ដោយ : បន្ទាយ

បន្ទាយមានជ័យ៖ ខេត្តបន្ទាយមានជ័យ្រទេសសកម្ពុជា ខេត្តដុងថាបប្រទេសវៀតណាមត្រូវពង្រឹងបន្ថែមទៀតកិច្ចសហប្រតិបត្តការផ្នែកសេដ្ឋកិច្ច សង្គមកិច្ច។

បានដឹងដូច្នេះកាលពីល្ងាចថ្ងៃទី០២ខែមេសាឆ្នាំ២០២៥ ខណ:លោក​ ប្លែក​ វ៉ារី​ ប្រធានក្រុម​ប្រឹក្សាខេត្ត​ និងលោក អ៊ុំ រាត្រី អភិបាល នៃគណៈអភិបាលខេត្ត​ រួមនឹងមេបញ្ជាការកងកម្លាំងទាំង៣​ មន្ទីរ​ អង្គភាពពាក់ព័ន្ធជុំវិញខេត្ត​ ទទួលស្វាគមន៍​គណៈប្រតិភូខេត្តដុងថាប់ នៃសាធារណរដ្ឋសង្គមនិយមវៀតណាម​ ដែលដឹកនាំដោយ​ លោកហ្វ៊ិញ មិញត្វឹន សមាជិកគណៈអចិន្រ្តៃយ៍ នៃគណៈកម្មាធិការគណៈបក្សខេត្ត និងជាអនុប្រធានគណៈកម្មាធិការប្រជាជនខេត្តដុងថាប់ ជាប្រធានប្រតិភូមកបំពេញទស្សនកិច្ច និងជូនពរឆ្នាំថ្មី ប្រពៃណីជាតិខ្មែរ ឆ្នាំ២០២៥ ជូនដល់ថ្នាក់ដឹកនាំនៃរដ្ឋបាលខេត្តបន្ទាយមានជ័យ នៃព្រះរាជណាចក្រកម្ពុជា។ជំនួបនោះប្រារព្ធ​ឡើង​នៅសាលប្រជុំ (ក) សាលាខេត្ត ។

លោកអ៊ុំ រាត្រី អភិបាលខេត្តបន្ទាយមានជ័យបានបង្ហាញពីសក្ដានុពលរបស់ខេត្ត ដែលមានវិសាលភាពផ្ទៃដីកសិកម្មធំធេងមានជីវជាតិសម្រាប់ធ្វើស្រែចម្ការ ,ច្រកទ្វារអត្តរជាតិធំៗចំនួនពីរគឺច្រកទ្វារអន្តជាតិប៉ោយប៉ែត សម្រាប់ទទួលភ្ញៀវទេសចរ និងច្រកទ្វារអន្តជាតិស្ទឹងបត់សម្រាប់សម្រួលការដឹកជញ្ជូនទំនិញចេញចូល ក្រៅពីនេះក៏មានផ្លូវដែក១ខ្សែនិងផ្លូវជាតិ៥ខ្សែនិងបណ្តាញផ្លូវ ហេដ្ឋារចនាសម្ព័ន្ធ ងាយស្រួលដឹកជញ្ជួនផលិផលក្នុងស្រុក ក៏ដូចចេញទៅក្រៅប្រទេសផងដែរ។ហេតុនេះភាគីមិត្ត ក៏អាចមកពិនិត្យលទ្ធភាពវិនិយោគ ។

លោក លោកហ្វ៊ិញ មិញត្វឹន សមាជិកគណៈអចិន្រ្តៃយ៍ នៃគណៈកម្មាធិការគណបក្សខេត្ត និងជាអនុប្រធានគណៈកម្មាធិការប្រជាជនអនុប្រធានប្រចាំការក្រុមបខេត្តដុងថាបនិងជាប្រធានប្រតិភូ ថ្លែងអំណរគុណដល់កិច្ចសហប្រតិបត្តការល្អរវាងខេត្តទាំងពីរបន្ទាយមានជ័យ-ដុងថាបស្របតាមអនុស្សារណ:យោគយល់គ្នា(MoU)កន្លងមក ហើយកំពុងពិនិត្យជ្រើសរើសពេលវេលាណាមួយនិងអាចនៅខេត្តណាមួយដើម្បីចុះហត្ថលេខាបន្តសុពលភាព៥ឆ្នាំទៀតពីឆ្នាំ២០២៥ នេះតទៅ ពោលគឺបន្តពង្រឹង ពង្រីកកិច្ចសហប្រតិបត្តការផ្នែកសេដ្ឋកិច្ច សង្គមកិច្ច ។ក្នុងនោះ លោកក៏លើកឡើងពីសក្តានុពលនៃខេត្តដុងថាបផងដែរ ពិសេសលើវិស័យសេដ្ឋកិច្ច ជលផល។ក្នុងនោះ ផលិតផលត្រីចិញ្ចឹមបានលក់មកក្នុងទូទាំងប្រទេសកម្ពុជានិងនាំទៅសរអា អឺរ៉ុប អាហ្វ្រិក។

សូមរំលឹកថា ជាការកត់សម្គាល់ ខេត្តបន្ទាយមានជ័យមានខេត្តសម្ព័ន្ធមេត្រីភាពជាមួយវៀតណាមចំនួន២គឺខេត្តវិញឡុងនិងដុងថាប នៅភាគខាងត្បូង។

នៅរៀងរាល់រដូវបុណ្យចូលឆ្នាំថ្មី ប្រពៃណីជាតិតាមចន្ទគតិ ខេត្តនិមួយៗតែងបញ្ជូនគណ:ប្រតិភូជាន់ខ្ពស់នៃរដ្ឋបាលខេត្ត, គណៈកម្មាធិការប្រជាជននិងគណបក្សទៅសួរសុខទុក្ខ ជូនពរ ប្រជុំពិភាក្សានិងទស្សនកិច្ច។

សម្រាប់ខេត្តបន្ទាយមានជ័យ ប្រតិភូតែងតែដឹកនាំដោយអភិបាលនៃគណ:អភិបាលនិងជាប្រធានគណបក្សប្រជាជនកម្ពុជានិងប្រធានឬតំណាងក្រុមប្រឹក្សាខេត្ត។

ប៉ុន្តែ សម្រាប់ខេត្តដុងថាប់និងខេត្តវិញឡុងវិញ  ប្រតិភូមានត្រឹមអនុប្រធានគណ:កម្មាធិការប្រជាជនខេត្ត,  អនុប្រធានគណបក្សកុំម្មុយនីសវៀតណាមខេត្ត,អនុប្រធានក្រុមប្រឹក្សាខេត្តនិងសមាជិកប៉ុណ្ណោះ៕