ប្រែសម្រួល៖រតនា វាចាប់ផ្តើមដោយចលនាសន្តិភាពដែលគ្មាននរណាម្នាក់ចង់បាន ហើយបញ្ចប់ដោយការវាយប្រហារមីស៊ីលសាកល្បងដ៏កម្រក្នុងសង្គ្រាម ដែលទីក្រុងម៉ូស្គូបានផ្តល់ការជូនដំណឹងជាមុន ៣០នាទីទៅវ៉ាស៊ីនតោន។ ប្រាំពីរថ្ងៃកន្លងមកនេះ បានផ្លាស់ប្តូរជាមូលដ្ឋាននូវជម្លោះដ៏វែងឆ្ងាយរបស់អ៊ុយក្រែន ក្នុងល្បឿនយ៉ាងលឿនមុនពេលការចូលកាន់តំណែងរបស់លោក Donald Trump នៅខែមករា។ សប្តាហ៍នេះគូសបញ្ជាក់ពីការកើនឡើងយ៉ាងខ្លាំង ដែលទោះបីជាយ៉ាងណាក៏ដោយ មានហានិភ័យរលាយបាត់យ៉ាងឆាប់រហ័សក្នុងភាពនឿយហត់ដែលគ្របដណ្តប់លើសង្គ្រាម ដូច្នេះវាសមនឹងត្រូវសង្ខេបឡើងវិញ។ សេតវិមានបានអនុញ្ញាតជាសាធារណៈឱ្យអ៊ុយក្រែនបាញ់មីស៊ីលដែលខ្លួនបានផ្គត់ផ្គង់ចូលទៅក្នុងប្រទេសរុស្ស៊ីកាលពីថ្ងៃអាទិត្យ ដែលបានធ្វើឡើងយ៉ាងឆាប់រហ័សកាលពីថ្ងៃចន្ទ។ ទីក្រុងម៉ូស្គូបានឆ្លើយតបដោយប្រើប្រាស់មីស៊ីលចម្ងាយមធ្យមសាកល្បង ដែលមានល្បឿនលើសសំឡេង និងប្រព័ន្ធកំបិតច្រើនដែលជាធម្មតាត្រូវបានរក្សាទុកសម្រាប់តែគ្រាប់បែកនុយក្លេអ៊ែរ ដើម្បីវាយប្រហារទីក្រុង Dnipro កាលពីថ្ងៃព្រហស្បតិ៍។ Putin បានអះអាងថា “Oreshnik” អាចគេចផុតពីការការពារផ្លូវអាកាសរបស់លោកខាងលិចទាំងអស់។ ភាគីទាំងសងខាងបានហៅគ្នាទៅវិញទៅមកថាមិនប្រុងប្រយ័ត្ន – ហើយដោយភាគី ខ្ញុំសំដៅលើសហរដ្ឋអាមេរិក និងរុស្ស៊ី។ នេះកំពុងក្លាយជាសង្គ្រាមមួយយ៉ាងឆាប់រហ័ស ដែលវ៉ាស៊ីនតោនព្យាយាមយ៉ាងអស់ពីសមត្ថភាពដើម្បីផ្លាស់ប្តូរខ្សែកោងចុះក្រោមរបស់អ៊ុយក្រែននៅលើខ្សែបន្ទាត់ខាងមុខ ហើយរុស្ស៊ី ដែលជាអ្នកឈ្លានពាននៅទីនេះតាំងពីដំបូង កំពុងឈានទៅរកវិធីដែលមានហានិភ័យខ្ពស់ជាងមុនក្នុងការស្តារតម្លៃការរារាំងដែលពួកគេបានបាត់បង់ក្នុងរយៈពេលបីឆ្នាំចុងក្រោយនេះ។ គ្មានភាគីណាមួយទំនងជាចូលរួមក្នុងជម្លោះដោយផ្ទាល់ជាមួយគ្នាឡើយ ប៉ុន្តែផ្ទុយទៅវិញ នឹងចូលរួមកាន់តែស្និទ្ធស្នាលក្នុងការប្រយុទ្ធកាន់តែសកលរបស់អ៊ុយក្រែន។ វាជាការរីកចម្រើនយ៉ាងឆាប់រហ័ស។ ប្រាំពីរថ្ងៃមុន កំហឹងបានព័ទ្ធជុំវិញការនិយាយអំពីសន្តិភាពដែលមិនបានរំពឹងទុក។ អ្នកពន្លត់អគ្គិភ័យធ្វើការនៅកន្លែងវាយប្រហារដោយមីស៊ីលរុស្ស៊ី ក្នុងអំឡុងពេលវាយប្រហាររបស់រុស្ស៊ីទៅលើអ៊ុយក្រែន នៅក្នុងទីក្រុង Dnipro ប្រទេសអ៊ុយក្រែន ថ្ងៃទី២១ ខែវិច្ឆិកា ឆ្នាំ២០២៤។ អធិការបតីអាល្លឺម៉ង់ Olaf Scholz បានទូរសព្ទទៅប្រធានាធិបតីរុស្ស៊ី […]

ដោយ៖ កំចាយ កំពត÷ ថ្នាក់ដឹកនាំសមាគមកាកបាទក្រហមកម្ពុជាបានអំពាវនាវដល់គ្រប់មជ្ឈដ្ឋានចូលរួមបង្ការទប់ស្កាត់ការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញឲ្យមានប្រសិទ្ធភាព ព្រោះជនរងគ្រោះតាមរយ:បច្ចេកវិទ្យានេះពិបាកជួយសង្គ្រោះបានទាន់ពេលណាស់។ នាថ្ងៃទី២២-២៣ ខែវិច្ឆិកា ឆ្នាំ២០២៤ នៅសាលប្រជុំសាលាខេត្តកំពតមានបើកវគ្គបណ្តុះបណ្តាលស្តីពី “បរិយាប័ន្នពិការភាព និងបង្ការទប់ស្កាត់ការកេងប្រវ័ញ្ចផ្លូវភេទលើកុមារតាមប្រព័ន្ធអនឡាញ”។ ថ្លែងបើកវគ្គបណ្តុះបណ្តាលខាងលើ លោកស្រី សោម សេរីវឌ្ឍន៍ នាយិកានាយកដ្ឋានធនធានមនុស្សនៃសមាគមកាកបាទក្រហមកម្ពុជាបានមានប្រសាសន៍ថា បច្ចុប្បន្ន ការកេងប្រវ័ញ្ចផ្លូវភេទលើកុមារដោយប្រព័ន្ធអនឡាញជាបញ្ហាប្រឈម និងប៉ះពាល់យ៉ាងធ្ងន់ធ្ងរលើកុមារ ក្មេងស្រី និងស្ត្រី តាមរយៈការប្រើប្រាស់បច្ចេកវិទ្យាព្រោះតែមិនបានដឹងនូវវិធីសាស្រ្តាការពារខ្លួនពីការឆបោក កេងប្រវ័ញ្ច ក៏ដូចជាការរំលោភបំពានគ្រប់ទម្រង់របស់ជនខិលខូច។ ដូច្នេះ នាយក និងមន្រ្តីថ្នាក់កណ្តាល ថ្នាក់សាខា យុវជន និងអ្នកស្ម័គ្រចិត្តមកពីគ្រប់ខេត្តត្រូវយកចិត្តទុកដាក់ស្តាប់រាល់បទបង្ហាញរបស់គ្រូឧទ្ទេសដើម្បីទទួលយកចំណេះដឹងសម្រាប់សាមីខ្លួនម្នាក់ៗ។ លោកស្រីនាយិកាបានបន្តថា ពេលត្រឡប់ទៅវិញ សូមពិភាក្សាគ្នា រួចដាក់ចេញនូវផែនការពង្រឹងការអនុវត្តគោលនយោបាយការពារកុមារនៅតាមសាខារបស់ខ្លួនដោយបន្ស៊ាំជាមួយផែនការថ្នាក់ជាតិដើម្បីបញ្ចៀសកុមារពីការកេងប្រវ័ញ្ចគ្រប់រូបភាព។ បន្ថែមលើនេះក៏ត្រូវបង្កើនឱកាសឲ្យកុមារទទួលបានសិទ្ធិជាមូលដ្ឋានទាំង៤ គឺសិទ្ធិរស់រានមានជីវិត សិទ្ធិក្នុងការអភិវឌ្ឍ សិទ្ធិទទួលបាននូវកិច្ចការពារ និងសិទ្ធិចូលរួមដោយគ្មានការរំលោភបំពាន និងភាពភ័យខ្លាច។ លោក សំលៀង សីលា នាយកប្រតិបត្តិអង្គការអេផល(APLE)បានបញ្ជាក់ថា ការរំលោភបំពានកុមារតាមរយ:ប្រព័ន្ធអនឡាញមានលក្ខណៈស្មុគស្មាញ មិនងាយស្រួលក្នុងការដោះស្រាយ និងពិបាកជួយសង្គ្រោះឲ្យបានទាន់ពេលវេលាណាស់។  មានតែវិធីម្យ៉ាងគត់ គឺការពារខ្លួនដែលជាជម្រើសដ៏ល្អបំផុត។ លោកនាយកប្រតិបត្តិបានបន្តថា តាមរយ:របាយការណ៍របស់សហរដ្ឋអាមេរិក ក្នុង១ឆ្នាំ នៅជុំវិញពិភពលោកមានកុមាររងគ្រោះតាមប្រព័ន្ធអនឡាញប្រមាណ២១លានករណី។ ដោយឡែកនៅកម្ពុជា ក្នុងឆ្នាំ២០២៣ […]

ដោយ : បន្ទាយ បន្ទាយមានជ័យ៖ ក្នុងសាលប្រជុំ ក សាលាខេត្តបន្ទាយមានជ័យ បានបើកកិច្ចប្រជុំផ្សព្វផ្សាយសារាចរណែនាំលេខ ០១៤ សហវ រ អហក  ចុះថ្ងៃទី ២៣ ខែ តុលា ឆ្នាំ ២០២៤ ស្តីពីការបិទបញ្ជីចំណូល ចំណាយ ថវិកានិងការធ្វើរបាយការណ៍ បូកសរុប ការអនុវត្តចំណូលចំណាយ ថវិការបស់រដ្ឋបាលថ្នាក់ក្រោមជាតិ ឆ្នាំ២០២៤ របស់រដ្ឋបាលខេត្ត រដ្ឋបាល ក្រុង ស្រុក និងឃុំ សង្កាត់។នេះបើតាមមន្ត្រីជំនាញថវិកានិងហិរញ្ញវត្ថុអោយដឹងកាលពីព្រឹក ថ្ងៃទី ២២ខែ វិច្ឆិកា ឆ្នាំ២០២៤ ។ កិច្ចប្រជុំនេះក្រោមអធិបតីភាព  លោកអ៊ុ រាត្រី អភិបាលខេត្តបន្ទាយមានជ័យ  និងមានការចូលរួមលោកបឹង គឹមសឹង ប្រធានមន្ទីរសេដ្ឋកិច្ច​ និងហិរញ្ញវត្ថុ ខេត្តបន្ទាយមានជ័យ , លោកអឿនច័ន្ធ វិសុទ្ធ ប្រធានរតនាខេត្តបន្ទាយមានជ័យ ,ថ្នាក់ដឹកនាំ មន្ត្រីជំនាញទទួលបន្ទុកនៃរដ្ឋបាលខេត្ត រដ្ឋបាលក្រុង ស្រុក  មេឃុំ ចៅសង្កាត់ […]

ប្រែសម្រួល៖រតនា FBIបានរឹបអូសគេហទំព័រជាច្រើនដែលភ្នាក់ងារកូរ៉េខាងជើងបានប្រើប្រាស់ដើម្បីក្លែងបន្លំក្រុមហ៊ុនស្របច្បាប់នៅសហរដ្ឋអាមេរិក និងឥណ្ឌា ក្នុងគោលបំណងប្រមូលថវិកាសម្រាប់របបកូរ៉េខាងជើងដែលមានអាវុធនុយក្លេអ៊ែរ យោងតាមសេចក្តីថ្លែងការណ៍នៅលើគេហទំព័រ និងអ្នកស្រាវជ្រាវសន្តិសុខដែលបានស៊ើបអង្កេតសកម្មភាពនេះ។ គេហទំព័រទាំងបួនដែលត្រូវបានកំណត់អត្តសញ្ញាណដោយក្រុមហ៊ុនសន្តិសុខតាមប្រព័ន្ធកុំព្យូទ័រ SentinelOne ថាជាក្រុមហ៊ុនបន្លំរបស់កូរ៉េខាងជើងកាលពីថ្ងៃព្រហស្បតិ៍ មានសេចក្តីថ្លែងការណ៍ជាភាសាអង់គ្លេស និងកូរ៉េដែលនិយាយថា ពួកគេត្រូវបានរឹបអូសដោយយោងតាមដីកាចេញដោយតុលាការមណ្ឌលសហរដ្ឋអាមេរិកនៃរដ្ឋម៉ាសាឈូសេត ជាផ្នែកនៃ “សកម្មភាពអនុវត្តច្បាប់ដែលមានការសម្របសម្រួល” ប្រឆាំងនឹងរដ្ឋាភិបាលកូរ៉េខាងជើង។ អ្នកស្រាវជ្រាវរបស់ SentinelOne បានតាមដានក្រុមហ៊ុនបន្លំទាំងនេះទៅកាន់ក្រុមអង្គការធំជាងនេះដែលមានមូលដ្ឋាននៅប្រទេសចិន។ ការតាមដាន និងការទប់ស្កាត់ក្រុមហ៊ុនក្លែងក្លាយទាំងនេះគឺជាបញ្ហាប្រឈមសន្តិសុខជាតិដ៏ធំមួយដែលរដ្ឋបាល Biden បានព្យាយាមដោះស្រាយ ហើយដែលរដ្ឋបាល Trump នឹងទទួលបន្ត។ ប្រហែលជាពាក់កណ្តាលនៃកម្មវិធីមីស៊ីលរបស់កូរ៉េខាងជើងត្រូវបានផ្តល់មូលនិធិដោយការវាយប្រហារតាមអ៊ីនធឺណិត និងការលួចរូបិយប័ណ្ណគ្រីបតូ នេះបើយោងតាមមន្ត្រីសេតវិមានម្នាក់បាននិយាយកាលពីឆ្នាំមុន។ ក្រុមហ៊ុនបន្លំទាំងនេះបានចម្លងយ៉ាងជិតស្និទ្ធនូវគេហទំព័ររបស់ក្រុមហ៊ុនកម្មវិធី និងក្រុមហ៊ុនប្រឹក្សាយោបល់អាមេរិកជាច្រើន ហើយបានលើកទឹកចិត្តអតិថិជនដែលមានសក្តានុពលឱ្យទាក់ទងមកពួកគេ យោងតាមការវិភាគរបស់ SentinelOne។ សេចក្តីថ្លែងការណ៍របស់អេហ្វប៊ីអាយ និងភ្នាក់ងារអនុវត្តច្បាប់អាមេរិកផ្សេងទៀតនៅលើគេហទំព័រដែលត្រូវបានរឹបអូស បានណែនាំអ្នកទស្សនាទៅកាន់ការព្រមានឆ្នាំ ២០២២ ពីមន្ត្រីអាមេរិកដែលថា កូរ៉េខាងជើងកំពុងប្រើប្រាស់បុគ្គលិកបច្ចេកវិទ្យាព័ត៌មានរាប់ពាន់នាក់នៅបរទេសដើម្បីប្រមូលប្រាក់ដោយសម្ងាត់សម្រាប់របបនេះ។ ការស៊ើបអង្កេតរបស់ CNN នៅឆ្នាំនោះបានរកឃើញថា ភ្នាក់ងារកូរ៉េខាងជើងកំពុងព្យាយាមយ៉ាងសកម្មក្នុងការជ្រៀតចូលទៅក្នុងក្រុមហ៊ុនរូបិយប័ណ្ណគ្រីបតូ និងក្រុមហ៊ុនបច្ចេកវិទ្យាផ្សេងទៀតរបស់អាមេរិក ដោយក្លែងបន្លំជាជនជាតិផ្សេង។ សហគ្រិនអាមេរិកម្នាក់បានប្រាប់ CNN ថា យោងតាមFBIអាយ ក្រុមហ៊ុនរបស់គាត់បានផ្ទេរប្រាក់រាប់ម៉ឺនដុល្លារទៅឱ្យរដ្ឋាភិបាលកូរ៉េខាងជើងដោយមិនដឹងខ្លួន។ ក្នុងករណីខ្លះ ជនជាតិកូរ៉េខាងជើងអាចកំពុងទទួលបានជំនួយពីជនជាតិអាមេរិក។ ព្រះរាជអាជ្ញាសហព័ន្ធអាមេរិកកាលពីខែឧសភាបានចោទប្រកាន់ស្ត្រីម្នាក់នៅរដ្ឋអារីហ្សូណាពីបទចូលរួមក្នុងផែនការក្លែងបន្លំដ៏ស្មុគស្មាញមួយ ដើម្បីជួយបុគ្គលិកបច្ចេកវិទ្យាព័ត៌មានបរទេសក្លែងបន្លំជាជនជាតិអាមេរិក ត្រូវបានជ្រើសរើសដោយក្រុមហ៊ុនអាមេរិកធំៗ […]

ដោយ៖ គង់ហេង ត្បូងឃ្មុំ៖ បុរសអាយុ ២១ ឆ្នាំម្នាក់បានបើកម៉ូតូបុកពីខាងក្រោយគោយន្តសណ្តោងរ៉ឺម៉កមួយគ្រឿងបានឈប់ចតលើផ្លូវសាធារណៈពេលយប់មិនបានប្រើប្រាស់ភ្លើងសញ្ញាសម្គាល់ បណ្តាលឱ្យបុរសរងគ្រោះម្នាក់នេះស្លាប់នៅនឹងកន្លែងកើតហេតុ កាលពីក្បាលព្រលប់ថ្ងៃទី២១វិច្ឆិកា។ ករណីគ្រោះថ្នាក់ចរាចរណ៍នៅលើកំណាត់ផ្លូវជាតិលេខ ៧១ C ស្ថិតក្នុងភូមិដីដុះ ឃុំប៉ើស២ ស្រុកក្រូចឆ្មារ។ ប៉ុន្តែក្រោយកើតហេតុអ្នកបើកបរគោយន្តបានគេចខ្លួនបាត់នោះជាបុរសឈ្មោះ លីហួង តុលា អាយុ ៣៨ ឆ្នាំ មានទីលំនៅភូមិកើតហេតុខាងលើ ។ ប្រភពព័ត៌មានពីកន្លែងកើតហេតុបានឱ្យដឹងថា៖ បុរសជាអ្នកបើកម៉ូតូដែលបានស្លាប់ឈ្មោះថេង វត្ថា   មានទីលំនៅភូមិទី៣ ឃុំរកាខ្នុរ ស្រុកក្រូចឆ្មារ បានបើកម៉ូតូម៉ាកហុងដាឌ្រីម ពាក់ផ្លាកលេខព្រៃវែង 1T-8679 ៕

ដោយ៖ព្រះអង្គខ្មៅ បាត់ដំបង÷ គ្រោះថ្នាក់ចរាចរណ៍រថយន្តដឹកទំនិញបញ្ញើបុករថយន្តធុនធំមួយគ្រឿងទៀតពីក្រោយយ៉ាងពេញទំហឹងបណ្តាលឲ្យស្លា.ប់អ្នកបើកបរម្នាក់ និងអ្នករួមដំណើរម្នាក់របួស។ ព័ត៌មានបឋមពីប្រជាពលរដ្ឋនៅទីតាំងកើតហេតុបានអះអាងថា៖ ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោងជាង ៤:០០នាទីទៀបភ្លឺ ថ្ងៃទី២២ ខែវិច្ឆិកា ឆ្នាំ២០១៤ តាមបណ្តោយផ្លូវហាយវេវាងក្រុង ឋិតក្នុងភូមិស្វាយជ្រុំ ឃុំអូរដំបង២ ស្រុកសង្កែ ខេត្តបាត់ដំបង។ ប្រភពដដែលបន្តថា÷ មុនពេលកើតហេតុគេបានឃើញរថយន្តដឹកទំនិញបញ្ញើ ពណ៌សលាយលឿង ពាក់ផ្លាកលេខ ភ្នំពេញ៣F-៨៦០១ មិនស្គាល់ម៉ាក និងក្រុមហ៊ុនមួយគ្រឿងបានធ្វើដំណើរយ៉ាងលឿនក្នុងទិសដៅស្របគ្នាពីកើតទៅលិចឆ្ពោះទៅកាន់ក្រុងបាត់ដំបង លុះដល់ចំណុចកើតហេតុសង្ស័យអ្នកបើកបរងងុយដេកភាគីរថយន្តបញ្ញើទំនិញបានបុករថយន្តធុនធំពាក់ផ្លាកលេខ ភ្នំពេញ៤A-១៥១៧ មួយគ្រឿងទៀតពីក្រោយយ៉ាងពេញទំហឹងបណ្តាលឲ្យក្បាលនិងម៉ាស៊ីនរថយន្តរួញចូលគ្នាខ្ទេចទាំងស្រុង។ ក្នុងហេតុការណ៍ដ៏អាក្រក់នេះដែរបានធ្វើឲ្យអ្នកបើកបរខាងរថយន្តបញ្ញើទំនិញស្លាប់នៅនឹងកន្លែងម្នាក់ និងអ្នករួមដំណើរម្នាក់ទៀតរងរបួសធ្ងន់មិនស្គាល់អត្តសញ្ញាណ៕    

ដោយ :  បន្ទាយ បន្ទាយមានជ័យ ៖ យានយន្តគ្រប់ប្រភេទ​ ពិសេសខ្នាតធំបានដឹកលើសទម្ងន់​ វានឹងបំផ្លាញផ្លូវថ្នល់ដាច់ខ្ទេចគ្មានសល់​ នេះតម្រូវឲ្យមន្ត្រីជំនាញពាក់ព័ន្ធសហការទប់ស្កាត់ឱ្យខាងតែបាន។ នេះគឺជាប្រសាសន៍លើកឡើងក្នុងកិច្ចប្រជុំតាមដានត្រួតពិនិត្យនិងវាយតម្លៃកិច្ចប្រតិបត្តិការត្រួតពិនិត្យយានយន្តកែច្នៃខុសលក្ខណៈបច្ចេកទេស​ កាលពីព្រឹកថ្ងៃទី២១​ វិច្ឆិកា នៅមន្ទីរសាធារណការនិងដឹកជញ្ជូនខេត្តបន្ទាយមានជ័យ​  ក្រោមអធិបតីភាពលោក សេង ឈួន​ រដ្ឋលេខាធិការនៃក្រសួងសាធារណការនិងដឹកជញ្ជូន​ និងជាប្រធានក្រុមត្រួតពិនិត្យ​យានយន្តកែច្នៃខុសលក្ខណៈបច្ចេកទេស​ ,លោក​ឈឿន​ ក្រៃយ៉ុង​ អភិបាលរងខេត្តបន្ទាយមានជ័យនិងមន្ត្រីអាជ្ញាធរដែនដី មន្ត្រីសមត្ថកិច្ចអង្គភាពពាក់ព័ន្ធដូចជា  ទីចាត់ការអន្តរវិស័យសាលាខេត្ត,នគរបាលនគរបាលខេត្តជាដើម ។ លោក សុក​ ចាន់ថា​ ប្រធានមន្ទីរសាធារណការនិងដឹកជញ្ជូនខេត្តបានអោយដឹងថា​ :  ១១ខែ​ឆ្នាំ២០២៤ កន្លងមក ក្រុមការងារត្រួតពិនិត្យលក្ខណៈបច្ចេកទេសខេត្ត​បានចុះអនុវត្តការងារនៅគោលដៅត្រួតពិនិត្យលក្ខណៈផ្លូវជាតិ២ខ្សែក្នុងចំណោម៤ខ្សែគឺលេខ៥​ លេខប៦​ ក្នុងភូមិសាស្ត្រខេត្តបន្ទាយមានជ័យសរុបចំនួន​៥.៩៣៨គ្រឿង​ ។ក្នុងនោះ ថយន្តលក្ខណៈត្រឹមត្រូវ ៥.៣៥៤គ្រឿង​ , ហួសសុពលភាពឆៀក​ ចំនួន​៦៤គ្រឿង​ ,គ្មានពាក់ស្លាកលេខចំនួន​២៣០គ្រឿង​, យានយន្តដឹកទំនិញខុសលក្ខណៈបច្ចេកទេសចំនួន​២គ្រឿង​ និងប័ណ្ណបើកបរខុសប្រភេទយានយន្តចំនួន​២៨០គ្រឿង។ នៅក្នុងកិច្ចប្រជុំនេះផងដែរអស់លោកលោកស្រី​ ដែលជាមន្ត្រីសមត្ថកិច្ចពាក់ព័ន្ធបានធ្វើការលើកឡើងថា​:  ជារៀងរាល់ថ្ងៃ ក៏បានធ្វើការឃាត់រថយន្តមួយចំនួន​ ដែលមានការកែច្នៃខុសលក្ខណៈបច្ចេកទេស​ ដឹកលើសទម្ងន់ដូចជារថយន្តដឹកខ្សាច់​ រថយន្ត​កែច្នៃតទ្រុង​ ដឹកអង្កាមជាដើម។ ចំពោះបញ្ហាប្រឈមមួយចំនួនដែលមានការពិបាកនោះគឺយានយន្តធុនធំ​ រថយន្តតទ្រុងខុសបច្ចេកទេស​ ចរាចរណ៍ដឹកនៅពេលយប់​ ដើម្បីជាការលាក់បាំងដល់មន្ត្រីមានសមត្ថកិច្ចឬមន្ត្រីជំនាញ។ […]

ដោយ៖ សុខុម ក្រចេះ៖ សមត្ថកិច្ចកំពុងកសាងសំណុំរឿងបញ្ជូនទៅតុលាការករណីគ្រោះថ្នាក់ចរាចរណ៍បាត់បង់ជីវិតមនុស្សចំនួន២នាក់ កាលពីថ្ងៃទី២០វិច្ឆិកា២០២៤ នៅលើដងផ្លូវភូមិអូរឫស្សី៣ សង្កាត់អូរឫស្សី ក្រុងក្រចេះ ខេត្តក្រចេះ។ សមត្ថកិច្ចបាននិយាយថា៖ នៅពេលកើតហេតុ រថយន្តម៉ាកហ៊ីយ៉ាន់ដាយប្រភេទដឹកទំនិញមួយគ្រឿងបើកបរក្នុងទិសដៅពីជើងទៅត្បូង។ពេលមកដល់កន្លែងគ្រោះថ្នាក់ រថយន្តបត់ទៅទិសខាងលិចចូលផ្លូវលំក៏បុកអ្នកជិះម៉ូតូមានគ្នា២នាក់ស្លាប់ភ្លាមៗតែម្តង។ សមត្ថកិច្ចបានចុះទៅដល់កន្លែងរថយន្តបុកម៉ូតូ បានបញ្ជាក់ថា៖ ជនរងគ្រោះឈ្មោះ ណេង កុសល ភេទប្រុសអាយុ៦២ឆ្នាំ និងអ្នករួមដំណើរឈ្មោះអ៊ូមុំភេទស្រី អាយុ៤០ឆ្នាំ រស់នៅភូមិឃុំកើតហេតុ បាត់បង់ជីវិតទាំងពីរនាក់។ ចំណែកអ្នកបើកបររថយន្តឈ្មោះស្នាទី ភេទប្រុស អាយុ១៨ឆ្នាំ រស់នៅភូមិ១០៥ ឃុំថ្មី ស្រុកចិត្របុរី ខេត្តក្រចេះ និងអ្នករួមដំណើរសមត្ថកិច្ចចាប់ខ្លួនយកទៅសាកសួរដើម្បីបន្តតាមនីតិវិធីច្បាប់៕

ដោយ៖ សុខុម ស្ទឹងត្រែង៖កម្លាំងនគរបាលការិយាល័យប្រឆាំងគ្រឿងញៀនស្នងការដ្ឋានខេត្តស្ទឹងត្រែង នៅរសៀលថ្ងៃទី២១ ខែវិច្ឆិកាឆ្នាំ២០២៤ បានបញ្ជូនជនសង្ស័យចំនួន២នាក់រួមជាមួយគ្រឿងញៀន២០គីឡូក្រាមទៅតុលាការក្រោយចាប់ខ្លួនកាលពីព្រឹកថ្ងៃទី១៨ ខែវិច្ឆិកា។ សមត្ថកិច្ចបានឱ្យដឹងថា ជនសង្ស័យចំនួន២នាក់ត្រូវបានកម្លាំងជំនាញនៃអធិការដ្ឋាននគរបាលស្រុកថាឡាបរិវ៉ាត់ សហការជាមួយកម្លាំងជំនាញការិយាល័យនគរបាលប្រឆាំងគ្រឿងញៀន និងកម្លាំងវរសេនាតូចការពារព្រំដែនគោក៧០១ ឃាត់ខ្លួននៅចំណុចគោលដៅព្រៃសហគមន៍ ស្ថិតនៅក្នុងភូមិសំអាង ឃុំសំអាង ខេត្តស្ទឹងត្រែង។នៅពេលធ្វើប្រតិបត្តិការនោះ រកឃើញវត្ថុតាងជាគ្រឿងញៀន ចំនួន ២០ដុំ ក្រោមការដឹកនាំសម្របសម្រួលពីលោក ស៊ិន សុហឹង ព្រះរាជអាជ្ញារង សាលាដំបូងខេត្តស្ទឹងត្រែង។ សមត្ថកិច្ចបាននិយាយថា ជនសង្ស័យ១.ឈ្មោះ វ៉ា ចិន្តា ភេទប្រុស អាយុ ៣០ឆ្នាំ ជនជាតិខ្មែរ ទីកន្លែងបច្ចុប្បន្នភូមិថាឡាបរិវ៉ាត់ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង។២- ឈ្មោះ នឿន ចាន់រ៉ុង ភេទប្រុស អាយុ ១៧ឆ្នាំ ជនជាតិខ្មែរ ទីកន្លែងបច្ចុប្បន្នភូមិថាឡាបរិវ៉ាត់ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង។ដកហូតបានវត្ថុតាងគ្រឿងញៀនប្រភេទមេតំហ្វេតាមីន (ICE) ចំនួន ២០ដុំ ប្រមាណជា២០គីឡូក្រាម និង ម៉ូតូ ០១គ្រឿង,ទូរសព្ទដៃចំនួន ០២គ្រឿង៕

ប្រែសម្រួល៖ រតនា យោងតាមរបាយការណ៍ប៉ូលិស បានបង្ហាញពីព័ត៌មានលម្អិតថ្មីៗស្តីពីការចោទប្រកាន់ពីការរំលោភផ្លូវភេទប្រឆាំងនឹងបេក្ខជនរដ្ឋមន្ត្រីការពារជាតិរបស់លោក Trump។ ស្ត្រីម្នាក់មកពីរដ្ឋកាលីហ្វ័រញ៉ាបានប្រាប់ប៉ូលិសថា ជនជាប់ចោទ Pete Hegseth បានរារាំងរូបនាងមិនឱ្យចេញពីបន្ទប់សណ្ឋាគារ យកទូរសព្ទរបស់នាង ហើយបន្ទាប់មកបានរំលោភផ្លូវភេទលើនាង ទោះបីជានាង “ចាំថាបាននិយាយ ‘ទេ’ ច្រើនដង” ដូចដែលបានបង្ហាញក្នុងរបាយការណ៍ប៉ូលិសដែល CNN ទទួលបាន។ របាយការណ៍ចំនួន ២២ ទំព័រ ដែលត្រូវបានចេញផ្សាយដោយការិយាល័យមេធាវីក្រុងម៉ុងតឺរី រដ្ឋកាលីហ្វ័រញ៉ា កាលពីយប់ថ្ងៃពុធ ក្នុងការឆ្លើយតបទៅនឹងសំណើសុំឯកសារសាធារណៈ បានរៀបរាប់ពីរឿងរ៉ាវផ្ទុយគ្នានៃអ្វីដែលបានកើតឡើងក្នុងព័ត៌មានលម្អិតថ្មី រួមទាំងការរៀបរាប់ផ្ទុយគ្នាអំពីកម្រិតស្រវឹងរបស់លោក Hegseth និងស្ត្រីរូបនោះ ព្រមទាំងការពិពណ៌នាអំពីវីដេអូឃ្លាំមើលដែលបង្ហាញពីចលនាខ្លះរបស់ពួកគេនៅយប់នោះ។ លោក Hegseth ដែលប្រធានាធិបតីជាប់ឆ្នោតលោក Donald Trump បានស្នើឈ្មោះជាបេក្ខជនរដ្ឋមន្ត្រីការពារជាតិ បានប្រាប់ប៉ូលិសថា ការជួបគ្នារបស់ពួកគេគឺដោយការព្រមព្រៀងគ្នា ហើយគាត់បានធានាច្រើនដងថាស្ត្រីរូបនោះ “មានអារម្មណ៍ស្រួលជាមួយនឹងអ្វីដែលកំពុងកើតឡើងរវាងពួកគេទាំងពីរនាក់។” ប្រាំពីរឆ្នាំក្រោយការចោទប្រកាន់ពីការរំលោភបំពាន សំណួរអំពីហេតុការណ៍ដែលបានកើតឡើងនៅយប់នោះ អាចនឹងធ្វើឱ្យប៉ះពាល់ដល់ការតែងតាំងរបស់លោក Hegseth ហើយទំនងជានឹងក្លាយជាប្រធានបទសំខាន់ក្នុងសវនាការបញ្ជាក់ការតែងតាំងខាងមុខរបស់គាត់។ លោក Hegseth មិនត្រូវបានចោទប្រកាន់ពីបទល្មើសព្រហ្មទណ្ឌទាក់ទងនឹងការចោទប្រកាន់នេះទេ។ មេធាវីរបស់គាត់បានទទួលស្គាល់ថា លោក Hegseth ក្រោយមកបានចុះកិច្ចព្រមព្រៀងដោះស្រាយជាមួយអ្នកចោទប្រកាន់ ដែលរួមមានការទូទាត់ប្រាក់ដែលមិនបានបង្ហាញ និងខសម្ងាត់។ […]

សៀមរាប៖ ក្រុមអ្នកអភិរក្សថ្មរបស់អាជ្ញាធរជាតិអប្សរា កំពុងបន្តការជួសជុលជណ្តើរមុខនៅផ្នែកខាងលិច ឆៀងខាងជើង ដែលស្ថិតក្នុងស្ថានភាពហែកចេញពីគ្នា ព្រមទាំងផ្នែកខ្លះនៃរចនាសម្ពន្ធជណ្តើរជាច្រើនផ្នែកទៀត ឱ្យប្រសើរឡើងវិញ។ ជាមួយគ្នានេះ ក្រុមអ្នកជំនាញ ក៏កំពុងជួយសង្រ្គោះក្បាច់ចម្លាក់នៅតាមតួប៉មកណ្តាលផ្នែកខាងលិច និងតួប៉មខាងជើងនៃជ្រុងខាងលិច ឆៀងខាងត្បូង ដែលមានចម្លាក់នៅសល់តិចតួចបំផុត ហើយកំពុងមានសភាពពុកផុយខ្លាំង កុំឱ្យបាត់បង់ផងដែរ។ ការជួសជុលនេះ បន្ទាប់ពីក្រុមអ្នកអភិរក្សថ្ម បានបញ្ចប់ជួសជុលជណ្តើរតួប៉មកណ្តាល ផ្នែកខាងលិច និងចម្លាក់តោនៃប្រាសាទភ្នំក្រោមរួចមក។ អ្នកអភិរក្សថ្ម លោក ឡុង ណារី ឱ្យដឹងថា ការជួសជុលជណ្តើរមុខនៅផ្នែកខាងលិច ឆៀងខាងជើងរបស់ប្រាសាទភ្នំក្រោមនេះ គឺចែកជា២ដំណាក់កាល។ ដំណាក់កាលទី១ គឺជួសជុលពង្រឹងគ្រឹះជណ្តើរមុខផ្នែកខាងលិច ឆៀងខាងជើង និងកម្រាលថ្មភក់។ ដំណាក់កាលទី២ គឺជួសជុលសង្រ្គោះក្បាច់ចម្លាក់នៅតួប៉មកណ្ដាលមុខផ្នែកខាងលិច និងតួប៉មខាងជើង ជ្រុងខាងលិច ឆៀងខាងត្បូង ដែលចម្លាក់ទាំងនោះ នៅសេសសល់តិចតួចបំផុត ហើយថ្មកំពុងមានស្ថានភាពពុកផុយខ្លាំង។ អ្នកអភិរក្សថ្មដដែលឱ្យដឹងទៀតថា ការខូចខាតរចនាសម្ពន្ធជណ្តើរមុខនៅផ្នែកខាងលិច ឆៀងខាងជើងរបស់ប្រាសាទភ្នំក្រោម បណ្តាលមកពីអាយុកាលនៃសម្ភារសំណង់ ថ្មបាយក្រៀមមានសភាពពុកផុយគ្មានលំនឹង។ បច្ចេកទេសនៃការជួសជុលជណ្ដើរ គឺត្រូវរុះរើថ្មកាំជណ្តើរ និងគ្រឹះទម្រ មកសម្អាតកំណកដី ហើយផ្នែកកម្រាលក្រោម គឺត្រូវប្រើកម្ទេចថ្មមកបង្ហាប់ដី។ រីឯដុំថ្មកាំជណ្ដើរដែលបាក់បែក ត្រូវតភ្ជាប់ឬក៏ជំនួសដោយថ្មថ្មី រួចហើយចាប់រៀបផ្គុំទៅតាមទីតាំងដើមនៃរចនាសម្ពន្ធឡើងវិញ ព្រមទាំងប្រើបាយអបិទភ្ជិតមុខតំណដើម្បីឱ្យទឹកហូរចេញនិងជ្រាបចូលគ្រឹះប្រាសាទជាដើម។ […]

ដោយ៖ សិរីមតី ខេត្តសៀមរាប៖កិច្ចប្រជុំកំពូលសម្ព័ន្ធប្រតិបត្តិករកម្មវិធីផ្តល់អាហារនៅសាលារៀនតំបន់អាស៊ីអគ្នេយ៍បានបញ្ចប់នៅថ្ងៃទី២១ខែវិច្ឆិកា ដែលកិច្ចប្រជុំនេះជាព្រឹត្តិការណ៍ដ៏សំខាន់មួយក្នុងកិច្ចខិតខំប្រឹងប្រែងរបស់តំបន់ក្នុងការលើកកម្ពស់អាហារូបត្ថម្ភ និងការអប់រំកុមារ។ កិច្ចប្រជុំកំពូលលើកទី១ក្នុងតំបន់នេះ សហការរៀបចំដោយក្រសួងអប់រំ យុវជន និងកីឡានៃព្រះរាជាណាចក្រកម្ពុជា រួមជាមួយរដ្ឋាភិបាលនៃប្រទេសហ្វីលីពីន និងសាធារណរដ្ឋកូរ៉េ ក្រោមឆ័ត្រនៃសម្ព័ន្ធអាហារតាមសាលារៀន ដោយបានប្រមូលផ្តុំប្រតិភូចំនួន ១៣០នាក់ មកពីប្រទេសចំនួន ៧ ក្នុងតំបន់ និងអង្គការដៃគូចំនួន ៣៩។ ​ខណៈពេលដែលរដ្ឋាភិបាលនៃប្រទេសនៅអាស៊ីអាគ្នេយ៍ បានបោះជំហានក្នុងការអភិវឌ្ឍគោលនយោបាយពាក់ព័ន្ធនឹងការផ្ដល់អាហារតាមសាលារៀន ការបែងចែកថវិកាជាតិ និងការបង្កើតកម្មវិធីបែបច្នៃប្រឌិតទ្រង់ទ្រាយធំ ដែលប្រើប្រាស់ប្រព័ន្ធផ្គត់ផ្គង់ស្បៀងអាហារក្នុងស្រុក កិច្ចប្រជុំបានលើកឡើងពីភាពចាំបាច់នៃការរៀបចំនិងអនុវត្តសកម្មភាពបន្ថែមទៀត ដើម្បីកែលម្អគុណភាព និងបង្កើនភាពគ្រប់ដណ្តប់នៃការអនុវត្តកម្មវិធីអាហារនៅតាម    សាលារៀន ក្នុងគោលដៅធានាថា មិនមានកុមារណាម្នាក់ត្រូវបានទុកចោល។ ​កិច្ចប្រជុំកំពូលបានគូសបញ្ជាក់ពីសារៈសំខាន់នៃកម្មវិធីអាហារនៅតាមសាលារៀន ក្នុងការធ្វើឱ្យសម្រេចបាននូវគោលដៅអភិវឌ្ឍន៍ប្រកបដោយចីរភាពដោយរាប់បញ្ជូលទាំងអាហារូបត្ថម្ភកុមារ ការអប់រំ និងកសិកម្មក្នុងស្រុក ព្រមទាំងដោះស្រាយបញ្ហាប្រឈមជាសកល ដូចជាការប្រែប្រួលអាកាសធាតុ និងភាពធន់នៃប្រព័ន្ធស្បៀងអាហារ។ រដ្ឋាភិបាលនៃ​​ប្រទេសនីមួយៗបានសង្កត់ធ្ងន់លើសារៈសំខាន់នៃការកសាងទិន្នន័យបែបវិទ្យាសាស្រ្ត សម្រាប់ជាមូលដ្ឋានក្នុងការរៀបចំគោលនយោបាយ ដូចជាការវាយតម្លៃផលប៉ះពាល់ ការវិភាគការចំណាយ និងការសិក្សា ផលត្រឡប់នៃការវិនិយោគ ដើម្បីបង្កើនការគាំទ្រកម្រិតនយោបាយ។ ​អាទិភាពគោលនយោបាយផ្តោតលើកិច្ចសហប្រតិបត្តិការឆ្លងវិស័យ ការធ្វើមូលដ្ឋានីយកម្ម និងការរួមបញ្ចូលស្តង់ដាអាហារូបត្ថម្ភ ជាពិសេសការជំរុញឱ្យមានការផ្តោតសំខាន់​លើការអនុវត្តវិធីសាស្រ្តច្នៃប្រឌិតនានាដូចជាកសិកម្មឆ្លាតវៃនឹងអាកាសធាតុ, អនាម័យក្នុងការចម្អិនអាហារ និងសេដ្ឋកិច្ចវិលជុំ។ កិច្ចប្រជុំបានលើកឡើងពី ភាពចាំបាច់នៃការប្តេជ្ញាចិត្តផ្នែកហិរញ្ញវត្ថុលើកម្មវិធីអាហារនៅតាមសាលារៀន ជាមួយនឹងយន្តការរៀបចំហិរញ្ញប្បទានប្រកបដោយចីរភាព រួមទាំងហិរញ្ញប្បទានដែលមានការចូលរួមពីភាគីពាក់ព័ន្ធ និងពាក់ព័ន្ធនឹងការប្រែប្រួលអាកាសធាតុ […]

វ៉ាស៊ីនតោន៖ ព័ត៌មានសម្ងាត់អាមេរិកដែលបង្ហាញថាប្រធានាធិបតី Biden បានអនុញ្ញាតឱ្យប្រើប្រាស់មីស៊ីលចម្ងាយឆ្ងាយផលិតដោយអាមេរិកសម្រាប់តែអ៊ុយក្រែនវាយប្រហារទៅលើតំបន់ Kursk របស់រុស្ស៊ី អាចជាការបង្ខូចការពិត ក្នុងកិច្ចខិតខំប្រឹងប្រែងដោយវ៉ាស៊ីនតោននិងគីវដើម្បីធ្វើឱ្យម៉ូស្គូភ្ញាក់ផ្អើល នេះបើយោងតាមអ្នកជំនាញបានលើកឡើង។ កាលពីថ្ងៃអង្គារ អ៊ុយក្រែនបានបាញ់មីស៊ីលបាលីស្ទិក ATACMS ចំនួន៦គ្រាប់ទៅលើតំបន់ Bryansk របស់រុស្ស៊ី ដែលជាលើកដំបូងដែលប្រទេសនេះបានប្រើប្រាស់អាវុធដ៏មានឥទ្ធិពលនេះក្នុងរយៈពេល១,០០០ថ្ងៃនៃសង្គ្រាម នេះបើយោងតាមមន្ត្រីអាមេរិកម្នាក់។ ការវាយប្រហារនេះ ដែលបានបំផ្លាញទីតាំងផ្គត់ផ្គង់គ្រាប់រំសេវនៅ Karachev បានកើតឡើងមួយថ្ងៃក្រោយពីរបាយការណ៍ជាច្រើនដែលបានដកស្រង់សម្ដីមន្ត្រីអាមេរិកអះអាងថា Biden បានអនុញ្ញាតឱ្យប្រើប្រាស់ ATACMS ដើម្បីវាយប្រហារតែទៅលើ Kursk ប៉ុណ្ណោះ ជាកន្លែងដែលរុស្ស៊ីបានដាក់ពង្រាយទាហានរុស្ស៊ីនិងកូរ៉េខាងជើងចំនួន៥០,០០០នាក់។ ខណៈពេលដែលមានទ្រឹស្តីជាច្រើនអំពីអ្វីដែលអាចបានកើតឡើង ចាប់ពីរបាយការណ៍ខុសឆ្គងរហូតដល់ការផ្លាស់ប្តូរចិត្តចុងក្រោយរបស់ Biden ។ អ្នកជំនាញមួយចំនួនអះអាងថា វាអាចជាលទ្ធផលនៃអ្វីដែលមន្ត្រីយោធាហៅថា “ភាពស្រពេចស្រពិលជាយុទ្ធសាស្ត្រ” ដើម្បីធ្វើឱ្យម៉ូស្គូភ្ញាក់ផ្អើលមុនពេលដែលពួកគេមានពេលកាត់បន្ថយការខូចខាត។ ដោយធ្វើឱ្យម៉ូស្គូភ្ញាក់ផ្អើលជាមួយនឹងការវាយប្រហារនៅតំបន់មួយដែលពួកគេមិនបានរំពឹងទុក អ៊ុយក្រែននឹងទទួលបានប្រសិទ្ធភាពខ្ពស់បំផុតពីការចំណាយរបស់ខ្លួន  ដោយសាររុស្ស៊ីមិនបានត្រៀមខ្លួនរួចជាស្រេចដើម្បីទប់ទល់នឹងការវាយប្រហារ ឬផ្លាស់ប្តូរឧបករណ៍យោធាឱ្យផុតពីចម្ងាយដែលមីស៊ីលបាលីស្ទិកអាចទៅដល់ នេះបើយោងតាមអ្នកជំនាញ។ ទោះជាយ៉ាងណាក៏ដោយ នៅមានការមិនច្បាស់លាស់ជាច្រើននៅឡើយ ដោយសារទាំងសហរដ្ឋអាមេរិកនិងអ៊ុយក្រែនមិនទាន់បានទទួលស្គាល់ជាសាធារណៈនូវការផ្លាស់ប្តូរគោលនយោបាយ ATACMS នៅថ្ងៃអង្គារនេះ។ «មីស៊ីលនឹងនិយាយដោយខ្លួនឯង» វាអាចថារបាយការណ៍អំពីការវាយប្រហារដែលកំណត់ត្រឹមតែនៅ Kursk គឺជា “ការបង្ខូចទិស” ដោយចេតនា នេះបើតាម George Barros […]

ដោយ :  បន្ទាយ សៀមរាប៖ មេបញ្ជាការកងរាជអាវុធហត្ថខេត្តសៀមរាប លោកឧត្តមសេនីយ៍ត្រី សៀ ទីន  ដឹកនាំមន្ត្រីក្រោមឱវាទចូលរួមកិច្ចប្រជុំផ្សព្វផ្សាយផែនការការពារសន្តិសុខ រក្សាសុវត្ថិភាពកិច្ចប្រជុំកំពូលសៀមរាបអង្គរ ស្តីពីពិភពលោកមួយដែលគ្មានមីននៃរដ្ឋភាគីអនុសញ្ញាអូតាវ៉ា ឆ្នាំ២០២៤ ។នេះបើតាម មន្ត្រីកងកម្លាំងសមត្ថកិច្ចនគរបាលនិងកងរាជអាវុធហត្ថខេត្តសៀមរាបបានឲ្យដឹងកាលពីថ្ងៃទី២០ ខែវិច្ឆិកាឆ្នាំ២០២៤ ។ សូមបញ្ជាក់ថា កិច្ចប្រជុំនេះ ធ្វើឡើងក្រោមអធិបតីភាពលោកសន្តិបណ្ឌិត យូ ស៊ុនឡុង រដ្ឋមន្ត្រីប្រតិភូអមនាយករដ្ឋមន្ត្រី  ហើយធ្វើនៅស្នងការដ្ឋាននគរបាលខេត្តសៀមរាប ៕

ក្រុមហ៊ុន Ford មានគម្រោងកាត់បន្ថយការងារជិត ៤.០០០ កន្លែងនៅអឺរ៉ុបក្នុងរយៈពេល៣ឆ្នាំខាងមុខ ដែលស្មើនឹងប្រមាណ ១៤% នៃកម្លាំងពលកម្មរបស់ខ្លួននៅក្នុងតំបន់នេះ ដោយសារក្រុមហ៊ុនផលិតរថយន្តនេះកំពុងប្រឈមនឹងការធ្លាក់ចុះនៃតម្រូវការរថយន្តអគ្គិសនី និងការប្រកួតប្រជែងកើនឡើងពីប្រទេសចិន។ ក្រុមហ៊ុនអាមេរិកនេះបានថ្លែងកាលពីថ្ងៃពុធថា ការកាត់បន្ថយការងារនេះនឹងត្រូវបញ្ចប់ត្រឹមចុងឆ្នាំ២០២៧ ដោយរង់ចាំការពិគ្រោះយោបល់ជាមួយសហជីពកម្មករ ហើយនឹងផ្តោតសំខាន់នៅប្រទេសអាល្លឺម៉ង់ និងចក្រភពអង់គ្លេស។ “ឧស្សាហកម្មរថយន្តសកលកំពុងស្ថិតក្នុងដំណាក់កាលនៃការរំខាន ជាពិសេសនៅអឺរ៉ុប ដែលឧស្សាហកម្មនេះកំពុងប្រឈមនឹងការប្រកួតប្រជែង បទប្បញ្ញត្តិ និងបញ្ហាសេដ្ឋកិច្ចដែលមិនធ្លាប់មានពីមុនមក” នេះបើយោងតាមសេចក្តីថ្លែងការណ៍របស់ក្រុមហ៊ុន Ford។ លោក Dave Johnston អនុប្រធានក្រុមហ៊ុន Ford ប្រចាំអឺរ៉ុបផ្នែកការផ្លាស់ប្តូរ និងភាពជាដៃគូ បានបន្ថែមថា៖ “វាជាការសំខាន់ណាស់ក្នុងការចាត់វិធានការដ៏លំបាក ប៉ុន្តែដាច់ខាតនេះ ដើម្បីធានាភាពប្រកួតប្រជែងនាពេលអនាគតរបស់ Ford នៅអឺរ៉ុប។” ក្រុមហ៊ុនផលិតរថយន្តសកលកំពុងស្ថិតក្រោមសម្ពាធពីការលក់ដែលមិនសូវល្អ និងការប្រកួតប្រជែងយ៉ាងខ្លាំងពីប្រទេសចិន ដែលក្រុមហ៊ុនផលិតរថយន្តអគ្គិសនីកំពុងដណ្តើមចំណែកទីផ្សារពីដៃគូប្រកួតប្រជែងលោកខាងលិច ដែលជាប្រពៃណីគ្រប់គ្រងទីផ្សាររថយន្តដឹកអ្នកដំណើរធំជាងគេបំផុតនៅលើពិភពលោក។ អាជីវកម្មរថយន្តដឹកអ្នកដំណើររបស់ក្រុមហ៊ុន Ford បានជួបការខាតបង់យ៉ាងច្រើននៅអឺរ៉ុបក្នុងប៉ុន្មានឆ្នាំថ្មីៗនេះ។ ដូចក្រុមហ៊ុនផលិតរថយន្តផ្សេងទៀតដែរ ក្រុមហ៊ុនត្រូវកាត់បន្ថយតម្លៃរថយន្តអគ្គិសនីរបស់ខ្លួន ដែលបានខាតបង់យ៉ាងធ្ងន់ធ្ងរ ហើយបានកាត់បន្ថយគោលដៅផលិតកម្មរថយន្តអគ្គិសនី។ កាលពីឆ្នាំមុន ក្រុមហ៊ុននេះបាននិយាយថា ខ្លួននឹងកាត់បន្ថយការងារប្រមាណ ៤.៩០០ កន្លែងនៅទូទាំងអឺរ៉ុប។ កាលពីថ្ងៃពុធ ក្រុមហ៊ុន Ford បានថ្លែងថា […]

ដោយ :  បន្ទាយ បន្ទាយមានជ័យ៖ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានដឹកនាំកិច្ចប្រជុំបូកសរុបសភាពការណ៍និងលទ្ធផលកិច្ចប្រតិបត្តិការប្រចាំខែវិច្ឆិកាឆ្នាំ២០២៤ និងដាក់ចេញទិសដៅអនុវត្តការងារសម្រាប់ខែធ្នូ បន្ទាប់ ដល់កងកម្លាំងនគរបាលទូទាំងខេត្ត។នេះបើតាមមន្ត្រីនគរបាលខេត្តបន្ទាយមានជ័យបានឲ្យដឹងកាលពីថ្ងៃទី២០ខែវិច្ឆិកាឆ្នាំ២០២៤ ។ លោកឧត្តមសេនីយ៍ត្រី រ៉ែម វីរ: ស្នងការរង ទទួលបន្ទុកផែនការងារសេនាធិការ បានលើកឡើងនូវរបាយការណ៍បូកសរុបសភាពការណ៍ លទ្ធផលប្រតិបត្តិការ ដែលសម្រេចបានក្នុងខែកន្លងមក និងផ្សព្វផ្សាយលិខិតបទដ្ឋានគិតិយុត្តនានាដល់កងកម្លាំង។ ចំណែកលោកឧត្តមសេនីយត្រី ង៉ាន់ ចិន្តា ស្នងការរងទទួលផែនការងារសណ្តាប់ធ្នាប់បានថ្លែងជំរុញដល់ការិយាល័យជំនាញនិងតាមបណ្តាអធិការដ្ឋាននគរបាលក្រុងស្រុកត្រូវពង្រឹងការងារសណ្តាប់ធ្នាប់ និងបន្តផ្សព្វផ្សាយច្បាប់ចរាចរណ៍ផ្លូវគោកថ្មី ដល់ប្រជាពលរដ្ឋតាមមូលដ្ឋាន សិស្សតាមគ្រឹះស្ថានសិក្សានិងអ្នកដំណើរឲ្យបានទូលំទូលាយ ដើម្បីរួមចំណែកកាត់បន្ថយអត្រាគ្រោះថ្នាក់ឲ្យនៅកម្រិតទាបបំផុត។ នាឱកាសនោះ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យបានថ្លែងកោតសសើរដល់លោក លោកស្រី ថ្នាក់ដឹកនាំ និងកងកម្លាំង គ្រប់អង្គភាពចំណុះស្នងការដ្ឋានទាំងអស់ដែលបានខិតខំប្រឹងប្រែងអស់ពីកម្លាំងកាយចិត្ត បំពេញតួនាទី ភារកិច្ច រហូតទទួលបានលទ្ធផលផ្លែផ្កាគួរជាទីមោទនៈ។ ទន្ទឹមគ្នានោះលោកឧត្តមសេនីយ៍ទោស្នងការ ក៏បានជំរុញដល់កម្លាំងនគរបាលទាំងអស់ ត្រូវបន្តពង្រឹងកិច្ចការពារសន្តិសុខ សុវត្ថិភាព សណ្តាប់ធ្នាប់សង្គមជូនប្រជាពលរដ្ឋ, បន្តពង្រឹងការផ្តល់សេវាសាធារណៈជូនប្រជាពលរដ្ឋឲ្យបានទាន់ពេលវេលា។បន្តស្រាវជ្រាវបង្ក្រាបបទល្មើសគ្រប់ប្រភេទ, ពង្រឹងការគ្រប់គ្រងការស្នាក់នៅរបស់ជនបរទេស, ទប់ស្កាត់រាល់បទល្មើសឆ្លងដែនខុសច្បាប់ និងទំនិញគេចពន្ធគ្រប់ប្រភេទ រួមទាំងឱសថក្លែងក្លាយ ៕

ប្រែសម្រួលដោយ៖ ស្រីស្រស់ គីម ខាដាស៊ាន (Kim Kardashian) ត្រូវបានគេហៅថា “ចម្លែក” បន្ទាប់ពីនាងបានថតរូបដ៏គួរឱ្យភ្ញាក់ផ្អើលនៅពេលយប់ជាមួយមនុស្សយន្តតេស្លារបស់លោក អេឡូន ម៉ាស់។ ដោយស្លៀកពាក់អាវធំពណ៌ខ្មៅដោយគ្មានអាវខាងក្នុង តារាកម្មវិធី Kardashians វ័យ ៤៤ ឆ្នាំរូបនេះ បានអង្គុយលើជើងមនុស្សយន្តនៅកៅអីអ្នកបើកបររថយន្តតេស្លា Model S ដែលធ្វើតាមបំណងរបស់នាង។ នាងពាក់ស្រោមជើងវែងស្តើងពណ៌ស្បែកជាមួយនឹងការគូរស្រោមជើងខ្លីពណ៌ខ្មៅ និងខ្សែក្រវាត់ ដែលបង្កើតឱ្យមានរូបភាពហាក់ដូចជាគីមមិនពាក់សម្លៀកបំពាក់ក្នុងខ្លួន។ នាងបានឱនចុះក្បែររថយន្តដ៏ថ្លៃនោះក្នុងសម្លៀកបំពាក់សិចស៊ីរបស់នាង ខណៈដែលមនុស្សយន្តកំពុងសម្រាកនៅកៅអីអ្នកបើកបរ ដោយដាក់ជើងម្ខាងនៅលើផ្លូវថ្នល់ផ្ទះរបស់គីម។ ខណៈដែលមនុស្សយន្តហាក់ដូចជាប៉ះភ្លៅរបស់នាង។ ខណៈពេលមួយទៀតបង្ហាញពីគីម និងមនុស្សយន្តកាន់ដៃគ្នានៅក្នុងរថយន្តអគ្គិសនីប្រណិត។ អ្នកគាំទ្ររបស់ខាដាសានមានការភ្ញាក់ផ្អើលដោយការថតរូបនេះ ដោយមនុស្សជាច្រើនហៅវាថា “គួរឱ្យអាម៉ាស់” និង “គួរឱ្យខ្លាច”។ អ្នកខ្លះបានសម្តែងការព្រួយបារម្ភថា ការធ្វើឱ្យមនុស្សយន្តមានលក្ខណៈផ្លូវភេទគឺជារឿង “គួរឱ្យរំខាន”។ ខណៈពេលដែលអ្នកផ្សេងទៀតគិតថា ការថតរូបនេះគួរឱ្យសើច ហើយលេងសើចថាគីមទីបំផុតបានរកឃើញ “គូស្នេហ៍” របស់នាង។ គីមមានការប្រាស្រ័យទាក់ទងដ៏គួរឱ្យព្រឺខ្នងជាមួយមនុស្សយន្តតេស្លារបស់នាងកាលពីដើមសប្តាហ៍នេះ ដែលនាងបានចែករំលែកនៅក្នុងវីដេអូដែលបានបង្ហោះនៅលើ Instagram កាលពីថ្ងៃចន្ទ។ នាងត្រូវបានថតវីដេអូកំពុងលើកដៃទំនាក់ទំនងជាមួយមនុស្សយន្ត – ដែលលើកដៃតបវិញ – មុនពេលស្នើឱ្យមនុស្សយន្តបង្កើតរូបរាងបេះដូងជាមួយដៃរបស់វា។ ខាដាស៊ាន មានការភ្ញាក់ផ្អើលនៅពេលដែលមនុស្សយន្តអាចធ្វើកាយវិការនេះបាន។ មនុស្សយន្តបានធ្វើចលនាដូចជាការរត់ រាំរបាំហូឡា […]

ដោយ៖ គង់ហេង ត្បូងឃ្មុំ៖ ករណីគ្រោះថ្នាក់ចរាចរណ៍រវាងម៉ូតូចំនួនពីរគ្រឿង និងរថយន្តមួយគ្រឿងបណ្តាលឱ្យក្មេងប្រុសវ័យជំទង់ម្នាក់ស្លាប់នៅនឹងកន្លែង ហើយបុរសម្នាក់ទៀតបានរបួសជាទម្ងន់ នៅកំណាត់ផ្លូវជាតិលេខ ៧២ ចន្លោះបង្គោលគីឡូម៉ែត្រលេខ ១១-១២ ស្ថិតក្នុងភូមិត្រពាំងផ្លុងទី១ ឃុំត្រពាំងផ្លុង ស្រុកពញាក្រែក កាលពីម៉ោងប្រមាណ ១០យប់ថ្ងៃទី ១៩ វិច្ឆិកានេះ។ ប្រភពព័ត៌មានពីសមត្ថកិច្ចបានឱ្យដឹងថា៖ ក្រោយកើតហេតុភ្លាមៗ សមត្ថកិច្ចមិនទាន់ទៅដល់ ភាគីខាងម៉ូតូម៉ាកCBR ពណ៌ស ពាក់ផ្លាកលេខ ភ្នំពេញ 1CL-0862 មានសាច់ញាតិមកដឹកជម្លៀសចេញបាត់ពីកន្លែងកើតហេតុ ខណៈគ្រោះថ្នាក់បង្កឱ្យមានអ្នកស្លាប់និងរបួស ដោយសារតែការបើកបរវ៉ាជែងក្នុងស្ថានភាពគ្រោះថ្នាក់ពីសំណាក់ម៉ូតូមួយគ្រឿងនេះ។ ប្រភពព័ត៌មាននោះបានបន្ថែមថា៖ ជនរងគ្រោះជាក្មេងប្រុសអាយុ ១៧ ឆ្នាំដែលបានស្លាប់នៅនឹងកន្លែងកើតហេតុឈ្មោះ អុល ឈិន មានទីលំនៅភូមិបើន ឃុំស្អាង ស្រុកដងទង់ ខេត្តកំពត ជាអ្នកបើកបរម៉ូតូម៉ាកហុងដា ១២៥ ពណ៌ខ្មៅ ពាក់ផ្លាកលេខឧត្តរមានជ័យ 1B-2273និងបុរសរួមដំណើររងរបួសធ្ងន់ឈ្មោះ សុ គា អាយុ ២៧ ឆ្នាំ មានទីលំនៅស្រុកស្ទោង ខេត្តកំពង់ធំ។ ប្រភពព័ត៌មានបានបន្តថា៖ រថយន្តម៉ាក ហ៊ីយ៉ាន់ដាយ ស្តារិច (Starex) […]

ប្រែសម្រួល៖ តារា ទោះបីជាថ្ងៃនេះនៅក្នុងបន្ទប់ប្រជុំនៃ Old Trafford, Stamford Bridge, Anfield និង Emirates មិនមានអារម្មណ៍បែបនេះក៏ដោយ នេះគឺជាដំណឹងដ៏អស្ចារ្យសម្រាប់ Premier League និងបាល់ទាត់អង់គ្លេស។ មួយឆ្នាំឬពីរឆ្នាំទៀតជាមួយ Pep Guardiola គ្រូបង្វឹកដែលមានឥទ្ធិពលបំផុតនៃសម័យទំនើប។ វាជារឿងដែលគួរឱ្យពេញចិត្តទាំងស្រុង។ អង់គ្លេសបានពោរពេញទៅដោយគ្រូបង្វឹកបរទេសល្អៗជាយូរមកហើយ ដោយសារតែទ្រព្យសម្បត្តិនិងកិត្តិយសនៃ Premier League ត្រូវបានកើនឡើងដូចប៉េងប៉ោងមាសដ៏ធំមួយក្នុងរយៈពេលពីរទសវត្សរ៍ចុងក្រោយនេះ។ Jose Mourinho, Carlo Ancelotti, Louis van Gaal, Antonio Conte, Roberto Mancini, Rafa Benitez, Jurgen Klopp។ អ្នកខ្លះបានដើរកាត់វាលស្មៅបៃតងរបស់យើងច្រើនជាងម្តង ស្លៀកពាក់ពណ៌ផ្សេងៗគ្នា។ ទីបំផុត ពួកគេទាំងអស់គ្នាគ្រាន់តែឆ្លងកាត់ប៉ុណ្ណោះ។ ពួកគេមក ពួកគេឈ្នះ (អ្នកខ្លះ) ហើយពួកគេក៏ចាកចេញទៅ។ Guardiola មិនបានធ្វើបែបនោះទេ។ ជនជាតិកាតាឡាន់ដ៏អស្ចារ្យ – ឥឡូវនេះបានប្តេជ្ញាចិត្តអស់រយៈពេលជាងមួយទសវត្សរ៍នៅ Manchester City […]

ដោយ៖ គង់ហេង កំពង់ចាម៖ ខេត្តកំពង់ចាម ប្រទេសកម្ពុជា គ្រោងនឹងស្នើសុំសាធារណរដ្ឋចិន ជួយបង្កើតទីផ្សារ ប្រមូលទិញកសិផលដោយផ្ទាល់ពីប្រជាកសិករ ហើយដឹកជញ្ជួនតាមផ្លូវទឹកទន្លេមេគង្គ និងតាមព្រែកជីកហ្វូណនតេជោ ចូលដល់សមុទ្រប្រទេសកម្ពុជា ឆ្ពោះទៅកាន់ប្រទេសចិនតែម្តង ពោលគឺមិនបាច់ឆ្លងកាត់ប្រទេសទី២ទៀតទេ។ នេះជាការថ្លែងឱ្យដឹងរបស់ឯកឧត្តម អ៊ុន ចាន់ដា អភិបាលខេត្តកំពង់ចាម នៅវត្តមានចូលរួមពីឯកឧត្តម អ៊ុង សំអាត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទក្នុងជំនួបពិភាក្សាពីលទ្ធភាពរបស់សភាពាណិជ្ជកម្មខេត្តកំពង់ចាមលើវិស័យស្រូវអង្ករ,ស្វាយចន្ទី និងកសិផលផ្សេងៗទៀត នៅសាលាខេត្តកំពង់ចាមកាលពីថ្ងៃទី ១៩ វិច្ឆិកាកន្លងទៅ។ ឯកឧត្តមអភិបាលខេត្តកំពង់ចាមបានថ្លែងថា៖ អតីតកាល និងបច្ចុប្បន្នយើងធ្វើពាណិជ្ជកម្មនាំផលិតផលទៅក្រៅប្រទេសតាមរយៈប្រទេសជិតខាង ទើបទៅកាន់ប្រទេសចិន។ ប៉ុន្តែនៅពេលនេះយើងចាប់ផ្តើមរកទីផ្សារចាប់ដៃគូដោយផ្ទាល់ជាមួយប្រទេសចិនតែម្តង។ ដោយសារខេត្តកំពង់ចាមមានសក្តានុពល គឺមានកំពង់ផែទន្លេបិទបានដំណើរការហើយសព្វថ្ងៃ។ ដូច្នេះនៅពេលព្រែកជីកហ្វូណនតេជោស្ថាបនារួចរាល់ គឺការដឹកជញ្ជួនផ្លូវទឹកពីកំពង់ផែទន្លេបិទ នៃទន្លេមេគង្គទៅកាន់ព្រែកជីកហ្វូណនតេជោចូលដល់សមុទ្រប្រទេសកម្ពុជា ឆ្ពោះទៅកាន់ប្រទេសចិន គឺមិនឆ្លងកាត់ប្រទេសទី២ ទៀតទេ។ ឯកឧត្តមថ្លែងទៀតថា៖ កត្តានេះនឹងជំរុញឱ្យបងប្អូនប្រជាពលរដ្ឋយើងធ្វើពាណិជ្ជកម្មដោយផ្ទាល់ជាមួយប្រទេសចិន គឺមិនប្រឈមខាតបង់ពាក់ព័ន្ធនឹងទីផ្សារ តម្លៃ ការផ្គត់ផ្គង់ជាដើម…។ មានន័យថាខាងដៃគូពាណិជ្ជកម្មរបស់ប្រទេសចិននឹងចុះមកប្រមូលទិញជាកសិផលដោយផ្ទាល់ពីកសិករ ជាទីផ្សារឃ្លាំងស្តុកទំនិញនៅខេត្តកំពង់ចាមតែម្តង។ ឯកឧត្តមបានបន្ថែមថា៖ ដើម្បីត្រៀមលក្ខណៈទីផ្សារដ៏ល្អមួយនេះ សូមឱ្យភាគីពាក់ព័ន្ធសិក្សាបន្ថែម និងច្បាស់លាស់លើបញ្ហា គុណភាព និងស្តង់ដារនៃការផលិតនូវកសិផល ដើម្បីធានាការផ្គត់ផ្គង់ ចៀសវាងមានបញ្ហាដឹកទៅហើយដឹកមកវិញ […]