏ឃើញក្រសួងកសិកម្មបានខិតខំជួយយ៉ាងសស្រាក់សស្រាំដែរដល់កសិករបើទោះជាជួបការលំបាក់ក្នុងការនាំចេញយ៉ាងណាក៏ដោយ។ លោកអូន ស៊ីឡុត ប្រធានសមាគមស្វាយចន្ទីកម្ពុជាហៅកាត់ថា៖ (សសក)បានជំរុញនិងលើកទឹកចិត្តដល់ប្រជាកសិករឲ្យខំអត់ធ្មត់ព្រោះខ្សែកោងសេដ្ឋកិច្ចគឺវាមានឡើងមានចុះ។ដូច្នេះ ត្រូវដាំនិងបន្តថែទាំស្វាយកែវរមៀតដែលមានស្រាប់ ព្រោះស្វាយកែវរមៀតមានទីផ្សារល្អឡើងវិញហើយនៅពេលបច្ចុប្បន្ននិងពេលខាងមុខ។ម្យ៉ាងវិញទៀតដោយសារចិនបើកប្រទេសនិងគោលនយោបាយកូវីដសូន្យរបស់ចិន។ លោកប្រធានសមាគមបានឲ្យដឹងថា៖ ក្រោមការសម្របសម្រួលពី(សសក) មានក្រុមហ៊ុនចិនពីរដែលមានរោងចក្រនៅខេត្តកំពង់ស្ពឺគឺ Zhongbao Food Science & Tecnologies Co., Ltd និងក្រុមហ៊ុនចិនដ៏ធំមួយទៀតបានមកសិក្សាលើការបើករោងចក្រនៅខេត្តកំពង់ធំគឺ Yanjinpuzi Co., Ltd ដើម្បីរៀបចំទិញស្វាយពីកសិករនារដូវកាលថ្មី។ដោយឡែក (សសក) បានសម្របសម្រួលដោយឥតគិតថ្លៃឱ្យក្រុមហ៊ុនកម្ពុជាមួយគឺ Misota Food Co., Ltd នៅខេត្តបាត់ដំបង និងក្រុមហ៊ុនពីរនាំចេញទៅវៀតណាមគឺ ក្រុមហ៊ុន ខេ ឌី គ្រួសារសុខសាន្ត និងថៃ ។ សំខាន់ជាងនេះ បើស្វាយកែវរមៀតលក់ឲ្យរោងចក្រមានតម្លៃដល់ទៅ១៥០០រៀលនាពេលបច្ចុប្បន្ន ហើយនោះគឺល្អជាងដំឡូងមីឆ្ងាយណាស់។ ដ្បិតស្វាយមួយហិកតាទិន្នផលអាចទទួលបានក្នុងចន្លោះពី ២០តោនទៅ៤០តោន។ ចំណែកដំឡូងមីទិន្នផលប្រហាក់ប្រហែលស្វាយដែរ ប៉ុន្តែតម្លៃត្រឹមតែ៥០០រៀលប៉ុណ្ណោះ។ […]
ភ្នំពេញ៖កម្ពុជានិងចិនបានចុះកិច្ចព្រមព្រៀងនាំចេញផលិតផលសំបុកត្រចៀកកាំទៅចិននិងការបង្កើតរោងចក្រកែច្នៃទឹកមាត់ត្រចៀកកាំនៅកម្ពុជានៅពេលឆាប់ៗខាងមុខនេះ។ អនុស្សរណៈយោគយល់គ្នា(MOU)ស្តីពី”ការនាំចេញផលិតផលសំបុកត្រចៀកកាំទៅកាន់សាធារណរដ្ឋប្រជាមានិតចិន” រវាងក្រសួងកសិកម្ម រុក្ខាប្រមាញ់និងនេសាទនិងមជ្ឈមណ្ឌល Cambodia (Xiamen) Commercial Center បានត្រូវចុះហត្ថលេខាកាលពីរសៀលថ្ងៃទី៨ខែសីហានៅទីស្តីការក្រសួងកសិកម្មរុក្ខាប្រមាញ់និងនេសាទ ។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទព្រមជាមួយឯកឧត្តមរដ្ឋលេខាធិការ អនុរដ្ឋលេខាធិការ និងមន្ត្រីជំនាញមួយចំនួនទៀតក៏បានអញ្ជើញចូលរួមជាសាក្សីផងដែរ។ ឯកឧត្តមរដ្ឋមន្ដ្រី បានថ្លែងអំណរគុណជូនចំពោះលោកនាយកមជ្ឈមណ្ឌល Cambodia (Xiamen) Commercial Center ចំពោះកិច្ចខិតខំប្រឹងប្រែង សហ ការជាមួយអគ្គនាយកដ្ឋានកសិកម្មក្នុងការជំរុញ លើកទឹកចិត្តនិងគាំទ្រផលិតផលកសិកម្មថ្មីមួយទៀតគឺការបើកទីផ្សារទឹកមាត់ត្រចៀកកាំកម្ពុជាឲ្យនាំចេញទៅកាន់ទីផ្សារចិននាពេលអនាគតដ៏ខ្លី។ ឯកឧត្តម បានវាយតម្លៃខ្ពស់លើលទ្ធផលនៃការខិតខំប្រឹង ប្រែងរបស់ភាគីទាំងពីរ ដែលឈានមកដល់ការចុះហត្ថលេខាលើឯកសារ MOU នាពេលនេះ។ ឯកឧត្តមបានលើកឡើងថា៖ទឹកមាត់ត្រចៀកកម្មកម្ពុជាកន្លងមក ផលិតសម្រាប់ផ្គត់ផ្គង់ឲ្យទីផ្សារក្នុងស្រុក និង មានការនាំចេញក្នុងបរិមាណតិចតូចនិងក្រៅផ្លូវការ។ MOUនេះនឹងជួយបើកទីផ្សារចិនដែលជាទីផ្សារធំជាងគេឲ្យទទួលយកផលិតផលមួយនេះជាផ្លូវការ ធានាបាននូវស្តង់ដាផលិត គុណភាពផលិតផលនិងសុវត្ថិភាពសម្រាប់សុខភាពសាធារណ:ឆ្លើយតបតាមលក្ខខណ្ឌតម្រូវភូតគាមអនាម័យនៃអគ្គនាយកដ្ឋានគយចិន។ ឯកឧត្តមបញ្ជាក់បន្ថែមថាផលិតកម្មទឹកមាត់ត្រចៀកកាំ (ការចិញ្ចឹម) ការប្រមូលផល ការកែច្នៃ ក៏នឹងត្រូវបានលើកកម្ពស់ ឆ្លើយតបបានតាមសេចក្តីត្រូវការទីសារចិន តាមរយ:ការលើកកម្ពស់គុណភាពផលិតនិងកែច្នៃស្រមតាមមតិរបស់លោកប្រធានមជ្ឈមណ្ឌលបានលើកឡើងថាមជ្ឈមណ្ឌលនឹងបង្កើតរោងចក្រកែច្នៃទឹកមាត់ត្រចៀកកាំនៅកម្ពុជានាពេលអានគតដ៏ខ្លី។ ឯកឧត្តមរដ្ឋមន្ដ្រីបានសាទរ និងបង្ហាញឆន្ទ:គាំទ្រលើដំណើរការនៃការអនុវត្តខ្លឹមសារ MOU របស់ភាគីទាំងពីរ រួមជាមួយភាគីពាក់ព័ន្ធក្នុងនោះក៏មានអ្នកចិញ្ចឹមផងដែរ។ យោងលើរបាយការណ៍របស់អគ្គនាយកដ្ឋានកិសកម្ម បានឲ្យដឹងថាតាមស្ថិតិរបស់រដ្ឋបាលព្រៃឈើក្នុងឆ្នាំ២០២០ នៅទូទាំងប្រទេសមានផ្ទះត្រចៀកកាំចំនួន៨៧២ផ្ទះ […]
រដ្ឋាភិបាលឥណ្ឌា រំពឹងថានឹងមានពាណិជ្ជកម្មទ្វេភាគីតម្លៃ ៨ទៅ៩ ពាន់លានដុល្លារជាមួយរុស្ស៊ី និងស្រីលង្កា ក្នុងរយៈពេល២ខែខាងមុខទៀត។ នេះបើយោងតាមការបញ្ជាក់របស់រដ្ឋលេខាធិការពាណិជ្ជកម្មនៃរដ្ឋាភិបាលឥណ្ឌាកាលពីសប្តាហ៍មុន។ យោងតាមការចេញផ្សាយដោយរ៉យទ័រ ការបញ្ជាក់នេះត្រូវបានប្រកាសដោយលោក B.V. R. Subrahmanyam រដ្ឋលេខាធិការពាណិជ្ជកម្មឥណ្ឌា។ លោកបានមានប្រសាសន៍ថា“ខ្ញុំកំពុងមើលឃើញក្នុងរយៈពេលពីរខែខាងមុខទៀតពាណិជ្ជកម្មពី ៨ ទៅ ៩ ពាន់លានដុល្លារជាមួយរុស្ស៊ី និងស្រីលង្កានឹងត្រូវកើតឡើង”។ មូលហេតុដែលឥណ្ឌារំពឹងដូច្នេះក៏ដោយសារតែប្រទេសឥណ្ឌាបានរាយការណ៍ថាមានឱនភាពពាណិជ្ជកម្មចំនួន ៣១.០២ ពាន់លានដុល្លារនៅខែកក្កដា ដែលជាចំនួនខ្ពស់មួយកើនឡើងបីដងធៀបនឹងរយៈពេលដូចគ្នាកាលពីខែមិថុនា ពីព្រោះតែការធ្លាក់ចុះនៃការនាំចេញ មានត្រឹមតែការនាំចូល។ លោក Subrahmanyam បានបន្តថា រដ្ឋាភិបាលកំពុងធ្វើការលើកិច្ចព្រមព្រៀងពាណិជ្ជកម្មថ្មីដើម្បីជំរុញការនាំចេញ និងទូទាត់ភាពទន់ខ្សោយតម្រូវការនៅក្នុងទីផ្សារមួយចំនួនរបស់ខ្លួន។ យោងតាមទិន្នន័យពាណិជ្ជកម្មបឋមចុងក្រោយបំផុត ការនាំចូលរបស់ឥណ្ឌាពីប្រទេសរុស្ស៊ី ភាគច្រើនជាប្រេងឆៅបានកើនឡើងជិត ៥ ដងដល់ជាង ១៥ ពាន់លានដុល្លារគិតត្រឹមចុងខែកក្កដាធៀបនឹងឆ្នាំមុនចាប់តាំងពីថ្ងៃទី ២៤ ខែកុម្ភៈ នៅពេលដែលរុស្ស៊ីបានបើកការឈ្លានពានទៅលើអ៊ុយក្រែន។ យ៉ាងណាចំពោះតួលេខពាណិជ្ជកម្មចុងក្រោយបង្អស់រវាងឥណ្ឌា និងស្រីលង្កា មិនត្រូវបានរាយការណ៍ភ្លាមៗនោះទេ ប៉ុន្តែប្រទេសទាំងពីរក៏កំពុងស្ថិតក្នុងវិបត្តិធ្ងន់ធ្ងរដែរ៕ដោយៈសុខ តុលា ប្រភព៖ REUTERS វីដេអូ៖ https://www.youtube.com/watch?v=uegIylltwuI
ភ្នំពេញ៖ចាប់ពីខែមករា ដល់ខែកក្កដា កម្ពុជា រកចំណូលបានជាង៨០២លានដុល្លារ ពីការនាំចេញកាបូប និងផលិតផលធ្វើដំណើរ ទៅកាន់ទីផ្សារបរទេស។ នេះបើតាមការបញ្ជាក់ឲ្យដឹងពីលោក លឹម តុង ប្រធានសមាគមផលិតផលធ្វើដំណើរ និងស្បែក នៅកម្ពុជា។ ការបញ្ជាក់ឲ្យដឹងដូច្នេះក្នុងឱកាសដែលសមាគមផលិតផលធ្វើដំណើរនិងស្បែកនៅកម្ពុជាបានបើកសម្ពោធជាផ្លូវការក្នុងគោលបំណងជួយជំរុញ ដល់ការអភិវឌ្ឍវិស័យនេះឲ្យកាន់តែមានភាពរីកចម្រើនឡើងបន្តបន្ទាប់ទៀត។ លោក លឹម តុង បានបញ្ជាក់ថា «គិតត្រឹមឆមាសទី១ នៃដើមឆ្នាំ២០២២នេះ ទិន្នន័យនៃការនាំចេញកាបូប និងផលិតផលធ្វើដំណើរ ទៅកាន់ទីផ្សារបរទេស មានតម្លៃសរុប ៨០២.៦៥លានដុល្លារ មានកំណើន៥៩.៤៨% ធៀបនឹងឆ្នាំ២០២១»។លោកបានគូសបញ្ជាក់ថា ដោយសារតែកំណើន នៃការវិនិយោគលើវិស័យឧស្សាហកម្មផលិតផលធ្វើដំណើរ និងកាបូប កើនឡើងពីមួយឆ្នាំទៅមួយឆ្នាំ ទើបបានផ្តួចផ្តើមគំនិតរួមគ្នា បង្កើតសមាគមផលិតផលធ្វើដំណើរ និងស្បែកនៅកម្ពុជានេះឡើង៕ដោយៈសិរីមតី
កំពង់ស្ពឺ៖ គម្រោងទី៤របស់ក្រុមហ៊ុន Top Land Group បានបើកសម្ពោធជាផ្លូវការហើយកាលពីថ្ងៃទី៧ខែសីហាឆ្នាំ២០២២។គម្រោងអភិវឌ្ឍដីឡូតិ៍នេះមានទីតាំង ស្ថិតនៅតាមបណ្តោយផ្លូវ៤៤ ក្នុងភូមិ សប់ង៉ ឃុំខ្ទុំក្រាំង ស្រុកសំរោងទង ខេត្ត កំពង់ស្ពឺ។គម្រោងវិនិយោគលើផ្ទៃដីជាង១០ហិកតា ដែលរួមមានរមណីយដ្ឋាន(Resort) អាហារដ្ឋាន កន្លែងកម្សាន្ត គម្រោងផ្ទះវីឡា គម្រោងដីឡូតិ៍ ព្រមទាំងមានប្រព័ន្ធទឹក ភ្លើង និងផ្លូវ។ នៅក្នុងកម្មវិធីសម្ពោធគម្រោងទី៤នេះមានការអញ្ជើញជាកិត្តិយសពីលោកអភិបាលស្រុកសំរោងទង,អនុប្រធានសភាពាណិជ្ជកម្មខេត្ត កំពង់ស្ពឺ ព្រមទាំងថ្នាក់ដឹកនាំ សមាគមអ្នកអភិវឌ្ឍន៍ដីឡូតិ៍កម្ពុជានិងអគ្គនាយក ,ប្រធាន,ស្ថាបនិកនៃក្រុមហ៊ុនអចលនទ្រព្យជាច្រើនរូបបានចូលរួម។ លោក ជុន សេរី ប្រធានក្រុមប្រឹក្សាភិបាលនៃក្រុមហ៊ុនថប់លែនគ្រុបបានឲ្យដឹងថា៖ថ្ងៃទី៧ខែសីហាគឺជាថ្ងៃសម្ពោធបើកគម្រោងទី៤របស់ក្រុមហ៊ុនបន្ទាប់ពីមាន ការលក់អស់នូវគម្រោងទីមួយទី២និងទី៣ រួចមក។ក្រៅពីសម្ពោធគម្រោងទី៤ ក៏មានមានការសម្ពោធហាង កាហ្វេផងដែរនៅក្នុងតំបន់អភិវឌ្ឍន៍គម្រោងដីឡូតិ៍នេះ។ លោកបានឱ្យដឹងថា៖អតិថិជនបានចូលរួមយ៉ាងច្រើនកុះករហើយការលក់កំពុងមានសន្ទុះខ្លាំង។លោករំពឹងថានឹងមានអតិថិជនមកកក់និងទិញចន្លោះពី ១០០ ទៅ ២០០នាក់។ក្នុងថ្ងៃសម្ពោធនេះមានប្រម៉ូសិនច្រើនមែនទែន។បើអតិថិជនកក់ប្រាក់ប៉ុណ្ណានឹងមានការឌីសខោនប៉ុណ្ណឹង។បើកក់១០០ដុល្លារបញ្ចុះ ១០០ដុល្លារ បើកក់២០០ដុល្លារចុះតម្លៃឲ្យ២០០ដុល្លារហើយបើកក់១០០០ដុល្លារបញ្ចុះតម្លៃ១០០០ដុល្លារ។ការទិញដីឡូត៍នេះមានជម្រើសច្រើនដែលក្នុងនៅមានការបង់រំលស់គ្មានការប្រាក់ដែលជាជម្រសើល្អសម្រាប់អ្នកមានជីវភាពមធ្យម កម្មកររោងចក្រ អ្នកធ្វើការ។ទីតាំងគម្រោងទី៤ មានទំហំជាង១០ ហិកតាក្នុងចំណោមគម្រោងទាំងមូល ៤០ហិកតាហើយនិងកំពុងអភិវឌ្ឍជាបន្តបន្ទាប់ដែលក្នុងនោះមានរីសតហាងកាហ្វេអាហារដ្ឋានផ្ទះលំហែគម្រោងផ្ទះវីឡាព្រមទាំងមានកន្លែងកម្សាន្តកន្លែងជិះទូកកាយ៉ាកចំណែកដើមត្នោតដែលមាននៅក្នុងទីតាំងអភិវឌ្ឍនេះគឺមិនកាប់ចោលនោះទេដោយយើងនឹងធ្វើខ្ចូសកោះបេះដូងសម្រាប់កំសាន្តលំហែកាយ។លោកកំពុងព្យាយាម ទាក់ ទាញការវិនិយោគធ្វើជាតំបន់រោងចក្រដើម្បីឲ្យក្លាយទៅជាតំបន់សេដ្ឋកិច្ចទេសចរណ៍ ចំណែកហេដ្ឋារចនាសម្ព័ន្ធវិញមានប្រព័ន្ធភ្លើងប្រព័ន្ធទឹក។ ថ្លែងក្នុងពិធីបើកសម្ពោធគម្រោងទី៤ របស់ក្រុមហ៊ុនថប់លែន លោកស៊ឹម រតនៈ អភិបាលស្រុងសំរោងទងខេត្តកំពង់ស្ពឺបានមានប្រសាសន៍ថា៖ពីមុនតំបន់នេះ ជាតំបន់ដីព្រៃជាកន្លែងប្រទាញប្រទង់និងប្រយុទ្ធគ្នា។តែឥឡូវនេះមានការអភិវឌ្ឍគួរឲ្យភ្ញាក់ផ្អើលដោយសារមានសន្តិភាព។ពេលនេះមានសន្តិភាពហើយយើងត្រូវចេះរួបរួមគ្នាថែរក្សា។នៅទីនេះប្រជាពលរដ្ឋអាចមានជម្រើសទិញដីឡូត៍បានតាមរយៈការបង់រំលស់នេះគឺពិតជាល្អណាស់ព្រោះប្រជាពលរដ្ឋមិនមានលុយដុលតែគាត់មានការងារធ្វើ គាត់អាចបង់រំលោះដីបានដើម្បីយកទៅសាងសង់ផ្ទះ។នេះជាការល្អប្រសើរណាស់។ […]
កំពង់ស្ពឺ៖ក្រុមហ៊ុនអចលទ្រព្យដ៏ធំ ថ័បលែនគ្រុប ដែលមានការិយាល័យនៅបុរី ជារី សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ នឹងបើកលក់គម្រោងធំទី៤របស់ខ្លួន នៅខេត្ត កំពង់ស្ពឺ ថ្ងៃទី៧ ខែសីហា ឆ្នាំ២០២២ ជាមួយនឹងប្រ៉ូម៉ូសិនពិសេសដែលមិនធ្លាប់មានពីមុន មក។ គម្រោងទី៤របស់ក្រុមហ៊ុនថ័បលែនគ្រុប មានទីតាំងស្ថិតនៅតាមបណ្តោយផ្លូវ៤៤ឆ្ពោះទៅភ្នំឱរ៉ាល់ ក្នុងភូមិ សប់ង៉ ឃុំខ្ទុំក្រាំង ស្រុកសំរោងទង ខេត្ត កំពង់ស្ពឺ។ គម្រោងនេះវិនិយោគលើផ្ទៃដីជាង១០ហិកតា ដែលរួមមានរមណីយដ្ឋាន អាហារដ្ឋាន កន្លែងកម្សាន្ត គម្រោងផ្ទះវីឡា គម្រោងដីឡូតិ៍ ព្រមទាំងមានប្រព័ន្ធទឹក ភ្លើងលូផ្លូវបេតុងជាច្រើនផងដែរ ។ លោក ជុន សេរី អគ្គនាយកក្រុមហ៊ុនថ័បលែនគ្រុប បានប្រាប់អ្នកយកព័ត៌មាន Cambodia Flash News នៅលើទីតាំងគម្រោងផ្ទាល់កាលពីថ្ងៃទី២ខែសីហាថា៖ នៅថ្ងៃទី ៧ ខែសីហាឆ្នាំ ២០២២ខាងមុខនេះ ,ក្រុមហ៊ុនTop Land Group នឹងរៀបចំព្រឹត្តិការណ៍ដ៍អស្ចារ្យ បើកគម្រោងទី៤របស់ខ្លួន បន្ទាប់ពីគម្រោងទី១, ទី២ និងទី៣ បានទទួលជោគជ័យ ដោយមានអ្នកគាំទ្រយ៉ាងច្រើន។ […]
ភ្នំពេញៈ ធនាគារជាតិនៃកម្ពុជា (NBC) បានឱ្យដឹងថា ឧស្សាហកម្មធនាគាររបស់ប្រទេសកម្ពុជាទទួលបានកំណើនដ៏រឹងមាំទាំងប្រាក់កម្ចី និងប្រាក់បញ្ញើនៅក្នុងឆមាសទីមួយនៃឆ្នាំ២០២២។ យោងតាមរបាយការណ៍ចុងក្រោយរបស់ធនាគារជាតិកម្ពុជា បានឱ្យដឹងថា ប្រាក់កម្ចីឆ្នើម (Outstanding loans) បានកើនឡើង២៣,៤ភាគរយ ធៀបនឹងឆ្នាំមុនដល់៥១,៥ពាន់លានដុល្លារត្រឹមខែមិថុនាឆ្នាំនេះខណៈប្រាក់បញ្ញើរបស់អតិថិជនបានកើនឡើង១៦ភាគរយ ដល់៤២ពាន់លានដុល្លារ។ ប្រាក់កម្ចីនេះ ត្រូវបានផ្តល់ទៅឱ្យវិស័យសំខាន់ៗ ដូចជា វិស័យពាណិជ្ជកម្ម លំនៅឋាន សំណង់ កសិកម្ម សណ្ឋាគារ និងភោជនីយដ្ឋាន និងវិស័យកាម្មន្តសាល ធនាគារជាតិនៃកម្ពុជា បានឱ្យដឹងថា បច្ចុប្បន្នកម្ពុជាមានធនាគារពាណិជ្ជចំនួន៥៨ ធនាគារឯកទេសចំនួន៩ និងគ្រឹះស្ថានមីក្រូហិរញ្ញវត្ថុចំនួន៨៦ ដែលមានការិយាល័យកណ្តាល និងសាខាសរុបចំនួន ២.៦១៤ព្រមទាំងម៉ាស៊ីនអេធីអឹមចំនួន៣.៩៩៨គ្រឿងនៅទូទាំងប្រទេស។ធនាគារជាតិនៃកម្ពុជាបានបន្ថែមថា បច្ចុប្បន្នមានគណនីបញ្ញើចំនួន១៣,២លាន និងគណនីឥណទានចំនួន៣,៥លាន នៅធនាគារ និងគ្រឹះស្ថានមីក្រូហិរញ្ញវត្ថុរបស់ប្រទេសកម្ពុជា៕ដោយៈសិរីមតី
ភ្នំពេញ៖ឯកឧត្តម មាស សុខសេនសាន អគ្គលេខាធិការ និងជាអ្នកនាំពាក្យក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា៖ ផ្អែកតាមការវាយតម្លៃពាក់កណ្តាលឆ្នាំ ២០២២ សេដ្ឋកិច្ចកម្ពុជាត្រូវបានប៉ាន់ស្មានថានឹងមានកំណើន ៥,៤% គឺខ្ពស់ជាងការព្យាករក្នុងអត្រា ៤,៨%នៅពេលរៀបចំច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២ ក៏ប៉ុន្តែ ទាបជាងការព្យាករកាលពីដើមឆ្នាំដែលត្រូវបានប៉ាន់ស្មានថាមានកំណើនក្នុងអត្រា ៥,៦%។ នៅក្នុងក្នុងសន្និសីទសារព័ត៌មាន ស្តីពី “សមិទ្ធផលសម្រេចបាន រយៈពេល៥ឆ្នាំ ពីឆ្នាំ២០១៧-ឆ្នាំ២០២១ របស់ក្រសួងសេដ្ឋកិច្ច និងហិរញ្ញវត្ថុ” ឯកឧត្តម មាស សុខសេនសាន បានមានប្រសាសន៍ថា ដោយសារផលប៉ះពាល់ពីជំងឺកូវីដ-១៩ មិនទាន់ប្រសើរឡើងទាំងស្រុង ហើយសង្គ្រាមរវាងរុស្ស៊ី និងអ៊ុយក្រែន ក៏កំពុងបង្កើតឡើងនូវផលប៉ះពាល់បន្តបន្ទាប់ ជាពិសេសគឺបញ្ហាអតិផរណាលើថ្លៃប្រេង ស្បៀង និងម្ហូបអាហារ បានធ្វើឱ្យកំណើនសេដ្ឋកិច្ចកម្ពុជាសម្រាប់ពាក់កណ្ដាលឆ្នាំ២០២២នេះ នៅតែទាបជាងការព្យាករកាលពីដើមឆ្នាំដែលត្រូវបានប៉ាន់ស្មានថាមានកំណើនក្នុងអត្រា ៥,៦%។ ឯកឧត្តមបន្តថា ទោះជាយ៉ាងណា ផ្អែកតាមការវាយតម្លៃពាក់កណ្តាលឆ្នាំ២០២២សេដ្ឋកិច្ចកម្ពុជាត្រូវបានប៉ាន់ស្មានថានឹងមានកំណើន ៥,៤% គឺខ្ពស់ជាងការព្យាករក្នុងអត្រា ៤,៨ % នៅពេលរៀបចំច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២៕ដោយៈសិរីមតី
ភ្នំពេញ៖ រាជរដ្ឋាភិបាលកម្ពុជា កំពុងពន្លឿនរៀបចំសេចក្តីព្រាងអនុក្រឹត្យស្តីពី “ការបង្កើត និងគ្រប់គ្រងសួនវិទ្យាសាស្ត្រ បច្ចេកវិទ្យា និងនវានុវត្តន៍”ដើម្បីទាក់ទាញក្រុមហ៊ុនបច្ចេកវិទ្យាឱ្យមកវិនិយោគនិងគ្រោងបង្កើតឱ្យបានយ៉ាងតិច៣កន្លែង ត្រឹមឆ្នាំ២០២៥ នៅរាជធានីភ្នំពេញ ខេត្តកណ្តាល និងខេត្តព្រះសីហនុ។ លោក ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា ការបង្កើត និងគ្រប់គ្រងសួនវិទ្យាសាស្ត្រ បច្ចេកវិទ្យា និងនវានុវត្តន៍ នឹងចូលរួមចំណែកទាក់ទាញវិនិយោគិន ធុរជន និងបុគ្គលមានគំនិតបង្កើតថ្មី និងនវានុវត្តន៍ថ្មីៗ ដើម្បីចូលរួមបណ្តាក់ទុន និងសិក្សាស្រាវជ្រាវនៅកម្ពុជា។ លោកបានបន្តថា តាមរយៈការចូលមកវិនិយោគក្នុងសួននេះ ក្រុមហ៊ុនបច្ចេកវិទ្យាធំៗ ត្រូវបានរំពឹងថានឹងអាចផ្ទេរបច្ចេកវិទ្យា និងវិទ្យាសាស្ត្រក្នុងស្រុក។ កិច្ចប្រជុំកម្រិតបច្ចេកទេសអន្តរក្រសួង-ស្ថាប័ន សាកលវិទ្យាល័យ និងវិស័យឯកជន បានត្រូវធ្វើឡើងដើម្បីពិនិត្យ កែសម្រួលនិងផ្តល់ធាតុចូលលើសេចក្តីព្រាងអនុក្រឹត្យស្តីពី ការបង្កើត និងគ្រប់គ្រងសួនវិទ្យាសាស្ត្រ បច្ចេកវិទ្យា និងនវានុវត្តន៍។៕ដោយៈផាវី
ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជា បានចាត់វិធានការហាមឃាត់ការនាំចូលផលិតផលមីកញ្ចប់ និងការ៉េម ដែលសង្ស័យថាមានផ្ទុកសារធាតុអេទីឡែនអុកស៊ីត (Ethylene Oxide) ដែលអាចបង្កហានិភ័យផ្នែកសុខភាពដល់អ្នកប្រើប្រាស់។ អគ្គនាយកដ្ឋានគយ និងរដ្ឋាករកម្ពុជា បានឱ្យដឹងថា ថ្មីៗនេះ អាជ្ញាធរសុវត្ថិភាពម្ហូបអាហារ របស់ប្រទេសនៅសហគមន៍អឺរ៉ុបមួយចំនួនបានរកឃើញលើផលិតផលមីកញ្ចប់ និងការ៉េមមួយចំនួន មានផ្ទុកសំណល់ សារធាតុអេទីឡែនអុកស៊ីត (Ethylene Oxide) ដែលសហភាពអឺរ៉ុប អាមេរិក និងអង្គការសុខភាពពិភពលោកចាត់ទុក ថាជាសារធាតុបង្កហានិភ័យជាជំងឺមហារីកចំពោះអ្នកប្រើប្រាស់។ ក្នុងន័យនេះដើម្បីចូលរួមការពារសុខភាពសាធារណៈ សុវត្ថិភាពម្ហូបអាហារនិងការពារសុខុមាលភាពអ្នកប្រើប្រាស់ អគ្គនាយកដ្ឋានគយ និងរដ្ឋាករកម្ពុជាបានធ្វើការណែនាំបណ្តោះអាសន្នមួយចំនួនគឺចាប់ពីថ្ងៃទី១ខែសីហា ឆ្នាំ២០២២ តទៅ រាល់ការនាំចូលទំនិញជាមីកញ្ចប់ម៉ាក “Lucky. Me!” ផលិតនៅ ប្រទេសថៃ, មីកញ្ចប់ម៉ាក “Háo Hão” ផលិតនៅប្រទេសវៀតណាម និងការ៉េមម៉ាក “Häagen-Dazs” (Vanilla) ផលិតនៅប្រទេសបារាំង ។ ដោយឡែក ចំពោះទំនិញដែលមកដល់ដែនគយមុនថ្ងៃទី១ ខែសីហាឆ្នាំ២០២២អ្នកនាំចូលត្រូវដកសំណាកទំនិញធ្វើការវិភាគសារធាតុ Ethylene Oxide នៅ អគ្គនាយកដ្ឋាន ការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំនៃក្រសួងពាណិជ្ជកម្ម មុនពេលអនុញ្ញាតឱ្យបញ្ចេញទំនិញពីគយ។ នាយកដ្ឋានសវនកម្មគយត្រូវធ្វើការតាមដាននិងវាយតម្លៃហានិភ័យលើផលិតផលទាំងនេះជាប្រចាំដើម្បីលើក វិធានការអនុវត្តឱ្យបានទាន់ពេលនិងមានប្រសិទ្ធភាព។មន្ត្រីគយនិងរដ្ឋាករមានសមត្ថកិច្ច […]