ដោយ៖ ព្រះអង្គខ្មៅ បាត់ដំបង៖ ករណីកាប់ប្លន់យកម៉ូតូមួយគ្រឿងក្នុងក្រុងបាត់ដំបង សមត្ថកិច្ចបានឃាត់ខ្លួនជនសង្ស័យចំនួន ៦នាក់សាកសួរស្រាវជ្រាវ និងត្រៀមបញ្ជូនទៅតុលាការ។ លោកវរសេនីយ៍ឯក ឈឿង គឹមសុង ស្នងការរងផែននគរបាលព្រហ្មទណ្ឌបានបញ្ជាក់ឲ្យដឹងថា÷ ករណីហិង្សាកាប់ប្លន់យក​ម៉ូតូខាងលើ កម្លាំងនគរបាលជំនាញកំពុងបន្តការសាកសួរ និងត្រៀមនឹងបញ្ជូនទៅអនុវត្តទោសតាមនីតិវិធីនៅថ្ងៃរសៀល ឬនៅព្រឹកថ្ងៃទី១២តុលាស្អែកនេះ។ លោកវរសេនីយ៍ឯក ឈឿង គឹមសុង បានបន្តថា៖ ក្រោមកិច្ចសហការរវាងកម្លាំងផែនជំនាញនគរបាល​ព្រហ្មទណ្ឌ​ នគរបាលក្រុងបាត់​ដំ​បង​ និងជាមួយកម្លាំងនគរ​បាលក្រុងប៉ោយប៉ែត​ ខេត្តបន្ទា​យមាន​ជ័យផងនោះ កម្លាំងបង្ក្រាបបានស្រាវជ្រាវឈានដល់ការឃាត់ខ្លួនជនសង័្សយដែលពាក់ព័ន្ធបានចំនួន​ ៦នាក់​បន្តបន្ទាប់គ្នានាំមកសាកសួរ​ស្រាវជ្រាវ ក្រោយក្រុមជនសង្ស័យកាលពីថ្ងៃទី​ ៦ ខែតុលា ឆ្នាំ ២០២៤​ បានបង្កហិង្សាកាប់យកម៉ូតូរបស់ជន​រង​គ្រោះមួយគ្រឿង ម៉ាកហុងដាឌ្រីមសេ១២៥ ពណ៌ខ្មៅ ស៊េរីឆ្នាំ ២០២១ ពីជនរងគ្រោះឈ្មោះ អ៊ុន ករុណា ភេទប្រុស អាយុ ២២ ឆ្នាំ មានទីលំនៅភូមិរំចេក២ សង្កាត់​រតនៈ ក្រុងបាត់ដំបង ខេត្តបាត់ដំបង រួចនាំគ្នាគេចខ្លួន រហូតកម្លាំងនគរបាលជំនាញស្រាវជ្រាវឃាត់ខ្លួនបានចុងក្រោយនៅថ្ងៃទី ៩ ខែតុលា ឆ្នាំ ២០២៤នេះ។ ជាមួយការឃាត់ខ្លួនជនសង្ស័យខាងលើកម្លាំងបង្ក្រាបដកហូតបានវត្ថុតាងមួយចំនួនរួមមាន៖ ម៉ូតូម៉ាកហុងដា ឌ្រីម […]

ដោយ : បន្ទាយ បន្ទាយមានជ័យ ៖ អភិបាលខេត្តបន្ទាយមានជ័យបានអះអាងប្រាប់ប្រតិភូក្រសួងអប់រំនៅបន្ទាប់ពីការប្រឡងថា រដ្ឋបាលខេត្តនិងលោកនឹងផ្តល់កុំព្យូរទ័រយួរដៃ(Laptop) ដល់បេក្ខជនជាប់បាក់ឌុបបាននិទ្ទេសA ចំនួន១គ្រឿង/ម្នាក់ៗដូចដូចឆ្នាំមុនដែរ។ ចំណែកលោកឈួ ប៊ុនរឿង ប្រធានមន្ទីរអប់រំ យុវជននិងកីឡាខេត្តបន្ទាយមានជ័យបានដឹងថ្ងៃទី១០ខែតុលាថា: ការប្រឡងសាកបាក់ឌុបដែលបានរៀបចំលើកដំបូងឡើងវិញនៅខេត្តនេះនាឆ្នាំ២០២៤ ពេលពេលកន្លងមក បេក្ខជន/នារីប្រឡងជាប់បាននិទ្ទេសA មាន១០០ប្លាយនាក់។ចំណែកលទ្ធផលប្រឡងបាក់ឌុបសម័យប្រឡងថ្ងៃទី៨ខែតុលាឆ្នាំ២០២៤ មន្ទីររំពឹងទុកថានឹងមានបេក្ខជនប្រឡងជាប់បាននិទ្ទេសA ច្រើននាក់ ។ សូមរំលឹកថា មុនពេលកំពុងនិងក្រោយការប្រឡងសញ្ញាបត្រមធ្យមសិក្សាទុតិយភូមិឬបាក់ឌុបឆ្នាំ២០២៤ កន្លងមកនេះ នៅខេត្តបន្ទាយមានជ័យគ្មានគ្រោះថ្នាក់ចរាចរណ៍ ពោលគឺខុសពីឆ្នាំមុនៗ ។ ចំពោះបេក្ខជនមានបញ្ហាសុខភាព ស្ទើរទាំងអស់ជាបេក្ខនារី ។ នេះបើតាមលោកបណ្ឌិតកុលផេង វឌ្ឍនា អនុរដ្ឋលេខាធិការក្រសួងអប់រំ យុវជននិងកីឡា ជាប្រធានគណៈមេប្រយោគទូទាំងប្រទេសប្រចាំខេត្តបន្ទាយមានជ័យឲ្យដឹង បន្ទាប់ពីរបាយាការណ៍សង្ខេបដំណើរការសំណេរប្រឡងសញ្ញាបត្រមធ្យមសិក្សាទុតិយភូមិនៅខេត្តនេះ។ ជាសេចក្តីសន្និដ្ឋាន របាយការណ៍ឲ្យដឹងថា : -ដំណើរការសំណេរប្រព្រឹត្តទៅដោយរលូន ។អាកាសធាតុស្រឡះល្អ(ពេលដំណើរការប្រឡង តែមានភ្លៀងពេលយប់និងល្ងាចពេលចប់ប្រឡង…) ។-មានសុវត្ថិភាពផ្លូវថ្នល់ គ្មានគ្រោះថ្នាក់ចរាចរណ៍។ ពោលគឺមុនពេលកំពុងនិងក្រោយប្រឡង។-សហការល្អជាមួយអង្គភាពប្រឆាំងអំពើរពុករលួយ។-សហការល្អជាមួយរដ្ឋបាលខេត្ត រដ្ឋបាលក្រុង ស្នងការដ្ឋាននគរបាល កងរាជអាវុធហត្ថខេត្ត។-សហការជាមួយសហភាពសហព័ន្ធយុវជនកម្ពុជា(សសយក)សម្របសម្រួលទីកន្លែងផ្ញើកង់ម៉ូតូអោយបេក្ខជនដយឥតគិតថ្លៃ។-មានសន្តិសុខ សណ្តាប់ធ្នាប់ល្អទាំងក្នុងនិងក្រៅជុំវិញមណ្ឌលប្រឡង ។ចំពោះបេក្ខជនសរុប៦.២៣៥នាក់/ស្រី៣.៥៦៩នាក់ ប្រឡងនៅ៨មណ្ឌល មាន២៥០បន្ទប់ ។ក្នុងនោះបេក្ខជនចំណេះទូទៅសរុប៥.១០៩នាក់ /ស្រី៣.០៦៩នាក់ ។បេក្ខជនស្វៃរិន ៨៤៣នាក់/ស្រី៤៣៧នាក់ […]

ដោយ៖ កំចាយ កំពត÷ រាល់ការដោះស្រាយជម្លោះក្រៅប្រព័ន្ធតុលាការអាចឈានទៅសម្រេចជោគជ័យបានលុះត្រាតែគ្រប់ផ្នែកពាក់ព័ន្ធចូលរួមដើម្បីវែកញែកដោយឈរលើគោលការណ៍ច្បាប់ និងឋានានុក្រមគ្រួសារជាចម្បង។ នេះជាការបញ្ជាក់របស់អភិបាលខេត្តកំពតក្នុងវេទិកាដោះស្រាយវិវាទក្រៅប្រព័ន្ធតុលាកាលពីថ្ងៃទី១០ ខែតុលា ឆ្នាំ២០២៤ នៅសាលមហាជនសាលាខេត្ត។ លោក ម៉ៅ ធនិន អភិបាលខេត្តកំពតបានមានប្រសាសន៍ថា៖ ក្នុងយន្តការដោះស្រាយជម្លោះ លោកមិនអាចឈរខាងភាគីណាមួយទេ ព្រោះប្រជាពលរដ្ឋនៅខេត្តកំពតគ្រប់រូបជាគ្រួសាររបស់លោកតែមួយ។ លោកចង់ឲ្យគ្រប់សមាជិកនៃគ្រួសារដ៏ធំមួយនេះរក្សាភាពថ្លៃថ្នូរជាមនុស្ស ពោលគឺ បើអត់ត្រូវសុំ បើខ្ចីគេត្រូវសងគេវិញ បើយកទ្រព្យសម្បត្តិគេត្រូវឲ្យម្ចាស់គេវិញ។ និយាយរួម កុំឈ្លោះប្រកែក ប្តឹងផ្តល់ ឬគុំកួនគ្នាដែលជាហេតុធ្វើឲ្យប៉ះពាល់ដល់សាមគ្គីភាព ជីវភាពរស់នៅ និងកិត្តិយសក្នុងនាមឈាមជ័រខ្មែរតែមួយ ជាអ្នកភូមិផងរបងជាប់គ្នា។ លោកអភិបាលខេត្តបានបញ្ជាក់ថា លោកមិនរួញរាក្នុងការដោះស្រាយទេ ប៉ុន្តែក៏មិនសប្បាយចិត្តពេលឃើញបងប្អូនប្រជាពលរដ្ឋឈ្លោះគ្នាដែរ។ កុំដោយសារតែអាហារ៣ពេលបែរជាភ្លេចតម្លៃ ភ្លេចគុណធម៌ជាបងប្អូន ប្រពន្ធកូន ឪពុកម្តាយ និងគ្រួសារឲ្យសោះ ព្រោះនេះមិនមែនជាប្រពៃណីវប្បធម៌របស់ជនជាតិខ្មែរទេ។ លោក ម៉ៅ ធនិន បានរម្លឹកថា អតីតប្រមុខរាជរដ្ឋាភិបាល សម្តេចតេជោបានលះបង់កម្លាំងកាយចិត្ត និងហ៊ានយកអាយុជីវិតជាថ្នូរដើម្បីនាំមកនូវសុខសន្តិភាព និងការអភិវឌ្ឍន៍ប្រទេសជាតិ។ មិនតែប៉ុណ្ណោះ អតីត និងប្រមុខរាជរដ្ឋាភិបាលបច្ចុប្បន្នបានចែកដីធ្លីកម្មសិទ្ធិជូនពលរដ្ឋកាន់កាប់ និងប្រើប្រាស់ដើម្បីលើកកម្ពស់ជីវភាពគ្រប់ក្រុមគ្រួសារឲ្យកាន់តែល្អប្រសើរ។ ចុះហេតុអ្វីគ្រប់គ្នារស់រានមានបានហើយនៅមានគំនិតលោភលន់ បៀតបៀន និងឈ្លោះប្រកែកគ្នាទៀត? សូមបញ្ជាក់ថា អំឡុងពេល៣ឆ្នាំនេះ លោក […]

ដោយ : បន្ទាយ បន្ទាយមានជ័យ ៖ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានដឹកនាំក្រុមការងារ រួមមាន៖  លោក គ្រី  សំណាង ,លោក សឿម សាអ៊ីម ,លោក កៅ បូរ៉ាវ៉ាន់ ,លោកវរសេនីយ៍ទោ  បោន សីហា ,លោក វរសេនីយ៍ទោ ទេព រដ្ឋា , លោក វរសេនីយ៍ទោ  ព្រហ្ម ពិសិដ្ឋ ,  បាននាំយកគ្រឿងឧបភោគ បរិភោគ ដែលជាអំណោយរបស់លោកអភិសន្តិបណ្ឌិតស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ប្រធានកិត្តិយសក្រុមការងារយេនឌ័ររបស់ក្រសួងមហាផ្ទៃ ទៅប្រគល់ជូនដល់កុមារកំព្រាសម្រាប់ប្រើប្រាស់ និងហូបចំនួន ៧១ នាក់ ដែលកំពុងស្នាក់នៅនិងរៀនសូត្រនៅមណ្ឌលកុមារកំព្រាវិសាខា នៃក្តីសង្ឃឹម វត្តខ្ចាស់ នៅថ្ងៃទី១០ ខែតុលា ឆ្នាំ២០២៤ ។ អំណោយ […]

ដោយ : បន្ទាយ បន្ទាយមានជ័យ​៖ កាលពីរសៀលថ្ងៃទី០៩​ខែ​តុលា​ ឆ្នាំ​២០២៤ លោកប្រ៊ូស ហេន​ (Bruce Hein ) នាយក​ប្រតិបត្តិ​អង្គការ​សេចក្ដី​ស្រលាញ់​តាម​រយៈ​សកម្មភាព​(Love In Action) បាន​ឧបត្ថម្ភសម្ភារជូន​ស្នងការដ្ឋាននគរបាលខេត្តបន្ទាយ​មាន​ជ័យ​សម្រាប់​ប្រើប្រាស់ក្នុងការ​ងារ​សង្រ្គោះ​បឋម​ជួយ​ជនរងគ្រោះ​ដោយ​គ្រោះថ្នាក់​ចរាចរណ៍​។ ក្នុងឱកាសនោះ លោក​ឧត្ដមសេនីយ៍​ត្រី​ ង៉ាន់​ ចិន្តា​ ស្នងការ​រង​ផែនការងារ​សណ្តាប់​ធ្នាប់​ តំណាង​លោក​ឧត្តម​សេនីយ៍ទោ​ សិទ្ធិ​ ឡោះ​ ស្នងការ​នៃ​ស្នង​ការ​ដ្ឋាន​នគរ​បាល​ខេត្ត​បន្ទាយ​មាន​ជ័យ​បាន​ថ្លែង​អំណរគុណ​យ៉ាង​ជ្រាលជ្រៅ​ចំពោះលោក​Bruce Hein ដែល​បាន​នាំ​យក​សម្ភារប្រគល់ជូន​ស្នងការ​ដ្ឋាន​ដេីម្បី​ជាផល​ប្រយោជន៍​សម្រាប់​ជួយ​សង្គ្រោះ​បឋម​ដល់​ប្រជាពលរដ្ឋ​ដែល​ជួប​គ្រោះ​ថ្នាក់​ចរាចរណ៍​៕

  ភ្នំពេញ៖ រាជរដ្ឋាភិបាលកម្ពុជាបា​នបន្តនិងបន្ថែមការលើកទឹកចិត្តប្រភេទពន្ធចំនួន ៤ ដែលពាក់ព័ន្ធទៅនឹងវិស័យអចលនទ្រព្យដើម្បីកាត់បន្ថយបន្ទុកចំណាយបង់ពន្ធអចលនទ្រព្យ។ កាលពីថ្ងៃទី៩ ខែតុលា​ឆ្នាំ២០២៤ ក្រសួងសេដ្ឋកិច្ចនិងហិរញ្ញវត្ថុ បានចេញសេចក្ដីជូនដំណឹង ស្ដីពីការបន្ត និងបន្ថែមការលើកទឹកចិត្តពន្ធដារចំពោះវិស័យអចលនទ្រព្យ លើប្រភេទពន្ធចំនួន ៤ រួមមាន៖ ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ពន្ធលើចំណេញមូលធន ពន្ធលើអចលនទ្រព្យ ពន្ធលើដីធ្លីមិនបានប្រើប្រាស់។ ការលើកទឹកចិត្តផ្នែកពន្ធដារនេះ ស្របតាមសេចក្ដីថ្លែងការណ៍ពិសេសស្ដីពី «សមិទ្ធផល ១ឆ្នាំរបស់រាជរដ្ឋាភិបាល នីតិកាលទី៧ នៃរដ្ឋសភា» ក្នុងគោលដៅកាត់បន្ថយបន្ទុកចំណាយបង់ពន្ធដល់ក្រុមហ៊ុនអភិវឌ្ឍន៍លំនៅឋាន និងប្រជាពលរដ្ឋជាម្ចាស់អចលនទ្រព្យ៕

ដោយ៖សុខុម កំពង់ធំ៖   ករណីមន្រ្តីរដ្ឋបាលព្រៃឈើម្នាក់បើករថយន្ដបុកអ្នកជិះម៉ូតូបណ្តាលឱ្យម្ដាយស្លាប់នៅនឹងកន្លែង និងកូនពីរនាក់ទៀតរងរបួសធ្ងន់កាលពីពីរថ្ងៃមុនមកដល់ថ្ងៃទី១០ខែតុលា ឆ្នាំ២០២៤ ជនបង្កសមត្ថកិច្ចពុំទាន់ឃាត់ខ្លួនបានដើម្បីកសាងសំណុំរឿងបញ្ជូនទៅតុលាការនៅឡើយទេ។ ប្រភពពីកន្លែងកើតហេតុ បាននិយាយថា គ្រោះថ្នាក់ចរាចរណ៍ដ៏រន្ធត់មួយបានកើតឡើងនៅលើដងផ្លូវ១០២ ភូមិបល្ល័ង្កឃុំបល្ល័ង្ក ស្រុកបារាយណ៍ ខេត្តកំពង់ធំ កាលពីរសៀលថ្ងៃទី៨ ខែតុលាឆ្នាំ២០២៤។ នៅកន្លែងកើតហេតុគេឃើញបន្សល់ភស្តុតាងមានរថយន្តបាឡែន ពណ៌ខ្មៅ ផ្លាកលេខ ភ្នំពេញ2I- 70 98ត្រូវបានម្ចាស់រថយន្តឈ្មោះ ឡាច ជាមន្ត្រីរដ្ឋបាលព្រៃឈើ។គេដាក់ការសង្ស័យថាមន្រ្តីអ្នកបើកបររថយន្តទំនងជាស្រវឹងស្រា។ សមត្ថកិច្ចបានបញ្ជាក់ក្រោយហេតុការណ៍ថាជនរងគ្រោះស្លាប់នៅកន្លែងកើតហេតុឈ្មោះយាយម៉ៅ អាយុ៥៧ឆ្នាំ រស់នៅភូមិបឹង ឃុំបឹង ស្រុកបារាយណ៍ ខេត្តកំពង់ធំ។ អ្នករងគ្រោះរងរបួសធ្ងន់ពីរនាក់ទៀតគឺជាកូនរបស់គាត់ត្រូវបានសាច់ញាតិបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត។ រីឯជនបង្កឈ្មោះឡាច ជាមន្ត្រីរដ្ឋបាលព្រៃឈើបាក់ស្នា បានរត់បាត់ស្រមោល៕

ភ្នំពេញ៖ អង្គការ WWF-កម្ពុជា មានសេចក្តីសោមនស្សរីករាយក្នុងការរៀបចំដំណើរទស្សនកិច្ចសម្រាប់ក្រុមការងាររបស់ អង្គការ WWF-បែលហ្សិក ដើម្បីឈ្វេងយល់ពីតំបន់គោលដៅរបស់យើងនៅក្នុងទេសភាពខ្ពង់រាបភាគខាងកើត និងតំបន់ទេសភាពព្រៃលិចទឹកមេគង្គកាលពីថ្ងៃទី២១ ដល់ថ្ងៃទី ២៦ ខែកញ្ញា ឆ្នាំ ២០២៤។ នាឱកាសនេះក្រុមការងារបានចូលរួមជាមួយសហគមន៍មូលដ្ឋានដើម្បីឈ្វេងយល់អំពីជីវភាពរស់នៅរបស់ពួកគេ និងរបៀបដែលពួកគេរួមចំណែកដល់កិច្ចខិតខំប្រឹងប្រែងអភិរក្ស និងពិនិត្យពីវឌ្ឍនភាពគម្រោងនានាដែល គាំទ្រមូលនិធិពីអង្គការ WWF-បែលហ្សិក។ នាដំណើរទស្សនកិច្ចនេះ ក្រុមការងារនៃអង្គការ WWF-បែលហ្សិក ក៏បានជួបជាមួយមន្ត្រីអនុរក្ស និងឆ្មាំទន្លេ ដែលជា “វីរបុរសព្រៃឈើ និងទន្លេ” ដែលធ្វើការដោយមិនខ្លាចនឿយហត់ដើម្បីការពារព្រៃឈើ និងសត្វព្រៃរបស់កម្ពុជា។ បន្ថែមពីលើនេះ ក្រុមការងារមានឱកាសជួបជាមួយអភិបាលរងខេត្តមណ្ឌលគិរី ដើម្បីពិភាក្សាអំពីវឌ្ឍនភាពគម្រោង និងកិច្ចសហការបន្ត។ ដំណើរទស្សនកិច្ចនេះមិនត្រឹមតែបង្ហាញពីវឌ្ឍនភាពដ៏មានអត្ថន័យក្នុងការអភិរក្សប៉ុណ្ណោះទេ ប៉ុន្តែថែមទាំងបានពង្រឹងភាពជាដៃគូដ៏រឹងមាំរវាង WWF-កម្ពុជា និង WWF-បែលហ្សិក ដោយត្រួសត្រាយផ្លូវសម្រាប់កិច្ចខិតខំប្រឹងប្រែងរួមគ្នានាពេលអនាគតដើម្បីការពារជីវៈចម្រុះដ៏សម្បូរបែបរបស់កម្ពុជា៕

ដោយ : បន្ទាយ បន្ទាយមានជ័យ លោកឈើយ ចាន់ណា សមាជិកព្រឹទ្ធសភា អមដំណើរដោយលោកលឿង សូភក្តិ អភិបាលស្រុកស្វាយចេក បានអញ្ជើញចុះពិនិត្យសកម្មភាពសាង់សង់ផ្ទះថ្មី ជំនួសខ្ទមចាស់ធ្លុះធ្លាយ ទ្រុឌទ្រោម ។នេះបើតាមមន្ត្រីក្រុមការងារអោយដឹងកាលពីថ្ងៃទី០៩ខែតុលាឆ្នាំ២០២៤ ។ ជំហានទី១ កសាងផ្ទះឈើ ប្រក់ស័ង្កសីទំហំ៤គុណ៦ ម៉ែត្រ ចំនួន ១ខ្នង ដែលជារបស់ឈ្មោះអឿន សុខា ស្ត្រីមេម៉ាយ មានកូន៣នាក់ និងជំហានទី២ កសាង១ខ្នងទៀត ដូចគ្នានេះ ជូនពលរដ្ឋឈ្មោះណែម នៅ ស្ត្រីមេម៉ាយ មានកូន២នាក់ ។ ពលរដ្ឋទាំង២គ្រួសាររស់នៅភូមិបឹងស្នោរឃុំស្លក្រាមស្រុកស្វាយចេក។ អរគុណឯកឧត្តម សិទ្ធ ឡោះ ស្នងការនគរបាលខេត្ត , លោក ជា ស្លូញ ដែលបានចង្អុលបង្ហាញនិងដឹកនាំបញ្ជាផ្ទាល់កម្លាំងសរុបនៃអធិការដ្ឋាននគរបាលស្រុកស្វាយចេកនិងប៉ុស្តិ៍រដ្ឋបាលឃុំសហការនឹងលោកឡោក សំបានមេឃុំ លោកយី ភារម្យ មេភូមិនិងសមាជិក ប្រជាការពារដែលចុះសាងសង់ផ្ទះថ្មីជូនប្រជាពលរដ្ឋដូចខាងលើ។ ក្នុងឱកាសនោះ លោកឈើយ ចាន់ណា និងលោកអភិបាលស្រុកបានឧបត្ថម្ភថវិកាដល់កម្លាំងក្រុមការងារកសាងផ្ទះនិងពលរដ្ឋម្ចាស់ផ្ទះផងដែរ ។ ករណីមួយទៀត នៅភូមិបឹងស្នោរនេះដែរ […]

ដោយ៖ គង់ហេង កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានស្នើឱ្យអាជ្ញាធរក្រុងសហការជាមួយមន្រ្តីជំនាញពាក់ព័ន្ធ ចុះពិនិត្យ និងដោះស្រាយជាបន្ទាន់ ចំពោះអាជីវកម្មផ្ទះចិញ្ចឹមសត្វត្រចៀកកាំចំនួន ប្រាំទីតាំង នៅក្នុងក្រុងកំពង់ចាម។ សំណើមួយនេះ គឺដើម្បីឆ្លើយតបទៅនឹងសំណូមពរសរុបចំនួន ១០ របស់ប្រជាពលរដ្ឋនៅក្នុងវេទិកាសាធារណៈ ដែលបានរៀបចំឡើងនៅវត្តជ្រោយថ្ម ក្រុងកំពង់ចាម នៅព្រឹកថ្ងៃទី ៩ តុលានេះ ដែលមានប្រជាពលរដ្ឋជាង ១០០ នាក់បានចូលរួម។ ឯកឧត្តមអភិបាលខេត្តកំពង់ចាមបានមានប្រសាសន៍លើកឡើងយ៉ាងដូច្នេះថា៖ បញ្ហាការបើកអាជីវកម្មចិញ្ចឹមសត្វត្រចៀកកាំ គឺពិតជារំខានដល់ការរស់នៅដល់បងប្អូនប្រជាពលរដ្ឋជាអ្នកជិតខាង បរិស្ថាន អនាម័យប្រាកដមែន។ហើយបញ្ហាអាជីវកម្មផ្ទះត្រចៀកកាំនេះ ឯកឧត្តមបានទទួលព័ត៌មាននេះពីអាជ្ញាធរសង្កាត់ និងក្រុងកំពង់ចាមរួចហើយ ។ ក្នុងនោះយើងបានសម្រេចបង្កើតក្រុមការងារជាអង្គភាពមន្ទីរពាក់ព័ន្ធ និងអាជ្ញាធរក្រុង ដែលដឹកនាំដោយអភិបាលរងខេត្តចំនួន មួយ រូប ដើម្បីចុះទៅដោះស្រាយជាមួយម្ចាស់ផ្ទះដែលចិញ្ចឹមសត្វត្រចៀកកាំទាំង ៥ កន្លែងនៅក្នុងក្រុងកំពង់ចាម ក្នុងពេលឆាប់ៗនេះ។ ឯកឧត្តមបានមានប្រសាសន៍ទៀតថា៖ ករណីធ្វើអាជីវកម្មផ្ទះត្រៀកកាំនេះ ឯកឧត្តមចង់ពន្លត់តែម្តង ដោយឱ្យអាជ្ញាធរ ក្រុង ស្រុក រួមទាំងមន្ទីរជំនាញ គឺមុនអនុញ្ញាត ឱ្យប្រកបរបរមួយនេះ ឬសាងសង់ផ្ទះត្រចៀកកាំចាំបាច់ត្រូវចុះទៅពិនិត្យទីតាំងនោះមុន នឹងអនុញ្ញាតឱ្យបើក។ បើមានការប៉ះពាល់ ដែលរំខានដល់ការរស់នៅរបស់ប្រជាពលរដ្ឋ […]

ដោយ៖ កំចាយ កំពត÷ បេក្ខជនប្រមាណជាង៣០នាក់បានអវត្តមាននាថ្ងៃដំបូងសម្រាប់សម័យប្រលងសញ្ញាបត្រមធ្យមសិក្សាទុតិយភូមិឆ្នាំ២០២៤ ក្នុងចំណោមបេក្ខជនប្រមាណជាង៥.០០០នាក់។ លោក សូ ភារិទ្ធ ប្រធានមន្ទីរអប់រំ យុវជន និងកីឡាខេត្តកំពតបានបញ្ជាក់ថា ថ្ងៃដំបូងនៃសម័យប្រលងសញ្ញាបត្រមធ្យមសិក្សាទុតិយភូមិឆ្នាំ២០២៤ នៅទូទាំងខេត្តដែលមានមណ្ឌលប្រលងចំនួន១០ គឺបេក្ខជនចំនួន៣២នាក់ ស្រី១២នាក់បានអវត្តមានដោយគ្មានមូលហេតុ។ អ្នកដែលមិនបានមកចូលប្រលងទាំងនោះជាបេក្ខជនស្វៃរិនចំនួន២៧នាក់ ស្រី៨នាក់។ លោកប្រធានមន្ទីរបានអះអាងថា ពេញមួយថ្ងៃដំបូងនៃដំណើរការប្រលងនេះ ស្ថានភាពមានលក្ខណ:ល្អប្រសើរទាំងក្នុងបរិវេណ និងក្រៅមណ្ឌលប្រលង។ បេក្ខជនទាំងអស់បានធ្វើសំណេរចម្លើយដោយភាពស្ងាត់ស្ងៀម និងពុំមាននរណាម្នាក់លាក់សំណៅឯកសារ ឬយកឧបករណ៍ហាមឃាត់ដាក់តាមខ្លួនឡើយ។ លោក សូ ភារិទ្ធ បានបានបន្តថា គណ:មេប្រយោគក៏ដូចគ្នាដែរគឺលោកគ្រូ អ្នកគ្រូអនុវត្តបានយ៉ាងល្អប្រពៃស្របតាមបទប្បញ្ញត្តិដែលក្រសួងបានដាក់ចេញ។ ចំណែកនៅបរិវេណខាងក្រៅ ឪពុកម្តាយ សាច់ញាតិ ក៏ដូចជាមិត្តភក្តិដែលជូនដំណើរបេក្ខជនមកប្រលងក៏មិនឆ្វេចឆ្វាចដែរ ពិសេសកម្លាំងសមត្ថកិច្ចមានការគ្រប់គ្រង និងការពារសុវត្ថិភាពបាន១០០ភាគរយ។ សូមបញ្ជាក់ថា ខេត្តកំពតមានមណ្ឌលប្រលងសញ្ញាបត្រទុតិយភូមិចំនួន១០ គឺក្រុងកំពត៤មណ្ឌល ស្រុកទឹកឈូ៣មណ្ឌល និងស្រុកអង្គរជ័យ៣មណ្ឌល ស្មើនឹង២១០បន្ទប់ ដែលមានបេក្ខជនសរុប៥.១៩៤នាក់ ស្រី២.៨២១នាក់។ ក្នុងចំណោមនោះ បេក្ខជនស្វៃរិនចំនួន៣៥០នាក់ ស្រី១៦១នាក់៕

ដោយ : បន្ទាយ បន្ទាយមានជ័យ : សមាជិកព្រឹទ្ធសភានិងមន្ត្រីអាជ្ញាធរ និងសប្បុរសជន កាលពីថ្ងៃទី០៧ខែតុលាឆ្នាំ២០២៤ បានចុះចែកអំណោយដល់ប្រជាពលរដ្ឋជួបការលំបាកជីវភាពចំនួន១០គ្រួសារ នៅភូមិចំការគ ឃុំស្វាយចេក ស្រុកស្វាយចេកខេត្តបន្ទាយមានជ័យ ។ អញ្ជើញចុះមានលោកឈើយ ចាន់ណា សមាជិកព្រឹទ្ធសភា ភូមិភាគទី៤ អមដំណើរដោយលោកដា ទឹង ប្រធានក្រុមប្រឹក្សា លោកលឿង សូភក្តិ អភិបាលស្រុកស្វាយចេកនិងទទួលដំណើរដោយមន្ត្រី លោកងិន សុទ្ធី មេឃុំស្វាយចេកនិងក្រុមការងារ ។ លោកលឿង សុភក្តិ អភិបាលស្រុកស្វាយចេកអោយដឹងថា: យោងសេចក្តីរាយការណ៍ពីភ្នាក់ងារភូមិ អាជ្ញាធរឃុំស្តីពីសុខទុក្ខនិងជីវភាពរបស់បងប្អូនពលរដ្ឋដូចខាងលើ ទើបថ្នាក់ដឹកនាំនិងអាជ្ញាធរស្រុកចុះមកចែកអំណោយដូច្នេះ ។ អំណោយតម្លៃជិត២លានរៀល ដែលបានពីឥស្សរជននិងមន្ត្រីខាងលើ ព្រមទាំងលោកស្រីជា រដ្ឋា ដោយក្នុង១គ្រួសារៗទទួលបាន អង្ករ២៥គីឡូក្រាម ត្រីខ១យួរ ទឹកត្រី១យួរ ទឹកស៊ីអ៊ីវ១យួរ ទឹកសុទ្ធ១យួរ ថវិកា៣ម៉ឺនរៀល។ លោកឈើយ ចាន់ណា បានពាំនាំបណ្តាំផ្ញើសួរសុខទុក្ខពីថ្នាក់ដឹកនាំស្ថាប័នជាតិមកជូនពលរដ្ឋខាងលើ ហើយណែនាំអោយបងប្អូនបន្តខិតខំប្រកបរបររកស៊ីនិងថែទាំសុខភាព ហើយចូលរួមជាមួយអាជ្ញាធរមានសមត្ថកិច្ចក្នុងការអនុវត្តផែនការភូមិឃុំមានសុវត្ថិភាព ៕

ដោយ : បន្ទាយ បន្ទាយមានជ័យ៖ នៅម៉ោង៧ព្រឹកថ្ងៃទី០៨ខែតុលាឆ្នាំ២០២៤ បណ្ឌិត កុលផេង វឌ្ឍនា អនុរដ្ឋលេខាធិការក្រសួងអប់រំ យុវជននិងកីឡា – ជាប្រធានគណៈមេប្រយោគទូទាំងប្រទេសប្រចាំខេត្តបន្ទាយមានជ័យ លោកអ៊ុ រាត្រី អភិបាលខេត្តបន្ទាយមានជ័យ និងប្រធានក្រុមការងារ អង្គភាពប្រឆាំងអំពើពុករលួយ ខេត្តបន្ទាយមានជ័យ លោកប្រធានមន្ទីរអប់រំ យុវជននិងកីឡាខេត្ត -ប្រធានគណ:មេប្រយោគទូទាំងខេត្តនិងមន្ត្រីជំនាញពាក់ព័ន្ធបានចូលរួមពិធីបើកវិញ្ញាសាដំបូងនៃការប្រឡងសញ្ញាប័ត្រមធ្យមសិក្សាទុតិយភូមិ ឆ្នាំ២០២៤។ ប្រតិភូតំណាងក្រសួងអប់រំ និងរដ្ឋបាលខេត្តបានជូនពរបេក្ខជន បេក្ខនារីប្រឡងឲ្យមានសុខភាពល្អ មានសុវត្ថិភាពនិងប្រឡងជាប់ ហើយក៏បានណែនាំដល់គណ:មេប្រយោគ គណៈ:កម្មការនិងបេក្ខជនអោយគោរព អនុវត្តអោយបានល្អតាមតួនាទី ភារកិច្ចដូចដែលក្រសួងអប់រំបានណែនាំរួចហើយ ។ សូមបញ្ជាក់ថា សម័យប្រឡងថ្ងៃទី៨ខែតុលាឆ្នាំ២០២៤ នៅខេត្តបន្ទាយមានជ័យមានបេក្ខជនចុះឈ្មោះប្រឡងឬក្នុងបញ្ជីសរុបចំនួន ៦.២៣៥នាក់ / ស្រី ៣.៥៦៩នាក់ ។ មណ្ឌលប្រឡងចំនួន៨ , បន្ទប់សរុបចំនួន១៧៦បន្ទប់ ។មណ្ឌលសំណេរទាំងនោះស្ថិតនៅក្រុងសិរីសោភ័ណ ជាទីប្រជុំជនខេត្ត ។ មណ្ឌលទាំងនោះមាន: ថ្នាក់វិទ្យាសាស្ត្រ មាន៣មណ្ឌល : ១-មណ្ឌលបឋមសិក្សាហ៊ុនសែន សុភី ២-មណ្ឌលវិទ្យាល័យហ៊ុនសែន ខ្លាកូន ៣-មណ្ឌលសាកលវិទ្យាល័យជាតិមានជ័យ និងថ្នាក់វិទ្យាសាស្ត្រសង្គម […]

ដោយ : បន្ទាយ សៀមរាប : កាលពីថ្ងៃទី០៦ ខែតុលា ឆ្នាំ២០២៤ លោក លី ហុង និងភរិយា បាននាំយកម៉ាស៊ីនថតចម្លងចំនួន ០២គ្រឿង , លោក អៀង សុដេត និងភរិយា បាននាំយកក្រដាសចំនួន២០កេស មកប្រគល់ជូនដល់អង្គភាពកងរាជអាវុធហត្ថខេត្តសៀមរាបសម្រាប់ប្រើប្រាស់ជាប្រយោជន៍ក្នុងការងាររដ្ឋបាល។ ក្នុងឱកាសនោះ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាបបានទទួលស្វាគមន៍ប្រកបដោយមនោសញ្ចេតនាស្និទ្ធស្នាល និងបានសម្តែងនូវអំណរគុណយ៉ាងជ្រាលជ្រៅចំពោះ លោក លី ហុង និងភរិយា លោក អៀង សុដេត និងភរិយា ដែលមានចិត្តសប្បុរសឧបត្ថម្ភម៉ាស៊ីនថតចម្លង និងក្រដាសសម្រាប់បម្រើការងាររដ្ឋបាល ដល់អាវុធហត្ថខេត្តសៀមរាប និងសូមជូនពរជួបតែពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕

ដោយ៖ កំចាយ កំពត÷ ថ្នាក់ដឹកនាំមន្ទីរអប់រំ យុវជន និងកីឡាខេត្តកំពតបានអះអាងថា បេក្ខជនប្រលងសញ្ញាបត្រមធ្យមសិក្សាទុតិយភូមិឆ្នាំនេះអនុត្តរាល់បទប្បញ្ញត្តិដែលក្រសួងដាក់ចេញបានយ៉ាងល្អប្រពៃ។ លោក សូ ភារិទ្ធ ប្រធានស្តីទីមន្ទីរអប់រំ យុវជន និងកីឡាខេត្តកំពតបានបញ្ជាក់ថា ដំណើរការនៃការប្រលងសញ្ញាបត្រមធ្យមសិក្សាទុតិយភូមិថ្ងៃដំបូងនាព្រឹកថ្ងៃទី៨ ខែតុលានេះស្ថានភាពល្អ មានលក្ខណ:ប្រសើរទាំងក្នុង និងក្រៅមណ្ឌលប្រឡង។ គ្រប់បេក្ខជនទាំងអស់ពោរពេញដោយឥរិយាបថល្អប្រសើរទាំងការស្លៀកពាក់ ហើយមានភាពញញឹមរួសរាយរាក់ទាក់គ្រប់គ្នា។ លោកប្រធានស្តីទីបានបន្តថា ឆ្លងតាមការត្រួតពិនិត្យឆែកឆេរឃើញថាមិនមានបេក្ខជនណាម្នាក់លាក់សំណៅឯកសារ ឬយកឧបករណ៍ហាមឃាត់ដាក់តាមខ្លួនទឡើយ។ លោកសង្ឃឹមថា ឆ្នាំនេះសិស្សនឹងប្រលងជាប់ក្នុងលំដាប់ភាគរយខ្ពស់ ពិសេសកម្រិតនិទ្ទេសA អាចកើនជាងឆ្នាំ២០២៣។ មានប្រសាសន៍ក្នុងឱកាសអញ្ជើញចូលបើកសោកេស និងកាត់ប្រអប់វិញ្ញាសាប្រលងនៅវិទ្យាល័យមិត្តភាពកម្ពុជា-ជប៉ុនកំពតក្រុង លោក ម៉ៅ ធនិន អភិបាលខេត្តកំពតបានផ្តាំផ្ញើថា ក្មួយៗត្រូវផ្ចង់ស្មារតីឲ្យបានល្អដើម្បីបញ្ចេញសមត្ថភាពដែលខ្លួនមានតាមរយ:ការខិតខំសិក្សាអស់ពេល១២ឆ្នាំកន្លងមក។ លោកអភិបាលខេត្តបានបន្តថា ថ្នាក់ដឹកនាំនឹងរង់ចាំលើកទឹកចិត្តដោយផ្តល់ជារង្វាន់ផ្សេងៗសម្រាប់បេក្ខជនជ័យលាភីឆ្នើម។ សូមបញ្ជាក់ថា ខេត្តកំពតមានមណ្ឌលប្រលងចំនួន១០ ស្មើនឹង២១០បន្ទប់ ដែលមានបេក្ខជនសរុប៥.១៩៤នាក់ ស្រី ២៨២១នាក់។ ក្នុងនោះ ក្រុងកំពតមាន៤មណ្ឌល ស្រុកទឹកឈូចំនួន៣មណ្ឌល និងស្រុកអង្គរជ័យមាន៣មណ្ឌល៕

ដោយ : បន្ទាយ បន្ទាយមានជ័យ : បេក្ខភាព ហែម ស៊ី​ណាត វ័យ ​៥៨​ឆ្នាំ នៅ​តែ​បន្ត​ក្តី​ស្រមៃ មកប្រឡងសញ្ញាបត្រ​មធ្យមសិក្សា​ទុតិយភូមិ (​បាក់​ឌុ​ប​) ទោះបីជាបរាជ័យ​២​ដង។ ក្រសួងអប់រំ យុវជននិងកីឡាបានឲ្យដឹងនៅថ្ងៃទី៧ខែតុលាថា: រយៈពេល​ ១​ឆ្នាំ​បាន​កន្លង​ទៅ​នេះ អ្នកស្រី​បាន​រៀនសូត្រ​បាន​ច្រើន រៀន​ថ្ងៃ​មិន​គ្រប់ រៀន​យប់​បន្ថែម ដោយ​ថ្ងៃ​រៀន​ធ្វើ​លំ​ហាត់​កិច្ចការ​ផ្ទះ និង​ពេល​យប់​រៀន​តាម​អន​ឡាញ ដើម្បី​ពង្រឹង​លើ​មុខ​វិជ្ជា​ដែល​ជួប​ឧបសគ្គ និង​ធ្វើ​ទៅ​មិន​បាន​ល្អ​នោះ។ សូមបញ្ជាក់ថា អ្នកគ្រូកិច្ចសន្យា ហែម ស៊ី​ណាត បង្រៀនសិស្សអក្ខរកម្មនៅភូមិថ្មរមៀលកើត ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ៕

ប្រែសម្រួល៖ស្រីស្រស់ លោក Sir Jim Ratcliffe បានប្រមូលផ្តុំចៅហ្វាយធំៗរបស់ Man United ក៏ដូចជាអតីតកីឡាករ Gary Neville នៅ Old Trafford ដើម្បីពិភាក្សាជាមួយនឹងអនាគតរបស់ Erik ten Hag ក្នុងនាមជាអ្នកចាត់ការទូទៅ និងកីឡដ្ឋានថ្មីចំនួន 2 ពាន់លានផោន។ បុរសសញ្ជាតិហូឡង់ហាក់ដូចជាខិតកាន់តែជិតដល់ទ្វារ បន្ទាប់ពីការចាប់ផ្តើមដ៏អាក្រក់ក្នុងរដូវកាលនេះ ដែលធ្វើឲ្យក្រុមម្ចាស់ជើងឯក Premier League 13 សម័យកាល ឈរនៅលេខរៀងទី 14 ក្នុងតារាង ដោយមានត្រឹមតែ 8 ពិន្ទុប៉ុណ្ណោះពីការប្រកួតចំនួន 7 ដែលជាការចាប់ផ្តើមដ៏អាក្រក់បំផុតរបស់ពួកគេមិនធ្លាប់មាននៅក្នុងការប្រកួត។ លទ្ធផលស្មើ 2 ក្នុងសប្តាហ៍ចុងក្រោយ រួមទាំងការជាប់គាំង 3-3 ទល់នឹង Porto ក្នុងការប្រកួត Europa League និងគ្មានគ្រាប់បាល់ទល់នឹង Aston Villa កាលពីម្សិលមិញ បានធ្វើឱ្យមានការបរាជ័យយ៉ាងខ្លាំង ប៉ុន្តែធ្វើបានតិចតួចដើម្បីរក្សាជំហររបស់ Ten Hag […]

ដោយ៖ គង់ហេង ត្បូងឃ្មុំ៖ រថយន្តដែលនៅមិនទាន់ស្គាល់អត្តសញ្ញាណ បានបើកបុកម៉ូតូមួយគ្រឿងពីខាងក្រោយដែលកំពុងធ្វើដំណើរស្របទិសគ្នា អូសប្រមាណ ៦០ ម៉ែត្រ បណ្តាលឱ្យអ្នកបើកបរម៉ូតូបានស្លា.ប់នៅលើផ្លូវជាតិលេខ ៧១ C ចន្លោះបង្គោលគីឡូម៉ែត្រលេខ៣៤-៣៥ ស្ថិតក្នុងភូមិ-ឃុំឈួក ស្រុកក្រូចឆ្មារ កាលពីក្បាលព្រលប់ថ្ងៃទី ៦ តុលា កន្លងទៅ។ ប្រភពព័ត៌មានពីស្រុកក្រូចឆ្មារបាន ប្រាប់ Cambodia Flash News ថា៖ ជនរងគ្រោះអ្នកបើកបរម៉ូតូត្រូវបុកអូសរហូតស្លាប់ជាបុរសអាយុ ៥០ ឆ្នាំឈ្មោះ ហ៊ីម រ៉សេត បើកម៉ូតូម៉ាកវ៉េវគ្មានផ្លាកលេខ មានទីលំនៅភូមិរកាពប្រាំទី១ ឃុំរកាពប្រាំ ស្រុកត្បូងឃ្មុំ។ ចំណែកខាងរថយន្តមិនត្រូវស្គាល់អត្តសញ្ញាណនោះទេ ដោយសារក្រោយកើតហេតុ បានបើកគេចបាត់៕

ដោយ : បន្ទាយ កំពង់ឆ្នាំង៖បុរសជនជាតិចិនម្នាក់បានបង្កករណីគ្រោះថ្នាក់ចរាចរណ៍បុកម៉ូតូ បណ្តាលឲ្យមានមនុស្សស្លាប់រួចបើករត់គេចពីកន្លែងកើតហេតុ។ ករណីនេះបានកើតឡើងកាលពីម៉ោងប្រមាណ០៩និង២០នាទីព្រឹកថ្ងៃទី០៦ ខែតុលា ឆ្នាំ២០២៤ នៅលើផ្លូវជាតិលេខ៥ ចន្លោះគីឡូម៉ែត្រ៩៧-៩៨ ស្ថិតក្នុងភូមិទ័ពត្បែង ឃុំពង្រ ស្រុករលាប្អៀរ ខេត្តកំពង់ឆ្នាំង។ ប្រភពពីកន្លែងកើតហេតុឲ្យដឹងថា: មុនពេលកើតហេតុ មានរថយន្តមួយគ្រឿងមិនស្គាល់ម៉ាកពណ៌ស ពាក់ផ្លាកលេខភ្នំពេញ2BA-1488 បើកបរដោយបុរសជនជាតិចិន អាយុប្រហែល៥០ឆ្នាំ បើកពីទិសខាងត្បូង ទៅទិសខាងជើង ។លុះមកដល់ចំណុចកើតហេតុខាងលើបានបុកម៉ូតូ០១គ្រឿងម៉ាកវេវ ពណ៌ខ្មៅពាក់ផ្លាកលេខកំពង់ឆ្នាំង1B-1494 បណ្តាលឲ្យប៉ើងខ្ទាតម៉ូតូនិងអ្នកបើកបរទៅគន្លងផ្លូវខាងលិច។ ចំណែកអ្នកបើកបរម៉ូតូ ត្រូវបានរថយន្តមួយគ្រឿងទៀតម៉ាកសាំងយ៉ុង(Ssangyong) ពណ៌ស មិនស្គាល់ផ្លាកលេខនិងអត្តសញ្ញាណអ្នកបើកបរ ដែលបើកពីទិសខាងជើងទៅទិសខាងត្បូង អូសជាប់ពីក្រោមរថយន្ត រហូតដល់មុខស្ថានីយប្រេងឥន្ធនៈភីធីធី(ptt) ចម្ងាយ១០០០ម៉ែត្រ ទើបខ្ទាតមនុស្សចេញពីក្រោមរថយន្តបណ្តាលឲ្យស្លាប់ភ្លាមៗ។ ប្រភពដដែលអះអាងថា ជនរងគ្រោះមានឈ្មោះ ហង្ស យុន ភេទប្រុស អាយុប្រហែល៦០ឆ្នាំ រស់នៅភូមិក្រាំងប្រស្វាយ ឃុំស្វាយជ្រំ ស្រុករលាប្អៀរ ខេត្តកំពង់ឆ្នាំង។ ដោយឡែកជនបង្កជាជនជាតិចិនដែលព្យាយាមបើករត់គេចនោះ ឮថាត្រូវសមត្ថកិច្ចឃាត់ខ្លួនបានហើយឈ្មោះឆេន បាវរ៉ុង (Chen Baorong) ភេទប្រុស អាយុ ៥១ឆ្នាំ បច្ចុប្បន្នឃាត់ខ្លួនបណ្តោះអាសន្នដើម្បីកសាងសំណុំរឿងតាមនីតិវិធី ករណីមិនព្រមឈប់ និងបន្តរត់គេចខ្លួនពីកន្លែងកើតហេតុ […]

បន្ទាប់ពីការវាយប្រហារតាមអាកាសរបស់អ៊ីស្រាអែលកាលពីថ្ងៃព្រហស្បតិ៍នៅជិតអាកាសយានដ្ឋានអន្តរជាតិរបស់ទីក្រុងដែលត្រូវបានគេរាយការណ៍ថាបានកំណត់គោលដៅគាត់។ ប្រភពសន្តិសុខលីបង់បាននិយាយថា អ៊ីស្រាអែលបន្តទម្លាក់គ្រាប់បែកលើតំបន់នៃការធ្វើកូដកម្ម ដោយរារាំងក្រុមអ្នកជួយសង្គ្រោះមិនឱ្យទៅដល់ទីនោះ។Hezbollah មិនបានធ្វើអត្ថាធិប្បាយលើ Safieddine ទេ។ ការបាត់បង់របស់គាត់នឹងក្លាយជាការប៉ះទង្គិចមួយទៀតដល់ក្រុមនេះ និងជាម្ចាស់ជំនួយរបស់អ៊ីរ៉ង់។ ការវាយប្រហាររបស់អ៊ីស្រាអែលនៅទូទាំងតំបន់កាលពីឆ្នាំមុនបានកើនឡើងយ៉ាងខ្លាំងនៅក្នុងប៉ុន្មានសប្តាហ៍ថ្មីៗនេះ ហើយបានបំផ្លិចបំផ្លាញដល់ការដឹកនាំរបស់ហេសបូឡា។ សង្គ្រាមហ្គាហ្សា អាជ្ញាធរប៉ាឡេស្ទីនបាននិយាយថា សង្រ្គាមរបស់អ៊ីស្រាអែលនៅតំបន់ហ្គាហ្សាដែលបានចាប់ផ្តើមបន្ទាប់ពីការវាយប្រហារកាលពីថ្ងៃទី 7 ខែតុលា និងសំដៅលុបបំបាត់ក្រុមហាម៉ាស់ ដែលជាក្រុមគាំទ្រដោយអ៊ីរ៉ង់ផ្សេងទៀតបានសម្លាប់មនុស្សជិត 42.000 នាក់ នេះបើយោងតាមអាជ្ញាធរប៉ាឡេស្ទីន។ តំបន់មាត់សមុទ្រស្ថិតនៅក្នុងការខូចខាត។ ការិយាល័យប្រព័ន្ធផ្សព្វផ្សាយរបស់រដ្ឋាភិបាលហាម៉ាសដែលគ្រប់គ្រងតំបន់ហ្គាហ្សាបាននិយាយថា យ៉ាងហោចណាស់មនុស្ស 26 នាក់បានស្លាប់ និង 93 នាក់ផ្សេងទៀតបានរងរបួស នៅពេលដែលការវាយប្រហារតាមអាកាសរបស់អ៊ីស្រាអែលបានវាយប្រហារទៅលើវិហារអ៊ីស្លាម និងសាលារៀនមួយកន្លែងសម្រាប់ជនភៀសខ្លួននៅក្នុងតំបន់ហ្គាហ្សាស្ទ្រីបកាលពីព្រឹកថ្ងៃអាទិត្យ។ យោធាអ៊ីស្រាអែលបាននិយាយថាខ្លួនបានធ្វើការវាយប្រហារយ៉ាងជាក់លាក់លើពួកភេរវករហាម៉ាស។ ក្រុមហេសបូឡា បានចាប់ផ្តើមបាញ់រ៉ុក្កែតទៅលើអ៊ីស្រាអែលមួយថ្ងៃបន្ទាប់ពីការវាយប្រហារថ្ងៃទី 7 ខែតុលា ហើយបន្ទាប់ពីអ៊ីស្រាអែលបានចាប់ផ្តើមទម្លាក់គ្រាប់បែកនៅតំបន់ហ្គាហ្សា ដោយនិយាយថា ខ្លួនកំពុងធ្វើសកម្មភាពក្នុងសាមគ្គីភាពជាមួយក្រុមប៉ាឡេស្ទីន។ ភ្លើងឆ្លងព្រំដែនបានបន្តរវាងអ៊ីស្រាអែល និងក្រុមហេសបូឡាអស់រយៈពេលជាច្រើនខែ ប៉ុន្តែភាគច្រើនត្រូវបានកំណត់ត្រឹមតំបន់ព្រំដែនអ៊ីស្រាអែល និងលីបង់ មុនពេលមានការកើនឡើងថ្មីៗនេះ។ អ៊ីស្រាអែលនិយាយថា ខ្លួនបានបង្កើនការវាយលុករបស់ខ្លួនលើក្រុមហេសបូឡាកាលពីខែមុន ដើម្បីអាចឱ្យពលរដ្ឋរាប់ម៉ឺននាក់ត្រឡប់ទៅផ្ទះសម្បែងនៅភាគខាងជើងប្រទេសអ៊ីស្រាអែលវិញ ដោយមានការទម្លាក់គ្រាប់បែកពីក្រុមចាប់តាំងពីថ្ងៃទី 8 ខែតុលា។ អាជ្ញាធរអ៊ីស្រាអែលបាននិយាយកាលពីថ្ងៃសៅរ៍ថា ទាហានអ៊ីស្រាអែល 9 នាក់ត្រូវបានសម្លាប់នៅភាគខាងត្បូងប្រទេសលីបង់រហូតមកដល់ពេលនេះ។ នៅភាគខាងជើងអ៊ីស្រាអែល […]