ប្រែសម្រួល៖តារា

ញូវខាសល អង់គ្លេស៖ ក្រុមអាសេណលបានខ្វះភាពស្ងប់ស្ងាត់ធម្មតារបស់ខ្លួន នេះបើតាមការលើកឡើងរបស់គ្រូបង្វឹក មីកែល អាតេតា ដែលក្រុមរបស់លោកបានធ្លាក់ចេញពីពានរង្វាន់ League Cup នៅវគ្គពាក់កណ្តាលផ្តាច់ព្រ័ត្រ ដោយចាញ់ក្រុមញូវខាសល យូណៃធីដ ដោយលទ្ធផលសរុប ៤-០ កាលពីថ្ងៃពុធ។

អាតេតាបានថ្លែងថា ក្រុមរបស់លោកបានមកដល់ដោយមានក្តីសង្ឃឹមខ្ពស់ថា ពួកគេអាចប្រែក្រឡាស្ថានការណ៍ពីការចាញ់ ២-០ នៅជើងទីមួយ ប៉ុន្តែក្រោយពី ម៉ាទីន អូដេហ្គាដ ខកខានឱកាសល្អមួយនៅដើមប្រកួត ក្រុមក៏ចាប់ផ្តើមធ្លាក់ចុះ។

តិចជាងពីរនាទីក្រោយការខកខានរបស់ អូដេហ្គាដ ចាកុប ម៊ឺហ្វី បានធ្វើឱ្យអាសេណាលកាន់តែពិបាកក្នុងការប្រែក្រឡាស្ថានការណ៍ ដោយស៊ុតបញ្ចូលទីពីបាល់រប៉ះបង្គាលទីរបស់ អាឡិចសាន់ដឺ អ៊ីសាក់។

“ដើម្បីជឿថាយើងអាចប្រែក្រឡាស្ថានការណ៍បាន យើងត្រូវការបង្កើតសន្ទុះ ជាពិសេសនៅពាក់កណ្តាលទីមួយ” អាតេតាបានប្រាប់អ្នកកាសែត។ “បន្ទាប់មក យើងមានឱកាសពីរដ៏ធំជាមួយ ម៉ាទីន យើងមិនបានប្រើប្រាស់សកម្មភាពបន្ទាប់ ពួកគេស៊ុតចូល ហើយច្បាស់ណាស់ ប្រកួតក៏ផ្លាស់ប្តូរ។”

“បន្ទាប់មក អ្នកត្រូវតែនៅស្ងប់ស្ងាត់ ដើម្បីស៊ុតបញ្ចូលទីឱ្យបានឆាប់តាមដែលអាចធ្វើទៅបាន។ យើងមិនបានគ្រប់គ្រងធ្វើបែបនេះនៅពាក់កណ្តាលទីមួយទេ ទោះបីយើងមានឱកាសល្អមួយទៀតក៏ដោយ។ នៅពាក់កណ្តាលតង់ទីពីរ យើងចាប់ផ្តើមមានការលំបាក។ ប្រកួតចាប់ផ្តើមគេចផុតពីដៃយើង។”

អាសេណលមានការរំខានតាំងពីដើមដោយសារការសង្កត់ដ៏ខ្លាំងរបស់ញូវកាសល ដោយខ្សែការពារ ហ្គាប្រីយែល និង វីលៀម សាលីបា មានភាពភ័យខ្លាចខុសពីធម្មតាក្រោមសម្ពាធ។

“វាពិតមែនថាថ្ងៃនេះយើងមានភាពច្របូកច្របល់បន្តិច ជាពិសេសនៅពេលប្រកួតកាន់តែវឹកវរ ឬនៅពេលពួកគេលេងដោយផ្ទាល់” អាតេតាបាននិយាយ។

“ជាធម្មតា យើងមានភាពស្ងប់ស្ងាត់ច្រើនជាងនេះ ថ្ងៃនេះយើងខ្វះបន្តិច ហើយប្រកួតក៏គេចផុតពីដៃយើង។”

អាសេណលបានធ្លាក់ចេញពី FA Cup រួចហើយ ដូច្នេះពួកគេនឹងប្រើប្រាស់ថ្ងៃចុងសប្តាហ៍ដ៏កម្រនេះ ដោយធ្វើដំណើរទៅទីក្រុងឌូបៃសម្រាប់ការហ្វឹកហាត់នៅអាកាសធាតុក្តៅ ដែលអាតេតាសង្ឃឹមថានឹងផ្តល់ថាមពលសម្រាប់ការប្រកួតប្រជែងពានរង្វាន់ Premier League នៅខែចុងក្រោយ។

“ទីមួយ ខ្ញុំគិតថានេះនឹងជាការឈឺចាប់មួយ ហើយខណៈពេលយើងនៅឌូបៃ សាកថ្មជាថ្មី រួចចាប់ផ្តើមម្តងទៀត ព្រោះយើងនៅមានច្រើនដែលត្រូវប្រកួត” អាតេតាបាននិយាយ។

លោកនឹងត្រូវសង្ឃឹមថា ហ្គាប្រីយែល ម៉ាទីណេលលី ដែលបានដើរខ្ជោកជាមួយនឹងរបួសសាច់ដុំភ្លៅនៅពាក់កណ្តាលទីមួយ មិនមានរបួសធ្ងន់ធ្ងរពេកទេ។

អាសេណលបាត់បង់ ហ្គាប្រីយែល ចេស៊ុស និង ប៊ូកាយ៉ូ សាកា រួចទៅហើយ ហើយមិនបានទិញខ្សែប្រយុទ្ធបន្ថែមនៅក្នុងពេលផ្ទេរកីឡាករទេ។

“គេមានអារម្មណ៍អ្វីមួយ ខ្ញុំគិតថាវាជាសាច់ដុំភ្លៅរបស់គេ ហើយគេមិនមានភាពងាយស្រួលក្នុងការបន្តលេង ដូច្នេះយើងនឹងត្រូវធ្វើការស្កេន MRI នៅថ្ងៃស្អែក ដើម្បីមើលកម្រិតនៃរបួស” អាតេតាបាននិយាយ៕

ប្រភព៖ Reuters