ប្រែសម្រួល៖ រតនា ប្រធានាធិបតីរុស្ស៊ី វ្លាឌីមៀរ ពូទីន បានគំរាមវាយ.ប្រហារអ៊ុយក្រែនម្តងទៀត ដោយមីស៊ីលបាលីស្ទិកថ្មីដែលអាចផ្ទុកក្បាលគ្រាប់.នុយក្លេអ៊ែរ បន្ទាប់ពីការវាយលុកយ៉ាងទូលំទូលាយលើហេដ្ឋារចនាសម្ព័ន្ធថាមពលសំខាន់ៗរបស់អ៊ុយក្រែន។ អាជ្ញាធរក្នុងប្រទេសបានឲ្យដឹងកាលពីថ្ងៃព្រហស្បតិ៍ថា គ្រួសារជាង១លាននាក់នៅអ៊ុយក្រែន បានបាត់បង់ថាមពលអគ្គិសនី បន្ទាប់ពីការទម្លាក់គ្រាប់បែកពេញមួយយប់។ យោងតាមក្រសួងថាមពលនៅក្នុងក្រុងគីវ នេះគឺជាការវាយប្រហារទ្រង់ទ្រាយធំលើកទី១១ មកលើប្រព័ន្ធថាមពលរបស់អ៊ុយក្រែននៅឆ្នាំនេះតែម្តង ដែលជាយុទ្ធសាស្ត្រមួយបណ្តាលឲ្យមានការដាច់ភ្លើងជាបន្តបន្ទាប់ទូទាំងប្រទេស។ ថ្លែងនៅក្នុងកិច្ចប្រជុំកំពូលស្តីពីសន្តិសុខនៅប្រទេសកាហ្សាក់ស្ថាន កាលពីថ្ងៃព្រហស្បតិ៍ លោក ពូទីន បានអះអាងថា ការវាយប្រហារពេញមួយយប់នេះ គឺជាការឆ្លើយតបទៅនឹងការវាយប្រហារលើទឹកដីរុស្ស៊ី ដោយប្រើមីស៊ីល ATACMS ផលិតនៅសហរដ្ឋអាមេរិក។ លោកក៏បានព្រមានថា នឹងពិចារណាបាញ់មីស៊ីលបាលីស្ទិកមធ្យម “Oreshnik” ថ្មីរបស់រុស្ស៊ី ដែលត្រូវបានបាញ់ជាលើកដំបូងទៅលើតំបន់ដនីប្រូនៃអ៊ុយក្រែន កាលពីសប្តាហ៍មុន។ លោកបានមានប្រសាសន៍ថា៖ “យើងនឹងឆ្លើយតបទៅនឹងការវាយប្រហារជាបន្តបន្ទាប់លើទឹកដីរុស្ស៊ី ដោយមីស៊ីលចម្ងាយឆ្ងាយផលិតនៅលោកខាងលិច រួមទាំងការបន្តសាកល្បងមីស៊ីល Oreshnik ក្នុងស្ថានភាពប្រយុទ្ធផងដែរ”។ លោក ពូទីន ក៏បានសរសើរប្រធានាធិបតីជាប់ឆ្នោតសហរដ្ឋអាមេរិក លោក ដូណាល់ ត្រាំ ដោយពិពណ៌នាថា ជា “អ្នកនយោបាយឆ្លាតវៃ និងមានបទពិសោធ” ដែលអាចស្វែងរក “ដំណោះស្រាយ” បាន ខណៈដែលភាពតានតឹងកើនឡើងរវាងម៉ូស្គូ និងដៃគូលោកខាងលិចរបស់គីវ។ មេដឹកនាំរុស្ស៊ីបានអះអាងថា កងកម្លាំងរបស់លោកបានវាយប្រហារគោលដៅចំនួន១៧ […]

កាលពីសប្តាហ៍មុន ក្រុមការងាររបស់យើងបានរាយការណ៍អំពីសំបុកសត្វត្រយងចង្កំក ស នៅជិតដែនជម្រកសត្វព្រៃស្រែពក ដែលនេះ គឺជាសំបុកដំបូងគេដែលបានរកឃើញក្នុងឆ្នាំនេះ! ការរកឃើញនេះបានបង្ហាញពីក្តីសង្ឃឹមសម្រាប់ប្រភេទសត្វស្លាបនេះដែលមានវត្តមានរស់នៅតំបន់ដីសើម និងជាប្រភេទជិតផុតពូជ។ ក្រុមការងារយើងខិតខំប្រឹងប្រែង និងការពារសំបុកដើម្បីទប់ស្កាត់ការរំខានរបស់មនុស្ស ដូច្នេះសំបុករបស់ត្វត្រយងចង្កំក ស អាចមានឱកាសល្អបំផុតសម្រាប់មានកំណើតកូនសត្វថ្មី។ ការងារអភិរក្ស និងកិច្ចខិតខំប្រឹងប្រែងទាំងនេះ ចង់បង្ហាញយើងឱ្យចូលរួមការពារសត្វព្រៃ និងធនធានធម្មជាតិដ៏មានតម្លៃទាំងអស់។ តើអ្នកនឹងគាំទ្របុព្វហេតុរបស់យើងដោយការចែករំលែកការបង្ហោះនេះទេ? អត្ថបទ៖ WWF-កម្ពុជា

ដោយ : បន្ទាយ បន្ទាយមានជ័យ៖សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាកាលពីព្រឹកថ្ងៃទី២៩ខែវិច្ឆិកាឆ្នាំ២០២៤ បានអញ្ជើញសម្ពោធសមិទ្ធផលនានានៅតំបន់ អភិវឌ្ឍន៍ បឹងជង្រុកតេជោឈ្នះឈ្នះ ស្ថិតនៅភូមិបឹងជង្រុកតេជោឈ្នះឈ្នះ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ លោកបណ្ឌិតប៉ាន់ខែម ប៊ុនថន នាយករងខុទ្ទកាល័យសម្ដេចមហាបវរ ធិប តី នា យក រដ្ឋមន្ត្រី រដ្ឋលេខាធិការទីស្ដីការគណៈរដ្ឋមន្ត្រី និងជាប្រធានក្រុមការ ងារ ដោះ ស្រាយនិងអភិវឌ្ឍន៍តំបន់អភិវឌ្ឍន៍បឹងជង្រុកតេជោឈ្នះឈ្នះ បានឱ្យដឹងថា :ពីអតីតកាលមុននេះ ភូមិបឹងជង្រុកតេជោឈ្នះឈ្នះ ជាតំបន់ដ៏ស្មុគស្មាញមានទាំងជម្លោះដីធ្លី និងការ ចិញ្ចឹមកម្លាំងខុសច្បាប់ពីក្រុមប្រឆាំង ដើម្បីផ្តួលរំលំរាជរដ្ឋាភិបាលថែមទៀតផង។ លោកបានបន្តថា: តំបន់ បឹងជង្រុក និង៦៧១ ស្ថិតក្នុងឃុំទួលពង្រ ស្រុកម៉ាឡៃ ខេត្តបន្ទាយមានជ័យគឺជាចំណែកនៃទីតាំង ដែលសម្តេចតេជោ ហ៊ុន សែន បានធ្វើប្រទានក ម្ម ជូនគ្រួសារយោធាសមាហរណកម្ម សម្រាប់អាស្រ័យផលតាមខ្លឹមសារ៣យ៉ាងនៃការអនុវត្តនយោបាយ ឈ្នះ ឈ្នះ រួមមាន៖ ១-ការធានាអាយុជីវិត និងរូបកាយ ២-ការធានាអាជីព និងមុខរបរ […]

ដោយ៖សហការី ភ្នំពេញៈផ្ទះលក់កាហ្វេនិងផ្សារដែក ធ្វើពីឈើលើថ្មក្រោមមួយខ្នងស្ថិតនៅខាងកើតវត្តក្រាំងធ្នង់ត្រូវបានអគ្គិភ័យឆាបឆេះយ៉ាងសន្ធោសន្ធៅបណ្តាលឲ្យរងការខូចខាតទាំងស្រុងនិងឆេះរាលដាលទៅផ្ទះ២ខ្នងទៀតដែលនៅជាប់គ្នានោះ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ៩និង៤០នាទីព្រឹក ថ្ងៃទី២៩ ខែវិច្ឆិកា ឆ្នាំ២០២៤នៅតាមបណ្ដោយផ្លូវលេខ ១៩៦២ខាងកើតវត្តក្រាំងធ្នង់ ក្នុងភូមិ ព្រៃខ្លា  សង្កាត់ក្រាំងធ្នង់ខណ្ឌសែនសុខរាជធានីភ្នំពេញ។ ម្ចាស់ផ្ទះដើមភ្លើងដែលជាអ្នកជួលស្នាក់នៅឈ្មោះ អ៊ន់ រដ្ឋា ភេទប្រុស អាយុ ៤០ឆ្នាំ មុខរបរជាងដែកនិងមានប្រពន្ធលក់កាហ្វេ។ តាមសាក្សីបានឲ្យដឹងថា  នៅមុនពេលកើតហេតុឃើញភ្លើងបានឆាបឆេះចេញពីផ្ទះផ្សារដែកនិងលក់កាហ្វេដែលធ្វើអំពីឈើលើថ្មក្រោមនៅចំណុចផ្លូវកែង យ៉ាងសន្ធោសន្ធៅបង្កអោយមានការភ្ញាក់ផ្អើលដល់អ្នកក្បែរខាងនាំគ្នាជួយពន្លត់និងទាក់ទងហៅរថយន្តពន្លត់អគ្គិភ័យជាច្រើនគ្រឿងទៅអន្តរាគមន៍។នៅក្នុងហេតុការណ៍នេះភ្លើងបានឆាបឆេះយ៉ាងរហ័សបណ្ដាឲ្យផ្ទះចំនួន២ខ្នងដែលមានម្ចាស់តែមួយរងការខូចខាតទាំងស្រុងនិងឆេះរាលដាលទៅផ្ទះមួយខ្នងទៀត។ តាមនគរបាលការិយាល័យបង្ការពន្លត់អគ្គិភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា   នៅក្នុងហេតុការណ៍នេះរថយន្តពន្លត់អគ្គិភ័យចំនួន ៨គ្រឿងបានទៅអន្តរាគមន៍បាញ់ពន្លត់ហើយភ្លើងបានរលត់ទៅវិញនៅវេលាម៉ោង១០ និង ៤០ នាទីព្រឹកថ្ងៃដដែល។ តាមនគរបាលឲ្យដឹងទៀតថា  អគ្គិភ័យនេះបណ្ដាលអោយផ្ទះធ្វើអំពីឈើប្រក់ស័ង្កសីទំហំ ៨ ម៉ែត្រគុណនឹង ១២ម៉ែត្រដែលខណ្ឌជា២ខ្នងមានម្ចាស់តែមួយ ,មួយខ្នងម្ចាស់ស្នាក់នៅលក់ទូរសព្ទនិងមួយខ្នងទៀតបានជួលទៅឲ្យជាងដែកនិងលក់កាហ្វេដែលជាផ្ទះដើមហេតុខាងលើត្រូវភ្លើងឆេះរងការខូចខាតទាំងស្រុងនិងឆេះរាលដាលដល់ដំបូលនិងពិតានផ្ទះអ្នកក្បែរខាងអស់ប្រមាណ៣០ភាគរយ។ទាក់ទិននឹងការកើតមានអគ្គិភ័យនេះនគរបាលឲ្យដឹងថា បណ្តាលមកពីឆ្លងចរន្តអគ្គិសនី៕

ប្រែសម្រួល៖ រតនា ទីក្រុងតៃប៉ិ៖ ប្រធានាធិបតីតៃវ៉ាន់ លោក ឡាយ ជីង-តេ នឹងឈប់សម្រាកនៅហាវៃ និងដែនដីអាមេរិកហ្គាម ក្នុងពេលធ្វើដំណើរទៅកាន់តំបន់ប៉ាស៊ីហ្វិក នេះបើយោងតាមការិយាល័យរបស់លោកបានឱ្យដឹងកាលពីថ្ងៃព្រហស្បតិ៍ (ថ្ងៃទី២៨ វិច្ឆិកា)។ ការណ៍នេះបានធ្វើឱ្យចិនប្រកាសជាថ្មីម្តងទៀតថា នឹង «កម្ទេចដាច់ខាត»រាល់ការប៉ុនប៉ងឯករាជ្យរបស់តៃវ៉ាន់។ ចិនអះអាងថា តៃវ៉ាន់ដែលជាប្រទេសប្រជាធិបតេយ្យគ្រប់គ្រងដោយខ្លួនឯង គឺជាផ្នែកមួយនៃទឹកដីរបស់ខ្លួន ហើយប្រឆាំងរាល់ការទទួលស្គាល់ជាអន្តរជាតិចំពោះកោះនេះ។ លោក ឡាយ នឹងចាកចេញនៅថ្ងៃសៅរ៍ ដើម្បីទៅបំពេញទស្សនកិច្ចនៅប្រទេសកោះម៉ាស្សល ទូវ៉ាលូ និងប៉ាឡូ ដែលជាប្រទេសកោះប៉ាស៊ីហ្វិកតែបីគត់ក្នុងចំណោមសម្ព័ន្ធមិត្តចំនួន១២ដែលនៅសល់របស់តៃវ៉ាន់។ នេះគឺជាដំណើរទស្សនកិច្ចក្រៅប្រទេសលើកដំបូងរបស់លោក ឡាយ ចាប់តាំងពីចូលកាន់តំណែងកាលពីខែឧសភា។ មន្ត្រីរដ្ឋាភិបាលតៃវ៉ាន់ធ្លាប់បានឈប់សម្រាកនៅលើទឹកដីអាមេរិកក្នុងពេលទស្សនាតំបន់ប៉ាស៊ីហ្វិក ឬអាមេរិកឡាទីនពីមុនមក ដែលធ្វើឱ្យថ្នាក់ដឹកនាំចិននៅប៉េកាំងខឹងសម្បា។ ឆ្លើយតបភ្លាមៗទៅនឹងដំណឹងអំពីដំណើររបស់លោក ឡាយ លោក វូ ជាន អ្នកនាំពាក្យក្រសួងការពារជាតិចិនបាននិយាយថា «យើងប្រឆាំងយ៉ាងមុឺងម៉ាត់ចំពោះការធ្វើអន្តរកម្មជាផ្លូវការជាមួយតំបន់តៃវ៉ាន់របស់ចិនក្នុងទម្រង់ណាក៏ដោយ»។ អ្នកនាំពាក្យរូបនេះបានថ្លែងក្នុងសន្និសីទសារព័ត៌មានថា “កងទ័ពចិនមានបេសកកម្មដ៏ពិសិដ្ឋក្នុងការការពារអធិបតេយ្យភាពជាតិ… ហើយនឹងកម្ទេចដាច់ខាតនូវរាល់ការប៉ុនប៉ងបំបែកខ្លួនឯករាជ្យរបស់តៃវ៉ាន់”។ កងទ័ពតៃវ៉ាន់បានពង្រាយយន្តហោះ នាវា និងប្រព័ន្ធមីស៊ីលនៅលើគោកកាលពីល្ងាចថ្ងៃព្រហស្បតិ៍ បន្ទាប់ពីរកឃើញយន្តហោះចិនចំនួន១៩គ្រឿងនៅជិតកោះនេះ នេះបើយោងតាមក្រសួងការពារជាតិតៃវ៉ាន់។ យន្តហោះចំនួន១៥គ្រឿងបានឆ្លងកាត់ខ្សែបន្ទាត់កណ្តាលនៃច្រកសមុទ្រតៃវ៉ាន់ ដែលបំបែកទឹកដីទាំងពីរ ដោយសម្របសម្រួលជាមួយនាវាចម្បាំងចិនក្នុង “ការល្បាតត្រៀមប្រយុទ្ធរួមគ្នា” នេះបើយោងតាមសេចក្តីថ្លែងការណ៍។ ជួបជាមួយ «មិត្តចាស់»  […]

ដោយ : បន្ទាយ ពោធិ៍សាត់៖  សមត្ថកិច្ចចម្រុះបានបង្រ្កាបបទល្មើសនេសាទដោយប្រើឧបករណ៍ឈ្នក់ (ឆ្នុក) និងអំពូលភ្លើង ដែលជាឧបករណ៍នេសាទខុសច្បាប់ កាលពីថ្ងៃទី២៦វិច្ឆិកា២០២៤ នៅវេលាម៉ោង ១៩:៣០ រហូតដល់ ២១:៤០ នាទីយប់ ។នេះបើតាមមន្ត្រីសមត្ថកិច្ចចម្រុះបានឲ្យដឹងកាលពីថ្ងៃទី២៨ខែវិច្ឆិកា ។ វត្ថុតាងដែលបានចាប់យករួមមាន៖ សាច់ឈ្នក់ (ឆ្នុក) ចំនួន ១៤ គ្រឿង, អាគុយ ៣ គ្រឿង,អាំងវែកទ័រ៤ គ្រឿង, អំពូលភ្លើង ៤ អំពូល,ខ្សែភ្លើងប្រវែង ៨០ ម៉ែត្រ, ខ្សែរួមផ្សំប្រវែង ៨០០ ម៉ែត្រ,បង្គោលចំនួន ៨ កន្លែង (ស្មើនឹង ១៦ ដើម) ។ សមត្ថកិច្ចចម្រុះបន្តថា : ក្នុងពេលបំពេញបេសកម្ម មានជនសង្ស័យមួយក្រុមបានបើកកាណូតជាច្រើនគ្រឿងមករារាំង និងបុកប៉ះកាណូតកម្លាំង។ ដើម្បីការពារសុវត្ថិភាព កម្លាំងកងរាជអាវុធហត្ថលើផ្ទៃប្រទេសបានបាញ់បង្អើល២គ្រាប់ទើបជនសង្ស័យបានបើកកាណូតចេញទៅវិញ។ មន្ទីរកសិកម្ម រុក្ខាប្រមាញ់ និងនេសាទនិងខណ្ឌរដ្ឋបាលជលផលខេត្តពោធិ៍សាត់អះអាងថានឹងបន្តពង្រឹងការបង្រ្កាប និងការពារធនធានជលផល ដើម្បីរក្សាបរិស្ថានធម្មជាតិឲ្យមានស្ថិរភាពឡើងវិញក្នុងតំបន់៕

 ដោយ៖ គង់ហេង កំពង់ចាម៖ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡាបានមានប្រសាសន៍ថា៖ ជាសិស្សពូកែបាន ត្រូវចេះមុខវិជ្ជាអក្សរសាស្រ្តខ្មែរឱ្យបានច្បាស់ គឺជាគន្លឹះមូលដ្ឋានក្នុងការសិក្សាឈានឆ្ពោះទៅរកមុខវិជ្ជាផ្សេងទៀត។ ឯកឧត្តមបណ្ឌិតសភាចារ្យឧបនាយករដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡាបានមានប្រសាសន៍យ៉ាងដូច្នេះកាលពីថ្ងៃទី ២៨ វិច្ឆិកា ការដែលឯកឧត្តមបានអញ្ជើញចូលរួមពិធីផ្តល់រង្វាន់សិស្សឆ្នើមថ្នាក់ទី ១០ ចំនួន ២៧ នាក់ប្រចាំស្រុកព្រៃឈរដែលទទួលបានជ័យលាភីលើកទឹកចិត្តពីសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី។ ដែលពិធីនេះបានរៀបចំឡើងនៅវិទ្យាល័យ ហ៊ុន សែន ព្រៃទទឹង។ ឯកឧត្តមបណ្ឌិតបានមានប្រសាសន៍ថា៖ សិស្សគ្មានមូលដ្ឋានគ្រឹះ មិនអាចក្លាយជាសិស្សពូកែបាននោះទេ គឺជាសិស្សពូកែត្រូវពង្រឹងចំណេះដឹងទូទៅដូចជា ប្រវត្តិវិទ្យា អក្សរសាស្រ្តខ្មែរ គណិតវិទ្យា និងមុខវិជ្ជាផ្សេងទៀត។ ប៉ុន្តែមុខវិជ្ជាគន្លឹះជាមូលដ្ឋានអាចជាគណិតវិទ្យា ជាពិសេសអក្សរសាស្រ្តខ្មែរ គឺចេះមិនច្បាស់អក្សរសាស្រ្តខ្មែរហើយអ្វីៗផ្សេងទៀតក៏អត់ច្បាស់ដែរ គឺត្រូវចេះឱ្យច្បាស់មុខវិជ្ជាខ្មែរ ប្រត្តិវិវិទ្យា ក៏ត្រូវចេះឱ្យច្បាស់ និងមុខវិជ្ជាវិទ្យាសាស្ត្រផ្សេងទៀត ឥឡូវនេះសំខាន់គេនិយាយអំពីបច្ចេកវិទ្យាឌីជីថល គឺកុំព្យូទ័រនេះឯង។ ឯកឧត្តមបានបន្តថា៖  ដូច្នេះដើម្បីឱ្យក្មួយៗ ក្លាយជាធនធានប្រកបដោយគុណភាព គឺត្រូវប្រឹងប្រែរៀនសូត្រ គ្មានអ្វីផ្តល់នូវអំណាយ ឬឱកាសជាងការសិក្សារៀនសូត្រនោះទេ មនុស្សមិនដូចគ្នាទេ […]

ដោយ : បន្ទាយ ភ្នំពេញ៖ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញបានថ្លែងថា ចិត្តកុសលរមែងនាំមកនូវសេចក្តីរីករាយដល់ខ្លួន ។ លោកបាននិយាយថា : “កាលពីល្ងាចម្សិលមិញ ពេលខ្ញុំកំពុងដើរហាត់ប្រាណនៅពហុកីឡដ្ឋានជាតិអូឡាំពិក ខ្ញុំបានជួបបងស្រីម្នាក់ កំពុងតែដាក់ជញ្ជីងថ្លឹងគិតលុយនៅតាមផ្លូវ “។ “ពេលខ្ញុំសួរទៅគាត់ ក៏ដឹងថាគាត់ជាអ្នកអនាម័យ តែឆ្លៀតដាក់ជញ្ជីងថ្លឹងគីឡូរកលុយបន្ថែម ព្រោះរាល់ថ្ងៃមានជីវភាពខ្វះខាត មានម្ដាយចាស់ជរានិងមានកូនបីនាក់ក្នុងបន្ទុក ខ្ញុំក៏មានចិត្តជូនអំណោយបន្តិចបន្តួចដល់គាត់ “។ សូមបញ្ជាក់ថា អំណោយរបស់លោកឧត្តមសេនីយ៍ឯក រ័ត្ន ស្រ៊ាង រួមមាន៖ អង្ករ ទឹកសុទ្ធ និងថវិកាមួយចំនួន ។ លោកបានបន្ថែមថា ឃើញគាត់ទទួលដោយត្រេកអរ ខ្ញុំក៏ទទួលបានសេចក្តីរីករាយក្នុងចិត្តយ៉ាងក្រៃលែង។ បច្ចុប្បន្នបងស្រីរស់នៅផ្ទះជួលក្នុងសង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ៕

សៀមរាប៖ សារមន្ទីរព្រះនរោត្តមសីហនុ-អង្គរ ដែលស្ថិតនៅក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប ជាសារមន្ទីរបែបព្រះពុទ្ធសាសនា តាំងបង្ហាញ និងរក្សាទុកនូវវត្ថុសិល្បៈដែលបានមកពីកំណាយស្រាវជ្រាវនានានៅក្នុងតំបន់អង្គរ។ បច្ចុប្បន្នទីនោះ មិនត្រឹមតែជាកន្លែងរក្សាទុកវត្ថុសិល្បៈបុរាណជាច្រើនប្រភេទ និងដាក់តាំងបង្ហាញឱ្យភ្ញៀវជាតិ អន្តរជាតិបានទស្សនាប៉ុណ្ណោះទេ គឺថែមទាំងមានអ្នកជំនាញអភិរក្សវត្ថុបុរាណនានាឱ្យមានភាពរឹងមាំយូរអង្វែងបន្តទៀត។ លោក កង ច័ន្ទតារា ជាប្រធានក្រុមការងារអភិក្សវត្ថុបុរាណផ្នែកថ្មភក់ នៅក្នុងសារមន្ទីរព្រះនរោត្តមសីហនុ-អង្គរ ឱ្យដឹងថា បច្ចុប្បន្ន នៅក្នុងសារមន្ទីរ ព្រះនរោត្តមសីហនុ-អង្គរ គឺមានអ្នកជំនាញផ្នែកអភិរក្សថ្មភក់ ចំនួន៣នាក់ តែងធ្វើការសម្អាតវត្ថុសិល្បៈបុរាណដែលអាជ្ញាធរជាតិអប្សរាបានរកឃើញ និងយកមករក្សាទុកនៅទីនោះ។ លោក កង ច័ន្ទតារា បញ្ជាក់ទៀតថា ជាច្រើនឆ្នាំមកនេះ ក្រុមរបស់លោកអភិរក្សវត្ថុបុរាណ រួមមានធ្វើពីថ្មភក់ លោហៈ និងកុលាលភាជន៍ជាដើម។ ក្នុងការងារអភិរក្សវត្ថុបុរាណទាំងនោះ មុនដំបូងត្រូវធ្វើការសម្អាតស្ងួត សម្អាតកំណកដី សម្អាតស្លែ និងសម្អាតផ្ទៃវត្ថុសិល្បៈទាំងមូលដោយប្រុងប្រយ័ត្ន ចៀសវាងការខូចខាត និងរក្សាបាននូវរូបរាងដើមរបស់វត្តសិល្បៈ។ វត្ថុបុរាណទាំងនោះ បន្ទាប់ពីទទួលបានការអភិក្សហើយ ត្រូវយកទៅរក្សាទុក ឬក៏វត្ថុខ្លះត្រូវដាក់តាំងបង្ហាញអចិន្ត្រៃយ៍ និងមិនអចិន្ត្រៃយ៍សម្រាប់ឱ្យភ្ញៀវជាតិ និងអន្តរជាតិបានទស្សនា។ ចាប់តាំងពីកំឡុងខែតុលា ឆ្នាំ២០២៤ រហូតមកដល់បច្ចុប្បន្នក្រុមអ្នកជំនាញនៃសារមន្ទីរព្រះនរោត្តមសីហនុ-អង្គរ កំពុងធ្វើការសម្អាតវត្ថុបុរាណមួយចំនួនទៀត ដែលក្រុមអ្នកស្រាវជ្រាវទើបតែបានរកឃើញដូចជា ព្រះកេសរបស់ទេវរូប ចំនួន២ […]

ប្រែសម្រួល៖ ស្រីស្រស់ ប៉េកាំង៖ នៅថ្ងៃព្រហស្បតិ៍ (២៨ វិច្ឆិកា) ប៉េកាំងបានឲ្យដឹងថា មន្ត្រីយោធាជាន់ខ្ពស់ចិនម្នាក់ត្រូវបានដកចេញពីតំណែងដោយសារ “ការរំលោភវិន័យធ្ងន់ធ្ងរ”។ នេះជាមន្ត្រីជាន់ខ្ពស់ចុងក្រោយគេដែលជាប់ពាក់ព័ន្ធក្នុងយុទ្ធនាការប្រឆាំងអំពើពុករលួយយ៉ាងទូលំទូលាយក្នុងកងកម្លាំងប្រដាប់អាវុធ។ លោក វូ ឈៀន អ្នកនាំពាក្យក្រសួងការពារជាតិប៉េកាំង បានថ្លែងក្នុងសន្និសីទសារព័ត៌មានថា គណបក្សកុម្មុយនិស្តចិនដែលកំពុងកាន់អំណាច “បានសម្រេចព្យួរតំណែងលោក ម្យ៉ាវ ហួរ ដើម្បីរង់ចាំការស៊ើបអង្កេត”។ លោក វូ មិនបានផ្តល់ព័ត៌មានលម្អិតបន្ថែមអំពីការចោទប្រកាន់លើលោក ម្យ៉ាវ ដែលជាឧត្តមនាវីនិងជាសមាជិកគណៈកម្មការយោធាកណ្តាល (CMC) ដ៏មានឥទ្ធិពលរបស់ប៉េកាំងនោះទេ។ប៉ុន្តែ “ការរំលោភវិន័យធ្ងន់ធ្ងរ” ជាទូទៅត្រូវបានមន្ត្រីចិនប្រើជាពាក្យប្រដូចសម្រាប់អំពើពុករលួយ។ លោក ម្យ៉ាវ គឺជាសមាជិកម្នាក់ក្នុងចំណោមសមាជិកប្រាំមួយរូបនៃគណៈកម្មការយោធាកណ្តាល ដែលមានប្រធានាធិបតី ស៊ី ជីនភីង នៅកំពូល និងជាប្រធាននាយកដ្ឋានការងារនយោបាយដែលជាការិយាល័យសំខាន់បំផុត។ លោក លៃល៍ ម៉រីស អ្នកស្រាវជ្រាវជាន់ខ្ពស់នៃសមាគមអាស៊ី បានពិពណ៌នាថា លោក ម្យ៉ាវ គឺជា “សម្ព័ន្ធមិត្តជិតស្និទ្ធ” របស់លោក ស៊ី និងជា “អ្នកចរចាដែលគួរឲ្យទុកចិត្ត” រវាងយោធានិងគណបក្ស។ ប៉េកាំងបានពង្រឹងការប្រឆាំងអំពើពុករលួយដែលបានចោទប្រកាន់ក្នុងកងកម្លាំងប្រដាប់អាវុធក្នុងឆ្នាំកន្លងមកនេះ ដោយលោក ស៊ី បានបញ្ជាឲ្យយោធាបញ្ចប់អំពើពុករលួយនិងពង្រឹង […]

ប្រែសម្រួល៖ រតនា បាងកក៖ មេដឹកនាំយោធាមីយ៉ាន់ម៉ា លោក មីន អ៊ិង ឡាំង អាចនឹងត្រូវបានចេញដីកាចាប់ខ្លួនដោយតុលាការព្រហ្មទណ្ឌអន្តរជាតិ (ICC) ប៉ុន្មានឆ្នាំក្រោយពីលោកបានដឹកនាំយុទ្ធនាការប្រល័យពូជសាសន៍ប្រឆាំងជនជាតិភាគតិចរ៉ូហ៊ីងយ៉ា។ លោក មីន អ៊ិង ឡាំង គឺជាមេបញ្ជាការកងកម្លាំងប្រដាប់អាវុធមីយ៉ាន់ម៉ា នៅពេលដែលយោធាបានចាប់ផ្តើមការបង្ក្រាបនៅឆ្នាំ២០១៧ បន្ទាប់ពីមានការវាយប្រហារដោយក្រុមបះបោររ៉ូហ៊ីងយ៉ានៅរដ្ឋរ៉ាក់ឃីន។ ជនជាតិរ៉ូហ៊ីងយ៉ាប្រមាណ ៧៥០.០០០នាក់ បានភៀសខ្លួនទៅប្រទេសបង់ក្លាដេស ដោយនាំមកជាមួយនូវរឿងរ៉ាវរន្ធត់អំពីការរំលោភ ការដុតបំផ្លាញ និងការសម្លាប់។ លោក ការីម ខាន ព្រះរាជអាជ្ញានៃតុលាការ ICC បាននិយាយកាលពីថ្ងៃពុធ (ថ្ងៃទី២៧ ខែវិច្ឆិកា) ថា មានមូលដ្ឋានសមហេតុផលដើម្បីជឿជាក់ថា លោក មីន អ៊ិង ឡាំង “មានទំនួលខុសត្រូវព្រហ្មទណ្ឌចំពោះឧក្រិដ្ឋកម្មប្រឆាំងមនុស្សជាតិ” ដែលបានប្រព្រឹត្តក្នុងអំឡុងពេលនៃការបង្ក្រាប។ បន្ទាប់ពីការស្នើសុំរបស់លោក ខាន ទៅចៅក្រមឲ្យចេញដីកាចាប់ខ្លួនមេដឹកនាំយោធា AFP សូមពិនិត្យមើលករណីរបស់ ICC និងអ្វីដែលវាអាចមានន័យសម្រាប់មីយ៉ាន់ម៉ា។ • តើលោក មីន អ៊ិង ឡាំង ជានរណា? លោក មីន […]

ដោយ :បន្ទាយ កំពង់ធំ ៖ ជនសង្ស័យកាប់មន្ត្រីនគរបាលម្នាក់បានបណ្តាលឲ្យស្លាប់នៅកន្លែងកើតហេតុ បន្ទាប់ពីមានជម្លោះពាក្យសម្តីគ្នា។ ករណីនេះកើតឡើងនៅម៉ោងប្រមាណ១០និង៤០នាទីយប់ ថ្ងៃទី ២៧ ខែវិច្ឆិកា ឆ្នាំ២០២៤ នៅចំណុចទួលភ្នៀត ភូមិកំពង់ក្តី ឃុំកំពង់ចិនត្បូង ស្រុកស្ទោង ខេត្តកំពង់ធំ។ ប្រភពពីសមត្ថកិច្ចនគរបាលប៉ុស្តិ៍រដ្ឋបាលឃុំកំពង់ចិនត្បូងឲ្យដឹងថា : ឃាតកម្មយ៉ាងព្រៃផ្សៃនេះបង្កដោយជនសង្ស័យឈ្មោះ ផន ប៊ុនរិត ភេទប្រុស អាយុ ៣៤ឆ្នាំ រស់នៅភូមិ/ឃុំកើតហេតុខាងលើ។ បន្ទាប់ពីធ្វើសកម្មភាពរួចជនសង្ស័យបានរត់គេចខ្លួនបាត់។ ដោយឡែកជនរងគ្រោះឈ្មោះម៉េង សេងទ្រី ភេទប្រុស អាយុ៣៧ឆ្នាំ (ជាមន្ត្រីនគរបាល) រស់នៅភូមិឃុំជាមួយជនសង្ស័យ បានស្លាប់នៅកន្លែងកើតហេតុ។ សូមបញ្ជាក់ថា មុនកើតហេតុជនរងគ្រោះបានជិះម៉ូតូមកដល់ចំណុចមុខផ្ទះរបស់ វ៉ាន់ សុជាតិ ភេទស្រី ខណៈជនសង្ស័យកំពុងអង្គុយផឹកស្រាម្នាក់ឯង។ ពេលជនរងគ្រោះចុះពីម៉ូតូមកអង្គុយក្បែរជនសង្ស័យ មានការទាស់ទែងពាក្យសម្តីជាមួយគ្នា។ភ្លាមនោះ ជនសង្ស័យបានរត់ទៅយកផ្គាក់ពីផ្ទះរបស់ខ្លួនមកកាប់ប្រហារជនរងគ្រោះបណ្តាលឱ្យស្លាប់នៅនឹងកន្លែងតែម្តង។ សមត្ថកិច្ចកំពុងសហការស្រាវជ្រាវបន្តស្វែងរកជនសង្ស័យដើម្បីនាំមកផ្តន្ទាទោសតាមនីតិវិធី ៕

ដោយ : បន្ទាយ បន្ទាយមានជ័យ :នៅថ្ងៃទី២៨ខែវិច្ឆិកាឆ្នាំ២០២៤ នៅសាលប្រជុំ (ធំ) សាលាខេត្តបន្ទាយមានជ័យ មានពិធីសំណេះសំណាលនិងចែកសៀវភៅសីលរតនៈជាធម្មទានរបស់សម្តេចធិបតីហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដល់គ្រូបង្រៀននិងគ្រូពេទ្យនៅទូទាំងក្រុងសិរីសោភ័ណខេត្តបន្ទាយមានជ័យ ក្រោមអធិបតីភាពលោកហង្ស ចន្ទវរៈ ជំនួយការសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ លោក លី សុវណ្ណារិទ្ធ អភិបាលរងខេត្ត តំណាងលោកអ៊ុ រាត្រី អភិបាលនៃគណៈអភិបាលខេត្ត បានអញ្ជើញចូលរួម និងមានប្រធាន អនុប្រធានមន្ទីរអយក មន្ទីរសុខាភិបាល មន្ទីរ មេបញ្ជាការរងបញ្ជារការដ្ឋាន ស្នងការរង ប្រធាន អនុប្រធានការិយាល័យនិងលោកគ្រូ អ្នកគ្រូទូទាំងក្រុងសិរីសោភ័ណចំនួន៩៧៦នាក់ គ្រូពេទ្យក្នុងក្រុងនិងប្រធានមន្ទីរពេទ្យ ការិយាល័យសុខាភិបាលស្រុកក្រុងប្រតិបត្តិទូទាំងខេត្ត ចំនួន ២០០នាក់ សរុប១.១៨៦នាក់ ។ លោកខឹម តាំងស៊ុន អនុប្រធានមន្ទរអប់រំ យុវជននិងកីឡាខេត្តបន្ទាយមានជ័យអោយដឹងថា: នៅខេត្តបន្ទាយមានជ័យមានគ្រឹ:ស្ថានសិក្សាសាធារណ:ចំណេះទូទៅ៨២១កន្លែង មានសិស្សចំនួន១៦៧.០០៨នាក់ / ស្រី៨៤.១០៦នាក់ ។ […]

ប្រែសម្រួល៖ រតនា ជនភៀសខ្លួនដែលត្រូវបានគេចោទថាជា ‘ភេរវករ’ បានរស់នៅយ៉ាងស្ងប់ស្ងាត់បំផុតនៅក្នុងភូមិដាច់ស្រយាល ដោយបើកបររថយន្តម៉ាក Seat កញ្ចាស់ និងបរិភោគអាហារបុព្វជិត ខណៈដែលគេរត់គេចខ្លួនពីករណីបំផ្ទុះគ្រាប់បែកពីរលើកនៅសានហ្វ្រានស៊ីស្កូក្នុងឆ្នាំ២០០៣។ នេះគឺជាតំបន់ទេសភាពដ៏ស្រស់ស្អាត និងដាច់ស្រយាលនៅវ៉េលស៍ ដែលជាកន្លែងដែលមន្ត្រីបានតាមដានរកឃើញជនម្នាក់ក្នុងចំណោម ‘ភេរវករដែលគ្រោះថ្នាក់បំផុត’ របស់ FBI បន្ទាប់ពីការរត់គេចខ្លួនអស់រយៈពេលជាង២០ឆ្នាំ។ សម្រាប់អ្នកជិតខាងមួយក្តាប់តូចដែលរស់នៅលើភ្នំព្រៃដ៏ស្រស់ស្អាត ដែលអាចមើលឃើញជើងភ្នំស្នូដូនញ៉ា គេស្គាល់គាត់ថាជា Danny។ ចាប់តាំងពីគាត់បានទិញផ្ទះល្វែងមួយខ្នងក្នុងតម្លៃ ៤២៥.០០០ ផោន ជាមួយនឹងប្រាក់កម្ចីពីធនាគារ Nationwide កាលពីខែសីហាឆ្នាំមុន អ្នកភូមិភាគច្រើនបាននិយាយជាមួយអ្នកមកថ្មីនេះគ្រប់គ្រាន់ត្រឹមតែដឹងថា គាត់ជាជនជាតិអាមេរិក និងចូលចិត្តបរិភោគអាហារបុព្វជិត ដោយមើលឃើញពីសំបកប៊ឺហ្គឺ និងមីដែលចេញពីធុងសំរាមរបស់គាត់។ បើសិនជាគេឃើញគាត់ គឺឃើញតែពេលគាត់បើកបររថយន្តម៉ាក Seat អាយុប្រាំពីរឆ្នាំរបស់គាត់ ឬពេលគាត់កាប់ឈើនៅក្បែរឃ្លាំងដាច់ដោយឡែករបស់គាត់។ “គាត់ហាក់ដូចជាមិនសូវចង់និយាយជាមួយយើងពេលយើងជួបគាត់ទេ” អ្នកជិតខាងម្នាក់បាននិយាយកាលពីម្សិលមិញ បន្ទាប់ពី MailOnline ក្លាយជាប្រព័ន្ធផ្សព្វផ្សាយដំបូងគេដែលបានរកឃើញទីតាំងលាក់ខ្លួនរបស់ជនគេចខ្លួននេះ។ “វាជាកន្លែងដាច់ស្រយាលណាស់ គ្មាននរណាម្នាក់ដឹងថាមានផ្ទះនៅទីនោះទេ លុះត្រាតែដើរទៅដល់កន្លែងនោះ។” “យើងគ្រាន់តែគិតថា គាត់មានហេតុផលរបស់គាត់ដែលត្រូវផ្លាស់ទៅរស់នៅកន្លែងដាច់ស្រយាល ហើយយើងក៏ទុកឱ្យគាត់នៅម្នាក់ឯង។” ទោះយ៉ាងណា អត្តសញ្ញាណពិតរបស់ ‘Danny’ ត្រូវបានបង្ហាញយ៉ាងគួរឱ្យភ្ញាក់ផ្អើល នៅពេលប៉ូលិសប្រដាប់ដោយអាវុធពីកងកម្លាំងវ៉េលស៍ខាងជើងបានចុះទៅកាន់តំបន់ជនបទដ៏ស្ងប់ស្ងាត់នោះកាលពីថ្ងៃចន្ទ។ ពួកគេត្រូវបានណែនាំដោយភ្នាក់ងារ FBI […]

ប្រែសម្រួល៖តារា អ្នកជំនាញម្នាក់បានអះអាងថា ចោរប្លន់យន្តហោះដ៏ល្បីឈ្មោះ DB Cooper ត្រូវបានបង្ហាញអត្តសញ្ញាណតាមរយៈបច្ចេកវិទ្យា DNA ថាជាឪពុកម្នាក់មកពីរដ្ឋ North Carolina ឈ្មោះ Richard Floyd McCoy Jr។ កូនៗរបស់ McCoy គឺ Chanté និង Richard III ‘Rick’ បានទាក់ទងអ្នកស៊ើបអង្កេត YouTube ឈ្មោះ Dan Gryder បន្ទាប់ពីម្តាយរបស់ពួកគេបានស្លាប់ ដើម្បីសារភាពថាពួកគេជឿថាឪពុកម្តាយរបស់ពួកគេពាក់ព័ន្ធនឹងអាថ៌កំបាំងនៃការប្លន់យន្តហោះ DB Cooper។ ក្នុងព័ត៌មានថ្មីដ៏គួរឱ្យភ្ញាក់ផ្អើល Gryder បានប្រាប់ DailyMail.com ថាភ្នាក់ងារ FBI បានស្នើសុំ Rick ផ្តល់សំណាក DNA ហើយមានលទ្ធផលគួរឱ្យភ្ញាក់ផ្អើល។ Gryder បានអះអាងថាមានផ្នែកខ្លះនៃ DNA របស់ Rick ដែលត្រូវគ្នា “យ៉ាងល្អឥតខ្ចោះ” ជាមួយនឹង DNA របស់ DB Cooper […]

ដោយ៖សុខុម ស្ទឹងត្រែងៈ សហគមន៍អេកូទេសចរណ៍ទាំង៧កន្លែងសំខាន់ៗក្នុងខេត្តស្ទឹងត្រែង មន្ទីរទេសចរណ៍បានរៀបចំជ្រើសរើសក្បាលម៉ាស៊ីនដើម្បីដឹកនាំការងារលើវិស័យទេសចរណ៍ឱ្យកាន់តែរីកចម្រើនទៅមុខបន្ថែមទៀត។ មកដល់ចុងខែវិច្ឆិកាឆ្នាំ២០២៤ ប្រធានសហគមន៍អេកូទេសចរណ៍ចំនួន៤នាក់ហើយ ត្រូវបានជាប់ឈ្មោះជាប្រធានសហគមន៍ នៅក្នុងនោះមានស្រ្តីពីរនាក់បានចូលរួមការងារនេះ។ រនាសម្ព័ន្ធនេះក៏មានការចូលរួមយកចិត្តទុកដាក់ពីថ្នាក់ដឹកនាំស្រុក ភូមិឃុំ និងទទួលស្គាល់ជាផ្លូវការបណ្តើរៗផងដែរ។ សូមជម្រាបថា សហគមន៍អេកូទេសចរណ៍ដែលបានរៀបចំបោះឆ្នោតរើសទាំង៤កន្លែងនោះរួមមាន៖ សហគមន៍អេកូទេសចរណ៍អន្លង់ផ្សោតត្បូងខ្លា,សហគមន៍អេកូទេសចរណ៍ព្រះរំកិល, សហគមន៍អេកូទេសចរណ៍សម្រស់កោះហាន និងសហគមន៍អេកូទេសចរណ៍បូរីអូរស្វាយ។ លោក អ៊ន់ ប៉ោសឿន ប្រធានមន្ទីរទេសចរណ៍ខេត្តស្ទឹងត្រែងបានជំរុញគ្រប់សហគមន៍ទាំងអស់ ត្រូវចេះរៀបចំកែច្នៃពីសក្តានុពលដែលមាននៅក្នុងតំបន់ ឱ្យកាន់តែទាក់ទាញចំណាប់អារម្មណ៍ភ្ញៀវ។ ក្រៅពីនេះត្រូវចេះរៀបចំធ្វើយ៉ាងណាឱ្យម្ហូបអាហាររបស់យើងមានរសជាតិឆ្ងាញ់ តម្លៃសមរម្យ។រៀបចំសង្វាក់ទេសចរឱ្យមានច្រើនសម្បូរបែប រាប់តាំងពីសេវាកម្មទូក,ម្ហូបអាហារ,ផ្ទះស្នាក់នៅ កែច្នៃផលិតផលសហគមន៍លក់ជូនភ្ញៀវជាដើម។ លោកស្រីប៊ុន សំផាន ទើបជាប់ជាប្រធានសហគមន៍បានប្ដេជ្ញាចិត្តដឹកនាំសហគមន៍អេកូទេសចរណ៍សម្រស់កោះហានឱ្យវិស័យទេសចរណ៍ដើរទៅមុខកាន់តែខ្លាំងបន្តទៀត បន្ទាប់ពីសហគមន៍មួយនេះទទួលបានពានរង្វាន់ស្តង់ដារសហគមន៍អេកូទេសចរណ៍អាស៊ាន។ លោក សាន ម៉ៅ ប្រធានសហគមន៍អេកូទេសចរណ៍បូរីអូរស្វាយរំពឹងយ៉ាងមុតមាំថា ភ្ញៀរនឹងមកកម្សាន្តសហគមន៍របស់លោកកាន់តែច្រើនឡើង ព្រោះថាបច្ចុប្បន្នមានផ្លូវកៅស៊ូតាំងពីស្ពានសេកុង រហូតដល់ទីរួមស្រុកនិងមានផ្លូវបេតុងស្អាតល្អ។មានតំបន់រ៉ាមសារ ទឹកហូរកោះខ្សាច់ ព្រៃលិចទឹក សត្វស្លាបនិងទេសភាពស្អាតៗ។ សហគមន៍មានសេវាកម្មជាច្រើនសម្រាប់ត្រៀមរៀបចំទទូលភ្ញៀវ ដោយមិនខកបំណង៕

ដោយ : បន្ទាយ ភ្នំពេញ៖ ដោយបានទទួលការអនុញ្ញាតពីលោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេសនោះ   លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានបញ្ជូនកម្លាំងវរសេនាតូចចល័ត កងរាជអាវុធហត្ថរាជធានីភ្នំពេញ ចំនួន២នាក់ ដើម្បីទៅចូលរួមប្រកួតក្នុងព្រឹត្តិការណ៍បាញ់កាំភ្លើងដៃអាស៊ាន កងទ័ពជើងគោក (AARM 32/2024) នៅប្រទេសហ្វីលីពីន។ មន្ត្រីអាវុធហត្ថរាជធានីភ្នំពេញបានឲ្យដឹងកាលពីថ្ងៃទី២៧ខែវិច្ឆិកាឆ្នាំ២០២៤ថា : ពលទាហាន២រូបនោះ ទី១- លោកអនុសេនីយ៍ទោ ហួត ភ័ស និង ទី២-លោកនាយចំណង់ ផេង ប៊ុនសុផស់ ទៅចូលរួមជាមួយ ក្រុមបាញ់កាំភ្លើងកងយោធពលខេមរភូមិន្ទ ក្នុងនាមកងទ័ពជើងគោកកម្ពុជា។ ជាលទ្ធផលសមាជិកអាវុធហត្ថរាជធានីភ្នំពេញ ទទួលបានមេដាយចំនួន៣គ្រឿងជូនដល់អង្គភាព រួមមាន ៖ វិញ្ញាសាបាញ់សហការ បាញ់ប៉ះដៃ និង បាញ់ថែប (កម្ពុជាចាប់ដៃគូជាមួយហ្វីលីពីន) ទទួលបានមេដាយមាស ១, វិញ្ញាសាបាញ់សហការ និងរត់បាញ់ថែប (កម្ពុជាចាប់ដៃគូជាមួយហ្វីលីពីន) ទទួលបានមេដាយប្រាក់ […]

ដោយ : បន្ទាយ បន្ទាយមានជ័យ:ថ្ងៃទី២៧ខែវិច្ឆិកា ឆ្នាំ២០២៤លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានដឹកនាំប្រជាបន្ទាន់មួយដល់កងកម្លាំង ផ្សព្វផ្សាយផែនការ ការពារសន្តិសុខ សុវត្ថិភាព ជូនថ្នាក់ដឹកនាំក្នុងពិធីសម្ពោធសមិទ្ធផលនានា នៅក្នុងតំបន់អភិវឌ្ឍន៍បឹងជង្រុកតេជោ ឈ្នះ ឈ្នះ ឃុំទួលពង្រ ស្រុកម៉ាឡៃ នៅថ្ងៃទី២៩ខែវិច្ឆិកា ឆ្នាំ២០២៤ខាងមុខ។ លោកឧត្តមសេនីយ៍ទោ សិទ្ធិ ឡោះ បានដាក់ចេញនូវផែនការ ការពារ បែកចែកគោលដៅ ដែលបានកំណត់ ការទទួលខុសត្រូវ តាមតួរនាទី ភារកិច្ច ដល់កងកម្លាំងអស់ និង ក៏បានណែនាំបន្ថែមដល់កងកម្លាំង​ត្រូវអនុវត្តតាមតួនាទី-ភារកិច្ច និងគោរពវិន័យ បទបញ្ជា សំដៅធ្វេីយ៉ាងណាការពារសន្តិសុខ​ សុវត្ថិភាព​ជូនថ្នាក់ដឹកនាំ និងពលរដ្ឋមកចូលរួមឱ្យបានម៉ឺងម៉ាត់បំផុត៕

ដោយ : បន្ទាយ បន្ទាយមានជ័យ ៖សហគមន៍មូលដ្ឋាន និងសមាគមនិកាយសាសនាចក្រ នៃព្រះយេស៊ូគ្រីស្ទ នៃពួកបរិសុទ្ធថ្ងៃចុងក្រោយ បានជួយលេីកស្ទួយលេីវិស័យអប់រំនៅកម្ពុជា តាមរយៈ ការជួយជួសជុលអគារសិក្សា។ជាក់ស្តែងអគារសិក្សានិងសមិទ្ធផលនានា ដែលបានជួសជុលរួចជាស្ថាពរ នៅវិទ្យាល័យស្វាយចេក សាលាបឋមសិក្សាសុខសាន្ត បឋមសិក្សាគីឡូម៉ែត្រ៤ បឋមសិក្សាចង្ហា និងបឋមសិក្សាម្កាក់ ត្រូវបានប្រគល់ឱ្យប្រេីប្រាស់ជាផ្លូវការ។អ្នកសម្របសម្រួលអោយដឹងនារសៀលថ្ងទី២៧ខែវិច្ឆិកា ឆ្នាំ២០២៤ ថា កម្មវិធីប្រគល់នោះប្រារព្ធធ្វើរួមក្នានៅវិទ្យាល័យស្វាយចេក ស្រុកស្វាយចេក ។ លោក ប៊ែរី ចូណាថុន អួត អ្នកឯកទេសកិច្ចការមនុស្សធម៌ ឮរបស់សហគមន៍មូលដ្ឋាននិងសមាគមនិកាយសាសនាចក្រនៃព្រះយេស៊ូវគ្រីស្ទ នៃពួកបរិសុទ្ធថ្ងៃចុងក្រោយ បានបង្ហាញពីអារម្មណ៍រីករាយ ដែលបានចូលរួមចំណែកជាមួយវិស័យអប់រំនៅកម្ពុជា តាមរយៈការជួយជួសជុលអគារសិក្សាឡេីងវិញ ពោលគឺដេីម្បីឱ្យសិស្សានុសិស្សបានសិក្សារៀនសូត្រ ក្លាយជាធនធានដ៏សំខាន់សម្រាប់កម្ពុជា។ លោកលោក ប៊ែរី បានបន្តថា : តាមរយៈការជួយជួសជុលអគារសិក្សានេះ ពួកយើងគឺចង់ឃេីញយុវជន សិស្សានុសិស្ស មានចំណេះដឹងសម្រាប់អនាគត់របស់ខ្លួន ដេីម្បីក្រុមគ្រួសារ និងសង្គមជាតិ ហេីយនិងក្រុមការងារ និងបន្តជួយដល់វិស័យអប់រំ និងវិស័យដ៏ទៃទៀតទៅតាមលទ្ធភាពដែលអាចជួយទៅបាន។ នាឱកាសនោះលោក លី សុវណ្ណារិទ្ធ អភិបាលខេត្តស្តីទី បានថ្លែងអំណរគុណដល់សហគមន៍មូលដ្ឋាននិងសមាគមនិកាយសាសនាចក្រ នៃព្រះយេស៊ូគ្រីស្ទ នៃពួកបរិសុទ្ធថ្ងៃចុងក្រោយ […]

ប្រែសម្រួល៖ រតនា ញូវដេលី៖ ក្រុមហ៊ុនសម្ព័ន្ធ Adani Group របស់ឥណ្ឌាបាននិយាយនៅថ្ងៃពុធ (ថ្ងៃទី២៧ ខែវិច្ឆិកា) ថាខ្លួនបានខាតបង់ប្រមាណ ៥៥ ពាន់លានដុល្លារអាមេរិកនៅក្នុងទីផ្សារភាគហ៊ុន ចាប់តាំងពីរដ្ឋអាជ្ញាអាមេរិកបានចោទប្រកាន់ស្ថាបនិក និងមន្ត្រីផ្សេងទៀតពីបទក្លែងបន្លំកាលពីសប្តាហ៍មុន។ បណ្តឹងចោទប្រកាន់ដ៏គួរឱ្យភ្ញាក់ផ្អើលនៅថ្ងៃទី២០ ខែវិច្ឆិកា នៅទីក្រុងញូវយ៉ក បានចោទប្រកាន់លោក Gautam Adani ជាឧស្សាហករមហាសេដ្ឋី និងអ្នកក្រោមបង្គាប់ជាច្រើននាក់ពីបទចេតនាបំភាន់វិនិយោគិនអន្តរជាតិ ដែលជាផ្នែកមួយនៃគ្រោងការសូកប៉ាន់។ បណ្តឹងនេះបានបញ្ជាក់ថា ពួកគេបាន “រៀបចំផែនការដើម្បីផ្តល់ អនុញ្ញាត ធ្វើ និងសន្យាថានឹងធ្វើការបង់ប្រាក់សំណូកទៅឱ្យមន្ត្រីរដ្ឋាភិបាលឥណ្ឌា”។ ក្រុមហ៊ុនដែលបដិសេធការចោទប្រកាន់នេះ បាននិយាយនៅក្នុងសេចក្តីថ្លែងការណ៍មួយនៅថ្ងៃពុធថា៖ “ចាប់តាំងពីមានការជូនដំណឹងអំពីបណ្តឹងចោទប្រកាន់របស់ក្រសួងយុត្តិធម៌អាមេរិក ក្រុមហ៊ុនបានរងការខាតបង់ប្រមាណ ៥៥ ពាន់លានដុល្លារអាមេរិក នៅក្នុងមូលធនទីផ្សាររបស់ខ្លួនក្នុងក្រុមហ៊ុនចុះបញ្ជីទាំង ១១”។ លោក Gautam Adani អាយុ ៦២ ឆ្នាំ ត្រូវបានសង្ស័យថាបានចូលរួមក្នុងគ្រោងការសូកប៉ាន់ដែលមានទឹកប្រាក់ ២៥០ លានដុល្លារអាមេរិក ដើម្បីទទួលបានកិច្ចសន្យារដ្ឋាភិបាលដែលមានប្រាក់ចំណេញច្រើន។ ក្រុមហ៊ុន Adani Group បានចេញសេចក្តីបដិសេធយ៉ាងម៉ឹងម៉ាត់ ដោយពិពណ៌នាការចោទប្រកាន់ថា “គ្មានមូលដ្ឋាន” ប៉ុន្តែវាបានបង្កឱ្យមានការលក់ភាគហ៊ុន Adani […]