ដោយ : បន្ទាយ
បន្ទាយមានជ័យ៖ ថ្ងៃទី០៣ខែមេសា ឆ្នាំ២០២៥ លោកកែ គឹមយ៉ាន អ្នកតំណាងរាស្ត្រមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ រួមនិងលោកជំទាវ ម៉ៅ ម៉ាល័យកែ គឹមយ៉ាន បានអញ្ជើញជាអធិបតីភាពក្នុងពិធីកាត់ឫសសីមាសម្ពោធឆ្លងព្រះវិហារថ្មីស្ថិតនៅវត្តរតននិមិត្តសំពៅផល ក្នុងឃុំរហាត់ទឹក ស្រុកមង្គលបូរី ខខេត្តបន្ទាយមានជ័យ និងមានការអញ្ជើញចូលរួមពីសំណាក់ឯកឧត្តមលោកជំទាវ សមាជិកព្រឹទ្ធសភា ព្រះសង្ឃ អាចារ្យ គណៈកម្មការ ពុទ្ធបរិស័ទសមាជិករដ្ឋសភាប្រធានក្រុមប្រឹក្សាខេត្ត អភិបាលខេត្តនិងមន្ត្រី អ្នកពាក់ព័ន្ធ ។
លោក រ័ត្ន ដាស៊ីណង់ អភិបាលស្រុកមង្គលបូរី បានបញ្ជាក់ថា ព្រះវិហារថ្មីដែលបានដាក់សម្ពោធឆ្លងនៅថ្ងៃនេះមានបណ្ដោយ២២ម៉ែត្រ ទទឹង១២,៤៥ម៉ែត្រ ផ្ដើមកសាងចាប់ពីថ្ងៃទី៥ខែកញ្ញា ឆ្នាំ២០២២ បញ្ចប់ស្ថាបនារួចរាល់នាដើមឆ្នាំ២០២៥ ដោយចំណាយថវិកាអស់សរុបចំនួន៣២៨. ៤៤១ដុល្លារសហរដ្ឋអាមេរិក ហើយការកសាងនូវសមិទ្ធផលដ៏ធំនេះ ដើមឡើយព្រះគ្រូចៅអធិការវត្តនាពេលបច្ចុប្បន្នព្រះនាមកេត ភីរ៉ា រួមនិងពុទ្ធបរិស័ទឬសប្បុរសជនក្នុងនិងក្រៅប្រទេស។
ព្រះតេជគុណ ទូច សាទរ ព្រះរាជាគណ:ថ្នាក់ទោ ព្រះមេគណរាជធានីភ្នំពេញ- ព្រះរាជតំណាងសម្តេចមហាសង្ឍឃរាជធាធិបតីបួរ គ្រី សម្តេចព្រះសង្ឃរាជនៃគណ:ធម្មយុត្តិក:និកាយបានថ្លែងអំណរព្រះគុណ អរគុណដល់មន្ត្រីសង្ឃ គ្រូចៅអធិកាដរវត្តនិងព្រះសង្ឃ ព្រមទាំងញោមញាតិមន្ត្រី កងកម្លាំង ពុទ្ធបរិស័ទ សប្បុរសជនដែលបានរួបរួមសាមគ្គី ស្រុះស្រួល ហើយឈានដល់កសាងបានព្រះវិហារដ៏ល្អប្រពៃថ្មីនិងសមិទ្ធផលនានាក្នុងវត្ត.។
លោក កែ គឹមយ៉ាន បានពាំនាំមានប្រសាសន៍ផ្ដាំផ្ញើសាកសួរសុខទុក្ខពីសំណាក់សម្តេចតេជោ ហ៊ុនសែន ប្រធានព្រឹទ្ធសភា និងសម្តេចមហាព្រះអធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានធ្វើឲ្យប្រទេសជាតិ ទទួលបាននូវសុខសន្តិភាព និងការអភិវឌ្ឍរីកចម្រើនលើគ្រប់វិស័យ ទាំងអាណាចក្រនិងពុទ្ធចក្រ។
លោកកែ គឹមយ៉ានមានប្រសាសន៍បន្តថា: ព្រះពុទ្ធសាសនាជាសាសនារបស់រដ្ឋហើយត្រូវបានរាជរដ្ឋាភិបាលយកចិត្តទុកដាក់ខ្ពស់លើការពង្រឹងពង្រីកលើ ព្រះពុទ្ធសាសនា មានការរីកចម្រើនជាបន្តបន្ទាប់ ហើយគ្រប់សាសនាទាំងអស់ក៏បានរួមគ្នាធ្វើឲ្យមាននូវសុខដុមនីយកម្មសាសនា នៅកម្ពុជាយ៉ាងល្អប្រសើរ ដើម្បីរួមចំណែកថែរក្សាឲ្យបាននូវសុខដុមរមនាសង្គម សន្តិភាពហើយគុណតម្លៃ និងផលប្រយោជន៍ ការប្រតិបត្តិតាមធម៌វិន័យ ការគោរពច្បាប់ការលើកកម្ពស់សុជីវធម៌គុណធម៌ សីលធម៌ គុណធម៌ និងសីលធម៌។
ចុងក្រោយគណៈអធិបតី បានបំពាក់នូវគ្រឿងឥស្សរិយយស និងចែកជូនអំណោយដល់តាជីយាជី សិស្សានុសិស្ស និងប្រជាពលរដ្ឋដែលបានចូលរួម ព្រមទាំងកាត់ឫសសីមាព្រះវិហារដើម្បីអោយប្រើប្រាស់ គោរពសក្ការ: បន្តទៅទៀត៕
