ដោយ៖ ព្រះអង្គខ្មៅ ក្រចេះ៖ គ្រោះថ្នាក់រវាងរថយន្តបុកជាមួយម៉ូតូនៅលើដងផ្លូវជាតិលេខ៧ ចំណុចភូមិសម្បទានកាំពី ឃុំសំបុក ស្រុកចិត្របុរី ខេត្តក្រចេះ កាលពីយប់ថ្ងៃទី៤ខែវិច្ឆិកា ឆ្នាំ២០២៤ ជនរងគ្រោះចំនួន២នាក់បាត់បង់ជីវិតនៅនឹងកន្លែងកើតហេតុ។ ក្រោយហេតុការណ៍ភ្លាម សមត្ថកិច្ចក៏បានចុះទៅដល់ពិនិត្យ និងសាកសួរជុំវិញករណីនេះឱ្យដឹងថាទី១.ឈ្មោះនួន រតនា ភេទប្រុស អាយុ៣២ឆ្នាំ រស់នៅភូមិសម្បទានកាកុត ឃុំសំបុក ស្រុកចិត្របុរីខេត្តក្រចេះស្លា.ប់។ទី២.ឈ្មោះថាន ថុង ភេទប្រុស អាយុ៣១ឆ្នាំ រស់នៅភូមិឃុំជាមួយគ្នាស្លា.ប់។ចំណែកម្នាក់ទៀតឈ្មោះផូ ស៊ីនិត ភេទប្រុស អាយុ៤៥ឆ្នាំ អ្នកបើកបរម៉ូតូកង់បី គេចពីកន្លែងកើតហេតុទៅធ្លាក់ស្នាមភ្លោះខ្លួនឯងរបួសធ្ងន់។ ប្រជាពលរដ្ឋនៅក្បែរកន្លែងកើតហេតុបាននិយាយប្រាប់ឱ្យដឹងថា៖ មុនពេលកើតហេតុ ឈ្មោះថាន ថុងបានបើកបរម៉ូតូឌុបឈ្មោះនួន រតនាក្នុងស្ថានភាពស្រវឹងទាំងពីរនាក់ចេញពីផ្ទះយ៉ាងលឿន។ ពេលជិះមកដល់កន្លែងកើតហេតុដោយខ្វះការប្រុងប្រយ័ត្ន ក៏ជ្រុលទៅបុករថយន្តមិនស្គាល់ម៉ាកពេញទំហឹងបណ្តាលឱ្យរថយន្តនោះបុកស្លាប់ពីរនាក់។ភ្លាមនោះរថយន្តបានបន្តគេចចេញពីកន្លែងកើតហេតុ ដោយបន្សល់ទុកជនរងគ្រោះតែប៉ុណ្ណោះ៕

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាមបានសម្រេចផ្តល់អាហារូបករណ៍ នៃវិទ្យាល័យអប់រំពិសេស( គថ្លង់ ) ចំនួន ៧ នាក់ បន្តការសិក្សានៅថ្នាក់ឧត្តមសិក្សានៅតាមបណ្តាមហាវិទ្យាល័យក្នុងក្រុងកំពង់ចាម។ បើទោះជាពួកគាត់(សិស្ស)មិនបានប្រឡងជាប់និទ្ទេស A ក៏ដោយ ប៉ុន្តែបានប្រឡងជាប់សញ្ញាបត្រទុតិយភូមិ ហើយជាជនងាយរងគ្រោះ។ ឯកឧត្តមបានសម្រេចបែបនេះ នៅក្នុងពិធីសំណេះសំណាល ជាមួយសិស្សានុសិស្សនិទ្ទេស A ចំនួន ២៧ នាក់នៅក្នុងក្រុងកំពង់ចាមនាសម័យប្រឡងមធ្យមសិក្សាទុតិយភូមិថ្ងៃទី ៨ តុលា ២០២៤កន្លងទៅ ដែលពិធីនេះបានរៀបចំឡើងនៅក្នុងសាលាខេត្តកំពង់ចាម កាលពីរសៀលថ្ងៃទី ៤ វិច្ឆិកានេះ។ សូមបញ្ជាក់ថា  លទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី៨ ខែតុលា ឆ្នាំ២០២៤នេះ នៅទូទាំងខេត្តកំពង់ចាម មានបេក្ខជនមកប្រឡងចំនួន ៨.៦៩៣នាក់ បេក្ខជនប្រឡងជាប់ចំនួន ៦.៦១០នាក់ ស្មើនឹង ៧៦,០៤ភាគរយ។ ក្នុងនោះសិស្សប្រឡងជាប់និទ្ទេស A មានចំនួន ១១៥ នាក់ ខណៈដែលបេក្ខជនប្រឡងជាប់និទ្ទេស A នៅទូទាំងប្រទេសមានចំនួន ២.២១៦នាក់ ។ […]

សៀមរាប៖ ក្រុមអ្នកជំនាញរបស់នាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា កំពុងអនុវត្តគម្រោងជួសជុលប្រាសាទទ្រមូង ដែលស្ថិតនៅខាងលិច នៃខ្លោងទ្វារតាកាវ ក្រុងអង្គរធំ ឱ្យរឹងមាំឡើងវិញ។ ប្រាសាទទ្រមូង គឺជាមន្ទីរពេទ្យបុរាណមួយ ក្នុងចំណោមមន្ទីរពេទ្យបុរាណចំនួន៤ របស់អតីតក្រុងអង្គរធំ ដែលបច្ចុប្បន្នកំពុងរងការខូចខាតខ្លាំង។ បុរាណវិទូ និងជាប្រធានការងារការដ្ឋាន លោក ជា សារិទ្ធ ឱ្យដឹងថា ប្រាសាទទ្រមូង រងការខូចខាតខ្លាំងនៅត្រង់តួប៉មកណ្តាល ដោយមានការដួលរលំស្ទើរទាំងស្រុង គឺនៅសល់ទ្រង់ទ្រាយដើមប្រហែល២០-៣០ភាគរយប៉ុណ្ណោះ។ ចំណែក ថ្មចាប់ពីជញ្ជាំងរហូតទៅដល់ផ្នែកដំបូលវិញ បានរលំ និងធ្លាក់ចុះមកលើដីទាំងស្រុង ដោយនៅសេសសល់ តែស៊ុមទ្វារផ្នែកខាងមុខ ខឿនផ្នែកខាងត្បូង និងផ្នែកខាងកើត។ ចំណែក រចនាសម្ពន្ធផ្នែកខាងលិច និងខាងជើងក៏បាត់ថ្មអស់ប្រហែល៥០ភាគរយដែរ។ ដោយសារតែប្រាសាទទ្រមូង រងការខូចខាតធ្ងន់ធ្ងរ ទើបបច្ចុប្បន្នក្រុមការងារ នៃអាជ្ញាធរជាតិអប្សរា ចាប់ផ្ដើមអនុវត្តគម្រោងជួសជុល ថែទាំឡើងវិញទៅតាមដំណាក់កាល។ ដំណាក់កាលទី១ គឺក្រុមការងារ ចាប់ផ្ដើមធ្វើសម្រង់ប្លង់បច្ចុប្បន្នរបស់ប្រាសាទ ធ្វើការវិភាគវិនិច្ឆ័យលក្ខណៈរបស់សំណង់ និងការខូចខាត ដើម្បីឈានដល់ការជួសជុល។ ចំណែកដំណាក់កាលទី២ គឺធ្វើការចុះបញ្ជីថ្មដែលកំពុងរាយប៉ាយ ដើម្បីកំណត់មុខងារ និងទីតាំងរបស់ថ្ម។ លោក ជា សារិទ្ធ បញ្ជាក់ថា […]

ដោយ : ប.ជ័យ បន្ទាយមានជ័យ៖ពលរដ្ឋ មន្ត្រីអាជ្ញាធរនិងសមត្ថកិច្ចជំនាញនានាក្នុងការបំភ្លឺដោយឡែកពីគ្នា ហើយបានឲ្យសារព័ត៌មានដឹងថា៖  សត្តឃាតដ្ឋានផាន់ ដារ៉ារឹទ្ធិ ស្ថិតនៅភូមិបាលីលេយ្យ២ សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ បានហួសសុពលភាពធ្វើអាជីវកម្មស្របច្បាប់យូរហើយ ហើយបង្កប៉ះពាល់ខ្លាំងដោយខ្វះអនាម័យ ការគ្រប់គ្រងក្លិន កាកសំណល់ ប៉ះពាល់បរិស្ថាននិងលើមនុស្សរស់នៅជុំវិញ ហើយអ្នកវិនិយោគនេះពុំបានគោរព អនុវត្តនិងកែលម្អតាមកិច្ចសន្យាឬការណែនាំរបស់ជំនាញនិងអាជ្ញាធរឡើយ ។ហេតុនេះ មានតែបញ្ឈប់ជាស្ថាពលើអាជីវកម្ម ហើយប្រគល់ដីរដ្ឋ ទីកន្លែងទំហំ២០ម៉ែត្រគុណ២០ម៉ែត្រនោះជូនជាទ្រព្យសម្បត្តិរដ្ឋវិញ។ ឯម្ចាស់សត្តឃាតដ្ឋាននេះបានបំភ្លឺប្រាប់សារព័ត៌មានកាលពីថ្ងៃទី០៣ខែវិច្ឆិកាថាខ្លួនធ្លាប់សុំប្តូរទីតាំងតាំងពីយូរមកហើយ ប៉ុន្តែថ្នាក់លើនិងថ្នាក់ក្រោម មិនទទួលយកសំណើខ្លួន ។ ប្រជាពលរដ្ឋរស់នៅម្តុំនោះ បានប្រាប់សារព័ត៌មានកាលពីថ្ងៃទី០៣ខែវិច្ឆិកាថា : ពួកខ្លួនរាប់សិបគ្រួសារបានរស់នៅ ស្នាក់នៅដោយរងផលប៉ះពាល់បរិស្ថាន និងសុខភាព ក្រោមការជះក្លិនស្អុយ ឆ្អេះឆ្អាប  សំឡេងរំខាន និងកាកសំណល់ដែលគ្មានអនាម័យឬទុកដាក់សមស្របបង្កឡើងដោយសត្តឃាតដ្ឋានសត្វជ្រូក នៃក្រុមហ៊ុននាងខត្តីយឯក Neang Khatey Co.,Ltd របស់លោកផាន់ ដារ៉ារឹទ្ធិ នៅផ្លូវវត្តថ្មី នៅភូមិបាលីលេយ្យ២ សង្កាត់ប៉ោយប៉ែតក្រុងប៉ោយប៉ែតនេះ ។ ចំណែកលោកភោគ លន ចៅសង្កាត់ប៉ោយប៉ែតប្រាប់សារព័ត៌មានដែរថា: អាជ្ញាធរដែនដីមូលដ្ឋានទទួលបណ្តឹងនិងការត្អូញត្អែររហូតមកជាយូរហើយរបស់ប្រជាពលរដ្ឋនៅម្តុំនោះ ពីការបង្កបញ្ហាដោយសត្តឃាតដ្ឋានសត្វជ្រូក ផាន់ ដារ៉ារឹទ្ធិ នេះ។គឺដូចជាផលប៉ះពាល់លើសុខភាព  អនាម័យនិងបរិស្ថាន […]

ក្នុងរយៈពេល ១២ ខែចុងក្រោយនេះ ការប្រកួតប្រជែង CEE បានអញ្ជើញអាជីវកម្មជាច្រើនឱ្យស្វែងរកដំណោះស្រាយប្រកបដោយភាពច្នៃប្រឌិតសម្រាប់កាត់បន្ថយការប្រើប្រាស់ថាមពលរបស់ពួកគេ។ អង្គការ WWF-កម្ពុជា បានផ្តួចផ្តើមឱ្យមានការប្រកួតប្រជែងមួយបន្ថែមទៀតនៅក្នុងឆ្នាំ២០២៤ តាមរយៈការឧបត្ថម្ភគាំទ្រឱ្យមានការចូលរួមពីវិស័យទេសចរណ៍។ យើងជំរុញ និងលើកទឹកចិត្តដល់អ្នកចូលរួមពីបណ្តាសណ្ឋាគារដែលដំណើរការល្អបំផុត ហើយចូលរួមកាត់បន្ថយការប្រើប្រាស់ថាមពលរបស់ពួកគេបានរហូតដល់ទៅ ៣៧.២%! សរុបមកតាមរយៈការប្រកួតប្រជែងនេះ គឺអាជីវកម្មដែលអាចចូលរួមកាត់បន្ថយបាននូវការបំភាយឧស្ម័នកាបូនិច (CO2) ចំនួន ១៤៩ តោន និងសន្សំថាមពលបាន ២៦៦,០០០ kWh។ យើងខ្ញុំសូមអរគុណចំពោះដៃគូ និងបណ្តាក្រសួងពាក់ព័ន្ធសំខាន់ៗ ដែលបានធ្វើឱ្យការប្រកួតប្រជែងមួយនេះអាចធ្វើទៅបានដោយជោគជ័យ។ តាមរយៈការជំរុញការអនុវត្តទេសចរណ៍ប្រកបដោយនិរន្តរភាព យើងអាចចូលរួមធ្វើឱ្យសេដ្ឋកិច្ច និងបរិស្ថានរបស់យើងកាន់តែរីកចម្រើន៕ អត្ថបទ៖ WWF-កម្ពុជា

ភ្នំពេញ: នាថ្ងៃទី២៥ ខែតុលា ឆ្នាំ២០២៤ ក្រុមហ៊ុន ស៊ី.ភី ខេមបូឌាបានធ្វើសិក្ខាសាលាស្តីពីយុទ្ធសាស្ត្រទីផ្សាររបស់ស៊ី.ភី ២០២៤ (CP Marketing Summit 2024)។ កម្មវិធីខាងលើនេះ ត្រូវបានប្រារព្ធឡើងនៅសណ្ឋាគារ SUN & MOON, Riverside Hotel ដោយមានការចូលរួមចំនួន១៥០នាក់ដែលកម្មវិធីនោះផងដែរធ្វើឡើងក្នុងគោលបំណងបង្កើនការផ្លាស់ប្តូរចំណេះដឹង និងកិច្ចសហប្រតិបត្តិការក្នុងវិស័យកសិ-ឧស្សាហកម្ម និងចំណីអាហាររបស់កម្ពុជា។សិក្ខាសាលានេះបានផ្តល់នូវវេទិកាពិសេសមួយសម្រាប់តំណាងរាជរដ្ឋាភិបាល ថ្នាក់ដឹកនាំអាជីវកម្ម និងអ្នកជំនាញដើម្បីចែករំលែកការយល់ដឹង និងការអនុវត្តល្អបំផុតដែលអាចជំរុញកំណើនសេដ្ឋកិច្ចប្រកបដោយនិរន្តរភាពនៅក្នុងតំបន់។ សម្រាប់សិក្ខាសាលានេះ ទទួលបានការអញ្ជើញចូលរួមពីសំណាក់វាគ្មិនមកពីស្ថាប័នរដ្ឋាភិបាលនានា រួមតំណាងមកពីក្រសួងកសិកម្ម រុក្ខាប្រមាញ់ និងនេសាទ, ក្រសួងពាណិជ្ជកម្ម, ក្រុមប្រឹក្សាអភិវឌ្ឍន៍កម្ពុជា, ស្ថានទូតថៃប្រចាំនៅទីក្រុងភ្នំពេញ,សមាគមន៏ធុរកិច្ចថៃនៅកម្ពុជា និងបណ្តាក្រុមហ៊ុនបុត្រសម្ព័ន្ធដូចជាក្រុមហ៊ុនMakro, CPAll Truemoney ,Apsara Rice,PCG, CPPC ,CPT ,KPC ក្នុងការបង្កើននិងពង្រឹងបណ្តាញឧស្សាហកម្មនិងការចែករំលែកចំណេះដឹង។ នៅក្នុងសុន្ទរកថាបើកកម្មវិធីរបស់ លោកស្រី អេកអន ខុណាចារើនភារធារីស្ថានឯកអគ្គរាជទូតថៃប្រចាំព្រះរាជាណាចក្រកម្ពុជាបានសម្តែងការប្តេជ្ញាចិត្តរបស់ស្ថានទូតក្នុងការជំរុញទំនាក់ទំនងសេដ្ឋកិច្ចឱ្យកាន់តែជិតស្និទ្ធ និងការរីកចម្រើនទៅវិញទៅមករវាងប្រទេសថៃ និងកម្ពុជា។ ស្ថានទូតថៃមានកិត្តិយសដែលជាផ្នែកមួយនៃសិក្ខាសាលាស្តីពីយុទ្ធសាស្ត្រទីផ្សាររបស់ស៊ី.ភី ២០២៤ (CP Marketing Summit 2024)។ លោកស្រី […]

ដោយ : បន្ទាយ ពោធិ៍សាត់៖ ស្ពានលេខ២៨ នៃគម្រោងស្ថាបនាផ្លូវជាតិលេខ១០ គឺជាស្ពានខ្ពស់ជាងគេនៅកម្ពុជា ដែលមានកម្ពស់៩០ម៉ែត្រ ប្រវែងសរុប ៥៣៧ម៉ែត្រ បច្ចុប្បន្នស្ពានខ្ពស់ជាងគេនេះសម្រេចការសាងសង់បាន ៧៩%ហើយ ។ នេះបើតាមក្រសួងសាធារណការនិងដឹកជញ្ជូនបានឲ្យដឹងកាលពីថ្ងៃទី០២ ខែវិច្ឆិកាឆ្នាំ២០២៤ ។ ក្រសួងបានឲ្យដឹងថា៖ មានន័យថាស្ពាននេះនឹងត្រូវដាក់ឱ្យប្រើប្រាស់សាកល្បងនៅចុងខែមីនា ឆ្នាំ២០២៥ ខាងមុខនេះ មុនពិធីបុណ្យចូលឆ្នាំថ្មី ប្រពៃណីជាតិខ្មែរ។ ស្ពានខ្ពស់ជាងគេនេះមានចំណុចកណ្តាលស្ពានស្ថិតនៅត្រង់គីឡូម៉ែត្រលេខ ១២៨+៩០៥ ហើយកាត់តាមជ្រលងស្ទឹងឫស្សីជ្រុំ មានមុំប្រសព្វ ៩០ដឺក្រេ។ សំណង់ផ្នែកខាងលើមានធ្នឹមប្រភេទអក្សរ “T” ផ្នែកខាងកើតមាន៤ប្រឡោះ ផ្នែកកណ្តាលជាប្រភេទធ្នឹមប្រអប់ខ្សែកាបទាញមាន៣ប្រឡោះ និងមួយផ្នែកខាងលិចប្រភេទធ្នឹមអក្សរ “T” មាន៥ប្រឡោះ។ ចំណែកឯសំណង់ផ្នែកខាងក្រោមមានទម្រក្បាលស្ពាន និងធ្នឹមទទឹង (សម្រាប់ទ្រធ្នឹមប្រភេទអក្សរ “T”) ប្រើសសរមូលជួរឈរ និងប្រភេទគ្រឹះខួង ព្រមទាំងធ្នឹមទទឹងប្រើសសរបែបជញ្ជាំងជួរឈរ និងប្រភេទគ្រឹះខួង៕

ដោយ៖ ព្រះអង្គខ្មៅ បាត់ដំបង÷ អគ្គិភ័យឆាបឆេះផ្សារបឹងឈូកជាន់ទី ២ ប៉ះពាល់ខូចខាតធ្ងន់ធ្ងរនៅមិនទាន់ដឹងពីមូលហេតុនៅឡើយ កម្លាំងអន្តាគមន៍ពន្លត់ ប្រើពេលរាប់ម៉ោងនៅមិនទាន់គ្រប់គ្រងបាន។ ប្រភពព័ត៌មានបានបញ្ជាក់បឋមថា÷ អគ្គិភ័យឆាបឆេះផ្សារបឹងឈូកនៅជាន់ទី២ កណ្តាលក្រុងបាត់ដំបងនេះបានកើតឡើងនៅអំឡុងវេលាម៉ោង ១០:០០នាទី រហូតរំលងអធ្រាតថ្ងៃទី០៣ឈានចូលថ្ងៃទី ០៤ ខែវិច្ឆិកា ឆ្នាំ២០២៤ ក្នុងសង្កាត់ព្រែកមហាទេព ក្រុងបាត់ដំបង ខេត្តបាត់ដំបង។ ដំបូងឡើយគេឃើញអណ្តាតភ្លើងបានឆាបឆេះនៅត្រង់ជាន់ទី ២ ផ្នែកខាងជើង និងបានរីករាលដាលទៅកាន់ផ្នែកដទៃទៀតរហូតទាំងស្រុងសន្ធោសន្ធៅខ្លាំងយ៉ាងពេញបន្ទុកតែម្តង។ ប្រភពបន្តថា÷  អគ្គិភ័យខាងលើនេះដែរមិនមានប៉ះពាល់ដល់អាយុជីវិតមនុស្សឡើយ។ ដោយឡែកអំពីមូលហេតុក៏នៅមិនទាន់ដឹងនៅឡើយ តែប្រជាពលរដ្ឋមួយចំនួនបានសន្និដ្ឋានថាអាចបណ្តាលមកពីឆ្លងចរន្តអគ្គិសនី។ កិច្ចអន្តរាគមន៍ពន្លត់របស់សមត្ថកិច្ចប្រើប្រាស់រថយន្តទឹកអស់រាប់សិបរថយន្ត ដល់ម៉ោង ១:០០នាទីរំលងអធ្រាត្រក៏មិនទាន់គ្រប់គ្រងបាននៅឡើយ៕  

ដោយ៖ ប្រសិទ្ធ សណ្ឋាគារកាំបូឌីយ៉ាណាភ្នំពេញ បានរៀបចំកម្មវិធីពិសេសមួយ ដើម្បីណែនាំដល់អតិថិជនចាស់-ថ្មី ស្ដីពីការរៀបចំកែលម្អបន្ទប់ស្នាក់នៅដ៏ស្រស់ស្អាត និងផ្តល់នូវសេវាកម្មថ្មីៗបន្ថែមទៀត ជូនទៅដល់អតិថិជនកាលពីល្ងាចថ្ងៃទី១ ខែវិច្ឆិកា ឆ្នាំ២០២៤ នៅបរិវេណសណ្ឋាគារដោយមានអ្នកចូលរួមប្រមាណជាង២០០នាក់។ សណ្ឋាគារកាំបូឌីយ៉ាណា ដែលមានអាសយដ្ឋាន អគារលេខ៖៣១៣ មហាវិថីព្រះស៊ីសុវត្ថិ សង្កាត់ចតុមុខ ខណ្ឌដូនពេញ រាជធានីភ្នំពេញ គឺជាសណ្ឋាគារមួយដែលមានឈ្មោះល្បីល្បាញជាយូរឆ្នាំមកហើយ នៅព្រះរាជាណាចក្រកម្ពុជា។ នៅក្នុងនោះមានការបម្រើជូនអតិថិជនក្នុងការស្នាក់នៅ សេវាកម្មម្ហូបអាហារមានរសជាតិឈ្ងុយឆ្ងាញ់ពេសេស មានកន្លែងហាត់ប្រាណ អាងហែលទឹកជាដើម ពោរពេញទៅដោយសោភ័ណភាពល្អ មានកន្លែងចតរថយន្តធំទូលាយ សម្រាប់អតិថិជនដែលបានមកស្នាក់នៅ។ ដើម្បីបន្ថែមនិងផ្ដល់ជូននូវការស្នាក់នៅជូនអតិថិជនរបស់ខ្លួនឲ្យកាន់តែប្រសើរឡើងថែមមួយកម្រិតទៀតនោះ សណ្ឋាគារនេះបានរៀបចំកែសម្រួលបន្ថែមនូវគ្រឿងបំពាក់ សោភ័ណភាព ក៏ដូចជារចនាបទថ្មីទំនើបទាន់សម័យសម្រាប់បម្រើអតិថិជនរបស់ខ្លួន។ ជាក់ស្តែងនៅក្នុងនោះបានរៀបចំកែសម្រួលទាំងស្រុង នូវគ្រែថ្មី កំរាលព្រំថ្មី ពូកថ្មី ការ៉ូថ្មី អាហារដ្ឋានថ្មី និងមានតម្លៃថោកសមរម្យផងដែរ។ លោក Hamno Stamm អគ្គនាយកគ្រប់គ្រងទូទៅនៃសណ្ឋាគារនេះ បានមានប្រសាសន៍ថា យើងសូមអតិថិជនទាំងចាស់ទាំងថ្មីទាំងអស់ ដែលបានអញ្ជើញចូលរួមនៅក្នុងកម្មវិធីនាល្ងាចថ្ងៃទី១ ខែវិច្ឆិកា នេះ សូមអញ្ជើញសប្បាយរីករាយជាមួយនឹងកម្មវិធី និងអាចអញ្ជើញទស្សនា បន្ទប់ស្នាក់នៅ ក៏ដូចជាអាហារដ្ឋាន អាងហែលទឹក កន្លែងហាត់ប្រាណ ដែលបានរៀបចំជាថ្មីនៅក្នុងពេលចូលរួមកម្មវិធី ដើម្បីបានឃើញនូវការរៀបចំUpgradeថ្មីរបស់សណ្ឋាគារ។ […]

ដោយ : បន្ទាយ សៀមរាប៖ បន្ទាប់ពីបានទទួលពាក្យបណ្តឹងពីប្រជាពលរដ្ឋក្នុងករណីលួចម៉ូតូ អាវុធហត្ថខេត្តសៀមរាបបានធ្វើការស្រាវជ្រាវរកឃើញម៉ូតូ និងបានប្រគល់ម៉ូតូជូនទៅម្ចាស់វិញ ។ នេះបើតាមមន្ត្រីអាវុធហត្ថ​បានឲ្យដឹងកាលពីថ្ងៃទី០២ ខែវិច្ឆិកា ឆ្នាំ២០២៤ ។ កងរាជអាវុធហត្ថខេត្តសៀមរាប បានទទួលពាក្យបណ្តឹងពីប្រជាពលរដ្ឋ៖ ១-ឈ្មោះ សូត្រ សាវ៉ាន ភេទស្រី អាយុ ៣៤ឆ្នាំ មុខរបរលក់ដូរ ជាម្ចាស់ម៉ូតូម៉ាកហុងដា១២៥ ពណ៌ខ្មៅ ឆ្នាំ២០១៩ និង២-ឈ្មោះ រស់ វណ្ណា ភេទប្រុស អាយុ ៤២ឆ្នាំ មុខរបរជាងឈើ ជាម្ចាស់ម៉ូតូ ម៉ាកហុងដា១២៥ ពណ៌ខ្មៅ ឆ្នាំ២០១៥។ តមក សមត្ថកិច្ចបានប្រគល់ម៉ូតូជូនទៅម្ចាស់វិញហើយ ។ ម្ចាស់បានបង្ហាញឯកសារសំអាងពាក់ព័ន្ធដើ់ម្បីឲ្យសមត្ថកិច្ចផ្ទៀងផ្ទាត់ថាខ្លួនពិតជាម្ចាស់ម៉ូតូ៕

ដោយ : បន្ទាយ សៀមរាប : នៅស្នងការដ្ឋាននគរបាលខេត្តសៀមរាប លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប លោកមេបញ្ជាការង និងជានាយសេនាធិការ លោកនាយសេនាធិការរង ចូលរួមប្រជុំផែនការ ការពារពិធីសម្ភោធបើកឡើងវិញ កសិដ្ឋានសូត្រសិប្បកម្មអង្គរ ដឹកនាំប្រជុំដោយលោកនាយឧត្តមសេនីយ៍ ជួន សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី កាលពីព្រឹកថ្ងៃទី០៣ ខែវិច្ឆិកា ឆ្នាំ២០២៤ ។ ពិធីសម្ពោធបើកឡើងវិញកសិដ្ឋានសូត្រសិប្បកម្មអង្គរប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត នាពេលដ៏ខ្លីខាងមុខនេះ ៕

ភ្នំពេញ៖: តូបលក់បាយនិងលក់កាហ្វេ នៅចិញ្ចើមផ្លូវជាប់នឹងបង្គោលភ្លើងដ៏ធំមួយត្រូវបានអគ្គិភ័យឆាបឆេះស្ទើរទាំងស្រុង តែមិនបង្កគ្រោះថ្នាក់ដល់បងប្អូនប្រជាពលរដ្ឋនៅទីតាំងនោះឡើយ ដោយរថយន្តពន្លត់អគ្គិភ័យបានមកជួយបាញ់ទឹកពន្លត់ទាន់ពេលវេលាកាលពីវេលាម៉ោង ១និង២០នាទី រំលងអធ្រាត្រឈានចូលថ្ងៃទី៤ ខែវិច្ឆិកា ឆ្នាំ២០២៤ នៅជិតផ្សារអង្គ ដែលស្ថិតសង្កាត់ចោមចៅ ទី៣ ខណ្ឌពោធិសែនជ័យ រាជធានីភ្នំពេញ។ តាមប្រភពព័ត៌មានពីបងប្អូនប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនពេលកើតហេតុ ដោយមានទុស្សខ្សែភ្លើងចេញពីបង្គោលភ្លើងនៅចំណុចកើតហេតុ ហើយបន្ទាប់មក ដោយមានផ្កាភ្លើងធ្លាក់ឆេះតូបលក់បាយនិងលក់កាហ្វេបងប្អូនប្រជាពលរដ្ឋដែលនៅសងខាងក្រោមបង្គោលភ្លើងបណ្តាលឲ្យឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើល។ ខណៈពេលភ្លាមៗនោះបងប្អូនប្រជាពលរដ្ឋបានទាក់ទងទៅរថយន្តពន្លត់អគ្គិភ័យ ដើម្បីជួយអន្តរាគមន៍បន្ទាន់។ នៅក្នុងនោះផងដែរ ដោយរថយន្តពន្លត់អគ្គិភ័យមកចំនួនដល់ទៅ៥គ្រឿង ដើម្បីមកជួយពន្លត់។ ប្រជាពលរដ្ឋនៅកន្លែងកើតហេតុបានរៀបរាប់ប្រាប់ថា ទីតាំងខាងលើធ្លាប់មានឆ្លងចរន្តអគ្គិសនីជាច្រើនលើកមកហើយទើបតែលើកនេះវាបង្កឲ្យឆាបឆេះតែម្តង៕ ដោយ៖សហការី

ដោយ៖សហការី ភ្នំពេញ៖ ស្ត្រីជាកម្មកររោងចក្រម្នាក់បានបាត់បង់ជីវិតនៅនឹងកន្លែងកើតហេតុបន្ទាប់ពីដើរចេញពីផ្សារឆ្លងផ្លូវត្រូវម៉ូតូជិះមកលឿនបុកពេញទំហឹងបោកក្បាលនៅនឹងផ្លូវ បណ្តាលអោយស្លាប់នៅកន្លែងកើតហេតុ។ចំណែកឯបុរសម្ចាស់ម៉ូតូបង្កបានរងរបួសធ្ងន់ត្រូវរថយន្តសាមុយដឹកយកទៅសង្គ្រោះបន្ទាន់ភ្លាមៗ កាលពីវេលាម៉ោង៦:៣០នាទីយប់ ថ្ងៃទី០៣ខែវិច្ចិកា ឆ្នាំ២០២៤ នៅមុខផ្សារទួលពង្រ ស្ថិតនៅលើផ្លូវ៣០ម៉ែត្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ ជនរងគ្រោះ ឈ្មោះ យ៉ាង សំបាត ភេទស្រី អាយុ ៣៦ឆ្នាំ មុខរបរកម្មកររោងចក្រ ស្នាក់ នៅ ភូមិ ត្រពាំង រំចេក សង្កាត់ចោមចៅ ទី ១ ខណ្ឌ ពោធិ៍សែនជ័យ មានស្រុកកំណើតនៅស្រុកកោះសុទិន ខេត្តកំពង់ចាម។ តាមប្រភពព័ត៌មានបានឲ្យដឹងថា នៅមុនពេលកើតហេតុគេឃើញ ស្រ្តីរងគ្រោះបានដើរចេញពីផ្សារទួលពង្រ រួចឆ្លងផ្លូវ៣០ម៉ែត្រ ក្នុងទិសដៅពីកើតទៅលិច។ ខណៈពេលកំពុងតែដើរឆ្លងដល់ពាក់កណ្តាលផ្លូវស្រាប់តែគេឃើញមានម៉ូតូបង្ក១គ្រឿងម៉ាកហុងដា សេ១២៥ពណ៌ខ្មៅ ពាក់ផ្លាកលេខ ភ្នំពេញ 1HB-0651 ជិះដោយបុរសម្នាក់ធ្វើដំណើរតាមបណ្ដោយផ្លូវ ៣០ម៉ែត្រទិសដៅពីត្បូងទៅជើងក្នុងល្បឿនលឿន រេចង្កូតជ្រុលទៅបុកចំពាក់កណ្ដាលខ្លួនស្ត្រីរងគ្រោះយ៉ាងពេញទំហឹងបណ្ដាលឲ្យដួលបោកក្បាលស្លាប់នៅនឹងកន្លែងតែម្តង។ ភ្លាមៗនោះពលរដ្ឋនៅក្បែរខាងក៏បាននាំគ្នារាយការណ៍ទៅក្រុមគ្រូពេទ្យប្រចាំបញ្ជា១១៩ ឲ្យរថយន្តសង្គ្រោះបន្ទាន់ចុះមកដល់ទីតាំងកើតហេតុ ក្រោយពីក្រុមគ្រូពេទ្យបានចុះមកដល់ពិនិត្យទៅលើស្ត្រីរងគ្រោះឃើញថាស្រ្តីខាងលើបានស្លាប់។ រីឯបុរសបើកម៉ូតូបង្កវិញបានរងរបួសធ្ងន់ត្រូវរថយន្តសាមុយដឹកយកទៅសង្រ្គោះនៅឯមន្ទីពេទ្យរដ្ឋមួយកន្លែងផងដែរ៕

ដោយ : បន្ទាយ បន្ទាយមានជ័យ :ក្រសួងអប់រំ យុវជននិងកីឡា ក្នុងទំព័រហ្វេសប៊ុកផ្លូវការ កាលពីថ្ងៃទី០១ខែវិច្ឆិកាឆ្នាំ២០២៤ បានចេញមកថ្លែងថា : “(ក្រសួង) សូមចូលរួមសោកស្តាយ ចំពោះមីង ហែម ស៊ីណាត ដែលទទួលលទ្ធផលមិនល្អទៀតហើយ សម្រាប់ការប្រឡងបាក់ឌុបឆ្នាំនេះ(២០២៤)” ។ ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជននិងកីឡា ក្នុងហ្វេសប៊ុកក្រសួងបានថ្លែងបន្តថា:” ខ្ញុំសូមជូនពរមីង ប្រឡងជាប់នៅឆ្នាំក្រោយ។ អ្នកមីង មានវ័យ ៥៨ឆ្នាំ គឺជាបេក្ខជនដែលមានវ័យចំណាស់ជាងគេ ក្នុងចំណោមបេក្ខជនជាង១៣ម៉ឺននាក់ ដែលបានចុះឈ្មោះប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៤”។ សូមរំលឹកថា ការប្រកាសលទ្ធផលប្រឡងសញ្ញាប័ត្រមធ្យមសិក្សាទុតិយភូមិ(បាក់ឌុប) សម័យប្រឡងថ្ងៃទី៨ខែតុលាឆ្នាំ២០២៤ បានចេញសម្រាប់រាជធានីភ្នំពេញនិងខេត្តកណ្តាលកាលពីថ្ងៃទី៣០ខែតុលា ។ឯសម្រាប់ខេត្ត២៣ ទៀតបានចេញនៅថ្ងៃទី៣១ ខែតុលា ឆ្នាំ២០២៤ ។ នៅខេត្តបន្ទាយមានជ័យមានបេក្ខជនមកប្រឡង ៦.១១៧នាក់/ស្រី៣.៥១៥នាក់ ជាប់ ៤.៨៣៩នាក់/ស្រី២.៩៤៨នាក់ ។ក្នុងនោះ បេក្ខជនចំណេះទូទៅ ៤.២៣៤នាក់ / ស្រី ២.៦១១នាក់ ,បេក្ខជនស្វ័រិនចំណេះទូទៅ (ស្វរ ចទ) ៤៩៥នាក់ /ស្រី ៣០៨នាក់ […]

ដោយ : បន្ទាយ បន្ទាយមានជ័យ: កម្លាំងមូលដ្ឋានកងរាជអាវុធហត្ថក្រុងសិរីសោភ័ណ កាលពីម៉ោង២និង៣០នាទីរំលងអធ្រាត្រ ថ្ងៃទី៣១ ខែតុលា ឆ្នាំ២០២៤បានទទួលព័ត៌មានពីប្រជាពលរដ្ឋ ករណីហិង្សាដោយចេតនាប្រព្រឹត្តនៅសួនតេជោឈ្នះឈ្នះ ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បង្កដោយក្រុមក្មេងទំនើង០២ក្រុមប្រដាប់ដោយកាំបិត បានដេញកាប់គ្នាទៅវិញទៅមក។ ក្រោយពីទទួលបានព័ត៌មាន លោកវរសេនីយ៍ត្រី សុខ ឡេង មេបញ្ជាការមូលដ្ឋានកងរាជអាវុធហត្ថក្រុង បានចុះដល់កន្លែងកើតហេតុ កំណត់មុខសញ្ញាជនសង្ស័យរហូតដល់វេលាម៉ោង០៨និង៣០នាទី ថ្ងៃខែឆ្នាំដដែល បានឃាត់ខ្លួនបានចំនួន០២នាក់។ ជនសង្ស័យរួមមាន​​​៖ ១-ឈ្មោះ សម្បត្តិ ចំរើន ភេទប្រុស អាយុ១៦ឆ្នាំ និង២-ឈ្មោះ ស៊ាត សុខអាន ភេទប្រុស អាយុ១៧ឆ្នាំ នៅចំណុចភូមិគោរដ្ឋាន សង្កាត់អូរអំបិល ក្រុង​សិរីសោភ័ណ ខេត្តបន្ទាយមានជ័យ ព្រមទាំងដកហូតវត្ថុតាងមាន៖ ១.កាំបិតកៃច្នៃ ប្រវែង១១២ សង់ទីម៉ែត្រ ចំនួន០១ដើម, ២.ម៉ូតូ ម៉ាកហុងដាឌ្រីម ពណ៌ខ្មៅ ផលិតឆ្នាំ២០១៩ ពាក់ផ្លាកលេខ បន្ទាយមានជ័យ1Q-5238 ចំនួន០១គ្រឿង, ៣.ទូរសព្ទ ម៉ាកVIVO ពណ៌ទឹកសមុទ្រ […]

ដោយ : បន្ទាយ ភ្នំពេញ -ពោធិ៍សាត់ :របាយការណ៍ការសិក្សាប្រភេទសត្វមួយរបស់ក្រុមការងារក្រសួងបរិស្ថានបានបង្ហាញនូវលទ្ធផលគួរឱ្យកត់សម្គាល់មួយដែលចំនួនប្រភេទសត្វមានសរុបដល់ទៅ១០៨ ប្រភេទរួមមាន :  សត្វស្លាប៖ ៦៥ ប្រភេទ , ថនិកសត្វ៖ ៣៨ ប្រភេទ, សត្វល្មូន៖ ៥ ប្រភេទ ជាដើម ។ នេះបើតាមសម្តីដកស្រង់របស់លោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ដូចដែលសារព័ត៌មានទទួលបានមកទល់ថ្ងៃទី០១ខែវិច្ឆិកាឆ្នាំ២០២៤។ លោករដ្ឋមន្ត្រី បានដកស្រង់ពីការសិក្សាស្រាវជ្រាវនោះ បញ្ជាក់ថា: ប្រភេទសត្វកម្រ និងជិតផុតពូជដែលរកឃើញ មានដូចជា៖  ឆ្កែព្រៃ (ប្រភេទមំសាសីចុងក្រោយនៅកម្ពុជា) ,  ដំរីអាស៊ី, ខ្លាពពក, ខ្លាភ្ញីថ្មកែវ, ខ្លាលឿងមាស, ខ្លាឃ្មុំតូច និងខ្លាឃ្មុំធំ។ លោកបណ្ឌិតនិងជារដ្ឋមន្ត្រីរូបនេះបានអោយដឹងបន្តទៀតថា ចំពោះព្រៃឈើកម្ពុជា មិនត្រឹមតែជាតំបន់ទេសភាពប៉ុណ្ណោះទេ ប៉ុន្តែវាក៏ជាដែនជម្រកដ៏សំខាន់សម្រាប់ប្រភេទជីវៈចម្រុះនៃភពផែនដីរបស់យើងផងដែរ។ ក្នុងនាមក្រសួងបរិស្ថាន លោកបណ្ឌិតបានចាប់អារម្មណ៍ថា: ” របាយការណ៍នេះឆ្លុះបញ្ចាំងពីសមិទ្ធផលជាវិជ្ជមាននៃកិច្ចខិតខំប្រឹងប្រែងក្នុងការអនុវត្តយុទ្ធសាស្រ្តចក្រាវិស័យបរិស្ថាន” ៕

ដោយ៖កំចាយ កំពត៖ ផ្អែកតាមលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៤ គឺខេត្តកំពតទទួលបានមធ្យមភាគ៨៥,៣៥ភាគរយក្នុងចំណោមបេក្ខជន៥.១៦១នាក់។ ថ្ងៃបើកបវេសនកាលឆ្នាំសិក្សាថ្មី សិស្សឆ្នើមនិន្ទេសAបានចែករំលែកបទពិសោធដល់ប្អូនៗជំនាន់ក្រោយដើម្បីទទួលជោគជ័យសម្រាប់ជីវិតសិក្សា។ លោកស្រី គង់ សុភា អនុប្រធានមន្ទីរអប់រំ យុវជន និងកីឡាបានរាយការណ៍ក្នុងពិធីបើកបវេសនកាលឆ្នាំសិក្សា២០២៤-២៥ នៅវិទ្យាល័យមិត្តភាពកម្ពុជា-ជប៉ុនកំពតក្រុងកាលពីថ្ងៃទី១ ខែវិច្ឆិកាថា៖ លទ្ធផលប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៤ នៅខេត្តកំពតមានអ្នកជាប់ជាស្ថាពរ៤.៤០៥នាក់នៃបេក្ខជនចំនួន៥.១៦១នាក់។ ក្នុងនោះសិស្សដែលទទួលបាននិន្ទេសAមានចំនួន៧៨នាក់ ពោលគឺតិចជាងឆ្នាំមុន១៣នាក់។ ថ្លែងបើកបវេសនកាលឆ្នាំសិក្សាថ្មី លោក តាក ហាប់ ប្រធានក្រុមប្រឹក្សាខេត្តកំពតបានណែនាំថា៖ លោកគ្រូ អ្នកគ្រូ គណៈកម្មការសាលា ព្រមទាំងមាតាបិតាត្រូវរួមគ្នាក្នុងការជំរុញគុណភាព និងលទ្ធផលសិក្សារបស់សិស្សឲ្យកាន់តែល្អប្រសើរថែមទៀត។ ចំណែកក្មួយៗក៏ត្រូវខិតខំរៀនសូត្រដោយខ្លួនឯងដើម្បីក្រេបយកចំណេះដឹង និងទទួលបាននិទ្ទេសល្អមុនបញ្ចប់ឆ្នាំសិក្សានីមួយៗ។ យុវជន លឹម លីហ៊ាង អតីតសិស្សវិទ្យាល័យមិត្តភាពកម្ពុជា-ជប៉ុនកំពតក្រុងដែលទទួលបាននិន្ទេសAលំដាប់ពិន្ទុ៩៩,៩៦៩ក្នុងការប្រឡងបាក់ឌុបឆ្នាំ២០២៤ បានចែករំលែកបទពិសោធថា៖ ដើម្បីសម្រេចបាននិទ្ទេសល្អ ប្អូនៗត្រូវប្រកាន់ខ្ជាប់នូវចំណុចសំខាន់ៗមួយចំនួន ដូចជា កំណត់គោលដៅថាខ្លួនចង់បាននិទ្ទេសអ្វី?, រៀបចំផែនការរៀនសូត្រឲ្យបានច្បាស់លាស់, មានវិន័យសម្រាប់ខ្លួនឯង, ព្យាយាម ហើយផ្តោតជាចម្បងលើគោលដៅ ដោយមិនត្រូវធ្វេសប្រហែសលើប្រការណាមួយឡើយ៕  

ដោយ៖ គង់ហេង កំពង់ចាម៖ ការធ្វើកំណែទម្រង់វិមជ្ឈការ និងវិសហមជ្ឈការ មានគោលបំណងដើម្បីឱ្យស្របនឹងតម្រូវការរបស់ប្រជាពលរដ្ឋ ជាពិសេសការអនុវត្តដំណាក់កាលទី២ នៃកំណែទម្រង់នេះ នៅសល់ប្រមាណ ៦ ឆ្នាំទៀតនឹងត្រូវបញ្ចប់ហើយ។ នេះជាប្រសាសន៍លើកឡើងរបស់ឯកឧត្តម អ៊ុន ចាន់ដា អភិបាលខេត្តកំពង់ចាម នៅក្នុងវេទិការវាងរាជរដ្ឋាភិបាល និងរដ្ឋបាលថ្នាក់ក្រោមជាតិ ស្តីពីកំណែទម្រង់វិមជ្ឈការ និងវិសហមជ្ឈការ ដើម្បីចូលរួមសម្រេចចក្ខុវិស័យកម្ពុជា ឆ្នាំ២០៥០ របស់រដ្ឋបាលខេត្តកំពង់ចាម នៅសាលាខេត្តនេះរយៈពេល ២ថ្ងៃ( ថ្ងៃទី ៣០-៣១ តុលា)កន្លងទៅ។ ឯកឧត្តមអភិបាលខេត្តកំពង់ចាមបានមានប្រសាសន៍៖ ព្រឹត្តិការណ៍ថ្ងៃនេះដើម្បីធ្វើបច្ចុប្នន្នភាព ទំនើបកម្ម ការអនុវត្តកំណែទម្រង់វិមជ្ឈការ និងវិសហមជ្ឈការ សម្រាប់យើងទាំងអស់គ្នាអនុវត្តជាក់ស្តែងនៅមូលដ្ឋាន។ជាធម្មតាការធ្វើកំណែទម្រង់ ឬការដាក់ចេញនូវគោលនយោបាយអ្វីមួយតែងតែមានការធ្វើបច្ចុប្បន្នភាព ឬទំនើបកម្ម រៀងរាល់បីឆ្នាំម្តង ឬរៀងរាល់មួយអាណត្តិម្តង របស់ក្រុមប្រឹក្សា ឬរបស់រាជរដ្ឋាភិបាល។ ដូច្នេះពីពេលអនុវត្តមកដល់ពេលបច្ចុប្បន្នពុំមានទេ ទើបមកដល់ពេលនេះនៅក្នុងអាណត្តិទី៧ របស់រាជរដ្ឋាភិបាលដឹកនាំដោយសម្តេចបហាបរវរធិបតី ហ៊ុន ម៉ាណែត បានដាក់ចេញឱ្យមានអង្គវេទិកានេះ ក្នុងគោលបំណង គឺការធ្វើបច្ចុប្បន្នភាព ឬការធ្វើទំនើបកម្ម នូវកំណែទមម្រង់វិមជ្ឈការ និងវិសហមជ្ឈការ ដើម្បីឱ្យស្របនឹងតម្រូវការរបស់ប្រជាពលរដ្ឋ។ ឯកឧត្តមបានមានប្រសាសន៍ទៀតថា៖ ហេតុនេះយើងត្រូវមើលការងារបន្ថែមសំខាន់ចំនួនពីរ ចាប់ពីថ្នាក់ខេត្តរហូតដល់ថ្នាក់ឃុំសង្កាត់ ទី១/ត្រូវមើលទៅលើការងារសន្តិសុខ […]

ដោយ : បន្ទាយ បន្ទាយមានជ័យ៖ កម្លាំងការិយាល័យជំនាញកងរាជអាវុធហត្ថខេត្ត បានទទួលពាក្យបណ្ដឹងពីឈ្មោះ សឿន ស្រីនាង ភេទស្រី អាយុ៣៦ឆ្នាំ រស់នៅភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ត្រូវជាម្តាយបង្កើតរបស់ជនរងគ្រោះឈ្មោះ ភាន់ សុភ័ក្រ ភេទប្រុស អាយុ១៦ឆ្នាំ បានប្ដឹងចោទប្រកាន់ទៅលើជនសង្ស័យ០១ក្រុម មានគ្នាប្រហែល១២នាក់ ស្តីពីករណីលួចម៉ូតូដោយប្រើហិង្សា ប្រព្រឹត្តកាលពីវេលាម៉ោង១៥និង៣០នាទី ថ្ងៃទី២៦ ខែតុលា ឆ្នាំ២០២៤ នៅចំណុចផ្លូវវាងក្រុង ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ។ ក្រោយពីទទួលបានបណ្ដឹង កម្លាំងការិយាល័យជំនាញបានសហការជាមួយកម្លាំងមូលដ្ឋានកងរាជអាវុធហត្ថក្រុងសិរីសោភ័ណ ស្រុកមង្គលបូរី និងក្រុងប៉ោយប៉ែត បានធ្វើការស្រាវជ្រាវកំណត់មុខសញ្ញាបានថាពួកគេគេចខ្លួនទៅក្រុងប៉ោយប៉ែត។ រហូតដល់វេលាម៉ោង០០និង៣០នាទីឈានចូលថ្ងៃទី៣០ ខែតុលា ឆ្នាំ២០២៤ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត បានឃាត់ខ្លួនជនសង្ស័យជាបន្តបន្ទាប់សរុបចំនួន០៨នាក់ ក្នុងចំណោមបក្ខពួក១០នាក់ រួមមាន៖  ១-ឈ្មោះរុន ញឹង(ដា) ភេទប្រុស អាយុ២០ឆ្នាំ ,២-ឈ្មោះសាទ វីរ៉ា ភេទប្រុស អាយុ១៦ឆ្នាំ  ,៣-ឈ្មោះហុង លីហួរ (ហួរ ជ័រ) ភេទប្រុស […]

ដោយ៖ កំចាយ កំពត÷ ទោះបីរវល់ការងារយ៉ាងណាក្តីសមាជិកសហភាពសហព័ន្ធយុវជនកម្ពុជា(ស.ស.យ.ក)គ្រប់រូបមិនត្រូវឃ្លាតឆ្ងាយពីគ្នារហូតកើតជាអារម្មណ៍ «សក់នរណា ក្បាលអ្នកហ្នឹង» នោះឡើយ។ នេះជាការក្រើនរម្លឹករបស់លោកហ៊ុន ម៉ានី ក្នុងពិធីជួបសំណេះសំណាលជាមួយសមាជិកស.ស.យ.កស្រុកទឹកឈូ នៅសហគមន៍នេសាទត្រពាំងសង្កែ កាលពីថ្ងៃទី៣១ ខែតុលា ឆ្នាំ២០២៤។ ក្នុងពិធីនេះក៏មានការអមដំណើរដោយលោកសាយ សំអាល់ អនុប្រធាន ស.ស.យ.ក និងលោកម៉ៅ ធនិន អភិបាលខេត្តកំពតផងដែរ។ លោកហ៊ុន ម៉ានី បានមានប្រសាសន៍ថា ការធ្វើដំណើរមកជួបបងប្អូននៅស្រុកទឹកឈូដោយផ្ទាល់នាពេលនេះក្នុងបំណងសំខាន់គឺដើម្បីថ្លែងអំណរគុណដល់សមាជិក ស.ស.យ.កចំពោះកិច្ចការកន្លងមក។ ការចូលរួមចំណែករបស់សមាជិកទាំងអស់បានធ្វើឲ្យស.ស.យ.ករីកលូតលាស់ និងមានកិត្តិយសរហូតត្រូវបានមជ្ឈដ្ឋានទូទៅទទួលស្គាល់ថាជាក្រុមយុវជនដែលផ្សារភ្ជាប់ខ្លួនទៅនឹងសង្គម ហើយហ៊ានលះបង់ដើម្បីប្រទេសជាតិ។ លោកប្រធានបានបន្តថា ពិតណាស់ សមាជិកម្នាក់ៗសុទ្ធតែរវល់រៀងខ្លួន ដូចជា ប្អូនៗសិស្សានុសិស្សប្រើពេលវេលាសម្រាប់ការសិក្សា មន្ត្រីរាជការផ្តោតលើការទទួលខុសត្រូវតាមតួនាទី បងប្អូនបម្រើការក្រុមហ៊ុនត្រូវបំពេញភារកិច្ចក្នុងនាមជាបុគ្គលិក ដែលជាហេតុធ្វើឲ្យសមាជិកស.ស.យ.កទាំងអស់មិនសូវបានជួបគ្នាទេ។ ប៉ុន្តែ ទោះជាបែបនេះក្តី ប្រធាន ស.ស.យ.ក គ្រប់ក្រុង-ស្រុកគួរលៃលកពេលវេលាដោយមិនត្រូវបណ្តោយឲ្យការឃ្លាតឆ្ងាយពីគ្នាអូសបន្លាយពេលយូរៗរហូតកើតជាអារម្មណ៍ដក់ជាប់ក្នុងចិត្តថា “សក់នរណា ក្បាលអ្នកហ្នឹង” នោះឡើយ។ លោកហ៊ុន ម៉ានីបានបញ្ជាក់ថា ចូលរួមជាមួយ ស.ស.យ.ក ជាការឆ្លៀតពេលដ៏មមាញឹកដើម្បីជួយបម្រើការងារសង្គមជាតិតាមរយៈកម្មវិធីដែលបានរៀបចំឡើង។ បងប្អូនជាសមាជិកនឹងទទួលបានការលត់ដំសមត្ថភាព និងកិច្ចប្រឹងប្រែងរបស់ខ្លួន ក៏ដូចជាមានឱកាសរៀនសូត្រ ធ្វើការជាក្រុម ពិសេសធ្វើខ្លួនជាយុវជនគំរូ […]