ដោយ : បន្ទាយ បន្ទាយមានជ័យ : ​ បងប្អូនពលរដ្ឋរងគ្រោះជាអ្នកផ្ទុកមេរោគអេដស៍ចំនួន ៥០គ្រួសារ​ នៅព្រឹកថ្ងៃទី​ ២០​ ខែធ្នូ​ ឆ្នាំ២០២៤ ត្រូវបានសាខាកាកបាទក្រហមផ្ដល់នូវអំណោយមនុស្សធម៌ជូន ​ គឺផ្តល់ក្នុងពិធីទិវាពិភពលោកប្រយុទ្ធនឹងជំងឺអេដស៍​ ០១ធ្នូ​ ២០២៤​ ក្រោមប្រធានបទ​:” សិទ្ធិជាមាគ៌ាឆ្ពោះទៅបញ្ចប់អេដស៍” ប្រារព្ធធ្វើឡើងនាបរិវេណវត្ត​ឃោសត្ថារាម​ស្រះត្រាចជ​ក្នុងសង្កាត់អូរជ្រៅ​ ក្រុងប៉ោយប៉ែតខេត្តបន្ទាយមានជ័យ។ “យើងអាចភ្លេចមេរោគអេដស៍​ តែអេដស៍ពុំដែលភ្លេចយើងឡើយ” ។ នេះគឺជាការនិយាយរបស់លោក ង៉ោ​ ម៉េងជ្រួន​ ប្រធានកិត្តិយសគណៈកម្មាធិការសាខាកាកបាទក្រហមខេត្តបន្ទាយមានជ័យ ។ លោកបានអានសារលិខិតសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាដែលមានខ្លឹមសារថា​ ការប្រារព្ធទិវាពិភពលោកប្រយុទ្ធនឹងជំងឺអេដស៍​ ជាឱកាសដ៏មានសារៈសំខាន់សម្រាប់គូសបញ្ជាក់ពីការយកចិត្តទុកដាក់ រាជរដ្ឋាភិបាលក្នុងការលើកកម្ពស់ភាព​ មិនរើសអើង​ ជាមួយអ្នករស់នៅជាមួយមេរោគអេដស៍​ និងការលើកកម្ពស់សិទ្ធិរស់នៅស្មើមុខស្មើមាត់​ ជាមួយប្រជាពលរដ្ឋទូទៅនៅក្នុងសង្គមជាតិ​ និងជាការបង្ហាញពីវឌ្ឍនភាពការងាររបស់រាជរដ្ឋាភិបាលកម្ពុជា​ ដែលដឹកនាំដោយសម្ដេចមហាបវរធិបតី​ ហ៊ុនម៉ាណែត នាយករដ្ឋមន្ត្រី​ សម្រេចបានមួយឆ្នាំកន្លងមក​ ក្នុងការឈានឆ្ពោះទៅបញ្ចប់អេដស៍នៅកម្ពុជា។ គួរបញ្ជាក់ថា អំណោយមនុស្សធម៌​ ដែលបានយកមកផ្តល់ជូនដល់បងប្អូនក្នុងឱកាសនេះម្នាក់ៗ​ ទទួលបាននូវអង្ករ​២៥គីឡូក្រាម​ មី១កេស​ ត្រីខ១០កំប៉ុងទឹកត្រី១យួរ​ ទឹកដោះគោខាប់២កំប៉ុងស្ករ ១គីឡូក្រាម​ ប្រេងឆា១​ ដប​ នំប្រៃ១ធុង​ និងថវិកាមួយចំនួន។ […]

ដោយ : បន្ទាយ បន្ទាយមានជ័យ : នៅថ្ងៃទី២០ ខែធ្នូ ឆ្នាំ២០២៤ វេលាម៉ោង ០៦:៣០នាទីព្រឹក ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានរៀបចំសណ្ដាប់ធ្នាប់ របៀបរៀបរយ ការពារសន្តិសុខ សុវត្ថិភាព និងទទួលបដិសណ្ឋារកិច្ចឯកឧត្ដម នាយឧត្ដមសេនីយ៍ ឃុន សំបូរ អគ្គនាយករងអន្តោប្រវេសន៍ តំណាងលោកឧត្ដមសេនីយ៍ឯកសុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍ ដែលបានអញ្ជើញមកត្រួតពិនិត្យការដ្ឋានសាងសង់អគារស្នាក់នៅរបស់មន្ត្រី និងបន្ទប់ធ្វើការរដ្ឋបាលនៃប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត។ សំណង់នេះ ជាអំណោយដ៏ថ្លៃថ្លារបស់លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកស្រី កែ សួនសុភី ដែលមានទីតាំងស្ថិតនៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ បើតាមនាយប៉ុស្តិ៍អោយដឹងថា: អគារនេះ បច្ចុប្បន្នសាងសង់បានប្រហែលជា ៣៥% ។ សូមបញ្ជាក់ថា ក្នុងការចុះត្រួតពិនិត្យនេះ លោកនាយឧត្ដមសេនីយ៍ បាននាំយកនូវអំណោយមួយចំនួនចែកជូនដល់បងប្អូនកម្មករដោយក្នុងនោះម្នាក់ៗទទួលបាន ៖ -ថវិកាចំនួន ៥០,០០០៛(ប្រាំម៉ឺនរៀលគត់), មី ១កេស, ត្រីខ ១យួរ, […]

ដោយ : បន្ទាយ ត្រាត-ថៃ: ប្រតិភូរដ្ឋបាលខេត្ត មន្ទីរពាពាណិជ្ជកម្មខេត្ត និងសភាពាណិជ្ជកម្មខេត្តបន្ទាយមានជ័យចំនួន១០រូបដឹកនាំដោយឧកញ៉ា អ៉ឹង វណ្ណម៉ៅ អនុប្រធានសភាពាណិជ្ជកម្មកម្ពុជា និងជាប្រធានសភាពពាណិជ្ជកម្មខេត្តបន្ទាយមានជ័យ កាលពីថ្ងៃទី១៨-១៩ ខែធ្នូ ឆ្នាំ២០២៤​បានអញ្ជើញទៅចូលរួមព្រឹត្តិការណ៍ពង្រឹងសក្តានុពលសេដ្ឋកិច្ច និងការតភ្ជាប់របៀងសេដ្ឋកិច្ចតំបន់ភាគខាងកើត ឆ្ពោះទៅកាន់ពិភពលោក។ តាមរយៈគម្រោងលើកកម្ពស់ផលិតផលស្តង់ដារតំបន់ភាគខាងកើត ដើម្បីបង្កើនឱកាសទីផ្សារឆ្ពោះទៅកាន់ទីផ្សារតាមព្រំដែន និងឆ្លងដែនសម្រាប់សារពើពន្ធប្រចាំឆ្នាំ២០២៥ ។ កម្មវិធីត្រូវបានរៀបចំធ្វើឡើងនៅសណ្ឋាគារTrat City ក្រោមកិច្ចសហការមន្ទីរពាណិជ្ជកម្មខេត្តត្រាត និងរដ្ឋបាលខេត្តត្រាត។ បន្ថែមលើនោះ ក្នុងព្រឹត្តិការណ៍នោះផងដែរ ក៏មានការចាប់ដៃគូពាណិជ្ជកម្ម រវាងសហគ្រិនភាពកម្ពុជាដែលអញ្ជើញទៅពី៥ខេត្ត មានខេត្តបន្ទាយមានជ័យ បាត់ដំបង ប៉ៃលិនពោធិ៍សាត់ និងខេត្តកោះកុង៕

ដោយ៖ កំចាយ កំពត÷ រថយន្តមួយគ្រឿងបានរេចង្កូតបុកបង្គោលស្ពានដោយសារអ្នកបើកបរងោកមួយភាំងបណ្តាលមនុស្សប្រុសស្រី៣នាក់បានស្លា.ប់ និង៤នាក់ទៀតរងរបួសធ្ងន់។ ហេតុការណ៍នេះបានកើតឡើងកាលពីរសៀលថ្ងៃទី២០ ខែធ្នូ ឆ្នាំ២០២៤ នៅលើដងផ្លូវជាតិលេខ៤១ ស្ថិតក្នុងភូមិតាភុល ឃុំស្នាយអញ្ជិត ស្រុកជុំគិរី។ មន្ត្រីនគរបាលចរាចរណ៍ស្រុកជុំគិរីបានប្រាប់ឲ្យដឹងថា កាលពីវេលាម៉ោង២ និង១៥នាទីរសៀលថ្ងៃទី២០ ខែធ្នូ មានករណីគ្រោះថ្នាក់ចរាចរមួយបានកើតឡើងនៅលើកំណាត់ផ្លូវជាតិលេខ៤១ ចន្លោះបង្គោលគីឡូម៉ែត្រលេខ៦៩-៧០ បណ្តាលឲ្យមនុស្សប្រុសស្រីស្លា.ប់ និងរបួសយ៉ាងរន្ធត់បំផុត។ មុនហេតុការណ៍កើតឡើង គេឃើញរថយន្តម៉ាកតូយ៉ូតាកាមរី ពណ៌ស ពាក់ផ្លាកលេខភ្នំពេញ 2A-4507 បើកមកពីទិសខាងជើង។ លុះមកដល់ចំណុចកើតហេតុស្រាប់តែរថយន្តបានរេចង្កូតរួចជ្រុលទៅបុកបង្គោលស្ពានពេញទំហឹងតែម្តង។ ប្រភពដដែលបានបន្តថា ពេលអ្នកជិតខាងចូលទៅជួយក៏ឃើញមនុស្សប្រុសស្រី៣នាក់បានស្លាប់ និង៤នាក់ទៀតរងរបួសធ្ងន់។ តាមការបញ្ជាក់របស់អ្នករងរបួសថា ករណីនេះបណ្តាលមកពីអ្នកបើកបរងោកមួយភាំង។ សមត្ថកិច្ចបានបញ្ជាក់ថា អ្នកដែលបានស្លាប់ រួមមាន ១. ឈ្មោះ យិន ស្រីម៉ៅ ភេទស្រី អាយុ ៤១ឆ្នាំ។ ២. ឈ្មោះ ស៊ី អេង ភេទស្រី អាយុ ៧៣ឆ្នាំ។ ៣. ឈ្មោះ យ៉េន សុវណ្ណពណ្ណរាយ ភេទប្រុស អាយុ […]

ដោយ : បន្ទាយ បន្ទាយមានជ័យ : លោក អ៊ុ រាត្រី អភិបាលខេត្តបន្ទាយមានជ័យឧបត្ថម្ភកង់១គ្រឿងដល់កុមារាវ.ត ស.វ.ធ អាយុ៧ឆ្នាំ រៀនថ្នាក់១ សាលាបឋមសិក្សាគាប ដែលគ្រួសារគ្នាមានជីវភាពខ្វះខាត។ ការផ្តល់អោយកាលពីថ្ងៃទី១៩ខែធ្នូឆ្នាំ២០២៤ ចំឱកាសដែលមន្ទីរសុខាភិបាលនៃរដ្ឋបាលខេត្តបន្ទាយមានជ័យបានប្រារព្ធទិវាពិភពលោកប្រយុទ្ធនឹងជំងឺអេដស៍ ០១ ធ្នូ ឆ្នាំ២០២៤ ក្រោមប្រធានបទ “សិទ្ធិ ជាមាគ៌ាឆ្ពោះទៅបញ្ចប់អេដស៍” ។ រៀនថ្នាក់១ សាលាបឋមសិក្សាគាប នាភូមិគាបសង្កាត់ទឹកថ្លាក្រុងសិរីសោភ័ណខេត្តបន្ទាយមានជ័យ កុមារានេះរស់ដោយគេចិញ្ចឹមក្នុងគ្រួសារគ្នាមានជីវភាពខ្វះខាត។ បើតាមអ៊ំស្រីរបស់កុមារម្តាយស្លាប់(ដោយមេរោគអេដស៍) ចំណែកឪពុក(ផ្ទុកមេរោគអេដស៍ ) បានចាកចេញបាត់ដំណឹង ឱ្យកូនរស់នៅកំព្រា ។ បច្ចុប្បន្នក្មួយកុមាររស់នៅជាមួយគាត់(អ៊ំ ស្រី ) ស្ថិតនៅក្នុងភូមិសង្កាត់ដូចខាងលើ ៕

ដោយ : បន្ទាយ បន្ទាយមានជ័យ :កិច្ចប្រជុំគណៈអភិបាលខេត្តបន្ទាយមានជ័យកាលពីថ្ងៃទី១៩ខែធ្នូឆ្នាំ២០២៤ ដើម្បីពិនិត្យនិងពិភាក្សាលើបញ្ហាសំខាន់៣ ។ លោក អ៊ុ រាត្រី អភិបាល នៃគណៈអភិបាលខេត្តនិងជាប្រធានគណ:បញ្ជារការរដ្ឋបាលខេត្តបន្ទាយមានជ័យបានដឹកនាំកិច្ចប្រជុំគណៈអភិបាលខេត្តនោះនៅសាលប្រជុំ (ក) សាលាខេត្ត ។ ស្មារតីដែលគណៈអភិបាលខេត្តបន្ទាយមានជ័យលើកឡើងគឺដើម្បីពិនិត្យ និងពិភាក្សាអំពី៖ ១- សេចក្តីព្រាងឯកសារត្រៀមរៀបចំសន្និបាតត្រួតពិនិត្យលទ្ធផលការងារនៅថ្ងៃទី​២៦​-២៧​ខែឆ្នូ​ ឆ្នាំ២០២៤ ខាងមុខ​នេះ​ ដើម្បីបូកសរុបលទ្ធផលការងារឆ្នាំ២០២៤ និង​លើកទិសដៅការងារឆ្នាំ២០២៥ របស់រដ្ឋបាលខេត្តបន្ទាយមានជ័យ។ ២-សេចក្តីព្រាងឯកសារតារាងបូកសរុបលទ្ធផលនៃការធ្វើវេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តឆ្នាំ២០២៤ និង ៣- ពិភាក្សាប្រារព្ធកម្មវិធីនៃទីវាជ័យជម្នះ ០៧​ មករា​ ១៩៧៩​-០៧​ មករា​ ២០២៥​ខាងមុខ​នេះ​ ដែលរៀបចំកម្មវិធីនៅទីធ្លាសួនសម្តេចតេជោ​ឈ្នះ​ ឈ្នះ​ ឬអតីតឈ្មោះសួនមានជ័យនិងអតីតឈ្មោះវេទិកា​ខេត្ត​ នាកណ្តាលក្រុងសិរីសោភ័ណ នាភូមិ៣សង្កាត់ព្រះពន្លាក្រុងសិរីសោភ័ណ ៕

សៀមរាប៖ នៅក្នុងបរិវេណអង្គរធំ គម្រោងជួសជុលព្រះលានជល់ដំរី ចំនួន២ទីតាំង នៅផ្នែកខាងជើងប្រវែង២២ម៉ែត្រ និងផ្នែកខាងត្បូងប្រវែង២១ម៉ែត្រ ក្រោមកិច្ចសហប្រតិបត្តិការរវាងអាជ្ញាធរជាតិអប្សរា និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) តាមរយៈទីភ្នាក់ងារបេតិកភណ្ឌកូរ៉េ (KHA) គ្រោងនឹងបញ្ចប់នៅចុងខែមករា ឆ្នាំ២០២៥ ខាងមុខ។ គម្រោងជួសជុលដែលចាប់ផ្ដើមដំណើរការយ៉ាងយកចិត្តទុកដាក់ តាំងពីឆ្នាំ២០១៩មក គឺជួសជុលព្រះលានជល់ដំរី ចំនួន២ទីតាំងក្នុងប្រវែងសរុបជាង៤០ម៉ែត្រ ហើយរហូតមកដល់បច្ចុប្បន្នបានសម្រេចលទ្ធផលស្ទើរតែទាំងស្រុង ដោយនៅសេសសល់តែការដាប់ឆ្លាក់ថ្មថ្មីជំនួសឱ្យថ្មចាស់ដែលបាត់បង់ប៉ុណ្ណោះ។ លោក EO JINKYU ស្ថាបត្យករ និងជាអ្នកគ្រប់គ្រងគម្រោង ឱ្យដឹងថា ការងារជួសជុលព្រះលានជល់ដំរីទាំង២ទីតាំង នៅផ្នែកខាងត្បូងប្រវែងចំនួន២១ម៉ែត្រ បានបញ្ចប់ទាំងស្រុងហើយ។ ចំណែកនៅផ្នែកខាងជើងប្រវែងចំនួន២២ម៉ែត្រ ក៏បានជួសជុលរួចរាល់រចនាសម្ពន្ធផ្សេងៗ គឺនៅសេសសល់តែការដាប់ឆ្លាក់សម្អាតមុខថ្មថ្មីដែលជំនួសថ្មចាស់បាត់បង់។ ការងារនេះនឹងត្រូវបញ្ចប់នៅចុងខែមករា ឆ្នាំ២០២៥ ខាងមុខនេះ។ អ្នកគ្រប់គ្រងគម្រោងដដែលបន្ថែមថា នៅទីតាំងព្រះលានជល់ដំរីប្រវែង២២ម៉ែត្រ នៅផ្នែកខាងជើង គឺបង្កាន់ដៃនាគបានបាត់បង់ទាំងស្រុង ដែលខុសពីផ្នែកខាងត្បូងដែលនៅសេសសល់ និងបានជួសជុលរៀបផ្គុំឡើងវិញទៅតាមលំនាំដើម។ លោក EO JINKYU បញ្ជាក់ថា ស្ថានភាពព្រះលានជល់ដំរីទាំង២ទីតាំង មុនពេលជួសជុលមានហានិភ័យខ្ពស់ ពិសេសផ្នែកខាងជើងបានទ្រេតប្រហែល៨៥ដឺក្រេ។ តាមរយៈកំណាយស្រាវជ្រាវរកឃើញថា គ្រឹះចុះខ្សោយ និងធ្លាប់បានជួសជុលម្ដងមកហើយកាលពីសម័យមុន និងនៅសម័យបារាំង។ ការខូចខាតបណ្តាលមកពីទឹកហូរច្រោះ និងផ្នែកខ្លះធ្លាប់បានជួសជុលមិនសូវមានគុណភាពផង។ ដូច្នេះ […]

ភ្នំពេញ៖ក្រុមហ៊ុន Tandem Partners ដែលជាក្រុមហ៊ុនបណ្តាក់ទុន និងក្រុមហ៊ុន Worldbridge Group ដែលជាក្រុមហ៊ុនប្រតិបត្តិការក្នុងវិស័យ អចលនទ្រព្យ ដឹកជញ្ជូន និងបដិសណ្ឋារកិច្ច បានចុះហត្ថលេខាលើអនុស្សរណៈនៃការយោគយល់គ្នា (MOU) ដើម្បីសហការលើឱកាសអាជីវកម្មនៅក្នុងព្រះរាជាណាចក្រកម្ពុជា និងតំបន់អាស៊ីអាគ្នេយ៍។ ពិធីចុះហត្ថលេខានេះ បានធ្វើឡើងនៅសណ្ឋាគារ Shangri-La រាជធានីភ្នំពេញ កាលពីព្រឹកថ្ងៃទី២០ខែធ្នូឆ្នាំ២០២៤។ ភាពជាដៃគូនេះត្រូវបានផ្តួចផ្តើមឡើងអំឡុងពេលចុះបេសកកម្មដោយដឹកនាំដោយ ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១នៃក្រុមប្រឹក្សាអភិវឌ្ឈន៍កម្ពុជា មានការចូលរួមដោយ អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាល នៃ ក្រុមហ៊ុន WorldBridge Group ទៅកាន់ប្រទេសបារាំង ក្នុងអំឡុងពេលចុះបេសកកម្ម ក្រុមហ៊ុន Worldbridge Group បានជួបសំណះសំណាលជាមួយ ក្រុមហ៊ុន Tandem Partners ដើម្បីស្វែងរកឱកាស វិនិយោគដ៏មានសក្តានុពលមកកាន់ប្រទេសកម្ពុជា។ ក្រោមការចុះអនុស្សរណៈនៃការយោគយល់គ្នានេះ ក្រុមហ៊ុន Tandem Partners និងក្រុមហ៊ុន Worldbridge Group នឹងសហការគ្នាក្នុងវិស័យចម្បងចំនួនពីរ – […]

ដោយ : បន្ទាយ បន្ទាយមានជ័យ ៖ មកទល់ថ្ងៃទី១៩ ខែធ្នូ ឆ្នាំ២០២៤ ខេត្តបន្ទាយមានជ័យបានប្រារព្ធទិវាពិភពលោកប្រយុទ្ធនឹងជំងឺអេដស៍០១ ធ្នូ ឆ្នាំ២០២៤ ក្រោមប្រធានបទ “សិទ្ធិ ជាមាគ៌ាឆ្ពោះទៅបញ្ចប់អេដស៍” ក្រោមអធិបតីភាពលោក ប្លែក វ៉ារី ប្រធានក្រុមប្រឹក្សាខេត្តលោក អ៊ុ រាត្រី អភិបាលនៃគណៈអភិបាលខេត្តបន្ទាយមានជ័យ។ កម្មវិធីធ្វើឡើងនៅសាលប្រជុំធំ សាលាខេត្តបន្ទាយមានជ័យដោយមានការអញ្ជើញចូលរួមពីលោក លោកស្រី អភិបាលរងខេត្ត មន្ទីរអង្គភាពជុំវិញខេត្ត កងកម្លាំងប្រដាប់អាវុធ លោកគ្រូ អ្នកគ្រូ សិស្ស និស្សិត យុវជនស.ស.យ.ក ,កាយរិទ្ធ កាកបាទក្រហម យុវជនអភិវឌ្ឍន៍ខេត្ត យុវជនស្រឡាញ់សន្តិភាព និងតំណាងអ្នកផ្ទុកមេរោគអេដស៍ ។ លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាលខេត្តនៃរដ្ឋបាលបន្ទាយមានជ័យបានអោយដឹងថា ៖ តាមរបាយការណ៍របស់អង្គការ UNAIDS នៅឆ្នាំ២០១២ បានបង្ហាញថានៅលើសកលលោកទាំងមូលមានអ្នកផ្ទុកមេរោគអេដស៍ប្រមាណ៣៤លាននាក់ ក្នុងនោះមនុស្សឆ្លងថ្មីមានប្រមាណ ២លាននាក់ ក្នុង១ឆ្នាំ និងមនុស្សប្រមាណ ១.៧លាននាក់ក្នុង១ឆ្នាំបានបាត់បង់ជីវិតដោយសារជំងឺអេដស៍ដ៏កាចសាហាវនេះ។ សម្រាប់ព្រះរាជាណាចក្រកម្ពុជាយើងឆ្លងតាមការអង្កេត អត្រាប្រេវ៉ាឡង់របស់មជ្ឈមណ្ឌលជាតិប្រយុទ្ធនឹងជំងឺអេដស៍សើស្បែក និងកាមរោគ […]

ដោយ : បន្ទាយ សៀមរាប ៖ នារសៀលថ្ងៃទី១៩ ខែធ្នូ ឆ្នាំ២០២៤ នៅសណ្ឋាគារ សុខាសៀមរាប ឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប ដឹកនាំកម្លាំងក្រោមឱវាទ អញ្ជើញចូលរួមអបអរសាទរទិវាជាតិប្រឆាំងការជួញដូរមនុស្ស ១២ធ្នូ ឆ្នាំ២០២៤ លើកទី១៨ក្រោមប្រធានបទ “កម្ពុជាប្រឆាំងដាច់ខាត់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងសម័យឌីជីថល” ។ លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ អញ្ជើញជាអធិបតីភាព ព្រមទាំងមានការអញ្ជើញចូលរួមពីថ្នាក់ដឹកនាំខេត្ត មន្ទីរ អង្គភាពជុំវិញខេត្តរដ្ឋបាលក្រុង ស្រុក អង្គការដៃគូជាតិ អន្តរជាតិ សិស្ស និស្សិត តំណាងវិស័យឯកជននិងប្រជាពលរដ្ឋផងដែរ ។ យោងគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សស្តីពីការប្រារព្ធ «ទិវាជាតិប្រយុទ្ធប្រឆាំងអំពើជួញដូរមនុស្ស ១២ធ្នូ » លើកទី១៨ ក្រោមប្រធានបទ៖ « កម្ពុជាប្រឆាំងដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយក្នុងយុគសម័យឌីជីថល » ។ ទិវាជាតិប្រឆាំងអំពើជួញដូរមនុស្ស ១២ធ្នូ នេះ ប្រារព្ធឡើង មានគោលបំណងបង្ហាញពីឆន្ទៈមោះមុតរបស់រាជរដ្ឋាភិបាល […]

ដោយ៖ព្រះអង្គខ្មៅ បាត់ដំបង÷ សមត្ថកិច្ច និងមន្ត្រីជំនាញ បានចុះបង្ក្រាបទីតាំងសិប្បកម្មកែច្នៃវល្លិរមៀតមួយកន្លែងក្នុងភូមិសាស្ត្រស្រុកសំឡូត ដោយឃាត់ខ្លួនបានជនបរទេសចំនួន ៣នាក់។ កម្លាំងទីបញ្ជាការកងរាជអាវុធហត្ថខេត្តបាត់ដំបង សហការជាមួយកម្លាំងផ្នែករដ្ឋបាលព្រៃឈើស្រុករតនមណ្ឌល នៅថ្ងៃទី ១៨ ខែធ្នូ ឆ្នាំ ២០២៤កន្លងមកនេះបានឆ្មក់ចុះបង្ក្រាបទីតាំងសិប្បកម្មកែច្នៃវល្លិរមៀតខុសច្បាប់មួយកន្លែង ឋិតនៅត្រង់ចំណុចសៃឡូ ក្នុងភូមិអូរស្ងួត ឃុំតាសាញ ស្រុកសំឡូត ខេត្តបាត់ដំបង ។ យុទ្ធនាការបង្ក្រាបទប់ស្កាត់នេះកម្លាំងអាវុធហត្ថបានឃាត់ខ្លួនបុរសជនជាតិចិនចំនួន ៣នាក់ផងដែរនៅនឹងកន្លែង។ ដោយឡែកវត្ថុតាងដែលពាក់ព័ន្ធក្នុងការដកហូតរួមមាន៖ សាក់សឺរ ចំនួន ១គ្រឿង, ម៉ាស៊ីនកិនវល្លិរមៀតចំនួន ២គ្រឿង, ម៉ាស៊ីនភ្លើង ១គ្រឿង, ម៉ូតូ ១គ្រឿង ព្រមទាំងម្សៅចម្រាញ់ពីវល្លិ័រមៀតមួយចំនួនផងដែរ។ បទល្មើសជាក់ស្តែងខាងលើនេះកម្លាំងកងរាជអាវុធហត្ថបានអនុវត្តវិធានការប្រគល់ទាំងមនុស្ស ក៏ដូចជាវត្ថុតាងទៅឲ្យមន្ត្រីរដ្ឋបាលព្រៃឈើ ចាត់ការតាមនីតិវិធីបន្ត៕

ដោយ៖ឧត្តរ ឧត្តរមានជ័យ÷ឯកឧត្ដម មាន ចាន់យ៉ាដា អភិបាលខេត្តឧត្តរមានជ័យ បានមានប្រសាសន៍ថា កូនៗស្ថិតនៅក្នុងវ័យសិក្សាមានតែការខិតខំប្រឹងប្រឹងប្រែងសិក្សារៀនសូត្រប៉ុណ្ណោះ ទើបកូនមានចំណេះ កូនមានជំនាញ គឺកូនៗមានអនាគតល្អ ក្នុងការស់នៅក្នុងសង្គមមួយដែលកំពុងមានការអភិវឌ្ឍន៍ តម្រូវការកម្លាំងយុវជនដែលមានសមត្ថភាពជាអ្នកដឹកនាំបន្តវេន។ ឯកឧត្តមអភិបាលខេត្តបានលើកឡើងបែបនេះ ក្នុងពិធីសំណេះសំណាលជាមួយសិស្សានុសិស្ស ដែលជាបេក្ខជនប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៤ ដែលទទូលលទ្ធផលនិទ្ទេសAចំនួន៨នាក់។នៅក្នុងនោះម្នាក់ៗទទួលបានរង្វាន់លើកទឹកចិត្តម៉ូតូម៉ាកHonda wave ១គ្រឿង នៅសាលាខេត្តឧត្តរមានជ័យ នាព្រឹកថ្ងៃទី១៩ ខែធ្នូ ឆ្នាំ២០២៤ ។ ឯកឧត្តមអភិបាលខេត្តបន្តថា ការប្រគល់រង្វាន់ម៉ូតូម្នាក់ៗមួយគ្រឿងនាពេលនេះ គឺជារង្វាន់លើកទឹកចិត្តមួយ សម្រាប់កូនៗដែលមានការខិតខំប្រឹងប្រែងរៀនសូត្រទទូលបាននិទ្ទេសល្អនេះ ទុកជាមធ្យោបាយធ្វើដំណើរការសិក្សានៅថ្នាក់ឧត្តមសិក្សាបន្តទៀត។ លោក ប៉ិច រតនា ប្រធានមន្ទីរអប់រំ យុវជន និងកីឡាខេត្តឧត្ដរមានជ័យ បានឱ្យដឹងថា សិស្សដែលជាបេក្ខជន ចុះឈ្មោះប្រឡងសញ្ញាបត្រមធ្យមសិក្សាទុតិយភូមិ (បាក់ឌុប)ឆ្នាំ២០២៤ មានសរុប១៧៥០នាក់។ហើយសិស្សប្រឡងជាប់ ចំនួន១៤៣៩នាក់ ស្រី៧៩៣នាក់ ក្នុងនោះនិទ្ទេសA ចំនួន៨នាក់ ស្រី ៣នាក់។និទ្ទេសB ចំនួន ១០២នាក់ ស្រី ៥៩នាក់។និទ្ទេស C ចំនួន ២៩២នាក់ ស្រី ១៧៩នាក់។និទ្ទេសD […]

ប្រែសម្រួល៖ស-សម្បត្តិ ម៉ូស្គូ៖ អ្នកស៊ើបអង្កេតបានឱ្យដឹងកាលពីថ្ងៃពុធ (ថ្ងៃទី១៨ ខែធ្នូ) ថា រុស្ស៊ីបានចាប់ខ្លួនជនសង្ស័យម្នាក់ក្នុងករណីឃាតកម្មប្រធាននាយកដ្ឋានគីមីយុទ្ធសាស្ត្រនៃកងទ័ព បន្ទាប់ពីនាយទាហានរូបនេះ និងជំនួយការរបស់គាត់ត្រូវបានសម្លាប់ដោយការផ្ទុះគ្រាប់បែកនៅក្រុងម៉ូស្គូកាលពីថ្ងៃមុន។ គណៈកម្មាធិការស៊ើបអង្កេតបានចេញសេចក្តីថ្លែងការណ៍ថា “ជនជាតិអ៊ូសបេគីស្ថានម្នាក់ កើតឆ្នាំ១៩៩៥ ត្រូវបានចាប់ខ្លួនដោយសង្ស័យថាបានប្រព្រឹត្តការវាយប្រហារដែលបណ្តាលឱ្យស្លាប់មេបញ្ជាការកងកម្លាំងការពារវិទ្យុសកម្ម គីមី និងជីវសាស្ត្ររបស់រុស្ស៊ី អ៊ីហ្គ័រ គីរីឡូវ និងជំនួយការរបស់គាត់ អ៊ីលីយ៉ា ផូលីកាប៉ូវ។” សេចក្តីថ្លែងការណ៍បានបន្ថែមថា បុរសរូបនោះបាននិយាយថា គាត់ត្រូវបាន “ជ្រើសរើសដោយកងកម្លាំងពិសេសអ៊ុយក្រែន។” លោក គីរីឡូវ និងជំនួយការរបស់លោកត្រូវបានសម្លាប់កាលពីថ្ងៃអង្គារ នៅពេលពួកគេដើរចេញពីអគារផ្ទះល្វែងមួយនៅពេលព្រឹកព្រលឹម បន្ទាប់ពីគ្រាប់បែកដែលភ្ជាប់នឹងកង់ម៉ូតូស្គូតទ័រមួយគ្រឿងបានផ្ទុះឡើង។ សេចក្តីថ្លែងការណ៍បានឱ្យដឹងថា ជនសង្ស័យបានប្រាប់អ្នកសួរចម្លើយថា គាត់បានមកក្រុងម៉ូស្គូដើម្បីអនុវត្តការវាយប្រហារនេះ ហើយកាមេរ៉ាដែលដំឡើងនៅលើតាប្លូរថយន្តជួលមួយគ្រឿងដែលចតនៅខាងក្រៅអគារ បានថតការវាយប្រហារនេះ និងផ្សាយផ្ទាល់ទៅកាន់អ្នករៀបចំការវាយប្រហារនៅទីក្រុងដនីប្រូ (អ៊ុយក្រែន)។ សេចក្តីថ្លែងការណ៍បានបន្តថា បុរសរូបនោះត្រូវបានសន្យាផ្តល់ប្រាក់ ១០០.០០០ ដុល្លារអាមេរិកសម្រាប់ការវាយប្រហារនេះ ព្រមទាំងលទ្ធភាពតាំងទីលំនៅនៅប្រទេសអឺរ៉ុបមួយផងដែរ។ លោក គីរីឡូវ គឺជាមេបញ្ជាការយោធាជាន់ខ្ពស់បំផុតដែលត្រូវបានឃាតកម្មនៅរុស្ស៊ី ចាប់តាំងពីក្រឹមឡាំងបានបញ្ជូនកងទ័ពទៅកាន់អ៊ុយក្រែនកាលពីជិតបីឆ្នាំមុន។ ការផ្ទុះបានកើតឡើងនៅតំបន់លំនៅដ្ឋាននៅភាគអាគ្នេយ៍ក្រុងម៉ូស្គូ មួយថ្ងៃបន្ទាប់ពីប្រធានាធិបតី វ្លាឌីមៀរ ពូទីន បានសរសើរពីជោគជ័យរបស់កងទ័ពរុស្ស៊ីនៅអ៊ុយក្រែន។ លោក គីរីឡូវ អាយុ ៥៤ ឆ្នាំ […]

ដោយ : បន្ទាយ ភ្នំពេញ ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រះអង្គនឹងយាងបំពេញព្រះរាជទស្សនកិច្ចនៅខេត្ដហៃណាន នៃសាធារណរដ្ឋប្រជាមានិតចិនពីថ្ងៃទី១៩ដល់២១ខែធ្នូ ឆ្នាំ២០២៤ ។ ក្នុងអំឡុងព្រះរាជទស្សនកិច្ចនោះ ព្រះករុណានឹងយាងព្រះសវនាការជាមួយថ្នាក់ដឹកនាំខេត្តហៃណាន(កោះនៅភាគខាងត្បូងចិននិងផ្តល់នូវការចូលបង្គុំគាល់ដល់និស្សិតកម្ពុជានៅខេត្តនេះក៏ដូចជាទស្សនកិច្ចកន្លែងសំខាន់នានា៕

ប្រែសម្រួល៖ ស-សម្បត្តិ អ៊ុយក្រែនបានអភិវឌ្ឍន៍អាវុធឡាស៊ែរដែលអាចបាញ់ទម្លាក់គោលដៅពីចម្ងាយជាងមួយម៉ាយល៍ តាមការអះអាងរបស់មេបញ្ជាការកងកម្លាំងដ្រូនរបស់ប្រទេសនេះ។ ក្នុងកិច្ចប្រជុំកំពូលស្តីពីការការពារជាតិនៅក្រុងគីវកាលពីសប្តាហ៍នេះ លោក វ៉ាឌីម ស៊ូខារេវស្គី មេបញ្ជាការប្រព័ន្ធគ្មានមនុស្សបើកនៃកងកម្លាំងប្រដាប់អាវុធអ៊ុយក្រែនបានថ្លែងថា “សព្វថ្ងៃនេះ យើងអាចបាញ់ទម្លាក់យន្តហោះដោយប្រើឡាស៊ែរនេះនៅកម្ពស់ជាង២គីឡូម៉ែត្រ (១,២ម៉ាយល៍)”។ លោកបានបន្ថែមថា “វាដំណើរការមែនទែន វាមានស្ថិតនៅទីនេះមែនទែន” ដោយយោងតាមការរាយការណ៍របស់ទីភ្នាក់ងារព័ត៌មាន Interfax-Ukraine។ លោកក៏បានបញ្ជាក់ថាកិច្ចខិតខំប្រឹងប្រែងកំពុងត្រូវបានធ្វើឡើងដើម្បីពង្រីកទំហំនិងសមត្ថភាពរបស់អាវុធនេះ។ ឡាស៊ែរនេះមានឈ្មោះថា ទ្រីហ្សុប ដែលជាភាសាអ៊ុយក្រែនមានន័យថា “ត្រីសូល” ដោយយកតាមនិមិត្តសញ្ញាជាតិរបស់អ៊ុយក្រែនដែលតំណាងឱ្យឯករាជ្យភាព កម្លាំង និងឯកភាព។ លោក ស៊ូខារេវស្គី មិនបានផ្តល់ព័ត៌មានលម្អិតបន្ថែមអំពីឡាស៊ែរទ្រីហ្សុបទេ ហើយ CNN មិនអាចផ្ទៀងផ្ទាត់ការអះអាងរបស់លោកបានទេ។ ទោះយ៉ាងណា អ្នកជំនាញបានប្រាប់ CNN ថាអត្ថិភាពនៃទ្រីហ្សុប គឺ “អាចធ្វើទៅបាន”។ លោក ប៉ាទ្រិក សេនហ្វ នៃក្រុមស្រាវជ្រាវអាវុធយុទ្ធភណ្ឌ ដែលជាក្រុមប្រឹក្សាយោបល់ផ្នែកបច្ចេកទេសឯកទេសខាងការស្រាវជ្រាវអាវុធនិងគ្រាប់រំសេវ បានប្រាប់ CNN ថា ខណៈពេលដែលមានព័ត៌មានតិចតួចអំពីប្រព័ន្ធទ្រីហ្សុប “វាអាចធ្វើទៅបានសម្រាប់អ៊ុយក្រែនក្នុងការអភិវឌ្ឍអាវុធថាមពលបញ្ជាទិស (DEW) ដែលមានមុខងារអាចបំផ្លាញគោលដៅលើអាកាសមួយចំនួន”។ “នេះគឺជាការសម្រេចបានយ៉ាងងាយស្រួលដោយប្រើឡាស៊ែរផ្សារពាណិជ្ជកម្មដែលមានលក់នៅលើទីផ្សាររួមជាមួយបច្ចេកវិទ្យាដែលមានស្រាប់ផ្សេងទៀត” លោក សេនហ្វ បានមានប្រសាសន៍ ដោយចង្អុលបង្ហាញពីប្រព័ន្ធអាវុធឡាស៊ែរ (LaWS) […]

រាជធានីភ្នំពេញ៖ នាថ្ងៃពុធ ទី ១៨ ខែធ្នូ ឆ្នាំ ២០២៤ នេះ ក្រុមហ៊ុន ជីប ម៉ុង រីថែល ឯ.ក បានចុះអនុស្សរណៈនៃការយោគយល់គ្នាជាមួយ ក្រសួងវប្បធម៌ និងវិចិត្រសិល្បៈ ស្តីពីកិច្ចសហការលើវិស័យវប្បធម៌ និងសិល្បៈក្នុងរយៈពេល ៥ឆ្នាំ រាប់ពីឆ្នាំ ២០២៥-២០៣០ ដោយមានការចូលរួមក្រោមអធិបតី លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង។ ក្នុងឱកាសនេះ លោកអ្នកឧកញ៉ា លាង ឃុន បានប្រកាសឧបត្ថម្ភទឹកប្រាក់រហូតដល់ ២៥ម៉ឺនដុល្លារ ទៅកាន់ក្រសួងវប្បធម៌ និងវិចិត្រសិល្បៈ ក្នុងរយៈពេល ៥ឆ្នាំ ក្នុងគោលបំណងលើកស្ទួយ និងគាស់រំលីងវប្បធម៌ និងសិល្បៈជាកេរតំណែលដូនតា ឱ្យកាន់តែកៀកនិងទូលំទូលាយដល់ប្រជាពលរដ្ឋកម្ពុជា។ លោកអ្នកឧកញ៉ា លាង ឃុន បានលើកឡើងថា៖ “ផ្សារទំនើបខ្នាតអន្តរជាតិរបស់កូនខ្មែរ ជីប ម៉ុង […]

សៀមរាប៖ ក្រុមអ្នកជំនាញរបស់អាជ្ញាធរជាតិអប្សរា ដែលអនុវត្តគម្រោងជួសជុលរួតទី៣ នៅជ្រុងនិរតីនៃប្រាសាទបាយ័ន ដោយប្រើរយៈពេលជាង៤ខែ បញ្ចប់ដោយជោគជ័យ។ កញ្ញា ម៉េង សុវណ្ណលីលីន ស្ថាបត្យករ និងជាប្រធានការដ្ឋាន ឱ្យដឹងថា គម្រោងជួសជុលដំណាក់កាលទី៣ នៅរួតទី៣នៃជ្រុងនិរតី របស់ប្រាសាទបាយ័ន បានធ្វើឱ្យបង្កាន់ដៃនាគ ធ្នឹម និងកម្រាលថ្ម ដែលខូចខាត ប្រសើរឡើងវិញហើយ។ កាលពីឆ្នាំ២០២១ ក្រុមអ្នកជំនាញនៃអាជ្ញាធរជាតិអប្សរាធ្លាប់បានជួសជុលផ្នែកខ្លះនៃជ្រុងនិរតី របស់ប្រាសាទបាយ័ន ជាដំណាក់កាលទី១ និងកាលពីឆ្នាំ២០២៣ បានជួសជុលដំណាក់កាលទី២ នៅជ្រុងពាយ័ព្យ លើទំហំ១ភាគ៤របស់ប្រាសាទបាយ័ន និងជួសជុលរចនាសម្ពន្ធខឿនផ្នែកខាងលិច។ រួតទី៣ នៅជ្រុងនិរតីនៃប្រាសាទបាយ័ន គឺជាទីតាំងសំខាន់ដែលមានភ្ញៀវទេសចរឆ្លងកាត់ឥតដាច់។ កាលពីមុនពេលជួសជុល គឺធ្នឹមដែលនៅជាប់នឹងខឿនរបស់រួតទី៣បានបែក ដែលអាចប្រឈមនឹងការធ្លាក់ កម្រាលថ្មរងការខូចខាតដោយសារឬសឈើចាក់ចូល ធ្វើឱ្យអ្នកជំនាញត្រូវយកចិត្តទុកដាក់ពង្រឹងរចនាសម្ពន្ធទាំងនោះឡើងវិញ។ ការជួសជុលបានជួយសង្គ្រោះរួតទី៣ នៃប្រាសាទបាយ័ន ឱ្យរួចផុតពីហានិភ័យនានា ព្រមទាំងទប់ស្កាត់ការខូចខាតបានទាន់ពេលវេលា ហើយបច្ចុប្បន្នរួតទី៣ មានភាពរឹងមាំឡើងវិញ និងរក្សាបានទម្រង់ដើមស្ទើរតែទាំងស្រុង៕ អត្ថបទ៖ ឆាយ ផាន់នី កំពុងជួសជុល  

ដោយ : បន្ទាយ បន្ទាយមានជ័យ : គណៈកម្មាធិការសាខាកាកបាទក្រហមខេត្តបន្ទាយមានជ័យ បានប្រជុំបូកសរុបវឌ្ឍនភាពការងារឆ្នាំ២០២៤និងអនុវត្តផែនការសកម្មភាពថវិកាឆ្នាំ២០២៥ របស់សាខាកាកបាទក្រហមខេត្ត ដោយមានការចូលរួមពីអស់លោក លោកស្រី សមាជិកសាខា និងក្រុមមន្ត្រីប្រត្តិបត្តិសាខា។នេះបើតាមនាយកប្រតិបត្តិសាខាបានអោយដឹងកាលពីថ្ងៃទី១៧ ខែធ្នូ ឆ្នាំ២០២៤ លោក អ៊ុំ រាត្រី ប្រធានគណៈកម្មាធិការសាខាបានដឹកនាំកិច្ចប្រជុំនោះ ។ សមាជិកក្រុមប្រតិបត្តិបានធ្វើការលើកឡើងផ្អែកតាមលទ្ធភាពកៀរគរ ចំណូលប្រចាំឆ្នាំរបស់សាខាកាកបាទក្រហមខេត្ត និងអនុវត្តយោងតាមយុទ្ធសាស្ត្រ ២០២១-២០៣០ របស់កាកបាទក្រហមកម្ពុជា សាខាបានរៀបចំផែនការសកម្មភាព និងថវិកាស្របតាមវិស័យអាទិភាព គឺវិស័យអាទិភាពការគ្រប់គ្រងគ្រោះមហន្តរាយ វិបត្តិភ័យ និងការប្រែប្រួលអាកាសធាតុ វិស័យអាទិភាពសុខភាព និងការថែទាំសុខភាពក្នុងសហគមន៍ វិស័យអាទិភាពការលើកកម្ពស់គោលការណ៍គ្រឹះ និងតម្លៃមនុស្សធម៌ និងវិស័យអាទិភាពការអភិវឌ្ឍន៍ស្ថាប័នជាដើម។ បើតាមលោក អ៊ុំ រាត្រី ប្រធានគណៈកម្មាធិការសាខាកាកបាទក្រហមខេត្ត បានកោតសរសើរដោយស្មោះចំពោះ សមាជិក សមាជិកា ក្រុមមន្ត្រីប្រតិបត្តិសាខា រយៈកន្លងមកក៏ដូចជាបច្ចុប្បន្ន បានខិតខំបំពេញការងារស្នូលរបស់ខ្លួនទទួលបានជោគជ័យ ជាពិសេសលើវិស័យជាអាទិភាពចំបងជាងគេគឺ វិស័យមនុស្សធម៌ ទីណាមានប្រជាពលរដ្ឋក្រលំបាក ទទួលរងគ្រោះ ងាយរងគ្រោះ នោះគឺមានកាកបាទក្រហមចុះជួយជានិច្ច ដោយមិនទុកឲ្យនរណាម្នាក់ស្លាប់ដោយអត់អាហារនោះឡើយ ៕

ដោយ៖សហការី ភ្នំពេញ:បុរសម្នាក់ឈ្មោះ រស់ វណ្ណៈ ភេទប្រុស អាយុ៤១ឆ្នាំ ជាកម្មកររោងចក្រ មានស្រុកកំណើតនៅភូមិកំពង់រាប ឃុំកំពង់រាប ស្រុកកោះសូទិន ខេត្តកំពង់ចាម បច្ចុប្បន្នស្នាក់នៅភូមិ ត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ បានស្លាប់នៅក្នុងហេតុការណ៍គ្រោះថ្នាក់ចរាចរណ៍ពេលជិះម៉ូតូចេញពីធ្វើការមិនប្រយ័ត្នជ្រុលទៅបុកនឹងខឿនចែកទ្រូងផ្លូវ។ ហេតុការណ៍នេះបានកើតឡើងបង្កឲ្យមានការភ្ញាក់ផ្អើលនៅវេលាម៉ោង៩និង៣៥នាទីយប់ថ្ងៃទី១៨ខែធ្នូឆ្នាំ២០២៤ ស្ថិតនៅក្នុងតំបន់រោងចក្រកាត់ដេរសម្លៀកបំពាក់ រីម៉ុនដា( ខេមបូឌា)អឹភែរឹល ឯ.ក ស្ថិតនៅក្នុងសង្កាត់ពងទឹក ខណ្ឌដង្កោ រាជធានីភ្នំពេញ៕

ដោយ៖សហការី ភ្នំពេញ៖ ក្មេងប្រុសអាយុ ១១ឆ្នាំម្នាក់ បានទៅលេងទឹកនៅច្រាំងទន្លេមេគង្គហើយបានលង់ទឹកបាត់ប្រមាណជាង១ម៉ោងទើបបងប្អូនជួលជនជាតិខ្មែរអ៊ិស្លាមឲ្យជួយរាវរកឃើញ។ ហេតុការណ៍នេះបង្កឲ្យមានការភ្ញាក់ផ្អើលកើតឡើងកាលពីវេលាម៉ោង ៣និង៣០នាទីរសៀល នៅថ្ងៃទី១៨ ខែធ្នូ ឆ្នាំ ២០២៤ ស្ថិតនៅត្រង់ចំណុចមុខវត្តខ្ទរ ភូមិខ្ទរ សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ។ ក្មេងដែលលង់ទឹកស្លាប់នោះឈ្មោះ ពិសិដ្ឋ រិទ្ធី ភេទប្រុស អាយុ១១ឆ្នាំ ជាសិស្សថ្នាក់ទី ៥ នៃសាលាបឋមសិក្សាវត្តខ្ទរ មានលំនៅឋានក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ៕