ដោយ៖ សុខុម
ក្រចេះ៖ សមត្ថកិច្ចកំពុងកសាងសំណុំរឿងបញ្ជូនទៅតុលាការករណីគ្រោះថ្នាក់ចរាចរណ៍បាត់បង់ជីវិតមនុស្សចំនួន២នាក់ កាលពីថ្ងៃទី២០វិច្ឆិកា២០២៤ នៅលើដងផ្លូវភូមិអូរឫស្សី៣ សង្កាត់អូរឫស្សី ក្រុងក្រចេះ ខេត្តក្រចេះ។
សមត្ថកិច្ចបាននិយាយថា៖ នៅពេលកើតហេតុ រថយន្តម៉ាកហ៊ីយ៉ាន់ដាយប្រភេទដឹកទំនិញមួយគ្រឿងបើកបរក្នុងទិសដៅពីជើងទៅត្បូង។ពេលមកដល់កន្លែងគ្រោះថ្នាក់ រថយន្តបត់ទៅទិសខាងលិចចូលផ្លូវលំក៏បុកអ្នកជិះម៉ូតូមានគ្នា២នាក់ស្លាប់ភ្លាមៗតែម្តង។
សមត្ថកិច្ចបានចុះទៅដល់កន្លែងរថយន្តបុកម៉ូតូ បានបញ្ជាក់ថា៖ ជនរងគ្រោះឈ្មោះ ណេង កុសល ភេទប្រុសអាយុ៦២ឆ្នាំ និងអ្នករួមដំណើរឈ្មោះអ៊ូមុំភេទស្រី អាយុ៤០ឆ្នាំ រស់នៅភូមិឃុំកើតហេតុ បាត់បង់ជីវិតទាំងពីរនាក់។ ចំណែកអ្នកបើកបររថយន្តឈ្មោះស្នាទី ភេទប្រុស អាយុ១៨ឆ្នាំ រស់នៅភូមិ១០៥ ឃុំថ្មី ស្រុកចិត្របុរី ខេត្តក្រចេះ និងអ្នករួមដំណើរសមត្ថកិច្ចចាប់ខ្លួនយកទៅសាកសួរដើម្បីបន្តតាមនីតិវិធីច្បាប់៕
