ភ្នំពេញ ៖ បុរសម្នាក់បានធ្វើអត្តឃាតដោយលោតសម្លាប់ខ្លួនពីលើផ្ទះល្វែងជាន់ទី៣ ក្នុងបុរីពិភពថ្មីចំការដូង១ ផ្ទះលេខ៤១A ផ្លូវលេខ០៣ ស្ថិតក្នុងភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ បង្កការភ្ញាក់ផ្អើលដល់ប្រជាពលរដ្ឋកាលពីរសៀលថ្ងៃទី២៨ ខែតុលា ឆ្នាំ២០២៤ ។ អ្នកលោតសម្លាប់ខ្លួនឯងនោះឈ្មោះ គង់ ស៊ីណា ភេទប្រុស អាយុ៣៩ឆ្នាំ មុខរបរនៅផ្ទះ មានទីលំនៅផ្ទះលេខ៨A ផ្លូវM០៦ បុរីជីបម៉ុង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។ ឈ្មោះ លាម សុខឆេង ដែលរស់នៅក្បែrកន្លែងកើតហេតុបានឲ្យដឹងថា : នៅវេលាម៉ោងប្រហែលជិត៥ល្ងាច ថ្ងៃទី២៨ ខែតុលា ឆ្នាំ២០២៤ ខ្ញុំបានអង្គុយលេងនៅមុខផ្ទះ រួចបានងាកមើលទៅស្រាប់តែឃើញជននោះឈរនៅលើបង្កាន់ដៃផ្ទះជាន់ទី៣តែម្នាក់ឯង និងដើរទៅវិញទៅមក ហើយខ្ញុំក៏បានយកទូរសព្ទដៃចេញមកដើម្បីថត ពេលទាញទូរសព្ទចេញមកថតស្រាប់តែឃើញជននោះលោតចុះមកក្រោមបាត់ទៅហើយ រួចក៏មានមនុស្សផ្អើលឆោឡោចោមរោមមើល ទើបដឹងថាជនរងគ្រោះស្លាប់បាត់ទៅហើយ ។ បើយោងតាមការបំភ្លឺពីឈ្មោះ គង់ ស៊ីណៃ ភេទស្រី ជាប្អូនស្រីបង្កើតរបស់អ្នកលោតសម្លាប់ខ្លួនបានឲ្យដឹងថា : កាលពីអំឡុងឆ្នាំ២០០៩ បងប្រុសនាងខ្ញុំបានទៅធ្វើការនៅប្រទេសកូរ៉េខាងត្បូងបានរយៈពេលប្រហែលកន្លះឆ្នាំ ក៏បានត្រឡប់មកវិញ ហើយមានបញ្ហាសសៃប្រសាទ ទើបក្រុមគ្រួសារនាងខ្ញុំនាំទៅមន្ទីរពេទ្យដើម្បីបើកថ្នាំរំងាប់អារម្មណ៍លេបជាប្រចាំ, កន្លងមកបងប្រុសនាងខ្ញុំធ្លាប់ប៉ុនប៉ងធ្វើអត្តឃាតខ្លួនឯងដោយចង […]

ដោយ : បន្ទាយ បន្ទាយមានជ័យ :នាឱកាសបុណ្យអុំទូកឆ្នាំ២០២៤ នៅបន្ទាយមានជ័យពិព័រណ៍ផលិតផលភូមិមួយផលិតមួយនិងទំនិញទូទៅ ព្រមទាំងភ្ញៀវចូលទស្សនា -ទិញបានថយចុះ បើប្រៀបធៀបនឹងឆ្នាំមុនៗ ហើយក៏បន្ថយរយ:ពេលតាំងផងដែរ ។ នៅសួនតេជោឈ្នះ ឈ្នះឬវេទិកាខេត្ត មានស្តង់តាំងពិព័រណ៍លក់ចំនួន៧៤ស្តង់ ក្នុងនោះស្តង់ភូមិមួយផលិតមួយចំនួន២៦និងទំនិញទូទៅចំនួន៤៨។ កាលពីល្ងាចថ្ងៃទី២៦ខែតុលាឆ្នាំ២០២៤ លោកប្លែក វ៉ារី ប្រធានក្រុមប្រឹក្សាខេត្ត លោកអ៊ុ រាត្រី អភិបាលខេត្តបន្ទាយមានជ័យ និងសហការី រួមទាំងលោកប៊ុក ឡាយជី ប្រធាន លោកដុំ វណ្ណឌី អនុប្រធានមន្ទីរពាណិជ្ជកម្មខេត្ត លោកឧកញ៉ា អ៊ឹង វណ្ណម៉ៅ ប្រធានសភាពាណិជ្ជកម្មខេត្តនិងអាជីវករ ពាណិជ្ជករបានអញ្ជើញកាត់ខ្សែបូបើកដំណើរការជូនភ្ញៀវ ដែលចាប់ពីថ្ងៃទី២៤ដល់២៨ ខែតុលា ។ប៉ុន្តែ គម្រោងនេះ បានថយ១ថ្ងៃទៀតគឺនៅថ្ងៃទី២៨ខែតុលានេះ ។ ការថយនេះមមពីកត្តាពុំសូវមានភ្ញៀវចូលមកទស្សនានិងទិញទំនិញនិង១ទៀត អាចមកពីកត្តាប្រែប្រួលអាកាសធាតុ មានភ្លៀងរលឹមផងដែរ ៕  

ដោយ : បន្ទាយ បន្ទាយមានជ័យ ៖ រដ្ឋបាលខេត្តបន្ទាយមានជ័យកាលពីថ្ងៃទី២៧ខែតុលាឆ្នាំ២០២៤ បានធ្វើពិធីចាប់ឆ្នោត(ឆ្លាក)ក្បាលដីជូនប្រជាពលរដ្ឋ៣៥គ្រួសាររស់នៅមិនរៀបរយ និងលិចទឹកអោយទៅរស់នៅស្របច្បាប់លើទីតាំងថ្មីក្បែរនោះនៃគម្រោងអភិវឌ្ឍន៍សួនច្បារមាត់ស្ទឹងសិរីសោភ័ណ នាភូមិ៣សង្កាត់ព្រះពន្លាក្រុងសិរីសោភ័ណ។ លោកអ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យបានអញ្ជើញជាអធិបតីភាព និងដឹកនាំលោកហ៊ឹល រ៉ាយ៉ា អភិបាលរងខេត្ត ទទួលជាអនុប្រធានក្រុមការងារថ្នាក់ខេត្តចុះជួយក្រុងសិរីសោភ័ណ លោកលៀម សុដា អភិបាលរងខេត្តទទួលបន្ទុកការរៀបចំដែនដី សំណង់និង សុរិយោដី…សហការី ក្នុងពិធីចាប់ឆ្នោត(ឆ្លាក)ក្បាលដីជូន ប្រជាពលរដ្ឋ៣៥គ្រួសារ/លើ៣៦គ្រួសារដែលជាក់ស្តែងរស់នៅអចិន្ត្រៃយ៍ មានផ្ទះសម្បែងពិតប្រាកដ ដែលរស់នៅមិនរៀបរយលើដីមាត់ស្ទឹងហើយតែងតែលិចទឹកជាប់មាត់ស្ទឹងសិរីសោភ័ណចំណុចចន្លោះស្ពានបេតុងសម្តេចតេជោហ៊ុន សែននិងស្ពានវត្តព្រះពន្លាត្រើយខាងលិចគឺស្ថិតនៅភូមិ៣សង្កាត់ព្រះពន្លាក្រុងសិរីសោភ័ណ ហើយពួកគាត់ព្រមព្រៀង ស្ម័គ្រចិត្តទៅរស់នៅលើដីឡូតិ៍បែងចែកក្បែរនោះដដែល តែស្របច្បាប់ ហើយអាជ្ញាធរមានសមត្ថកិច្ចចេញប័ណ្ណសម្គាល់អចលនវត្ថុជូននិងកសាងហេដ្ឋារចនាសម្ព័ន្ធផ្លូវ២ខ្សែ មានបណ្តាញភ្លើងអគ្គិសនី បណ្តាញទឹកស្អាត  មានលូបង្ហូរកាកសំណល់កខ្វក់ ,សេវាសុខាភិបាល សន្តិសុខជាដើម…។ បើយោងលោកស្រី ឆាត សុជា ចៅសង្កាត់ព្រះពន្លា,លោកស្រេង សុផល អភិបាលក្រុងសិរីសោភ័ណអោយដឹងថា: បងប្អូនប្រជាពលរដ្ឋទាំង៣៦គ្រួសារ(ក្នុងនោះមេគ្រួសារម្នាក់បានស្លាប់) ពួកគេស្រុះស្រួល ស្ម័គ្រចិត្តរុះរើផ្ទះ ផ្លាស់ប្តូរទីតាំង ពោលគឺបន្ទាប់ពីមន្ត្រីអាជ្ញាធរមានសមត្ថកិច្ចសម្របសម្រួល ។ ឯទីតាំងចាស់នោះត្រូវអាជ្ញាធរយកទៅអភិវឌ្ឍន៍ជាសួនច្បារថ្មីនិងស្តូបសួនតេជោសន្តិភាពនៅមាត់ស្ទឹងសិរីសោភ័ណដែលស្ថិតនៅចន្លោះស្ពានបេតុងសម្តេចតេជោហ៊ុន សែននិងស្ពានវត្តព្រះពន្លា ត្រើយខាងលិច។ ចំណែកលោកមាស ដារ៉ា ប្រធានមន្ទីររៀបចំដែនដី នគរូបនីយកម្ម សំណង់និងសុរិយោដីខេត្តបន្ទាយមានជ័យក៏បានដឹកនាំមន្ត្រីជំនាញធ្វើការវាស់វែង […]

ភ្នំពេញ៖ រថយន្តដឹកឥដ្ឋ១គ្រឿងបានបើកបរក្នុងល្បឿនលឿន ស្របទិសគ្នាជាមួយម៉ូតូសណ្ដោងរ៉ឺម៉កលក់បន្លែ១គ្រឿងដែលកំពុងបើកបរនៅខាងមុខ លុះពេលទៅដល់ត្រង់ចំណុចការដ្ឋានជួសជុលផ្លូវមួយកន្លែង ម៉ូតូសណ្ដោងរ៉ឺម៉កលក់បន្លែបានគេចចេញពីការដ្ឋាននោះ ជាហេតុធ្វើឲ្យរថយន្តដឹកឥដ្ឋវាក់ ហើយខំគេចចេញពីម៉ូតូសណ្ដោងរ៉ឺម៉កលក់បន្លែក៏រេចង្កូតបុកឡើងសួនពុះចែកទ្រូងផ្លូវ រួចបុកបង្គោលភ្លើង១ដើមបាក់ដួលទៅចំណែកផ្លូវម្ខាងទៀតបោកត្រូវរថយន្តកាមរីបាឡែន១គ្រឿងទៀតរងការខូចខាតស្រាល។ ឧប្បត្តិហេតុនេះបានកើតឡើងកាលពីវេលាម៉ោង១១និង៤០នាទីព្រឹកថ្ងៃទី២៨ ខែតុលា ឆ្នាំ២០២៤ នៅតាមមហាវិថីឈ្នះឈ្នះ ត្រង់ចំណុចក្លិបវាយកូនហ្គោលរ៉ូយ៉ាល់ភ្នំពេញ ស្ថិតនៅក្នុងភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។ អ្នកឃើញហេតុការណ៍បានប្រាប់ឲ្យដឹងថា រថយន្តបង្កខាងលើម៉ាកហ៊ីយ៉ាន់ដាយពណ៌ស ពាក់ផ្លាកលេខ យ1483ភព1 ជារថយន្តដឹកឥដ្ឋបើកបរដោយបុរសមិនស្គាល់អត្តសញ្ញាណម្នាក់ ហើយនៅមុនពេលកើតហេតុបានធ្វើដំណើរក្នុងល្បឿនលឿនទិសដៅពីជើងទៅត្បូងស្របទិសគ្នាជាមួយម៉ូតូសណ្ដោងរ៉ឺម៉កលក់បន្លែ១គ្រឿង ។ លុះពេលទៅដល់ចំណុចកើតហេតុខាងលើមានការដ្ឋានជួសជុលផ្លូវមួយកន្លែង ហើយម៉ូតូសណ្ដោងរ៉ឺម៉កបានបើកគេចការដ្ឋាននោះជាហេតុធ្វើឲ្យរថយន្តដឹកឥដ្ឋខាងលើដែលកំពុងបើកលឿនស្រាប់ផងវាក់មិនអាចជាន់ហ្រ្វាំងឈប់ទាន់។ ប្រភពដដែលបានប្រាប់ឲ្យដឹងបន្តទៀតថា  រថយន្តនេះបានខំបើកគេចចេញពីម៉ូតូសណ្ដោងរ៉ឺម៉កលក់បន្លែនោះ ទើបបណ្ដាលឲ្យរេចង្កូតបុកឡើងសួនពុះចែកទ្រូងផ្លូវទាំងកំរោល រួចបុកបង្គោលភ្លើងបំភ្លឺផ្លូវ១ដើមបាក់ដួលទៅចំណែកផ្លូវម្ខាងទៀត បោកត្រូវរថយន្តម៉ាកកាមរីបាឡែន១គ្រឿង ដែលកំពុងបើកបរក្នុងទិសដៅបញ្ច្រាសគ្នាពីត្បូងទៅជើង ប៉ុន្តែរថយន្តកាមរីបាឡែនរងការខូចខាតកាងមុខស្រាលប៉ុណ្ណោះ ។ ប្រភពខាងលើបានប្រាប់ឲ្យដឹងបន្ថែមទៀតថា ពុំមានមនុស្សណាម្នាក់រងរបួសនៅក្នុងហេតុការណ៍នោះទេ ហើយក្រោយពេលកើតហេតុភាគីម្ចាស់រថយន្តកាមរីបាឡែនព្រមទទួលយកសំណងពីម្ចាស់រថយន្តដឹកឥដ្ឋចំនួន៥ម៉ឺនរៀល រួចបានបើកបន្តដំណើរទៅបាត់ស្រមោល ។ បន្ទាប់មក នគរបាលការិយាល័យចរាចរណ៍ផ្លូវគោកនៃស្នងការដ្ឋានរាជធានីភ្នំពេញបានចុះទៅធ្វើការវាសវែង រួចនាំយករថយន្តដឹកឥដ្ឋទៅរក្សាទុករង់ចាំដោះស្រាយជាមួយការខូចខាតសួនពុះចែកទ្រូងផ្លូវនិងបង្គោលភ្លើងបំភ្លឺផ្លូវនៅពេលក្រោយ៕

ដោយ ៖ សុវណ្ណ រតនគិរី៖ ឯកឧត្ដម ឆាយ ឫទ្ធីសែន រដ្ឋមន្ត្រីក្រសួងអភិវឌ្ឍន៍ជនបទ កាលពីថ្ងៃទី២៣ ខែតុលា ឆ្នាំ២០៤ បានចុះទៅពិនិត្យស្ថានភាពទឹកអូរកាទឹង ដែលស្ថិតនៅចន្លោះស្រុកលំផាត់និងស្រុកកូនមុំ ខេត្តរតនគិរីនោះ រួចបានសន្យាថានឹងធ្វើជាស្ពានដែក(បាឡេ) ដើម្បីសម្រួលជូនប្រជាពលរដ្ឋនៅទីនោះ បានប្រើប្រាស់ជាបណ្ដោះអាសន្ន។ ស្ពានដែកអូរកាទឹងនោះនឹងចាប់ផ្ដើមធ្វើជាផ្លូវការនៅដើមខែមករា ឆ្នាំ២០២៥ ឆាប់ៗខាងមុខនេះ ដែលមានប្រវែង៣៦ម៉ែត្រ និងទទឹង៤ម៉ែត្រ ក្បាលស្ពានសងខាងចាក់គ្រឹះពីបេតុង ។ ស្ពាននោះខាងមន្ទីរអភិវឌ្ឍន៍ជនបទខេត្តរតនគិរីជាអ្នកទទួលធ្វើទាំងស្រុង។ ក្រោយទទួលបានព័ត៌មានពីឯកឧត្ដមឆាយ ឫទ្ធីសែន រួច មេភូមិសាមខា និងមេភូមិនាងដី នៅស្រុកលំផាត់និងស្រុកកូនមុំ ដែលបាននាំប្រជាពលរដ្ឋច្រើនកុះករទៅចូលរួមទទួលរដ្ឋមន្ត្រីនោះ ពួកគេសុទ្ធតែមានទឹកមុខស្រស់ស្រាយ សប្បាយក្នុងចិត្តឥតឧបមា រួចងាកមកខ្សឹបខ្សៀវគ្នាថា: នេះជាប្រវត្ដិសាស្ត្រមួយដែលទើបនឹងកើតមានពិតប្រាកដនាសម័យតេជោហ៊ុន សែន និងសម្ដេចមហាបវរធិបតី ហ៊ុន ម៉ាណែក នាយករដ្ឋមន្ត្រីនៃកម្ពុជា៕

ដោយ : បន្ទាយ បន្ទាយមានជ័យ៖ កងរាជឣាវុធហត្ថខេត្តបន្ទាយមានជ័យ កាលពីថ្ងៃទី២៧ ខែតុលាឆ្នាំ២០២៤ បានឲ្យដឹងថា ការិយាល័យព្រហ្មទណ្ឌបានបញ្ជូនជនសង្ស័យនិងសំណុំរឿងទៅសាលាដំបូងខេត្តដើម្បីអនុវត្តតាមនីតិវិធីនូវជនសង្ស័យ០៩នាក់ករណីហិង្សាដោយចេតនាមានស្ថានទម្ងន់ទោស។ សូមរំលឹកថា នៅវេលាម៉ោ២១និង៣០នាទី ថ្ងៃទី២៤ ខែតុលា ឆ្នាំ២០២៤ មូលដ្ឋានកងរាជអាវុធហត្ថក្រុងប៉ោយប៉ែត បានទទួលព័ត៌មានពីប្រជាពលរដ្ឋស្ដីពីករណីហិង្សារវាងក្មេងស្ទាវចំនួនពីរក្រុមនៅចំណុចស្តង់ឣេតចាយ ស្ថិតក្នុងភូមិទួលពង្រ សង្កាត់ឣូរឫស្សី ក្រុងប៉ោយប៉ែតខេត្តបន្ទាយមានជ័យ។ លោកវរសេនីយ៍ត្រី នួន​ នីណារ៉ូ មេបញ្ជាការមូលដ្ឋានកងរាជឣាវុធហត្ថក្រុងប៉ោយប៉ែតបានឱ្យដឹងថា : ក្រោយពីកម្លាំងទទួលបានព័ត៌នេះ លោកបានដឹកនាំកម្លាំងចុះដល់កន្លែងកើតហេតុ ធ្វើការស្រាវជ្រាវរហូតឈានដល់ឃាត់ខ្លួនជនសង្ស័យជាបន្តបន្ទាប់ចំនួន០៩នាក់ និងដកហូតវត្ថុតាងរួមមាន៖ កាំបិតផ្គាក់ដងឈើប្រវែង៨៤សង់ទីម៉ែត្រ ចំនួន០១ដើម, ដែកទីបប្រវែង១៥៥សង់ទីម៉ែត្រ ចំនួន០១ដើម, ដំបងដែកថ្នាំងឣំពៅប្រវែង ៨៣សង់ទីម៉ែត្រ ចំនួន០១ដើម និងដែកចង្រឹងបង្ឣួច ចំនួន០១ដើម ហើយនាំមកមូលដ្ឋានកងរាជឣាវុធហត្ថក្រុងដើម្បីសួរនាំតាមនីតិវិធី។ ជនសង្ស័យទាណ០៩នាក់ ១-ឈ្មោះ សុទ្ថ សឿង ហៅម៉េង ភេទប្រុស ឣាយុ១៨ឆ្នាំស្នាក់នៅភូមិទួលពង្រ សង្កាត់ឣូរឫស្សី  ២-ឈ្មោះ សាន គីមយ៉េង ហៅម៉េង ភេទប្រុស ឣាយុ២៣ឆ្នាំ ស្នាក់នៅភូមិចាន់គិរី សង្កាត់ប៉ោយប៉ែត  ៣-ឈ្មោះ […]

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានអំពាវនាវដល់អ្នកពាក់ព័ន្ធ គឺរួមគ្នារក្សាសុខភាពសិស្សឱ្យបានល្អ ដើម្បីឱ្យក្លាយជាទំពាំងដែលមានភាពរឹងមាំ និងមានគុណភាពសម្រាប់ប្រទេសជាតិ។ ឯកឧត្តមអភិបាលខេត្តកំពង់ចាម បានអំពាវនាវបែបនេះនៅក្នុងឱកាសដែលឯកឧត្តមបានអញ្ជើញចូលរួមបើកបវេសនកាលឆ្នាំសិក្សា ២០២៤-២០២៥ និងទិវារំលឹកគុណគ្រូបង្រៀន ដែលមានអ្នកចូលរួមសរុបជាង ២.០០០ នាក់នៅបរិវេណវិទ្យាល័យព្រះសីហនុ ក្នុងក្រុងកំពង់ចាមនាព្រឹកថ្ងៃទី ២៨ តុលានេះ។ ឯកឧត្តមបានមានប្រសាសន៍ថា៖កាយសម្បទាមាំមួន គឺផ្តើមចេញពីអាហារូបត្ថម្ភ គឺជាការលូតលាស់ នៃប្រព័ន្ធប្រសាទរបស់មនុស្សយើង ធ្វើឱ្យសិស្សរៀនសូត្របានពូកែ គឺសុខភាពនេះឯង ។ប៉ុន្តែបើសុខភាពមិនល្អហើយ គឺពិបាកឱ្យសិស្សរៀនពូកែ ។ អ៊ីចឹងយើងត្រូវគិតគូរពីបញ្ហាសុខភាពរបស់សិស្ស ដោយត្រូវមើលតាំងពីការរៀបចំលក់ដូរនំចំណីនៅក្នុងសាលារៀន និងការទទួលទានរបស់សិស្សនៅតាមផ្ទះសំបែង ដោយត្រូវឱ្យអាណាព្យាបាលជួយមើល ផ្គត់ផ្គង់ឱ្យបានគ្រប់គ្រាន់ ហើយសាលារៀនត្រូវរៀបចំលើការលក់ឱ្យបានត្រឹមត្រូវមានអនាម័យ។ ចៀសវាងការលក់ដូរចំណីអាហារទាំងឡាយណាដែលធ្វើឱ្យសិស្សទទួលទានទៅប៉ះពាល់ដល់សុខភាពរបស់ពួកគេ(សិស្ស)។ ឯកឧត្តមបានបន្ថែមថា៖ ជាពិសេស គឺចំណីអាហារផ្អែមតែម្តងដែលបង្កឱ្យប៉ះពាល់សុខភាព ជាក់ស្តែងប៉ុន្មានខែមុននេះ ខាងមន្ទីរពេទ្យគន្ធបុប្ផាបានចេញរបាយការណ៍ថា មានក្មេងអាយុក្រោម ១២ ឆ្នាំ ប្រមាណជាង ៧០០ នាក់មានជំងឺទឹកនោមផ្អែម គឺធ្វើឱ្យប៉ះពាល់ដល់ក្រលៀនគាត់ខូចអស់ គឺជាមូលហេតុបណ្តាលមកពីទទួលទានជាតិផ្អែមលើសកម្រិត។ ក្រោយពីខាងជំនាញសិក្សាបង្ហាញថា គាត់( សិស្ស) ទទួលទាននៅខាងក្រៅផង មកដល់ចូលរៀននៅសាលាគាត់ទទួលទានបន្ថែមទៀត […]

ដោយ : បន្ទាយ បន្ទាយមានជ័យ : សមិទ្ធផលនានាដែលមានតម្លៃ១០លានបាតជាអំណោយរបស់សប្បុរសជនជនជាតិថៃនិងខ្មែរស្ថិតនៅវត្តបាលីលេយ្យស្ថិតនៅភូមិក្បាលស្ពាន២ សង្កាត់អូរជ្រៅ ក្រុងប៉ោយប៉ែតខេត្តបន្ទាយមានជ័យ ត្រូវបានសម្ពោធដាក់ឲ្យប្រើប្រាស់កាលពីថ្ងៃទី២៧ខែតុលាឆ្នាំ២០២៤ ក្រោមអធិបតីលោក អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ។ យោងគណ:កម្មការវត្តនិងអាជ្ញាធរក្រុងប៉ោយប៉ែតអោយដឹងថា:  សមិទ្ធផលនានានោះកសាងពីដើមឆ្នាំ ហើយរួចរាល់នៅខែតុលាឆ្នាំ២០២៤ ដែលមាន: ១-ព្រះមេរុនិងឡបូជាសពថ្មី(ឈាបនដ្ឋាន) ១ខ្នងបំពាក់បច្ចេកវិទ្យាឌីជីថលនិងប្រព័ន្ធអគ្គិសនីទំនើបសម្រាប់បូជាសព, ២- សាលពិសិដ្ឋ(សាលាតម្កល់សព)  ៣-ផ្លូវបេតុងនិងទីធ្លា ៤- បន្ទប់ទឹកនិង៥-កែលម្អទេសភាពជុំវិញវត្តដើម្បីឧទ្ទិសថ្វាយ ប្រគេនដល់ប្រយោជន៍វត្ត។ សមិទ្ធផលទាំងនេះសម្រាប់បម្រើឲ្យការជូនដំណើរចុងក្រោយអ្នកជាទីស្រឡាញ់ទៅកាន់សុគតិភពក្នុងជំនឿពុទ្ធសាសនាត្រូវផ្តើមកសាងនិងឧបត្ថម្ភដោយ លោកសំប៊ូន សុខ ចាក់រើនកៃស៊ី (លោក លី បាក់ឡេង)និងភរិយាគឺលោកស្រីរ៉ាត់តាណាក់លី សុខចាក់រើនកៃស៊ី និងបងប្អូនលោកមានលោកលី បាក់តុង , លោកលី បាក់ហ៊ុយ ព្រមទាំងក្រុមគ្រួសារ ញាតិមិត្ត បុគ្គលិក សប្បុរសជនទាំងឡាយនៃក្រុមហ៊ុនកាស៊ីណូផ្កាយ៥ឬStar Vegas និងកាស៊ីណូហ្កាឡាក់ស៊ី(Galaxy Casino) នៅក្រុងប៉ោយប៉ែត ព្រមទាំងបុត្រា បុត្រី និងសហការី រួមទាំងពុទ្ធបរិស័ទ ជិតឆ្ងាយ ចំណុះជើងវត្តបាលិលេយ្យ។ សំណង់និងបរិធានបែបទំនើបនិងបច្ចេកទេសខ្ពស់បែបនេះនឹងជួយធ្វើឲ្យប្រសើរឡើងដល់កម្មវិធីបុណ្យឈាបនកិច្ច។ ព្រះតេជគុណជា សំបូរ […]

ដោយ៖ព្រះអង្គខ្មៅ បាត់ដំបង÷ សត្វក្រពើធំមួយក្បាលបង្ហាញខ្លួនសំដិលលើកូនឈើមាត់ស្ទឹង រដ្ឋបាលឃុំមានជ័យ ស្រុកសំឡូតចេញសេចក្តីព័ត៌មានបន្ទាន់ឲ្យពលរដ្ឋមានការប្រុងប្រយ័ត្ន។ ការប្រកាសព័ត៌មានបន្ទាន់ដោយរដ្ឋបាលឃុំមានជ័យនេះកើតឡើងក្រោយមានការភ្ញាក់ផ្អើលពីមន្ត្រីមូលដ្ឋាន និងប្រជាពលរដ្ឋដែលរស់នៅក្បែរដងស្ទឹង ឋិតក្នុងភូមិកំពង់ទូក ឃុំមានជ័យ ស្រុកសំឡូត ខេត្តបាត់ដំបង នាថ្ងៃទី២៧ ខែតុលា ឆ្នាំ ២០២៤កន្លងមកនេះ។ ពលរដ្ឋដែលបានឃើញហេតុការណ៍បានអះអាងថា÷ សត្វក្រពើដែលខ្លួនប្រទះឃើញនេះមានទម្ងន់ប្រហាក់ប្រហែល ៦០ ទៅ៧០គីឡូក្រាម វាបានសំដិលខ្លួននៅលើកូនដើមឈើប៉ប្រះមាត់ទឹកស្ទឹង ហើយមួយសន្ទុះក្រោយមកវាក៏លូនចុះក្នុងទឹកបាត់តែម្តង។ ប្រភពខាងលើដដែលនេះអាជ្ញាធរឃុំមានជ័យ ស្រុកសំឡូតក៏បានអំពាវនាវដល់ប្រជាពលរដ្ឋ ពិសេសពលរដ្ឋក្នុងភូមិសាស្ត្រខាងលើគប្បីត្រូវបង្កើនការប្រុងប្រយ័ត្នខ្ពស់ពេលដែលចុះទឹក នេសាទត្រី ឬចុះងូតទឹកជាដើមដើម្បីធានាបាននូវសុវត្ថិភាពរបស់ខ្លួន៕  

ដោយ :បន្ទាយ បន្ទាយមានជ័យ ៖ថ្ងៃទី១ឬថ្ងៃដំបូងគឺល្ងាចថ្ងៃទី២៦ខែមិថុនាឆ្នាំ២០២៤ របស់កម្មវិធីប្រណាំងទូកក្នុងពិធីបុណ្យអុំទូកថ្នាក់ខេត្ត នៅខេត្តបន្ទាយមានជ័យក្នុងស្ទឹងសិរីសោភ័ណបរិវេណខាងក្រោយសាកលវិទ្យាល័យជាតិមានជ័យ នាសង្កាត់ទឹកថ្លា ក្រុងសិរីសោភ័ណ មានពលរដ្ឋនិងភ្ញៀវទេសចរសរុបចំនួន ៥២.២៣៣នាក់ ឯភ្ញៀវបរទេសមានចំនួនតែ០៧នាក់ប៉ុណ្ណោះ ។ លោក ប្លែក វ៉ារី ប្រធានក្រុមប្រឹក្សាខេត្ត លោកអ៊ុំ រាត្រី អភិបាល នៃគណៈអភិបាលខេត្ត និងលោកជំទាវ បានជាអញ្ជើញជាអធិបតីក្នុងពិធីនោះ ។ លោកឈួ ប៊ុនរឿង ប្រធានមន្ទីរអប់រំ យុវជននិងកីឡាខេត្តបន្ទាយមានជ័យនិងជាប្រធានគណ:កម្មការបច្ចេកទេសនៃគណ:កម្មាធិការខេត្តរៀបចំបុណ្យជាតិ អន្តរជាតិបានអោយដឹងថា: ទូកងដែលបានចូលរួមប្រណាំងចំនួន៣៥ទូក ។ក្នុងនោះទូក “ង” ចំណុះ ៧៥ នាក់ ១ទូក, ចំណុះ ៧២នាក់ ១ទូក, ចំណុះ៤៨នាក់ ១ទូក, ចំណុះ ៤៥នាក់ ១ទូក, ចំណុះ ២២នាក់ ១៧ទូក, ចំណុះ ៥នាក់ ចំនួន១៤ទូក ។ លោក អ៊ុំ រាត្រី អភិបាលខេត្តបន្ទាយមានជ័យបានឲ្យដឹងថា : […]

ភ្នំពេញ៖ រថយន្តកុងតឺន័របើកបុកម៉ូតូចំពេញទំហឹងអូសទាំងម៉ូតូជាច្រើនរយម៉ែត្របណ្ដាលឲ្យមនុស្សម្នាក់ស្លាប់និង២នាក់រងរបួស។ហេតុការណ៍នេះបានកើតឡើងកាលពីវេលាម៉ោង២និង៤០នាទីរំលងអធ្រាត្រឈានចូលថ្ងៃទី២៨ ខែតុលា ឆ្នាំ២០២៤ ស្ថិតនៅតាមបណ្តោយផ្លូវហាណូយ កែងផ្លូវ១៩៨៦ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ  ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញមានបុរស៣នាក់ជិះម៉ូតូ១គ្រឿងឌុបគ្នាធ្វើដំណើរតាមបណ្តោយផ្លូវ១៩៨៦ ទិសដៅពីលិចទៅកើត។ លុះមកដល់ចំណុចស្តុបផ្សារដីហុយក៏ស្រាប់តែមានរថយន្តកុងតឺន័រមួយគ្រឿងមិនចាំផ្លាកលេខបានបើកបរតាមបណ្តោយផ្លូវហាណូយ មកដល់ចំណុចកើតហេតុក៏បានបុកម៉ូតូចំពេញទំហឹង បណ្តាលឲ្យមនុស្សទាំង៣នាក់ខ្ទាតចេញពីម៉ូតូស្លាប់ម្នាក់និង២នាក់ទៀតរងរបួស ។ ចំណែករចយន្តកុងតឺន័រមិនព្រមឈប់ដោះស្រាយនោះទេ បានបន្តបើកទៅមុខទាំងម៉ូតូរបស់ជនរងគ្រោះនៅជាប់ផ្នែកខាងមុខបុកអូសជាច្រើនរយម៉ែត្រ  រហូតមានអ្នកឃើញហេតុការណ៍នាំគ្នាជិះម៉ូតូដេញតាម តែតាមមិនទាន់ ព្រោះរថយន្តបង្កបើកលឿនពេក ។ លុះអ្នកដេញតាមបន្តជិះតាមដល់ស្តុបឱកាសខ្ញុំក៏បានជួបស្ត្រីម្នាក់ដែលជាអ្នកអនាម័យបោសសម្អាតផ្លូវ បានរៀបរាប់ថារថយន្តកុងតីន័រ១គ្រឿងនោះបើកបម្រុងបុកទាំងគាត់ទៀត ឃើញបើកគេចតាមផ្លូវស្តុបឱកាសខ្ញុំទៅបាត់ហើយ រួមទាំងមានម៉ូតូ១គ្រឿងកិនអូសជាប់ទៅជាមួយថែមទៀត ។ បន្ទាប់មក ពលរដ្ឋដែលដេញតាមបានជិះទៅកន្លែងដែលរថយន្តនោះបើកគេចក៏បានឃើញម៉ូតូរបស់ជនរងគ្រោះនៅកណ្តាលផ្លូវ តែរថយន្តបង្កបានបើកគេចខ្លួនបាត់ទៅហើយ ទំនងជាតៃកុងរថយន្តឈប់រួចយកម៉ូតូនោះចេញហើយបន្តគេចខ្លួន។ សពបុរសដែលស្លាប់ត្រូវបានសមត្ថកិច្ចចុះមកដល់ទីតាំងកើតហេតុ និងធ្វើការទាក់ទងទៅកាន់ក្រុមគ្រួសារ ដើម្បីទទួលយកសពទៅធ្វើបុណ្យតាមប្រពៃណី។ ចំណែកបុរសរងគ្រោះ២នាក់ទៀត បានហៅកង់បីជិះទៅព្យាបាលរបួសដោយខ្លួនឯង។ ក្រោយកើតហេតុសមត្ថកិច្ចមូលដ្ឋានបានទាក់ទងទៅកាន់សមត្ថកិច្ចជំនាញចរាចរណ៍ដើម្បីចុះមកធ្វើការវាស់វែង និងយកម៉ូតូជនរងគ្រោះទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញជាបណ្តោះអាសន្ន ដើម្បីធ្វើការស្រាវជ្រាវរករថយន្តបង្កនិងតៃកុងរថយន្តយកមកផ្តន្ទាទោសតាមផ្លូវច្បាប់ផងដែរ៕

ភ្នំពេញ​៖​ រថយន្ត​តូយ៉ូតា​ព្រូស​មួយ​គ្រឿង​បើកលឿន​ខ្វះ​ការ​ប្រុងប្រយ័ត្ន​ជ្រុល​បុក​របាំង​ថ្ម​ការដ្ឋាន​បណ្តាល​ឲ្យ​រង​ការ​ខូចខាត​យ៉ាង​ធ្ងន់ធ្ងរ​ ម្ចាស់​រថយន្ត​សុំ​ដោះស្រាយជាមួយ​ម្ចាស់​ការដ្ឋាន​ភ្លាមៗ​ដើម្បីបញ្ចប់​រឿង​ បង្ក​ឲ្យមាន​ការ​ភ្ញាក់ផ្អើល​កាល​ពី​វេលាម៉ោង​១រំលង​អធ្រាត្រ​ឈាន​ចូល​ថ្ងៃ​ទី​២៦ខែ​តុលា​ឆ្នាំ​២០២៤​នៅតាម​បណ្តោយ​ផ្លូវ​មហា​វិថី​ឈ្នះ​ឈ្នះ​ ហៅ​ផ្លូវ​ទំនប់​កប់​ស្រូវ​ ដែល​ស្ថិត​នៅ​សង្កាត់​គោក​រកា​ ខណ្ឌ​ព្រែក​ព្នៅ​ រាជធានី​ភ្នំពេញ​។ តាម​ប្រភព​ព័ត៌មាន​ពី​សន្តិសុខ​ការដ្ឋាន​ម្នាក់​បាន​ឲ្យដឹង​ថា ​នៅមុន​ពេល​កើត​ហេតុ​ ការ​ដ្ឋាន​ខាង​លើរដ្ឋាករទឹក​កំពុង​ស្ថាបនា​ប្រព័ន្ធ​នៅ​តាម​បណ្ដោយ​ផ្លូវ​មហា​វិថី​ឈ្នះ​ឈ្នះ​ ហើយ​បាន​ដាក់​របាំង​ថ្ម​និង​របាំ​ជ័រ​ព្រម​ទាំង​ដាក់​ប្រព័ន្ធ​ភ្លើង​ត្រឹមត្រូវ​ ដើម្បីបញ្ចៀស​ចរាចរ​នៅ​តាម​ដងផ្លូវ​ ហើយ​បន្ទាប់​មក​ក៏​ស្រាប់​តែ​ឃើញ​រថយន្ត​ម៉ាក​តូយ៉ូតា​ព្រូស​ពណ៌​ស​ មួយ​គ្រឿង​បើក​តាម​បណ្ដោយ​ផ្លូវ​មហា​វិថី​ឈ្នះ​ឈ្នះ​ ក្នុង​ទិសដៅ​ពី​កើត​ទៅ​លិច​ក្នុង​ល្បឿន​យ៉ាង​លឿន​។ លុះបើក​មក​ដល់​ចំណុច​កើត​ហេតុ​ក៏​ស្រាប់​តែ​ជ្រុល​ទៅ​បុក​របាំង​ថ្ម​និង​របាំ​ជ័រ​ការដ្ឋាន​អូស​ប្រមាណ​ជាង​២០ម៉ែត្រ​ បណ្តាល​ឲ្យ​រង​ការ​ខូចខាត​រថយន្ត​យ៉ាង​ធ្ងន់ធ្ងរ​ ចំណែក​ខាង​ការដ្ឋាន​វិញ​រង​ការ​ខូចខាត​រាយប៉ាយ​ពេញ​ផ្លូវ​។ ប្រភព​ព័ត៌មាន​ពី​កន្លែង​កើត​ហេតុ​បាន​បញ្ជាក់​ប្រាប់​ថា​ ខណៈ​ពេល​គ្រោះថ្នាក់​ភ្លាមៗ​ខាង​ម្ចាស់​រថយន្ត​ព្រម​ទាំង​ខាង​ម្ចាស់​ការដ្ឋាន​បាន​សម្របសម្រួល​គ្នា​ភ្លាម​ៗ​ដោយ​ម្ចាស់​ការដ្ឋាន​ចេញ​ថ្លៃ​ការ​ខូចខាត​ទាំង​ស្រុង​បញ្ចប់​នៅកន្លែង​កើតហេតុ​ភ្លាមៗ​។ ក្រោយ​កើត​ហេតុ​ បន្ទាប់​ពី​ការ​ដោះស្រាយ​ភ្លាមៗ​ ម្ចាស់​រថយន្ត​បាន​ចេញ​ពី​កន្លែង​កើត​ហេតុ​ភ្លាមៗ​រង់​ចាំ​ហៅ​រថយន្ត​ដើម្បី​ស្ទូចយក​ទៅ​ជួសជុល​ភ្លាមៗ​ផង​ដែរ​៕  

ដោយ៖ គង់ហេង កំពង់ចាម៖ ផ្លូវប្រវែងសរុប ១៣,៨០ គីឡូម៉ែត្រផ្លូវចាប់ពីក្បែរសាលាឃុំទ្រាន ឆ្ពោះទៅរង្វង់ឃុំស្រក ស្រុកកំពង់សៀម បាន និងកំពុងដំណើរការស្ថាបនា ក្រោមឥណទានធនាគារពិភពលោក និងសាងសង់ដោយក្រុមហ៊ុន អឹម ធី អេ ខនស្រ្តាក់សិនខូអិលធីឌី ( M.TA Construction Co.Ltd)។ នេះបើតាមការបញ្ជាក់ឱ្យដឹងពីមន្រ្តីជំនាញដែលអមដំណើរឯកឧត្តម អ៊ុន ចាន់ដា អភិបាលខេត្តកំពង់ចាម ដែលបានដឹកនាំក្រុមការងារ ចុះពិនិត្យវឌ្ឍនភាពការសាងសង់ផ្លូវកៅស៊ូថ្មី និងផ្លូវបេតុងចាប់ពីឃុំទ្រាន ទៅដល់ឃុំស្រក ស្រុកកំពង់សៀម នៅព្រឹកថ្ងៃទី ២៧ តុលានេះ។ ប្រភពព័ត៌មាននោះបានបញ្ជាក់ថា៖ ផ្លូវចាប់ពីឃុំទ្រាន ទៅដល់ រង្វង់មូល នៃឃុំស្រក ស្រុកកំពង់សៀម ដែលមានប្រវែងសរុប ១៣,៨០ គីឡូម៉ែត្រ ដែលមានទទឹងផ្លូវ ៦ ម៉ែត្រ ដោយក្រាលកៅស៊ូ ពីរជាន់ និងចិញ្ចើមផ្លូវ ១ម៉ែត្រ សងខាង ក្រាលកៅស៊ូ ១ជាន់។ ចាប់ពី PK2+900 to 5+000 […]

ដោយៈសិរីមតី ក្រុងព្រះសីហនុ ៖ សហភាពសហព័ន្ធយុវជនកម្ពុជាខេត្ដព្រះសីហនុ និងវិស័យឯកជន កាលពីថ្ងៃទី២៦ខែតុលា បានសហការរួមគ្នាកៀរគរយុវជន អាជ្ញាធរមូលដ្ឋាន ប្រជាសហគមន៍ និងដៃគូពាក់ព័ន្ធសរុបប្រមាណជាង ៥០០ នាក់ ដើម្បីសម្អាតតំបន់ឆ្នេរអូរឈើទាល នៃក្រុងព្រះសីហនុ ក្រោមស្មារតីតែមួយ ដើម្បីឆ្ពោះទៅកាន់ឆ្នេរស្អាត ឆ្នេរបៃតង និងកម្ពុជាកាន់តែបៃតង។ យុទ្ធនាការនេះ ត្រូវបានផ្តួចផ្តើមឡើងក្រោមមូលបទ «ឆ្នេរសមុទ្រស្អាត ឆ្នេរសមុទ្របៃតង» ដែលមានគោលបំណងលើសពីការប្រមូលសំរាមពាសវាលពាសកាល នោះគឺ ការបំផុសស្មារតីសហគមន៍ ក៏ដូចជាអំពាវនាវឲ្យមានការយកចិត្តទុកបន្ថែមទៀត និងជំរុញការអនុវត្តប្រកបដោយនិរន្តរភាព ដើម្បីធ្វើឱ្យកាន់តែប្រសើរឡើងនូវភាពបរិសុទ្ធ ភាពបៃតង ក៏ដូចជា ភាពមានអនាម័យ មានសោភ័ណភាព និងមានបរិស្ថានល្អ ដែលជាលក្ខណៈសម្បត្តិទី៦ នៃគោលនយោបាយ «ភូមិ ឃុំ-សង្កាត់មានសុវត្ថិភាព» របស់រាជរដ្ឋាភិបាលកម្ពុជា។ តាមរយៈយុទ្ធនាការនេះ ក៏មានសកម្មភាពសំខាន់ៗមួយចំនួនទៀតរួមមាន ការដាំដើមឈើបន្ថែមនៅតំបន់ឆ្នេរ ការបរិច្ចាគកញ្ចប់ស្បៀងជំនួយបឋមដល់មនុស្សចាស់ជរា ការចែករំលែកអំពើល្អដោយការបរិច្ចាគសម្ភារៈឈប់ប្រើប្រាស់ដោយអ្នកចូលរួម ពោលគឺ «ចាស់អ្នក ថ្មីខ្ញុំ» និងសកម្មភាពកំសាន្តមួយចំនួនទៀត ដើម្បីឆ្លុះបញ្ចាំងអំពីសារៈសំខាន់នៃបរិស្ថានបៃតង និងទំនួលខុសត្រូវរួមគ្នារបស់ប្រជាជនគ្រប់រូប ក្នុងការនាំយកការផ្លាស់ប្តូរជាវិជ្ជមានមកក្នុងសង្គម តាមរយៈការអនុវត្តជាប្រចាំក្នុងជីវភាពប្រចាំថ្ងៃ។ លោក ឡុង ឌីម៉ង់ អភិបាលរង […]

ដោយ៖ កំចាយ កំពត÷ អភិបាលខេត្តបានបញ្ជាដល់អាជ្ញាធរក្រុងកំពតចុះណែនាំអាជីវករនៅមុខមន្ទីរពេទ្យបង្អែក និងតាមបណ្តោយប្របឆ្នេរព្រែកត្រើយខាងកើតផ្លាស់ប្តូរទីតាំងលក់ដូរដើម្បីឲ្យក្រុមការងារចាប់ផ្តើមរៀបចំសោភ័ណភាពត្រៀមប្រារព្ធពិធីបុណ្យសមុទ្រ។ កាលពីថ្ងៃទី២៥ ខែតុលា ឆ្នាំ២០២៤ លោកអភិបាលខេត្តកំពតបានជូនដំណើរថ្នាក់ដឹកនាំ និងក្រុមការងារបច្ចេកទេសមកពីក្រសួងទេសចរណ៍ចុះពិនិត្យទីតាំងដើម្បីត្រៀមរៀបចំពិធីបុណ្យសមុទ្រលើកទី១១។ ក្រុមប្រតិភូបានពិចារណាលើទីតាំងចាប់ពីស្ពានមិត្តភាពកម្ពុជា-កូរ៉េកំពង់បាយរហូតដល់សួនច្បាររូបសំណាកព្រះបាទអង្គឌួងដែលអាចជ្រើសយកចំណុចគោលណាមួយសម្រាប់រៀបចំពិធី។ ប៉ុន្តែ ក្នុងចន្លោះនៃរយ:ចម្ងាយនេះ និងនៅចំណុចមុខបរិវេណមន្ទីរពេទ្យបង្អែកខេត្តហាក់គ្មានសណ្តាប់ធ្នាប់ព្រោះតែការលក់ដូរផ្លែឈើ ម្ហូបអាហារ ក៏ដូចជាបរិក្ខារផ្សេងៗរៀងរាល់ថ្ងៃ។ ជាមួយទិដ្ឋភាពបែបអវិជ្ជមាននេះ លោក ម៉ៅ ធនិន បានដាក់បទបញ្ជាថា អាជ្ញាធរក្រុងកំពតត្រូវចុះណែនាំអាជីវករឲ្យផ្លាស់ប្តូរទីតាំងលក់ដូរដើម្បីក្រុមការងារចាប់ផ្តើមរៀបចំសោភ័ណភាព ព្រមទាំងហេដ្ឋារចនាសម្ព័ន្ធនានាឆាប់បានសម្រេចរួចរាល់។ ឱកាសនៃពិធីបុណ្យសមុទ្រកាន់តែខិតជិតចូលមកដល់ហើយ។ ដូច្នេះ គ្រប់ផ្នែកពាក់ព័ន្ធមិនត្រូវព្រងើយកន្តើយ ឬអូសបន្លាយពេលវេលាទៀតឡើយ។ សូមបញ្ជាក់ថា ពិធីបុណ្យសមុទ្រលើកទី១១ ជុំទី៣ក្នុងខេត្តកំពតនឹងប្រារព្ធនៅថ្ងៃទី១៣-១៥ ខែធ្នូ ឆ្នាំ២០២៤ ក្រោមប្រធានបទ “ អបអរសាទរបេតិកភណ្ឌ និងចីរភាពនៃតំបន់ឆ្នេរ ”។ កម្មវិធីបើកជាផ្លូវការនឹងប្រព្រឹត្តឡើងនាថ្ងៃទី១៤ ខែធ្នូ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជចន្ទមុន្នី-ហ៊ុនម៉ាណែត៕    

ដោយ : បន្ទាយ បន្ទាយមានជ័យ៖ កម្លាំងមូលដ្ឋានកងរាជអាវុហត្ថក្រុងប៉ោយប៉ែត កាលពីថ្ងៃទី២៤ ខែតុលា ឆ្នាំ២០២៤​​ បានធ្វើប្រតិបត្តិការបង្រ្កាបករណីរក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចក្លឹបស្តារស៊ីធី ស្ថិតក្នុងភូមិក្បាលស្ពាន១​ សង្កាត់អូរជ្រៅក្រុងប៉ោយប៉ែត ខេត្តបន្ទាយមានជ័យ និងបានឃាត់ខ្លួនជនសង្ស័យជនជាតិថៃចំនួន ០២នាក់ ។ លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានឲ្យដឹងថា: ជនសង្ស័យរួមមាន៖ ១-ឈ្មោះ គីតសុដា ផឺមសុវណ្ណ ភេទប្រុស អាយុ ២៨ឆ្នាំ ជនជាតិថៃ មុខរបរបុគ្គលិកកាស៊ីណូ ស្នាក់នៅបណ្តោះអាសន្នបន្ទប់ជួល ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត(រក្សាទុកនិងប្រើប្រាស់), ២-ឈ្មោះ សូកាន់តា សាវ៉ាងវង់ ភេទស្រី អាយុ ២៧ឆ្នាំ ជនជាតិថៃ មុខរបរបុគ្គលិកក្នុងក្លឹប ស្នាក់នៅបណ្តោះអាសន្នបន្ទប់ជួល ភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត(ប្រើប្រាស់)។ វត្ថុតាងចាប់យករួមមាន៖ គ្រឿងញៀនប្រភេទម្សៅម៉ត់ពណ៌ស (កេតាមីន) ចំនួន ០៦ថង់កិប ទម្ងន់ ៥,៨២ក្រាម, ទូរសព្ទចំនួន ០២គ្រឿង […]

ដោយ : បន្ទាយ បាត់ដំបង៖សំណុំរឿងឃាត.កម្មគិតទុកជាមុនដែលកូនដើមរៀបចំគម្រោងស.ម្លាប់ឪពុកចុងនៅស្រុកភ្នំព្រឹកខេត្តបាត់ដំបងកាលពីជិត១ឆ្នាំមុន ត្រូវបានសាលាឧទ្ធរណ៍តំបន់បាត់ដំបងរក្សាទុកជាបានការរបស់សាលាដំបូងខេត្ត ដែលបានសម្រេចផ្តន្ទាទោសដាក់គុកកូនដើមជាឃាត.កនោះ អស់មួយជីវិត។ នេះបើតាមការប្រកាសាលដីកាមួយរបស់ស្ថាប័ននេះ កាលពីថ្ងៃទី២៣ខែតុលាឆ្នាំ២០២៤ ហើយសារព័ត៌មានទទួលបានការអោយដឹងនៅថ្ងៃទី២៤ខែតុលា ។ សូមរំលឹកថា ឃាតកម្មនោះប្រព្រឹត្តកាលពីម៉ោង៦និង១៣នាទីព្រលប់ថ្ងៃទី១៣ខែធ្នូ ឆ្នាំ២០២៣ នៅចំណុចផ្ទះជនរងគ្រោះនាក្រុមទី៩ ភូមិសាមគ្គី ឃុំពេជ្រចិន្តា ស្រុកភ្នំព្រឹកខេត្តបាត់ដំបង ។ ជនជាប់ចោទដែលជាឃាតកមានឈ្មោះវណ្ណាវី វិជ្ជន:(វច្ឆណ:)ហៅដែន ភេទប្រុស អាយុ៣៦ឆ្នាំ កម្រឹតវប្បធម៌អនុបណ្ឌិតព័ត៌មានវិទ្យានៅប្រទេសអូស្ត្រាលី មុខរបរពុំពិតប្រាកដ ស្នាក់នៅភូមិព្រែកមហាទេព សង្កាត់ស្វាយប៉ោក្រុងបាត់ដំបងខេត្តបាត់ដំបង។ ជនជាប់ចោទត្រូវជាកូនដើម ។ ចំណែកជនរងគ្រោះមានឈ្មោះ ហៃ សុភ័ក្ត្រ ភេទប្រុស អាយុ៦៥ឆ្នាំ (ជាវរសេនីយ៍ត្រីនគរបាលចូលនិវត្តន៍) មុខរបរធ្វើចម្ការ ។ ជនរងគ្រោះនិងប្រពន្ធចុង(ម្តាយរបស់ជនជាប់ចោទ) មាននៅទីលំនៅក្រុមទី៩ ភូមិសាមគ្គី ឃុំពេជ្រចិន្តា ស្រុកភ្នំព្រឹកខេត្តបាត់ដំបង ។ ប្រភពព័ត៌មានបានអោយដឹងថា : កាលនៅសាលាដំបូងខេត្តបាត់ដំបង  នេះជាសំណុំរឿងព្រហ្មទណ្ឌលេខ:១៥៩០ ចុះថ្ងៃទី២១ខែធ្នូឆ្នាំ២០២៣ ។ ហើយជាសំណុំរឿងជំនុំជម្រះលេខ:៣២៧ចុះថ្ងៃទី០៨ខែមេសាឆ្នាំ២០២៤  ។ បន្ទាប់មកក្រុមប្រឹក្សាជម្រះដែលមានលោកស្រីហៃ ណៃហេង ជាចៅក្រមនិងប្រធាននិងតំណាងអយ្យការគឺលោកជួង សារ៉ន […]

ដោយ : បន្ទាយ កំពង់ធំ : កម្មវិធីអបអរទិវាស្បៀងអាហារពិភពលោក និងយុទ្ធនាការយកធម្មជាតិ បានរៀបចំឡើងនៅព្រឹកថ្ងៃទី២៥ ខែតុលា ឆ្នាំ ២០២៤ នៅសួនច្បារកុមារស្ទឹងសែន ខេត្តកំពង់ធំ។ កម្មវិធីនេះមានការចូលរួមពីលោក យឹម ប៊ុនថេង នាយកប្រតិបត្តិអង្គការសហប្រតិបត្តិការដើម្បីកាត់បន្ថយភាពក្រីក្រ (កូហ្វាព) និងអ្នកចូលរួមចំនួន ១៧៥ នាក់ ដែលមកពីសហគមន៍ផ្ទាល់ខ្លួនរបស់ប្រជាពលរដ្ឋ អាជ្ញាធរមូលដ្ឋាន និងវិស័យឯកជន។ លោកយឹម ប៊ុនថេង បានថ្លែងថា : ទិវាស្បៀងអាហារពិភពលោកដែលប្រារព្ធឡើងនៅថ្ងៃទី១៦ ខែតុលា រាល់ឆ្នាំគឺដើម្បីរំលឹកការបង្កើតអង្គការស្បៀងអាហារនិងកសិកម្មនៃអង្គការសហប្រជាជាតិ (FAO) នៅឆ្នាំ១៩៤៥។ កម្មវិធីនេះមានគោលដៅជំរុញសន្តិសុខស្បៀង និងការដោះស្រាយបញ្ហាអត់ឃ្លាននៅទូទាំងពិភពលោក។ លោកញឹក បានខេង អភិបាលរងខេត្តកំពង់ធំបានកត់សម្គាល់ថា : កម្មវិធីនេះរៀបចំឡើងដើម្បីផ្សព្វផ្សាយនិងលើកកម្ពស់ការយល់ដឹងអំពីចំណីអាហារដែលមានគុណភាព សុវត្ថិភាព និងមានអាហារូបត្ថម្ភសម្រាប់សុខភាពល្អ។ ជំរុញឲ្យមានកសិផលសុវត្ថិភាពផលិតដោយកសិករខ្នាតតូចក្នុងតំបន់។ លោកបានបានលើកឡើងថា ទិវានេះអនុម័តប្រធានបទថ្មីៗជារៀងរាល់ឆ្នាំ ដើម្បីបង្ហាញពីផ្នែកដែលត្រូវការយកចិត្តទុកដាក់បំផុត។ ក្នុងឆ្នាំ ២០២៤ នេះ FAO បានប្តេជ្ញាចែករំលែកសារថា “សិទ្ធិទទួលបានអាហារ ដើម្បីអនាគតល្អប្រសើរ” ដែលលើកទឹកចិត្តឲ្យមនុស្សគ្រប់រូបមានសិទ្ធិទទួលបានអាហារបរិភោគគ្រប់គ្រាន់សម្រាប់សុខភាពល្អ។ គួរបញ្ជាក់ផងដែរថា […]

ភ្នំពេញ៖ បុរសម្នាក់បានសម្រេចចិត្តចងកសម្លាប់ខ្លួននឹងបង្កាន់ដៃកាំជណ្ដើរខណៈពេលដែលម្ដាយចាកចេញពីផ្ទះទៅផ្សារទិញម្ហូប។ ការធ្វើអត្តឃាតនេះបង្កឲ្យមានការភ្ញាក់ផ្អើលកាលពីវេលាម៉ោង៨ព្រឹកថ្ងៃទី២៥ ខែតុលាឆ្នាំ២០២៤ នៅភូមិគោករកា សង្កាត់គោករកា ខណ្ឌព្រែកព្នៅ រាជធានីភ្នំពេញ។ បុរសដែលគិតខ្លីឈ្មោះគឹម សំណាង ហៅគោ អាយុ២៨ឆ្នាំ ស្នាក់នៅផ្ទះកន្លែងកើតខាងលើ។ តាមនគរបាលបានប្រាប់ឲ្យដឹងថា បុរសខាងលើបានចងកសម្លាប់ខ្លួននិងស្បង់ជីវរដោយភ្ជាប់ទៅនឹងបង្កាន់ដៃកាំជណ្តើរ។ តាមស្ត្រីជាម្ដាយឈ្មោះសៀង សារិន បានឲ្យដឹងថា កូនប្រុសរបស់គាត់មានជំងឺសរសៃប្រសាទរយៈពេលប្រមាណជាង ៣ខែមកហើយបន្ទាប់ពីជួបគ្រោះថ្នាក់ចរាចរ។នៅព្រឹកថ្ងៃកើតហេតុគាត់បានធ្វើដំណើរទៅផ្សារទិញម្ហូបដោយទុកកូនប្រុសនៅផ្ទះតែម្នាក់ឯង។នៅពេលត្រឡប់មកពីផ្សារវិញក៏ប្រទះឃើញចងកសម្លាប់ខ្លួន រួចក៏រាយការណ៍ប្រាប់សមត្ថកិច្ចបង្កឲ្យមានការភ្ញាក់ផ្អើលតែម្ដង។ ស្ត្រីជាម្ដាយបានឲ្យដឹងទៀតថា កន្លងមកកូនប្រុសរបស់គាត់បានព្យាយាមចងកសម្លាប់ខ្លួនជាច្រើនលើកមកហើយតែពុំបានសម្រេចដោយគាត់ឃាត់ទាន់ហើយលើកនេះគាត់ពុំនៅផ្ទះ។នៅព្រឹកនេះដែរសមត្ថកិច្ចជំនាញក៏បានចុះទៅត្រួតពិនិត្យសពរួចក៏ប្រគល់ឲ្យក្រុមគ្រួសារធ្វើបុណ្យតាមប្រពៃណី៕

ដោយ :បន្ទាយ បន្ទាយមានជ័យ ៖ ពិធីអប​អរសាទរខួបលើកទី២៦ ទិវាមនុស្សចាស់កម្ពុជា និងទិវាមនុស្ស​ចាស់អន្តរជាតិ ១តុលា ក្រោមប្រធានបទ «មនុស្សចាស់ក្នុងបរិវត្តកម្មឌីជីថល» ដែលមន្ទីរសង្គមកិច្ច អតីតយុទ្ធជន និងនិងយុវនីតិសម្បទាខេត្តបន្ទាយមានជ័យបានធ្វើឡើង​នៅបរិវេណសាលាឃុំសិង្ហ ស្រុកអូរជ្រៅ​ ដោយមានការ​ចូលរួមពីអភិបាល​រងស្រុកអូរជ្រៅ​ មន្ទីរជុំវិញខេត្ត និងជនវ័យ​ចាស់ប្រមាណជា២០០នាក់។ ជាមួយគ្នានោះ លោក ឃុន វុទ្ធី ប្រធានមន្ទីរ​សង្គមកិច្ច​អតីតយុទ្ធជន និង​យុវនីតិសម្បទា​ខេត្ត​បន្ទាយមានជ័យ បានលើកឡើងថា​ :មនុស្សចាស់ដែលមានអាយុចាប់ពី៦០ឆ្នាំឡើង សរុបចំនួន ៧៤.១៨៣ នាក់/ ស្រី៤១.៩៥៣​នាក់ ក្នុងនោះមនុស្សចាស់ចំនួន ១៨.៨៩៧នាក់/ ស្រី ១០.២១២នាក់ បានទទួលប្រាក់ឧត្ថម្ភពីរាជរដ្ឋាភិបាលកម្ពុជា តាមរយៈកម្មវិធីកញ្ចប់គ្រួសារ។ លោកប​ន្តថា​៖សមាគមមនុស្សចាស់មានចំនួន ៦៧ឃុំ/សង្កាត់ ដំណើរការបាន ៤១ឃុំ សង្កាត់ មានចំនួន ៤៤ សមាគម (ដំណើរការល្អ ២១,ដំណើរការមធ្យម ១៥, ដំណើរការខ្សោយ ៨) សមាជិកសរុប ចំនួន ១៥.៤៤៨នាក់ ស្រី៩.៦២០នាក់ ថវិកាសរុប ២៥៤.២៧៣.៧០០រៀល។​ ឯក្នុងស្រុកអូរជ្រៅមានចំនួន […]