ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាមបានស្នើឱ្យគណៈកម្មការ អនុគណៈកម្មលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ ពិនិត្យទាំងអាជីវកម្ម សេវាកម្មឯកជន និងទាំងការប្រើប្រាស់ឱសថ(ថ្នាំពេទ្យ)សរុបទាំងជាង១.០០០ ទីតាំងក្នុងខេត្តមួយនេះពោល គឺដើម្បីកាត់បន្ថយភាពក្រីក្ររបស់ប្រជាពលរដ្ឋ។ ឯកឧត្តមអភិបាលខេត្តកំពង់ចាមបានមានប្រសាសន៍ថា៖ យើងត្រូវអនុវត្តឱ្យបានហ្មត់ចត់តាមគោលការណ៍ណែនាំរបស់ប្រមុខរដ្ឋភិបាល ដោយធ្វើរួមតែម្តង។ ព្រោះថាកន្លងមកមានឱសថក្លែងក្លាយភាគច្រើននៅបង្កប់ជាមួយនឹងអាហារបំប៉ន មានឱសថហាមឃាត់ ឱសថក្លែងក្លាយ ដោយដាក់លាយឡំគ្នាបន្លំ។ រូបភាពមួយទៀតតាមរយៈគ្រូពេទ្យស្ម័គ្រចិត្តតាមសមាគម ដើម្បីសាកល្បង។ ឯកឧត្តមបានបន្ថែមថា៖ ក្នុងនាមគណៈកម្ម អនុគណៈកម្មការលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ត្រូវមើល នៅពេលដែលមានអង្គការដៃគូ សប្បុរសជនណាមកសុំព្យាបាលជំងឺត្រូវសាកសួរឱ្យបានច្បាស់លាស់ពីប្រវត្តិឱសថ ជួនជាឱសថយកមកសាកល្បង ដែលបណ្តាលឱ្យប៉ះពាល់សុខភាពប្រជាពលរដ្ឋ ពិសេសដែលធ្វើឱ្យកុមារក្រោមអាយុ ១២ ឆ្នាំមានជំងឺទឹកនោមផ្អែម ជាដើម ហើយដាក់បន្ទុកថា ក្មេងនោះទទួលទានចំណីអាហារផ្អែម សាលារៀនបើកឱ្យមានការលក់ដូរ នំណីអាហារមានសារជាតិផ្អែម ម្តាយមិនបំបៅដោះកូនដោយទឹកដោះខ្លួនឯង ជាដើមនោះ។ ឯកឧត្តមបានបន្តថា៖ ដោយពិនិត្យមើលតាមរយៈការព្យាបាលជំងឺ តាមសមាគម តាមអង្គការ តាមសប្បុរសជនណាក៏ដោយពាក់ព័ន្ធនឹងលក្ខន្តិកៈ នៃការប្រើប្រាស់ថ្នាំ ហើយត្រូវតែធានាថា ថ្នាំនោះជាថ្នាំដែលទទួលស្គាល់ដោយក្រសួងសុខាភិបាល និងមានការអនុញ្ញាតត្រឹមត្រូវ ដោយស្ថិតក្នុងសុពលភាព នៃការប្រើប្រាស់។ ការចុះពិនិត្យនេះទៀតសោតត្រូវមើល ទាំងអាជីវកម្មសេវាកម្មឯកជនផង និងទាំងការប្រើប្រាស់ឱសថ(ថ្នាំពេទ្យ) […]

ប្រែសម្រួល៖រតនា ការសម្រេចចិត្តរបស់ប្រធានាធិបតី ចូ បៃដិន ក្នុងការលើកលែងទោសឱ្យកូនប្រុសរបស់គាត់ បានធ្វើឱ្យសមាជិកគណបក្សប្រជាធិបតេយ្យមួយចំនួនខឹងសម្បា ដោយសារតែគាត់បានបដិសេធដាច់ខាតជាច្រើនលើកថា គាត់នឹងមិនដែលធ្វើបែបនេះឡើយ ទោះបីជាក្រុមច្បាប់របស់ ហ៊ុនធ័រ បៃដិន បានគិតថាការលើកលែងទោសនេះអាចកើតឡើងតាំងពីយូរមកហើយក៏ដោយ។ មន្រ្តីជាច្រើនរូបដែលធ្លាប់ធ្វើការឱ្យលោក ចូ បៃដិន បាននិយាយថា ពួកគេមិនដែលជឿលើប្រធានាធិបតី ឬជំនួយការសេតវិមានដែលនិយាយក្នុងនាមគាត់ នៅពេលដែលពួកគេបានអះអាងក្នុងប៉ុន្មានខែថ្មីៗនេះថា ការលើកលែងទោសឱ្យ ហ៊ុនធ័រ បៃដិន មិនមែនជាជម្រើសនោះទេ។ អតីតជំនួយការជាន់ខ្ពស់នៃសេតវិមានម្នាក់បាននិយាយថា “អ្នកដែលនៅជិតថ្នាក់ដឹកនាំសុទ្ធតែដឹងថា គាត់ប្រហែលជានឹងធ្វើបែបនេះ។ ហេតុអ្វីបានជាយើងធ្វើពុតថាមិនដឹង?” អតីតមន្រ្តីជាន់ខ្ពស់សេតវិមានម្នាក់ទៀតបាននិយាយថា គាត់និងអ្នកផ្សេងទៀតនៅជុំវិញគាត់មាន “ភាពច្បាស់លាស់” ថា ប្រធានាធិបតីនឹងលើកលែងទោសឱ្យកូនប្រុសរបស់គាត់នៅទីបំផុត ខណៈដែលអតីតមន្រ្តីរដ្ឋបាលម្នាក់ទៀតបានពោលថា “វាជារឿងច្បាស់លាស់ណាស់ថា នេះជាទីបញ្ចប់នៃរឿងនេះ”។ ប៉ុន្តែទោះបីជាសម្ព័ន្ធមិត្តជិតស្និទ្ធមួយចំនួនរបស់លោក ចូ បៃដិន មានការភ្ញាក់ផ្អើលចំពោះការលើកលែងទោសនាទីចុងក្រោយរបស់ប្រធានាធិបតី ហ៊ុនធ័រ បៃដិន និងមេធាវីរបស់គាត់យូរមកហើយជឿថា វាអាចកើតឡើង នេះបើយោងតាមប្រភពជាច្រើនបានប្រាប់ CNN។ នេះកើតឡើងទោះបីជាសេតវិមានបាននិយាយថា ការសម្រេចចិត្តចុងក្រោយស្តីពីការលើកលែងទោសត្រូវបានធ្វើឡើងតែនៅចុងសប្តាហ៍នេះប៉ុណ្ណោះ។ ការប្រកាសលើកលែងទោសរបស់ប្រធានាធិបតីនាល្ងាចថ្ងៃអាទិត្យ កើតឡើងបន្ទាប់ពីគាត់បានចំណាយពេលជាមួយគ្រួសាររបស់គាត់ រួមទាំង ហ៊ុនធ័រ នៅ Nantucket រដ្ឋ Massachusetts […]

សៀមរាប៖ រយៈពេលជាង៥ខែមកហើយ ដែលក្រុមអ្នកជំនាញរបស់អាជ្ញាធរជាតិអប្សរា ជួសជុលប្រាសាទឥដ្ឋនៅជ្រុងឦសាននៃប្រាសាទភ្នំក្រោម ដែលគ្រោងនឹងបញ្ចប់នៅចុងឆ្នាំ២០២៤នេះ។ លោក រស់ វិសុទ្ធ អ្នកគ្រប់គ្រងការដ្ឋានជួសជុលប្រាសាទភ្នំក្រោម បានលើកឡើងថា ដំណើរការងារដំបូង ក្រុមការងារបានធ្វើសម្រង់ប្លង់ រៀបចំឯកសារ ជួសជុលពង្រឹងគ្រឹះជុំវិញ ជួសជុលពង្រឹងទីតាំងដែលឥដ្ឋពុកផុយរលុះ មានសសរផ្អោប ជញ្ជាំង ជើងខឿន ក្បាលជញ្ជាំង។ ជាពិសេសជ្រុងពាយ័ព្យដែលមានស្ថានភាពរលុះឥដ្ឋធ្ងន់ធ្ងរ ត្រូវបានជួសជុលពង្រឹងបានរឹងមាំឡើងវិញ។ បច្ចុប្បន្នក្រុមការងារបានបន្តជួសជុលនៅផ្នែកកំពូលដំពូលខាងលើនៃតួប្រាសាទ ដែលសម្រេចបាន៩០ភាគរយ គ្រោងនឹងបញ្ចប់នៅចុងឆ្នាំ២០២៤នេះ។ អ្នកជំនាញរូបនេះ បញ្ជាក់ថា ប្រាសាទឥដ្ឋនៅជ្រុងឦសាននៃប្រាសាទភ្នំក្រោមនេះ បើមើលពីខាងក្រៅ ឃើញថាមានការខូចខាតតិចតួច។ ប៉ុន្តែបើការសិក្សាស៊ីជម្រៅ ប្រាសាទនេះ មានការខូចខាតធ្ងន់ធ្ងរប្រឈមនឹងការរលំនៅជ្រុងពាយ័ព្យ និងផ្នែកដំបូល។ ការជួសជុល បានសង្គ្រោះប្រាសាទនេះឱ្យរួចផុតពីហានិភ័យ ទប់ស្កាត់ការខូចខាតបានទាន់ពេលវេលា ហើយបច្ចុប្បន្នប្រាង្គ មានភាពរឹងមាំឡើងវិញ និងរក្សាបានទម្រង់ដើមស្ទើរតែទាំងស្រុង ដោយក្រុមការងារបានខិតខំធ្វើយ៉ាងណាបំពេញការងារបានទាន់ពេលវេលា មានភាពរឹងមាំ និងត្រឹមត្រូវតាមលក្ខណៈបច្ចេកទេស បន្តអាយុកាលយូរអង្វែងដល់កូនខ្មែរជំនាន់ក្រោយ៕ អត្ថបទ: លោក យី សុថា  

ដោយ៖ ស-សម្បត្តិ ភ្នំពេញ៖ សមាគមសហព័ន្ធភ្នាក់ងារសេវាកម្មពន្ធដារកម្ពុជាហៅកាត់ថា CTAFA បានចុះអនុស្សណៈយោគយល់គ្នាជាមួយសមាគមផលិតផលធ្វើដំណើរនិងស្បែកនៅកម្ពុជាហៅកាត់ថា CTLA នៅអគារណាហ្គាវើល១ ដោយមានការអញ្ជើញចូលរួមជាអធិបតីភាពពីសំណាក់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម កាលពីថ្ងៃទី៣០ ខែវិច្ឆិកា ឆ្នំ២០២៤។ តំណាងសមាគមសហព័ន្ធភ្នាក់ងារសេវាកម្មពន្ធដារកម្ពុជា CTAFA ដែលបានចូលរួមក្នុងការចុះអនុស្សរណៈនៅពេលនោះមានលោក ទេព សិដ្ឋាន់ណា អនុប្រធានសមាគម CTAFA។ រីឯសមាគមផលិតផលធ្វើដំណើរនិងស្បែកនៅកម្ពុជា CTLA គឺមានឯកឧត្តម លឹម តុង ប្រធានសមាគម CTLA និងអ្នកឧកញ៉ា លី ឃុនថៃ ប្រធានសមាគមអ្នកវិនិយោគកម្ពុជា។ សូមបញ្ជាក់ថា ការផ្លាស់ប្តូរអនុស្សរណៈនៃការយោគយល់គ្នា ដែលបានធ្វើឡើងរវាងសមាគម CTAFAនិងសមាគម CTLA នៅពេលនេះគឺមានសារសំខាន់ខ្លាំងណាស់ក្នុងការសហប្រតិបត្តិការជួយគ្នាទៅវិញទៅមករវាងសមាគមទាំង២ឲ្យកាន់តែរឹងមាំ។ ក្នុងនោះការងារសំខាន់របស់សមាគម CTAFA គឺផ្តោតជាសំខាន់គឺប្រឹក្សាយោបល់និងផ្តល់ដំណោះស្រាយទៅលើបញ្ហាពន្ធដារ គណនេយ្យនិងសវនកម្មដល់ម្ចាស់អាជីវកម្ម ហើយខាងសមាគម CTLA គឺផ្តោតជាសំខាន់លើការអភិវឌ្ឍវិស័យឧស្សាហកម្ម ដូចជាការផលិត ការនាំចេញធ្វើយ៉ាងណាឱ្យកាន់តែរីកចម្រើន មានភាពធន់ និងបង្កើនភាពប្រកួតប្រជែងរបស់កម្ពុជានៅលើទីផ្សារអន្តរជាតិ៕    

ប្រែសម្រួល៖ស្រីស្រស់ ហាណូយ៖ មហាសេដ្ឋីអចលនទ្រព្យវៀតណាមដែលត្រូវបានកាត់ទោសប្រហារជីវិតក្នុងករណីឆបោកទឹកប្រាក់រាប់ពាន់លានដុល្លារ នឹងដឹងនៅថ្ងៃអង្គារ (ថ្ងៃទី៣ ខែធ្នូ) ថាតើជីវិតរបស់គាត់នឹងត្រូវបានលើកលែងទោសឬយ៉ាងណា នៅពេលដែលតុលាការឧទ្ធរណ៍ចេញសាលដីកាលើសំណុំរឿងពុករលួយដ៏ធំបំផុតមួយក្នុងប្រវត្តិសាស្ត្រ។ អ្នកអភិវឌ្ឍន៍អចលនទ្រព្យ ទ្រឿង មី ឡាន អាយុ ៦៨ឆ្នាំ ត្រូវបានកាត់ទោសកាលពីដើមឆ្នាំនេះពីបទក្លែងបន្លំយកប្រាក់ពីធនាគារពាណិជ្ជសាយហ្គន (SCB) ដែលព្រះរាជអាជ្ញាបានថាគាត់គ្រប់គ្រង និងត្រូវបានកាត់ទោសប្រហារជីវិតពីបទឆបោកទឹកប្រាក់សរុបចំនួន ២៧ ពាន់លានដុល្លារអាមេរិក។ នៅក្នុងបណ្តឹងឧទ្ធរណ៍ផ្លូវការសរសេរដោយដៃរបស់គាត់ចំនួនជាង៥ទំព័រ ដែល AFP បានឃើញ លោកស្រី ឡាន បាននិយាយថា ទោសប្រហារជីវិតគឺ “ធ្ងន់ធ្ងរនិងតឹងរ៉ឹងពេក” ដោយស្នើសុំឱ្យតុលាការពិចារណាលើ “វិធីសាស្ត្រដែលមានភាពអនុគ្រោះ និងមនុស្សធម៌ជាងនេះ”។ មនុស្សរាប់ម៉ឺននាក់ដែលបានវិនិយោគប្រាក់សន្សំរបស់ពួកគេនៅក្នុងធនាគារ SCB បានបាត់បង់ប្រាក់ ដែលបានធ្វើឱ្យមានការភ្ញាក់ផ្អើលនៅក្នុងប្រទេសកុម្មុយនិស្តមួយនេះ និងបណ្តាលឱ្យមានការតវ៉ាកម្រពីជនរងគ្រោះ។ យោងតាមច្បាប់វៀតណាម លោកស្រី ឡាន អាចគេចផុតពីទោសប្រហារជីវិតបាន ប្រសិនបើគាត់ស្ម័គ្រចិត្តសងទ្រព្យសម្បត្តិដែលបានក្លែងបន្លំចំនួនបីភាគបួន និងត្រូវបានវិនិច្ឆ័យថាបានសហការគ្រប់គ្រាន់ជាមួយអាជ្ញាធរ។ ប៉ុន្តែព្រះរាជអាជ្ញាបានអះអាងថា គាត់មិនបានបំពេញតាមលក្ខខណ្ឌទេ ហើយបានសង្កត់ធ្ងន់ថាផលវិបាកនៃបទល្មើសរបស់គាត់គឺ “ធំធេងនិងគ្មានពីមុនមក”។ លោកស្រី ឡាន ដែលជាស្ថាបនិកក្រុមហ៊ុនអភិវឌ្ឍន៍អចលនទ្រព្យវ៉ាន់ ធិញ ផាត់ បានប្រាប់តុលាការនៅទីក្រុងហូជីមិញថា “វិធីលឿនបំផុត” ដើម្បីសងប្រាក់ដែលបានលួចគឺ […]

ដោយ៖ សហការី ​ភ្នំពេញ​៖​ បុរស​ម្នាក់ជិះ​ម៉ូតូ​ត្រូវ​រថយន្ត​មិន​ស្គាល់​ម៉ាក​បើក​បុក​បណ្តាល​ឲ្យ​ជនរងគ្រោះ​រងរបួស​យ៉ាង​ធ្ងន់ធ្ងរ​ហើយ​រថយន្ត​បាន​ព្យាយាម​បើក​រត់​គេច​ខ្លួន​បាត់។​ នៅពេលនោះ​ក៏​ស្រាប់​តែ​មាន​ជន​ឆ្លៀត​ឱកាស​លើកយក​ម៉ូតូ​ជន​រងគ្រោះ​គេច​ខ្លួន​បាត់​ កាល​ពី​វេលា​រំលង​អធ្រាត្រ​ឈាន​ចូល​ថ្ងៃ​ទី​៣​ខែ​ធ្នូ​ឆ្នាំ​២០២៤ ​នៅតាម​បណ្តោយ​ផ្លូវ​សហព័ន្ធ​រុស្ស៊ី​  ដែល​ស្ថិត​នៅ​ភូមិ​ប៉ប្រក់​ខាង​ជើង​ សង្កាត់​កាកាប​ទី​១ ​ខណ្ឌ​ពោធិ៍​សែន​ជ័យ​ រាជធានី​ភ្នំពេញ​ ។ តាម​ប្រភព​ព័ត៌មាន​ពី​កន្លែង​កើត​ហេតុ​បាន​និយាយ​ប្រាប់​ថា​ នៅមុន​ពេល​កើត​ហេតុ​ គេឃើញ​ជន​រងគ្រោះ​ជិះ​ម៉ូតូ​ម៉ាក​ហុងដា​ប៊ីត​ពណ៌​ស​លាយ​ខៀវ​ ​ ធ្វើដំណើរ​តាម​បណ្ដោយ​ផ្លូវ​សហព័ន្ធ​រុស្ស៊ី​ ក្នុង​ទិសដៅ​ពី​កើត​ទៅ​លិច​ក្នុង​ល្បឿន​មធ្យម។​ លុះ​​មក​ដល់​ចំណុច​កើត​ហេតុ​ ក៏​ស្រាប់​តែ​ឃើញ​ជន​រងគ្រោះ​ត្រូវ​បាន​រថយន្ត​មួយ​គ្រឿង​មិន​ស្គាល់​ម៉ាក​ ​​​បើក​បុកម៉ូតូជនរងគ្រោះ​បណ្តាល​ឲ្យ​រងរបួស​យ៉ាង​ធ្ងន់ធ្ងរ​។ ​បន្ទាប់​មក​ ក៏​ស្រាប់​តែ​ឃើញ​បុរស​៣នាក់​ចេញ​ពី​ដីឡូ​មក​មើល​ជន​រងគ្រោះ​ ហើយ​ក្នុង​នោះ​មាន​ជនសង្ស័យ​ម្នាក់​បាន​លើក​ម៉ូតូ​ជន​រងគ្រោះ​ហើយជិះ​គេច​ខ្លួន​បាត់។​ ​ដំបូង​ឡើយគេ​ស្មាន​ថា​ជន​សង្ស័យ​ខាងលើ​ជួយ​លើក​ម៉ូតូ​ជន​រងគ្រោះ​ដាក់​អែប​ខាង​ តាម​ពិត​គឺ​លួច​យក​ម៉ូតូ​ជិះ​គេច​ខ្លួន​បាត់តែម្តង​ ។ ប្រភព​ព័ត៌មាន​ដដែល​បាន​បន្ត​ទៀត​ថា​ ខណៈ​ពេល​គ្រោះថ្នាក់​ភ្លាមៗ​ បន្ទាប់​ពី​ជន​ឆ្លៀត​ឱកាស​លួច​យក​ម៉ូតូ​ជន​រងគ្រោះ​គេច​ខ្លួន​បាត់​ ដោយ​មាន​រថយន្ត​រងគ្រោះ​របស់​មន្ទីរពេទ្យ​បង្អែក​ពោធិ៍​ចិន​តុង​បាន​ដឹក​ជន​រងគ្រោះ​ទៅ​សង្គ្រោះ​បន្ទាន់​នៅ​មន្ទីរពេទ្យ​ កម្ពុជា​ចិន​ព្រះ​កុសមៈ​ ។ ក្រោយ​ពេល​កើត​ហេតុ ​ដោយ​មាន​កម្លាំង​សមត្ថកិច្ច​នគរបាល​ប៉ុស្តិ៍​បាន​មកដល់​ ហើយ​បាន​រាយការណ៍​ទៅ​សមត្ថកិច្ច​ជំនាញ​ខណ្ឌ​ពោធិ៍​សែន​ជ័យ​ និង​ដើម្បី​ឆែក​កាមេរ៉ា​សុវត្ថិភាព​ជិត​កន្លែង​កើត​ហេតុ​ផង​ដែរ​៕

ដោយ៖ សហការី ភ្នំពេញ៖ ប្ដី​ចេញ​ទៅ​ធ្វើ​ការ​​នៅ​ឯខេត្ត​,ប្រពន្ធ​ណាត់​ប្រុស​ថ្មី​មក​ដេក​ដល់​ក្នុង​បន្ទប់​ជួល​ ដោយ​មាន​ការ​សង្ស័យ​ប្តី​ត្រឡប់​មក​ផ្ទះ​ជួល​វិញ​ឃើញប្រពន្ធ​នៅ​ជាមួយ​ប្រុសថ្មី ​ក៏​យកដែកព្យួរហាលខោអាវ​​​ចង​ទ្វារពី​ខាង​ក្រៅ​រួច​ទាក់​ទង​​ទៅ​សមត្ថកិច្ច​មូលដ្ឋាន​ឲ្យ​ជួយ​អន្តរាគមន៍​ឃាត់​ខ្លួន​។ ហេតុការណ៍​នេះ​បាន​បង្ក​ឲ្យ​មាន​ការ​ភ្ញាក់ផ្អើល​នៅ​វេលា​ម៉ោង​៣រំលង​អធ្រាត្រ​ឈាន​ចូល​ថ្ងៃ​ទី​០៣ខែ​ធ្នូ​ឆ្នាំ​២០២៤ ស្ថិត​នៅ​ផ្ទះ​ជួល ​ភូមិ​ព្រៃ​ល្វា​ សង្កាត់​កាកាប​ទី​១ ខណ្ឌ​ពោធិ៍​សែន​ជ័យ ​រាជធានីភ្នំពេញ​។ បើយោង​តាម​ប្រភព​ព័ត៌មានពីកន្លែងកើតហេតុ និង​ប្ដីរបស់ស្រ្តីនោះ​បាន​ឲ្យ​ដឹង​ថា​  នៅ​មុន​ពេល​កើត​ហេតុ​ប្ដី​បាន​ចេញពី​ផ្ទះទៅ​ធ្វើការ​ងារ​នៅ​ឯខេត្ត​ទើប​បាន​៣ថ្ងៃ​  ដោយ​មាន​ការ​សង្ស័យ​នៅ​វេលា​ម៉ោង​ខាង​លើ​ក៏​ត្រឡប់ឡើង​ពី​ខេត្ត​​មកផ្ទះជួលវិញ។ នៅពេលមកដល់​​ស្រាប់​តែ​ប្រទះ​ឃើញ​ប្រពន្ធ​របស់​ខ្លួន​កំពុង​តែ​នៅ​ជាមួយ​នឹង​ប្រុស​ថ្មី ។ ​ឃើញ​ដូច្នេះ​​ក៏​បាន​យក​ដែកព្យួរហាល​ខោអាវ​​ចង​ទ្វារពី​ខាង​ក្រៅ​រួច​ហើយ​បាន​រាយការណ៍​ប្ដឹង​ទៅ​សមត្ថកិច្ច​មូលដ្ឋាន​អោយ​ជួយ​អន្តរាគមន៍។ ​ នៅ​ពេល​នោះ​ផង​ដែរ​កម្លាំង​សមត្ថកិច្ច​បាន​ចុះ​ទៅ​ដល់​បន្ទប់​ជួល​រួច​ហើយ​ក៏បាន​ឃាត់​ខ្លួន​បុរស​ខាង​លើ​នាំ​មក​ប៉ុស្តិ៍​ភ្លាម​ៗ​តែ​ម្ដង​។ ប្រភព​ដដែល​បាន​បន្ត​ទៀត​ថា ​ស្រ្ដី​ខាង​លើ​ទើបបាន​មាន​ទំនាក់ទំនង​គ្នា​ជាមួយ​នឹង​ប្រុស​ថ្មី​បាន​១ខែ​​ទេ ​ក៏​ខាង​ប្រុសបាន​ទិញ​បាយ​ឆាយក​មក​ឲ្យខាង​ស្រី​ហូប​ដល់បន្ទប់នៅ​វេលា​ម៉ោង​១០យប់​ថ្ងៃ​ទី​០២ខែ​ធ្នូ​ឆ្នាំ​២០២៤ ​រួច​ហើយ​អ្នក​ទាំង​ពីរ​បាន​ដេក​នៅ​ជាមួយ​គ្នា​ស្រាប់​តែ​ប្ដី​មក​ទាន់​តែ​ម្ដង។ ​ ប្រភព​ពី​ភាគី​ខាង​ប្រពន្ធ​ បាន​បញ្ជាក់​ថា ​ពួកគាត់​ទាំង​ពីរនាក់​​បាន​ស្រលាញ់​គ្នា​ទាំង​ដែល​ប្ដី​មិន​ទាន់​លែងលះ​គ្នា​ជា​មួយ​នឹង​ប្រពន្ធ​មុនរបស់គេ​ដាច់​ស្រេច​ ។ពួកគេបាន​ត្រឹម​តែ​សែន​ព្រេន​ចាស់ទុំ​ដឹង​ឮតែ​មិន​ទាន់​បាន​ចុះ​អេតាស៊ីវិលនៅ​ឡើយ​ទេ​​ រួច​ក៏​នៅ​ជា​​មួយ​គ្នា​តែ​ម្ដង។​ ​រស់​នៅ​ជាមួយគ្នាមួយ​រយៈ​ចុង​ក្រោយ​នេះ​ដោយ​សារ​មាន​រឿង​រកាំ​រកូស​នឹង​គ្នា​ ទើប​ខាង​ស្រី​សម្រេច​ចិត្ត​ចាក​ចេញ​ពី​ប្ដី​ដើម្បី​ស្វែង​រក​អនាគត​ថ្មី​ពី​ព្រោះ​ខ្លាច​ប្ដី​ធ្វើ​បាប​បន្ត​ទៀត​។ ក្រោយ​ពេល​កើត​ហេតុ ​បន្ទាប់​ពី​សមត្ថកិច្ច​មូលដ្ឋាន​សួរ​នាំ​រួច​អ្នក​ទាំង​ពីរ​បាន​សម្រេច​ចិត្ត​ចែក​ផ្លូវ​គ្នា​ដើរ​ចេញរៀង​ៗខ្លួន​ សមត្ថកិច្ច​បាន​ឲ្យ​សាមីខ្លួន​ទាំង​ពីរ​នាក់​ទៅ​លែង​លះ​គ្នា​នៅ​ស្រុក​កំណើត​ដើម្បី​បញ្ចប់​រឿង ​ចំណែក​ខាង​ប្រុស​ស្នេហ៍​វិញ​បាន​ដោះ​លែង​ឲ្យ​ទៅ​ផ្ទះ​វិញ​៕

ដោយ៖សហការី ភ្នំពេញ: បុរសម្នាក់មានជំងឺសរសៃប្រសាទពេលមកទិញគ្រឿងសមុទ្រស្រាប់តែជំងឺចាស់រើឡើងវិញបណ្ដាលឲ្យប្រកាច់ប្រកិនផ្អើលពលរដ្ឋនាំគ្នាចាប់ចងដៃជើងផ្អើលទាំងយប់។ ហេតុការណ៍នេះបង្កឲ្យមានការភ្ញាក់ផ្អើលនៅវេលាម៉ោង៧និង២៥នាទីយប់ថ្ងៃទី០២ខែធ្នូឆ្នាំ២០២៤ ស្ថិតនៅតាមបណ្ដោយផ្លូវទួលពង្រ ត្រង់ចំណុចផ្សារទួលពង្រ ភូមិត្រពាំងរំចេក សង្កាត់ចោមចៅទី១ខណ្ឌពោធិ៍សែនជ័យរាជធានីភ្នំពេញ។ បើយោងតាមប្រភពបញ្ជាក់ពីកន្លែងកើតហេតុ គេឃើញជនរងគ្រោះជិះម៉ូតូម្នាក់ឯងមកទិញអយស្ទ័រនៅចំណុចខាងលើ បន្ទាប់ពីទិញហើយគិតលុយរួចរាល់ស្រាប់តែជននោះមានអាការមិនស្រួលខ្លួនក៏ប្រកាច់ប្រកិនដូចខ្មោចចូល។ ពលរដ្ឋឃើញដូច្នេះបាននាំគ្នាចាប់ចងដៃជើងខ្លាចរត់ចូលរថយន្តបង្កគ្រោះថ្នាក់កើតឡើងរួចហើយបានរាយការណ៍ទាក់ទងទៅសមត្ថកិច្ចមូលដ្ឋានចុះមកអន្តរាគមន៍ភ្លាមៗសួរនាំស្រាប់តែពេលនោះជនរងគ្រោះបានដឹងខ្លួនស្វាងធម្មតាឡើងវិញ។ បន្ទាប់ពីកើតហេតុជនរងគ្រោះខាងលើត្រូវសាច់ញាតិក្រុមគ្រួសារបានមកទទួលយកត្រឡប់ទៅផ្ទះវិញ ចំណែកសមត្ថកិច្ចបានដកកម្លាំងចូលទៅគោលដៅវិញទាំងអស់៕

ដោយ : បន្ទាយ បន្ទាយមានជ័យ : នាថ្ងៃទី០២ ខែធ្នូ ឆ្នាំ២០២៤ នៅសាលមហោស្រពនៃស្នាក់ការគណបក្សប្រជាជនកម្ពុជាខេត្តបន្ទាយមានជ័យ បានរៀបចំពិធីមីទ្ទិញអបអរសាទរខួបអនុស្សាវរីយ៍លើកទី៤៦ (២ធ្នូ ១៩៧៨ – ២ធ្នូ២០២៤) ។ ទិវាបានប្រព្រឹត្តក្រោមអធិបតីភាព លោកអ៊ុ រាត្រី ប្រធានគណៈកម្មាធិការគណបក្សប្រជាជនកម្ពុជាខេត្តបន្ទាយមានជ័យ និងមានការចូលរួម ពីសំណាក់ឯកឧត្តម លោកជំទាវសមាជិកព្រឹទ្ធសភា រដ្ឋសភា រាជរដ្ឋាភិបាលប្រចាំមណ្ឌលខេត្តបន្ទាយមានជ័យ។ លោក អ៊ុ រាត្រី បានថ្លែងថា : ៤៦ឆ្នាំកន្លងមកនេះប្រជាជនបានស្ថិតស្ថេរ រួមរស់ជាមួយគ្នាក្នុងជួររណសិរ្ស ពុះពារឆ្លងកាត់ឧបសគ្គតូចធំទាំងឡាយ យ៉ាងអង់អាចក្លាហានក្រោមការដឹកនាំរបស់រាជរដ្ឋាភិបាលកម្ពុជា ដែលដឹកនាំដោយគណបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាស្នូលដឹកនាំនិងជាអគ្គមគ្គុទ្ទេសក៍ ដ៏ឆ្នើមរបស់ប្រជាជនកម្ពុជា ស្មារតី២ធ្នូ ស្មារតី ៧មករា ដែលបានចារឹកជាប់ក្នុងមនសិការរបស់ប្រជាជនយើង បានប្រែក្លាយទៅជាកម្លាំងដ៏ធំធេង ក្នុងការបង្កើតឡើងនូវសមិទ្ធផលធំៗ នៃសង្គមជាតិ។ ឥឡូវនេះ ក្រោមពន្លឺនៃសន្តិភាព សេរីភាព មនសិការជាតិនៅក្នុងជំហរផ្សារភ្ជាប់នូវជោគវាសនារបស់ខ្លួន យើងទាំងអស់គ្នា ជឿជាក់ថា នឹងគ្មានការកើតឡើងជាថ្មីទៀតនូវ សោកនាដកម្មដូចគ្នានឹងអតីតកាលនោះឡេីយ។ ចុងបញ្ចប់គណៈធិបតី […]

ប្រែសម្រួល៖រតនា ក្រុងប៉េកាំង៖ នៅថ្ងៃចន្ទ (ថ្ងៃទី២ ខែធ្នូ) ប៉េកាំងបានព្រមានថា ខ្លួនអាចនឹងចាត់វិធានការតបតវិញប្រឆាំងនឹងប្រទេសលីទុយអានី ក្រោយការបណ្តេញបុគ្គលិកស្ថានទូតចិនចំនួន៣រូប ខណៈទំនាក់ទំនងកំពុងមានភាពតានតឹងដោយសារទំនាក់ទំនងរវាងលីទុយអានីជាមួយតៃវ៉ាន់ និងការសង្ស័យថាមានការពាក់ព័ន្ធរបស់នាវាចិនមួយក្នុងការបំផ្លាញខ្សែកាបខាងក្រោមសមុទ្រ។ អ្នកនាំពាក្យក្រសួងការបរទេសចិនបានថ្លែងក្នុងសេចក្តីថ្លែងការណ៍មួយថា “ចិនថ្កោលទោសយ៉ាងខ្លាំង និងប្រឆាំងយ៉ាងដាច់ខាតចំពោះសកម្មភាពដ៏អំនួត និងប្រកបដោយការញុះញង់នេះ”។ ពួកគេបានបន្ថែមថា “ចិនអំពាវនាវឱ្យលីទុយអានីបញ្ឈប់ភ្លាមៗនូវការប៉ះពាល់ដល់អធិបតេយ្យភាព និងបូរណភាពទឹកដីរបស់ចិន និងបញ្ឈប់ការបង្កការលំបាកដល់ទំនាក់ទំនងទ្វេភាគី”។ ខ្សែកាបទូរគមនាគមន៍ក្នុងសមុទ្របាល់ទិកចំនួនពីរត្រូវបានកាត់ផ្តាច់កាលពីខែមុន នៅក្នុងទឹកដែនសមុទ្រស៊ុយអែត រួមទាំងខ្សែកាបមួយដែលភ្ជាប់ពីកោះហ្គតឡង់របស់ស៊ុយអែតទៅកាន់លីទុយអានី។ ការសង្ស័យត្រូវបានផ្តោតទៅលើនាវាចិនមួយឈ្មោះ Yi Peng 3 ដែលគេហទំព័រតាមដាននាវាបានឱ្យដឹងថា បានបើកកាត់លើខ្សែកាបទាំងនោះនៅពេលដែលវាត្រូវបានកាត់ផ្តាច់។ កាលពីថ្ងៃសុក្រ ក្រសួងការបរទេសលីទុយអានីបានឱ្យដឹងថា បុគ្គលិកចិនបីរូប “ត្រូវបានប្រកាសថាមិនអាចស្នាក់នៅក្នុងប្រទេសបាន”។ ក្រសួងមិនបានផ្តល់មូលហេតុច្បាស់លាស់នៃការបណ្តេញចេញនេះទេ ដោយគ្រាន់តែលើកឡើងអំពី “សកម្មភាពដែលរំលោភលើអនុសញ្ញាទីក្រុងវីយែន និងច្បាប់របស់សាធារណរដ្ឋលីទុយអានី”។ កាលពីថ្ងៃពុធ លីទុយអានីបានឱ្យដឹងថា ខ្លួនកំពុងបង្កើតក្រុមការងាររួមមួយជាមួយស៊ុយអែត និងហ្វាំងឡង់ដើម្បីស៊ើបអង្កេតករណីខូចខាតខ្សែកាប ដោយមានការគាំទ្រពី Eurojust ដែលជាទីភ្នាក់ងារសហភាពអឺរ៉ុបសម្រាប់កិច្ចសហប្រតិបត្តិការយុត្តិធម៌ព្រហ្មទណ្ឌ។ ចិនបានបដិសេធការទទួលខុសត្រូវទាំងស្រុងក្នុងបញ្ហានេះ និងបានថ្លែងកាលពីថ្ងៃសុក្រថា ខ្លួន “មានឆន្ទៈសហការ” ក្នុងការស៊ើបអង្កេត។ ទំនាក់ទំនងរវាងទីក្រុងវីលនីញស និងប៉េកាំងមានភាពតានតឹងរួចទៅហើយ បន្ទាប់ពីលីទុយអានីបានអនុញ្ញាតឱ្យតៃវ៉ាន់បើកស្ថានទូតជាក់ស្តែងមួយដោយប្រើឈ្មោះកោះនេះក្នុងឆ្នាំ២០២១។ ប៉េកាំង ដែលអះអាងថាតៃវ៉ាន់ជាផ្នែកមួយនៃទឹកដីរបស់ខ្លួន បានចោទប្រកាន់ទីក្រុងវីលនីញសកាលពីថ្ងៃចន្ទថា “បានប្រព្រឹត្តការរំលោភយ៉ាងធ្ងន់ធ្ងរទៅលើគោលការណ៍ចិនតែមួយ”។ អ្នកនាំពាក្យរូបនោះបានថ្លែងថា […]

ប្រែសម្រួល៖ រតនា លោកប្រធានាធិបតីរុស្ស៊ី វ្លាឌីមៀរ ពូទីន បានអនុម័តថវិកាការពារជាតិដ៏ច្រើនគួរឱ្យកត់សម្គាល់ ដោយបានបម្រុងទុកប្រមាណមួយភាគបីនៃការចំណាយសរុបរបស់រដ្ឋាភិបាល នៅពេលដែលសង្គ្រាមនៅអ៊ុយក្រែនកំពុងបន្តជញ្ជក់ធនធានពីភាគីទាំងសងខាងជិតបីឆ្នាំមកហើយ។ ថវិកាសម្រាប់ឆ្នាំ២០២៥ ដែលត្រូវបានចេញផ្សាយកាលពីថ្ងៃអាទិត្យ បានបម្រុងទុកប្រមាណ១២៦ពាន់លានដុល្លារ (១៣,៥ទ្រីលានរូប្ល) សម្រាប់ការពារជាតិ — ស្មើនឹង៣២,៥ភាគរយនៃការចំណាយរបស់រដ្ឋាភិបាល។ ថវិកាការពារជាតិនេះមានចំនួនប្រមាណ២៨ពាន់លានដុល្លារ (បីទ្រីលានរូប្ល) ច្រើនជាងកំណត់ត្រាមុនដែលបានកំណត់ក្នុងឆ្នាំនេះ។ ថវិកាថ្មីរយៈពេលបីឆ្នាំនេះព្យាករថានឹងមានការកាត់បន្ថយបន្តិចនូវការចំណាយយោធាសម្រាប់ឆ្នាំ២០២៦ និង២០២៧។ សមាជិកសភាទាំងពីរសភានៃសភារុស្ស៊ីបានអនុម័តថវិកានេះ។ សង្គ្រាមរបស់រុស្ស៊ីនៅអ៊ុយក្រែនគឺជាជម្លោះធំបំផុតនៅអឺរ៉ុបចាប់តាំងពីសង្គ្រាមលោកលើកទីពីរ។ បច្ចុប្បន្ន ទីក្រុងម៉ូស្គូកំពុងទទួលបានជោគជ័យនៅតាមចំណុចសំខាន់ៗតាមបណ្តោយខ្សែសមរភូមិ និងកំពុងប្រយុទ្ធប្រឆាំងនឹងការវាយប្រហារតបនៅតំបន់ឃឺស — ដែលជាកន្លែងតែមួយគត់ដែលទីក្រុងគីវទទួលបានជោគជ័យយោធាធំក្នុងឆ្នាំនេះ។ ប៉ុន្តែសង្គ្រាមដែលដំណើរការយឺតៗ និងជាប់គាំង — ដែលគេតែងហៅថាសង្គ្រាមរអាក់រអួល ដែលភាគីទាំងសងខាងព្យាយាមធ្វើឱ្យគ្នាទៅវិញទៅមកចុះខ្សោយ — បានជញ្ជក់ធនធានពីប្រទេសទាំងពីរ។ អ៊ុយក្រែនតែងតែស្ថិតក្នុងស្ថានភាពស្រួចស្រាល់ទាក់ទងនឹងសម្ភារ និងកម្លាំងមនុស្ស ទោះបីជាបានទទួលជំនួយរាប់ពាន់លានដុល្លារពីសម្ព័ន្ធមិត្តលោកខាងលិចក៏ដោយ។ ថាតើជំនួយនឹងបន្តមកពីសហរដ្ឋអាមេរិកកម្រិតណា នៅពេលប្រធានាធិបតីជាប់ឆ្នោតដូណាល់ ត្រាំ ចូលកាន់តំណែងនោះ នៅមិនទាន់ច្បាស់នៅឡើយទេ។ ចំណែកឯរុស្ស៊ីវិញ មានអាវុធ គ្រាប់រំសេវ និងមនុស្សច្រើនជាង — ប៉ុន្តែសម្ពាធលើសេដ្ឋកិច្ច និងប្រជាជនរបស់ខ្លួនកំពុងកើនឡើង។ រុស្ស៊ីបានបង្កើនការចំណាយយោធារបស់ខ្លួនយ៉ាងខ្លាំងក្នុងរយៈពេលពីរឆ្នាំកន្លងមកនេះ ហើយសេដ្ឋកិច្ចរបស់ខ្លួនកំពុងបង្ហាញសញ្ញានៃការឡើងកម្តៅហួស៖ អតិផរណាកំពុងកើនឡើងខ្ពស់ ហើយក្រុមហ៊ុននានាកំពុងប្រឈមនឹងការខ្វះខាតកម្លាំងពលកម្ម។ ក្នុងការព្យាយាមគ្រប់គ្រងស្ថានភាពនេះ ធនាគារកណ្តាលរុស្ស៊ីបានដំឡើងអត្រាការប្រាក់ដល់២១ភាគរយនៅខែតុលា […]

ប្រែសម្រួល៖ តារា អ្នកចាំទី Manchester City Stefan Ortega បានពិពណ៌នាអំពីក្រុង Liverpool ថាជា “ប្រហែលជាមិនមែនជាកន្លែងល្អបំផុតនៅក្នុងចក្រភពអង់គ្លេស” បន្ទាប់ពីក្រុមរបស់គាត់បានចាញ់ដោយលទ្ធផល ២-០ នៅកីឡដ្ឋាន Anfield កាលពីថ្ងៃអាទិត្យ។ អ្នកចាំទីសញ្ជាតិអាល្លឺម៉ង់រូបនេះ ត្រូវបានគេភ្ញាក់ផ្អើលនៅពេលដែល Pep Guardiola ដាក់ឱ្យចូលលេងក្នុងក្រុមដំបូងសម្រាប់ការប្រកួតដ៏សំខាន់នេះ ដោយជំនួសកន្លែង Ederson នៅក្នុងគោលបំណងបញ្ចប់លទ្ធផលអាក្រក់របស់ក្រុម។ ប៉ុន្តែក្រុម City ត្រូវបានលេងលើដោយក្រុមរបស់ Arne Slot ក្នុងការប្រកួត Premier League នេះ ដោយ Ortega ត្រូវបានបង្ខំឱ្យរើសបាល់ចេញពីសំណាញ់ទីពីរដង ដំបូងបន្ទាប់ពីការស៊ុតបញ្ចូលទីរបស់ Cody Gakpo និងក្រោយមកទៀតពេលដែល Mohamed Salah បានស៊ុតបាល់ប៉េណាល់ទីចូល។ លទ្ធផលនេះមានន័យថាក្រុម Cityzens មិនទាន់ឈ្នះក្នុងការប្រកួតចំនួន៧ដងជាប់គ្នា ដែលជាកំណត់ត្រាអាក្រក់បំផុតក្នុងអាជីពគ្រូបង្វឹករបស់ Guardiola ហើយលោកសញ្ជាតិអេស្ប៉ាញរូបនេះត្រូវបានអ្នកគាំទ្រម្ចាស់ផ្ទះចំអកឡកឡឺយដោយច្រៀងថា “អ្នកនឹងត្រូវបណ្តេញចេញនៅព្រឹកស្អែក” ដែលគាត់បានឆ្លើយតបដោយលើកម្រាមដៃចំនួន៦ សំដៅទៅលើចំនួនពានលីគកំពូលអង់គ្លេសដែលគាត់បានឈ្នះ។ ក្រោយការប្រកួត Ortega បានឆ្លើយតបទៅនឹងការច្រៀងបន្ទរ […]

ប្រែសម្រួល៖ ស្រីស្រស់ ស៊ីដនី៖ ប្រាក់ដុល្លារបានកើនឡើងបន្តិចនៅថ្ងៃចន្ទ ដែលជាសប្តាហ៍សំខាន់មួយសម្រាប់ការពិចារណាលើការកាត់បន្ថយអត្រាការប្រាក់នៅសហរដ្ឋអាមេរិក ខណៈដែលការងើបឡើងវិញថ្មីៗនេះនៃប្រាក់យេនត្រូវបានគាំទ្រដោយការភ្នាល់លើការកើនឡើងនៃអត្រាការប្រាក់នៅក្នុងប្រទេស។ ប្រាក់ដុល្លារក៏ទទួលបានការគាំទ្រផ្នែកសម្តីពីប្រធានាធិបតីជាប់ឆ្នោតសហរដ្ឋអាមេរិក Donald Trump ដែលកាលពីថ្ងៃសៅរ៍បានទាមទារឱ្យប្រទេសជាសមាជិក BRICS ប្តេជ្ញាមិនបង្កើតរូបិយប័ណ្ណថ្មី ឬគាំទ្ររូបិយប័ណ្ណផ្សេងដែលអាចជំនួសប្រាក់ដុល្លារ បើមិនដូច្នោះទេនឹងប្រឈមនឹងពន្ធនាំចូល ១០០ ភាគរយ។ ភាពមិនច្បាស់លាស់ខាងនយោបាយនៅប្រទេសបារាំងបានបន្ថែមសម្ពាធលើប្រាក់អឺរ៉ូដែលបានធ្លាក់ចុះ ០,៤ ភាគរយមកនៅត្រឹម ១,០៥៣២ ដុល្លារ បន្ទាប់ពីបានកើនឡើង ១,៥ ភាគរយកាលពីសប្តាហ៍មុន និងឆ្ងាយពីកម្រិតទាបបំផុតក្នុងរយៈពេលមួយឆ្នាំនៃ ១,០៤២៥ ដុល្លារ។ ប្រការនេះបានធ្វើឱ្យសន្ទស្សន៍ដុល្លារកើនឡើងដល់ ១០៦,១៧០ ដោយបានបញ្ចប់ខែវិច្ឆិកាជាមួយនឹងការកើនឡើង ១,៨ ភាគរយ ទោះបីជាមានការធ្លាក់ចុះកាលពីសប្តាហ៍មុនក៏ដោយ។ លោក Jonas Goltermann អនុប្រធានផ្នែកសេដ្ឋកិច្ចទីផ្សារនៃក្រុមហ៊ុន Capital Economics បានមានប្រសាសន៍ថា “ដោយសារតែភាពរឹងមាំជាបន្តនៃសេដ្ឋកិច្ចអាមេរិក និងទស្សនវិស័យដែលកាន់តែអាក្រក់នៅកន្លែងផ្សេងទៀត យើងមិនគិតថានេះជាការចាប់ផ្តើមនៃការធ្លាក់ចុះកាន់តែជ្រៅសម្រាប់ប្រាក់ដុល្លារទេ។” គាត់បានបន្ថែមថា “ប៉ុន្តែរបាំងសម្រាប់ការផ្លាស់ប្តូរបន្ថែមទៀតនៃអត្រាការប្រាក់ដែលរំពឹងទុកគឺខ្ពស់ណាស់។ រយៈពេលនៃការរួមបញ្ចូលគ្នារហូតដល់ចុងឆ្នាំមើលទៅដូចជាសេណារីយ៉ូដែលទំនងបំផុត ទោះបីជាហានិភ័យនៅតែផ្អៀងទៅរកប្រាក់ដុល្លារនៅក្នុងឆ្នាំ ២០២៥ ក៏ដោយ។” គន្លឹះសម្រាប់ទស្សនវិស័យនៃអត្រាការប្រាក់នឹងជារបាយការណ៍ការងារប្រចាំខែវិច្ឆិកាដែលត្រូវចេញផ្សាយនៅថ្ងៃសុក្រ ដែលការព្យាករណ៍មធ្យមគាំទ្រការកើនឡើង ១៩៥,០០០ បន្ទាប់ពីរបាយការណ៍ខែតុលាដែលរងផលប៉ះពាល់ដោយអាកាសធាតុ និងការធ្វើកូដកម្ម ដែលក៏អាចត្រូវបានកែសម្រួលដោយសារអត្រាឆ្លើយតបទាបសម្រាប់ការស្ទង់មតិនោះ។ […]

ដោយ : បន្ទាយ បន្ទាយមានជ័យ : អាជ្ញាធរ សមត្ថកិច្ច ពលរដ្ឋនិងតួអង្គទទួលផលបានថ្លែងអំណរគុណសម្តេចធិបតីហ៊ុន ម៉ាណែត នាយករដ្ឋមន្ត្រីដែលឆ្លើយតបសំណូមពរនានានៅតំបន់អភិវឌ្ឍន៍បឹងជង្រុកតេជោឈ្នះ ឈ្នះ នៅភូមិបឹងជង្រុកតេជោ ឈ្នះ ឈ្នះ ឃុំទួលពង្រស្រុកម៉ាឡៃខេត្តបន្ទាយមានជ័យ។ ក្នុងនាមប្រជាពលរដ្ឋ លោកគ្រូអ្នកគ្រូ សិស្សានុសិស្ស មន្ត្រីរាជការ កងកម្លាំងប្រដាប់អាវុធ លោកអ៊ុំ រាត្រី អភិបាលខេត្តបន្ទាយមានជ័យ និងលោកស្វាយ ជា អភិបាលស្រុកម៉ាឡៃ កាលពីថ្ងៃទី៣០ខែវិច្ឆិកាឆ្នាំ២០២៤ បានថ្លែងថា: យើងខ្ញុំទាំងអស់គ្នា សូមគោរពថ្លែងអំណរគុណយ៉ាងជ្រាលបំផុតជូនចំពោះ សម្តេចមហាបវរធិបតី ហ៊ុន  ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលសម្តេចបានអញ្ជើញជាអធិបតីភាពដ៍ខ្ពង់ខ្ពស់ក្នុងពិធី “សម្ពោធសមិទ្ធផលនានានៅតំបន់អភិវឌ្ឍន៍បឹងជង្រុកតេជោឈ្នះ ឈ្នះ” នកាលពីថ្ងៃទី២៩ខែវិច្ឆិកាឆ្នាំ២០២៤ ដូចទីតាំងខាងលើ។ ចំពោះភូមិ​អភិវឌ្ឍន៍បឹង​ជង្រុកតេជោឈ្នះ ឈ្នះសម្តេចធិបតីនាយករដ្ឋមន្ត្រី​ ក៏បានសម្រេចអភិវឌ្ឍបន្ថែមតាមសំណើដោយសម្រេច :ទី១- កសាងបន្ថែមនូវអគារសិក្សាចំនួន ១ខ្នង,​ ទី២-កសាងផ្លូវ​តភ្ជាប់ប្រវែងជាង ៩គម ទៅជាបេតុង/កៅស៊ូ និងទី៣-ព្រមទាំងសម្រេចផ្តល់ក្របខ័ណ្ឌដល់លោកគ្រូ និងអ្នកគ្រូ ចំនួន១១នាក់ផងដែរ ដែលបង្រៀននៅសាលាបឋមសិក្សាបឹងជង្រុកតេជោឈ្នះ ឈ្នះ ។ លោកអ៊ុំ […]

ដោយ : បន្ទាយ សៀមរាប :លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប ក៏បានចូលរួមប្រជុំត្រួតពិនិត្យផែនការចុងក្រោយ ការពារសន្តិសុខ សុវត្ថិភាព និងសណ្តាប់ធ្នាប់ ទិវារត់ ប្រណាំងពាក់កណ្តាលម៉ារ៉ាតុងអង្គរវត្ត។ កិច្ចប្រជុំនោះធ្វើឡើងនាថ្ងៃទី៣០ ខែវិច្ចិកា ឆ្នាំ២០២៤នៅស្នងការដ្ឋាននគរបាលខេត្តសៀមរាប ក្រោមអធិបតីភាពលោកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ។ លោកហួត ហាក់ រដ្ឋមន្ត្រីក្រសួងទេសចរណ៍អោយដឹងថ្ងៃទី០១ខែធ្នូឆ្នាំ២០២៤ ថា: ទិវារត់ប្រណាំងអន្តរជាតិពាក់កណ្តាលម៉ារ៉ាតុងអង្គរវត្ត លើកទី២៩ ឆ្នាំ២០២៤ មុខប្រាសាទអង្គរវត្ត។ ព្រឹត្តិការណ៍នេះ ទទួលបានអ្នកចូលរួមចំនួន ១៣,៨៧៧ នាក់ ។ក្នុងនោះ អត្តពលិកខ្មែរ ចំនួន ១០,៥៣២នាក់ និងអត្តពលិកអន្តរជាតិចំនួន ៣,៣៤៥នាក់ ដែលមកពី៨៧ប្រទេស។ លោកបន្តថា:ជាមួយគ្នានេះផងដែរ​ ព្រឹត្តិការណ៍កីឡារត់ប្រណាំងពាក់កណ្តាលម៉ារ៉ាតុងអង្គរ​ ក៏បានរួមចំណែកជួយលើកកម្ពស់ស្មារតីកីឡា សេចក្តីដើម្បីសុខភាពល្អ និងទាក់ទាញភ្ញៀវទេសចរណ៍​ គឺកីឡារស់ក្នុងសន្តិភាព។ ចំណែកសម្តេចធិបតីហ៊ុន ម៉ាណែត នាយករដ្ឋមន្ត្រីនេព្រះរាជាណាចក្រកម្ពុជានិងលោកជំទាវបណ្ឌិតពេជ ចន្ទមុនី ហ៊ុន ម៉ាណែត ក៏បានអញ្ជើញចូលរួមរត់ម៉ារ៉ាតុងនៅថ្ងទី០១ខែធ្នូ […]

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម នឹងស្នើសុំដីសម្បទានសង្គមកិច្ចនៅភូមិភាគឦសាន ទៅកាន់ប្រមុខរាជរដ្ឋាភិបាលសម្តេចធិបតី ហ៊ុន ម៉ាណែត ដើម្បីផ្តល់ជូនគ្រួសារប្រជាពលរដ្ឋ ដែលជួបបញ្ហាគ្រោះធម្មជាតិបាក់ស្រុតច្រាំងទន្លេ ឬព្រែក។ប៉ុន្តែការផ្តល់ជូននេះមានលក្ខខណ្ឌ ចំពោះដីសម្បទានសង្គមកិច្ច គឺរស់នៅលើដីនោះជាប្រចាំឱ្យបានគ្រប់រយៈពេល ៥ ឆ្នាំទើបផ្តល់ជាកម្មសិទ្ធិ។ ឯកឧត្តមអភិបាលខេត្តកំពង់ចាម និងជាប្រធានគណៈកម្មាធិការ សាខាកាកបាទក្រហមកម្ពុជា ខេត្តនេះបានពោលឱ្យដឹងបែបនេះ ការដែលឯកឧត្តមបានដឹកនាំមន្រ្តីអញ្ជើញនាំយកជំនួយឧបត្ថម្ភពីសំណាក់សម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ជូនដល់ប្រជាពលរដ្ឋរងគ្រោះដោយការបាក់ស្រុកច្រាំងព្រែក នៅឃុំព្រែកកុយ ស្រុកកងមាស នៅព្រឹកថ្ងៃទី ១ ធ្នូនេះ។ ឯកឧត្តម អ៊ុន ចាន់ដា ៖ សម្តេចមហាបរវរធិបតី ហ៊ុន ម៉ាណែត នាយករដ្ឋមន្រ្តីបានដាក់ចេញនូវគោលការណ៍ គឺការផ្តលនូវដីសម្បទានសង្គមកិច្ចដល់ប្រជាពលរដ្ឋក្រីក្រ ក៏ដូចជាប្រជាពលរដ្ឋរងគ្រោះ ដោយគ្រោះមហន្តរាយ ជាពិសេស គឺការបាក់ច្រាំងទន្លេនេះតែម្តង។ដោយរៀបចំរកដីផ្តល់ជូនប្រជាពលរដ្ឋ តាមបណ្តាខេត្តមានដីទូទាយឱ្យបងប្អូនទៅរស់នៅតាំងលំនៅទីនោះប្រសើរជាងរស់តាមចំណីថ្នល់ ឬសំយាបផ្ទះអ្នកដទៃ។ ឯកឧត្តមបានបន្ថែមថា៖ កន្លងមកឯកឧត្តមធ្លាប់បានធ្វើរបាយការណ៍មួយករណីដែលរងការបាក់ច្រាំងទន្លេ នៅខាងស្រុកស្ទឹងត្រង់ចំនួន ៨០ គ្រួសារ។ ប៉ុន្តែដល់សួរនាំមែនទែនមានតែជាង ៣០ […]

ដោយ : បន្ទាយ បន្ទាយមានជ័យ :សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានប្រកាសថា រដ្ឋនឹងសាងសង់ផ្សារបឹងឈូកនៅក្រុង/ខេត្តបាត់ដំបងឡើងវិញ បន្ទាប់ពីខូចខាតដោយអគ្គិភ័យ ហើយម្ចាស់ផ្សារថា គ្មានលទ្ធភាពនិងឯកភាពអោយភាគីរដ្ឋអាចដោះស្រាយដូច្នេះ ។ សម្តេចមហាបវរធិបតី ហ៊ុន ម៉ាណែត ប្រកាសបែបនេះ ធ្វើឡើងក្នុងឱកាសដែលសម្តេចបានអញ្ជើញសម្ពោធសមិទ្ធផល នានានៅតំបន់អភិវឌ្ឍន៍ បឹងជង្រុកតេជោឈ្នះឈ្នះ ស្ថិតនៅភូមិបឹងជង្រុកតេជោឈ្នះឈ្នះ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ នាព្រឹកថ្ងៃទី២៩ ខែវិច្ឆិកា ឆ្នាំ២០២៤ ម្សិលមិញ។ បើតាមប្រសាសន៍របស់សម្តេចបវរធិបតី ផ្សារបឹងឈូក គឺត្រូវបានវិនិយោគឡើងដោយឯកជនតាំងពីឆ្នាំ១៩៩២ មកឬអស់រយៈពេលជាង៣០ឆ្នាំមកហើយ។ បន្ទាប់ពីការឆាបឆេះនេះ វិស័យឯកជនដែលគ្រប់គ្រងផ្សារនេះ អស់លទ្ធភាពក្នុងការសាងសង់ឡើងវិញ ។ ដូច្នេះហើយសម្តេចសម្រេចយកផ្សារនេះជាផ្សាររដ្ឋវិញ និងប្រកាសសាងសង់ឡើងវិញ ឆ្លើយតបនឹងសំណូមពររបស់ក្រុមអាជីវករដែលរងផលប៉ះពាល់ពីការឆេះផ្សារបឹងឈូកនេះ ដើម្បីឱ្យអាជីវករមានទីតាំងក្នុងការប្រកបរបរលក់ដូរវិញ។ ជាមួយនឹងការប្រកាសសាងសង់ផ្សារបឹងឈូកនេះឡើងវិញនេះផងដែរ សម្តេចបវរធិបតីហ៊ុន ម៉ាណែត បានប្រកាសផងដែរថា សម្រាប់អ្នកដែលជួលតូបពីក្រុមហ៊ុនម្ចាស់ដើមទាំង ជាន់ផ្ទាល់ដី ជាន់ទី១ និងផ្សារតូចស្ថិតនៅពីក្រោយ រដ្ឋនឹងផ្តល់សិទ្ធិកាន់កាប់អាស្រ័យផល លើតូបថ្មីនេះអស់មួយជីវីត តកូនតចៅ។ សម្រាប់អ្នកជួលបន្តចំនួន២៥នាក់ នៅលើជាន់ទី១ នឹងផ្តល់ជូនម្នាក់មួយតូបនៅផ្សារខាងក្រោយ។ ដោយឡែកអ្នកជួលបន្តនៅជាន់ខាង […]

កាលពីថ្ងៃព្រហស្បតិ៍ ទី២១ ខែវិច្ឆិកា ឆ្នាំ២០២៤ កម្មវិធី “ពន្ធដារកម្ពុជា” ដែលធ្វើការផ្សាយផ្ទាល់នៅលើទំព័រហ្វេសប៊ុក (Facebook Page) ផ្លូវការរបស់អគ្គនាយកដ្ឋានពន្ធដារ បានលើកយកប្រធានបទថ្មីមួយទៀតមកធ្វើបទបង្ហាញនិងពិភាក្សានោះគឺ “កាតព្វកិច្ចបង់ពន្ធអាករចំពោះ ការផ្គត់ផ្គង់ទំនិញដោយមានថែមទំនិញ ឬផ្តល់ជារង្វាន់របស់សហគ្រាសផ្គត់ផ្គង់ទំនិញក្នុងស្រុក ដោយមានការចូលរួមពីវាគ្មិនចំនួនពីររូប រួមមាន លោកបណ្ឌិត អេង រតនា ប្រធាននាយកដ្ឋានគ្រប់គ្រងអ្នកជាប់ពន្ធធំ និងលោក ម៉ឹង សុខឡៅ អនុប្រធាននាយកដ្ឋាន គ្រប់គ្រងអ្នកជាប់ពន្ធធំ។ ក្នុងរយៈកន្លងមកនេះ ក្រសួងសេដ្ឋកិច្ចនិងហិរញ្ញវត្ថុ បានសង្កេតឃើញថា សហគ្រាសផ្គត់ផ្គង់ទំនិញក្នុងស្រុក បាននិងកំពុងពង្រីកទីផ្សារ ដោយប្រើយុទ្ធសាស្ត្រជំរុញការលក់ក្រោមរូបភាពជាការផ្គត់ផ្គង់ទំនិញ ដោយមានថែមទំនិញរបស់សហគ្រាសឬទំនិញដទៃ ឬផ្តល់ជារង្វាន់ តាមរយៈក្រវិលកំប៉ុង តម្របដប ឬវិធីផ្សេងទៀត ដើម្បីផ្តល់ជូនអតិថិជនរបស់ខ្លួន។ ដូច្នេះ ដើម្បីឱ្យមានភាពច្បាស់លាស់ក្នុងការអនុវត្ត កាតព្វកិច្ចសារពើពន្ធឱ្យបានត្រឹមត្រូវ កាលពីថ្ងៃទី១០ ខែតុលា ឆ្នាំ២០២៤ ក្រសួងសេដ្ឋកិច្ចនិងហិរញ្ញវត្ថុ បានចេញសេចក្តីណែនាំលេខ ០២៥ សហវ.ស.ណ.ន ស្តីពី កាតព្វកិច្ចបង់ពន្ធអាករចំពោះការផ្គត់ផ្គង់ទំនិញដោយមានថែបទំនិញ ឬផ្តល់ជារង្វាន់ របស់សហគ្រាសផ្គត់ផ្គង់ទំនិញ ក្នុងស្រុក ក្នុងគោលបំណងណែនាំដល់សហគ្រាសអំពីកាតព្វកិច្ចបង់ពន្ធអាករ ចំពោះការផ្គត់ផ្គង់ទំនិញដោយមានថែមទំនិញ ឬផ្តល់ជារង្វាន់ផ្សេងៗ។ […]

ប្រែសម្រួល៖ ស្រីស្រស់ និន្នាការផ្លូវភេទគួរឲ្យព្រួយបារម្ភកំពុងរីករាលដាលនៅទូទាំងបរិវេណសកលវិទ្យាល័យក្នុងប្រទេស ហើយវេជ្ជបណ្ឌិតមានការព្រួយបារម្ភពីរឿងនេះ។ និស្សិតប្រុសៗមានសុខភាពល្អកំពុងតែស្វែងរកកញ្ចប់ទឹកឃ្មុំកាន់តែច្រើនឡើងដើម្បីបង្កើនសមត្ថភាពផ្លូវភេទរបស់ពួកគេ។ ប៉ុន្តែនេះមិនមែនជាទឹកឃ្មុំធម្មតាពីដបទេ។ ថ្នាំបំប៉នបែបនេះត្រូវបានផ្សព្វផ្សាយថាជាផលិតផលបង្កើនសមត្ថភាពផ្លូវភេទ និងអះអាងថាមានផ្សំពីគ្រឿងធម្មជាតិ ប៉ុន្តែត្រូវបានរកឃើញថាមានផ្ទុកថ្នាំដែលលាក់បាំង។ កញ្ចប់ទឹកឃ្មុំទាំងនេះត្រូវបានរកឃើញថាមានផ្ទុកគ្រឿងផ្សំដូចគ្នានឹងថ្នាំ Cialis និង Viagra ដែលជាថ្នាំមានការអនុញ្ញាតពី FDA សម្រាប់ព្យាបាលបញ្ហាមិនអាចរួមភេទ។ វាអាចបណ្តាលឱ្យមានការកើនឡើងសម្ពាធឈាមគ្រោះថ្នាក់ ការប្រែប្រួលការមើលឃើញ ឈឺទ្រូង និងសូម្បីតែជំងឺបេះដូង។ ថ្នាំបំប៉នទាំងនេះមិនមែនជារឿងថ្មីទេ។ FDA បានព្រមានអំពីម៉ាកផ្សេងៗ រួមទាំង Royal Honey, Helmi’s Honey VIP និង Honey Girl អស់រយៈពេលជាច្រើនឆ្នាំមកហើយ។ ប៉ុន្តែវាបានទទួលការពេញនិយមសារជាថ្មីដោយសារ TikTok។ វីដេអូមួយដែលបង្ហាញពីនិស្សិតសកលវិទ្យាល័យរដ្ឋ Arizona កំពុងនិយាយអំពីកញ្ចប់ទឹកឃ្មុំ បានទទួលទស្សនាច្រើនជាង ៤៤០ លានដងនៅលើបណ្តាញសង្គម។ យុវជនម្នាក់និយាយថាគាត់ប្រើប្រាស់កញ្ចប់ជាច្រើនក្នុងមួយយប់។ កញ្ចប់តូចៗទាំងនេះគឺជាការភ្នាល់គ្រោះថ្នាក់ អ្នកជំនាញសុខភាពព្រមាន ព្រោះគ្មាននរណាម្នាក់អាចនិយាយច្បាស់ថាមានអ្វីនៅក្នុងនោះទេ។ កញ្ចប់មួយចំនួនដែល FDA បានស្តីបន្ទោសមានផ្ទុកគ្រឿងផ្សំសំខាន់នៃថ្នាំ Cialis ខណៈដែលកញ្ចប់ផ្សេងទៀតមានផ្ទុក sildenafil ដែលជាសារធាតុសកម្មក្នុងថ្នាំ Viagra ដែលមានការអនុញ្ញាតពី FDA។ […]

ប្រែសម្រួលៈ តារា លីសេស្ទ័រ ស៊ីធី បានប្រកាសកាលពីថ្ងៃសុក្រថា បានតែងតាំង រូដ វ៉ាន នីស្តេលរូយ ជាគ្រូបង្វឹកជំនួស ស្ទីវ គូពឺរ ដែលត្រូវបានបណ្តេញចេញ ដោយកុងត្រាមានរយៈពេលរហូតដល់ខែមិថុនា ឆ្នាំ២០២៧។ គូពឺរ បានចាកចេញខណៈក្លិបកំពុងស្ថិតនៅពីរពិន្ទុលើតំបន់កាត់ចោល ហើយក្លិបបានសម្រេចតែងតាំង វ៉ាន នីស្តេលរូយ យ៉ាងឆាប់រហ័ស ដែលធ្លាប់ជាជំនួយការគ្រូបង្វឹកនៅម៉ានចេស្ទ័រ យូណៃធីដ និងធ្លាប់ដឹកនាំក្រុមបណ្តោះអាសន្នក្រោយពេល អេរិក ធិន ហាក ត្រូវបានបណ្តេញចេញកាលពីខែមុន។ “ខ្ញុំមានមោទនភាព និងរំភើប។ មនុស្សគ្រប់គ្នាដែលខ្ញុំនិយាយជាមួយអំពីក្លិបលីសេស្ទ័រ ស៊ីធី សុទ្ធតែមានភាពរំភើប” លោក វ៉ាន នីស្តេលរូយ ជនជាតិហូឡង់បានថ្លែងក្នុងសេចក្តីប្រកាស។ “ពួកគេមានរឿងរ៉ាវល្អៗជាច្រើនអំពីគុណភាពនៃមនុស្សដែលធ្វើការនៅក្លិប អ្នកគាំទ្រ ហើយជាពិសេស ប្រវត្តិសាស្ត្រថ្មីៗរបស់ក្លិបគឺគួរឱ្យចាប់អារម្មណ៍។” លីសេស្ទ័រ បានទទួលជោគជ័យយ៉ាងអស្ចារ្យក្នុងការឈ្នះពានក្របខណ្ឌបឋមនៅរដូវកាល ២០១៥-២០១៦ ប៉ុន្តែត្រូវធ្លាក់ទៅលីកទី២នៅឆ្នាំ២០២៣ មុនឡើងមកវិញក្រោមការដឹកនាំរបស់ អិនហ្សូ ម៉ារេសកា ដែលក្រោយមកបានចាកចេញទៅចូលរួមជាមួយចេលស៊ី។ អតីតគ្រូបង្វឹកណតធីងហាម ហ្វរេស្ទ គូពឺរ ត្រូវបានតែងតាំងក្នុងខែមិថុនា។ លីសេស្ទ័រ បានបណ្តេញ […]