ដោយ : បន្ទាយ បន្ទាយមានជ័យ : ក្នុងកិច្ចប្រជុំ ពិភាក្សាបានលើកឡើងពីវឌ្ឍនភាពការងារក្នុងត្រីមាសទី១និងទិសដៅបន្តត្រីមាសទី២ ឆ្នាំសិក្សា២០២៤-២៥ នៃសាលារៀនផី ឆឹងរបស់សមាគមខ្មែរ ចិនខេត្តបន្ទាយមានជ័យគឺពង្រីកបរិមាណនិងពង្រឹងគុណភាព។បន្ថែមលើនោះ សមាគមក៏ពិភាក្សាលើការត្រៀមលក្ខណ:លើការបោះឆ្នោតជ្រើសរើសប្រធាន អនុប្រធាននិងសមាសភាពគណ:កម្មាធិការនៃសមាគម ។ លោកស្រីស៊ីម យ៉ារី នាយិកាសាលារៀនផីឆឹង អោយដឹងកាលពីថ្មីៗនេះថា : លទ្ធផលសម្រេចបានរបស់សាលាក្នុងត្រីមាសទី១ ចំនួនសិស្សចំនួន៣១៣នាក់ ក្នុងនោះមានថ្នាក់ចំណេះដឹងទូទៅ៦ថ្នាក់ ថ្នាក់ភាសាចិន អង់គ្លេសពេញម៉ោង៦ថ្នាក់ ថ្នាក់ភាសាចិនក្រៅម៉ោង១៥ថ្នាក់ ។ ក្នុងនោះមានសិស្សអាហារូបករណ៍១០០%និង៥០% ។ បើតាមការវាយតម្លៃគឺចំនួនសិស្សនេះ បានកើនឡើង១៧% បើប្រៀបធៀបនឹងឆ្នាំសិក្សា២០២៣-២៤ ។ នាយិកា ស៊ីម យ៉ារី ចំពោះមុខនេះ សាលាបានពង្រឹងលើការងារគ្រប់គ្រងសិស្ស ការងារគ្រប់គ្រងបុគ្គលិកទាំងលើការងារវិន័យ លើបង្កើនការងារបច្ចេកទេសដើម្បីជម្រុញបរិមាណនិងគុណភាពនៃការសិក្សារបស់សិស្ស។ លោកឆាន់ ប៊ុនម៉ាន់ ប្រធានសមាគមខ្មែរ ចិនខេត្តបន្ទាយមានជ័យមានប្រសាសន័ថា: សាធារណរដ្ឋប្រជាមានិតចិន តាមរយ:ស្ថានឯកអគ្គរដ្ឋទូតចិនប្រចាំនៅកម្ពុជាបានជួយឧបត្ថម្ភ ជ្រោមជ្រែងជាថវិកា ស្មារតីដល់សមាគមដើម្បីដំណើរការរបស់ខ្លួន ក៏ដូចជាជម្រុញការដឹកនាំ គ្រប់គ្រងលើការបង្រៀន រៀនសិស្ស។ បន្ថែមលើនោះ ស្ថានទូតក៏បានជួយសម្របសម្រួលនិងបញ្ជូនគ្រូស្ម័គ្រចិត្តជនជាតិចិនមកបង្រៀនភាសាចិននៅសាលារៀនផីឆឹង (ខ្មែរ ចិន) នៅក្រុងសិរីសោភ័ណខេត្តបន្ទាយមានជ័យនិងតាមគ្រឹះស្ថានសិក្សាគ្រប់កម្រឹតនានផងដែរ។ […]

ដោយ : បន្ទាយ សៀមរាប :ដោយអនុវត្តតាមបទបញ្ជារបស់ លោកឧត្តមសេនីយ៍ត្រីមេបញ្ជាការកងរាជអាវុធហត្ថខេត្តសៀមរាប កម្លាំងមូលដ្ឋានកងរាជអាវុធហត្ថស្រុកស្រីស្នំ ចំនួន ០៨នាក់ ដឹកនាំដោយលោកអនុសេនីយ៍ឯក ព្រំ ចឹក នាយសេនាធិការ មូលដ្ឋានកងរាជអាវុធហត្ថស្រុកស្រីស្នំ សហការជាមួយកម្លាំង ប៉ុស្តិ៍នគរបាលរដ្ឋបាល ត្រាំសសរនៃអធិការដ្ឋាន នគរបាលស្រុកស្រីស្នំ បានចុះផ្សព្វផ្សាយច្បាប់ និងផលប៉ះពាល់គ្រឿងញៀន ក្មេងទំនើង នៅថ្ងៃទី០៦ ខែធ្នូ ឆ្នាំ២០២៤ និងទោសទណ្ឌជូនដំណឹងដល់ពួកគេចំពោះការប្រើប្រាស់អាវុធ មានដាវ កាំបិត ដំបង និងពូថៅ ដែលដាក់ជាប់ខ្លួន នឹងម៉ូតូ ឬ មធ្យោបាយផ្សេងៗ មកសាលារៀន ឬ ដើរលេង និងធ្វើការត្រួតពិនិត្យលើសិស្សមិនចូលរៀន ក្នុងម៉ោងសិក្សា ប្រមូលផ្ដុំគ្នាតាមតូបកាហ្វេ កន្លែងអាហារដ្ឋានផ្សេងៗ ។ ការបង្ហោះម៉ូតូប្រើប្រាស់សុីម៉ាំងបំពងសំឡេងគ្រប់ប្រភេទ និងចែកខិត្តប័ណ្ណពាក់ព័ន្ធគ្រឿងញៀនចំនួន២០០សន្លឹកដល់សិស្សានុសិស្ស នៅសាលាអនុវិទ្យាល័យធ្លក ស្ថិតក្នុងភូមិធ្លក ឃុំត្រាំសរសរ ស្រុកស្រីស្នំ ខេត្តសៀមរាប ដែលមានសិស្សានុសិស្សចូលរួមចំនួន ២៤៤នាក់ ស្រី ១៤៥នាក់ លោកគ្រូ អ្នកគ្រូសរុប ១០នាក់ […]

ដោយ : បន្ទាយ ភ្នំពេញ :  នាថ្ងៃទី០៦ ខែធ្នូ ឆ្នាំ២០២៤ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ បានរៀបចំពិធីសំណេះសំណាល និងជូនដំណើរយោធិន នៃកងរាជអាវុធហត្ថ ទើបជ្រើសរើសថ្មី (ជាប់ជាស្ថាពរ) ឆ្នាំ២០២៤ ដើម្បីចូលហ្វឹកហ្វឺននៅមជ្ឈមណ្ឌលហ្វឹកហ្វឺនកងរាជអាវុធហត្ថ ភ្នំជុំសែនរីករាយ ខេត្តកំពង់ឆ្នាំង ។ លោកសុខ ពេញវុធ អភិបាលរង នៃគណៈអភិបាលរាជធានីភ្នំពេញ តំណាងលោក ឃួង ស្រេង អភិបាល នៃគណៈអភិបាលរាជធានីភ្នំពេញ និង លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានអញ្ជើញជាអធិបតីភាព និងមានការចូលរួមពី លោកមេបញ្ជាការរង នាយសេនាធិការរង ប្រធាន អនុប្រធានមន្ទីរ នាយការិយាល័យ លោកមេបញ្ជាការវរសេនាតូចចល័ត និងមេបញ្ជាការមូលដ្ឋានអាវុធហត្ថខណ្ឌទាំង១៤ ព្រមទាំង សាច់ញាតិ ក្រុមគ្រួសារ បងប្អូន របស់យោធិន ជាច្រើនរូបទៀត។ ក្នុងឱកាសនោះ លោកឧត្តមសេនីយ៍ឯក រ័ត្ន […]

ដោយៈសិរីមតី ស្ទឹងត្រែង៖ ដើម្បីជាថាមពល និងកម្លាំងចិត្តដល់កុមារដែលជួបការលំបាកក្នុងភូមិភ្លុក ស្រុកសេសាន ខេត្តស្ទឹងត្រែង ក្នុងការទទួលបានលទ្ធភាព និងមធ្យោបាយជាសម្ភារជំនួយដល់ការសិក្សាបានគ្រប់គ្រាន់ប្រកបដោយប្រសិទ្ធភាព និងមានគុណភាព  ក្រុមហ៊ុន វ័ន ហ្វ្រេតធើនីធី បាននាំយកនូវសម្ភារសិក្សា និងសម្ភារប្រើប្រាស់ចាំបាច់មួយចំនួនធំ ជូនដល់សិស្សានុសិស្ស ដែលកំពុងសិក្សា នៅសាលាបឋមសិក្សាភ្លុក, សាលាបឋមសិក្សាបានប៊ុង និងអនុវិទ្យាល័យភ្លុក ស្ថិតក្នុងភូមិភ្លុក ស្រុកសេសាន ខេត្តស្ទឹងត្រែង នៅព្រឹកថ្ងៃទី០៦ ខែធ្នូ ឆ្នាំ២០២៤ នេះក្រោមគម្រោង “កាតាបខ្ញុំ អនាគតខ្ញុំ” ដែលជាគំនិតផ្តួចផ្តើមរបស់ មីជាតិ។ កម្មវិធីនេះបានប្រព្រឹត្តទៅក្រោមអធិបតីភាព ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង និងលោក ជុន ហៀងថាវសិទ្ធ អនុប្រធានធុរកិច្ច និងជាតំណាង លោកជំទាវ ជឹង សុគន្ធាវី នាយិកាប្រតិបត្តិ ក្រុមហ៊ុន វ័ន ហ្វ្រេតធើនីធី (មីជាតិ) មន្ត្រីរាជការអង្គភាពជុំវិញខេត្ត ថ្នាក់ដឹកនាំក្រុមហ៊ុនមីជាតិ អាជ្ញាធរមូលដ្ឋាន លោកគ្រូ អ្នកគ្រូ អាណាព្យាលបាល […]

ដោយ : បន្ទាយ សៀមរាប ៖ អនុវត្តតាមបទបញ្ជារបស់លោកឧត្តមសេនីយ៍ត្រីមេបញ្ជាការ កងរាជអាវុធហត្ថខេត្តសៀមរាប នាថ្ងៃទី០៥ ខែធ្នូ ឆ្នាំ២០២៤ បានចុះផ្សព្វផ្សាយច្បាប់និងផលប៉ះពាល់គ្រឿងញៀន ក្មេងទំនើងនិងអំពីទោសទណ្ឌនិងជូនដំណឹងចំពោះការប្រើប្រាស់អាវុធ ។ លោកអនុសេនីយ៍ឯកគ្រួច ពេជ្រ មេបញ្ជាការរង មូលដ្ឋានកងរាជអាវុធហត្ថស្រុកសូត្រនិគម បានចុះផ្សព្វផ្សាយច្បាប់ និងផលប៉ះពាល់គ្រឿងញៀន ក្មេងទំនើង និងអំពីទោសទណ្ឌ និងជូនដំណឹងដល់ពួកគាត់ចំពោះការប្រើប្រាស់អាវុធ ៖ មានដាវ កាំបិត ដំបង និងពូថៅ ។ល។ ដែលដាក់ជាប់នឹងម៉ូតូ ឬមធ្យោបាយផ្សេងៗមកសាលារៀន ឬដើរលេង និងធ្វើការត្រួតពិនិត្យលើសិស្សមិនចូលរៀនក្នុងម៉ោងសិក្សា ប្រមូលផ្ដុំគ្នាតាមតូបកាហ្វេ កន្លែងអាហារដ្ឋានផ្សេងៗ និងការបង្ហោះម៉ូតូប្រើប្រាស់ស៊ីម៉ាំងបំពងសំឡេងគ្រប់ប្រភេទ និងចែកខិតប័ណ្ណពាក់ព័ន្ធគ្រឿងញៀន ចំនួន២០០សន្លឹកដល់សិស្សានុសិស្ស នៅវិទ្យាល័យកៀនសង្កែ ស្ថិតក្នុងភូមិកំពង់គ ឃុំកៀនសង្កែ ស្រុកសូទ្រនិគម ខេត្តសៀមរាប ចំនួនសិស្សានុសិស្សចូលរួមសរុប ៧៦៦នាក់ ស្រី៣៤៥នាក់ និងលោកគ្រូ អ្នកគ្រូសរុប២៨នាក់ ស្រី១៣នាក់ ៕

ដោយ : បន្ទាយ   បន្ទាយមានជ័យ ៖ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ នៅថ្ងៃទី០៥ ខែធ្នូ ឆ្នាំ២០២៤ បានអញ្ជើញជាអធិបតីភាពពិធីបិទវគ្គហ្វឹកហ្វឺនសណ្តាប់ធ្នាប់ជួរទ័ព ដល់យោធិនទើបជ្រើសរើសថ្មី ចំនួន៤១នាក់។ ពិធីនេះក៏មានការអញ្ជើញចូលរួមពីលោកមេបញ្ជាការរង លោកនាយសេនាធិការង លោកប្រធានមន្ទីរទាំង០៧, លោក លោកស្រី នាយការិយាល័យ, លោកមេបញ្ជាការមូលដ្ឋានកងរាជអាវុធហត្ថ ក្រុង/ស្រុកទាំង០៩ ប្រារព្ធធ្វើឡើងនៅសាលប្រជុំ ( ធំ ) ជាន់ទី២ អគារសេនាធិការដ្ឋានកងរាជអាវុធហត្ថខេត្តបន្ទាយមានជ័យ។ នាឱកាសនោះលោកឧត្តមសេនីយត្រី បោន ប៊ិន ក៏បានពាំនាំនូវការផ្ដាំផ្ញើ សួរសុខទុក្ខ ពីសំណាក់លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ជូនដល់យោធិនទើបជ្រើសរើសថ្មី ដោយក្តីនឹករលឹក។ ជាមួយគ្នានោះលោកឧត្តមសេនីយ៍ត្រី ក៏បានថ្លែងកោតសរសើរចំពោះយោធិនទើបជ្រើសរើសថ្មីដែលបានខិតខំប្រឹងប្រែងហ្វឹកហាត់រយៈពេល៧២ថ្ងៃកន្លងមក ប្រកបដោយលទ្ធផលផ្លែផ្កា និងជោគជ័យ នៅបញ្ជការដ្ឋានកងរាជអាវុធហត្ថខេត្តបន្ទាយមានជ័យផងដែរ។ ទន្ទឹមជាមួយគ្នានោះលោកឧត្តមសេនីយ៍មេបញ្ជាការកងរាជអាវុធហត្ថខេត្ត ក៏បានធ្វើការផ្តាំផ្ញើដល់យោធិនទើបជ្រើសរើសថ្មី៖ ១-គោរពច្បាប់រដ្ឋធម្មនុញ្ញនៃព្រះរាជាណាចក្រកម្ពុជា ២-គោរព និងអនុវត្តឱ្យបានបទបញ្ជា វិន័យ សីលធម៌ របស់កងយោធពលខេមរភូមិន្ទ […]

ដោយ៖ កំចាយ កំពត÷ រដ្ឋមន្ត្រីក្រសួងទេសចរណ៍បានអំពាវនាវដល់គ្រប់ផ្នែកពាក់ព័ន្ធបន្តស្មារតីរួមសហការដើម្បីឲ្យពិធីបុណ្យសមុទ្រនៅខេត្តកំពតទទួលជោគជ័យ និងដក់ជាប់អារម្មណ៍ភ្ញៀវជាតិ អន្តរជាតិ ពិសេសប្រាថ្នាចូលរួមសម្រាប់ពិធីបុណ្យនេះនាពេលក្រោយទៀត។ កាលពីថ្ងៃទី៥ ខែធ្នូ ឆ្នាំ២០២៤ នៅសាលសន្និសីទបូកគោខេត្តកំពតមានរៀបចំកិច្ចប្រជុំគណៈកម្មការអន្តរក្រសួងដើម្បីត្រួតពិនិត្យវឌ្ឍនភាពការងារត្រៀមរៀបចំពិធីបុណ្យសមុទ្រលើកទី១១ ជុំទី៣។ ថ្លែងបិទកិច្ចប្រជុំខាងលើ លោក ហួត ហាក់ រដ្ឋមន្ត្រីក្រសួងទេសចរណ៍បានមានប្រសាសន៍ថា ក្នុងនាមអន្តរក្រសួង លោកសូមថ្លែងអំណរគុណចំពោះអាជ្ញាធរខេត្តកំពត និងថ្នាក់ដឹកនាំអនុគណៈកម្មការទាំងអស់ដែលបានរួមសហការគ្នាយ៉ាងល្អប្រសើររហូតមកដល់ថ្ងៃនេះគ្រប់យ៉ាងសម្រាប់ពិធីបុណ្យសមុទ្រសម្រេចរួចរាល់ស្ទើរ១០០ភាគរយនោះ។ ដូច្នេះ សូមគណៈកម្មការអន្តរក្រសួង និងអាជ្ញាធរបន្តកិច្ចសហការល្អដើម្បីធ្វើយ៉ាងណាឲ្យពិធីបុណ្យដ៏សំខាន់នេះទទួលបានជោគជ័យ។ លោករដ្ឋមន្ត្រីបានបន្តថា នៅពេលលទ្ធផលការងារសម្រេចបានតាមការគ្រោងទុកដោយគ្មានបញ្ហាអវិជ្ជមានណាមួយកើតឡើង នោះប្រជាពលរដ្ឋ ក៏ដូចជាទេសចរជាតិ អន្តរជាតិនឹងសប្បាយរីករាយ ហើយចងចាំ ពិសេសអន្ទះសាចង់ ហើយប្រាថ្នាចូលរួមក្នុងពិធីនេះនាពេលក្រោយៗទៀត។ សូមបញ្ជាក់ថា ពិធីបុណ្យសមុទ្រលើកទី១១ជុំទី៣នៅខេត្តកំពតថ្ងៃទី១៣-១៥ ខែធ្នូ ឆ្នាំ២០២៤ នឹងមានកម្មវិធីកម្សាន្តសប្បាយច្រើនប្រភេទ ដូចជា ការសម្តែងសិល្បៈ កីឡាលើទឹក លើអាកាស លើគោក ពិធីប្រគំតន្ត្រី ការតាំងពិព័រណ៍ផលិតផលក្នុង និងក្រៅស្រុក ការតាំងពិព័រណ៍ភូមិមួយផលិតផលមួយជាដើម។ ពិធីបើកជាផ្លូវការនឹងធ្វើឡើងនាថ្ងៃទី១៣ ខែធ្នូ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជចន្ទមុន្នី-ហ៊ុនម៉ាណែត៕

ប្រែសម្រួល៖ រតនា រដ្ឋមន្ត្រីការពារជាតិចិន ដុង ជុន បានបង្ហាញខ្លួនជាលើកដំបូងកាលពីថ្ងៃព្រហស្បតិ៍ (ថ្ងៃទី៥ ខែធ្នូ) ចាប់តាំងពីមានរបាយការណ៍អះអាងថា លោកត្រូវបានគេដាក់ឱ្យស្ថិតក្រោមការស៊ើបអង្កេតអំពើពុករលួយ។ យោងតាមទីភ្នាក់ងារព័ត៌មានស៊ីនហួររបស់រដ្ឋចិនបានឱ្យដឹងកាលពីថ្ងៃព្រហស្បតិ៍ថា លោក ដុង បានចូលរួមវេទិកាសន្តិសុខស្តីពីឈូងសមុទ្រហ្គីណេនៅទីក្រុងសៀងហៃ។ យោងតាមទីភ្នាក់ងារស៊ីនហួរ លោកបានជួបជាមួយប្រធានគណៈប្រតិភូ និងបានបង្ហាញពីឆន្ទៈរបស់ប្រទេសចិនក្នុងការធ្វើការជាមួយកងកម្លាំងប្រដាប់អាវុធនៃប្រទេសក្នុងតំបន់ ដើម្បីចែករំលែកការទទួលខុសត្រូវក្នុងការថែរក្សាសន្តិសុខនៅឈូងសមុទ្រហ្គីណេ។ របាយការណ៍កាសែត Financial Times កាលពីថ្ងៃទី២៧ ខែវិច្ឆិកា បានបង្កើតឱ្យមានការទស្សន៍ទាយអំពីជោគវាសនានយោបាយរបស់លោក ដុង។ របាយការណ៍ដែលដកស្រង់សម្តីមន្ត្រីសហរដ្ឋអាមេរិកបច្ចុប្បន្ន និងអតីតមន្ត្រី បានឱ្យដឹងថា អតីតមេបញ្ជាការកងទ័ពជើងទឹកនៃកងទ័ពរំដោះប្រជាជនរូបនេះ កំពុងស្ថិតក្រោមការស៊ើបអង្កេតជាផ្នែកមួយនៃការស៊ើបអង្កេតអំពើពុករលួយក្នុងវិសាលភាពទូលំទូលាយ។ អ្នកនាំពាក្យក្រសួងការបរទេសចិន ម៉ៅ នីង បានបដិសេធរបាយការណ៍នេះដោយថា “គ្រាន់តែជាការដេញតាមស្រមោល”។ អតីតរដ្ឋមន្ត្រីការពារជាតិពីររូបមុនលោក ដុង គឺលោក លី សាងហ្វូ និងលោក វ៉េ ហ្វេងហេ ត្រូវបានបណ្តេញចេញពីគណបក្សកុម្មុយនិស្តចិន។ មានរបាយការណ៍កាលពីខែមិថុនា ឆ្នាំនេះថា ពួកគេបានប្រព្រឹត្ត “ការរំលោភវិន័យធ្ងន់ធ្ងរ” ដែលជាពាក្យប្រើប្រៀបប្រដូចសម្រាប់អំពើពុករលួយ។ ប៉េកាំងបានពង្រឹងការប្រឆាំងអំពើពុករលួយដែលបានចោទប្រកាន់នៅក្នុងកងកម្លាំងប្រដាប់អាវុធកាលពីឆ្នាំមុន ដោយប្រធានាធិបតី ស៊ី ជីនភីង បានបញ្ជាឱ្យយោធាលុបបំបាត់អំពើពុករលួយ និងពង្រឹង […]

ប្រែសម្រួល៖ រតនា ទីក្រុងប៉េកាំង៖ លោកប្រធានាធិបតី ស៊ី ជីនភីង បានមានប្រសាសន៍ថា កងទ័ពគួរតែ “ប្រយុទ្ធប្រឆាំងអំពើពុករលួយ” និងផ្តោតលើសមត្ថភាពក្នុងការ “ឈ្នះសង្គ្រាម” នេះបើយោងតាមប្រព័ន្ធផ្សព្វផ្សាយរដ្ឋកាលពីថ្ងៃព្រហស្បតិ៍ (ថ្ងៃទី៥ ខែធ្នូ) ខណៈពេលដែលប៉េកាំងពង្រឹងការបង្ក្រាបអំពើពុករលួយក្នុងជួរកងកម្លាំងប្រដាប់អាវុធ។ លោក ស៊ី បានដឹកនាំយុទ្ធនាការប្រឆាំងអំពើពុករលួយរបស់មន្ត្រីយ៉ាងទូលំទូលាយចាប់តាំងពីឡើងកាន់អំណាចកាលពីជាងមួយទសវត្សរ៍មុន ដោយអ្នករិះគន់បាននិយាយថា វាក៏ជាមធ្យោបាយមួយដើម្បីកម្ចាត់គូប្រជែងនយោបាយផងដែរ។ កិច្ចខិតខំប្រឹងប្រែងថ្មីៗនេះហាក់បីដូចជាផ្តោតលើកងទ័ពរំដោះប្រជាជន (PLA) ដោយមន្ត្រីជាន់ខ្ពស់ លោក មៀវ ហួ កាលពីខែមុនបានចូលរួមជាមួយមន្ត្រីជាន់ខ្ពស់ជាច្រើនរូបត្រូវបានដកចេញពីតំណែងរបស់ពួកគេក្នុងរយៈពេលជាងមួយឆ្នាំ។ ក្នុងការថ្លែងទៅកាន់កងទ័ពនៃកម្លាំងគាំទ្រព័ត៌មានរបស់ PLA កាលពីថ្ងៃពុធ លោក ស៊ី បានមានប្រសាសន៍ថា យោធាគួរតែ “អនុវត្តវិន័យយ៉ាងម៉ឺងម៉ាត់” នេះបើយោងតាមស្ថានីយទូរទស្សន៍រដ្ឋ CCTV។ លោកប្រធានាធិបតីបានថ្លែងទៅកាន់កងទ័ពថា យោធាគួរតែ “ប្រយុទ្ធប្រឆាំងអំពើពុករលួយដើម្បីធានាបាននូវភាពស្មោះត្រង់ ភាពបរិសុទ្ធ និងភាពអាចជឿទុកចិត្តបានដាច់ខាតនៃកងកម្លាំង”។ ការបង្កើតកម្លាំងគាំទ្រព័ត៌មានត្រូវបានប្រកាសកាលពីខែមេសា ដោយអ្នកវិភាគមើលឃើញថាវាជាកំណែទម្រង់នៃការគ្រប់គ្រងប្រតិបត្តិការតាមអ៊ីនធឺណិត ព័ត៌មាន ភស្តុភារ និងលំហអាកាសរបស់ PLA។ លោក ស៊ី បានប្រាប់ទៅកាន់កងទ័ពកាលពីថ្ងៃពុធថា ពួកគេត្រូវតែ “ផ្តោតលើសមត្ថភាពក្នុងការប្រយុទ្ធ និងឈ្នះសង្គ្រាម”។ សារនេះបានមកដល់ខណៈពេលដែលចំណុចតានតឹងក្នុងតំបន់ទូលំទូលាយបានផ្ទុះឡើងនៅសប្តាហ៍នេះ […]

កំពត  ៖  សម្រាប់រដូវកាលថ្មីនៃប្រាក់រង្វាន់ធំ ១២៥លានរៀលពីភេសជ្ជៈប៉ូវកម្លាំង ខារ៉ាបាវ នាចុងឆ្នាំ២០២៤នេះ បានបន្តរកឃើញអ្នកដែលមានសំណាងបានឈ្នះរង្វាន់ធំជាបន្តបន្ទាប់ និងរៀងរាល់សប្ដាហ៍។ ជាក់ស្ដែងបន្ទាប់ពីប្រគល់ទឹកប្រាក់១២៥លានរៀលដល់អ្នកមានសំណាងដែលរស់នៅខេត្តព្រៃវែងរួច នៅក្នុងសប្ដាហ៍នេះ ក្រុមហ៊ុនបានបន្តប្រគល់រង្វាន់ធំ ១២៥លានរៀល ដល់អ្នកមានសំណាងបន្ទាប់ ដែលរស់នៅក្រុងកំពត។ សម្រាប់អ្នកមានសំណាងបានឈ្នះរង្វាន់ធំនូវទឹកប្រាក់ចំនួន ១២៥លានរៀលពីភេសជ្ជៈប៉ូវកម្លាំង ខារ៉ាបាវ នៅក្នុងសប្ដាហ៍នេះមានឈ្មោះ ចូវ ថៃ ភេទប្រុស អាយុ៤២ឆ្នាំ មានមុខរបរជាអាជីវករលក់ដូរ បច្ចុប្បន្នរស់នៅភូមិកំពង់បាយ សង្កាត់កំពង់បាយ ក្រុងកំពត ខេត្តកំពត។ នៅចំពោះមុខក្រុមការងារតំណាងក្រុមហ៊ុនដែលនាំយកប្រាក់រង្វាន់ប្រគល់ដល់លំនៅដ្ឋាន លោក ចូវ ថៃ បានរៀបរាប់ឱ្យដឹងថា ជារៀងរាល់ថ្ងៃក្រោយពេលធ្វើការហត់ ហើយអស់កម្លាំង លោកតែងទទួលទានភេសជ្ជៈខារ៉ាបាវជាប្រចាំ។ ដោយឡែក កាលពីសប្ដាហ៍កន្លងទៅនេះ ក្រោយពេលរៀបចំ និងធ្វើការនៅផ្ទះអស់កម្លាំង ក៏យកភេសជ្ជៈប៉ូវកម្លាំងខារ៉ាបាវមួយកំប៉ុង ដែលប្រពន្ធជាអ្នកលក់នៅផ្ទះស្រាប់គាស់ទទួលទាន ក៏ឃើញមានរង្វាន់១២៥លានរៀលតែម្ដង ហើយក៏ស្រែកប្រាប់ប្រពន្ធ ព្រមទាំងអ្នកនៅជិតខាង និងទូរស័ព្ទជូនដំណឹងដល់ក្រុមហ៊ុនតែម្ដង។ លោក ចូវ ថៃ បានបញ្ជាក់ឱ្យដឹងទៀតថា ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ ១២៥លានរៀលនេះ លោកនឹងយកមួយចំនួនសងបំណុលគេ និងទុកមួយចំនួនទៀតពង្រីកអាជីវកម្មឱ្យធំជាងបច្ចុប្បន្ននេះ ដើម្បីទទួលបានចំណូលផ្គត់ផ្គង់គ្រួសារ។ ជាចុងក្រោយ […]

ដោយ៖ កំចាយ កំពត÷ ក្នុងបំណងបង្កើនការទាក់ទាញភ្ញៀវឲ្យកាន់តែចាប់អារម្មណ៍ អាជ្ញាធរខេត្តកំពតនឹងបង្កើតសមិទ្ធផលថ្មីមួយទៀតក្នុងព្រែកកំពង់បាយសម្រាប់កម្សាន្តសប្បាយនាពេលរាត្រី។ នេះបញ្ជាក់ឲ្យឃើញថាដងព្រែកកំពង់បាយស្ថិតនៅកណ្តាលក្រុងកំពតពិតជាពោរពេញដោយសក្តានុពលដែលថ្នាក់ដឹកនាំមានឱកាសកែច្នៃសម្រាប់ប្រយោជន៍ពលរដ្ឋតាមរយ:ការប៉ិនប្រសប់ និងភាពវៃឆ្លាត។ កាលពីថ្ងៃទី៤ ខែធ្នូ ឆ្នាំ២០២៤ អភិបាលខេត្តកំពតបានជួបសំណេះសំណាលនិងផ្តល់គ្រឿងឧបភោគបរិភោគដល់ក្រុមកីឡាករទូក-ងជិត៣០ក្រុមដែលត្រៀមចូលរួមប្រកួតនាពេលដ៏ខ្លីខាងមុខ។ ថ្លែងក្នុងពិធីខាងលើ លោក ម៉ៅ ធនិន អភិបាលខេត្តកំពតបានមានប្រសាសន៍ថា ក្រោយមានការអភិវឌ្ឍន៍លើវិស័យទេសចរណ៍ជាបន្តបន្ទាប់ ពិសេសការបង្កើតឆ្នេរខ្សាច់កម្សាន្ត សួនសាធារណ: ការតុបតែងលម្អដោយភ្លើងពណ៌ ការបង្កើតរូបសំណាកត្រីសេះសមុទ្របាញ់ទឹក និងនាឡិកាខ្នាតធំរួចមកបានធ្វើឲ្យបរិមាណភ្ញៀវកើនឡើងរៀងរាល់សប្តាហ៍។ សមិទ្ធផលទាំងនេះបានធ្វើឲ្យអ្នកផ្តល់សេវាពាក់ព័ន្ធវិស័យទេសចរណ៍ទទួលប្រាក់ចំណូលបន្ថែម និងមានជីវភាពកាន់តែល្អប្រសើរ។ លោកអភិបាលខេត្តបានបន្តថា តាមរបាយការណ៍របស់មន្ទីរទេសចរណ៍ខេត្តគឺក្នុងមួយសប្តាហ៍ៗមានទេសចរមកលេងពី៣ម៉ឺននាក់ទៅ៣ម៉ឺន៥ពាន់នាក់។ ដោយឡែកក្នុងសប្តាហ៍ខ្លះដែលត្រូវនឹងពិធីបុណ្យទានច្រើន ភ្ញៀវអាចកើនឡើងរហូតដល់ជាង៤ម៉ឺននាក់។ លោក ម៉ៅ ធនិន បានបញ្ជាក់ថា ខេត្តកំពតនឹងមានឆ្នេរសមុទ្រកម្សាន្តមួយថ្មីនាពេលខាងមុខ។ ភ្ញៀវដែលនឹងទៅកម្សាន្តនៅឆ្នេរនោះអាចមើលឃើញខេត្តកែប កោះត្រល់ និងភ្នំបូកគោដែលជាផ្ទាំងទស្សនីយភាពធម្មជាតិដ៏ទាក់ទាញបំផុត។ បន្ថែមលើនេះ រដ្ឋបាលខេត្តនឹងបង្កើតសមិទ្ធផលទេសចរណ៍ថ្មីមួយទៀតក្នុងដងព្រែកកំពង់បាយដែលអាចទាក់ទាញភ្ញៀវទេសចរជាតិ អន្តរជាតិឲ្យមកទស្សនា និងលម្ហែកម្សាន្តនាពេលរាត្រី។ សូមបញ្ជាក់ថា ជាការបន្ថែមសម្រាប់ភាពសប្បាយរីករាយសម្រាប់ពិធីបុណ្យសមុទ្រលើកទី១១ជុំទី៣ រដ្ឋបាលខេត្តនឹងរៀបចំការប្រណាំងទូក-ងខ្នាតប្រពៃណីនៅថ្ងៃទី១១-១២ ខែធ្នូ ឆ្នាំ២០២៤ ដែលមានទូកចូលរួមចំនួន១៤គូ៕

ប្រែសម្រួល៖ តារា ចាប់តាំងពីការមកដល់ទីក្រុងមេនឆេស្ទ័រកាលពីខែមុន គ្រូបង្វឹកថ្មីរបស់មេនឆេស្ទ័រ យូណាយធីត លោក រូបិន អាម៉ូរីម ត្រូវបានគេស្វាគមន៍ដោយការគោរពសរសើរដែលជាធម្មតាត្រូវបានគេទុកសម្រាប់តែអ្នកដឹកនាំដ៏អស្ចារ្យប៉ុណ្ណោះ។ អាម៉ូរីម បានបង្ហាញនូវចំណុចល្អៗជាច្រើនតាំងពីដំបូង។ ការសម្ភាសន៍តាមទូរទស្សន៍របស់គាត់បានទទួលជោគជ័យយ៉ាងខ្លាំង រហូតដល់មានការនិយាយថាគាត់បានធ្វើឱ្យមនុស្សគ្រប់គ្នាស្រលាញ់។ វាគួរឱ្យភ្ញាក់ផ្អើលណាស់ដែលការស្មើគ្នា ១-១ ក្នុងទឹកដី Ipswich Town អាចធ្វើឱ្យគ្រូបង្វឹកម្នាក់ទទួលបានការគាំទ្រច្រើនបែបនេះ។ ទោះជាយ៉ាងណា វាច្បាស់ណាស់សូម្បីតែពីការជួបគ្នាដំបូងជាមួយ អាម៉ូរីម ថាគាត់ជាមនុស្សដែលមានភាពទាក់ទាញ និងចរិតល្អ ហើយគាត់បង្ហាញខ្លួនជាមនុស្សដែលមានចិត្តកក់ក្តៅ និងងាយស្រួលទំនាក់ទំនងជាងលោក Erik ten Hag ដែលមានភាពតឹងរឹង។ អាម៉ូរីម ជាមនុស្សដែលងាយស្រួលស្រលាញ់។ នេះជាការពិត។ គាត់ក៏មានភាពឈ្លាសវៃគ្រប់គ្រាន់ដែលដឹងថាការសរសើរដែលគាត់កំពុងទទួលបានគឺជារឿងធម្មតា ហើយក៏នៅឆាប់ពេកដែរ។ “មនុស្សតែងតែជឿថាមនុស្សថ្មីគឺជាមនុស្សត្រឹមត្រូវ” គាត់បានប្រាប់ BBC។ ជ័យជម្នះលើក្រុម Bodo/Glimt និង Everton បានធ្វើឱ្យការចាប់ផ្តើមរបស់គាត់កាន់តែល្អ ទោះបីជាគ្មាននរណាម្នាក់អាចនិយាយថាក្រុមទាំងពីរនេះជាគូប្រកួតដ៏លំបាកក៏ដោយ។ ម្តងទៀត អាម៉ូរីម មានការប្រុងប្រយ័ត្នគ្រប់គ្រាន់ក្នុងការព្រមានថា “ព្យុះនឹងមកដល់”។ហើយការទៅលេង Emirates ដើម្បីប្រកួតជាមួយអាសេណលក៏បានមកដល់។ នៅចុងវគ្គទីពីរ អាសេណល់កំពុងឈានទៅរកជ័យជម្នះដ៏ងាយស្រួលមួយដោយស៊ុតចូល ២-០ ហើយភ្លៀងក៏ចាប់ផ្តើមធ្លាក់យ៉ាងខ្លាំង។ វាមិនមែនជាព្យុះដែល […]

ដោយ៖ គង់ហេង កំពង់ចាម៖ ដើម្បីចូលរួមអបអរសាទរទិវាជនមានពិការភាពកម្ពុជាលើកទី២៦ និងទិវាជនមានពិការភាពអន្តរជាតិលើកទី៤២ សម្តេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិបាលបានផ្តល់អនុសាសន៍ចំនួន ១១ ចំណុច។ នេះបើតាមប្រសាសន៍សំណេះសំណាលរបស់ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានកិត្តិយសក្រុមប្រឹក្សាសកម្មភាពជនពិការខេត្ត ក្នុងឱកាសទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២ ដែលបានរៀបចំឡើងនៅក្នុងសាលាខេត្តនេះ មានអ្នកពាក់ព័ន្ធចូលប្រមាណជាង ៣០០ នាក់នៅព្រឹកថ្ងៃទី ៤ ធ្នូនេះ។ អនុសាសន៍របស់សម្តេចប្រមុខរាជរដ្ឋាភិបាលទាំង ១១ ចំណុចរួមមានៈ ទី១- ក្រុមប្រឹក្សាសកម្មភាពជនពិការខេត្ត ត្រូវបន្តជំរុញការអនុវត្តផែនការយុទ្ធសាស្ត្រជាតិ ស្តីពីពិការភាព២០២៤-២០២៨ ច្បាប់ស្តីពីកិច្ចការពារនិងលើកកម្ពស់សិទ្ធិជនពិការ អនុសញ្ញាស្តីពី សិទ្ធិជនពិការ គោលនយោបាយជាតិ និងអន្តរជាតិនានា ដើម្បីជាឧត្តមប្រយោជន៍ សុខុមាលភាព ដល់បងប្អូនមានពិការភាព គ្រប់ប្រភេទ និងគ្រប់កម្រិត។ ទី២-គ្រប់មន្ទីរ អង្គភាព ព្រមទាំងអាជ្ញាធរមានសមត្ថកិច្ចគ្រប់លំដាប់ថ្នាក់ ត្រូវយករាល់ លិខិតបទដ្ឋានគតិយុត្តជាតិ និងអន្តរជាតិពាក់ព័ន្ធនឹងវិស័យពិការភាព ទៅអនុវត្តប្រកបដោយ ប្រសិទ្ធភាព និងស័ក្តិសិទ្ធភាព។ ទី៣-មន្ទីរ អង្គភាព រដ្ឋបាលក្រុង ស្រុក […]

ដោយ៖ បន្ទាយ ឧត្តរមានជ័យ៖ ការបោះជំរំយុវជនកាកបាទក្រហមកម្ពុជា ក្រោមប្រធានបទ៖ «រួមគ្នាស្ម័គ្រចិត្ត ដើម្បីភាពធន់សហគមន៍ក្នុងសន្តិភាព» ចាប់ពីថ្ងៃទី២៩ ខែវិច្ឆិកា ដល់ថ្ងៃទី៣ ខែធ្នូ ឆ្នាំ២០២៤ ដែលជាការរៀបចំឡើងជាលើកទី១ និងស្របតាមអនុសាសន៍ដ៏ខ្ពង់ខ្ពស់របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បន្ទាប់ពីការប្រារព្ធមហាសន្និបាតកាកបាទក្រហមកម្ពុជា អាណត្តិទី៧ និងយោងទៅតាមសេចក្តីសម្រេចរបស់ថ្នាក់ដឹកនាំ របស់សមាគមជាតិកាកបាទក្រហម និងអឌ្ឍចន្ទក្រហម ភូមិភាគអាស៊ី-អាគ្នេយ៍ ប្រចាំឆ្នាំ។ ក្នុងឱកាសបិទ នារាត្រីថ្ងៃទី០៣ខែធ្នូ ឆ្នាំ២០២៤ លោកពិតជាមោទនភាពក្រៃលែង ដែលមន្ដ្រីបច្ចេកទេសទីស្នាក់ការកណ្ដាល និងសាខាកាកបាទក្រហមកម្ពុជា ខេត្តឧត្តរមានជ័យ បានសហការរៀបចំគ្រប់គ្រង និងសម្របសម្រួលដំណើរការជំរំយុវជន បានប្រកបដោយលទ្ធផលជាផ្លែផ្កាល្អប្រសើរ និងជោគជ័យគួរជាទីមោទនៈ នៅក្នុងទីក្រុងសំរោង និងតាមបណ្តាស្រុកមួយចំនួន ក្នុងរយៈពេល ៤ថ្ងៃ កន្លងមកនេះ។ លោកមានចាន់ យ៉ាដា អភិបាលខេត្តឧត្តរមានជ័យនិងជាប្រធានសសយកខេត្តបានសូមជូននូវអនុសាសន៍ផ្ដាំផ្ញើរបស់សម្ដេចកិត្ដិ្ដព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដល់យុវជន និងមន្ត្រីពាក់ព័ន្ធទាំងអស់នូវខ្លឹមសារមួយចំនួន ដូចខាងក្រោម៖ ១-  សូមយកចិត្តទុកដាក់ ពង្រឹងវប្បធម៌ចែករំលែក សកម្មភាព មិត្ត-អប់-រំមិត្ត, […]

ប្រែសម្រួល៖ ស-សម្បត្តិ យោងតាមរបាយការណ៍ លោក ដូណាល់ ត្រាំ កំពុងពិចារណាធ្វើការផ្លាស់ប្តូរនាទីចុងក្រោយ ដោយដកបេក្ខជនរដ្ឋមន្ត្រីការពារជាតិដ៏ចម្រូងចម្រាស លោក ភីត ហេកសេត ហើយជំនួសដោយអតីតមិត្តក្លាយជាគូប្រជែង លោក រ៉ន ដឺសាន់ទីស។ ការជ្រើសរើសអតីតពិធីករទូរទស្សន៍ហ្វកស៍ញូស លោក ហេកសេត ឱ្យដឹកនាំក្រសួងការពារជាតិ កំពុងជួបការលំបាកក្នុងការទទួលបានការអនុម័ត បន្ទាប់ពីការចោទប្រកាន់ពីអតីតកាលអំពីការប្រព្រឹត្តខុសឆ្គងផ្លូវភេទ និងការផឹកស្រាហួសហេតុត្រូវបានលេចឡើងវិញ។ ឥឡូវនេះ កាសែត Wall Street Journal បានដកស្រង់សម្តីមនុស្សជាច្រើនដែលនៅជិតក្រុមលោកត្រាំថា លោក ដឺសាន់ទីស ដែលធ្លាប់ប្រកួតប្រជែងជាមួយលោកត្រាំក្នុងការបោះឆ្នោតជ្រើសរើសបេក្ខជនគណបក្សសាធារណរដ្ឋមុននឹងដកខ្លួនចេញ គឺជាជម្រើសជំនួសលោក ហេកសេត ក្នុងគណៈរដ្ឋមន្ត្រី។ យោងតាមអ្នកស្និទ្ធម្នាក់ សំណើនេះត្រូវបានផ្ញើទៅលោក ដឺសាន់ទីស នាប៉ុន្មានថ្ងៃថ្មីៗនេះ។ លោក ដឺសាន់ទីស ជាអតីតយោធានាវាចរ ដែលមានគុណសម្បត្តិអភិរក្សនិយមដូចលោក ហេកសេត ដែរ ខណៈជាមន្ត្រីជាប់ឆ្នោតសាធារណរដ្ឋដ៏ពេញនិយមម្នាក់ និងស្ទើរតែគ្មានរឿងអាស្រូវក្នុងអំឡុងពេលពីរអាណត្តិនៃការដឹកនាំរដ្ឋហ្វ្លូរីដា។ អភិបាលរដ្ឋរូបនេះ ដែលស្ថិតក្នុងបញ្ជីដើមដែលលោក ហេកសេត ត្រូវបានជ្រើសរើស ក៏ទំនងជាមានគុណតម្លៃស្រដៀងគ្នានឹងលោក ហេកសេត ដែរ ដែលបានអំពាវនាវឱ្យលុបបំបាត់គោលនយោបាយដែលហៅថា ‘វ៉ូក’ […]

ប្រែសម្រួល៖ រតនា នាយករដ្ឋមន្ត្រីកូរ៉េខាងត្បូង មេដឹកនាំគណបក្សកាន់អំណាច និងទីប្រឹក្សាការិយាល័យប្រធានាធិបតី ត្រូវបានគ្រោងធ្វើការប្រជុំបន្ទាន់នៅម៉ោង២រសៀល នៅថ្ងៃពុធ នេះបើយោងតាមទីភ្នាក់ងារព័ត៌មាន Yonhap។ ការប្រជុំនេះធ្វើឡើងបន្ទាប់ពីការដកចេញវិញនូវបទបញ្ជាច្បាប់អាជ្ញាសឹករបស់ប្រធានាធិបតី យូន សុកយូល ដែលបានអនុវត្តក្នុងរយៈពេលខ្លី កាលពីយប់មិញ ដែលបានធ្វើឲ្យប្រទេសធ្លាក់ក្នុងភាពច្របូកច្របល់ ខណៈការទាមទារឲ្យមេដឹកនាំរូបនេះលាលែងពីតំណែងកំពុងកើនឡើង។ មិនមានភាពច្បាស់លាស់ថាតើលោក យូន នឹងចូលរួមប្រជុំនេះដែរឬទេ។ លោក យូន សុកយុល បានប្រឈមនឹងការរិះគន់ពីគ្រប់ជ្រុងនៃវិស័យនយោបាយ រួមទាំងពីគណបក្សប្រជាជនមានអំណាចរបស់លោកផ្ទាល់ ដែលបាននិយាយថាកំពុងពិចារណាទាមទារឲ្យគណៈរដ្ឋមន្ត្រីទាំងមូលលាលែង និងបណ្តេញរដ្ឋមន្ត្រីការពារជាតិ គីម យ៉ុងហ៊្យូន នេះបើយោងតាម Yonhap។ គណបក្សនេះក៏កំពុងពិភាក្សាថាតើគួរទាមទារឲ្យលោក យូន សុកយុល លាលែងពីតំណែងដែរឬទេ បើយោងតាមប្រភពដដែលនេះ៕

ដោយ ៖បន្ទាយ ភ្នំពេញ៖ បន្ទាប់ពីអាវុធហត្ថរាជធានីភ្នំពេញបានបើកយុទ្ធនាការក្តៅ បង្ក្រាបក្រុមក្មេងទំនើងកាលពីថ្ងៃទី២១ ខែមិថុនាឆ្នាំ២០២៤ ជាបន្តបន្ទាប់មក មានក្មេងទំនើងជាច្រើនរយនាក់ត្រូវបានបង្ក្រាប ក្រោមវិធានការអប់រំ ដាក់វិន័យរដ្ឋបាល និងបញ្ជូនទៅតុលាការរហូតទទួលបានការគាំទ្រនិងសាទរពីមហាជនប្រជាពលរដ្ឋ។ មន្ត្រីអាវុធហត្ថរាជធានីភ្នំពេញបានឲ្យដឹងកាលពីថ្ងៃទី៣ខែធ្នូឆ្នាំ២០២៤ថា : ក្រោយការស្ងប់ស្ងាត់មួយរយៈ កម្លាំងអាវុធហត្ថរាជធានីភ្នំពេញ ប្រមាណ ២០០នាក់ បានបើកយុទ្ធនាការចុះបង្ក្រាបក្មេងទំនើងទ្រង់ទ្រាយធំជាលើកទី២ទៀតហើយ បន្ទាប់ពីបានឃាត់ខ្លួនក្មេងទំនើងវាយគ្នាទៅវិញទៅមកចំនួន ៥នាក់និងបញ្ជូនទៅតុលាការ កាលពីថ្ងៃទី២៥ ខែវិច្ឆិកា ដើម្បីផ្តន្ទាទោសដាក់ពន្ធនាគារ និងឃាត់ក្មេងទំនើងបង្ហោះម៉ូតូ៥នាក់ផ្សេងទៀតនៅយប់ថ្ងៃទី៣០ ខែវិច្ឆិកា ឈានចូលថ្ងៃទី០១ខែធ្នូ ឆ្នាំ២០២៤ យកមកធ្វើការអប់រំ ដាក់វិន័យរដ្ឋបាល ព្រមទាំងដកហូតម៉ូតូ ០៣គ្រឿង រក្សាទុក៣ខែ តែក្នុងនេះមានម៉ូតូ០១គ្រឿងនឹងត្រូវរក្សាទុករហូតដល់០៦ខែ ព្រោះធ្លាប់ត្រូវបានអាវុធហត្ថភ្នំពេញឃាត់រក្សាទុក០៣ខែម្តងរួចមកហើយ ។ ក្រៅពីនេះអាវុធហត្ថរាជធានីភ្នំពេញក៏បានធ្វើការអប់រំនៅនឹងកន្លែងចំពោះក្មេងៗប្រមាណ៧០នាក់តាមគោលដៅផ្សេងៗ ដែលបានប្រមូលផ្តុំគ្នាកណ្តាលអធ្រាត្រមិនចូលផ្ទះ ផឹកស្រា ជក់វែបនៅទីសាធារណៈយ៉ាងអនាធិបតេយ្យ។ សូមរម្លឹកផងដែរថា កន្លងមកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បទបញ្ជាដ៏ម៉ឺងម៉ាត់ ពាក់ព័ន្ធនឹងក្មេងទំនើង ដោយត្រូវអនុវត្តគ្រប់វិធានការឲ្យបានតឹងរ៉ឹងបំផុត ទាំងវិធានការរដ្ឋបាលនិងវិធានការច្បាប់ ។ ដោយឡែកចំពោះក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សាទុករយៈពេលបីខែចំពោះការប្រព្រឹត្តលើកទីមួយ និងប្រាំមួយខែប្រសិនបើមិនរាងចាលនៅតែប្រព្រឹត្តលើកទីពីរបន្តទៀត៕

រូបភាពដ៏គួរឱ្យទាក់ទាញនេះ ត្រូវបានថតដោយកាមេរ៉ាស្វ័យប្រវត្តិរបស់ក្រុមស្រាវជ្រាវរបស់យើង ដែលបង្ហាញពីលក្ខខណៈមួយចំនួនដែលសត្វក្តាន់ស្រដៀងនឹងមនុស្សយើង – សត្វក្តាន់ គឺចូលចិត្តការជួបជុំ ឬរស់នៅជាក្រុមជាមួយគ្នា! យើងអាចសាកស្រមៃអំពីដំណើរដែលសត្វក្តាន់ទាំងពីរនេះកំពុងរស់នៅយ៉ាងរីករាយនៅលើវាលស្មៅដ៏ស្រស់ស្អាតនៃព្រៃលិចទឹកទន្លេមេគង្គ តើអ្នកយល់យ៉ាងណាដែរ។ ស្រមៃថា ប្រសិនបើអ្នកជាសត្វក្តាន់ តើអ្នកនឹងដើរលេងក្នុងព្រៃជាមួយសត្វព្រៃណាខ្លះ? ចែករំលែកការបង្ហោះនេះ ដើម្បីជាការចែករំលែកនូវចំណេះដឹងដ៏មានសារៈសំខាន់នេះ! អត្ថបទ៖WWF-កម្ពុជា

ដោយ : បន្ទាយ បន្ទាយមានជ័យ ÷នគរបាលការិយាល័យប្រឆាំងគ្រឿងញៀននៃស្នងការដ្ឋានខេត្តបន្ទាយមានជ័យបានឲ្យដឹងថ្ងៃទី០៣ខែធ្នូឆ្នាំ២០២៤ ថា ករណីសមត្ថកិច្ចនគរបាលក្រុងប៉ោយប៉ែត បង្ក្រាបករណីគ្រឿងញៀននិងឃាត់ខ្លួនជនសង្ស័យ ព្រមទាំងជនរងគ្រោះសេពគ្រឿងញៀនជនជាតិថៃចំនួន១០នាក់កន្លងមកនោះ។ការិយាល័យបានញែកនិងកសាងសំណុំរឿងបញ្ជូនខ្លះទៅតុលាការនិងខ្លះទៀតជាអ្នកសេពគ្រឿងញៀន ត្រូវបញ្ជូនទៅមណ្ឌលអប់រំ ដើម្បីបន្សាបសារធាតុញៀន។ នគរបាលក្រុងប៉ោយប៉ែតបានឱ្យដឹងថា : ដោយគោរពតាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ទោសិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែតកាលពីថ្ងៃទី៣០ ខែវិច្ឆិកា ឆ្នាំ២០២៤ វេលាម៉ោង១៩ បានដឹកនាំកម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែត សហការជាមួយកម្លាំងប៉ុស្តិ៍នគរបាលរដ្ឋបាលអូរជ្រៅ បានចុះល្បាតនៅក្នុងភូមិសាស្រ្តដល់ចំណុចអគារថ្មីស្ថិតនៅភូមិអូរជ្រៅ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ កម្លាំងសមត្ថកិច្ចបានឃាត់ខ្លួនមុខសញ្ញាជនសង្ស័យជួញដូរម្នាក់ ១-ឈ្មោះចាក់គីត អ៊ុនដេ ភេទប្រុស អាយុ៤១ឆ្នាំ ជនជាតិថៃ ស្នាក់នៅភូមិបាលិលេយ្យ២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ និងរិបអូសបានសម្ភារ និងវត្ថុតាង .១.ថ្នាំគ្រាប់ពណ៌ក្រហមមានអក្សរ(WY)ពីលើចំនួន០៣គ្រាប់។២.លិខិតឆ្លងដែនមួយក្បាល។ ៣.អត្តសញ្ញាណសញ្ជាតិថៃមួយ។ បន្ទាប់មក នៅយប់នៃថ្ងៃដដែល ជននេះសហការនឹងកម្លាំង សមត្ថកិច្ចជំនាញឈានទៅឃាត់ខ្លួនជនសង្ស័យ ជួញដូរ ចែកចាយនិងប្រើប្រាស់បំពានសារធាតុញៀនចំនួន៩នាក់ទៀត ជាជនជាតិថៃ នៅម្តុំបុរីសុខស្រេង(ហែលទឹក) ភូមិបាលិលេយ្យ២ សង្កាត់អូរជ្រៅ ក្រុងប៉ោយប៉ែត […]

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាមបានស្នើឱ្យគណៈកម្មការ អនុគណៈកម្មលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ ពិនិត្យទាំងអាជីវកម្ម សេវាកម្មឯកជន និងទាំងការប្រើប្រាស់ឱសថ(ថ្នាំពេទ្យ)សរុបទាំងជាង១.០០០ ទីតាំងក្នុងខេត្តមួយនេះពោល គឺដើម្បីកាត់បន្ថយភាពក្រីក្ររបស់ប្រជាពលរដ្ឋ។ ឯកឧត្តមអភិបាលខេត្តកំពង់ចាមបានមានប្រសាសន៍ថា៖ យើងត្រូវអនុវត្តឱ្យបានហ្មត់ចត់តាមគោលការណ៍ណែនាំរបស់ប្រមុខរដ្ឋភិបាល ដោយធ្វើរួមតែម្តង។ ព្រោះថាកន្លងមកមានឱសថក្លែងក្លាយភាគច្រើននៅបង្កប់ជាមួយនឹងអាហារបំប៉ន មានឱសថហាមឃាត់ ឱសថក្លែងក្លាយ ដោយដាក់លាយឡំគ្នាបន្លំ។ រូបភាពមួយទៀតតាមរយៈគ្រូពេទ្យស្ម័គ្រចិត្តតាមសមាគម ដើម្បីសាកល្បង។ ឯកឧត្តមបានបន្ថែមថា៖ ក្នុងនាមគណៈកម្ម អនុគណៈកម្មការលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ត្រូវមើល នៅពេលដែលមានអង្គការដៃគូ សប្បុរសជនណាមកសុំព្យាបាលជំងឺត្រូវសាកសួរឱ្យបានច្បាស់លាស់ពីប្រវត្តិឱសថ ជួនជាឱសថយកមកសាកល្បង ដែលបណ្តាលឱ្យប៉ះពាល់សុខភាពប្រជាពលរដ្ឋ ពិសេសដែលធ្វើឱ្យកុមារក្រោមអាយុ ១២ ឆ្នាំមានជំងឺទឹកនោមផ្អែម ជាដើម ហើយដាក់បន្ទុកថា ក្មេងនោះទទួលទានចំណីអាហារផ្អែម សាលារៀនបើកឱ្យមានការលក់ដូរ នំណីអាហារមានសារជាតិផ្អែម ម្តាយមិនបំបៅដោះកូនដោយទឹកដោះខ្លួនឯង ជាដើមនោះ។ ឯកឧត្តមបានបន្តថា៖ ដោយពិនិត្យមើលតាមរយៈការព្យាបាលជំងឺ តាមសមាគម តាមអង្គការ តាមសប្បុរសជនណាក៏ដោយពាក់ព័ន្ធនឹងលក្ខន្តិកៈ នៃការប្រើប្រាស់ថ្នាំ ហើយត្រូវតែធានាថា ថ្នាំនោះជាថ្នាំដែលទទួលស្គាល់ដោយក្រសួងសុខាភិបាល និងមានការអនុញ្ញាតត្រឹមត្រូវ ដោយស្ថិតក្នុងសុពលភាព នៃការប្រើប្រាស់។ ការចុះពិនិត្យនេះទៀតសោតត្រូវមើល ទាំងអាជីវកម្មសេវាកម្មឯកជនផង និងទាំងការប្រើប្រាស់ឱសថ(ថ្នាំពេទ្យ) […]