ដោយ៖តារា

ដំរីនៅក្នុងសួនសត្វ Bronx Zoo របស់អាមេរិកមិនត្រូវបានគេប្រទះឃើញជាសាធារណៈអស់រយៈពេលជាងពីរសប្តាហ៍មកហើយ ជាហេតុបង្កឲ្យមានការព្រួយបារម្ភជុំវិញបញ្ហាសុខភាពរបស់វា។

បើទោះបីជាភ្នាក់ងារសួនសត្វបានអះអាងថាដំរី Happy មានសុខភាពល្អក៏ដោយក៏សកម្មជនអភិរក្សគិតថាវាអាចជារឿងអាថ៌កំបាំងច្រើនជាង ហើយអ្នកទស្សនាបានបង្ហោះសារប្លែកៗកាលពីរសៀលថ្ងៃអង្គារ។

លោក Tony អ្នកស្រុក Westchester បាននិយាយថា ក្រុមគ្រួសាររបស់គាត់បានឃើញដំរីផ្សេងទៀត ឈ្មោះ Patty នៅក្នុងសួនសត្វ Bronx Zoo ។

Jossie ដែលជាម្តាយមានកូនពីរនាក់មកពីសាធារណរដ្ឋដូមីនីកែនបានមកលេងនៅសួនសត្វ Bronx Zoo បាននិយាយបែបលេងសើចថា Happy គឺ “ជាដៃគូដ៏ល្អ” ជាមួយ Patty ។

Jossie បាននិយាយថា “ខ្ញុំមិនដឹងថា Happy អាចនៅទីណាទេ ប៉ុន្តែខ្ញុំគិតថាវាបានរត់ចេញទៅក្រៅ ហើយវាទទួលបានអ្វីមួយសម្រាប់ Patty” ។

Carlos Bonaparte អាយុ ៣៩ ឆ្នាំ ជាអ្នករស់នៅទីក្រុង East New York ដែលកំពុងទៅលេងសួនសត្វជាមួយកូនប្រាំនាក់របស់គាត់បាននិយាយថាសុខភាពរបស់ Happy មិនមែនជារឿងគួរឲ្យបារម្ភនោះឡើយ ។

Bonaparte បានបន្តថា “ខ្ញុំគិតថាមានអ្វីខុសប្រក្រតីសម្រាប់ Happy ប្រសិនបើវាមិនត្រូវបានគេឃើញជាសាធារណៈ” ,“ពួកវាទាំងពីរពិតជាចាស់ណាស់ហើយ ហេតុនេះហើយវាអាចទាក់ទងនឹងសុខភាពច្រើនជាង»។

មន្ត្រីសួនសត្វបានចេញសេចក្តីថ្លែងការណ៍មួយកាលពីសប្តាហ៍មុនដោយនិយាយថា Happy មានសុខភាពល្អឥតខ្ចោះ តែមិនត្រូវបានដាក់នៅកន្លែងដែលអ្នកទស្សនាអាចមើលឃើញវានោះទេ។

បុគ្គលិកសួនសត្វបាននិយាយនៅក្នុងសេចក្តីថ្លែងការណ៍មួយថា “គ្មានអ្វីខុសប្រក្រតីសម្រាប់ Happy” នោះទេ។

“ទាំង Happy និង Patty មានអាយុ ៥០ ឆ្នាំ ហើយដូចដែលយើងបានរាយការណ៍ជាប្រចាំថាវាមានសុខភាពល្អប្រសើរ តែHappy មិនត្រូវបានរក្សាទុកនៅកន្លែងដែលគេអាចមើលឃើញពីផ្លូវសាធារណៈ monorail នោះទេ ដូច្នេះហើយមានតែ Patty គឺជាដំរីដែលភ្ញៀវមើលឃើញក្នុងពេលថ្មីៗនេះ”។

បុគ្គលិកសួនសត្វបានបន្ថែមថា ” អ្នកនឹងមើលឃើញ Happy ជាថ្មីម្តងទៀត” ។

ប៉ុន្តែអ្នកឃ្លាំមើលកំពុងតស៊ូមតិដើម្បីសេរីភាពរបស់ Happy ចាប់តាំងពីឆ្នាំ ២០១៨ ពួកគេបានធ្វើការកត់សម្គាល់កាលពីសប្តាហ៍មុនតាមរយៈប្រព័ន្ធផ្សព្វផ្សាយសង្គមថា”ការរក្សាទុក” មិនផ្លាស់ទីគឺមិនមែន “ជារឿងធម្មតាបានន័យថាវាមិនមានសុខភាពល្អនោះទេ។

ក្រុមសកម្មជនបានបង្ហោះសារកាលពីសប្តាហ៍មុនបន្ទាប់ពីបានដាក់ពាក្យបណ្តឹងស្តីពីបញ្ហាសុខភាពរបស់វាជាមួយអង្គការ USDA ថា “មានអ្វីមួយខុសប្រក្រតីកើតឡើងជាមួយ Happyហើយ” ។

ពួកគេលើកហេតុផលឡើងថា “យើងបារម្ភថា Happy មិនត្រូវបានគេមើលឃើញពីព្រោះ៖ 1) វាមិនអាចដើរចេញពីក្នុងជម្រកបាន៖ 2) វារងទុក្ខលំបាកផ្លូវចិត្តដោយសារតែវាឯកាយូរក្នុងបរិយាកាសអាក្រក្រ់ ហើយបដិសេធមិនព្រមចេញពីជម្រក និង៖ ៣) ឬក៏វាត្រូវបានគេបង្ខាំងមិនឲ្យចេញទៅក្នុងទីធ្លាធំ”។

“ការបង្ខាំង Happy នៅក្នុងជម្រកយ៉ាងហោចណាស់មួយសប្តាហ៍បានបង្កឲ្យមានការព្រួយបារម្ភយ៉ាងខ្លាំងលើបញ្ហាផ្លូវកាយ និងផ្លូវចិត្តដែលធ្វើឲ្យវាបានរងទុក្ខលំបាកអស់ជាច្រើនទសវត្សរ៍មកហើយរហូតមកទល់នឹងពេលនេះដែលបង្កឲ្យមានវិបត្តិផ្លូវចិត្តយ៉ាងធ្ងន់ធ្ងរ។”

សំណើសុំការអត្ថាធិប្បាយរបស់អ្នកឃ្លាំមើលពីសួនសត្វ Bronx ទាក់ទងនឹងកត្តាដែលអាចកើតមាន ចុងក្រោយបំផុតនៃប្រភេទសត្វទាំងអស់នេះនៅក្នុងសប្តាហ៍នេះមិនត្រូវបានទទួលការឆ្លើយតបមកវិញភ្លាមៗនោះទេ។

Happy ត្រូវបានក្លាយជាប្រធានបទក្តៅដែលបានទាក់ទាញចំណាប់អារម្មណ៍សារធារណជនកាលពី ២ ឆ្នាំមុននៅពេលដែលសាលាឧទ្ធរណ៍ទីក្រុងញូវយ៉កបានសម្រេចថា Happy មិនមែនជា “មនុស្ស” ហើយបានច្រានចោលពាក្យបណ្តឹងដែលព្យាយាមស្នើសុំឲ្យដោះលែងដំរី Happy ដោយសំអាងលើច្បាប់ habeas corpus ដែលជាគោលការណ៍ច្បាប់ប្រើសម្រាប់មនុស្សជាប់ពន្ធនាគារខុសប្រក្រតី៕