ដោយ៖សហការី
យុវជនម្នាក់ បានជិះម៉ូតូ ក្នុងល្បឿនលឿន ជ្រុលទៅបុកកូនគោញីមួយក្បាល ដែលរត់ឆ្លងកាត់ផ្លូវបណ្តាលឲ្យគោនោះ ងាប់ភ្លាមៗនៅនឹងកន្លែង ហើយយុវជននោះរងរបួសជាទម្ងន់ ។
ករណីជិះម៉ូតូបុកគោងាប់នេះបានកើតឡើងកាលពីម៉ោងជាង៣រសៀលថ្ងៃទី៣០ ខែតុលា ឆ្នាំ២០២៤ នៅតាមផ្លូវជាតិលេខ៣ ស្ថិតក្នុងភូមិស្រែញរ សង្កាត់ពងទឹក ខណ្ឌដង្កោ រាជធានីភ្នំពេញ ។
ជនរងគ្រោះភ្លាមៗនោះគឺគេនៅមិនទាន់បានស្គាល់ឈ្មោះនៅឡើយទេ។ គេគ្រាន់តែបានដឹងថា មានអាយុប្រហែល១៥ឆ្នាំ មុខរបរជាអ្នករកត្រី មានទីលំនៅ ភូមិព្រៃសណ្តែក សង្កាត់ចោមចៅ២ ខណ្ឌពោធិ៍សែនជ័យ រងរបួសបាក់ជើងខាងឆ្វេង។
ក្រោយពីគ្រោះថ្នាក់កើតឡើងភ្លាមៗយុវជនរងគ្រោះត្រូវបានរថយន្តសង្គ្រោះរបស់អង្គភាព៧១១កងពលតូចលេខ៧០ដឹកបញ្ជូនទៅកាន់មន្ទីពេទ្យ កុមាជាតិ៕
