ដោយ : បន្ទាយ

បន្ទាយមានជ័យ៖ លោក អ៉ឹង គឹមសេង សមាជិកអចិន្ដ្រៃយ៍ នៃសហភាពសហព័ន្ធយុវជនកម្ពុជាខេត្តបន្ទាយមានជ័យ តំណាងលោក កែ សួន សុភាព ប្រធានស.ស.យ.ក. ខេត្តបន្ទាយមានជ័យ បានដឹកនាំសមាជិក សមាជិកាស.ស.យ.ក. ស្រុក -ខេត្ត រសៀលថ្ងៃទី២២ ខែធ្នូ ឆ្នាំ២០២៤ បន្តដំណើរទស្សនកិច្ចដោយអញ្ជើញចូលរួមពីក្រុម “ព្រឹត្តិការណ៍ បេះដូងអច្ឆរិយ” ដែលដឹកនាំដោយសាយ (SAI) ឆ្ពោះទៅកាន់សហគមន៍តម្បាញសូត្រក្រមាខ្មែរនិងទៅកាន់អាងត្រពាំងថ្ម ដែលជាកន្លែងប្រវត្តិសាស្ត្រមួយនៅកម្ពុជានៅក្នុងស្រុកភ្នំស្រុក និងវិលមកទស្សនាតំបន់អភិរក្សសត្វស្លាបអាវៀន កេះ ស្ថិតនៅស្រុកព្រះនេត្រព្រះ។ លុះដល់ពេលរាត្រីបានត្រឡប់មកស្នាក់នៅក្រុងសិរីសោភ័ណ ។

បន្តមកទៀត ព្រឹលឹមស្រាងៗ ថ្ងៃទី២៣ ខែធ្នូ ឆ្នាំ២០២៤  ក្បួនបានដឹកនាំសមាជិក សមាជិកាស.ស.យ.ក. ក្រុង/ស្រុក -ខេត្ត ចូលរួមជូនដំណើរ “ព្រឹត្តិការណ៍ បេះដូងអច្ឆរិយ” ដែលដឹកដោយសាយ (SAI) ពីក្រុងសិរីសោភ័ណ ដើម្បីបន្តដំណើរឆ្ពោះកាន់ខេត្តសៀមរាប ៕