ដោយ: ព្រះអង្គខ្មៅ

បាត់ដំបង÷ ប្រជាពលរដ្ឋបានប្រទះឃើញគ្រាប់កាំភ្លើង និងគ្រាប់បែកដៃមិនទាន់ផ្ទះជិត ២៩គ្រាប់នៅក្នុងតំបន់អតីតសមរភូមិប្រយុទ្ធក្តៅ ខេត្តបាត់ដំបង។

សមត្ថកិច្ចមូលដ្ឋានបានបញ្ជាក់ឲ្យដឹងថា÷ គ្រាប់យុទ្ធភ័ណ្ឌខាងលើត្រូវបានបងប្អូនប្រជាពករដ្ឋប្រទះឃើញនៅព្រឹក ថ្ងៃទី២៤ ខែវិច្ឆិកា ឆ្នាំ២០២៤ ត្រង់ចំណុចក្បែរព្រៃសហគមន៍ឋិតក្នុងភូមិតាតោក ឃុំតាតោក ស្រុកសំឡូត ខេត្តបាត់ដំបង​។

គ្រាប់ទាំងដែលពលរដ្ឋប្រទះឃើញនេះមានចំនួន ២៩គ្រាប់ ក្នុងនោះមានគ្រាប់កាំភ្លើងត្បាល់ ៦០មីលីម៉ែត្រចំនួន ១៨គ្រាប់, គ្រាប់កាំភ្លើងត្បាល់ ៧២មីលីម៉ែត្រចំនួន ៥គ្រាប់, គ្រាប់បែកដៃ F១ មួយគ្រាប់ និងគ្រាប់ B៤០ ចំនួន ៥គ្រាប់ផងដែរ។

មន្ត្រីដដែលបានបន្តថា÷ គ្រាប់កាំភ្លើង និងគ្រាប់បែកនេះជាយុទ្ធភ័ណ្ឌនៅសេសសល់ពីសម័យសង្គ្រាម ដែលមួយចំនួននៅមានគុណភាពអាចបង្កការគ្រោះថ្នាក់បាន។ ក្រោយមានទំនាក់ទំនង និងកិច្ចសហប្រតិបត្តិការមន្ត្រីជំនាញ Hallo trust បានចុះរំដោះយកទៅរក្សាទុករងចាំពេលវេលាកម្ទេចចោលពេលក្រោយ៕