រតនគីរី ៖ បុរសម្នាក់មានឈ្មោះ ឈុន ម៉េងគា អាយុ៣១ឆ្នាំ មានមុខរបរជាជាងក្រឡឹងគ្រឿងចក្រដែក បច្ចុប្បន្នរស់នៅភូមិប្លង់ ឃុំប៉ាតេ ស្រុកអូយ៉ាដាវ ខេត្តរតនៈគីរី មានសំណាងបានឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវទឹកប្រាក់សុទ្ធចំនួន ១២៥លានរៀល បន្ទាប់ពីទិញភេសជ្ជៈ ខារ៉ាបាវ ចំនួន១កំប៉ុងទទួលទានក្រោយពេលហត់នឿយពីការងារ។ នៅចំពោះមុខក្រុមការងារតំណាងក្រុមហ៊ុនដែលនាំយកប្រាក់រង្វាន់ធំប្រគល់ដល់លំនៅដ្ឋានដូចដែលបានជម្រាបជូនខាងលើនេះ លោក ឈុន ម៉េងគា បានរៀបរាប់ឱ្យដឹងថា កាលពីសប្ដាហ៍កន្លងទៅនេះ ក្រោយពេលរៀបចំ និងធ្វើការក្រឡឹងដែកគ្រឿងចក្រឡានដឹកទំនិញ ហើយអស់កម្លាំង ក៏ទិញភេសជ្ជៈប៉ូវកម្លាំងខារ៉ាបាវ ១កំប៉ុង ពីអ្នកលក់ដែលនៅក្បែរផ្ទះទទួលទាន លុះពេលគាស់ក៏ឃើញមានរង្វាន់១២៥លានរៀលនៅនឹងក្រវិលកំប៉ុងតែម្ដង។ ក្រោយពេលបានឃើញរង្វាន់ធំភ្លាម លោកបានស្រែកប្រាប់ប្រពន្ធ ព្រមទាំងអ្នកនៅជិតខាងឱ្យបានដឹង និងទូរស័ព្ទជូនដំណឹងដល់ក្រុមហ៊ុនតែម្ដង។ លោក ឈុន ម៉េងគា បានបញ្ជាក់ឱ្យដឹងទៀតថា ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ ១២៥លានរៀលនេះ លោកនឹងយកមួយចំនួនសងបំណុលគេ និងទុកមួយចំនួនទៀតទិញដីទុកសម្រាប់សាងសង់ផ្ទះជាកម្មសិទ្ធិសម្រាប់រស់នៅ ព្រោះបច្ចុប្បន្នស្នាក់នៅផ្ទះជួលគេប៉ុណ្ណោះ ហើយនៅសល់ប៉ុន្មានយកទៅពង្រីកអាជីវកម្ម ដើម្បីទទួលបានកម្រៃសម្រាប់ផ្គត់ផ្គង់ជីវភាពគ្រួសារ។ ជាចុងក្រោយ លោក ឈុន ម៉េងគា ព្រមទាំងក្រុមគ្រួសារ បានថ្លែងអំណរគុណយ៉ាងជ្រាលជ្រៅដល់ក្រុមហ៊ុនខារ៉ាបាវ ដែលបានផ្តល់រង្វាន់ពិតប្រាដក និងសូមជូនពរឱ្យក្រុមហ៊ុនមានភាពរីកចម្រើនកាន់តែខ្លាំងតទៅមុខទៀត។ នៅក្នុងឆ្នាំ២០២៤ […]

ប្រែសម្រួល៖ ស-សម្បត្តិ យោធាអាមេរិកបានឱ្យដឹងថា អ្នកបើកបរយន្តហោះចម្បាំងពីររូបរបស់កងទ័ពជើងទឹកអាមេរិក ត្រូវបានបាញ់ទម្លាក់នៅសមុទ្រក្រហម ក្នុងហេតុការណ៍បាញ់ច្រឡំគ្នាមួយ។ កងទ័ពអាមេរិកកំពុងធ្វើការវាយប្រហារតាមអាកាសប្រឆាំងនឹងក្រុមឧទ្ទាមហ៊ូធី នៅយេម៉ែន និងបានបាញ់ច្រឡំទៅលើអ្នកបើកបរយន្តហោះកងទ័ពជើងទឹកអាមេរិកពីររូប។ ពួកគេទាំងពីរត្រូវបានជួយសង្គ្រោះបានទាន់ពេល ដោយម្នាក់រងរបួសស្រាល។ បញ្ជាការដ្ឋានកណ្តាលបានថ្លែងក្នុងសេចក្តីថ្លែងការណ៍មួយថា “នាវាចម្បាំង USS Gettysburg ដែលជាផ្នែកមួយនៃក្រុមនាវាចម្បាំង USS Harry S. Truman បានបាញ់ច្រឡំទៅលើយន្តហោះចម្បាំង F/A-18 ដែលកំពុងហោះហើរចេញពីនាវា USS Harry S. Truman”។ បញ្ជាការដ្ឋានកណ្តាលមិនបានបញ្ជាក់លម្អិតអំពីបេសកកម្មរបស់ពួកគេទេ។ ក្រុមឧទ្ទាមហ៊ូធីបានថ្លែងថា គោលដៅរបស់ពួកគេគឺបញ្ឈប់សង្គ្រាមរបស់អ៊ីស្រាអែលប្រឆាំងនឹងក្រុមហាម៉ាស់នៅតំបន់ហ្គាហ្សា។ យុទ្ធនាការរបស់ក្រុមហ៊ូធី ដែលក្រុមឧទ្ទាមអះអាងថាគ្រាន់តែគោលដៅទៅលើនាវាដែលពាក់ព័ន្ធនឹងអ៊ីស្រាអែល ឬសម្ព័ន្ធមិត្តរបស់ខ្លួនប៉ុណ្ណោះ បានបង្កការរំខានយ៉ាងខ្លាំង ដោយក្រុមហ៊ុនដឹកជញ្ជូនជាច្រើនបានជ្រើសរើសផ្លូវវែងជាងមុនដោយត្រូវធ្វើដំណើរជុំវិញកោះអាហ្វ្រិក ដើម្បីសុវត្ថិភាព។ មេដឹកនាំក្រុមហ៊ូធីបានថ្លែងកាលពីដើមឆ្នាំនេះថា “មិនមានបញ្ហាអ្វីសម្រាប់ជនជាតិអឺរ៉ុប ចិន និងពិភពលោកទាំងមូលក្នុងការធ្វើដំណើរឆ្លងកាត់សមុទ្រក្រហមទេ។” “គោលដៅតែមួយគត់គឺនាវាដែលពាក់ព័ន្ធនឹងអ៊ីស្រាអែល។” ប៉ុន្តែគាត់បានបន្ថែមថា រដ្ឋាភិបាលណាក៏ដោយដែលចូលរួមក្នុងប្រតិបត្តិការយោធាប្រឆាំងនឹងកងកម្លាំងជើងទឹករបស់ក្រុមឧទ្ទាម នឹងប្រឈមនឹងការសងសឹក។ មេដឹកនាំហ៊ូធីបានព្រមានថា “អ្នកណាដែលចង់ចូលរួម វាយប្រហារប្រជាជនជាទីស្រលាញ់របស់យើង និងគោលដៅកងកម្លាំងជើងទឹក គឺពិតជាប្រថុយប្រថាននឹងកងនាវា និងនាវាពាណិជ្ជកម្មរបស់ពួកគេ។” “យើងសង្ឃឹមថា បណ្តាប្រទេសអារ៉ាប់ និងអ៊ីស្លាមដទៃទៀតនឹងមិនចូលរួមជាមួយជនជាតិអាមេរិក អ៊ីស្រាអែល និងអង់គ្លេសឡើយ។” […]

ប្រែសម្រួល៖ ស្រីស្រស់ ទីក្រុងហូជីមិញ៖ ប្រជាជនរាប់ពាន់នាក់នៅទីក្រុងហូជីមិញបានប្រមូលផ្តុំគ្នាក្នុងទូរថភ្លើង និងថតរូបសែលហ្វីកាលពីថ្ងៃអាទិត្យ (ថ្ងៃទី២២ ខែធ្នូ) ដើម្បីអបអរសាទរការបើកដំណើរការខ្សែរថភ្លើងក្រោមដីដំបូងគេបង្អស់របស់ទីក្រុងដែលតែងតែកកស្ទះចរាចរណ៍នេះ បន្ទាប់ពីការពន្យារពេលអស់រយៈពេលជាច្រើនឆ្នាំ។ ជួរមនុស្សដ៏វែងបានតម្រង់នៅគ្រប់ស្ថានីយទាំងអស់នៃខ្សែរថភ្លើងដែលមានតម្លៃ១,៧ ពាន់លានដុល្លារអាមេរិក និងមានប្រវែងជិត២០គីឡូម៉ែត្រ ចាប់ពីកណ្តាលក្រុង – ក្នុងនោះមានស្ត្រីស្លៀកពាក់ឈុតអាវផាយប្រពៃណី យោធិនក្នុងឯកសណ្ឋាន និងគូស្វាមីភរិយាដែលកំពុងកាន់កូនតូចៗ រង់ចាំជិះរថភ្លើងដោយក្តីរំភើប។ “ខ្ញុំដឹងថាគម្រោងនេះយឺតយ៉ាវ ប៉ុន្តែខ្ញុំនៅតែមានកិត្តិយស និងមោទនភាពណាស់ដែលបានក្លាយជាមនុស្សម្នាក់ក្នុងចំណោមមនុស្សដំបូងៗដែលបានជិះរថភ្លើងក្រោមដីនេះ” នេះជាសម្ដីរបស់កញ្ញា ងួយិន ញឹ ហ៊ុយេន បុគ្គលិកការិយាល័យម្នាក់ បន្ទាប់ពីបានថតរូបសែលហ្វីក្នុងទូរថភ្លើងដែលមានមនុស្សច្រើនកុះករ។ “ទីក្រុងរបស់យើងឥឡូវនេះស្មើមុខស្មើមាត់នឹងទីក្រុងធំៗផ្សេងទៀតនៅលើពិភពលោកហើយ” នាងបានបន្ថែម។ វាត្រូវការពេល១៧ឆ្នាំ ទើបរដ្ឋធានីពាណិជ្ជកម្មរបស់វៀតណាមឈានដល់ចំណុចនេះ។ គម្រោងនេះដែលផ្តល់ហិរញ្ញប្បទានភាគច្រើនដោយកម្ចីរបស់រដ្ឋាភិបាលជប៉ុន ត្រូវបានអនុម័តដំបូងនៅឆ្នាំ២០០៧ និងគ្រោងចំណាយត្រឹមតែ៦៦៨លានដុល្លារអាមេរិកប៉ុណ្ណោះ។ នៅពេលការសាងសង់បានចាប់ផ្តើមនៅឆ្នាំ២០១២ អាជ្ញាធរបានសន្យាថា ខ្សែរថភ្លើងនេះនឹងដាក់ឱ្យដំណើរការក្នុងរយៈពេលត្រឹមតែប្រាំឆ្នាំប៉ុណ្ណោះ។ ប៉ុន្តែនៅពេលការពន្យារពេលកើនឡើង ចំនួនរថយន្ត និងម៉ូតូក៏កើនឡើងក្នុងទីក្រុងដែលមានប្រជាជន៩លាននាក់នេះ ធ្វើឱ្យមហានគរនេះកាន់តែកកស្ទះខ្លាំង កើនការបំពុលបរិស្ថាន និងត្រូវការពេលវេលាច្រើនក្នុងការធ្វើដំណើរ។ រថភ្លើងក្រោមដីនេះ “ឆ្លើយតបនឹងតម្រូវការធ្វើដំណើររបស់ប្រជាពលរដ្ឋដែលកំពុងកើនឡើង និងរួមចំណែកកាត់បន្ថយការកកស្ទះចរាចរណ៍ និងការបំពុលបរិស្ថាន” នេះជាសម្ដីរបស់លោក ប៊ូយ ស្វាន់ កួង អភិបាលរងក្រុង។ លោកកួងបានទទួលស្គាល់ថា អាជ្ញាធរត្រូវជម្នះ “ឧបសគ្គរាប់មិនអស់” […]

ប្រែសម្រួល៖ ស-សម្បត្តិ សៅប៉ូឡូ៖ យ៉ាងហោចណាស់មនុស្ស៣៨នាក់បានស្លាប់ក្នុងគ្រោះថ្នាក់រថយន្តក្រុងមួយនៅភាគអាគ្នេយ៍ប្រទេសប្រេស៊ីលកាលពីថ្ងៃសៅរ៍ (ថ្ងៃទី២១ ខែធ្នូ) ដែលប្រធានាធិបតី លូអ៊ីស អ៊ីណាស៊ីយ៉ូ លូឡា ដា ស៊ីលវ៉ា ហៅថា “សោកនាដកម្មដ៏រន្ធត់មួយ”។ គ្រោះថ្នាក់នេះបានកើតឡើងនៅរដ្ឋមីណាស់ ហ្សឺរ៉ែស ដែលពាក់ព័ន្ធនឹងរថយន្តក្រុងមួយដែលឆេះភ្លើងក្នុងការបុកគ្នា គឺជាគ្រោះថ្នាក់ដ៏អាក្រក់បំផុតដែលបានកើតឡើងនៅលើផ្លូវជាតិប្រេស៊ីលចាប់តាំងពីឆ្នាំ២០០៧មក បើយោងតាមទិន្នន័យប៉ូលិសដែលត្រូវបានដកស្រង់ដោយប្រព័ន្ធផ្សព្វផ្សាយក្នុងស្រុក។ នៅក្នុងរបាយការណ៍ចុងក្រោយរបស់ពួកគេ ប៉ូលិសស៊ីវិលបានបញ្ជាក់ថាមានមនុស្សស្លាប់៣៨នាក់ និងមនុស្ស៨នាក់ត្រូវបានបញ្ជូនទៅមន្ទីរពេទ្យ។ មានការរាយការណ៍ផ្សេងៗគ្នាអំពីគ្រោះថ្នាក់នេះ៖ ដំបូងឡើយអ្នកពន្លត់អគ្គិភ័យបាននិយាយថា រថយន្តក្រុងនោះបានផ្ទុះកង់នៅម៉ោងប្រហែល៣:៣០នាទីព្រឹកម៉ោងក្នុងស្រុក នៅក្បែរទីក្រុងឡាហ្ស៊ីញ៉ា បណ្តាលឱ្យអ្នកបើកបរបាត់បង់ការគ្រប់គ្រងយានយន្ត និងបុកជាមួយរថយន្តដឹកទំនិញ។ មន្ត្រីបាននិយាយថា មានយានយន្តមួយទៀតក៏បានបុកពីក្រោយរថយន្តក្រុងនោះដែរ ប៉ុន្តែអ្នកដំណើរនៅក្នុងនោះនៅរស់។ ទោះយ៉ាងណា អ្នកពន្លត់អគ្គិភ័យក្រោយមកបានដកស្រង់សម្តីសាក្សីដែលនិយាយថា ដុំថ្មក្រានីតដែលកំពុងដឹកជញ្ជូនដោយរថយន្តដឹកទំនិញបានធ្លាក់ទៅលើរថយន្តក្រុង បណ្តាលឱ្យមានគ្រោះថ្នាក់នេះ។ បន្ទាប់ពីការបុកគ្នា រថយន្តក្រុងដែលកំពុងធ្វើដំណើរពីសៅប៉ូឡូទៅកាន់វីតូរៀ ដា ខុងគីស្តា នៅរដ្ឋបាហ៊ីយ៉ាភាគឦសាន បានឆាបឆេះ។ ចំនួនអ្នកស្លាប់បានកើនឡើងបន្តិចម្តងៗពេញមួយថ្ងៃ ដោយអ្នកនាំពាក្យនាយកដ្ឋានពន្លត់អគ្គិភ័យក្នុងតំបន់បានប្រាប់ AFP កាលពីមុនថា “មិនទាន់អាចបញ្ជាក់ចំនួនជាក់លាក់បានទេ ដោយសារស្ថានភាពសាកសព”។ នាយកដ្ឋានពន្លត់អគ្គិភ័យបាននិយាយថា នៅពេលដែលយកសាកសពដែលឆេះចេញមក ជនរងគ្រោះមួយចំនួនត្រូវបានជាប់គាំងនៅខាងក្នុង។ នៅក្នុងវីដេអូដែលត្រូវបានចេញផ្សាយនៅព្រឹកថ្ងៃសៅរ៍ អនុសេនីយ៍ឯក អាឡុនសូ វីយេរ៉ា ហ្សូនៀ […]

ប្រែសម្រួល៖ តារា ប្រធានាធិបតីអ៊ុយក្រែន វ៉ូឡូឌីមីរ ហ្សេលេនស្គី បានកោតសរសើរចំពោះជ័យជម្នះរបស់ អូឡិកសាន់ឌ័រ អ៊ូស៊ីក លើ ធីសុន ហ្វូរី ដើម្បីការពារខ្សែក្រវាត់ពិភពលោក WBA (Super), WBO និង WBC នៅក្នុងក្រុងរីយ៉ាដ ដោយលោកថា អ្នកប្រដាល់រូបនេះបានបង្ហាញពីស្មារតីប្រយុទ្ធរបស់ប្រជាជនអ៊ុយក្រែន។ អ៊ូស៊ីក ដែលមិនដែលចាញ់សោះ និងបានដណ្តើមខ្សែក្រវាត់ WBC ពីហ្វូរី នៅការប្រកួតលើកដំបូងកាលពីខែឧសភា បានឈ្នះអតីតជើងឯកពិភពលោកពីរសម័យជនជាតិអង់គ្លេស ក្នុងការប្រកួតសងសឹកដោយការសម្រេចជាឯកច្ឆន្ទ ធ្វើឱ្យហ្វូរីស្គាល់ការចាញ់ជាលើកទីពីរក្នុងអាជីពរបស់គាត់។ “ជ័យជម្នះ! ជាជ័យជម្នះដ៏សំខាន់ និងចាំបាច់សម្រាប់ពួកយើងទាំងអស់គ្នានាពេលនេះ” នេះជាការសរសេររបស់លោក ហ្សេលេនស្គី ដែលបានដឹកនាំប្រទេសអ៊ុយក្រែនក្នុងសង្គ្រាមជាមួយរុស្ស៊ី ចាប់តាំងពីមូស្គូ វាយប្រហារប្រទេសជិតខាងរបស់ខ្លួននៅឆ្នាំ២០២២ នៅលើបណ្តាញ X។ “តាមរយៈការការពារខ្សែក្រវាត់ជើងឯករបស់គាត់ អូឡិកសាន់ឌ័រ អ៊ូស៊ីក បានបង្ហាញថា៖ យើងជាជនជាតិអ៊ុយក្រែន ហើយយើងនឹងមិនបោះបង់អ្វីដែលជារបស់យើងឡើយ! មិនថាវាពិបាកយ៉ាងណាទេ – យើងនឹងជម្នះគ្រប់យ៉ាង។” “មិនថានៅក្នុងសង្វៀន នៅលើសមរភូមិ ឬនៅក្នុងឆាកការទូតក៏ដោយ – យើងនឹងប្រយុទ្ធ ហើយយើងនឹងមិនបោះបង់អ្វីដែលជារបស់យើងឡើយ! សូមអបអរសាទរចំពោះជ័យជម្នះរបស់អ្នក […]

ប្រែសម្រួល៖ ស្រីស្រស់ ប៉េកាំង៖ រដ្ឋាភិបាលចិនបានតវ៉ាកាលពីថ្ងៃអាទិត្យ (២២ ធ្នូ) ចំពោះការប្រកាសចុងក្រោយរបស់អាមេរិកអំពីការលក់ និងជំនួយយោធាដល់តៃវ៉ាន់ ដោយព្រមានសហរដ្ឋអាមេរិកថា ពួកគេកំពុង «លលេងជាមួយភ្លើង»។ កាលពីថ្ងៃសៅរ៍ ប្រធានាធិបតីសហរដ្ឋអាមេរិក ចូបៃដិន បានអនុញ្ញាតឱ្យផ្តល់សម្ភារ និងសេវាកម្មក្រសួងការពារជាតិ និងការបណ្តុះបណ្តាលយោធា និងការអប់រំសម្រាប់តៃវ៉ាន់ ដែលមានទឹកប្រាក់រហូតដល់ ៥៧១ លានដុល្លារអាមេរិក។ ដោយឡែក ក្រសួងការពារជាតិបានថ្លែងកាលពីថ្ងៃសុក្រថា ការលក់សម្ភារយោធាចំនួន ២៩៥ លានដុល្លារត្រូវបានអនុម័ត។ សេចក្តីថ្លែងការណ៍របស់ក្រសួងការបរទេសចិនបានជំរុញឱ្យសហរដ្ឋអាមេរិកបញ្ឈប់ការផ្តល់អាវុធដល់តៃវ៉ាន់ និងបញ្ឈប់អ្វីដែលខ្លួនហៅថា «ចលនាគ្រោះថ្នាក់ដែលបំផ្លាញសន្តិភាព និងស្ថិរភាពនៅច្រកសមុទ្រតៃវ៉ាន់»។ តៃវ៉ាន់គឺជាកោះប្រជាធិបតេយ្យដែលមានប្រជាជន ២៣ លាននាក់ ដែលរដ្ឋាភិបាលចិនអះអាងថាជាដែនដីរបស់ខ្លួន និងនិយាយថាត្រូវតែស្ថិតនៅក្រោមការគ្រប់គ្រងរបស់ខ្លួន។ ការលក់ និងជំនួយយោធារបស់សហរដ្ឋអាមេរិកមានគោលបំណងជួយតៃវ៉ាន់ការពារខ្លួន និងទប់ស្កាត់ចិនពីការវាយប្រហារ។ ជំនួយយោធាចំនួន ៥៧១ លានដុល្លារនេះ គឺបន្ថែមលើការអនុញ្ញាតរបស់លោក បៃដិន នូវទឹកប្រាក់ចំនួន ៥៦៧ លានដុល្លារសម្រាប់គោលបំណងដូចគ្នាកាលពីចុងខែកញ្ញា។ ការលក់សម្ភារយោធារួមមានទឹកប្រាក់ ២៦៥ លានដុល្លារសម្រាប់ប្រព័ន្ធវិទ្យុយុទ្ធសាស្ត្រប្រមាណ ៣០០ គ្រឿង និង ៣០ លានដុល្លារសម្រាប់ជើងកាំភ្លើងចំនួន ១៦។ […]

ដោយ : បន្ទាយ/ ភ្នំពេញ : ដោយអនុវត្តតាមការណែនាំរបស់ លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងក្រោមការដឹកនាំបញ្ជាផ្ទាល់របស់ លោកឧត្តសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ ក្រុមការងារអាវុធហត្ថរាជធានីភ្នំពេញ បានបន្តចុះសហការជាមួយអាជ្ញាធរមូលដ្ឋាន ។ និងនាយក នាយករង លោកគ្រូ អ្នកគ្រូ នៅវិទ្យាល័យ ហ៊ុន សែន ប៊ុន រ៉ានី វត្តភ្នំ និង វិទ្យាល័យ ជា ស៊ីម ជ្រោយចង្វារ ក្នុងភូមិសាស្ត្ររាជធានីភ្នំពេញ ដើម្បីធ្វើការផ្សព្វផ្សាយ ដល់សិស្សានុសិស្ស បានជ្រួតជ្រាបពីផលប៉ះពាល់របស់ក្មេងទំនើង, ផលប៉ះពាល់នៃការប្រើប្រាស់គ្រឿងញៀនក្នុងសង្គម។ មន្ត្រីអាវុធហត្ថអោយដឹងកាលពីថ្ងៃទី២១ខែធ្នូឆ្នាំ២០២៤ថា:ក្នុងនោះក៏មានយុទ្ធនាការចុះបង្ក្រាបក្មេងទំនើងរបស់អាវុធហត្ថរាជធានីភ្នំពេញ ព្រមទាំងបានបិទនូវលិខិតប័ណ្ណផ្សព្វផ្សាយលេខបន្ទាន់១២៩១ ដើម្បីឲ្យប្រជាពលរដ្ឋ ក៏ដូចជាសិស្សានុសិស្សដែលបានឃើញបញ្ហាខាងលើ អាចផ្ដល់ដំណឹងមកកាន់អង្គភាពកងរាជអាវុធហត្ថរាជធានីភ្នំពេញ ដើម្បីចាត់វិធានការចុះបង្ក្រាបឱ្យបានទាន់ពេលវេលា ។ ហើយអាវុធហត្ថរាជធានីភ្នំពេញនឹងរក្សាការសម្ងាត់ជូនផងដែរ៕

ដោយ : បន្ទាយ / សៀមរាប : នៅស្នងការដ្ឋាននគរបាលខេត្តសៀមរាបកាលពីថ្ងៃ២១ ខែធ្នូ ឆ្នាំ២០២៤ មានបើកកិច្ចប្រជុំទទួលផែនការការពារចាំបាច់មួយចំនួនសម្រាប់ព្រឹត្តនានាក្នុងខេត្តសៀមរាបនាចុងឆ្នាំ២០២៤ ។ កិច្ចប្រជុំប្រព្រឹត្តទៅក្រោមអធិបតីភាពឯកឧត្តម សំកុល សុចិត្រា អភិបាលររង នៃគណៈអភិបាលខេត្តសៀមរាប។ ក្នុងនោះដែរក៏មានវត្តមានចូលរួមលោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប និងមេបញ្ជាការ មេបញ្ជាការរងកងកម្លាំង ស្នងការ ស្នងការរងនិងអ្នកពាក់ព័ន្ធជាច្រើនរូប ៕

ដោយ : បន្ទាយ / បន្ទាយមានជ័យ : សិស្សានុសិស្សនិងលោកគ្រូអ្នកគ្រូនៅសាលារៀនផីឆឹងនៃសមាគមខ្មែរ ចិនខេត្តបន្ទាយមានជ័យបានចូលរួមធ្វើបង្អែមនិងសែននំអុីកាលពីថ្ងៃទី២១​ ខែធ្នូ ឆ្នាំ២០២៤ ។ យោងអ្នករៀបចំកម្មវិធីអោយដឹងថា: ពិធីបុណ្យសែននំអ៊ីនេះច្រើនធ្វើទ្បើង ដោយប្រជាពលរដ្ឋខ្មែរដែលជាប់សែស្រឡាយចិនរួមមាន: ខ្មែរ-ចិនទាជីវ,ខ្មែរ-ចិនកាតាំង,ខ្មែរ-ចិនហៃណាំ,ខ្មែរ-ចិនខិ……។ ចំណែកប្រវត្តិនៃពិធីនេះ អោយដឹងថា : ជាទំនៀមទម្លាប់ដ៏សំខាន់មួយក្នុងចំណោមការសែនព្រេន បួងសួងឧទ្ទិសដូចជា :សែនលោកខែ សែនក្បាលទឹក សែនផ្នូរ(ឆេងម៉េង) សែននំចាំង…ដែរ ។ ចំពោះអត្ថន័យនៃការសែននំអ៉ី មានដូចជា : – តំណាងឱ្យការជួបជុំក្រុមគ្រួសារ – តំណាងឱ្យ​ ការចេះស្រលាញ់គ្នា​ ​ស្រុះស្រួល​គ្នា​ នៃសមាជិកគ្រួសារ​ -​ តំណាងឱ្យ​ ការទទួលទានដេីម្បី​នាំមកនូវសំណាងល្អ​ – ជាការដាស់តឿនដល់កូនចៅ​ ឆ្នាំថ្មីកេីន​អាយុ​ ១ឆ្នាំ​ទៀត​។ ម្យ៉ាងពិធីនេះក៏ដើម្បីរំលឹកភ្ជាប់និងត្រៀមលក្ខណ:សប្បាយរីករាយក្នុងឱកាសពិធីបុណ្យចូល​ឆ្នាំ​ថ្មី(ចូល​ឆ្នាំ​ចិន​)​ ដែលកាន់តែខិតជិតមកដល់ក្នុងពេលឆាប់ៗខាងមុខ​នេះផងដែរ។ លោកស្រីស៊ីម យ៉ារី នាយិកាសាលារៀនផីឆឹង រំលឹកថា : គិតត្រឹមក្នុងត្រីមាសទី១ ឆ្នាំសិក្សា២០២៤-២៥ នេះ សាលាមានសិស្សចំនួន៣១៣នាក់ ។និងបង្រៀនដោយគ្រូជនជាតិខ្មែរនិងជនជាតិចិនមកពីប្រទេសចិន ។ […]

ដោយ : បន្ទាយ / បន្ទាយមានជ័យ : មន្ទីររៀបចំដែនដីខេត្តបន្ទាយមានជ័យប្តេជ្ញាថា នឹងវាស់វែងនៃការចះុបញ្ជីដីធ្លីនៅសល់ចំនួនប្រមាណ១៩៥.៩៧១ក្បាលដីនោះ អោយ១.០០០ក្បាលដីក្នុង១ថ្ងៃឬយ៉ាងតិចចំនួន២០.០០០ក្បាលដីក្នុង១ខែ ។ បានដឹងដូច្នេះ ក្នុងពិធី​ប្រកាស​ចូល​កាន់​មុខ​តំណែង​ប្រធាន​មន្ទីរ​រៀបចំ​ដែន​ដី នគរោបនីយកម្ម​ សំណង់និងសុរិយោដី​ខេត្ត​បន្ទាយមានជ័យ​ ដែលធ្វើឡើងនៅសាលប្រជុំធំ សាលាខេត្តនារសៀលថ្ងៃទី២០ខែធ្នូ​ ឆ្នាំ​ ២០២៤ កន្លងមក ។ ពិធីប្រព្រឹត្តទៅក្រោមអធិបតីភាពលោកទេព ធន រដ្ឋលេខាធិការក្រសួងរៀបចំ​ដែន​ដី ននគរោបនីយកម្មនិងសំណង់ហៅកាត់ថាដនស លោកប្លែក វ៉ារី ប្រធានក្រុមប្រឹក្សាខេត្ត លោកអ៊ុំ រាត្រី អភិបាលខេត្ត ។ ក្នុងកិច្ចស្វាគមន៍ លោកអ៊ុំ រាត្រី អភិបាលខេត្តបន្ទាយមានជ៏យមានប្រសាសន៍ថា: ចំពោះស្ថានភាពនៃការចុះបញ្ជីដីធ្លីដែលចម្បង នៅខេត្តបន្ទាយមានជ័យទាំងចុះបញ្ជីដាច់ដោយដុំនិងចុះបញ្ជីមានលក្ខណ:ជាប្រព័ន្ធបានកើនដ៏ខ្លាំងក្លាពីអំឡុងឆ្នាំ២០០០,២០១០និង២០២៤នេះ ។ យោងរបាយការណ៍របស់មន្ទីរ​រៀបចំ​ដែន​ដី នគរោបនីយកម្ម​ សំណងនិងសុរិយោដី​ខេត្ត​បន្ទាយមានជ័យ​ វឌ្ឍនភាពនៃការចុះបញ្ជី មកទល់ពេលនេះ ភូមិជិត៨០% បាននឹងកំពុងចុះបញ្ជីដីធ្លីរូច ។ ហើយរំពឹងទុកថា ភូមិ២០% ទៀតនឹងចុះបញ្ជីចប់នៅឆ្នាំ២០២៥ ។ ពោលគឺដើម្បីសម្រេចគោលដៅនៃយុទ្ធនាការងារជម្រះចុះបញ្ជីដីធ្លី៧លានក្បាលដីនិងផែនការ៥លានក្បាលដីទូទាំងប្រទេស ខេត្តនេះ បានចាត់តាំងកម្លាំងក្រុមការងារចុះបញ្ជីដីធ្លីមានលក្ខណ:ជាប្រព័ន្ធ៩ក្រុមស្មើនឹង១៧៦នាក់(មានមន្ត្រីក្របខ័ណ្ឌ៤៥នាក់ និង ថែមពីលើនោះជាមន្ត្រីជាប់កិច្ចសន្យា […]

ប្រែសម្រួល៖ ស្រីស្រស់ បាសេឡូណា ប្រទេសអេស្ប៉ាញ៖ អាឡិចសាន់ដឺ សូរឡត់ បានស៊ុតបញ្ចូលទីនៅនាទីបន្ថែមចុងក្រោយ ជួយឲ្យក្រុមអាត់លេទីកូម៉ាឌ្រីដ ត្រឡប់មកឈ្នះក្រុមបាសេឡូណា ២-១ កាលពីថ្ងៃសៅរ៍ ដែលធ្វើឲ្យពួកគេឡើងទៅកាន់កំពូលតារាង LaLiga ជាមួយនឹងជ័យជម្នះជាប់គ្នាលើកទី១២ គ្រប់ការប្រកួតទាំងអស់។ អាត់លេទីកូ បានឈ្នះលើទឹកដីបាសេឡូណាជាលើកដំបូងក្នុងរយៈពេល១៨ឆ្នាំ ហើយឥឡូវមាន៤១ពិន្ទុ ជាមួយនឹងការប្រកួតមួយដែលនៅសល់ គឺច្រើនជាងក្រុមកាតាឡាន់បីពិន្ទុ ដែលមិនបានឈ្នះក្នុងការប្រកួតលីគបីប្រកួតជាប់ៗគ្នា។ បាសេ គឺជាក្រុមដែលលេងបានល្អជាងនៅដើមការប្រកួត ហើយ ពេឌ្រី បានស៊ុតបញ្ចូលទីនៅនាទីទី៣០ បន្ទាប់ពីការរត់ចូលប្រអប់គ្រោះថ្នាក់យ៉ាងល្អ និងការលេងប៉ះម្នាក់ទល់នឹងម្នាក់ជាមួយ ហ្គាវី មុននឹងស៊ុតបាល់ទាបបញ្ចូលទីអ្នកចាំទី យ៉ាន់ អូប្លាក់។ ទោះបីជាគ្រប់គ្រងការប្រកួតបានល្អក៏ដោយ ក្រុមម្ចាស់ផ្ទះមិនអាចបន្ថែមគ្រាប់បាល់បានទេក្រោយចប់វគ្គទីមួយ ពេលដែលការស៊ុតបោកបាល់របស់ រ៉ាហ្វីញ៉ា ត្រូវបានរបារទី ហើយ អូប្លាក់ បានការពារការស៊ុតពីចម្ងាយជិតរបស់ ហ្វឺមីន ឡូពេស ដោយជើង។ រ៉ូបឺត លេវ៉ាន់ដូវស្គី ក៏មិនអាចរកបានគ្រាប់បាល់ដែរ ពេលដែលការស៊ុតមិនល្អរបស់គាត់ពីក្នុងប្រអប់៦យ៉ាតត្រូវបាន អូប្លាក់ ការពារបាន។ រ៉ូឌ្រីហ្គូ ដឺ ផោល បន្ទាប់មកបានស៊ុតបាល់តាមស្មើនៅនាទីទី៦០ ដោយឆក់ឱកាសពីការបញ្ចេញបាល់មិនល្អរបស់ ម៉ាក់ […]

ប្រែសម្រួល៖ តារា ឡុងដ៍៖ ខ្សែប្រយុទ្ធប្រេស៊ីល Gabriel Jesus របស់ Arsenal បានបង្ហាញថាជាបន្លាក្នុងក្រសែភ្នែក Crystal Palace ម្តងទៀត ដោយរកបាន២គ្រាប់ក្នុងជ័យជម្នះ ៥-១ នៅកីឡដ្ឋាន Selhurst Park ដែលធ្វើឱ្យក្រុមរបស់គាត់នៅពីក្រោយក្រុមនាំមុខតារាង Liverpool តែ៣ពិន្ទុប៉ុណ្ណោះ នៅថ្ងៃសៅរ៍។ ហ្សេស៊ុសរកបានហ៊ែតទ្រីក ពេល Arsenal យកឈ្នះ Palace ៣-២ ក្នុងវគ្គខារ៉ាបាវ League Cup កាលពីថ្ងៃពុធ ក្រោយរកបានតែ១គ្រាប់ប៉ុណ្ណោះក្នុងការបង្ហាញខ្លួន៣៣លើកមុននេះ ឱ្យក្រុមរបស់លោក Mikel Arteta។ គេបានរកឃើញថា Palace ជាក្រុមដែលគេពេញចិត្តម្តងទៀត ដោយរកបាន២គ្រាប់ក្នុងរយៈពេល១៥នាទីដំបូង ហើយស្ទើរតែរកបានហ៊ែតទ្រីកមួយទៀតមុនចប់វគ្គទី១ ពេលការតែតបាល់របស់គេប៉ះបង្គោល ហើយ Kai Havertz តាមទាត់បញ្ចូលទីធ្វើឱ្យលទ្ធផលក្លាយជា ៣-១។ ហ្សេស៊ុសបានចូលរួមម្តងទៀត ពេលមិត្តរួមជាតិ Gabriel Martinelli សម្លាប់ក្តីសង្ឃឹម Palace នៅនាទីទី៦០ ហើយ Declan […]

ដោយ៖ ឧត្តរ ឧត្តរមានជ័យ៖ ឯកឧត្តមអភិបាលខេត្តឧត្តរមានជ័យ បានជំរុញនិងដាក់ចេញនូវគោលការណ៍ណែនាំសំខាន់ៗ ទៅដល់អាជ្ញាធរ កងកម្លាំងសមត្ថកិច្ចពាក់ព័ន្ធគ្រប់ស្ថាប័ន ត្រូវបន្តពង្រឹងកិច្ចការងារសន្តិសុខសុវត្ថិភាពជូនប្រជាពលរដ្ឋនិងបន្តការអនុវត្តសកម្មភាពរបស់ខ្លួនឱ្យបានល្អប្រសើរបន្ថែមទៀតសម្រាប់ឆ្នាំថ្មីខាងមុខនេះ។ នៅក្នុងកិច្ចប្រជុំគណ:បញ្ជាការឯកភាពខេត្តដែលមានការអញ្ជើញចូលរួមពីឯកឧត្តម មាន ចាន់យ៉ាដា អភិបាលខេត្តឧត្តរមានជ័យ កាលពីព្រឹកថ្ងៃទី២១ ខែធ្នូ ឆ្នាំ២០២៤ ឯកឧត្តមបានជំរុញឲ្យស្រុក ក្រុង មន្ទីរ អង្គភាពជាពិសេសសមត្ថកិច្ចទាំងអស់ ត្រូវតែបន្តពង្រឹងការងារ ថែរក្សាសន្តិសុខ សណ្តាប់ធ្នាប់សាធារណៈឱ្យបានល្អប្រសើរបន្ថែមទៀត។ ជាមួយនោះត្រូវបន្តត្រួតពិនិត្យតាមដាន ទប់ស្កាត់រាល់បទល្មើសផ្សេងៗឱ្យបាននិងមានប្រសិទ្ធភាពខ្ពស់បំផុត។ ឯកឧត្តម មាន ចាន់យ៉ាដា ក៏បានថ្លែងកោតសរសើរ និងវាយតម្លៃខ្ពស់ ចំពោះរដ្ឋបាល ក្រុង ស្រុក កងកម្លាំងប្រដាប់អាវុធគ្រប់ប្រភេទ និងមន្ទីរអង្គភាព ចំណុះរដ្ឋបាលខេត្តដែលបានខិតខំបំពេញការងារ តាមតួនាទីភារកិច្ចរបស់ខ្លួន ដោយទទួលបានជោគជ័យ និងមានប្រសិទ្ធភាពខ្ពស់កន្លងមក។ ប៉ុន្តែទន្ទឹមនឹងការសម្រេចបាននូវស្នាដៃទាំងនេះ ក៏នៅមានបញ្ហាប្រឈមមួយចំនួន ដែលត្រូវបន្តធ្វើការដោះស្រាយ ជាពិសេសបញ្ហាសន្តិសុខសណ្តាប់ធ្នាប់នៅមូលដ្ឋានដែលទាមទារឱ្យគណៈបញ្ជាការឯកភាពទាំងអស់ ត្រូវរួមគ្នាចាត់វិធានការរទប់ស្កាត់ និងបង្ក្រាបឱ្យបានទាន់ពេលវេលា៕

ប្រែសម្រួល៖ ស្រីស្រស់ តើអ្នកចង់ក្លាយជាកីឡាករវាយកូនបាល់តេនីសល្អជាងមុនឬ? សូមកែលម្អការបម្រើកូនបាល់របស់អ្នក។ ការហែលទឹក? សូមធ្វើឱ្យរបៀបហែលរបស់អ្នកកាន់តែល្អឥតខ្ចោះ។ ចុះការរត់វិញ? តើការកែលម្អកាយវិការរបស់អ្នក ចាប់ពីឥរិយាបថរហូតដល់របៀបដែលជើងរបស់អ្នកប៉ះនឹងដី នឹងធ្វើឱ្យអ្នករត់លឿនជាងមុន និងមានប្រសិទ្ធភាពជាងមុនដែរឬទេ? នៅលើ TikTok និង Instagram មានវីដេអូជាច្រើនសន្យាថា អាថ៌កំបាំងនៃការរត់លឿនគឺស្ថិតនៅក្នុងការកែលម្អបច្ចេកទេសរបស់អ្នក។ ហើយសេវាកម្មហ្វឹកហ្វឺនការដើរ ដែលជួយមនុស្សក្នុងការផ្លាស់ប្តូរជំហានរបស់ពួកគេ បានពង្រីកខ្លួនចេញពីមន្ទីរពិសោធន៍ជីវយន្តសាស្ត្រនៅសាកលវិទ្យាល័យ ទៅកាន់គ្លីនិកព្យាបាលដោយចលនា។ រឿងទាំងអស់នេះអាចធ្វើឱ្យមានការភ័ន្តច្រឡំ។ លោក Matt Fitzgerald អ្នកនិពន្ធសៀវភៅ “80/20 Running” និងជាអ្នកបង្កើត Dream Run Camp ដែលបានបង្វឹកអត្តពលិករត់ចាប់ពីកម្រិតចាប់ផ្តើមរហូតដល់កីឡាករអូឡាំពិក បាននិយាយថា “វាបញ្ជាក់ពីគំនិតដែលថាកាយវិការរត់មានសារៈសំខាន់ ហើយមនុស្សភាគច្រើនកំពុងធ្វើវាខុស។” ប៉ុន្តែតាមអ្នកជំនាញ មិនមានវិធីល្អបំផុតតែមួយក្នុងការរត់នោះទេ។ ការពិនិត្យឡើងវិញថ្មីៗនេះបានវិភាគការសិក្សាចំនួន ៥១ ទាក់ទងនឹងជីវយន្តសាស្ត្រនៃការរត់ និងសេដ្ឋកិច្ចនៃការរត់ (ការវាស់វែងបរិមាណអុកស៊ីហ្សែនដែលអ្នកដុតដើម្បីរក្សាល្បឿនជាក់លាក់មួយ ដែលជាញឹកញាប់ត្រូវបានប្រើជាអថេរតំណាងសម្រាប់សមត្ថភាពរត់) និងរកឃើញថា លក្ខណៈនៃកាយវិការរត់របស់អត្តពលិក ដូចជាប្រវែងជំហាន ឬថាតើពួកគេចុះជើងលើកែងជើងរបស់ពួកគេ មិនមានភាពខុសគ្នាច្រើនទេ។ ទាក់ទងនឹងសមត្ថភាព លោក Bas Van Hooren អ្នកស្រាវជ្រាវវិទ្យាសាស្ត្រកីឡានៅសាកលវិទ្យាល័យ […]

ប្រែសម្រួល៖ រតនា វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ចូ បៃដិន កាលពីថ្ងៃសុក្រ (ថ្ងៃទី២០ ខែធ្នូ) បានអនុម័តជំនួយការពារជាតិចំនួន ៥៧១,៣ លានដុល្លារសម្រាប់តៃវ៉ាន់ នេះបើយោងតាមសេតវិមាន ខណៈដែលប្រធានាធិបតីមកពីគណបក្សប្រជាធិបតេយ្យរូបនេះត្រៀមចាកចេញពីតំណែងមុនពិធីសប្បថចូលកាន់តំណែងរបស់លោក ដូណាល់ ត្រាំ នៅខែមករា។ សហរដ្ឋអាមេរិកមិនទទួលស្គាល់តៃវ៉ាន់ជាផ្លូវការតាមផ្លូវការទូតទេ ប៉ុន្តែជាសម្ព័ន្ធមិត្តយុទ្ធសាស្ត្រ និងជាអ្នកផ្គត់ផ្គង់អាវុធធំបំផុតរបស់កោះដែលគ្រប់គ្រងដោយខ្លួនឯងនេះ។ ប្រទេសចិន ដែលបានបង្កើនសម្ពាធផ្នែកនយោបាយនិងយោធាលើតៃវ៉ាន់ក្នុងប៉ុន្មានឆ្នាំថ្មីៗនេះ បានអំពាវនាវជាច្រើនលើកឱ្យវ៉ាស៊ីនតោនបញ្ឈប់ការផ្ញើអាវុធនិងជំនួយទៅកាន់កោះនេះ ដែលចិនចាត់ទុកថាជាផ្នែកមួយនៃទឹកដីរបស់ខ្លួន។ មន្ត្រីតៃវ៉ាន់បាននិយាយថា ចិនបានធ្វើសមយុទ្ធនាវាធំបំផុតក្នុងរយៈពេលច្រើនឆ្នាំកាលពីសប្តាហ៍មុន ដោយបានដាក់ពង្រាយនាវាប្រមាណ ៩០ គ្រឿងនៅជិតកោះភាគខាងត្បូងនៃប្រទេសជប៉ុនរហូតដល់សមុទ្រចិនខាងត្បូង។ ប៉េកាំងមិនបានបញ្ជាក់អំពីការធ្វើសមយុទ្ធនេះទេ ក្នុងសេចក្តីថ្លែងការណ៍ខ្លីមួយ សេតវិមានបានឱ្យដឹងថា លោក បៃដិន បានអនុញ្ញាតឱ្យរដ្ឋមន្ត្រីការបរទេសរបស់លោក “ដឹកនាំការផ្តល់សម្ភារនិងសេវាការពារជាតិរបស់ក្រសួងការពារជាតិរហូតដល់ទឹកប្រាក់ ៥៧១,៣ លានដុល្លារ ព្រមទាំងការអប់រំនិងការបណ្តុះបណ្តាលយោធា ដើម្បីផ្តល់ជំនួយដល់តៃវ៉ាន់”។ សេចក្តីថ្លែងការណ៍នេះមិនបានផ្តល់ព័ត៌មានលម្អិតអំពីកញ្ចប់ជំនួយយោធានេះទេ ដែលត្រូវបានផ្តល់ក្នុងរយៈពេលតិចជាងបីខែបន្ទាប់ពីកញ្ចប់ជំនួយស្រដៀងគ្នាមួយដែលមានតម្លៃ ៥៦៧ លានដុល្លារត្រូវបានអនុញ្ញាត។ ប៉េកាំងតែងតែបានសម្តែងកំហឹងចំពោះការគាំទ្រអន្តរជាតិដល់តៃប៉ិ និងបានចោទប្រកាន់វ៉ាស៊ីនតោនថាជ្រៀតជ្រែកកិច្ចការរបស់ខ្លួន។ ចិនរក្សាវត្តមានប្រចាំថ្ងៃស្ទើរតែរាល់ថ្ងៃនៃយន្តហោះចម្បាំង ដ្រូន និងនាវាចម្បាំងនៅជុំវិញកោះនេះ។ ប៉េកាំងបាននិយាយថា ខ្លួននឹងមិនបោះបង់ការប្រើកម្លាំងដើម្បីនាំតៃវ៉ាន់មកស្ថិតក្រោមការគ្រប់គ្រងរបស់ខ្លួនឡើយ ហើយក៏បានបង្កើនការនិយាយអំពី “ការរួបរួមជាតិ” ថាជា […]

ប្រែសម្រួល៖ ស-សម្បត្តិ ក្រុងសេអ៊ូល៖ មេដឹកនាំកូរ៉េខាងជើង លោក គីម ជុងអ៊ុន បានអំពាវនាវឱ្យពង្រឹងការអភិវឌ្ឍផ្នែកផលិតកម្មឧស្សាហកម្មនៅតាមតំបន់ក្រៅរដ្ឋធានីព្យុងយ៉ាង ដើម្បីពង្រឹងសេដ្ឋកិច្ចជនបទ នេះបើតាមការរាយការណ៍របស់ទីភ្នាក់ងារព័ត៌មានផ្លូវការ KCNA កាលពីថ្ងៃសៅរ៍។ លោក គីម បានអំពាវនាវឱ្យមានការទំនើបកម្មរោងចក្រផលិតកម្មតាមតំបន់ ការកែលម្អវិស័យកសិកម្ម និង “បង្កើតលទ្ធផលច្បាស់លាស់រាល់ឆ្នាំ ដោយមិនគិតពីស្ថានភាពណាមួយឡើយ”។ លោក គីម បានថ្លែងនៅថ្ងៃសុក្រ ក្នុងពិធីសម្ពោធរោងចក្រផលិតកម្មថ្មីក្នុងស្រុកសុងឆុន ភាគឦសាននៃក្រុងព្យុងយ៉ាង ដែលលោកបានចូលរួមកាត់ខ្សែបូ និងទស្សនកិច្ចតាមបន្ទប់ផលិតកម្មផលិតផលនានា ដូចជាទឹកស៊ីអ៊ីវ និងទឹកស៊ុបសណ្ដែក នេះបើតាម KCNA។ កាលពីឆ្នាំមុន ផលិតផលក្នុងស្រុកសរុប (GDP) របស់កូរ៉េខាងជើងមានចំនួន ៤០,២ ទ្រីលានវ៉ុន (២៧,៨៦ ប៊ីលានដុល្លារ) ឬស្មើនឹងត្រឹមតែ ១,៧ ភាគរយនៃ GDP របស់កូរ៉េខាងត្បូងដែលមានចំនួន ២.៤០១,២ ទ្រីលានវ៉ុន នេះបើតាមស្ថាប័នស្ថិតិកូរ៉េខាងត្បូងបានឱ្យដឹងកាលពីថ្ងៃសុក្រ។ GDP របស់កូរ៉េខាងជើងបានធ្លាក់ចុះជាប់គ្នារយៈពេលបីឆ្នាំ ចាប់តាំងពីឆ្នាំ២០២០ ក្នុងអំឡុងពេលជំងឺរាតត្បាត ដែលប្រទេសនេះបានបិទព្រំដែនរបស់ខ្លួន ហើយទើបតែងើបឡើងវិញកាលពីឆ្នាំមុន នេះបើតាមស្ថាប័នដដែល៕ (១ ដុល្លារ […]

ប្រែសម្រួល៖ តារា ក្រុងមុយនិច ប្រទេសអាល្លឺម៉ង់៖ ក្រុមបាយឺន មុយនិច បានបង្ហាញអំណាចរបស់ខ្លួននៅក្នុងក្របខណ្ឌ Bundesliga យ៉ាងគួរឱ្យកត់សម្គាល់ ដោយវាយបំបាក់ក្រុមឡាយហ្ស៊ិច ដែលឈរនៅលេខ៤ ក្នុងលទ្ធផល ៥-១ កាលពីថ្ងៃសុក្រ ក្នុងប្រកួតដែលមានការស៊ុតបញ្ចូលទីពីរគ្រាប់ក្នុងរយៈពេលពីរនាទីដំបូង ដែលជាលើកដំបូងក្នុងប្រវត្តិសាស្ត្រនៃក្របខណ្ឌនេះ។ បន្ទាប់ពីបានចាញ់ប្រកួតលីគដំបូងរបស់ខ្លួនក្នុងរដូវកាលនេះជាមួយក្រុមម៉ាញជ៍កាលពីសប្តាហ៍មុន បាយឺនបានបង្ហាញទម្រង់លេងដ៏អស្ចារ្យប្រឆាំងនឹងក្រុមឡាយហ្ស៊ិច ដែលពិបាកក្នុងការបង្កើតឱកាសវាយសម្រុក។ បាយឺនឈរនៅកំពូលតារាងដោយមាន ៣៦ ពិន្ទុ នាំមុខក្រុមបាយ័រ លេវឺគូសិន ៧ ពិន្ទុ ដែលត្រូវប្រកួតជាមួយក្រុមហ្វ្រាយបួក នៅថ្ងៃសៅរ៍។ ក្រុមអាញត្រាក ហ្វ្រង់ហ្វឺត ឈរនៅលេខបី ដោយមាន ២៧ ពិន្ទុ នាំមុខក្រុមឡាយហ្ស៊ិចដោយគ្រាប់បាល់ចំណេញ។ នេះជាលើកទី២៦ ហើយដែលបាយឺនឈរនៅកំពូលតារាងនៅពេលបុណ្យណូអែល ដោយក្រុមនេះធ្លាប់ឈ្នះពានក្នុងចំណោម ២៥ លើកមុននេះចំនួន ២៣ ដង។ ការប្រកួតបានចាប់ផ្តើមយ៉ាងគួរឱ្យចាប់អារម្មណ៍ នៅពេល Harry Kane បានស៊ុតបញ្ជូនបាល់ដោយកែងជើងយ៉ាងស្អាតទៅឱ្យ Michael Olise ហើយគេបានបញ្ជូនបាល់ទៅឱ្យ Jamal Musiala ដែលកំពុងមានទម្រង់លេងល្អស៊ុតបញ្ចូលទីក្នុងនាទីទី ២៨ វិនាទី។ […]

ប្រែសម្រួល៖ស-សម្បត្តិ យ៉ាងហោចណាស់មនុស្សម្នាក់បានស្លាប់ និងស្ថានទូតជាច្រើនទទួលរងការខូចខាតក្នុងការវាយប្រហារដោយមីស៊ីលរបស់រុស្ស៊ីនៅព្រឹកព្រហាមនៅលើទីក្រុងគីវ ប្រទេសអ៊ុយក្រែន។ រដ្ឋបាលយោធាទីក្រុងគីវបានបញ្ជាក់អំពីការស្លាប់នេះក្នុងការប្រកាសនៅលើ Telegram ដោយបន្ថែមថាមានអ្នករងរបួស ១២នាក់ផ្សេងទៀត។ ក្នុងចំណោមអ្នករងរបួសទាំងនោះ មានប្រាំនាក់ត្រូវបានបញ្ជូនទៅមន្ទីរពេទ្យ ខណៈដែលអ្នកនៅសល់ត្រូវបានព្យាបាលនៅកន្លែងកើតហេតុ។ ហេតុការណ៍នេះកើតឡើងមួយថ្ងៃបន្ទាប់ពីមេដឹកនាំរុស្ស៊ី វ្លាឌីមៀរ ពូទីន បានប្រកាសប្រកួតប្រជែងជាមួយអ៊ុយក្រែនក្នុងសន្និសីទចុងឆ្នាំរបស់លោក ដែលបណ្ដាលឱ្យប្រធានាធិបតីអ៊ុយក្រែន វ៉ូឡូឌីមៀរ ហ្សេឡិនស្គី ហៅមេដឹកនាំរុស្ស៊ីថា “មនុស្សល្ងង់”។ “សូមឱ្យពួកគេស្នើ… នូវការពិសោធបច្ចេកវិទ្យាណាមួយ – ដូចជាការប្រកួតប្រជែងបច្ចេកវិទ្យាខ្ពស់នៅសតវត្សរ៍ទី២១” នេះជាការលើកឡើងរបស់លោក ពូទីន អំឡុងព្រឹត្តិការណ៍កាលពីថ្ងៃព្រហស្បតិ៍នៅទីក្រុងម៉ូស្គូ។ ជាការឆ្លើយតប លោក ហ្សេឡិនស្គី បានប្រើពាក្យមិនសមរម្យចំពោះមេដឹកនាំក្រឹមឡាំងក្នុងសេចក្ដីថ្លែងការណ៍តាមអនឡាញ។ យោងតាមបញ្ជាការកងទ័ពអាកាសអ៊ុយក្រែន រុស្ស៊ីបានបាញ់មីស៊ីលបាលីស្ទិក៥គ្រាប់ទៅលើទីក្រុងគីវប្រហែលម៉ោង៧ព្រឹកនៅថ្ងៃសុក្រ។ ប្រព័ន្ធការពារតាមអាកាសរបស់អ៊ុយក្រែនបានបាញ់ទម្លាក់មីស៊ីលទាំង៥គ្រាប់។ លើសពីនេះ យន្តហោះគ្មានមនុស្សបើក៤០គ្រឿងត្រូវបានបាញ់ទម្លាក់ ហើយយន្តហោះដ្រូន២០គ្រឿងទៀតមិនបានទៅដល់គោលដៅរបស់ពួកវា។ ទោះយ៉ាងណា កំទេចធ្លាក់បានបង្កឱ្យមានការខូចខាត និងរបួសនៅកណ្ដាលទីក្រុង។ នៅស្រុកមួយ អគារការិយាល័យ ផ្លូវថ្នល់ និងបំពង់ឧស្ម័នត្រូវបានខូចខាត ហើយរថយន្តប្រាំគ្រឿងឆេះ នេះបើតាមការប្រកាសរបស់លោក សេរហ្គី ពុបកូ ប្រធានរដ្ឋបាលយោធាទីក្រុងគីវ នៅលើ Telegram។ នៅស្រុកមួយទៀត អគ្គិភ័យបានឆេះនៅកន្លែងសំណង់កំពុងសាងសង់។ ស្ថានទូតជាច្រើនដែលស្ថិតនៅក្នុងអគារតែមួយត្រូវបានខូចខាត យោងតាមក្រសួងការបរទេសអ៊ុយក្រែន […]

ដោយ : បន្ទាយ / ភ្នំពេញ ៖ នៅបញ្ជាការដ្ឋានកងរាជអាវុធហត្ថលើផ្ទៃប្រទេសថ្ងៃអង្គារ ទី១៧ ខែធ្នូ ឆ្នាំ២០២៤ លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស បានអញ្ជើញដឹកនាំកិច្ចប្រជុំត្រួតពិនិត្យការអនុវត្តតួនាទី ភារកិច្ចការងារកងរាជអាវុធហត្ថឆ្នាំ២០២៤ និងផ្សព្វផ្សាយការអនុវត្តតួនាទី ភារកិច្ចការងារកងរាជអាវុធហត្ថ ឆ្នាំ២០២៥។ ក្នុងនោះ មានការអញ្ជើញចូលរួមពីលោក.លោកស្រីមេបញ្ជាការរង លោកស្នងការ នាយខុទ្ទកាល័យស្តីទី និងនាយការិយាល័យពាក់ព័ន្ធផងដែរ ៕

ដោយ : បន្ទាយ / បន្ទាយមានជ័យ : លោកឧត្តមសេនីយ៍ត្រី​ វង្ស​ វិត​ ស្នងការរងផែនការងារធនធានមនុស្ស តំណាងលោកឧត្តមសេនីយ៍ទោ សិទ្ធិ​ ឡោះ​ ស្នងការនគរ​បាលខេត្ត អមដំណើរដោយលោកវរសេនីយ៍ឯកឱ​ នរិន្ទ នាយការិយាល័យបុគ្គលិក​ និងមន្ត្រីនគរបាលជាច្រើនរូប នៅរសៀលថ្ងៃទី១៧ខែធ្នូឆ្នាំ២០២៤​ វេលាម៉ោង១៤និង០០នាទី ចូលរួមគោរពវិញ្ញាណក្ខន្ធនិងប្រគល់ថវិកា ស.ម.ន ៦,០០០,០០០៛ ដល់គ្រួសារសព លោកអនុសេនីយ៍ត្រី ហូ ឧត្តម។ លោកមាន អត្តលេខ ៩៩២១៤ មន្ត្រីប៉ុស្តិ៍នគរបាលរដ្ឋបាលទានកាំ នៃអធិការដ្ឋាននគរបាលស្រុកព្រះនេត្រព្រះ ដែលបានទទួលមរណភាព​ ដោយគ្រោះថ្នាក់ចរាចរណ៍​ នៅគេហដ្ឋានសពនៅភូមិប៉ុស្តិ៍ចាស់ ឃុំព្រះនេត្រព្រះ ស្រុកព្រះនេត្រព្រះ។ ក្នុងឱកាសនោះ លោកឧត្តមសេនីយ៍ត្រី វង្ស វិតបានពាំនាំនូវការចូលរួមរំលែក​ទុក​ខពីសំណាក់ថ្នាក់ដឹកនាំ​ និងគណៈស្នងការ នឹងបានចូលរួមសោកស្តាយជាមួយក្រុមគ្រួសារសព ចំពោះការបាត់បង់មន្ត្រីនគរបាលជាធនធានមនុស្សដ៏ល្អ៕