ប្រែសម្រួល៖សហការី

DUESSELDORF ប្រទេសអាឡឺម៉ង់៖ ខាងក្រោមនេះគឺជាប្រតិកម្មចំពោះជ័យជម្នះ 1-0 របស់បារាំងលើអូទ្រីសក្នុង Euro 2024 ពូល D កាលពីថ្ងៃចន្ទ ដោយ Max Wober បានស៊ុតបាល់បញ្ចូលទីខ្លួនឯងនៅនាទីទី 38 ។

លោក Didier Deschamps អ្នកចាត់ការទូទៅរបស់ក្រុមជម្រើសជាតិបារាំង៖ “រីករាយជាមួយនឹងអ្វីដែលកីឡាករបានធ្វើ បើទោះបីជាយើងខកខានឱកាសក្នុងការបង្កើនចំនួនពីរដងក៏ដោយ។ វាមិនល្អឥតខ្ចោះទេ ប៉ុន្តែយើងរឹងមាំ។ យើងអាចវាយលុកប្រកបដោយប្រសិទ្ធភាពជាង ប៉ុន្តែវាជាការល្អក្នុងការចាប់ផ្តើមជាមួយនឹងជ័យជម្នះ។

“មានគុណភាព និងភាពប៉ិនប្រសប់ ប៉ុន្តែការរឹងមាំ និងការធ្វើការជាមួយគ្នាក៏ជារឿងសំខាន់ផងដែរ។ យើងនឹងមិនមានភាពជឿជាក់ហួសហេតុនោះទេ ប៉ុន្តែវាជាការចាប់ផ្តើមដ៏ល្អ។”

Deschamps លើការសង្ស័យថាបាក់ច្រមុះរបស់ប្រធានក្រុម Kylian Mbappe ថា “(ច្រមុះរបស់គាត់) មិនល្អទាល់តែសោះ។ ទោះបីជាវាគ្រាន់តែជាច្រមុះក៏ដោយ វាជាចំណុចអវិជ្ជមានដ៏ធំសម្រាប់ពួកយើងនៅយប់នេះ”។

ខ្សែបម្រើសញ្ជាតិបារាំង និងជាបុរសនៃការប្រកួត N’Golo Kante៖ “វាចាប់ផ្តើមបានល្អ។ អ្វីគ្រប់យ៉ាងគឺមិនល្អឥតខ្ចោះទេ ប៉ុន្តែយើងមានលទ្ធផលដែលយើងចង់បាន នេះជាការចាប់ផ្តើមដ៏ល្អ។ មានមូលដ្ឋានរឹងមាំ យើងត្រូវតែមានប្រសិទ្ធភាពជាងមុន។

“វាធ្វើឱ្យខ្ញុំសប្បាយចិត្តដែលបានត្រឡប់មកវិញ។ អ្វីៗបានផ្លាស់ប្តូរ ធ្វើឱ្យមានអារម្មណ៍ល្អក្នុងការត្រឡប់មកពេលនេះ។”

ប្រភព៖ Reuters