ប្រែសម្រួល៖ រតនា
អ្នកស្រី Olena Zelenska ដែលជាស្ត្រីទីមួយរបស់អ៊ុយក្រែនបាននិយាយនៅក្នុងបទសម្ភាសន៍ថ្មីមួយថាសង្រ្គាមដែលកំពុងតែបន្តជាមួយរុស្ស៊ីបានក្លាយជានិមិត្តរូបស្លាប់រស់នៃចំណងអាពាហ៍ពិពាហ៍របស់នាងជាមួយស្វាមីនាងគឺលោកប្រធានាធិបតី Volodymyr Zelenskyy ។
ស្ត្រីទីមួយអ្នកស្រីOlena Zelenska បាននិយាយថានាងបានជួយជំរុញការដឹកនាំរបស់លោ Volodymyr Zelenskyyឲ្យមានភាពរឹងមាំក្នុងការប្រឈមមុខនឹងសង្រ្គាមប្រកបដោយការបង្ហូរឈាមដែលកំពុងតែបន្តជាមួយរុស្ស៊ី និងបង្កឲ្យមានសភាពចលាចលផ្នែកនយោបាយផ្ទៃក្នុងរបស់ពួកគេទាំងនេះគឺជា “ភស្តុតាង”បង្ហាញថានាងបានរៀបការជាមួយដៃគូស្លាប់រស់ដ៏ត្រឹមត្រូវតាំងពី២០ ឆ្នាំកន្លងមក។
អ្នកស្រីOlena Zelenska បានប្រាប់អ្នកយកព័ត៌មានDaily Mail នៅការិយាល័យប្រធានាធិបតីក្នុងទីក្រុង Kyiv ថា “យើងបានជួយគ្នាទៅវិញទៅមកនៅក្នុងគ្រាអាសន្ន” ។នាងបានបន្តថា៖ “ខ្ញុំគិតថាខ្ញុំមិនបានធ្វើឲ្យគាត់ចុះចាញ់សត្រូវនោះទេ”។
អ្នកស្រី Olena Zelenska បាននិយាយជាភាសាអ៊ុយក្រែនទៅកាន់អ្នកយកព័ត៌មានថា គាត់ និងកូនរបស់គាត់ទាំងពីរនាក់បានរស់នៅដាច់ដោយឡែកពីលោកប្រធានាធិបតី Volodymyr Zelenskyy ចាប់តាំងពីរុស្ស៊ីបានចូលឈ្លានពាននៅក្នុងខែកុម្ភៈ ឆ្នាំ ២០២២។
លោក Volodymyr Zelenskyy បានជ្រើសរើសការស្នាក់នៅក្នុងប្រទេសដែលកំពុងតែមានសង្រ្គាមបើទោះបីជាគាត់ត្រូវបានផ្តល់ឱកាសឲ្យគេចខ្លួនហើយជ្រកកោនដោយសុវត្ថិភាពក៏ដោយ។
ភាពក្លាហានរបស់លោក Volodymyr Zelenskyy បានធ្វើឲ្យស្ត្រីទីមួយ Olena Zelenska ស្រឡាញ់ស្វាមីរបស់នាងកាន់តែខ្លាំងឡើងបើទោះបីជាមានឱកាសតិចតួចក្នុងការចំណាយពេលជាមួយនិងលោក Volodymyr Zelenskyy គឺជាដៃគូស្លាប់រស់នៅក្នុងជីវិតរបស់នាង។
អ្នកស្រីOlena Zelenska បាននិយាយថា “ខ្ញុំនិយាយដោយស្មោះត្រង់ខ្ញុំមានមោទនភាពចំពោះគាត់ខ្ញុំបានជ្រើសរើសមនុស្សម្នាក់ដែលត្រឹមត្រូវ “។
“នៅក្នុងព្រឹតិ្តការណ៏ដ៏គួរឲ្យភ័យខ្លាចខ្ញុំមិនដែលសង្ស័យអំពីការប្រែប្រួលអាកប្បកិរិយារបស់គាត់នោះទេហើយខ្ញុំកាន់តែមានមោទនភាពចំពោះភាពអត់ធន់របស់គាត់។
អ្នកស្រី Olena Zelenskaក៏បានបញ្ជាក់យ៉ាងច្បាស់ផងដែរថាគាត់មិនដែលបង្ហាញអាកប្បកិរិយាស្អប់ខ្ពើមប្រធានាធិបតីរុស្ស៊ី លោក Vladimir Putinម្តងណានោះទេ ។
យោងតាមសម្តីរបស់ស្ត្រីទីមួយ អ្នកស្រីOlena Zelenska ថាប្រទេសរុស្ស៊ីកំពុងត្រូវបានគ្រប់គ្រងដោយ “មេដឹកនាំដែលមានចរិតដូចសត្វចម្លែក” ។
ក្នុងខណ:ដែលត្រូវបានសួរថាតើគាត់មានការព្រួយបារម្ភអំពីលទ្ធភាពរបស់លោក Donald Trump ដែលបាននិយាយនៅក្នុងពេលឃោសនាថានឹងកាត់បន្ថយជំនួយសម្រាប់យោធាអ៊ុយក្រែនប្រសិនបើគាត់ឈ្នះការបោះឆ្នោតឡើងវិញនោះអ្នកស្រី Olena Zelenska បាននិយាយថានាងសង្ឃឹមថាគ្មានអ្វីដែលអាចនិយាយជាមុនបានក្រៅពី “ការរំពឹងទុកនោះទេ”។
អ្នកស្រី Olena Zelenska បាននិយាយថា “មានប្រទេសជាច្រើនទៀតដែលផ្ញើក្តីសង្ឃឹមរបស់ខ្លួនដោយរំពឹងទៅលើការបោះឆ្នោតប្រធានាធិបតីនៅអាមេរិករួមទាំងប្រទេសយើងផងដែរ”។
ក្រុមមន្ត្រីអ៊ុយក្រែនបានធ្វើការប៉ាន់ស្មានថា ជនស៊ីវិលអ៊ុយក្រែនជាង ១១,០០០ នាក់ត្រូវបានសម្លាប់ចាប់តាំងពីសង្គ្រាមផ្ទុះឡើងកាលពី ១៨ ខែមុន ក៏ដូចជាទាហានរបស់ខ្លួនត្រូវបានស្លាប់ជាង ១០ ម៉ឺននាក់។
កាលពីថ្ងៃសៅរ៍កងទ័ព រុស្ស៊ីបានបាញ់មីស៊ីលឆ្លងទ្វីប និងទម្លាក់គ្រាប់បែកពីលើអាកាសក្នុងទឺកដិអ៊ុយក្រែនបានបង្កឲ្យមានការផ្ទុះឆេះជាច្រើនកន្លែងនៅក្នុងទីក្រុង Sumy និងបានសម្លាប់ទាហានអ៊ុយក្រែនចំនួនពីរនាក់។
វិមានក្រឹមឡាំងក៏បានបង្ហោះដ្រូន kamikaze ពេញមួយយប់ចូលទៅក្នុងដែនអាកាសអ៊ុយក្រែនកាលពីថ្ងៃសុក្រ។ការវាយប្រហារនេះបានកើតឡើនៅងក្នុងខណៈពេលដែលយោធាអ៊ុយក្រែនកំបន្តវាយរុលចូលទៅក្នុងទឹកដីរុស្ស៊ីកាន់តែជ្រៅ។។
ទីក្រុងមូស្គូមានការភ្ញាក់ផ្អើលយ៉ាងខ្លាំងនៅពេលដែលយោធាអ៊ុយក្រែនបានវាឆ្លងផ្លូវចូលទៅក្នុងទីក្រុង Sudzhe នៅក្នុងតំបន់ Kursk នៅក្នុងសប្តាហ៍នេះ។
អ្នកជំនាញយោធាបារាំងម្នាក់បានបន្ទោសរុស្ស៊ីចំពោះការអសមត្ថភាពក្នុងការតាមដានចលនាទ័ពរបស់អ៊ុយក្រែន។
អ្នកស្រាវជ្រាវនៅវិទ្យាស្ថាន IESD ក្នុងទីក្រុង Lyon លោក Yohann Michel បានប្រាប់អ្នកយកព័ត៌មានរ៉យទ័រថា “រុស្ស៊ីបរាជ័យលើផ្នែកស៊ើបការណ៍សម្ងាត់ទាំងស្រុង” ៕