ដោយ៖ កំចាយ កំពត÷ រដ្ឋបាលក្រុង-ស្រុកសហការជាមួយការិយាល័យអប់រំ យុវជន និងកីឡាដែលជាសេនាធិការរបស់ខ្លួន ព្រមទាំងមានការចូលរួមពីមន្ទីរអង្គភាពពាក់ព័ន្ធ កាលពីព្រឹកថ្ងៃទី១១ ខែវិច្ឆិកា ឆ្នាំ២០២៤ បានបើកដំណើរការប្រឡងជ្រើសរើសគ្រូជាប់កិច្ចសន្យាសម្រាប់ឆ្នាំសិក្សា២០២៤-២៥។ លោក ទូច សម្បត្តិ អនុប្រធានមន្ទីរអប់រំយុវជន និងកីឡាខេត្តកំពតបានមានប្រសាសន៍ថា ឆ្នាំនេះ ក្រសួងអប់រំបានចេញគោលការណ៍ឱ្យគ្រប់រដ្ឋបាលក្រុង-ស្រុកជ្រើសរើសគ្រូជាប់កិច្ចសន្យាដើម្បីបំពេញតម្រូវការតាមសាលាបឋមសិក្សាក្នុងដែនដីរបស់ខ្លួន។ បេក្ខជនដែលអាចដាក់ពាក្យប្រឡងបានគឺមានកម្រិតវប្បធម៌ចាប់ពីសញ្ញាបត្រមធ្យមសិក្សាទុតិយភូមិ និងអតីតគ្រូបង្រៀនដែលបានចូលនិវត្តន៍។ លោកអនុប្រធានមន្ទីរបានបន្តថា ក្នុងខេត្តកំពត ក្រសួងអប់រំតម្រូវឱ្យជ្រើសរើសគ្រូជាប់កិច្ចសន្យាសម្រាប់ឆ្នាំសិក្សា២០២៤-២៥ ចំនួន៣៦១នាក់ ខណ:ដែលបេក្ខជនមានរហូតដល់១.៩៣៤នាក់។ ដំណើរកាប្រឡងពេញមួយព្រឹកនេះគឺល្អប្រសើរដោយពុំមានបាតុភាពអវិជ្ជមានណាមួយកើតឡើងទេ។ លោក សៅ មឿន អភិបាលស្រុកឈូកបានបញ្ជាក់ថា ក្រសួងអប់រំបានតម្រូវឱ្យរដ្ឋបាលស្រុកជ្រើសរើសគ្រូជាប់កិច្ចសន្យា១០០នាក់ដើម្បីបញ្ជូនទៅសាលាបឋមសិក្សាចំនួន១២កន្លែង។ ជាមួយការប្រកាសជូនដំណឹងនេះ បេក្ខជនដែលបានដាក់ពាក្យ និងមកប្រឡងមាន៥២០នាក់។ លោកអភិបាលស្រុកបានបន្តថា អនុវត្តតាមលិខិតណែនាំលេខ១១៦៨ របស់ក្រសួង រដ្ឋបាលស្រុក សហការជាមួយការិយាល័យអប់រំបានបំពេញកិច្ចការយ៉ាងហ្មត់ចត់តាំងពីកិច្ចការពារមណ្ឌលប្រឡង ការត្រៀមក្រុមគ្រូពេទ្យរង់ចាំអន្តរាគមន៍ក្នុងករណីមានបញ្ហាសុខភាពចំពោះបេក្ខជន ឬមេប្រយោគ និងអនុរក្សជាដើម។ ដោយឡែក សម្រាប់វិញ្ញាសា ក្រុមការងារមានការប្រយ័ត្នប្រយែងបំផុតដោយបោះពុម្ពចេញភ្លាមៗនៅមុនម៉ោងចាប់ផ្តើមប្រឡងតែម្តង។ ធ្វើបែបនេះទើបរក្សាបាននូវគោលការណ៍”អ្នកចេះគឺជាប់”៕

ភ្នំពេញ៖ យុវជនយុវនារីដើរលេងយប់ចំនួន២៤នាក់ត្រូវបានសមត្ថកិច្ចសួរនាំនិងឲ្យពួកគាត់បែកផ្លូវត្រឡប់ទៅផ្ទះវិញភ្លាមៗ បង្កឲ្យមានការភ្ញាក់ផ្អើលកាលពីវេលាម៉ោង ១និង៣០នាទីរំលងអធ្រាត្រឈានចូលថ្ងៃទី១២ខែវិច្ឆិកាឆ្នាំ២០២៤ នៅតាមបណ្ដោយផ្លូវសហព័ន្ធរុស្ស៊ី ជាប់របងអាកាសយានដ្ឋានអន្តរជាតិភ្នំពេញ ស្ថិតនៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ ប្រភពព័ត៌មានពីកម្លាំងសមត្ថកិច្ចនគរបាលប៉ុស្តិ៍បានឲ្យដឹងថា៖ នៅមុនពេលឃាត់សួរនាំនិងឆែកឆេរ កម្លាំងសមត្ថកិច្ចនគរបាលខណ្ឌពោធិ៍សែនជ័យ បានចុះល្បាតនៅក្នុងមូលដ្ឋាន ដោយឃើញយុវជននិងយុវនារីជាច្រើនក្រុមបានឈរនៅម្តុំរបងអាកាសយានដ្ឋានអន្តរជាតិភ្នំពេញ។ កម្លាំងសមត្ថកិច្ចមើលទៅគួរឲ្យសង្ស័យពេក សមត្ថកិច្ចនគរបាលខណ្ឌពោធិ៍សែនជ័យបានសហការជាមួយកម្លាំងសមត្ថកិច្ចនគរបាលប៉ុស្តិ៍មូលដ្ឋានជួយអន្តរាគមន៍ ដើម្បីឆែកឆេរពួកគាត់ ខ្លាចមានលាក់អាវុធ ឬមានកាំបិតនិងដាវជាដើម ។ សមត្ថកិច្ចនគរបាលបានបន្តទៀតថា ការឃាត់សួរនាំនិងឆែកឆេរ ដោយមានគ្នា ២៤នាក់(ស្រីចំនួន១២នាក់) ហើយពួកគាត់ខាងលើនោះមានអ្នកខ្លះជិះម៉ូតូនិងអ្នកខ្លះជិះម៉ូតូកង់បី តែក្រោយការឆែកឆេរពួកគាត់ខាងលើមិនមានអ្វីនោះឡើយ ។ ក្រោយពេលកើតហេតុកម្លាំងសមត្ថកិច្ចនគរបាលខណ្ឌពោធិ៍សែនជ័យបានណែនាំពួកគាត់ ហើយបានឲ្យបំបែកផ្លូវគ្នាចេញពីកន្លែងកើតហេតុភ្លាមៗ ដេម្បីការពារសុវត្ថិភាពខ្លាចប្រើអំពើហិង្សានៅតាមទីសាធារណៈ៕ ដោយ៖សហការី

ដោយ៖ សុខុម ស្ទឹងត្រែង៖ សមត្ថកិច្ចបានបង្ហាញពីលទ្ធផលបង្រ្កាបករណីដឹកជញ្ជូនគ្រឿងញៀនឆ្លងដែននៅថ្ងៃទី១១វិច្ឆិកានេះថា៖ កាលពីថ្ងៃទី០៩  ខែវិច្ឆិកា  ឆ្នាំ២០២៤ បានឃាត់ខ្លួនជនសង្ស័យជនជាតិឡាវម្នាក់ រថយន្តមួយគ្រឿង រួមជាមួយគ្រឿងញៀនដ៏ច្រើនសន្ធឹកសន្ធាប់។ សមត្ថកិច្ចបាននិយាយថា៖ កម្លាំងជំនាញប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងក្រៀល បានត្រួតពិនិត្យឆែកឆេររថយន្តចំនួន០១គ្រឿង ម៉ាក FORTUNER ពណ៌ស ផ្លាកលេខឡាវ 1115។នៅពេលសមត្ថកិច្ចកំពុងតែឆែកពិនិត្យនោះក៏ស្រាប់តែរកឃើញគ្រឿងញៀន ហើយភ្លាមៗឃាត់ខ្លួនជនសង្ស័យ ០១នាក់។ សមត្ថកិច្ចបាននិយាយទៀតថា៖ រកឃើញវត្ថុតាងជាគ្រឿងញៀនចំនួន ១៦៧ដុំ ហើយនៅថ្ងៃខែឆ្នាំដដែល កម្លាំងជំនាញប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិត្រពាំងក្រៀល ប្រគល់រថយន្ត និងវត្ថុតាង ព្រមទាំងសម្ភារទាំងអស់មកឲ្យកម្លាំងជំនាញការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តស្ទឹងត្រែង ដើម្បីបន្តនីតិវិធី ក្រោមការដឹកនាំសម្របសម្រួលពីលោក ស៊ិន សុហឹង ព្រះរាជអាជ្ញារង សាលាដំបូងខេត្តស្ទឹងត្រែង។ សមត្ថកិច្ចបានបញ្ជាក់ឱ្យដឹងថា៖ ជនសង្ស័យឈ្មោះ VUE YENG ភេទប្រុស ថ្ងៃខែឆ្នាំកំណើត ០៥.០២.១៩៩៣ ជនជាតិឡាវ ទីកន្លែងបច្ចុប្បន្នប្រទេសឡាវ ប្រើលិខិតឆ្លងដែនលេខ P 1859439 ។រីឯវត្ថុតាងចាប់យករួមមាន៖  គ្រឿងញៀនប្រភេទមេតំហ្វេតាមីន(WY) ចំនួន ១៦៧ដុំ ទម្ងន់សុទ្ធ ៩៣គីឡូ និង ០៩៧.២៥ក្រាម  […]

ដោយ : បន្ទាយ សៀមរាប: នាព្រឹកថ្ងៃទី១១ ខែវិច្ឆិកា ឆ្នាំ២០២៤ ដោយអនុវត្តតាមបទបញ្ជារបស់ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប លោកអនុសេនីយ៍ឯកដួង ចាន់ថា មេបញ្ជាការរងមូលដ្ឋានកងរាជអាវុធហត្ថជីក្រែង ចុះផ្សព្វផ្សាយ អំពីច្បាប់គ្រឿងញៀន ផលប៉ះពាល់នៃគ្រឿងញៀន ក្មេងទំនើង និងទោសទណ្ឌ ។ នៅក្នុងឱកាសនោះបានចែកខិត្តប័ណ្ណចំនួន២៥៥ច្បាប់ ដល់សិស្សានុសិស្សនៅវិទ្យាល័យកំពង់ក្តី ស្ថិតក្នុងភូមិពោធិ៍សិរីឃុំកំពង់ក្តីស្រុកជីក្រែង ខេត្តសៀមរាប ដែលមានសិស្សានុសិស្សចំនួន ២១៨០នាក់/ ស្រី ១២៦៣នាក់ លោកគ្រូ អ្នកគ្រូចំនួន ០៤នាក់ / ស្រី ០២នាក់ នៃពិធីផ្សព្វផ្សាយនេះផងដែរ៕

នៅថ្ងៃទី ០៨ ខែវិច្ឆិកា ឆ្នាំ ២០២៤ នេះ កូនផ្សោតទើបកើតថ្មីមួយក្បាល ត្រូវបានប្រទះឃើញដោយក្រុមការងារស្រាវជ្រាវនៃរដ្ឋបាលជលផល និងអង្គការ WWF-កម្ពុជា នៅអន្លង់កាំពី ភូមិជ្រោយបន្ទាយ ឃុំសំបុក ស្រុកចិត្របុរី ខេត្តក្រចេះ។ កូនផ្សោតនេះ មានសុខភាពល្អប្រសើរ និងស្ថិតក្នុងហ្វូងផ្សោតធំៗចំនួន ២ទៀត។ នេះគឺជាលទ្ធផល ដែលជាកិច្ចសហប្រតិបត្តិការរួមគ្នាដោយក្រុមការងារស្រាវជ្រាវនៃរដ្ឋបាលជលផល និងអង្គការ WWF-កម្ពុជា។ អង្គការរបស់យើង រួមជាមួយនឹងក្រសួងកសិកម្ម រុក្ខាប្រមាញ់ និងនេសាទ សូមថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំ និងឆ្មាំទន្លេ ព្រមទាំងសហគមន៍មូលដ្ឋានដែលធ្វើការដោយមិនចេះនឿយហត់ដើម្បីការពារ និងអភិរក្សប្រភេទសត្វទន្លេមេគង្គដ៏មានតម្លៃដែលមិនអាចកាត់ថ្លៃបានប្រភេទនេះ។ សូមចូលរួមក្នុងកិច្ចការអភិរក្សទាំងអស់គ្នា! រួមគ្នា យើងអាចបន្តការពារសត្វព្រៃដ៏មានតម្លៃរបស់កម្ពុជា និងធានាអនាគតដ៏ប្រសើរសម្រាប់កូនផ្សោតដែលទើបនឹងកើតនេះ៕ អត្ថបទ៖ WWF-កម្ពុជា

ដោយ៖ គង់ហេង កំពង់ចាម៖ រដ្ឋបាលខេត្តកំពង់ចាម បានសម្រេចបញ្ជួនទូកង និងទូកខ្នាតអន្តរជាតិចំនួន ៤២ ទូក និងចំណុះទូកប្រមាណជាង ៣.០០០ នាក់ មកពីបណ្តាស្រុក ក្រុងចំនួន ៧ ដើម្បីចូលរួមក្នុងព្រះរាជពិធីបុណ្យអុំទូក,បណ្តែតប្រទីប,សំពះព្រះខែ និងអកអំបុក នៅរាជធានីភ្នំពេញ ដែលនឹងប្រព្រឹត្តទៅចាប់ពីថ្ងៃទី ១៤-១៦ វិច្ឆិកាខាងមុខនេះ។ នេះបើតាមការបញ្ជាក់ឱ្យដឹងរបស់ឯកឧត្តម អ៊ុន ចាន់ដា អភិបាលខេត្តកំពង់ចាមនៅសាលាខេត្តនៅព្រឹកថ្ងៃទី ១១ វិច្ឆិកានេះ ក្នុងកិច្ចប្រជុំគណៈកម្មការ ដឹកនាំទូកង ទូកខ្នាតអន្តរជាតិចូលរួមព្រះរាជពិធីបុណ្យអុំទូក,បណ្តែតប្រទីប,សំពះព្រះខែ និងអកអំបុកនៅរាជភ្នំពេញ។ ឯកឧត្តមអភិបាលខេត្តកំពង់ចាមបានបន្ថែមថា៖ ក្នុងនោះមានទូកមកពីស្រុកកងមាសចំនួន ១៣ ទូក, ស្រុកស្រីសន្ធរចំនួន ១៣ ទូកដែរ,ស្រុកកំពង់សៀមចំនួន ៣ ទូក, ស្រុកកោះសូទិនចំនួន ២ ទូក,ស្រុកស្ទឹងត្រង់ចំនួន ៦ ទូក,ស្រុកបាធាយចំនួន ៣ ទូក និងក្រុងកំពង់ចាមចំនួន ២ ទូក៕

ប្រែសម្រួល៖តារា លោកRuben Amorim នឹងជួបពិភាក្សាជាមួយ Ruud van Nistelrooy នៅថ្ងៃនេះអំពីអនាគតរបស់ Man United របស់គាត់ ហើយបង្ហាញថាគាត់មាន “គំនិតច្បាស់លាស់” រួចហើយថាត្រូវធ្វើអ្វីជាមួយរឿងព្រេងរបស់ក្លិប បន្ទាប់ពីសរសើរ “ការងារដ៏អស្ចារ្យ” ដែលគាត់បានធ្វើក្នុងនាមជាគ្រូបង្វឹកបណ្តោះអាសន្ន។ លោក Ruben Amorim ដែលជាគ្រូបង្វឹករបស់ក្រុម Manchester United នឹងជួបពិភាក្សាជាមួយលោក Ruud Van Nistelrooy នៅថ្ងៃចន្ទនេះ អំពីអនាគតរបស់កីឡាករសញ្ជាតិហូឡង់នៅក្លិប។ កីឡាករសញ្ជាតិព័រទុយហ្គាល់បានមើលការខុសត្រូវការប្រកួតចុងក្រោយរបស់គាត់ក្នុងនាមជាគ្រូបង្វឹក Sporting Lisbon កាលពីថ្ងៃអាទិត្យ ដោយធ្វើដូច្នេះតាមស្ទីលជាមួយនឹងការត្រឡប់មកវិញ 4-2 លើ Braga ហើយឥឡូវនេះនឹងហោះហើរទៅកាន់ Manchester ដើម្បីទទួលយកការងារដ៏ធំបំផុតមួយនៅក្នុងបាល់ទាត់ពិភពលោក។ ភារកិច្ចដំបូងរបស់គាត់គឺបង្កើតក្រុមខាងក្រោយរបស់គាត់ ហើយអនាគតរបស់ Van Nistelrooy ទាមទារឋានៈជាអាទិភាពជាមួយវីរបុរសក្លិបដែលចង់ស្នាក់នៅ ប៉ុន្តែការសម្រេចចិត្តគឺ Amorim ត្រូវធ្វើ។ Van Nistelrooy បានចូលដឹកនាំបណ្ដោះអាសន្ននៅ Old Trafford បន្ទាប់ពីការបណ្តេញចេញរបស់ Erik […]

ប្រែសម្រួល៖ រតនា វ៉ាស៊ីនតោន៖ ប្រធានាធិបតីជាប់ឆ្នោតរបស់សហរដ្ឋអាមេរិក លោក ដូណាល់ ត្រាំ បាននិយាយជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន ហើយបានណែនាំគាត់កុំឱ្យធ្វើឱ្យសង្គ្រាមអ៊ុយក្រែនកាន់តែតានតឹង នេះបើតាមប្រភពដែលដឹងពីការសន្ទនាបានប្រាប់ Reuters នៅថ្ងៃអាទិត្យ ទី១០ ខែវិច្ឆិកា ខណៈដែលប្រធានាធិបតី Joe Biden គ្រោងជំរុញឱ្យលោក Trump កុំបោះបង់ចោលអ៊ុយក្រែន។ ប្រភពបាននិយាយថា Trump និង Putin បាននិយាយនៅក្នុងប៉ុន្មានថ្ងៃថ្មីៗនេះ។ Trump បាននិយាយជាមួយប្រធានាធិបតីអ៊ុយក្រែន Volodymyr Zelenskyy កាលពីថ្ងៃពុធ។ លោក Trump បានរិះគន់ទំហំនៃការគាំទ្រផ្នែកយោធា និងហិរញ្ញវត្ថុរបស់សហរដ្ឋអាមេរិកសម្រាប់ទីក្រុង Kyiv ដោយបានប្តេជ្ញាថានឹងបញ្ចប់សង្រ្គាមឱ្យបានឆាប់រហ័សដោយមិនបាននិយាយពីរបៀបធ្វើនោះទេ។ ក្រសួងការបរទេសអ៊ុយក្រែនបាននិយាយថា ខ្លួនមិនត្រូវបានជូនដំណឹងជាមុនអំពីការហៅទូរសព្ទរវាងលោក Trump និងលោក Putin ហើយក្រោយមកក៏មិនអាចគាំទ្រ ឬជំទាស់នឹងវាដែរ។ លោក Steven Cheung នាយកផ្នែកទំនាក់ទំនងរបស់លោក Trump បាននិយាយនៅពេលត្រូវបានសួរអំពីការហៅទូរសព្ទដែលត្រូវបានរាយការណ៍ដំបូងដោយ The Washington Post […]

ដោយ៖ប្រសិទ្ធ ភ្នំពេញ៖រោងចក្រផលិត ផលិត និងបង្គុំគ្រឿងអលង្ការ និងគ្រឿងលម្អផ្សេងៗដែលធំដំបូងគេបង្អស់នៅកម្ពុជា បានសម្ពោធជាផ្លូវការហើយ កាលពីថ្ងៃទី៩ ខែវិច្ឆិកា ឆ្នាំ២០២៤ នៅតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ។ ក្រុមហ៊ុន Metal Jewelry Cambodia បានសម្ពោធរោងចក្រដ៏ធំនៅកម្ពុជារបស់ខ្លួន បន្ទាប់ពីបានទទួលគោលការណ៍អនុញ្ញាតឱ្យវិនិយោគបង្កើតរោងចក្រផលិត ផលិត និងបង្គុំគ្រឿងអលង្ការ និងគ្រឿងលម្អផ្សេងៗ ធ្វើពីលោហៈនិងប្លាស្ទិក កាលពីខែមិថុនា ឆ្នាំ២០២៣ នៅតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ។ ការសម្ពោធនេះក៏មានការ អញ្ជើញចូលរួមពី ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា តំណាងដ៏ខ្ពង់ខ្ពស់របស់ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ (ក.អ.ក), អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាអ្នកអភិវឌ្ឍន៍តំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ, តំណាងក្រុមហ៊ុន Metal Jewelry Cambodia, ភ្ញៀវកិត្តិយស និងកម្មករ កម្មការិនី ជាច្រើនរូបទៀត។ ការបណ្តាក់ទុនវិនិយោគរបស់ក្រុមហ៊ុន […]

ដោយ : បន្ទាយ បន្ទាយមានជ័យ៖ នៅរសៀល១០ខែវិច្ឆិកាឆ្នាំ២០២៤  មន្ត្រីអាជ្ញាធរស្រុកមង្គលបូរីដឹកនាំដោយលោកឆុំ ឆាន អភិបាលរងស្រុក លោកស្រីជឹម សាវឌី មេឃុំឫស្សីក្រោក និងមន្ត្រីក្រុមការងារបានចុះទៅពិនិត្យទីតាំងវាលស្រែស្រូវប្រាំងលើកទី២ នៅប៉ែកខាងខាងជើងនិងខាងកើតឃុំឬស្សីក្រោកឬផ្នែកខាងក្រោមផ្លូវជាតិលេខ៥និងផ្លូវដែក។ បើតាមមន្ត្រីខាងលើមកទល់ពេលនេះ ទឹកដែលហូរធ្លាក់ផ្នែកខាងលើស្រុងចុះមកក្រោមតាមប្រឡាយក្តាន់បាននិងកំពុងគំរាមអោយលិចលង់ដំណាំស្រូវប្រាំងលើកទី២ ដែលទើបព្រោះបាន១ទៅជាង១ខែ អស់ប្រមាណ១០០ហិកតា ចំណុចប្រឡាយស្ពានតាផាន់ ក្នុងឃុំឬស្សីក្រោកស្រុកមង្គលបូរី។ មន្ត្រីបន្តថា: ពួកគេនិងកសិករ ហើយបានការណែនាំពីលោករ័ត្ន ដាស៊ីណង អភិបាលស្រុកមង្គលបូរីកំពុងរកវិធីសាស្រ្តនិងមធ្យោបាយសង្រោះស្រូវប្រាំងវគ្គ២ប្រមាណ១០០ហិកតា នៅទីតាំងខាងលើ ។ក្នុងនោះបិទទ្វារទឹកស្ពានតាផាន់នៃប្រព័ន្ធប្រឡាយក្តាន់។ បន្ទាប់មកប្រើគ្រឿងចក្រអេស្កាវ៉ាទ័រកាយដីបិទទំនប់និងខ្នងប្រឡាយ ដើម្បីកុំអោយទឹកពីប្រឡាយហូរចូលស្រែលិចស្រូវបងប្អូនប្រជាកសិករ ៕

ពស់ថ្លាន់ ដែលត្រូវបានរកឃើញនៅទូទាំងតំបន់អាស៊ីអាគ្នេយ៍ គឺជាប្រភេទពស់ដ៏ធំបំផុតមួយនៅលើភពផែនដី។ អង្គការ WWF-កម្ពុជា បានទទូលពស់ថ្លាន់នេះទម្ងន់ជិត១០គីឡូក្រាម ហើយតើអ្នកដឹងទេថា ពេលខ្លះទម្ងន់វាអាចឡើងដល់ ៩០គីឡូក្រាម! សត្វ​ពស់ប្រភេទនេះ​បាន​សម្លាប់ និង​ស៊ី​ចំណី​របស់​វា​ដោយ​យក​ខ្លួន​ប្រាណវឹត​ជុំវិញ​សត្វ​មួយ​ក្បាលទៀតឱ្យថប់​ដង្ហើមស្លាប់។ ដើម្បីសុខុមាលភាពរបស់សត្វពស់ថ្លាន់ WWF-កម្ពុជា បានលែងពស់ថ្លាន់ចូលទៅក្នុងដែនជម្រកសត្វព្រៃសំបូរ ជាទីដែលវាអាចលូតលាស់នៅក្នុងប្រព័ន្ធអេកូធម្មជាតិរបស់វា។ យើងខ្ញុំអរគុណអ្នកគ្រប់គ្នាដែលបានជួយសង្រ្គោះពស់ថ្លាន់នេះ និងរក្សាសហគមន៍របស់ពួកគេឱ្យមានសុវត្ថិភាព៕ អត្ថបទ៖ WWF-កម្ពុជា

ដោយ៖ សុខុម ក្រចេះ៖ករណីរថយន្តធំបុកម៉ូតូអូសរ៉ឺម៉កក្មេងៗដឹកគ្នាបណ្តាលឱ្យបាត់.បង់.ជីវិតដល់ទៅ៥នាក់ មកទល់នឹងថ្ងៃទី១០ខែវិច្ឆិកាឆ្នាំ២០២៤ សមត្ថកិច្ចមិនទាន់ចាប់បានជនបង្កនោះនៅឡើយទេ។ សូមបញ្ជាក់ថា៖ កាលពីយប់ថ្ងៃទី៨ខែវិច្ឆិកាឆ្នាំ២០២៤ មានករណីគ្រោះថ្នាក់ចរាចរណ៍ដ៏រន្ធត់មួយបានកើតឡើងនៅលើដងផ្លូវចំណុចច្រកអន្តរជាតិត្រពាំងស្រែ ជាប់ព្រំដែនប្រទេសវៀតណាម ស្ថិតក្នុងភូមិត្រពាំងស្រែ ឃុំ ២ធ្នួ ស្រុកស្នួល ខេត្តក្រចេះ។ លោកវរសេនីយ៍ឯក ចាន់ សុខគីម បានប្រាប់សារព័ត៌មានថា៖ សមត្ថកិច្ចកំពុងស៊ើបអង្កេតស្រាវជ្រាវដើម្បីចាប់ខ្លួនជនបង្កបុកមនុស្សស្លា.ប់។នៅកន្លែងកើតហេតុ យើងប្រទះឃើញមានសពជនរងគ្រោះចំនួន ៥នាក់ មានប្រុសស្រីនិងក្មេង ។ នៅយប់កើតហេតុ សមត្ថកិច្ចបានយកសពទៅតម្កល់ទុកនៅវត្តទួលសេះសរ ឃុំស្នួល ស្រុកស្នួល រង់ចាំសាច់ញាតិមកទទួល។សពទាំង៥នាក់រួមមាន ស្ត្រីវ័យចំណាស់ ២ នាក់ ក្មេងស្រីម្នាក់ និងក្មេងប្រុសចំនួន ២នាក់។ សមត្ថកិច្ចដាក់ការសង្ស័យថាជាករណីគ្រោះថ្នាក់ចរាចរណ៍បង្កឡើងរវាង​រថយន្តប្រភេទV1និងម៉ូតូ។រីឯអត្តសញ្ញាណតៃកុងរថយន្តបានកំណត់មុខសញ្ញាខ្លះៗហើយ គ្រាន់តែនៅមិនទាន់ចាប់បាន៕

ដោយ : បន្ទាយ សៀមរាបៈ  នារសៀលថ្ងៃទី០៨ ខែវិច្ឆិកា ឆ្នាំ២០២៤ នៅកសិដ្ឋានសូត្រសិប្បករអង្គរស្រុកពួក ខេត្តសៀមរាប លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្ត លោកមេបញ្ជាការរង ចូលរួមកិច្ចប្រជុំស្តីពី ផែនការ ឧបសម្ព័ន្ធ ការពារសន្តិសុខ សុវត្ថិភាពនិងសណ្ដាប់ធ្នាប់ ពិធីសម្ពោធបើកឡើងវិញ កសិដ្ឋានសូត្រសិប្បករអង្គរ នៅភូមិប្រយុទ្ធ ឃុំពួក ស្រុកពួក ខេត្តសៀមរាបថ្ងៃទី ១០ ខែ វិច្ឆិកា ឆ្នាំ ២០២៤ ក្រោមអធិបតីភាព នាយឧត្តមសេនីយ៍ ជួន សុវណ្ណ រដ្ឋមន្ត្រីប្រតិភូអមនាយករដ្ឋមន្ត្រី៕

ភ្នំពេញ៖« ការប្រកបអាជីវកម្មរីកចម្រើនយើងមិនត្រូវភ្លេចកិច្ចការសង្គមទេ។យើងរីកចម្រើនទៅបានលុះត្រាតែមានការចូលរួមគាំទ្រពីសង្គម។អ៊ីចឹងពេលដែលយើងតបស្នងអ្វីទៅសង្គម សង្គមនឹងជួយគាំទ្រយើងវិញ។ដូចទស្សនៈធនាគារអេស៊ីលីដាអីចឹងយើងធ្វើអ្វីមួយក៏ដោយត្រូវគិតពីសង្គម»។ លោក លី ថៃ គណៈប្រធាននាយកប្រតិបត្តិអភិបាលកិច្ចទទួលបន្ទុកផ្នែកធនធានមនុស្សនិងរដ្ឋបាលនៃធនាគារអេស៊ីលីដាភីអិលស៊ី បានមានប្រសាសន៍ដូច្នេះនៅក្នុងកម្មវិធីបរិច្ចាគឈាមដោយស្ម័គ្រចិត្តនាព្រឹកថ្ងៃទី៨ខែវិច្ឆិកា ឆ្នាំ២០២៤។ ធនាគារអេស៊ីលីដាភីអិលស៊ី សហការជាមួយមជ្ឈមណ្ឌលជាតិផ្តល់ឈាម បានរៀបចំកម្មវិធីបរិច្ចាគឈាមដោយស្ម័គ្រចិត្តដោយមានការចូលរួមពីថ្នាក់ដឹកនាំនិងបុគ្គលិកប្រមាណជិត៧០០នាក់នៅទូទាំងប្រទេសដើម្បីចូលរួមចំណែកជាមួយរាជរដ្ឋាភិបាលក្នុងការជួយសង្គ្រោះអាយុជីវិតដល់ជនរងគ្រោះ ឬអ្នកជំងឺដែលជួបគ្រោះថ្នាក់ ឬមានជំងឺត្រូវការឈាមជាបន្ទាន់។ លោក លី ថៃ បានលើកឡើងថា៖«ការបរិច្ចាគឈាមនេះជាទង្វើមនុស្សធម៌ដ៏ប្រពៃ ហើយយើងអាចជួយសង្គ្រោះអាយុជីវិតជួយដល់អ្នករងគ្រោះ។ទន្ទឹមនឹងនេះក៏អាចធ្វើឱ្យសុខភាពយើងប្រសើរឡើងផងដែរ។ដោយសារយើងយល់ពីសារសំខាន់នេះហើយទើបមានអ្នកចូលរួមច្រើន»។ នេះជាលើកទី៨ហើយដែលធនាគារអេស៊ីលីដាបានរៀបចំកម្មវិធីបរិច្ចាគឈាមដោយស្ម័គ្រចិត្តដោយមានបុគ្គលិកចូលរួមបរិច្ចាគឈាមចំនួន៦៧០នាក់នៅទូទាំងប្រទេសក្នុងនោះនៅរាជធានីភ្នំពេញមាន២៣៥នាក់និងតាមបណ្តាខេត្ត៤៣៥នាក់ខណៈ៧លើកមុនមានអ្នកចូលរួមចំនួន១៧៨០នាក់។ លោកបានលើកទឹកចិត្តឱ្យមានការចូលរួមបរិច្ចាគឈាមនេះឱ្យបានច្រើនបន្ថែមទៀតនិងសូមថ្លែងអំណរគុណដល់សហការីទាំងអស់ដែលបានស្ម័គ្រចិត្តចូលរួមបរិច្ចាគឈាមដែលជាការងារសង្គម។ លោកវេជ្ជបណ្ឌិត លី សុវិទ្យ អនុប្រធានមជ្ឈមណ្ឌលជាតិឈាមបានថ្លែងអំណរគុណយ៉ាងជ្រាលជ្រៅចំពោះបុគ្គលិកគ្រប់ផ្នែកទាំងអស់ នៃធនាគារអេស៊ីលីដាភីអិលស៊ី ដែលតែងតែបានរៀបចំបានអនុញ្ញាតឲ្យមជ្ឈមណ្ឌលជាតិផ្ដល់ឈាមមកទទួលយកអំណោយឈាមដោយសប្បុរស ដើម្បីជួយជីវិតដល់ជនរងគ្រោះនិងសូមអរគុណចំពោះសកម្មភាពចូលរួមលើផ្នែកមនុស្សធម៌ ដើម្បីជួយជីវិតមនុស្ស ពិសេសអ្នកដែលត្រូវការឈាម នៅតាមគ្រប់មន្ទីរពេទ្យទាំងអស់។ លោកវេជ្ជបណ្ឌិតបានបន្តថាសកម្មភាពរបស់ធនាគារអេស៊ីលីដានេះគឺជាគំរូមួយដ៏ល្អដល់ស្ថាប័នដទៃទៀតក្នុងការរួមចំណែកជាមួយស្ថាប័នផ្តល់ឈាមមានឈាមគ្រប់គ្រាន់ជួយសង្គ្រោះជីវិតអ្នកជំងឺ។ លោកវេជ្ជបណ្ឌិតបានបន្តទៀតថាការចូលរួមរបស់អេស៊ីលីដានេះមានសារសំខាន់រកអ្វីកាត់ថ្លៃមិនបានទេក្រៅពីការជួយសង្គមក៏បានដឹងពីសុខភាពនិងជំងឺរបស់គាត់ដែរដូចជាជំងឺថ្លើមប្រភេទ បេ, សេ, ស្វាយនិងជំងឺអេដស៍និងជួយកាត់បន្ថយជំងឺមហារីកកាត់បន្ថយលើសជាតិដែកធ្វើឱ្យប៉ះពាល់ដល់ថ្លើមនិងលំពែងនិងជួយសម្រួលសុខភាពបេះដូងពិសេសមានមោទនភាពក្នុងការចូលរួមចំណែកជាមួយសង្គមជាតិក្នុងសកម្មភាពមនុស្សធម៌ជួយសង្គ្រោះអាយុជីវិតមនុស្ស។ លោកវេជ្ជបណ្ឌិតបានអំពាវនាវដល់វិស័យឯកជន និងសាធារណជនទូទៅ ពិសេសយុវវ័យ បន្តចូលរួមបង្កើនសកម្មភាពផ្តល់ឈាមឲ្យបានច្រើនបន្ថែមទៀត ដើម្បីឱ្យមជ្ឈមណ្ឌលជាតិផ្តល់ឈាមអាចមានលទ្ធភាពស្តុកឈាមបានគ្រប់គ្រាន់ ដោយសារបច្ចុប្បន្ននេះការផ្តល់ឈាមដោយស្ម័គ្រចិត្ត និងមិនគិតកម្រៃមានត្រឹមតែ២០ភាគរយប៉ុណ្ណោះ ខណៈការផ្តល់ឈាមដោយក្រុមគ្រួសារ និងសាច់ញាតិបងប្អូនរបស់អ្នកជំងឺមានរហូតដល់៨០ភាគរយឯណោះ៕

ដោយ : បន្ទាយ សៀមរាប៖ នៅទីបញ្ជាការដ្ឋានកងរាជអាវុធហតខេត្តសៀមរាប លោកឧត្តមសេនីយ៍ត្រី សៀ ទីន មេបញ្ជាការបានបើកចែកអាវរងាដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកស្រីបណ្ឌិតពេជ ចន្ទមុន្នី ហ៊ុន ម៉ាណែត ជូនដល់តំណាងតាមបណ្តាមូលដ្ឋានកងរាជអាវុធហត្ថ ក្រុង-ស្រុក។ នេះបើតាមមន្ត្រីអាវុធហត្ថខេត្តសៀមរាបអោយដឹងកាលពីថ្ងៃទី០៧ខែវិច្ឆិកា ។ អំណោយក៏ចែកដល់អង្គភាពចំណុះសម្រាប់យកទៅចែកជូនបន្តដល់នាយទាហាន នាយទាហានរង និងពលទាហាន នៃកងរាជអាវុធហត្ថខេត្តសៀមរាប គ្រប់ៗគ្នា៕

ដោយ : បន្ទាយ កំពង់ធំ៖ អគារសិក្សា ១ខ្នង ៣បន្ទប់ និងសមិទ្ធផលជាច្រើននៅសាលាបឋមសិក្សាកូនក្អែក ស្ថិតនៅភូមិកូនក្អែក ឃុំសំបូរណ៍ ស្រុកប្រាសាទសំបូរ បានសម្ពោធដាក់ឱ្យប្រើប្រាស់ កាលពីសៀលថ្ងៃទី០៧ ខែវិច្ឆិកា ឆ្នាំ២០២៤ ។ អង្គការ GIVE CHILDREN A FUTURE asbl, LUXEMBOURG and OPERATION MONDE NOUVEAU asbl, BELGIUM បានការឧបត្ថម្ភនិងគាំទ្រការកសាងអគារសិក្សានិងសមិទ្ធផលទាំងនេះ ។ លោក នួន ផារ័ត្ន អភិបាលខេត្តកំពង់ធំមានប្រសាសន៍ថា : វិស័យអប់រំនៅកម្ពុជាបន្តអភិវឌ្ឍជាលំដាប់ និងប្រែក្លាយទៅជាប្រព័ន្ធអប់រំដែលមានគុណភាពខ្ពស់ ដែលអាចកសាង និងអភិវឌ្ឍធនធានមនុស្សប្រកបដោយមនសិកា វិជ្ជាជីវៈ និងសមត្ថភាពជំនាញពិតប្រាកដលើគ្រប់វិស័យ ។ បើតាមលោកអភិបាលខេត្តកំពង់ធំ សមិទ្ធផលរូបវ័ន្តដែលដាក់ឲ្យប្រើប្រាស់ជាផ្លូវការនាពេលនេះ ពិតណាស់នឹងក្លាយជាចំណែកមួយដ៏សំខាន់ក្នុងការជំរុញការកសាងធនធានមនុស្ស ៕

ដោយ : បន្ទាយ បន្ទាយមានជ័យ៖ នៅសាលប្រជុំធំនិងបរិវេណសាលាខេត្តកាលពីព្រឹកថ្ងៃទី០៧ខែវិច្ឆិកាឆ្នាំ២០២៤ រដ្ឋបាលខេត្តបានរៀបចំពិធីខួបអនុស្សាវរីយ៍លើកទី៧១ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ (៩ វិច្ឆិកា ១៩៥៣-៩ វិច្ឆិកា ២០២៥) ។ លោក អ៊ុំ រាត្រី អភិបាលខេត្ត និងលោកប្លែក វ៉ារីជាប្រធានក្រុមប្រឹក្សាខេត្តជាអធិបតីនិងវត្តមានកិត្តិយសពីមន្ត្រីសង្ឃ ជាសមាជិកព្រឹទ្ធសភា រដ្ឋសភាលោកស្រី លោកថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ មហាជន យុវជនប្រមាណ១.០០០ អង្គ /នាក់ ។ ក្នុងកម្មវិធីនេះ ក៏មានការនិមន្តព្រះសង្ឃ បង្សុកូលឧទ្ទិសមហាព្រះរាជកុសល ថ្វាយសម្តេចព្រះករុណា ព្រះបាទសម្តេច នរោត្តម សីហនុ ព្រះបរមរតនកោដ្ឋ ព្រមទាំងមានការដាក់កម្រងផ្កាតាមមន្ទីរ អង្គភាព ជុំវិញខេត្ត និងលែងសត្វព្រាប និងបង្ហោះប៉ឺតប៉ោង ជានិមិត្តរូបបង្ហាញពីប្រទេសជាតិ មានសុខសន្តិភាព ស្ថិរភាពនយោបាយនិងការអភិវឌ្ឍផងដែរ ។ ចុងក្រោយ ប្រតិភូរដ្ឋបាលខេត្ត២ក្រុម  គឺក្រុមទី១ ដឹកនាំដោយលោកអ៊ុំ រាត្រី  អភិបាលខេត្ត,លោកអន […]

សៀមរាប៖ ទោះបីស្ថានភាពទឹកភ្លៀងឆ្នាំនេះមានការអូសបន្លាយ និងមិនទៀងទាត់យ៉ាងណាក៏ដោយ ប៉ុន្តែអាជ្ញាធរជាតិអប្សរា បានរៀបចំប្រមែប្រមូលទឹកពេញអាងស្ដុកទឹកទាំងអស់ដែលមានក្នុងតំបន់រមណីយដ្ឋានអង្គរ។ តាមមន្រ្តីអាជ្ញាធរជាតិអប្សរា ទឹកភ្លៀងជាង៦០លានម៉ែត្រត្រីគុណ ឬម៉ែត្រគីប ត្រូវបានប្រមូលទុកនារដូវវស្សាឆ្នាំនេះ។ ប្រធាននាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរា លោក ភឿន សុឃីម បានឱ្យដឹងថា គិតមកដល់ខែវិច្ឆិកា ការប្រមូលទឹកចូលអាងស្ដុកទឹកសំខាន់ៗ​នៅតំបន់រមណីយដ្ឋានអង្គរ គឺសម្រេចបាន១០០ភាគរយ ក្នុងនោះរាប់ទាំងបារាយណ៍តូចធំ កសិន្ធុទឹក អូរ និងប្រឡាយជាដើម។ ទឹកដែលប្រមូលបានទាំងនេះមានបរិមាណជាង៦០លានម៉ែត្រត្រីគុណ ដែលត្រៀមសម្រាប់ការប្រើប្រាស់នារដូវប្រាំងខាងមុខ ក្នុងនោះរាប់ទាំងការងារអភិរក្សប្រាសាទ បរិស្ថាន និងវិស័យកសិកម្មសម្រាប់ប្រជាពលរដ្ឋនៅតំបន់ជុំវិញប្រមាណ៧ពាន់ហិកតា។ អ្នកជំនាញបញ្ជាក់ថា បរិមាណនេះ គឺមានចំនួនប្រហាក់ប្រហែលនឹងឆ្នាំទៅមិញដែរ ដោយមិនបារម្ភពីកង្វះខាតទឹកនៅតំបន់ឡើយ។ បើតាមការបញ្ជាក់ពីលោក ភឿន សុឃីម ការងារគ្រប់គ្រងទឹកនៅតំបន់រមណីយដ្ឋានអង្គរ កាន់តែល្អប្រសើរពីមួយឆ្នាំទៅមួយឆ្នាំ ក្រោយអាជ្ញាធរជាតិអប្សរាបានរៀបចំ និងស្ដារប្រព័ន្ធទឹកបុរាណ​ក្នុងតំបន់រមណីយដ្ឋានអង្គរឡើងវិញចាប់ពីឆ្នាំ២០១២មក។ ជាងនេះទៅទៀត ក្រោមការគិតគូរដ៏វែងឆ្ងាយ និងភាពឈ្លាសវៃពីថ្នាក់ដឹកនាំអាជ្ញាធរជាតិអប្សរា ដោយយល់ពីសារសំខាន់ នៃការងារគ្រប់គ្រងទឹក ដែលធ្វើឱ្យប្រព័ន្ធគ្រប់គ្រងទឹកក្នុងតំបន់កាន់តែមានភាពជឿនលឿន និងមានប្រសិទ្ធភាពខ្ពស់។ តួយ៉ាង នាឆ្នាំ២០២៤នេះ សំណង់ទ្វារទឹកមួយចំនួនត្រូវបានស្ដារ និងជួសជុលឡើងវិញជាបន្តបន្ទាប់ ក្នុងបំណងដើម្បីធានាថា ការងារគ្រប់គ្រងទឹក​នឹងមានវិសាលភាព កាន់តែទូលំទូលាយ និងពេញលេញ […]

ប្រែសម្រួល៖ រតនា ប្រទេសចិនកំពុងស្វែងរកអ្វីដែលអាចជាផ្លូវប្រែប្រួល និងមិនអាចទាយទុកជាមុនបានខ្ពស់នៅខាងមុខក្នុងការប្រកួតប្រជែងអំណាចដ៏អស្ចារ្យរបស់ខ្លួនជាមួយសហរដ្ឋអាមេរិក បន្ទាប់ពីលោក Donald Trump បានធ្វើនយោបាយជាប្រវត្តិសាស្ត្រដើម្បីឈ្នះការប្រកួតប្រជែងឆ្ពោះទៅកាន់សេតវិមាន។ ការត្រឡប់មកវិញរបស់គាត់អាចនាំមកនូវពន្ធខ្ពស់រហូតដល់ 60% លើទំនិញរបស់ចិន – ដែលអាចបំផ្លិចបំផ្លាញកំណើនសេដ្ឋកិច្ចនៅក្នុងសេដ្ឋកិច្ចធំទីពីររបស់ពិភពលោក និងធ្វើឱ្យខ្សែចង្វាក់ផ្គត់ផ្គង់សកល – ការគ្រប់គ្រងបច្ចេកវិជ្ជាកាន់តែច្រើន និងវោហាសាស្ត្រដ៏ក្ដៅគគុកលើទីក្រុងប៉េកាំង ដែលបង្កើនភាពតានតឹងក្នុងទំនាក់ទំនងដ៏គគ្រឹកគគ្រេងរវាងប្រទេសមហាអំណាច។ ប៉ុន្តែឥរិយាបថពាណិជ្ជកម្មគាំពារនិយម និងវិធីសាស្រ្តប្រតិបតិ្តការរបស់លោក Trump ចំពោះគោលនយោបាយការបរទេសក៏អាចធ្វើឱ្យសម្ព័ន្ធភាពរបស់សហរដ្ឋអាមេរិក និងភាពជាអ្នកដឹកនាំពិភពលោកចុះខ្សោយផងដែរ ដោយបង្ហាញពីឱកាសសម្រាប់ទីក្រុងប៉េកាំងក្នុងការបំពេញចន្លោះប្រហោងនៃការដកថយរបស់អាមេរិក និងបង្កើតសណ្តាប់ធ្នាប់ពិភពលោកជំនួស។ Shen Dingli អ្នកវិភាគគោលនយោបាយការបរទេសនៅទីក្រុងសៀងហៃបាននិយាយថា “ការវិលត្រឡប់ទៅកាន់អំណាចរបស់លោក Trump ប្រាកដជានឹងនាំមកនូវឱកាសកាន់តែច្រើន និងហានិភ័យកាន់តែច្រើនសម្រាប់ប្រទេសចិន” ។ “ថាតើវានាំទៅរកហានិភ័យកាន់តែច្រើន ឬឱកាសកាន់តែច្រើន អាស្រ័យលើរបៀបដែលភាគីទាំងពីរមានទំនាក់ទំនងគ្នាទៅវិញទៅមក។” ជាផ្លូវការ ប្រទេសចិនបានព្យាយាមបង្ហាញជំហរអព្យាក្រឹតលើការឈ្នះរបស់លោក Trump ។ ក្រសួងការបរទេសរបស់ខ្លួនបាននិយាយកាលពីថ្ងៃពុធថា ខ្លួន “គោរព” ជម្រើសរបស់អាមេរិក។ មេដឹកនាំចិន Xi Jinping បានអបអរសាទរលោក Trump កាលពីថ្ងៃព្រហស្បតិ៍។ ដោយគេស្គាល់ថាស្រលាញ់របបផ្តាច់ការ លោក Trump បានសរសើរលោក Xi […]

ប្រែសម្រួល៖ រតនា ប្រធានាធិបតីជាប់ឆ្នោតលោក Donald Trump នៅថ្ងៃទី 8 ខែវិច្ឆិកា បានប្រកាសថា Susie Wiles ដែលជាអ្នកគ្រប់គ្រងយុទ្ធនាការមួយក្នុងចំណោមអ្នកចាត់ការពីរនាក់របស់គាត់នឹងធ្វើជាប្រធានបុគ្គលិកសេតវិមានដោយប្រគល់តំណែងកំពូលដល់ប្រតិបត្តិករនយោបាយដែលបានជួយគណបក្សសាធារណរដ្ឋឲ្យ ឈ្នះការបោះឆ្នោត។ ការតែងតាំងនេះជាលើកដំបូងនៃអ្វីដែលគេរំពឹងថានឹងមានការរំជើបរំជួលនៃសេចក្តីប្រកាសបុគ្គលិក នៅពេលដែលលោក Trump ចងដៃសម្រាប់ការវិលត្រឡប់ទៅកាន់សេតវិមានវិញនៅថ្ងៃទី 20 ខែមករា។ ក្នុងនាមជាអ្នកយាមទ្វារទៅកាន់ប្រធានាធិបតី ប្រធានបុគ្គលិកជាធម្មតាមានឥទ្ធិពលដ៏អស្ចារ្យ។ បុគ្គលនោះគ្រប់គ្រងបុគ្គលិកសេតវិមាន រៀបចំពេលវេលា និងកាលវិភាគរបស់ប្រធានាធិបតី និងរក្សាទំនាក់ទំនងជាមួយនាយកដ្ឋានរដ្ឋាភិបាល និងសមាជិកសភាផ្សេងទៀត។ អ្នកស្រី Wiles ដែលមានអាយុ 67 ឆ្នាំនឹងក្លាយជាស្ត្រីដំបូងគេដែលបម្រើការជាប្រធានបុគ្គលិកសេតវិមាន។ លោក Trump បាននិយាយនៅក្នុងសេចក្តីថ្លែងការណ៍មួយថា “Susie ម៉ឺងម៉ាត់ ឆ្លាត ច្នៃប្រឌិត ហើយត្រូវបានកោតសរសើរ និងគោរពជាសកល” “ខ្ញុំគ្មានការសង្ស័យអ្វីទេ ខ្ញុំសង្ឃឹមថានាងនឹងធ្វើឱ្យប្រទេសរបស់យើងមានមោទនភាព” ។ លោក Trump បានសម្រាកនៅក្លិប Mar-a-Lago របស់គាត់ក្នុងទីក្រុង Palm Beach រដ្ឋ Florida ចាប់តាំងពីបានផ្តួលក្រុម Democrat Kamala […]