ប្រែសម្រួល៖ តារា

តារាចម្រៀង​ប៉ុប Lady Gaga នឹង​ធ្វើ​ការ​សម្តែង​នៅ​ពហុកីឡដ្ឋាន​ជាតិ​សិង្ហបុរី​ក្នុង​ខែ​ឧសភា។ អ្នកចម្រៀងរូបនេះនឹងធ្វើការសម្តែងចំនួនបួនលើកនៅទីនោះ ដោយចាប់ផ្តើមនៅថ្ងៃទី១៨ ខែឧសភា។ ការសម្តែងបន្ថែមគឺនៅថ្ងៃទី១៩ ទី២១ និងទី២៤ ខែឧសភា។ សិង្ហបុរីនឹងជាទិសដៅតែមួយគត់របស់នាងនៅអាស៊ី។

ការលក់សំបុត្រនឹងចាប់ផ្តើមនៅថ្ងៃទី១៨ ខែមីនា តាមរយៈ ticketmaster.sg ដោយមានការលក់ជាមុន (presales) ផ្សេងៗ។ ការលក់ជាមុនរបស់ Mastercard នឹងប្រព្រឹត្តទៅចាប់ពីថ្ងៃទី១៨ ខែមីនា ម៉ោង១០ព្រឹក ដល់ថ្ងៃទី២០ ខែមីនា ម៉ោង៩:៥៩នាទីព្រឹក។

ការលក់ជាមុនរបស់ Klook នឹងប្រព្រឹត្តទៅចាប់ពីថ្ងៃទី១៩ ខែមីនា ម៉ោង១០ព្រឹក ដល់ថ្ងៃទី២១ ខែមីនា ម៉ោង៩:៥៩នាទីព្រឹក។

ការលក់ជាមុនរបស់ KrisFlyer នឹងប្រព្រឹត្តទៅនៅលើគេហទំព័រ www.ticketmaster.sg នៅថ្ងៃទី២០ ខែមីនា ចាប់ពីម៉ោង១២ថ្ងៃត្រង់ ដល់ថ្ងៃទី២១ ខែមីនា ម៉ោង១១:៥៩នាទីព្រឹក។

ការលក់ជាមុនរបស់ Live Nation នឹងប្រព្រឹត្តទៅនៅថ្ងៃទី២០ ខែមីនា ចាប់ពីម៉ោង១២ថ្ងៃត្រង់ ដល់ម៉ោង១១:៥៩នាទីយប់។

ការលក់សំបុត្រជាទូទៅនឹងចាប់ផ្តើមនៅថ្ងៃទី២១ ខែមីនា។

អ្នកចម្រៀងរូបនេះធ្លាប់សម្តែងនៅសិង្ហបុរីចុងក្រោយក្នុងឆ្នាំ២០១២ សម្រាប់ទស្សនកិច្ចតន្ត្រី Born This Way Ball របស់នាង ពេលនោះនាងបានសម្តែងចំនួនបីលើកនៅពហុកីឡដ្ឋានក្នុងអគារសិង្ហបុរី។ នាងក៏ធ្លាប់ធ្វើការសម្តែងតន្ត្រីនិងការសម្តែងពិសេសៗនៅឆ្នាំ២០០៩ និង២០១១ផងដែរ។

ការប្រកាសអំពីការសម្តែងនៅសិង្ហបុរីនេះ មានព្រឹត្តិការណ៍ប្រហាក់ប្រហែលគ្នាជាមួយនឹងការចេញផ្សាយអាល់ប៊ុមស្ទូឌីយោទី៧របស់នាងដែលមានឈ្មោះថា Mayhem នៅថ្ងៃទី៧ ខែមីនា៕

ប្រភព៖ CNA/sr