ភ្នំពេញ ៖ ចាប់តាំងពីដើមឆ្នាំ២០២៤ នៃរដូវកាលថ្មី ក្រុមហ៊ុនភេសជ្ជៈប៉ូវកម្លាំង ខារ៉ាបាវ បានរកឃើញអតិថិជនដែលមានសំណាងឈ្នះរង្វាន់យ៉ាងសន្ធឹកសន្ធាប់ ជាពិសេសអ្នកឈ្នះរង្វាន់ធំនូវទឹកប្រាក់១២៥លានរៀល ដោយបានចុះប្រគល់ដល់លំនៅដ្ឋានស្ទើរគ្រប់សប្ដាហ៍។ ជាក់ស្ដែងបន្ទាប់ពីប្រគល់ទឹកប្រាក់១២៥លានរៀលដល់អ្នកមានសំណាងដែលរស់នៅក្រុងកំពត ខេត្តកំពត កាលពីសប្ដាហ៍មុន នៅក្នុងសប្ដាហ៍នេះ ក្រុមហ៊ុនបានបន្តប្រគល់រង្វាន់ធំ ១២៥លានរៀល ដល់អ្នកមានសំណាងបន្ទាប់ ដែលជាអ្នករស់នៅសង្កាត់ចោមចៅ២ ខណ្ឌពោធ៍សែនជ័យ រាជធានីភ្នំពេញ ។ សម្រាប់អ្នកមានសំណាងបានឈ្នះរង្វាន់ធំនូវទឹកប្រាក់ចំនួន ១២៥លានរៀលពីភេសជ្ជៈប៉ូវកម្លាំង ខារ៉ាបាវ នៅក្នុងសប្ដាហ៍នេះមានឈ្មោះ រិទ្ធ មុល្លិកា ភេទស្រី អាយុ៤៤ឆ្នាំ បម្រើការងារនៅក្នុងក្រុមហ៊ុន យូនីស៊ីធី ដែលមានទីស្នាក់ការនៅក្នុងតំបន់បឹងកក់ ខណ្ឌទួលគោក រាជធានីភ្នំពេញ។ នៅចំពោះមុខក្រុមការងារតំណាងក្រុមហ៊ុនដែលនាំយកប្រាក់រង្វាន់ប្រគល់ដល់លំនៅដ្ឋាន អ្នកស្រី រិទ្ធ មុល្លិកា បានរៀបរាប់ឱ្យដឹងថា ជារៀងរាល់ថ្ងៃក្រោយពេលធ្វើការហត់ ហើយអស់កម្លាំង អ្នកស្រីតែងទទួលទានភេសជ្ជៈខារ៉ាបាវជាប្រចាំ ជាពិសេសស្វាមីរបស់អ្នកស្រីដែលជាអ្នកចិញ្ចឹមសត្វក្របីដែលប្រឈមនឹងការស្រេកទឹក និងអស់កម្លាំង។ ដោយឡែក កាលពីសប្ដាហ៍កន្លងទៅនេះ ក្រោយពេលកៀងហ្វូងសត្វក្របីអស់កម្លាំង ស្វាមីរបស់អ្នកស្រីបានទិញភេសជ្ជៈប៉ូវកម្លាំងខារ៉ាបាវមួយកំប៉ុង នៅម្តុំវត្ត ក្រាំងធ្នង់ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ទទួលទាន។ លុះពេលគាស់ក៏ឃើញមានរង្វាន់១២៥លានរៀលតែម្ដង ហើយស្រែកប្រាប់អ្នកនៅជិតខាង […]

ប្រែសម្រួល៖ ស-សម្បត្តិ នាយឧត្តមសេនីយ៍ Igor Kirillov ដែលជាប្រធានកងកម្លាំងការពារវិទ្យុសកម្ម ជីវសាស្ត្រ និងគីមីរបស់រុស្ស៊ី ត្រូវបានសម្លាប់ដោយគ្រាប់បែកដែលត្រូវបានដាក់នៅក្នុងកង់អគ្គិសនី នៅខាងក្រៅអគារផ្ទះល្វែងមួយ ដែលស្ថិតនៅចម្ងាយប្រមាណ ៧ គីឡូម៉ែត្រ ភាគអាគ្នេយ៍នៃវិមានក្រឹមឡាំង។ នេះបើយោងតាមគណៈកម្មការស៊ើបអង្កេតរបស់រុស្ស៊ី។ ការផ្ទុះនេះកើតឡើងមួយថ្ងៃក្រោយពីព្រះរាជអាជ្ញាអ៊ុយក្រែនបានកាត់ទោសលោក Kirillov ដោយកំបាំងមុខ ចំពោះការប្រើប្រាស់អាវុធគីមីហាមឃាត់របស់រុស្ស៊ីក្នុងអំឡុងពេលនៃការឈ្លានពាន។ ប្រភពមួយដែលបានដឹងអំពីប្រតិបត្តិការនេះបានប្រាប់ CNN ថា សេវាសន្តិសុខអ៊ុយក្រែន (SBU) នៅពីក្រោយការវាយប្រហារនេះ។ “លោក Kirillov គឺជាឧក្រិដ្ឋជនសង្គ្រាម និងជាគោលដៅស្របច្បាប់ដោយសារគាត់បានចេញបញ្ជាឱ្យប្រើប្រាស់សារធាតុគីមីហាមឃាត់ប្រឆាំងនឹងកងទ័ពអ៊ុយក្រែន” ប្រភពនោះបានប្រាប់ CNN។ “ទីបញ្ចប់ដ៏អាម៉ាស់បែបនេះនឹងកើតមានចំពោះអ្នកទាំងអស់ដែលសម្លាប់ប្រជាជនអ៊ុយក្រែន។ ការសងសឹកចំពោះឧក្រិដ្ឋកម្មសង្គ្រាមគឺមិនអាចជៀសផុតឡើយ។” លោក Kirillov ដែលមានអាយុ ៥៤ ឆ្នាំ គឺជាមន្ត្រីយោធាជាន់ខ្ពស់បំផុតដែលត្រូវបានគេដឹងថាត្រូវបានសម្លាប់ចាប់តាំងពីរុស្ស៊ីបានចាប់ផ្តើមការឈ្លានពានទ្រង់ទ្រាយធំលើអ៊ុយក្រែនក្នុងខែកុម្ភៈ ឆ្នាំ២០២២។ ជំនួយការរបស់គាត់ដែលប្រព័ន្ធផ្សព្វផ្សាយរុស្ស៊ីបានឱ្យឈ្មោះថា Ilya Polikarpov ក៏ត្រូវបានសម្លាប់ក្នុងការផ្ទុះនៅផ្លូវ Ryazansky ដែរ។ វីដេអូមួយដែល CNN ទទួលបានពីប្រភពដែលបានដឹងអំពីប្រតិបត្តិការនេះ បានបង្ហាញពីនាទីមុនពេលបុរសទាំងពីរត្រូវបានសម្លាប់ក្នុងការផ្ទុះ។ គេអាចមើលឃើញរូបរាងដែលទំនងជាកង់អគ្គិសនីនៅខាងស្តាំនៃទ្វារអគារលំនៅដ្ឋាន។ នៅពេលដែលបុរសទាំងពីរដើរចេញមកក្រៅ និងឆ្ពោះទៅកាន់រថយន្ត គ្រាប់បែកបានផ្ទុះ ហើយអេក្រង់បានភ្លឺជាពណ៌ស។ […]

ប្រែសម្រួល៖ ស-សម្បត្តិ តូក្យូ៖ រ៉ុក្កែតអវកាសដែលផលិតដោយក្រុមហ៊ុនបង្កើតថ្មីរបស់ជប៉ុនបានហោះហើរនៅថ្ងៃពុធ (ថ្ងៃទី១៨ ខែធ្នូ) ប៉ុន្តែក្រោយមកត្រូវបានគេឃើញវិលចុះក្រោមនៅចម្ងាយឆ្ងាយ ខណៈដែលក្រុមហ៊ុនបានប្រកាសថាការប៉ុនប៉ងបញ្ចេញរ៉ុក្កែតនេះបានបរាជ័យ។ នេះគឺជាការប៉ុនប៉ងលើកទីពីររបស់ក្រុមហ៊ុន Space One ក្នុងការក្លាយជាក្រុមហ៊ុនឯកជនដំបូងគេរបស់ប្រទេសដែលអាចដាក់ផ្កាយរណបចូលគន្លង បន្ទាប់ពីការប៉ុនប៉ងលើកទីមួយកាលពីខែមីនាបានបញ្ចប់ដោយការផ្ទុះនៅលើអាកាស។ លើកនេះ រ៉ុក្កែត Kairos ដែលប្រើប្រេងឥន្ធនៈរឹងរបស់ក្រុមហ៊ុន បានដឹកជញ្ជូនផ្កាយរណបចំនួនប្រាំ រួមទាំងផ្កាយរណបមួយរបស់ទីភ្នាក់ងារអវកាសតៃវ៉ាន់ និងផ្កាយរណបផ្សេងទៀតដែលរចនាឡើងដោយនិស្សិត និងសហគ្រាសពាណិជ្ជកម្មជប៉ុន។ ទស្សនិកជនដែលប្រមូលផ្តុំគ្នានៅក្បែរវេទិកាបញ្ចេញរ៉ុក្កែត Spaceport Kii របស់ក្រុមហ៊ុន នៅតំបន់វ៉ាកាយ៉ាម៉ាភាគខាងលិចប្រទេសជប៉ុន បានសម្តែងការខកចិត្តរបស់ពួកគេទៅកាន់កាមេរ៉ាទូរទស្សន៍។ “ខ្ញុំភ្ញាក់ផ្អើលណាស់” ស្ត្រីម្នាក់បាននិយាយបន្ទាប់ពីក្រុមហ៊ុនបានប្រកាសអំពីការបរាជ័យ។ “ខ្ញុំបានសង្ឃឹមថាវានឹងចូលទៅក្នុងគន្លង។” របាយការណ៍ព័ត៌មានបានបង្ហាញពីរ៉ុក្កែតពណ៌សស្តើងកម្ពស់ ១៨ ម៉ែត្រ ហោះហើរឡើងទៅលើមេឃ។ លើកនេះមិនមានការផ្ទុះដ៏អស្ចារ្យទេ – មិនដូចកាលពីខែមីនា ពេលដែលរ៉ុក្កែតដែលដឹកផ្កាយរណបសាកល្បងខ្នាតតូចរបស់រដ្ឋាភិបាល ត្រូវបានបញ្ជាឱ្យបំផ្លាញខ្លួនឯងដោយសារបញ្ហាបច្ចេកទេស ក្រោយពេលបញ្ចេញបានប៉ុន្មានវិនាទី។ ក្រុមហ៊ុន Space One បាននិយាយថា ខ្លួននឹងធ្វើសន្និសីទសារព័ត៌មាននៅរសៀលថ្ងៃពុធដើម្បីពិភាក្សាអំពីការបរាជ័យចុងក្រោយរបស់ខ្លួន។ “រ៉ុក្កែត Kairos ត្រូវបានបញ្ចេញ… ប៉ុន្តែរ៉ុក្កែតបានបញ្ឈប់ការហោះហើររបស់ខ្លួន បន្ទាប់ពីវាយតម្លៃថាការសម្រេចបេសកកម្មរបស់ខ្លួននឹងមានការលំបាក” ក្រុមហ៊ុនបានថ្លែងក្នុងសេចក្តីថ្លែងការណ៍មួយ ដោយបន្ថែមថា ព័ត៌មានលម្អិតកំពុងស្ថិតក្រោមការស៊ើបអង្កេត។ Space One […]

ដោយ៖កំចាយ កំពត÷អភិបាលខេត្តកំពតបានក្រើនរម្លឹកថារាល់ការភិវឌ្ឍន៍របស់សង្គមជាតិត្រូវការចាំបាច់នូវកិច្ចចូលរួមចំណែកពីប្រជាពលរដ្ឋមូលដ្ឋាន។ ការបរិច្ចាគធនធានផ្ទាល់ខ្លួនក្នុងការកសាងហេដ្ឋារចនាសម្ព័ន្ធទោះតិចក្តីច្រើនក្តីជាកត្តាសំខាន់ក្នុងការបង្កើនសេដ្ឋកិច្ចគ្រួសារ និងប្រទេសជាតិ។ កាលពីថ្ងៃទី១៧ ខែធ្នូ ឆ្នាំ២០២៤ លោក ម៉ៅ ធនិន អភិបាលខេត្តកំពតបានចុះពិនិត្យផលប៉ះពាល់ចំពោះប្រជាពលរដ្ឋសម្រាប់គម្រោងស្ថាបនា និងពង្រីកផ្លូវនៅឃុំល្បើក ស្រុកឈូក។ នៅចំពោះមុខប្រជាពលរដ្ឋ លោកអភិបាលខេត្តបានមានប្រសាសន៍ថា ការចូលរួមបរិច្ចាគធនធានបន្តិចបន្តួចដែលរងផលប៉ះពាល់ពីការពង្រីកផ្លូវដើម្បីប្រយោជន៍រួមជាចំណែកសំខាន់ក្នុងកិច្ចអភិវឌ្ឍន៍មូលដ្ឋាន និងសង្គមជាតិ។ ពេលក្នុងភូមិឃុំមានផ្លូវធំទូលាយល្អ នោះមូលដ្ឋាននឹងមានការអភិវឌ្ឍន៍ជឿនលឿន ហើយរីកចម្រើនឆាប់រហ័ស។ លោក ម៉ៅ ធនិន បានបន្តថា ក្រោយពីប្រទេសជាតិមានសុខសន្តិភាពពេញលេញ រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន និងបន្តដល់សម្តេចធិបតី ហ៊ុន ម៉ាណែត គ្រប់មូលដ្ឋានតែងទទួលបាននូវការអភិវឌ្ឍន៍លើគ្រប់វិស័យ ពិសេសហេដ្ឋារចនាសម្ព័ន្ធ ព្រោះកត្តាផ្លូវថ្នល់ជាសរសៃឈាមសេដ្ឋកិច្ចសម្រាប់តំបន់នីមួយៗ។ លោកអភិបាលខេត្តបានអំពាវនាវថា ក្រុមហ៊ុនស្ថាបនាផ្លូវត្រូវពិនិត្យលទ្ធភាពក្នុងការដោះស្រាយសំណងផ្សេងៗជូនពលរដ្ឋដែលរងផលប៉ះពាល់ឲ្យបានសមរម្យ។ ម្យ៉ាងទៀត ពេលកំពុងស្ថាបនា ក្រុមហ៊ុនចាំបាច់ត្រូវតែស្រោចទឹកឲ្យបានញឹកញយដើម្បីបញ្ចៀសការហុយដីដែលបង្កផលប៉ះពាល់ដល់សុខភាពពលរដ្ឋ។ ដោយឡែក មេភូមិ មេឃុំ អភិបាលស្រុក ពិសេសមេប៉ុស្តិ៍មូលដ្ឋាន និងអធិការស្រុកត្រូវគិតគូរសុខទុក្ខ និងបម្រើប្រជាពលរដ្ឋឲ្យបានល្អប្រសើរបំផុត៕

ដោយ : បន្ទាយ បន្ទាយមានជ័យ ៖ មកទល់ពាក់កណ្តាលខែធ្នូឆ្នាំ២០២៤ នេះផ្ទុះសាជាថ្មីដីជើងភ្នំ ភ្នំកងវ៉ា នៅភូមិពង្រនិងភូមិកងវ៉ាសង្កាត់កំពង់ស្វាយក្រុងសិរីសោភ័ណខេត្តបន្ទាយមានជ័យ បានផ្ទុះជាថ្មីគឺបាននិងកំពុងរងគ្រោះដោយការហែកដណ្តើមគ្នាវក់វីជាថ្មីពីអ្នកមានលុយ មានអំណាច  , សង់សំណង់រឹងមាំពោលគឺបន្ទាប់ពីអាជ្ញាធរ កងកម្លាំងនិងសមត្ថកិច្ចដឹកនាំដោយលោកអ៊ុំ រាត្រី អភិបាលនិងជាប្រធានគណ:បញ្ជាការកងឯកភាពរដ្ឋបាលខេត្តបន្ទាយមានជ័យឡើងទៅធ្វើការរុះរើរបង សំណង់ ហើយរំដោះដីជាទ្រព្យសម្បត្តិសាធារណ: មករក្សាទុកជារបស់រដ្ឋវិញកាលពីចុងឆ្នាំ២០២២ កន្លងមក ។នេះបើតាមប្រភពព័ត៌មានកាលពីថ្ងៃទី១៧ខែធ្នូឆ្នាំ២០២៤ ។ កាលណោះក្រុមហ៊ុនវាយថ្ម និងសំណង់របស់លោកកូ ណៃ (ភ្នំធំ) ដែលហ៊ុមព័ទ្ធស្ទើរយកដីជើងភ្នំនិងភ្នំមួយផ្នែកធំ ប៉ុន្តែកាលណោះលោកបានអនុវត្តតាមការណែនាំរបស់អាជ្ញាធរមានសមត្ថកិច្ចគឺប្រគល់ដីមួយផ្នែកឲ្យរដ្ឋវិញហើយ។ប៉ុន្តែ មិនទាន់បានប៉ុន្មានផង ឥឡូវត្រូវបានអ្នកមានលុយ មានអំណាច ឈ្លោះគ្នាដណ្ដើមគ្រប់គ្រង និងសាងសង់សំណង់រឹងមាំ ។ ការឈ្លោះគ្នាដណ្តើមដីរដ្ឋនៅជើងភ្នំនិងភ្នំកងវ៉ាពេលនេះគឺ ត្រូវបានលោក តួ ធានទឺ អតីតអភិបាលរងខេត្តបន្ទាយមានជ័យនិងជាអតីតទីប្រឹក្សារបស់អតីតឧបនាយករដ្ឋមន្ត្រី ដែលនរណាក៏ស្គាល់ច្បាស់ក្នុងខេត្តបន្ទាយមានជ័យ ។ លោកបានធ្វើលិខិតស្នើសុំទៅអាជ្ញាធរដែនដីសង្កាត់កំពង់ស្វាយ និងប្រាប់អ្នកសារព័ត៌មានកាលពីថ្ងៃទី១៤ខែធ្នូ ឆ្នាំ២០២៤ កន្លងមកថា : នោះជាដីផ្លូវដែលប្រជាពលរដ្ឋតែធ្វើដំណើរទៅចម្ការនៃជើងភ្នំកងវ៉ា តែត្រូវបានគេធ្វើរបងចាក់ដីកាន់កាប់យ៉ាងរឹងមាំ ហើយត្រូវបានភាគីចាក់ដីម្ខាងទៀតឈ្មោះ គង់ បានប្តឹងប្រឆាំងនឹងលោក ថាលោកបានធ្វើឱ្យខូចខាតដោយចេតនាលើដីរបស់គេ(ឈ្មោះ គង់ )។ ករណីនេះ […]

ដោយ៖សហការី ភ្នំពេញ៖ក្មេងប្រុសពីរនាក់បានលង់ទឹកស្រះស្លាប់ចំណែកម្នាក់ទៀតបានហែលរួចពីគ្រោះថ្នាក់ខណៈពួកគេទាំង៣នាក់នាំបាននាំគ្នាអុំទូកលេងក្នុងស្រះស្រាប់តែទូកនោះបានលិចចុះទៅបាតស្រះ។ ហេតុការណ៍នេះបានកើតឡើងនៅវេលាម៉ោង៦និង៥៥នាទីល្ងាចថ្ងៃទី១៧ខែធ្នូឆ្នាំ២០២៤ ចំណុចវត្តត្រពាំងឈូក ស្ថិតក្នុងភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។ ក្មេងរងគ្រោះទី១ឈ្មោះកែវ សីហា ភេទប្រុស អាយុ១៤ឆ្នាំ បច្ចុប្បន្នរស់នៅផ្ទះជួលភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ មានស្រុកកំណើតនៅភូមិបុរីកម្មករ សង្កាត់ជើងឯក ខណ្ឌដង្កោ រាជធានីភ្នំពេញ។ ក្មេងរងគ្រោះទី២ឈ្មោះទីនីរតនា ហៅក្រៅណុយ ភេទប្រុស អាយុ១៥ឆ្នាំ បច្ចុប្បន្នរស់នៅផ្ទះជួលភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញដូចគ្នា មានស្រុកកំណើតនៅខេត្តកំពង់ធំ។ចំណែកក្មេងប្រុសម្នាក់ទៀតបានហែលរួចក្រោយមានករណីលិចទូកមួយគ្រឿងនៅកណ្តាលស្រះនេះ៕

ដោយ : បន្ទាយ ភ្នំពេញ ៖ ស្ពានអាកាស «មរតកតេជោ» ប្រសព្វរវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន និងមហាវិថីយោធពលខេមរភូមិន្ទ (ផ្លូវ២៧១) ក្នុងខណ្ឌមានជ័យ និងខណ្ឌចំការមន ក្នុងជំហានទី២ បានឈានដល់ការធ្វើពិធីភ្ជាប់ស្ពានហើយនារសៀលថ្ងៃទី១៧ ខែធ្នូ ឆ្នាំ២០២៤ ។ពិធីនេះធ្វើឡើងក្រោមអធិបតីភាពលោក ឃួង ស្រេង អភិបាលរាជធានីភ្នំពេញ និងអ្នកឧកញ៉ាពុង ឃាវសែ ប្រធានក្រុមប្រឹក្សាភិបាល OCIC។ យោងមន្ត្រីគម្រោងបានឲ្យដឹងថា: ស្ពានអាកាស «មរតកតេជោ» ជំហានទី២ គ្រោងបញ្ចប់ការសាងសង់មុនផែនការប្រមាណ៤ខែ ពោលនឹងបញ្ចប់មុនចូលឆ្នាំប្រពៃណីជាតិ ឆ្នាំ២០២៥ (ក្នុងគម្រោងខែសីហា ឆ្នាំ២០២៥)។ សូមរំលឹកថា ស្ពានអាកាស «មរតកតេជោ» ជាន់ទី២ ដំណាក់កាលទី១ ក្រោយមានការសម្រេចដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កាលពីថ្ងៃទី១ ខែមេសា ឆ្នាំ២០២៤កន្លងទៅ រដ្ឋបាលរាជធានីភ្នំពេញ ដាក់ឱ្យប្រើប្រាស់ជាបណ្តោះអាសន្ន ដើម្បីជួយសម្រួលដល់ការធ្វើដំណើររបស់បងប្អូនប្រជាពលរដ្ឋ និងដើម្បីដោះស្រាយការកកស្ទះចរាចរ។ ស្ពានអាកាសថ្មីនេះ ត្រូវបានលោក ឃួង […]

ប្រែសម្រួល៖ រតនា ប៉ុន្មានឆ្នាំកន្លងទៅនេះ ជាពេលវេលាដ៏លំបាកសម្រាប់ភពផែនដី ដោយមានការរាតត្បាតនៃជំងឺរាតត្បាតទូទាំងពិភពលោក និងការវាយប្រហារនៃរលកកម្ដៅនិងគ្រោះមហន្តរាយធម្មជាតិដែលបានបំបែកកំណត់ត្រាជាច្រើន។ យោងតាមអ្នកគាំទ្រគំនិតទំនើបនេះ ព្រឹត្តិការណ៍ទាំងនេះគឺជាឧទាហរណ៍ល្អដែលបង្ហាញថា មនុស្សជាតិត្រូវការស្វែងរកកន្លែងថ្មីមួយដើម្បីរស់នៅ។ ពួកគេនិយាយថា មូលដ្ឋានលើព្រះចន្ទឬភពអង្គារអាចដើរតួជាគោលនយោបាយធានារ៉ាប់រងប្រឆាំងនឹងការផុតពូជដោយសារគ្រោះមហន្តរាយឬការបំផ្លាញខ្លួនឯង។ ប៉ុន្តែមានរឿងជាច្រើនដែលយើងមិនដឹងអំពីសមត្ថភាពរបស់យើងក្នុងការរស់រានមានជីវិតនិងរីកចម្រើននៅក្នុងលំហអវកាស រួមទាំងថាតើយើងអាចបន្តពូជបានដែរឬទេ។ ឥឡូវនេះ មេជីវិតកណ្តុរដែលបានសម្ងួតកក ដែលត្រូវបានរក្សាទុកនៅលើស្ថានីយអវកាសអន្តរជាតិ (ISS) ក្នុងប្រអប់ការពារការំស្មី អាចជួយផ្តល់ការយល់ដឹងកាន់តែប្រសើរអំពីសមត្ថភាពបន្តពូជរបស់ថនិកសត្វនៅក្រៅផែនដី។ នៅពេលគំរូទាំងនេះត្រឡប់មកកាន់ផែនដីវិញនៅឆ្នាំក្រោយ លោកសាស្ត្រាចារ្យ តេរូហិកូ វ៉ាកាយ៉ាម៉ា នៅមជ្ឈមណ្ឌលបច្ចេកវិទ្យាជីវសាស្ត្រកម្រិតខ្ពស់នៃសាកលវិទ្យាល័យយ៉ាម៉ាណាស៊ី នឹងសិក្សាពួកវាដើម្បីកំណត់ពីផលប៉ះពាល់នៃបរិស្ថានអវកាស និងថាតើពួកវាអាចត្រូវបានប្រើដើម្បីបង្កើតកូនដែលមានសុខភាពល្អបានដែរឬទេ។ នៅក្នុងមន្ទីរពិសោធន៍របស់គាត់នៅប្រទេសជប៉ុន លោក វ៉ាកាយ៉ាម៉ា កំពុងអភិវឌ្ឍឧបករណ៍មួយដែលនឹងអនុញ្ញាតឱ្យអវកាសយានិកធ្វើការបង្កកំណើតកណ្តុរក្នុងមន្ទីរពិសោធន៍ (IVF) នៅលើ ISS នាពេលខាងមុខ។ ជាចុងក្រោយ ការពិសោធន៍នេះអាចជួយសង្គ្រោះមនុស្សជាតិ តាមការលើកឡើងរបស់គាត់។ “គោលបំណងរបស់យើងគឺបង្កើតប្រព័ន្ធមួយសម្រាប់ការរក្សាទុកធនធានសេនេទិករបស់ផែនដីដោយសុវត្ថិភាពនិងជាអចិន្ត្រៃយ៍នៅកន្លែងណាមួយក្នុងលំហអវកាស មិនថានៅលើព្រះចន្ទឬកន្លែងផ្សេងទេ ដូច្នេះជីវិតអាចត្រូវបានភ្ញាក់រស់ឡើងវិញ សូម្បីតែពេលផែនដីប្រឈមនឹងការបំផ្លិចបំផ្លាញដ៏មហន្តរាយ។” វាអាចស្ដាប់ទៅដូចជាចេញពីខ្សែភាពយន្តវិទ្យាសាស្ត្រប្រឌិត ប៉ុន្តែលោក វ៉ាកាយ៉ាម៉ា បានជំរុញព្រំដែននៃការសិក្សាអំពីការបន្តពូជរបស់គាត់អស់រយៈពេលយូរមកហើយ។ នៅឆ្នាំ ១៩៩៧ គាត់និងសាស្ត្រាចារ្យម្នាក់ទៀតបានអភិវឌ្ឍវិធីសាស្ត្រថ្មីមួយដែលពួកគេបានប្រើដើម្បីក្លូនកណ្តុរដំបូងបង្អស់នៅលើពិភពលោកពីកោសិកាពេញវ័យ។ គាត់បានដឹកនាំការសិក្សាអំពីការអភិវឌ្ឍអំប្រ៊ីយ៉ុងកណ្តុរនៅក្នុងលំហអវកាស ដែលពីមុនត្រូវបានធ្វើតែជាមួយសត្វដូចជាសត្វបណ្ដែតទឹកនិងត្រីប៉ុណ្ណោះ។ គាត់និងក្រុមរបស់គាត់បានធ្វើឱ្យមានការចាប់ផ្តើមវិធីសាស្ត្រសម្ងួតកកដែលត្រូវបានប្រើដើម្បីផ្ញើមេជីវិតកណ្តុរទៅ ISS ដែលត្រូវបានរក្សាទុកក្នុងទូទឹកកករហូតដល់ប្រាំមួយឆ្នាំ។ នៅពេលគំរូទាំងនោះត្រឡប់មកផែនដីវិញ អ្នកស្រាវជ្រាវបានធ្វើឱ្យវាមានជាតិទឹកឡើងវិញហើយផលិតកូនកណ្តុរដែលមានសុខភាពល្អ។ […]

ដោយ : បន្ទាយ បន្ទាយមានជ័យ ៖ សាខាពន្ធដារខេត្តបន្ទាយមានជ័យ តាមរយ:ប្រធានចាស់របស់ខ្លួនបានអះអាងថា លទ្ធផលប្រមូលពន្ធដារនៅខេត្តនេះ ក្នុងរយ:ពេល៥ឆ្នាំជាប់ៗគ្នា ប្រមូលពន្ធបានលើសផែនការរហូត  ទោះក្នុងអំឡុងនៃការឆ្លងរីករាលដាលជំងឺកូវីដ១៩ ក៏ដោយ ។ដោយឡែកក្នុងរយ:ពេល១១ខែឆ្នាំ២០២៤នេះ  សាខាប្រមូលចំនូលបាន៩៤.០៥២លានរៀល ឬស្មើនឹង៩៩% ។ នេះបើតាមលោក ព្រឹម សាលី  អតីតប្រធានសាខាពន្ធដារខេត្តបន្ទាយមានជ័យថ្លែងរាយការណ៍ក្នុងកម្មវិធីប្រកាសផ្ទេរភារកិច្ច និងចូលកាន់មុខតំណែង លោក សន ស៊ីផល ប្រធានថ្មីសាខាពន្ធដារបន្ទាយមានជ័យថ្មី ជំនួសលោកផ្ទាល់ ។ លោកបានបន្តថា: សូមបញ្ជាក់ផងដែរថា ក្នុងរយៈពេល១១ខែ ឆ្នាំ២០២៤ កន្លងមកនេះ សាខាពន្ធដារខេត្តបន្ទាយមានជ័យ បានប្រមូលចំណូលពន្ធ-អាករគ្រប់ប្រភេទបានចំនួន៩៤.០៥២លានរៀល ស្មើនឹង ៩៨.៨៧ % នៃផែនការ ។ ក្នុងនោះ រួមមានថវិកាថ្នាក់ជាតិប្រមូលបានចំនួន៣៨.២៥៩លានរៀល ស្មើនឹង១០៧,៣១ % នៃផែនការ។ ថវិកាថ្នាក់ក្រោមជាតិ ប្រមូលបានចំនួន ៥៥.៧៩៣ លានរៀល ស្មើនឹង ៩៣,៨១% នៃផែនការ។ បើប្រៀបធៀបចំណូលរយៈពេល១១ ខែឆ្នាំ២០២៤ ទៅនឹងចំណូលរយៈពេល១១ ខែឆ្នាំ២០២៣ […]

ប្រែសម្រួល៖ស-សម្បត្តិ ប៉េកាំង៖ រដ្ឋមន្ត្រីការបរទេសចិនបានថ្លែងនៅថ្ងៃអង្គារ (១៧ ធ្នូ) ថា ប៉េកាំងនិងវ៉ាស៊ីនតោនអាចសម្រេចបាន “កិច្ចការដ៏អស្ចារ្យជាច្រើន” ប្រសិនបើពួកគេធ្វើការរួមគ្នា មុនពេលពិធីសប្បថចូលកាន់តំណែងរបស់ប្រធានាធិបតីជាប់ឆ្នោតដូណាល់ ត្រាំ នៅខែក្រោយ។ ប៉ុន្តែ លោក វ៉ាង យី ប្រមុខការទូតជាន់ខ្ពស់ក៏បានព្រមានផងដែរអំពីអ្វីដែលលោកហៅថា “ការជ្រៀតជ្រែកគ្រាតគ្រាត” របស់សហរដ្ឋអាមេរិកលើបញ្ហាតៃវ៉ាន់។ ប្រទេសមហាអំណាចសេដ្ឋកិច្ចធំពីរនៅលើពិភពលោកបានប៉ះទង្គិចគ្នាលើបញ្ហាជាច្រើនក្នុងប៉ុន្មានឆ្នាំថ្មីៗនេះ ចាប់ពីពាណិជ្ជកម្មនិងបច្ចេកវិទ្យា រហូតដល់សិទ្ធិមនុស្ស និងការបង្ហាញឥរិយាបថកាន់តែមុតស្រួចរបស់ចិនចំពោះកោះតៃវ៉ាន់ដែលគ្រប់គ្រងដោយខ្លួនឯង។ លោក វ៉ាង បានថ្លែងថា គោលនយោបាយរបស់ចិនចំពោះសហរដ្ឋអាមេរិក “មិនបានផ្លាស់ប្តូរទេ” ក្នុងពេលថ្លែងសុន្ទរកថានៅថ្ងៃអង្គារនៅទីក្រុងប៉េកាំង ដែលឆ្លុះបញ្ចាំងពីការងារការទូតរបស់ប្រទេសក្នុងឆ្នាំកន្លងមក និងការរំពឹងទុករបស់ខ្លួនសម្រាប់អនាគត។ លោកបានថ្លែងថា ក្រុមការងារសេដ្ឋកិច្ច និងកិច្ចសហប្រតិបត្តិការលើការគ្រប់គ្រងគ្រឿងញៀនឆ្លងដែន “បានបង្ហាញយ៉ាងពេញលេញថា ដរាបណាចិននិងសហរដ្ឋអាមេរិកសហការគ្នា យើងអាចសម្រេចបាននូវកិច្ចការដ៏អស្ចារ្យជាច្រើន”។ ទោះយ៉ាងណាក៏ដោយ លោកក៏បានថ្លែងឡើងវិញនូវការព្រមានអំពីតៃវ៉ាន់ ដោយថ្លែងថា ប៉េកាំង “ប្រឆាំងយ៉ាងម៉ឹងម៉ាត់ចំពោះការបង្ក្រាបដែលខុសច្បាប់និងមិនសមហេតុផលដោយសហរដ្ឋអាមេរិក ជាពិសេសការជ្រៀតជ្រែកដ៏អាក្រក់របស់ខ្លួនក្នុងកិច្ចការផ្ទៃក្នុងរបស់ចិន” រួមទាំងស្ថានភាពរបស់កោះតៃវ៉ាន់ដែលគ្រប់គ្រងដោយខ្លួនឯង។ “យើងត្រូវតែមានការឆ្លើយតបយ៉ាងម៉ឺងម៉ាត់និងរឹងមាំ ការពារសិទ្ធិនិងផលប្រយោជន៍ស្របច្បាប់របស់យើង និងការពារបទដ្ឋានមូលដ្ឋាននៃទំនាក់ទំនងអន្តរជាតិ” លោក វ៉ាង បានថ្លែង។ ចិនអះអាងថា តៃវ៉ាន់ជាផ្នែកមួយនៃទឹកដីរបស់ខ្លួន ហើយបាននិយាយថា ខ្លួននឹងមិនបោះបង់ការប្រើកម្លាំងដើម្បីយកវាមកវិញនៅថ្ងៃណាមួយឡើយ ខណៈដែលសហរដ្ឋអាមេរិកមានការរៀបចំយូរអង្វែងក្នុងការផ្តល់មធ្យោបាយដល់តៃប៉ិដើម្បីការពារខ្លួន។ […]

ដោយ :បន្ទាយ កំពង់ឆ្នាំង : នៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ នាព្រឹកថ្ងៃចន្ទ ទី១៦ ខែធ្នូ ឆ្នាំ២០២៤ ឧត្តម​សេនីយ៍​ត្រី សៀ ទីន មេបញ្ជាការ​កងរាជអាវុធហត្ថ​ខេត្តសៀមរាប បានអញ្ជើញ​ចូលរួមក្នុងពិធីបើកវគ្គបណ្តុះបណ្តាលនាយទាហានរង នៃកងរាជអាវុធហត្ថជំនាន់ទី៤៧ ក្រោមអធិបតីភាព​ដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស។ ក្នុងឱកាសនោះមានការអញ្ជើញចូលរួមតំណាងក្រសួងស្ថាប័នពាក់ព័ន្ធ​ អគ្គនាយករង នាយក នាយរងចំណុះក្រសួងការពារជាតិ នាយរងសេនាធិការចម្រុះ នាយក នាយក នាយករង មេបញ្ជាការរង ចំណុះអគ្គបញ្ជាការដ្ឋាននៃកងយោធពលខេមរភូមិន្ទ អភិបាលរងខេត្ត អភិបាលស្រុក មេបញ្ជាការរង នាយសេនាធិការរង ស្នងការ ស្នងការរង នាយការិយាល័យ នាយកសាលាទាំងពីរ ចំណុះបញ្ជាការដ្ឋានកងរាជអាវុធហត្ថលើផ្ទៃប្រទេស មេបញ្ជាការ មេបញ្ជាការរងកងរាជអាវុធហត្ថរាជធានី.ខេត្តទាំង២៥ និងសិក្ខាកាមផងដែរ ៕

ប្រែសម្រួល៖ ស-សម្បត្តិ ក្រុងគីវ៖ កាលពីថ្ងៃចន្ទ (១៦ ធ្នូ) អ៊ុយក្រែនបានថ្លែងថា កងទ័ពរបស់ខ្លួនបានសម្លាប់ និងធ្វើឱ្យរបួសទាហានកូរ៉េខាងជើងយ៉ាងហោចណាស់ ៣០នាក់ ដែលត្រូវបានប្រទេសរុស្ស៊ីបញ្ជូនទៅកាន់តំបន់ឃឺស្កភាគខាងលិច ជាតំបន់ដែលអ៊ុយក្រែនបានកាន់កាប់ទឹកដីមួយចំនួន។ ទាហានរាប់ពាន់នាក់មកពីប្រទេសកូរ៉េខាងជើងបានមកពង្រឹងកងកម្លាំងរុស្ស៊ី រួមទាំងនៅតំបន់ព្រំដែនឃឺស្ក ដែលរុស្ស៊ីកំពុងព្យាយាមយកទឹកដីមកវិញ បន្ទាប់ពីការវាយប្រហារដោយមិនបានរំពឹងទុកពីកងកម្លាំងអ៊ុយក្រែននារដូវក្តៅកន្លងទៅ។ ការិយាល័យស៊ើបការណ៍យោធាអ៊ុយក្រែនបានថ្លែងថា “នៅថ្ងៃទី១៤ និងទី១៥ ធ្នូ កងទ័ពមកពីសាធារណរដ្ឋប្រជាធិបតេយ្យប្រជាមានិតកូរ៉េ (DPRK) បានរងការខូចខាតយ៉ាងធ្ងន់ធ្ងរនៅក្បែរភូមិផ្លេខូវ៉ូ វ៉ូរ៉ូស្បា និងម៉ាទីណូវកា ក្នុងតំបន់ឃឺស្កនៃប្រទេសរុស្ស៊ី – យ៉ាងហោចណាស់មានទាហាន ៣០នាក់ត្រូវបានសម្លាប់ និងរបួស។” កងទ័ពទាំងនោះកំពុង “ត្រូវបានបំពេញបន្ថែមដោយកម្លាំងថ្មី” មកពីកូរ៉េខាងជើង ដែលមន្ត្រីលោកខាងលិចប៉ាន់ស្មានថាបានបញ្ជូនទាហានយ៉ាងហោចណាស់ ១០,០០០នាក់ ដើម្បីជួយទីក្រុងមូស្គូ។ រុស្ស៊ី និងកូរ៉េខាងជើងបានពង្រឹងកិច្ចសហប្រតិបត្តិការយោធារបស់ពួកគេ ចាប់តាំងពីការឈ្លានពានរបស់ក្រុងមូស្គូមក។ លោកប្រធានាធិបតី សេឡេនស្គី បានមានប្រសាសន៍កាលពីថ្ងៃសៅរ៍ថា រុស្ស៊ីបានចាប់ផ្តើមដាក់ពង្រាយ “កម្លាំងដ៏គួរឱ្យកត់សម្គាល់” នៃទាហានកូរ៉េខាងជើងក្នុងការវាយប្រហារដើម្បីរុញច្រានកងទ័ពអ៊ុយក្រែនចេញពីតំបន់ឃឺស្ក។ លោកបានថ្លែងថា យោងតាមព័ត៌មានរបស់លោក “រុស្ស៊ីបានដាក់បញ្ចូល (ទាហានកូរ៉េខាងជើង) ក្នុងកងកម្លាំងចម្រុះ និងប្រើប្រាស់ពួកគេក្នុងប្រតិបត្តិការនៅតំបន់ឃឺស្ក” ដែលជាកន្លែងដែលអ៊ុយក្រែនបានធ្វើការវាយលុកចូលកាលពីខែសីហា។ លោក សេឡេនស្គី បានបន្ថែមថា […]

ដោយ : បន្ទាយ ភ្នំពេញ៖ កម្លាំងអាវុធហត្ថរាជធានីភ្នំពេញ ក្នុងខណ្ឌជ្រោយចង្វា កាលពីថ្ងៃទី១៤ ខែធ្នូ ឆ្នាំ២០២៤ បានចុះធ្វើការបង្ក្រាបនិងឃាត់ខ្លួនជនសង្ស័យចំនួន ៤នាក់ (ស្រី១នាក់) នៅផ្ទះជួលមួយកន្លែងគ្មានលេខ ស្ថិតនៅបណ្ដោយផ្លូវជាតិ6A ភូមិក្តីចាស់  សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ពាក់ព័ន្ធករណីជួញដូរនិងប្រើប្រាស់នូវសារធាតុញៀនដោយខុសច្បាប់។ មន្ត្រីអាវុធហត្ថខណ្ឌជ្រោយចង្វាបានឲ្យដឹងថា វត្ថុតាងចាប់យករួមមាន ៖ ក្រាមពណ៌សថ្លាចំនួន ០៨កញ្ចប់តូចធំ, ថ្នាំគ្រាប់ចំនួន១៥គ្រាប់ ពណ៌បៃតង ១៤គ្រាប់ ពណ៌ក្រហម ០១គ្រាប់, ជញ្ជីងអេឡិកត្រូនិចសម្រាប់ថ្លឹងគ្រឿងញៀនចំនួន ០១គ្រឿង, ម៉ាស៊ីនអ៊ុតមាត់ថង់ចំនួន០១ រួមនិងសម្ភារមួយចំនួនទៀត។ ប្រភពបន្តថា: ជនសង្ស័យប្រុសស្រីទាំង៤នាក់ រួមមាន៖ ១/ ឈ្មោះ ហែម សាវ័ន្ត ភេទប្រុស អាយុ ៣៨ឆាំ្ន, ២/ ឈ្មោះ លេង រតនា ភេទប្រុស អាយុ ១៦ឆ្នាំ, ៣/ ឈ្មោះ រិន ដាវីន ភេទប្រុស […]

ដោយ : បន្ទាយ បន្ទាយមានជ័យ៖ កម្លាំងមូលដ្ឋានកងរាជអាវុធហត្ថស្រុកម៉ាឡៃ កាលពីវេលាម៉ោង១៣និង៣០នាទី ថ្ងៃទី១៥ ខែធ្នូ ឆ្នាំ២០២៤ ទទួលបានពាក្យបណ្ដឹងពីឈ្មោះស៊ុន ចិន ភេទប្រុស អាយុ៣៧ឆ្នាំ ត្រូវជាពូបង្កើតរបស់ជនរងគ្រោះឈ្មោះ ជ.រ.ស អាយុ១៤ឆ្នាំ រស់នៅស្រុកម៉ាឡៃ ខេត្តបន្ទាយមានជ័យ។គាត់បានប្ដឹងចោទប្រកាន់លើឈ្មោះសន វិសា ភេទប្រុស អាយុ១៥ឆ្នាំ រស់នៅឃុំម៉ាឡៃ ស្រុកម៉ាឡៃ ពីបទរំលោភលំនៅដ្ឋាន និងប៉ុនប៉ងរំលោភសេពសន្ថវៈលើក្មួយស្រី កាលពីវេលាម៉ោង១១និង២៥នាទី ថ្ងៃទី១៥ ខែធ្នូឆ្នាំ២០២៤ នៅភូមិដំបូកវិល ឃុំម៉ាឡៃ ស្រុកម៉ាឡៃ។ ក្រោយពីទទួលបានពាក្យបណ្ដឹងកម្លាំងមូលដ្ឋានកងរាជអាវុធហត្ថស្រុកម៉ាឡៃ ដឹកនាំដោយលោកវរសេនីយ៍ត្រី តាំង សុខហេង មេបញ្ជាការមូលដ្ឋានកងរាជអាវុធហត្ថស្រុកម៉ាឡៃ បានចុះស្រាវជ្រាវ រហូតឈានដល់ឃាត់ខ្លួនជនសង្ស័យនៅវេលាម៉ោង១៤ ថ្ងៃដដែល ហើយនាំមកកាន់មូលដ្ឋានស្រុកម៉ាឡៃដើម្បីធ្វើការសួរនាំ។ លោកវរសេនីយ៍ត្រី តាំង សុខហេង បានឱ្យដឹងនៅថ្ងៃទី១៦ខែធ្នូថា ក្រោយឃាត់ខ្លួន និងសួរនាំរួច ជនសង្ស័យបានឆ្លើយសារភាពថា រូបគេពិតជាបានធ្វើសកម្មភាពចូលទៅក្នុងបន្ទប់របស់ជនរងគ្រោះ រួចចាប់នាងឱបថើប ច្របាច់ដោះនាងពិតប្រកដមែន។ លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវ និងបង្ក្រាបបទល្មើសនៃកងរាជអាវុធហត្ថខេត្តបន្ទាយមានជ័យបានឱ្យដឹងថា […]

ដោយ៖ កំចាយ កំពត÷ ជាមួយភ្ញៀវទេសចរជិត៤០ម៉ឺននាក់ដែលបានចូលមកកម្សាន្តក្នុងពិធីបុណ្យសមុទ្រ៣ថ្ងៃបានធ្វើឲ្យក្រុងកំពតកើតមានកាកសំណល់ប្រមាណ៤០០តោន។ អនុវត្តតាមការតាំងចិត្ត កម្មករសម្អាតអនាម័យបានបំពេញការងារទាំងយប់ថ្ងៃដោយប្រមូល និងដឹកសំរាមចេញមិនឲ្យកកស្ទះដែលនាំដល់បង្កភាពធុញទ្រាន់សម្រាប់ភ្ញៀវនោះ។ លោក សួន សុភក្តិ អគ្គនាយកក្រុមហ៊ុនកំពតហ្គ្រីនបានបញ្ជាក់ថា រយ:ពេល៣ថ្ងៃនៃពិធីបុណ្យសមុទ្រកន្លងទៅនេះ បុគ្គលិក និងកម្មកររបស់ក្រុមហ៊ុនបានយកចិត្តទុកដាក់ក្នុងការសម្អាតអនាម័យបរិស្ថាននៅសួនច្បារឆ្នេរព្រែកកំពង់បាយ រង្វង់មូលរូបសំណាកផ្លែទុរេន និងបណ្តាដងផ្លូវ ព្រមទាំងទីសាធារណ:សំខាន់ៗទូទាំងក្រុងកំពត។ កម្លាំងរបស់ក្រុមហ៊ុនលះបង់បែបនេះព្រោះតែមានបំណងចូលរួមធ្វើឲ្យព្រឹត្តិការណ៍បុណ្យសមុទ្រទទួលជោគជ័យលើផ្នែកអនាម័យបរិស្ថានដោយគ្មានសំរាមកកស្ទះ ឬរាយប៉ាយពាសវាលពាសកាល។ លោកអគ្គនាយក្រុមហ៊ុនបានបន្តថា រយ:ពេល៣ថ្ងៃ សំរាមដែលកម្មករប្រមូល និងដឹកជញ្ជូនចេញទាំងយប់ថ្ងៃមានបរិមាណជិត៤០០តោន។ ក្នុងនាមក្រុមហ៊ុន លោកស្នើសុំឲ្យមានកិច្ចសហការកាន់តែល្អប្រសើរបន្ថែមទៀតពីអាជ្ញាធរ មន្ត្រីពាក់ព័ន្ធ ពិសេសបងប្អូនប្រជាពលរដ្ឋក្នុងការចូលរួមប្រើប្រាស់សេវាប្រមូលសំរាមដើម្បីក្រុងកំពតកាន់តែស្អាត គ្មានសំរាមរាយប៉ាយនៅគ្រប់ច្រកល្ហក។ បច្ចុប្បន្នទើបតែមានពលរដ្ឋចំនួន៣.១០០គ្រួសារប៉ុណ្ណោះក្នុងចំណោមអ្នកក្រុងកំពត៨.៣៥០គ្រួសារដែលបាន និងកំពុងសហការប្រើប្រាស់សេវាប្រមូលសំរាមជាមួយក្រុមហ៊ុនកំពតហ្រ្គីន ពោលគឺស្មើនឹង៤៦ភាគរយនៅឡើយ។ និស្សិតសាលាមធ្យមសិក្សាសុខាភិបាលភូមិភាគកំពតដែលបានចូលរួមសម្អាតអនាម័យបរិស្ថានជាមួយអាជ្ញាធរកាលពីព្រឹកថ្ងៃទី១៦ ខែធ្នូ ឆ្នាំ២០២៤ បានរៀបរាប់ថា សាលាបានតម្រូវឲ្យពួកប្អូនៗមកចូលរួមសម្អាតអនាម័យនៅទីសាធារណ:ជាមួអាជ្ញាធរ។ ប៉ុន្តែ ពេលមកដល់ ប្អូនៗបានឃើញគ្រប់ទីកន្លែងមានភាពល្អស្អាតស្ទើរ១០០ភាគរយទៅហើយ។ ក្រុមនិស្សិតបានបញ្ជាក់ថា ពួកប្អូនរីករាយ និងពេញចិត្តពេលឃើញការរៀបចំបុណ្យសមុទ្រលើកទី១១ក្នុងក្រុងកំពតពោរពេញដោយអនាម័យបរិស្ថានស្អាត មិនមានសំរាមទាំងលើគោក ក៏ដូចជាក្នុងដងព្រែក។ ប្អូនៗសូមកោតសរសើរដល់ថ្នាក់ដឹកនាំខេត្ត មន្ត្រីពាក់ព័ន្ធ ពិសេសក្រុមហ៊ុនប្រមូលសំរាមដែលបានខិតខំសម្អាតទាំងថ្ងៃយប់ដើម្បីធ្វើឲ្យក្រុងកំពតស្រស់ស្អាតជានិច្ច៕

ភ្នំពេញ៖ធនាគារ អេស៊ីលីដា បានបើកវគ្គហ្វឹកហ្វឺនបុគ្គលិកជំនាញរបស់ខ្លួន អំពីសេវាហិរញ្ញវត្ថុអន្តរជាតិ កម្ពុជា-សិង្ហបុរី និងបណ្ដាប្រទេសដទៃទៀត ដែលជាសមាជិករបស់គម្រោង ច្រករបៀងតម្លាភាពហិរញ្ញវត្ថុ (FTC) ដើម្បីផ្ដល់នូវការយល់ដឹងបន្ថែម និងណែនាំលម្អិតអំពីរបៀបបំពេញទម្រង់ផ្សេងៗនៅលើប្រព័ន្ធហិរញ្ញវត្ថុអន្តរជាតិមួយនេះ។ វគ្គហ្វឹកហ្វឺនរយៈពេលពីរថ្ងៃ១៦-១៧ ខែធ្នូ ឆ្នាំ២០២៤នៅការិយាល័យកណ្តាលអេស៊ីលីដា មានការចូលរួមពីសិក្ខាកាមជាបុគ្គលិកជំនាញនៅនាយកដ្ឋានទីផ្សារ នាយកដ្ឋានសេវាហិរញ្ញវត្ថុ នាយកដ្ឋានអភិវឌ្ឍន៍ផលិតផល ការិយាល័យសេវាឥណទាន ការិយាល័យហិរញ្ញប្បទានពាណិជ្ជកម្ម ការិយាល័យទិន្នន័យឥណទាន មកពីសាខាធនាគារ អេស៊ីលីដាទូទាំងប្រទេស និងតំណាងសហគ្រាសធុនតូច និងមធ្យមជាច្រើនរូបទៀត ដោយមានការចែករំលែកនូវចំណេះដឹង និងបទពិសោធន៍ ពីសំណាក់អ្នកជំនាញផ្នែកសេវាហិរញ្ញវត្ថុអន្តរជាតិមកពីប្រទេសសិង្ហបុរីផងដែរ។ ច្រករបៀងតម្លាភាពហិរញ្ញវត្ថុ (FTC) គឺជាគំនិតផ្ដួចផ្ដើមរបស់ធនាគារជាតិនៃកម្ពុជា ជាមួយនឹងអាជ្ញាធររូបិយវត្ថុសិង្ហបុរី ក្នុងគោលបំណងចែករំលែកនូវព័ត៌មានហិរញ្ញវត្ថុ និងការជ្រើសរើសសហគ្រាសធុនតូច និងមធ្យម ដើម្បីចូលរួមនៅក្នុងប្រព័ន្ធមជ្ឈមណ្ឌលហិរញ្ញវត្ថុ Proxtera Trade Portal សម្រាប់ការធ្វើពាណិជ្ជកម្មឆ្លងដែន (ទិញ-លក់ផលិតផល ឬទំនិញ) តាមប្រព័ន្ធអនឡាញបានយ៉ាងងាយស្រួល និងប្រកបដោយទំនុកចិត្តខ្ពស់ រវាងប្រទេសកម្ពុជា និងសិង្ហបុរី រួមជាមួយនឹងបណ្ដាប្រទេសផ្សេងទៀត។ បច្ចុប្បន្ន ប្រទេសដែលបានចូលរួមនៅក្នុងប្រព័ន្ធមជ្ឈមណ្ឌលហិរញ្ញវត្ថុ Proxtera Trade Portal រួមមាន ប្រទេសកម្ពុជា, សិង្ហបុរី, ហ្វីលីពីន, […]

ដោយ៖សុខុម ស្ទឹងត្រែង៖ ខេត្តស្ទឹងត្រែងកាលពីព្រឹកថ្ងៃទី១៤ខែធ្នូ ឆ្នាំ២០២៤ មន្ទីរជំនាញបានរៀបចំសម្ពោធដាក់ឲ្យប្រើប្រាស់ផ្លូវក្រាលកៅស៊ូមួយខ្សែដែលតភ្ជាប់ពីផ្លូវជាតិលេខ ៩ ឃុំសំអាង ស្រុកថាឡាបរិវ៉ាត់ ឆ្ពោះទៅកាន់ឃុំព្រះរំកិល ស្រុកបុរីអូរស្វាយសែនជ័យ ដែលមានប្រវែង ៣.៥០០ម៉ែត្រ។ ផ្លូវមួយខ្សែនេះពីមុនគឺជាផ្លូវក្រាលក្រួសក្រហម ពិបាកក្នុងការធ្វើដំណើរ ពោលគឺនៅរដូវប្រាំងដីហុយនិងរដូវវស្សាបែកភក់មានប្រវែងដល់ទៅជាង៣០គីឡូម៉ែត្រ។ ដោយមើលឃើញពីសក្តានុពលតំបន់ទេសចរណ៍ដ៏ទាក់ទាញនៅឃុំព្រះរំកិល ស្រុកបុរីអូរស្វាយសែនជ័យ និងទឹកធ្លាក់សុភ័ក្រមិត្រ ស្រុកឆែប ខេត្តព្រះវិហារ ស្ថិតក្នុងតំបន់ជាប់ព្រំដែនកម្ពុជា ឡាវ។ភ្ញៀវទេសចរជាតិនិងអន្តរជាតិជាច្រើនតែងធ្វើដំណើរទៅកម្សាន្តនៅតំបន់នោះ។ នៅឆ្នាំ២០២៤ តាមរយៈការស្នើសុំពីមន្ទីរសាធារណការនិងដឹកជញ្ជូនខេត្តស្ទឹងត្រែង ក្រសួងសាធារណការក៏បានសម្រេចឲ្យប្រើប្រាស់លទ្ធភាពកញ្ចប់ថវិការដ្ឋចាក់ក្រាលកៅស៊ូបានជំហានទី១ប្រវែង ៣.៥០០ម៉ែត្រ ដែលទើបនឹងសម្ពោធដាក់ឲ្យប្រើប្រាស់ជាផ្លូវការនាពេលនេះ។នៅសល់ជាង២០គីឡូម៉ែត្រទៀតគឺជាផ្លូវដីហុយនៅឡើយ។ ឯកឧត្តម សរ សុពុត្រា អភិបាលខេត្តស្ទឹងត្រែង ដែលបានអញ្ជើញចូលរួមជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការនូវផ្លូវប្រវែង ៣.៥០០ម៉ែត្រកាលពីថ្ងៃទី១៤ខែធ្នូឆ្នាំ២០២៤ ឯកឧត្តមបានវាយតម្លៃខ្ពស់ចំពោះការខិតខំប្រឹងប្រែងរបស់មន្ទីរសាធារណការនិងដឹកជញ្ជូនខេត្តស្ទឹងត្រែងដែលខិតខំសម្រេចបាននូវសមិទ្ធផលដ៏ធំធេងនេះ។ ឯកឧត្តមអភិបាលខេត្តបានបញ្ជាក់ទៀតថា ផ្លូវនេះគឺជាសមិទ្ធផលថ្មីមួយទៀតដែលមានតូនាទីយ៉ាងសំខាន់សម្រាប់តភ្ជាប់ទៅកាន់តំបន់ទេសចរណ៍ដ៏មានសក្តានុពលសម្រាប់ទេសចរក្នុងស្រុកនិងទេសចរក្រៅប្រទេស។ នៅក្នុងពិធីសម្ពោធនោះដែរ លោក សរ គឹមណាត ប្រធានមន្ទីរសាធារណការនិងដឹកជញ្ជូនខេត្តស្ទឹងត្រែងក៏បានបញ្ជាក់អំពីសារសំខាន់ដែលមិនអាចកាត់ថ្លៃបាននៃកំណាត់ផ្លូវមួយខ្សែនេះ។ លោកសរ គឹមណាត ក៏បានសំណូមពរទៅដល់ក្រសួងពាក់ព័ន្ធជាពិសេសក្រសួងសេដ្ឋកិច្ចនិងហិរញ្ញវត្ថុសូមជួយទម្លាក់កញ្ចប់ថវិកាបន្ថែមដើម្បីស្ថាបនាកំណាត់ផ្លូវដែលនៅសេសសល់ដើម្បីទុកជាប្រយោជន៍សម្រាប់ប្រជាពលរដ្ឋធ្វើដំណើរបានស្រួលនិងជួយបម្រើដល់វិស័យទេសចរណ៍ឲ្យកាន់តែរីកចម្រើនបន្ថែមទៀត៕

ដោយ :  បន្ទាយ បន្ទាយមានជ័យ៖ ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត នៅថ្ងៃទី១៦ ខែធ្នូ ឆ្នាំ២០២៤ វេលាម៉ោង១១និង១៥នាទីព្រឹក បានសហការជាមួយកម្លាំងការិយាល័យអនុវត្តនីតិវិធី និងគ្រប់គ្រងកន្លែងត្រៀមបណ្ដេញចេញ នៃនាយកដ្ឋានស៊ើបអង្កេតនិងអនុវត្តនីតិវិធី អគ្គនាយកដ្ឋានអន្តោប្រវេសន៍ ដឹកនាំដោយលោកអនុសេនីយ៍ឯក ស៊ីម សុខហៃ នាយរងផ្នែក ធ្វើការប្រគល់-ទទួល និងបញ្ជូនចេញពីប្រទេសនូវជនជាតិថៃចំនួន ០៤នាក់ ( ស្រី ០១នាក់) ដែលខ្វះប្រកាសបណ្តេញចេញ ពាក់ព័ន្ធបទល្មើសលួចឆ្លងដែន និងស្នាក់នៅធ្វើការងារខុសច្បាប់ (គ្មានលិខិតឆ្លងដែន) ។ ប្រភពព័ត៌មានបានឲ្យដឹងថា: យោងបទបញ្ជាលោកឧត្តមសេនីយ៍ត្រី ប្រធាននាយកដ្ឋានច្រកទ្វារទី១ ជនជាតិថៃខាងលើ  ត្រូវប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតបានប្រថាប់ត្រា(លើខិតឆ្លងដែន)ហាមចូលប្រទេសកម្ពុជារយៈពេល០៥ឆ្នាំ។ បន្ទាប់មក មន្ត្រីនគរបាលអន្តោប្រវេសន៍កម្ពុជាបានប្រគល់ជនជាតិថៃទាំងនោះ ជូនលោកស្រីអនុសេនីយ៍ឯកច័ន្ទយ៉ាម៉ន រឿងស្រីបួរ ( Ms CHANYAMON RUEANGSRIBUA ) ឋានៈនាយរងផ្នែក ប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិបានខ្លងលឹក ស្រុកអារញ្ញប្រាថេត ខេត្តស្រះកែវ ប្រទេសថៃ ដើម្បីអនុវត្តនីតិវិធីបន្ត៕

ដោយ : បន្ទាយ បន្ទាយមានជ័យ :មន្ទីររៀបចំដែនដីខេត្តបន្ទាយមានជ័យថា កម្មករស្លាប់នៅការដ្ឋានសង់ផ្ទះ១នៅក្រុងសិរីសោភ័ណ មិនមែនជាករណីគ្រោះថ្នាក់ក្នុងការងារទេ ។នេះបើតាមសេចក្តីប្រកាសព័ត៌មានផ្លូវការ១របស់មន្ទីររៀបចំដែនដី នគរូបនីយកម្ម សំណង់និងសុរិយោដីខេត្តបន្ទាយមានជ័យចុះថ្ងៃទី១៥ខែធ្នូឆ្នាំ២០២៤ ។ មន្ទីរនេះថា កាលពីព្រឹកថ្ងៃទី១៤ខែធ្នូឆ្នាំ២០២៤ នៅភូមិគោរដ្ឋាន សង្កាត់អូរអំបិលក្រុងសិរីសោភ័ណ  កម្មករឈ្មោះសំ សុភ័ក្ត្រ ភេទប្រុសអាយុ៣៤ឆ្នាំ ទីលំនៅភូមិកន្ទួត កំពង់ស្វាយ ក្រុងសិរីសោភ័ណ បានដួលស្លាប់ដោយសារខ្វះជាតិស្ករឬជំងឺបេះដូង គឺការដ្ឋានសង់ផ្ទះរបស់ឈ្មោះគង់ ណាវី ភេទស្រីជាប្រភេទវីឡាតឿ ទំហំ៥ម៉ែត្រគុណ១៦ម៉ែត្រ ។ តាមការធ្វើកោសល្យវិច័យដោយអាជ្ញាធរនិងជំនាញពាក់ព័ន្ធ ការស្លាប់នេះមានមូលហេតុខាងលើ មិនពាក់ព័ន្ធនឹងគ្រោះថ្នាក់ក្នុងពេលបំពេញការងារក្នុងការដ្ឋានសំណង់ឡើយ ។ សូមអានសេចក្តីប្រកាសព័ត៌មាន៕

ដោយ៖ កំចាយ កំពត÷ ភាពជោគជ័យនៃពិធីបុណ្យសមុទ្រនៅខេត្តកំពតនឹងបានជាគំរូសម្រាប់ការរៀបចំតាមបណ្តាខេត្តដទៃនាឆ្នាំបន្តបន្ទាប់ទៀត។ នេះជាការបញ្ជាក់របស់រដ្ឋមន្ត្រីក្រសួងទេសចរណ៍ក្នុងឱកាសបិទពិធីបុណ្យសមុទ្រលើកទី១១ជុំទី៣ កាលពីល្ងាចថ្ងៃទី១៥ ខែធ្នូ ឆ្នាំ២០២៤។ លោក ហួត ហាក់ រដ្ឋមន្ត្រីក្រសួងទេសចរណ៍បានមានប្រសាសន៍ថា ពិធីបុណ្យសមុទ្រនៅខេត្តកំពតចាប់ពីថ្ងៃទី១៣ដល់ថ្ងៃទី១៥ ខែធ្នូ ឆ្នាំ២០២៤ បានបញ្ចប់ដោយជោគជ័យ និងគួរឱ្យមោទក:បំផុត។ ភ្ញៀវទេសចរជាតិ អន្តរជាតិប្រមាណជិត៤០ម៉ឺននាក់បានអញ្ជើញចូលរួមដោយទទួលបាននូវភាពរីករាយតាមរយ:កម្មវិធីកម្សាន្តជាច្រើន ដូចជា៖ ពិធីតាំងពិព័រណ៍ ការសម្តែងសិល្ប: កីឡាច្រើនប្រភេទ ការប្រគំតន្ត្រី សកម្មភាពបាញ់កាំជ្រួចជាដើម។ បុណ្យសមុទ្រនៅខេត្តកំពតមានការចូលរួមពីផ្នែករដ្ឋ និងវិស័យឯកជន ព្រមទាំងភាគីពាក់ព័ន្ធជាតិ អន្តរជាតិយ៉ាងមហោឡារឹកបំផុត។ លោករដ្ឋមន្ត្រីបានបញ្ជាក់ថា ដំណើរការរៀបចំប្រកបដោយភាពល្អប្រពៃទាំងសោភ័ណភាព សន្តិសុខសណ្តាប់ធ្នាប់ គុណភាពផលិតផលដែលបាននាំយកមកតាំងបង្ហាញភ្ញៀវជាដើមនោះជាគំរូសម្រាប់រៀបចំពិធីដូចគ្នានេះនៅឆ្នាំបន្តបន្ទាប់ទៀត។ ខ្លឹមសារសំខាន់នៃពិធីបុណ្យសមុទ្រគឺការផ្សព្វផ្សាយសក្តានុពលផ្នែកទេសចរណ៍ដែលខេត្តរបស់ខ្លួនមាន ហើយទទួលបានមកវិញនូវកំណើនភ្ញៀវបន្ថែម ព្រោះទេសចរណ៍ជាវិស័យអាទិភាពក្នុងការអភិវឌ្ឍសេដ្ឋកិច្ចជាតិ។ លោក ម៉ៅ ធនិន អភិបាលខេត្តកំពតបានមានប្រសាសន៍ថា ក្រោយពីស្ថាបនាបាននូវរូបសំណាកត្រីសេះសមុទ្របាញ់ទឹក ឆ្នេរខ្សាច់កម្សាន្តតាមដងព្រែកកំពង់បាយ និងនាឡិកាខ្នាតយក្ស ព្រមទាំងសមិទ្ធផលបម្រើវិស័យទេសចរណ៍ដទៃទៀត ខេត្តកំពតមានភ្ញៀវចូលមកកម្សាន្តចន្លោះពី៣ម៉ឺននាក់ទៅ៥ម៉ឺននាក់ក្នុង១សប្តាហ៍។ ដោយឡែក សម្រាប់ពិធីបុណ្យសមុទ្រ៣ថ្ងៃនេះ ខេត្តកំពតមានភ្ញៀវជាតិ អន្តរជាតិចូលរួមកម្សាន្តប្រមាណជិត៤០ម៉ឺននាក់។ ក្នុងនោះទេសចរបរទេសប្រហែលជិត៤.០០០នាក់៕