ប្រែសម្រួល៖ តារា
ប៊ីមីងហ្គេម, អង់គ្លេស៖ អាស្តុនវីឡាបានត្រឡប់ពីការនាំមុខមកឈ្នះវែសហេម យូណៃធីដ ២-១ ក្នុងវគ្គទី៣នៃពាន FA Cup កាលពីថ្ងៃសុក្រ បន្ទាប់ពីគ្រាប់បាល់ដ៏ចម្រូងចម្រាសមួយរបស់ អាម៉ាឌូ អូណាណា និងការស៊ុតបញ្ចូលទីរបស់ ម៉ឺហ្គេន រ៉ូចឺស បានបដិសេធជ័យជម្នះរបស់លោក ក្រាហាម ផតទ័រ ក្នុងការប្រកួតដំបូងរបស់គាត់ក្នុងនាមជាគ្រូបង្វឹកក្រុមភ្ញៀវ។

មួយថ្ងៃបន្ទាប់ពីលោក ផតទ័រ ត្រូវបានបង្ហាញខ្លួនជាអ្នកជំនួសលោក ជូលេន ឡូពេតេហ្គី, លូកាស ផាកេតា បានស៊ុតបញ្ចូលទីឱ្យវែសហេមនៅនាទីទី៩ ពេលដែល ក្រីសេនស៊ីយ៉ូ សាមើវីល បានបញ្ជូនបាល់កាត់ទៅក្នុងប្រអប់គ្រោះថ្នាក់ដែលកីឡាករប្រេស៊ីលរូបនេះបានស៊ុតបញ្ចូលទី។
ប៉ុន្តែវីឡាបានលេងកាន់តែប្រសើរឡើង ហើយ អូណាណា បានស៊ុតបាល់តាមស្មើនៅនាទីទី៧១ ពីកូនកាច់ដ៏ចម្រូងចម្រាស ពេលដែល លូកាស ហ្វាបៀនស្គី បានសង្គ្រោះការស៊ុតរបស់ អ៊ីយ៉ាន ម៉ាតសេន មុនពេលខ្សែបម្រើរូបនេះវាយបាល់បញ្ចូលទី។

វែសហេមបានជំទាស់ថាកូនកាច់មិនគួរត្រូវបានផ្តល់ឱ្យទេ ហើយការបញ្ចាំងឡើងវិញតាមទូរទស្សន៍បង្ហាញថាពួកគេមានហេតុផល ដោយ អូណាណា បានស៊ុតបាល់ចេញពីបន្ទាត់ទី ដោយគ្មានកីឡាករភ្ញៀវនៅក្បែរនោះទេ។

លោក ផតទ័រ បានប្រាប់ BBC ថា៖ “យើងភ្ញាក់ផ្អើលដែលវាជាកូនកាច់។ ប៉ុន្តែអាជ្ញាកណ្តាលបានសម្រេចហើយ។ គ្មានអ្វីដែលយើងអាចធ្វើបានទេឥឡូវនេះ។”

រ៉ូចឺស បានស៊ុតគ្រាប់បាល់ឈ្នះសម្រាប់ក្រុមម្ចាស់ផ្ទះប្រាំនាទីក្រោយមក ដោយស៊ុតបាល់បញ្ជូនដោយ អូលី វ៉តគីន ចូលទៅក្នុងកោណទី។

រ៉ូចឺស បានប្រាប់ ITV ថា៖ “វាបង្ហាញពីជំនឿជឿជាក់យ៉ាងច្រើននៅក្នុងបន្ទប់ប្តូរសម្លៀកបំពាក់ដែលយើងដឹងថាយើងអាចត្រឡប់មកវិញប្រឆាំងនឹងក្រុមណាក៏បាន។”

វីឡាត្រូវបានឈែលស៊ីវាយចេញក្នុងវគ្គទី៤កាលពីឆ្នាំមុន ប៉ុន្តែឥឡូវបានឈានដល់ដំណាក់កាលនេះក្នុងរដូវកាលជាប់គ្នាជាលើកដំបូងចាប់តាំងពីឆ្នាំ ២០១៤-១៥ និង ២០១៥-១៦។

គ្រូបង្វឹកវីឡា លោក អ៊ូណៃ អេមេរី បាននិយាយថា៖ “ខ្ញុំសប្បាយចិត្តណាស់ព្រោះយើងលេងបានល្អណាស់។ យើងកំពុងកាន់តែខ្លាំងឡើង និងកាន់តែមានឥទ្ធិពល។ យើងបញ្ចប់យ៉ាងខ្លាំង។ ការឈ្នះគឺសំខាន់ណាស់សម្រាប់ទំនុកចិត្ត។”

របួសគឺជារឿងរ៉ាវនៃវគ្គទីមួយដ៏គួរឱ្យធុញទ្រាន់ភាគច្រើន ដោយវែសហេមបាត់បង់ខ្សែប្រយុទ្ធ នីក្លាស ហ្វុលក្រុក ដោយសារបញ្ហាសាច់ដុំភ្លៅបន្ទាប់ពី១៦នាទី មុនពេល រស បាក្លី របស់វីឡារងរបួសជើងប្រាកដប្រជា ៧នាទីក្រោយមក។

ក្រុមវែសហេម (West Ham) ពិតជាសមនឹងនាំមុខ ១-០ នៅចុងវគ្គទីមួយ ប៉ុន្តែវីឡាបានខិតខំប្រឹងប្រែងក្នុងវគ្គទីពីរដើម្បីឈានទៅរកការនាំមុខ។

ខ្សែប្រយុទ្ធវែសហេម ដេនី អ៊ីងស៍ មានឱកាសល្អពីរដងនៅម៉ោងបន្ថែម ប៉ុន្តែការស៊ុតដំបូងរបស់គាត់ត្រូវបានទប់ស្កាត់ដោយ រ៉ូចឺស ហើយគាត់មិនអាចរៀបចំជើងរបស់គាត់សម្រាប់ការស៊ុតទីពីរបានទេ ដោយស៊ុតបាល់ខ្ពស់និងខុសគោលដៅខណៈពេលដួល ខណៈដែលលោក ផតទ័រ កប់មុខដោយដៃរបស់គាត់។

លោក ផតទ័រ បាននិយាយថា៖ “កីឡាករមានសប្តាហ៍ដ៏ធំមួយ សប្តាហ៍ដ៏លំបាកមួយ។ យើងត្រូវការស្តារកម្លាំង និងធ្វើឱ្យស្រស់ស្រាយឡើងវិញ។”

នៅក្នុងការប្រកួតផ្សេងទៀតនៅយប់នោះ ក្រុមលីកទី១ (លីកទីបី) វីខូម បានឈានទៅមុខដោយឈ្នះ ២-០ លើក្រុមឆេមភៀនស៊ីប ផតស្ម៉ាត នៅកីឡដ្ឋានខ្លួនឯង ជាមួយនឹងគ្រាប់បាល់នៅវគ្គទីមួយពី ប្រេនដុន ហេនឡេន និង សូនី ប្រេដលី៕
ប្រភព៖ រ៉ូយទ័រ