ប្រែសម្រួល៖ តារា
ក្របខ័ណ្ឌបាល់ទាត់ Premier League នឹងធានាបានយ៉ាងតិចក្រុមចំនួន៥ ក្នុងការប្រកួតពាន Champions League រដូវកាល២០២៥-២៦ បន្ទាប់ពីការឈ្នះដ៏អស្ចារ្យរបស់ក្រុមអាសេណលដែលយកឈ្នះក្រុមរៀល ម៉ាឌ្រីដ (Real Madrid) ដោយលទ្ធផល ៣-០ ក្នុងជើងទី១ នៃវគ្គផ្តាច់ព្រ័ត្រ Champions League កាលពីថ្ងៃអង្គារ។
ក្របខ័ណ្ឌកំពូលរបស់អង់គ្លេសត្រូវការតែការឈ្នះមួយប៉ុណ្ណោះពីក្លឹបរបស់ខ្លួនក្នុងការប្រកួតបាល់ទាត់អឺរ៉ុបទាំងបីដើម្បីធានាបានកៅអីបន្ថែមមួយក្នុងចំណោមពីរ – លើសពីចំនួនបួនដែលផ្តល់ឱ្យក្រុមទាំងបួនដែលឈរនៅលំដាប់កំពូលក្នុងតារាងពិន្ទុ – ដែលបានផ្តល់ឱ្យប្រទេសដែលស្ថិតនៅលំដាប់ខ្ពស់បំផុតក្នុងចំណាត់ថ្នាក់មេគុណ UEFA។
នៅក្នុងប្រព័ន្ធនេះ ក្រុមទទួលបានពីរពិន្ទុសម្រាប់ការឈ្នះមួយ និងមួយពិន្ទុសម្រាប់ការស្មើ ដោយបូកបញ្ចូលគ្នានូវពិន្ទុទាំងអស់ដែលក្លឹបនីមួយៗទទួលបាន ហើយចែកនឹងចំនួនក្លឹបពីលីកនោះដែលចូលរួមក្នុងការប្រកួតនៅអឺរ៉ុប។
ប្រទេសអង់គ្លេសអាចមានក្រុមរហូតដល់ប្រាំពីរក្រុមក្នុងការប្រកួត Champions League ខាងមុខនេះ ប្រសិនបើក្រុម Aston Villa ឈ្នះពាននេះនៅឆ្នាំនេះដោយមិនបានឆ្លងកាត់តាមរយៈតារាងពិន្ទុ Premier League ហើយប្រសិនបើក្រុម Manchester United ឬក្រុម Tottenham Hotspur ឈ្នះពាន Europa League។
ប្រទេសអ៊ីតាលីកំពុងនាំមុខក្នុងការប្រកួតប្រជែងដើម្បីទទួលបានកន្លែងបន្ថែមទីពីរ ដោយមានប្រទេសអេស្ប៉ាញ និងប្រទេសអាល្លឺម៉ង់នៅពីក្រោយ។
ក្រុម Liverpool ដែលនាំមុខក្នុង Premier League និងក្រុម Arsenal ដែលឈរនៅលំដាប់ទីពីរ ហាក់ដូចជាកំពុងត្រៀមខ្លួនដើម្បីទទួលបានកៅអីពីរក្នុងចំណោមកៅអីទាំងប្រាំដែលមាន ខណៈពេលដែលក្រុម Nottingham Forest រក្សាបានជំហរដ៏រឹងមាំនៅលំដាប់ទីបី។
ក្រុម Chelsea, Newcastle United, Manchester City, Aston Villa, Brighton & Hove Albion និងក្រុមលំដាប់ទី១០ Bournemouth នៅតែមានគម្លាតពិន្ទុប្រាំបីពីគ្នា៕
ប្រភព៖ Reuters
