ដោយ : បន្ទាយ

សៀមរាប ៖ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប និងជាប្រធានក្រុមនាយទាហានកងយោធពលខេមរភូមិន្ទបញ្ចប់ការសិក្សាពីបណ្ឌិត្យសភាយោធាអូស្រ្តាលី (RARA) និងសមាជិកក្រុម បានចុះសួរសុខទុក្ខ និងនាំយកអំណោយចែកជូនដល់ សិស្សានុសិស្ស លោកគ្រូអ្នកគ្រូ ក៏ដូចជាលោកនាយក នៃសាលាបឋមសិក្សាវត្តកំពង់ភ្លុក ស្ថិតនៅភូមិដីក្រហម ឃុំកំពង់ភ្លុក ស្រុកប្រាសាទបាគង ខេត្តសៀមរាប។

មន្ត្រីក្រុមការងារបានឲ្យដឹងកាលពីថ្ងៃទី២៥ខែវិច្ឆិកាឆ្នាំ២០២៤ថា: អំណោយរួមមាន៖ ថវិកា, គ្រឿងឧបភោគបរិភោគ, សម្ភារប្រើប្រាស់ក្នុងការងាររដ្ឋបាល រួមនិងសម្ភារសិក្សាជាច្រើនមុខទៀត។

កញ្ចប់ជំនួយសប្បុរសធម៌នេះគឺជំនួយដ៏មានតម្លៃក្នុងការឧបត្ថម្ភដល់សិស្សានុសិស្ស ទ្រទ្រង់ការបង្ហាត់បង្រៀន ព្រមទាំងជួយឧបត្ថម្ភដល់លោកគ្រូ អ្នកគ្រូនៅក្នុងសាលា បានមួយកម្រិតផងដែរ។

សប្បុរសជនដែលបានចូលរួមបន្ថែមមាន៖

– លោក ហេង វ៉ាពុទ្ធិរាជ

– លោក ទេព បូវីន

– កញ្ញាវេង នុជម៉ានយ៉ាន

– លោក ម៉ុល គុណពិសិដ្ឋ

– លោក លឹម តារា

– លោក Ung Vengtech

– លោក Tep Janchumnit

– លោក Tep Senyurik

– អ្នកស្រី Sophy San and Michael Lun with family (USA)

– លោក Chamroeun Sun and Chanda Hy and family (USA)

– លោក Bumping Ly and Kim Kim Sour with family (USA)

– លោក Dominic Chea and Phalla Eang (USA)

– លោក Menghong Eang and Chhoeung Sreyoun and family (USA)

– លោក Vanna San and Moniroth Theara and family (USA)

– លោក Sothera Svay and Leaksmy Loek and family (USA)

– លោក Sokhan Sok and Kea Yang and family (USA) និងសប្បុរសជនដទៃទៀត។

ក្នុងឱកាសនោះ លោកនាយកសាលា បានថ្លែងអំណរអរគុណយ៉ាងជ្រាលជ្រៅចំពោះចិត្តសប្បុរសរបស់ លោកឧត្តមសេនីយ៍ត្រី សៀ ទីន រួមជាមួយសមាជិកក្រុម (RARA) ដែលបាននាំយកអំណោយ រួមនឹងសម្ភារចាំបាច់ជាច្រើនមុខឧបត្ថម្ភដល់លោកគ្រូ អ្នកគ្រូនិងសិស្សានុសិស្ស នៃសាលាបឋមសិក្សាវត្តកំពង់ភ្លុក ៕