ភ្នំពេញៈ អគ្គនាយកដ្ឋានគយ និងរដ្ឋាករកម្ពុជា បានអំពាវនាវឲ្យម្ចាស់រថយន្តចង្កូតស្តាំគ្មានពន្ធ មានស្រាប់ក្នុងប្រទេសដែលបានមកចុះបញ្ជីរួចហើយ ត្រូវមកបំពេញកាតព្វកិច្ចពន្ធ និងអាករ ត្រឹមថ្ងៃទី៨ ខែតុលា ឆ្នាំ២០២២ ខាងមុខនេះ ដោយពុំមានការពន្យារពេលទៀតឡើយ។ ជាមួយគ្នានេះ អគ្គនាយកដ្ឋានគយ និងរដ្ឋាករកម្ពុជាក៏បានរំលឹកដល់ម្ចាស់រថយន្តចង្កូតស្តាំដែលបានចុះបញ្ជីរួចប៉ុន្តែនៅមិនទាន់បានមកបំពេញកាតព្វកិច្ចពន្ធនិងអាករ ឱ្យប្រញាប់រួសរាន់ចូលមកបង់ពន្ធនិងអាករនៅតាមបណ្តាអង្គភាពគយនិងរដ្ឋាករ រាជធានី-ខេត្ត ដែលសាមីខ្លួនបានចុះបញ្ជីរថយន្តរបស់ខ្លួន ឱ្យបានមុនការកំណត់ដូចបានជម្រាបជូនខាងលើ ជាកំហិត ដើម្បីចៀសផុតពីការបង្ក្រាបដោយមន្ត្រីគយនិងរដ្ឋាករមានសមត្ថកិច្ចតាមដងផ្លូវ ការដ្ឋាន អាជីវកម្មដ្ឋាន និងតាមទីកន្លែងសាធារណៈជាយថាហេតុ។ ក្រោយថ្ងៃទី៨ ខែតុលា ឆ្នាំ២០២២ រថយន្តចង្កូតស្ដាំបានចុះបញ្ជីរួចដែលពុំបានបំពេញកាតព្វកិច្ចពន្ធ និងអាករគឺជាមុខសញ្ញានៃការបង្ក្រាបរឹបអូស ដោះជាគ្រឿងបន្លាស់ ឬកំទេចចោលតាមច្បាប់ និងបទប្បញ្ញត្តិ ជាធរមាន ដោយពុំមានការអនុគ្រោះទៀតឡើយ៕ដោយៈសិរីមតី
ភ្នំពេញ៖កិច្ចសហប្រតិបត្តិការសាងសង់ផ្លូវល្បឿនលឿន តភ្ជាប់ពីភ្នំពេញទៅបាវិត ព្រំដែនកម្ពុជា និងវៀតណាម ត្រូវបានចុះហត្ថលេខាហើយ។ផ្លូវល្បឿនលឿននេះនឹងតភ្ជាប់ក្រុងបាវិតទៅកាន់ទីក្រុងហូជីមិញ និងផ្លូវអាស៊ានលេខ ១, ១១ និងផ្លូវលេខ ១២៣ តភ្ជាប់ពីកម្ពុជា ទៅថៃ ឡាវ និងវៀតណាម កំពុងត្រូវបានពង្រីកជាបួនគន្លង និងធ្វើឱ្យប្រសើរឡើង។ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ដូចនេះនៅក្នុងវេទិកាភាពជាអ្នកដឹកនាំនិង ភាពជាដៃគូសហប្រតិបត្តិការអាស៊ានក្រោមប្រធានបទ ៖ «ការលើកកម្ពស់ការតភ្ជាប់វិស័យដឹកជញ្ជូនអាស៊ានដើម្បីជំរុញវិស័យពាណិជ្ជកម្មនិងការ វិនិយោគក្នុងតំបន់»កាលពីពេលថ្មីៗនេះ។ គម្រោងផ្លូវល្បឿនលឿនភ្នំពេញ-បាវិត ជាខ្សែផ្លូវថ្មីទាំងស្រុង ដែលមានប្រវែងសរុបប្រហែល ១៣៥ គ.ម។ ផ្លូវនេះត្រូវសាងសង់ជា ០៤គន្លង តួផ្លូវមានទទឹង ២៥,៥ ម៉ែត្រ។ ខ្សែផ្លូវនេះ នឹងចេញពីភ្នំពេញនៅចំណុចផ្លូវខ្សែក្រវ៉ាត់ក្រុងទី៣ កាត់តាមខេត្តកណ្តាល ខេត្តព្រៃវែង និងខេត្តស្វាយរៀង ឆ្ពោះទៅក្រុងបាវិត ព្រំដែនកម្ពុជា-វៀតណាម។ ឯកឧត្តមទេសរដ្ឋមន្ត្រី បានឱ្យដឹងថាគម្រោងសាងសង់ផ្លូវល្បឿនលឿនភ្នំពេញ-បាវិត ជាគម្រោងមានសារៈសំខាន់ក្នុងការជំរុញកំណើនសេដ្ឋកិច្ច និងការដឹកជញ្ជូននៅកម្ពុជាឱ្យកាន់តែមានភាពរីកចម្រើនបន្ថែមទៀត៕ដោយៈសិរីមតី
ភ្នំពេញៈរាជរដ្ឋាភិបាលកម្ពុជា និងរាជរដ្ឋាភិបាលថៃ បានឯកភាពគ្នា ក្នុងការពន្លឿនដំឡើង និងបើកដំណើរការ ច្រកទ្វារព្រំដែនអន្ដរជាតិចំនួន៣បន្ថែមទៀតដើម្បីបង្កើនពាណិជ្ជកម្មនិងទេសចរណ៍។ ការឯកភាពគ្នានេះ ធ្វើឡើងក្នុងជំនួបប្រជុំតាមប្រព័ន្ធវីដេអូរបស់អភិបាលខេត្តជាប់ព្រំដែនកម្ពុជា-ថៃ នាពេលថ្មីៗនេះដែលភាគីកម្ពុជាដឹកនាំដោយសម្ដេចក្រឡាហោមស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងភាគីថៃ ដឹកនាំដោយនាយឧត្ដមសេនីយ៍ អនុភុង ផៅចិន្តា រដ្ឋមន្ត្រីក្រសួងមហាផ្ទៃថៃ។ ច្រកទ្វារព្រំដែនអន្ដរជាតិចំនួន៣ ដែលបានឯកភាពគ្នាក្នុងការពន្លឿនតម្លើងនិងបើកដំណើរការនោះរួមមាន ទី១ ច្រកទ្វារព្រំដែន អានសេះ (ខេត្តព្រះវិហារ)-អានម៉ា(ខេត្តឧប៊ុនថានី) ទី២ ច្រកទ្វារព្រំដែនថ្មដា (ខេត្តពោធិ៍សាត់)-បានថាសែន (ខេត្តត្រាត)និងទី៣ ច្រកទ្វារព្រំដែនជប់គគីរ (ខេត្តឧត្តរមានជ័យ)-សាយតាតូ (ខេត្តបុរីរ៉ាំ)។ បន្ថែមពីនេះ ភាគីទាំងពីរក៏បានលើកទឹកចិ ត្តឲ្យស្ថាប័នពាក់ព័ន្ធ សហការឲ្យបានជិតស្និទ្ធ ដើម្បីឈានទៅបើកដំណើរការ ច្រកទ្វារព្រំដែនអន្តរជាតិស្ទឹងបត់ (ខេត្តបន្ទាយមានជ័យ)-បានណងអៀន (ខេត្តស្រះកែវ) ឲ្យបានឆាប់តាមដែលអាចធ្វើទៅបាន។ ក្នុងនោះដែរ ភាគីកម្ពុជា-ថៃ ក៏បានយល់ព្រមពិនិត្យលទ្ធភាព ក្នុងការដំឡើងកម្រិតច្រកទ្វារព្រំដែនឆករកា (ខេត្តបាត់ដំបង)-បានម៉ាក់មួង (ខេត្តត្រាត) ទៅជាច្រកទ្វារព្រំដែនអន្តរជាតិ។ ជាងនេះទៅទៀត ភាគីទាំងពីរបានលើកទឹកចិត្តអាជ្ញាធរ ពាក់ព័ន្ធនៃប្រទេសទាំងពីរ ឲ្យធ្វើការវាស់វែងលម្អិតនៅភូមិព្រៃចាន់ ខេត្តបន្ទាយមានជ័យ និងភូមិណនម៉ាក់មួន ខេត្តស្រះកែវ ដើម្បីបង្កើតច្រកទ្វារតំបន់ព្រំដែនថ្មីមួយទៀតផងដែរ៕ដោយ៖សិរីមតី
សៀមរាប៖ រដ្ឋមន្ត្រីសេដ្ឋកិច្ចអាស៊ាន និងអង្គការកម្មសិទ្ធិបញ្ញាពិភពលោកនាថ្ងៃទី១៥ខែកញ្ញា បានធ្វើការពិភាក្សាពីការផ្តល់ជំនួយបច្ចេកទេសនិងការបន្តកិច្ចសហប្រតិបត្តិការ ដល់បណ្តាប្រទេសអាស៊ាន និងបញ្ហាមួយចំនួនពាក់ព័ន្ធនឹងការជួយលើកកម្ពស់សមត្ថភាព របស់សហគ្រាសធុនតូចនិងមធ្យមដើម្បីជំរុញឱ្យសហគ្រាសធុនតូចនិងមធ្យមប្រើប្រាស់កម្មសិទ្ធិបញ្ញា ជំរុញការធ្វើអាជីវកម្មឱ្យកាន់តែរីកចម្រើន។ ក្នុងកិច្ចប្រជុំរដ្ឋមន្ត្រីសេដ្ឋកិច្ចអាស៊ាន និងកិច្ចប្រជុំពាក់ព័ន្ធ លោក ប៉ែន សុវិជាតិ អនុរដ្ឋលេខាធិការក្រសួងពាណិជ្ជកម្ម បានថ្លែងក្នុងសន្និសីទសារព័ត៌មានថា ក្នុងកិច្ចពិភាក្សានេះ បានជំរុញនិងលើកទឹកចិត្តដល់ការប្រើប្រាស់កម្មសិទ្ធិបញ្ញាជាលក្ខណៈពាណិជ្ជកម្មឱ្យបានពេញលេញ ដែលជំរុញឱ្យសហគ្រាសធុនតូច និងមធ្យម ក៏ដូចជាអ្នកច្នៃប្រឌិតធ្វើយ៉ាងណាប្រើប្រាស់កម្មសិទ្ធិបញ្ញារបស់ខ្លួនជាទ្រព្យក្នុងការជំរុញការធ្វើអាជីវកម្មនិងប្រើប្រាស់កម្មសិទ្ធិបញ្ញានេះឱ្យអស់លទ្ធភាពដើម្បីភាពរីកចម្រើននៃក្រុមហ៊ុនរបស់ខ្លួន។ លោកបានលើកឡើងថាការប្រើប្រាស់កម្មសិទ្ធិបញ្ញាជាលក្ខណៈពាណិជ្ជកម្មនេះនឹងអាចជួយឱ្យមានការទាក់ទាញវិនិយោគដោយផ្ទាល់ថែមទៀតនៅក្នុងបណ្តាប្រទេសអាស៊ានទាំងមូលហើយកិច្ចនេះមានប្រយោជន៍បំផុតសម្រាប់ប្រទេសកម្ពុជាយើង ដោយសារយើងមានកម្មសិទ្ធិបញ្ញាមាំមួន យើងមានច្បាប់គ្រប់គ្រាន់ទាំងច្បាប់ម៉ាក ពាណិជ្ជសញ្ញា និងការប្រកួតប្រជែងមិនស្មោះត្រង់ ច្បាប់សិទ្ធិអ្នកនិពន្ធ និងច្បាប់សិទ្ធិប្រហាក់ប្រហែល៕ដោយៈសិរីមតី
ភ្នំពេញ៖ រោងចក្រផលិតថ្នាំវ៉ាក់សាំងបង្ការជំងឺកូវីដ១៩ លើកដំបូង នៅក្នុងប្រទេសកម្ពុជា គ្រោងនឹងបើកការដ្ឋានសាងសង់ជាផ្លូវការ នៅខែវិច្ឆិកា ឆ្នាំ២០២២ ខាងមុខ។ នេះបើតាមលោកស្រី យក់ សម្បត្តិ រដ្ឋលេខាធិការក្រសួងសុខាភិបាល។ ក្នុងសន្និសីទកាសែត នៅទីស្តីការគណៈរដ្ឋមន្ត្រី នាព្រឹកថ្ងៃទី១៥ ខែកញ្ញានេះ លោកស្រី យក់ សម្បត្តិ បានលើកឡើងថា រោងចក្រផលិតថ្នាំវ៉ាក់សាំង បង្ការជំងឺកូវីដ១៩ ដែលជាការវិនិយោគរបស់ចិន នឹងត្រូវសាងសង់ នៅលើផ្ទៃដីទំហំប្រមាណ ៥ហិកតា ស្ថិតតាមបណ្តោយផ្លូវជាតិលេខ៥ ក្នុងភូមិទួលអំពិល ឃុំពញាឮ ស្រុកពញាឭ ខេត្តកណ្តាល។ បច្ចុប្បន្ន ក្រុមហ៊ុនចិន កំពុងបូមដី ចាក់បំពេញ និងរៀបចំហេដ្ឋារចនាសម្ព័ន្ធមួយចំនួន។ លោកស្រី យក់ សម្បត្តិ លើកឡើងថា រោងចក្រផលិតថ្នាំវ៉ាក់សាំងនេះ នឹងសាងសង់ ដោយឈរលើមូលដ្ឋានបច្ចេកវេជ្ជសាស្ត្រ មានអគារធំៗ សម្រាប់សង្វាក់ផលិតកម្មច្រក និងវេចខ្ចប់ អគារស្នាក់នៅរបស់កម្មករ និងមានប្រព័ន្ធ សម្រាប់រក្សា និងបញ្ចេញកាកសំណល់តាមបច្ចេកទេសវេជ្ជសាស្ត្រ ជាដើម។ ដោយឡែក បច្ចេកទេសច្រក និងវេចខ្ចប់ ជាបច្ចេកទេសរបស់ក្រុមហ៊ុនចិន […]
ភ្នំពេញ៖យោងតាមរបាយការណ៍ពីអគ្គនាយកដ្ឋានគយ និងរដ្ឋាករកម្ពុជានៅរយៈពេល ៨ខែដំបូង ឆ្នាំ២០២២ នេះ កម្ពុជាទទួលបានចំណូល ពីការនាំចេញជ័រកៅស៊ូ និងផលិតផលធ្វើពីកៅស៊ូ មានចំនួនជាង ៣រយលានដុល្លារ មានការកើនជាង ២៤% បើធៀបនឹងរយៈ ពេលដូចគ្នាក្នុងឆ្នាំ២០២១ ។ តែទោះយ៉ាងណាក៏ដោយខ្សែចង្វាក់ផលិតកម្មដំណាំកៅស៊ូនាពេលបច្ចុប្បន្ន នៅតែមានជួបបញ្ហាប្រឈមមួយចំនួន រួមទាំងស្ថានភាពទីផ្សារ និងតម្លៃកៅស៊ូមិនមានស្ថិរភាពជាដើម។ ឯកឧត្តម ហ៊ឹម អូន ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានកៅស៊ូ បានគូសបញ្ជាក់ថា ស្ថានភាពទីផ្សារ និងតម្លៃនៃការនាំចេញកៅស៊ូ នាពេលបច្ចុប្បន្ន ហាក់មានការថយចុះជាងឆ្នាំមុន ពោលគឺ តម្លៃលក់ជ័រកៅស៊ូ គិតចាប់ពីខែមករាឆ្នាំរហូតមក ដល់ខែសីហា ឆ្នាំ២០២២ មានតម្លៃជាមធ្យម ១៥៥៣ ដុល្លារក្នុងមួយតោន ថយចុះ ១៩៩ ដុល្លាក្នុងមួយតោន ឬស្មើនឹងអត្រាធ្លាក់ចុះ ៧% ធៀបនឹងរយៈពេលដូចគ្នាកាលពីឆ្នាំមុន។ ដោយឡែក តម្លៃលក់ជ័រកៅស៊ូជាមធ្យមគិតក្នុងខែសីហា មានតម្លៃ ១៤៣១ ដុល្លាក្នុងមួយតោន បានថយចុះចំនួន ៨៣ដុល្លារក្នុងមួយតោន ស្មើនឹងជាង ៥% ធៀបនឹងខែមុន និងបានថយចុះចំនួន ២៣៩ដុល្លារក្នុងមួយតោន […]
ភ្នំពេញ៖សម្រាប់រយៈពេល ៨ខែ ឆ្នាំ២០២២ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបានជាក់ស្ដែតាមប្រព័ន្ធគ្រប់គ្រងទិន្នន័យចំណូលអនឡាញរបស់អគ្គនាយកដ្ឋានពន្ធដារ មានចំនួន ៩ ៨៧៩,១៤ ប៊ីលានរៀល (ប្រមាណជា ២ ៤៣៩,២៩ លានដុល្លារ) ស្មើនឹង ៨៦,៥១% នៃផែនការច្បាប់ស្តីពីហិរញ្ញវត្ថុប្រចាំឆ្នាំ ធៀបនឹងចំណូលពន្ធ-អាករក្នុងរយៈពេលដូចគ្នា ឆ្នាំ២០២១ឃើញថាកើនឡើងចំនួន ២ ១៣៨,៨៦ ប៊ីលានរៀល (ប្រមាណជា ៥២៨,១១ លានដុល្លារ) ស្មើនឹង ២៧,៦៦%។ នេះបើតាមការឱ្យដឹងរបស់ឯកឧត្តម គង់ វិបុលរដ្ឋមន្ត្រីប្រតិភូអមនាយករដ្ឋមន្ត្រីនិងជាប្រតិភូរាជរដ្ឋាភិបាទទួលបន្ទុកជាអគ្គនាយកនៃអគ្គនាយកដ្ឋានពន្ធដារ នៅក្នុងកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែសីហា កាលពីថ្ងៃទី១៥ខែកញ្ញា២០២២។ ឯកឧត្តម គង់ វិបុល បានឱ្យដឹងទៀតថា៖ចំពោះ ខែសីហា ឆ្នាំ២០២២ ចំណូលពន្ធ-អាករ មានចំនួន ៩២៧,៩៣ ប៊ីលានរៀល (ប្រមាណជា ២២៩,១២ លានដុល្លារ) ស្មើនឹង ៨,១៣% នៃផែនការច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២។បើប្រៀបធៀបនឹងចំណូលពន្ធ-អាករប្រចាំខែសីហា ឆ្នាំ២០២១ ឃើញថាកើនឡើង ចំនួន ១៤៩,១២ ប៊ីលានរៀល (ប្រមាណជា ៣៦,៨២ លានដុល្លារ) […]
ភ្នំពេញ៖ការប្រើប្រាស់រថយន្តអគ្គិសនីនៅកម្ពុជាមានការកើនឡើងគួរឱ្យកត់សម្គាល់ដោយក្នុងរយៈពេល៧ខែ ក្នុងឆ្នាំ២០២២មានរថយន្តអគ្គិសនីសរុបចំនួន៣០៥គ្រឿងបានចុះបញ្ជី ធៀបនឹងរយៈពេលដូចគ្នាក្នុងឆ្នាំ២០២១មានការកើនឡើងប្រមាណ១៨០៦%។នេះបើតាមការលើកឡើងរបស់ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនក្នុងពិធីសម្ពោធដាក់ឱ្យប្រើប្រាស់ស្ថានីយបញ្ចូលថាមពលយានយន្តអគ្គិសនី (EV Charging Station) ក្នុងក្រុងសៀមរាប ខេត្តសៀមរាប កាលពីថ្ងៃទី១៤ខែកញ្ញា។ លោកទេសរដ្ឋមន្ត្រីបានបន្តថា៖ការកើនឡើងនូវការប្រើប្រាស់រថយន្តអគ្គិសនីនេះ ជាការឆ្លុះបញ្ចាំងឱ្យឃើញនូវការយល់ដឹង និងការគាំទ្ររបស់បងប្អូនប្រជាពលរដ្ឋលើការប្រើប្រាស់រថយន្តអគ្គិសនីនៅកម្ពុជា។ លោកទេសរដ្ឋមន្ត្រី បានបញ្ជាក់ថា៖ការប្រើប្រាស់រថយន្តអគ្គិសនីមានគុណសម្បត្តិល្អច្រើនជាងរថយន្តប្រើប្រេងឥន្ធនៈ ដោយពន្ធនាំចូលលើរថយន្តអគ្គិសនីនេះមានតម្លៃទាបជាងពន្ធនាំចូលនៃរថយន្តប្រើប្រេងឥន្ធនៈ ម្យ៉ាងវិញទៀតការប្រើប្រាស់រថយន្តអគ្គិសនីចំណេញថាមពលច្រើនជាងរថយន្តប្រើប្រេងឥន្ធនៈដល់ទៅ៣ដង ចំណែកការជួសជុលថែទាំមានការចំណាយតិចដោយសារគ្រឿងបន្លាស់រថយន្តអគ្គិសនីមានចំនួនតិច ជាពិសេសជាងនេះទៀតការប្រើប្រាស់រថយន្តអគ្គិសនីមិនបំភាយឧស្ម័នពុលទៅក្នុងបរិយាកាស និងមានសំឡេងស្ងាត់ល្អផងដែរ។ លោកស៊ុន ចាន់ថុលបានបន្ថែមថា៖រាជរដ្ឋាភិបាលបាននិងកំពុងរៀបចំតាក់តែងលិខិតបទដ្ឋានគតិយុត្ត គោលនយោបាយនិងយុទ្ធសាស្ត្រជាតិសម្រាប់គ្រប់គ្រង និងអភិវឌ្ឍវិស័យយានយន្តអគ្គិសនីនៅកម្ពុជា និងបានជំរុញលើកទឹកចិត្តឱ្យវិស័យឯកជនវិនិយោគលើការដំឡើងស្ថានីយបញ្ចូលថាមពលយានយន្តអគ្គិសនីឱ្យបានទូលំទូលាយនៅទូទាំងប្រទេស ជាពិសេសនៅតាមស្ថានីយលក់ប្រេងឥន្ធនៈដើម្បីធានាបាននូវការផ្គត់ផ្គង់ថាមពលអគ្គិសនីដល់យានយន្តបានគ្រប់ពេលវេលា។ គិតត្រឹមថ្ងៃទី១៤ ខែកញ្ញា ឆ្នាំ២០២២ ក្រសួងបានដាក់ឱ្យដំណើរការនូវស្ថានីយបញ្ចូលថាមពលយានយន្តអគ្គីសនីបានចំនួន៣ទីតាំង ក្នុងនោះ៖ ទីតាំងទី១ស្ថិតនៅក្នុងទីស្ដីការក្រសួងសាធារណការ និងដឹកជញ្ជូន ទីតាំងទី២ស្ថិតនៅក្នុងខេត្តព្រះសីហនុ ដែលបានសម្ពោធដាក់ឱ្យប្រើប្រាស់កាលពីថ្ងៃទី២៧ ខែមេសា ឆ្នាំ២០២២កន្លងទៅ និងទីតាំងលើកទី៣ស្ថិតនៅក្នុងក្រុងសៀមរាប នាពេលនេះ។ ក្រសួងនឹងដំឡើងស្ថានីយបញ្ចូលថាមពលយានយន្តអគ្គិសនីទី៤ នៅខេត្តបាត់ដំបង ដែលជាជំនួយរបស់អង្គការ UNDP ដើម្បីជំរុញលើកទឹកចិត្តឱ្យបងប្អូនប្រជាពលរដ្ឋប្រើប្រាស់យានយន្តអគ្គិសនីឱ្យបានច្រើននៅក្នុងព្រះរាជាណាចក្រកម្ពុជា៕ដោយៈសិរីមតី
ភ្នំពេញ៖ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានស្នើសុំឲ្យធនាគារវិនិយោគអឺរ៉ុប( EIB )បន្តគាំទ្ររាជរដ្ឋាភិបាលក្នុងការវិនិយោគលើវិស័យអាទិភាព តាមរយៈការចូលរួមជាឥណទានសម្បទាន, ហិរញ្ញប្បទានឥតសំណង និងការគាំទ្រជំនួយបច្ចេកទេសនានាជាដើម។ លោកឧបនាយករដ្ឋមន្ត្រីបានស្នើឡើងដូច្នេះក្នុងពេលជួបពិភាក្សាការងារជាមួយលោក Kriss Peeters អនុប្រធានធនាគារវិនិយោគអឺរ៉ុប កាលពីពេលថ្មីៗនេះ។ លោក Kriss Peeters បានឱ្យដឹងថា EIB បានត្រៀមរួចជាស្រេចក្នុងការពង្រឹងសហប្រតិបត្ដិការកម្រិតតំបន់ ជាពិសេសជាមួយកម្ពុជាឱ្យកាន់តែមានភាពរឹងមាំថែមទៀត ខណៈខ្លួនទើបតែបានដាក់សម្ភោធជាផ្លូវការនូវការិយាល័យប្រចាំតំបន់ នៅទីក្រុងចាកាតា ប្រទេសឥណ្ឌូនេស៊ី កាលពីថ្មីនេះ។ អគ្គបណ្ឌិតសភាចារ្យ អូន ព័ន្ធមុនីរ័ត្ន បានជម្រាបជូនថា៖រាជរដ្ឋាភិបាលកម្ពុជា បានដាក់ឱ្យប្រើប្រាស់នូវ «ក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជាក្នុងការរស់នៅជាមួយកូវីដ-១៩តាមគន្លងប្រក្រតីភាពថ្មី សម្រាប់ឆ្នាំ ២០២១-២០២៣» ។យុទ្ធសាស្ត្រ នេះបាន និងកំពុងដើរតួនាទីជាផែនទីបង្ហាញផ្លូវ និងជាកម្លាំងចលករដ៏មានប្រសិទ្ធភាព សម្រាប់ការពង្រឹងសក្តានុពលនៃចន្ទល់កំណើនសេដ្ឋកិច្ចរបស់កម្ពុជា ឱ្យរស់រវើកឡើង ក៏ដូចជាចាប់យកឱ្យបាននូវកាលានុវត្តភាពថ្មី ដែលកំពុងលេចឡើងស្របនឹងនិន្នាការតំបន់និងសកល ដើម្បីលើកកម្ពស់កំណើនប្រកបដោយចីរភាព និងដែលកាន់តែមានពិពិធកម្ម ក៏ដូចជាដើម្បីកសាងភាពធន់ដ៏រឹងមាំនៃសង្គម សេដ្ឋកិច្ចកម្ពុជា៕ដោយៈសិរីមតី
សៀមរាប៖ ក្រសួងសាធារណការ និងដឹកជញ្ជូន កំពុងប្រើប្រាស់សាកល្បងម៉ាស៊ីនរ៉ូបូតទំនើបជំនួសមនុស្ស ក្នុងការត្រួតពិនិត្យប្រព័ន្ធលូ។ ម៉ាស៊ីននេះនឹងបង្កភាពងាយស្រួល ដល់មន្ត្រីជំនាញក្នុងការត្រួតពិនិត្យប្រព័ន្ធលូនានា។ ការប្រើប្រាស់នូវម៉ាស៊ីនរ៉ូបូតត្រួតពិនិត្យប្រព័ន្ធលូ នេះជាបច្ចេកវិទ្យាទំនើបមានភ្ជាប់ ជាមួយកាមេរ៉ាអាចមើលឃើញស្ថានភាជាក់ស្ដែងប្រព័ន្ធលូផ្ទៃខាងក្នុង ការកកស្ទះ ឬការខូចខាត ដើម្បីចាត់វិធានការដោះស្រាយបានទាន់ពេលវេលា។ ក្នុងឱកាសចុះពិនិត្យមើលស្ថានភាពច្រាំងស្ទឹងសៀមរាប និងបណ្តាញលូទឹកភ្លៀង លូទឹកកខ្វក់ នៅក្នុងក្រុងសៀមរាប នាពាក់កណ្តាលសប្តាហ៍នេះ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា ម៉ាស៊ីនត្រួតពិនិត្យកាកសំណល់កខ្វក់ក្នុងលូដ៏ទំនើបនេះ អាចបញ្ជាបានប្រវែង២០០ម៉ែត្រចូលក្នុងលូ ដោយលូទឹកភ្លៀងដាក់កង់ធំ ហើយលូទឹកកខ្វក់ ប្រើកង់តូច។ ក្រោយពេលដាក់ម៉ាស៊ីនចូលក្នុងលូហើយ ម៉ាស៊ីននោះវាបានបង្ហាញ កាកសំណល់នៅក្នុងលូ ព្រមទាំងមើលឃើញកន្លែងអ្នកលួចចោះលូផងដែរ ដោយបង្ហាញឱ្យឃើញតាមរយៈនៅលើអេក្រង់អាយផេត។ លោកបានបន្ដថា “ឧបករណ៍ម៉ាស៊ីនទំនើបនេះ មានប្រើលើកដំបូងនៅ ក្នុងប្រទេសកម្ពុជា មានអត្ថប្រយោជន៍ជាច្រើនសម្រាប់ការពិនិត្យមើលក្នុងលូ ដែលបានជំនួស កម្លាំងមនុស្សចូលក្នុងលូ។ នៅពេលម៉ាស៊ីននេះបង្ហាញពីកាកសំណល់នៅក្នុងលូ ដែលធ្វើឱ្យមានការកកស្ទះ ហើយយើងក៏មានរថយន្ដបាញ់លាងកាកសំណល់ក្នុងលូ បានយ៉ាងល្អ ដោយប្រើទុយយោបូបទឹកចេញពីក្នុងលូផងដែរ”។ លោកបន្ថែមថា “នៅក្នុងពេលសាកល្បងនេះ ឃើញថា នៅក្នុងលូនៅតាម ទីតាំង មួយចំនួនត្រូវបានប្រជាពលរដ្ឋចាក់កាកសំណល់ខ្លាញ់ចូល ការដាំសណ្តែកធ្លាក់ចូលលូ កន្លែងខ្លះក៏មានការលួចភ្ជាប់បណ្តាញលូដោយមិនមានការអនុញ្ញាតជាដើម ដែលទង្វើបែបនេះ […]
ភ្នំពេញ៖ ក្រុមហ៊ុនហ៊ីយ៉ាន់ដាយខេមបូឌា ដែលជាក្រុមហ៊ុនចែកចាយផ្តាច់មុខនូវរថយន្ត និងគ្រឿងបន្លាស់សុទ្ធម៉ាក HYUNDAI នៅក្នុងព្រះរាជាណាចក្រកម្ពុជា និងជាក្រុមហ៊ុននៅក្រោមការដឹកនាំរបស់ Camko Motor Company Ltd. បានបើកសម្ពោធជាផ្លូវការនូវអាជីវកម្មថ្មីមួយទៀតរបស់ខ្លួនគឺ សេវាកម្មប៉ូលា និងបញ្ចុះរលោង នៅមជ្ឈមណ្ឌលថែទាំរថយន្តហ៊ីយ៉ាន់ដាយសាខាសែនសុខ។ ក្នុងពិធីបើកសម្ភោធជាផ្លូវការនូវអាជីវកម្មថ្មីមួយទៀតរបស់ខ្លួន នៅមជ្ឈមណ្ឌលថែទាំរថយន្តហ៊ីយ៉ាន់ដាយសាខាសែនសុខ នាព្រឹកថ្ងៃពុធ ទី១៤ ខែកញ្ញានេះ លោក Brian Ko នាយក ប្រតិបត្តិក្រុមហ៊ុន ហ៊ីយ៉ាន់ដាយ ខេមកូ ម៉ូធ័រ បានលើកឡើងថា មជ្ឈមណ្ឌលថែទាំរថយន្តហ៊ីយ៉ាន់ដាយសាខាសែនសុខ បានបើកដំណើរការនៅក្នុងឆ្នាំ 2016 ដើម្បីសម្រួលដល់អតិថិជនដែលប្រើប្រាស់រថយន្តហ៊ីយ៉ាន់ដាយ ដោយសារតែកំណើននៃការលក់រថយន្តហ៊ីយ៉ាន់ដាយកើនឡើងយ៉ាងឆាប់រហ័សរបស់ក្រុមហ៊ុនហ៊ីយ៉ាន់ដាយខេមបូឌា នៅក្នុងព្រះរាជាណាចក្រកម្ពុជា។ លោកបន្តថា មជ្ឈមណ្ឌលថែទាំរថយន្តហ៊ីយ៉ាន់ដាយសាខាសែនសុខមានទីតាំងធំ ដែលអាចគ្រប់គ្រង ថែទាំ និងជួសជុល រថយន្តបានគ្រប់ប្រភេទ តាំងពីរថយន្ត Hyundai ធុនតូច ធុនកណ្តាល រហូតដល់រថយន្តធុនធំ (ប្រភេទរថយន្តទេសចរណ៍ ឬរថយន្តដឹកទំនិញ) ជាដើម ។ល។ ការបន្ថែមនូវសេវាកម្មថ្មី ប៉ូលា និងបញ្ចុះរលោងនេះ ត្រូវបានទទួលបានការកោតសរសើរយ៉ាងច្រើនពីអតិថិជនផងដែរ បន្ទាប់ពីសេវាកម្មដែលមានស្រាប់ដូចជា […]
ព្រះសីហនុ៖ភ្ញៀវទេសចរទាំងអស់ជាពិសេសអ្នកដែលបានទៅលេងទឹកដីខេត្តព្រះសីហនុបើចង់សាករសជាតិគ្រឿងសមុទ្រស្រស់ៗនិងមុខម្ហូបមានរសជាតិឆ្ងាញ់ជាច្រើនទៀតនោះគឺសូមអញ្ជើញទៅភោជនីយដ្ឋាន SEA.1ដែលមានទីតាំងនៅឆ្នេរអូរឈើទាល ក្រុងព្រះសីហនុ។ អ្នកគ្រប់គ្រងនៅភោជនីយដ្ឋាន SEA.1 បាន ឱ្យដឹងថា៖ ចំណុចពិសេសរបស់ភោជនីយដ្ឋាន Sea.1 គឺមានទីតាំងធំទូលាយ នៅជាប់ឆ្នេរសមុទ្រអូរឈើទាល មានខ្យល់អាកាសបរិសុទ្ធ បន្ទប់ទឹកស្អាត សេវាកម្មល្អលឿនទាន់ចិត្តនិងអាហារមានរសជាតិឆ្ងាញ់លើសគេ។ លោកបន្ថែមថា៖ភោជនីយដ្ឋាន SEA.1 មានបំរើសេវាកម្ម២៤ម៉ោង មានលក់ម្ហូបគ្រឿងសមុទ្រស្រស់ៗរបស់អ្នកនេសាទខ្មែរគ្រប់មុខអាហារកុម៉្មង់ និងភេសជ្ជៈគ្រប់ប្រភេទ មានឱជារសឆ្ងាញ់ ចំអិនដោយចុងភៅមានបទពិសោធច្រើនឆ្នាំ និងលំដាប់ស្តង់ដារ។ ចំណែកតម្លៃវិញគឺថោកសមរម្យ អនាម័យខ្ពស់ បុគ្គលិកមានភាពរួសរាយរាក់ទាក់ មានបទភ្លេងរៀបចំដោយឌីជេល្បី ឈ្មោះប្រចាំខេត្តព្រះសីហនុ រចនាប្រព័ន្ធភ្លើងចម្រុះពណ៌យ៉ាងស្រស់ស្អាតមើលទៅគួរឲ្យចង់គយគន់។ភោជនីយដ្ឋាន ក៏មានបន្ទប់ទឹកស្អាត និងទីធ្លាចតរថយន្តធំទូលាយដោយមិនលំបាកផងដែរ។ ក្រៅពីនេះ ភោជនីយដ្ឋាន SEA.1 មានទទួលការរៀបចំកម្មពិធីខួបកំណើតនិងកម្មវិធីជប់លៀងផ្សេងៗដែលភ្ញៀវអាចមកស្ដាប់ភ្លេងនៅពេលរាត្រីបានដោយមានឌីជេចាក់កំដរទល់ភ្លឺ។ អ្នកគ្រប់គ្រងហាង បានឱ្យដឹងទៀតថា៖ ភោជនីយដ្ឋានមានមុខម្ហូបពិសេសជាច្រើន ដោយគិតគូរយកចិត្តទុកដាក់ខ្ពស់លើសុខភាព អតិថិជន គុណភាព អនាម័យ និងរសជាតិជាចម្បង ។មុខម្ហូបពិសេសប្រចាំត្រកូលនៅហាងSEA .1 គឺ បង្គាSEA 1 ក្តាមឆាការី និងគ្រឿងសមុទ្រស្រស់ៗនិងម្ហូបជាច្រើនមុខទៀតថ្មីៗ រសជាតិឈ្ងុយឆ្ងាញ់តម្លៃអាចទទួលយកបាន ។នៅផ្នែកខាងក្នុងហាងមានរចនាយ៉ាងស្អាតនិងមានរៀបចំប្រព័ន្ធភ្លើងចម្រុះពណ៌ ។ ជាងនេះទៅទៀត ភ្ញៀវអាចអង្គុយលេងហូបគ្រឿងសមុទ្រឆ្ងាញ់ៗនៅហាង រួចមុជទឹកសមុទ្រលេង។បន្ទាប់ពីងើបពីទឹកសមុទ្រ […]
ស្ទឹងត្រែង៖អង្គការ កម្មវិធីផ្លាស់ប្តូរបទពិសោធន៍អនុផលព្រៃឈើកម្ពុជា(NTFP-EP)បានសហការជាមួយមន្ទីរទេសចរណ៍ អាជ្ញាធរមូល ដ្ឋានស្ថាប័នពាក់ព័ន្ធ ដើម្បីជួយគាំទ្រដល់សហគមន៍ចំនួន៣ក្នុងខេត្តស្ទឹងត្រែងនិងក្រចេះដើម្បីជំរុញឱ្យទទួលបានប្រាក់ចំណូលខ្ពស់ពីវិស័យទេសចរណ៍។សហគមន៍អេកូទេសចរណ៍ចំនួន៣រួមមាន១.សហគមន៍អេកូទេសចរណ៍បុរីអូស្វាយក្នុងស្រុកបុរីអូរស្វាយសែនជ័យ។២.សហគមន៍អេកូទេសចរណ៍ភ្នំជម្រកសត្វស្រុកថាឡាបរិវ៉ាត់ខេត្តស្ទឹងត្រែងនិង៣.សហគមន៍អេកូទេសចរណ៍កោះ៣០ស្រុកសំបូរខេត្តក្រចេះ។ អង្គការផ្លាស់ប្តូរបទពិសោធន៍អនុផលព្រៃឈើកម្ពុជា តាមរយៈគម្រោងការបង្កើនគុណភាពជាគំរូសម្រាប់សហគមន៍អេកូទេសចរណ៍តាមដងទន្លេមេគង្គលើ ដែលឧបត្ថម្ភថវិកាដោយទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ(USAID) តាមរយៈគម្រោង ព្រៃឡង់បៃតង(GPL) រយៈពេល១៨ខែចាប់ពីខែកក្កដា ឆ្នាំ២០២១ ដល់ ខែធ្នូ ឆ្នាំ២០២២បានរៀបចំកញ្ចប់ថវិកាមួយចំនួនក្នុងគោលបំណងបំពេញបន្ថែមលើតម្រូវការចាំបាច់សម្រាប់សហគមន៍ទាំងនេះ NTFP-EP ទិញជាសម្ភារគាំទ្រសេវាកម្មអេកូទេសចរណ៍ ចែកជូនសហគមន៍ក្នុងការបង្កើនចំណូលចូលអោយកាន់តែប្រសើឡើង ។ លោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែង និងលោក ចាន់ សុគន្ធី ប្រធានមន្ទីរទេសចរណ៍ខេត្តក្រចេះ មានប្រសាសន៍ស្រដៀងគ្នា ថាលោកគាំទ្រចំពោះអង្គការដៃគូដែលបានជួយដល់សហគមន៍។ តាមរយៈការផ្ដល់សម្ភារបម្រើដល់វិស័យទេសចរណ៍ទុកសម្រាប់បម្រើភ្ញៀវដែលទៅទស្សនានៅតាមសហគមន៍។ លោកស្រីទេស ធាភី តំណាងអង្គការNTFP-EPកម្ពជាបាននិយាយថាចំពោះសម្ភារដែលខាងអង្គការបានផ្ដល់ជូនដល់សហគមន៍ទាំងនេះរួមមាន : ១.សហគមន៍អេកូទេសចរណ៍បុរីអូរស្វាយទទួលបានទូកកៃយ៉ាក់ចំនួន៦ តង់បោះជំរុំចំនួន១០កំផ្លេរ និងផ្ទាំងក្តារពត៌មាន០១ ។ ២.សហគមន៍អេកូទេសចរណ៍ភ្នំជម្រកសត្វទទួលបានកង់ទេសចរចំនួន៦គ្រឿងនិងតង់ចំនួន១០កំផ្លេរ និងផ្ទាំងក្តារពត៌មានចំនួន០១ ។ ៣. សហគមន៍អេកូទេសចរណ៍កោះសាមសិបទទួលបានទូកកៃយ៉ាក់ចំនួន៣ទូក កង់ទេសចរចំនួន៦គ្រឿង តង់បោះជំរំចំនួន១០កំផ្លេរ និងផ្ទាំងក្តារពត៌មានចំនួន០១។ លោកស្រីបាននិយាយបន្ថែមថាសម្ភារទាំងនេះនឹងត្រូវបានប្រើប្រាស់ក្នុងក្របខណ្ឌរួមដែលបម្រើឲ្យផលប្រយោជន៌សហគមន៍អេកូទេសចរណ៍តែប៉ុណ្ណោះ។ សំភារទាំងអស់នោះអាចបម្រើសេវាកម្មជូនដល់ភ្ញៀវទេសចរណ៍ជាតិនិងអន្តរជាតិដែលមកកម្សាន្តតាមសហគមន៍អេកូទេសចរណ៍ទាំងបីខាងលើនេះ។ លោក ឃុត សំអុលប្រធានសហគមន៍អេកូទេសចរណ៍កោះសាមសិបបាននិយាយថាក្រោយពីអង្គការជួយជាសម្ភារដល់សហគមន៍សម្រាប់យកទៅប្រើប្រាស់ បម្រើដល់វិស័យទេសចរណ៍នោះពិតជាជួយសម្រាលបន្ទុកក្នុងការចំណាយរបស់សហគមន៍បានមួយផ្នែកធំ៕ដោយៈសុខុម
សៀមរាប៖ក្រុមការងាររដ្ឋលេខាធិការដ្ឋានអាកាសចរណ៍ស៊ីវិល ដឹកនាំដោយលោក ម៉ៅ ហាសវណ្ណាល់ រដ្ឋមន្ដ្រីទទួលបន្ទុករដ្ឋលេខាធិ ការដ្ឋានអាកាសចរណ៍ស៊ីវិលបានចុះពិនិត្យសមិទ្ធិផលមួយចំនួននៃព្រលានអន្ដរជាតិថ្មីនៅខេត្ដសៀមរាបកាលពីពាក់កណ្តាលសប្តាហ៍ឆ្នាំ២០២២។ ព្រលានយន្ដហោះអន្ដរជាតិនៅក្នុងទឹកដីស្រុកសូទ្រនិគម ខេត្ដសៀមរាប ដែលកំពុងសាងសង់ថ្មីនោះគឺបានសំរេចប្រហែល៤២ភាគរយហើយក្នុងចំណោម សមិទ្ធិផលទាំងអស់។ រដ្ឋលេខាធិការរដ្ឋានប្រចាំការអាកាសចរណ៍ស៊ីវិល លោក ជា អូន មានប្រសាសន៍ថា ក្រុមការងាររដ្ឋលេខាធិការដ្ឋានអាកាសចរណ៍ស៊ីវិល ដែលចុះមកពេលនេះ គឺដើម្បីត្រួតពិនិត្យបច្ចេកទេស ទៅលើឃ្លាំងសាំងយន្ដហោះ ផ្លូវរត់របស់យន្ដហោះ កន្លែងបំពាក់ឧបករណ៍នាំផ្លូវយន្ដហោះចុះចត កន្លែងបំពាក់ឧបករណ៍នាំផ្លូវហោះពីចំងាយ និងពិនិត្យមើលអគារកុងត្រូលដែលមានកំពស់១៧៦ម៉ែត្រស្មើ១៣ជាន់ ដើម្បីឱ្យប្រាកដថារាល់ការបំពាក់ឧបរណ៍ទាំងនេះធ្វើឡើងបានត្រឹមត្រូវតាមស្ដង់ដារអាកាសចរណ៍កម្ពុជាផង និងអន្ដរជាតិផង។ ក្រៅពីចុះពិនិត្យការបំពាក់ឧបករណ៍នានាសម្រាប់ ផ្លូវយន្តហោះក្រុមការងារក៏បានពិនិត្យមើលកន្លែងបំពាក់រ៉ាដាសម្រាប់មើលយន្ដហោះឆ្លងកាត់ប្រទេសកម្ពុជា ពិនិត្យមើលការសាងសង់សំណង់ និងនៅកន្លែងការដ្ឋានផ្សេងៗទៀតដែរ។ មន្ត្រីជាន់ខ្ពស់រដ្ឋលេខាធិការដ្ឋានអាកាសចរណ៍ស៊ីវិល ឱ្យដឹងថា នៅដំណាច់ឆ្នាំ២០២២នេះ ក្រុមហ៊ុននឹងសាងសង់ព្រលានយន្តហោះអន្តរជាតិថ្មី ឱ្យសម្រេចបានជាង៧០ភាគរយបន្ថែមទៀត ដើម្បីឱ្យទាន់ការហោះហើរសាកល្បងនៅពាក់កណ្ដាលឆ្នាំ២០២៣។ ពេលបច្ចុប្បន្ននេះ សមិទ្ធិផលដែលសម្រេចបានរួចហើយមានដូចជា ផ្លូវរត់របស់យន្ដហោះជាបេតុងប្រវែង៣៦០០ម៉ែត្រឃ្លាំងប្រេងសម្រាប់ផ្គត់ផ្គង់យន្ដហោះ ដែលទំនើបជាងព្រលានយន្ដហោះដទៃទៀតមាន៣៨ចំណត។ ជាមួយគ្នានោះ ក្រុមការងារកំពុងរៀបចំឯកសារបច្ចេកទេសមួយចំនួន ដូចជា អាយតាកូដ និងអាយខេអូកូដ ដើម្បីដាក់ពាក្យស្នើរសុំបានកូដពីអង្គការអាកាសចរណ៍ស៊ីវិលអន្ដរជាតិ ឯកសារនោះមានជាងមួយរយចំណុចដែលត្រូវបំពេញទាំងក្រុមហ៊ុននិងអាកាសចរណ៍ស៊ីវិល។ ដំណើរការសាងសង់អាកាសយានដ្ឋានអន្តរជាតិថ្មីនៅខេត្តសៀមរាប បានចាប់ផ្ដើមបើកការដ្ឋាន កាលពីពាក់កណ្តាលខែមីនាឆ្នាំ២០២០ ហើយគ្រោងនឹងបញ្ចប់នៅឆ្នាំ២០២៣ គឺមានរយ:ពេលសរុប៣៦ខែ។អាកាសយានដ្ឋានថ្មីនេះ ស្ថិតក្នុងលំដាប់4E មានផ្លូវរត់ប្រវែង៣,៦០០ម៉ែត្រទទឹង៤៥ម៉ែត្រមាន៣៨ចំណតយន្តហោះនិងមានក្រឡាផ្ទៃស្ថានីយសម្រាប់ទទួលអ្នកដំណើរជាង៨ម៉ឺនម៉ែត្រក្រឡាដែលអាចទទួលភ្ញៀវជាប្រចាំឆ្នាំប្រមាណជា ៧លាននាក់។ […]
សៀមរាប៖ សម្តេចតេជោនាយករដ្ឋមន្ត្រី ហ៊ុន សែន បានអំពាវនាវដល់គ្រឹះស្ថាន មីក្រូហិរញ្ញវត្ថុយោគយល់ និងផ្តល់កម្ចីក្នុងអត្រាការ ប្រាក់ទាបដល់ប្រជាពលរដ្ឋ ដែលរើចេញតំបន់អង្គរមកតាំងទីលំនៅដ្ឋានថ្មីនៅតំបន់រុនតាឯក។ សម្ដេចតេជោ ហ៊ុន សែន បានប្រកាសយ៉ាងដូច្នេះ ក្នុងឱកាសសម្តេចអញ្ជើញជួបសំណេះសំណាលជាមួយប្រជាពលរដ្ឋដែលបានស្ម័គ្រ ចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា នាព្រឹកថ្ងៃទី១៣ ខែកញ្ញា ឆ្នាំ២០២២នេះ។ សម្ដេចតេជោ ហ៊ុន សែន បានបញ្ជាក់ថា ប្រជាពលរដ្ឋមួយចំនួនអាចនឹងត្រូវការដើមទុនបង្កើតមុខរបរដោយសម្ដេចទទូចឱ្យសេវាឥណទានហិរញ្ញវត្ថុយោគយល់ និងអាទិភាពឱ្យខ្ចី សម្រាប់ប្រជាពលរដ្ឋដែលរស់នៅតំបន់រុនតាឯក ហើយទម្លាក់អត្រាការប្រាក់ទាបជាងអតិថិជនទូទៅផ្សេងទៀត៕ដោយៈសិរីមតី
ភ្នំពេញ៖យោងតាមរបាយការណ៍ របស់អគ្គនាយកដ្ឋានគយនិងរដ្ឋាករកម្ពុជា បានឱ្យដឹងថា៖ក្នុងរយៈពេល៨ខែឆ្នាំ២០២២ពីខែមករាដល់ ខែសីហា ឆ្នាំ២០២២ ការនាំចេញទំនិញទៅក្រៅប្រទេស មានតម្លៃ ១៥.៦ពាន់លានដុល្លារ កើនឡើង ២៦.៣% បើធៀបនឹងរយៈពេលដូចគ្នា កាលពីឆ្នាំ២០២១ ដែលមានតម្លៃ ១២.៣ពាន់លានដុល្លារ ខណៈការនាំចូលទំនិញមកកម្ពុជាវិញ មានតម្លៃ២១.៧ពាន់លានដុល្លារអាមេរិក កើនឡើង១៨.៣%ដែលធ្វើឱ្យទំហំពាណិជ្ជកម្មរបស់កម្ពុជា ជាមួយទីផ្សារអន្តរជាតិ ក្នុងរយៈពេល៨ខែនេះ កើនដល់ ៣៧.៤ពាន់លានដុល្លារ កើនឡើង២១.៥%។ ទំនិញដែលកម្ពុជានាំចេញទាំងនោះ រួមមាន សម្លៀកបំពាក់ក្នុងទំហំទឹកប្រាក់ជាង ៦.៤ពាន់លានដុល្លារ, ម៉ាស៊ីន និងឧបករណ៍អគ្គិសនីតម្លៃជាង ១ពាន់លានដុល្លារ, ស្បែកជើងចំនួន១ ១៨២ លានដុល្លារ, សម្ភារធ្វើពីស្បែកសត្វចំនួន ១ ៣៥៣លានដុល្លារ, យានក្រៅពីអយ ស្ម័យយានតម្លៃ ៦៩៦លានដុល្លារ, គ្រាប់ធញ្ញជាតិ ៧៣៥លានដុល្លារ, គ្រឿងសង្ហារឹមចំនួន៧៨១លានដុល្លារ, កៅស៊ូតម្លៃ ៣០៨លានដុល្លារ, រួមនឹងផលិតផលផ្សេងទៀត ដូចជាផ្លែឈើ បន្លែ គុជខ្យង ប្រដាប់ក្មេងលេង វត្ថុវាយនភ័ណ្ឌកែច្នៃផ្សេងជាដើម។ តាមអគ្គនាយកដ្ឋាន និងរដ្ឋាករកម្ពុជា អាមេរិក គឺជាដៃគូពាណិជ្ជកម្មរបស់កម្ពុជាទី១ ដែលបាននាំចូលទំនិញពីកម្ពុជាច្រើនជាងគេ ក្នុងតម្លៃ […]
ភ្នំពេញ៖ ក្នុងរយៈពេល៨ខែ ឆ្នាំ២០២២ កម្ពុជាបាននាំចេញអង្ករទៅកាន់ទីផ្សារអន្តរជាតិ បានចំនួន ៣៨៩ ០០០តោន កើនឡើង ១៣.២៦% បើប្រៀបធៀបទៅរយៈពេលដូចគ្នា ក្នុងឆ្នាំ២០២១ហើយចិននៅតែជាប្រទេសនាំមុខគេ ដែលបាននាំចូលអង្ករពីកម្ពុជាច្រើនជាងគេ។នេះបើយោងតាមរបាយការណ៍របស់សហព័ន្ធស្រូវអង្ករកម្ពុជា។ ជាក់ស្តែង ក្នុងរយៈពេល៨ខែនេះ ការនាំអង្ករចេញទៅកាន់ប្រទេសចិន បានចំនួន ១៧៨ ១៤២ តោន ស្មើនឹង ៤៦% នៃការនាំចេញសរុប ដែលគិតជាទឹកប្រាក់មានចំនួនជាង ៩៤.៥៧ លានដុល្លារសហរដ្ឋអាមេរិក។ របាយការណ៍ដដែលនេះបានឱ្យដឹងថា៖ ប្រភេទអង្ករដែលបាននាំចេញ រួមមានអង្ករក្រអូបគ្រប់ប្រភេទបានចំនួន ៦៥.៨% អង្ករសចំនួន ២៩.៩១% អង្ករសរីរាង្គចំនួនជិត ២% អង្ករចំហ៊ុយ ចំនួនជាង២% និងអង្ករដំណើបចំនួន ០.០១%៕ដោយៈសិរីមតី
ភ្នំពេញ៖អគ្គនាយកដ្ឋានពន្ធដារបានក្រើនរំលឹកដល់ម្ចាស់អចលនទ្រព្យទាំងអស់ ដែលមិនទាន់បានបំពេញកាតព្វកិច្ចបង់ពន្ធត្រូវប្រញាប់ធ្វើការបង់ពន្ធឱ្យបានទាន់ពេលវេលាត្រឹមថ្ងៃទី៣០ ខែកញ្ញាឆ្នាំ២០២២នៅអគ្គនាយកដ្ឋានពន្ធដារឬសាខាពន្ធដារខេត្ត-ខណ្ឌដែលអចលនទ្រព្យស្ថិតនៅ ឬនៅគ្រប់សាខាធនាគារជាដៃគូទាំងអស់។ ចំពោះការខកខានមិនបានដាក់លិខិតប្រកាសបង់ពន្ធទាន់ពេលវេលាកំណត់ម្ចាស់អចលនទ្រព្យនឹងត្រូវរងនូវទោសទណ្ឌ តាមច្បាប់ជាធរមាន។ សេចក្តីជូនដំណឹងរបស់អគ្គនាយកដ្ឋានពន្ធដារកម្ពុជាថ្មីៗនេះបានឱ្យដឹងថាការប្រមូលពន្ធលើដីធ្លីមិនបានប្រើប្រាស់ ការបង់ពន្ធលើអចលនទ្រព្យ និងការបង់ពន្ធលើដីធ្លីមិនបានប្រើប្រាស់សម្រាប់ឆ្នាំ២០២២ នឹងត្រូវបិទបញ្ចប់នៅថ្ងៃទី៣០ ខែកញ្ញា ឆ្នាំ២០២២ ខាងមុខនេះ។ បើតាមសេក្តីជូនដំណឹង ដើម្បីជំរុញការប្រមូលពន្ធលើអចលនទ្រព្យ និង/ ឬពន្ធលើដីធ្លីមិនបានប្រើប្រាស់ សម្រាប់ឆ្នាំ២០២២នេះ អាចបង់ពន្ធបាននៅអគ្គនាយកដ្ឋានពន្ធដារឬសាខាពន្ធដារខេត្ត-ខណ្ឌដែលអចលនទ្រព្យស្ថិតនៅ ឬនៅគ្រប់សាខាធនាគារ អេស៊ីលីដា ភីអិលស៊ី,ធនាគារ កាណាឌីយ៉ា ក.អ ,ធនាគារ វឌ្ឍនៈ ,ធនាគារ កម្ពុជាសាធារណៈ ភីអិលស៊ី ,ធនាគារ ស្ថាបនា ភីអិលស៊ី ,ធនាគារ ជេ ត្រាស់ រ៉ូយ៉ាល់ ម.ក,ធនាគារ ប្រៃសណីយ៍កម្ពុជា ក.អ ,ធនាគារ វឌ្ឍនៈ អាស៊ីចំកាត់ ,ធនាគារ ពាណិជ្ជកម្មក្រៅប្រទេស នៃកម្ពុជា ឬតាមរយៈកម្មវិធី “GDT Taxpayer App” ដែលអាចទាញយកបានពី App Store ឬ Play Store […]
ភ្នំពេញ៖ យោងតាមការព្យាករណ៍ចុងក្រោយ ឆ្នាំ២០២២នេះកម្ពុជាអាចនឹងទទួលបានភ្ញៀវអន្តរជាតិពី១.៥លាននាក់ទៅ២លាននាក់ ខណៈខែ៨ខែ កម្ពុជាទទួលភ្ញៀវទេសចរអន្ដរជាតិជិត១លាននាក់។ នេះបើតាមឯកឧត្ដម ថោង ខុន រដ្ឋមន្ត្រីក្រសួងទេសចរណ៍។ ឯកឧត្ដម ថោង ខុន បានឱ្យដឹងថា ក្នុងរយៈពេលចាប់ពីខែមករាដល់ខែសីហា ឆ្នាំ២០២២ ទេសចរអន្តរជាតិដែលចូលមកទស្សនាកម្ពុជាសរុប ៩៩៨,២៧២នាក់ កើនឡើង ៧២០% ធៀបរយៈពេលដូចគ្នា ឆ្នាំ២០២១ និងថយចុះ -៧៧% ធៀបរយៈពេលដូចគ្នាឆ្នាំ២០១៩។ ឯកឧត្ដម ថោង ខុន បានបន្តថា ប្រភពទីផ្សារទេសចរណ៍សំខាន់ៗ មានមកពីថៃ វៀតណាម ចិន សហរដ្ឋអាមេរិក ឥណ្ឌូណេស៊ី បារាំង កូរ៉េ ម៉ាឡេស៊ី អង់គ្លេស និងឡាវ។ យោងតាមការព្យាករណ៍ចុងក្រោយក្នុងឆ្នាំ២០២២នេះកម្ពុជាអាចនឹងទទួលបានទេសចរអន្តរជាតិចាប់ពី១.៥លានាក់ទ២លាននាក់៕ដោយៈផាវី
ភ្នំពេញ៖ក្រោយការសាងសង់រយៈពេល៤ឆ្នាំ ផ្សារទំនើប ជីប ម៉ុង ២៧១ មេហ្គាម៉ល បានបើកដំណើរការសាកល្បងបម្រើជូនសាធារណជនកាលពីថ្ងៃទី១២ខែកញ្ញាឆ្នាំ២០២២។ ផ្សារទំនើបនេះបើកដំណើរការជារៀងរាល់ថ្ងៃ ចាប់ពីម៉ោង៩ព្រឹក ដល់ម៉ោង១០យប់។ ផ្សារទំនើប ជីប ម៉ុង ២៧១ មេហ្គាម៉ល បានត្រូវវិនិយោគក្នុងទំហំជាង២៥០លានដុល្លារអាមេរិក និងជាបណ្តុំនៃហាងល្បីៗលំដាប់ពិភពលោកដូចជាភោជនីយដ្ឋាន ហាងលក់សម្លៀកបំពាក់ ហាងលក់គ្រឿងបរិក្ខារអេឡិចត្រូនិក និងហាងលក់ផលិតផល ក៏ដូចជាសេវាកម្មជាច្រើនទៀត។ លោកជំទាវ លី សុខឆេង អគ្គនាយិកានៃក្រុមហ៊ុនជីប ម៉ុង រីថែល បានថ្លែងថា៖ វត្តមានផ្សារទំនើបខ្នាតយក្ស ជីប ម៉ុង ២៧១ មេហ្គាម៉ល របស់ក្រុមហ៊ុន ជីប ម៉ុង រីថែល ជួយលើកកម្ពស់ការលក់ទំនិញរាយ ជាមួយនឹងការនាំយកផលិតផលម៉ាកល្បីក្រៅប្រទេសដល់ប្រជាជនកម្ពុជា ។ លោកជំទាវអគ្គនាយិកានៃក្រុមហ៊ុនជីប ម៉ុង រីថែល បានបន្ថែមថា ផ្សារទំនើប ជីប ម៉ុង មេហ្គាម៉ល គឺប្រមូលផ្តុំទៅដោយផលិតផលល្បីៗ នៅក្នុងស្រុក និងអន្តរជាតិ ដែលមានទៅដល់ ១៧០ ម៉ាកសម្រាប់បំពេញតម្រូវការចាំបាច់របស់អតិថិជន និងប្រជាពលរដ្ឋគ្រប់ស្រទាប់វណ្ណៈ […]