ភ្នំពេញ៖« ការប្រកបអាជីវកម្មរីកចម្រើនយើងមិនត្រូវភ្លេចកិច្ចការសង្គមទេ។យើងរីកចម្រើនទៅបានលុះត្រាតែមានការចូលរួមគាំទ្រពីសង្គម។អ៊ីចឹងពេលដែលយើងតបស្នងអ្វីទៅសង្គម សង្គមនឹងជួយគាំទ្រយើងវិញ។ដូចទស្សនៈធនាគារអេស៊ីលីដាអីចឹងយើងធ្វើអ្វីមួយក៏ដោយត្រូវគិតពីសង្គម»។ លោក លី ថៃ គណៈប្រធាននាយកប្រតិបត្តិអភិបាលកិច្ចទទួលបន្ទុកផ្នែកធនធានមនុស្សនិងរដ្ឋបាលនៃធនាគារអេស៊ីលីដាភីអិលស៊ី បានមានប្រសាសន៍ដូច្នេះនៅក្នុងកម្មវិធីបរិច្ចាគឈាមដោយស្ម័គ្រចិត្តនាព្រឹកថ្ងៃទី៨ខែវិច្ឆិកា ឆ្នាំ២០២៤។ ធនាគារអេស៊ីលីដាភីអិលស៊ី សហការជាមួយមជ្ឈមណ្ឌលជាតិផ្តល់ឈាម បានរៀបចំកម្មវិធីបរិច្ចាគឈាមដោយស្ម័គ្រចិត្តដោយមានការចូលរួមពីថ្នាក់ដឹកនាំនិងបុគ្គលិកប្រមាណជិត៧០០នាក់នៅទូទាំងប្រទេសដើម្បីចូលរួមចំណែកជាមួយរាជរដ្ឋាភិបាលក្នុងការជួយសង្គ្រោះអាយុជីវិតដល់ជនរងគ្រោះ ឬអ្នកជំងឺដែលជួបគ្រោះថ្នាក់ ឬមានជំងឺត្រូវការឈាមជាបន្ទាន់។ លោក លី ថៃ បានលើកឡើងថា៖«ការបរិច្ចាគឈាមនេះជាទង្វើមនុស្សធម៌ដ៏ប្រពៃ ហើយយើងអាចជួយសង្គ្រោះអាយុជីវិតជួយដល់អ្នករងគ្រោះ។ទន្ទឹមនឹងនេះក៏អាចធ្វើឱ្យសុខភាពយើងប្រសើរឡើងផងដែរ។ដោយសារយើងយល់ពីសារសំខាន់នេះហើយទើបមានអ្នកចូលរួមច្រើន»។ នេះជាលើកទី៨ហើយដែលធនាគារអេស៊ីលីដាបានរៀបចំកម្មវិធីបរិច្ចាគឈាមដោយស្ម័គ្រចិត្តដោយមានបុគ្គលិកចូលរួមបរិច្ចាគឈាមចំនួន៦៧០នាក់នៅទូទាំងប្រទេសក្នុងនោះនៅរាជធានីភ្នំពេញមាន២៣៥នាក់និងតាមបណ្តាខេត្ត៤៣៥នាក់ខណៈ៧លើកមុនមានអ្នកចូលរួមចំនួន១៧៨០នាក់។ លោកបានលើកទឹកចិត្តឱ្យមានការចូលរួមបរិច្ចាគឈាមនេះឱ្យបានច្រើនបន្ថែមទៀតនិងសូមថ្លែងអំណរគុណដល់សហការីទាំងអស់ដែលបានស្ម័គ្រចិត្តចូលរួមបរិច្ចាគឈាមដែលជាការងារសង្គម។ លោកវេជ្ជបណ្ឌិត លី សុវិទ្យ អនុប្រធានមជ្ឈមណ្ឌលជាតិឈាមបានថ្លែងអំណរគុណយ៉ាងជ្រាលជ្រៅចំពោះបុគ្គលិកគ្រប់ផ្នែកទាំងអស់ នៃធនាគារអេស៊ីលីដាភីអិលស៊ី ដែលតែងតែបានរៀបចំបានអនុញ្ញាតឲ្យមជ្ឈមណ្ឌលជាតិផ្ដល់ឈាមមកទទួលយកអំណោយឈាមដោយសប្បុរស ដើម្បីជួយជីវិតដល់ជនរងគ្រោះនិងសូមអរគុណចំពោះសកម្មភាពចូលរួមលើផ្នែកមនុស្សធម៌ ដើម្បីជួយជីវិតមនុស្ស ពិសេសអ្នកដែលត្រូវការឈាម នៅតាមគ្រប់មន្ទីរពេទ្យទាំងអស់។ លោកវេជ្ជបណ្ឌិតបានបន្តថាសកម្មភាពរបស់ធនាគារអេស៊ីលីដានេះគឺជាគំរូមួយដ៏ល្អដល់ស្ថាប័នដទៃទៀតក្នុងការរួមចំណែកជាមួយស្ថាប័នផ្តល់ឈាមមានឈាមគ្រប់គ្រាន់ជួយសង្គ្រោះជីវិតអ្នកជំងឺ។ លោកវេជ្ជបណ្ឌិតបានបន្តទៀតថាការចូលរួមរបស់អេស៊ីលីដានេះមានសារសំខាន់រកអ្វីកាត់ថ្លៃមិនបានទេក្រៅពីការជួយសង្គមក៏បានដឹងពីសុខភាពនិងជំងឺរបស់គាត់ដែរដូចជាជំងឺថ្លើមប្រភេទ បេ, សេ, ស្វាយនិងជំងឺអេដស៍និងជួយកាត់បន្ថយជំងឺមហារីកកាត់បន្ថយលើសជាតិដែកធ្វើឱ្យប៉ះពាល់ដល់ថ្លើមនិងលំពែងនិងជួយសម្រួលសុខភាពបេះដូងពិសេសមានមោទនភាពក្នុងការចូលរួមចំណែកជាមួយសង្គមជាតិក្នុងសកម្មភាពមនុស្សធម៌ជួយសង្គ្រោះអាយុជីវិតមនុស្ស។ លោកវេជ្ជបណ្ឌិតបានអំពាវនាវដល់វិស័យឯកជន និងសាធារណជនទូទៅ ពិសេសយុវវ័យ បន្តចូលរួមបង្កើនសកម្មភាពផ្តល់ឈាមឲ្យបានច្រើនបន្ថែមទៀត ដើម្បីឱ្យមជ្ឈមណ្ឌលជាតិផ្តល់ឈាមអាចមានលទ្ធភាពស្តុកឈាមបានគ្រប់គ្រាន់ ដោយសារបច្ចុប្បន្ននេះការផ្តល់ឈាមដោយស្ម័គ្រចិត្ត និងមិនគិតកម្រៃមានត្រឹមតែ២០ភាគរយប៉ុណ្ណោះ ខណៈការផ្តល់ឈាមដោយក្រុមគ្រួសារ និងសាច់ញាតិបងប្អូនរបស់អ្នកជំងឺមានរហូតដល់៨០ភាគរយឯណោះ៕

ដោយ : បន្ទាយ សៀមរាប៖ នៅទីបញ្ជាការដ្ឋានកងរាជអាវុធហតខេត្តសៀមរាប លោកឧត្តមសេនីយ៍ត្រី សៀ ទីន មេបញ្ជាការបានបើកចែកអាវរងាដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកស្រីបណ្ឌិតពេជ ចន្ទមុន្នី ហ៊ុន ម៉ាណែត ជូនដល់តំណាងតាមបណ្តាមូលដ្ឋានកងរាជអាវុធហត្ថ ក្រុង-ស្រុក។ នេះបើតាមមន្ត្រីអាវុធហត្ថខេត្តសៀមរាបអោយដឹងកាលពីថ្ងៃទី០៧ខែវិច្ឆិកា ។ អំណោយក៏ចែកដល់អង្គភាពចំណុះសម្រាប់យកទៅចែកជូនបន្តដល់នាយទាហាន នាយទាហានរង និងពលទាហាន នៃកងរាជអាវុធហត្ថខេត្តសៀមរាប គ្រប់ៗគ្នា៕

ដោយ : បន្ទាយ កំពង់ធំ៖ អគារសិក្សា ១ខ្នង ៣បន្ទប់ និងសមិទ្ធផលជាច្រើននៅសាលាបឋមសិក្សាកូនក្អែក ស្ថិតនៅភូមិកូនក្អែក ឃុំសំបូរណ៍ ស្រុកប្រាសាទសំបូរ បានសម្ពោធដាក់ឱ្យប្រើប្រាស់ កាលពីសៀលថ្ងៃទី០៧ ខែវិច្ឆិកា ឆ្នាំ២០២៤ ។ អង្គការ GIVE CHILDREN A FUTURE asbl, LUXEMBOURG and OPERATION MONDE NOUVEAU asbl, BELGIUM បានការឧបត្ថម្ភនិងគាំទ្រការកសាងអគារសិក្សានិងសមិទ្ធផលទាំងនេះ ។ លោក នួន ផារ័ត្ន អភិបាលខេត្តកំពង់ធំមានប្រសាសន៍ថា : វិស័យអប់រំនៅកម្ពុជាបន្តអភិវឌ្ឍជាលំដាប់ និងប្រែក្លាយទៅជាប្រព័ន្ធអប់រំដែលមានគុណភាពខ្ពស់ ដែលអាចកសាង និងអភិវឌ្ឍធនធានមនុស្សប្រកបដោយមនសិកា វិជ្ជាជីវៈ និងសមត្ថភាពជំនាញពិតប្រាកដលើគ្រប់វិស័យ ។ បើតាមលោកអភិបាលខេត្តកំពង់ធំ សមិទ្ធផលរូបវ័ន្តដែលដាក់ឲ្យប្រើប្រាស់ជាផ្លូវការនាពេលនេះ ពិតណាស់នឹងក្លាយជាចំណែកមួយដ៏សំខាន់ក្នុងការជំរុញការកសាងធនធានមនុស្ស ៕

ដោយ : បន្ទាយ បន្ទាយមានជ័យ៖ នៅសាលប្រជុំធំនិងបរិវេណសាលាខេត្តកាលពីព្រឹកថ្ងៃទី០៧ខែវិច្ឆិកាឆ្នាំ២០២៤ រដ្ឋបាលខេត្តបានរៀបចំពិធីខួបអនុស្សាវរីយ៍លើកទី៧១ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ (៩ វិច្ឆិកា ១៩៥៣-៩ វិច្ឆិកា ២០២៥) ។ លោក អ៊ុំ រាត្រី អភិបាលខេត្ត និងលោកប្លែក វ៉ារីជាប្រធានក្រុមប្រឹក្សាខេត្តជាអធិបតីនិងវត្តមានកិត្តិយសពីមន្ត្រីសង្ឃ ជាសមាជិកព្រឹទ្ធសភា រដ្ឋសភាលោកស្រី លោកថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ មហាជន យុវជនប្រមាណ១.០០០ អង្គ /នាក់ ។ ក្នុងកម្មវិធីនេះ ក៏មានការនិមន្តព្រះសង្ឃ បង្សុកូលឧទ្ទិសមហាព្រះរាជកុសល ថ្វាយសម្តេចព្រះករុណា ព្រះបាទសម្តេច នរោត្តម សីហនុ ព្រះបរមរតនកោដ្ឋ ព្រមទាំងមានការដាក់កម្រងផ្កាតាមមន្ទីរ អង្គភាព ជុំវិញខេត្ត និងលែងសត្វព្រាប និងបង្ហោះប៉ឺតប៉ោង ជានិមិត្តរូបបង្ហាញពីប្រទេសជាតិ មានសុខសន្តិភាព ស្ថិរភាពនយោបាយនិងការអភិវឌ្ឍផងដែរ ។ ចុងក្រោយ ប្រតិភូរដ្ឋបាលខេត្ត២ក្រុម  គឺក្រុមទី១ ដឹកនាំដោយលោកអ៊ុំ រាត្រី  អភិបាលខេត្ត,លោកអន […]

សៀមរាប៖ ទោះបីស្ថានភាពទឹកភ្លៀងឆ្នាំនេះមានការអូសបន្លាយ និងមិនទៀងទាត់យ៉ាងណាក៏ដោយ ប៉ុន្តែអាជ្ញាធរជាតិអប្សរា បានរៀបចំប្រមែប្រមូលទឹកពេញអាងស្ដុកទឹកទាំងអស់ដែលមានក្នុងតំបន់រមណីយដ្ឋានអង្គរ។ តាមមន្រ្តីអាជ្ញាធរជាតិអប្សរា ទឹកភ្លៀងជាង៦០លានម៉ែត្រត្រីគុណ ឬម៉ែត្រគីប ត្រូវបានប្រមូលទុកនារដូវវស្សាឆ្នាំនេះ។ ប្រធាននាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរា លោក ភឿន សុឃីម បានឱ្យដឹងថា គិតមកដល់ខែវិច្ឆិកា ការប្រមូលទឹកចូលអាងស្ដុកទឹកសំខាន់ៗ​នៅតំបន់រមណីយដ្ឋានអង្គរ គឺសម្រេចបាន១០០ភាគរយ ក្នុងនោះរាប់ទាំងបារាយណ៍តូចធំ កសិន្ធុទឹក អូរ និងប្រឡាយជាដើម។ ទឹកដែលប្រមូលបានទាំងនេះមានបរិមាណជាង៦០លានម៉ែត្រត្រីគុណ ដែលត្រៀមសម្រាប់ការប្រើប្រាស់នារដូវប្រាំងខាងមុខ ក្នុងនោះរាប់ទាំងការងារអភិរក្សប្រាសាទ បរិស្ថាន និងវិស័យកសិកម្មសម្រាប់ប្រជាពលរដ្ឋនៅតំបន់ជុំវិញប្រមាណ៧ពាន់ហិកតា។ អ្នកជំនាញបញ្ជាក់ថា បរិមាណនេះ គឺមានចំនួនប្រហាក់ប្រហែលនឹងឆ្នាំទៅមិញដែរ ដោយមិនបារម្ភពីកង្វះខាតទឹកនៅតំបន់ឡើយ។ បើតាមការបញ្ជាក់ពីលោក ភឿន សុឃីម ការងារគ្រប់គ្រងទឹកនៅតំបន់រមណីយដ្ឋានអង្គរ កាន់តែល្អប្រសើរពីមួយឆ្នាំទៅមួយឆ្នាំ ក្រោយអាជ្ញាធរជាតិអប្សរាបានរៀបចំ និងស្ដារប្រព័ន្ធទឹកបុរាណ​ក្នុងតំបន់រមណីយដ្ឋានអង្គរឡើងវិញចាប់ពីឆ្នាំ២០១២មក។ ជាងនេះទៅទៀត ក្រោមការគិតគូរដ៏វែងឆ្ងាយ និងភាពឈ្លាសវៃពីថ្នាក់ដឹកនាំអាជ្ញាធរជាតិអប្សរា ដោយយល់ពីសារសំខាន់ នៃការងារគ្រប់គ្រងទឹក ដែលធ្វើឱ្យប្រព័ន្ធគ្រប់គ្រងទឹកក្នុងតំបន់កាន់តែមានភាពជឿនលឿន និងមានប្រសិទ្ធភាពខ្ពស់។ តួយ៉ាង នាឆ្នាំ២០២៤នេះ សំណង់ទ្វារទឹកមួយចំនួនត្រូវបានស្ដារ និងជួសជុលឡើងវិញជាបន្តបន្ទាប់ ក្នុងបំណងដើម្បីធានាថា ការងារគ្រប់គ្រងទឹក​នឹងមានវិសាលភាព កាន់តែទូលំទូលាយ និងពេញលេញ […]

ប្រែសម្រួល៖ រតនា ប្រទេសចិនកំពុងស្វែងរកអ្វីដែលអាចជាផ្លូវប្រែប្រួល និងមិនអាចទាយទុកជាមុនបានខ្ពស់នៅខាងមុខក្នុងការប្រកួតប្រជែងអំណាចដ៏អស្ចារ្យរបស់ខ្លួនជាមួយសហរដ្ឋអាមេរិក បន្ទាប់ពីលោក Donald Trump បានធ្វើនយោបាយជាប្រវត្តិសាស្ត្រដើម្បីឈ្នះការប្រកួតប្រជែងឆ្ពោះទៅកាន់សេតវិមាន។ ការត្រឡប់មកវិញរបស់គាត់អាចនាំមកនូវពន្ធខ្ពស់រហូតដល់ 60% លើទំនិញរបស់ចិន – ដែលអាចបំផ្លិចបំផ្លាញកំណើនសេដ្ឋកិច្ចនៅក្នុងសេដ្ឋកិច្ចធំទីពីររបស់ពិភពលោក និងធ្វើឱ្យខ្សែចង្វាក់ផ្គត់ផ្គង់សកល – ការគ្រប់គ្រងបច្ចេកវិជ្ជាកាន់តែច្រើន និងវោហាសាស្ត្រដ៏ក្ដៅគគុកលើទីក្រុងប៉េកាំង ដែលបង្កើនភាពតានតឹងក្នុងទំនាក់ទំនងដ៏គគ្រឹកគគ្រេងរវាងប្រទេសមហាអំណាច។ ប៉ុន្តែឥរិយាបថពាណិជ្ជកម្មគាំពារនិយម និងវិធីសាស្រ្តប្រតិបតិ្តការរបស់លោក Trump ចំពោះគោលនយោបាយការបរទេសក៏អាចធ្វើឱ្យសម្ព័ន្ធភាពរបស់សហរដ្ឋអាមេរិក និងភាពជាអ្នកដឹកនាំពិភពលោកចុះខ្សោយផងដែរ ដោយបង្ហាញពីឱកាសសម្រាប់ទីក្រុងប៉េកាំងក្នុងការបំពេញចន្លោះប្រហោងនៃការដកថយរបស់អាមេរិក និងបង្កើតសណ្តាប់ធ្នាប់ពិភពលោកជំនួស។ Shen Dingli អ្នកវិភាគគោលនយោបាយការបរទេសនៅទីក្រុងសៀងហៃបាននិយាយថា “ការវិលត្រឡប់ទៅកាន់អំណាចរបស់លោក Trump ប្រាកដជានឹងនាំមកនូវឱកាសកាន់តែច្រើន និងហានិភ័យកាន់តែច្រើនសម្រាប់ប្រទេសចិន” ។ “ថាតើវានាំទៅរកហានិភ័យកាន់តែច្រើន ឬឱកាសកាន់តែច្រើន អាស្រ័យលើរបៀបដែលភាគីទាំងពីរមានទំនាក់ទំនងគ្នាទៅវិញទៅមក។” ជាផ្លូវការ ប្រទេសចិនបានព្យាយាមបង្ហាញជំហរអព្យាក្រឹតលើការឈ្នះរបស់លោក Trump ។ ក្រសួងការបរទេសរបស់ខ្លួនបាននិយាយកាលពីថ្ងៃពុធថា ខ្លួន “គោរព” ជម្រើសរបស់អាមេរិក។ មេដឹកនាំចិន Xi Jinping បានអបអរសាទរលោក Trump កាលពីថ្ងៃព្រហស្បតិ៍។ ដោយគេស្គាល់ថាស្រលាញ់របបផ្តាច់ការ លោក Trump បានសរសើរលោក Xi […]

ប្រែសម្រួល៖ រតនា ប្រធានាធិបតីជាប់ឆ្នោតលោក Donald Trump នៅថ្ងៃទី 8 ខែវិច្ឆិកា បានប្រកាសថា Susie Wiles ដែលជាអ្នកគ្រប់គ្រងយុទ្ធនាការមួយក្នុងចំណោមអ្នកចាត់ការពីរនាក់របស់គាត់នឹងធ្វើជាប្រធានបុគ្គលិកសេតវិមានដោយប្រគល់តំណែងកំពូលដល់ប្រតិបត្តិករនយោបាយដែលបានជួយគណបក្សសាធារណរដ្ឋឲ្យ ឈ្នះការបោះឆ្នោត។ ការតែងតាំងនេះជាលើកដំបូងនៃអ្វីដែលគេរំពឹងថានឹងមានការរំជើបរំជួលនៃសេចក្តីប្រកាសបុគ្គលិក នៅពេលដែលលោក Trump ចងដៃសម្រាប់ការវិលត្រឡប់ទៅកាន់សេតវិមានវិញនៅថ្ងៃទី 20 ខែមករា។ ក្នុងនាមជាអ្នកយាមទ្វារទៅកាន់ប្រធានាធិបតី ប្រធានបុគ្គលិកជាធម្មតាមានឥទ្ធិពលដ៏អស្ចារ្យ។ បុគ្គលនោះគ្រប់គ្រងបុគ្គលិកសេតវិមាន រៀបចំពេលវេលា និងកាលវិភាគរបស់ប្រធានាធិបតី និងរក្សាទំនាក់ទំនងជាមួយនាយកដ្ឋានរដ្ឋាភិបាល និងសមាជិកសភាផ្សេងទៀត។ អ្នកស្រី Wiles ដែលមានអាយុ 67 ឆ្នាំនឹងក្លាយជាស្ត្រីដំបូងគេដែលបម្រើការជាប្រធានបុគ្គលិកសេតវិមាន។ លោក Trump បាននិយាយនៅក្នុងសេចក្តីថ្លែងការណ៍មួយថា “Susie ម៉ឺងម៉ាត់ ឆ្លាត ច្នៃប្រឌិត ហើយត្រូវបានកោតសរសើរ និងគោរពជាសកល” “ខ្ញុំគ្មានការសង្ស័យអ្វីទេ ខ្ញុំសង្ឃឹមថានាងនឹងធ្វើឱ្យប្រទេសរបស់យើងមានមោទនភាព” ។ លោក Trump បានសម្រាកនៅក្លិប Mar-a-Lago របស់គាត់ក្នុងទីក្រុង Palm Beach រដ្ឋ Florida ចាប់តាំងពីបានផ្តួលក្រុម Democrat Kamala […]

ភ្នំពេញ ៖ ផ្ទះថ្មប្រក់ស័ង្កសីមួយកន្លែងត្រូវបានអគ្គិភ័យឆាបឆេះបណ្តាលឲ្យខូចខាតស្ទើរទាំងស្រុង ផ្អើលសមត្ថកិច្ចនិងពលរដ្ឋនាំគ្នាជួយ អន្តរាគមន៍ កាលពីវេលាម៉ោង៦និង២០នាទីយប់ថ្ងៃទី០៧ខែវិច្ឆិកាឆ្នាំ២០២៤ នៅភូមិស្លែងរលើង សង្កាត់អូរបែកក្អម ខណ្ឌសែនសុខ រាជធានីភ្នំពេញ ។ តាមប្រភពព័ត៍មានពីពលរដ្ឋរស់នៅក្បែរផ្ទះកើតហេតុ បានឲ្យដឹងថា៖ មុនពេលកើតហេតុ គេបានធុំក្លិនឈ្ងៀមចេញពីផ្ទះកើតហេតុ ខណៈនោះប្រជាពលរដ្ឋបានស្រែកឆោឡោ ផ្អើលអ្នកនៅក្បែរនោះរត់ចេញមកមើល ។ ភ្លាមៗ ក៏ឃើញមានផ្សែងហុយ លាយអណ្តាតភ្លើង ឆាបឆេះផ្ទះយ៉ាងសន្ធោសន្ធៅ ស្របពេលនោះប្រជាពលរដ្ឋបាននាំគ្នាព្យាយាមយកទុយោទឹកនិងបំពង់ពន្លត់អគ្គិភ័យបាញ់ដែរ តែស្ថានភាពឆាបឆេះកាន់តែធ្ងន់ធ្ងរ ទើបរាយការណ៍ជូនសមត្ថកិច្ចឲ្យហៅរថយន្តពន្លត់អគ្គិភ័យដើម្បីអន្តរាគមន៍ បាញ់ពន្លត់ឲ្យទាន់ពេលវេលា ដើម្បីការពារកាលរាលដាលដល់ផ្ទះក្បែរខាងផងដែរ។ អគ្គិភ័យនេះដែរបានឆាបឆេះនូវផ្ទះថ្មប្រក់ស័ង្កសីចំនួន០១ខ្នងស្ទើរទាំងស្រុង និងបានប្រើប្រាស់រថយន្តពន្លត់អគ្គិភ័យ របស់ស្នងការរាជធានីភ្នំពេញ ចំនួន០៥គ្រឿង បាញ់ឲ្យរលត់ជាស្ថាពរ ។ ចំពោះមូលហេតុ សមត្ថកិច្ចសង្ស័យថាអាចបណ្តាលមកពីឆ្លងចរន្តអគ្គិសនី ៕ ដោយ៖សហការី

ភ្នំពេញ៖ ក្មេងប្រុសជំទង់ម្នាក់ខណៈចេញពីរៀន បានជិះម៉ូតូ១គ្រឿងទៅផ្ទះ លុះដល់ផ្លូវត្រូវចូលទៅផ្ទះបានបត់ឆ្វេងក៏ស្រាប់តែមានរថយន្តម៉ាកតូយ៉ូតាស៊ីណា ១គ្រឿងបើកបរដោយបុរសជនជាតិចិនម្នាក់ក្នុងល្បឿនលឿនបុកពេញទំហឹង បណ្ដាលឲ្យប៉ើងខ្ទាតច្រើនម៉ែត្រស្លា.ប់ភ្លាមៗនៅនឹងកន្លែង ។ ករណីគ្រោះថ្នាក់នេះគឺបានកើតឡើងកាលពីវេលាម៉ោង១១និង២០នាទីព្រឹកថ្ងៃទី៦ ខែវិច្ឆិកា ឆ្នាំ២០២៤ នៅតាមមហាវិថីស៊ីជីនពីង ហៅផ្លូវក្រវាត់ក្រុងទី៣ ត្រង់ចំណុចមុខវត្តគោកខ្សាច់ ស្ថិតនៅក្នុងភូមិគោកខ្សាច់ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។ ក្មេងប្រុសដែលស្លាប់នោះឈ្មោះណាំង បញ្ញា អាយុ១៦ឆ្នាំ ជាសិស្សរៀននៅវិទ្យាល័យពងទឹក មានទីលំនៅភូមិក្នុងភ្លើងឆេះរទេះលិច សង្កាត់ភ្លើងឆេះរទេះ ខណ្ឌកំបូល ជិះម៉ូតូម៉ាកហុងដាប៊ីតពណ៍សលាយខៀវ ពាក់ផ្លាកលេខភ្នំពេញ1HI-6738 ។ ដោយឡែករថយន្តដែលបុកម៉ាកតូយ៉ូតាស៊ីណាពណ៌ស ពាក់ផ្លាកលេខភ្នំពេញ2BD-0596 បើកបរដោយបុរសជនជាតិចិនម្នាក់ ។ អ្នកភូមិគោកខ្សាច់បាននិយាយថា នៅមុនពេលកើតហេតុក្មេងប្រុសរងគ្រោះបានធ្វើដំណើរចេញពីសាលាទៅផ្ទះ ក្នុងទិសដៅពីត្បូងទៅជើង លុះពេលទៅដល់ត្រង់ចំណុចកើតហេតុបានបត់ឆ្វេងឆ្លងផ្លូវចូលទៅផ្ទះ ។ ស្របពេលនោះក៏ស្រាប់តែរថយន្តខាងលើបើកបរក្នុងល្បឿនលឿន ក្នុងទិសដៅពីជើងទៅត្បូងទៅដល់បុកពេញទំហឹង បណ្ដាលឲ្យខ្ទាតច្រើនម៉ែត្រស្លាប់ភ្លាមៗតែម្ដង ។ ប្រភពដដែលបានឲ្យដឹងទៀតថា ខណៈនោះម៉ូតូរងការខូចខាតខ្ទេចខាងក្រោយដាច់កន្ទុយនិងផ្លាកលេខមកដី ចំណែករថយន្តបានឈប់ស្ងៀម ហើយអ្នកបើកបរជាជនជាតិចិនត្រូវបាននគរបាលឃាត់ខ្លួននាំទៅកាន់ប៉ុស្តិ៍ភ្លើងឆេះរទេះ ។ ក្រោយពេលកើតហេតុនគរបាលការិយាល័យចរាចរណ៍ផ្លូវគោកនៃស្នងការដ្ឋានរាជធានីភ្នំពេញចុះធ្វើការវាស់វែងនិងនាំយករថយន្តនិងម៉ូតូទៅរក្សាទុក ដើម្បីដោះស្រាយគ្នានៅពេលក្រោយ ៕ ដោយ៖សហការី

អនុលោមតាមមាត្រា៩ ចំណុចខ នៃច្បាប់ស្តីពីសារពើពន្ធ ពន្ធលើប្រាក់ចំណូលត្រូវបានលើកលែងចំពោះប្រាក់ចំណូលរបស់៖ -អង្គការណាមួយដែលត្រូវបានរៀបចំឡើងនិងដំណើរការសម្រាប់គោលដៅសុទ្ធសាធខាង សាសនា សប្បុរសធម៌ វិទ្យាសាស្ត្រ អក្សរសាស្ត្រ ឬអប់រំ និងគ្មានចំណែកណាមួយនៃទ្រព្យ ឬប្រាក់ចំណូលត្រូវបានប្រើប្រាស់ជាផលប្រយោជន៍ឯកជន -សមាគមណាមួយ ក្នុងករណីដែលប្រាក់ចំណូលរបស់សមាគមនោះមិនត្រូវបានប្រើប្រាស់ជាផលប្រយោជន៍ឯកជនរបស់អ្នកចូលហ៊ុនឬរូបវន្តបុគ្គល។ ខាងលើនេះជាការលើកឡើងដោយវាគ្មិនក្នុងកម្មវិធី ពន្ធដារកម្ពុជា ដែលធ្វើការផ្សាយផ្ទាល់នៅលើទំព័រហ្វេសប៊ុក (Facebook Page ) ផ្លូវការរបស់អគ្គនាយកដ្ឋានពន្ធដារ កាលពីថ្ងៃព្រហស្បតិ៍ទី៣១ ខែតុលា ឆ្នាំ២០២៤ ក្រោមប្រធានបទ កាតព្វកិច្ចសារពើពន្ធរបស់អង្គការមិនមែនរដ្ឋាភិបាល រួមមានលោក ប៉ូ ពិសិដ្ឋ អនុប្រធាននាយកដ្ឋានគ្រប់គ្រងអ្នកជាប់ពន្ធតូចនិងមធ្យម និងលោក ខែន គីម អនុប្រធានការិយាល័យនៃ នាយកដ្ឋានរដ្ឋបាលនិងកិច្ចការទូទៅ។ ដើម្បីទទួលបានការលើកលែងពន្ធលើប្រាក់ចំណូលនេះ សមាគម និងអង្គការមិនមែនរដ្ឋាភិបាលត្រូវដាក់ ពាក្យស្នើសុំមកអគ្គនាយកដ្ឋានពន្ធដារតាមទម្រង់ដែលបានកំណត់ និងត្រូវភ្ជាប់មកជាមួយនូវច្បាប់ចម្លងនៃ ឯកសារដូចខាងក្រោម៖ – លក្ខន្តិកៈ និងលិខិតអនុញ្ញាតចុះបញ្ជីនៅក្រសួងមហាផ្ទៃសម្រាប់សមាគម និងអង្គការមិនមែនរដ្ឋាភិបាល ក្នុងស្រុក ឬ – អនុស្សរណៈ ជាមួយក្រសួងការបរទេសនិងសហប្រតិបត្តិការអន្តរជាតិ សម្រាប់សមាគម និងអង្គការមិនមែនរដ្ឋាភិបាលបរទេស។ សមាគម និងអង្គការមិនមែនរដ្ឋាភិបាល ត្រូវជូនដំណឹងទៅអគ្គនាយកដ្ឋានពន្ធដារអំពីការផ្លាស់ប្តូរលក្ខខណ្ឌខាងលើ […]

កាលពីខែតុលាកន្លងទៅនេះ ក្រុមការងាររបស់យើងបានជួយបណ្ដុះបណ្ដាលមគ្គុទ្ទេសក៍ទេសចរណ៍នៅសហគមន៍​អេកូ​ទេសចរណ៍​ (CBET) ដែលមានឈ្មោះថា សហគមន៍អេកូទេសចរណ៍កោះព្រហ្មចារីជ្រោយបន្ទាយ ដែលភ្ញៀវទេសចរអាចទទួលបានបទពិសោធថ្មីៗនិងគយគន់នូវសម្រស់ដ៏ស្រស់ស្អាតនៃទន្លេមេគង្គ សហការជាមួយមន្ត្រីមូលដ្ឋាន និងមន្ទីរទេសចរណ៍ខេត្ត ការបណ្តុះបណ្តាលដែលមានរយៈពេលពីរថ្ងៃរបស់យើងផ្តោតទៅលើការពង្រឹងចំណេះដឹងរបស់មគ្គុទ្ទេសទៅលើជំនាញសង្គ្រោះបឋម ចំណេះដឹងអំពីប្រវត្តិរបស់សហគមន៍ និងសត្វព្រៃសំខាន់ៗ។ វគ្គបណ្តុះបណ្តាលនេះបានផ្តល់អត្ថប្រយោជន៍ដល់អ្នកចូលរួមចំនួន ២៨ នាក់ (ក្នុងនោះមានស្ត្រី ១១ នាក់) ដែលអាចនឹងរកប្រាក់ចំណូលបានកាន់តែប្រសើរឡើង តាមរយៈការផ្តល់នូវបទពិសោធល្អៗនៃមគ្គុទេសទេសចរណ៍ប្រកបដោយវិជ្ជាជីវៈបន្ថែមទៀត៕ អត្ថបទ៖ WWF-កម្ពុជា

ភ្នំពេញ៖ បុរសម្នាក់សង្ស័យជិះម៉ូតូទាំងងោកមួយភាំងបានរេចង្កូតទៅចូលក្រោមរថយន្តកុងតឺន័រហើយក៏ត្រូវបានរថយន្តកិនស្លាប់មួយរំពេច កាលពីវេលាម៉ោង ៣និង៣០នាទីរំលងអធ្រាត្រឈានចូលថ្ងៃទី៧ខែវិច្ឆិកាឆ្នាំ២០២៤ នៅតាមបណ្តោយផ្លូវជាតិលេខ៤ ដែលស្ថិតនៅសង្កាត់កន្ទោក ខណ្ឌកំបូល រាជធានីភ្នំពេញ ។ ជនរងគ្រោះជិះម៉ូតូម៉ាកឌ្រីមសង់ស៊េរី២០១៩ ពណ៌ខ្មៅ ពាក់ផ្លាកលេខត្បូងឃ្មុំ 1G-4746 បើកបរតាមបណ្ដោយផ្លូវជាតិលេខ៤ក្នុងទិសដៅពីកើតទៅលិច ។ ចំណែករថយន្តកុងតឺន័រម៉ាកFUSOពណ៌ស ពាក់ផ្លាកលេខភ្នំពេញ3D-1712 បើកបរតាមបណ្ដោយផ្លូវជាតិលេខ៤ក្នុងទិសដៅពីលិចទៅកើត ។ តាមប្រភពព័ត៌មានពីកន្លែងកើតហេតុបាននិយាយប្រាប់ថា៖ នៅមុនពេលកើតហេតុគេឃើញជនរងគ្រោះជិះម៉ូតូសង់ស៊េរី២០១៩ ពណ៌ខ្មៅក្នុងទិសដៅពីកើតទៅលិចក្នុងល្បឿនមធ្យម។លុះបានមកដល់ចំណុចកើតហេតុស្រាប់តែរេចង្កូតទៅផ្នែកខាងឆ្វេង ក៏រេចង្កូតទៅបុកជាមួយរថយន្តកុងតឺន័រចំហៀងខាងឆ្វេងបណ្ដាលឲ្យ រថយន្តកុងតឺន័រកិនជនរងគ្រោះ ធ្លា.យខួរស្លា.ប់ភ្លាមនៅកន្លែងកើតហេតុ។ ភ្លាមៗនោះអ្នកបើកបរបានបើកទ្វាររថយន្តកុងតឺន័រចុះពីលើរថយន្តគេចខ្លួនបាត់ស្រមោល។ ប្រភពព័ត៌មានពីកន្លែងកើតហេតុបានបន្តទៀតថា៖ ខណៈគ្រោះថ្នាក់កើតឡើងរួចប្រជាពលរដ្ឋបានទាក់ទងទៅកម្លាំងសមត្ថកិច្ចដើម្បីចុះមកទីតាំងកន្លែងកើតហេតុភ្លាមៗ រួចទាក់ទងកម្លាំងសមត្ថកិច្ចនគរបាលចរាចរណ៍រាជធានីភ្នំពេញដើម្បីចុះមកទីតាំងកើតហេតុ។ ក្រោយពេលកើតហេតុ ជំនាញចរាចរណ៍រាជធានីភ្នំពេញធ្វើការវាស់វែងយករថយន្តព្រមទាំងម៉ូតូជនរងគ្រោះយកទៅរក្សាទុកដើម្បីរង់ចាំធ្វើការដោះស្រាយ ចំណែកសពរង់ចាំសាច់ញាតិនិងក្រុមគ្រួសារទៅទទួលយកទៅធ្វើបុណ្យតាមប្រពៃណី៕

សៀមរាប៖ តាមរយៈការខិតខំប្រឹងប្រែងរបស់ក្រុមអ្នកជំនាញ នៃអាជ្ញាធរជាតិអប្សរា បានចំណាយពេលជិត៦ខែមកហើយ ដើម្បីជួសជុល ថែទាំ និងពង្រឹងកំពែងធ្វើអំពីថ្មបាយក្រៀម របស់ក្រុងអង្គរធំ ស្ថិតនៅប៉ែកខាងជើង ខ្លោងទ្វារដីឆ្នាំងឱ្យរឹងមាំឡើងវិញ។ មកដល់ពេលនេះ គម្រោងថែទាំ និងជួសជុល កំពែងក្រុងអង្គរធំ ក្នុងប្រវែង២៥ម៉ែត្រ សម្រេចលទ្ធផលបានជាង៧០ភាគរយហើយ ដោយគម្រោងនឹងបញ្ចប់នាខែធ្នូ ឆ្នាំ២០២៤ខាងមុខ។ លោក ម៉ៅ សុខនី មន្ត្រីបច្ចេកទេសនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានឱ្យដឹងថា គម្រោងថែទាំ ជួសជុល និងពង្រឹងកំពែងក្រុងអង្គរធំ នៅប៉ែកខាងជើង ខ្លោងទ្វារដីឆ្នាំង ក្នុងប្រវែង២៥ម៉ែត្រ ឈានចូលដំណាក់កាលទី៦ហើយ ដោយបានចាប់ផ្តើមពីខែមិថុនា ឆ្នាំ២០២៤ មកដល់ពេលនេះអនុវត្តបានប្រមាណជាង៧០ភាគរយ ដោយគ្រោងនឹងបញ្ចប់គម្រោងនាខែធ្នូ ឆ្នាំ២០២៤ខាងមុខ។ លោកបញ្ជាក់ថា ដោយសារកត្តាអាយុកាលរបស់ថ្ម ព្រមទាំងកត្តាធម្មជាតិមួយចំនួនទៀតដូចជា ទឹកភ្លៀងហូរច្រោះ រុក្ខជាតិដុះចាក់ឫសធ្វើឱ្យថ្មញែកចេញពីគ្នា ព្រមទាំងកង្វះការថែទាំ ធ្វើឱ្យថ្មជញ្ជាំងកំពែងពុកផុយ ហើយដួលរលំ។ ដូច្នេះដំណើរការជួសជុល អ្នកជំនាញអាចយកថ្មចាស់ខ្លះមកជួសជុលរៀបផ្គុំវិញនៅផ្នែកខឿន បានប្រមាណ៣០ភាគរយ ចំណែកដីដែលហូរច្រោះ ត្រូវចំណាយយកដីមកចាក់បំពេញបន្ថែម។ ចំណែកបច្ចេកទេសជួសជុល អ្នកជំនាញអះអាងថា អនុវត្តទៅតាមបច្ចេកទេសពីបុរាណមក  ដោយគ្រាន់តែបន្ថែមជញ្ជាំងទប់ពីខាងក្រោយ បន្ថែមកម្លាំងឱ្យរឹងមាំ […]

ព្រៃវែង ៖ សម្រាប់រដូវកាលថ្មីនៃប្រាក់រង្វាន់ធំ ១២៥លានរៀលពីភេសជ្ជៈប៉ូវកម្លាំង ខារ៉ាបាវ បានបន្តរកឃើញអ្នកដែលមានសំណាងបានឈ្នះរង្វាន់ធំជាបន្តបន្ទាប់ និងរៀងរាល់សប្ដាហ៍។ ជាក់ស្ដែងបន្ទាប់ពីប្រគល់ទឹកប្រាក់១២៥លានរៀលដល់អ្នកមានសំណាងដែលរស់នៅស្រុកប្រាសាទបាគង ខេត្តសៀមរាប កាលពីសប្ដាហ៍មុននេះរួច នៅក្នុងសប្ដាហ៍នេះ ទឹកប្រាក់១២៥លានរៀលពីក្រុមហ៊ុនភេសជ្ជៈប៉ូវកម្លាំងខារ៉ាបាវ បានបន្តធ្លាក់ដល់ដៃអ្នករស់នៅស្រុកកំចាយមារ ខេត្តព្រៃវែង។ សម្រាប់អ្នកមានសំណាងបានឈ្នះរង្វាន់ធំនូវទឹកប្រាក់ចំនួន ១២៥លានរៀលពីភេសជ្ជៈប៉ូវកម្លាំង ខារ៉ាបាវ នៅក្នុងសប្ដាហ៍នេះមានឈ្មោះ សាន ប៊ី ភេទប្រុស អាយុ៥៤ឆ្នាំ មានមុខរបរជាកសិករ បច្ចុប្បន្នរស់នៅភូមិត្រពាំងផ្លុង ឃុំជាច ស្រុកកំចាយមារ ខេត្តព្រៃវែង។ នៅចំពោះមុខក្រុមការងារតំណាងក្រុមហ៊ុនដែលនាំយកប្រាក់រង្វាន់ប្រគល់ដល់លំនៅដ្ឋាន លោក សាន ប៊ី បានរៀបរាប់ឱ្យដឹងថា ជារៀងរាល់ថ្ងៃក្រោយពេលធ្វើការហត់ ហើយអស់កម្លាំង លោកតែងទទួលទានភេសជ្ជៈខារ៉ាបាវជាប្រចាំ។ ដោយឡែក កាលពីសប្ដាហ៍កន្លងទៅនេះ មុនពេលដឹកជញ្ជូនទំនិញឱ្យអតិថិជន ម្ដុំផ្សារទួលពង្រ រាជធានីភ្នំពេញ លោកបានយកភេសជ្ជៈប៉ូវកម្លាំងខារ៉ាបាវមួយកំប៉ុង ដែលកូនជាអ្នកលក់គាស់ទទួលទាន ហើយក៏ឃើញមានរង្វាន់១២៥លានរៀលតែម្ដង ហើយក៏ស្រែកប្រាប់កូន ព្រមទាំងអ្នកនៅជិតខាង និងទូរស័ព្ទជូនដំណឹងដល់ក្រុមហ៊ុនតែម្ដង។ លោក សាន ប៊ី បានបញ្ជាក់ឱ្យដឹងទៀតថា ក្រោយពេលទទួលបានប្រាក់រង្វាន់ធំពីភេសជ្ជៈប៉ូវកម្លាំងខារ៉ាបាវ ១២៥លានរៀលនេះ លោកនឹងយកមួយចំនួនសងបំណុលគេ និងទុកមួយចំនួនទៀតបង្កើតអាជីវកម្មដើម្បីទទួលបានចំណូលផ្គត់ផ្គង់គ្រួសារ ហើយសល់ប៉ុន្មានទុកព្យាបាលជំងឺប្រពន្ធ […]

ដោយ : បន្ទាយ កំពង់ធំ : តំបន់ប្រតិបត្តិការសឹករងកំពង់ធំ យោធភូមិភាគទី៥ បានអញ្ជើញផ្សព្វផ្សាយសភាពការណ៍ថ្មីៗដែលបាននឹងកំពុងកើតមានឡើងនៅព្រះរាជាណាចក្រកម្ពុជានិងប្រគល់ភារកិច្ចសំខាន់ៗចាំបាច់មួយចំនួនដល់នាយទាហាន និងកងកម្លាំងរបស់ខ្លួន។នេះបើតាមមន្ត្រីយោធាអោយដឹងកាលពីថ្ងៃទី០៥ខែវិច្ឆិកា ឆ្នាំ ២០២៤ ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំបានថ្លែងក្នុងពិធីថា :ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ប្រទេសកម្ពុជាបានបន្តរីកចម្រើននៅក្រោមម្លប់សុខសន្តិភាព។ បន្ថែមលើនេះ កិច្ចសហប្រតិបត្តិការជាមួយប្រទេសជិតខាង និងប្រទេសផ្សេងទៀត នៅលើឆាកអន្តរជាតិ ក៏មានការកើនឡើង និងរីកចម្រើនល្អប្រសើរ។ នៅក្នុងពិធីនេះ ឧត្តមសេនីយ៍ទោ សោម ស៊ុន បានប្រគល់ភារកិច្ចសំខាន់ៗចាំបាច់មួយចំនួនដល់ថ្នាក់ដឹកនាំ និងកងកម្លាំង ដោយចាត់ទុកនូវភាពស្មោះត្រង់ដាច់ខាតចំពោះជាតិ សាសនា ព្រះមហាក្សត្រ រាជរដ្ឋាភិបាល ។កងកម្លាំងក៏ត្រូវអនុវត្តតាមបទបញ្ជាតាមឋានានុក្រម ហើយក្រោមដំបូលរាជរដ្ឋាភិបាល។ត្រូវសហការជាមួយអាជ្ញាធរ និងសមត្ថកិច្ចដើម្បីអនុវត្តគោលនយោបាយភូមិឃុំមានសុវត្ថិភាព,ការទប់ស្កាត់ បង្ក្រាបបទល្មើសធនធានធម្មជាតិ,ការស្តារព្រៃឈើឡើងវិញ។ បន្ថែមលើនេះ កងកម្លាំងនានាក្នុងការរៀបចំពិធីបុណ្យឯករាជ្យជាតិ នៅថ្ងៃទី៩វិច្ឆិកា និងខួបអនុស្សាវរីយ៍លើកទី៧១ នៃថ្ងៃកំណើតកងយោធពលខេមរភូមិន្ទ ដែលនឹងប្រារព្ធនៅវិមានរំលឹកគុណយុទ្ធជនពលី និងវិមានឯករាជ្យខេត្តកំពង់ធំ ៕

ដោយ : បន្ទាយ កំពង់ធំ៖ លោកអភិបាលខេត្តកំពង់ធំ បានជួបសំណេះសំណាល និងនាំយកអំណោយស្បៀងបម្រុងកម្ពុជារបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ទៅប្រគល់ជូនប្រជាពលរដ្ឋចំនួន ៧០៤គ្រួសារនៅឃុំផាត់សណ្តាយ ស្រុកកំពង់ស្វាយ ខេត្តកំពង់ធំ នៅថ្ងៃទី ០៥ ខែវិច្ឆិកា ឆ្នាំ ២០២៤។ លោក អ៊ុត វណ្ណរ៉ា អភិបាលស្រុកកំពង់ស្វាយ បានអោយដឹងថា :  ក្នុងចំណោមឃុំទាំង១១នៃស្រុកកំពង់ស្វាយ ដែលផាត់សណ្តាយមានភូមិសាស្ត្រជាប់ទំនាបបឹងទន្លេសាប មានប្រជាពលរដ្ឋចំនួន ១.២៨២គ្រួសារ និងភាគច្រើនប្រកបមុខរបរនេសាទ ។ លោកនួន ផារ័ត្ន បានថ្លែងថា សម្ដេចមហាបវរធិបតី ហ៊ុន ម៉ាណែត តែងយកចិត្តទុកដាក់ចំពោះជីវភាពរស់នៅ និងសុខសុវត្ថិភាពរបស់ប្រជាពលរដ្ឋគ្រប់កាលៈទេសៈ។ បន្ថែមលើនេះ លោក នួន ផារ័ត្ន បានក្រើនរំលឹកដល់មន្ត្រីជំនាញទាំងអស់ឱ្យពង្រឹងកិច្ចសហប្រតិបត្តិការរវាងក្រសួង និងអាជ្ញាធរមូលដ្ឋានដើម្បីទប់ស្កាត់ការនេសាទខុសច្បាប់នៅតំបន់បឹងទន្លេសាប។ លោកបានផ្តោតសំខាន់លើការបង្កើនការត្រួតពិនិត្យនិងទប់ស្កាត់ការប្រើប្រាស់ឧបករណ៍បំផ្លិចបំផ្លាញនានា ដូចជាឧបករណ៍ឆក់ និងស្បៃមុង។ សូមជម្រាបថា ប្រជាពលរដ្ឋចំនួន៧០៤គ្រួសារនេះ ដែលមានជីវភាពខ្វះខាតទទួលបានអំណោយក្នុង១គ្រួសារៗរួមមាន៖ អង្ករ ២៥ គីឡូក្រាម, មី […]

ដោយៈសិរីមតី ភ្នំពេញ៖ ជំងឺដុំពកខួរក្បាល លៀនឌីសឆ្អឹងខ្នងនិងក បើរកឃើញដំណាក់កាលដំបូងវាងាយស្រួលព្យាបាលនិងព្យាបាលឆាប់ជាសះស្បើយបានឆាប់រហ័ស។នេះជាការលើកឡើងរបស់វេជ្ជបណ្ឌិតដ៏ល្បីល្បាញជនជាតិសិង្ហបុរីជំនាញខាងវះកាត់ប្រព័ន្ធប្រសាទ លោក ដេវីដ ឆយ គីម សឹង(Dr David Choy Kim Seng) មកពីមន្ទីរពេទ្យRaffles Hospital ប្រទេសសិង្ហបុរី។ ជាលើកទីមួយដែលបានចូលរួមសន្និសីទប្រចាំឆ្នាំលើកទី៣របស់សមាគមបច្ចេកវិទ្យា ទឹកនោមផ្អែម និងក្រពេញកម្ពុជា ក្រោមប្រធានបទ «នវានុវត្តន៍ក្នុងការព្យាបាលជំងឺទឹកនោមផ្អែម និងជំងឺក្រពេញទីរ៉ូអ៊ីត» នៅដើមខែវិច្ឆិកា ឆ្នាំ២០២៤ នៅសណ្ឋាគារសុខា រាជធានីភ្នំពេញ នោះ លោក ដេវីដ ឆយ បានមានប្រសាសន៍ថា៖ជំងឺដុំពកខួរក្បាល កើតមាននៅប្រទេសកម្ពុជាច្រើនករណី តែអ្នកជំងឺទម្រាំរកឃើញគឺឈានដល់ដំណាក់កាលចុងក្រោយដែលជាដំណាក់កាលធ្ងន់ធ្ងរ។អ្នកជំងឺមិនបានទៅពេទ្យពិនិត្យពីដំបូង ដល់ពេលមកជួបពេទ្យដុំពកឡើងធំទៅហើយ។ ជាអ្នកឯកទេសខាងវះកាត់ប្រព័ន្ធប្រសាទជាងពីរទស្សវត្សរ៍ លោកវេជ្ជបណ្ឌិត ឆយ បានឱ្យដឹងទៀតថា៖ នៅពេលដុំពកក្នុងខួរក្បាលឡើងធំ វាពិបាក់ និងស្មុគស្មាញក្នុងការវះកាត់ ។ការវះកាត់ត្រូវចំណាយពេលច្រើនម៉ោងព្រោះខួរក្បាលទន់ ងាយរងរបួសពេលវះកាត់ព្រោះមានសរសៃឈាមច្រើន បើថ្លោះធ្លោយតែបន្តិចនឹងមានគ្រោះថ្នាក់។ ចំណែកជំងឺលៀនឌីស ឆ្អឹងខ្នង និងក វិញ ការវះកាត់ទាមទារឱ្យមានជំនាញច្បាស់លាស់ខ្លាំងព្រោះមានសរសៃប្រាសាទតូចៗច្រើន។ លោកបានបញ្ជាក់ថា៖«ដើម្បីបង្ការជំងឺទាំងនេះ ត្រូវរស់ឱ្យមានសុខភាពល្អ តាមរយៈការហូបចុកត្រឹមត្រូវ ហាត់ប្រាណ ដេកឱ្យបានគ្រប់គ្រាន់ […]

ដោយ៖ សុខុម ស្ទឹងត្រែងៈ ករណីចោរកាច់កយកម៉ូតូ ក្រោយស្រាវជ្រាវកាលពីថ្ងៃទី៤ ខែវិច្ឋិកាឆ្នាំ២០២៤ ដំបូងចាប់បានតែម្នាក់ទេ ក៏ប៉ុន្តែនៅពេលសមត្ថកិច្ចសាកសួរបន្ថែមជាប់ពាក់ព័ន្ធដល់ទៅចំនួន៩នាក់។ សមត្ថកិច្ចបានឱ្យដឹងថា ករណីមួយនេះកាលពីយប់ថ្ងៃទី៣ ខែវិច្ឆិកា ឆ្នាំ២០២៤ មានចោរលួចម៉ូតូនៅចំណុចស្ពានសេកុង ភូមិស្រែពោធិ៍ សង្កាត់ស្រះឫស្សី ក្រុងស្ទឹងត្រែង។កម្លាំងជំនាញព្រហ្មទណ្ឌក្រុងស្ទឹងត្រែងបានចុះសាកសួរម្ចាស់ម៉ូតូឈ្មោះថាំង មករា ភេទប្រុស អាយុ២៤ឆ្នាំ មានទីលំនៅភូមិបាបុង ឃុំភ្លុក ស្រុកសេសាន។ ក្រោយមកក៏ឃាត់ខ្លួនបានជនសង្ស័យជាបន្តបន្ទាប់បញ្ជូនមកស្នងការខេត្តដើម្បីបន្តនីតិវិធីច្បាប់ទៅតុលាការ៕

ដោយ៖ ព្រះអង្គខ្មៅ ក្រចេះ៖ គ្រោះថ្នាក់រវាងរថយន្តបុកជាមួយម៉ូតូនៅលើដងផ្លូវជាតិលេខ៧ ចំណុចភូមិសម្បទានកាំពី ឃុំសំបុក ស្រុកចិត្របុរី ខេត្តក្រចេះ កាលពីយប់ថ្ងៃទី៤ខែវិច្ឆិកា ឆ្នាំ២០២៤ ជនរងគ្រោះចំនួន២នាក់បាត់បង់ជីវិតនៅនឹងកន្លែងកើតហេតុ។ ក្រោយហេតុការណ៍ភ្លាម សមត្ថកិច្ចក៏បានចុះទៅដល់ពិនិត្យ និងសាកសួរជុំវិញករណីនេះឱ្យដឹងថាទី១.ឈ្មោះនួន រតនា ភេទប្រុស អាយុ៣២ឆ្នាំ រស់នៅភូមិសម្បទានកាកុត ឃុំសំបុក ស្រុកចិត្របុរីខេត្តក្រចេះស្លា.ប់។ទី២.ឈ្មោះថាន ថុង ភេទប្រុស អាយុ៣១ឆ្នាំ រស់នៅភូមិឃុំជាមួយគ្នាស្លា.ប់។ចំណែកម្នាក់ទៀតឈ្មោះផូ ស៊ីនិត ភេទប្រុស អាយុ៤៥ឆ្នាំ អ្នកបើកបរម៉ូតូកង់បី គេចពីកន្លែងកើតហេតុទៅធ្លាក់ស្នាមភ្លោះខ្លួនឯងរបួសធ្ងន់។ ប្រជាពលរដ្ឋនៅក្បែរកន្លែងកើតហេតុបាននិយាយប្រាប់ឱ្យដឹងថា៖ មុនពេលកើតហេតុ ឈ្មោះថាន ថុងបានបើកបរម៉ូតូឌុបឈ្មោះនួន រតនាក្នុងស្ថានភាពស្រវឹងទាំងពីរនាក់ចេញពីផ្ទះយ៉ាងលឿន។ ពេលជិះមកដល់កន្លែងកើតហេតុដោយខ្វះការប្រុងប្រយ័ត្ន ក៏ជ្រុលទៅបុករថយន្តមិនស្គាល់ម៉ាកពេញទំហឹងបណ្តាលឱ្យរថយន្តនោះបុកស្លាប់ពីរនាក់។ភ្លាមនោះរថយន្តបានបន្តគេចចេញពីកន្លែងកើតហេតុ ដោយបន្សល់ទុកជនរងគ្រោះតែប៉ុណ្ណោះ៕

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាមបានសម្រេចផ្តល់អាហារូបករណ៍ នៃវិទ្យាល័យអប់រំពិសេស( គថ្លង់ ) ចំនួន ៧ នាក់ បន្តការសិក្សានៅថ្នាក់ឧត្តមសិក្សានៅតាមបណ្តាមហាវិទ្យាល័យក្នុងក្រុងកំពង់ចាម។ បើទោះជាពួកគាត់(សិស្ស)មិនបានប្រឡងជាប់និទ្ទេស A ក៏ដោយ ប៉ុន្តែបានប្រឡងជាប់សញ្ញាបត្រទុតិយភូមិ ហើយជាជនងាយរងគ្រោះ។ ឯកឧត្តមបានសម្រេចបែបនេះ នៅក្នុងពិធីសំណេះសំណាល ជាមួយសិស្សានុសិស្សនិទ្ទេស A ចំនួន ២៧ នាក់នៅក្នុងក្រុងកំពង់ចាមនាសម័យប្រឡងមធ្យមសិក្សាទុតិយភូមិថ្ងៃទី ៨ តុលា ២០២៤កន្លងទៅ ដែលពិធីនេះបានរៀបចំឡើងនៅក្នុងសាលាខេត្តកំពង់ចាម កាលពីរសៀលថ្ងៃទី ៤ វិច្ឆិកានេះ។ សូមបញ្ជាក់ថា  លទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី៨ ខែតុលា ឆ្នាំ២០២៤នេះ នៅទូទាំងខេត្តកំពង់ចាម មានបេក្ខជនមកប្រឡងចំនួន ៨.៦៩៣នាក់ បេក្ខជនប្រឡងជាប់ចំនួន ៦.៦១០នាក់ ស្មើនឹង ៧៦,០៤ភាគរយ។ ក្នុងនោះសិស្សប្រឡងជាប់និទ្ទេស A មានចំនួន ១១៥ នាក់ ខណៈដែលបេក្ខជនប្រឡងជាប់និទ្ទេស A នៅទូទាំងប្រទេសមានចំនួន ២.២១៦នាក់ ។ […]