ភ្នំពេញ៖គិតចាប់ពីថ្ងៃទី ០១ ដល់ ថ្ងៃទី១០ ខែតុលា ឆ្នាំ២០២២នេះ តម្លៃប្រេងឥន្ធនៈនៅកម្ពុជាបានបន្តធ្លាក់ថ្លៃថែមទៀតក្នុង នោះ សម្រាប់ប្រេងសាំងធម្មតា ធ្លាក់ថ្លៃចំនួន ១០០ រៀល ខណៈប្រេងម៉ាស៊ូត ធ្លាក់ថ្លៃចំនួន ១៥០ រៀល ក្នុងមួយលីត្រ។នេះបើតាមសេចក្តីជូនដំណឹងរបស់ក្រសួងពាណិជ្ជកម្ម នៅព្រឹកថ្ងៃទី៣ ខែតុលា ។ ក្រសួងពាណិជ្ជកម្ម បានឱ្យដឹងថា៖ថ្លៃលក់រាយប្រេងឥន្ធនៈ ក្នុងរយៈពេល ១០ ថ្ងៃនេះ សម្រាប់ប្រេងសាំង ធម្មតា កំណត់ត្រឹមតម្លៃ ៤.២៥០ រៀល និងប្រេងម៉ាស៊ូត ៤ .៧០០ រៀល ក្នុង១លីត្រ។ ប្រភពដដែល បានឲ្យដឹងទៀតថាៈ ផ្អែកតម្លៃមធ្យមប្រេងឥន្ធនៈលើទីផ្សារអន្តរជាតិ ក្នុងរយៈពេលដូចគ្នានេះ ត្រូវលក់ ៤.៥១៧ រៀល ក្នុង១លីត្រ សម្រាប់ប្រេងសាំងធម្មតា EA92 និង ៤.៩៦៧ រៀល ក្នុង១លីត្រ សម្រាប់ប្រេងម៉ាស៊ូត ។ សូមជម្រាបជូនថា ការកំណត់តម្លៃលក់រាយប្រេងឥន្ធនៈនៅកម្ពុជា បើធៀបរយៈពេល ដូចគ្នា […]
ភ្នំពេញ៖របាយការណ៍របស់ក្រេឌីត ប្យួរ៉ូ ខេមបូឌា (CBC) បានបញ្ជាក់ថា មកដល់ឆ្នាំ២០២២នេះចំនួនអ្នកប្រើប្រាស់កម្ចី មានចំនួន៤.៦៧លាននាក់ក្នុងនោះស្ត្រី ២.៤៨លាននាក់ ស្មើ ៥៣% និងបុរស ២.១៩លាននាក់ ស្មើ ៤៧%។ លោក អឿ សុធារ័ត្ន នាយកប្រតិបត្តិ CBC បានថ្លែងថា ១០ឆ្នាំមកនេះ CBC បានខិតខំបង្កើតជាថ្នាល ក្នុងការគ្រប់គ្រងទិន្នន័យឥណទាននៅកម្ពុជា និងបានជួយដល់ស្ថាប័នហិរញ្ញវត្ថុ ជាសមាជិករបស់ CBC ចំនួន១៨១ស្ថាប័ន ដោយបានចាត់ទុកថា ការលើកកម្ពស់ការយល់ដឹងពីសុខភាពហិរញ្ញវត្ថុរបស់អតិថិជន ជាកត្តាអទិភាពផងដែរ។ លោកស្រី ជា សិរី ប្រធានក្រុមប្រឹក្សាភិបាល ក្រុមហ៊ុន ក្រេឌីត ប្យួរ៉ូ (ខេមបូឌា) ខូ អិលធីឌី (CBC) បានលើកឡើងថា បច្ចុប្បន្ននេះ CBC កំពុងមានអំរែកយ៉ាងធំ និងធ្ងន់មួយ គឺការបម្រើសេវាហិរញ្ញវត្ថុនៅកម្ពុជា ដើម្បីធ្វើយ៉ាងណាឆ្ពោះទៅចាប់យកឌីជីថលរូបីយកម្ម និងការវិភាគទិន្នន័យកម្រិតខ្ពស់។វត្តមានរបស់ CBC រយៈពេល១០ឆ្នាំមកនេះ បានរួមចំណែកជួយឲ្យវិស័យហិរញ្ញវត្ថុ និងទីផ្សារឥណទាន មានការរីកចម្រើនគួរឲ្យកត់សំគាល់ […]
ភ្នំពេញ៖ក្រសួងសាធារណការនិងដឹកជញ្ជូន បានបង្ហាញពីលក្ខខណ្ឌគួរយល់ដឹងអំពី”ការដោះស្រាយនៅពេលថយន្តខូចនិងការស្វែង រកជំនួយ ” លើផ្លូវល្បឿនលឿន ភ្នំពេញ-ព្រះសីហនុ។ នៅពេលយានយន្តខូច អ្នកបើកបរត្រូវបើកបរ ឬរុញរថយន្តមកខាងស្ដាំតាមគន្លងផ្លូវសម្រាប់ឈប់បន្ទាន់កៀកនឹងរនាំងសុវត្ថិភាព រួចត្រូវបើកភ្លើងសញ្ញាអាសន្ននិងត្រូវដាក់ចំណាំងផ្លាតពណ៌ក្រហមរាងត្រីកោណចម្ងាយយ៉ាងតិច១០០ម៉ែត្រពីក្រោយរថយន្ត។ ប្រសិនបើពេល យប់ងងឹត ឬពេលថ្ងៃមានភ្លៀងធ្លាក់ ត្រូវបើកភ្លើងសញ្ញាអាសន្ន បើកភ្លើងទីតាំង(ភ្លើងដឺមី)ខាងមុខ និងភ្លើងក្រហមខាងក្រោយ ហើយត្រូវដាក់ចំណាំងផ្លាតពណ៌ក្រហមរាងត្រីកោណ ពីក្រោយរថយន្តចម្ងាយយ៉ាងតិច ២០០ម៉ែត្រ។ ក្នុងករណីនេះ អ្នកបើកបររថយន្តអាចឈប់ ឬចតដើម្បីត្រួតពិនិត្យ ឬជួសជុលរថយន្តក្នុងរយៈពេលមិនលើស៣០នាទីឡើយហើយអ្នកបើកបរត្រូវរៀបចឱ្យអ្នករួមដំណើរទាំងអស់ទៅកាន់ទីសុវត្ថិភាពដែលស្ថិតនៅក្រៅរនាំងការពារ។ក្នុងករណីរថយន្តខូចមានបញ្ហាពិបាកដោះស្រាយអ្នកបើកបរត្រូវស្នើសុំជំនួយពីក្រុមហ៊ុនផ្លូវល្បឿនលឿនតាមលេខទូរសព្ទបន្ទាន់១៣៩៩។ នៅពេលជួសជុលរួចរាល់ ដើម្បីងាកចូលទៅគន្លងផ្លូវសម្រាប់ចរាចរណ៍ធម្មតាវិញអ្នកបើកបរត្រូវបង្កើនល្បឿនតាមគន្លងផ្លូវសម្រាប់ឈប់បន្ទាន់និងឱ្យភ្លើងសញ្ញាប្ដូរទិសខាងឆ្វេងយ៉ាងតិច៥វិនាទី ដោយមិនត្រូវឱ្យរំខានដល់ចរាចរណ៍យានយន្តផ្សេងទៀតឡើយ៕ដោយៈផាវី
ភ្នំពេញ៖ ក្រោយពីការសាងសង់រួចជាស្ថាពរ ផ្លូវល្បឿនលឿនភ្នំពេញ-ព្រះសីហនុ នៅថ្ងៃទី០១ ខែតុលាឆ្នាំ២០២២នឹងបើកឱ្យប្រជាពលរដ្ឋធ្វើដំណើសាកល្បងដោយមិនគិតថ្លៃរយៈពេលមួយខែពេញ។បន្ទាប់ពីការអនុញ្ញាតឱ្យប្រើប្រាស់មិនគិតថ្លៃ នៅដើមខែវិច្ឆិកា ឆ្នាំ ២០២២ នឹងចាប់ផ្តើមគិតលុយ។ ទាក់ទងនឹងតម្លៃនេះ ក្រុមហ៊ុនផ្លូវល្បឿនលឿនបានបង្ហាញតារាងតម្លៃសម្រាប់ការធ្វើដំណើរឆ្លងកាត់លើផ្លូវល្បឿនលឿនលើកដំបូងនៅកម្ពុជានេះផងដែរ។ តម្លៃសម្រាប់ការធ្វើដំណើរលើផ្លូវល្បឿនលឿននេះ ចែកចេញជា៥ប្រភេទដូខាងក្រោម៖ ប្រភេទទី១៖ ទោចក្រយានយន្តដែលមានទំហំស៊ីឡាំងចាប់ពី ៦០០សេសេឡើង, រថយន្តគ្រួសារ/រថយន្តដឹកទំនិញ (គ្រួសារ) ផ្ទុកមិនលើពី ៧នាក់, រថយន្តដឹកទំនិញធុនស្រាល ផ្ទុកមិនលើសពី២តោន តម្លៃ ០.០៦៤ដុល្លារ ក្នុងមួយគីឡូម៉ែត្រ សម្រាប់ឆ្នាំដំបូង នៅឆ្នាំបន្ទាប់តម្លៃ ០.០៨ដុល្លារក្នុងមួយគីឡូម៉ែត្រ។ ប្រភេទទី២៖ រថយន្តដឹកអ្នកដំណើរផ្ទុកចាប់ពី ៨នាក់ ដល់ ១៩នាក់, រថយន្តដឹកទំនិញផ្ទុកចាប់ពី ២តោន ដល់ ៥តោន តម្លៃ ០.១២៨ដុល្លារ ក្នុងមួយគីឡូម៉ែត្រ សម្រាប់ឆ្នាំដំបូង នៅឆ្នាំបន្ទាប់ តម្លៃ ០.១៦ដុល្លារ ក្នុងមួយគីឡូម៉ែត្រ។ ប្រភេទទី៣៖ រថយន្តដឹកអ្នកដំណើរធុនធំ ផ្ទុកចាប់ពី ២០នាក់ ដល់ ៥៦នាក់, រថយន្តដឹកទំនិញផ្ទុកចាប់ពី ៥តោន ដល់ ១០តោន […]
ភ្នំពេញ៖ផ្លូវល្បឿនលឿនភ្នំពេញ-ព្រះសីហនុនឹងបើកឱ្យយានយន្តចាប់ផ្ដើមធ្វើចរាចរណ៍ចេញ-ចូលសាកល្បងនៅថ្ងៃទី០១ ខែតុលា ឆ្នាំ២០២២ ដោយឥតគិតថ្លៃរយៈពេល០១ខែ ចាប់ពីម៉ោង ០៧៖០០នាទីព្រឹកតទៅ នៅគ្រប់ច្រកចេញ-ចូលទាំងអស់ ។ ច្រកទាំង៨នេះ រួមមាន៖ ច្រកទី១ ភ្នំពេញ(ផ្លូវកប់ស្រូវ) គីឡូម៉ែត្រ ៣។ច្រកទី២ កំពង់ស្ពឺកើត គីឡូម៉ែត្រ ២៦។ច្រកទី៣ កំពង់ស្ពឺលិច គីឡូ ម៉ែត្រ៤៣។ ច្រកទី៤ត្រែងត្រយឹង គីឡូម៉ែត្រ៧៦។ច្រកទី៥ កំពង់សិលាគីឡូម៉ែត្រ១១៤។ច្រកទី៦ ស្រែអំបិលគីឡូម៉ែត្រ១៣៥។ច្រកទី៧ ស្ទឹងហាវ គីឡូម៉ែត្រ១៧២និងច្រកទី៨ ព្រះសីហនុគីឡូម៉ែត្រ ១៨២។ ជាមួយគ្នានេះដែរ ក្រសួងសាធារណការក៏បានបង្ហាញលក្ខខណ្ឌគួរយល់ដឹងអំពី “ការប្រើប្រាស់គន្លងផ្លូវ និងរបៀបវ៉ាជែង” លើផ្លូវល្បឿនលឿន ភ្នំពេញ-ព្រះសីហនុ។ ផ្លូវល្បឿនលឿន ត្រូវបានបែងចែកជា៣គន្លងទៅ និង៣គន្លងមក ដែលក្នុងនោះរួមមាន៖ -គន្លងផ្លូវសម្រាប់ចរាចរណ៍ធម្មតា៖ អ្នកបើកបរយានយន្តគ្រប់ប្រភេទ ត្រូវបើកបរតាមគន្លងផ្លូវខាងស្ដាំនៃផ្លូវល្បឿនលឿនដែលជាគន្លងផ្លូវសម្រាប់ចរាចរណ៍ធម្មតា។ -គន្លងផ្លូវសម្រាប់ជែង៖ក្នុងករណីសុំជែង អ្នកបើកបរយានយន្តត្រូវឱ្យសញ្ញាប្ដូរទិសខាងឆ្វេងយ៉ាងតិច ៥វិនាទី ហើយត្រូវងាកទៅគន្លងផ្លូវខាងឆ្វេងនៃផ្លូវល្បឿនលឿនដែលជាគន្លងផ្លូវសម្រាប់ជែង។ នៅពេលជែងផុត អ្នកបើកបរត្រូវឱ្យសញ្ញាប្ដូរទិសខាងស្ដាំដើម្បីងាកចូលគន្លងផ្លូវសម្រាប់ចរាចរណ៍ធម្មតាវិញ។ ក្នុងករណីចរាចរណ៍មមាញឹក អ្នកបើកបរយានយន្តអាចប្រើប្រាស់គន្លងផ្លូវទាំង២បាន ដោយឡែករថយន្តធុនធ្ងន់ត្រូវប្រកាន់យកគន្លងផ្លូវសម្រាប់ចរាចរណ៍ធម្មតាដដែល។ ក្នុងករណីនេះ យានយន្តនៅតាមគន្លងផ្លូវណាមួយបើកបរលឿនជាង មិនចាត់ទុកជាការជែងឡើយ ហើយយានយន្តដែលស្ថិតនៅក្រោយគេត្រូវប្រើភ្លើងសញ្ញាអាសន្នជាដំណឹង។ -គន្លងផ្លូវសម្រាប់ឈប់បន្ទាន់៖ជាគន្លងផ្លូវសម្រាប់ឈប់ […]
ភ្នំពេញ ៖ បន្ទាប់ពីបានចុះប្រគល់រង្វាន់ធំនូវទឹកប្រាក់២០លានរៀលដល់អតិថិជនដែលបានឈ្នះកាលពីពេលកន្លងទៅនៅស្រុងស្ទោង ខេត្តកំពង់ធំ ពេលនេះក្រុមហ៊ុន បានបន្តចុះប្រគល់រង្វាន់ធំដល់អតិថិជនម្នាក់ទៀតដែលមានសំណាងឈ្នះរង្វាន់២០លានរៀល រស់នៅក្នុងភូមិព្រៃខ្លី ឃុំស្រែចែង ស្រុកជុំគីរី ខេត្តកំពត ។ អតិថិជនដែលមានសំណាងបានឈ្នះរង្វាន់ពីប្រេងកូឡា សៀងភាវ (SIANG PURE) នូវទឹកប្រាក់២០លានរៀលមានឈ្មោះ ឈិន រ៉ា ភេទប្រុស អាយុ៣២ឆ្នាំ បម្រើការងារជាគ្រូបង្រៀនផ្នែកអប់រំកាយ និងកីឡា នៅវិទ្យាល័យព្រៃខ្លី និងជាអតិថិជនគាំទ្រជាប្រចាំរបស់ប្រេងកូឡា សៀងភាវ សញ្ញារូបតាប៉ិ តែម្ដង។ លោក ឈិន រ៉ា បានរៀបរាប់ប្រាប់ក្រុមការងារឱ្យដឹងថា ក្រុមគ្រួសាររបស់លោកតែងជឿជាក់លើគុណភាពប្រេងកូឡា សៀងភាវ សញ្ញារូបតាប៉ិ តាំងពីយូរមកហើយ ហើយថែមទាំងទិញយកមកលក់ជាលក្ខណៈអាជីវកម្មគ្រួសារបានដាច់ទៀត ព្រោះមានប្រសិទ្ធភាពខ្ពស់ក្នុងការលាបបំបាត់អាការឈឺពោះ វិលមុខ តឹងច្រមុះ ឈឺក្បាល និងបំបាត់ការឈឺចាប់ពេលមានសត្វទិច ឬខាំ។ ដោយឡែក សម្រាប់ការត្រូវរង្វាន់នៅពេលនេះ គឺនៅពេលដែលម្ដាយរបស់លោកមានអាការៈឈឺក្បាល និងវិលមុខ ហើយលោកក៏យកប្រេងកូឡាដែលប្រពន្ធដាក់លក់នៅផ្ទះមកប្រើ លុះពេលកោសស្ទីកគ័រលើប្រអប់ក៏ស្រាប់តែឃើញមានរង្វាន់២០លានរៀលតែម្ដង។ លោកបន្តថា នៅពេលដែលពិនិត្យឃើញត្រូវរង្វាន់ភ្លាម លោកពិតជាមានអារម្មណ៍រំភើប រីករាយ ហើយស្រែកប្រាប់ប្រពន្ធនិងអ្នកជិតខាងឱ្យបានដឹងហើយក៏ទូរស័ព្ទ ជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅលើសម្បកប្រអប់តែម្ដង។ លោកបានបញ្ជាក់ទៀតថា […]
ភ្នំពេញ៖ ការប្រកួតបាល់ទាត់លំដាប់ពិភពលោកឆ្នាំ២០២២ FIFA World Cup 2022 ដែលប្រជាជនទូទាំងសកលលោកកំពុងតែទន្ទឹង រង់ចាំយ៉ាងអន្ទះសារនោះ នឹងចាប់ផ្តើមជាផ្លូវការពីថ្ងៃទី២០ខែវិច្ឆិកា ដល់ថ្ងៃទី១៨ខែ ធ្នូឆ្នាំ២០២២ នៅប្រទេសកាតាខាងមុខនេះ។ ការប្រកួតបាល់ទាត់ដ៏ធំបំផុតនៅក្នុងពិភពលោកដែលធ្វើឡើងរៀងរាល់៤ឆ្នាំម្តងនេះមានក្រុមជម្រើសជាតិកំពូលចំនួន៣២ប្រទេសចូល រួមក្នុងការប្រកួតរយៈពេលពេញមួយខែ។ FIFA World Cup ឆ្នាំ 2022 លើកនេះជាការប្រកួតលើកទី ២២ នៃការប្រកួត World Cup និងជាលើកទី១ដែលប្រារព្ធធ្វើនៅក្នុងប្រទេសកាតា។ តើលោកអ្នកដឹងទេ នៅក្នុងព្រឹត្តិការណ៍កីឡាបាល់ទាត់ពិភពលោកដ៏ធំបំផុតក្រោយវិបត្តិកូវីដ១៩បានធូរស្រាលនេះ គឺ ស្រាបៀរ Budweiser , King Of Beers មានរសជាតិឈ្ងុយឆ្ងាញ់ពិសេសលើសពីស្រាបៀរផ្សេងៗ បានក្លាយជាស្រាបៀរផ្លូវការប្រចាំ FIFA World Cup 2022 បន្ទាប់ពីក្រុមហ៊ុនមេ ABInBev បានបន្តកិច្ចព្រមព្រៀងរបស់ខ្លួនសម្រាប់ឆ្នាំ2022ជាមួយFIFA ក្នុងការចុះហត្ថលេខា កាលពីឆ្នាំ 2011 បន្ទាប់ពីប្រទេសកាតាត្រូវបានជ្រើសរើសជាម្ចាស់ផ្ទះ។ ក្នុងនាមជាដៃគូស្រាបៀរផ្លូវការនៃ FIFA World Cup 2022 , Budweiser បានបង្ហាញយុទ្ធនាការកំពូលដែលនាំមកជាមួយកីឡាករបាល់ទាត់ដ៏អស្ចារ្យដែលជទូតសុច្ឆន្ទៈលំដាប់ពិភពលោករបស់ […]
ភ្នំពេញ៖ ពាណិជ្ជកម្មទ្វេភាគីកម្ពុជា-អារ៉ាប់រួមអេមីរ៉េត សម្រេចបានប្រមាណ ១០០ លានដុល្លារក្នុងឆ្នាំ២០២០ និង១៥០ លានដុល្លារក្នុងឆ្នាំ២០២១ដែលកើនក្នុងអត្រាប្រមាណ ៥០% បើទោះបីស្ថិតក្នុងបរិការណ៍នៃការរីករាលដាលជំងឺកូវីដ-១៩ ក៏ដោយ។ចំណែកនៅឆ្នាំ២០២២នេះបានត្រូវគេរំពឹងថានឹងមានកំណើនជាងឆ្នាំមុនៗ។ ការរំពឹងថានឹងមានកំណើននេះ បន្ទាប់ពីកម្ពុជា និងអារ៉ាប់រួមអេមីរ៉េត បានប្តេជ្ញាបន្តពង្រឹងកិច្ចសហប្រតិបត្តិការឱ្យកាន់តែល្អប្រសើរ ជាពិសេសពង្រឹងទំនាក់ទំនងពាណិជ្ជកម្មទ្វេភាគី រវាងប្រទេសទាំងពីរឱ្យមានភាពរីកចម្រើន ថែមមួយកម្រិតទៀត។ ការប្តេជ្ញានេះ ធ្វើឡើងនៅក្នុងជំនួបពិភាក្សាការងាររវាងលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ជាមួយលោក Thani Bin Ahmed Al Zeyoudi រដ្ឋមន្ត្រីពាណិជ្ជកម្មអន្តរជាតិរបស់ប្រទេសអារ៉ាប់រួមអេមីរ៉ាត នៅអំឡុងកិច្ចប្រជុំរដ្ឋមន្ត្រីពាណិជ្ជកម្ម វិនិយោគ និងឧស្សាហកម្ម របស់ក្រុមប្រទេស G20 នៅទីក្រុងបាលី ប្រទេសឥណ្ឌូនេស៊ី។ នៅក្នុងកិច្ចពិភាក្សានោះ ភាគីទាំងពីរបានកត់សម្គាល់លើវឌ្ឍនភាពកិច្ចសហប្រតិបត្តិការសេដ្ឋកិច្ច ពាណិជ្ជកម្មរវាងប្រទេសកម្ពុជា និងអេមីរ៉ាតអារ៉ាប់រួមព្រមទាំងបានផ្លាស់ប្ដូរទស្សនាទានល្អៗមួយចំនួន សម្រាប់បរិការណ៍នៃការស្ដារសេដ្ឋកិច្ចឡើងវិញ បន្ទាប់ពីវិបត្តិជំងឺកូវីដ-១៩ ដែលមានដូចជាតាមរយៈការជួយជំរុញច្រវ៉ាក់ផ្គត់ផ្គង់តំបន់ និងជួយគាំទ្រដល់កិច្ចសហប្រតិបត្តិការលើវិស័យពាក់ព័ន្ធឱ្យដំណើរការល្អក្នុងការជំរុញភាពធន់រឹងមាំរបស់សេដ្ឋកិច្ច។ បន្ថែមពីនេះ ភាគីទាំងពីរក៏បានរំលឹកឡើងវិញនូវតួនាទីដ៏សំខាន់របស់វិស័យឯកជននៅក្នុងការអភិវឌ្ឍសេដ្ឋកិច្ចដោយភាគីទាំងពីរនឹងពិនិត្យលទ្ធភាពក្នុងការជំរុញការរៀបចំនូវព្រឹត្តិការណ៍ផ្គូផ្គងធុរកិច្ចផ្សេងៗ នាពេលអនាគតដើម្បីបង្កើនទំហំពាណិជ្ជកម្ម និងវិនិយោគរវាងប្រទេសទាំងពីរ៕ដោយៈសិរីមតី
ភ្នំពេញ៖កម្ពុជានិងឥណ្ឌូនេស៊ីបានឯកភាពគ្នាបង្កើនកិច្ចសហប្រតិបត្តិការទេសចរណ៍បន្ថែមទៀតដើម្បីស្ដារវិស័យទេសចរណ៍ទាំងអស់ គ្នានិងជំរុញឲ្យមានការហោះត្រង់ឡើងវិញ។នេះបើយោងតាមប្រភពរបស់ក្រសួងទេសចរណ៍។ ការឯកភាពគ្នានេះ បានកើតឡើងនៅក្នុងជំនួបពិភាក្សាទ្វេភាគីរវាងឯកឧត្ដម ថោង ខុន រដ្ឋមន្ត្រីក្រសួងទេសចរណ៍កម្ពុជា និងលោក Sandiaga Salahudin Uno រដ្ឋមន្ត្រីទេសចរណ៍និងសេដ្ឋកិច្ចច្នៃប្រឌិតឥណ្ឌូណេស៊ីនាល្ងាចថ្ងៃទី២៧ ខែកញ្ញា ឆ្នាំ២០២២ នាអំឡុងនៃការចូលរួមកិច្ចប្រជុំថ្នាក់រដ្ឋមន្ត្រីទេសចរណ៍ប្រទេស G20 (G20 Tourism Ministerial Meeting)និងទិវាទេសចរណ៍ពិភពលោក ឆ្នាំ២០២២ នៅទីក្រុងបាលី ប្រទេសឥណ្ឌូណេស៊ី ចាប់ពីថ្ងៃទី២៦-២៧ ខែកញ្ញា ឆ្នាំ២០២២។ ក្នុងជំនួបនោះ ភាគីទាំងពីរក៏បានឯកភាពគ្នាបង្កើនកិច្ចសហប្រតិបត្តិការទេសចរណ៍បន្ថែមទៀត ក្នុងនោះរួមមាន៖ ១. បង្កើតក្រុមការងាររួមដើម្បីអនុវត្តអនុស្សរណៈស្ដីពីកិច្ចសហប្រតិបត្តិការទេសចរណ៍រវាងកម្ពុជា និងឥណ្ឌូណេស៊ី ដែលបានចុះហត្ថលេខានាអំឡុងវេទិកាទេសចរណ៍អាស៊ាន ២០២២ នៅក្រុងព្រះសីហនុ។ ២. ជំរុញឲ្យមានការហោះត្រង់ឡើងវិញ និងកាន់តែច្រើនរវាងកម្ពុជា និងឥណ្ឌូណេស៊ី ដោយក្រុមហ៊ុនអាកាសចរណ៍ឥណ្ដូណេស៊ី ដូចជា Lion Air, City Link ជាដើម។ ៣. ដោយកម្ពុជា និងឥណ្ឌូណេស៊ីជាប្រទេសមានភាពជឿនលឿននាំមុខក្នុងការអនុវត្តកិច្ចព្រមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន (ASEAN MRA-TP)ភាគីទាំងពីរនឹងជំរុញឲ្យមានការចែករំលែបទពិសោធន៍ពីគ្នាបន្ថែមទៀត តាមរយៈចូលរួមទស្សនកិច្ចសិក្សា និងសិក្ខាសាលាជាដើម។ ៤. ជំរុញឲ្យមានការចែករំលែកបទពិសោធន៍ល្អៗក្នុងការអភិវឌ្ឍទេសចរណ៍សហគមន៍ […]
ភ្នំពេញ៖ រដ្ឋសភាកូរ៉េនៅថ្ងៃអង្គារ ទី២៧ ខែកញ្ញា ឆ្នាំ២០២២បានផ្តល់សច្ចាប័នលើកិច្ចព្រមព្រៀងពាណិជ្ជកម្មសេរី (FTA) ជាមួយកម្ពុជារួចរាល់ហើយ។នេះបើយោងតាមក្រសួងពាណិជ្ជកម្មកម្ពុជា។ កិច្ចព្រមព្រៀងពាណិជ្ជកម្មសេរីរវាងកម្ពុជា និងកូរ៉េ នឹងជំរុញការនាំចេញរបស់កម្ពុជា ទៅកាន់កូរ៉េបន្ថែមទៀត ដូចជា ផលិតផល សម្លៀក បំពាក់ និងវាយនភណ្ឌ ស្បែកជើង កាបូប គ្រឿង បន្លាស់ ឧបករណ៍អេឡិចត្រូនិក កៅស៊ូ និងផលិតផលកសិកម្មជាដើម។ គួររម្លឹកថា៖ប្រទេសកូរ៉េ បានចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយកម្ពុជា កាលពីខែតុលា ឆ្នាំ២០២១។ ក្រសួងពាណិជ្ជកម្ម ឧស្សាហកម្ម និងថាមពល នៃសាធារណរដ្ឋកូរ៉េ បានបញ្ជាក់ថា «រដ្ឋាភិបាលកូរ៉េនឹងជូនដំណឹងដល់ កម្ពុជា អំពីការបញ្ចប់នីតិវិធីក្នុងស្រុកទាំងអស់ ដើម្បីឱ្យកិច្ចព្រមព្រៀងពាណិជ្ជកម្មសេរីនេះចូលជាធរមាន»។ កិច្ចព្រមព្រៀងពាណិជ្ជកម្មសេរីកម្ពុជា-កូរ៉េជាកិច្ចព្រមព្រៀងពាណិជ្ជកម្មទ្វេភាគីទី២របស់កម្ពុជា បន្ទាប់ពីកិច្ចព្រមព្រៀងពាណិជ្ជកម្មសេរីកម្ពុជា-ចិនបានចូលជាធរមានកាលខែមករា ឆ្នាំ២០២២ តំណាលគ្នានឹងកិច្ចព្រមព្រៀងភាពជាដៃគូសេដ្ឋកិច្ច គ្រប់ជ្រុងជ្រោយក្នុងតំបន់ (RCEP) ដែលមានការចូលរួមប្រទេសចំនួន១៥ រួមមានប្រទេសជាសមាជិកអាស៊ានទាំង១០និងដៃគូពាណិជ្ជកម្មសេរី ចំនួន៥ទៀត មានអូស្ត្រាលី ចិន ជប៉ុន កូរ៉េខាងត្បូង និងណូវែលហ្សេឡង់៕ដោយៈសិរីមតី
ភ្នំពេញ៖៖ ធនាគារពិភពលោក (World Bank) បានចេញការព្យាករណ៍ជាថ្មី ដោយបានដំឡើងអត្រាកំណើនសេដ្ឋកិច្ចកម្ពុជា ពីកំណើន៤.៥ភាគរយ កើនដល់៤.៨ភាគរយនៅក្នុងឆ្នាំ២០២២និងបានព្យាករថាឆ្នាំ២០២៣ មានកំណើន ៥.២ភាគរយ។ នេះបើតាមរបាយការណ៍របស់ World Bank នាថ្ងៃទី២៧ ខែកញ្ញា ឆ្នាំ២០២២។ កាលពីខែមិថុនា ឆ្នាំ២០២២កន្លងទៅនេះ ធនាគារពិភពលោកបានព្យាករកំណើនសេដ្ឋកិច្ចកម្ពុជា នៅឆ្នាំ២០២២ មានកំណើន ៤.៥ភាគរយ ប៉ុន្ដែនៅពេលនេះបានដំឡើងអត្រាកំណើនសេដ្ឋកិច្ចកម្ពុជា នៅក្នុងឆ្នាំ២០២២ រហូតដល់៤.៨%។ នាពេលថ្មីៗនេះ ធនាគារអភិវឌ្ឍន៍អាស៊ី (ADB) ក៏បានចេញការព្យាករណ៍ នូវកំណើនសេដ្ឋកិច្ចកម្ពុជា នៅក្នុងឆ្នាំ២០២២ មានកំណើន ៥.៣% ប៉ុន្តែបានបន្ទាបការព្យាករណ៍អត្រាកំណើននៅឆ្នាំ២០២៣ ពី ៦.៥% មកនៅត្រឹម៦.២% ដោយសារការចុះខ្សោយ នៃកំណើនសេដ្ឋកិច្ចពិភពលោក។ សម្រាប់រាជរដ្ឋាភិបាលកម្ពុជាវិញ សម្រាប់ឆ្នាំ ២០២២ ត្រូវបានព្យាករណ៍ថា កំណើនសេដ្ឋកិច្ចនឹងអាចសម្រចបានក្នុងរង្វង់ ៥,៤% ដោយផ្អែកលើកំណើននៃតម្រូវការក្រៅប្រទេស និងការកើនឡើងវិញនៃការវិនិយោគទាំងក្នុងប្រទេស និងក្រៅប្រទេស ដោយរំពឹងថាការរីករាល ដាលនៃជំងឺកូវីដ-១៩៕ដោយៈសិរីមតី
មណ្ឌលគីរី៖មន្ត្រីអង្គការក្រៅរដ្ឋាភិបាលដែលឃ្លាំមើលពីបទល្មើសព្រៃឈើក្នុងស្រុកកែវសីមា បានឲ្យដឹងនៅថ្ងៃទី២៨ខែកញ្ញាឆ្នាំ២០២២ថា សកម្មភាពដឹកជញ្ជូនឈើតាមរូបភាពម៉ូតូកែច្នៃចេញតាមច្រករបៀងនៅក្បែរៗច្រកព្រំដែនទ្វេភាគីឡាប៉ាខេយកទៅលក់ឲ្យឈ្មួញវៀតណាមគឺបានកើតឡើងយ៉ាងច្រើនក្រោយចប់បុណ្យភ្ជុំបិណ្ឌ។ គេមិនឃើញសមត្ថកិច្ចពាក់ព័ន្ធក្នុងស្រុកកែវសីមា ដែលមានតួនាទីភារកិច្ចទទួលខុសត្រូវតាមព្រំដែនមិនបង្ក្រាបក្រុមឈ្មួញដឹកជញ្ជូនឈើទៅប្រទេសវៀតណាម តាមច្រកង៉ាំអូរជុំ និងច្រកផ្សេងទៀតនោះទេ៕ដោយ៖សុខុម
ភ្នំពេញ៖ សភាពាណិជ្ជកម្មកម្ពុជា និងក្រុមប្រឹក្សាពិគ្រោះយោបល់ធុរកិច្ចអាស៊ាន បានប្រកាសឱ្យធុរជនកម្ពុជា និងអាស៊ាន ចូលរួមដាក់ ពាក្យប្រកួតប្រជែងពានរង្វាន់ធុរកិច្ចអាស៊ានឆ្នាំ២០២២ ដែលជាពានរង្វាន់កម្រិតអន្តរជាតិ សម្រាប់ក្រុមហ៊ុនជោគជ័យ និង ឈានមុខ នៅអាស៊ាន ដែលបានចូលរួមចំណែកដល់ការរីកចម្រើនសេដ្ឋកិច្ចនិងវិបុលភាពអាស៊ាន។ ក្រុមហ៊ុនសហគ្រាស អាចដាក់ពាក្យប្រកួតប្រជែងលើវិស័យសំខាន់ ដូចជា៖១) វិស័យអាទិភាព៖ទេសចរណ៍ ភស្តុភារ អចលនទ្រព្យ កាត់ដេរ សុខាភិបាល សិប្បកម្ម បច្ចេកវិទ្យាហិរញ្ញវត្ថុ និងផលិតផលកសិកម្ម។២) ឧត្តមភាពសហគ្រាសធុនតូច និងមធ្យម ៖ផ្នែក នវានុវត្តន៍ ការទទួលខុសត្រូវសង្គម និងការផ្តល់ការងារធ្វើនិង៣) ការអភិវឌ្ឍជំនាញ ។ ជ័យលាភីដែលទទួលបានពានរង្វាន់ធុរកិច្ចអាស៊ាននឹងត្រូវប្រកាសនៅក្នុងពិធីជប់លៀងអាហារពេលល្ងាចនៅថ្ងៃទី៩ខែវិច្ឆិកា ឆ្នាំ២០២២ ដែលប្រព្រឹត្តទៅនៅរាជធានីភ្នំពេញ ក្រោមអធិបតីភាពលោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានកិច្ចប្រជុំរដ្ឋមន្ត្រីសេដ្ឋកិច្ចអាស៊ាន។ ព្រឹត្តិការណ៍នេះគឺជាផ្នែកមួយនៃកិច្ចប្រជុំកំពូលធុរកិច្ចនិងវិនិយោគអាស៊ានក្នុងអំឡុងពេលនៃកិច្ចប្រជុំកំពូលអាស៊ានលើកទី៤០ និងលើកទី៤១ និងកិច្ចប្រជុំកំពូលពាក់ព័ន្ធ៕ដោយៈសិរីមតី
ភ្នំពេញ៖នៅថ្ងៃទី២៨ និង២៩ ខែតុលា ឆ្នាំ២០២២ខាងមុខ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះ បណ្តាលវិជ្ជាជីវៈ គ្រោងនឹងរៀបចំពិព័រណ៍ការងារ និងផលិតភាពជាតិ ដោយនឹងនាំមកនូវឱកាសការងារជាង ២ម៉ឺនកន្លែង ពីក្រុមហ៊ុនធំៗជាង១៥០ បង្ហាញជូនសាធារណៈជននៅអគារពិព័រណ៍កោះពេជ្រ រាជធានីភ្នំពេញ។ ប្រភពទីភ្នាក់ងារជាតិមុខរបរ និងការងារ បានឲ្យដឹងថា គោលបំណងនៃកម្មវិធីពិព័រណ៍ការងារ និងផលិតភាពជាតិ រៀបចំឡើងក្នុងគោលដៅ ង្កើតជាវេទិកាប្រមូលផ្ដុំឱកាសការងារដ៏ច្រើនសន្ធឹកសន្ធាប់នៅមួយកន្លែង ងាយស្រួលសម្រាប់និយោជក អ្នកស្វែងរកការងារ និងអ្នកផ្តល់ការអប់រំបណ្តុះបណ្តាល។ តាមរយៈពិព័រណ៍នេះនិយោជកអាចតាំងបង្ហាញនិងផ្សព្វផ្សាយពីតម្រូវការជ្រើសរើសកម្លាំងពលកម្ម ដើម្បីទាក់ទាញអ្នកស្វែងរកការងារដែលមាន សមត្ថភាពជំនាញ និងសក្តានុពលស្របតាមតម្រូវការ, អ្នកស្វែងរកការងារអាចដាក់ពាក្យ និងសម្ភាសការងារផ្ទាល់ និងតាមប្រព័ន្ធអនឡាញព្រមទាំងទទួលបានព័ត៌មានអំពីឱកាសការងារនិងឱកាសក្នុងការអភិវឌ្ឍជំនាញចំណែក អ្នកផ្តល់ការអប់រំបណ្តុះបណ្តាលអាចផ្សព្វផ្សាយកម្មវិធីសិក្សា វគ្គសិក្សា និងកម្មវិធីអភិវឌ្ឍជំនាញគ្រប់ប្រភេទ, លើកកម្ពស់ការយល់ដឹង និងបណ្ដុះគំនិតអំពីការបង្កើនផលិតភាពតាមរយៈសិក្ខាសាលាចែករំលែកចំណេះដឹង និងបទពិសោធន៍ ដោយវាគ្មិនជាតិ-អន្ដរជាតិល្បីៗ និងបង្កើតវេទិកាសម្រាប់ពង្រីកបណ្ដាញទំនាក់ទំនងផ្នែកធនធានមនុស្ស (HR Networking)។ ទីភ្នាក់ងារជាតិមុខរបរ និងការងារ បានបញ្ជាក់បន្ថែមថា សម្រាប់កម្មវិធីនេះ ក្រៅពីទទួលបានឱកាសការងាររាប់ម៉ឺនកន្លែង អ្នកស្វែងរកការងារ ក៏ដូចជាយុវជន សិស្ស និស្សិត ក៏អាចចូលរួមក្នុងសិក្ខាសាលាចែករំលែកចំណេះដឹងពីការលើកកម្ពស់ផលិតភាពដោយវាគ្មិនជាតិ និងអន្តរជាតិល្បីៗផងដែរ៕ដោយៈផាវី
ភ្នំពេញ៖ក្រសួងទេសចរណ៍ បានឱ្យដឹងកាលពីរសៀលថ្ងៃទី២៧ខែកញ្ញាថា៖កម្ពុជាទទួលបានភ្ញៀវទេសចរសរុបជាង១លាន២សែននាក់ នាពិធីបុណ្យភ្ជុំបិណ្ឌនិងការដើរកម្សាន្តរយៈពេល៣ថ្ងៃ ចាប់ពីថ្ងៃទី២៤-២៦ ខែកញ្ញា ឆ្នាំ២០២២ក្នុងនោះខេត្តបាត់ដំបង សៀមរាប ប៉ៃលិន ទទួលបានភ្ញៀវច្រើនជាងគេដាច់។ នាឱកាសពិធីបុណ្យភ្ជុំបិណ្ឌរយៈពេល៣ថ្ងៃ ២៤-២៦ ខែកញ្ញា ឆ្នាំ២០២២ កម្ពុជាយើងទទួលបានភ្ញៀវទេសចរសរុបទូទាំងប្រទេស១,២៥៩,១២១នាក់ ក្នុងនោះភ្ញៀវជាតិមានចំនួន១,២៤៤,៦៤២នាក់ និងភ្ញៀវបរទេសផ្ទៃក្នុងមានចំនួន១៤,៤៧៩នាក់។ ក្រសួងទេសចរណ៍បានឱ្យដឹងថា៖សម្រាប់ថ្ងៃភ្ជុំថ្ងៃទី១ (២៤ កញ្ញា) ទទួលបាន៣៣៩,៤៥៩នាក់,ថ្ងៃទី២ (២៥ កញ្ញា) ទទួលបាន៥១២,១២៦នាក់និងថ្ងៃទី៣ (២៦ កញ្ញា) ទទួលបាន៤០៧,៥៣៦នាក់។ ខេត្តដែលទទួលបានភ្ញៀវទេសចរច្រើនជាងគេទាំង១០ (Top 10) សម្រាប់រយៈពេល៣ថ្ងៃនេះ រួមមាន៖ * ខេត្តបាត់ដំបង ២១០,១២២នាក់ * ខេត្តសៀមរាប ១៤៣,៤៧០នាក់ * ខេត្តកែប ១១៦,៧៧៦នាក់ * ខេត្តពោធិ៍សាត់ ៩៦,៤៥២នាក់ * ខេត្តព្រះសីហនុ ៨៤,៥៥៧នាក់ * ខេត្តកំពង់ចាម ៧៩,៥៧៤នាក់ * ខេត្តកំពត ៧៧,៥៤៨នាក់ * ខេត្តកណ្តាល ៥៤,៥៤៦នាក់ […]
ហុងកុង៖តារាចម្រៀងនិងជាតារាសម្ដែងវ័យក្មេង កញ្ញា Jocelyn Choi ដែលជាទូតសុច្ឆន្ទៈវប្បធ៌មរបស់ក្រុមហ៊ុនសាន់វ៉ាគ្រុប នៃទីក្រុងហុងកុង កាលពីខែសីហា ឆ្នាំ២០២២ បានសហការជាមួយសមាគមសិល្បៈសម្ដែងក្រោមទឹកនាទីក្រុងហុងកុងដើម្បីផលិតជាចម្រៀងវីដេអូដែលមានចំណងជើងថា«រឿងនិទាននៅក្រោមសមុទ្រ» ។ ក្រៅពីតារាចម្រៀងនិងជាតួឯកស្រីក្នុងចម្រៀងវីដេអូនេះ កញ្ញា Jocelyn Choi ក៏ជាប្រធានស្ថាបនិកនៃសមាគមផងដែរ។ កញ្ញា Jocelyn Choi រួមជាមួយសហការី ដែលមានជំនាញរបស់សមាគម រួមទាំងអ្នកថតរូបក្រោមទឹក និងគ្រូបង្វឹកបានចំណាយពេល៣២ម៉ោងក្នុងការថត ក្នុងជម្រៅទឹក ៣០០ម៉ែត្រនិង ១៥០ ម៉ោងក្នុងការកែរសម្រួលចម្រៀងវីដេអូ។ នេះគឺជាវីដេអូក្រោមទឹកដំបូងបង្អស់របស់សមាគមផងដែរក្នុងគោលបំណងចូលរួមចំណែកក្នុការអភិវឌ្ឍសិល្បៈសម្ដែងក្រោមទឹកក្នុងទីក្រុងហុងកុង។ កញ្ញា Jocelyn Choi បានបញ្ចប់ការសិក្សាពីសាកលវិទ្យាល័យចិន ហុងកុង ជាមួយជំនាញភាសាអង់គ្លេស និង ប្រើប្រាស់ភាសាបារាំងបានយ៉ាងស្ទាត់ជំនាញ។កញ្ញាបានប្រឡូកក្នុងវិស័យសិល្បៈតាំងពីអាយុ ៥ឆ្នាំ និងបានឈ្នះពានរង្វាន់ជាច្រើននៅទីក្រុងហុងកុង និង ចិនដីគោក។ ក្នុងនាមជាទូតសុច្ឆន្ទៈវប្បធ៌មនៃក្រុមហ៊ុនសាន់វ៉ាគ្រុប កញ្ញា Jocelyn Choi បានចូលរួមយ៉ាងសកម្មនៅក្នុងគម្រោងនិងកម្មវិធីវប្បធ៌មនិងសិល្បៈជាច្រើនដែលរៀបចំជាក្រុមដើម្បីពង្រឺកបន្ថែមទៀតនូវមិត្តភាពនិងកិច្ចសហប្រតិបត្តិការរវាងទីក្រុងហុងកុង ប្រទេសចិន និងតំបន់ផ្សេងៗទៀតក្នុងពិភពលោក។ បច្ចុប្បន្នកញ្ញាកំពុងទទួលបន្ទុកគ្រប់គ្រងមជ្ឈមណ្ឌលច្នៃប្រឌិតភាពយន្ត របស់សាន់វ៉ានៅ Beijing Film Academy (ប្រទេសចិន)និងជាសមាជិកសំខាន់នៃអង្គការសប្បុរសធ៌មអន្តជាតិជាច្រើន។នៅក្នុងឆ្នាំ២០១៧ កញ្ញាបានសម្ដែងជាតួ Lily ក្នុងរឿង […]
ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា(CDC) បានសម្រេចចេញវិញ្ញាបនបត្រចុះបញ្ជី លើគម្រោងវិនិយោគ ដែលមានទុនសរុប៥,៦លានដុល្លារអាមេរិក ដើម្បីបង្កើតរោងចក្រចំនួន ១កន្លែង នៅរាជធានីភ្នំពេញ។ ក្រុមហ៊ុន MI QI (CAMBODIA) GARMENT CO., LTD បានស្នើសុំវិនិយោគលើគម្រោងបង្កើតរោងចក្រកាត់ដេរសម្លៀកបំពាក់មួយកន្លែង ដែលមានទីតាំងស្ថិតនៅភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ក្នុងទុនវិនិយោគប្រមាណ៥,៦លានដុល្លារអាមេរិក។ បើតាមក្រុមប្រឹក្សាអភិវឌ្ឍន៍កម្ពុជា (CDC) គម្រោងថ្មីមួយនេះ នឹងបង្កើតការងារចំនួន ១.៨៨៦៣កន្លែងជូនប្រជាពលរដ្ឋ៕ដោយៈសិរីមតី
ភ្នំពេញ៖ផ្លូវល្បឿនលឿនភ្នំពេញ-ព្រះសីហនុនឹងបើកឱ្យធ្វើដំណើរដោយឥតគិតថ្លៃរយៈពេល១ខែពេញនៅខែតុលាមុនពេលការផ្ដើមបើកទូទាត់ប្រាក់នៅខែវិច្ឆិកាចុងឆ្នាំ។នេះបើតាមការឱ្យដឹងរបស់លោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនក្នុងពេលចុះទៅត្រួតពិនិត្យផ្លូវនេះជាលើកចុងក្រោយ កាលពីថ្ងៃទី២១ខែកញ្ញា។ គិតមកដល់ពេលនេះ ផ្លូវល្បឿនលឿន ភ្នំពេញ- ព្រះសីហនុ សម្រេចការងារសាងសង់រួចរាល់ស្ទើរតែ១០០%ហើយ ខណៈការងារនៅសល់បន្តិចបន្តួចក្រុមហ៊ុននឹងសាងសង់ឱ្យបានរួចរាល់ មុនពេលបើកដំណើរជាបណ្តោះអាសន្ន ឱ្យប្រជាពលរដ្ឋប្រើប្រាស់ ដោយឥតគិតថ្លៃចំនួន១ខែ នៅខែតុលា ឆ្នាំ២០២២ខាងមុខនេះ។ ក្នុងឱកាសនោះដែរលោកទេសរដ្ឋមន្ត្រី ស៊ុន ចាន់ថុល បានបញ្ជាក់ថា សម្រាប់រថយន្តគ្រួសារ ដែលជារថយន្តតូចអាចបើកបរល្បឿនខ្ពស់បំផុត១២០គីឡូម៉ែត្រក្នុងមួយម៉ោងខណៈដែលល្បឿនទាបបំផុត៦០គីឡូម៉ែត្រក្នុងមួយម៉ោង។ ចំពោះរថយន្តកុងតឺន័រដែលមានសណ្តោងអនុញ្ញាតឱ្យប្រាស់ល្បឿនត្រឹមតែ៨០គីឡូម៉ែត្រក្នុងមួយម៉ោង ខណៈរថយន្តធំអត់មានសណ្តោង អាចឱ្យប្រើប្រាស់ល្បឿន១០០គីឡូម៉ែត្រក្នុងមួយម៉ោង។ បើតាមលោកទេសរដ្ឋមន្ត្រី រថយន្តដឹកទំនិញធុនធំ គឺតម្រូវឱ្យបើកដោយប្រកាន់ស្តាំជានិច្ច មិនអាចបើកលើគន្លងខាងឆ្វេងដោយប្រើពេលយូរបាននោះទេ ខណៈឡានតូចអាចប្រើប្រាស់បាន ក្នុងករណី ដែលមិនមានឧបសគ្គនៅខាងមុខ។ ជាមួយគ្នានោះ រថយន្តដែលបើកលើផ្លូវនេះ ដាច់ខាតត្រូវមានសុពលភាពឆៀកបានត្រឹមត្រូវ ទើបអាចបើកលើផ្លូវល្បឿនលឿននេះបាន។ លោកទេសរដ្ឋមន្ត្រី ស៊ុន ចាន់ថុល បានបញ្ជាក់ទៀតថា សម្រាប់ផ្លូវល្បឿនលឿនភ្នំពេញ-ក្រុងព្រះសីហនុនេះ ក៏មានការអនុញ្ញាតឱ្យម៉ូតូ ដែលមានទំហំស៊ីឡាំងលើសពី៥០០សេសេ អាចប្រើប្រាស់បានផងដែរ ដោយមានកំណត់ល្បឿនត្រឹមតែ១០០គីឡូម៉ែត្រក្នុងមួយម៉ោង ខណៈដែលម៉ូតូមានមានទំហំស៊ីឡាំងតូចជាងនេះ គឺមិនមានការអនុញ្ញាតឱ្យប្រើប្រាស់នោះឡើយ។ បើតាមលោកទេសរដ្ឋមន្ត្រី ស៊ុន ចាន់ថុល ទោះបីផ្លូវល្បឿនលឿននេះ ជាផ្លូវឯកជន តែក៏នៅក្រោមច្បាប់របស់ប្រទេសកម្ពុជា ដូចនេះផ្លូវនេះនៅតែមានការដាក់កាមេរ៉ាចាប់ល្បឿន នៅតាមគោលដៅនានា ជាមួយនឹងការផាកពិន័យងតាមច្បាប់ […]
ភ្នំពេញ៖ធនាគារអភិវឌ្ឍន៍អាស៊ី (ADB) បានរក្សាការព្យាករកំណើនសេដ្ឋកិច្ចរបស់ខ្លួនសម្រាប់ប្រទេសកម្ពុជានៅកម្រិត ៥,៣% ក្នុងឆ្នាំ ២០២២ ប៉ុន្តែបានបន្ទាបការព្យាករឆ្នាំ ២០២៣ មកនៅត្រឹម ៦,២% ពី ៦,៥% ដោយសារការចុះខ្សោយ នៃកំណើនសេដ្ឋកិច្ចពិភពលោក ។ យោងតាមការធ្វើបច្ចុប្បន្នភាពនៃទស្សនវិស័យអភិវឌ្ឍន៍អាស៊ី ឆ្នាំ២០២២ (ADO 2022 Update)ចេញផ្សាយនៅ២១ខែកញ្ញាបានបង្ហាញថា៖ការនាំចេញផលិតផលសម្លៀកបំពាក់ ទំនិញធ្វើដំណើរ និង ស្បែកជើងរបស់កម្ពុជានៅតែរឹងមាំ ជាមួយកំណើន៣៩,៨% ក្នុងឆមាសទីមួយនៃឆ្នាំ ២០២២ ធៀបនឹងរយៈពេលដូចគ្នាកាលពី ឆ្នាំមុន បើទោះបីជាមានការថយចុះនៃកំណើនសេដ្ឋកិច្ចសហរដ្ឋអាមេរិក និង អឺរ៉ុបក៏ដោយ។ វិស័យកម្មន្តសាលមិនមែនកាត់ដេរ បានបន្តសន្ទុះកំណើនដ៏រឹងមាំ។ វិស័យសំណង់ បាន ងើបឡើងវិញជាបណ្តើរៗជាមួយការនាំចូលសម្ភារសំណង់កើនឡើង២២,៨%។ វិស័យឧស្សាហកម្មត្រូវបានព្យាករថានឹងកើនឡើង ៩,១% នៅឆ្នាំនេះ មុនពេលថយមកត្រឹម ៨,៦% នៅឆ្នាំ ២០២៣ ដោយសារការចុះខ្សោយនៃតម្រូវការ ក្រៅស្រុក។ នាយិកា ADB ប្រចាំកម្ពុជា លោកស្រី Jyotsana Varma បានមានប្រសាសន៍ថា «ការកើនឡើង នៃការនាំចេញផលិតផលកម្មន្តសាល របស់កម្ពុជា […]
ឧត្តរមានជ័យ ៖ ជាមួយនឹងកម្មវិធីឈ្នះរង្វាន់ប្រាក់លាន និងក្លាយជាសេដ្ឋីភ្លាមៗពីភេសជ្ជៈប៉ូវកម្លាំង ខារ៉ាបាវ ពេលនេះក្រុមហ៊ុនបានបន្តរកឃើញអតិថិជនដែលមានសំណាងបានឈ្នះរង្វាន់ធំនូវទឹកប្រាក់សុទ្ធចំនួន ១០០លានរៀលម្នាក់ទៀតហើយ ដែលជាអ្នករស់នៅខេត្ត ឧត្តរមានជ័យ។ សម្រាប់អតិថិជនដែលមានសំណាងបានឈ្នះរង្វាន់ធំទឹកប្រាក់សុទ្ធចំនួន ១០០លានរៀលពីភេសជ្ជៈប៉ូវកម្លាំង ខារ៉ាបាវ រូបនេះមានឈ្មោះ ទីង ហឿង ភេទប្រុស អាយុ៤៣ឆ្នាំ មានមុខរបរជាកសិករ និងមានកូន៣នាក់នៅក្នុងបន្ទុក រស់នៅនៅភូមិត្នោត សង្កាត់បន្សាយរាក់ ក្រុងសំរោង ខេត្តឧត្តរមានជ័យ។ លោក ទីង ហឿង បានប្រាប់ឱ្យដឹងថាជារៀងរាល់ថ្ងៃលោកតែងតែទទួលទានភេសជ្ជៈខារ៉ាបាវ ១ ឬ ២ កំប៉ុង ជាប្រចាំព្រោះវាជួយឱ្យមានកម្លាំង ជាពិសេសក្រោយពេលមានអារម្មណ៍ថាហត់នឿយបន្ទាប់ពីធ្វើការងារ។ លោកបានបញ្ជាក់ថា៖ «ដោយឡែកសម្រាប់ការត្រូវរង្វាន់នេះ គឺជារឿងដែលមិននឹកស្មានដល់នោះឡើយ ដោយកាលពីថ្ងៃចុងសប្ដាហ៍កន្លងទៅនេះ នៅពេលត្រឡប់ពីធ្វើស្រែវិញ ខ្ញុំបានទិញភេសជ្ជៈខារ៉ាបាវ ពីអ្នកលក់ដែលនៅជិតផ្ទះចំនួន១កំប៉ុងមកទទួលទាន លុះពេលគាស់ស្រាប់តែឃើញមានរង្វាន់ ១០០លានរៀលតែម្ដង។ ពេលឃើញភ្លាម ខ្ញុំពិតជាភ្ញាក់ផ្អើលជាខ្លាំង ហើយស្រែកប្រាប់អ្នកដែលនៅក្បែរមកជួយពិនិត្យមើល ហើយក៏ទូរស័ព្ទប្រាប់ដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅក្រវិលកំប៉ុងស្រាប់តែម្ដង»។ លោកបានបន្ថែមទៀតថា៖«តាំងពីដើមមក នៅពេលដែលឃើញគេឡើងទទួលរង្វាន់ធំ និងផ្សព្វផ្សាយនៅតាមស្ថានីយ៍ទូរទស្សន៍ ខ្ញុំតែងនឹកស្រមៃថា ថ្ងៃណាមួយ ខ្ញុំនឹងមានវាសនាត្រូវរង្វាន់ដូចគេដែរ ហើយថ្ងៃនេះ ក្ដីស្រមៃរបស់ខ្ញុំបានក្លាយជាការពិតមែន»។ លោក […]